رواية يا اجمل الوحوش الفصل العشرين 20 بقلم رسل فهد
يا أجمل الوحوش
- رُسل فَهد
...
28
يجـوز أرد ، بشرط واحد !!
روح أگطع وردة من أقرب حديقة
و حاول ترجعها بأيدك
شوف يقبلها الغُصن ؟
إحنه وادم من نهِد حاجتنة
مَنباوع وراها ، و لا نِحنّ
- رُسل فَهد
...
64
" ورود "
13
وصلت للنص و قررت أرجع بس الصوت السمعتة ما خَلاني
أصوات غريبة طول ما أمشي و أنا متعجبة هالدمعة شنو الجابرها تطلع بهالليل بدون ما تخاف وگفت مصدومة و فاتحة حلگي وعيوني
بصدمة و أنا أعاين
43
دمعة تتشابگ و تبوس بواحد غريب عبالك عشيقها من گد لهفتها اله
رفعت راسي أعاين على شبابيج الغرف شلون ما خافت
شوية و شمرها على الزرع و بعد ما أكدر أعاين إلا امشي
ليگدام اكثر
232
اريد ارجع و احس رجلية ما تعيني جامدة بمكانها و اخافن اطلع صوت
و يلزموني هسة يذبحوني و يدفنوني بهاي الكاع و محد يدري بية
رجعت امشي ليورة بس أنا نظري عليهم حتى إذا عاينتهم لچحوني اركض
83
بس هم وين رايحين بغير عالم من عبرت نص المسافة ركضت و طبيت الهث بخوف وكفت بالخوال أعاين رجلية ترجف رجيف
طبيت للغرفة ردت انام ما أكدر أتگلب چـا شو أنا خايفة و ام المصيبة لا
83
فتحت البردة على كيف أعاين ما موجودة ما مبينين ضليت
أعاين ماكو الها آثر لحد ما تعبت ما معقولة صعدت بهالسرعة
غمضت عيوني اريد انامن و منظرهم ما يروح من بالي
38
الصبح كعدت ما منتظرة شراع بكد ما منتظرة أشوفن دمعة هم عينها بيها ذرة خوف لو هي هيج خبرة و متعودة و أنا بهاي الحالة شسوي و المن أكول صبيت لجدة و شراع ما نزل صارت بالعشرة و هو ماكو
51
من عاينت راح عدنان صعدت فوگ فتحت باب الغرفة مقفول ، دگيته
مرتين ما جاوبني درت وجهي أنزل وصلت يم المحجر أنفتح باب الغرفة
وهو مطفي گوة فاتح عينه
ورود : صباح الخير ، شنو اليوم ماكو دوام
شراع : أيييي مآخذ أجازة
46
- أسويلك ريوگ ؟
- قَشمر اني عندج ؟
ضحكت و أنا أعاين للدرج لا يصعد احد لو ينزل
احد من درج الطابق الثالث
31
ورود : حشاك لا ، بس نمت
شراع : يالله سويلي بين ما أسبح
نزلت و أكول بداخلي والله الك خلگ امس بالليل سبحت و الظهر تسبح و الصبح تسبح بهذا جو الشتاء البارد أنا لو ما التنظيف
وعلي كل يومين يالله اسبح شني شبية
201
صبيتلة الاكل و صعدت الصينية فتحت الباب هو واگف
يخلي عطر و يرتب شَعرة خليت الصينية و هو دار وجهة عليه
شراع : ليش تتعب حبيبي أني أنزلك
ورود : لا أنا متعودة
142
اعاين لتليفونة يدگ عوجت حلگي و رحت للبردة فتحت الشباج
ورود : راح أنزل أنا و من تريدني صيحلي
شراع : تعاي آكلي وياي
- إكلت أنا من زمان
21
فتحت باب غرفته و نظفت غرفتي و أجيت نظفت غرفتة
هوَ كاعد ياكل و يراسل
ورود : مو حتى الاكل برد و الچاي صار ثلج
ضحك و سد التليفون لمن خلص هو نزل الصينية تليفونه مسوي صامت
بس كل شوية يشتغل ضوه مال اتصال
49
طبيت اعاين للتليفون مكتوب المحامية ندى
وراها گام يدك رقم غريب أنا واكفة صافنة بأسمها فزيت
من أيدة صارت على خصري
شراع : وين وصلتي
- يم ندى
حچيتها و درت وجهي بعصبية و هو طگها ضحكة
123
شراع : اليوم العصر حضري روحچ اطلعج وياي
- أنــا ؟
- اي لعد ما تردين تختارين غرفتج لو واثقة بذوقي
36
ورود : لا منو يگول ذوقك حلو
- ذوقي أختارج
- لا جا يموت
- لعد ماكو طلعة أنا أختار
95
ورود : يجوز ذوقك بس بالنسوان حلو
حچيتها و اني رافعة حواجبي ضحك بصوت عالي
شراع : ملعونة
156
طلعت من الغرفة ركض لامي لگيتها بالغرفة كاعدة هي و نورس
تطيها أقمشة الفرشات التخيطهن الي
اجيت يمها شاورتها گالت اي ميخالف أصبري من يجي
ابوج أكله و اشوف
17
بقيت كاعدة على الجرباية وأنا أعاين ألوان الفرشات شكد حلوة
طبت جدة تمشي بعكازتها عاينتلي
رهينة : شبيج ولج نزلتي تركضين
ام عدنان : گايل الها خطيبها أخذج اليوم تختارين الغرفة
و تريد تشوف ابوها و أخوتها يقبلون
23
رهينة : چا ليش ما يقبلون وحد هيَ ، هاي فرشاتها
ام عدنان : اي جبتهن امس وياي من السوگ حتى مرت قاسم تخيطهن على راحتها
20
رهينة : يالله خياطهن علية عود حاسبيني أنا
اجيت بست جدة مبتسمة وبِست أمي
