رواية مقبرة الاحياء الفصل الثامن عشر 18 بقلم سارة جعفر
مقبرة الأحياء. البارت الثامن عشر
10
بين الفقرات عشقي 
.
.11
مشينا لأهلچ والگمر ويه النجم خطابه
صغنالچ نجوم الثريا گلاده يا حبابه..
38
-كلارة: صار هدوء بيناتنا واحد يباوع بوجه الثاني وعيونه قبل لسنتنا نطقت بأسم الفاعل وأول ما بلشت ترتفع الأصوات وصارت ضجه بالكلام ما أكو على لسان الكل غير أسم
-حرّ..
27
فقار: مبين هذا حرّ الحرگ ديرتهم..
19
گاطع: هذا الزلمه والله متعافي يجيب الطلايب لروحه گوه!
19
جسام: أسكت يا بويه أسكت لا يسمعك وينومك بصف صمد.
11
بلال: شحده!
28
جسام: عفيه بيت بس يزامطون والنوب ياكلون تبن..
58
قادر: بلال نچب وأسكت لا أطيح حظك، مو مساع مشتاق ولؤي خبصونا خبص بس حچي أنتم.
8
ضيغم: يا بويه وعلي ديرتهم صار بيها يوم القيامه حرگ آل عريبي بخويطهم، لعب بحالهم لعب..
27
مندمجين بالسوالف بيناتهم، بين صحبانه الفرحانين وشامتين بالصار بآل عريبي ومصدومين لأن همَّ ما يدرون بكلشي وبين الباقين الضايجين ومحتقنين عبالك آل عريبي من أهلهم مو حرّ
4
بينما أكو وحده بيناتهم تختلف عن ردود أفعالهم كلهم إيناس عيونها غارگه بدموعها، ليش ما أدري هيچ ضاجت ونقهرت يمكن لأن حرّ سوه كل هذا لخاطر وردة خاطر بروحه وحياته وعمره علمود ياخذ ثارها، هيچ فسرت حالتها لأن على شنو عيونها متروسه دموع؟
84
ضاجو حيل وبقو يدردمون ما راضين على تصرف حرّ بس محد بيهم حچه على السووه بيت عريبي بتدمير حياة وردة خصوصًا مشتاق ولؤي وبلال حيل ضاجو وضلو يحچون على حرّ ولد خوالي الباقين ما يرضون على حرّ وكل شويه گابه بيناتهم عركه..
12
مرت علينا الليله ما عبالك ليل محد نام، أحنى مو أهل المصيبه وما نمنا ليلنا وتخربطت أوضاعنا چا آل عريبي شني حالهم هسه الهوسه بره تصدع الراس لأن ديرتنا كلهم گعدو وكلهم يحچون بالصار بآل عريبي طب ضيغم وجسام وياه يضحكون بشماته
قادر: خير يا ستار شو تضحكون شصار بعد؟
+
جسام: عريبي بالمستشفى طاگته جلطه.
58
بلال: حگه تعب سنين عمره كله بلحظه راح!
19
قادر: ربك يعرف يسلم الأرزاق وما يستاهلهن عريبي.
4
گاطع: كون أنه أموت مو بس أنجلط..
20
ضيغم: متبهذلين وما يدرون وين ينطون وجوهم صفو بطرگ هدومهم حلالهم ومالهم كله راح للگاع..
6
جسام: ههههههههههه الشماته مو حلوه شباب
27
ضيغم: سنتين لگدام أتشمت ولك شايف شلون حالهم يا بويه ماي بارد ونزل على گلبي عريبي چان رافع خشمه ويحچي معلگ وهوَّ ماخذ البت ويريد يدمرها وهسه يركضون بي بين المستشفيات حالته خطره وحياته نهدمت على راسه حلوه الدنيا من تدور.
9
فجر: بس حرّ شلون خاف يشتكون عليه؟
3
جسام: لا يمعوده يا يشتكون يا دنيا، ما يسوونها وداعتچ يبتلون على رواحتهم لأن همَّ الغلطانين وهسه وضعهم صعب يفتحون على رواحتهم صفحه ثانيه ما عدهم دليل حرّ حارگهم أحنى ربعه وما ندري شلون وشوكت وشسوى..
12
وإذا أشتكو على حرّ حارگ ديرتهم ما توكل خبز الهم لأن نگدر أحنى نشتكي خاطفين بتنا، بدليل وشهود وتقارير طبيه الها لأن وردة تعرضت للتعنيف ومسألة شرف فـ لا قانون وياهم ولا عشاير يكسرون ظهورتهم وينعلون سلفه سلفاهم وصلة الگاع مو أغلى من الشرف.
الحمدلله، بس شعجب حرّ ما كتلهم بس حرگ؟
6
جسام: لوتي وملعب حرّ يعرف كل واحد شني نقطة ضعفه، يدري عريبي ما يهمه الكتل لو ولده وبناته كلهم يموتون أهم شي عده الفلوس بحيث وصلت بي مرحله شرف بته ما أهتمله وبلعها وسكت علمود الفلوس الرشاه بيهن صمد.
11
فجر: أستغفر الله يا ربي شني من بشر هذا؟؟
6
جسام: طايح حظ فد مره، حرّ يدري لو كتل واحد من ولد عريبي راح يدور فصول علمود ياخذ الفلوس ويسكت گضه عمره يضمضم بهاي الفلوس وكاتل روحه عليهن لمن هسه كلهن راحن من أيده بلحظه.
9
فجر: همزين طاح گلبي خفت يصير بي شي..
بلقيس: الطلع من السجن بعد ١٥ سنه يصير بي شي هسه؟
26
ضيغم: ليش شني مثلاً ماخذ صك بالدنيا؟
16
بلقيس: أنتَ ما ناسيتها الك سوالفك ويَـ إيناس..
24
ضيغم: شلون تريدني أرگعها كله.
26
فقار: كافي ضيغم بس
بلقيس: ما تربي أخوك المستهتر هذا لو شتنفع بي التربيه بعد، علمهم وياه الإستهتار المسودن خريج السجون..
