رواية مقبرة الاحياء الفصل السابع عشر 17 بقلم سارة جعفر
البارت السابع عشر17
مقبرة الأحياء
الكاتبة ساره جعفر
بين الفقرات.
5
يا عذاب جروحنا يفت الگلب..
21
-كلارة: دنگ عينه الرجال وگطم حچايته مستحي يكملها ومستصعبها، ركض حرّ لسيارته شخطها وطلع ما مندل دربه چان ما يگدر يمشي على رجليه گد ما حيله مهدود أحس حيل الدنيا كله صار بيَّ ما ضل وره سيارته بس ترابها من سرعتها خفت تنگلب بي..
40
رجعت لوره دمعتي نشفت بعيني من الصدمه وفجر منهاره وفاقده ما تعرف شتتصرف طبو زلمنا يتراكضون للبيت كلهم على فرد طبه كل واحد ركض لمكان أسلاحه وما يردون على وحده العصبيه تارسه عيونهم يطلعون بأسلحتهم والهوسه والخبصه گابه
20
نزل ضيغم من الدرج يركض سواه خطوتين شهگت بخوف من شفت أسلاح شكبره بأيده ما يشوف من العصبيه طلع من البيت مستعجل شبه يركض، وائل أول الهدو وياهم وهل مره ما أستغربته لأن زلمنا بخويطهم من كبارهم لصغارهم هدو لأن مو هينه السالفه معيول على شرفهم..
52
فجر تفتر وتدعي يوصلون لوردة وزهراء مرة فقار تسكت بفروخها يبچون ويتصارخون ترضع بواحد وتسكت بالثاني گعدت بصفها أيدي على راسي التفت عليه عاگده حاجبها
15
زهراء: أگلچ هسه أنه كلشي ما أفتهمت خبصوها علينا خبص ولا واحد يرضى يسولف شني السالفه يمعوده؟
1
كلارة: وردة عد آل عريبي..
2
زهراء: يبووو عريبي الأغتصب منهم وحده مشتاق مو؟
18
كلارة: مو.
4
غمت گصتها بكل قوتها محترگ گلبها
-و وردة شني ذنبها؟ حتى مو من بناتهم ولا تگربلهم عفيه دنيا تضحك للمستهترات وتركض وره المسكينات والشريفات.
72
مسحت الدموع من عيوني وفجر محترگ گلبها لازمه راسها راح ينفجر وبيتنا خله من الزلم ضلن بس النسوان لأن كلهم راحو ويَـ حرّ أيدينا على گلوبنا لأن كلنا نعرف إذا صارت هده ودگات عشائريه شني يتبعها..
2
-ضيغم: كل مجموعة زلم منا بسياره أنه وقادر وجسام بنفس السياره وقادر يسوق لأن جسام هسه من عصبيته يسوي بينا حادث يفوتنا بقطار السيارات الگدامنا، كلنا النار مشتعله بگلوبنا أغلى شي على الإنسان شرفه وجريمه ينمس..
جسام يمسح بوجهه ويكت عرگ عيونه خابطه
-حرمه ولكم حرمه شلها غرض بخيستكم الچايفه، وحگ علي لو أنه منهم أطم روحي ما گدرو ياخذون حگهم بين العشاير والزلم والوادم كلها ونلصمو بفلسين هسه ذكرو ياخذون حگهم من حرمه، چا أشگد مخانيث..
40
ضيغم: والعباس أخو زينب أكبر مخانيث شافتهم عيني آل عريبي وصالح أبو شرده.
26
جسام: شايف هسه لو الزم عريبي بأيدي أسوي أربع وصل.
16
قادر: أستهدو بالرحمن بلكت نوصل للبت گبل لا يسوولها شي والنوب النا غير تصرف وياهم.
7
جسام: خاب قادر أنتَ تخوط بس الأستكان وعلي، لك بابا لمن جاينا الحچي مسافة الطريق لبيتنا ما أضمنلك البت كتلوها.
4
قادر: شمالك دومك مطنگر لا تتفاول واحچي حچايه بيها خير..
1
جسام: أحچي واقع أنه حبيبي، وما فرحان بأذيتها جاي أگلك البت هسه حالتها صعبه.
15
كلنا مفرفحين وما نسولف سوالفنا صياح، گلوبنا مجمره وكل تفكيرنا بحچاية الحجي الدرب بيناتنا مو كلش طويل بس صار علينا دهر، قادر يمشي كل سرعته وجسام يدگ على السياره ويزمخ
-خااااايب قاادر أستعجل!!
18
أتلفت أباوع للسيارات ولا وحده بيهن سيارة حرّ التفتت عليهم مستغرب وعاگد حاجبي
-حرّ وينه يمعودين ماهوَّ؟؟
8
التفت عليَّ قادر وهوَّ يسوق
-گدامنا.
بلعت ريگ بصعوبه من صارت عيني على الشارع والبيت الهيكل الصاير على جهه ما بي لا شبابيك ولا بيبان حياطين واگفه هندس أظلم وسنطه يكشش الروح ويكزبر الجلد منظره..
