رواية مقبرة الاحياء الفصل الحادي والعشرين 21 بقلم سارة جعفر
مقبرة الأحياء. البارت الواحد والعشرين 21
بين الفقرات عشقي 
.
.8
هلهلن فوگ الزلف شيبات عشريني..
14
-وردة: شهگت شهگه طلعت من نص گلبي رجفت أيد حُرّ وبلع ريگ وجهه جامد بس أحس دگات گلبه وصلتني گام من مكانه مستعجل ما يشوف گدامه عيونه معميه فك الباب وطلع من الغرفه يرجف..
26
ضل تلفونه مشمور بالگاع طلعت وراه دموعي شلال
-لحظه حُرّ أوگف!
8
التفت عليَّ وجهه أصفر وبالگوه واگف على حيله
-ها؟
4
أمسح بدموعي
وبالگوه تطلع الحچايه من حلگي بعدني مصدومه وخايفه بنفس الوكت
-وين عايفني وين أخذني وياك لفجر!
9
رجع تقرب عليَّ من صارت عنده لحظة أدراك عايفني وحدي أيديه ثنينهن يرجفن وبالگوه گال
-ضلي هنا وردة ضلي وخلي تلفوني عدچ أنه أخابرچ من تلفوني الثاني ما أگدر أخذچ وياي.
-هاي هِيَّ خوش بس فدوه طمئني على فجر..
13
هز راسه وطلع سديت الباب ورجعت للفراش لامه رجليَّ لصدري وأبچي شجاها فجر شجاها، صدمه أحتلتنا لأن كل ما يجي وأسأله عن أخبار البنات يطمني عليهن ما بيهن شي!
11
ضليت الليل كله گاعده مگابله تلفون حُرّ بلكت يخابرني ويريح گلبي بس ماكو مرت ساعه وره ساعه وأيست من طلع الصبح وحُرّ ما مخابرني متت من الخوف أصارع الوكت علمود يمشي ولچمني گلبي على فجر خايفه شصار وياها الليل كله متانيه خبر عنها بس ماكو..
25
-كلارة: نفسي نگطع چن نسيت شلون أتنفس، الدموع تارسه وجهي گاعده وأيدي على راسي عقلي ما مستوعب، فجر طاحت وما نعرف علتها أخذها جسام للمستشفى يتراجف زين ما طاحت من أيده وراحت وياه أم فقار والزلم راحو وراه وبين صراع الوكت اليمشي ببطئ چن معاند وياي أتصل فقار على ضيغم وأنطونه خبر فجر نجلطت..
9
زهراء ولارا ميتات من القهر وعيونهن متروسه بدموعهن لأن صديقاتها كلش، گاعده وصافنه ما مستوعبه أنه
لارا: كافي حبيبتي عيونچ عمن من البچي.
2
زهراء: أن شاء الله ما بيها شي وتگوم من هاي الشده..
يحاولن يسكتن بيَّ بس أنه ما أرد على صوت غير صوت عقلي الردد عليَّ فقدان فجر، إذا فقدتها أفقد عقلي والله، مسحت وجهي من الدموع وتقربت عليَّ إيناس
+
إيناس: لا تنقهرين بعد گلبي صعبه عليچ صحيح بس ترى فجر قويه وتگوم منها أن شاء الله..
121
ما رديت عليها أمسح بدموعي ونزل ضيغم من غرفته مبدل يريد يطلع التفت عليَّ عاگد حاجبه وتقرب وگف بصفي وأنه گاعده
3
-كلارة شو باوعيلي أحاچيچ
-شتريد؟
6
-كافي تبچين عيونچ راحن من البچي، گومي أخذچ وياي
-وين؟
-للمستشفى تشوفين فجر.
19
فز گلبي گبلي وبسرعه هزيت راسي وصار بيَّ حيل ركضت للغرفه بدلت على السريع حطيت العبايه على راسي وطلعت وياه فرحانه وطاير گلبي التفت عليَّ يحاچيني وأحنى نطلع
-حرّ بالمستشفى يم فجر.
-الحمدلله خفت عليه هواي..
1
زفرت نفس براحه التفت عليَّ عاگد حاجبه
-ليش؟
-خابرته وگتله فجر نجلطت بعد ما سمعت صوته خفت يصير بي شي الحمدلله من راحلها بخير..
1
-لا بخير وهسه هوَّ يمها
-زين ما گالولك شلونها حالتها؟
-لا والله..
صعدت وياه بالسياره وبعدهن دموعي ينزلن على وجهي بحيث من أمسح عيني أتعور گد ما مورمات وگد ما مسحتهن من الدموع زفر نفس متنهد
-كافي عيونچ عمن!
1
-ضيغم الجلطه مو هينه وتخوف
-رب العالمين ما يعوفها.
-الله يسمع من حلگك ويلطف بحالها..
-آمين
5
أعصر بأيديَّ وأطگطگ أصابعي بخوف لحد ما وصلنا أحس يله تنفست ونزلت بسرعه وضيغم يمشي وياي وكل شويه يتلفت عليَّ
-هسه مو وصلنا عليمن تبچين!
-خايفه عليها..