16
ضيغم: نجار وبابه مخلوع بيچ خير چا ربيتي ولدچ وبناتچ السايبين وكل خير ما بيهم.
22
جسام جراه وطلع لبره لأن راح تعلگ لا هوّ يسكت ولا حتى بلقيس تسكت ثنينهم يلعلعون، ماي بارد وطاح على گلبي من عرفنا وردة بخير وحرّ أخذ حقها أحس الدنيا كلها صارت حلوه بعيني وفرحانه من كل گلبي..
فجر: حطيت الچاي گدام حرّ بعد ما أجه وگاعد مترهي ومرتاح ولا چن مسوي مصيبه يدخن ويسولف ويَـ خاتون رفعت حاجبي أحاچيه
4
-حرّ أنتَ حارگ آل عريبي؟
جهنم نازله بديرتهم وكلشي عدهم غدى رماد؟
2
-الغزالة ما متعوده تضل بره البيت وتمرضت، شويه دفو الها.
97
ضحكت كلارة وجدتي طگته على رجله التفت على كلارة اللي من وجها واحد يدري بيها مريضه، الفلاونزه ما هادتها صارلها چم يوم عيونها ما تشوف بيهن گد ما مورمات ومصخنه وبالگوه تجر النفس..
3
حُرّ: أنتِ مريضه مو؟
1
كلارة: لا لا كلشي ما بيه.
6
فجر: چذابه صارلها چم يوم مريضه ولحيت عليها لمن مليت طاحت وذره من لساني أتوسل بيها تضرب أبره ما ترضى..
1
حُرّ: مو بكيفها هسه أنه أجيبلها.
1
كلارة: لا لا خويه فدوه باچر أطيب
1
فجر: يوميه تحچيها وچذابه ما تطيب
حُرّ: صدگ چذب شكبرچ تصيري بعد وتخافي من الأبره؟؟
20
كلارة: ياخي والله تخوف، سوولي عمليه ولا تضربوني أبره أخاف منها إذا واحد يمي يضربونه أبره أشرد مو النوب أنه..
1
خاتون: جون أبن فقار ما يخاف من الأبره ما تستحين أنتِ؟
10
كلارة: جده والعباس أخاف شلون بله!
1
حُرّ: مو بكيفچ رايح للصيدليه أجيب أبره وعلاج.
كلارة: لا ما أريد فدوه حرّ ما أريددد
3
ما رد عليها ولا سمع الكلامها خلص چايه وطلع من الغرفه وهِيَّ تدردم
-شلك غرض أنتَ شلك غرض تعال حاچيني بله شعليك، والله حلوه هاي عمي أنه المريضه لو أنتَ؟؟؟
عبالها طلع وما يسمعها بعد بقت تدردم علينا وتبيع بطولات براسنا، فتح الباب حرّ على النص وأيده على اليده خازرها بسرعه ختلت وره جدتي خانسه وخايفه، طلع وسد الباب وراه التفتت عليها جدتي خازرتها
-ما تستحين بت شكبرچ شگدچ تصيرين بعد؟
3
كلارة: چا شني الچبير ما يخاف؟
خاتون: يخاف من شي يسوى مو أبره
9
كلارة: والعباس أموت منها أختلس
1
خاتون: چا شلون باچر عگبه تخلفين؟
9
كلارة: هسه أنه گايلتلچ أريد أخلف!
10
طلعت كلارة من الغرفه ضايجه ومخنوگه ولو بأيدها هسه تشرد تعتبره هذا الوكت تعذيب الها لأن تخاف من الأبره طلعت وراها أدورها لأن كلش مريضه لگيتها بالگوه واگفه وضيغم واگف گدامها عاگد حاجبه
1
-شبيچ؟
-مريضه كلش..
-شو چنچ راح تبچين بس لا لأن مريضه؟
-لا
-چا شني؟؟
فجر: حرّ راح يجيبلها علاج وتخاف من الأبره.
2
ضيغم: ههههههههههه شني هل فشله ولچ؟
2
عافته ومشت ما ترد عليه مالها خلگ وهوَّ يضوج بيها بالزايد ويضحك من كل گلبه لأن تخاف، التفت عليَّ وسولف بجديه
ضيغم: چا أنه مو گتلچ خل أجيبلها علاج؟
فجر: ما مقصرين خويه لا أنتَ ولا جسام هاي الأيام كلها بس ما چانت ترضى هسه تخاف من حرّ ما تگول لا..
ضيغم: حيل وأبو زايد
خزرته ما راضيه بس أدري بيناتهم ميانه وهوَّ مو صدگ يضحك عليها بس هِيَّ ما أدري وين تغط لحد ما أجه حرّ راحت رجليَّ أدور عليها ما لگيتها لحد ما رحت للممر لگيتها گاعده وحدها وخايفه
1
فجر: طاح حظچ راحت رجليَّ وأنه أدور عليچ
كلارة: أجه حرّ؟
فجر: أي، يله تعاي خل زهراء تضربچ الأبره.
ة: يممممممه ما أريد
3
فجر: وطمه كلهم ملتمين بالهول لا تفشلينا!
3
گامت خايفه وتتراجف من الخوف لأن هِيَّ من صغيره تخاف من الأبره، جريتها ومشيت لجوه للغرفه وهِيَّ هادئه بس طبت لغرفة خاتون وشافت الأبره بأيد زهراء تجهز بيها تخبلت..
1
عدنا زهراء تضرب أبر صحيح مو ممرضه ولا دكتوره بس أمها دكتوره وهِيَّ معلمتها وزهراء تجرب بينا وكلارة گعدت بالگاع وضلت تبچي خايفه
9
زهراء: ههههههههه عود صدگ تبچين من أبره والله فشله
10
كلارة: أسكتي أنتِ أسكتي، أنتِ وين تعرفين تتعلمين بينا هسه أموت من وراچ..
زهراء: شني أول مره أضرب واحد أبره، بس أنتِ جبانه.
كلارة: والعباس ما أضرب عمي ما أريد
ندگ الباب بالسويج وأجه وراه صوت حرّ
-كلارة ما أريد صوت، لا أطب أنه أكضچ والله
21
خنست كلارة وخافت ضاع بيها المشراد راحت كضت حدايد الشباك مچلبه بيهن خايفه ومغمضه
-يله تعاي أضربيني خل أفتك..
