رواية سهام الحب الفصل التاسع عشر 19 بقلم ريهام اسماعيل
+
شريف: سارا ماتخلنيش اطلع غلبى فيكى
+
سارا:غلب اكثر من كده لا طلعه عشان انا كمان خلاص مش قادره استحمل اعيش بالطريقه دى
+
شريف بصوت عالى : ماشى يا ست سارا انتى ساااااااااااااااااااااااااااارا
+
سارا ما قدرتش تسمع الكلمه وقبل ما يقولها اغم عليها
+
شريف اقترب منها وبخوف:سارا سارا فوقى حقك عليا سارا
+
ذهب فتح الغرفه وطلع الدور وفضل ينادى على حد فوجد عمر خارج من غرفته
+
شريف بصوت عالى: عمر الحق سارا اغم عليها ومش عارف اعمل ايه بسرعه انده حد
+
عمر: طيب اهدى اهدى انت بس هاروح اشوف ماما
+
وذهب عمر ودخل غرفه البنات ويارا اول ما سمعت ان سارا اغم عليها تركت كل شى وذهبت مسرعا الى غرفتها وكانت رهف داخل الحمام
+
يارا: مالها سارا يا شريف
+
شريف بنرفزه: انتى هاتسألى يالا تعالى فواقيها ولا حاجه
+
يارا ذهبت اليها على السرير واحضرت البرفن لكن سارا مازالت لا تفوق
+
يارا: شريف اتصل بالدكتور بسرعه ونادى على ماما
+
خرج مسرعا شريف وجد اخاه واقف على باب الغرفه
+
عمر: ها فاقت ولا ايه
+
شريف مازال متماسك:لا لسه اومال ماما فين
+
عمر: فى اوضتها اروح انده لها
+
شريف: بسرعه يا عمر الله يخليك ... مش عارفين نتصرف
+
وعمر ذهب ينادى على والدته وبالفعل حضرت الام الى غرفه شريف فاوجدت يارا بتغير لساار ملابسها
+
صفيه: فيه ايه سارا مالها حصل ايه
+
شريف: مش وقته ياماما سارا مش عايزه تفوق وانا قلقان اوى عليها
+
صفيه: اتصلت بالدكتور
+
شريف: اه وقالى جاى فى السكه
+
صفيه: طب اطلع بره اهدى شويه
+
شريف: مش قادر يا امى
+
فخرج خارج الغرفه ووجد باباه واقف هو وعمر اخاه
+
عمر: تعالى اهدى شويه وان شاء الله سليمه
+
محمد: انا مش هاسألك حصل ايه دلوقتى الا لما اطمن عليها الاول
+
شريف نظر لوالده وفى سره اقوله ايه انى انا السبب فى اللى حصل لسارا وكنت ها... لالالا انا ازاى كنت هاعمل كده انا حبتها اه حبتها ومقدرش ابعد عنها
+
وهنا فاق من شروده على مجىء الدكتور وذهب اليه مسرعا
+
شريف: دكتور الله يخليك بسرعه مراتي اغم عليها ومش عاوزه تفوق
+
الدكتور : طب اهدى بس يا شريف وان شاء الله تكون بخير
+
شريف: طب بعد اذنك ثوانى وهادخلك
+
شريف دخل غرفته وقال ليارا ان الدكتور وصل وقالها انها تلبس سارا الحجاب
+
شريف خرج : اتفضل يا دكتور
+
الدكتور دخل عند سارا وكشف عليها وطلع هاتفه واتصل بالمستشفى تحضر غرفه العمليات
+
صفيه: ليه يا دكتور هى سارا مالها وعمليات ايه
+
الدكتور: المدام بتنزف , وتقريبا كده اجهضت مضطرين نعملها تنظيف ومش هينفع هنا
+
صفيه وبضربه على صدرها قالت : اجهاض هى كانت حامل !!
