رواية مقبرة الاحياء الفصل العشرين 20 بقلم سارة جعفر
بين الفقرات عشقي 
.
.20
ومثل كل مره هم رديت نادم
حزينه وگلبي يشبه شفة الصايم
حزينه وشارده من الدنيا ومن الناس
ومني ومن جرح بس الله بي عالم..
66
-فجر: صفنت بوجهه وأحس الدنيا أفترت بيَّ، بالگوه ثابته بمكاني بس گلبي يرجف أبتسم من شاف خوفي والرعب العشته بوجوده قدملي علاگه سوده!
36
صالح: هدومچ نسيتيهـن يمي.
283
جمدت بمكاني جر أيدي وحط العلاگه بأيدي طاحت بالگاع نزلت على ركبي أفتح بالعلاگه بسرعه طلعت منها هدوم وبوسطهن صور كل ما أريد أرفعهن يطيحن لحد ما أستجمعت قوتي ورفعت الصور شهگت من صارت عيوني على الموجود بيهن..
193
-كلارة: تأخرن فجر وأم فقار، ضل بالي يمها بس ما خفت توقعت يمكن راحن للسوگ لو صار فد شي وياهن رجعن للبيت فجر بالگوه تمشي عيونها حمر دم وجهه ذبلان وأم فقار لازمتها وساندتها طببتها للهول
36
بهت وجهي وخفق گلبي من صفنت على حالها ما يبشر بخير راحت بوجهه للغرفه بدون سلام وبدون كلام وبأيدها علاگه سوده بالگوه كاضتها بثنين أيديها لأن ترجف وتسحل بروحها سحل طبت للغرفه ورحت وراها أول ما وصلت للباب طبگته بوجهي وقفلته!
56
ما زعلت لأن أدري هسه هِيَّ مقهوره وتريد تختلي بروحها التفتت على أم فقار زهراء جابتلها ماي شربت نص الگلاص فحطانه وعافته بصفها مدده رجليها وأگفين أنه وزهراء ولارا ننتظرها تسولفلنا
كلارة: شبيها فجر؟
9
أم فقار: والله يمه ما أدري، البت طلعنا من الخياطه ما بيها شي رحت للمحل أشتري لفروخ فقار ورجعت لگيتها منگلبه گلاب گاعده بالگاع ترجف بالگوه لگيت تكسي أجرتها وأجينا بس فاتحه عيونها نگلبت البت گلاب..
11
لارا: يااا خطيه شجاها ما سولفلتچ؟
3
أم فقار: طاحت وذره من لساني وأنه أسألها ما سولفت.
زهراء: حالتها ما تبشر بخير، بس لا صاير شي ويَـ حرّ؟
3
كلارة: لا گبل شويه أجانا ما بي شي.
زهراء: چا جســام؟
14
كلارة: نايم جسام.
لارا: دخيلك ربي چا شمالها البت؟
أم فقار: يمكن تعبت شويه من الدرب..
11
هزيت راسي بس متأكده بيها شي وصاير وياها شي فجر أختي وأعرفها صاير وياها شي مدهور حالتها لأن أشگد صارت مصايب أول مره بحياتي أشوفها بهيچ حاله وهيچ متدهوره صحتها!
35
مر هذا اليوم عليَّ كئيب لأن فجر حيل تغيرت ضلت ما تطلع من الغرفه متمدده على المخده بدون لا تنام الساعات تخلص هِيَّ بس فاتحه عيونها هادئه وساكته ما تحركت من مكانها بعد لا ليل تنام ولا نهار وجسام طول الوكت عينه على غرفتها يتانيها تطلع..
69
مر اليوم الأول وخلص الثاني، وهِيَّ على نفس الحاله جدتي خاتون الوكت كله تسأل عليها لأن ما متعوده عليها تغيب عنها وبالها يمها وجسام الوكت كله يحوم يم غرفتها ومتانيها طول الوكت بس ما تغيرت حالتها تزيد بالزايد ومن يجي حرّ للبيت تسوي روحها طبيعيه وما بيها شي ومن يطلع من البيت ترجع لنفس حالتها!!
29
ليش تمثل ما بيها شي من يجي حرّ ما أدري بس تضغط على روحها ما تبين گدامه وهوَّ لأن وردة باقيه وحدها يجي يطمئن علينا ويشوف حالنا ويجيبلنا شنو محتاجين يسولف ويانا شويه ويروح وضال بيناتنا تلفون متفق ويانا نخابره إذا صار شي لو محتاجين شي بلشت أخاف عليها لأن صايره تخوف ليل ونهار بس گاعده..
7
عينها ما تغفى ولا تسوي أي شي غير التفكير، حتى الشغل عايفته وأشكال حچي يحچن عليها ويتعاركن وياها بس ما ترد على وحده ومتعزله على روحها بحيث ردت أسولف لـ حرّ لأن خفت على حالتها بس ترددت
9
ندگ باب الغرفه طلعت فتحت الباب صار گدامي جسام
-ها جســام؟
11
تحمحم متوتر ونطق بتردد
-أريد أحچي ويَـ فجر.
2
التفتت على فجر على نفس نومتها المعتاده
-ها هسه أحاچيها..
رديت الباب وهوَّ ضل منتظرني
رحت عليها حطيت شال على راسها وبتوتر نطقت
-فجر، جسام يريد يحاچيچ؟
3
ما ردت عليَّ غطت راسها بالغطا تنهدت ورحت للباب
-گلتلها غطت راسها ما ترضى..
جسام: يصير تسويلي درب ما أصبر بعد!
41
كلارة: أي بكيفك، أخليكم وحدكم؟
12
جسام: لا لا ضلي بس أريد أعرف علتها شني.
16
كلارة: ياريت والله عجزت أعرف شبيها..
طبيت أباوعلها على نومتها أدري ما نايمه گنبص گدامها
-فجر.
15
همس حچايته بضعف وتعب حسيته مقهور هاي الأيام كلها يكابر ما ردت عليه بس أنتبهت الغطا تحرك عرفتها ترجف تنهد وجر الغطا منها
-فجر شمالچ بس فهميني؟؟
12
وخر منها الغطا غمضت عيونها بقوه
-ما أريد أحچي ويا واحد.