بيومها حتى ماعين الظهر ما غسلت هو وره ما تريگ راح لاهلة و گال أجيج العصر و أنا منتظرة امي تگول لابوي حتى احظر عباتي
و هدومي
29
من طلعت من الغرفة
ام عدنان : قبل بس يگول خل تشوف أخوها عدنان
ورود : يووووه يمة عدنان طبعا ما يرضى
- گولي لحياة تقنعة
- ما اريد يالله ما أروح
51
حجيتها و صعدت للغرفة ضايجة يعني يردوني اقنع عدنان و أنا أخاف اجيب اسم شراع يمه شلون اروح اكله تقبل اطلع وي شراع
حتى يرگعني چلاق يوديني لبيت فتنة گبل بدون زفة
98
العصر صار و انا كاعدة مستحية من شراع هسة إذا يجي و اكله ما اكدر اروح يعرف من وره أهلي هسة يگول شطلعت هاي
سمعت باب غرفتـة أنفتح سحبت نفس قوي ورجعت شعري ليوره
و أكول يالله عادي عادي
18
طبت زهرة تركض
- يريدج عدنان جوه
احس رجليه ما تعيني يمه شيريد مني نزلت لكيتهن كلهن كاعدات بالهول و دمعة تعاين صفح كون فگس لهاي العيون الصلفة
امي و جدة و عدنان و كلها كاعدة اعاينلهم و گلبي يدگ سريع
ورود : ها خوية صايحلي
عدنان : اي شرايدة مني
37
ورود : أنا ؟ لا وداعت ابوي كلشي ما رايدة
امي و جدة و كلهن يضحكن
عدنان : يالله روحي وي رجلج بس مو جثير تتأخرين
157
- أنا ؟ اي خوش
حجيتها و صعدت اركض مستحية و فرحانة اسمعهم وراي يضحكون
كمت حتى ما أعرف شحجي زهرة يمي بالغرفة تطلعلي بغراضي
لبست هدوم مرتبة و لفيت الربطة فوگاها العباية أمي صاحت لزهرة دزت بيدها جنطة جديدة حتى البسها
43
حطيت عطر بَس بلاية قطرة مكياج امي ما ترضى و اصلاً ما عندي بالغرفة حجاية امي الشهيرة بس تخلين حمرة
تروح نشعتج بالحنه و العرس و أنا مصدگة بيها
268
نزلت زهرة شوية و صعدت گالت يالله شراع نزل منتظرج بره
أنزل من الدرج و أنا مستحية احس بروحي حتى من جدة مستحية
و بنفس الوكت متوترة و فرحانة مشاعر هواي و واحد مسيطر على الثاني
37
طلعت و أنا يمكن صارلي فوگ السنة ما شايفة باب الشارع
دگ هورن بالسيارة نزيت اعاينلة واگف على جهة
حتى هاي اول مرة اعاين سيارتة
و اول مرة أصعد بسيارة بالصدر كلهن أشياء صارن اول مره
119
كعدت و أنا الخجل محتلني من فوگاي ليجوه اعاين للعباية منزلة راسي
و أول ما حرك السيارة فزيت من خَله ايده علي أيدي و لزمها قوي
شراع : گلت اليوم أنا و عدنان نتضارب علمودج
69
ورود : لا حباب عدنان بس ساعاته براحاته
تمشي السيارة و اعاين للطريق مرينه على مكان بي أشكال الغرف
كلها حلوة محتارة شأخذ عجبتني وحدة بس ما قبل گال ناعمة و احنة غرفتنة چبيرة يعني تضيع
6
تالي رحنه لغير مكان أختارينه وحدة كلش حلوة و حجمها نص و نص
انطاهم الرقم و العنوان گعدنا بالمطعم ناكل و أنا ضجت من أعاينلة طلب الي بس ما ياكل بس يَرتبلي الماعين و يسويلي لفات
ورود : بس أنا ما أحب هيج عبالي راح تاكل وياي !!
37
مد ايدة على كلاص الببسي مالتي بي گصبة أنا شربت منه
رجع هو هَم شرب منه و خلى گبالي
شراع : باعي أنا تلعب نفسي من كلشي بس منج لا
281
اكلت شوية وگتله شبعانة اخذه سفري و طِلعنه
شراع : ورود شكو ضايجة شنو جديد عليج أني ؟
ورود : لا ، بس أنا ضايجة علمودك
يعني انتَ من كلشي حارم نفسك
19
شراع : هاي اني ورود إذا ما تتحمليني گولي اني ما أريد
تكونين ما مرتاحة وياي
ورود : ترى انا ما مأثر عليه شي بس أكلك ضايجة عليك
و شنو جديدة مال تتحمليني و ما تتحمليني
42
شراع : اي أني ما أخذ وحدة ما مرتاحة وياي
ورود : و أنا گايلة ما مرتاحة شو انتَ ما تعرف تحچي
- أني ما أعرف أحچي ؟
171
بقيت ساكته لان إذا أحچي راح تسوء الأمور اكثر هو گام يسوق سريع
و اعاينلة كل اوضاعة تغيرت حجيت بصوت ناصي
ورود : شبيك ؟
- ما بية شيء وروووود اني مو مخبل لو مريض اني رجال أوهوس و مو جديدة عليج السالفة لا تضلين تلحين بنفس الموضوع لان هذا نهايتي وياج
124
ورود : انهيها شنو انتَ مان علية ما اريد يالله
رجعني لاهلي
شراع : ماشي ورود ماشي چنت غلطان بساعة الطببتچ
بيها لحياتي
272
ورود : أنا غلطانة عبالي انصلحت بس طلعت نفسك نفسك
هو ينفت و أنا درت وجهي على الجامة اريد بس نوصل للبيت
اول ما صَف السيارة مديت ايدي اريد افتح الباب
قَفل البيبان
.....
