رواية يا اجمل الوحوش الفصل الحادي والعشرين 21 بقلم رسل فهد
يا أجمل الوحوش
- رُسل فَهد
...
33
بَعدك التفكير يذبح
مثل ذاك الباگ بوگة
و طلع من عدها بشطارة
و عَاين موگع هويتة
ليش هديت الحلم ؟ توني بنيتة
اني محسوبة عليك
و انت َ تدري السَلف من ينعاب شيخة
يضيع صيتة
- رُسل فَهد
...
91
" ورود "
26
اول ما صَف السيارة مديت ايدي اريد افتح الباب
قَفل البيبان درت وجهي عليه بعصبية و ضربت الجامة
بثواني أنجر وجهي و شفِتة لامست شفتي دفعتة ما كدرت و هو جان
يفرغ كل عصبيته بهاي البوسة
364
أختنكت واريد أعاين لا يطلع واحد من أخوتي و يلچحني
سيارة زِناد گبال سيارتة من حس بية كلش أختنگت يالله هدني
خليت ايدي على گلبي و أتنفس سريع اعاين لشفتي بلجامة
من كد ما تأذيني عبالي راح الكاها بيها اثر
110
امسح بيها و دموعي هم تجري عدلت عباتي
و ردت افتح الباب هم مقفول
ورود : افتح الباب خليني انزل
شراع : وردتي باوعيلي
126
ورود : شراع انا مو مضحك عندك و لا قشمر وخر خلي انزل
شراع : أيابـة ، اني حالياً فرغت عصبيتي بطريقتي
انتِ إذا يعجبج سوي مثلي
246
ضربته بصدرة قوي
- انا مو مثلك افتح الباب يالله
مد ايدة ليورة اخذ علاگة من الكشن و خلاها بحضني نفسها
الي شفتها بالغرفة عاينتله ما فتحتها
24
شراع : هذا تليفونج لان اني هاي الفترة يمكن ما أجي لبيت خالة رهينة عندي ترميم بالبيت و لازم ابقى هناك
ورود : ابد ما تجي ؟
47
شراع : لا أجي اخذج تكملين غراضج لغرفتج بس تتأدبين
مو تتسودنين خلينا حبايب احسن
حجاها و گرص خدي
63
ابتسمت بوجهة فتح باب السيارة نزلت و هو هم نزل طبيت ويا
ورود : اني ما احب واحد يصيح عليه بالحچي
شراع : و المواضيع الاصيح بيها لا تفتحيها
132
ورود : شراع شايف روحك عليمن
شراع : انتِ مرتي شلون ما أشوف روحي
ضحكت و درت وجهي بخجل هو سلم و كعد يم جدة عدنان
لسة كاعد بالهول منتضرنه و أنا احس كلهم يدرون بي باسني
148
طبيت للغرفة و اني كل شوية مخلية ايدي على شفتي
و اتذكر شلون اختنكت ، شكد ما هو يبين يحبني بس بعدني
گلبي يلعب منه و احس ورا شي
232
بالليل نزلت تذكرت هو ما تعشى كعدت اسويله و اني وزهرة أكلنه
السفري الجابة ويانة صعدتلة الصينية لكيته يخابر و يضحك
و يسولف عن قضية من طبيت قفل الباب و اشرلي على الچرباية كعدي
كعدت و أنا روحي تنعصر من اسمع ضحكتها من السماعة
و هم يسولفون عن الشغل بس أنا ما أتقبل
139
احس بروحي مهضومة بس اقوي بنفسي ما اريد يبين عليه
درت وجهي عليه عاضة طرف شفتي حتى اخفف الوجع البداخلي
وگفت و حجيت بصوت عالي أريدها تسمعني
- شراع أنا راح أطلع
باوعلي مبتسم
53
شراع : لا حبيبي ابقي شوية
اسمعها تسألة و هو گاللها اي خطيبتي يمي من اريد اشتغل اخليها گبالي حتى القضية الصعبة تسهل
303
باللحظة راح كل ذاك القلق و ماكو غير الابتسامة على وجهي
سد التليفون منها و كعد ياكل
ورود : ليش كله بنات
شراع : والله المحكمة كلها محاميات وداعتج
و بس اني وصاحبي موجودين و كلها هاي النسوان النة
105
ورود : ما اخذت وحدة منهن شو انتَ متستحي
- ههههههههههه ، احبك من تغار والله
97
- كله من وراك حتى مدرستي عفتها وهسة ما تحجي غير وي الدارسات و المثقفات
شراع : تروحلك فدوة المحكمة و البيها حبيبي صدگ
تحجي انتَ اني عندي بس شوفتك قضية
232
درت وجهي عنه بعصبية اجته رساله شافها و ضحك بصوت عالي
أعاين لايدة و لا مرة داوم لابس الحلقة بس من يروح لاهله و عزت عليه نفسي اسأله بعد
107
ورود : نعست أنا راح اروح انام
- نامي يمي
52
كمت من الجرباية حتى افتح الباب
كام وراي صار الباب بظهري و هو گبالي خليت
ايدي على صدرة ابعدة
شراع : إذا على الدراسة أرجعك و هذا شاربي مو عليه
إذا ما رجعتك بس اضحك يا عيني
137
ورود : ترجعني ؟ صدك
شراع : وداعت عيونك الصفر أرجعك
ما ادري شلون اعبر عن فرحتي بس فقدت السيطرة من الفرحة و شبگته بأثنين أدية نزل روحة و طبع بوسة برگبتي
جسمي كزبر
199
وخرت راسي و حسيت على روحي فتحت الباب و طلعت من الغرفة اركض ثاني يوم كعدت الكاع ما شايلتني من الفرحة اسويلهم الريوك بكل حب و اتخيل دراستي صدك يرجعني الها
76
اسوي ريوك و افتر تريك و راح و هو يضحك يعاين لفرحتي
حتى الحلقة اليوم لابسها احس الدنيا صدك اليوم ضحكتلي
انظف وامي تضحك من تشوفني شكثر فرحانة
88
صار الظهر و اجوي كل اخوتي و ابوي على الغده احنه واكفات بالمطبخ
طب شراع بعدة ما صاعد الدرج اعاين على هذيج الشوفة الطَبت
علينه وحدة لابسة بنطرون و قميص فوگا قمصلة و كعب
اعلى من أحلامي
165
الشعر يلمع اسود قصير و الحُمرة حَمرة ايدها متروسة بتوت
و محابس ذهب و طبت وجهة كله شر غسان جان توه جاي من الكلية اول ما طب كالتلة وين خطيبة شراع بهذا البيت مو
87
غسان : خير منو انتِ
طلعت الها أنا بطرگ الدشداشة و الشال
طلع عدنان يصيح خير شكو منو هاي
17
- وين خطيبة شراع
عدنان : شتردين منها و منو انتِ
ورود : اني خطيبتة
57
- انتِ ؟؟؟
حجتها و هي تأشر بأصبعها السبابة على طولي
108
صار كدامي شراع اشرلي أطب جوة
شراع : خير ندى !! وين جاية
- هَي هاااااااااااي !!!!
