رواية سهام الحب الفصل الثامن عشر 18 بقلم ريهام اسماعيل
+
رجع شريف بعد ترك عمله مسرعا ليذهب الى البيت ليرى زوجته
+
وبالفعل وصل الى المنزل وصعد الى غرفته وقبل ما يفتح الباب سمع كلام بيدور بين سارا ويارا اخته وسارا بتحكى ليارا عن غضبها لسوء معامله شريف لها من وقت ما كانوا سوا فى شهر العسل واحواله المتغيره
+
فقرر انه لا يزعجها ويتركها تحكى ما بداخلها ليستريح قلبها
+
وبالفعل ترك الدور ونزل الى اسفل فوجد والده رجع من عمله هو وعمر اخاه
+
شريف: حمدلله على السلامه
+
عمرمصطنع الجديه : يعنى ده يصح انك تسبنا واحنا بنكلمك انا وجمال
+
شريف كان بيفكر فى كلام سارا عنه انه متقلب المزاج وعصبي وهي مش عارفه اذ كان حبها ولا لسه
+
عمر حس بشروده فقال: ايه يابنى روحت فين
+
شريفبحده : عمر انا مش فايقلك الله يخليك سبنى فى حال ... انا هاروح مشوار ومش هاتأخر
+
عمر: هو شريف ماله ده كان من شويه كويس
+
صفيه كانت طالعه من المطبخ فقالت : مش عارفه والله يا عمر طب روح شوفه يمكن تعبان ولا حاجه
+
عمر: لا سبيه يمكن عايز يقعد مع نفسه شويه اومال مراته فين يمكن شادو مع بعض شويه
+
صفيه: لالالا البنت كويسه اووى ومطيعه ولايمكن تزعله او تخليه ينزل غضبان كده
+
عمر: ربنا يهدى ياماما فين ملك
+
صفيه: مع رهف فى اوضتها
+
عمر: طيب انا هاطلع اغير وهشوفها
+
صفيه راحت قاعدت جنب جوزها وقالت بقلق علي ولدها شريف: انا شايفه ياابو عمر انه متغير حتى سارا مش عجبانى خالص الايام دي
+
محمد:ما انتى عارفه ابنك يا ام عمر دايما شغله هو الاهم عنده وتلاقى سارا زعلانه عشان مش واخد باله منها ولا حاجه
+
صفيه: ياسلام طب ما جمال اخوها هو كمان مهتم بشغله وعنده مراته وعياله حاجه تانيه وشكل تانى وبرضه مخلى باله منهم
+
محمد: مش عارف لما يجى ابقى اتكلمى معاه
+
صفيه: طيب انا هاقوم احضر الاكل انا وسعاد
+
محمد: وانا هاقوم اصلى العصر على بال ما تحضروا الاكل
+
صح هم الضيوف قالوا هايجيوا امتى
+
صفيه: بعد العشا ان شاء الله
+
يارا: يااااااااااااااه يا سارا انتى شاليه فى قلبك كتير
+
سارا ببكاء:انا والله خلاص مش قادره من اخوكى لو مش عايزنى يقولى ارحملى من العذاب اللى انا فيه ده
+
يارا:يسيبك ايه يا حاجه انتى وحدى الله بس كده وقومى صلى ركعتين وان شاء الله ربناهيحصل الاحوال
+
سارا: لا اله الا الله سيدنا محمد رسول الله
+
يارا: عليه افضل الصلاه والسلام
+
يارا: ايوه كده يلا بقه واتعملى معاه وكأن ما حصلش اى حاجه اعتبرى نفسك لسه النهارده عروسه اتفقنا وياريت تنسى كل كلمه قولتيها دلوقتى ليا
+
سارا: انا فعلا ارتحت لما قولتلك وان شاء الله هاحاول اعمل كده
+
يارا بهزار: طيب بقى هاتيلى الطقم عشان اروح اشوف نصيبى انا كمان
+
سارا: ههههههههه نصيبك!! علي سارا برضه يا يارا
+
يارا: احم لا انا مش هارفض على طول كده عشان خاطر مامته تبقى صديقه ماما برضه
+
سارا: هههههههه طيب ياختي ربنا يهدي سرك انتي كمان ويهديلك الحال
+
يارا: هههههههههه ايوه كده اضحكى محدش واكل منها حاجه
+
سارا: هههههههههههه اسمها محدش واخد مش واكل شكلك جعانه
+
يارا: بصراحه هاموت واكل
+
سارا راحت ناحيه دولابها واخرجت لبس ليارا : طيب خدى الطقم اهو وديه اوضتك على بال ما اصلى وننزل مع بعض
+
هى صح رهف فين؟
+
يارا: فى الاوضه بقولك شكلها فيها حاجه البت رهف دى
+
سارا: حاجه ايه!!
