رواية يا اجمل الوحوش الفصل الثاني والعشرين 22 بقلم رسل فهد
يا أجمل الوحوش
- رُسل فَهد
...
27
گلبي كُتلة من العواطف
و انتَ كُتلة نرجسية
منين اجيت و صِرت بية ؟
و أنا هذا الهوى الـ يدخل
ما أفـوتة بـلا هوية
- رُسل فَهد
...
47
" روز "
32
جُمارة بيدها الغراض وكفت بالباب و تغريد اول ما سدت الباب
و اجت لصفحتي حتى تفتح الباب قَفل السيارة و مشى سريع
درت وجهي اشوف تغريد تركض وره السيارة و هو يسوق
بسرعة قوية يخوف كمت اصيح و ابجي و أضرب بالجامة قوي
كام يدخل بأفرع هواي و هو حرف ما نطق
112
طبب السيارة بكراج مال بيت و نزل سريع فتح الباب و جر ايدي
قوي خله ايدة على خلگي يسكتني طببني للبيت سحل من صدك سحل
لان شمرت روحي بالگاع حتى أصير اثگل و مايگدرلي
101
تالي سحلني شفت الوضع بده يسوء و كلشي يصير يخوف اكثر
دموعي تجري وهو يجر بية من دنگ راد يشيلني بجيت بصوت عالي
روز : عليك الله والله اني يتيمة
- و أنا شنو كاتل اهلج
438
گومني و طببني البيت فارغ مابي و لا قطعة اثاث طبيت للغرفة
بيها بس كرسي و حبل باوعتلة بخوف
روز : عليك الله لا تشدني والله ما اشرد انتَ ليش خطفتني
اني حتى اهل ما عندي
73
- أنا اريد فلوس مو اهلج ترى
روز : منو يطيك والله اهلي ميتين
- اشتعلوا اهلج شنو چلبتي ، زِناد موجود
266
روز : زِناد ؟ ، ترى جُمارة حبيبتة مو اني
- جا انتِ خالة ، نعال
345
روز : حباب اني اخاف
كعدني على الكرسي و بيدة الحبل يشدني بي جان بيدي صبغ
أظافر اخذة و خلاه بجيبة و شد ايدي و دموعي تجري
عقلي كام يتخيل أشكال و الوان كذلتي بحلگي و ماكدر أطلعها
77
صفگ ايدة و ابتعد عني
- يالله خل نشوف زِناد شكد يدفعلج
روز : كلشي ميدفعلي ترى والله كتلك اني كلشي ما أصيرله
79
- هسة عود إذا ما دفعلج نستفاد منج بغير طريقة
ما نشمرج
172
اباوع لأيدي ترجف مد ايدة على وجهي صرخت طلع گذلتي من حلگي
طلع و سد الباب و اني ابجي بصوت عالي يا رب خلصني منه
اباوع لثوبي الأبيض الصار كله تراب و دموعي من توگع على ثوبي
نقاط سود من وره الكحلة
64
مر وقت طويل و طَب الغرفة مابيها غير بردة شمر فراش و بطانية
بالگاع وطلع اجة بيدة كرسي كعد گبالي أباوع لملامحة
العيون زرگ و الشارب اشگر شكلة مو يم تصرفاتة
كل ما يحچي يبرم شاربة
589
نزلت عيني اباوع لثوبي جر أيدي و طلع صبغ الأظافر من جيبة فتحة
- اسمج روز مو ؟ شنو اليوم خطوبتج
- اي
- شنو بِت حرملة انتِ و تعرسين بعاشور
434
روز : بدون حفلة بس عقد
- شيشتغل المحروس
- ضابط
- لا يابة لا ، إلعب يعني الحكومة
197
بقيت ساكته فاتحة حلگي بخوف و هو يصبغلي اظافيري
على كيف ادية ترجف وًهو مثبتهن
- خل نحظرج للضابط
355
كمت أبچي بصوت عالي عافني و مد ايدة يفتح الحبل
- نامي يالله لچ
96
اباوع للكرسي و الحبل الملفوف عليه و شكل الغرفة الفارغة يخوف
بقى كاعد هو على الكرسي گبالي أندگ باب الغرفة فتحة و اخذ علاگة
من واحد وهو يضحك خلاها يمي وهو منتچي على الكرسي يباوعلي
اني ارفع عيني و انزلها بسرعة من الخوف
44
- آكلي أحنه ترى صحيح حرامية بس نخاف الله
روز : ما أريد عفية
- تردين الضابط ؟
هزيت راسي بـ لا و دموعي تجري
167
صاح واحد من بره محَـمد
- و سم شكو
فتح الباب و طلع يضحك شوية و رجع للغرفة گعد اجذب لو اكول نمت
دقيقة ما غمضت عيني جنت مغمضتهن جذب جان منتجي على الكرسي وايدة اثنينهن وره راسة و يباوعلي سارح بغير عالم
و مبتسم
729
لـو چِنت أعرفك منـو ،
چان الحَچي تغَيـر
....