تحچي وتأشر عليه و تضحك
....
728
" جُمارة "
42
و اني أشوف النار تلعب بالغرفة و تاكل بيها جزء جزء كلشي اجه على بالي إلا راح اطلع عدلة گلت مستحيل فتحت الشباك و أني أصيح جان محد منهم موجود اصيح بعالي صوتي و محد يسمعني لحد ما عرفوا
الغرفة تحترك من وره نارها مو من صوتي
38
شباك غرفتنة يصير على جهة المضيف و المضيف فارغ طَفو الكهرباء
و صارت ظلام اكثر و الدخان من دون شي ظَلم الدنيا
مغرب و الآذان يأذن صوت الجامع عالي كلش قريب علينه و اني
دموعي تجري اخاف من النار و ألم الحرگ حتى لو اموت اريد اموت
بـ اسهل شي
52
اسمع هوستهم وصياحهن جوه بس محد منهم اجه طلعني
جنت ادري لو هو موجود لو كاعد بنص المضيف و هوستة راح يسمع صوتي و يطلعني
47
ركضت للشباك و اني أكح بقوة النفس بده ينسحب عندي بكمية قليلة
باوعت للشارع أشوفـة جاي يركض من بعيد و مخبوص صحت
زنااااد بس ما سمعني رجعت باوعت للنار صارت كلش قريبة
والخوف جان محتل كل جزء بية
61
من باوعت على النار و شفت حرارتها بدت تلهب بية ركضت اخذت اللعابة بالكاع وطبگت روحي على الحايط باوعت للعابة
- كتلج ما اعوفج لحد ما اموت لان انتِ من ريحة أبوية
وي آخر نفس اشهگة حسيت الدنيا هَدت ايدي
و كلشي راح
10
بين الواقع و الخيال هاي أني بغرفة بيضة وأضوية قوية تعمي العين
أصوات ما مفهوم نقاشها احس بشيء غريب كل ما اسحب نفس
أنمدت ايد على گصتي رفعت عيني ، أشوفة واگف گبالي و حجب الاضوية الجانت بعيني
68
زِناد : جُمارة ، شلونج يابة
105
ردت احجي ما گدرت أختنگت رفعت راسي اله انتبهت على وجهي جهاز اوكسجين اشرتلة بأيدي عليه جر كرسي و گعد بصفي
وخر الجهاز من خشمي تنفست من حلگي و خشمي و گمت اگح
رَجعة بسرعة و رجع ايدة على گصتي
28
زِناد : أرتاحي هسة اهم شي تصيرين زينة
بقيت اباوعلة و اريد احجي هواي بس ماكدر بقيت ساكتة
شوية و أجتي امي و امجد وياها و عجيبة و جدة رهينة
74
طلعوا زِناد و امجد و امي تبوس بية جدة كاعدة يم راسي تبجي
عجيبة : هسة هاي فلوسهم ما يچيكون الكهرباء صخام
بعينهم فاخر وهاشم حايرين بالنسوان
59
تغريد : يمة بنتي لو رايحة شَحصل اني و شحصلت منهم
اخذوا مني رجلي و ابني و لاحگيني على بتي والله بس تصير زينة اخذها و اشرد
220
جدة ساكتة ابد ما حجت بس بأيدها علگ تمسح
وجهي و ايدي و تقرالي ايات
رهينة : الحمدلله و الشكر الطلعج من ذيج النار سالمة
يجدة
33
بديت اتذكر الموقف و ما مصدگة أني طلعت عايشة تقربت جدة علية
تحجي وياي بصوت ناصي
رهينة : يـ جُمارة طب بنص النار و طَلعج
ما همتة روحة
333
باوعتلها بسرعة فاتحة عيوني و طبت الدكتورة
شالت الأوكسجين و بدت تدربني أتنفس اعتيادي بس شافتني كلش مخنوگة رجعته حطولي مغذي و بي علاج راحوا كلهم بقت بس
امي و زِناد
26
عقلي كام ما يفكر غير شلون كدر يطب و يطلعني اباوعله ملابسة كلها رماد اسود و واحد من الردن محروك بس هو ما مهتم كاعد على الكرسي الي بالغرفة و يكتب بالتليفون النوب طلع يخابر
و اني عيني ما شلتها عنه كل شوية يرفع وجهة يلگاني اباوعلة
يبتسم بوجهي و امي تخلي ايدها على عيوني لان متريدني اباوعلة
266
بقى يمنه الليل كله امي نامت و هو ما نام رفعت الأوكسجين
حسيت روحي اكدر أتنفس وحدي هو كاعد يباوعلي رفعت روحي
زِناد : جوعانة
من كد ما حافضني يعرف اني اول شي بالحياة أفكر بي هو الجوع
115
هزيتله راسي لا ردت احجي اختنكت رجعت الاوكسجين و على هاي الحالة للصبح هو ما مر على عينه نوم كل ما أفز الگا كاعد
بس لثاني يوم الضحى حسيت بروحي زينة و الدكاترة من شافوا وضعي گالوا زينة بس تكدرون تخلوها لليل
12
هو كال لليل بس اني ما قبلت اريد اطلع كال يالله
امي ما قبلت تصعد ويا بالصدر كعدت ليوره يمي أكح بس مو قوي
كل ما أكح ارفع راسي الگا يباوعلي و هو حالته مو أحسن من حالي
هاي اول مرة اتمنى امي ما موجودة حتى احجي ويا
70
نزلنا للبيت و أمي بكل طريقة تحاول تبعدني عنه وتخلي يعوفني
بس ما تگدرلة جان مخلي على راسي بالمستشفى غترته
لان جايبني بدون حجاب من سدت امي باب السيارة
غطتني بعبايتها و جرت غترته من راسي خلتها بحضنة درت وجهي عليه مقهورة من امي
92
حاولت بنظرتي افسرلة اني ما راضية
طبيت للبيت و ما طب ويانة راح بقيت مقهورة فوك الخنگة اكلت شوية
و نمت بجرباية شريك لان راحوا هو و امة، بغرفة جدة