+
يارا بشك: مش هاقول دلوقتى الا لما اتأكد الاول
+
سارا: طيب يلا بقه عشان نزل ناكل عشانى انا كمان جعانه
+
يارا: ماشى سلاموز يا سوسو
+
وفى غرفه كانت نايمه وبتفكر فى كل ما حصل اليوم فجاه
+
يارا بصوت عالى: رهف انتى نمتى
+
رهف:ادعى عليكى يعنى دلوقتى ولا اعمل ايه حد بيدخل على حد بالطريقه دى
+
يارا بدلع: واهون عليكى يا هوفه لما تدعى عليا
+
رهف: اهو اريح من العريس اللى جاى بعد شويه من ده كلامك
+
يارا: اكيد بس مش لدرجه انك تدعى على اختك حبيبتك
+
رهف: خلاص ايام سورى
+
يارا بنرفزه بسيطه: طب يلا يا هانم اطلعي بره عشان هاقيس الفستان ده عندك هنا
+
رهف: ههههههههه والله اختى مجنونه ياناس
+
وذهبت اليها وقبلتها) انا هانزل تحت
+
يارا: رهف لما يحطوا الاكل نادى عليا
+
رهف: اوك يا رورو
+
*********ريهام*******
+
وفى مكان تانى على النيل كان يجلس شريف يسرح بخياله
+
ليوم العرس وكان واقف هنا ايضا وكان بيفكر ازاى هيتجوز واحده محباهاش ولا هى حبته لكن اليوم كان بيفكر بانه ازاى كان بيعاملها بالطريقه دى مره يكون هادى الطباع ومرات يكون غضبان ومتنرفز على اقل شىء
+
ايه اللى بعمله ده هى برضه ما تستحقش كل ده .. بس انا عادى زى اى راجل بيروح الشغل ويجى يرتاح شويه وبعدين ينزل ليسهر مع اصحابه .... طب هى فين من ده كله صح من ساعه ما جينا وانا حتى ما خرجتهاش خالص
+
وهنا قطع صوت تفكير هاتفه وكان المتصل والدته
+
شريف: السلام عليكم
+
صفيه: وعليكم السلام ايه يا شريف انت فين يابنى
+
شريف: فى مشوار ياماما مع واحد صاحبى فيه حاجه
+
صفيه: اه ياحبيبى مش هاتيجى عشان تاكل
+
شريف: طيب هاجاى هى سارا نزلت
+
صفيه: لا يا حبيبى ما نزلتش هى فوق مع اخواتك
+
شريف: طيب ثوانى وهاجاى ان شاء الله
+
صفيه: طيب سوق براحه وخلى بالك على نفسك
+
شريف: سيبها على الله يا امى
+
صفيه: ونعم بالله يا حبيبى مع السلامه
+
وهنا نزلت سارا وهى مبتسمه وكأنها بالفعل هاتبدى يوم جديد
+
سارا: ماما مش عايزانى اعمل معاكى حاجه
+
صفيه: لا يا حبيبتى عايزه سلامتك
+
سارا بتلتفت بجانبها فى كل مكان
+
صفيه خدت بالها منها: كلمته وقالي جاى بالسكه
+
سارا اندهشت من والده شريف انها اخدت بالها فخجلت منها وقالت : ماشى ياماما
+
يارا نزلت من علي السلم فراحت ليهم وقالت : ها يا ماما الاكل جهز؟
+
صفيه : ايوه بس مش هناكل دلوقتي , اخوكي زمانه جاى
+
يارا : طيب تعالى نقعد بره يا سارا لحد لمايجى
+
صفيه: جهزتى نفسك بصحيح يا يارا
+
يارا: اه اه ياماما جهزت نفسى