+
الدكتور: انتم ماكنتوش عارفين ولا ايه
+
يارا بحزن علي صديقه عمرها : لا يا دكتور اول مره نعرف من حضرتك
+
وخرج الدكتور ونظر الى شريف اللى كان واقف خارج الغرفه قلقان
+
شريف: خير يا دكتور فاقت
+
الدكتور: للاسف حصل عندها نزيف وطلبت المستشفى عشان يحضرو غرفه العمليات
+
شريف مستغرب: عمليات ليه هى مالها
+
الدكتور: للاسف اجهضت
+
شريف مش مصدق: نعم اجهضت يعنى هى حامل
+
الدكتور: للاسف كانت وحصلها نزيف نتيجه انهيار عصبى واجهاد شديد وكمان شكلها عندها انيميا
+
شريف كان واقف مندهش وكان غضبان من نفسه كثير
+
محمد: معلش يابنى ربنا يعوض عليكم انتم لسه صغار
+
عمر: شريف هدى نفسك ربنا يعوض عليكم ان شاء الله
+
شريفبحزن : عمر روح حضر العربيه بسرعه
+
وشريف دخل الى غرفته وجدها نايمه ومازلت فاقده الوعى
+
صفيه بدموع قالت : حبيبي يابني , كله مقدر ومكتوب يا حبيبي وان شاء الله ربنا هيعوضكم بغيره
+
يارا : هاروح اغير هدومى عشان اجاى معاكو
+
رهف خرجت من الحمام وكانت بتددن اغنيه لعمرو دياب
+
فوجدت حركه غربيه فى غرفه شريف وسارا ووجدت يارا خارجه منها والدموع بعيونها فاذهبت اليها
+
رهف: يارا فى ايه مالك انتى بتعيطى ليه
+
يارا: سارا يا رهف
+
رهف بخضه : مالها
+
يارا: اغم عليها واجهضت
+
رهف: ايه اجهضت هم مش الحوامل هما اللى بيجهضوا
+
يارا: ايوه ماكانت حامل ومحصلش نصيب اوعى بقه خلينى اروح البس
+
رهف: طب استنى هاجاى معاكم ان كمان
+
يارا: هو احنا رايحين راحله خليكى هنا عشان ملك لان اخوكى عمر هايجى اكيد معانا
+
رهف: طيب ابقى طمنينى ماشى
+
يارا: ان شاء الله
+
وذهبت يارا الى الغرفه ووجدت شريف قام بحمل سارا ونزل بها خارج الفيلا ووضعها داخل السياره وجلست بجوارها يارا وانطلق بها واخاه عمر اخذ والدته وركب سيارته وانطلقوا بها الى المستشفى
+
********ريهام******
+
فى مكان ثانى
+
(فيلا شوقى والد سارا)
+
احمد: بابا انت فاضى عايز اتكلم مع حضرتك فى موضوع
+
شوقى: تعالى يا احمد ادخل ها عايز كام
+
احمد اتناهد: يابابا انا مش عايز فلوس انا عايز حاجه تانيه
+
شوقى ساخرا : من امتي وانت ما بطلبش فلوس
+
احمد بنرفزه قليله: يابابا بقول لحضرتك انا عايز اتكلم فى موضوع معاك
+
شوقى نظر الى ابنه فاوجده متنرفز: اتفضل خير بس بسرعه عشان مش فاضى
+
احمد: انا عايز اتجوز
+
شوقى واكنه مش مستوعب : تتجوز حلوه دى جديده عليك
+
احمد: يابابا انا بتكلم بجد انا عايز اتجوز فعلا
+
شوقى: نعم يا استاذ احمد تتجوز ازاى يعنى مش لما الاول تتشتغل ولا هاتجيبها وتقعدها هنا معانا وبدل ما اصرف عليك اصرف عليها هي كمان
+
احمد زاذ فى توتره: يابابا لو سمحت انا ماقولتش كده
+
شوقى: اومال قولت ايه اروح واحط ايدى فى ايد الناس وبعدين يسألونى ابنك بيشتغل ايه اقولهم ابنى ما بيشتغلش ولسه بياخد مصرفه منى ومن امه