484
"عالية"
48
هذا كله بـ چفة و من عاينت لروحي بردانة و الگاني بطرگ تيشيرت
نص ردان صيفي مال ولد ركزت اكثر من عاينتلة هذا نازع تيشيرتة و ملبسنيا تجمدت بمكاني و احس اقوى صخونة بالعالم ما توصل لحرارة فشلتي شلون أعاين بوجهة بعد رديت غمضت عيوني قوي
صوت الآذان يأذن عالي
36
صارت أصوات البيبان مالتهم تنفتح و هوسة اخوانة و سوالفهم و هم
ينزلون من الدرج شوية و دگ تليفونة غمضت عيني قوي هوَ گعد
مد ايدة على گصتي و گام غطاني و طلع سد الباب
25
من طلع كعدت افرك براسي لسة ما مستوعبة الصاير بية عاينت
فراشي ملموم على صفحة و بالكاع قريب مكان راسي طاسة بيها
ماي و بنصها خاولي صغير حتى كمادات مسويلي و أنا ما ادري بروحي
70
صوت امهم يلعلع من الفجر گلت خل ارد أناملي ساعة بين ما يرحون
و تصيحني إعله الخبز و التنظيف تغطيت و اريد النوم يجيني ماكو
أنفتح الباب أنا دايرة وجهي هو يمشي و يقرا مقطع من قصيدة
كل يوم مقطع شكل يفتح قفل باب الكنتور و يدندن
39
بعدين صارت حركته يم الميز يعني جاي يمشط راح يروح
و الجو يگص گص بهذا البرد شلون يگدرون يطلعون قبل لا يطلع حسيته واگف يمي شوية و انمدت ايدة على گصتي ، و خرها
علي : گومي قفلي الباب وإذا صاحولج جوة لا تنزلين
أنا راح اكللهم مريضة
99
بقيت ساكتة لحد ما انطبگ الباب و صار هدوء
حسبت من واحد للعشرة و گمت قفلت الباب لگيت لفة على الميز
اخذتها و رجعت تغطيت اكل بيها جوه البطانية
مديت ايدي جوه الجرباية اخذت دشداشة ولبستها
60
حاولت انامن بكل طريقة ما كدرت طار النوم من عيني و الضوه بده
يطلع و بدن ينزلن أنا كاعدة لامة نفسي و بدة صوتها العالي يصعد
ليفوگ دكت الباب الطفلة و ما جاوبتها كامت من جوه تصيح بصوت عالي بـ اسمي عاااااالية عاااااااالية
غمضت عيوني كارهة حتى اسمي
49
جنت اني شايلة بيت اهلي كله طبخ و خبز و تنظيف بس بهذني
الأيام ما أشيل كلشي و امي من تشوفني ما تصخرني هي تطبخ و تنظف و تجيب النه خبز من المعمل
30
شوية و صار الباب يتكسر من وره دگتها القوية عبالك ناس هادة على ناس فرشت الفراش بسرعة حتى ما تشك بشيء و خليت طاسة المي جوه الجرباية وفتحت الباب اول ما فتحتة اندفعت قوي
طبت تعاين لوجهي و للغرفة
22
ضلت اكثر من دقيقة تباوع بلكي تلزم الها شي
من ايست عاينت لوجهي
ام سلام : مو اصيحلج ما تگولين ها هذا وجهج مال وحدة نايمة بس انتِ منو مربيج
24
عالية : لا عمة نايمة
- عمى العماج و عمى عَمتج على هاي القسمة الجابوها لاابنها
بقيت ساكتة ما جاوبتها مدت ايدها على دشداشتي من جهة الصدر
تعاين و أنا ألم بروحي ضربتني على ايدي
65
ام سلام : وخري شوووو خلي أعاين لا اذبحج
شمدري علاوي انتِ مريضة و عليج صخام عينج هااااا
عالية : أنا گتله
52
ام سلام : و شكوو تگليلة حتى تضحكين عليه
و يصير ضحية لمكسراتج من سمعتي يريد يتزوج بت اختي
كنتي تخبثين ولج فوگ ما ساقطة عينچ گوية
57
تحجي و كلساع تعض إصبعها ضربتني على زندي قوي و رادت تطلع
دارت وجهة عليه و هي تنفت من العصبية
ام : امشي عجني و خبزي لا احطج بالتنور والله
و اغسل عارج
76
غمضت عيوني قوي اصبر بنفسي طلع هذا الضيم الجان يقصد
زِناد راح اشوفة يمهم لميت شعري و لبست الشال و هي بعدهي تنزل من الدرج و تصيح يالله نززلي طلعت من الغرفة و مثل آمس
اسحل بروحي أنا و المعجنة حتى أنخل و من نخلت نزلتها درجاية درجاية لان ما اكدر أشيلها و صار علية الدرب دربين
18
نزلت لكيت مرت سلام تصب لجهالها ريوگ كاعدين بالمطبخ
كعدت يمهم عدها بنية صغيرة عمرها ثلاث سنوات شگرة تخبل
و تضحك للهوى الهاب صبت للكبار و صبتلي وياهم
و الصغيرة طنگرت مدري شتريد من امها
46
شالتها كعدتها على الكاونتر وتشهي بيها أعاين للبنية و الولد الكبار
يجيبون زيتون من الثلاجة ويحطون فوك البيضة عود عيون وأمهم
تصيح لا تلعبون بنعمة الله طبت للمطبخ و من عاينتني كاعدة ضلت
تفتر بس تريد الها حجة
ام سلام : هاي شبيها مطنگرة
آريج : ما ادري والله وحدها
50
- خاف لان هاي كاعدة بمكانها ، عاينتلي و گالت
شعدج حتى الجهال ما خلصت منج
آريج : عمة شلها دخل البت هي هاي حتى امس بالعشا
هم طنگرت
37
گمت اغسل و أنا أدعي رب العالمين ياخذ امانته من وكت
لأن أنا ادري اول و تالي راح اموت من القهر هنا صعدت فوگ انظف الغرفة والهضمة خانگتني فوگ الوجع
20
حضرت هدومي و خليتهن على الجرباية حتى اول ما اخبز أطب اسبح
شديت العلاليگ عدل لان من اخذت الدشداشة طشرتهن
رحمة و مرت مرتضى يسولفن بالممر و صوت ضحكهن عالي
بقيت كاعدة على الجرباية لازمة بطني توجعني
تمددت غطيت روحي دموعي تجري ما ادري شوكت غفيت
بس فزيت على صوتة وهو يخابر بالغرفة
18
كعدت مخترعة ما ببالي غير العجين و امهم تصيح يالله تعالوا تغدوا
عدلت شالي بسرعة و امشي سريع رغم الوجع ذابحني
علي : ويين
درت وجهي عليه التليفون بعده يم اذانة
عالية : أخبز مو عجنت
24
علي : خبزن ، نزلي تغدي
ما فرحت خلصت من الخبز لحد ما شلت هم إذا شافتني امه شراح تسوي اخذت هدومي و ردت افتح الباب
عالية : أنا ما اشتهي غده ما اريد گبل شوية تريكت
19
فتحت الباب و امشي و أتلفت منا و منا لحد ما طبيت للحمام
عصرت هدومي زين لان أسرهن على بيبان الكناتير رجلية ما تعيني اصعد للسطح أتگرم ، هوسة حجيهم جوة ما تدري تركز بيا صوت طبيت للغرفة هو ما موجود
16
