رواية يا اجمل الوحوش الفصل الثامن عشر 18 بقلم رسل فهد
يا أجمل الوحوش
- رُسل فَهد
...
43
أنا على يقين بأن عقلي يحمل أفكار
تُنافس فوضى أخبار الجرائد حتى ..
20
يَـ راحة منين ما أجيبج بَعيدة
الگلب بَس للحزن مخلوق
هذا العقل شال أفكار
تشبه هوسةّ آخبار الجَريدة
- رُسل فَهد
...
57
بَس كل هذا التفكير تلاشى و درت وجهي بصدمة من سمعتة
زِناد : عيون زِناد
لكيته عاض شفته و عاقد حواجبة كأنها لحظة ادراك متأخرة
مسح شواربة و أبتسم بس ما بررلي بحرف
درت وجهي رجعت اباوع للجامة
179
الهوى بارد و يضرب وجهي الشال ما يتحرك لان اني لافته على گصتي
لزگ و ضابته على وجهي تدنيت اكثر على الباب و خليت ايدي على مكان الجامة و سندت راسي على ايدي الهوى من كد ما قوي احس
روحي اختنك بس اني مستمتعة
71
توقعت راح يگلي طببي راسج عيب بس ما حاچاني حرف
طول الطريق اني مبتسمة و السيارة هدوء مابيها غير صوت الهوى
لمن السيارة تمشي سريع ، دگ تليفونة نزيت و شهگت بسرعة
اريد اشوف الاسم باوعلي و طلع التليفون من جيبة
78
زِناد: على كيفج هذا صاحبي
فتح خط و يحجي ويا بمواضيع شغل ما أفهمها بَس اني الخوفة
بعدها بجسمي ضليت كاعدة بمكاني ما رحت يم الجامة
اول ما شفتة سد الاتصال
جُمارة : وديني للبيت كافي
- صار
123
جان بس يريد يحسسني بالأمان و يخفف خوفي من امي
بس هو ما يدري اني شكد اخاف منها وشكد هي قاسية من
تشوف غلط لمن دخلنه الشارع مالتهم ما احس الخوف يُخف
بالعكس يزيد
59
وكف السيارة گبال البيت و باوعلي
زِناد : ترى أمج نايمة لو كاعدة يدكون علية
جُمارة : اي بس اخاف لا تكعد على اي لحظة
46
زِناد : يالله نزلي
ابتسمت بوجهة و فتحت الباب اريد اشكرة بس استحي
هو فتح الباب مالته و نزل فتح باب الوره اخذ العلاكة مال جدة
وكفت يم الباب اريد أفتحة و أفوت
18
وگف يم الجنطة مال السيارة
جُمارة : انتَ راح تفوت
أشرلي بأيدة تعاي
25
بقيت حايرة أفوت لو اروحلة اني اريد هسة جناحات توصلني لغرفة ورود و انام و محد يشوفني لان احس بروحي مسوية جريمة
بس ماكدرت .. هديت الباب و رحت يمة مبتسمة احاول أخفي الخوف
بس متأكدة واضح
28
فتح الجنطة مال السيارة واني جنت واكفة على جهة ما اكدر اشوف
شبيها شهكت بفرح من شفته طَلع بطة صغيرة اخذتها منه و خليتها بحضني نسيت كلشي و اني اباوع لجمالها
جُمارة : ليش ليش حابسها جان أختنگت
205
زِناد : يالله اخذيها و طبي
غطيتها بشالي من البرد و طبيت اركض خلصت الساحة ركض ردت أفوت باب المطبخ و نزعت الصاية و الشحاطة شلتهن هن و البطة
بـ اثنين ادية ردت أفوت وهو لسة برة
23
طبيت للمطبخ و احس ما شكرتة على البطة و لا على الطلعة و اني اول مرة بحياتي احس بروحي مرتاحة رغم الخوف و هن بأيدي طلعت اركض للباب مديت راسي لگيته فاتح محفظته و مقربهة على شفتة يبوسها ، عَدل وگفتة من شافني طلعت
279
زِناد : شطلعج و بهذا الثوب ، هااا
جان خازرني بعصبية
53
جُمارة : ردت أكلك شُكراً
على كيف رخَت عقدة حواجبة و خزرت عيونه و فتح چف ايدة و سدة
69
زِناد : تتدللين دلال
ضحكت بوجهة اباوعلة و اباوع للبطة احس الأحرف اختفت و ما أتذكرها بِست البَطة و لوحتلة بأيدي باي و طبيت اركض
111
احس روحي ريشة البيت كله هدوء صعدت فوگ كل الغرف مسدودة بيبانها بس غرفة غسان مفتوح الباب و الضوة من شافني صعدت
خلة ايدة فوگ شفته عود يهلهل بس بدون صوت
406
طبيت لغرفة ورود لكيتها فارشة لاختها بالكاع و عايفتلي الجرباية
شمرت روحي على الجرباية و البطة بيدي احس مالكة الدنيا كلها
مو صارت عندي بطة و كل ما اتذكر موقف من الطلعة ابتسم
70
لحد الفجر و اني سهرانة وياها و النوم طاير من عيني
خليت البطة يم رجلية و تغطيت من كل الجهات و نمت خاف تنقرني و اني نايمة بعدني ستوني غفيت و فزيت على عياط زهرة أخت ورود
لازمة راسها تبجي وتطفر و البطة تركض وراها
239
كعدت ورود مخروعة اخذت البطة و اني اضحك و هي تسكت بأختها
زهرة : اريد اروح انام يم امي ما انام ويأجن
ورود : بس لا دكليلها نگرتني البطة و علي اكللها من كصيتي الثوب الجديد
57
نزلت و ورود تسألني و اني أهز راسي بس اريد انام فزيت
من النوم اباوع للساعة صاير الظهر و محد بالغرفة بس البطة تصول و تجول حطيت الشال على راسي و نزلت اني شايلتها