13
وگفت سيارة حرّ گدام البيت كلش، ونزل بسرعه باب سيارته ضل مفتوح وتفگته بأيده ملامحه مو كلش مبينه عندي بس صوت سحب الأقسام ترس المچان وطب سلاحه بأيده وبخطوات متخاوفه يشوفها بمنظر صعب
وگفت سيارة قادر وسيارات زلمنا الباقين كلهن صفن ورانا نزلنا نتراكض وبيبان سياراتنا ضلن مفتوحات وأضوية السيارات مشتغله وأسلحتنا بأيدينا، طبينا بحذر البيت چبير ويرهب الگلب
20
أنتشرنا بالبيت ندور عليها بس ماكو فص ملح وذاب عبالك وردة ما طابه لهذا المكان أبد، ولأن ماكو شبابيك وبيبان البيت هيكل گدرنا بسرعه نعرف ماكو بالبيت لا وردة ولا زلم آل عريبي رمش حرّ ومسح گصته من العرگ صافن بنظره ما أنساها طول عمري..
29
لحد ما بقت بس غرفه وحده بالبيت ما شفناها بلع ريگ حرّ يائس طب للغرفه وطبينا وراه آملنا الوحيد بهاي، كفختني ريحه قويه تارسه الغرفه وأول ما طبيت معدتي گلبت من ريحة زفرت الدم جمد حرّ بمكانه عينه على الگاع نزلت عيني الگاع صاير لونها أحمر من الدم!!!
57
تسودن حرّ وجسام بسرعه لزمه يحاچيه
-أوگف لا تتسودن بس خل نفتهم دم ياهو هذا؟
9
يحاول يهديه، بس ماكو فايده لأن النتيجه واضحه بعقل حرّ وبعقولنا كلنا أقل أحتمال لا سامح الله أعتدو عليها وكتلوها وما أدري بياه مچان دفنوها حرّ حط أيده على راسه ورجع لوره بخطوات متعثره
-چتلـوها..
65
هدوء بيناتنا لأن محد يعرف شني الحچايه المناسبه بهل وكت وبهل المنظر وبهاي مصيبته اللغه كلها تحتار شلون تواسي وتوصف حجم معاناتهم طلع من الغرفه بسرعه وطلع وراه فقار وزلمنا كلهم
وبنفس الوكت قادر صافن على الدم وجهه ينطي ألوان
-المنظر يخمش الگلب، شمسوين بيها ولكم؟
19
وفقار يصيح بره صوته مفرفح
-ولكمممم راح يطب لـ عريبي الحگو بيَّ..
21
طلع قادر مستعجل وكلنا من البيت عايفين بي الظلمه التحبس النفس والدم، عبالك نكتل شخص بهذا المچان وقادر يصيح وراه
-حرّ بس أوگف خل أحاچييييك
4
ما رد على واحد حرّ يركض على بيت آل عريبي سلاحه متوسد أيده، گبل لا نوصل اله ثارن الچيــلات الدنيا ليل وصوت رمي سلاح حرّ ترس الديره وگف گدام البيت يصيح بعلو صوته
-عريبي أشرب من دمك اليوم.
37
طلع عريبي وولده كلهم داير ما دايره، رافع راسه بشموخ وعينه متروسه نظرات فخر تقرب ولده هواي وكلهم محاوطينه وكل واحد بيهم لازم أسلاح أجه وگف گدام حرّ برهاوه ونطق برود
-چيلاتك هذن حسابهن چبير.
47
حُرّ: وستر زينب أشخلك تشخل لا أخاف من سجن ولا تكسر ظهري بعشاير روحي بايعها، سولف بدون دروب حرمتي وين وديتها؟؟
عريبي: شني بويه أنتم بلاااااء والله لعبتو رواحتنا شصار عدكم وذبيتو بروسنا شني أحنى مبتلين بيكم ما عدنا شغل وعمل غيركم؟
24
حُرّ: ولك سگط تغشم روحك؟
عريبي: أحنى ما بيناتنا غير العشاير ليش تخلوني أسوي شي ما يعجبكم، هسه أخابر الشرطه أخليهم يردونك لمچانك ويفكونا منك ومن طلايبك..
6
حُرّ: خايب وعلي أشنقك، أحمد ربك هسه أنه ما لاگيها لو لاگيها چا وذرتك توذر.
عريبي: ما عدنا شي نخاف منه..
7
هز راسه حرّ متحلف، ورفع أيده يأشرله وگال بصوت عالي سمعناه كلنا
-راجعلك، عريبي أنه راجعلك وأحرگ ديرتك على راسك.
15
عاف الكل حرّ وطلع من المكان كله، لأن يدري مستحيل عريبي و ولده يسولفون وين وردة بس يضيع وكت وياهم وما هامه هسه بهل دنيا كلها غيرها بس يريد يلگاها وسالفة الدم بعدها تدور براسي دم ياهو هذا جايسني گلبي خاف دم وردة!
8
أختفى حرّ وما ندري بي وين راح ضلينا ندور على البت وما ردينا للبيت وكتنا كله ندور عليها..
-وردة: فتحت عيني ببطئ أحس روحي بعدها غايبه وكلشي جاي أشوفه ما أستوعبه عبالك مبنجه ما أدري شنو من شعور بس متعب حيل وأنه أحاول أستوعب وكلشي ما مفتهمه..
21
لمسة أيد حنينه تمسح على شعري وأيد محتضنتني بقوه، صوت نفس يلفح برگبتي ركزت عدل وفتحت عيوني أحاول أركز حاضني لصدره بكل قوته عبالك ما يريد يهدني صوت دافي وحنين يهمس بآذني كلمات ما مركزه بيهن بس حسيت روحي بحلم صوت أنحفر بگلبي قبل لا أركز بي بعقلي
44
فزيت وكزبر وكش جسمي من الخوف، كل ظني زلمه غريب رغم أشوفه گدامي حرّ هذا بس أحس روحي بحلم معقوله واقعي المر يجمعني بآماني، أتلفت بخوف من شفته كاضني أريد أنتر روحي منه بس من ركزت عيني بعينه عدل لمساته الحنينه ونظراته المتروسه حزن وصوته الدافي هذن كلهم عد حُرّ..