تليفونة مشمور على الميز ركضت عليه فتحتة بدون رمز كتبت اسم شربك
طلعلي ايدية كامت ترجف و دموعي تجري شكد مشتاقتلة و مشتاقة لصوتة بست اسمه و خليت التليفون على صدري
32
من سمعت صوت على الدرج هديت التليفون بسرعة ودرت وجهي انفتح الباب فزيت بيدة ماعون اكل بس صغر عيونة من عاينلي و أنا ادية
ترجف بلعت ريگي
علي : شچنتي تسوين
عالية : ما ما سويت شي
- جا ليش وجهج اصفر
- مو اكلت بيضة صفرة
322
- شنووووو ؟
- ها ، مو توني سابحة
خلة الماعون على الميز و أنا اهدي بروحي اخذت الماعون اكل و الخاشوكة بيدي ترجف هو يعاينلي رافع حاجبة
19
فتح تليفونة ، يگلب بتليفونة و يعاينلي أنا غصيت باللگمة من الخوف
ما حِچـه وياي و لا واحد دز عليه حتى على الماعين اكلت و خليت
الماعون على الميز تمدد و خله ايدة على عيونة
19
كعدت بالكاع صافنة اريد انزل أساعد مرت سلام و اخاف لا اشوف
عمتي حتى تاكلني بسنونها راسي على رجلي و عقلي سارح
يتذكر حياتي القديمة و ذاك الدلال شلون خربته بيدي و سحلت روحي
للذل كوة
40
عيوني دمعت تمدتت و غطيت راسي حتى ابجي براحتي
صدمني العصر من طَب و عَلگ بالكنتور بدلة عسكرية
اخذ محفظته و تليفونة و طلع نزلت جوه عدنا خطار عمتي عجيبة
و چناينها ، عمتي تخزر بية هي و رحمة و عيونها تطلع شرار
84
سلمت على عجيبة و چناينها و رحت للمطبخ اريد اشوف مرت سلام
لگيتها واكفة تسولف وي مرت مرتضى
- ولج هدى اختي مشترية غراض يخبلن من يجيبوهن شوفيهن حتى نوصي امي تجيبلنة منهن
20
آريج : تجهز للعرس شبساع
- اي جا خالتي كالت الها بنفس الأسبوع نملچ و نعرس
كلشي جاهز و هي جاي تحضر تكول خاف ما الحگ
44
عالية : اسفة اليوم أخذتني النومة آريج والله
آريج : عادي حبي أنا و رحمة نظفنا طلعي كعك عالية من هاي الخانة
مديت ايدي فتحت الخانة رتبت الكعك بالماعون
و هي تصفط استكاين الچاي
17
اجت عمتي للمطبخ ترزل بصيغة جمع بس عينها علية
أندگ باب المطبخ عدلن حجاباتهن فتحت الباب مرت سلام
- هلا هلا شيخ تفضل بالمضيف
زِناد : لا خوية صيحيلي سلام ادگ عليه مغلق
- يا اي والله غير اليوم حمودي ابنة طَيحة بطاسة التشريب
126
عافت الباب و راحت تركض تصيح رجلها من سمعت صوتة
حسيت بالأمان رغم كل ذاك الخوف الجنت اشوفة منه بس
العيشة يمة احسن من اهل علي عمتي نفخت بغضب و طبت لان ما تحجي ويا مرت مرتضى طبت جوه وگفت قريب الباب فتحتة اكثر
و عاينتلة
14
عاينلي رافع حواجبة اثنينهن طببت راسي سمعت صوتة من گال
- شونج هنا
جاوبته بـهضمة
- مو زينة
53
زِناد : من أيدچ
عالية : اهلي شلونهم عليك الله امي و شريك
- بخير
- خل اروحن الهم
- هذا الحچي راجع لرجلج
47
سكتت و طبيت ما يدري برجلي جاي يحضرولة بعرسة
بالهول يحچن عليه متگابلات عمتي و عجيبة
ام سلام : عَيّن الولد حسبالة ننسى مكسراتة ويانة طبب ابن عمة الصغير للسجن و دمر حياتة علمود ترضى عليه تغريد
عجيبة : والله بطرانة غير تكره الكاع اليمشي عليه
تتمنى موته اليوم گبل باچر من درت بي حاط عينه على بتها
32
ام سلام : هسة قحط بتها هاي ام الفواين مو حرگة غرفتهن تريد تنتحر و ما ماتت
عجيبة : يااا رايدة تنتحر عود هاي الدكتورة
- يا دكتورة صدگتي لوبيها خير جا داومت
88
آريج : عمة عدهم هاي أخت تغريد والله حلوة
عيونها بيها لون و الجسم مرسوم رسم
ام سلام : شالفايدة بس الما رايد روحة ياخذ من تغريد
هاي الحية و بناتها هي وياهن نفس الرس رهينة خالتهن
و عدج الحساب
112
عجيبة : أنا لو عدي بعد ولد ما أفوتها هاي أخت تغريد
كلش عاجبتني و فقيرة مومثل بتها ملعِبة
ام سلام : والله عدي ستة هسة لو أبقيهم بلاية زواج
و لا اخذ من تغريد مرة
316
قبل العشا راحت و احنه ملتهين نسوي عشه گلت اليوم اول ما
ينزل علي ادگ على شريك و خلي شيسوي بية يسوي
من شفتهم اجوي صعدت للغرفة لكيت رحمة تنظف بغرفة بصف غرفتنه
و فرحانة
42
طبيت للغرفة ثواني و هو اجه طب وراي ينزع الهدوم الثخينة
شمرهن بلكاع وعيني على تليفونه و هو عينه عليه
علي : شعندج صاعدة بوكت العشا
- اني ما اريد
14
هز راسة و نزل بقيت دقايق و رحت للميز اخذت التليفون و كعدت على الجرباية طلعت اسمة بس اخاف ادگ اخاف منه گلبي يدگ قوي
كل ما اشجع روحي و اريد آدك اطفي التليفون مر وقت طويل و ما كدرت رجعت التليفون على الميز و بقيت افتر بالغرفة
16
تذكرت امي و حنيتها عاينت للباب و عاينت للتليفون رحت اخذته و وكفت يم البردة دگيت وأنا مغمضة عيوني وي كل رنة روحي تنشال وتنرگع بالكاع حبست أنفاسي من الخوف و مديت ايدي كرصت زري قوي
من سمعت صوتة جر حسرة قوية
شريك : هـا علاوي
41
اريد اجمع چم حرف و أحجيهن ما گدرت دموعي تجري وهو يگول الو
عالية : شريك
- منـو ؟
بقيت ساكته و دموعي تجري ادري بي عرفني بس هيج يگول
37
عالية : شريك ، مشتاگتلكم
سد التليفون بوجهي و انفتح الباب التليفون بيدي و دموعي تجري
و حالتي حالة گبل لا يوصلني مسحت اسم شريك من السجل
عزت عليه روحي قفل الباب و اجاني سريع يعاينلي مثل السعفة
كلي أرجف
97
علي : وياااامن چنتي تحجين
- محدددد
حجيتها و جَر شعري قوي صرخت وهو عيونه تخوف من العصبية
يحجي ويهز بشعري يريدني أحجي
38
عالية : ما حچيت ردت ادك على شريك و ما دگيت
علي : ولج انااااا مضحك عندج انااااااا
حچاها وضربني راشدي طحت بالگاع
216
ضَرب مَنقوش جسمي ، موش حِنـة
و أنا الـ اهلة متبرين مِـنة
....