52
هوسة الظهر معروفة ناس تعجن و ناس تطبخ و جدة ضايجة
الظاهر بعدهم ما متصالحين لان بس هو يعكر مزاجها
غسلت وجهي و كعدت يمها تباوعلي وًتريد تحجي النوب تسكت
28
جُمارة : هسة انتِ زعلانة على عزيزج احنه شعلينا
ضربت رجلها و تهز برأسها
رهينة : يروح ياكل يم ربيعة يكعد يمها يحرگ أفادي
88
جمارة : الله اشعر بالسعادة و انتو متزاعلين
رهينة : طبعاً إذا صارت الختلات بنصاص الليالي
بعد حتى جدته ما تهمة
137
جُمارة : ههههه ، جدة كلشي و لا الشرف أكلت اجنحة
و جابني و جابلج وياي حتى هناك لاحگتني
45
ضربتي بالعكازة مالتها و عضت إصبعها
رهينة : أنا يزناد هيج تسوي بية اخ يمة ، ولك شلون
اطااااك گلبك تروح لربيعة
167
جُمارة : جدة شبيج شنو سالفة ربيعة هم مو نفسهم
ابنهم الكتل امير و انتو كتلتوا واحد منهم
رهينة : اي ولج ذولة أحفادها أنا وياها متعاركات غير هو
يزعل اعلى زعل جدتة
61
بقيت ساكتة و مبتسمة لان حاصرتني الضحكة و ما اكدر أضمها
و اسوي روحي العب بالبطة حتى ما تنتبه علية و جدة كاعدة تلوب و تضرب برجلها و كل شوية عاضة أصبعها
22
رهينة : يدري بجدته زعلانة و ما يجي يراضيها
جُمارة : جان محتار بية جدة
شالت العكازة و رادت تضربني
- كومي من يمي ما اريد اشوف خلقتج كومي
125
النوب كامت و العكازة ساندتها تفتر على البيت بلكت تشوف غلط منهن
و هن هم ماخذات الحذر منها هي تحجي بصوت عالي و هن يجاوبن
بأدب
27
رهينة : والله إذا لكيت كرصة محترگة أحرگجن وراها
نورس : لا عمة صدك جذب روحي ارتاحي
56
مشت المطبخ و دارت وجهة على رقية و ورود
رهينة : الاكل لو طلع جثير مالح اغمسچن بنص الجدر
ورود : جدة لا يا يوم مسوينه مالح
53
شافت ماكو شي تتعارك عليه كتلت زهرة و رفل و سرى
لان يركضن و اخذت التليفون خابرت على عمي قاسم و هاشم
لان مسافرين و رزلتهم بصوت عالي نسوانهم كيفن
130
ام عدنان : عمة دريتي ام غفار جارتنة العتيجة
رهينة : شمالها
- غير ابنها غفار طلع اسمة وي العايشين من المفقودين
و راحوا اخوتة يجيبوه
112
اباوع لجدة كل كيانها تغير و ما سيطرت كعدت على التخم و هدت عكازتها و هي شاردة بغير عالم شوية و كامت تبجي و تون
بصوت عالي كلهن التمن يمها
57
تبخرت كل ذيج العصبية و كامت تنعى نواعي جنوبية
يُقال إذا أردت أن تبحث عن أعمق أنواع الحزن
ستجدهُ في قلوب العراقيات الجنوبيات حيث هُنالك
الحزن لا مثيل له
189
رهينة : يمة ضاعت آخباره ..
أنا ام الذي ضاعت أخباره
141
يالراد يوسف لَـ عِد يعگوب
أبني غِريب بذيج الدروب
88
لا حصلت چثتة و لا هدامة
راحت بَعد ذيج الشهامة
134
درت وجهي للدرج لگيت امي واگفة و تبجي
ام عدنان و نورس كعدن يسكتن بجدة و هن يبچن وياها
رهينة : والله لا غرت كل عمري من مرة لا من الگصن ثياب
و لا من اللبسن ذهب أنا اول مرة اغارن من وحدة
غرت من ام غفار شكبر بختها و رد ابنها
لحضنها بعد كل هالسنين الجثيرة
132
مسحت دموعي من خدي أتخيل لو أبوية ويانة موجود
شكد راح احس روحي هيبة كدامهم لان احس امي من وره ضربها
مسحت شخصيتي كلها بالكاع
69
من صَبوا غدة هَم ما أجة و جدة شاطت من القهر بس ما دكت
عليه أكلت لگمتين و عافت الاكل كالت شبعانة بس كلنة ندري شبيها
عدنان : جدة زِناد اليوم رايح للغربية عدهم مشية مال خطوبة صاحية و راحو گبل شوية
88
رهينة : الله وياه جا أنا شلي غرض
مبتسمين الكل و واحد يباوع للثاني
صار هدوء و هم بس ياكلون
رهينة : شوكت راح ، هاي الدروب الخطرة كلها شني
ما يخاف على روحة
49
عدنان : شني جدة جا هو صغيرون
رهينة : جا هو الخطر و القدر يعرف جبير و صغيرون
هنا هنا ، من العمارة للغربية دگ عليه شوفة شلونة
54
جر تليفونة من يمة و دگ عليه فاتح سبيكر
رهينة : لا دكلة جدتي تسأل عليك
زِناد : الوو ها عدنان
27
- شونك شيخ وين ما وين
- راح نطب للأنبار ، وصلنة ليش خو ماكو شي
- لا والله سلامتك بس ابوي كال الدرب خطر خابرة
زِناد : ههههههه ، گللها ما بية شي جدة بالليل اجي
121
رهينة : ما سائلة عليك أنا ، و بعد لا تگول جدة
زِناد : هههههههههه جدة أنا أعرف شلون اراضيج
74
باوعتلها هي ما بعينها غيري كل شوية
تباوعلي غمزتلها ضربتني على ايدي
رهينة : لا تجي ولا توصل
ضحك ضحكة طويلة و گال في أمان الله
43
بعدنا كاعدين نضحك ...
