رواية مقبرة الاحياء الفصل التاسع عشر 19 بقلم سارة جعفر
مقبرة الأحياء البارت 19
بين الفقرات عشقي 
.
.12
أنه آسف لو يمر يوم وكلامي وياچ يبرد
وأعتذر لو جفني قبل عيونچ الحلوات ينسد
أنه ما أتغير وتدريني باقي
حتى إذا ما يبقى أحد
ولو يگلولچ ترى محد يحبچ هم أصيرن أنه محد.
39
-وردة: الدنيا غروب وحُرّ فرش النا فراش بره الغرفه بين الخضار لأن طگت روحي من النوم والغرفه أختنگت، گاعده على الفراش وهوَّ بصفي أني ساكته مستحيه ما أدري ليش من عقدنا صرت أستحي منه ما أحط عيني بعينه ومرتبكه أستغربت شنو هذا الخجل النزل عليَّ وهيچ مستحيه منه؟؟
113
بحيث حتى هوَّ أنتبه الي وأتقيد وياي، ومن يحاچيني أردله بأختصار وخجل منتچي على الحايط الوراه ويدخن مضيگ عيونه يباوع لگدام
-غزالة
40
التفتت عليه وهزيت راسي
-ها حُرّ؟
11
دار عينه يباوعلي بدون ما يحرك راسه
-تدري أنه مچذب عليچ؟
58
عگدت حاجبي وصفنت عليه بصدمه
-ما فد يوم چذبت عليَّ أنتَ!
9
أبتسم بطرف شفته وجر نفس طويل من الجگاره
-البارحه چذبت..
77
بلعت ريگ عيوني تحوم على عيونه بلكت أشوفه يشاقه
-شچذبت؟
عدل گعدته وباوعلي بتركيز رافع حاجبه
-شتگولي أنتِ؟
15
سكتت مدنگه أفكر من رفعت راسي أنتبهتله مركز وياي رفعت أچتافي وبتردد نطقت
-ما أدري.
زادت الأبتسامه على وجهه وبصوت متلاعب گال
-چذبت عليچ من گتلچ نعقد وبالوكت اليعجبچ نتطلگ وتشوفي حياتچ ويَـ اليعجبچ، مو حچايه حچيتها حربه وصارت بصفحتي ما أدري شلون گلتها!
255
صفنت بوجهه ساكته وهوَّ سكت شويه يباوعلي وكمل
-شمالني مسودن ما عدي عگل أعوفچ؟
230
رفعت حاجبي أباوعله بهدوء
-شقصدك؟
22
أبتسم أبتسامه جانبيه وحط عينه بعيني
-چذبت عليچ من گتلچ إذا تردي تشوفي حياتچ يعني مقصد كلامي تتزوجي زلمه غيري، هاي هِيَّ بعد لا أعوفچ ولا تصيري حرمه لغيري..
بلعت ريگ ساكته وهوَّ يباوعلي بحيله
-زين ليش گلت ذاك الكلام؟
-الخطاب رغاب غزالة.
120
-أول مره أشوفك تچذب!
-شسوي الدنيا مرات تتطلب.
39
رفعتله حاجبي ضحك بصوت عالي
-ما أهدچ بعد ماكو.
91
سكتت وهوَّ كمل يباوع لگدام
-على راحتچ كملي دراستچ وعسما بعد عشرين سنه أضل أتانيچ وما بيوم أخلف حچايتي، وإذا ما ترديني وما تصيرلي حرمه كل عمرچ المهم تضلي وياي..
157
أباوع لعينه هادئه وساكته وعيونه دليل على صدگ كلامه، رفعت حاجبي گدامه أبين ضايجه، بس بگلبي فرحانه ومكيفه لأن أشوفه متمسك بيَّ وما يرضى يتخلى عني أحس بفرحه لأن ما مفكره بيوم أفارگه وبنفس الوكت فرحني حچاياته شلون عنده أستعداد ينتظرني سنين..
103
بس گدامه بينت ضايجه وطنگرت وهوَّ يباوعلي وأنتبه لردة فعلي حسيته ضاج، حبيت كلامه وردت أحچيه أو أستفزه أشوفه شيگول رفعت حاجبي متنرفزه ونترت
-بس عيب عليك تخلف بحچايتك!
35
-شدعوه هلگد ضجتي؟
-لأن كل ظني بالأخير تطلگني..
42
رمش صافن بوجهي ورفع حاجبه مستغرب
-يعني أنتِ ما حابه عيشتچ يمي؟
29
جريت حسره وهزيت راسي صافنه
-شسوي آمر الله هذا بعد..