16
زهراء ما گدرت توگف گعدت بالگاع الأبره بأيدها وميته ضحك وصوت ضحكتها عالي
-خرب يومچ كلارة
التفتت عليها خازرتها
-لچ يله گومي أضربيها من دام الله هداها
التفتت علينا عيونها متروسه دموع
-ترى والعباس أبطل
1
فجر: زهراء گومي أضربيها الأبره خل نفتك
راحت عليها زهراء تضحك وكلارة لازمه حدايد الشباك وقبل لا حتى توصلها وتضربها الأبره تصرخ
-يا أم البنيييين
24
خزرتها وزلغت خدودي
-ولچ أسكتي طاح حظچ شهرتينا عدنا ولاده؟؟
5
رجع ندگ الباب مره ثانيه وصوت حرّ
-كلارة راح أطب
5
مستمتره تبچي وزهراء تضحك طب حرّ خازرها يحاچي زهراء
-راح أكضها الچ وأغمض عيوني وانتِ أضربيها.
هزت راسها كلارة تدفع بي
-لا لا أطلع والله هاي هِيَّ حتى صوتي ما ينسمع بعد..
+
هز راسه وطلع وهِيَّ خنست ضربتها الأبره زهراء وهِيَّ تصرخ وتبچي عبالك ضاربينها طلقه، طلعت من الغرفه بالگوه حاصره ضحكتي وهِيَّ تسولف ويَـ زهراء
-كون رجلچ يطلگچ.
9
طلعت للهول وجسام طب عاگد حاجبه
-هاي ياهي الصرخت؟
ضيغم آشر على الغرفه وجهه أحمر من الضحك
-كلارة
6
التفت عليَّ وعلى حرّ مستغرب
-شمالها تصرخ؟
فجر: مريضه وتخاف تضرب أبره.
جسام: عبالي شو شصاير..
1
دنگ حرّ يطفي الجگاره بالمطافيه وگعد بصفه جسام وكلارة بعد ما طلعت نامت بالغرفه تبچي وما تحچي وياي وتدعي على حرّ لأن واجهناها بمخاوفها..
1
-كلارة: طلعت من الغرفه عيوني مورمه من البچي والهول فارغ، ضايجه ومالي خلگ رحت للمطبخ علمود أكل ولگيت ضيغم واگف وأمه تصبله أكل أول ما شافني سكت كاتم ضحكته باوعتله بطرف عيني
-ها كلارة صرتي زينه؟
تأفأفت ضايجه وما أشتهيت الغده طلعت عصيري الخالته بالثلاجه أشرب بي وهوَّ ضحك
-ما تستحين تخافين من أبره؟
-لا ما أستحي
1
-بعد بس تفكين حلگچ أجيبلچ أبره.
2
خزرته ضايجه ومحتقنه من كلامه، طلعت من الهول گعدت على بايات الدرج وهوَّ گعد بالهول گدامه أكله ياكل لأن أجه متأخر من الشغل أخذت كتكوت من كتاكيت جون ورحتله للهول بسكته بدون ما ينتبه
وگفت گدامه والكتكوت بأيدي وهوَّ جاي ياكل دجاج، گدامه الصينيه واللگمه بحلگه قدمت عليه الكتكوت وحچيت على أساس الكتكوت يحچي
-عمو ما شفت أمي مرت منا؟
17
فز وشمر اللگمه من حلگه بالصينيه كاشه روحه
-خرب بأبوچ
4
ضحكت من كل گلبي وهوَّ مستمر بالغلط
-طايحة الحظ شني هل سوالف؟؟
دفع الصينيه لعبانه روحه
-حتى زقنبوت ما أريد..
1
عفته ومشيت أضحك وأمه تقنع بي يكمل أكل لأن هسه بلش ياكل وهوَّ قفل ما يريد بعد، لأن لعبت روحه وأنه أضحك عليه شبعني غلط لأن كششت روحه..
طبيت لغرفتنا لگيت زهراء وفجر ومرة قادر گاعدات يسولفن وبين الكلام گالت مرة قادر متردده
-خل أگلچن سالفه..
2
كلنا باوعنا الها ساكتين منتظرينها تسولف
-گبل لا أتزوج قادر، بيت أهلي هم چانو يحچون عليكم بس والله بالخير يعني مو على الكل بالخير ليش أچذب بس چانو يذكرون هواي من زلمكم بالخير بس چانو هواي يحچون عن حرّ..
1
فجر: وشيحچون عنه عيني؟؟
زهراء: باعي شلون تگلچ عيني هسه تگتلچ
لارا: لا والله العظيم الله شاهد عليَّ أخواني ما يجيبون طاريه غير بالزين، بس سامعه هواي عنه وكلها تسولف هوَّ خريج سجون ويسولفون عنه زلمه ما يسكت إذا واحد عال عليه كل ظني عمره ستين أو خمسين يعني توقعت يكون بمثابة أب لقادر بس النوب من شفته نصدمت طلع شاب وبعز شبابه نصدمت صدمة عمري!!!
6
فجر: ليش عود كلكم عدكم نظرة عنه شايب؟
لارا: والله لأن گالو مسجون ١٥ سنه گلت چا هذا أشگد عمره وطاب توقعت أشوفه شايب من شفته صفنت وسألت قادر ما مصدگه چا إذا هيچ شاب وبعده صغير بحيث هوَّ وقادر نفس العمر وقادر هسه يله تزوج يعني البعمره هسه يكونون حياتهم شوكت طب للسجن؟
دمعت عيون فجر مقهوره وجها تغير لونه من الحزن والضوجه لأن هذا الموضوع حساس بالنسبه الها والي أباوع عليها ساكته جرت حسره
فجر: مو بس أنتِ كل اليسمع بقصته عبالهم زلمه چبير لأن محد مار عليه فكرة ولد بعز شبابه وحيل صغير ينسجن، بس غلط حرّ ما نسجن وهوَّ چبير نسجن وهوَّ صغير حيل كلش صغير وچانو كلهم يعرفون بي مظلوم بس فضلو يسكتون ويوگفون ويَـ الظلم، صالح سوى كلشي في سبيل حرّ ينسجن بحيث دخل الواسطات بقضية حرّ وسجنه ظلم..
