رواية يا اجمل الوحوش الفصل السابع عشر 17 بقلم رسل فهد
التصويت + التعليق بين الفقرات لُطفاً
يا أجمل الوحوش
- رُسل فَهد
...
44
تقول واحدة من معشر النساء اللواتي كانت ضحية للعلاقات الفاشلة بأن المُحزن في الأمر أكثر أنتهت
علاقتي معهُ بكُل ودٍ و أحترام
7
شوارب ما تسكتهن !!
شَسولف و الجروح لسان دلالات
و بعَيداً ع الخَسارة و ذاك عُمري الفَات
أنا القاهرتني إنتهت رَسميات
- رُسل فَهد
...
76
"عالية"
21
- أبوس أيدك شبي
علي : تصوب بَس هسة زين
شهكت و رجعت ليورة خليت ايدي على عيوني ضميت وجهي و تغطيت
احس روحي حتى اخجل من نفسي لمن اخاف عليه
و اني هيج سويت بي
53
سمعت الباب انطبگ يعني علي نزل بقيت ابجي براحتي
و الوم نفسي لحد ما نمت فزيت الصبح ماكو علي بالغرفةً
فتحت الباب و نزلت على كيف حتى إذا زِناد موجود ارجع أخنس بالغرفة لحد ما يروح
47
نزلت لأخر درجة مديت راسي على الهول لگيته كاعد على الكرويتة
و علي متمدد بالكاع يسولفون تقربت على الحايط أتصنت
علي : تغريد مو هيج چانت عمي تتذكر من بتها
طاحت بسالفة الفايز والله أنا أتذكرها زينة
زِناد : هذا حربها كله لأن أنا ما خليها ترجع للكاظمية
97
علي : هي ماخذتلها اثنين وين تهبد بيهن هم تريد تشرد
ويصير بينة مثل ذيج العملة
زِناد : يا ريتها حاويتهن هن اثنين و مراويتهن نجوم الظهر
89
علي : من جنت أراقبهم هناك ورة فترة كمت اروح و اجي مرات جدة تدز بيدي فلوس لأمير و اخته الله يرحمه
و أنا اسولف ويا صوت وحدة من البنات لو اثنينهن
يعيطن و امير يستحي يضل كل شوية طاب للبيت
يكول امي ضربتهن لان ما يشتغلن
160
زِناد : هي يمكن مريضة و تطلع حرگتها بيهن
علي : جا انت شوكت ناوي تخطبها
عمي انتَ غلبت حتى قَيس
159
زِناد: أخطبها ماعندي بس أنا اعرف النتيجة قبل لا أخطي
خطوة جُمارة تخاف من أمها و تغريد صلفة و مَا تطيها
58
علي : چا شلون تبقى هيج ؟
زِناد : الله كريم ، حجاها و ضحك
35
ولك تغريد أخذتها و هَجت من وراي عبالها أكبر و أنساها
و من عرفتني ناهي و جاست نبض لسه رايدها
حقرت وياي كلش
94
علي : چا هي وين تلگة احسن منك
زِناد : تغريد مغرورة و ما تريد كلام جدتي يصير فوگاها
و تحس بروحها مغلوبة
67
علي : چا أخونة بالله شراح يصير بي
زِناد : ما دام تحبة كلشي سهل
440
بعدهم يحجون و طب إسلام اخو علي يركض
إسلام : شيخ الحگ ولاء و آمجد كاتلين خالهم خلاص
بالباب مال الحوش مدري شصاير بينهم
109
عافو كلشي و طلعوا طلعت بالكراج صوت الصياح عالي
لان بيت عمتي عجيبة و هذا البيت يفصلهم المخزن مال الطحين
زِناد و امجد يتعاركون واحد اعلى من الثاني
37
صعدت على جذع نخلة كاصيها و أعاين كلهم بالباب واكفين
أخذوا الرجال للمستشفى و دقايق بَس و اجت مرة من بعيد تركض وياها ولد اثنين شباب صغار مطلعة بس عيونها من العباية
46
- ولججج عجيبة وين زلمتي
امجد : بالمستشفى و من يطلع كليلة كل ما تجي تفك حلكك
وي امي أنيمك مستشفى و يالله منا
62
طلعت عجيبة تسكت بي و المرة تصيح رادوا يطببوها بس ما قبلت
و هي و امجد صراعات بالحجي
امجد : يالله ولي لا الفج بعباتج و اشمرج بحوشج
زِناد : انجب لككككك ، و انتِ يا مرة صوتج امشي خلي الولد ياخذوج لرجلج لو يوصلوج لبيتج
28
آمجد : منين اجة بيتهم مو زين مگعديهم بي
زِناد : ليشششش تضل تمسلت
حجاها وضربه على صدرة قوي
20
المره باوعتلة و باوعت لعجيبة
- نغـل مَا عليك عَتب
امجد نهار و عجيبة لازمتة گوة و المرة حتى زِناد ما قبل و رزلها
ولزموا امجد كوة يريد يضربها
264
من حسيتهم بدوا يتباعدون نزلت بسرعة و طبيت للبيت يعني اكيد راح يرجعون مر وقت هواي و محد منهم اجة صعدت فوك
مديت ايدي على باب غرفة بابها ابيض بس مقفول
و الغرفة الثانية أنفتحت غرفة صاج قديمها بس كل الغراض البيها
مال كبار
31
و مديت ايدي على باب غرفته مقفول
علي : شعندج تدورين بالغرف
شهكت و خليت ايدي على گلبي درت وجهي عليه و رجعت شعري ليورة
بلعت ريگي و باوعتلة .. ذني كلهن سويتهن و الرجفة بعدها برجلي
23
عالية : بس هيج
- شنو الـ هيج
- فضول هيج أنا دوم احب أعاين لـ كلشي
- اليوم خبزي نريد نتزقنب عدل
73
من الخوف نزلت بسرعة للمطبخ ادور طحين و خمرة