....
209
" عالية "
49
عفتها و درت وجهي حتى اصعد عبالي تتشاقة
بس صدمني كلامها و بقيت واكفة ولازمة المحجر مال الدرج
ام سلام : ابوك يگول لو يذبحها لو يتزوج لو يشمرها
على اهلها شريك اخوها يحير بيها
73
درت وجهي عليهم بهضمة و صعدت طبيت للغرفة و قفلت الباب
شمرت روحي بالكاع و اني أعض اصابيع الندم
هسة عرفت زِناد ليش كال لازم تتحملين كلشي يصير
خلي يتزوج ما يهمني بَس أنا مقهورة على المرحلة الوصلت الها
من الذلة
34
مو عضيت !!
من كِثر الندم أيدي كَلتها
" أنا لـ هالحال روحي وصلتها "
137
اسمع صوت صياحة هو و إمة وره شوية دَك باب غرفتي ما جاوبته
تمددت على الفراش واني شارة هدومي على كرسي بنص الغرفة
دموعي تارسات المخدة شوية و حسيت المفتاح مال الغرفة وكع وانفتح القفل من برة ما رفعت راسي بس اسمع خطواتة تتقدم
20
كعد على الچرباية مرت دقايق و هو ما بدرت منه اي حرگة
غطيت راسي قوي من خله ايدة على چتفي حتى يگعدني
علي : كومي تغدي يالله
42
ما جاوبته شال الغطى و شمره بعيد عني
عالية : ما اشتهي اريد أنام
علي : گومي گلت
حجاها وهو يمد أيدة على زندي يگومني
23
عالية : اريد انام حباب
مد ايدة على وجهي عصرة بچف ايدة يحجي و يحرك بوجهي
علي : لج شلون گدرتي تأمنين بي و تخطين هيج خطوة وصخة ليش گلبتي المواززززين كلها بـ لليلة وحدة
ليششششششش
77
عالية : أذبحني و أخلص أذبحححححني
شمنتظـرررررررر هاااااا
36
علي : خوش تعاي
حچاها و جرني من ايدي طاح الخاولي و شعري ينگط مي وراي
وهو يسحل بية على الدرج ينزلني و ايدة عاصرة زندي قوي
بدون ما اعرف وين ماخذني دموعي كامت تجري على خدي
34
اهتزّ كل جسمي من الخوف و هو فتح الجرارة و اخذ السچينة
علي : مو تردين ترتاحين يالله امشي
73
طلعني من باب الهول لوره البيت مرينه بالممر الجنت اخبز بي
و اني هسة من الخوف لو يذبحني قطرة دم بجسمي ما يلگة
احس رجلية كامت وحدة تطخ بالثانية من كد ما يرجفن
لنص الممر و احس ماتن رجلية وكعت بالكاع
27
الشمس عالية و الجو بي دفو خفيف رغم الهوى ما يهدأ
كل شوية محرك الأشجار و سعف النخل و الطيور كل سرب
بسربة كعدت بالكاع وايدي ترجف لان رجلي فقدت السيطرة
32
احس هاي اكثر مرة بحياتي احس بروحي هالكثر عزيزة
عَدل لزمة السچينة و اني تشاهدت بداخلي و وبنفس الوكت
خليت ايدي على رگبتي
عالية : لا ما اريدن أموت
49
علي : لا مو خابصتني اذبحني و اذبحني وخري ايدج
خلي اخلصج من الدنيا يااااالله
هزيت راسي بـ لا
33
كعد ركبة و نص صار بمستواي و السجينة بعدها بيدة
علي : شفتي الغلط شنو نتيجته لو لااااا
خليت ايدي على چتفة و ايدي الثانية على صدرة بس اريد
الرجفة البداخلي تروح لان صارت واضحة حتى على صوتي
22
أدية الاثنين يرجفن ضغطت على شفتي اهدي روحي لان احس جسمي مثل الي ضاربتة صعقة كهربائية خفيفة دموعي تنزل بدون ما توكف ثانية أنهاريت بالبجي بصوت يرجف من سحبني لحضنة
و خله راسي على چتفة
160
چان ضاغط علية بقوة و ضغط على چف ايدي قوي
اني هم ضغطت لان بس اريد الرجفة تطلع من جسمي احس روحي
أختنگت ، ما نطق ولا حرف و أني أبجي بصوت عالي
24
ما فكرت هذا منو الي حضنتة بَس الي أعرفة ماكو أحد غيرة
لَحظات تمُر و اني مغمضة عيني ما أشوف شي بس اسمع أصوات
السعف و الطيور فوگاي و أحسة سِبح بدموعي
45
حتى السكاكين التي هدفها الذَبح
سقطت مَرمية على الأرض عالنةً الاستسلام
تَحت مُسمى الحُب
130
من حسيت روحي رجعت لطبيعتي اريد ارفع راسي بس اخاف منه
وشنو هالقابلية الي خلته كل هاي الفترة ساندني و هو كاعد على
رجل وحدة
42
فزيت و رفعت راسي من أندگ الباب مسحت وجهي و طبيت للبيت أركض صعدت فوك باب الغرفة مفتوح فتحت الجرارة اخذت المشط
امشط بشعري اعاينلة لان يبس صار مچبن ما يتمشط بالگوة
شعري شوية بعد و يوصل لركبة رجلي يتعبني بالتمشيط
طويل صحيح بس مو ثخين
163
سويته نصين و امشط بي على كيف لا يتهلس
عمار : ماااا يغطي عملته من يعينك انتَ و خالد و اسلام
من يجي اليوم تگلة ابوي و عمامي كلهم أتفقوا ما يردوك أنزع عگال يوسف و غَرب بعيد
46
علي : يابة شني هي هيتة نزعةّ العگال چا تردون آمجد