+
ولا استنى استنى يوكنش مراتك اللى هاتصرف عليك بفلوسها او بفلوس ابوها يا وله هاا
+
احمد صبره نفذ: بابا ايه اللى حضرتك بتقوله ده ازاى يعنى تصرف عليا انا راجل يابابا
+
شوقى بسخريه: طب اهدى يا سيدى شويه راجل ازاى وانت مش بتشتغل ولا قادر تفتح بيت
+
احمد بنرفزه :بابا دى مش طريقه تفاهم خالص
+
شوقى: كمان هاتعلمنى اتكلم مع سيادتك ازاى انت فعلا ولد مش متربى وانا مربتكش خالص واتفضل امشى من قدامى لاحسن صبرى بدا ينفذ منك
+
وهنا جاءو على شجارهم وصوتهم العالى والده احمد واخاه جمال
+
سهير: فى ايه مالك يا ابو جمال فى ايه يا ميدو
+
شوقى بسخريه: ميدو اهو سامع بنفسك انت اسمك ايه
+
جمال: فيه ايه بس يابابا
+
شوقى: البيه بيدينى درس فى طريقه انى اتكلم معاه قولهم انت كنت عايز ايه ما تقول يا بيه ولا مكسوف يا سى ميدو(وتركهم وخرج)
+
سهير اقتربت من احمد وطبطبت عليه: مالك يا حبيب ماما فى ايه
+
احمد متنرفز: كفايه بقه دلع كفايه انا خلاص زهقت وهريحكم منى خالص
+
(وخرج من البيت مسرعا واتجه الى سيارته وركبها وانطلق بها)
+
جمال جرى وراه علشان يشوفه : ركب العربيه ومشى بيها بسرعه
+
سهير جت وراه بتجرى وقلقانه : يالهوى ليعمل فى نفسه حاجه
+
تعالى نشوف ابوك وايه اللى حصل
+
صعدوا الى اعلى ودخلوا الى غرفه شوقى
+
وقال لهم عما جرى
+
*********ريهام********
+
وفى المستشفى
+
كان واقف خارج غرفه العمليات غضبان من نفسه عما بدر منه تجاه زوجته
+
عمر: شريف تعالى اقعد هاتفضل واقف لاكده كتير
+
شريف لم يرد عليه
+
صفيه: عمر تعالى يابنى وسيب اخوك فى اللى فيه
+
بقولك اتصل بعمك شوقى وقولهم ليزعلوا مننا يابنى
+
عمر: هايزعلوا ليه دى مصبتنا احنا مش هما
+
صفيه: ايه اللى بتقوله ده , دى برضه بنتهم ياعمر واكيد هايزعلوا عليها واكثر منا كمان
+
يارا: كلام ماما مظبوط ياعمر اتصل بيهم وقولهم
+
وبالفعل عمر اتصل بهم وقال على اسم المستشفى
+
وخرجت من غرفه العمليات وهو ذهب ورائها لحد ما دخلوها اوضه عاديه
+
صفيه: عمر روح نادى اخوك يابنى ما ينفعش يكون عامل كده
+
عمر: حاضر ياماما
+
ودهب عمر لينده على شريف ولسه هيدخل الغرفه نظر له شريف بنظره انه ما يدخلش لشان سارا كانت بلبس العمليات وبشعرها .. وخرج شريف بنفسه اليه , بعد ما دخلت اخته يارا ليها فى الاوضه
+
عمر: ها ايه الاخبار فاقت
+
شريف بتعب شديد: لا لسه
+
عمر لقى اهل سارا جايين فى الممر الطويل فقال لشريف : اهل مراتك وصلوا
+
شريف ساب اخوه ودخل لاوضه مراته وطلب من يارا تطلع بره وبعدين دور علي طرحه ولف شعرها بيها وجلس جنب منها وعمال يبص عليها بحنان واسف
+
سهير وهدي دخلوا الاوضه ولقوها نايمه من البنج
+
سهير بحزن : ياحبيبتى يا بنتى مالحقتيش تفرحى يا حبيبتى