لكيت طحين و كتله ماكو خمرة راح و اجة بيدة كلاص خمرة يمكن من بيت عمتي عجيبة كعدت بالكاع مال المطبخ اعجن لان ما أسيطر و أنا واكفة
82
هو بالهول من عاين نص جسمي ما مبين من الكاونتر اجة مد راسة
شافني كاعدة اعجن دار وجهة راد يروح النوب عبر من فوگاي
فتح باب الكاونتر اخذ گلاص و شرب مي
و هم يمهم بالهول سراحية و گلاص
112
كملت عجين و خليت المعجنة على الكاونتر و غطيتها حتى تختمر
لان بالشتاء ما تختمر إلا بدفو رتبت البيت ما تعبني لان نظيف و صعدت جبت هدومي حتى اول ما اخلص خبز أطب اسبح
28
اتذكر جنت يم امي بين يوم و يوم نخبز لان بس أنا وياها
وًمن يجي شريك لا نخبز يومية لان ما ياكل خبز بايت
مديت ايدي أشنك و دموعي كامت تجري أمسحهن من أقرب زندي على وجهي شنگتهن و غطيتهن و طلعت للكراج
61
حتى أشوف مكان التنور لكيته صاير بممر وره المطبخ و التمر الأخضر و أوراق الشجر من المطر كلها واكعة اخذت المكناسة و كنست الكاع
حتى التنور كنسته ضليت اسأل بروحي إذا هذا البيت محد گاعد بي
شلون كل هاي الاحتياجات بي
37
رحت للهول هو متمدد و يعاين بالتلفزيون
عالية : جيبلي القنينة التنور مابي
علي : سحليها انتِ ما يوگع الطفل
214
عالية : رجلي توجعني ما
قبل لا أكمل گام طلعت يم التنور و جابها بأيد و الصينية مال العجين بأيد بقيت مصدومة شلون گدر يشيلهن لو صدگ هو بطل
لو القنينة فارغة
188
شغلتها بين ما يحمى التنور فتحت الظفيرة و لميت شعري كبة بدون قراصة و تصرفنت أنا ما اعرف اخبز بالمخبازة جانت دگلي
أمي انتِ مرة معدلة و الخبزة بيدي أطلعها رحت جبت صينية خوص يم النخلة يلمون بيها التمر
78
طلع من الهول كعد على جذع النخلة و يعاين مرة للنخل و مرة للتنور
حطيت خبزتين و بالثالثة انفتحت الكبة و انحل شعري شكد يضايقني بس أحبة لان أشكر حيل طالعة على خالات أبوي و أمة جانت أمي دگلي لان هو مو ابن جدة رهينة بس هي المربيته
119
جدي الله يرحمة متزوج ام ابوي فوك جدة رهينة
و يگول الهم جانت جدة دوم دگلة گلبي لاعب منك كونك إذا تلعب بذيلك وياي يا شيخ ما يأخذك لان أحبنك بس ياخذ الجاي تلعب ويا
37
تالي حبلت ام أبوي و بالولادة ميتة جدي مأخذ ابوي و رايح لجدة رهينة
گايللها هذا ابن الجنت العب وياها إذا تعزيني تربينة
حالة حال ولدج لان يتيم و ماله غرض بعمايلي
39
جدة گايلتله المهم أمة ماتت أنا اربي و اخلي بنص عيوني
و ابوي لحد ما مات يگول عمرها ما فرقتني عنهم بالعكس أنا من كبرت يالله عرفت روحي ابن شريچتها من الوادم و گامت تبجي دگلة خاف
تعوفني من تدري موش أنا أمك
91
فزيت و أنا أعاين لعلي مد ايدة اخذ اول خبزة طلعتها و كعد ياكل بيها
شعري ضوجني و ايدي كلها عجين و طحين لميته لحد ما خلصت
اني حالي حال هاي بكل مرة اخبز بيها هيج يصير بيه
امي صار أربع سنوات كل ما اخبز دكول هسة يصير عندج مثل شربة
المي و اني لسة كل ما اخبز و أطب اسبح من كد ما بيه
طحين يصير راسي عبارة عن عجين
75
يمكن يتنسى لان من شاف الخبز راح جاب سمچة و وكف هو يشويها
طبيت أسبح اباوع رجلي شوية احسن من قبل فتحت باب الحمام و الخاولي على راسي اول ما خليت رجلي على الصالة طَبت ام علي
مرت عمي عمار و أعاين للمطبخ هو ماكو نزل من الدرج يخابر ويضحك
امـه واكفة مصدومة و هو سد التليفون و تحَمحم
38
علي : هلا يمة
ام سلام : لا هلا بيك و لا بـ امك ولك علي شووووو نسيت
هاي شسوت من مصيبة
54
تحجي و اجت جرتني من دشداشتي تفر بية
طاحت هدومي المغسولة بالكاع و هو اجة لزم امه وخرها مني
ام سلام : ولك هاي هاي تاليتك تاخذ هاي تعوف امك علمود وحدة ناهبة حرامات
32
علي : يمة منو عايفج علمودها انتِ طردتيني من البيت
ام سلام : لان أنا رايدتلك احسن البنات اريدلي چنة ينحلف بشرفها و عفتها أنا شلون أمن اخلي وحدة خاينة اهلها يم بتي و چنايني و حفيداتي
56
دموعي تتسابق من تنزل دنكت اخذ هدومي حتى اصعد
علي : كافي يمة هسة عوفيها تعاي كعدي
رجعت جرتني بأثنين أديها تحجي و تهز بية و علي صاير بالنص
ام سلام : ما تأخذين ابني مني و إلا ازوجة و افرح بي
و انتِ اخليج خدامة عدنه مو ما عندي شغل و عمل أنا استر على الملثگات
46
علي : كااااافي يمة
ام سلام : لا لا تعال اضربني يالله تعاااال حتى تگلك عفية
عفتها و درت وجهي حتى اصعد عبالي تتشاقة
بس صدمني كلامها ...