لارا: يا خطيه الله يكون بعونه هيچ عمره ينهدر گدام عينه وهوَّ ما غلطان چا أشگد السالفه تهضم!
2
فجر: هذا اليحرگ الگلب، بالعمر اللي الولد يراهقون ويعيشون كل عمرهم وشبابهم وحياتهم طول بعرض هوَّ نسجن بين أربع حيطان على ذنب وجريمه هوَّ ما سواها سنين عمره كلها تمر گدام عينه، طب صغير حيل وهسه طلع شاب عمره ببداية الثلاثين.
3
زهراء: عمره بگد ولدنا الكبار كلهم..
لارا: بيناتنا الحچي هوَّ حلو هههههه
7
كلارة: لو يسمعچ قادر
لارا: چا شني مچذبه والله صدگ حلو ملامحه رجوليه وحتى شخصيته حلوه.
3
ضلينا نضحك وهِيَّ مبينه صدگ تحچي من كل گلبها لأن هواي مدحت بي وضلت تحچي شلون هوَّ شخصيه وحلو..
6
مر الوكت وطبيت للهول على حس ميسون بت جدتي خاتون عدنا سلمت عليها وگعدت ونسوان بيتنا كلهن گاعدات ضيگت عيوني من صفنت على ميسون تسولف ويَـ فجر..
2
ميسون: شمالچ عمه طاح لسان وليدي وهوَّ يخطبچ من عمامچ كلهم وكلمن يگله أنه أنطيها الك ومحد يگدرلچ چا أبني شعايزه ما ترضين بي؟
فجر: بعد گلبي عمه أنه ما ناويه على الزواج ولا أريد أعرس وأنتِ وين أكو منچ لا تنقهرين مني بس أبنچ لح هواي ويعرف جوابي شنو فـ سدو الموضوع ولا كل شويه نعيده.
ميسون: يمه شمالچ ما تحچين وياها، أنتِ تأثرين عليها وتاخذ بحچيچ ما تفرحين لو صارت فجر عدي چنه؟ ولا چني بتچ..
خاتون: لا أجبرها ولا أريدها تصير چنه عدچ، فجر تستاهل زلمه حوك كلها تسولف بطاريه مو أبنچ.
7
ميسون: يا يا يمه دخيل بختچ هيچ تحاچيني أنه رايحه منا زعلانه إذا أنتِ هيچ تگولين چا هِيَّ شتگول، يعني فوگ ما نريدلها الزين چا هِيَّ ياهو ياخذها بعد أخت خريج سجون، شني الوادم ما رايدين رواحتهم يتورطون ويَـ هيچ نسب؟
8
خاتون: لا بارك الله بيچ ولي من خلقتي ولچ ترحيله سبع فدوات ياهو أحسن منه علمود تعيرينه؟
3
فجر سكتت ما ردت على ميسون، وجاملتها بالكلام بالگوه لأن أبنها صارله سنين يلح على فجر يريدها ويحبها كلش وأشگد راد ناس تأثر عليها حتى ويَـ صمد وگاطع حچه بس هِيَّ ما تريده ولا تريد تتزوج..
1
وأتذكر أشگد چان جسام يتعارك وياه ويتخبل منه وإذا جابو طاري العرس نار تشب بي يتعارك وياهم كلهم چان كل ظني لأن حرّ موصيه علينا، وصحيح لهذا السبب بس أكو سبب ثاني واللي هوَّ حبه لـ فجر
تعمى عيونه من ينجاب طاري فجر ويموت من القهر لو نجابت بالسيره ويَـ زلمه ثاني، جسام خوش زلمه أعتبره أخوي الثاني ومعزته من معزة حرّ لأن طول الـ ١٥ سنه من سجن حرّ هوَّ مسؤول علينا ومتكفل بينا وبكل حياتنا
1
حياته هوَّ حيل صعبه ومؤذيه وكلهم معادينه بس ضل يدافع النا رغم ينطگ وينغلط عليه ويتعاركون وياه وهوَّ يصرف علينا وياخذنا للطبيب وللسوگ وكلشي بحياتنا هوَّ مسؤول عليه بحيث أنه أحبه وأحترمه كلش لأن خوش زلمه..
گامت من مكانها تريد تروح وتدردم
-عمت عينچ أي والله يا دايحه يا طايحة الحظ، تتعيقلين بروسنا بس الصوچ مو بيچ الصوچ بأبني المكبر راسچ ولچ أنتِ ياهو ياخذچ ويگلبچ وأخوچ خريج سجون؟
4
فتحت زيج ثوبها شهگت ودعت من كل گلبها
-ريتچ تتزوجين وتاخذيلچ واحد ليل ونهار يدگ عليچ يگومچ بطگه ويگعدچ بطگه يسويچ مكفخه وخدامه اله، بجاه النبي كون تاخذيلچ واحد يسب أهلچ بگبورهم صبح ومسيه..
شهگت فاتحه عيوني ميته من القهر وهِيَّ شبعت فجر سب وغلط على أبوها وأمها الميتين، متت من القهر لأن رحيل أم فجر هِيَّ مربيتني وأعتبرها أمي من گد ما أحبها لأن من ماتت أمي أنه صغيره وهِيَّ ربتني ويَـ أطفالها وبنفس الوكت نمرد گلبي على فجر هِيَّ تتعمد ما ترد على هيچ فئه من البشر، مو لأن خايفه فجر ما تخاف من واحد بس لأن تعتمد طريقة التجاهل
+
بس أنه ما گدرت أسكت وزمخت بيها
-خايبه ترحيلها فدوه أنتِ وأبنچ الأثول.
4
طگتني بكل قوتها خزرتها وعيوني يجرن بدموعي مقهوره مو من الطگه بس شلون تطگني گدام النسوان حرجتني وبنفس الوكت أحترگت روحي شبعتها غلط ومسبه وماكو حچايه زفره ما حچيتها الها وهِيَّ تخبلت ضلت تطگ بيَّ وتكتلني وتصيح عليَّ بعلو صوتها
-يا چلبه أنه تغلطين عليَّ ولچ لو بيچ خير ما باعچ أبوچ!!