+
صفيه: يارب يعدى اليوم على خير
+
يارا: اللي عاوزه ربنا هيكون
+
رهف اول ما شافتهم واقفين وبيتكلمو راحت ليهم تشاركهم فقالت بسخريه :اقولك حاجه يا مامتي يا حبيبتي انتي , انا مش متفائله
+
صفيه: بت يارهف اطلعى انتى بذات من نافوخى انا بقولك اهو
+
رهف: والله حلوه ازاى يعنى يامامتى ياحلوه ادخل فى نافوخك اه انا قصيره بس برضه ما ينفعش انى ادخل اساسا
+
صفيه بصوت عالي: سارا يارا خدو البت دى واطلعوا بره ولما احط الاكل على السفر ابقى اندهلوكم
+
سارا ويارا : ههههههههههههه طب تعالى يارهف
+
رهف: ايه البيت ده انا مش عارفه ولا عجبهم هزار ولا عجبهم نكد حاجه عجيبه
+
سارا وهى خارجه وجدت شريف داخل من بوابه الفيلا بالسياره فطبعت على شفايفها ابتسامه رقيقه
+
يارا لكزتها وقالت بهمس : ايوه ياعم شريف اهو جالك اهو
+
رهف بفضول قالت : ليه هو فى حاجه
+
يارا شدت اختها وقالت :رهف حبيبتى تعالى نروح نقعد على الكرسى ده عشان انا حاسه بيكى انك تعبانه
+
رهف بهزار : لا والله تعبانه اه اصدقى طب يلا
+
شريف نزل من سيارته واتفاجاه بها خارج الحديقه
+
سارا بابتسامه راحت ليه وقالت :ايه يا شريف اتأخرت كده ليه
+
شريف مستغرب من طريقه كلامها اومال ايه اللى كانت بتقوله لاخته
+
شريف: معلش اصل واحد صاحبى كلمني وكان عاوزني فى موضوغ كده , المهم ماما حضرت الاكل
+
سارا: لسه ,, قربت منه وقالت بهمس : تعالي نطلع علشان تغير هدومك لحد ما الاكل يجهز
+
شريف بدون تفكير قال : لا خليكي انتي انا هطلع وانتي روحي اقعدي مع اخواتي البنات
+
سارا بنظره غضب: طيب زى ما تحب بعد اذنك
+
شريف غمض عيونه للحظه وقال : ايه اللى انا هببته ده ما هى اهى كانت كويسه وبتتكلم معايا عادى
+
يعنى مش زعلانه طيب اعمل ايه انده عليها ولا ايه
+
لا بالليل ابقه اقعد معاها ونشوف الموضوع ده اخرته ايه
+
وفى الليل
+
كانت البنات مع يارا فى غرفتها لترتدى ملابسها علشان مقابله العريس اللي متقدم ليها
+
سارا: وارينى كده ماشاء الله عليكى الفستان هاياكل منك حته يا رورو
+
يارا بتوتر وهي بتفرك فى ايدها قالت : بجد يا سارا , امال ليه حاسه اني اوفر
+
سارا : لا طبعا مكياجك رقيق ومفيش افوره حتي اسألي رهف
+
رهف بدعابه : بصراحه مزه يا بت يا يارا , وانا لو منه اخد ديلي فى سناني واخلع من اللي هيجرالي منك
+
يارا وقامت بضرب رهف: اصدقى انك فاضيه وانا غلطانه انى خليتك تتدينى رايك
+
رهف: هههههه خلاص حقك عليا
+
سارا : تعرفى احسن حاجه ايه انك دارتي شعرك .