....
146
"روز"
28
روز : لا تباوعين هيج اني موافقة على الضابط
عقدت حواجبهة رغم الفرحة وضحت بعيونها باوعتلي و رجعت باوعت
للتليفون بعدة يتصل ما يسكت بلعت ريگ و باوعت لجمارة
من تغريد فتحت خط و خلت التليفون على آذانها
26
اني قريبة منها و كلنا ساكتات صوته واضح حتى لو ما فتحت
سبيكر أول كلمه سمعتها منه گال روز أسمعيني
19
تغريد : شتريد منها هاااا متستحي انتَ ماعندك خوات
من غضب الله على رأسك يا ما تستحي تضحك على بنات العالم و إذا دكيت بعد على هذا الرقم إلا أنطي رقمك للشرطة
24
- باعي تهديداتج هاي ما تمشي يمي و الشرطة إذا ما عدهم رصيد خل يرمشولي و أدگ عليهم ، المهم
211
تغريد : و سم فوگ سم بگلبك وبك انتَ شنو من حثالة
و من يا مزبلة جاي طاح حظك و حظ تربيتك
16
- ماكو حثالة غيرج و روز إذا مديتي ايدج عليها
و ضربتيها اكسرها والله
90
تغريد تباوعلي بكل ما تحمل من صدمة و اني بس الخوف
احس بي ما احس بأي شعور ثاني غيرة حطيت ايدي على حلگي
سديته لان كامت شفايفي ترجف
13
تغريد : انعل ابوك لابو الخلفوك عبنهم وكلوك خبز و ما انطوك تربية بس انتَ مو صوجك صوج التحجي و تأمن بهيج مزبلة
38
- تتلاگة الوجوه تغريد و هاي روز گليلها اني أعلمج
إذا ما ندمتج أني مو الوهمي ع گولتجن
195
تغريد : ولي وخفت و بلت هاي الخلقة و هذا الحلگ مال
ساقطين ما يطلع حچاية بيها خير طاح حظك يا عديم التربية
- بسيطة تغريد
55
تغريد : لدكوووول تغريد حقير جلب اني أم آمير تاج رأسك
بس العتب على العار الـ حتى اسمي مخليته بحلگك
- يتشرف أسمج من أخلي بحلگي
177
تغريد انهارت و سدت الجهاز حتى اني مصدومة هو ليش يحجي وياها بهاي الطريقة تغريد كل عمرها و حياتها محد حاچي وياها هيج
شمرت التليفون بالگاع و لزمتني من ايدي ضربتني راشدي
- ولجج منين هذا الزبالة الجايبته عليه ولج سمعتي
شلون يحجي وياي لو ما سمعتي
54
روز : اني ما يحجي وياي هيج بس انتِ
تغريد : النوب مكيفة يتجاوز عليه كدامج
تحجي وهي عاضة أصبعها السبابة و تضربني بالإيد الثانية
دفعتها و رجعت ليوره و هي كلشي و لا وحدة تدفعها لو تراددها
66
انهارت بالضرب و جُمارة اجت توخرها ضربت
حتى جُمارة و راحت تبجي
تغريد : اني صوجي اني اطيتجن مجال
جُمارة : مجاليش هذا سكتي لا الحيطان تصدك اني
بنتج و حتى من دراستي حرمتيني علمود ترضين غرورج يمة و عناد بزناد لان هو سجلني
83
عافتني و راحت لجمارة لان صايرة تنهار إذا تسمع اسم زِناد
ضربتها و جُمارة مو مثلي من تضرب اني ابقى بس أبجي و جُمارة
تگوم تصرخ و ترادد تغريد رغم هي تبجي ودموعها تارسة وجهها
بس تغريد ما تبطل ضرب إذا ما جُمارة تعوف المرادد
44
دگوا الباب و هي جُرمت بجمارة و عافتني اني ام السالفة
رحت أوخرها و اشرلها على الباب فضحتينا گاموا يدكون بي و تغريد و لا يمها تكفخني و ترجع تضرب جُمارة
54
تغريد : وعلي وعلي أذبحج إذا تذكرين أسمة على لسانج
اذبحج و إلا ازوججن انتن تصخمن راسي انتن
42
جُمارة : روحي لأمجد روحي خل يحشي براسج
هم رجعت لجمارة و اني اجر بجمارة أريدها تسكت الباب تكسر
بس تغريد ما تسمع غير صوت جُمارة و يستفزها
35
تغريد : عدوات ادبسزيات ما ربيتجن عدل
حجتها و اجت عليه جرت شعري تريد تطلع حرگة التجاوز مالته بيه
جُمارة ركضت فتحت القفل و طلعت تغريد هدتني و تحلفت الها