صفن عليها مقهور وجر حسره
-حالتچ تدهورت لأن ضغطت عليچ؟
29
فتحت عينها تباوعله وأنه واگفه بصف الباب أباوعلهم
-لا، بس فدوه عوفوني وحدي..
4
-شمالچ أخذچ للمستشفى حالتچ ما تطمن!
-كلشي ما بيه..
9
تنهد مقهور يباوعلها بلوم وحسره
لأن هواي تدهورت حالتها مسحت وجها وغمضت عيونها بتعب
-شويه تعبانه چم يوم وأصير زينه.
3
-فجر شني تصيرين زينه هاي صارلچ يومين حالتچ تتدهور خل نروح للمستشفى!
1
-گتلكم ما بيه شي.
-چا عليمن تغيرتي حالتچ تدهورت شمالچ؟
5
جرت حسره متنهده خفت عليها كلش دمعن عيوني أشگد مرت علينا مصايب أول مره أشوفها هيچ طايحه ضل جسام گاعد يم راسها ما تحرك من مكانه
-فجر سولفيلي..
25
ما قبلت تسولف أشگد حاول وياها وأشگد حچينا ردنا بس تسولفلنا شمالها، ما سولفت أي شي ضلت مقهوره وعلى نفس حالتها وجسام تدهورت حالته ويَـ حالتها غابت الضحكه من وجهه وضل بس على الجگاير والسهر..
40
يريد يفتهم علتها وشني مدهور حالتها ما عرف، لا هِيَّ ترضى تسولفلي ولا تسولفله يوم عن يوم حالتها تصير تخوف بالزايد ضليت أبچي مقهوره وجدتي خاتون تمرضت بالزايد على فراگاها لأن فجر ساكنه الغرفه وخاتون ما متعلمه بلياها
طبت إيناس بأيدها صينية أكل حطتها گدام فجر مسويتلها أكل بس كالعاده فجر ما رضت تحط لگمه بحلگها وما ملت إيناس كل شويه تجيب صينية أكله شكل عسا ولعل تاكل فجر بس ما ترضى..
201
إيناس حيل أهتمت بَـ فجر عبالك صديقتها، أنتبهت الها أبد ما مضوجتني ولا مأذيتني أنه وفجر أشگد حاولت تأذي وردة بس دائمًا تحاول تتقرب النا وتصير صديقتنا تعاملنا بلطف ومحبه وكلشي زين تسويه النا بس أنه ما أحبها لأن تكره وردة وكرهتها متت منها.
135
أنه وردة أعز من روحي أعزها، وبنفس الوكت أعرف ليش هيچ جاي تسوي عود تكسب محبتنا وتصير قريبه من عائلتنا وسهله عليها تتزوج حرّ لأن قبل لا يطلع حرّ من السجن چانت صحيح ما تحتك بينا وما تأذينا بس ما تسويلنا زين يعني ما چان بيناتنا شي..
25
إيناس: أگلچ كلارة
2
كلارة: ها؟
إيناس: وردة وين؟
53
كلارة: ليش تردين تموتينها مره ثانيه؟
17
إيناس: شني واحد ما يغلط، وبعدين هِيَّ قابل فقيره هم ما قصرت وياي شمرتني من الدرج وأجيت أموت من وراها!
43
كلارة: چا غير أنتِ بلشتي أجيتي تموتينها!
إيناس: هسه ليش نحچي بشي وله وراح، بس أسأل يعني وين راحت غير تجي يم فجر هسه هِيَّ محتاجتها؟
37
كلارة: ما تدري بحال فجر..
1
أيناس: زين هِيَّ وينها وين راحت؟
كلارة: عد خالة حرّ وفجر.
7
أيناس: ما ترجع بعد؟
4
كلارة: من تبلش مدرستها ترجع.
أيناس: شعجب حرّ قبل يعوفها عد خالته؟
7
كلارة: أسأليه من يجي..
1
أيناس: لا شعليه أهم شي هِيَّ مرتاحه.
61
سكتت عنها وهِيَّ راحت يم أمها، حرّ أول ما أخذ وردة وياه گاللنا ياهو يسأل عليها نگله أخذها لخالته وهمَّ سألو ومن عرفو سكتو لأن محد مسؤول عليها غير حرّ ومالهم حق يحاسبونها
وردة: تمدد حُرّ على فراشي تعبان وغمض عيونه وأنه مركزه وياه وعيني ما فارگته لابس بس بجامه نام نومته الحافظتها والمعتاد عليها جر مخده طبگها وتمدد على بطنه والمخده صايره جوه رگبته وصدره وكاض تلفونه يباوع بي..
90
أبتسمت مركزه وياه شويه يدخن شويه يباوع بلتلفون شويه يحط راسه صفح على المخده ويغمض عيونه بس ما ينام حسيته ضايج وبنفس الوكت تعبان شمر التلفون من أيده والتفت عليَّ سويت روحي مشغوله وما أباوعله التفتت على صوته
-وردة.
12
هزيت راسي بمعنى ها گال بتردد
-ما تعصري ظهري فد نوب عطلان؟
132
-صار
-يبعد طوايفي.
175
رحت عليه وهوَّ متمدد على نفس نومته وأنه گاعده على ركبي بصفه، بلشت أعصر بظهره وهوَّ هد التلفون من أيده وغمض عيونه مرتاح حط راسه على المخده صفح يباوع عليَّ، أبتسمت أعصر بظهره بثنين أيديَّ رفع حاجبه يباوعلي
15
-عليمن تتبوسمي كبد؟
-ههههه چنك شايب دوم ظهرك يوجعك.
131
-حگچ حگچ ما مجربه تشتغلي من الفجر لليل..
-لا أنتَ شايب.
63
-شله غرض العمر حتى المطي يتعب من الشغل!
25
ضحكت من شفته أتنرفز باوعلي بطرف عينه يدخن
-وردة صايره متزومله أنتِ.