45
بهت وجهي وذبلت عيوني بلعت ريگ وهمست بتعب
-حُرّ!
-يا بعد طوايف هلي.
85
رفعت أيدي ترجف أمسح بعيوني مزورگات ومن البچي بالگوه أفتحهن يحرگني، أمسح الدموع بهدوء وهوَّ يتأملني بتركيز بلع ريگه صافن على حالتي ومستصعبها جر حسره طويله بتنهيده
-أهيس نار فراگچ سودنتني..
غمضت عيوني بصعوبه وجريت نفس مرتاحه وما مصدگه أنتهى العذاب، كل تعب يخلص عندي من أصير يمه لأن هوَّ يحل كل مشاكلي تشبثت بهدومه وعصرتهن بأيدي أحس بوجع فضيع ما أگدر أساعد روحي وأگوم
1
شهگت أناشغ بتعب أريد أنطق ماكو، راسي مسطور
-بس أنتَ الحنين وياي
-أنه الچ ديرة وأهل.
60
بچيت من سمعت حچاياته الحنينه، مغطيه وجهي بثنين أيديَّ أشهگ بالنفس والغصه تارسه صدري گلبي محروگ من كلشي صار وياي بغيابه تمنيت أضل العمر كله أنه وياه لأن بس هوَّ آماني..
4
أجر نفس طويل مختنگه وما أشتم من البچي والتعب وخشمي الينزف دم كالعاده، بچف أيده يمسح الدم من وجهي بطريقه حنينه وكل ما أشتم الهوى تختلط ريحته ويَـ الهوى ريحة دفو وآمان ريحته الحافظتها أول ما يطب لمكان
عيونه غارگه بوجهي تتآمل تفاصيلي
بصوت مخنوگ جر حسره طويله بشوغه وتعب
-فراگچ يتمني.
64
لانت ملامحي أكثر ودخلت بدوامة بچي أكبر، بأصبعه وخر خصلات شعري من وجهي
-نار تسعر بگلبي نار فراگچ دوهنتني..
42
يمسح بدموعي التارسات خدودي ويرجعن ينزلن مثل الشلال عيوني مورمات گد ما بچيت لزمني يعدل گعدتي خاويه وبالگوه گاعده من التعب ما أدري شلون ما طحت، جر شماغه من راسه وحطه على راسي لأن شالي ضل بهذاك الهيكل لم شعري كله ضماه.
5
صفنت بعينه وبالگوه طلعن الكلمات من حلگي من التعب
-أنتَ الوحيد الما أنطيت بيَّ، وحيدي أنتَ وأحسن زلمه بحياتي..
53
بنص تعبه وحالته المتروسه حزن لمحت طيف أبتسامه على وجهه وفرحه ترست عيونه التعيسه، من صحيت عدل ركزت على هيئته عيونه الذبلانه والسواد جواهم شعره المخربط وجهه مسومر
2
ترمش عيوني بثگل والظلمه ترست عيني، مهدود حيلي وكل ما أريد أنطق تغرگ عيوني دموع گاعده گدامه وهوَّ چن بركان صاير كل ما أغمض عيني أرجع أفتحها عسا ولعل ما يغمى عليَّ بس الوجع موتني رجعت لعالم متروس ظلمه بس آمان مثل نظره من عين حُرّ...
فز گلبي گبل عيوني مغمضه بس أحس بكلشي حطني على فراش نظيف ودافي وأحس بي يغطيني، بديت أغفى وأنام لحد ما نمت نومه عميقه بدون لا أفزفز ولا أقلق مثل جندي منتصر بحرب ربحها نومه متروسه طمأنينه گعدت وره ساعات بعد فتره متعبه هدت حيلي ما شفت بيها راحه
4
فتحت عيني شابعه نوم تمغطت بأيديَّ وافرك بوجهي أتلفت بالمكان صافنه بأستغراب، كل ظني أنه بيتنا القديم بغرفتنا أحنى البنات يم فجر وكلارة بس أول ما عيني لمحت المكان الگاعده بي صفنت!
غرفه صغيره من طين وبصف الحايط فراش ممدود بالگاع نايمه عليَّ أنه، الغرفه كلها فارغه بس على جهه صندوگ خشبي لونه جوزي وعليه فانوس وگدامي باب صغير يدنگ الشخص يله يگدر يطب للغرفه أستغربت شجابني لهذا المكان أول مره بحياتي أشوفه؟
18
لمحت حُرّ دنگ من طب وتقرب مبتسم
-ها غزالة، شلون صرتي؟
31
جريت الغطى غطيت روحي عدل ورديت بهدوء
-الحمدلله بخير.
عگد حاجبه وطيف أبتسامه على وجهه
-صدگ زينه لو يرادلچ مستشفى؟
2
هزيت راسي وعيوني على المكان تفتر بأستغراب
-لاله ما أحتاج.
3
گعد مقابيلي وأحس الفرحه تارسه عيونه جر حسره وأنه نطقت بتردد
-حُرّ وين جبتني؟
1
-خايفة؟
-لا.