حطت الربطة على راسها ونزلت تركض
22
استحيت من نفسي من لكيتهم كلهم ملتمين كبال الباب عاد هُم هَم
ما يضيعون مشهد حماسي نزلوا وره تغريد جريت شالي و نزلت حتى اصعد جُمارة و نقفل الغرفة علينه لان هي خطية انضربت بسببي
باوعت للمرايا قبل لا أطلع وجهي احمر من راشدياتها
41
سمعت الصياح جوه سويت الدرج طفرتين تغريد سوتنه مضحكة كدامهم جُمارة خاتلة وره رهينة و رهينة لازمه العكازة تريد تضرب تغريد بيها و كلها تتفرج عليهن تغريد من شافت زِناد طب توحشت اكثر
و رادت بأي طريقة تاخذ جُمارة من رهينة
103
هو مبين واحد متصل عليه لان بهيج وقت يومية ما موجود
و دخل يمشي سريع كأن يعرف شصاير بالبيت
قبل لا يحچي حطيت ايدي على خدي و صدمتني جُمارة من عافت رهينة و راحت ختلت وره
243
تغريد مو بس انهارت اني متأكدة إذا لزمت جُمارة هسة تذبحها
زِناد : خيرررر تغريد شبيج وياها
10
تغريد : جيبهاااا جيبهااااا لا اذبحها
لج جمارررررة تختلين ورا مني
74
مد ايدة يحميها من تغريد و دار وجهة عليها يشوف شبيها
راحت تغريد تلزمها جرها من ايدها و وخرها رجعت ليوره مسافة
تغريد : ولك تدفعني
حجتها و ضربت على صدرها
51
زِناد : ليششششش تضربيها هيج انتِ جاااااهلة
تغريد : ولكككك اني جاااهلة ولك اني مرررت عمك زناااااد
65
زِناد : ليشششش هيج وجهها انتِ ام لو عدووووة
تغريد : لجججج جماااارة تعاي تعاي ما اضربج امشي صعدي
48
زِناد : امشي جمارة كعدي يم جدة
تغريد : إذا ما اجيتي وعلي اكطعج تعاي امشي صعدي
جُمارة : ما اصعد يالله ما اصعد
84
اجتي رهينة اخذتها و طببتها لغرفتها و تغريد تصيح تريد تفوت و زِناد واكف بوجهها عاضة أصبعها و تتحلف الجمارة
تغريد : معليك انت معليك وخررر
زِناد : مثل ما تستنجدين بية من يصير غلط أنا هم
أوگف بوجهج من تسوين غلط
26
تغريد : هي راددتني و أني اريد أدبها معليك بينه
زِناد : كلشي يخص بتج الي علاقة بي
85
باوعتله تغريد بغضب
- و دكول ما اريد منج مرة و انتَ مستقتل على بنتي ترى أساس خراب علاقتي بيها انتَ
زِناد : اي ما اريدها بس تخصني
62
راحت كسرت الباب و جُمارة ما طلعت تخاف كلها بدت تصعد لأماكنها
صعدت وياهم طبيت للغرفة و اني كلي قهر و دموع
من يا جهة أتلگاها منك لو من تغريد لو من أهلي اليتموني
و خلوني هذا حالي
33
امي خلتني أمانة على تغريد الي هيَ على بتها مو حنينة
و لا تسمعلها و تشوفها شتريد و شمحتاجة أنتظرها تلتفت علية اني و تصير حنينة وياي
89
وانتَ ليششش ليششش هيج تسوي بية و انتَ اكثر واحد يعرف تغريد شنو و تعرف راح تضربني بعد هذا التجاوز مالتك و جنت عمرك كله
تخاف عليه منها و من ضربها تضل اشهر ما تتصل
حتى ما تشوف رقمك و تضربني تبقى تنتضرني اني اتصل
31
بس يجوز صدك كلام جُمارة و انتهت رغبتك بية و هسة عندك بديل
فتحت الباب تغريد وهي مثل العاصفة ترعد و تحلف إلا تزوجنه
اثنينه
14
بقيت ساكتة ما جاوبتها تمددت بفراش الزعل المفروش بالكاع
و تغريد اخذت تليفونها بسرعة تفتح بي و تباوعلي أحس مدري شصار
بية و گلبي كام يدك سريع من گالت
18
- ها عيني شونج شون صحتج البنية أجوها خطابة و أنا ما ردت أنطيها لغيركم أذا مكملين آموركم تعالوا أخذوها
.. اهلا وسهلا عيوني ام حسين
122
درت وجهي عليها بـ كَسرة
بَس ما نطقت ولا حَرف ، كل الكلام ضايع ..
....