15
أستغفر ضايج وطبينا للمستشفى گلبي أحس راح يوگف لحد ما شفت حُرّ بسرعه رحتله خايفه أتراجف
-ها شلونها فجر؟
-الحمدلله جلطه عابره..
غمضت عيوني وجريت نفس بتعب
-الحمدلله، الحمدلله ياربي
+
ضل حُرّ وياي جبرني أكل من عرف اليوم كله ما حاطه شي بحلگي جابلي أكل أكلت قليل لأن ما أگدر أگله لا وطلب من ضيغم يرجعني من أطمئنيت على فجر وشفتها بستها براسها دموعي تگطر على وجها بيش أجازيها حرّ حالته أسوء من حالتي ثنينا عبالك أيتام بلياها أمنا وحنينتنا..
7
مرت هاي الأيام ثگيله وصعبه علينا بس الحمدلله أهم شي صحة فجر جاي تتحسن بس نفسيتها تسوء تمنيت أشيل حزن گلبها، الحمدلله عابره الجلطه بس ضلينا داخلين أنذار خاف تنجلط مره ثانيه لو تسوء حالتها
1
-وردة: طب حُرّ للبيت منهلك من التعب سلم وراح للحمام يسبح محتر، صار أيام على جلطة فجر وتغير روتين حياتنا كله ضل طول النهار بذاك البيت يمهن ما مفارگهن عاف شغله وضل وياهن خايف على فجر..
3
يطلع من الفجر للمغرب يله يرجع لهنا، لأن يدري بيَّ أخاف بالليل أضل وحدي وبنفس الوكت هوَّ ما يرضى يعوفني بهيچ وكت بالليل خاف يصير شي لا سامح الله، من الصبح لليل يبقى يم أخواته وبالليل يرجع يمي
4
عاف كل شغله وحياته ركنها على صفحه وگابل فجر يريد يفتهم علتها شني ماكو، كل ما أسأله على أخبارها يطمني عن حالتها الصحيه بس محتار بحالتها النفسيه وهل فتره كلها هوَّ ماله خلگ ومختنگ فد مره يجي بالليل ينام تعبان وضايج وما نسولف أبد..
طلع من الحمام يمسح بوجهه أنطيته گلاص ماي
-أريد أحاچيك بسالفه.
هز راسه وشرب الماي خله الگلاص بصفه يباوعلي
-سولفي؟
-باچر أروح وياك لذاك البيت.
-ليش؟
2
-أحسن أنتَ جاي تتعب ومنهلك بيني وبين ذاك البيت تخاف تعوفني وحدي هنا وما ينطيك گلبك تعوف البيتين وأنه ما أرضاها أجيبلك التعب والهم وهم ما ينطيني گلبي يضلن أخواتك بعازتك الحمدلله صحتي صارت زينه وعافيتي رجعتلي نرد لذاك البيت وأنه هم أبقى يم البنات لأن مشتاقتلهن هواي..
18
-هاي هِيَّ أن شاء الله، بس على الأسبوع الجاي.
-ليش؟
-البيت هوسه وخبصه هسه ما ينراد.
-خوش..
أنه بالي كله يم فجر..
-ليش شبيها ما مفتهمه شصاير وياها؟
+
-من أنجلطت لهسه حالتها ما أدري شلونها فد مره مالها خلگ ودوم نايمه بالفراش كل ظني بالبدايه من وره الجلطه بس كلارة سولفلتي هِيَّ گبل الجلطه حالتها متدهوره بس ما مسولفاتلي راح أتسودن..
6
-عمت عيني ما تستاهل فجر غير الخير.
-والله محتار بيها تسودنت وما عرفت شمالها گعدت وياها ساعات أسألها على علتها وليش هيچ متغيره ما تسولف ضال الوكت كله أريد أعرف شمالها..
1
-خاف تذكرت أمها؟
-ما أدري والله يمكن..
1
سكتنا ثنينا محتارين بيها نريد نفتهم علتها ماكو مسحت وجهي محتاره ومقهوره فجر عزيزه على گلبي وحالتها كلش متعبه نفسيتي شفت حُرّ فد مره ماله خلگ وما ردت أزيدها عليه حبيت أخفف من قهره وضوجته لأن طول الوكت صافن ويدخن مقهور..
طلعت الزوليه لبره شويه عن الغرفه وفرشت على الزوليه فراش ودولكه ترستها ماي بارد وثلج وطلعت الدومنه خليتها على الزوليه وحضرتله نرگيلته بعد بس الفحم يجمر بلكت شويه تتغير من نفسيته
9
أبتسم من شافني أحاول أغير نفسيته
جاب الفحم من جمر ورتب النرگيله وگعد رفعتله حاجبي
-عيني شني لابس بجامه وتفتر علينا؟
12
التفت عليَّ مستغرب القامچي بأيده يجر منه نفس
-وإذا؟
1
-شني وإذا لابس بجامه ما تستحي!
-ليش أستحي شبيها؟
3
-عود شوفوني عندي وشوم.
-على حلاتهن وأستعرض بيهن!
5
-چا ما تگول لروحك
-حاره تكتل من الحر
-مو عذر هذا، يعني هسه أنه البس بس بجامه
سكتت صافنه بعينه من أستوعبت چفصتي، أنتبهتله أبتسم وجر الدومنه بيناتنا وأحنى گاعدين گدام بعض
-تلعبي؟
1
-أي بس مو تعارك علمود اللعبه
-شالقضيه هِيَّ لعبه.