كلهم بعالم و اني بعالم ثاني
3
الشي الوحيد الفرحت بي البطة من شفتها تلعب لان
عبالي النار اكلتها و اني نايمة شلتها أبوس بيها
78
جدة اجتي كعدت يم رجلي بيدها ماعون فواكه
رهينة : اكلي يَـ جدة حبيبتي اكلي حتى تصيرين زينة
جُمارة : جدة يعني كل غرفتنة أحتركت
رهينة : لا تنقهرين و لا تشيلين هم ما دام جدتج موجودة أرجعها احسن من قبل و احلى
10
جُمارة : جدة ليش احتركت الغرفة
رهينة : من وره الكهرباء يجدة ما يهم المهم انتِ طلعتي سالمة و انكتبلج عمر جديد
39
بقيت صافنة بالفراغ و عيوني دمعت
- شلون ما متت
رهينة : وراج سبع يطلعج من حلگ الموت فوگاها تغريد
ما راضية أنا گلت راح تتفدى بعمرها
104
مسحت دموعي بقهر
جُمارة : جدة امي شمرت عليه حتى غترتة
رهينة : ما تهمة أمج هوَ المهم انتِ
54
تمددت انام و كل افكاري يمة روز اجتي يمي تبوس بية
روز : كل ما اتذكر الي صار ما اصدك انتِ عايشة
جُمارة : حتى اني من اجتني النار ما فكرت غيرج انتِ وامي
25
روز : بَس زِناد ما شفتي شلون طب بنص النار و طلع شايلج و لعابتچ فوگاج و اخذج وحدة للمستشفى و عاف النار مشتعلة بيهم
47
فزيت ادور لعابتي منا و منا ما هيَ
روز : يجوز بسيارتة بس هو طلع منا اللعابة موجودة
بقيت ساكته روز تحجي وياي و اني ما أجاوبها تالي عافَتني و گامت
غطيت راسي و دموعي تجري بس ما ادري عليمن
27
لحد الليل كاعدة بالغرفة ما طلعت احس بعدني ما متخطية الصدمة
و جدة كل شوية تدزلي شي لو تجيني ، روز متمددة يمي بالكاع
و امي يم رقية يسولفن
23
انفتح الباب طبت زهرة بت عمي فاخر
زهرة : جدة و عمامي يردوج بالهول
كعدت شوية مختنگة أكح شمرتلي روز الشال حتى البسة
خليته على راسي اعدل بي ردت أكوم طَبت جدة تشوفني
رهينة : تعاي لَـيه
41
أخذتني للصالة و احس روحي مخطوبة مو ردت اموت من الخجل كلها تحمدالله بالسلامة و اني بس اضحك بوجوههم اباوع للوجوه ليش ماكو هوَ من دونهم
هاشم : بزونة جُمارة بيها سبع ارواح
123
عمامي أنطوني فلوس و اني اباوع لجدة هي تحجي ببدالي
رهينة : يالله غسان باجر انت و خالد ابن عمار تسوون الغرفة
غسان : تدللين جدة بس جيبي فلوس نجيبلج صبغ
26
قاسم : اي مثل ذيج المرة تاخذون منها مية
و الصبغ كله طلع بـ أربعين
غسان : ها ، لا هاي مية وي شغل ادينه
رهينة : لا جا همزين كتلي حتى اخلي عدنان يجيب الصبغ
28
غسان : جدة حاميها حراميها إذا أنا أبوكج سبعين
عدنان مية و خمسين ما ترد راسة
32
رهينة : محد يجيب يالله أنا أوصي زِناد
غسان : حتى جدة تدور مال بلاش تدري زِناد ما ياخذ منها
ضحكوا وهي خلت الفلوس بيدي
37
اجتي امي سوتلي حليب و كعدت يمنه لمن بدو يرحون راحت للغرفة كالت يالله شوية وتعاي ، اني كاعدة يم جدة صرت مثلها اباوع للباب
بلكي يجي تقربت على جدة
- جدة ليش لسه ما اجة
- تعبان چا هديتي حيلة من امس لليوم
134
جُمارة : جا شمسويتلة اني
حطت ايدها على رجلي تضحك
رهينة : لا ولج يجوز تعبان امس ما نام عدل بالمستشفى
و الهبطة اخذت وطر منة
24
بقيت ساكته و جدة كل شوية تضحك تستفزني ، اخذت تليفونها و كعدت بعيد عنها على التخم و خليت الكوشة بحضني دگيت عليه
من يريد ينگطع جاوبني و أجاني صوته يضحك و هوسة يمة
- الو ها جدة
- الو
51
- ها عيني
بلعت ريگي و اباوع منا و منا
جُمارة : شونك
92
زِناد : إذا انتِ زينة أنا زين شلون صرتي
جُمارة : دكول جدة اليوم ليش ما أجيت
- لا شلون ما أجيها هسة شوية و جَاي
247
سديتة بسرعة احسة من كلامك يقصدني اني ما يقصد جدة
رجعتلها التليفون و بقيت كاعدة تالي تعبت تمددت على رجلها و غطتني بعبايتها و خلت ايدها على ظهري
رهينة : لازم كلج راح اجي
- اي راح يجي
45
- تحبينة يَـ جُمارة
- لا جدة بس هو يعاملني حلو احسة مثل الابو
152
مدت ايدها لشعري تعدل بي و تحمد بزناد و شكد
يسوي زين قطع كلامها هوَ يدخل بيدة علاكة مال دوه
كعدت عدل و خليت الشال على راسي سَلم و گعد من جهتي
مو من جهة جدة
49
خلك علاكة العلاج بحضني
زِناد : هذا دواج كتبته الدكتورة و نسيت اجيبة
شلون صرتي خو ما أختنگتي بعد
هزيتلة راسي بـ لا خله ايدة وره راسي و سحبني اله
غمضت عيوني و گلبي يدك سريع من لامست شفته گصتي
بقيت مصدومة و ماكدر ارفع راسي من الخجل
598
زِناد : لعابتچ بالسيارة من أطلع تعاي وياي أنطيچياها
جدة : وين جنت جا أنا گلت تعبان نايم