74
" ورود "
27
و بوسة أنطبعت برگبتي انهاريت
صرخت بس هو نزل ايدة على حلگي حتى نسيت أنا مملوچة
درت وجهي بغضب وره ما هدني و اشوفة واگف گبالي
بأيدة الأوراق و الابتوب و زي المُحاماة
ورود : هو هيج تخرعني
64
شراع : إلا أسوي بيج سكر ، شونج
ورود : زينة بس شو ما أجيت بعد شنو ممداوم
43
شراع : يعني كل عقلج مداوم و ما أجي أتريك يمج
هو أنا ما خاطبچ و أتدلل عليج مو النوب تصيرين مرتي
92
ورود : ، عادي متعودة يعني ، شتريد البيض
- عيون
حچاها و كعد على الكرسي و فتح اللابتوب ما ادري شبية
احس مشاعري ملخبطة حتى ماچني وحدة مملوچة و ماخذة
الأنسان الما راح من بالي من الطفولة
52
سويتله اول واحد لان بعدهم مو كلهم گاعدين كل دقيقة تليفونة يتصل
و يجاوبهن صارت حسرة بگلبي اسمعة يحجي وي رجال كلهن بنات
و يضحك و مأخذ راحته
51
وديت صينية جدتي و اجيت لكيته يغسل أيدة و نشفها بشالي
67
شراع : بس انتَ ما تلعب نفسي منك حبيبي
رايح أني خو ما محتاجة شيء
178
ورود : هاي تلعب نفسك و هلگد تحجي
ويه بنات لو ما تلعب شلون
شراع : أيـاااااابة عبالي متغار
164
گرص خدي و باس چف ايدة
شراع : شغل والله علمود الشغل
57
طلع و تلاگوا هوَ و الشيخ تسالموا و طلع
زِناد : أمشي ورود صيحيلي يونس بساع
عفت البيدي و صعدت أركض الدرج أصيحلة نزل يركض و يرد للشيخ
معلومات و هو يخابر واحد يگلة عليهن
13
وراها أجوي إسلام و علي و خالد ولد عمي عمار هم نفس الشيء يسجلهم و يملون معلومات و أنا حايرة خلصت طبقة البيض و هم بعدهم ما خالصين
48
غسان : شيخ و أنا عادي ابطل و تسجلني
زِناد: أنجب و داوم
رهينة : كونك ما تشوف الضيم يجدة ما دامك عينك على ولد عمك و خوانك و ما تنساهم يبعد طولي هذا طولك حلو
16
زِناد : لا جدة شلون أنساهم
كامت جدة تصفگ بديها و تهوس
رهينة : و الشيخة لراعيها .. تلوگ و تحلى
هو يضحك بصوت عالي گلت هسة جُمارة تنهار من تشوف جدة
24
فاخر : أنا ما يصير أتعين
زِناد : شيسوون بيك عمي انتَ إذا تلزم السلاح تفحط
108
غسان : لا يردوك يابة .. العراق محتاج دبابات
نزع عگالة ابوي و شمره عليه و يونس كفخ غسان
90
غسان : ها بسرعة طبيت بشخصية المنتسب ترى بعدة
اسمك ما طلع لا تعيش اللحظة
30
ورود : غسان تعال اسحل الثلاجة
غسان : ليش إلا اني و هذا الفوج الكاعد ما يتحركون
اعاينلهم شلون يضحكون يارب خليهم هيج دائماً
87
صعدت أنظف غرفتي و الفوگ و فتحت قفل غرفته لان هو مخلي نسخة يمي بديت أنظف فتحت الكنتور و لگيت الفستان بعده بالعلاگة على حطته رحت قفلت الباب و جريت الكرسي صعدت عليه و لحت باقت الورد اليابس
14
الكارت مضمون بنص الورد طلعته افتح بي و كلي مشاعر غريبة
لحد ما أحتلني الخوف و المشاعر الثانية الما أعرف شسميها من شفت المكتوب ..
6
- أحُبكِ زُمردة
من حُسن حظ هذا الورد سيكون بين يديك ..
223
توقيع .. شِراع
7
ايدي ما سيطرت على رجفتها رجعت الباقة بسرعة لمكانها
و نزلت من الكرسي احس عيوني غوشت من كد الدموع
و أني هذاااا عمر كامل ما فكرت بغيرة
تالي طلع يحب إنسانة ثانية و عندة قصة حب
جا ليش ظلمني ويا
114
هاي حوبة خالد بية و عمي عمار أستقتلوا و رفضتهم
تالي راح ابقى أعاني طول حياتي وي إنسان عاشگ
هذا كله الحچي بس گلبي ما مقتنع و باقي يدافعلة
41
مسحت دموعي و طلعت حتى الغرفة ما نضفتها لا أعثر بذكرى ثانية
امي من هسة كامت تجيبلي قطع و تگول لنورس خيطيلها مال عروس
كملت تنظيف و هن ناس تخبز وناس تطبخ
گلت اروح انظف المضيف حتى الهي روحي
8
انظف وأنا الأفكار ما تطلع من بالي
أعاين الشيخ طبب ولاء و هو يسحل بي سحل
و امجد طب وراهم طردني من المضيف طلعت و وكفت يم الباب
زِناد ضرب ولاء جُرم بي و امجد كاعد حتى ما يدافع لأخو
زِناد : وحگ ابن البدوية چيلة برأسك هسة
أخليها و أدفنك بالحوش أفتهمت لو لا
56
امجد : ترى هي هم مستهترة اهلها ما مربيها تنطي مجال
صفگ امجد راشدي و أمجد لزم زِناد من ياخته رجع صفگة مرة ثانية هد ياختة و رجع كعد بمكانة
98
زِناد : أهلها ما مربيها لاااا بس احنه نعرف نربي مووو
بنية بت العالم بطول زرك تريد تصخم روسنة وياهم شنو انتَ حيوووووان متشبع
20
ولاء : اسمعني بس شوف هي مو بس وياي
وي چثيرررر منسقة
زِناد: اي و تطلع هسةةة شريفة براسي مووو و تطلع انت الوحيد الساطي عليها و تأخذها و فوك ما تأخذها ننفضح و نتخزة و ندفع فصل موووووو هيج تردون
20
امجد : يالله غلط بعد ما يعيدها
زِناد : انتَ تاكل نعل و حچاية ما اسمع منك لو بيك خير
اول ما تشوفة تمنعة مو تسترلة
امجد : شلي غرض هي راضية و هو يريد
72
زِناد : مو هو حيوان شيشبعة لك أنا اعرف الحلال و اروح بالحرام وي طفلة أسويها مضحك و اضحك عليها مووو
شگايللها اتزوجج مو هيج مقنعها
34
ولاء : لا ما گايللها بس كتلها احبج و شسويلها إذا هي ما متربية و هاي شمرتها هااا
زِناد : جا منو متربي انتَ لو هذا العار الكاعد يمك لو احنه كدرنه نربي شو بيت شيوخ و عالية نهبت ليش عالية امها مو زينة لو عمي جعفر ما عرف يربيها لو شريك ساطي
على اليحبها و الله شور بي هااااا
58
شعليها التربية إذا انتو كل واحد بكد البعير يضحك على بنات العالم هااااا
امجد : هنَ ساقطات
زِناد : و انتو أسقــط منهن
94
امجد : ديالله عوفة خشمة كام يجري دم
طبيت اركض لا يطلع يغسل و يلچحني صاحتني جدة تسأل شكو
بعدني اريد احجي طبت عجيبة بعبايتها تركض تدور عليهم ما لگتهم بالهول راحت للمضيف تركض
10
جدة گامت و اخذتها للساحة طبو ولد عمي عمار البقية و صارت هوسة بالگراج و عجيبة تتعارك وي الشيخ لان هيج ضاربة
زِناد : تدافعيلة طبعا هذا حصاد زرعج الوصخ
8
بـ ثانية وحدة احس روحي أنجريت سَحل للمطبخ
......