76
-هههههههه هسه شحچيت؟
-عمي أنتن النسوان مرتاحات لا لايحتچن شمس لا تعبانات من الصبح لليل، حگچ تستغربي التعب أنتِ وين تعبانه!
73
-أهووو بلشنا حسد..
-عليمن الحسد يابه جاي أحچي صدگ أشو ليل ونهار گاعده ومرتاحه لايحچ تعب لايحتچ شمس لايحچ ضيم؟
-ياااا شجاك ليش تحسدني!!
45
أضحك على كلامه وهوَّ يحچي من كل گلبه التفت عليَّ ونام على ظهره جرني عليه وأيديَّ ثنينهن صارن على صدره خازرني بأبتسامه
-چا ليش تحچي عليَّ كبد؟
180
سحبت روحي من بين أيديه بس گاعده گدامه كلش
-ما حاچيه عليك كبد شمالك؟
ضحك على كلمة كبد شلون أحچيها مثله گرصني من خدي وفتح أيده
-تعاي نامي.
130
رفعت حاجبي خازرته ودفعت أيده
-أحترم روحك مو تشوفني أنطيتك عين أستهترت.
-شمسوي مگرود..
168
يضحك متونس على سوالفي خزرته ضايجه
-لا تكضني حُرّ.
-شمالچ تضوجي خايبه أنه متسودن على سوالفچ..
32
ضيگت عيوني أباوعله وهوَّ بعده فاتح أيده
-تعاي نامي خل أسولفلچ سالفه
-مشكور ما أريد خلي سالفتك الك
36
-أسولفلچ نكته؟
-شنو شايفني محتاجه أضحك؟ ما محتاجه نكتتك.
40
ضحك بصوت عالي مندمج وياي وجرني لحضنه صار راسي على أيده وأيدي على صدره بسرعه سحبتها ورفعت عيني خازرته خايفه ومرتبكه لأن ما متعوده ولا گادره أتعود على قربنا أبتسم ولح عليَّ أنام على أيده..
107
ردت أگوم وبأيده الثانيه رجعني لحضنه
-دنامي شلزگتي!
76
خزرته ودفعت أيده مني صار وجهي گدام صدره
-أرتبك وأخاف من تكضني..
11
عگد حاجبه وجهه باهت وبأستغراب نطق
-وليش؟
1
-ما أدري بس من تكضني أخاف لو تكش روحي بس كلارة من تكضني عادي عدي عبالك أنه كاضه روحي..
-أشتعل أبو كلارة.
58
-ياااا ليش!
-چا شني كلارة وحد؟
-لا مو هيچ أحس من تكضني ما متعوده
-مگرود هسه أنه شكاضچ على هل الأيد؟
-شمالك هسه شحچيت
23
-تحسسيني أربعه وعشرين ساعه أكضكض بيچ ردتچ تنامي يمي نسولف أنه وياچ بس هذا الردته..
-چا ما متعوده شسوي؟
26
سكت يدخن وصافن بوجهي رفع أيده طابگ أبهامه ويـَ أصبعه السبابه يهز بأيده محترگ گلبه
-بيچ چتله.
113
ضحكت بس من تذكرت خزرته بحزم
-شو نايم على فراشي خوما أكو شي؟
-منين صار فراشچ سلبتيني.
أيباااه والله فراشي غير صارله أشگد يمي
-هسه أنه صارلي أشگد يمچ ما صرت أخصچ؟
85
-لا أنتَ تختلف.
-هم حظي هذا مطين ومصخم..
91
ضحكت وهوَّ يمسح على شعري بأيده الثانيه وصافن عليَّ مبتسم ويَـ أبتسامتي وجهي گدام وجهه
-ما عدي فراش وظهري يوجعني ما أگدر أنام على الگاع..
26
-شلي غرض بيك؟
-يعني عادي عدچ أنام على الگاع؟
-شني تگاطعت الدنيا ماكو سوگ
-أشگد ملعونه.
47
أباوع بعيونه وأردله بهدوء بس ردودي تصدمه بحيث مرات يفتح عيونه مصدوم مرات يضحك وهسه من ردت أگوم لوه أيده الچنت نايمه عليها على رگبتي بخفه بدون ما يعورني وطيف أبتسامه على عيونه
-ااخ يا وردة اخ أشگد أحب سوالفچ حتى طنگورتچ من تطنگري أحب أشوفها..
83
ضحكت بخنسه ساكته وهوَّ جر العلاگه العزلها على صفحه من جاب العلاليگ وقدمها الي مبتسم
-هاي الچ
-شني المناسبه؟
-أفتحيها وشوفي.
فتحت العلاگه وعين عليه وعين عليها وهوَّ مبتسم يباوعلي ضحكت من شفت جايبلي شغله حچيت بيها گدامه حابتها..
271
أبتسمت فرحانه
-ريت الحنين يطول عمـره.
97
بين الشقه والسوالف وبين كل ما أريد أگوم يرجع يجرني لحضنه ويضل يسولف وياي وما راد مني شي غير بس أنام على أيده، ندمجت وياه وهوَّ تعبان جاي من شغله يرتاح الظهريه هاي صارله يومين يرجع الظهر
8
-صدگ ليش صاير ترجع الظهر للبيت
-ها كبد شنهي مليتيني؟
6
-لا بس مستغربه چنت تطلع من الفجر للمغرب يله ترجع!
2
صفن لگدام يدخن وأنه راسي على أيده رافعه عيوني أباوعله
-أنه بين الشغل أخذلي فترة راحه وأجي لـ راحتي..
131
نرسمت أبتسامه على وجهي، وهوَّ نعسان فد مره فـ نام على فراشي وأنه ما نعسانه ضليت گاعده بس ما أعرف شسوي صفنت على ملامحه غاط بنومه عميقه تأملت تفاصيل وجهه بتركيز وأنتبهت شلون من ينام يكسر الخاطر ملامحه تصير بريئه ما أدري شنو يتغير بيها، حُرّ ملامح وجهه حاده ومبين عليه عصبي من ملامحه خصوصًا عيونه فضيعه بالحديه
بس من ينام يصير بريئ ما أدري شنو يتغير بي بس حيل ينكسر گلبي عليه من ينام أحس ينراد وأحد بأيده كلنس ويگابله ويبچي دمعن عيوني عليَّ وأتامل ملامحه مقهوره، فتره طويله أنه بس صافنه على ملامحه..