2
أخذ نفس من القامچي وحط گدامي قسم من الصايات وقسم گدامه وقسم على جهه كضهن بأيده صافن عليهن مضيگ عيونه ورفعلي عينه
-مو تفوزي.
-يا چا شسوي أخسر!
9
-أنه گتلچ بعد وأنتِ بكيفچ.
-غير لعب هذا
2
-إذا تفوزي أشمرچ بالشط.
6
فكيت عيني أباوعله وأرجع أباوع للصايات
-عمي ما يصير هيچ ترى هذا تهديد!
-هسه أنتِ بكيفچ..
5
-شني تشمرني بالشط تايهتلك؟؟
-بس تفوزي عليَّ أشمرچ.
-أنه أشمرك..
3
-عبنچ عرمه وما تخافي.
-ترى التلميذ دوم يتغلب على أستاذه.
7
ضحك وحط الصاي أكثر لعبه صرت أتونس بيها من چنت بذاك البيت فد تقويت عليها لعبتها هواي لأن حبيتها وصرت أعرف بيها ما حسينا على نفسنا باللعب ولعبنا هواي تغير مزاجه وندمج وياي..
صار الوقت متأخر وأحنى نلعب، هوَّ يفوز أربع خمس مرات جره وحده والنوب أنه أفوز يعني ساعه واحد يجرها بس فوز واحد بس خساره لحد ما ملينا وعفناها تأخر الوكت نعست وردت أنام.
بس جذب نظري منظر رگبته متروسه خراميش وأظافر طابعه بيها وجروح سببهن أنه صحيح الجروح جاي تطيب بس بعده الأثر بيهن كفخني على راسي بخفه
-سگط.
7
عگدت حاجبي أباوعله مستغربه
-ليش؟
-خليتي الوادم ياخذون عني نظره من وره خراميشچ وأظافرچ، ثمن أظافر طابعات برگبتي ليش يا سگط حتى ما تنضم حطيتي سمعتي بالخرا مو بالطين..
18
-يعني شنو؟
-يعني نچبي.
10
سكتت صافنه مستغربه وما فهمت، شرب من دولكه الماي والتفت عليَّ
-ما چنت أظنچ هيچ تغاري؟
باوعتله بطرف عيني أسفط الصايات بالعلبه
-ما أغار أنه.
-چا ياهي التسودنت عليَّ؟
1
خزرته مستحيه وتربعت أسولف بجديه
-ترى مو اله غيره، بس أنه متت من القهر وحيل حز بخاطري موقفك شلون الك نفس تحچي ويَـ وحده رادت تموتني ولو أنتَ بمكاني هم راح تنقهر..
-أي والله غزالة حگچ.
3
ضميت الدومنه على صفحه والتفتت على صوته مبتسم
-بس تردي تقنعينني ما غرتي؟
-لا ما غرت.
4
-چا شني معناها؟
-أنه إذا تعلقت بشخص أنقهر يحچي ويَـ غيري مو معناها أخنگه وما يحچي بس وياي، بس المفروض ما يحچي ويَـ مره غيري وبنفس الوكت أحس روحي متملكه دمي يصير نار بوريدي وأكيد ما فرحانه بهذا الشي شي حيل مو حلو..
9
-لا ليش مو حلو بالعكس.
-مو حلو لأن أفقد عقلي وأصير جحشه
-ههههههههههه
5
-وطبعًا هاي تصرفاتي وياك مو لأن أنتَ عود زلمتي وأغار عليك بس أنه أغار على الشخص المتعلقه بي لأن أنه مستثنيتك يا بني آدم تخليني بهيچ مواقف ليش!
4
-حگچ وستر زينب
-وبعدين حتى لو أغار فـ حقي.
3
-شلون كبد؟
-أنه وياك عاقدين بعيدًا عن الأسباب بس المفروض الطرفين يحترمون وجود بعض.
6
رفع حاجبه وهز راسه منبهر
-صحيح والله
-المفروض أنتَ تحترم وجودي لأن بينا عقد وما تباوع حتى نظره وحده لمره ثانيه، وأكيد أنه نفس الشي أنتَ بحياتي حتى لو ما أحبك المفروض أحترامك.
أنه لو واحد غيرچ هيچ مسوي وياي أطره طر بس أنتِ سكتت عنچ لأن حگچ مثل ما أنه ما أرضى يطب زلمه غيري بحياتچ أنتِ نفس الشي.
6
أبتسمت وهزيت راسي مسح على شعري بهدوء
-أحب تفكيرچ وشلون تسولفي متكلمه، تسولفي عدل وكلام منطقي تخلي الكبار تصفن وتتعلم منچ..
3
أبتسمتله فرحانه على كلامه وأنه تمددت نمت على فراشي وغفيت بسرعه وهوَّ ضل گاعد يراسل بتلفونه ويدخن نرگيله نمت نومه عميقه لأن بالأيام الفاتت كل وكتي أدرس بكتب الثالث الجابهن حُرّ..