177
" جُمارة "
16
من طبيت لغرفة جدة بقيت خايفة من أمي إذا لزمتني
وره ما تبرد السالفة شتسوي بيه و اني شلون ختلت ورا شراح
يقنعها اني ما عندي شي ويا ضليت أعض إصبعي خوف و ندم
12
بقت جدة يمي ما طلعت و هي تحجي على امي و تصرفاتها
تغريد : هاي امج الگاع عمرها تصيح ظلموني ولج هي امج تنجرع بس يعگوب صگارها چان و ما تسوي مشاكل تخاف منه أمج مغرورة و أنا صوجي لأن أنا الكبرت راسها
و خليتها تشيل خشمها
35
جُمارة : جدة هي تعاركت وي روز بس هي من تصير عصبية تگوم ما تشوف گبالها و ضربتني
مسحت دموعي و أني أحجي و لميت شعري اهدي بروحي
مسحت وجهي اباوع لأيدي بيها دم عرفته من خشمي بقيت رافعة وجهي و مسحت الدم بشالي لان ما اكدر اطلع
28
كعدت بالكاع و خليت راسي على چرباية جدة همزين شريك
راح وي الولد بالسيارة قبل شوية گال الهم مختنگ
وره نص ساعة أندگ الباب و انضغط على اليدة
رهينة : گومي فتحي الباب جدة هذا عزيزي
16
فتحت القفل و من طب رجعت قفلته لأن إذا آمي تدري بي هسة
تقتحم حتى الغرفة كعد على چرباية شريك و گام يسولف وي جدة
زِناد : قدمت اسمائهم الولد كلهم الما جاي يشتغلون
خلي يصحون على زمانهم و يتحملون المسؤولية
14
رهينة : اي والله يجدة هاي الولد كلها مال عسكرية واخليها تحرگها الشموس ما يردون إلا كل واحد تراب الغيرة مالي
زِناد : اي سهلة دفعتهم دفعة قوية صاحبي
عقيد و مرة هَدو عليه عشيرة واحد من المساجين
خابرنه و وگفناله و لليوم ينتظر أحتاجه بشغلة
30
رهينة : چا انتَ خيرك يجدة تارس الدنيا
و اني كاعدة حصرتني الضحكة لان جنت أعرف جدة ما تفوتها إلا تتغزل بي
52
حطت ايدها على متني
رهينة : أعليمن تضحكين على جدتج ولج توج مكتولة
58
جُمارة : ها جدة ترى هاي اول مرة بحياتي اختل وراج
و عيرتيني باجر تتگرمين منو بحالج فكري لبعيد
ضربتني و هو يضحك
65
رهينة : گرموا عدوج يمكسورة الرگبة شلج علية
زِناد : ليش ضربتج بالله
حجاها و گعد عدل يسمع مني
15
جُمارة : هي تعاركت وي روز و اني دافعت لروز
ضربتني راشدي راددتها ضلت تضربني و اني أرادد
9
زِناد : شبيها روز
جُمارة : ما ادري يعني هيج بيناتهم
- خوش تسترين
177
رفعت راسي عليه و بلعت ريگي ، بقيت ساكتة
رهينة : جدة ما تعرفون انتو تغريد بگدي بس أنا اعرفها شتريد بس أنا مستخطيتها لان اكول ام فاگدة و گلبها ملجوم
11
زِناد : ماكو هيج جدة أنا الاعرفة و الشايفة من يموت واحد من بزر الأم تتمنى تخلي البقية بگلبها و ما تطلعهم برة
تخاف عليهم دگوم من الهوى الهاب ، مو هيج
34
رهينة : هي من تضربهن عودين أنا مسيطرة عليهن تريد واحد يعارضها حتى تهد عليه
زِناد : عمي هسة ذني الدگدگ بنات عمامي ما أعاين أمهاتهن تضربهن و إذا تضربهن مو كدام الدنيا كلها
42
بقيت ساكتة كلامهم صحيح بس هم ضجت ما اقبل واحد هيج يحجي
على امي و متعجبة ليش اني هيج تتعمد تسوينه مضحكة و كلها تتفرج علينه مسحت دموعي و عدلت شالي
7
زِناد : لا تبچين هي امج تمر بحالة نفسية ولازم تتحمليها
رهينة : باجر اخذج وياي و شريك من يروح لبيته انتِ هنا تنامين يمي ماكو صعدة بعد
12
زِناد : يالله أنا رايح جدة من تحتاجين شي دكي
وكفت يم الباب حتى من يطلع اقفلة لا تجي امي
قبل لا افتح القفل باوعلي مبتسم
زِناد ابقي يم ورود اليوم و بالليل عازمج
أبتسمت و ما رفضت
133
من راح استوعبت اني شبية خفيفة و ما رفضت
أحجي هيج و أني صحت لـ ورود اريد منها شال حلو و صاية
ورود : خل نكمل العشاء و نصعد فوگ اختاري اليعجبج
33
امي ما نزلت و روز هم ما نزلت واني اخاف اصعد لا تحبسني امي و تقفل الباب دزيت زهرة أخت ورود راحت للغرفة تشوفهن
- اثنينهن نايمات وحدة على الجرباية و وحدة بالكاع
16
بيت عمي فاخر كلهم كاعدين بالهول نورس و رقية و ورود