- اي والله جنت نايم بس المغرب خابروني الولد مسوين سمچ
29
جدة : احفاد ربيعة
زِناد : هههههه ، لا جدة صحباني
42
دار وجهة علية وهو يضحك و اني أباوعلة
زِناد: ربيعة تريدج ترحين وياي باچر
جُمارة : لا اخاف و اني ما أصادق أعداء جدة
ضحك بصوت عالي و حتى اني ضحكت
126
يحجي وي جدة وعينة عليه باس جدة و كال يالله رايح
بين الخوف من امي وبين رغبة روحي عفت جدة كاعدة و طلعت ورا
أحس شي بداخلي صار مرتبط بهذا الانسان
من فتح باب الشارع دار وجهة يمكن جان متأكد راح أجي
79
ابتسم و أشرلي بأيدة تعاي
رحت اركض و كل شوية أدير وجهي على باب المطبخ لا تطلع امي
وكفت بالباب و هو راح يفتح باب السيارة مديت راسي اباوعلة من
الباب
10
الهوى عالي و حلو هديت الباب و طلعت وكفت يمة اباوع لشباك غرفتنة
الحايط صاير اسود ، من دار وجهة وشافني ضحك انطاني اللعابة
و مد ايدة يفتح باب الصدر و ايدة الثانية على شالي
زِناد : مو گايلج ما تطلعين
- بَس يمك أطلع
51
- حتى أكصها إذا طلعت لغيري
158
بگد كمية الخجل احس مشاعر حلوة تنضاف باوعتلة بحيرة
و الهوى يضرب وجهي و كل ما يتحرك الشال هو يعدلة
جُمارة : نقذتني انتَ و طلعتني من النار
زِناد : من كلشي يأذيج أطلعج أنا
102
بلعت ريگي و دنكت اباوع لرجلي لابسة شحاطة مال ولد
باوعتلة مبتسمة لميت كل ذرة جرئة بروحي و باوعت لايدة
جُمارة : أريد الغترة الشمرتها أمي
230
فتح باب الصدر و صعد يضحك شغل السيارة و أني اباوعله
زِناد : شتسوين بيها
بقيت ساكتة ما جاوبته أستحيت مد ايدة على الكشن الوره
و رجع مدها الي اخذتها مبتسمه گرص خدي و بقى قابض ايدة
اشرلي على الباب طبيت و بقيت اباوعلة من فتحة الباب باس
ايدة يالله حرك السيارة
259
حطيت ايدي على گلبي يا الله كل هاي الهيبة الظاهرة
و هوَ هلگد خاضع لـ گلبة و يحبني كل هالحُب ما توقعت ،
زين ليش ما يگول
79
ثاني يوم كعدت متأخرة ضجت لان هو جاي و رايح على الغده ما اجة و لا حتى بالليل ما اريد جدة اكثر تتشمت بية و لا عندي غيرها اسألة
ضليت لثاني يوم ساكتة و خالد و غسان محتارين بغرفتنة
26
اجيت يم جدة كعدت
رهينة : مسافر يجدة
فزيت بسرعة باوعتلها و سكتت اخذت البطة و طبيت للغرفة تمددت بمكان جدة مقهورة
135
مرت الأيام واحد وره الثاني ابقى بالغرفة ما اطلع لان اني جنت آبقى يم جدة حتى من يجي اشوفة اول مرة بحياتي أفكر بواحد لهذا الحد
الغترة مالتة خليتها جوه مخدة جدة و كل ما يجي الليل اخذها و الصبح أرجعها جوه راس جدة حتى لا تشوفها امي عندي
57
جان عطرها بي ريحة بخور و ريحة دخان و اطرافها مصخمة
بس جنت من أقربها لخشمي و اشتمها احس حتى بطني
تگوم توجعني و گلبي يدگ سريع لحد ما انام
خلصن عشر ايام وهو ماكو البيت هدوء و كلشي هدوء
واكفة بالهول اسولف لنورس أريدها تخيط تيشيرت صلوخ
للبطة و هاي بيدها ألفيته تقيسلها و جدة و ام عدنان يضحكن
187
طب شريك يركض بيدة السلاح و ولاء ويا هم مسلح
جدة كامت كوة أيديها ترجف و كلنه نباوع نزلو يونس و عدنان يركضون
على صياح شريك و هو يخابر زِناد
شريك : تجي لو لا انتَ مو كتلي من امس جايك
راح آخذهم و اروح و شيصير خلي يصير
+
رهينة : ولك جدة لا تهبطة هو وجع الدوه ما حاملة
شريك : يالله منتظريك يم جدة
ولاء : لا جدة هو جاي من الصبح وصل بمطار البصرة
113
رهينة : ولك مو كتلك عوفة يولي لا يفصلوك انتو و التالي وي طلايبكم
شريك : خل يفصلني جدة أنا يغلط عليه و يسب امي
لو مو ضابط و حگ هو علي اليوم إلا اهينة
97
نزل غسان يركض بيدة سلاحين انطاهن لعدنان ويونس
و امهم و جدة كامن يلطمن
رهينة : هسة يجي زِناد أنا اخلي ياخذ الأسلحة منكم
والله ما تعتبون باب الحوش أنا ما عندي زلم زايدة
24
شريك واكف على نار و كلها واكفة تباوعلهم هديت البطة بالكاع
و عدلت شالي اباوع لجدة إيديها ترجف مِن طَب زِناد سريع زاد الجو توتر راحت جدة تركض تهدي بي و تقنعة يگعدهم و ياخذ الأسلحة
زِناد : شگالك بالضبط شگالك
رهينة : ولك جدة خيولي انتَ جاي من التعب
و ذولة كلهم عدهم نسوان و جهال
20
شريك يباوعلة بهضمة رغم الأعصاب الواضحة بوجهة
زِناد : گتلة امي مريضة اشوفها يوم وارجع طاحلي بذاك السب على ابوي و امي كدام جماعتي كلها أنا ما تحملت
هم سبيته ضربني و لزموني جنودة طلعوني زنااااد
لك زنااااد يگلي انعل ابوك لابو امك الـ ...