2
قرب يخلص الأسبوع ونرجع للبيت أنطيته خبر علمود يجي من وكت نلم كل أغراضنا وأحتياجاتنا لأن بالليل تصير ظلمه وهوسه وأحنى عگبه الصبح نرجع للبيت وصدگ أجه العصر من وكت وبلشنا نلم بأغراضنا وفحطنا تعب الدنيا حاره من خلصنا منهلكين
التفت عليَّ حُرّ وهوَّ يمشي للباب
-راح أسبح بالشط.
8
هزيت راسي وهوَّ طلع تأكدت خاف عايفين شي بس الحمدلله ضبطنا كلشي، ما أخذنه كل الموجود هنا بس ملابسنا والأشياء المهمه وعفنا الباقي كله هنا خاف بيوم من الأيام نرجع طلعت، وره حُرّ شفته من بعيد بالشط أبتسمت ورحتله..
2
چنت لابسه تراك لأن محد هنا فـ ماخذه راحتي باللبس گعدت على طرف الشط ومديت رجليَّ بالماي أحركهن مبتسمه وهوَّ تقرب عليَّ من شافني، جبت تلفونه وياي علمود أخابر البنات أبحوش بي واگلب بالأرقام راحت عيوني وما لگيت رقم فجر
1
رفعتله راسي عاگده حاجبي
-حُرّ شنو مسمي أسم فجر على رقمها؟
-فجر، شمسميها مثلاً نور عيني نبض فؤادي؟
3
صفنت مصدومه ورمشت أكثر من مره
-عمي أنتَ لسانك شطوله!
2
-أنتِ متزومله غزالة.
-دخيل بختك أي والله لسانك شطوله عمي لا تحچي ويَـ الوادم هيچ عبالك هادود!
2
-سگط نچبي لا على عينچ
-حُرّ عود أنتَ ليش هيچ لسانك طويل؟
-گايلها الچ گبل "يالمالك شر مالك هيبه
بس أنتَ فد مره شراني
-ها كبد هيچ صار الحچي مو؟
3
هزيت راسي بثقه أخزر بي طلع من الماي وگف على الجرف ياخذ نفس عالي وصدره يرتفع وينزل شعره مبلل ومبعثر وخصلات شعره متروسه ماي وجهه يقطر واگفه وبأيدي التلفون جراه من أيدي شمره على الگاع حضني من ظهري ورفعني من الگاع لاف أيديه الثنين على خصري شهگت خايفه ورجليَّ نرفعن من الگاع..
8
چلبت بأيديه بقوه وصرخت
-يممممه شماااالك!!
أسمع ضحكته متونس على خوفي وخطواته أتجاه الشط بلعت ريگ بخوف وأتلفت عليه وأرجع أتلفت على الشط
-وين موديني حُرّ شجاك!
-تحچي عليَّ مو؟؟
1
-يممممه علييييك الله نزلني..
1
أرفس بين أيديه برجليَّ بس هوَّ كاضني بقوه من خصري ما أگدر أفلت روحي وأتملص، شهگت شهگه طلعت من نص گلبي من وصلنا للشط واگف على الجرف وأنه بين أيديه يباوعلي
-ها غزالة؟
-لا علييييك الله نزلني
ما رد عليَّ وشمرني بالشط بنص الماي طحت لجوه أحس روحي صرت فد مره ما أگدر أرفع روحي وأشوف شلون جاي أطب بالماي لجوه والماي ترس حلگي وعيوني وحتى نفس ما أگدر أتنفس شفت الموت من الخوف وهوَّ يباوع عليَّ واگف گدام الشط!
9
بس أيديَّ طالعات من الماي أختنگت وبالگوه رفعت راسي وشعري صاير على وجهي وعيوني وصرخت بصوت عالي أشهگ بالنفس
-ما أعرررررف أسبببببح راح أمووووت..
وهوَّ واگف يضحك من شافني بديت أغرگ وأنزل لجوه بسرعه أجه عليَّ يطلعني وأنه غمضت عيوني خايفه ما أدري شلون طلعني وشوكت
-أشتعلو عبالي راح تودعي.
رفعتله عيني خازرته و بعدني خايفه
-وأنتَ تفرح من أموت!
-أختلست گلت راحت الغزالة..
2
ضحكت على حچايته بس من تذكرت السواه خزرته وزمخت ضايجه
-شلووووون تذبني بالشط؟؟
-شمالچ أشاقه وياچ شقه خفيف.
13
رفعتله حاجبي وجريت روحي منه واگفه أوخر شعري اللزگ بوجهي من الماي
-يا شقققه أجييييت أموت
-چا غير علمود تتأدبي صايره متزومله عليَّ.
-عمي أنتَ شني من زلمه أنتقام!
أمشي بأتجاه الغرفه وأدردم وأمسح الماي من وجهي
-أجه يموتني ويگول شقه خفيف
-شمالچ وردة؟
-يعني لو ميته تجيني للگبر تگلي چنت أشاقه؟
-والله تبالغي هِيَّ أميه..
التفتت عليَّ أضحك وفريت أيدي تقرب يمشي بصفي
-سگط بس تحچي حرف بعد أشمرچ بالشط.
-أجيت أموت وعلي..
-عبالي چذابه طلعتي صدگ ما تعرفي تسبحي.