133
" ورود "
18
- هَي هاااااااااااي !!!!
تحچي وتأشر عليه و تضحك راحلها هوَ و أشر لغسان افتح الباب
شراع : برة يالله برة
41
ندى : لكككك علمود هاي ترفضني لككك صار شكم
مرة ادزلك ناس و اجيك لك شنو شفت منها هاااي
474
شراع : بابا انتِ مريضة روحي چفيني شرج
ندى : لا شرااااع لا لتتزوجها و گلبي هذااا و گلبي
وين أودي اني أريدك وانتَ تدري ليش هيج تسوي بية
93
شراع : روحي ندى انتِ شجاي تسوين
اعاينلها كامت تبجي و شمرت روحها عليه لزمها و وخرها و هي تفرفح
و تشرحلة شكد تحبة غسان و عدنان صافنين
اني النار شابة بية من كل كتر
49
ندى : گتلك ما اكدر أشوفك تروح لغيري
شراع احبك عوفها و تعال وياي أعيشك احلى عيشة
شراع : عمي روحي فضحتينا كدام العالم ندى لا تخلين
روحج بهيج موقف صدك تحجين
164
ندى : لا متاخذها انتَ الي اني بس اني وحدي افتهمت لولا
شراع : اي ميخالف روحي هسة
جر ايدها و راد يطلعها هي انهارت
63
ندى : لججج باااااعي لتنخدعين بي هذا قبلج جان
عايش قصة حب وي وحدة و يحبهاااا لسه يحبها
ماخذج حتى ينساها بيج وين امج صيحلي اهلج احاجيهم
126
احس النفس ضاك و ما ادري ليا حچاية أدير وجهي و اسمع
اني گلبي لاعب منه و ادري عندة شي بس بنفس الوكت ما اريد
اعرفة اريد ابقى عايشة بالوهم طلعت و هي تصيح فضحتنا فضيحة طبيت اركض لغرفتي و دموعي على خدي قفلت الباب
34
ادري بي راح يجي يبررلي و يخلقلي جذبة الها اول ما الها تالي
و راح أصدگة اي اصدگة هذا گلبي الحقير يصدگة صار صياح قوي جوة فتحت ألباب و دموعي تجري أعاين من فوگ شراع و عدنان واحد ياكل بالثاني و غسان و امي يفاككوهم
27
عدنان : ما الك يمي مرة هسة تطلگها هسة
هذا شاربي أزينة إذا خليتها تصير الك سااااقط
107
شراع : اني ما احجي وياك انتَ اريد احجي وياها
عدنان : امشي اطلعععععع برة لك يالله
27
امي تحاول تسكت عدنان و عدنان منهار
عدنان : هسة يطلگها هسة ما اريد اشوف خلقته بعد
شراع : ما أطلگها و اخذها و أزين شاربك بيدي افتهمت
لو لا
111
رجعو تفارسوا و هم واحد ياكل بالثاني
جدة ما موجودة جانت بالطبيب بالگوة فاككوهم عمامي من آجو
و شراع طلع من البيت و أمي تلوم بعدنان
16
رجعت للغرفة افرفح أنا ادري بروحي ادري ما راح ارتاح
و لا يمر يمي الفرح يوم كسروا الباب اهلي و ما طلعت
لحد ما دك الباب عدنان بالليل افتح القفل و ايدي ترجف
عدنان : شنو لازم تبجين عليه
هزيت راسي بـ لا و امسح دموعي بأثنين ادية
27
امي واكفة يمه تهدي بي
ام عدنان : شجاك يمة غير رجلها ، هو والله
خوش ولد يجوز هن ما يستحن
عدنان : أنا ما طايقة من يوم الخطبها ما طايقة يابة نعلعلة
والدية إذا خليتة ياخذها
57
ام عدنان : هسة الله كريم منا لفرحة الزهرة مية عمامة مگلوبة
عدنان : لا تكفريني يمههههه ما ياخذها يعني ما ياخذها
و باجر إذا ما يدز ورقة الطلاگ اذبحة و حق الله اذبحة
54
ام عدنان: ديالله يالله روح نام هسة خلي يولي
راح عدنان يرعد و امي طببتني للغرفة تسكت بية
ورود : يمة أنا من زمان شفت بغرفتة باقة ورد
يابسة و مكتووب عليها زمردة عرفتها لوحدة و طلع جان يحب و هاي الاجتي تحبة يمة حياتة عبارة عن بنات
75
ام عدنان : وين اكو رجال ما عندة سوالف يمة مو هذا ابوج عندة حفيد و راح جاب وحدة بكدج و تزوجها
ورود : يمة بس أنا مو مثلج أتحمل انا اموت
82
ام عدنان : شبيدي عليج يمة گلت ازوجج و ترتاحين شمدرينا بهاي السالفة الطلعت النه صفح النوب عدنان لا يسمع
و لا يتسولف ويا ابدد راكب راسة هاي المرة
18
دموعي تجري عافتني امي و اجت مرت عمي هاشم نامت
إذا صدك يحب ليش ما صارحني جا و حچاياته و وعودة
و كلشي شلون گدر يمثل و يتقن الدور هلكد
لچمتني بطفولتي لچمة ضلت وياي كل هاي السنين
عبالي تطيبها تالي اجيت جايبلي الأقوى
37
عدنان يطب و يطلع يتوعدلة و انا روحي تحترگ مرة منه و مرة
من اسمع عمار يحجي عليه فتحت التليفون الجابليا و خليته على الميز
بعدني ما طالعة من الغرفة و دگ عاينتلة رقم ما جاوبته ضل كل ما ينگطع يرجع يتصل سويته صامت و ضميتة بالكنتور
12
اتذكر البارحة الصبح شلون جنت فرحانة و الدنيا كلها ما سايعتني
امشي و افتر و اليوم واهس للدنيا كلها ما عندي
امشي و اشتغل بس اريد أضيع وكت و أنا من أعاين على كرسي
المطبخ اتخيلة و هو كاعد اسويلة ريوگ
23
من كملت صعدت لكيت اكثر من عشرين مكالمة موجودة
رجعت التليفون لمكانة و ما جاوبته انتبهت اكو رسالة رجعت اخذته
و فتحتها
9
شراع : ورود أحـبچ
383
لَچماتة من كل كتر
ياهو اليداويهـن
وحتى الرسايل بَعد ما ينفرح بيهن
.....