تقربت عليَّ فجر جرتني من أيد ميسون عتتني عت منها
-عوفيها لا وحگ علي أيدچ أكسرها..
بعدها مچلبه بيَّ وما رضت تهدني فجر حطت أيديها ثنينهن بصدر ميسون ودفعتها بكل قوتها عني بحيث طاحت لوره على حيلها وفجر ترجف من العصبيه وعلى أثر الصوت العالي والمصايح طبو نص زلمنا للبيت يشوفون شكو والهوسه گابه وفجر ما تشوف گدامها
تقربت على ميسون تصيح
-شلون تمدين أيدچ عليها وتطگينها؟
تخبلت فجر چانت طول الوكت ساكته وما حچت حرف ومن نجاب طاريي ما گدرت تسكت، جسام جر فجر من أيدها لوره علمود يوخرها من ميسون جرت روحها من أيده نترتها نتر
حطت أصبعها بنص وجه ميسون تحچي بعصبيه
-أنتِ وأبنچ الجنيحه لو عتبتو بابنا وعدتو هاي السالفه أنعل ساسكم النگس، بالگوه أجاملچ من طرف خشمي أحچي وياچ روحي لعبت منكم لطشتو أحاچيچ أگول عمتي ومره چبيره بس طلعتي تمشين بالأهاين..
8
جراها جسام من أيدها عاگد حاجبه
-كافي فجر تعاي خل أحاچيچ.
ما ردت عليه وكملت كلامها ويَـ ميسون تصيح
-أبنچ محد ترضى بي، تردين تمشينه براسي غير هوَّ لو صارت لمة زلم يخلونه بساط يدوسون عليه، كله خلگ چنيحه عدچ وخبصتينا لو يضل يوم بعمري ما أخذه.
رفعت أيدها فجر طگت گصتها بكل قوتها
-عمت عيني كون أخذه أنه أخت حرّ أخذلي هيچ واحد؟
سوده بوجهي أي والله..
4
ميسون ما ساكته بالعكس ترد لسانها شطوله، أصلاً هِيَّ عراكه ومحد يگدر للسانها النسوان كلهن يخافن منها حتى هاي أبليس تخاف تحچي وياها وتبلع لسانها يمها لأن ما تنجرع ولا تنگدر بس فجر ما تخاف من واحد وإذا تعصبت تخرب
ميسون: خايبه البايره ترحيله فدوه..
1
فجر: يله ولي ولا تعتبين باب بيتنا وأنعل أبوچ لابو أبنچ.
4
طگت روحها وبزعت صارلها سنين تجامل وتسكت لأن گاطع وصمد بكل مره يهددونها ينطونها لـ أبن ميسون بوكتها چان حرّ بالسجن وحال الضيم حالنا بحيث نفجرت وجسام يجر بيها لأن ناويه تكتل ميسون
جسام: ميسون گومي ولي من خلقتي لا وحگ علي أسوي بيچ الما صاير خلگي على گدي وروحي ما جارعها حرگة گلبي كلها أطلعها بيچ..
1
ميسون: أييي دافعلها أنتَ دافعلههههها
جسام: چا أدفعلچ؟ لا تخليني أغلط أمشي ولي من خلقتي.
1
گاطع: شو أنتَ وبت عمك مستهترين شني تغلطون على عمتكم طايحين الحظ ما تستحون أنتم؟؟؟
2
جسام: أنتَ ما يطلع صوتك بس ويَـ السگط عبالك شيطان تكيف على الغلط.
3
ميسون باوعت لفجر بحقد وكره وتهز براسها، گامت من الگاع تعدل بهدومها وطلعت من البيت محروگ گلبها، وفجر طبت لجوه عصبيتها تخوف كلش..
-فجر: أجر النفس بصعوبه نار داويه بگلبي، واگفه بالممر لأن محد يجي اله مكاني المفضل لأن دائمًا خالي من الناس بس أستغربت من سمعت خطوات تجي بأتجاه الممر وصار گدام عيني جسام واگف بالباب وعينه عليَّ..
رفع حاجبه عينه بعيني خازرني ينتر
-شمالچ؟
ما رديت عليه ومشيت علمود أطب لجوه بس وگف بطريقي گدام الباب أروح منا يروح وياي أرجع منا يرجع وياي رفعت عيني لعينه خازرته
-وخر عن دربي!
أبتسم هز راسه وبهدوء نطق
-لا، ما أوخر.
+
عگدت حاجبي متنرفزه
-شنو معناها هاي السوالف عود؟
-أريد أحچي وياچ.
1
-شتريد
-ليش هيچ عصبيه؟
-ما بيه شي
-القندره هذا شدعوه هلگد مهتمه اله؟
-ما مهتمه
1
-فجر لا تخليني هسه أروح أدوس بطنه وبطن أمه عليمن هيچ قاهره روحچ أنه بالگوه ساكت ومصبر روحي عنه بس سالفتهم زادت عن حدها وهذا قندره نيته واضحه بس لخاطرچ ساكت..
1
-خل يولون ما ضايجه من سالفتهم
-لا أدري الموضوع غثچ
-خل يولون، أگلك حرّ ما شفته؟
-لا تخليني أسب حتى حرّ هسه
2
رفعت عيني خازرته وهوَّ مدنگ عينه عليَّ يباوعلي
-كافي جسام
-عوفچ منهم هسه عليمن هيچ مقهوره؟
-هيچ وحدي والله
أبتسم بطرف شفته يباوع عليَّ وأنه ردت أعبر هم وگف گدامي
-جسام كافي وخر عن دربي وخليني أفوت
-هوَّ ياهو اليتعصب يصير هيچ يگطع؟
5
-مو چنك أستهترت
-چا ما ترضين تحنين عليَّ..