-ها شگالولك عليَّ سمچه؟
5
ضحك وطگني بخفه على راسي بسرعه رحت بدلت هدومي وبعد ما كملنا كلشي ورتبنا ونمنا آخر ليله بهذا المكان اللي أعتبرته مكان خاص بيَّ أجه الصبح ولازم نرجع لذاك البيت صحيح فرحانه راح التقي بالبنات بس أدري راح تصيرلي هواي طلايب..
وبنفس الوكت أنه حبيت هذا المكان وتمنيت أبقى طول العمر هنا طلعنا من المكان وعايفينه ورانا التفتت عليه أباوعله بحسره ونظرة قهر لف أيده على چتفي وأيد على الستيرن يسوق بهدوء نطق
-كل ما تردي أجيبچ هنا.
هزيت راسي مبتسمه وبسرعه غيرت السالفه
لأن ما ردت يحس يتأنيب ضمير التفتت على الطريق
-راح ترجع لشغلك هاي الفتره؟
-أي فجر رجعت على حيلها ما أدري جاي تكابر لو شنهي ما مفتهم عگلها، بس رجعت زينه.
-خاف تكتم لأن هِيَّ كلش كتومه؟
1
-واضح هيچ.
-حاول تضل وره سالفة ضوجتها ونفسيتها التعبانه السالفه مو هينه ولاچمني گلبي عليها..
+
جر حسره مسح وجهه مختنگ
-ياريت والله ياريت نطر گلبي نصين عليها..
مسحت وجهي ساكته وصافنه بس أريد أفسر حالتها ماكو ضلينا ساكتين لأن حُرّ حيل يختنگ ويضوج من يتذكر فجر وگفت سيارته گدام بيتنا القديم اللي أحس روحي غريبه وأول مره راح أطبله من التوتر
وگفت بالباب متانيته يجي
علمود أطب وياه سفط السياره على جهه وأجه تقرب عليَّ
-ها شو ما طبيتي؟
-متانيتك.
أبتسم وفتح الباب متوتره ما چن چنت عايشه وياهم وكل تفكيري شلون راح يستقبلوني وأنه طالعه منهم مخليه دم صمد بطوله ومنيمته مستشفى طبينا سلمت على الموجودين كلهم گاعدين بيهم ردو السلام وبيهم لا
سلمت على البنات وحضنت كلارة مشتاقتلها حيل بس ما شفت فجر التفتت على كلارة مستغربه
-وينها؟
أشرتلي على غرفتنا وبحزن همست
-هناك..
بلعت ريگ ورحت للغرفه و الذكريات كلهن مرن بعقلي وگدام عيني مثل لقطات فلم، دگيت الباب وأجاني صوتها من جوه هزيل تگلي طبي..
فتحت الباب طبيت ورحت عليها سلمت وباوستها وحضنتها مشتاقتلها وكل هذا أنه مصدومه بهيئتها وشلون عفتها وشلون من رجعت شفتها، ملامحها ذبلانه وفد مره تعبانه جوه عيونها سواد يتوضح منه أشگد هِيَّ سهرانه
وجها أصفر وضعفانه
طافيه الدنيا بعينها مسحت على چتفي مبتسمه بتعب
-بذاته گطعتي بينا
ضحكت بحماس لازمه أيدها
-وحاضر الشدات لو ما چنت متسودنه وتعبانه چا ما فارگتچ وين أگدر أنه على فراگچن!
-أشاقه وياچ أنه چنت فرحانه من أبتعدتي.
مسحت على چف أيدها البيدي بحنيه
-أروحلچ فدوه فجر سولفيلي ليش هيچ ذبلانه!
دنگت عينها ساكته وتنهدت
-ما بيه شي..
-خايفه عليچ وليلي ما أنامه كله أفكر بيچ
-شني هل حچي لا تفكرين كلشي ما بيه مريضه شويه.
-فجر إذا صاير وياچ شي سولفي لـ حُرّ گبل لا تصير مشكله وتتندمين خل هوَّ يحلها..
1
مبتسمه بأنكسار أحس التعب ماخذ ثلثين حيلها جرت حسره وهزت راسها
-ماكو شي وردة سالفه قديمه خل تولي..
1
سكتت لأن أدري ما راح تحچي مبين كاتمه الموضوع بشكل ما تتناقش بي، جبتلها علاجها وتمددت تريد تنام نكسر واهسي حيل من شفتها هيچ متغيره وتعبانه طفيت الضوه وسديت الباب علمود تنام..
طلعت من الغرفه صارن بوجهي إيناس وبلقيس واگفات على صفحه بالهول قريبات مني أول ما صارت عيني بعين إيناس تذكرتها شلون دازه روحها وضاگ صدري دنگت عيني ومشيت أريد أروح لـ كلارة
اس: شو رجعتي مو گالو لمن تبدي المدارس وتردين؟
2
وردة: شلچ غرض! شوكت ما أريد أرد.
إيناس: رجعت الدايحه من الدياحه وطلعلها لسان..
2
وردة: أي حبيبتي عفت العفه والشرف والأخلاق الچ محد يلحگچ يلعفيفه الطاهره، الشرف كله بس لإيناس.
4
بلقيس: چا تلحگينها الدايحه أم الشوارع!