315
"جُمارة "
36
- ضمني يمك عليك الله
بأثنين ايدي لازمة دشداشتة بقى متصنم بمكانة حاير لا يگدر يدير وجهة و يحاچيني خاف أمي تطب و لا هو متقبل الصدمة و خوفي من أمي الي يخليني اسوي المستحيل و لا ضربها و أسلوبها القاسي
72
عُطرة يكفخ بخشمي و اني أتنفس على كيف و گلبي يدك سريع تحس حتى النفس بي صوت عالي يصيح لامي ، اباوع لدشداشتة
و عبايتة فوگاي سودة قماشها شفاف يخليني اشوف كل الدنيا
سودة ، و هي هيج راح تصير إذا شافتني أمي
65
أباع للخيط الذهبي الي مخَيّط على طرف العباية و هديت ايدي من دشداشتة ثَانية بَس ، رجعت لزمتها قوي و اني اسمع صوت أمي
من بداية المضيف
تغريد : جُمارة هنا ؟ بطتها توها طلعت
11
وهو يحجي يحرك ايدة و كل ما يحرك ايدة العباية تنجر ليگدام
و اني أنجَر وياها قويت قبضة ايدي على الدشداشة
زِناد : شتسوي هنا مثلاً
106
صار هدوء و بِدة صوت امي يرجع يبتعد و هي تصيح جُمارة بكل عصبية يمكن إذا لزمتني تأكلني بسنونها بقى واكف ما تحرك و انطاني الأمان و اني رغم صوت امي ابتعد هم بعدني خايفة
جُمارة : اطلع
- طلعي
63
رفعت العباية و كعدت على الكرسي الجبير ورا الهث و ايدي على گلبي
يريد ينفجر من گد ما يدگ من الخوف منزلة راسي و بأيدي الثانية اعدل بحجابي و بالي كله يم الصوت
زِناد : تعاي أفتحلج هذا الباب و گليلها چنت بالتَرك
44
بدون كلام هزيت راسي بـ أي اني كاتلني الخوف و الرجفة و هو حاصرته الضحكة نَرفزني طلع قبلي و اني امشي واتلفت يصير بصف المضيف بس الباب بمستوى نهاية المضيف يعني نفس المسافة
الي امشيها من أطب للمضيف راح امشيها حتى أوصل للباب
26
اني امشي اسرع منه سبقته وهو ما همة شيء
طبعاً قابل امه تركض ورا وراح تكتلة وصلت للباب عضيت إصبعي بغضب و اني اشوف السرقي عليه كومة سلاسل و بيهن قفل باوعتلة
بقلة صبر و عصبية و اني محملته كل المسؤولية
على أساس مو اني الاجيت برجلي
42
مد ايدة بكل برود و طلع سويج السيارة من جيبة و ويا السويج مفاتيح واحد من عدهن هو مد ايدة على القفل يفتحه و اني احرك رجلي بتوتر و أضربها بالكاع فتح القفل و كام يفتل بالسلاسل
جُمارة : طبعاً أنتَ تبطئ بروحك حتى أمي تكتلني
82
وهو مدنك يفتح السلسلة رفع عينة عَلية يباوعلي بطرفها من راسي
لرجلي و ما جاوبني كمل يفتح السلسلة اول ما نفتحت سحب السرقي قوي و طلعت من الباب اركض
27
عبالي راح يروح بس و اني اركض درت وجهي لكيته واكف مخلي ايدة ليوره يباوعلي شوكت أطب لحد ما فتت يم مكان التنانير باب المخزن مفتوح وكفت عدل اريد نَفسي يستقر و انكث بدشداشتي
مسحت وجهي بأثنين اديةو عدلت حجابي و طبيت
16
لكيت امي واگفة بالهول أيديها على خواصرها و روز كاعدة على الدرج طبن رفل و زهرة يصيح عمة ما لگيناها
جُمارة : يمة شفتي بطتي
عضت إصبعها و أجتي ناحيتي و اني أحاول ابين ما خايفة
+
تغريد : وين چنتييي
جُمارة : ادور على بطتي شو ما هيَّ هم شفتيها
طلعت البطة من غرفة جدة رحت اركض اخذتها
اليوم متحلفتلها لان من وراها هي فضحتني ، امي تباوعلي ما مصدگة
و تنفت من العصبية
6
تغريد : امشيييي فوووگ كدامي
اباوعلهن بفشلة عدلت حجابي و صعدت روز لزمت ايدي
روز : وين چنتي ولج تغريد بعد شوية تخابر الشرطة
دكول جُمارة انخطفت
6
جُمارة : بعد اختج تموت على الإثارة
شنو السالفة شو هاي اول مرة
روز : والله ما ادري
انفتح الباب طبت امي تدور على ربطتها مال الطلعة
تغريد : يالله امشي بدلي تعاي وياي لبيت عجيبة
66
جُمارة : اني ؟ لا ما اروح يمة تعبانة ستوني جاية من القراية
تغريد : رهينة تركضين وياااهاااا ، امج ما ترحين مووو
- يمة ما احب بيت عجيبة
- شبيهممم احسن من ذولة الوحوش بس هو البزون يحب خناگة
59
جريت الصاية بعصبية
جُمارة : يالله يالله راح نولي
مديت ايدي الف بالشال و اني ضايجة ما عاجبني اروح روز تمددت على الچرباية و صافنة بغير عالم
22
جُمارة : ترحين ويانة
هزت راسها بـ لا و مدت ايدها على العصير و الچركاية من الجيس
تاكلهن و أمي لبست عبايتها و اخذت جنطتها
تغريد : يالله بساع انتضرج جوة
25
خليت البطة بحضن روز فزت و عاطت و شمرتها بالكاع
روز : شبيج شبيججج مو تدرين اخاف ايع اخذيها
جُمارة : ايع بعينج شوية انتِ احلى منها خليها بالغرفة لا تطلعيها اخاف عليها من التحرش
113
روز : ضميها يم الجابها
جُمارة : لا اخاف عليها منه هي رقيقة ما تتحمل هذا إذا يصير عصبي يدفرها يسوي بيها فشل كلوي
164
روز : شمدريج عصبي
جُمارة : ليش وين اكو عراقي مو عصبي
115
شلت البطة و مشيت وصلت آخر طرف بالجرباية شمرتها عليها عاطت
و اني ركضت سديت الباب ، هي اصلاً البطة تركض وراي تريد تطلع
يمكن ضايجة خطية ، نزلت من الدرج بلعت ريگي من لگيته كاعد يم جدة و أمي واكفة يم الدرج منتظرتني
21
تغريد : وين صرتي صار ساعة
بعدني ما مجاوبتها دار وجهة يشوف ويامن تحچين ، چان كاعد بالكرسي الي يم جدة و منطينا ظَهرة ، باوعلي عاقد حواجبة