140
" جُمارة "
48
تحركت السيارة و الدنيا ظهر البيبان كلها مسدودة حتى جهال
بيت ام حسين طابين و سادين الباب امي كامت تعيط و السيارة طلعت
من الفرع و امي تركض وراها اني من الصدمة واكفة بالباب
بقيت ما تحركت طلعوا الجيران و أمي تلطم على خدودها
48
طلع ابن ام حسين الضابط لابس دشداشة و يحاول يفتهم من أمي
من عرف مخطوفة الدنيا انخبصت و خابروا على الشرطة و اني
ابجي على روز و هي جبانة و خوافة شراح يسوون بيها
107
طببن النسوان امي للبيت و يهدن بيها و ام حسين تضرب على رجليها
وكلهن يگولن لامي اكيد الخطفوها اهل رجلج امي و ام حسين ما يكولن چنه بالصالون للنسوان يگولن چنه بالسوگ و هي روز انخطفت
طالعة غير شكل و صبغ الأظافر عود خليته بيدها
73
امي تبجي و تدعي عليهم و تتوعد إذا طلعوا هم صدگ تخلي حسين يرفع عليهم دعوة لحد العصر و كلشي ما بين حتى ام حسين راحت و بقينة بس اني و امي بالبيت اني راسي مدري شبيه يريد ينفجر
كعدت بأخر قنفة و لامة روحي ابجي بصوت ناصي
22
امي تدعي و خايفة تخاف تدك عليهم و دكول روز انخطفت
و تدعي تاهمتهم هُمَ خاطفيها دكت علىً امجد و هي تبجي و تضرب على رجليها دكلة والله هم ماكو غيرهم تعال الحك النه
74
و اني لسه عقلي ما متخطي من زِناد سافر و أجتي دمعة
وگفت يمي گالت امج تدري بهاي الحبچيات لو بعدها
37
جُمارة : ضلي انتِ يمة يومية مسوية مصيبة
و تشمريها عليهم احنه نايمين و اخذتينه و زِناد مسافر
و امجد بس هو يدري اخذتينه يعني إذا تغلطين
على احد غلطي على امجد
35
تغريد : إش لا اگوملج هسة اهزرج تهزر ادبسز طالعة عينج
عبالج ما ادري بيج من يسافر شلون تنگلب كل رسومج
86
هزيت ايدي و عفتها لحد ما نمت و اني كاعدة فزيت على صوت امجد
يحجي وي امي يكللها مستحيل هُم محد يدري اصلاً و سوة روحة بطل طلع گال رايح للمركز اشتكي وامي لسة ما خابرت احد منهم دگلة
رغم الدنيا بدت تظلم و ما تهد تليفونها تخاف مني ادگ عليهم
16
بالليل كامت جدة رهينة تدك على امي كل شوية بس امي ما تجاوبها
و آمجد احتركت عليه التليفونات بقيت بمكاني كاعدة بعيد عنهم امجد كال اني راح اروح اشوف الوضع هناك و اخابرج لو تردون أضل
تغريد : لا الله وياك
30
ردت اكللها شوفي الفرق بينة و بين زِناد الي نام فوگ في سبيل ما يعوفنة وحدنا و هذا العوار خايف على روحة
جُمارة : خابري زِناد جاوبي جدة شلون تردين ننام و روز ما ندري بيها وين هاااا يمة جاوبي
27
جانت بيدها علبه فارغة شالتها وشمرتها عليه حتى اسكت
فتحت خط بساع و جاوبت جدة و هي تعيط
- جيبوووو اختي احسنلكم لا والله اخلي الشرطة تخيسكم
بالسجون .. لا ما رحت للنجف أنا أخذتهن و شردت منكم بالليل و رديت لبيتي و بعد ما ارجع و اختي غصبا عليكم تجيبوها
138
حجتهن و طبگت التليفون بوجه جدة و امي تحس روحة منتصرة هسة
شمرت تليفونها و هي تفتر بالهول ما تدري شتسوي
و تباوع للباب تدري على اي لحظة راح يندگ
و اجت هاي اللحظة بس مو ندگ تكسر فتحت الباب امي و اني
بالزاوية كاعدة بخوف
30
من طبوا زِناد و سلام و ولاء امي سوت روحها عصبية و تتوعد الهم
هو يباوع للهوسة مال غراضنة و العلاليگ المشمورة بالهول و اني
بالزاوية و رفعت امي إصبعها بوجها
- انتَ انتَ خطفتها ماكو غيرك
لزم ايدها و لواها هديت الكوشة و وگفت باوعلي و هد ايدها
108
زِناد : أنا ما دام ما مسؤول عنج و لا عن اختج ما النه يمج غير جُمارة جيبيها يالله و حيري بروحج مو هذا التردي
روحي شوفي حياتج
94
جُمارة : انتَ انتَ خطفتها والله انتَ
زِناد : أنا أخطفها شسوي بيها برأيج حتى أساومج بيها مثلا و انتِ كلش زين تدرين بروحج ما توگفين گبالي
85
تغريد : والله أسجنك و اخيسكم بالسجون
زِناد : خابري الشرطة مالتج يالله انتِ متعودة وي الضباط
تجيبين سيارات و تجين
114
تغريد : و اجي و أسجنكم و أعلمكم اصطبرولي والله
إلا اراويكم الأمهات شتجيب
زِناد : ما يحتاج تغريد نعرف بالأمهات شتجيب
حجاها و اجة متجه عليه جر ايدي و امي تحاولي تاخدني منه وتعيط
59
تغريد : جييييب بتي ولك فوك ما خاطفين اختي
زِناد : اختج راح يصيرلها سنة محد مار بعرضتها وين أخذتيهن انتِ بذاك الليل و ما خفتي عليهن
42
تغريد : اي اخذتهااا اريد أزوجها و أخلصها منكم
زِناد : خايبة انتِ ياهو بحالج خابصة الدنيا عاينتي واحد جاي رايد منج مرة شو من اجيتي لليوم صرعتي روسنا
155
سلام : ادري شنو عرس بمحرم حتى الشمر چتال الحسين
