رواية مقبرة الاحياء الفصل السادس عشر 16 بقلم سارة جعفر
البارت السادس عشر 
.16
.16
11
الكاتبة ساره جعفر
بين الفقرات عشقي 
.
.38
واصل مرحله تخوف رايد روحي أكتلها
المشاكل عگد معگوده ياهو اليگدر يحلها؟
15
-كلارة: لطمت خدها فجر تصيح
-يمممممه وردة
15
ما فكرت لحظه بصمد خوفها كله بوردة طلعنا نتراكض من البيت أدري أفرح لأن ما طلع صوتها، لو أنصدم لأن طلع صوت صمد اللي ما متوقعينه وأبد مو ببالي هوَّ الراح ينكتل لأن أخذها بأيديه الثنين گدام عيونه علمود يغرگها بالشط!
22
ولده طلعو يتراكضون قبلنا وصلو للشط القريب من بيتنا وأنه من بعيد أباوعلهم بصدمه صمد طايح بالگاع بصف الشط ودمه بطوله راسه ينزف شلال وخشبه كلها بسامير نابته براسه وهوَّ بالگاع يتلوى ويصرخ عبالك راح يموت منظره يكزبر الجلد..
84
أتلفتت بالمكان بعدني بحالة صدمه، وأول ما صارت عيني على وردة واگفه تباوع عليه بهلع ودموعها على خدودها ناشفات وما ترمش، من صمد راد يشمرها بالشط وردة طاگته بخشبه متروسه بسامير ونبتت بساميرها براس صمد!!
232
راحو عليها ولده مشتاق ولؤي والشر تارس عيونهم وزلم من ديرتنا وبقية ولد عمي گاطع شالو صمد للمستشفى، وردة رجعت لوره خايفه من شافتهم جايين عليها ومن خوفها ركضت منهزمه منهم وراحت بأتجاه البساتين تركض بهلع خايفه وحافيه
23
ولؤي ومشتاق راحو وراها يتراكضون ويتحلفون بيها ويتوعدون يكتلونها يردون يكضونها وطبو للبساتين يدورونها..
8
بهل وكت صدگ حسيت محتاجين حرّ، وردة بلايه حرّ تذبل طبيت لجوه زوجة فقار واگفه تباوع بخوف وتفرك بأيديها
-چا حرّ وينه هوَّ ما يرضى عليها خل يجي يساعدها؟
22
التفتت عليها عيوني متروسه دموع
-خيه حرّ طالع لغير محافظه عده شغل هوَّ والولد طلعو من أمس العصر، وشغله لفوگ راسه ومكانه حيل بعيد عنه هسه..
52
لا حرّ ولا واحد من زلمنا الخيرين ضالين هنا، البيت مگلوب گلاب عبالك عدنا فاتحه طبت فجر ترجف ودموعها يجرن صعدت لغرفتنا وأنه وراها وتدور گلبت الغرفه گلاب والتفتت عليَّ مستغربه تتراجف
9
-وييييينه كلارة وينه؟
-شنوه
-التلفون الجابه حرّ علمود نتصل عليه؟
واگفه أعصر براسي أحاول أستذكر، أتذكر كلش زين فجر تخليه بين الفراشات وتضمه بعيد محد يدري بي غيرنا، حرّ جاب التلفون علمود إذا صار شي ويانا نخابره..
1
-فجر
-ها
-مساع شفت إيناس طلعت من غرفتنا
-يعني هِيَّ ماخذته!
59
طلعت فجر من الغرفه بعصبيه، هسه لو تگطع وذر من إيناس ما يبرد گلبها والبيت مخبوص خبص بلقيس وبتها حنان گاعدات ويدگن ويلطمن يبچن على صمد المتوسد المستشفى والجوارين وأقاربنا ملتمات يمهن
3
وذاك الحچي على وردة ضليت أرجف يحچن عليها لأن دافعت عن روحها، بلقيس تمسح بدموعها وتسولفلهن
-خيه والله لگاها تتمعشگ كضاها ويَـ صاحبها چم مره گال لـ حرّ ضبها هاي موش هينه وبالتالي طلع رجلي مو زين وكتلته الدايحه كتلته وشردت لـ صاحبها..