الـ خلانة علچ بحلوگ الوادم من جان يسافر زِناد مو الديرة كلها كامت محد يدز عليكم بمشية لان يا مشية الياخذوكم بيها تخربوها و تردون حچي محد يعرف يحچي
50
عمار : ولك ابووووك ما يعرف يحچي
علي : لا يابة أنا اقصد امجد
17
- امجد احسن من زنااااد بألف مرة عاد يمشي بحچيّ الأكبر منه و حاسب حساب لعمامة مو هذا المصاحب الدنيا و عايف عمامة ولك هاي المشيات اليروحلها ما يگول عمي امشي وياي أنا و امجد چنة ما نتفارگ
84
علي : يابة انتَ وين تطيقة حتى ياخذك ويا مو مرة آخذك و تعاركت ويا كدام الوادم
عمار : طبة الف مررررررض يستاهل مايسمع حچايتي
45
علي : يابة هو يا مشكلة طبلها و ما حلها حتى يسمع لواحد
و يجوز انت ساعتها قرارك غلط و هو ما سمعلك
- لاااااا تدافعلة لا أحط چيلة برأسك و برأس الخلفوك
أنا ابوك ولك لو زِناد
59
- لا يابة انتَ ابوي و تاج راسي بس
زِناد هم ابن عمي و حزام ظهري
- انعل ابوك لابو ظهرك ولك شنو زيناتة ويانة هاااا
اخوك خَيّسة بالسجن و هو لا بيها و لا عليها
اخوك خالد وگف بقسمته و ما خلى ياخذ ورود
و انتَ فشكرك و شمر براسك هاي العايبة
و تريدني احبههه و أطيق وجهههه هاااااا
56
علي : يابة كل سالفة ذكرتها بيها جثير سوالف ثانية
زِناد ماله غرض بيها ليش ما تگول اخوتي منيلهم شغل هم و ولد عمامي إذا ما هو يشغلهم بمعمل عمي
13
عمار : غصباً عنه شنو تعبان بس هو خير اخوي
علي : يابة يا خير هذا تتذكر امجد من طلعهم خسارة و رهن حتى المعمل ليش احنه چنه نشتغل بي من امجد لازمة
احجي حظك و بختك
26
عمار : اي امجد ما حافظ عليه
علي : اي و منو رجع اشترى و فك الرهن من الوادم و كبرة
وخلاها كلها تعيش منه هااا مو زِناد يابة
17
منو سوالنا هيبة بعد المهزلة السواها امجد
كدام الشيوخ و الوادم منو نهى الخلاف بينة
وبين خوالي و منو النقذ ابنك من الموت و سَفرة
و خلى يشتغل ويكون نفسة غير زِناد
منو الـ جملك و خلاك تطلع بيت وحدك ببدال ما چنة ننام بالمضيف مو زِناد ها يابة أحجي أسمعك
167
عمار : لكم انتو عدوان مو ولد يعني هسة أنا مو زين و زِناد احسن مني ولك برجلي رحتله و كتلة بتي هدية الك و انتَ
ابن اخوي يرفض اختك و يفشلني و أنا عمة
64
علي : و انتَ شكو تنزل من مقام اختي ها يابة يعني غشيم انتَ بزناد ما تدري هو هاويمن و يدگ و ينوح عليها كل هاي السنين
46
- خلي و منو ترضى بي هذا المشوه الي الله عاقبة بالدنيا قبل الآخرة وخله النار تاكلة الله مشوهة قلباً و قالباً
علي : هذا قدر و ما نعرف ياهو منه يجوز يصير أنگس منه
على الأقل زِناد عنده خير چثير يعالج روحة احنه منو يعالجنة
61
- أنجججب كلب ابن الكلب شنو انت المحامي مالته
هذا الحرگ الصار بي عقاب لغرورة من رب العالمين
- بالعكس هذا بلاء و ما يصيب غير الگدها
على أساس شلون الحرگ آثر بشخصيتة بالعكس
صار اقوى
40
عمار : اي لان يشوف الناس كلها احسن
منه أنگلب عليهم وحش
علي : هيبة عمي
79
عمار : انعل ابوك لابو الهيبة الك مهلة منا ليومين
تنفذ حچاية من الكالتهن امك الك و إلا يا علي مو أغضب
عليك بس أصير أنا اول ابو يكتل ابنة بالديرة
- ان شاءالله يابة
43
- انعل ابوك لابو ابوك
صار هدوء إلى إن أنطبگ باب الشارع قوي عرفته راح
ما نزلت بقيت فوگ شلون أباوع بوجهة بعد أحس روحي متفشلة
كعدت على الچرباية و الباب مفتوح عفته ظفرت شعري و ماكو قراصة
و لان خفيف تنفتح بسرعة و نفس المعاناة
38
رفعت راسي من شفته طَب و بأيدة السمچة و الخبز
اليوم سووها عليه سمجة گشرة كعد بالگاع و آشرلي تعاي
عالية : لا والله ما اريدن
علي : اناااا جاي اكول تعاي مو جاااي أطلب من حظرتج
92
بلعت ريگي و كعدت گبالة احس روحي غصيت و أنا بعدني ما ماكلة سمج اعاينلها والله شاويها عدل و تشهي اعاين لايدة ياخذ ربع گرصة الخبز و يخليها فوگ السمجة ياخذ اللحم ويأكلها و أنا افتح الخبزة
و أشيل شوية شوية من اللحم و اخلي بالخبزة لحد ما تصير لفة و أكلها
51
علي : ترى مو هيج ينوكل
شال خبزة و رجع عاد الحركة لفها و مد ايدة علية
- هاج تسممي
281
اخذتها و اكولن هذا البشر لو يطلع صاحي أنا كلشي ما أفتهم
اللگمة بعدها بحلگي توني اريد ابلعها ، غصيت
علي : باچر نروح لاهلي
33
- بَس ؟
- بَس شنو يعني اول و تالي هناك تعيشين
....