+
يارا: منا اشترط علي ماما امبارح , وعرفتها اني هطلع بطرحتي ياما مش هطلع ليه اصلا
+
سارا: ان شاء الله ربنا يهدى الحال ويقدملك اللى فيه الخير
+
يارا: يارب بس حاسه قلبى مقبوض
+
سارا: عشانك خايفه بس ومتوتره وما تنسيش انى كنت كده يوم كتب الكتاب
+
رهف: ههههههههه اه والله انتى كنتى مسخره يا سارا اللى يشوفك ساعتها ما يشوفكيش دلوقتى مع شريف
+
سارا بنظره من رهف لتسرح بعقلها: اه صح
+
وهنا جاءت والدتها : ها يا بنات جاهزين
+
بسم الله ماشاءالله ايه يا يارا الحلاوه دى
+
سارا: ماقولتش حاجه انا من عندى اهى ماما كمان قالتك بنفسها
+
صفيه: طب يلا يا بنات عشان الناس جم تحت يارا مش هاوصيكى تتكلمى بكل احترام مع الناس وبلاش الهزار عمال على بطال ده معاهم ماشى
+
ياربنرفزه : طيب
+
صفيه: وانتى يا رهف هانم مش هاوصيكي انتى بذات لماضه انا مش عايزه
+
رهف بسخريه قالت وهي تضع ذراعيها علي كتف مامتها : هههههه طب افرضى هما عايزين يا صفصف اعمل ايه هاا
+
صفيه: يارب صبرنى عليها
+
رهف: سارا يارا ادعوا مع ماما وقولوا يارب
+
البنات: هههههههههه يارب
+
ونزلوا كلهم لاسفل
+
يارا كانت قلقانه جدا ومحرجه اكثر
+
صفيه: يالا ادخلى مستنيه ايه
+
يارا محرجه: طيب حاضر
+
صفيه: سارا رهف يالا ادخلوا وهاتوا البت دى معاكو
+
سارا: هو لازم احنا
+
صفيه: يا سارا ما سميره مننا وعلينا وكمان عارفاكى يالا بقه
+
سارا : يارا اتفضلى واتوكلى على الله
+
يارا توكلت علي الله ودخلت اليهم فى الصالون وقالت بخجل : السلام عليكم
+
كلهم: وعليكم السلام ورحمه الله وبركاته
+
سميره مامت العريس: اهلا بعروستنا تعالى يا ريرى اقعدى جمبى
+
يارا نظرت لوالدتها وهزت راسها بالموافقه: احم حاضر
+
سميره: ازيك يا سارا وانتى يا رهف عاملين ايه
+
سارا ورهف: الحمد لله
+
سميره: ومامتك يا سارا عامله ايه
+
سارا: الحمد لله كويسه يا طنط
+
سميره: ابقى سلمى عليها
+
سارا: ان شاء الله يوصل
+
تامر: وجمال اخباره ايه يا سارا
+
سارا نظرت لشريف : الحمد لله كويس
+
تامر: هو بطل يروح النادى ولا ايه , كل ما بروح ما بشفهوش
+
سارا بخجل ردت وهي عيونها علي شريف اللي كان قاعد علي اخره من كلام تامر مع مراته فقالت : احم مش عارفه والله اكيد مش فاضى عشان الشغل
+
تامر: طب ما يوم الجمعه اجازه
+
شريف بنرفزه: ايه ياتامر انت جاى تتكلم مع يارا ,, ولا سارا مراتي
+
تامر باحراج وينظر الى يارا: انا اسف اصلى جمال وحشنى جدا وبقالى مده ما شفتهوش ,, فقلت اسأل عليه مدام اخته موجوده
+
شريف بغضب: ابقى روحله البيت ارحم واسهل برضه
+
وينظر لسارا بمعنى انها تخرج
+
وسارا اخدت بالها وبالفعل قامت واستئذنت منهم