-مو گلنا ما نفتح هذا الموضوع بعد؟
-أنه ما أنطيت حچايه
2
-بس أنه ما أريد نرجع نعيد السالفه
-أضل طول العمر الح عليچ علمود ترضين
-شمالك جسام؟
جرني من أيدي عليه مقربني نترت روحي منه ضايجه وأجر بأيدي بس ما هدني، لوه أيدي وره ظهري بدون ما يعورني وصار قريب مني
-فجر والله أعشگچ..
10
حابسه أنفاسي من القرب البيناتنا
-عوفني جسام
رخت أيده وهدني وأنه أبتعدت عنه
-ليش تكضني؟
-خليني أحاچي حرّ شمالچ!
زفرت نفس ومسحت وجهي متوتره
-لا ما أريد
-خايفه منه يفهمچ غلط؟
-لا لا مو هيچ
+
-إذا تخافين عباله بيناتنا علاقه أنه أگله گضيت عمري أركض وراها أعشگها بس ما تريدني ولا تحبني كرهت روحي گد ما أشوفها ما تنطيني عين، هسه أنه شطالب منچ يعني لهيچ درجه أنه ما أنحب!
زفرت نفس بتعب وبالگوه حابسه دموعي
-ليش ما تنحب؟ الخلل مو بيك جسام بيَّ..
2
باوعلي بعتب ونظرة لوم
-فهميني شمالني أنه وما راضيه بيَّ، شني عيبي خل أعدله بلكت تنفك الچبسه، بالله ذاك خنيث ومكفخه أنه ليش ما ترضين بيَّ فهميني شني عيبي؟
-أنه ما أريد أتزوج الخلل مو بيك..
-ليش ما تردين تتزوجين سولفيلي؟
-أنه ما أريد لو هسه يخطبني ملك ما أرضى بي
-وشني الملك أحسن مني شو چنچ تستنقصين
-لا حشاك فهمتني غلط!
1
-كلامچ واضح يا غلط، صحيح أنه لا ملك ولا وزير بس والحسين عاشگچ وما تلگين مثلي، صح حالتي على گدي بس لو ليل ونهار أشتغل ويروح حيلي كله لخاطر أوفرلچ التردينه ما أقصر.
1
أنترسن عيوني دموع ما تمنيت جسام ياخذ عليَّ هيچ نظره لأن أنه مو هيچ أقصد تحمحمت مدنگه
-أرجع وأگلك فهمتني غلط، أنه أقصد قافله وما أرضى مطلعه هاي الفكره من راسي لأن ما أريد أعوف أخواني أريد أبقى وياهم ما شبعت من أهلي الماتو وما أريد أعوف الضلو..
-چا أنه مو من عائلتچ؟ ما عدي عائله ولا أم التحبني ولا أخت التريدني "أنه أعتبرچ أنتِ أهلي وكل الأحبهم".
10
سكتت أستمع اله وگلبي يوجعني من القهر، أنه أحب جسام من فتحت عيني على الدنيا هوَّ سندني وگفلي وعشنا كلشي سوى ألألم والتعب والضحك والسعاده كبرنا سوى چانت مشاعره وأضحه من سنين ومن زمان وأنه چنت أحبه نفس الحب..
14
بس ما أدري ليش مكبره السالفه وما جاي أعرف أتصرف وبنفس الوكت خايفه أخاف أحب شخص وأتعلق بيه وأرجع أفقده تعبت من الفقدان گد ما فقدت، وأريد أشبع من أهلي ما شبعت منهم ومحتاره وما أعرف حتى أتصرف
دنگت عيني ساكته وهوَّ كمل كلامه باله سارح
-چنت يوم وره يوم أفرح من أشوفچ گدام عيني فرحتچ وضحكتچ أهم من حياتي كلها أنتِ كلشي بالنسبه الي سمرتي الأحبها..
سكتت محتاره وأطگطگ بأصابعي
-فكري مره ثانيه فجر
-أن شاء الله
-على راحتچ شوكت ما ترجعيلي خبر.
سوالي مجال لأن شافني مدنگه وما أگدر حتى أسولف رحت لغرفتنا دموعي ما وگفن مقهوره ما أدري شسوي..
-كلارة: طبيت لغرفة جدتي خاتون عگدت حاجبي من شفتها گاعده هِيَّ وفجر ويَـ حرّ هوَّ صارله هواي ما جاي النا سلمت عليه وگعدت بصف فجر، جدتي خاتون بالگوه گاعده حيل مريضه والمغذي معلگ والكانوله بأيدها
1
شرب گلاص الچاي البيده يباوعلها
-شلون صرتي جده؟
-مو بخير يا يمه مو بخير كل ساعه أطيح..
-متعيني
3
أبتسمت تمسح على شعره بچف أيدها كض أيدها باسها
-أغديلچ فدوه
-چا ليش گطعت بيَّ ما تجيني!
-شلون ما أجيچ أنه، بس وردة مريضه فد نوب وضال يمها..
1
عگدت حاجبي بخوف وكلنا گلنا
-شبيها؟
تحمحم يباوع على الگاع بحيره
-مريضه وما جاي تصحى طاحت طيحه أخت الموت..
1
فجر: كلشي ألتم عليها مصيبه وره مصيبه وهواي تأذت وطبت مستشفى أكثر من مره وصار عدها أكثر من جرح أظن طلع عليها مره وحده..
هِيَّ تگلي ما أتحمل بعد راح أموت
+
خاتون: يااااع أسم الله يمه
كلارة: جيبها هنا نداريها بلكت شويه تتغير نفسيتها؟
حُرّ: حچيت وياها تسودنت، تگلي إذا ترجعني لذاك البيت ما أرجع وياك هسه أطلع منا أهون عليَّ من البيت..
6
فجر: حقها خويه شما تگول حقها تحملت بما فيه الكفايه شني الوادم كلها عليها وكل واحد يجيبلها مصيبه أكثر من القبله تعبت هواي أحنى ما يحچون ويانا هواي ما أگلك يحبونا بس مالهم غرض بينا متعايشين بس هِيَّ مسكينه شادين وياها على الحرف سودنوها..
كلارة: سباعيه وصبرت وياهم هواي يضوجونها.