164
أنتبهت لتلفونه بصف مخدته جريته وفتحت الرمز لأن مره شفته فتحه گدامي وحفظته، ضايجه وما أعرف شسوي ردت أگلب بتلفونه دخلت على اليوتيوب أحتاريت شأكتب فـ كتبت "وردة سگيتها من دمع العيون" علمود أسمعها لأن حُرّ دوم يغنيها..
58
گمت بهدوء من الفراش وخرت عن أيده ورحت گعدت بباب الغرفه أسمعها علمود ما يگعد، عجبتني حيل حبيتها وحفظتها على گلبي من گد ما فرحت بيها والنوب على أسمي وحُرّ دوم يغنيها الي ضليت أردد بيها وطلعت من اليوتيوب أگلب بالبرامج لأن تجيه هواي أشعارات خصوصًا من الفيس فـ دخلت عليه أگلب بي.
33
دخلت على صفحته حاط صورته وأسمه دخلت على صورته وقربتها والله حلوه ومرتبه، دخلت على المحادثات أرفع بالقائمه على السريع عنده هواي مراسلات وكلهم زلم أستغربت ليش لهل درجه عنده مراسلات بس من دخلت عليهن نصهن على الشغل..
28
ومن گد ما صار عندي فضول أگلب بحسابه ومراسلاته الهواي دخلت على المحادثات بيهم يسولفون على الشغل هواي رسائل على الشغل وأكو هيچ سوالف أصدقاء بيناتهم وطبعًا أولهم "مُهيب" بينهم أشگد مراسلات بس ما قريتهن كلهن مجرد أشوف أول قائمه من المراسله وأطلع من الملل ما أعرف شسوي وحبيت أتونس بتلفونه ضليت أگلب وابحوش صار عدي فضول قوي أعرف حُرّ يسولف ويَـ بنات؟
53
بحوشت بالحساب ما لگيت ولا مراسله بينه وبين بنيه وحتى هواي زلم يسولف وياهم برسميه على أمور شغل وأكو هم هواي زلم أصدقائه يسولف وياهم سوالف أصدقاء ضليت أبحوش هواي..
7
صارت گدامي محادثة بنيه
طبيت على المحادثه وضيگت عيوني مكتوب بيها
-وين صرت شوكت ترجع للبيت؟
73
بلعت ريگ فتحت عيوني على كبرهن وكملت قرأءة
-عندي سالفه مهمه وياك..
5
وهوَّ راد الها برساله وحده
-شتردي خوما صاير شي؟
21
نشف الدم بعروگي وأحس نبض گلبي صار سريع من الحرگه والقهر مسحت وجهي وبلعت ريگي ورجعت لزمت التلفون أكمل قرأءة بس ما جاي أگدر جسمي يرجف وگلبي نعصر متت من القهر..
27
مسحت وجهي وأباوع بالحادثه دازتله صوره نشلع گلبي أنتظرتها تحمل لحد ما فتحت الصوره وأشوفها "إيناس"!!!
129
دازتله صورتها كامله ممكيجه ولابسه سيت نوم وشعرها ورگبتها كلهن طالعات وحتى جزء من صدرها وأصلاً اللابسته خلاعي مصوره روحها بغرفتها وجواها كلمه وحده عدتها مية مره من الصدمه
-أنتظرك.
عفت التلفون لازمه راسي بأيدي والصدمه محتله وجهي يعني أنه الشفته حقيقي لو عيوني بيهن شي؟؟؟
6
مسحت وجهي أحس مشتعل نار من العصبيه وحرگان الگلب متت من القهر لأن شلون نطاه گلبه يسولف وياها طبيعي وهِيَّ چانت ناويه تكتلني موت!!
43
رجفة أيدي ودگات گلبي خربطن أحوالي أنه ما غرت بگد ما نقهرت من عنده لأن نكسر گلبي لو حاچي ويَـ غير مره ما راح أنقهر هيچ حزت بخاطري شلون يسولف ويَـ إيناس طبيعي وهِيَّ تموت مني ويوميه مسويتلي طلابه ورادت تكتلني وبالگوه خلصت روحي منها شلون عنده عادي وهوَّ أجه يفقدني بسببها؟؟
20
وبنفس الوكت أنه هم غرت متت من الغيره والقهر لأن من وكت عقدنا مرت فتره أحنى سوى وعيشني أحلى أيام عمري وعدني وأنطاني حچايه يتانيني كل عمره لحد ما يصير الوكت المناسب ونتزوج أنه وياه وهسه الگاه يتمعشگ ويَـ إيناس وتدزله صورها مصلخه تنتظره..!
53
من قهري وحرگان دمي أحس النار صعدت لراسي وبعد ما أعرف أفكر ولا حتى أسيطر على روحي رحت عليه وهوَّ نايم حطيت چفوف أيديَّ ثنينهن برگبته وخنگته فز من نومه فاتح عيونه على كبرهن مختنگ ومصدوم من صارت عينه بعيني
377
حط چفوف أيديه على چفوف أيديَّ كاضهن يريد يوخرهن من رگبته بس أنه أحس قوة الدنيا كلها نصبت بأيديَّ من حرگة گلبي وهوَّ يجر بيَّ وينتر بعصبيه، وأنه ما أرد عليه أرچف وأخنگ بي أختنگ بين أيديَّ..
111
چانت لزمته ألي راخيه لأن هسه گاعد من النوم وبنفس الوكت مصدوم مني، لزم أيديَّ ثنينهن بچف أيده وسيطر عليَّ
-تسودنتييي؟؟؟
53
رصيت أسناني أباوعله بنظرات تنگط حقد وشرار
-وخررر أيدك عني يا چذاااب..