98
رجعت عيوني عليه أشوف ردة فعله بس بگلبي أرد على روحي چذابه وأكبر چذابه أنه ميته على عيشتي يمه شريد مثلاً بعد، بس أريد أشوفه شنو يتصرف أو شلون تكون ردة فعله؟
17
-ها شو سكتت
-ضجت من حچيچ
-وليش تضوج يعني؟
-لأن تاكلي چثير نعل
298
رفعت حواجبي مصدومه وهوَّ شمر الجگاره بنتر
-شو ضليت تغلط؟؟
-وستر زينب تخليني أطلع من طوري
30
-يله هسه الله كريم أن شاء الله أكبر وتتغير حياتي..
2
-وردة أچتلچ ترى
-هههههههههه ليش
-وين تلگي مثلي وين؟
باوعتله بطرف عيني وهوَّ جر حسره
-مهبوله إذا تعيدينها أطيح حظچ.
17
سكتت عنه صافنه وهوَّ صدگ أول مره أشوفه يچذب صارلي أشگد يمه ولا مره شفته چذب عليَّ لو على غيري بس هل مره چذب عليَّ وگالي عادي أطلگچ، ظلمت والليل هنا يصير يخوف فـ ردت أطب لجوه
4
-تگومي غزالة تطبي جوه؟
-هههههه أي ما أحب أضل هنا من تصير ظلمه..
18
تقرب عليَّ وأنه عدلت گعدتي ومنتظرته يگومني لأن ما أگدر أگوم وحدي، كل ظني راح ينطيني أيده أستند عليها مثل كل مره، دنگ عليَّ وأنه رفعت روحي دار أيده على خصري ورفعني من الگاع!
257
أيده على خصري محاوطني، كزبر جلدي مستحيه من قربه ومصدومه بنفس الوكت وجهي صار بصدره ورفعني بأيد وحده لازمني بقوه لمحت طيف أبتسامه على وجهه من رفعت وجهي أباوعله..
118
عيني بعينه و وجهي أحس أشتعل نار من المستحى تحمحمت ودرت وجهي للجهه الثانيه ومن گد قربنا لبعض أحس بأنفاسه على خدي بلعت ريگ متوتره حطيت أيدي على أيده اللي لازم بيها خصري أريد أوخرها
-وخر.
49
زادت أبتسامته وبصوت خافت ردلي
-ليش، غير أخذچ للغرفه؟
-بس ليش هيچ لازمني
-بالحلال بالحلال.
141
-حُرّ لا تكضني هيچ
-چا تردي أخذچ كرف؟
84
يحچي وياي ودارني على الغرفه بأيده، أيده على خصري وهوَّ بصفي يمشيني للغرفه وأنه رجليَّ يرجفن من المرض وما جاي أعرف ليش هيچ حالتي تتعب بالزايد فد مره صحتي تعبانه..
15
التفتت عليه خازرته ضايجه رفع حاجبه
-شبيها المهبوله ضايجه؟
12
سكتت مستحيه من القرب البينا طببني للغرفه أستندت على الحايط لمن عدل فراشي ورتبه، أعدل بالغطا علمود أنام بس التفتت مصدومه عليه من شفته تمدد بالغرفه بعيد عني بصف الحايط المقابيلي عگدت حاجبي بأستغراب لأن هوَّ يوميه ينام بره الغرفه ولا ينام هنا أبد نايم وأيده جوه راسه بدون مخده ولا فراش لأن ماكو الفراش الوحيد الموجود هنا النايمه عليه أنه..
79
التفت عليَّ من شافني أباوعله وهز راسه بمعنى ها شكو
-راح تنام هنا؟
1
-أي چا وين أروح
-مو يوميه تنام بره؟
-يگرص بيَّ الدود ولعبت روحي چني نايم بگبر.
شني التغير هسه؟
-چان ما لازم نضل سوى هسه عادي.
44
خزرته ضايجه أتأفأف لأن مستحيه من وجوده ومستحيل أگدر أنام هنا وهوَّ موجود ورغم أشگد بعيد عني هوَّ بآخر الغرفه وأنه ببدايتها بس ضالين قريبين من بعض لأن الغرفه حيل صغيره وهل شي وترني
10
أتأفأف وأتگلب بمكاني ما أعرف أنام وكل شويه أفكر خاف أنام وبالغلط ينرفعن هدومي، أو أصلاً أستحي أنه وزلمه غريب بنفس الغرفه صحيح هوَّ صار زوجي وحلال وطبيعي بس أستحي..
47
غمضت هواي بلكت أنام بس يأست أنام بعد، فتحت عيني والفتت أباوعله لگيته داير وجهه وصافن عليَّ خزرته ونترت
-عابت هل عيون.
207
ضحك بصوت عالي من كل گلبه ومسح وجهه
-ملعونه.
17
تغطيت مبتسمه دايره وجهي عنه
-شو ذالتني چا غير غرفتي وفراشي، ضال بلايه فراش الگاع كسرت ضلوعي وراسي يوجعني حتى مخده ما عدي الفراش النايمه عليه فراشي!
66
-چا تعيرني؟
-ما أعيرچ كبد بس أنتِ تتعيقلي عليَّ.