1
-ليش؟
-أعرفك ما تخذلني..
18
أبتسم ودنگ راسه فرك عينه بتعب
-هاي الغرفه محد يندلها غيري، أجي هنا من أريد يصفى بالي وأرتاح من الدنيا وهمومها، من أجي أحس روحي بغير عالم مكاني الوحيد للراحه ومحد يندله ويعرفه غيرچ.
10
تحمحم يغير الموضوع وبلش يسولف بجديه
-وردة هسه أنتِ بحال تسولفي وتتناقشي؟
1
بلعت ريگ بتوتر طگطگت أصابعي وهمست بتلعثم
-أي أنه أريد أسولفلك الصار وياي..
1
هز راسه مركز وياي
-سولفيلي
-شوف خليني أسولفلك بالتفصيل
-شما سولفتي چثير أضل أسمعلچ.
7
صفنت مقهوره تلاشت كل فرحتي وحسيت ضاعت الفرحه مني، لأن هسه يله تذكرت أنه ما أدري شنو ردة فعل حُرّ على التهمه الطلعت عليَّ أو مثلاً كتلتلي الصمد وضل عايش لو مات لأن آخر مره شفته منظره يكزبر الجلد أو ليش شردت وراح يصدگني لو لاله؟
2
توترت أطگطگ بأصابع أيديَّ
-أنتَ تعرفني زين أنه مو مثل ما يسولفون؟
رفع حاجبه وهمس بهدوء
-أنه گايل أنتِ مثل ما گالو؟ سولفيلي أنتِ كلشي.
وحاضر الشدات، الله شاهد على كل حرف أحچيه كون جاي أچذب العباس يسطرني، واگفه بالحوش بصف كلارة طابه برجلها گزازه وشايغه روحها..
3
-أي شفتها تعرج.
-أي بالضبط چنت محتاره بيها وبلقيس ضلت تتأمر جيبيلي وحطيلي وروحي وتعاي طگت روحي وتعاركت وياها ولوجه الله گلت أسكت مالي خلگ مشاكل طلبت أجيب المواعين من المخزن هذاك الصاير وره البيت تعرفه؟
1
-هذا المخزن مفصول عن البيت المن موديتچ اله أبليس؟؟
-تگلي راح يجولنا خطار ونريد مواعين مناك..
-من شيب أبوها.
15
-رحت علمود أجيبلها المواعين وصادفني ولد شاب هيچ شويه أكبر من عمري، راد يسألني وبسرعه گال أنه ضايع وضل يسأل ويستفسر على الديره بس أنه حرف واحد ما نطقت ولا جاوبته گلت الوادم هواي المن جاي يسألني أنه خل يولي يضل ضايع وردت أرجع للبيت بسرعه..
1
وگفت عن الكلام وسكتت، رفعت عيني المغوشات من الدموع وما أشوف بيهن بوضوح بسرعه مسحتهن وعيني عليه متلهفه أشوف ردة فعله شنو اتجاه كل فقره بالسالفه بس هوَّ ساكت حتى تعابير وجهه جامده توترت حيل وبدون ما أحس على روحي بچيت مقهوره أستغفر
2
-هسه عليمن البچي
-ليش هيچ تباوعلي
-غير أسمعلچ
18
-چنك ما مصدگني ما أدري شلون تباوعلي!
1
-يا يوم مچذبچ أنه؟
-ليش ساكت أنه سكتت علمود تسولف أنتَ
-متانيچ تكملين أريد أفتهم السالفة عدل
-لا أنتَ مصدگ بيهم..
لو مصدگ بيهم، چا هسه أنه ما گاعد أسمعلچ
-سولف وياي لا تحطني وتباوع عليَّ..
2
-چا أنه أسأل وأنتِ رديلي
-خوش.
ظنيت هاي الخطوه راح تخفف توتري الخلاني ما أعرف أتصرف ما أدري ليش لهاي الدرجه متوتره بس موضوع مهم حيل بحياتي بحيث أسولف وأغص وأعصر بأيديَّ مسحت وجهي من بلش يسألني وريت ما گتله عبالك تحقيق مو سوالف خلاني أرتبك بالزايد..
أغلبية الأوقات أشوف حُرّ عصبي أو حازم وجدي بكل الأوقات بس ويَـ كل الناس ما عداي، ولا مره سولف وياي بهيچ تشدد وجديه فـ خفت حيل من عنده گلبي يدگ حيل وعيوني مغورگه بالدموع
-كملي وردة رديتي على الفرخ هذا؟
-الشفته مو فرخ ولد شاب من مظهره
-عسما قندره عوفيه خل يولي
14
-خوش هاي هِيَّ
-من طلب منچ تسولفيله لأن ضايع رديتي؟
-أبد والله بسرعه ردت أطب للبيت
1
-وبعد شصار؟
-أول ما التفتت أريد أطب للبيت طلعو صمد و ولده كلهم..
-شسويتي أنتِ؟
-كلشي صار بسرعه بسرعه رمشة عين، الولد راح يركض ما أدري خاف لو فعلاً أتعمد يسوي هيچ الله أعلم وصمد فرفح من العصبيه كتل وطگ وغلط ومسبه وشبعني دفرات طببني للبيت سحل أريد أرفع راسي وأدافع عن روحي ماكو لحد ما طلعني من البيت راد يغرگني بالشط علمود يشهرك گدام الوادم ويگولون تربية حُرّ تتمعشگ..