و نظرتة مُخيفة
54
عدلت الصاية و گلت ما دام وي أمي ما يحجي امشي واني متوترة
اول ما وصلت باب المطبخ صاح
زِناد : ويــن ؟
22
دارت وجهة امي بعصبية و جدة خلت ايدها على رجلة تهدي بي
تغريد : وين ما يعجبني
زِناد : طلعي انتِ ، بس الوياج مَتروح
88
لزمت امي ايدي بعصبية عَتتني
تغريد : ما تتدخل بتي هاي و وين ما اطلع أخذها
وكف و تقدم علينة والسبحة بيدة و هوَ لابس الدشداشة بدون عباية
فَر السبحة بيدة و خلاها بجيبة باوع لامي
- گتلج ويــن ؟
26
امي تنفت من العصبية و تخزر بي جرت ايدي اقوى
تغريد : يم عجيبة عندك مانع ؟؟؟؟
أشر بأيدة على باب الشارع
- يالله أنا أوصلچـن
49
هدت ايدي و مِشت گدامي درت وجهي عليه و كلها بالصالة واگفة
تباوع مشيت وراها اخاف لا تلتفت و تشوفني لسة واكفة طلعنة بالشارع سيارتة موجودة بس مو واحد يروح بيها لان كلش قريبين
امي تمشي و تدردم
10
تغريد : مشيتها هاي المرة لان أنا ما اريد مشاكل
بس مو أنا الينحط عليها حارس و واحد يوصلها أنا بكيفي وين ما اريد اروح امشي وحدي و محد يمنعني
162
درت وجهي عليه يهز راسة و رافع حواجبة بمعنى ما يفيد الحجي
تغريد : محد يتحكم بية لا أنا و لا بناتي
راد يحچي و بَاوعلي ، عضيت شفتي و حَاجيته بعيني سَهلها
84
ابتسم و مَاحچة شي ، فرحت و اني اشوفة يسمع كلامي خلي اكول لجدة من نرجع حتى تنجلط اليوم وصلنة لبيتهم فتح هَو باب السياج و طبت امي بَطئت مشيتي لان أعرفه ما يفوتها
زِناد : حسابج بعدين أنتِ
118
باوعتلة أضحك فتحت ايدي و بَرطمت شفتي بمعنى شعلية
ضحك و دار وجهة وراح بَس ما رجع لبيت جدة رهينة
تغريد : فضيها تمشين على بيض مكسر
طبيت لبيتهم بَس ما أدري ليش أنقبض گلبي و ما حبيته
64
رغم البيت مرتب و ريحة البخور بي قوية و المطبخ يلمع
الصالة كلش مرتبة و حلوة مشغلين كارتون الفارة و البزون
و متمددين جهال اثنين حاطين مخاد و معلگين رجليهم على الميز
59
طلعت عجيبة من الغرفة تلگت أمي لو أختها ما تحضنها هيج
عجيبة : يا هلا اليوم منو جاي
اجتي حضنتني و باستني ، ما بستها لان ما احبها اتذكر اول ما اجينه شلون تعاركت وي امي و ابنها امجد من ضرب امير
و ضربني ، ما ادري شلون امي نِست
96
كعدت على القنفة و أجتي مرت ولاء و مرت آمجد نزلت وجها
مشخوط بضربة قوية سلمن و راحن للمطبخ امي و عجيبة يسولفن
أنفتح باب غرفة بابها على الصالة طلعت فضة كاعدة على الكرسي
و تحاول تحرك التايرات مال الكرسي بالگوة ما تحملت المنظر
63
كمت و رحت يمها مبتسمة سحبت الكرسي و سديت الباب
وكفت الكرسي يم القنفات و أمي سلمت عليها وهي كاعدة
عجيبة : جا وينها سعيدة
فضة : تسبح خطية
26
باوعتلي مبتسمة اني كاعدة بصفها مدت ايدها على ايدي
فضة : تعاي أبوسـج
تقربت عليها بستها و أني مشاعري مدري شبيها ما جاي اعرف
أفسر شعور واحد بس كل الي اعرفة اني مقهورة عليها
59
حور مرت امجد بالمطبخ هي و مرت ولاء صاح آمجد من فوگ بصوت عالي اباوع لفضة كرمشت وجها بأشمئزاز من صوتة و حور صعدت تركض و صوتها ناصي و مخنوگ من تگول اجيت اجيت
37
تغريد : ليش لسة ما حبلت مرتة صارلهم هواي متزوجين
اباوع لوجه عجيبة گام ينطي ألون و دنكت تسلت خيط من دشداشتها
عجيبة : والله ما ندري حرنة بيها بالأطباء
تعرفين بيها جني مادري شبيها البنية جاي نعالج بيها
رجلها ما يقبل يعوفها يكول أنا أطيبها
284
تغريد : خطية ان شاء الله تتشافى و تترسلكم البيت جهال
عجيبة : اي امين جا شنريد
15
عجيبة و امي يسولفن كله على زِناد و جدة رهينة
و سالفة عمي هاشم من جاب لبنانية
عجيبة : اكلج ترى ياهي التاخذهم لازم تحسب هيج حساب
جا أبوهم منو يوسف الله يرحمة مو چان شكثر يكولون يحب حليمة و أخذني فوگاها
47
و فاخر جابها بطول زرة و هو عدنان لو مرتة مخلفة جا هسة حفيدة بالمدرسة و هذا هاشم هم تزوج و قاسم بالطريق
و عمار على ساعة هم يجيبها جان يركض يوكل بعيالة ملتهي بيهم هسة راح يعاينهم كبروا وشالوا ارواحهم
راح يجيبلة وحدة بكد بته ، و انتِ رجلج مات هم لو عايش چـا من زمان جاب إعله راسج وحدة
38
تغريد : لا يعقوب ما يسويها
- يسويها و يعبر لذاك الصوب رهينة موجودة تزوجهم كلهم
جُمارة : ترى جدة ما قابلة حتى على عمامي
عجيبة : لا يغرج يخالة هاي بس مظاهر ولج هي وحليمة
جانن حبايب و بالخنسة اجت خطبتني اله
58
جُمارة : بس اني سامعة هي حليمة الله يرحمها خطبتج
اباوع لوجهة صار كركم فضة ابتسمت و هي باوعت لامي
عجيبة : ديري بالج على بتج شوفي شلون جاي يغسلون بعقلها و يطمطمون خياسهم
71
تغريد : جا الجذب ما يدوم و تطلع الشمس على الحرامي
نزلت حور للمطبخ اباوعلها ركضت للبوري تغسل وجها و تمسح بدموعها
صبوا العشا و كعدن بالكاع اني عيني على حور و فضة العاملة مالتها
صبتلها
28
مدت ايدها تاكل حور و هم صاحلها امه اشرتلها اكعدي
عجيبة : يمة جاي تتعشى تعال خالتك تغريد هنا