43
خزرني كاض أيديَّ بقوه ضغط عليهن ونتر
-لا تسودنيني وتطلعيني عن طوري وردة!
4
أريد أفلت روحي منه ماكو، گلبي يرجف قهر وحقد
-أشگد طحت من عيني!
61
خزرني بالگوه يريد يضبط أعصابه نتر بوجهي
-لا تضلي تاكلي نعل سولفي عدل شكو؟
17
مصدوم وبنفس الوكت ضايج مني صيحت بوجهه
-تنتظرني خمسيين سنه مووو؟؟؟
71
ما مفتهم كلامي عاگد حاجبه يخنزر بوجهي كضته راخيه نترت أيديَّ من أيده ورجعتهن على رگبته فاقده رجعت أخنگ برگبته، أختنگ يكح ويدفع بأيديه
-وررررده تسودنتي!!!!
126
جر أيديَّ من رگبته وگد ما مچلبه بي
حسيت بأظافري من نجرن نجر وياهن لحم رگبته
-أشتعلو أهلچ.
ما أگدر حتى أرد من القهر والرجفه، لزمني بثنين أيديه گلبني على ظهري وصار هوَّ فوگاي بدون ما يصير عليَّ ولازمني بثنين أيديه، يتنفس سريع خازرني وأنه حاطه عيني بعينه فحطانه وأباوعله بحقد
43
نتر مستغرب ومتعصب
-شمالچ فهميني شمالچ طب براسچ ملچ؟
68
أباوع على رگبته متروسه خراميش وآثار خنگ أيديَّ
-حُرّ وخر عني.
12
أستغفر متنرفز وأنه طگيته على صدره بكل قوتي
-وخررررر من وجهي وخررر..
7
وخر أيده من وجهه خازرني وبالگوه لازم أعصابه مني
-لچ بسسسچ كااااافي!!
3
سكتت خانسه وعيني بعينه همست بقهر
-چذاب الله لا يوفقك..
1
خزرني محتقن وضايج
-بسچ هيدي، مو أنطيتچ عين تزوملتي!
26
تخبلت من القهر بالزايد كلامه چن نار لهبت بانزين شلون عنده هيچ صلافه ردت أرجع أخنگه بسرعه كض أيديَّ ثنينهن رفعهن لفوگ بأيد وحده كاضهن وأنه أصارع بين أيديه ما راضيه أبقى بأيده
6
كض وجهي مثبتني وأيده على فكي
-شمالچ فهميني لا تسودنيني؟
-لا تسألني ولا تسولف وياي وخر عني.
8
-شمالها البت تسودنت شمالچ؟؟
-ياريت متت بأيدي ياريت..
89
فك عينه مصدوم بهت وجهه وأنه أباوعله بحقد وأصارع وأحرك روحي عسا ولعل أفلت من أيده لأن ما طايقته ولا طايقه السوالف وياه مسيطر عليَّ أيديَّ ثنينهن كاضهن بقوه وحتى وجهي ما أگدر أحركه لازم فكي بأيده الثانيه مثبتني
-أثبتي خل أفتهم شيب أبوچ.
15
صرخت بصوت عالي، شرايين رگبتي أجن ينفجرن
-شتفتهم شتفتهم چذببببك؟؟؟
32
صفن بعيني مصدوم، وأنه فاقده بالصريخ ومنهاره أريد أملخه أباوع لرگبته متروسه دم بس نظراتي بعدهن متروسات حقد أريد أفلت روحي من أيديه وأصرخ وأغلط كل ما أريد أهدئ يجي مظهرها بعيني وأتخيله شلون هوَّ وهمني بكلام چذب وأتخبل بالزايد بحيث حتى راجديات طگاني وما صحيت..
59
أختفى صوتي من الصياح والغلط وما ينسمع ضل، أول مره بحياتي أوصل لهيچ مرحله من الفقدان وأشوف روحي هيچ عصييه أرجف بأيده رجفه تخوف وجسمي ينكث من كل كتر
20
نزل عينه يباوع لرجفتي بدهشه نطقت بحقد
-لو أشرب من دمك ما يبرد گلبي
-فحطتيني أحترگو أهلچ أشتعل أصلچ
-شلون عين صلفه ما نكسرت
هدئت أباوعله وهوَّ ما مفتهم، صوت نفسي عالي وگصتي تصب عرگ صوتي أختفى ورجعت لوعيي وصحيت من نوبة الفقدان من شافني شلون هدئت عاف أيديَّ الچان لازمهن بقوه ومثبتني
4
باوعلي وگال بصوت هادئ
-فهميني مو سودنتيني شمالچ شنهي الغير حالچ؟
9
ما رديت عليه ونسحبت من جواه بهدوء وخرت عنه وگعدت على حيلي صافنه تقرب گنبص گدامي لزم أچتافي بنثين أيديه وعينه بعيني مقهور
-عليمن محترگ گلبچ؟
11
باوعتله بطرف عيني مقهوره ردت أگوم بسرعه كض زندي برهاوه
-وين رايحه خل أفتهم شمالچ؟
4
عتيت أيدي من أيده بقوه ملخت أيده لأن چان لازمني بهدوء نصدم من ردة فعلي ضل صافن وراي وأنه گمت وعفته أرجف من العصبيه والقهر وصلت للباب أسحل بروحي سحل علمود أطلع..
حسيت بأيد قويه جرتني لجوه گبل لا أعتب باب الغرفه فرني عليه وزمخ
-وين موليييه شخطتي؟؟
15
حطيت عيوني بعيونه فاتحتهن على كبرهن معانده روحي ما تنزل دموعي، من مساع أصارع روحي ما تنزل دمعتي جريت حسره وتنهيدة حزن
-مع الأسف عليك.
61
أول ما كملت حچايتي ردت أطلع، بس عتني عليه مقيدني أطلع من الغرفه طگيته على صدره وصرخت
-عوفني وحدي..