فرشن السفرة و صاحن سرى وزهرة و رفل يجن ينگلن الزلاطة و الخضرة نزلن من فوك يركضن
10
غسان : مرتي وين مرتي لا تشغلوهااا
سرى : اوووووع عمي فاخر ما تشوف ابنك ما يستحي
حسرة أعليه صارت انزل و يگلي اتزوجج و اريدج أنا
ابوي ما يريد يزوجني
142
فاخر : چا و إذا رادج ابن عمج هذا
سرى : يا جا ردناك عون طلعت النه فرعون أنا يجي ابوي من السفر و اخلي يسوي لابنك صورة حل
99
عدنان : ناهين أعليج أحنه عمي دامج
ما تردين ابن عمج عاشگة بعد حتى لخوالج ما ترحين
57
تخوصرت و وكفت الهم
سرى : يااااع و أنا بت ابوي الشيخ و ابن الشيخ
شني عاشكة و انزل راس ابوي امداني
عدنان : كفووو عمي خوش چنة
- لا جذب أنا عاشگة يالله بس خلصوني من هذا
المهلس
225
غسان : مو مشكلة ابن عمج أنا و استر عليج
سرى : هسة انتَ شني ما عندك احساس شامر روحك أعلية
زلمة شكدك شكبرك ولو اكو جثير زلم و تالي يطلعون فاشوشي
39
كلها تضحك على الجدال بينهم
غسان : عمي إذا ما اخذتج و كسرت عينج أنا مو ابنك يفاخر
سرى : يالله هسة على أساس فاخر شلون معترف بيك
بيا صف انت ما يدري
76
غسان : بالكلية أنا توصليلي المجرجمة علاقتج
بالحمام على گد العيد
سرى : ولك هم تحجي قبل سنتين مو عدنان و يونس
يسحلوك للحمام يالله تسبح
82
كعدت يم جدة اتعشة و هي تلوب
رهينة : هسة ليش راح ما تعشى و راح
شريك : اخ ، معزوم جدة قبل لا يطلع گال گلولها
10
رهينة : ها يعني ما ادك عليه
حجيت بصوت ناصي
جُمارة : هسة دعوفي الرجال جدة
ضربتني على رجلي بمعنى معليج
17
عدنان : عازمتة ربيعة
جدة جاي تاكل و غصت نصهم أبتسموا ، صبيتلها مي
و أنا ما مفتهمة السالفة شنو جدة عافت الاكل و زعلت ما قبلت تاكل
73
حرمصولها و هي ابد قفلت تالي راحت لغرفتها نامت
راحوا شريك و امه هم للغرفة سألت ورود
كالت لان متحب ربيعة بيناتهن مشاكل اني ضجت شلون زعل جدة
رحت الها للغرفة فتحت الباب مطفين الضوة كلهم و نايمين
8
كعدت يم راس جدة خليت ايدي على راسها خاف هم دلوعة مثلي
و بسرعة تصخن بس حرارتها زينة دگ تليفون شريك مخلي جوه راسة
بنص المكالمة و فز جره بلهفة واضحة من الـ الو مالتة
21
- ها حبيبتي شونج ، أخ ، شلون صرتي أنا زين
.. لا تبچين شمعة وداعت عيونچ أنا شوكت حالف بيهن چـذب جاي أتحسن .. عالية مرمرتني ...
لااااااا تدافعيلها صمي حلگج
121
بقى ساكت فترة و هي تحچي
- خل أصير زين و بسيطة ، ... يا بَس أحبچ ولج
أنا مسطور بيج .. سكت و ضحك
29
اني خاتلة يم راس جدة و هو حتى ما يكلف نفسة يشوف منو منهن كاعدة منو نايمة عادي العرض واحد سمعت طگة الجداحة و هو يورث جگاير جر حَسرة
12
شريك : وَياچ أنا بـ حَرب
كلمن يشيل سـلاح
تكتلني لو أكتلّك
بالحالتين أرتاح
322
صار هدوء و گام يضحك
- كل عقلچ أبقيچ عايشة أنا وصيتي من أموت
اذا ما أخذج وياي أكللهم أكتلوها وراي
38
فتحت الباب و طلعت حتى من طلعت ما كلف روحة يرفع راسة ويشوف منو اجة منو راح صعدت لورود لكيتها مطلعتلي الصايات و الشالات
ورود : كلهن جديدات اشتريتهن و لبسوني عباية
48
أخذتهن أكدر بيهن كلهن حلوات بس عجبتني وحدة كلها شذر ابيض
اختاريتها شوية طويلة عليه بس عادي
ورود : انتِ وياهن راح ترحين
جُمارة : اكلج بس مدكولين ، وي شيخ عشيرتكم
43
فتحت عيونها بصدمة و ابتسمت
ورود : صدك ؟ جا لا ابقي هنا خل اصعد لنورس تكفها اوكفي خل أقيسج
قاستني و اخذتها و صعدت تركض هي متحمسة اكثر مني ،
لا چذب اني هم متحمسة
150
دورت بالشالات اخذت واحد سادة اسود و وكفت ألفة على وجهي
طبت ورود بيدها الصاية
- ولج جُمارة طالعة عينج
- يمعودة محبوسين اريد اشوف هوى الله هسة يطلع يضحك علية و يضربني بوري و ما يجي
21
ورود : لا حبي يجي عيد و جابة العباس
جُمارة : جنج امي من تشوفني واكفة يم زِناد لو جبت اسمه تتخيل راح يسحبني و يجيب الشيخ يعقد عليه وياخذني