بعد ما حِچـة شوية و نزل من الدرج يضحك سلم على امي و كعد
على القنفة الـ گبالنه
27
امجد : شونج جُمارة
- الحمدلله
حجيتها و اني اريد اكل ما رفعت راسي اله
امجد : حور من تخلصين صبيلي اكل عيني
دارت وجهة تباوعلة بصدمة و هزت راسها بـ نعم
112
آمجد : شلونة زِناد وياكم خو ما يحاچيكم
تغريد : لا شحدة يحجي وياي
شفت امي ملتهية وي امه رفعت عينه لكيته يباوعلي باوعتله صفح
و حتى فضة خازرته
83
آمجد : خوش عنده حماية زِناد بكل مكان فضة و جُمارة
باوعتلي امي بسرعة
- جُمارة ؟ شعليها بي جُمارة
امجد : تعاين صفح ما عاجبها الحجي
79
عضيت شفتي مصدومة من خباثتة
جُمارة : مو يمك ترى
خزرتني أمي ، باوعتلة خزرتة و سكتت
16
من خلصوا الاكل فضة باوعتلي مبتسمة
- تجين لغرفتي ؟
هزيتلها راسي بـ نعم و اخذتها للغرفة طبيت وياها اسمع امي صاحتني درت وجهي لكيت عجيبة تشاورها
جُمارة : هسة يمة
35
أباوع للغرفة تجنن لونها أسود بيها ثرية تلمع بالوسط
و البردات رصاصي الفراش رصاصي يعني تناسق ألوان
يريّح النظر و عطر الغرفة يجنن النظافة تشع منها
29
على ميز المرايا صورة لزناد و عمي يوسف أبو و رجال
ثاني معگل بس زِناد صغير مو هذا عمرة حسيته هذا الرجال
ابوها الي گالوا عَـنه
18
عندها ثلاجة صغيرة فتحت الباب مالتها و طلعت ماعون فواكه
حركت التايرات مال الكرسي و خلته على الجرباية و اشرتلي تعاي اكعدي
15
مشغلة التلفزيون قرآن التلفزيون معلگ و جوا ميز ابو الجرارات
عليه صينية متروسة عطور
جُمارة : غرفتج كلش حلوة
فضة : ترديها ؟ ما تنعز عليج
106
ابتسمت و اني أتشكر منها
فضة : آمجد عوفي خيولي
جُمارة : شعلية بي طبة مرض بس اني أكرها
17
- هو منو يحبة هاي مرتة ما تحبة
- خطية تقهرني
- يغار من كلشي يخص زِناد
22
جُمارة : صحيح مبين غوار
فضة : اي ديري بَـالج انتِ
18
جُمارة : اني ما ردت اجي بس امي ما اكدر اكسر كلامها
فضة : نورتينا ، أنا من زمان أعرفج و من شفتج بالحقيقة
طلعتي احلى من الوصف
53
جُمارة : منين تعرفيني و منو يوصفني
ابتسمت و مدت ايدها لجنطتها طلعت ككو خلته بحضني
فضة : سامعة عنج من اروح غادي لبيت الجدة
صاحتني أمي و كمت بسرعة سلمت عليها و طلعت
89
بيدي الككو طلعت عجيبة من المطبخ بيدها كلاص عصير
عجيبة : هاج خالة شربي حتى عشا ما أكلتي عدل
اخذته من ايدها اشرب
630
طب ولاء سلم و راد يصعد دگ تليفونه بسرعة جاوب
- ها خوية .. اي ... صار
سدة و بَاوعلنه
ولاء : يالله ام آمير أوصلكم
15
تغريد : اصعد عيني انتَ تعبان شنو أنا صغيرة يومية
اروح و اجي وحدي
ولاء : لا الدرب بالليل صاير كله چلاب آمشينا يالله
16
ما كدرت أمي تناقش بعد طلعنا و آمجد واگف بره
امجد : خابرك النذل ليش ما خابرني
ولاء : لا دگول نذل احترم نفسك لا يكسر راسك
- حتى أبتر راسك
79
يحچي و يسويلي حركات بعيونه نظراته مقززة
من درنه وجهنة و لاء يمشي اول واحد و احنه ورا
امي گدامي مشينه مسافة و درت وجهي على آمجد سوالفي حركة
بـ شفته تفلت بالگاع و رجعت كملت طريقي
172
بس گلبي يدك سريع گلت خاف يلحگني ، وصلنة للبيت
صعدت فوگ بسرعة تعبانة أريد أنام
رقية الصبح گعدت على عياطها اباوع الساعة بـ ١١ اليوم اني متأخرة
14
البطة تحوم يم باب الغرفة شلتها أبوس بيها احسها بدت تميزني عن الكل اخذتها و نزلته و أني أحاچيها علي الدرج
جُمارة : ها حبيبتي هم گمتي تحبين المشاكل
و تدورين گالات تعاي تعاي
33
رقية : أبنج هذااااا منيم اللبنانية على فراشي
لو رجال خلي يجيبلها غرفة هالهجامة البيوت هاي شبعوا بيها هناك و أجتي يمنه
43
نزلت اللبنانية تعدل بالشال على راسها و تضم برگبتها كلها آثار
- ولييييييييي على طولي لك مين أنت لَتطعني بشرفي
رقية شافت آثار رگبتها ضربت على صدرها و جرتها من شعرها
و وحدة تاكل بالثانية سرى أجتي وي امها تكتل بمرت ابوها
147
نزل عمي هاشم يركض يفاكك بيهن و صياح زلم بالكراج طلعت
جدة تركض خايفة و اني و البطة وراها جدة كامت تلطم
من شَافت زِناد نايم فوگ امجد و خانگة بأثنين أديه
رهينة : ولك جدة اخيك اخيك راح يموت
165
طبو ولاء و خالد يركضون من بره وخروه بالگوة وطلعوا
يونس و عدنان و عمي قاسم و كلها تباوع امجد يفرك برگبته و يگح بصوت عالي ركضوا جابولة مي شال الكلاص فلشة بالحايط
11
زِناد : هاي المرة هديتك مرةّ الثانية أدفنك هنا
حجاها و داس برجلة قوي بالگاع
25
امجد يريد يحجي صوته مخنوگ
رهينة : تعال طب يجدة طب جوة أرتاح
جُمارة : جدة ترى آمجد المكتول مو هوَ
141
دفرت ايدي و راحت يم زِناد تبوس بذراعة مسرفن الدشداشة
و هي تبوس ايدة و تهدي و تنزل الردن و تنكث بدشداشته
25
طب عمي عمار شاف كلها ملتمة يسأل شكو من سمع عركة بين زِناد و امجد بدون ما يفهمها شنو طبگ وي آمجد
عمار : ولو ما يفيد وياك الحچي بس ليش ليش حتى وي آخوك شرك ما لزمته
1
زِناد : أنا وي عمي ما لزمته تريدني أحترم أخوي و احسبلة حساب يغلط يمي أدوس راسة بالقندرة و أطيح حظة