163
-مو ما متعوده عليك
-تتعودي تتعودي..
10
التفت عليَّ مبتسم بأريحيه ويأشر على مكانه
-أنام هنا
وأشر على فراشي
-لو هنا مو فد مشكله.
82
خزرته ودرت وجهي مغمضه عيوني أغصب روحي أنام بس ماكو النوم طار من عيوني
-ليش تجبري روحچ تنامي؟
11
التفتت عليه ضايجه وصافنه
-چا وين أروح، لعبت روحي بس نوم وأكل عبالك هايشه
-لا كبد حشاچ.
115
-والله لعبت روحي
-خل أخذچ لغير دكتوره تشوف شنهي علتچ؟
-ما أريد لعبت روحي گد ما دخلت مستشفيات..
4
-زين خل أشتري لو آجر بيت بالمدينه
-ليش؟
4
-هاي الغرفه مو مال عيشه أجي هنا علمود أرتاح شويه ويصفى بالي، باچر أشوف بيت مناسب النا.
-لا لا ما أريد أطلع منا!
ليش؟
-متت على هاي الغرفه وهذا المكان أتمنى بعد ما أطلع منه..
11
-بس ما تخدم للعيشه إذا مطولين!
-لا حُرّ ما عليك أنه حابتها، الخضار يرد روحي من أشوفه والماي من يجري شحلاته الغرفه تخبل تعادل مية قصر بعيني، هنا أحس براحه عجيبه ما حاستها من قبل بحيث أحس روحي وحدي بهذا العالم أحس روحي عايشه هنا بمكان بعيد عن ضجة الدنيا كلها..
32
أبتسم رافع حاجبه بأنداهش
-ولا چنت أظن هيچ حابه المچان!
-ميته عليه وفلا أطلع مناه..
14
أبتسم وهز راسه
-هاي هِيَّ غزالة، أنه أهم شي عدي راحتچ.
22
-كلارة: مضيگه عيوني وأباوع لخاتون وفجر يضحكن بيناتهن ويسولفن مهامس فرحانات والدنيا ما واسعتهن من فرحتهن تقربت حشرت روحي بنصهن..
11
كلارة: شعدچن شو تتهامسن ما مرتاحتلچن؟
4
فجر: جاي نسولف بَـ حُرّ.
كلارة: سولفلي چا أنه غريبه خل أفرح وياچن..
1
فجر: أحنى من سولفنا وياه عود علمودها خطيه مريضه بس أحنى متفقين أنه وجدتي خاتون، علمود يعقد عليها لأن هوَّ يحبها والفكره چانت براسه بس متردد..
79
كلارة: يمممممه فلك طرچن چا أنه المسيكينه مصدگه!!
24
خاتون: نريد مصلحته جده
1
كلارة: أي والله هنياله على وردة.
خاتون: عاشگها بس ما يدري شيسوي
8
فجر: چنت متأكده الفكره بباله بس متردد
رة: يااا شعجب حرّ يستحي؟؟
1
خاتون: چا شني حرّ كاولي!!
128
ضحكت بخنسه وعفتهن وطلعت أفكر هسه وردة شنو تسوي وراح تفرح لو لا، وأحس شعور حلو وردة صارت مرة أخوي..
9
شفت شحاطة زلم لبستها وطلعت للحوش أعلچ والنسوان گاعدات ينظفن بالسمج والدجاج اللي جايبينه قبل شويه مسواگ للبيت علمود يضمنه، شويه وطلعت فجر هم تشتغل هِيَّ وأم ضيغم على صفحه ينظفن وأنه واگفه ورافعه طرف ثوبي أسولف وياهن مندمجه بالكلام والتفتت فازه على صرخة ضيغم وراي بعصبيه
-هم لابسه شحاطتي!
135
التفتت عليه عاگده حاجبي بعصبيه أريد أتعارك بس أول ما صارت عيني عليه لابس نعالي الوردي وما مكفيله مطبب بس مقدمة رجله لأن نعالي حيل ضعيف متت من الضحك أباوعله وأضحك يسحل بالنعال سحل لأن رجله كلها طالعه من النعال
122
-ولك هاي شلابس؟
-لابس راسچ.
21
-المن لابس نعالي الوردي تخزي
-چا غير أنتِ لابسه شحاطتي
-چا شني وحده بوحده
4
-ما عدي شي البسه أنتِ ماخذه شحاطتي
-مو شحاطتك لا تضل تتعارك
-تغشمين روحچ هاي شحاطتي
-شلحيييت مو قندرتك
10
تنرفز ضايج وأنه بعدني متخوصره وشحاطته برجلي أم ضيغم من تشوفني أتشاقه ويَـ ضيغم ما تضوج عسما أغلط عليه تضحك وفجر نفس الحاله لأن أحنى من صغار سوى ونتعارك دوم فـ ما يضوجون ولا يستغربون..