+
سارا: بعد اذنكم
+
محمد :منوارين يا جماعه والله
+
سميره: ده نورك يا حاج والله ,,, نتكلم فى المهم بقه طبعا انتم عارفين ان تامر ابنى وحيدي وانه محامى وعنده مكتب والده الله يرحمه وفتحه كمان والحمد لله هو جاهز يعنى لو قولتو بكره يتجوزو مش عندنا مانع
+
محمد: طبعا طبعا ربنا يحفظهولك
+
سميره : وانتم عارفين ان الفيلا كبيره وتسع من الحبايب الف وان شاء الله هايقعدو معايا ها قولتلوا ايه
+
محمد:واحنا ما قولناش حاجه كل الكلام كويس وكمان انتم ناس محترمه اوى وكفايه المرحوم والد تامر كنا علي معرفه بيه
+
سميره: يعنى افهم من كده انكم موافقين ونقرا الفاتحه
+
يارا وهى فى توتر ملحوظ ولاحظه والدها عليها
+
محمد:قرايه فاتحه ايه مش لما الاول ناخد راى العروسه ده جواز يا ام وليد ولازم طبعا توافق
+
سمير بتبص ليارا جنب منها وقالت : توافق ليه هى يارا مش موافقه ولا ايه
+
محمد: انا ماقولتش كده احنا قولت نديها فرصه عشان تفكر ده برضه جواز وعشره
+
سميره: طيب على العموم تفكر زى ما تحب واحنا برضه تحت امركم من ايدكم دى لايدكم دى
+
محمد: الامر لله وحده
+
وهنا رن هاتف رهف وكان المتصل احمد
+
ورهف اتخلجت جدا وقامت استئذنت منهم وخرجت مسرعا الى الحديقه ووجدت سارا بها
+
رهف: سارا انتى بتعملى ايه هنا لوحدك
+
سارا بسخريه : هاكون بعمل ايه يعنى بشم الهوا
+
رهف: طيب
+
سارا: ايه الاخبار جوا
+
وهنا رن الهاتف لثانى مره وهى ارتبكت جدا
+
سارا: ايه مالك متوتره ليه كده
+
رهف بارتباك: ها مفيش اصلها البت منه وانا مش فاضيه لرغيها دلوقتى
+
سارا وجدت شريف واقف على باب الفيلا الداخلي وبينظر اليها
+
سارا: طيب هاروح اشوف شريف
+
رهف: طيب وهنا فتحت رهف الاتصال
+
رهف: السلام عليكم
+
احمد: وعليكم السلام انتى مش فاضيه ولا ايه
+
رهف: حاجه زى كده فيه حاجه
+
احمد: ايه يا رهف بتتكلمى كده ليه حد جمبك
+
رهف: لا محدش انا بتكلم من الجنينه بره
+
احمد: اومال مالك
+
رهف: مش عارفه حاسه اللى بنعمله ده حرام
+
احمد: حرام هو ايه اللى بنعمله يا رهف
+
رهف: انك تتصل وانا ارد عليك وانا مش متعوده على انى اكلم ولاد
+
احمد: ماهو ده اللى عجبنى فيكى بصراحه
+
رهف: طب وايه اخره الكلام داهون
+
احمد: هههههههههه داهون حلوه دى
+
رهف: احمد انا مش بهزر
+
احمد: فى ايه يا رهف انتى اتغيرتى كده ليه ما كنتى الصبح كويسه وطبيعيه
+
رهف: مش عارفه بس خايفه ان اهلى يعرفوا هاتبقى مصيبه
+
احمد بعصبيه : طيب يعنى ما اتصلش بيكى تانى اوكيه وانا مش هاتصل وفرصه سعيده جدا انى اطمنت عليكى
+
رهف مسرعا: احمد استنى انت بتقول ايه انا مش قصدى كده
+
احمد: رهف اومال قصدك ايه بعد كلامك ده ماهو مفيش غير كده