ما مسوي سوايتج صدگ تحجين تجذبين هو العتب عليج لو على الياخذون منج
284
تغريد : مالكم غرض هُم مو من عدنة و ردتها بس ملچة بدون
لا صفگة و لا هلهولة
ولاء : چـا ما تشوفين الحسين هطرچ و اختج انخطفت
298
تغريد : ولكم جاييين تتشمتون بية انتوووو جيب بتييي
زِناد : ابقي بـ بيتج الكاتلة روحج عليه و اختج من تلگيها زفيها مالنه غرض لا بيج و لا بـ اختج
72
امي تريد تجرني من أيدة و اني مادتلها ايدي لان اخاف منها
هسة دكلي انتِ عفتيني و رحتي وياهم
جُمارة : عوفني اني ابقى وي امي
حجه بدون ما يباوعلي
زِناد : انتِ محد مأخذ رايج
356
طلعو سلام و ولاء و هو جر ايدي و طلع صار صوتها عالي
زِناد : وحق القرآن إذا عيطتي كدام الوادم أذبحج هنا
انتِ و بتج أفتهمتي لو لا
48
تغريد : جيب بتي تبقى يمي
زِناد : شنو تبقى يمج انتِ تدرين بروحج شجاي تسوين
فتحو باب السيارة شمرني بيها و هُم صعدوا اباوع لأمي
شعجب ما عيطت من شوكت هي تخاف منة
47
اباوع لامي من الجامة وجع راسي مسيطر علية
جُمارة : عوفني يم امي ما اعوووفها
محد منهم جاوبني ولاء گاعد يمي بس على جهة الجامة الثانية
و زِناد بالصدر و سلام يسوق
29
كمت ابجي بالزايد من شفتهم ما يجاوبوني صحيح امي تغلط هواي
بس ماكدر اعوفها اباوعلة بالجامة بلكي يباوعلي قبل لا يسافر
جان كلش حباب وياي هسة شبيي
29
جُمارة : شلون تعوفون امي وحدها خل ترجع ويانه
احجي و محد يجاوبني و اني تعبانة رفعت رجليه و سندت راسي
حتى طلعوني حافية .. كلشي بچفة عندي و روز بچفة شلون و وين راحت التفكير ذبحني كل شوية أغفى و أفز على ضربة راسي بالكرسي
15
الدنيا ظلام و اني لابسة صاية من اجينه من الصالون لسه
و تصل عليه من البرد السيارة باردة و هم بس يدخنون
أريدهم ينزلون حتى أفوخ گلبي بي شلون يعرف امي وحدها
و هاي عود هو شيخ العشيرة
53
وگفو يترسون بانزين و محد منهم نزل لما وصلنا للبيت نزلت من السيارة
صدك اجيتي جُمارة بدون امج ركضت طبيت جوه ابجي كلها نايمة طبيت لغرفة جدة بعدها رؤى مرت يونس موجودة بس الجرباية فارغة
عليها هدوم هوسة شلتهن و شمرتهن بالگاع
و غمضت عيوني و اسكت بصوت نشغتي
7
كعدت على صوت جدة فوگ راسي و الضوة طالع مبين من الشباك
رهينة : شبيج يجدة صوت نشغتج وانتِ نايمة يوصل لسابع جار هاي بعد تغريد و عمايلها عاينتي شعملت بحالنة
18
جُمارة : جدة عاف امي وحدها و جابني
رهينة : انجبي من چنتن گلچن هناك ما عافچن مو النوب يعوف امج وحدها مخلي احد بس هو يريد يأدبها
39
جُمارة : روز جدة خطفوها من باب البيت خاف يذبحوها
رهينة : لا ان شاء الله زِناد يلگاها
كومي وياي تعاي تريكي و كلشي ينحل دام زِناد رجع
49
جُمارة : البارحة حتى من أبجي ما يهتم
رهينة : يتلوع بس انتِ هم يريد يطلعلج گلب گوي
احجي وامسح دموعي رحت وياها للصالة و ورود تصب النه
ريوگ و عيونهن كلها شماته
55
كل ما اتذكر روز دموعي تجري خاف بعد ما ترجعلنه
بقيت كاعدة بصف جدة بالكاع ايدي على خدي البطة تفتر گبالي
تعاركن رقية و اللبنانية من الروس و محد فاككتهن كلمن تخاف على روحها
47
الظهر من صبوا الغده و طبوا ولد عمي عدنان هوَ طب وياهم
عدلت حجابي و اباوع لباب الشارع هسة يطبن امي و روز
و ماكو كعد هو بصف جدة من الجهة الثانية و يسولفون عادي
حتى ما جابوا الهن طاري
19
اني ما أكلت بس كاعدة اباوع للباب سوالفي لفة صغيرة و خلاها على الماعون بس درت وجهي ما اخذتها منه و امسح بعيوني قبل لا تنزل دموعي كلهم يأكلون و عينهم عليه
45
جدة تحرمصلي حتى اكل گلت الها شبعانة شالوا السفرة و صبوا الچاي و كلهن كاعدات منتظرات بلكي ينفتح موضوعهن و يشوفن
شيگولون بس محد حِچة بدو يصعدون فوگ و هو بيدة التليفون
يكتب رسالة
24
كلها صعدت و راحت إلا دمعة كاعدة بمكانها و الكوشة بحضنها
تباوعلة و حتى لو تجي عينه بعينها ما توخرها و تخجل
من آيست صعدت جدة دارت وجهة عليه
رهينة : ها يجدة شصار ما صار
زِناد : ما صار جدة هاي حفيدتج بحضنج مابيها شي
شتردين بعد
37
رهينة : أنا ما تهمني تغريد خليها غرورها يكتلها بس هاي روز المگرودة شصار و شحصل وياها
زِناد : لحد الآن جدة ماكو اي خبر
140
يحجي و يباوعلي و يرجع يباوع لجدة باوعتلة بعصبية و دموعي
بطرف عيني مسحتهن بشالي
جُمارة : بس انتَ مايصير تأخذني من امي ترى هاي أمي
شلون أعوفها وحدها لو انتَ تعوف امك
42
ابتسم و بقى ساكت رافع تك حاجب رجع يكتب بتليفونة