حُرّ: هاي القندره أبليس وستر زينب لو مو مره چا نعلت سلفه سلفاها شني توديها تجيب الها قنادر ما تولي هِيَّ لو تريد العب السبعه وسبعين على ظهرها؟
خاتون: خل تولي هاي الچلبه
حُرّ: چا خاتون گليلي شنهي الأسويهه البت راح تموت بأيدي ما ترضى أجيبها هنا وحالتها بالزايد، كل ما حچيت وياها تضوج وتگلي أعوف المكان وأروح إذا عله عليك وأنه محتار لا أگدر أداريها وأكضها ما يصير..
2
خاتون: أي شني تكضها حرام أنتَ كلش أستهترت من السجن صار عدك كلشي فالتو
حُرّ: تجيك التهايم وأنتَ نايم، شمالچ هسه أنه شگايل مو جاي أگلچ البت بالفراش وينراد الها مداراه وگومه وگعده وأنه ما أگدر أكضها ما تقبل..
1
فجر: عميه عيني أنه لا أگدر أروحلها وغادي گلبي نار عليها ما أگدر أعوف جدتي شوفة عينك حالتها متدهوره وعلاجها لازم بكل وكته أنه أجيبه تشربه وبالليل تطيح مرات وكلارة مو مال تنعاف وحدها أنه يمها وياكلونها.
خاتون: ليش شايله هم حرّ يمها يداريها
حُرّ: خاتون أنتِ والله تحيري چا مو هسه تگولي حرام؟
خاتون: أي أعقد عليها وداريها بالحلال.
34
حُرّ: شنهيي؟؟
3
صفنت على خاتون فاتحه عيوني، وهوَّ يباوعلها مستغرب وفجر بسرعه گالت
فجر: أي والله خويه أنسب حل
3
حُرّ: شمالچن شالقضيه متفقات عليَّ؟
1
خاتون: يمه البت خطيه مسيچينه محد الها، لا أم وتداريها ولا أخت وتوگفلها ولا أبو ويحتويها ولا أخو ويسندها ضاله بطرگ روحها ومريضه لازم تداريها وتساعدها چا تخلي البت تموت جدام عينك؟
3
فجر: أي والله صدگ تكسر الخاطر.
2
خاتون: وما يصير تكضها حرام، أعقد عليها وخاف لا أنتَ تريدها ولا هِيَّ تريدك وتتورطون أعقدو عقد سيد بيناتنا علمود هم تداريها وتوگفلها وعلمود تضل تحميها وتسندها وتوگفلها لأن مالها غيرك وعلمود تصير حرمتك وتسندها وتضلون أشگد ما تردون وحدكم..
كلارة: زين جده خل يضلون وحدهم شبيها چا غير ما عدها واحد؟
+
خاتون: ما يصير جده، المفروض يعقد عليها علمود تصير گعدتهم حلال وياخذون راحتهم ليش مقيدين لأن غريبه عليه وهم علمود البت ما تحس روحها عاله وثگيله ومحتارين بيها إذا حرمته تعيش وياه طبيعي بس هسه هِيَّ غريبه بيناتنا تحس روحها ثگيله علينا.
كلارة: سوده عليَّ صحيح منتبهه الها، دوم تحس روحها ثگيله وغريبه وتستحي من عدنا..
حُرّ: بله ما رضت البت ما تريدني؟
3
فجر: لا ليش ما ترضى بيك بالعكس وين أكو منك، وردة عقلانيه وتحبك وتحترمك ودائمًا تسولف عنك بالزين.
خاتون: گلها يابه أنه ما خاطبچ علمود نتمعشگ علمود أداريچ وأوگفلچ وأسندچ وتضلين يمي أشگد ما تردين هم تكملين دراستچ وهم ترجعلچ عافيتچ وهم تكبرين وإذا ما تصافيتو أكو طلاگ وتطلگو وكل واحد يتزوج اليريده ويروح بحال سبيله..
1
حُرّ: أنه راح أحاچيها بس إذا قبلت يضل العقد بيناتنا خاف تضوج إذا تصير حرمتي بين الوادم وتخاف خله بيناتنا علمود مثل ما گالت خاتون إذا النوب ما رادتني أطلگها وتروح بحال سبيلها.
2
فجر: أحسن شي تسويه
كلارة: يبووووي النوب وردة تصير مرة أخوي
تون: طاح حظچ چا گلنا بيناتنا شهرتينا
+
فجر: لا ما تطلع السالفه كلارة
كلارة: لا ما أطلعها، بس أگلكم ما تسوون عرس؟
1
حُرّ: عرس لأبوچ؟ چا شچنت أكل تبن صارلي ساعه مو أگول بيناتنا!
3
كلارة: ها حشاك حشاك
ضحكت فجر والفرحه تارسه عيونها وخاتون الطايره بهذا العرس لأن كلنا نعرف أشگد وردة مسكينه ومؤدبه وينراد الها سند يسندها وأشگد حرّ متعوب بحياته وما يوم ضاگ الراحه وردة تصير مرهم لجروحه..
3
-وردة: تعبانه فد مره وحالتي ما تنوصف وجع جسدي ونفسي وكلشي ملتم عليَّ، بحيث ما أگدر أگوم من الفراش وحدي وبكل مره أحس بعجز أبقى أبچي ومخدتي تنترس بدموعي لحد ما أغفى وأنام
1
حالتي جاي تدهور يوم بعد يوم كل التراكمات والمصايب والضرب من الناحيه النفسيه والصحيه هسه أحسه طلع عليَّ چنت أكبت أكبت لحد ما نفجرت وهسه متعوبه وطريحة فراش وإذا حرّ مو هوَّ يگومني ويگعدني مستحيل أگدر أحرك روحي وهل شي قاهرني..
أنه ما أحب زلمه يكضني لو يطخني، بس مو بيدي صحتي جاي تتدهور ومحد وياي غيره حتى ماكو مره وياي علمود تساعدني بهل وكت أشگد نقهرت ونمرد گلبي لأن لو عدي أم لو أخت على الأقل يدارني وما أضل هيچ، وحرّ هم ينحرج مني لأن يشوفني أشگد أضوج من يكضني وحالتي صعبه حيل
مسحت دموعي من طب للغرفه
وهوَّ أنتبه الي خله العلاليگ على صفحه وأجه عليَّ
-أن شاء الله ما بطيت عليچ؟
هزيت راسي لا
-غزالة شلون صرتي؟
-الحمدلله أحسن..