باوعتلهن بطرف عيني ورفعت چف أيدي غميتهن
-من عابت هل عيون.
عفتهن وراي يدردمن ورحت للمطبخ لگيت كلارة هنا وزهراء ولارا أبتسمتلي كلارة فرحانه
كلارة: ولا مصدگه رجعنا سوى لمتنا رجعت
وردة: أي والله فد مشتاقتلچ گلبي طاگ عليچ..
زهراء: چا أحنى شني نبزز خاله ما تشتاقيلنا!
التفتت عليها أضحك وضليت أسولف وياهن مندمجه ولارا مرة قادر حيل حبابه ولطيفه وصايره قريبه من البنات بغيابي سولفنا هواي بس ضل بالي كله ويَـ كلارة چنت كل ظني بس فجر تعبانه طلعت حتى كلارة ملعوب بحالها لعب تعبان حالها على أختها
تغير روتين حياتي ورجعت لمتي ويَـ البنات بس فجر تضغط على روحها وتبين كلشي عادي وطبيعي بس أنه مركزه وياها ومنتبهه هواي الها البنيه تعبانه بشكل يخوف، وأنه وحُرّ صرنا ما نحچي غير نادرًا علاقتنا حيل صارت سطحيه وهوَّ ما أدري بشنو نشغل..
فزيت بنص الليل قريب الفجر، گمت شربت ماي وردت أطلع للحوش علمود أتوضى ما دام فزيت وأضل أنتظر صلاة الفجر البيت أظلم خالين بس أضوية الحوش مشتغله علمود واحد يشوف وباقي البيت كله أظلم داخل شويه ضوه من بره بعدني ما طالعه وأسمع صوت واحد يفززني ويكضني من أيدي التفتت شفته وائل!
1
جريت أيدي منه وباوعتله بطرف عيني ما فازه ونترت
-دوخر چنك چلب.
2
-هههههههه وين هل غيبه كلها أستفگدتچ؟
-أفتكيت منكم..
1
-وين أفتكيتي هم رديتي.
-هسه أنتَ شتريد؟
-طايحة الحظ عليمن خشمچ يابس ما تگليلي؟؟
1
رفعت حاجبي متنرفزه لأن غلط عليَّ فريت أيدي
-دروح منا روح ولا تغلط مره ثانيه
-وشتسوين؟ عيونچ چنها عيون هايشه..
-عاد أحسن من عيونك.
1
يضحك ومندمج وياي بالكلام
أستغربت ليش جاي يضحك وأنه جاي أغلط عليه؟
-عليمن تخوزرين بعيونچ ترى يلعبن الروح!
-أنتَ تشوف الواحد كامل لو نص؟
-ليش؟
-عيونك چنهن دگم.
4
ضحك بخنسه ونتعارك مهامس لأن الكل نايمين وصوت الليل مسموع
-عمي شلون صلافه عدچ تنكرين الفضل
-يا فضل هذا عمت عيني كون أنتَ مفضل عليَّ!
-مو أنطيتچ من دمي وما راضيه فوگاها..
-غير من گعدت تمنيت روحي أزوع دم علمود أزوع دمك.
-خايبه ترحين فدوه لدمي غير ماكو مثله نادر..
-شالفايده صاحبه خايس.
-مو فرو الدنيا ما لگولچ دم وأنه أنطيتچ
-دمك نگس ياريت ما يمشي بوريدي
يضحك عادي عنده
وأنه صدگ أحچي نصدمت من طلعو مخليلي دم منه
-بلأخير أفضالي چبيره وما تنكر.
گبل لا أرد باوعت بعشوائيه وأنتبهت لـ حُرّ واگف على الدرج يباوعلنا، ما شفته بتركيز لأن أغلبية البيت أظلم بس گدرت المح وجوده بسبب الضوه الجاي من بره بسرعه رحت للمغسله لأن هوَّ أكثر من مره مانعني أحچي ويَـ وائل بس لأن يستفزني أرد عليه..
1
توضيت وائل طلع من البيت لابس هدوم الشغل، ما أدري إذا شاف حُرّ لو لا وطبيت لغرفتنا أنتظر الآذان صليت وقريت قرآن ونمت، لحد ما فزيت على صوت كلارة تگعد بيَّ گمت غسلت ورحتلهن بالمطبخ لگيتها مسويه ريوگ ومتانيتني گعدنا نتريگ ونسولف لحد ما خلصنا وأنه أغسل مواعين ريوگنا وهِيَّ واگفه تسولف وياي
طب ضيغم صب گلاص چاي يشربه بالمطبخ وهوَّ واگف لأن يريد يطلع كلارة شربت ماي وشرگت بي ضلت تگح أيدها على حلگها عيونها دمعن من الگحه التفتت عليها
-أسم الله
ضيغم عاف گلاص الچاي على الكاونتر وتقرب عليها يطگ على ظهرها بس مستمره تگح لحد ما رفع أيده وطگاها على ظهرها بكل قوته طاحت على وجها بالگاع فتح عينه مصدوم
-الله الله!
4
التفتت عليه خازرته وضلت گاعده بالگاع
-طيح الله حظك أي والله يا سربوت
-غير علمود تصيرين زينه!