-أنتِ شتگولي على سالفته هاي؟
-مو أگلك مصدگ بيهم أنتَ متغير مو حُرّ الأولي..
12
-شلون راح أبسطها!
-چا مو أنتَ تگول؟
جاي أگلچ شنهي رآيچ بتربية حرّ لا تخليني أجيب عشيرة صمد هسه بخويطهم شنهي القندره هذا وأخذ بكلامه؟
-شمحلاها من تربيه.
18
أبتسم أبتسامه جانبيه يگول
-ملعونه.
8
-والله تربيتك حلوه وأنتَ كلك خوش زلمه
-ها هيچ تگولي غزالة؟
-منبع رجوله أنتَ.
25
أبتسم مسح على شاربه وتحمحم
-يا بويه الغزالة..
37
-نكمل على السالفه أريد أسولفها الك بالتفصيل
-صمد شلون شافكم؟
-الولد واگف يلغي يمي وأنه أريد أفوت
-ياهو چان وياه؟
-لؤي، ومشتاق
-غير سگط ونواقيص واضحه گدامهم بس ثولوها.
-أصلاً كلشي ما أفتهمو مني..
-زين وردة ليش شردتي؟
-منظره صار يخوف ولده ثنينهم ركضو وراي خفت يموت ويبلوني، وبنفس الوكت خفت ولده يكتلوني لأن النيه واضحه بعيونهم چانو ناوين على موتي..
-يخسون.
-چنت بوكتها أفكر لو أنتَ موجود ما صار كل هذا
-غير أنه الشغل طالعلي صفح يحكمني أطلع حتى محافظات
5
جريت حسره بقهر وحُرّ بأصابعه يطگ على سلاحه البيده ويصدر صوت خفيف
-كملي
تحمحمت وجمعت شجاعتي لأن الأحادث جاي تصير عليَّ صعبه حيل دنگت مخنوگه
-من شردت ظنيت راح أرتاح لمن ترجع وتلگالي حل ما أدري بوكتها ما فكرت بس ردت أشرد الخوف سيطر على عقلي وعماني..
1
-ليش شردتي وردة ليش چا ما فكرتي بيَّ؟؟
-خفت
-عشت وراچ ميت بس جسد يمهم..
-خفت أنتَ ما جاي تفهم عليَّ خفت لدرجه ما فكرت
بلعت ريگ متوتره ورفعت عيني اله بخوف جر حسره طويله بتعب ومسح وجهه عيونه ذبلانه گال بحسره وتعب
-أنه بلياچ شط بلايه ماي.
54
ركزت عيني عليه وهوَّ كمل كلامه بتعب
-حالي بغيابچ ما ينوصف، حيلي غده تراب بعدچ متت الف مره بكل لحظه يزيد فراگچ عليَّ شايفه شصار بحيلي من شفت الدم تارس الهيكل الخنگه الصارت بلعومي ظنيت ما أصبح..
11
هيئته ومظهره صوته وعيونه كل جزء بي يأكد كلامه منتهي من التعب شعل جگاره ودخانها ترس المكان يجر منها نفس طويل ويضيگ عيونه يصفن عليَّ ويكمل كلامه
-نار تسعر بگلبي..
2
زفرت نفس براحه وهوَّ بسولف مندمج وأنه طول كلامه مبتسمه چان كل ظني يريد يلومني أو يتعارك وياي ويعاقبني لأن شردت وفشلته بين الوادم على حسب ما يگولون همَّ، بس ما جاب طاري واحد ولا مره ولا بحرف
ما جاب طاري غير گلبه الملچوم بغيابي أبتسمت لأن حسيت روحي هلگد عزيزه عليه ما فد يوم ظنيت روحي هيچ عزيزه على گلب حُرّ چنت كل ظني اليسويه وياي بدافع شفقه أو قهر على حالتي..
3
من شرحلي بعمق خلاني أصفن على الوصف، الدنيا طفت بعينه أنتبه الي مبتسممه عگد حاجبه وزفر الدخان
-عليمن تضحكي؟
3
-ما أضحك بس عبالي تريد تگلي فشلتيني گدام الوادم
-قنادريش ذوله الهتليه
6
أبتسمت ومسحت الدمعه المچلبه برمشي وجريت نفس طويل نفس مرتاحه أحس الدنيا ردت ضحكتلي من صرت بآمان من صرت يمه أحس الدنيا كلها ما تهمني بعد حُرّ إذا أريد أوصفة بحچاية "آمان" وأنه هذا أكثر شعور فاقدتة بحياتي..
-ما راح نضل هواي هنا.
-ها ليش؟
-شني عجبتچ الدياحه
-هههههه لا بس أستغربت
2
-يعني راح أرد الذاك البيت؟
-گومي أسبحي وأن شاء الله خير.
-وين أسبح؟
-أكو حمام بره الغرفه على الصحفه الثانيه تلگينه
-منيلي هدوم ما عندي
-جبتلچ من فجر وأنتِ نايمه.
جريت العلاگه أگلب بيها هذني نص هدومي يمكن ضلتنا هنا مطوله طلعت دشاشه من العلاگه والتفتت عليه
-أسبح وأرجع أسولفلك الباقي
-أن شاء الله روحي أسبحي والنوب نسولف.
5
التفتت عليه عاگده حاجبي متنرفزه
-شقصدك من تلح روحي أسبحي؟
-ما أقصد شي.
20
-لا عدك قصد لحيت بيها ترى!