172
"ورود "
28
بـ ثانية وحدة احس روحي أنجريت سَحل للمطبخ
أعاين هذا شراع بس شكلة تعبان من الدوام ضاغط على ايدي بقوة
شراع : شعندج واكفة بنصهم هاااا
و انتِ هاي الدشاديش الخفاف منين تجيبيهن
156
ردت اجر ايدي منه بقوة ضغط عليها اكثر و هو خازرني
ورود : ترى ما بيها شي بس انتَ عيونك مادري شمالهن
هد ايدي يالله
28
شراع : شعندج طالعة ما تطبين جوة حالج حال النسوان
ورود : و انتَ شلك غرض بية عوفني بحالي
باوعلي مستغرب مني هد ايدي و صعد
خلي يحس على نفسة احسن
44
صار الغدة و كعدوا ياكالون حظرت صينيته و دزيتها بيد
زهرة اجيت اريد اكل أعاين زهرة نزلت بيدها الصينية
رحت الها و امي و جدة يعاينن علية
زهرة : يكول ما اريدن شبعان
اخذت الصينية و صعدت مديت ايدي على اليدة الباب مقفول
دگيته ما كال منو بس سمعت طگة المفتاح و ما فتحة
33
مديت ايدي على اليدة انفتح الباب لگيته كاعد
بهدومة مال الدوام و فاتح اللابتوب يكتب سريع حطيت الصينية گبالة
ما باوعلي مستمر يكتب
ورود : شني ما تاكل ؟
شراع : لا مو كلت لاختج شبعان
20
ورود : شبعان ؟ منين و انتَ ما تاكل غير منا
سد اللابتوب و رفع راسة يعاينلي
شراع : شعليج بية ؟ مو مالي غرض بيج
- الاكل ماله غرض بهاي السوالف
45
ما جاوبني گام من مكانة و راح يم الباب عاينتله مستغربة من مد ايدة
قفل الباب بلعت ريگي و كنت أعاين للحيطان و أنا النار شابة بية منة
ما اريد إنة افتح الموضوع اريدة هو يسولفلي وحدة
و إذا جانت السالفة غميجة مثل ما عقلي متخيل
ساعتها لو اعرف أضل طول عمري بلاية زواج و لا اخذة
34
جريت ايدي بخوف اريد اطلع من الغرفة باللحظة المد ايدة علية
و سحب جسمي على جسمة گلبي يدگ سريع و ألخوف ماكلني
ورود : شراع اهلي لچحوني من صعدت دخيلك
أنا استحي من ابوي و اخوتي
59
ما جاوبني مد ايدة على خصري و نظراتة مو مريحة
سحبني اله أكثر و خله راسة برگبتي اخاف اصرخ و افضح روحي
و اخاف اتأخر و يشكون بية و فوگ هذا كله أنا ما طايقته
بسبب باقة الورد و الكارت البيها
77
بَس .. گلبي ما يقبل ينكر گاعد يمر بـ لحظات و مشاعر حلوة
تناقض مُستمر انتهى من رَخى ايدة و دفعته قوي و احس من الخوف
دموعي تجري على خدي فتحت الباب هو ما لحگني و طلعت
اركض وكفت يم المحجر. عدلت حجابي و امسح بوجهي و رگبتي
نزلت جوة العيون كلها تباوعلي احس بروحي مسوية جريمة
61
فاخر : وين چنتي مو صار ساعة نصيح
ابوي ما شافني من صعدت و امي تخزر بية حتى عدنان
ورود : يابة وديت اكل لشراع و جنت أشر هدومكم
انتَ و امي على المحجر لان الدنيا بيها زخة مطر اليوم
42
بالكوة أكلت لگمتين و كمت جانت نقطة الضعف عندي من يرجع
الصينية ما مأكل منها لأن أنا تعبانة بيها من جهة و جهة ثانية اعرف هو ما راح ياكل شي ثاني و يبقى جوعان
14
بقيت لليل ضايجة من لكيته العصر منزل الصينية و طالع
لنص الليل أنا كاعدة ما طب لغرفتة بس الصبح اجة بزي الدوام
يمكن مخلي يم فتنة واحد لو جان يم زمردة
119
طلع من غرفتة بيدة الأوراق و الجنطة و ما تريگ
حلفت لو يموت بعد ما اصبلة اكل و شيريد يسوي خلي يسوي
و أنزاح كلشي و أنقهرت من عاينتله صعد و هو جاي من الدوام هلكان
17
كعدت وياهم اكل و اني تفكيري يمة مرة ويا و مرة عليه
طاحت عليه المرگة و أنا أنگل الماعين للمطبخ غميت روحي عَبنه أنگس
موقف طبيت گبل أسبح و دزيت زهرة تجيبلي هدوم
6
طلعت لگيت امي كافته المطبخ بمكاني اجيت بستها و هي تترس
دوالك المي گلوبهم حارة بعز البرد ما يشربون إلا ثلج
ام عدنان : شني انتِ و شراع بس لا ما تتحاجون