1
دفعني على حايط الغرفه صار ظهري على الحايط وبوجهي حُرّ أتنفس سريع ريگي يابس وفحطانه أخزر بي وهوَّ كاضني بثنين أيديه يباوعلي وواگف گدامي
-قهرچ ما يهون عليَّ غزالة!
46
لزم وجهي بثنين أيديه وجهه مقابيل وجهي
-چنه نسولف ونضحك گبل لا أنام كلشي ما بيچ هسه الگاچ تخنگي بيَّ فهميني شمالچ كلشي ما مفتهم!
12
ما رديت عليه ضليت أباوع بعينه وهزيت راسي
-شيفيد الحچي بعد؟
70
ضل يستغفر ويمسح بوجهه متنرفز، ما مفتهم ويبس ريگه يريدني أفهمه وأسولفله عدل بس كل ما أريد أنطق وأحچيله أفكر ليش أتعب روحي وافتح الجرح من جديد إذا هِيَّ وأصله مرحله تدزله صورها وهِيَّ مصلخه ومتحضرتله شيفيد حچيي بعد!
23
ردت أعوفه وأروح بس وگف گدامي
مانعني أطلع دفعني بخفه من چتفي على الحايط
-بسچ هيدي.
5
نزلت من الحايط للگاع گعدت وأنتچيت على الحايط الوراي هادئه وساكته عيوني حمر وصافنه لگدام بحزن جر حسره وضل واگف گدامي محتار دنگ عليَّ يمسح بوجهي
-راح تموتي!
6
ما تحركت من مكاني بس حركت عيوني باوعتله
-عوفني..
3
سكت وجر حسره صافن عليَّ
-أخذي راحتچ وحدچ شويه ونحچي بالسالفه.
-ما أريد أحچي وياك..
سكت صافن عليَّ محتار شيردلي، التفتت أباوع لگدام ساكته ويحترگ گلبي وتشتعل بيَّ النار كل ما أتذكر السالفه رفعت شعري كله بأيديَّ رغم مسويته گصيبه بس أحس أريد أشلعه من القهر..
2
ما أعرف شسوي وشلون الهي روحي گمت للمطبخ جريت الجدر وردت أسوي فد شي التهي بي ردت أنظف أو أطبخ أو أسوي أي شي المهم أنسى الصار بس ما نسيت ولا حتى گدرت
3
الجدر أريد أحطه بالگاع رگعته رگع اللي بذاك الصوب يسمع الصوت بحيث خسفته، وصوت المواعين شعلاته من وراي وماكو شي ما أسويه بعصبيه ونتر وطگطگه مزعجه
41
رفعت راسي شفته واگف گدامي
-مو مال تنعافي وحدچ شخطتي أنتِ.
-أي أنه مسودنه هِيَّ العاقله مو؟؟
55
-شنهي عن مني جاي تحچي؟
-عن حبيبــة گلبك المتحضرتلك
-يا قندرتي ما عدي صخيمه
91
رفعت عيني اله ساكته وأخنزر بوجهه
وهوَّ يباوعلي بأستغراب ونظرات متروسه حيره
-وردة تعاي خل نسولف.
6
ما رديت عليه وبس أريد شي التهي بي أجر حسرات وأتنهد بقهر جرني من چف أيدي ودارني عليه وبآخر ذرات الصبر نتر
-بسچ كافي شنهي تسودنتي؟؟
سحبت روحي منه ضل يستغفر ويغلط ويشتم بأهلي وبروحه وحياته فد مره تنرفز وأنه هادئه وساكته أباوع عليه مسح وجهه متنرفز والتفت عليَّ
-شلون بله اليوم نگضيها عرك؟؟
38
گمت وگفت أرتب بالغراض بس أريد الهي روحي ما أريد أحچي وياه وهوَّ يباوعلي مستغرب وكل شويه يتردد الكلام ببالي ليش حُرّ يحچي طبيعي ويَـ البنيه الحاولت تكتلني وتموتني!
9
وبنفس الوكت تقززت من منظرها وهِيَّ تنتظره معقوله ما بيناتهم شي، ما معقوله يعني شني من جرأه عدها تدزله صورها وهِيَّ منتظرته لو ما بينهم شي، وبدون تردد كاتبتله "أنتظرك" عبالك متأكده من جيته؟
25
مسحت وجهي مقهوره وكملت ترتيب
الهي روحي وهوَّ عجز يفتهم مني، حاول يمشي الأمور طبيعي
-وردة أنطيني التلفون من يمچ.
1
ما رديت عليه أستغفر متنرفز
-تخابري فجر وكلارة؟
2
هم ما رديت حسسته جاي يحچي ويَـ روحه أو عدم لا أباوعله ولا أردله نتر أيدي عتها بقوه كاضني من زندي
-وراي نعل أريد أولي للشغل تسولفي لو شلون اليوم؟
رفعت عيني لعينه جريت أيدي منه فلتتها بهدوء وردت أگوم لأن أجه يمي أول ما وگفت وگف وياي متعصب صار ظهري على الحايط وهوَّ گدامي درت وجهي للجهه الثانيه ردت أوخر لزم فكي مثبتني گدامه
3
-الشغل واصل فوگ راسي أجيت أرتاح شويه يمچ وأطلع كلشي ما مسوي، سمعت السالفه بيها نسوان أنه من شوكت شايف مره غيرچ؟
29
كل ما أريد أحچي وأنطق شنو مضوجني ما أگدر الغصه تارسه بلعومي وحرف ما أگدر أحچي من الشهگه والقهر التارس گلبي أرتب الكلام بگلبي ومن أريد أحچي ما الگه روحي أسوي شي غير السكوت ونظرات القهر..
6
لزم رگبتي بأيده لأن ردت أفلت روحي
عبالك خانگني بدون لا يأذيني بس يريد يثبتني عيني بعينه ساكته
-خل أفتهم علتچ شنهي..
خزرته ساكته صرت أكره أباوعله
لأن أتذكرها حطيت أيدي على أيده اللازم بيها رگبتي
-وخر عني ولا تحاچيني بعد.