-أريدچ تسبحي علمود يروح منچ النحول وتكسير الجسم اليضوج وترتاحي بين ما أحضرلچ الأكل علمود تشدي ضلعچ صارلچ چثير ما ماكله عدل والنوب لاحگين على السوالف مو أهم من صحتچ.
6
هزيت راسي وطلعت من الغرفه ما أدري شمالني بس أريد أتعارك وياه، أشگد ما أبين الموضوع طبيعي وعادي متخطيه ورجعت أعيش حياتي چذب كله أضحك على روحي لحد هاي اللحظه أنه ما مصدگه خلصت من الكابوس الصار وياي ولا لحظه فارگ بالي وعيني أمشي وأسحل بروحي من التعب
1
فتحت عيوني بذهول من شفت گدامي شط چبير كلش وداير ما دايره خضار وزرع والماي صافي شحلاته يجري والغرفه بنص بستان چبير حيل كله خضار ويرد الروح وأشعة الشمس الذهبيه مزينه المكان لونها رهيب ومنطي لمعه وبريق على الأشجار وبارز لونهن الأخضر ولون الماي العذب..
7
حلو حيل ويسحر النظر وفعلاً بعيد عن الدنيا بستان چبير حيل ومحد بي غيرنا مكان يفتح النفس الغرفه حيل بسيطه ومرتبه التفتت بصفها أكو حمام نزعت الشماغ چان أشوف راسي مضمد، سبحت وطلعت ملفلفه روحي تلفلف ورجعت للغرفه ما لگيته ما گدرت أمشط شعري نشفته ولفيته بسرعه ولبست شالي ورجعت گعدت بفراشي الباب مفتوح ومن خلاله ظاهر جزء من البستان أباوعله بعمق سارحه
1
التفتت على الباب بأيده الأكل تقرب حطاه گدامي
-أكلي غزالة
جريت نفس بحسره وهوَّ يرتب الأكل گدامي
-ما أشتهي..
-لا تشلعي گلبي أكلي
-ما أشتهي والله روحي فد مره لعبانه
-أكلي علمود تصير بيچ عافيه وتگومي على حيلچ
-معدتي توجعني
-من الجوع توجعچ أكلي تصيري زينه.
3
تقربت أكل بتردد لأن ما أريد ومعدتي مگلوبه رفعت عيني اله وريحة الأكل تفوح
-چا أنتَ ما تاكل؟
-شبعان أنه.
سكتت أكل بهدوء وهوَّ عينه ما شالها مني يباوعلي بتركيز أرتبكت وبلعت الگمه بصعوبه من أنتبهلي ضجت ونحرجت من نظراته نزل عينه على سلاحه صافن عليه ويگلب بي ضايج أكلت شويه وطلعت غسلت ورجعت بالگوه أمشي على حيلي..
5
رجعت للغرفه لگيته على نفس گعدته متانيني
-ما دام هسه ما عدنا شي سولفيلي
-عن شنو؟
-شصار وياچ عد آل عريبي؟
جريت نفس طويل وعيوني عليه حاله ما ينوصف بالگوه ضابط نفسه بس حابس أنفاسه خايف من الكلام الراح يطلع مني نطقت كلامي جمله وره جمله بدون لا أوگف لحظه وحده وعيني على الفراغ مو عليه..
-ثنين من آل عريبي ما أعرفهم منو، بس أخذوني لهيكل وأنه كلشي ما مفتهمه طول الطريق يكتلون بيَّ لأن ما أرضى أمشي ومعنده سحلوني سحل لحد ما خلوني بالبيت بقيت أصرخ وأستنجد عسا واحد بي خير يسمع صوتي ويساعدني بس محد، عبالك على حظي الدنيا أختفو منها كل الزينين بس بذاك الوكت ما أهتميت الواحد بگد وجود رب العالمين وياي..
مركز وياي وفاتح عيونه ما يرمش حابس أنفاسه خايف أكمل وبنفس الوكت ما يريدني أسكت وانه بالگوه يطلع الحرف من حلگي ميته قهر وبچي وممرود گلبي
-چنت أبچي لأن شمرني على حديده ما أدري شني ما مبينه بسبب الطلمه ونشگ راسي وقبلها مره من نسوانهم هم كتلتني وشگت راسي وخذاني الدم بحيث راسي صار شلال والدم حتى على عيوني نزل بس أسم رب العالمين ما طاح من لساني أتوسل وأدعي رب العالمين يساعدني
3
بچيت بتعب وجع الدنيا كله براسي، أجه الثاني چان واگف بره يراقب الطريق للأول ويحچي بسرعه خايف يگله بيت فالح راح يطلعون لگيعانهم وهاي شهرتنا شهيره إذا سمعو صوت هنا ويجون تصيرلنا سالفه الها أول ما الها تالي شوفلك حل وياها..
التفت عليه الأول خايف وحط المسدس گدامي يهددني إذا ما سكتت يكتلني بالمسدس البيده، بس أنه ما أرد عليه ولا حتى خفت لأن فقدت من الوجع وجاي أشوف الموت گدام عيني أهذي وأصرخ تعبانه أحتارو وياي شيسوون تمنيت صدگ يرميني بهذيچ اللحظه لأن أريد أخلص من العذاب الموتني
3
سكتت أجر نفس لأن فحطت من الحچي وهوَّ گاعد على أعصابه جر نفس بتعب
-على كيفچ من ترتاحي سولفي.