8
-أنطيني الشحاطه أريد أولي
-هاي النعول شكثر اله البرجل كلارة
-چا كلارة الحماره ما لگت غير شحاطتي؟؟
-إذا ما خليتك تطلع بالنعال الوردي ما أتسمى كلارة
32
خزرني ضايج وطب جسام يزمخ
-شني نمت بعد أخذلك ساعتين
التفت على جسام وأشر بثنين أيديه عليَّ
-هاااي باگت شحاطتي وما ترضى ترجعها الي
11
تقرب جسام ونزل عينه على رجلي والتفت باوع لضيغم وضحك من كل گلبه، ضيغم لابس كله اسود بأسود وكاشخ بس لابس نعال وردي والنوب رجله كلها طالعه بس مقدمتها بالنعال..
جسام: خايب چا أنه إذا ما لگيت شحاطتي بسرعه أدري عد كلارة لا أستفگد زلمه لابسها ولا فرخ، لأن هِيَّ دوم تلبس شحاطتي.
22
ضيغم: تموت على القنادر
11
كلارة: شلون يخليني أتجاوز؟؟
ضيغم: چا شعدچ تلبسين صخام غيرچ مو عدچ صخام
4
كلارة: هسه هوَّ نعال فد نمونه شالقضيه!
7
ضيغم أريد أطلع، أطلع بنعالچ الوردي؟
9
كلارة: چا شماله شو ما عاجبك؟
3
ضيغم: أستغفر الله يا ربي شلون تخليني أگطعه على راسها
3
تنرفزت منه نزعت الشحاطه من رجلي شمرتها شمر عليه وأجت برجله فك عيونه مصدوم
-شالقصصصه عبالك ماخذه منك بيت لو ورث ويعع أشگد بخيل وأبو لسان ومستهتر النوب شحاطتك تلعب الروح أصلاً مو حلوه عليمن شايف روحك بيها ما أدري!
33
ضيغم: شو مستحگرتها بيمن أمشي بصماخچ؟؟
5
ضاج من شمرت الشحاطه عليه بدون أحترام، شمر تك من نعالي بعيد كلش حتى وره البيت يمكن راح بنص البستان وعاف تك يمي
-ذاك شمرته وهذا أگطعه على راسچ
-عليمن متعب روحك گص وصله منك.
28
لبس شحاطته وجسام يضحك
-بس حلو عليك النعال ضيغم
-عمي فكو ياخه مني..
3
طلعو سوى جسام يضحك وأنه التفتت عليهن ضايجه هسه عليمن يتعارك هِيَّ شحاطه صحيح يريد يطلع وصحيح أنه لاطشه بشحاطته هاي ليش ما أدري بس هم شدعواه عليمن عمي أدردم ضايجه
7
دوم البس شحاطته ما أدري ليش رغم عندي نعال بس شحاطته حلوه تغريني بكل مكان الگاها أحطها برجلي وأمشي، كملن وأنه طبيت لجوه شويه وطلعت من الغرفه على هوسه طلعت أستفقد شكو شصاير وصار گدام عيني صمد جايبينه من المستشفى وفارشيله بالهول
أنصدمت من رجع، لأن صارله مده هوَّ بالمستشفى حالته ما مستقره وحتى من أستقرت حالته وعادي يطلع من المستشفى ما جابوه ولده للبيت لأن حرّ يحوم عليه يريد يكضه بس ماكو فرصه، رجع صحيح مريض وماله خلگ بس نفس اللسان ولا تاب..
13
وبهل أثناء طب حرّ للبيت ومن شاف صمد بالهول أبتسم وطب بهدوء
-هلا بالعزيز هلا
53
بلع ريگه صمد خانس ويباوع لحرّ
-ها عمي؟
17
تقرب حرّ وگف گدام صمد المتمدد بالفراش والزلم كلهم منتبهين ويَـ حرّ كل ظنهم راح يطگ صمد لو يسوي شي متحضرين للسالفه وللخبصه الراح تصير مسح وجهه حرّ وبالگوه محافظ على هدوئه
حُرّ: شلونها المسامير النامت براسك؟ أحسلك هسه من وحده أصغر من بزرك فرتك فر وطمرتك بالمستشفى؟
67
صمد: چا غير أنه علمودك يا عمي كل ظني تريد تطين راسك وتفشلك بتمعشگها..
18
حُرّ: يا يابه أشگد حنين منيلك هاي المحنه كلها؟
51
بلع ريگ صمد ساكت لأن يعرف حرّ جاي يستهزأء بي
-هاي المره راح أسكت عنك مو لخاطرك ولا لخاطر شي بهاي الدنيا لخاطر وردة لأن هِيَّ أخذت حگها بأيدها أدبتك ونومتك بالمستشفى وهسه أنتَ مثل القندره نايم بالفراش.
31
گاطع: عيب شني هاي السوالف عمك هذا!