زِناد : أمج مو ما تريد احد يتحكم بيها عفتها براحتها
عايل وي وحدة أنا ؟
34
جُمارة : بس انتَ شيخ العشيرة
سد التليفون و خله بجيبه و گعد عدل يباوعلي
- اي ؟
- اي يعني لازم تلگة امي و روز خالتي
40
زِناد : و بَعد شيخة جُمارة ؟
من حـچة هيج جدة باوعتله بطرف عينها هو قبل لا يشوفها ضحك
جُمارة : و بعد هاي هيَ ما نريد شي منك
185
باوع لجدة و طَگها ضحكة قوية وسحب راسها يبوسة
زِناد : عمي انتِ الشيخة و الأصل منو يجي بمكانج
رهينة : أجـة و گاعد بصفي
146
اباوعلهم اثنينهم يضحكون بس صدك قايل خالتهم المخطوفة
گمت بعصبية ومشيت من وره جدة اريد اروح للغرفة مد ايدة
لزمني عتيتها قوي ضغط عليها اكثر و باوعلي مصغر عيونة
جُمارة : لا تستفزني ترى معصبة
زِناد : لاااااااا
261
درت وجهي للجهة الثانية امسح بدموعي
جُمارة : دور خالتي وجيب امي يالله
جريت ايدي منه و رحت للغرفة ابجي
51
لحد الليل و كلشي ماكو هنا بالبيت الحياة طبيعية مثل كل يوم
و اني و البطة نفتر و نباوع لباب الشارع بلكي هسة وحدة منهم تطب
اخذت تليفون جدة و طلعت برة دكيت على امي جاوبتني
- ها يمة ما لگيتي روز
تغريد : ولج لا الدنيا كلها تدور روز فص ملح و ذاب
يمة وين راحت صخام بوجهي
48
جُمارة : شوكت تجين
تغريد : ما اجي اني خلي الگة روز و اجي اخذج منهم
و نعيش بالبيت
جُمارة : يمة ما عفتينه كاعدين و لا ذيج الطلعة الراحت بيها روز هي روز اكبر خوافـة
15
امي تحجي وي الضابط سدتة مني رجعت التليفون لجدة و بقيت كاعدة على دچة المطبخ اباوع للكراج البطة بحضني صبو عشا ما رحت وياهم بقيت كاعدة بالكراج الجو بارد بس حلو طبو للديوان عمامي
و زِناد وياهم بس غسان واكف بباب المضيف ما اكدر اروح أتصنت
كل عمامي موجودين بس عمار لا
21
طلعوا كلهم و أنا بعدني على گعدتي احسن الدنيا إذا متاخذ مني كلشي مترتاح الدنيا مغيمة و نجوم ماكو البيت صار هدوء
و كلها صعدت لغرفها باب الشارع كل شوية يتحرك من الهوى و صوتة مخيف
13
باوعتله و هو يلبس شحاطته يريد يطلع بقى مصدوم من شافني گاعدة
بعدني بعتبة الباب درت وجهي عنه اباوع لباب الشارع
اجة عليه عبأته بيدة ما لابسها
زِناد : جُمارة شعندج هنا
جُمارة : بس ما مأذيتك
43
مد ايدة على شالي و اصبعة يلامس جبيني غمضت عيوني
زِناد : گومـي نامي معليچ انا أرتب كلشي
جُمارة : ما جايني النوم
25
زِناد : وجهج أحمر من البرد طبي جوه
مسحت وجهي بأثنين ادية صدك ثلج
جُمارة : عادي وذا
20
زِناد : طبي جوة حبيبتي يالله باردة
احس الهضمة البداخلي كلها طلعت من گال هاي الكلمة گمت بسرعة انكث بثوبي و عيوني مدمعة حجيت بصوت عالي
جُمارة : لا دگول حبيبتي بعد لا دگول
زِناد : هاي هيَ عيني يالله گومي
116
لزمت طرف دشداشتة بعصبية و اني اباوع للبيت
جُمارة : ترى كلش مغثوثة منك اني
زِناد : لاااااا ؟
174
خزرتة و طبيت من وصلت لنص الهول تذكرت يعني بالحالتين هو گدر ينصب عليه و يطببني جوه و اني مضحك بسرعة سويت الي يريدة
72
الصبح ورة الريوك جدة كاعدة على الچرباية و بيدها جواريبها تلبس بيهن و تصيح على غسان نايم
رهينة : كومي جُمارة كومي بدلي امشي وياي أنا أضل
أتوسل بهاي الخلق العايبة
18
بالبداية ما صدگت بعدين من شفتها واكفة منتظرتني بدلت
لبست شحاطتي و طلعت وياها الجو حلو بس الهوى العالي يخلي الملابس تلزگ على الجسم اجرنه تكسي و رحنه لطبيبها
لا ساعة و لا ساعتين انتظار صارت بـ 3 و احنه بعدنا كاعدين
17
قبل لا يوصل سرانا دگ عليها زِناد تحجي ويا
و النسوان كلها تباوعلها مبتسمة
رهينة : هلا بهالصوت هلا يبعد جدتك .. اي والله لسه
بعدني ما طابة چا العراق كله مفاصلة خربانة و البراغي فالتة ... اي هاي يمي چـا ما تأمن بية يزناد
... يالله هلا بيك
107
سدتة و ضمت التليفون بجزدانها و جدة حتى السكرتير صادقتة
- هذا حفيدي الشيخ يموت علية خابرني متخبل شلون
لسه ما طابة عمي تطببوني لو نگاومكم
145
كلهم يضحكون والسكرتير كاللها بعد بس اثنين و انتِ وراهم حجية
مرة عجوز مثل جدة بس شوية اصغر كاعدة كبالها كالت
- هاي البت وياج
رهينة : هاي مرت الشيخ اليوم
شيخلصني منه جايبتها وياي
107
باوعت لجدة بصدمة ذاك اليوم دكول ناهي عليها هسة گبل سوتني مرتة
من اجة اسم جدة طبينه و حتى وي الدكتور جدة ذابة ميانة
رهينة : جا احنه اليوم جايينك من غبشة تطلع ما جاي
ادري وين جنت خانس