و بالعكس هو شخصية رزنه ماعندة سوالف مو زينة
32
ورود : لا ولج منيلة جا إذا الشيخ يكوم يدور سلام الله على البقية غير هي أفعالة يتأثرون بيها
جُمارة : ختولي أفعالة اهم شي فلوسة
117
كامت ورود كل شوية تروح للدرج تمد راسها و تجي
ورود : ولج اليوم جدة زعلانة حتى الجهال نايمة من وكت
عبالك هي يومية هاجمة البيت
24
جُمارة : جدة زعلانة اويلي لايگلها الزعل
طبت زهرة تركض للغرفة تمددت على جربايتها
ورود : شكو شبيج
زهرة : ولج تعاركنة و فشرت إعله رفل ام سنون
و طب علينا الشيخ يگول جيبوهن اليوم أجويهن
79
عفتها و نزلت بس ما لبست شي سويت روحي ما مهتمة
لگيتهم يضحكون هو و عدنان و غسان و راد يروح لغرفة جدة
جُمارة : لا تروح جدة نايمة و زعلانة منك حتى ما أتعشت
زِناد : يالله بدلي نجيبلها ويانة
45
ابتسمت و صعدت اخذت الشال و الصاية و الشحاطة و لبستهن بالساحة من الخوف هو برة منتظرني و أنا واكفة على جامة شباك المطبخ اعدل بحجابي نسيت ما حطيت عطر طلعت أركض
عقلي ما يتخيل غير بس إذا طبيت و أمي واكفتلي بالساحة
25
طلعت من الباب و رديته وراي جان مطلع أغنية
من طلعت طفاها فتحت باب الـ وره و أنا أريدة يگلي لااا إلا بالصدر
و احس تفكيري منتصر من ردت افتح الباب و لگيته مقفول
اشرلي بأيدة على الصدر و مد ايدة هو فتحة
94
صعدت و صوت الشذر الـ بالصاية يخرخش من أتحرك
من حرك السيارة شوية التفتت على البيت
- اكلك حباب رجعني
55
زِناد : لتخافين أنا موصي غسان إذا كعدت يدك عليه و ارجعج أنا ما أريد مشاكلج وي امج تزيد
17
جُمارة: عادي افتح الجامة
زِناد : خاف تبردين ،
حجاها و فتحلي الجامة من وحدها اني نزيت
17
- هي امي نهارت لان ختلت وراك اني لان خفت من ضربها ختلت هسة بعد شراح يخلصني منها
- امج تخاف عليج و حقها
18
بقيت ساكته و هو هم ساكت مرينة من شارع حلو و الاضوية قوية
عدلت كعدتي و اباوع مبتسمة
زِناد : شمشتهية تاكلين اليوم شنو تردين گولي
جُمارة : أريد اجنحة شوي
207
ضحك و طلعنه من الشارع اخذنه على غير مكان وگف گبال
مطعم عليه هوسة و اني أباوعله من راح حتى يگص وصل
اشرلهم على السيارة و اجة صعد
جُمارة : خوب ننزل نگعد وي العالم
زِناد: اي و انتِ تأكلين الأجنحة گدامهم مو
75
جُمارة : عادي تلزم الجنح منا عمة منا و عمة ثانية خلص
زِناد : اكلي هنا عود إذا انزلج اشربي شي
- عمي ما متعودة على هذا الدلال خاف امي تطلعة من خشمي
65
شوية و جابو الأجنحة ريحتها و شكلها يشهي هو اكل بس اثنين و اني أكلت البقية هو ما يباوعلي من اكل اخذت راحتي بس أحسه
مالك الدنيا كلها و ملامحة كلها واضح عليها الارتياح
97
من خلصت انطاني بطل مي غسلت أطراف اصابيعي
و حلگي و اخذت كلينس منه مديت ايدي بكل صلافة فتحت الچكمچة
ردت اشوف عندة عطر اخلي لروحي لان ريحة الاكل ترست السيارة
مد ايدة على ايدي
زِناد : شتردين گولي
73
جُمارة : بس عطر عندك
سد الچكمچة و من جهة الباب مالته انطاني عطر اخذته و اني احس
بالفشلة بسرعة اخذ راحتي بالمكان
بقيت عيني على الچكمچة و القراصة مالتي الحاطها بالاستيرن
52
يمشي سريع و الهوى عالي تذكرت أمنية روز انقهرت عليها
جُمارة : شو انتَ ما أكلت هواي
- شبعان
- اكيد شبعتك ربيعة
ضحك بصوت عالي باوعتلة مبتسمة
47
جُمارة : زناد
حچيتها و اني عيني جهة الباب مالتي حتى يضرب وجهي الهوى
و اول ما نطقتها استحيت لان من يوم چنة بالمستشفى و شفته استغرب من گلت اسمة و بالبيت كلهن الـ بگدي و اكبر مني ما يگولن اسمة بس جدة تصيح زِناد البقية كلهم يكولون شيخ
40
بَس كل هذا التفكير تلاشى و درت وجهي بصدمة من سمعتة
زِناد : عيون زِناد
....
2.4K
انتَ ما تدري بالصَاير
گلبي ما يحچي بـ مَحبتة
- أسمي حَبيته لان أنتَ نطَقتة
150
- رُسل فَهد 🤍
58