30
حُرّ: ماله غرض عمك وخالك اليحط لروحه أحترام عسما فرخ ياهل الوادم تهابه ويضل مهيوب، وهاي آخر مره أحچيها صمد وبعد ما أحچي أنعل سلفه سلفاك لو مسيت وحده منهن.
20
صمد: هسه أنه شمسوي؟
11
حُرّ: چثيــر، حط لروحك حد وأحترام لا تخليني فد نوب أزيح المستحى أنه ساكت مو لخاطرك ولا لخاطر واحد، فوگ ما گاعدين بيتي وبمچاني وبخيري تتصرفون من كيفكم؟؟؟
شو گاعدين بيتي، وتشتغلون عدي، وتسوولي طلايب غير صلافه شايلين وستر زينب لا ساكت لخاطركم ولا أستحي ولا أخاف الكل والقندره عدي وإذا على البساتين وهذا الحلال كله ما أريده وعساه بالحرگ لا ساكت علمود تشتغلون بيهن ولا بطيخ
2
حتى لو راحن ما يهمني لا عيشتي عليهن ولا عدي هوايه بيهن ولا أشتغل بيهن شغلي بعيد عنهن أنه ساكت عن كلشي لخاطر فروخكم الصغار ونسوانكم شنهي ذنبهم هاي الأفاريخ والنسوان ياخذون الشوارع ؟؟
38
بلع الأهانه صمد ساكت والبقيه هم سكتو لأن شيگدرون يگولوله لا، بالعكس كلامه عين الصواب إذا همَّ جاي يعيشون بخيره وخير أبوه وهسه حياتهم شحلاتها وفوگاها ناكرين الفضل ويسووله طلايب..
حُرّ: صمد هاي آخر مره.
9
طب لغرفته وأنه وراه طبيت لغرفتنا، لحد ما صار هدوء وندگ الباب عليَّ وأنه گاعده وحدي فتحته مستغربه وصار گدامي ضيغم مبتسم
-تعاي جبتلچ هديه
51
عگدت حاجبي مستغربه
-هديه شنو؟
-هديه حلوه تموتين عليها..
29
-الله صدگ
-وعلي تحبينها
1
هزيت راسي مبتسمه وهوَّ قدملي العلاگه رفعت راسي اله مستغربه
-شني هاي؟
-هسه دأفتحيها وشوفيها شني.
-ريحتها مألوفه عليَّ
27
أفتح بالعلاگه لحد ما بينت گدامي شحاطه تشبه شحاطته بالضبط رفعت عيني اله مستغربه
-شحاطة زلم هاي؟
58
-أي علمود تفكين ياخه مني
-عود صدگ هاي هديتك؟
29
-چا مو كاتله روحچ على شحاطتي وتگولين حلوه لأن حابتها جبتلچ وحده مثلها.
5
-عمي والله عيب عليك زلمه أنه وجايبي شحاطه
-دهاچ هاچ البسيها ولا تلبسين شحاطتي بعد.
فريت أيدي وهوَّ راح وأنه صافنه وراه هذا من كل عقله صرف وجاب علمود يجيبلي شحاطة زلم، بس ليش أچذب صدگ فرحت بيها حلوه أحبها مريحه بالمشي بس بنفس الوكت مستغربه ضحكت وطبيت لجوه..
22
-وردة: مرت هاي الفتره عليَّ بصعوبه لأن حيل مريضه ويوم بعد يوم صحتي تتدهور، بس حُرّ طول هاي الفتره هوَّ يساعدني ويعتني بيَّ وليل نهار هوَّ مگابلني يسويلي كمادات لأن أصخن كلش ومو بس صخونه كلشي متفاقم عليَّ..
30
كل الوجع والتعب والتعنيف طلع عليَّ مره وحده چنت يوم بعد يوم أدوس على روحي وأكمل حياتي طبيعي وهسه ما گدرت أنهلكت وخطيه حُرّ حتى ما يطلع من المكان چان يروح لشغله لو لبيته وحتى هوَّ ما يحب يضل بالبيت أو بمكان معين دائمًا طالع هسه ما يتحرك من المكان علمودي وباله كله وياي.
8
أشگد لح عليَّ علمود ياخذني للدكتوره بس أنه ما رضيت لأن جاي أخذ أدويه، ومهتم بصحتي أكثر من عدي موعد أدويتي حافظهن ويشربني علاجي ومهتم بأكلي ويغطيني إذا بردت وإذا صخنت يسويلي كمادات بهل فتره ما نحچي أبد لأن أنه گاضيتها نوم وهلكانه من المرض والأدويه هذني ينومن فـ طول الوكت نايمه..