+
رهف: انت شكلك زعلت
+
احمد: لا والله يعنى تقولى الكلام ده والاخر ما ازعلش ليه هو انا تلاجه ولا ايه
+
رهف: طيب ما تزعلش بجد انا اسفه لو اتكلمت معاك وحش
+
احمد: ولا يهمك بقولك انا هاقفل دلوقتى عشان معايا ويتنج مهم
+
رهف : ويتنج وياترى مين
+
احمد: اشمعنى بتسألى يهمك
+
رهف: اممممممم
+
احمد: ده عماد صاحبى اكيد بيتصل عشان يشوفنى عملت ايه
+
رهف: اه عشان السفر
+
احمد: يعنى انتى عارفه انى هاسافر اهو
+
رهف: امممم عرفت من سارا بالصدفه امبارح
+
احمد: طب كويس تحبى اجبلك حاجه من هناك
+
رهف: هو انت هاتسافر بجد
+
احمد: لا بهزار
+
رهف: بتكلم بجد يا احمد
+
احمد: ان شاء الله لما باقيه الاوراق تجهز على طول هاسافر
+
رهف: وهاتقعد كتير
+
احمد: ان شاء الله احتمال 3 شهور او 6 ويمكن اكثر حسب المناخ هناك
+
رهف بحزن : طيب عايز حاجه
+
احمد: انتى باين عليكى انك زعلانه ياترى عشان مسافر ولا حاجه تانيه
+
رهف: انت شايف ايه
+
احمد: بصراحه مش شايفك عشان اقولك بس ممكن ماسفرش بس بشرط
+
رهف بفرحه: بجد شرط ايه
+
احمد: انى اسمعها منك تقوليلى ماتسفرش يا احمد
+
وانا مش اسافر
+
رهف بخجل: احم احم
+
احمد: ههههههههه اموت واشوفك دلوقتى وانتي مكسوفه كده
+
رهف: بعد الشر عليك
+
احمد: رهف بجد انا مش قادر منك يعنى رايحينى وقوليلى اسافر ولا ايه
+
رهف بحب: تؤ تؤ ماتسافرش
+
احمد: وعشان كده انا مش مسافر يا احلى رهف فى دنيتى كلها
+
رهف: بجد يعنى هاتقعد
+
احمد: امممممم
+
رهف: طب انا كمان ليا عندك طلب ممكن
+
احمد: ياخبر ابيض انتى تؤمرى يا رهوفتى
+
رهف:عايزاك تنزل الشركه وتمسك الشغل هناك
+
احمد: نعم شغل ايه هما موصينك عليا انتى كمان ولا ايه
+
رهف: انا بتكلم بجد انا عايزاك تنزل تشتغل ,, علشان حاجات كتير , وبصراحه مش هقدر اتكلم اكتر من كده
+
احمد:طيب انا ممكن افكر فى الموضوع
+
رهف: طيب فكر على راحتك بقولك هافقل دلوقتى لاحسن شكل الضيوف ماشين سلام
+
احمد: هههههههه اوكيه سلام
+
سهير: ميدو انت قاعد مش هاتنزل
+
احمد: لا يا هير مش نازل فيه حاجه
+
سهير: انا شيفاك بقالك مده متغير مش احمد اللى عارفاه
+
احمد وقف من سريره وقال : لا ابدا يا ماما انا تمام , المهم بابا فينه
+
سهير: فى المكتب يا حبيبي , لو عايز ايه فلوس انا اديلك
+
احمد: لالالا مش عايز فلوس عايزه فى حاجه تانيه
+
سهير: طيب انزله تحت , ولو احتاجتني هتلاقيني فى اوضتي
+
احمد: ماشى
+
*******ريهام*******
+
بعد ذهاب سميره وابنها تامر الى منزلهم
+
كانوا فى بيت محمد بيتكلموا
+
صفيه: ايه رايك يا ابو عمر بقه
+