+
هدى: ما تعمليش كده يا خالتى المهم تقوم بالسلامه وبكره العمر لسه بدرى قدمهم
+
شوقى دخل هو كمان وراح لشريف وقاله : هو انتم كنتم عارفين يا شريف انها حامل
+
شريفكان علي اخره من اللي عمله فيها فرد : لا
+
وهنا دخلت يارا
+
يارا: شريف الدكتور عايزك
+
شريف نهض مسرعا ليذهب الى الدكتور: خير يادكتور
+
الدكتور: الحمد لله عملنا اللازم , والرحم ما أتاثرش باللي حصل , بس المره الجايه ان شاء الله لازم يكون فى حذر اكتر من كده ويكون فى متابعه شهريه ليها
+
شريف بحزن : الله المستعان
+
الدكتور : انا كتبتلها علي علاج لازم تاخده فى مواعيده ولازم تتغذا كويس لاننا لاحظنا انها عندها انيميا حاده , هي مكنتش بتاكل ولا ايه ؟
+
شريف شرد بذهنه للحظه وابتسم بحزن وقال : لا كانت الايام الاخيره كانت بتاكل كتير , بس ما شكناش انها مكن يكون بسبب الحمل
+
الدكتور: حصل خير وان شاء الله ربنا يعوض عليكم باحسن منه
+
شريف: طيب بعد اذن حضرتك يادكتور
+
وخرج من غرفه الطيب وذهب الى غرفه زوجته فوجد والدها خارج من عندها وباين على وجهه الفرح
+
شريف بلهفه: خير ياعمى سارا فاقت
+
شوقى: اه الحمد لله الدكتورقالك ايه
+
شريف مسرعا الى غرفتها : بعدين يا عمى
+
ودخل وجدهم كلهم جالسين بجوارها فوجدها بتبتسم ليارا لكن اول ما شاهدته دارت وجهها للناحيه الثانيه
+
يارا قامت من على الكرسى
+
يارا: شريف تعالى اقعد جمبها
+
شريف بتوتر: لا خليكى انا هاروح اجيب لسارا هدوم
+
صفيه: شريف الدكتورقالك هاتخرج امتى
+
شريف التفت ونظر اليها فاوجد بعض الدموع تنهال على خدها بصمت فقال لامه :
+
مش عارف يا امى لسه ماسألتوش
+
وخرج شريف من الغرفه وسارا انهارت فى الدموع مره اخرى ولكن المره دى بشده
+
يارا: خلاص بقه يا سوسو احنا قولنا ايه الدموع دى مش كويسه عشان خاطر عيونك
+
وذهبت بجوارها وبتوشوشها
+
ولا شريف هايتجوز عليكى وحده اموره اخر حاجه
+
سارا نظرت اليها باسىء وادرات وجهها للناحيه الاخرى
+
يارا لمحت بذكاء ان ممكن يكون حصل الاجهاض بسبب انهم اتشجارو مع بعض
+
*********ريهام*********
+
ومن ناحيه اخرى وصل شريف الى الفيلا وكان باين على وجه علامات الاسى والحزن الشديد
+
واول ما لمحته رهف ذهبت اليه
+
رهف: ها ياشريف ايه الاخبار
+
شريف اكتفى : الحمد لله بقت كويسه
+
(وصعد مسرعا الى غرفته)
+
وانهار فى الصراخ وتكسير الاشياء الموجود فى اوضته
+
رهف: ايه ده يالهوى ليعمل فى نفسه حاجه
+
ورهف اتصلت باخاها وقالتله ان شريف بيصرخ فى غرفته
+
وحضر عمر وصعد مسرعا الى غرفه شريف وفتح الغرفه
+
عمر: ايه يا شريف ما توحد الله انت مش اول ولا اخر واحد مراته تجهض
+
شريف بصوت عالى: بس انا السبب ياعمر انا السبب ماكنش المفروض ازعقلها وكمان كنت كنت