ساقط مستهتر
35
آمجد : أندمك والله إلا أندمك يا زِناد أنا وياك و الزمن طويل
زِناد : تغلط و أكسر راسك و تغلط و أكسر راسك لحد ما أمشيك عدل
42
رهينة : شبيك ولك وي تاج راسك
آمجد : بسيطة
حچاها و طلع وهو كله شر عمي عمار طلع يصيحلة و طَبو للمضيف جدة وياهم
38
عمي هاشم خله مرته الجديدة بغرفة ورود و قفل الباب عليها
لان هاي هم كامت تعيط عليه لان ضاحك عليها و رقية صعدت لغرفتها
استغربت شعجب أجت
34
زِناد طلع حتى ما ظل على الغده و جدة شحطت
تاكل و تغلط على آمجد
عدنان : يريد يبيع البيت الجبير
رهينة : يمن كون باعوا عظامة وين يريد الإغم
خل يدير بيته همزين زِناد مخلي فضة و يصرف عليهم
17
عدنان : أي و يگلة ولاء أنا أطلبة خمس ملايين
حسبتهن عليه فايز صار أربع سنين هسة صارن خمسين مليون يعني تطيني من حصتة خمسين
41
رهينة : چا راضع حليب عجيبة شيطلع قابل ينگط محنه
عاد ولاء عندة سيارة و يعالج بـ ابنه بالدول
إلا انتَ شطالع عليك شو سيارة اشترالك زِناد رحت وره شهر بعتها و أكلت فلوسها
22
شالوا الماعين و شربوا چـاي بدو يصعدون
رهينة : مو كتلچ دگي عليه ليش ما دگيتي
جُمارة : ما اريد اجيب الشُبهة لنفسي لان هذاك اليوم بعد العصبية خابرته و أجـة
29
رهينة : حتى أنا من أخابرة يجي يركض چـا شنو
- اممم جا ليش ما دگيتي جدة ، تخافين
ضربتني على رجلي بعصبية
- اششش يالله سكتي
41
جُمارة : آمجد شكد مكروه
رهينة : آمجد يغار راح يموت إعله الشيخة
- ما تلوگ عليه شنو گوة
36
رهينة : صرتي مثلهن كلمن تريد الشيخة لرجلها حتى هي تصير شيخة
جُمارة : سويتي رجلي جدة شبساع اني بعدني على قراري ما اخذ واحد من آحفادج يمه النوب الشيخ لا عيني لا
79
رهينة : و وجعـا شفايتلج
- جدة اني أريد أتزوج واحد سبورت نخلص حياتنا سفر و ميريد مني جهال لان اني عندي شغل يشتريلي سيارة و هو بنفسة يعلمني السياقة اني هذا حفيدچ باجر أصير دكتورة
هسة يگلي ممنوع تعالجين مرضى فقط مريضات
12
رهينة : چا هو الرجال حلاته بغيرتة أنا إذا ما يغار إعليه من خيالي ما أريدنه
جُمارة : جدة اني أريد واحد أسوي محبس بيدي
يمشي بكلامي
81
رهينة : جا يجدة انتِ تردين طلي موش رجال
ضحكت بصوت عالي و حتى هي ضحكت
92
سكتت وأني العب بأظافيري
رهينة : هسة هو الما يريدنه شعنده خاتل جوه عبينة
فزيت بسرعة رفعت راسي اباوعلها بصدمة اخذت البطة و صعدت
وحدة تضحك
226
فتحت باب الغرفة لكيت روز صافنة وأمي تحاچيها
تمددت على الچرباية
تغريد : شتردين من السوگ راح نروح اني و روز
- أروح وياجن
11
- لا ماكو تضلن تسولفن و تهامصن و أنا مالي خلگجن
انتِ عود على غير مره
درت وجهي حضنت اللعابة مطنگرة و تغطيت گلت بلكي تگعدني قبل لا يرحن ما دام زعلت تالي نمت و النومة .. نومة
22
فزيت ما أدري بروحي عبالي أني بحلم أشتم ريحة الدخان قوية
وتخنگ الغرفة كلش حارة گمت أكح بصوت عالي فزيت و كعدت بسرعة أعيط و أني أشوف النار شَابة و واصلة لنص الغرفة
عبالي البيت كله أحترگ لان الحرگ بادي من باب الغرفة وكاعد
يرجع ليوره
111
جُمارة : ولچ يمةةةةةةةةةةة
......
248
" عالية "
28
مرت دقايق بَس من روحتـة ..
و أندفر الباب طَبت امة و أختة وراها وسدن الباب عدلت
كعدتي و أني كلش خايفة فوگ ما روحي مهضومة
21
ام سلام : ها يَـ أخت شريك كَربسچ زِناد براسنة
بقيت ساكتة بس أباوعلها ما جاوبت عاينت على الفراش و على
الچرباية و رجعت عاينت علية
14
- خو ما گرب يمج ولج النوب تحبلين
و تتحسبين مرة براس أبني
هزيت الها راسي بـ لا و اني امسح دموعي
13
رحمة : يمة مو كتلچ لعبت نفسة منها من يوم النهبت
ام سلام : حقة عمي حقة زين بي روح و يمشي
اعاينلة كاره حتى روحة عساها بحظك يزناد
35
عالية : خالة خلي يطلگني و الله اني گتله
ام سلام : النوب ناهبة و مطلگة يبوووووو
على آل سرهيد يبوووووو
43
ضميت راسي بين رجلية و سديت اذاني بأثنين ادية
شوية و حسيت راسي أنرفع بجرة قوية من شعري
ام سلام : باعي لچ علي يتزوج بنت اختي إذا فكيتي حلگج
بحچاية و خليتي يتراجع ذبحج على أيدي
25
عالية : معلية بي أنا والله عسى ما يتزوج عشرة
رحمة : اكيد گلبها لسه يم النهبت ويا
47
ام سلام : باچر من الصبح تنزلين تنظفين و إذا سمعتلج
حس منا و منا غسل عارج يصير على ايدي
خليت ايدي على ايدها الي لازمة بيها شعري غمضت عيوني قوي
عالية : اي بس هديني
26
عَتت شعري و انضرب راسي بالحايط طلعت و طبگت الباب
سندت روحي على رجلي و عضيت رجلي بقوة كمت قفلت الباب
و كعدت ابجي و أضرب على رجلي قوي
استاااااهل استاااااهل وين وديت روحي أني
63
بعد ما مرت ساعات من البچي احس حتى عيوني نشفت
فتحت البردة و وكفت وراها اباوع للزرع كبال البيت من يحركة الهوى
العالي يصير شكلة يخوف فتحت الشباك و شهگت من قوة الهوى
اجة على وجهي الشباج بي هواي محجر تمنيت امد راسي