8
ضليت فتره ما أدري أشگد بس مو هينه أنه مريضه وهوَّ يهتم بيَّ ما فارگني، لحد ما بلشت صحتي شويه شويه تتحسن وعافيتي ترجعلي والحمدلله وگفت على حيلي ورجعت لحياتي الطبيعيه وصرت زينه
29
ولحد هاي اللحظه أنه ما أرضى أرجع لذاك البيت لأن تحملت بما فيه الكفايه وبعد ما أتحمل أطگ وأموت إذا سولي شي بعد وهوَّ أبد ما ضغط عليَّ ولا جبرني بالعكس جاي يسوي أي شي يشوف راحتي بي وأكثر من مره فتح موضوع الأنتقال للمدينه ويأجرلي بيت وحدي ما قبلت
3
لأن صرت أعشگ هذا المكان واحسه مكان خاص بيَّ ما أگدر أفارگه أرتاح هنا والعيشه صارت حلوه بعيني مكان مختلي عن الدنيا أحس روحي وحدي بهذا العالم أو معزوله عنه چنت عايشه بذاك البيت قصر وما مرتاحه بي وهنا مثل الكوخ وجاي أعيش أسعد أيام حياتي بكل أريحيه لحظاتي تمر عليَّ بسعاده وهدوء وراحة بال..
8
گاعده بره بصف الغرفه متانيه حُرّ يرجع للبيت بحماس وأقارن روحي بين گبل وهسه، من چنت بذاك البيت چان يغيب أيام وأسابيع ويجي شويه وما أستفقده ولا أشوفه ولا حتى أشتاقله بعكس هسه أنتظر لحظه لحظه لجيته تعلقت بي وصرت أحب وجوده بيومي وحياتي.
61
من طبت وصرت زينه ضل يطلع من الفجر ويرجع المغربيه قبل لا تغرب الدنيا وتغيب الشمس، لمحته جاي من بعيد گمت مبتسمه وتلگيته أضحك أنتبهت اله من شافني تلاشى العبوس من وجهه وتبدلت ملامحه للسعاده من شافني متانيته..
41
بأيده علاليگ هواي تقربت عليه أخذت قسم منهن مبتسمه
-هلا بيك الله يساعدك
-هلا بيچ غزالة.
مبين التعب على ملامحه أخذت منه العلاليگ قسم وره قسم حطيتهن على صفحه مبتسمه وجبتله گلاص ماي أبتسم وأخذه من أيده يباوعلي
-مشكوره كبد.
73
شرب الماي وراح يسبح لأن كلش تعبان ومن الصبح طالع، بس قبل لا يروح عزل علاگه ما أدري شنو بيها على صفحه وراح وأنه گعدت أرتب بالغراض الجايبهن من مسواگ وأشياء تخصني وتخصه وتخص بيتنا الصغير حسيت روحي أم بيت..
59
طلع من الحمام شعره و وجهه متروسات ماي وأنه فارشه زوليه بره گدام الغرفه تقرب تمدد عليها وأيده جوه راسه وأسمع طگطگة عظامه من التعب حط أيده الثانيه على عيونه وهمس بتعب
-يا يابه..
7
التفتت عليه بعد ما خلصت ترتيب الغراض وكلهن عزلتهن رفع راسه باوعلي وهمس بتعب
-يصير أنام شويه على رجلچ؟
108
هزيت راسي ونشفت أيدي من الماي
-عادي نام.
14
تقرب حط راسه بحضني ومغمض عيونه كسر خاطري لأن حسيته صدگ تعبان، بنبرة صوت ناصيه همس
-ولو زودتها بس العبي بشعري ميت من التعب بلكي أنام.
153
هزيت راسي وهوَّ أبتسم وغمض عيونه المبين عليهن التعب العب بشعره وأباوع للخضار الجو حلو أغرس أصابعي بشعره وبهدوء تنتقل أصابعي من خصله لخصله وهوَّ مغمض عيونه براحه
7
جر نفس طويل وفتح عيونه يباوع للسما
-ياريت يوميه من أتعب تلعبي بشعري..
-تحب شخص يلعب بشعرك؟
24
-أي أنعس وأرتاح
-هاي هِيَّ چا شوكت ما تريد گلي.
41
أبتسم ساكت وغمض عيونه، راسه بحضني وأيدي بشعره وعيوني على شواربه يمسح عليهن بچف أيده طلع جگاره يدخن صافن لفوگ
-أفرح من الگاچ تتلگيني وتتانيني.
26
-صرت أتانيك لحظه لحظه
-ما چنت أتوقع تستفگديني
-چنت حتى لو شهر ما أحچي وياك عادي عدي
-هههههههههه شلون ملعونه
23
-والله غير أسولفلك الصدگ
-وهسه شنهي؟
-لا هسه هواي أستفقدك أحسب ساعه ساعه لرجعتك.
-يا بعد طوايف هلي..
165
سكتت وهوَّ كمل مستمر يدخن ياخذ نفس طويل من الجگاره ويزفره ويرتفع الدخان لفوگ
-صرت ما أحب أروح لمچان غير لهنا، صحيح چنت أحبه وأرتاح بي بس أنتِ حببتيني أكثر بي، صدگ على گولتچ أحس محد بهاي دنيا غيري وغيرچ..