ورود : لا يمة بس أنا البارحة راد يسولف وياي وكت الغدة و خفت من اخوتي عفته و نزلت و هو ضاج شوية
24
ام عدنان : جا سولفوا بالليل الصبح مو بوكت الاكل جدام الدنيا كلها هسة يكولن صعدت خِنس عليها بالغرفة
ورود : لا يمة هو مو من هذا النوع بس امس جان تعبان من الشغل و راد نسولف
43
- صبيلة غده و صعدي سولفي ويا دام كلها راح تنام الظهر
سويتله اكل بين ما يستوي وكفت امشط شعري كملته و خليت الشال على راسي اخذت الصينية و صعدت مديت ايدي على اليدة انفتح
الباب طبيت وهو گاعد يكتب بالأوراق ويخابر فاتح شباك الغرفة
و الدنيا مغيمة ظلام عبالك دنيا المغرب مو الظهر
و الغرفة ثلج
73
خليت الصينية على الميز و رحت أسد الشباك هو ترخص من الجاي يحجي ويا و سد الاتصال خله الجهاز و الأوراق على صفحة
سديت البردة و فتحت الضوه الخفيف
15
أعاين على الكومدي الثاني علاگة حلوة هو أنتچة على التاج و مخلي إيديه اثنينهن وره راسة و مغمض عيونه ردت اجيب الباقة و اخليها بحلگة حتى يعترف يعني هو ما فكر اني يجو افتش غرفتة و اشوفها
ورود : تاكل لو متريد
- لا ما اريد
79
بقيت ساكتة و أجيت مديت ايدي حتى اخذ الصينية بس أحس روحي أنهضمت ، أول ما شلتها گام من الچرباية يضحك اخذها من أيدي و خلاها على الچرباية احس عيوني دمعت لأن أنا ما متعودة هيج
درت وجهي حتى أطلع ايدة صارت على رگبتي و مد ايدة
قفل باب الغرفة بس هالمرة خله المفتاح بجيب بجامته
98
شراع : تدفعيني لِج مو ، أكو وحدة تدفع رجلها
مديت ايدي على عيوني أمسحهن دارني عليه و شبگني
بأيد وحدة و يضحك
88
شراع : إذا أنا ما الي غرض بيج چـا ياهو ست وردة اله
ورود : الاكل راح يبرد
كعدني على الچرباية و كعد ياكل گبالي تليفونه كل ثانية
يجي بي صوت رساله داس دگمة و كتم الصوت
26
شراع : خل المحج بعد واكفة بالكراج يمهم إذا ما أفصمج ورود أنا مو شراع ، صدگي
عوجت حلگي عود أي
- ما عاجبج لازم مو اجي افركة
72
ورود : ترى أنا دايخة بعدني ما مستوعبة شخصيتك
جنت ما ينسمعلك حس من خطبتني شمرتهن كلهن بحضني
مو هيج وحدة وحدة
كام يضحك بصوت عالي
- حقج حقج
73
كل شوية هو يحچي و أعاين عليه و عيني تروح للباقة مال الورد
كمل آكل و شال الصينية
شراع : اغسل و أجي لا تطلعين عندي حچي وياچ
33
بقيت كاعدة بمكاني و گلت ان شاءالله يحچي احس روحي متوترة و بردانة لان غرفتة ثلج و اني توني سابحة ضاغطة على أسناني
لان يطگن سن بسن .. طب للغرفة و قفل الباب
اجة رش لأيدة بخاخ و فتح الجرارة خَله اخذ علج
51
عَاينت لايدة ماكو حلقة ما لابسها و رجعت اباوع لايدة حلقتة موجودة
شراع : عاشت ايدج الاكل طيب
- بالعافية
رجفةّ البرد واضحة بصوتي
46
اجة شال بطانيته وخلاها على چتافة
كعد بصفي و غطاني بيها ايدة ورة ظهري و سحبني اكثر اله
بلعت ريگي و اني منزله راسي غَطى راسي و قَربة على چتفة
احس روحي أنشليت من الخجل
59
بَس بنفس الوكت احس روحي مرتاحة و الفرحة غامرتني و اني أشوفة
هيج يتعامل وياي عطرة طَيب حتى الغطه عطرة طَيب
شراع : من حسيتي روحج بردانة جان نمتي و تغطيتي
ورود : ليش ما لابس الحلقة
27
شراع : أثبات ملكيتك يعني ؟ تدللين باچر البسها
حچاها و مد ايدة على إصبعي الي بي الحلقة گام يحرك بيها
بأصابيعة و أني أباوعلة
51
جَـر ايدي و هو لازم الحلقة بعده ، قَرب ايدي لشفته راد يبوس
الحَلقة سحبت ايدي بخوف بسرعة من أندگ الباب بشكل قوي
و يخوف حيل رفع الغطه بسرعة و گام
38
أحس رجلية أنشلت ما اكدر حتى أكوم بالگوة مديت رجلي الاولى
حتى اوگف أنفتح الباب ...
....