بلكي أعاين باب بيت اهلي
10
هسة امي شلونها شريك شلون صار معقولة انبنت هاي المسافة الطويلة
بيني و بين أهلي و احنه الفرق بناتنا 3 بيوت
سديت الشباك احس روحي جمدت فرشت الفراش
و تغطيت الغطى خفيف ما يدفيني جريت بطانيته هم تغطيت بيها
12
قبل لا أغفى تذكرت أنا قافلة الباب گمت بية ما بية
فتحت القفل و تمددت بطني توجعني من الجوع و اني شابگة
روحي جوة الغطى حتى ادفى نمت و فزيت على صوت بيبان الكناتير تنطبگ قوي فتحت عيوني بنعاس و رجعت غمضت
+
شوية و حسيته نام على الچرباية من صوتها غمضت عيوني
قوي من سحب نص البطانية اله و شمر عليه نصها طَفه الضوه الفوگ
راسة و اسمع صوت فيديوات قرايات باسم مقاطع صغيرة يشغلهن
و كل ما يخلص واحد يشغل الثاني
55
شوية و سِكت تحَمحم و گعد
علي : عالية
ما جاوبت بقيت ساكته غمضت عيوني قوي نزل الغطى من يم راسي
- مو أحچـي وياچ
12
فتحت عيوني بخوف باوعتلة و نزلتهن
علي : تعشيتي ؟
- ما أشتهي
12
- گومي سويلنا آكل أنا هم جوعان
- ما أنزل أخاف
- ماكو جني جوة نزلي سويلنا لگمة
52
كمت و أنا كاتلني البرد و الرجفة واضحة علية لان اطگ سن بسن
رحت للميز اخذت الشال حطيته على راسي و مديت ايدي اريد
افتح الباب بس اخاف كلشي ما اندل و لا اريد
احد يشوفني افتر بمطبخهم ، نفسي عزيزة
7
عاينتله و مسحت عيوني
عالية : انزل وياي
كام و هو يستغفر اخذ جداحته و باكيته و نزل وياي كعد بالهول
وأنا رحت للمطبخ كلشي اخذة على كيف لان اكو اثنين نايمين
بالهول
21
اخذت شوية لحم مثروم من الفريزر و سويته مخلمة على السريع
و ويا بتيته و زلاطة غسلت الطاوات و جبتلة الصينية اخذها من ايدي وصعد صاحلي كتلة ما اشتهي اكل شوية و انطاني الصينية
علي : أكلي بساع يالله و نامي
25
مديت ايدي اكل و اعاينلها ترجف من البرد اكلت و فضحتني بطني وهي تطلع أصوات الجوع ، ما آكل هو هواي لو شبعان لو يدري بية جوعانة بقيت منه شوية و خليت الصينية على الميز
8
كعدت الصبح هو ما موجود و باب الغرفة مفتوح
و صوت امه عالي من جوه تصيح
- العرايسسسس ما يكعدن اليوم
35
كعدت وأنا افتر بالغرفة شجابني لهنا شلون راح يتقبلوني
لان أصعب شيء يمر على الإنسان هو لمن يعيش وي
وادم ما يريدونة
10
لكيتهن كلهن ينظفن كل وحدة لازمة حاجة عمي عمار مزوج بس 3
من ولدة سلام و أسلام و مرتضى و هَسة علي
حسن الصغير بالسجن و محَمد مسافر هذا أصغر من سلام
ثاني واحد بيهم قبل خمس سنين سوه مصيبة و سَفره زِناد
لان دمه مهدور
405
و البقية شباب كلهم بس ما متزوجين و البنات وحدة مأخذها يونس ابن عمي فاخر و الثانية رحمة ما متزوجة
ام عدنان : امشي عجني و أخبزي يالله
20
مديت ايدي للبوري اريد أغسل وجهي گالت
- سم و سرطان ان شاء الله على كلمن مادة ايدها على اللحم
احس روحي أنعصرت من القهر و أنا أعاين للوجوه كلهن يعاينن
عليه و ساكتات
102
حچيت بهضمة لوحدة منهن
- وين الطحين
ام عدنان : فوگ بالسطح گواني الطحين عجني و نزلي يم الصوبة يختمر و عود صعدي خبزي فوگ
31
رحمة : المعجنة بالكراج متچاية
فتحت باب المطبخ و اخذتها بقيت مصدومة من كبرها شلتها
خضيتها و صعدت
- كثري طحين مو مال فكور
23
صعدت 3 طوابق والمعجنة بيدي خليتها على راسي لان ايدي تشنچت و لحد ما وصلت السطح فحطانة و الهث الگواني هواي بالسطح محطوطات على ميز و عليهن سقيفة تغطي الكواني من المطر
كونية منهن مفتوحة أنخل و ارجع ليورة و ما مبين بالمعجنة لحد ما انشلت ايدي
25
نزلت و المعجنه على راسي شثگلها تخَدر الراس
وحدة من الچناين واگفة مقهورة عليه تعلمني
- اول شي الخمرة و وره المي الملح
هزيلتلها راسي بـ اي
39
و كعدت أعجن بالگاع هي واكفة
- طلعتي احسن مني و أنا اريد اعلمج
- جانت امي تعلمني
عجنت بطلاع الروح لان العجين هواي غطيتة و خليته يم الصوبة
و رحت أغسل ايدي
11
ام عدنان : يالله بين ما يختمر امشي
وي رحمة نظفي المضيف
گلت بگلبي جنت اسمع بعيشة الفصليات و هسة جاي اشوفنها
من كلها نابذتها و ماخذينها بس للخدمة
210
رحمة اسمها مو يمها و اصلاً ما تستاهلة لان ذرة من اسمها ما شايلة كعدت بالديوان و كلمت تتأمر عليه بالتنظيف
و أنا مثل بلاع الموس لا بية اجرعة و أبلعة و لا بية امد ايدي و اطلعة بالحالتين يطيح حظي
23
من صار الظهر گاموا يجون گالت يالله خبزي اخذت المعجنة شلت هم شيصعدها الي النوب صايرة اثگل من ما جانت بس طحين
شلتها و من الصوبة لأول درجة احس بروحي فحطت صعدتها درج الطابق الاول و شافني خالد أنقهر عليه
اخذها مني و صعدها للسطح العالي
110
جوعانة اريد بس اخبز حتى أكلي كرصة خبز حطيت الصينية و بديت
اشنگ الصينية ما كفت كلت اخبزهن و اشنگ مرة ثانية طلعت اول وجبة و مديت ايدي على خبزة قسمتها اكل بيها اكلت نص و عفت الثاني يمي على الصينية خبزت الوجبة الثانية صعدت عمتي بيدها صينية خوص
19
اخذت كل الخبز الطالع و بقت واكفة تنتظر الي بالتنور