محمد: بصراحه انا معنديش مانع بس المهم مش رأينا المهم راى يارا هى اللى هاتتجوز مش انا ولا انتى
+
صفيه: طيب وانت ياعمر ايه رايك
+
عمر: ربنا يقدم اللى فيه الخير يا امى
+
صفيه: ده اللى قدرك عليه ربنا
+
عمر: مااهو قالك بابا احنا مش مهم رأينا المهم راى يارا هى فين صحيح
+
صفيه: انا عارفه رهف روحى شوفى فين اختك
+
رهف :ـــــــــــــــــــــــــ(فى عالم ثانى)
+
صفيه: بت يا رهف مش سمعانى
+
رهف: ها انتى بتكلمينى يا ماما
+
صفيه: يعنى القيها منك ولا من اختك يارب عوض عليا عوض الصابرين
+
رهف: طيب هاروح اشوفهالك
+
عمر: هههههههه يعنى كنت سمعه ومطنشه
+
رهف: هههههههه احم احم بقولك ايه اطلع منها انت يا حقنه
+
عمر: انا برضه اللى حقنه ماشى
+
محمد: هو شريف راح فين
+
عمر: طلع فوق هو ومراته
+
محمد: ربنا يهديهم على بعض
+
صفيه بتبص علي عمر وقالت : ويهدى الى فبالى ويريحنى ويتجوز هو كمان
+
عمر عامل نفسه مش سامع: هاقوم اشوف ملك حبيبتى
+
محمد: انتى دايما كده
+
صفيه: عايزه افرح بيه يا ابو عمر الواد ده تعبان وقرفان بس بيكابر
+
محمد: طب سيبه على راحته انتى بس
+
صفيه: طيب ايه مش هاتقوم عشان ترتاح
+
محمد: اه وانتى هاتطلعى معايا
+
صفيه: لا هاروح اشوف يارا
+
محمد: يا صفيه سيبها شويه مع نفسها تفكر , بلاش سربعه الوقت لسه كبير
+
صفيه: طيب يالا بينا احنا
+
وفى غرفه يارا (المرسم)
+
رهف: يارا انتى هنا
+
يارا: لا هناك ها انجزى عايزه اركز شويه فى الصوره
+
رهف: بقولك ايه رايك فى تامر
+
يارا: بصراحه مش عجبنى شكله كده مامته هى اللى بتحركه
+
رهف: وده ازاى عرفتيه
+
يارا: ماهو باين يا حاجه انتى ما اتخديش بالك انها هى اللى كانت بتتكلم وهو ما قالش كلمه
+
رهف: لا نطق لما كلم سارا صح اخدتى بالك لما شريف بص لسارا
+
يارا: اه مش جوزها وبيغير عليها
+
رهف: بيغير لالالا اكيد سارا دى عملت حاجه لاخويا انا الصبح ابقه اسألها
+
يارا: بقولك ايه سبينى بقه اخلص الرسمه بقالى اسبوع شغاله فيها
+
رهف وبتنظر بدقه للصوره: مين اللى فى الصوره ده
+
يارا: مش عارفه بس جه فى خيالى ولقتنى بارسمه
+
رهف: ههههههه بت يا يارا اوعى يكون الموز بتاعك ومش عايزه تقولى
+
يارا: ايه الكلام بتاعك ده وايه كمان موز دى وانتى عارفه انى مش بتاعه كده
+
رهف: هههههههه الله يكون فى عونه اللى هاتكونى من نصيبه
+
يارا: وليه ماتقوليش يا بخته يا هناءه
+
وهنا رهف افتكرت نفس الكلام مع احمد
+
يارا: ها روحتى فين
+
رهف: ها معاكى طب قوليلى اكيد فى بالك حد معين يعنى عايزه يكون شكله ايه
+
يارا: مش مهم الشكل والمظهر المهم يكون صادق ووافى ومحترم
+