-وردة زودتيها فد نوب وطلعتيها من ماعونها
-وأنتَ ما مزودها؟
11
-شمسوي لخاطر الله شمسوي؟
-فقير عمت عيني عليك..
33
-نطمرت وأنتِ يمي ما بيچ شي گعدت تخنگي بيَّ!
-لأن چذاب وحقير.
14
-گبل ما تغلطي شمالچ هسه لسانچ والغلطه؟؟
-كل ظني تستاهل الأحترام.
-لا تضلي تاكلي نعل
-ما حچيت غير الصدگ..
-يا صدگ هذا وردة صايره ما أدري شلونچ!
11
أباوعله فاتحه عيوني المتروسات دموع أكابر ما أريد أبچي گدامه صارلي أشگد أضغط على روحي ما أبچي بس ما گدرت نزلن دموعي مقهوره
-شلون تگدر تحچي ويَـ وادم تريد موتي؟
54
صفن بعيني بأستغراب وأختفت عصبيته كلها من شافني أبچي، چان بقمة نرفزته وعصبيته بهت وجهه من شاف دموعي لزم وجهي بثنين أيديه وبأبهام أصابعه يمسح دموعي التنزل على وجهي
-شمالچ يبعد الروح؟
158
بچيت بالزايد مقهوره منه، جرني بأيده لصدره حضني بثنين أيديه لافهن عليَّ وحاضني بقوه وأنه أبچي بقهر راسي على صدره ومغمضه عيوني أريد أكتم غصتي ما أگدر، ضل يمسح على شعري
-متعيني تنزل دمعتچ من وراي!
رفعت راسي باوعت بعينه
-أنتَ مو گتلي لو خمسين سنه أتانيچ؟
-ما أحچي حچايه وأخلف بيها.
3
-چا شلون هسه خلفت بيها
-شلون خلفت بيها فهميني؟
4
من القهر ما جاي أسولف عدل أجيب حچايه منا وحچايه منا أسولف بخربطه وهوَّ مركز وياي يريد يفتهم حچايه مني يمسح بدموعي ويمسح بچف أيده على شعري، دنگت عيني أبچي لزم وجهي بثنين أيديه مسح دموعي ورفع شعري من وجهي يحاچيني بحزم
-فهميني وردة أغديلچ فدوه.
16
جريت نفس طويل ومسحت وجهي وخزرته
-شعندك ويَـ إيناس؟
-يا إيناس؟
31
-بت صمد.
-شنهي هاي شعدي وياها؟
4
خزرته بعصبيه وزمخت بوجهه آآشر بأيدي
-لا تنكررررر
4
خزرني وبچف أيده كض أيدي
الرافعتها بوجهه نزلها راص على أسنانه وبالگوه ضابط أعصابه
-لا تزمخي بوجهي.
30
-إيناس بت صمد بيناتكم مراسله محذوفه وهاي مراسله جديده القديمه شنو بيها ما أدري گالتك شوكت ترجع للبيت، أنتَ رديت الها شتردين خوما صاير شي؟ شلون گدرت تسولف وياها طبيعي وعادي وهِيَّ رادت تكتلني ما أگلك روح أكتلها لو عاديها بس على الأقل لا تحچي وياها طبيعي لأن بيوم من الأيام وصلتني الموت!
12
-وستر زينب المحادثه المحذوفه بيناتنا چانت أول مره تراسلني وما أدري أهلها منطينها تلفون وراسلتني على أخواتي فجر متخربطه، وإيناس راسلتني تگلي الحگ لـ فجر ورجعت للبيت..
19
صافنه عليه ساكته وأستمع اله بتركيز رفعت حاجبي
-وهاي المحادثه تسأل عليك، وأنتَ تگلها خوما صاير شي وتسولف وياها طبيعي!
أي هم كل ظني صاير شي بأخواتي.
-هاي هِيَّ، لأن أدري البنات چانن هواي يضوجونهن ويسوون وياهن مشاكل عادي بس شنو معناها من تدزلك صور تتحضرلك؟
21
رفع حاجبه ما مفتهم كلامي صافن بعيني
-شنهي؟
5
-واضحه ترى جاي أگلك إيناس تتحضرلك دازتلك صورتها لابسه وكاشخه ومتمكيجه ومتحضرتلك ومنتظرتك والملابس خلاعي يعني هسه أنه عقلي وگف أريد تبرير لهاي السالفه ما جاي الگه؟
24
-قندرتيش شمالچ شخطتي وردة سولفي عدل شني تدزلي صور من شوكت هاي؟
6
-عود شني ما تدري؟
-وستر زينب ما أدري ولا واصلتني هيچ صوره!!
4
سكتت هادئه لأن فعلاً المراسله چانت ما مفتوحه أنه فتحتها بعده ما قاري المراسله وأنه شفتهن رفعت عيني اله
-أنه دخلت على المحادثه، بس تريد تقنعني هِيَّ أول مره تدزلك حُرّ ترى ما تنعقل شلون تدزلك ما تخاف؟
33
أتلفت بالمكان يدور بعيونه
-وين التلفون خل أفتهم؟
-شتفتهم تريد تشوف الصوره.
34
-يا قندره، أريد أفتهم شكاتبه وياها
-أنتظرك..
حچيتها أخزر بي بحقد عگد حاجبه مستغرب
-شهل خبال، من شوكت هِيَّ هيچ تسولف؟
4
تچتفت أباوعله فاتحه عيوني بخزره
-المفروض أنه أسأل هذا السؤال؟
3
صفن بالفراغ بأستغراب وحيره
-چانت مؤدبه بكلامها وياي شجاها هسه!
20
-حُرّ والله العظيم والله إذا ما تفهمني شجاي يصير أتخبل عليك هسه، شني تگلي أنتظرچ طول العمر وهسه أشوفك تتمعشگ ويَـ هاي النذله التريد تموتني؟
حط أصبعه على شفايفي
-أشششش أوگفي وردة أنه لا حاچي وياها ولا أدري بسوالفها الطايح حظهن هذني، الواحد يحچي العليَّ والما عليَّ البنيه گبل لا تتعارك وياچ چانت مؤدبه كلش وياي تجيب وتحط ومحترمه بس أنه ما فرحان بهاي المعامله لأن ما أحبها لا هِيَّ ولا ذاك البيت كله..