هم أخذتهن تباوع للخبزة تدور عيب بيها حتى ترزلني ما لگت مدت ايدها من يمي اخذت نص الخبزة تاكل بي و نزلت
47
دقايق و صعدت بتها تنتظر الخبز لحد ما خلصتهن يالله نزلت
اني نزلت اركض حالي حال من الطحين صارلي فوگ الساعة و نص اخبز فتحت باب الغرفة الهث هوَ جان يعدل بالميز مبين ساحلة
باوعلي من فوگ ليجوه
9
دار وجهة و أشر على الچرباية درت وجهي لكيت عليها علاگة
علي : جبتلج اسود خو ما ماتلبسين بمحرم
عالية : لا شلون ما البس
رحت للعلاگة فرحانة لان صار يومين حازة بروحي أعاين كلهن لابسات
اسود و أنا لا
21
اخذت دشداشة منهن و طاحن من عدها هدوم و غراض ثانية بساع شمرت الدشداشة عليهن ادري هو جايبهن بس ما اريدنه يشوفهن
احس روحي من المستحة بَوخت فوگ حرورة التنور
68
بقيت واكفة منتظرته يطلع و أنا گلبي يدگ سريع امه كل لحظة تصيحلة يمكن لان تدري أنا بالغرفة شوية و طلع اخذت الغراض كلهن ضميتهن جوه الچرباية و طلعت اسبح اكو حمام فوگ أندگ الباب علية كلت منو
اجاني صوت طفلة صغيرة
- يكول عمو علاوي تعاي تغدي
49
نشفت شعري و حطيت الشال و نزلت روحي مسلوحة من الجوع مدري شبية اعاينلهم فارشين سفرتين وحدة بيها الولد و امهم و أبوهم
و الثانية النسوان و جهالهن رفع راسة علي من نزلت
أشرلي على سفرتهن حتى أكعد آكل
46
اول ما أريد أوصل السفرة صاحت أمه
- يالله حصتج بالجدر اكلي و كفي الجدورة وياج انتِ
و مرت سلام عليجن مطبخ الظهر
احس واحد لزم گلبي و مردة بـ ايدة غمضت عيوني و أنا أهدي
بروحي
98
أعاين لـ علي عصر چف ايدة قوي و گام رحت للمطبخ بسرعة و هم يتناقشون احس الهضمة شَبعتني من الاكل رفعت الردان و بديت
انظف بالمطبخ نگعت الجلافة و الإسفنجة اول ما بديت أجلف الجدر
أعاين لچف ايدي وگف آثر الحچايات السمعهن
45
ام سلام : أنا ذاك الأسبوع من رحت لأختي خطبتها هدى
بتها گلت الها بفرحة الزهرة نعرس گبل عود جيب لـ علي
غرفة هم يالله نلحگ بعد ورانا جثير تحضيرات
اسمع الجهال يصفگون و فرحانين
55
عمار : يالله بالخير و غرفتك عَليـة
...
172
" روز "
26
كاعدة الظهر صافنة بزماني و تغريد يمي تقنعني تأخذني للسوگ تشتريلي غراض للخطوبة و أنا شاردة بغير عالم
تغريد : ولج والله تبدين حياة جديدة و ترتاحين
ناس الله ناعم عليهم بالجاه و الفلوس و السمعة الحلوة
تأخذين هذا لو تكعدين تنتضرين المهتلف يعطف عليج
54
روز : تغريد انتِ ما تفهميني
تغريد : أفهمج بس أنا لو ما خليتچ ترحين لابن ام حسين
تاليتج ياخذج واحد من ولد عمار كتالين امير
48
فزيت بأشمئزاز
روز : ايع هو هذا أبوهم منو يطيقة الله يساعدها التصير
چنتهم يمه عشر ولد بـ بيت واحد هنا هنا
تغريد : لا والله اذبحج و ما اخليهم ياخذوجن
انتِ امشي وراي و معليج
135
بقيت ساكته ما ادري الدنيا وين تريد توديني ما عارضتها و خليتها على راحتها حتى صايتي هي حضرتها طلعنه للسوگ جُمارة نايمة
عفناها و طبگنه الباب البطة نزلت قبلنه حَتى
13
نمشي بالسوگ و تغريد تشتريلي و اني بس أهز راسي بـ اي
اباوع كل أحلامي الي حلمتهن ويا و سوالفة الچان يوعدني بيهن يتبخرن گبال عيني و ما بيدي اسوي شي
38
تغريد اشترت شكم شغلة لجمارة كالت شيخلصني منها رجعنة للبيت
اول ما طبينه الفرع تليفون تغريد احترگ بالاتصال
جاوبت و أنا اباوع للهوسة بالباب تغريد شمرت كلشي و فتحت الباب تركض و اني اركض وراها الدنيا مغرب و من الخمسة السماء تظلم
14
ما أسمع غير صياح جُمارة من الشباج على جهة المضيف
طبينة للهول نركض تغريد وكعت بالگاع متخربطه و احتارن بيها النار طالعة من غرفتنة و عابرة حتى الدرج أخر اسم اسمعها نطقته
زنااااد و أختفى صوتها رهينة وگعت هي و عكازتها
87
طَفو الكهرباء و بس ضوه النار مشتعل و التليفونات و محد
يجازف بروحة و يصعد أندفعت اني و أندفعت گبالي ام عدنان
و أندفع كل واحد يصير گبالة و هو طَب يركض صعد الدرج ما هَمة
شي و كلها تصيح عليه
143
عاد من شافوا صعد طَبو ورا يركضون ولد عمار گاموا يطفون بالنار
من يم الدرج بمي الحمام الفوگ و قسم منهم من جوه يترسون
الظلام و الدخان محتل البيت النار بعدها مشتعلة بالغرفة
انكسر باب الغرفة وهم يصيحولة
بَــس أوگـف
28
تغريد كعدت و من ما سمعت صوت جُمارة
أنهارت و تخبلت و گامت تلطم بأثنين أديها
اني بحالة صدمة من اسمعهن يگولن يمكن ماتت
32
وگفو بـ باب الغرفة يصيحون زنااااااااد أطلع النار قوية
62
و كلها واكفة جوة تباوع للغرفة و هم يطفون و ما يلحگون
الهوسة صارت هدوء و رهينة كامت تزحف بالكاع لان رجليها
ما تعينها بَعد وهو نِزل ملثم بالغترة شايل جُمارة
و هي فاقدة الوعي و لعابتها فوگاها
235
ردان دشداشتة من الچتف مايع من النار
بس ما مأثر بي وهو عاف النار مشتعلة و اخذ جُمارة و طلع يركض
ما أخذ ولا اي احد ويا
....
5.7K
مو حَـچي لسان من أكلك ، بيك أموت
أنا لَعيونك بـ نُص النار أفوت
598
- رُسل فَهد 🤎
136