-خل أخذچ لدكتوره تشوف حالتچ؟
-ينطيني علاجات مثل كل مره
-أي أكيد هاي العلاجات بيها فايده
-مو جاي أخذ بالعلاجات اللي أنطانياهن الدكتور وماكو كل فايده أحس روحي جاي تذبل يوم وره يوم..
جر حسره مقهور وفتح وحده من العلاليگ فتح الأكل گدامي وتقرب عليَّ گعدني ويحاچيني
-يله تعاي أكلي علمود تاخذي علاجچ بلكت تصيري زينه.
گعد گدامي يسويلي لفات وأنه أتلوى من الألم بالگوه مصبره روحي وهوَّ يستغفر ضايج، وكل شويه يسرح باله يفكر عبالك مو وياي بالمكان ومتوتر من أول ما طب أحس بحلگه حچي بس حيل متردد!
1
غلست وأكلت أنطاني علاجي وجابلي ماي علمود أغسل وكملت الحمدلله، بس كل هذا وحرّ بعده على نفس حالته بحيث أستغربت وصفنت أحسه متوتر حيل وكل شويه يريد يحچي والنوب يسكت؟
هوَّ يوميه يرجع من وكت وما يتأخر لأن حيل أنه عاجزه وما أگدر أسوي شي ويخاف عليَّ، يروح يطمئن على أخواته ويرجع لهنا وحيل منحرجه لأن جاي أعطله عن شغله وحياته كلها ومحتار بيَّ..
يوميه يجيب النا أكل من المطعم أو من البيت طابخته فجر وتوديه بأيده، الدينا غروب والباب مفتوح ولون السما البرتقالي طاب للغرفه والجو يجنن التفتت عليَّ يكت عرگ مستحي أول مره أشوفه مستحي!!
1
-وردة أريد أحچي وياچ بسالفه
-أي سولف
-تحبي نسولف هسه لو ما تگدري نأجلها؟
-دخيلك ربي شصاير ترى خوفتني!
-ما صاير شي لا تخافي..
سكتت وهزيت راسي أباوعله بخوف وگلبي يدگ منتظرته يسولف وهوَّ بلش يحچي بهدوء
-غزالة أنه جاي أفكر بقرار مصيري لحياتنا، أنه أدري بيچ تضوجي من كضتي الچ وأنه ما فرحان بس علمودچ شايفه وضعچ أنتِ شلون صحتچ بالزايد تتدهور لا أنتِ راضيه لأن حرام وما يصير ولا حتى أنه، يعني لو وحده من خواتي تضل ويَـ زلمه بغرفه وحده ما راح أرضاها حتى لو هذا الزلمه خير وخوش آدمي مو حلوه ضلتهم سوى شما يكون السبب..
1
بلعت غصتي عيوني غورگن بدموعي بهدوء همست
-چا شني الفرق مو چنه عايشين بنفس البيت گبل؟
-چنتي عايشه ويَـ أخواني وخاتون ما عايشه بغرفتي هسه أنه وياچ بغرفه وحده، ولازم أداريچ وكل شويه أنتِ طايحه وأگومچ وأگعدچ وكل هذا ينحسب حرام لأن ما أگربلچ وخاتون مريضه فد نوب والبنات هناك يدارنها ما يگدرن يجن يمچ يدارنچ ولا أكو مره وأجيبها هنا..
هزيت راسي ساكته وأعصر بثوبي معصور گلبي، كل ظني راح يگلي بعد ما أگدر أتحمل مسوؤليتچ حسيت بقهر چبير وأنه أسمعله وهوَّ كمل كلامه اللي صدمني
-إذا تحبي وما أضغط عليچ وإذا ما تردي أعتبري الموضوع ما مسولفين بي، نعقد أنه وياج علمود ضلتنا سوى تصير حلال وكضتي الچ بالحلال وعلمود تاخذي راحتچ وما تتقيدي وياي وبيناتنا بس عقد سيد..
2
العقد بيناتنا محد يدري بي، خاف تخافي وتحسي روحچ تورطتي وياي لو تردي تعيشي حياتچ مو وياي أوگفچ على حيلچ وترجعلچ عافيتچ وتكملي دراستچ وتتخرجي والنوب إذا تشوفي روحچ تردي تعيشي حياة ثانيه أطلگچ وسويت العليَّ.
3
صفنت بوجهه صافنه ومصدومه ما توقعت ولا لحظه راح يحچي بهذا الموضوع ضليت ساكته وهوَّ كمل
-براحتچ وسوي اليعجبچ، بالحالتين أنه ما أعوفچ واوگف وياچ بس أنه أختاريت هذا القرار علمودچ وحتى خاتون والبنات أيدن كلامي والقرار راجع الچ..
هزيت راسي ساكته وهوَّ طلع من المكان ما أدري شنو راح يسوي بره بس طول هواي، وأنه أفكر فكرت بمنطقيه وعقلانيه حُرّ الوحيد الوگف الي بحياتي وهسه أنه عاجزه حرفيًا وما لگيت غيره واگف وياي وساندني وفعلاً حرام وليل نهار چنت أفكر بالموضوع
1
وهوَّ ما ينرفض زلمه وگد حچايته وشخصيه، وخوش إنسان ما عندي سبب يخليني أرفضه مدللني وحنين ويخاف من الهوى الهاب عليَّ وحباب ووگفلي وأنه ما عندي لا أهل ولا صديقات ولا أي بشر غيره ماكو سبب يخليني أرفض الفكره لأن أصلاً هوَّ مجرد عقد علمود الحرام والحلال وعلمود أنه ما أنحرج لأن حرفيًا يوميه أنام وأنه أبچي من قهري لأن أحس روحي ثگيله وعاله..
1
رجع مره ثانيه سألني على قراري، رديتله موافقتي وحسيته ما گدر يخفي فرحته، رحنا عقدنا عقد سيد أنه وياه "وصرت زوجة الحُــرّ"..