أنا يگول على امي هيج
112
رهينة : طبة مرض يجدة الغلط يرجع عليه
زِناد : امشـوا يالله امشوا
124
جدة انهارت و كامت تبوس بيدة يغير قرارة و هو راح للديوان جر الأسلحة و بيدة التليفون دگ على سلام ابن عمي عمار گالة جيب الولد كلها وياك و السلاح العدكم كله جيبيوه
67
دقايق بس و طبوا دفعوا الباب يركضون
كلهم مسلحين و الما عنده انطاه زِناد اجتي امهاتهم كلهم للبيت يبجن و خايفات و هم صعدوا بالسيارات مثل الي فتحولهم باب الجنة
مو عركة
119
ام شريك : كتلة والله كتلة عمي انا راضية يگول علية
هيج ولك لا النوب يصير بيك شحصل توك طالع من الموت
رهينة : راحوا كلهم يمة راحوا
جدة تحجي و تضرب على رجليها قوي
23
بنص الهوسة و كامت تعيط رؤى مرت يونس و لازمه بطنها
- عمةةةةة لحگيلي راح أجيب
النوب انخبصن برؤى و يصيحن طگ مي الراس أخذنها امها
و عمتها
162
البيت مخبوص و الأجواء متوترة الدنيا مغيمة و ظلام رغم
الدنيا صبح سدسدن البيبان لان الهواء صار كلش عالي
حياة بيدها القرآن كاعدة تقرا و جدة تسبح ام شريك تصلي
اجواء مخيفة
52
رهينة : يالخلصت ابراهيم من النار أريدك ترجعلي أحفادي سالمين
غانمين ما عندي غيرهم بهاي الدنيا يا اللهي لا تفجعني بيهم
71
صار الظهر و كلنة على نفس الگعدة لحد ما نفتح باب الشارع و طبو يضحكون رغم التعب واضح عليهم ، طلعن للساحة يركضن و جدة قبلهن كلهن عينها تدور على زِناد فتحلها ايدة من بعيد يدري بيها
تدور عليه ، دشداشته بيهم دم جدة تحضنه و تتلمس اثر الدم
34
رهينة : يمة جدة يمة منين هذا الدم
زناد : دم كل واحد يجيب اسمچـن بالموخوش
انتن خط احمر
182
شريك ركض لامة يبوس بيها وهي تبجي حياة تبجي و اجة عدنان باسها من راسها يونس انرسمت الضحكة على وجهة من گالوله مرتك
راحت تجيب
75
أبتسمت و اني اباوعلهم شلون بـ لحظة تتغير المواقف والمشاعر
الدنيا كانت تمطر و شريك حضن زِناد قوي و زِناد يضحك
زِناد : مو گايلك أنا آخوك وين اكو يعوف آخو و ما يهد ويا
و حگ ابن البدوية اليرشكم بمي ارشة بتيزاب
35
رهينة : عاف السفر و الدنيا علمود آخية يمه ما عاب
الـ خله العگال فوگ راسك ما لاگت البيرية إلا إعلى
الروس الحربية
173
عمي فاخر و قاسم واكفين على جهة مبتسمين الولد كلهم
لزموا الأسلحة بأيد و الايد الثانية تشابگوا بيها التموا على زِناد و شريك
و زِناد غطى شريك بغترتة ، اني صرت حافظتهم شريك شكد ما يبين قوي بالمواقف الصعبة يبچي بس على چتف زِناد
178
عمي هاشم و عمار و آمجد واكفين على صفحة بس الغيرة واضحة
و السم يطلع من وجه كل واحد بيهم طبوا للمضيف و هن بدن يطبخن
ناس تخبر و ناس تطبخ تمن و ناس تشوي سمج بالتنور
طَبت مرت يونس و عمتها شايلة الطفل تلگنها بالصلاة على مُحمد
و آل مُحمد لان محرم ما يصير يهلهلن
101
طلع يونس يضحك باس مرتة و امه و اخذ الطفل منها گاموا يرمون ولد عمي عمار بالساحة و هو خايف على ابنه مخلي ايدة على اذانة
غسان : عمي لا ترمون البي زود خل ينگطة
احنه نريد فلوس
45
إسلام : حرامات نطيهن و يصيرن حصة يونس
غسان : الولد و ما يملك لأبيه
2
بقيت صافنة سبحان الله الي يكدر يغير الأحوال بهالسرعة
من الخوف و القلق و الحزن للـ فرح بس من بين الكل عيني على
حياة تطبخ و تضحك بالوجوه ادري بيها ما تريد تبين الهضمة
و تطلع على ملامحها
95
طبت دمعة للمطبخ تضحك و تباوع بالوجوه
دمعة : والله الشيخ هيبة فاتتني ما اعرفة من زمان
جان ما أخذت عمة
باوعتلها حياة بصدمة بس بقت ساكتة
جُمارة : عادي انتِ ميوگف بعينج شي
الأبو او الابن ضلت على العم و ابن اخو
95
دمعة : صحيح كلامج اني من زمان يعجبني هيج
واحد يخوف من بره اريد اشوف المره من تنحط بيدة شيسوي بيها
168
حياة : إلرجال اذا يحب لو يحطون بحضنه حوريات الجنة ما يريد غير اليحبها
دمعة : اه ؟ ليش هو هم يحب شكلة ما يبين يحب
مبين المره إذا ياخذها يكفخ بيها صبح و لليل بس عادي
حتى الضرب من ايدة عافية
179
اباوع لروحي احس مدري شبية نار تشتعل بية و هي بكل صلافة متزوجة و هيج تحجي ما تخاف من اي احد و شلون تحجي عبالك ذايبة شو قابل جانن يمشن و يصيحن وحش
جُمارة : ترى نفسة هذا الوحش الچنتن تگولن عنه
دمعة : صحيح غيرت رأيي شو كمت احب الوحوش يعجبني
هيج واحد حتى بالحنية عنيف
100
حياة : عيب انتِ ما تستحين مو متزوجة عمي ترى حرام
دمعة : اوي شدعوه
خزرتها و درت وجهي رحت يم حياة
جُمارة : عوفيها هاي متستحي
19
دمعة : يمة شلون اثنين العاجر و البايرة
جُمارة : و لا مضروبات بوري و ماخذات واحد بكد ابونه
ضحكت و هي رافعة حواجبها تباوعلي و طبت جوة للهول
99
صبوا الغدة و خلصوا و اني كاعدة يم جدة منتظرة شوكت يرحون و يجي يمها و اني صافنه مبتسمة لمن حضن جدة و عينة علية مبتسم
رؤى نيموها بغرفة جدة و مرت عمي هاشم يم ورود و البيت
صاير هوسة و غرفتنه بعدهم ما مكمليها
38
كل ما استفقد امي اصعد الگاها بالغرفة تبجي و هي فرغت من كل
ذكريات أبوية امي شكد ما موت آمير مأثر بيها بس هي
لسه عندها فراگ أبوية اقوى شي صار بالدنيا و لحد هاي اللحظة
عندها امل يرجع و يرتب حياتها و يعوضها
102
من بدو يطلعون و عمامي اجوي لغرفهم ناموا اني كل شوية امد راسي احسب الشحاطات گبال الديوان آخر شي بقن بس اثنين خلص الظهر و الي ويا ما طلع آخر شي اجيت اباوع لگيته شريك يحجي ويا
بـ باب الديوان و طلع البطة طلعت تركض للساحة رادت تطلع بالشارع
بس شريك من شافها طبگ الباب ورا حتى متطلع
45
رحت شلت البطة بيدي و غسلت رجليها بالبوري الي بالگراج