+
(وزاد فى البكا مره اخرى )
+
عمر: طيب اهدى وحاول تتماسك عشان خاطرها وان شاء الله كله هايكون تمام
+
شريف: مش هاسامح نفسى ياعمر طول حياتى
+
عمر: يابنى ماتقولش كده واهدى بقه ويالا قوم خد دش سخن وغير هدومك عشان تروح لها المفروض تكون جمبها فى المواقف اللى زى دى
+
شريف نظر لاخاه واترمي فى حضنه وجلس يبكى فى حضن اخاه
+
يارا: عشان خاطرى لازم تاكلى
+
سارا: مش ليا نفس يا يارا
+
يارا: طيب بلاش خاطرى انا عشان خاطر ماما وطنط لتاكلى
+
سارا: يارا: قولتلك مش عايزه اكل
+
سهير: خلاص سيبها يا يارا على راحتها
+
صفيه: تسبها ايه يا ام جمال المفروض تاكل عشان الدم اللى نزل منها
+
سهير: والله انا اللي تعبانه ياام عمر ... اسكتى مش الواد احمد اتغير خلاص وقعد يتنرفز عليا وعلى ابوه وساب البيت
+
صفيه: يالهوى ساب البيت ليه ده كله ليه
+
سهير: والله ما اعرفش كنا لسه هانعرف من شوقى وعمر ابنك قالنا ان سارا فى المستشفى
+
صفيه: طب ماتتصلوا بيه واطمنى عليه
+
سهير: اتصلت كتير وماردش عليا خالص
+
سارا: هو مش بابا وافقله على السفر
+
سهير: اه وافق وخلاص كان بيحضر فى الاوراق معرفش ايه اللى حصل ولقتيه عمال يزعق وقالنا انا هاسيبلكم البيت وامشى انا قلقانه عليه كتير
+
وهنا دخل شريف ونظر الى سارا : السلام عليكم
+
كلهم معاده سارا: وعليكم السلام ورحمه الله وبركاته
+
يارا: اهو جالك اللى هايخليكى تاكلى
+
شريف: ليه هى مش عايزه تاكل
+
يارا: والله غلبتنى معاها واللى فى راسها انها مش جعانه
+
شريف :طيب قومى وانا هاكلها بنفسى
+
صفيه حبت تتركهم لوحدهم: سهير تعالى نروح نكمل كلامنا بره
+
يارا: خدونى معاكم انا كمان
+
سارا بارتباك : يارا انتى رايحه فين
+
يارا بتغمز لها: ثوانى يا سوسو وجايه
+
شريف قعد علي الكرسى مكان يارا وقال : ايه مش عايزانى معاكى انا ممكن امشى
+
سارا بتوتر: لو عايز اتفضل محدش هيمسك فيك
+
شريف بابتسامه: اااااااااااه يعنى بتردهالى
+
سارا: حاجه زى كده
+
شريف:طيب مش هاتاكلى
+
سارا:تؤ تؤ مش ليا نفس
+
شريف: بس انا عايز اكل لانى ما اكلتش خالص
+
سارا :طب ما تاكل حد حايشك
+
شريف: ما انا مش هاكل اللى لو كلتى اه ياحبيبتى ممكن يكونوا حاطين فيه سم ولا حاجه
+
سارا بنظره: اه عايزنى انا اللى ابتدى عشان اموت مش كده
+
شريف: ياسلام ما انا كمان هموت بعديكى
+
سارا بلهفه: بعد الشر عليك
+
شريف ابتسم لخوفها عليه: يعنى افهم من خوفك ده انك مسمحانى
+
سارا: تؤ تؤ انا ماقولتش مسمحاك
+
شريف: اه يعنى لسه زعلانه منى طب انااسف
+
سارا: طيب لو سمحت ممكن تسبنى لوحدى شويه
+
شريف: اشمعنى يعنى
+
سارا: كده لو سمحت عايزه اقعد مع نفسى شويه
+
شريف: يعنى مش هاتخافى
+
سارا: وهخاغ من ايه ان شاء الله
+
شريف: لا والله عمرك ما خوفتى اومال خوف ركوب الطياره ده ايه