- ههههههه حجية حتى المرة مسافرة ويامن اخنس
189
رهينة : ياااااع جا ليش عايفها وحدها
- علمودج حجية شلون تجين وتلگيني ما موجود لان هاي ايام مراجعتج ما سافرت
- والله جا تستاهل هاي الكعدة صار شچم ساعة
انتَ خوش دكتور وفي
90
الدكتور يكتب الها وصفة و ميت من الضحك سألها عليه
رهينة : يا چا ما تدري هاي الاسولفلك عليها بت عم زِناد
- هااااااا يا أهلاً يا أهلاً و هسة حمامة ، غراب
250
رهينة : ما دام رهينة بالوجود حمامة و وياها فروخها
ضحك الدكتور بصوت عالي واني اسحل بجدة غير تطلع و تفضها
لگينه زِناد كاعد على الكرسي بيدة السبحة منتظرنه يضحك و الحجية الثانية تسولف ويا من طلعنه گام اجة لجدة باسها و خازرني
44
كالت الها الحجية
- الله يحفظلج حفيدج
جدة لازمة إيدة كامت تبوس بصدرة و تمسح صدرة بيدها
رهينة : بعد عمري حبيبة ، اي والله يحفظليا جا شعدي غيرة
58
هو يضحك عايش اللحظة نزلها الدرج و يباوعلي يحجي من وره خشمة
زِناد : كضي الدرج زين
- ما إلك دخل بية
185
صعدنا بالسيارة و جدة دارت وجهة عليه و هو يشغلها
رهينة : ولج جميرة ياهو المالة دخل بيج هاااا
جُمارة : حفيدج و انتِ جدة لا تضلين ياهي تشوفيها تگولين مرت الشيخ اني كتلج ما اخذة و ما اريد اي واحد بيكم
91
دار وجهة عليه يباوعلي بطرف عينة و اني عصبية كاعدة بالمكان الوره جدة و هو يسوق ويستغفر جدة خلت ايدها على چتفة
رهينة : شبيك يجدة اسم الله على گلبك
زِناد : جدة ليش تاخذيها هااااا أنا مو گايلج هاي ما تطلع
67
جُمارة : اسمي جُمارة مو هاي
دار وجهة عليه ومد ايدة يريد يلزمني طبگت روحي وي الجامة
زِناد : وعلي إذا الزمج بسيطة انتِ أنا اعلمج
98
رهينة : شمالك جدة غير وياي چـا انتَ ما تخاف على جدتك تخاف علي هاي العرمة
جُمارة : جدة منين يخاف عليج شنو الزلم تركض وراج
82
زِناد : ها لازم انتِ يركضون وراج
درت وجهي على الجامة ما جاوبته لان ما احجي ويا
37
رهينة : دزيت على غسان مطمور و خفت لا يروح سراي
گلت الها امشي وياي و هي تعجبني بالطلعة حبابة
زِناد : اي حبابة و تجيب العين هي و هذا وجهه
72
رهينة : جا هو جدة هذا وجهة خلقة الله لا حاطة و لا حافة
شني قابل تضخمة و تطلع ولابسة اسود جا شتلبس بعد
طالعة على جدتها بشبابها هم هيج حاروا وين يضموني
215
بعز ضوجتي و قهري و اني حاطة الشال على حلگي و اضحك
جدة حتى لو الموضوع مو يمها لازم تخلي روحها بي
زِناد : يعني من 11 و هسة الساعة بـ 3 لو ما أنا جاي للبيت و ما لاگيج اصلاً ما دكولين رايحة
31
رهينة : خايف علية يبعد رهينة و عشيرتها
وگف السيارة و گال يالله نزلن تغدن فضنها نزلت اني و هو اجة ينزل جدة طبعا جدة ذايبة عبالك رجلها جاي يعاملها برومانسية مو
حفيدها طلب النة اكل و هو كاعد يلعب بالتليفون
165
اكلنه و كملنه و هو ما اكل كال جنت معزوم اخذ الوصفة من جدة و احنه بالسيارة راح جابها و اجه وهو يمشي جدة تباوعله
رهينة : يمن كون أندار فدوة لهذا الطول و الهيبة يمة
ياا يمة الف رحمة على روحج حليمة على هاي الخلفة
83
جُمارة : شبيج جدة الرجال حتى راح يندعم
رهينة : انچبي انتِ ما الج غرض خل اشبع منة گبل لا تاخذي
102
جُمارة : شو جدة چنتي تقنعيني بي و هسة
گمتي تغارين مني
رهينة : مو دريت بيج حبيتي بعد أنا جبت چتالي بيدي
92
فتح باب السيارة و أنطاها العلاج
رهينة : يَـ بعد جدتك و الوراها
زِناد : لا اسم الله عليكم
174
حجاها و عينة على المرايا اني هم من سمعتها بساع رفعت راسي
شفته يباوعلي لگيت روحي مبتسمة بساع خفيت الابتسامة و درت
وجهي على الجامة وصلنه للبيت نزلت جدة و فتح الباب اريد أنزل
انجرت ايدي السيارة من هي الجهة و الحايط من الجهة الثانية و هو گبالي بقيت اباوع منا و منا
23
زِناد : أنا مو محذرج ما تطلعين انتِ شگد عَرمة
جُمارة : كلشي ما تقبل بي اسوي و بعنادك
و ما اخاف و إلا اروح لأمي
39
زِناد : أمــج أنسيها و رجلج إذا عدت عتبة الباب أكصها
جُمارة : اني ما أخاف منك
ضغط على ايدي قوي و هو مصغر عيونة مديت ايدي على ايدة
رخت قبضة ايدة ، دفعتة و رجعت ليورة اباوعلة صار عصبي
احس روحي خفت
48
تقدم يريد يلزمني ركضت باب الشارع صار وراي و ما كدرت أفوت
گمت اركض وين ما تأخذني رجلية زرع عالي و نخل
و الطيور تفتر فوگ النخل عثرت و طِحت بالگاع على رجلي
2.9K
يَمي انتَ و آخاف إعليك مني تروح
هَـيج وياك واصل حَـد
جِبل بَس يمك أنا أنهد
211
- رُسل فَهد
132