لان من مطرت الدنيا صايرة رجليها كلها طين اغسل الها و عيني على باب المضيف ردت أطب للبيت بس هالمرة حتى رجلية
صارت آسيرة لـ گلبي ما حسيت على نفسي غير من طبيت للديوان
هو گاعد و نازع العباية و الغترة و العگال
124
من رفع راسة و شافني سد التليفون و أبتسم أتقدم و احس كل جسمي
يرجف و عيني على الگاع ما أدري بي من گاملي لحد ما فزيت
من انضربت بجسمة حتى البطة صاحت
114
جُمارة : انتَ وين تسافر
زِناد : شلون صرتي
46
رفعت عيني عليه
- لا تغير السؤال
- هههههه ، معناها ما أريد أجاوب
50
خزرتة و درت وجهي اريد اروح لزمني من أيدي و من درت وجهي عليه
مد ايدة على ايدي الثانية و لزمني من الطرفين
جُمارة : خلي اروح
زِناد : الـ يطب يمنه ما يطلع بساع
142
هاي أول مرة إحس رجال يكدر هيج يخليني ضعيفة و اني
بالطبيعة الزلم كلهم ما أحبهم و لا يرف گلبي على واحد
جُمارة : جدة تريدك
زِناد : جدة لو حفيدتها
243
بقيت ساكتة اباوعلة و انزل عيوني كل ما ارفع عيني عليه اخذ نظرة
و أنزلها ابلع ريگي و هو يباوع لرگبتي كل ما ابلع ريگ
زِناد : تحبيني جُمارة ؟
637
فزيت اباوعلة و فاتحة عيوني بصدمة بـ لحظة احس عيوني
تجمعت كل دموع الدنيا بيها من الصدمة مدري من القهر
عتيت ايدي منه و طلعت اركض امسح بدموعي
75
انجرت ايدي قبل لا اوصل باب المضيف
و بچف ايدة يمسح دموعي و اني أحاول ابتعد عنه
- اخ يا جُمارة الگلب اخ
30
جُمارة : خليني أروح
زِناد : يالله أنا هم رايح باچر وراي سفر
29
درت وجهي طلعت من المضيف و من گال سفر درت وجهي
- مو اليوم أجيت
- أجيت علمود شريك ، باچر ارجع
17
هزيت راسي بـ اي و طلعت اركض عبالي يريد يختبرني
بس وكفت مصدومة ثاني يوم الصبح على آخر درجة من أباوعلة بالقميص الأسود
و المعطف الأسود الطويل الچفوف سود جلد
كلشي اسود من كثر السواد حتى وجهة الأسمر مبين شوية
ابيض و الشوارب بَس تلمع
22
باوعلي مبتسم گلبي يدگ سريع اباوع لدمعة كاعدة ورا و صافنة عليه
على القنفة جنتطته باس جدة و مد ايدة لمحفظته خله بيدها فلوس
طفرت البطة من ايدي رجع باوعلي و اني واكفة بمكاني ما تحركت
رهينة : محروس يجدة بس لا تتأخر
28
زِناد : مو جثير جدة أنا رايح لان محمد يريد
يجي يشوف امه و اكمل الدوه و أجي
242
عبرت من يمهم بدون ما احجي كلمة طبيت للمطبخ اشرب مي
و سويت لفة مال گيمر اباوع لأيدي ترجف مدري شبيها صار صوتة قريب وقبل لا يوصل عطرة وصل للمطبخ
39
اكلت لكمة و درت وجهي فات للمطبخ من وصل يمي وگف
مد ايدة لمحفظته يطلع فلوس حجيت بصوت يرجف
جُمارة : بَس اني ما أريد فلوس
65
زِناد : آه ؟ من شوكت
بلعت ريگي و مسحت عيوني درت وجهي بساع على الكاونتر أخفي وجهي منه هديت اللفة طاحت من ايدي على الكاونتر من حسيته وراي و اخذ نص من لفتي
زِناد : شبيك حبيبي
623
جُمارة : بس اني بنية
ضحك و حّك خشمة
- شبيج حبيبتي
258
جُمارة : اني ؟
احجي و أتلفت على البيبان لا يطب احد
زِناد : ماكو غيرچ
67
مديت اصابيعي على چف ايدة الجلد
جُمارة : لتتـأخر
- صار
57
زِناد : ديري بالج على نفسج لتنامين غير يم جدة
حتى إذا امج صعدت
12
هزيت راسي بـ اي اخذ الجنطة و طلع بقيت واكفة اباوعلة
بـ باب المطبخ دار وجهة علية لوحت بيدي
ضحك و أشرلي بأصبعة السبابة وهو يفر بي
معناها من أجي
28
الضحكة مرسومة على وجهي فزيت من صوت دمعة وراي
160
يا حب الطفولة يا وجـع راسي
أجة يَوم الـ يمر بگلبك آحساسي
....
304
" عالية "
47
عمار : اي بالخير و غرفتك عَلية
مديت ايدي اجلف بالماعين و اصبر بروحي اجتي وياي مرت سلام
كالتلي عوفيهن أنا أكملهن مديت مديت ايدي على المي اغسل وجهي
و امسح دموعي
15
- لا تبجين ولج عليمن صيري گوية هاي عمتي ما ينعاش وياها
وهاي هوستها كلها لان رجلج جابلج هدوم تريد تحرك گلبج
عالية : خلي يتزوج أنا ابجي على حالي
- شيتزوج تشبعين قهر و مغمة فوگ هذا القهر كسبي رجلج
و معليج
75
عالية : ما احبنة و لا أطيق وجهة ما اريدة عسى ما يتزوج عشرة
اعاينلها تأشرلي بعيونها درت وجهي لگيته واكف يم باب المطبخ
خزرني و صعد اجتي رحمة تسوي جاي لاخوتها
خلصنة الماعين غسلت ايدي و صعدت فوگ فتحت باب الغرفة
هو متمدد على الچرباية و مطلع قراية لباسم
183
فاتح شباج الغرفة و أنا ما أعولها تدفى شوية اجيت سديت الشباك صاح بوجهي عوفي ويَ صيحته طبت اخته جابتله الچاي من طلعت و سدت الباب تعاينلي تضحك
30
ايدي صايرة ثلج من غسل الماعين تمددت و غطيت حتى راسي
و أتنفس حتى ادفى اطك سن بـ سن مر وقت و اني خانسة
انفتح باب الغرفة و هو طفة القراية اسمع صوت
امة كاللها تعاي يمة كعدي
ام سلام: عبالي انتَ نايم بالگاع چان ذبحتها
علي : يمة ليش ما خليتيها تتغدى وياهن
68
ام سلام: تدافعلها ولك علي هاي الناهبة ام الرفجان ولك أنا إلا اطلعلها گلب خاف شريك ما عرف يربيها أنا أربيها
علي : يمة عوفيها أنا اعرف شلون أعاقبها عالية لا تهينيها
كدام أخوتي أنا ما أرضى
61
ام سلام : ولك ياااا يمة لعبت بعقلك ولك نسيت هاي الجنت تركض وراها و تطردك هاي العفت بت خالتك علمودها شفت بخت بت خالتك شلون يعثر وكشفها الك على حقيقتها
علي : يمة كافي تردين تموتيني انتِ خليني
انسسسسسى خليني
26
ام سلام : لا ما أنسيك وكل يوم اذكرك هاي وحدة ناهبة انت ابن عمها و سترت عليها ما تصيرلك مرة لو تموت و ما تنحسب من چنايني
علي : يمة كافي أنا تعبان على ساعة من هاي المشاكل
كلها اطبلج جنازة عوفيني بحالي
3
ام سلام : تطردني يبن بطني بس بسيطة
باجر تشوف ياهو الصح امك لو هاي الفَوزت بيها
علي : شفوزت يمة شني شمسويلها انا صايغلها
- شعندك جايبلها دشاديش هاااا
128