+
سارا: دى حاجه ودى حاجه تانيه
+
شريف: طيب على راحتك انا هاقوم بس لو سمحتى ما تغبيش علييا وتندهينى بسرعه
+
سارا: لا روح انت وابقى تعالى بكره
+
شريف: اومال منين اللى هايبات معاكى
+
سارا: يارا انا اتفقت معاها انها هى اللى هاتبات معايا
+
شريف: ااااااااااااااه بس يارا روحت
+
سارا: نعم روحت ازاى !! وامتى دى قالتلى انها جايه تانى
+
شريف بمكر قال : اصدقى انى نسيت اقولك انى غمزتها عشان تخرج بره وبره هاتلاقى عمر هياخدهم ويروحوهم كلهم
+
سارا حاولت تقوم وقالت بحزن: طب وانا مين اللى هايبات معايا
+
شريف : مش قولتى انك مش بتخافى خلاص باتى لوحدك
+
سارا: شريف يعنى انتى هاتسبنى كمان
+
شريف كاتم الضحك: امممم اصلى عندى اجتماع بكره بدرى ولازم انام بدرى ها عايزه حاجه
+
سارا متنرفزه: شغل حتى وانا فى المستشفى
+
شريف: بتقولى حاجه يا سارا
+
سارا: لا اتفضل امشى
+
شريف: طيب سلام وهو خارج كان نفسه يضحك اوى على شكلها وفجاه
+
سارا بخوف : شريف الله يخليك ما تسبنيش هنا لوحدى ممكن تبات وتروح الشركه من هنا الصبح
+
شريف اخيرا : ههههههههههههههههههههههههههه
+
سارا: انت بتضحك على ايه
+
شريف: ههههههههههههه بصراحه عليكى ازاى يعنى تصدقى انى هاسيبك وامشى تبقى بتحلمى
+
سارا: ياسلام ما انت قلت عندك شغل
+
شريف:وانتى صدقتى
+
سارا: اممممم
+
شريف راح جنب منها وهمس جنب شفايفها : وانا مايهونش عليا اسيب روحى وقلبى وعقلى لوحدها فى المستشفى
+
سارا مش مصدقه: ايه انت قولت ايه
+
شريف بهزار: بقول ايه فى ايه
+
سارا: اللى قولته دلوقتى حالا انا ايه عندك
+
شريف اقترب منها اكثر وقبل طرف شفايفها : بقولك انك عقلى وروحى وقلبى وكل شى يا حبيبتي
+
سارا: لالالا اكيد انا بحلم انت متأكد انك شريف جوزى
+
شريف: ههههههههه لا انا حبيبك مش جوزك
+
سارا: يافرحتى بحبيبى اول مره اسمعه بيقول كلام حب يكون فى المستشفى
+
شريف: حبيبتى انا مش بعرف اقول كلام حب انا بكون حاسس بيه واكيد كنت مبينه ليكى ولا ايه
+
سارا ساخره : اممممممممممم مبينه اكيد لا يا روحى
+
شريف: اوعدك من اليوم ده وانا مش هاخليكي تندمى او حتى تبينى على وشك الجميل ده اى نوع الزعل ودا طبعا بعون الله تعالى
+
سارا: شريف انا بحبك اووووووووى
+
شريف عمل كل ده علشان ما يفكرهاش بموضوع اجهاضها لما عرف من باباها انها عيطت كتير بعد ما قالو ليها والدكتور حذره من اي تعب لها فقال : طب اعمل فيكى ايه دلوقتى عملين نقول كلام حب وحضرتك نايمه وشكلك زى القمر حتى وانتى تعبانه حتى مش هاعرف حتي وهمس فى ودنها بشىء وقح
+
سارا وجهها جاب مليون لون ولون علي كلامه
+
شريف قبل انفها وقال بحب : احبك وانتى طمطمايه كده يا رورو
+
وهنا الباب خبط واتفتح فجاه
+
ياترى منين
+