288
" جُمارة "
14
بعدنا كاعدين نضحك و طبت علينه عجيبة و امجد السلاح بأيدة
آمجد : وينه هذا الباطل وينه اليوم إلا أسحله بعگالة
عجيبة : عسى ان شاء الله بسيارة تطشر راسة
85
كلها وگفت و راحت جدة يمهم منهارة عكازتها بيدها
رهينة : ياهو ولج التدعين عليه و ياهو يالعار تسحله بعگالة
امجد : حفيدج الجبير شيخج والله ألا اسحله بعگالة
اليوم أنا چتالة اليوم
140
جدة ضربتة على جتفة بالعكازة قوي و ضربت امه
رهينة : سيارة تطشر مخج انتِ و بزرتج و الخلفوج يا مهمودة الشيب و انتَ يا شيخ الطليان يالما اسرح بيدك دجاجة عرجة شعندك هاد اعله تاج رأسك
157
امجد : اليوم أنا چتالة اليوم
رهينة : احلف أعليك لونك ما سامع هو مو هنا ما تجي و لا تعتب ديارة و خل يرد بالسلامة إذا ما خليته يذبحك على القبلة أنا مو موش امك يا يوسف
70
عجيبة : غلطة عمر يوسف خلف هذا الوحش الدمر حياتنه
ما ندري منين جابته حليمة شو گضت عمرها بلاية خلفة
بين لليلة و يوم صاحت حامل و حتى من جابته محد يدري بيها
83
عمي فاخر رزلها و جدة راحت تركض يم التخم صار بيها كل الحيل جرت النعال و ضربت عجيبة بي
رهينة : يا خيسة النسوان لفيناج و سويناج مره تاليها
تحچين اعله تاج راسج ولج ام الرفجان
118
فاخر : ما تستحين تشككين بعرض وحدة ميته جانت للشرف مقياس
عدنان : الميت اله حرمتة و زِناد لو يسمع بهذا الحجي
يمحي أثركم والله
59
امجد ضرب عدنان و عدنان اخوته فزعولة بس امجد ضخم
و ضرباته قاسية شمر عدنان على الماعين مال السفرةة
امه و مرته كامن يعيطن و البيت بدقايق أنگلب
38
جدة طردتهم بس هم بدون كرامة هو يصيح و امه تدعي
امجد : اناااا زِناد يطردني من الشغل و الله إلا أنيمه يم حليمة
رهينة : طبعا يطردك لان حرامي نشال انتَ و امك و اخو
بالعين بفلوسة و تعبة و يكول عيب بلكي يحسون بلكي يتوبون ما يدري الحرامية إذا ايدها تعودت ع البوگ ما تبطل بعد
30
امجد : اليوم إلا اخليج تنوحين اعله گبرة
رهينة : أحفر لروحك گبر لو بيك خير و طم نفسك گبل
لا يجي و يسويك فرجة لامة محمد
46
بالكوة راحوا بعد ما هجموا البيت هجم جدة منهارة و تغلط عليهم
تمشي و دكول لا احد يخابر زِناد و يگله خلو يتونس
اخذت جدة لغرفتها و شريك كاعد ياكل هو و أمة
19
شريك : شبي هذا العار لو أيدي تعيني أكوم اسحله
هو و امه الكاولية
رهينة : لا تجيب طاري لزناد يكتله خلاص عوفه هذا المخبل
كاتلته الغيرة و السم
23
شحطت من أمي العصر لمن كشخت و راحت لبيت عجيبة
طبيت للغرفة لكيت روز كاعدة تبجي بالكاع
جُمارة : شبي الحلو اليصادق و أنا أنكتل بمكانة
هسة فوگ ما وهمي يطلع ملطلط امداج روز
115
شالت الكوشة و شمرتها بوجهي و هي تفرفح أنكسر گلبي عليها
روز : كافي عوفوني اني مخبلة و احب واحد وهمي
انتن شعليجن بية اني احبههه شلون اتزوج غيرة ما اكدر
51
جُمارة : و سم أني شكو صارلي جم سنة ادري بيج
ما فضحتج و لا جبت لامي طاري اني اصلاً اتمنى يجي يتزوجج تصيرون قصة حب ماموجودة بالعالم
بس اسفة ادري بي ميجي
35
روز : ولو فشل بكل محاولة
بس بعدني احس كدها بعدني احسة بطل حياتي
50
جُمارة : بس هو جاي ياكل بروحج و هو مرتاح بس انتِ
تتعذبين هنا مو يدري بأمي شنو ، شلون هيج يحاچيها
روز : حتى أني انصدمت منه والله
26
جُمارة : هي حياتنة منتهية من كل الجهات ضلت على العاطفية
روز : تغريد خابرت ام حسين و على اي ساعة يجوز يجون
اني ما ادري شسوي
14
جُمارة : وافقي حبي الحياة تجارب
شمرت المخاد عليه و هي منهارة حضنتها اهدي بيها
- شوفي الي تردي سوي و اني وياج و بالنسبه لامي عادي احنه مكتولين مكتولين
54
روز : خلي واحد يروح يشتريلنا حلويات
نسوي عزيمة بالليل
جُمارة : اي عادي اليوم اني عازمتج ضمي فلوسج
49
سألتني على البطة كلت الها من زِناد ضلت مصدومة
من سبحت حطيتلها طشت و ترسته مي خليتها تستمتع و من طلعت
لسبت ماشة من القراية مال عجيبة الماشة قطعتين خليت وحدة براسي
و الثانية براس البطة
103
من نزلت جان صوت الآذان عالي فاتحي بالتلفزيون و النسوان يطبخن عشاء البنات الصغار يلعبن شدة يا ورد و ابن عمي هاشم الصغير يريد
يلعب وياهن ما يخلنه
سرى : جدة شوكت يجي ابوي
- باجر بالليل ان شاء الله جدة
گامن يصفگن بصوت عالي سرى و رفل و يصيحن
- هي هي باچر يجي بابا
54
من خلص العشاء كعدت يم جدة البطة بحضني
هي كل شوية تباوعلي و تغمز واني اضحك
كلهن كعدن يشربن چـاي و يسولفن
رقية : جُمارة منيلج هاي البطة شو نظيفة
رهينة : أنا جبتها الها وصيت الولد جابوها
72