بس أنه ما سمعت لأن فقدت أفضفض أكثر من أنُ أسولفله الصار وياي كملت بدون أنقطاع
-چنت أني تعبانه وخفت حيل، بس ما أهتميت أريد أموت بس هوَّ هدد هددني ي يعتدي عليَّ خفت هواي وسكتت مجبوره خا خايفه صدگ يعتدي عليَّ..
1
وگف بالبيت هوَّ وذاك الثاني كل شويه يشوفون بيت فلاح طلعو لو بعدهم، هدئت وصفنت ونسيت وجع راسي لأن خايفه صدگ يعتدون عليَّ أعصر عقلي أريد طريقه أنقذ روحي بيها ماكو وأيست من البشر عبالك جاي أنخي شياطين ماكو بشر بي رحمه!
1
ذكر رب العالمين ما يطيح من لساني أتلفت ماكو مكان أشرد منه إذا أطلع من الغرفه همَّ بره، صفنت على شباك الغرفه وركزت بي عدل بي حديدتين ثنين لحد ما يوگفن عد حديده بالعرض صايره ومن جوه مسافه ما بيها حدايد مسافه صغيره بحيث محد شال الها هم من صغرها بس ما أدري شلون ومنين أجتني الشجاعه طلعت من عدها وعلگ راسي بين هاي المسافه لأن صغيره وبالگوه طلع لمن طلعت روحي
ما أدري والله يمكن ما راح تصدگني وتگلي أنتِ شني بس أحس رب العالمين سخر الي طلعة بيت فلاح وساعدني أطلع من الشباك والله كل ما أتذكر ذيچ اللحظه يكزبر جلدي ويغورگن عيوني بدموعي انه مظلومه وما فد يوم ظلمت بشر وكل الصار وياي أنه ضحيه لناس ظالمين وأنتخيت بشكثر زلم ونسوان ولا واحد بيهم خير وساعدني أحس رب العالمين ساعدني والله أحس رب العالمين نقذني من هاي المصيبه، سخر الي كلشي..
3
أبچي منهاره وأحلفله أحس بهذا الشعور لأن ما مصدگه شلون طلعت من عدهم، ما مصدگه شلون تغير قدري وسبحان الله إذا أجتمعت الدنيا كلها عليك ما تگدر تأذيك لو رب العالمين وياك.
1
فتح بطل ماي وقدمه الي وياه كلنس
-هاچ أشربي ماي وأمسحي دموعچ خل نسولف
هزيت راسي أتراجف والشهگه مچلبه بلعومي شربت ماي هواي ومسحت وجهي زفرت نفس أرتاحيت شويه
-ركزي وياي وردة
-أسمعك
-أشگد رادو مضرتچ وأذيتچ وتدميرچ، بس رب العالمين ما يريد لأن أنتِ مو ظالمه أنتِ ما مأذيه بشر وگف وياچ بأصعب حالاتچ وطلعچ من هاي المصيبه، إذا أجتمعت أرادة رب العالمين ويَـ أرادة البشر ما يوگف بوجه البني آدم شي ما دام رب العالمين وياه.
1
يطگ بأصبعه على السلاح يصدر صوت
-وستر زينب لو ماسينچ ومسويلچ شي چا گطعت نسلهم وسويت بيهم مجزره، وحچيي هذا مو معناه ما أرد حگچ يخسي اليحاول يمس عرضي ما أطلع زلمه وطالع من ظهر زلمه إذا الليله ما نزلت جهنم بديرتهم.
مو قصة عمام وأنه صاحب ثار
وثاري لو يروح الدنيا مگضيــه
بس تانيني ساعه وأنه أبن تفاگ
اله شيوخهم ناخذها فصليــه.
23
بنص حزني وقهر گلبي فرحت فرحة أنتصار أبتسمت لأن راح ياخذ حقي، وما خاب ظني من زامطت بي الفرحه ترست دنيتي وحتى ألألم نسيته لأن عشت ليالي وأيام عذاب أجت تطگني جلطه من وراهم وأنه مالي ذنب كلشي ما مسويه عشت بين الموت..
تحمست وصار عندي نشاط وهوَّ مركز وياي
-تدري أنه طلبت المساعده من وحده من نسواهم وحچيت وياها بأدب لأن مره چبيره وأشگد حچيت بس تدري شسوت؟
-شسوت؟
1
-طگتني بسطل حديد على راسي وگطعتني تگطع النوب أنه أخترعت تطگني بحقد وراسي صار شلال دم..
-أيا سگط
-بس أنه ما قصرت هم كتلتها وعيرتها وفشلتها
-ذيبه
3
-گلتلها چا المن خذتو الفلوس وسكتو؟ يعني بربك هسه صارو شرفاء براسي چا بيكم خير خذتو من مشتاق الخسيس وردة بكل عزا لطامه..
1
ضحك بصوت بعز ضوجته وبحماس رد
-عبنچ ذيبه وستر زينب خوش تردي.
-وهم تفلت على واحد
-هههههههههههه عفيه
5
-يطگني الچلب بكل قوته على راسي لأن طگيت هاي المره يريد أضحكلها مثلاً ضل يگمز مات من القهر صحيح طگاني هواي بس أهم شي بردت گلبي.
-يعجبني عگلچ، لو تنطگي لو تتعوري أهم شي تاخذي حگچ لو بعز خوفچ أخذي حگچ چاتل ومچتول أرحم من مچتول وأنتِ ما شاء الله عليچ ذيبه وما مقصره.