-طگه لو طابوگه خسفت ظهري
-صوجي ردت أوخر منچ الگحه
-مو بس وخرت شردت..
-أنتِ تتمايعين هِيَّ طگه
-شتمايع غير نچبحت على وجهي!
-طبچ حمس.
-گول أنتَ محمل گلبك عليَّ چن طگه عدو..
خزرته وگامت تنكث بهدومها
خاف توصخن من الگاع ضحك وراح أخذ گلاص الچاي
-برد چايي من وراچ وكلمة شكرًا ما طلعت من حلگچ..
-عليمن لأن كسرت ظهري بأيدك أتشكرك!
رفع الگلاص يكمل چايه
وهِيَّ التفتت عليَّ شافتني أضحك عليها غمتني وهفت على وجها
-اليوم الهوى مسموم.
+
ضحك ضيغم وفر أيده
-شني مسموم هوَّ بلقيس لو محاسن، سموم يا صخله.
التفتت عليه وصفگت أيديها بحماس وصرخت
-عفيه أقصد سموم.
صفن عليها مخترع
-على كيفج عبالي راح تحمسيني راجدي!!
ضحكت أنه وهِيَّ خزرته والتفتت عليَّ تكمل سوالفها وياي حط الگلاص بالسنگ وطلع من المطبخ لبره البيت وهِيَّ محترگ گلبها
-السربوت.
حيل أحب علاقة كلارة وضيغم، وكل بيتنا يگولون همَّ من الصغر دوم يتعاركون ويتفاشخون ما متصافين بس بنفس الوكت علاقتهم حيل قويه عبالك أصدقاء أو أخوان تخبل عركاتهم وسوالفهم سوى..
كلنا گاعدين بالهول ملتمين وره العشى الأغلبيه يشربون چاي ويسولفون بيناتهم، گاعدين أنه وكلارة على بايات الدرج وحُرّ ويَـ الزلم گاعد يسولف ومن بداية الگعده صمد يذب حچي على حُرّ بشكل غير مباشر بسامير
حُرّ: اذا أگعد يمه ربع ساعه أچتله موت.
حُرّ: والله عدك قابليه بالتمسلت.
بلال: عمك هذا عيب عليك!
حُرّ: أنتَ والله عدك قابليه بأكلان النعل.
3
گاطع: ما يصير عمي ما يصير!
حُرّ: حسك ما أريد اسمعه إذا سمعته أعوف الوادم واچلب بيك.
1
وائل: هههههههه هم حظه هذا ليش؟
حُرّ: ما يتنفس إذا ما يگول عيب، ما يصير، يشوف بس حرّ غلط
گاطع: چا أنتَ مستهتر حگي من أحچي عليك!
صمد: عوفه يخوي خريج سجون شتريده يطلعلك معمم لو سيد إذا هوَّ گضه عمره بالسجن هناك تربه لا تستغربون تصرفاته وتربيته الزفره تربية سجون.
حُرّ: يوميه عايديهن هذني حفظناهن ما مليتو!
ضلو يحچون وهوَّ يشرب چاي مغلس عليهم لأن مل گد ما يجيبون طاري السجن وهذيچ الفتره بحياته بأي سالفه أصدقائه حاولو يغيرون السالفه التفت عليه قادر..
+
قادر: شبيك شو مالك خلگ خيرك؟
حُرّ: ما بيه شي..
ضيغم: أنه أعرفه ليش ضايج.
فقار: ليش؟
ضيغم: لأن أم رشا ورشا مسافرات..
3
حُرّ: ردينا!
ضيغم: صارله أيام ماله خلگ لأن أم رشاوي ما هِيَّ أشوفه الأيام الفاتن يحوم على بيتها مستفگدها شلون يفارگها صارله أيام ما يتنفس هيچ عايش على رحمه الله..
BELOW
جسام: ههههههههههه يا طلابة أم رشا
وائل: هسه أنتم شككتونا بي صدگ لو چذب؟
فقار: خايب خل يولي ضيغم يمسلت من وحده.
كلارة: چا هِيَّ أم رشا وين أبو رشا عنها؟؟
ضيغم: متوفي الزلمه من زمان المره أرمله.
قادر: ما بيها شي السالفه، تزوجها إذا تحبها!
حُرّ: شبي هذا يعني أنتَ من عگلك مصدگ؟
قادر: أي والله غير ضيغم صارله قرن يلح بالسالفه!
جسام: شلون سمعه طلعت عليك..
ضيغم: ما مچذب.
+
حُرّ: ديله أسكتو شنهي ماكو غير سالفه تسولفون بيها!
يحچي ويباوعلي بنظره سريعه أو عشوائيه يشوف رد فعلي يمكن خايف هم أگوم أخنگه، أحس صارت بيَّ حساسيه أحك بأيديَّ وعيوني عليه
1
ضيغم: يمكن أم أظافر ما ترضى تغار؟
1
وائل: چنها صدگ ولك شو ما يرضى نسولف!
بلال: ياهِيَّ أم أظافر؟
أشرله وائل على رگبه حُرّ
وهوَّ يخوزر بيهم ضايج عگدت حاجبي مستغربه ومركزه وياهم عدل
جسام: چلبتك هاي مو حبيبتك
1
ضيغم: كاتلته ولكم يااااا بوييييه كاتلته!!!