أبتسمت وهوَّ غمض عيونه يطلع فترات طويله بس أحس هاي الفتره ضل يرجع للبيت متلهف وفرحان وصدگ أحس ثنينا فرحانين بهاي العيشه ومرتاحين واحس بروحي صرت أتعلق بي بشكل ملحوظ وغريب..
37
بلع ريگ وأنه بعدني ألعب بشعره لابس بس بجامه سوده ونايم على رجلي يدخن دگ تلفونه غلس عليه أكثر من مره بس من لح رفعه يباوع عليه مكتوب "مُهيب" طفه التلفون وما رد عليَّ بس ذاك فد مره لح
37
-چا ما تجاوب
-خل يولي الي خلگه
-يمكن عنده شي مهم
-خل يدگ ويسكت
14
سكتت ومُهيب فد مره لح بالإتصالات، بحيث أنه كرهته فتح خط حُرّ وحطاه على صدره يدخن ماله خلگ يكض التلفون وأول ما فتح خط نتر
-أشگد تلح أبن القندره
7
ضحك هذاك وضلو يسولفون بيناتهم على الشغل بس أنه كلشي ما مفتهمه لحد ما سد الأتصال وره فتره وأنه بعدني العب بشعره
التفت عليَّ مبتسم يطفي الجگاره لأن ضلت بس گطف
-رحم الله والديچ طاهر وهجران.
11
هزيت راسي ساكته وهوَّ گام وأنه رجلي خدرت عبالك نمل يمشي بيها لأن نام عليها فتره من أنتبهلي ضحك بفشله ومسح على شعره من وره
-ههههههه ما چنت منتبه
22
أبتسمت وگمت وهوَّ التفت على المكان الموجودين بي
-حاب نسوي هاي المره العشه سوى.
48
راح لم الحطب وشعل نار وأنه نظفت اللحم وغسلته زين وگطعته، ونظفت الخضروات ورتبتهن كلهن بصينيه للشوي، تقربت بأيدي اللحم والخضروات بلشنا ثنينا نحطهن بالسيخ ونسولف سوى مندمجين مقابيل النار الترتفع لفوگ وصوت الحطب وهوَّ يحترگ يخبل
23
لحد ما خلصنا وأحنى ما حاسين على الوكت أباوع للحم وهوَّ ينشوي على الحطب والنار ورحنا غسلنا أيدينا بصابون من الزفره لحظات تمر بسيطه وعاديه يمكن مو مؤثؤات بس عندي أحسهن يخبلن أحس روحي طايره وأنه جاي أعيش هاي اللحظات بهدوء تام بعد ما عشت سنين عمري كلهن بصخب وضجه وفوضى من المصايب والمشاكل..
18
بقيت گاعده أستغفر وأسبح وبصلاتي حمدت رب العالمين على نعمة هدوء حياتي وانتظامها هاي الأيام وتمنيت تدوام عليَّ هاي النعمه لأن چبيره وما تتعوض ياريت تكتمل حياتي بهيچ هدوء
5
گعدنا أنه وياه على الزوليه أنه أرتب بالسفره وهوَّ يهفي على النار بالكارتونه التفت عليَّ مبتسم
-بعيده عن النار شماله وجهچ صار طماطه
-هههههه ما أدري حتى اليوم مو كلش حاره
مستمر يهفي على اللحم ومنتبه وياي
-ما تنزعي شالچ؟
38
رفعت حاجبي وأرتب الفواكه بالصحون
-ليش أنزعه؟
-غير محتره عليمن متوازيه لابسته؟
-غير لابسته عنك
-شلون حچي هذا چا غير زلمتچ أنه
122
سكتت وكملت أرتب بالسفره وهوَّ كمل
-أنزعي الحجاب خاف محتره ترى مو حرام
-أدري مو حرام..
-چا شنهي يسمونها هاي لابسته المن بعد؟
11
-ما متعوده أنزع شالي گدام زلمه
-أي أنه هم ما أرضى گدام زلمه بس گدام زلمتچ
-حتى منك أستحي
-لا ما مقبوله منچ كبد شنهي تستحي مني؟؟
44
-يااا چا شني أنه وياك عشرة عمر قابل
-أي چا مو صارلنا أشگد سوى هم عشرة عمر
-لا يعني مو لأن سوى أقصد ما متعوده عليك...
3
عگد حاجبه خافي أبتسامته ويسوي روحه ما مفتهم
-ما متعوده شني؟
-يعني ما متعوده على علاقتنا الجديده
-قصدچ ما متعوده عليَّ زلمتچ؟
-أي هيچ قصدي
33
ضحك وجر الشال من راسي شعري دائمًا أسويه گصيبه كض گصيبتي بأيده وحطاها على متني وأنه دوم أطلع گذله بس من البس الشال أخليها وره أذني أبتسم يباوع لشعري بتركيز بنظره بريئه وهمس
12
-وردة أخذي راحتچ أنه ما أريدچ تتقيدي شتردي سوي الدنيا حاره حتى بالليل أشوفچ نايمه بشالچ أنقهر أحسچ ما مرتاحه وياي..