تعرفى لما كنت فى الثانوى كنت بعجب اوى بجمال اخو سارا وكنت بقول لنفسى ياريت اكبر واتجوزه بجد هو انسان ممتاز جدا زى اخوكى شريف وعمر كده مافيش حد دلوقتى فى الزمن ده بالطريقه دى
+
رهف بدون شعور: طب واحمد ايه رايك فيه
+
يارا بنظره لرهف: احمد مين
+
رهف: احم اقصد احمد اخو سارا
+
يارا: امممممممم تعرفى انا بشبه بتامر ده
+
رهف بنرفزه: ايه بمين لالالا اكيد احمد احسن واحلى مليون مره
+
يارا دققت عيونها وقالت بشك : رهف انتى مالك اتنرفزتى كده ليه؟
+
رهف بارتباك : ها انا لالالا اكيد بيتهايقلك بقولك انا رايحه انام احسن
+
يارا: اوك اصبحى على خير
+
وفى غرفه سارا وشريف كان هناك شجار هادى فيه شد وجذب بين الطرفين
+
شريف: سارا ما تنرفزنيش
+
سارا: انت اللى متعصب وانا مالى انا معلملتش اى حاجه ليك
+
شريف: يعنى عماله تتكلمى وتضحكى مع اللى اسمه تامر ده وتقولى ماعملتش حاجه اومال مين اللى عمل ده كان بيتكلم معاكى اكتر ما اتكلم مع العروسه نفسها
+
سارا: وانا مالى اساسا هو اللى كان بيتكلم مش انا وكمان انا ماكنتش عايزه اقعد مامتك هى اللى اصرت
+
شريف: طيب خلاص اقفلي على الموضوع ده
+
سارا بتحدى: لا انا مش هاقفل وعايزه اعرف انت مالك فيك ايه متغير ليه كل يوم بشكل
+
شريف بنرفزه: سارا ماتخلنيش اتعصب اكتر من كده فياريت تقفلي باب المناقشه دلوقتى احسن
+
سارا: وانا بقولك انا مش هافقل حاجه وعايزه افهم دلوقتى انت مالك انا زعلتك فى حاجه قولي مش تسبنى كده
+
شريف: يعنى مش عايزه تسكتى وتهدى
+
سارا: ليه شايفنى بشد فى شعرى
+
شريف: سارا بقولك ايه اتكلمى كويس لاما
+
سارا: ايوه لاما ايه ممكن تضربنى يعنى
+
شريف: سارا ماتخلنيش اغلط ايه الى حصل للانفعال دا كله
+
سارا: قول لنفسك انا ماعملتش اى حاجه خالص وبعاملك بما يرضى الله وانت مش ماعبرنى خالص ولا اكنى مراتك نهائى طول النهار شغل وبالليل سهر مع اصحابك لحد ما خلاص تعبت
+
شريف: اه قولى طلعى اللى فيكى يا ست سارا انا بعمل كده وايه كمان
+
سارا: شريف لو سمحت ما تتريقش عليا بكلامك انا لغايه دلوقتى عامله ليك احترام كبير
+
شريف: نعم يعنى ايه لو يعنى مش عملالى احترام كنتى عملتى ايه
+
سارا: اقل حاجه اسيبلك البيت وامشى
+
شريف: لا والله طب اتفضلى يا هانم مستنيا ايه حضرتك
+
سارا: يعنى انتى بتطردنى
+
شريف: مش انتى اللى مش عايزه تقعدى هنا اتفضلى
+
سارا بدون تفكير وعصبيه قالت : بس قبل ما امشى عايزاك تطلقنى
+
بدهشه قال : انتي بتقولي ايه , انتي واعيه للكلمه دي
+
سارا بحده اكتر : اه واعيه جدا علشان كده بقولك طلقني لاني ما بقتش طايقه العشيه معاك وانت بالشكل ده
+
شريف بصوت عالى : ماشى يا ست سارا : انتي ساااااااااااااااااااااااااااارا
+
ياترى حصل ايه
+