حُرّ: توب مني ضيغم.
ضيغم: توب مال بايسكل؟
حُرّ طگ ضيغم راجدي فر وجهه فر، ضيغم كض خده يباوع على حُرّ
-خايب بعد ما تطلعلي لحيه من وره راجدياتك!
1
فقار: علمود تتوب يا زعطوط.
جسام: حرّ والله زحمه طول وعرض وچتاف وتكتلك!
CONTINUES BELOW
ضيغم: وعلي زحمه..
گام الهم يكتل بيهم ثنينهم وهمَّ ميتين ضحك، وما تايبين يرجعون يحچون بنفس السالفه أم أظافر وأم أظافر وهوَّ شاط لأن يگلوله كتلتك يتشاقون وياه، جسام هم مسكين حچاله حچايه نطبگ ويَـ ضيغم اللي صارله ساعه يتعارك ويَـ حُرّ..
صمد: شني أنتم زعاطيط بويه؟
ضيغم: عمي هسه شحاچين بروح أبوك هذا الزلمه ظلمنا.
حُرّ: چا ما تتأدب!
ضيغم: شمحاچيك أنه الله أكبر طگيتني ظلم..
فقار: أخوك الچبير يمون عليك
ضيغم: أنتَ لو حرّ يحط بيَّ طلقه تگول أخوك الچبير.
فقار: چا ياهوَّ نكتل بدون سبب تستاهل أنتَ بديت..
ضيغم: چني عدوك موش أخوك، بس أنه مظلوم حرّ لابد يوم رب العالمين ياخذ حگي منك إذا مو بالدنيا بالآخره..
حُرّ: تاكل چثير نعل.
ضيغم: لعنة آمون عليك..
1
حُرّ: أنه تايب منك ما أنطيك عين
گام من مكانه لأن صاير بصف حُرّ يگدر يكضه أبتعد گعد بصف جسام
-تايب لو عجوز؟
فقار: وتگول ليش يكتلني!
ضيغم: الله ياخذ حگي منكم..
1
ضحكت على التمسكن مالته شلون يسوي عركه ويحرگ گلوبهم وبلأخير يسوي روحه فقير وماكول حگه، صار هدوء وبس طگطگة الخواشيگ بالأستكاين وصوت أستكاين الچاي من تنحط على الصحن..
ضيغم رفع چف أيده لفوگ بكل جديه گال
-من اليوم وصاعدًا أنه أعبد الله الواحد الأحد.
صار هدوء وهوَّ خرب من الضحك وكلهم يباوعوله مستغربين لأن شچنت تعبد مثلاً، بس كلارة تضحك وياه فر أيده حُرّ
-ينرادلك شماعيه أنتَ حالتك متأزمه.
مر الوكت وبين الطلعو من البيت وبين الطبو الغرفهم بس أنه ضليت گاعده وأيدي على خدي صافنه حسيت بصوت بصفي التفتت لگيته حُرّ تقرب گعد بصفي على نفس البايه الگاعده عليها..
+
-ها شبيچ اليوم شو مطنگره؟
بيه شي..
-من وره أم رشا؟
التفت عليه مركزه عينه على ملامحي يشوف رده فعلي
-لا.
-لا على أم رشا شفتچ نقهرتي وضجتي!
جريت حسره متچتفه أباوع لگدام
-ليش أنتَ الوحيد لاطشيلك بيها يعني عدنا هواي عزابيين أنتَ الوحيد لاطشين الك على أم رشا يعني ما مقعوله ما شايفي فد شي ولزگ مو؟
هز راسه بتردد
-مو..
-عفيه عليك أعترفت بلسانك.
-بس والله لأن يشوفونها تسأل عليَّ لطشو بيها وتعرفين الولد شلون ماصخين يلحون بالسالفه.
-زين ليش تسأل عليك مثلاً؟
-دوم أشتري لكلارة منها يمكن لهذا السبب؟
-أها
-لا تضوجي كبد.
-ما ضايجه..
+
-لا ضايجه، أنه خفت تگومي تخنگيني بنص الوادم.
-شعليه بيك..
أبتسم مركزه عليَّ
-يبعد ناسي وهلي.
التفتت عليه أباوعله بطرف عيني ضايجه وهوَّ فرحان من يشوفني ضايجه وجاي أغار، تنرفزت وطبيت لغرفتنا ساكته وضايجه..
ما دام ما عندي شي ردت أعزل كناتير غرفتنا متفقين أنه والبنات كل مره على وحده ترتب كناتيرنا كلنا وهاي المره أجه دوري عزلت كنتوري وكنتور كلارة وعزلت كنتور فجر بس أنتبهت لعلاگه سوده موجوده كل ظني هدوم ومن جريتها صدگ ملمس العلاگه يوحي لـ هدوم ردت أطلعهن وأرتبهن ويَـ ملابسها البقيه
فتحت العلاگه وأنتبهت لملابس بالعلاگه طلعتهن وأنتبهت لشي ثاني بيها بلعت ريگ من جريتهن صافنه عليهن صور ثگلت أيدي من شفتهن، صور تمنيت ميته ولا شايفه شنو داخلهن...