19
حطيت گذلتي وره أذني مستحيه وبسرعه نطقت
-لا مو هيچ قصدي والله، بس لأن ما متعوده عليك
-تتعودي أخذي راحتچ أنه ما أريد وجودي مضره الچ
أبتسمت وهزيت راسي ساكته وهوَّ ضل يشيل السيخ من النار على صفحه
-كل نظره مني الچ، وكل حچايه، وگربي منچ، لا بيهن غايه ولا عندي نيه بالي وستر زينب گتلچ أضل أتانيچ لو يطخ عمرج خمسين سنه، أنه تهمني راحتچ أفرح من أباوعلچ والگاچ مرتاحه وفرحانه.
56
إذا أشوفچ فرحانه أنه أفرح على فرحتچ، أحب أضل يمچ أحب أسولف وياچ أرتاح من أحاچيچ الوحيده الما أدري منين تطلعلي السوالف وياها، مالي خلگ السوالف بس وياچ يومي يمر عليَّ بسرعه گربچ مني يريحني..
92
أباوعله بتركيز فرحانه بكلامه، وعيونه تدل على مصداقية كلامه وفعلاً راجعت تصرفاته ونظراته بالي ما بيهن شي مو حلو ولا نظره مو حلوه كل نظراته الي بتأمل عبالك فرحان بيَّ ومن يسولف وياي يندمج بالحچي وفعلاً أشوفه ياخذ راحته بالسوالف
17
سكتنا وهوَّ التفت عليَّ شافني محتره ضل يهفيلي بالكارتونه البيده على وجهي أجاني هوى زفرت نفس براحه ومسحت وجهي وهوَّ مستمر يهفيلي هواي حسيت بروحي بردت
3
-شكرًا الك حسيت ببروده
-أصيرلچ مكيف
-هههههه لا شكرًا أيدك طاحت گد ما هفيتلي
-فدوه الچ
111
أبتسمت وهوَّ هفالي هواي لحد ما لحيت عليه علمود يعوف الكارتونه من أيده لأن صدگ ضل هواي يهفيلي مسحت وجهي والله حسيت ببروده وراحه
جاب اللحم والخضروات المشويات بصينيه وانه كملت السفره كلها كامله ورتبتها، وحتى اللبن هوَّ جايب وياه ثلج فـ سويت اللبن بالطريقه اللي يحبها تعودت وياه وصرت ما أشرب اللبن اله بطريقته
-شوف سويت اللبن التحبه أنتَ
-عمي وين أكو هيچ دلال
-ههههههههه
43
كملت السفره كلها ورتبت الفواكه والخضروات واللبن وهوَّ رتب اللحم بالسفره وصارت سفره تشهي وحلوه وفعلاً حسيت بلذتها لأن سويناها سوى خطوه بخطوه بضحك وسوالف وكلمات حلوه صدگ لو السالفه أشگد بسيطه تصير تخبل لو تنصنع
رفع راسه سوالي لفه متروسه لحم وقدمها الي
-هاچ أكلي
-شكرًا
12
التفتت على المكان وبنبره حزن همست
-ياريت البنات ويانا هنا أشگد راح نتونس
-لو يگدرن چا جبتهن بس ضالات يم خاتون مريضه
-يا خطيه شجاها
-مريضه فد نوب وضاله بالفراش
15
-خطيه ما تستاهل أشگد مره طيبه وحقانيه
-تگلي راح أموت، تذكرت حچايتچ الموت ما يندل وأدليه وأگله أخذ الردي والزين خليه.
-هههههههه والله العظيم الموت يختار وين الزين..
21
-أي والله خاتون ما تستاهل مو حرمه تسوى صمد وخلفته كلهم.
8
-فجر: طلعنا أنه وأم فقار من البيت رايحين للخياطه شويه بعيده عنه بس ما أخيط عد غيرها خياطها حلو ومرتب أجرنا سياره لأن الخياطه بمنطقه ثانيه وصلنا لفرع الخياطه بس الفرع ما بي بيوت هواي نزلنا من السياره نتمشى بأيدي علاگة قطع الأقمشه وبالأيد الثانيه فلوس الخياط
18
عصريه وقليل ناس موجودين كملنا وطلعنا منها وأم فقار راحت للمحل الموجود هنا تشتري حلويات لولد فقار وأنه متانيتها على جهه، عصرت العلاگه بأيدي بقوه وبلعت ريگي بتوتر من لاحظت غرابه بالموضوع جريت نفس طويل أهدئ روحي ورعشه سرت بجسمي من شفته گدام عيوني واگف بصفي بعد مسافه مبتسم
31
صالح: فجر.
يتبـــع