علي : شبيج يمة جا منو يجيبلها تجيبيلها انتِ ؟
كليلي حتى بعد ما اجيب
ام سلام : اجيب الها مرض أنا بقت بس الناهبات ما
لبستهن
+
علي : هاي هيَ جا
ام سلام : إذا جبتلها حاجة بعد وعلي وحق علي ما أرضى عنك ضم فلوسك لمرتك
هو ما جاوبها و هي طلعت طبگت الباب وي و هوَ كام قفلة
للعصر و اني كاعدة رفعت الغطى عن وجهي مختنگة
24
كام هو فتح باب الغرفة و طلع شوية و اجة سابح و اني گاعدة احس
سجاجين تطب ببطني لزمت بطني قوي و غمضت عيوني عرفتها
راح تجيني تشل حالي يالله تروح جانت امي تحسبلها حساب
و ما يضل دوة ما تشربنياه دكلي بس هاي صگارتج
و تنيمج بالفراش
219
بس هاي المرة شوية تأخرت بقيت صافنة هو شلون ما اجتني
إلا بيوم الجاب غراضها كمت أعاين للغرفة اكول خاف هوَ جني
من صار الوجع قوي كعدت ما تحملت أضل متمددة عاينتلة صافن علية
طلع من الغرفة صاح رحمة گاللها صبيلي اكل جوعان ما تغديت عدل
شوية و جابتلة قفل الباب و خلة الصينية گبالي
عبالة توجعني بطني من الجوع
57
اني صدك جوعانة مديت ايدي اكل اول لگمتين و صار ألم بطني ما ينجرع عبالك وحدة تطلگ صرخت و هديت الخاشوگة ، عضيت إصبعي
و هو يمشط و يباوعلي بحيرة بس ما يريد يگول شبيج
اجة رفع المخدة اخذ فلوسة و تليفونة خلاهن بجيبة و راح للباب يريد
يطلع بقى واگف يباوعلي
24
علي : شبيج انتِ
هزيتله راسي ما بية شي اجة كعد على الچرباية يعاينلي و أنا بس اريدة يطلع و يخلصني
- غير آفتهم شبيج نريد نولي
عالية : ما بية شي روح
18
علي : هاي كل مرة هيج لو بس هالمرة
رفعت عيني اعاينلة بصدمة خزرته من المستحى صارلة ساعة يسأل
بصلافة و هو اصلاً يدري شبية
116
عالية : عفيةةةة روح
علي : خابريني من مرت سلام إذا ردتي شي
حجاها و گام بس عينة علية صار وجعها بجهة و صدمتي منه بجهة
.. طبيت للغرفة الخاولي على راسي و لچحتني رحمة تخوزر بية طبيت و قفلت الباب
48
كعدت اكل بسرعة قبل لا يرجع الوجع جانت امي تداريني هنانة منو الي خليت الصينية على الميز و تمددت على الچرباية
عاضة البطانية من الوجع و دموعي على خدي أندگ الباب قوي
كمت كوة افتحة دفرتة امة طبت تعاينلي على الخاولي
النوب شافت ايدي على بطني و دموعي تجري
11
ضربتني راشدي و هي منهارة طحت بالكاع و عضامي كلها تصل علية من البرد و الكاع باردة امسح بدموعي تقربت علية جرت شعري
ام سلام : تردين تحبلين حتى ما ياخذ بت اختي
امشي جيبيلها حباية خل تبلعها
69
رحمة : هاي جبت يمة من مرت إسلام
اخذتها منها تريد تخليها بحلگي و أنا متعجبة عليهن
عالية : خالة أنا علية الشهرية والله ما تقربلي
- هاج تسممي لا تكولين خالة يمن كون نخلوا عظامج
تحجي وتدحس الحباية بحلگي و أنا حتى حيل ما بية اقاومها
26
غصيت ووكفت ببلعومي اختنكت راحت رحمة جابت ثلمة خبزة من الصينية الي على الميز
- تسمميها خل تروح الشحطة
ام سلام : ساقطة طلعتي مو هينة تريد تحرگ گلبي
39
طلعن و طبگن الباب و اني متمددة بالكاع دموعي تجري على خدي
حتى حيل ما بية اكوم و اروح للچرباية بچيت بوَنة على حالي خلي يودوني لامي اروح يمها حتى لو شريك ما يريدني من يلتحق اروح لامي امي ما تتبرى مني ، اخ يمة نسيتيني
35
من الخوف حسيت على ساعة راح اموت من ورة الحباية و اني ما ادري بيها شنو نمت بالكاع و فزيت على صوت الجامع من الشباك المغرب
كعدت عظامي كلها مكسرة اسحل بروحي سحل و صوتها من جوه يلعلع انفتح الباب طبت طفلة بت سلام
- دكول جدة تعاي سوي عشة راح يجون عمامي
2
أعض بأصبعي و امشي على الألم عاينت لروحي بالمرايا
عيوني دم حمر و شفتي يابسة وجهي شاحب مديت ايدي على گصتي
حارة احس بوخة تطلع من جسمي جريت بروحي كوة البس الشال
و نزلت بطني مثل واحد يخيطها و بدون بنج هيج جان الوجع
82
طبيت للمطبخ هوسة و الچناين ثلاثتهن واكفات يطبخن
و رحمة و امها كاعدات بالهول يباوعن للتلفزيون من شافتني مرت
سلام شهگت
- ولج شبيها عيونج
- مادري بس مصخنة
- روحي بغرفتج احنه نكمل
شفت روحي صدك ما اكدر طلعت من المطبخ اريد اصعد صاحت
امه ووووين
13
- عمة البت مصخنة خطية أنا راح اكمل
ام سلام : امشي يالله خل تسوي زلاطة صخونة كون مال حصونة
77
رجعت للمطبخ جريت التختة و اني ايدي بالكوة اكدر بيها اضغط بالسجينة على التختة طبوا الولد كلهم طحين يتعاركون على الحمام
جرحت إصبعي و رحت اغسلة ضغطت عليه بدشداشتي
شدته الي مرت سلام و رجعت اثرم
17
مسحت دموعي بچتافي و انمدت ايد اخذت من الخيار الثارمتة
رفعت عيني عاينته علي واگف بصفي باوع لعيوني مستغرب مد ايدة
على وجهي عقد حواجبة اشرلي صعدي فوگ و صاح رحمة تكمل
امه ما حِچت شي لان زعلانة ويا
43
طبيت للغرفة امسح بدموعي كعدت بالفراش هو ما صعد بقى يتعشى
جوه بس اجتي بت سلام جايبتلي لفة أكلتها و تمددت طَب هو لاف الخاولي على جسمة بس بعز هذا البرد بدل و عبر من يمي كعد
على الچرباية
24
دايرة وجهي عنه مغمضة عيني بس ضغطت عليهن اقوى
من حسيت ايدة على وجهي النوب صارت على رگبتي و ايدة
كلش باردة فززت جسمي الحار
3
علي : عالية ، عالية
- امممم
- و سم شو عاينيلي
196
ما حسيت بشيء بعد ، اتذكر شربني دوة و شال الغطى عني
بس ما ادري وراها شصار فتحت عيوني على كيف فزيت
من لگيت روحي نايمة على چربايتة و راسي فوگ ايدة
هو ما لابس تيشيرت و ايدة النايمة عليها لامني بيها
و الثانية على بطني
160
هذا كله بـ چفة و من عاينت لروحي بردانة و الگاني بطرگ تيشيرت
نص ردان صيفي مال ولد ركزت اكثر من عاينتلة
هذا نازع تيشيرتة و ملبسنيا
235
رِدتك من چِنت غالـي
و أذا ترخص ، أغليك و أرد أشريك
...