8
ومن تعاركت وياچ ورادت تخنگچ صرت أموت منها ولچ أنه شلون ينطيني گلبي أحچي ويَـ وحده تريد تكتلچ صرت أكرها وأتخبل منها وأكثر من مره تعاركت وياها بس هسه السالفه هاي سمعتها منچ!
6
باوعتله هادئه وساكته بس بعدها الحرگه تارسه گلبي
-وشتسوي هسه؟
-أندري..
-چا ما تربيها شني هاي الأخلاق الزفره
-شأربيها قابل هِيَّ حرمه تخصني؟
11
-چا مو بت عمك!
-عدها تلث أخوان وأبو وأم وأروح أربيها؟
17
-چا شني مكيف على الوضعيه!
-لا ما مكيف شمالچ تسودنتي من شوكت أنه أكيف على هاي السوالف تعرفيني الشرف عدي خط أحمر.
8
-أي وشلون؟
-أحضرها وأحچي وياها من أرد للبيت أتوبها من هل طيحان الحظ مالتها.
-بس هيچ!
-چا شنهي شسويلها؟ أنه أول ما طلعت من السجن حطيت حدود وياهم كلهم ما يتدخلون بأخواتي ولا الهم شغله بينهم لو عساهن شما يسون ونفس هاي الحدود زرعوهن وياي البت بأعتبار غريبه عليَّ.
مسحت وجهي وزفرت نفس أدردم وأنتر
-الحيوانه گضت عمرها تعير بيَّ كل ما شافت بني آدم وتعاركت وياي گدامه علمود تشوه سمعتي تگلي تتمعشگين و أشگد ما عدچ شرف و مستهتره وأنه ما مسويه شي، هِيَّ وأمها يعيرن بيَّ ويطعنن بشرفي وبالأخير طلعت هاي أخلاقها!
21
-خل تولي لا تقهري روحچ أنه أرجع للبيت وأحاچيها.
5
-بهل برود؟
-چا وردة ترديني أصير زوج وأسويها طلابه ويجون يبلوني بيها وتعال تزوجها لأن غلطتو سوى ويجيبون چذب عليَّ ويردون لوره؟ ترى مبينه حركتها هاي تريد تبليني بيها وأنجبر أتزوجها.
39
خزرته مقهوره وأستمريت أبچي رغم فهمت السالفه وعرفت كلشي، ومن تخيلت صدگ يسوونها وياه طلابه ويردونه يتزوجها وينجبر بيها أحس النار ضلت تطلع من عيوني نقهرت حيل ورغم كلامه كله ما طفه النار اللي بگلبي بعدني مقهوره..
12
مسح دموعي وحط شعري وره أذني
-بسچ وردة وستر زينب ما بيوم ردتها حرمتي.
2
-أنه نقهرت ليش هيچ تدزلك؟
-ما شايف الصوره وإيناس كلها مو بعيني أنتِ أهم حرمه بعيني ما يهمني بشر خلافچ، عيوني ما تشوف غيرچ.
52
يمسح بدموعي وحاضن وجهي بچفوف أيديه باسني براسي ويمسح على شعري
-لا تضوجي كبد مردتي گلبي وعلي..
24
سكتت مقهوره وسحبت روحي من حضنه جريت تلفونه أباوعله بطرف عيني وهوَّ ما مفتهم شي
-ها شمالچ؟
3
گلبت بالتلفون أبحوش على محادثتها
-أريد أمسح الصوره علمود ما تشوفها.
66
ضحك وتقرب عليَّ باسني بشعري يضحك فرحان ملت روحي وخليت التلفون گدامي علمود ما يشوف وياي وهوَّ مركز بيَّ وما منتبه للتلفون مبتسم حذفت المحادثه كلها وأنطيته اله
-هاك أحظرها.
16
أبتسم وحظرها گدامي ورفع عينه الي
-تنوعي گدام عينچ حظرتها ما تهمني لا هِيَّ ولا صورها
-عفيه ضل هيچ مؤدب لا أطلعلك عيني الحمره.
83
-طاح حظچ لهسه مخترع گعدتيني تخنگي بيَّ!
-ترى أنه ما أنجرع لا تخليني أطلعلك شخصيتي هاي
-تخلسي وعلي..
119
ضحكت بس بعده گلبي محروگ ما أدري شيطفي هاي النار الـ بگلبي جريت حسره ومسحت وجهي ومر هذا اليوم عليَّ بتعاسه كل ما أنسى أرجع أتذكر الموقف وتدمع عيوني بقهر
متمدده على الفراش وأنتبه الي شلون عيوني مدمعه جر چف أيدي وبين أصابعه جگاره لزم أيدي أصبع أصبع ينزله ويحچي ويـَ كل أصبع كلمه
-هاي التخبز، وهاي التعجن، وهاي التطبخ، وهاي التنظف، وهاي..
250
أول ما كمل كلمة هاي وأنه مندمجه وياه ويَـ كلماته وحركاته لأصابعي حط الجگاره بين أسنانه ودغدغني من بطني فتحت عيني مصدومه وضحكت أدفع بأيديه مني متدغدغه وما أگدر أسيطر على ضحكتي
-يممممه وخرررر
92
بقى يدغدغني فحطت من الضحك وأحاول أوخر أيديه لحد ما شافني تعبت من الضحك وخر عني مبتسم مسحت عيوني من الدموع أول مره أبچي من الضحك وهوَّ جر نفس من الجگاره كاض أيدي بأيده مبتسم..
14
نمت تعبانه ومالي خلگ من الصار، فزيت على صوت حُرّ يحچي بالتلفون بعصبيه وخوف وأسمع صوت بچي كلارة، يلح عليها تسولف شبيها وهِيَّ ما تگدر تنطق من البواچي، بصعوبه گالت..
12
كلارة: فجر نجلطت