والله لو ميته ميته وبين سكرات الموت ما أدري سوله ما أدري طبع بس لازم أرد لواحد لو بهلطول أهم شي ما أسكت أموت من القهر لو سكتت مو من الوجع..
1
أبتسم أبتسامه جانبيه وهز راسه
-يحتار الوصف بيچ.
7
أبتسمت أكابر بس أحس الخوف والقهر كله تبخر مني لأن حُرّ أنطاني حچايه صفن يفكر وباوعلي
-چنت خايف يسوولچ شي
-طلقه براسي ولا ذكر يمسني.
6
أبتسم وجر راسي باسني براسي فوگ الحجاب
-ذيبه وردة ذيبه ينشد بيچ الظهر..
13
-كلارة: صمد بعده ما طلع من المستشفى لأن حالته ما مستقره وائل ضال وياه بالمستشفى، وبلقيس وإيناس كالعاده نفس سوالفهن حرّ من رجع و وردة مو وياه وعرف شنو السبب الصار كل هذا بَـ وردة بسبب مشتاق لأن أغتصب وحده من آل عريبي
1
وكلشي صار بيها حاليًا من وراه، أجه طلع حرگة گلبه بي كتله كتله وأحترگ گلبه لأن مشتاق گاعد بالبيت هنا مرتاح وما عليه شي وما نضر بينما وردة المسكينه اللي مالها غرض بالسالفه كلها حياتها بخطر الفكره مستفزه حيل..
2
وبعد خبصه وهوسه ومصيبه هزت بيتنا حرّ أختفى وما ضل اله آثر عبالك الگاع بلعته، أجه جسام تلفونه بأيده
-حرّ لگه وردة
1
فرحنا أنه والبنات كلش، وحمدت ربي ألف مره فجر تباوعله بخوف وتردد
-چا ليش ما جابها لهنا؟
-ما أدري والله بس هِيَّ بخير لا تخافون عليها.
ما خافت عليها فجر من حرّ ولا أنه، لأن نعرفه خوش زلمه وما يسويلها شي بس خوفنا خاف وردة بيها شي وأخذها للمستشفى لو مسويلها شي آل عريبي طمنا جسام وبلشنا نرجع لحياتنا الطبيعيه لأن تعودنا على المشاكل الحمدلله من خلصت هاي الشده وردة بخير..
نتريگ أنه وفجر ومرة قادر وزهراء الصبح گاعدين وإيناس يمنا بالمطبخ تشتغل وتدردم
-حظوظ عمي لو شني كل مصيبه تطب بيها تطلع مثل الشعره من العجين أدري عدها سبع أرواح!!!
13
تشتغل ومحروگ گلبها وحتى صوتها تحچي بحرگه وأحنى نتريگ وصافنين عليها طب ضيغم يحاچي أخته جايتنا خطار
-گلاص چاي خويه
أخته تسويله چاي وهوَّ واگف على جهه عينه بتلفونه وطب جسام يريد يطلع بس شاف ضيغم وضل يسولف وياه وإيناس تشتغل بعصبيه وأول ما طب ضيغم سمعها رغم سكتت أول ما أجو
شرگت بالچاي وفجر تدگ على ظهري والبنات بالگوه لازمات ضحكتهن التفتت عليه إيناس رافعه حاجبها
-شنو؟
-ثلامتچ
11
جسام يخزر بيَّ ويطگه بعكسه علمود يسكت وهوَّ مستمر
-إيناث ليش تحچين على وردة شني تردينها تكثر ثنونچ البقيه؟
22
-عمت عينها تروحلي فدوه
-خايبه دنچبي غير خلاستچ
-هههههههه بيها خير مو تتمعشگ
3
-أششش لا أصيحها عليچ خلاستچ وخلاسة أبوچ.
-شبيك ضيغم شني هل سوالف؟
2
-وعلي بعد أيدي ياهو يحاچيها جايبته صگع النوب تعجبك كل واحد كتله شكل هاي خطيه كثرت ثنونها وذاك شگت راسه بخشبه متروسه بسامير يسمع حسك بالمستشفى والأرعن عدنان دچته بگلبه وشرط لازم التكتله تطببه مستشفى.
16
أبتسم جسام وأنه ميته ضحك فرحانه لأن إيناس محترگ گلبها وتستاهل وردة ما غلطانه بكل مره تطگ واحد مو على باطل تدافع عن روحها وعن شرفها وكلمن يدگ الباب يسمع الجواب..
1
شرب الچاي وحط الگلاص على السنگ
-إيناث ترى إذا ثمعتچ تغلطين على شرفها تكثر ثنونچ كلهن مو بث ثنين.
25
حچاها وطلع وجسام طلع يحك بحاجبه وأنه ومرة قادر نضحك وزهراء وفجر يسولفن بيناتهن، طلعت إيناس من المطبخ نار تمشي وراها والدخان طلع من عيونها تخبلت بمعنى الكلمه..
بليل بوكت متأخر طلعنا كلنا للحوش نباوع للنار الواجه بذاك الصوب بصوب آل عريبي تگول يوم القيامه، هوسه وكلها تحچي متعجبه شصاير بديرتهم حتى النار بيتنا ونشوفها، كلنا نصدمنا من سمعنا واحد يگول
-آل عريبي النار أكلت بيوتهم وسياراتهم وبساتينهم ما بقى شي عدهم حلالهم ومالهم كله راح بهاي النار..