نزلت الشال من راسي و غيرت مكان الماشة خليتها
ليكدام مثل البطة و شلتها قربت وجهة من وجهي
جُمارة : جدة شوفي مو نتشابه
رهينة : وين اكو بحلاتج انتِ
86
ابتسمت لجدة فرحانة رجعت لبست الشال لا يطب واحد
رقية : عمة جا هو الشيخ ليش
طارد اخو ما يكول منين يصرفون
رهينة : طبة الف مرض هذا الما يصون الأمانة
زِناد : السلام عليكم
85
كلها ردت و جدة سكتت نزلت راسها تحرك بخيط دشداشتها
عود ما مهتمة و هي صار الها ساعة تباوع للباب تنتظرة
باوعلي مبتسم ، اشرلي بعينه على جدة و عَض شفتة
خليت ايدي على حلگي اضم ضحكتي
78
اجة باس راسها و كعد بالكرسي مال التخم الي بصفي
و قريب على جدة اكثر مني
زِناد : ليش مو أحنه ورانه شمات شلون نتزاعل
رهينة : هو انتَ و الشمات صرتوا حبايب بَعد عليمن
128
ضحك بصوت عالي و صَيح على البنات لان يلعبن بصوت عالي
صعدن يركضن و حتى نسوان عمامي بدن يصعدن وحدة وحدة
رهينة : تروح لربيعة و تكسر هيبة جدتك
تدري ربيعة بيومها تحس روحها فوگ الغيم و احسن مني
20
زِناد : مااااا عااااش أم يوسف ما عَاش
والله وداعتچ بنص الگعدة سألتني عليچ گلت الها
إلا أنطتني الـ موافقة يالله جيت أنا الدنيا كلها بصوب
وجدتي وحدها بصوب
اباوع لجدة نشنشت كامت تضحك عبالك حبيبها يتغزل بيها
130
رهينة : أنا ما أحبنها عينها بالمچان و ما حصلت الها حفيد مثلك أخافن أعليك منها تروح تحسدك النوب أنا منين أجيب منك بعد
جُمارة : يا يابة جدة لبسي ام سبع عيون لبسي
64
دار وجهة علية مصغر عيونة ضحكت و غطيت وجهي بالشال
هو أبتسم و رجع يحجي وي جدة
39
جُمارة : جدة فاتتج البارحة الأجنحة خلي الزعل يفيدج
رهينة : تاخذ جُمارة و تعوف جدتك بلاية عشا
رفعتلها حواجبي أغور بيها
28
زِناد: يالله باچر اراضيج تدلل الشيخة
باس أيدها و هي شبگتة و لزمت وجهة بأثنين أديها كل ما تحجي كلمة تبوسة و هو عايش اللحظة
48
جُمارة : جدة ترى مو رجلج هذا
زِناد: هههههههه
رهينة : اعز من رجلي
غمزتلها ضربتني بـ بطل المي الفارغ يمها
76
هو يحچي وي جدة و اني عيني على اللچف اللابسة
اتمنى اوخرة و اشوف ايده ليش هيج مغطيها دائماً لا أرادياً
مديت أصبعي أحركة على ألچف ما حرك ايدة توقعته ما يحس
رفعت ايدي اكثر لزم ايدي قوي
زِناد : عوفيهن
140
ابتسمت بوجهة و اخذت البطة و صعدت اركض من الخوف مدري شبية
لان نزيت من عرفتة يدري جاي أتلمس ايدة و أنقهرت لان صار اكثر من
مرة أحرجة بنفس الموضوع
26
صعدت يم روز لكيتها نايمة و امي لسه ما جاية من عجيبة
تمددت يصفها بالكاع ونمت تذكرت كلت الها نتسوك و ما سوينة عزيمة
يالله على باجر ... ما ادري راح ابقى أتحسر على هذا اليوم
الي ما سويت الها عزيمة بي
367
كعدت الصبح كلها نايمة طلعت بالساحة نفتر اني و البطة
الهوى بارد و من احجي يطلع بخار من حلگي انقهرت على البطة
دفيتها بخاولي و غطيتها بشالي
23
كعدت جدة و شغلت نورس الصوبه كعدنه يمها نتدفه
صبن لجدة ريوگ و حطت الصمون على الصوبة و كل شوية تدگ عليه
لحد ما طب يالله أكلت سوتلي لفة و اني كاعدة حاضنه الصوبة
كل ما يباوعلي أبتسم بوجهة و هَو هم يبسم
بَس ابتسامة عن أبتسامة تختلف
27
زِناد : ما قنعت امج
نزلت راسي و هزيته بـ لا
15
زِناد : جدة مو تردين ترحين للعمرة الجو حلو
روحي و اخذي جُمارة وياج
باوعتلة بصدمة فرح بس تلاشت تدريجياً من تذكرت امي و افكارها
33
تريگ و طلع مدري شبية آحس روحي احب وجودة هنا
طلعت ورا عبالي راح يروح للمضيف
بس راح لجهة باب الحوش
من فتح الباب يريد يطلع دار وجهة على البيت شافني بقى
واگف بمكانة و اشرلي بأيدة تعاي
47
رحتلة اركض و البطة بيدي خانگتها وصلت يمة اضحك
مد ايدة طبب گذلتي الطالعة
زِناد : تردين شي ؟ عاجبج شي
هزيت راسي لا و عدلت حجابي
97
باوعلي و ضِحك
زِناد : امشي ترحين وياي
جُمارة : أكيف بس اخاف من أمي
- هههههه سهلة سهلة أنا هسة رايح للشغل من أجي الظهر نتفاهم
27
- شتشتغل انتَ مو شيخ ؟
- العگال حتى نبعد الشبهة احنه مجرمين بالحقيقة
ضحكت بصوت عالي لان عرفته يبسمرني
فتح عيونة بصدمة و الضحكة مرسومة على وجهة
110
زِناد : طبي جوة لج
خليت ايدي على حلگي و طبيت احس روحي متغيرة
اكو شي جديد بداخلي كأن زرعة تريد تكبر
170
الظهر امي أحنه متحجي وياها بس كربتنه على الغرفة تتأمر
بصوت عالي و احنه ننفذ صبتلنة غدة و صعدته العصر
يالله خلصنة الغرفة مدري منين اليوم جاي الحماس لامي
اني تمددت من التعب على الچرباية غفيت
16
فزيت على صوت روز و هي تبچي تگعدني
روز : جُمارة جُمارة أجـوي أهل الضابط
....
2.7K