284
" روز "
20
ضمت تغريد الغراض الـي من جبناهن بَين فالهن
كلت تغريد على شوفتها ذيج لزناد راح دگلة اخذها جُمارة الك بس انصدمت من رجعت ذيت الصوج بيهم و تريدنه نرجع لبغداد
34
كالوا زِناد راح يضل شهر مسافر تغريد دائما يدك عليها رقم و تطلع تجاوبة بس من اجه بسبب سالفة شريك بقت متوترة
لحد ما راح
68
أعاين لتليفونها بلكي بيوم داگ و انا ما ادري بس و لا اتصال منه اكو و لا رسالة معقولة كلشي هان عليه و طلع كل كلامهم صحيح
يا وهمي طلعت صدگ وهمي
35
بس ان شاء الله حرگة گلبي و ذيج الأيام كلها تطلع بيك
و حوبتي ما تتعداك .. حچيتهن و مسحت دموعي ما يهون على
گلبي ادعي عليه نمت و أنا أتخيل بي حاضنة روحي بأثنين آدية
26
اتمنى بس امي يمي اسولف الها عنه وشكد اني حبيته
والله حبيته حب بهاي الدنيا كلها ماكو منه جان يكفيني من الدنيا
بس صوتة وًما اريد شي ثاني بعد هوَ هذاك الشخص
21
الدگ عليه من رقم غريب و كال غلطان وراها يگول الصراحة عجبني صوتج و ضل كل يوم يتصل يفتح موضوع مختلف لحد ما وصلني لمرحلة اليوم الما بي اتصالة ما أحسبة من حياتي
50
فزيت على صوت تغريد تگعدني
- كومي كومي تعاي وياي يالله
- وين تغريد
- كوووومي
21
طلعت من الغرفة على كيف بنص الليل اباوع لجمارة هم ماكو
طلعت للمطبخ لكيت جُمارة تبجي و مبدلة درت وجهي شمرت بحضني تغريد الصاية و الشال و علاليك الغراض الاشتريناهن رقية تطلع بيهن من الباب لبست بسرعة واني ما مفتهمة شكو
88
جُمارة : يمة هسة يسوولنه مصيبة
تغريد : امشي لج
طلعتنه و رقية ودعتنه واكفة بالباب لكيت امجد واكف بالباب
تكسي و هو كاعد بالصدر
152
مشت السيارة و تغريد و امجد يغلطون على بيت رهينة و زِناد
تغريد : كافي شحصلت منهم اني اريد ارجع لبيتي
امجد : أنا كلت لرقية تگللهم الصبح
طلعتوه للنجف وي امي للنجف
36
تغريد : وشنو خايفة منهم أنا ما خايفة باجر
روز تنخطب اخليها يم رجلها و أنا بتي كاعدة يمي
ما تعيش بدوني
28
أنا وجمارة باوعنالها بصدمة هاي اول مرة اتمنى السيارة تنگلب بينه
و لا اوصل للبيت درت وجهي على الجامة و دموعي على خدي من طَر الفجر وصلنا للبيت ريحتة و ذكرياتنا كلها على حطتها ركضت لغرفتنه ابچي امجد رجع وي ابو التكسي
17
شمرت روحي على الفراش كون هاي النومة ما وراها كعدة وأخلص
من كل هاي الدنيا حلمت احلى حلم و هو جايني يعتذر على كل يوم مر بچيت بي بسببة رغم ما شايفة وجهك و بكل حلم يجيني شخص ثاني
بس اهم شي جنت اكعد مبتسمة اكثر من الحلم الي اشوف امي بي
48
تغريد : يالله كومي سبحي صخمي
حتى ترحين للصالون هَم يالله
اباوعلها بكسرة و هي ولا همها كمت اسبح و جُمارة خايفة اكثر
مني كاعدة بالهول و صافنة على الباب
50
بدلنه و طلعنه و بيت ام حسين بابهم مفتوح جهال كومة واكفين بالباب كاشخين اخذتنه للصالون و ام الصالون تمكيج و من عيوني تدمع تمسحهن بسرعة و ترجع تعيد ما جاي اتخيل روحي أتقبل
واحد غيرة اني بعدني حتى ما متخطيتة
33
صارت عصبية ام الصالون و باوعت لتغريد
- عيني آذااا مغصوبة شكو جايبتها هسة المكياج خرب
- لا عيني ما مغصوبة بس يتيمة و تتذكر امها
62
بالكوة خلصت و سوت شعري تغريد حضرت الفستان ابيض
مشتريته ام الضابط اباوع لروحي شگد حلوة
بَس تمنيتها الك ..
150
طلعت تغريد برة توگفلنا تكسي حتى نطلع شوية وكالت يالله
مخليات كبوس على راسي كلشي ما اشوف تغريد كعدت بالصدر و اني و جُمارة ليورة يضحك ابو التكسي و يخابر
گلبي يدك سريع و عيوني تدمع شهگت من حسيت كلشي صار صدك
مدت ايدها تغريد بيدها كلينس
- هاج ولج لا يخرب المكياج
84
حِجة ابو التكسي من يَمة
- شنو غاصبيها خطية
تغريد : مالك شغل خالة سوق ، يالله بهذا الفرع
132
نزلت جُمارة و نزلت تغريد مديت ايدي على الباب افتحة ما انفتح
ابو التكسي كال لامي فتحولها الباب من برة
جُمارة بيدها الغراض وكفت بالباب و تغريد اول ما سدت الباب
و اجت لصفحتي حتى تفتح الباب قَفل السيارة و مشى سريع
....
3.7K
صَحيح تأخرت بَس أنا موجود
موش أحنه النـفرط بـ النريدة
اذا عندك جمال يذَوب گلوبّ
شرار گلوبـنة يلوي الحَديدة
436
- رُسل فَهد