42
فجر واگفه تباوعلها والنسوان مندمجات ويَـ بلقيس ومن كل عقلهن مصدگاتها، فجر راحت وگفت گدام إيناس ومدت أيدها
-التلفون.
2
عگدت حاجبها بخوف وهمست تتلفت على أمها
-يا تلفون؟
3
فجر جرت نفس وبنفاذ صبر گالت
-إيناس تلفوني الـ بگتيه من غرفتي وين؟
1
محاسن: نسوان تمشي بالفلك منيلچ تلفون ولچ؟
9
فجر: قبل فتره حرّ جابلي تلفون خاف يصير شي أخابره چان حاسه گلبه عدنا وآدم مو آودم.
13
مشتاق: ترى أگوم أكسر سنونچ بحلگچ!
16
فجر: چا ما گمت لحرّ من كضاك وكتلك؟
35
بلقيس: فجر لا تخليني أعوف مصيبتي وأبتلي بيچ تأدبي شني مالچ رداد أنتِ عفيه زلمه ما عرف يضب ولا وحده منچن بعد تربية خريج سجون شنترجه!
21
فجر: أسكتي عني مالي خلگچ، والتلفون أنطينياه.
بلقيس: تلفونچ أنه وديت إيناس تاخذه، وفنچ تخابرينه علمود أخلي سباعي مشتاق ولؤي يكسرون ظهرچ..
96
فجر: خل يجي حرّ ونشوف أسباعچ وين يختلون.
12
محاسن: چا شني هوَّ فرحان عرضه ويَـ الزلم تتمعشگ؟
5
فجر: أنتِ مالچ غرض سدي حلگچ وأسكتي.
7
بلقيس: ولچ تردين تضمضمين بسالفتها التخزي، خايبه وحگ ربچ ما أطلع بلقيس إذا ما خليت وردة على كل لسان.
2
فجر: بكل عين صلفه تعترفين تردين تشوهيين سمعتها!
الدنيا دواره بلقيس الدنيا دواره.
9
طبت فجر للغرفه ما طايقه روحها وأحس نفذ صبرها وراح تفقد عقلها، دخت وأحس الدنيا كلها أفترت بيَّ يمكن من هبطات اليوم لزمت بالحايط سندت روحي وگعدت بالگاع لامه رجليَّ لصدري أباوعلها، طفرت من مكاني على صوت صياح نسوان بيتنا فتحت الباب وبسرعه طلعنا
1
بلقيس: يا يمممه راح صمد من أيدي راح خيمة بيتي من وره ذيچ الدايحه يممممه يا يمه شني من بت من وراها صار عده فطر بالجمجمه، طببوه عمليات ما أدري يموت ما أدري يعيش؟؟؟
99
متربعه بالهول وتدگ على رجليها وتبچي، جدتي خاتون ساكته وهادئه مره چبيره تعبت من المشاكل وجزعت وكل شويه تصيحني
-جده ما ردت وردة؟
6
أتنهدت بحسره وقهر ودموع تارسه عيوني
-لا جده أختفت وأختفى آثرها..
6
إيناس فكت زيج ثوبها وشهگت
-عسا وردة ما تلگه الراحه بعمرها عساها بالسرطان.
72
جدتي رفعت عوجيتها وطگت إيناس على أيدها
-عاب هل حلگ على هل ملفظ.
13
بلقيس: ها عمه راضيه على السوته أم الزلم وردة طببت أبنچ عمليات وصار بي فطر بالجمجمه من وراها وراضيه؟؟
اتون: ما تسويها ربات الحرّ هاي.
36
بلقيس: يا ما تسويها بهاي عيني شفتها واگفه ويَـ صاحبها!
3
كلارة: بس أنتِ وديتيها تجيب المواعين، ما راحت علمود تشوف واحد؟
بلقيس: حچت المعيوبه حچت، خايبه أنتِ لو غيرچ أبوچ باعچ بيع يعرف مقامچ سلعه.
18
ما همني كلامها لأن صار جزء من روتين حياتي بينما فجر فاصله عن العالم كله متأكده تدور طريقه توصل بيها لـ حرّ لأن زوجة قادر عد أهلها وما نگدر نخابره من تلفونها ومرة فقار زهراء تلفونها مكسور
6
تلفتت بالمكان أتاكد خاف واحد يسمعنا
-فجر عندي تلفون أنه.
1
عگدت حاجبها بأستغراب وهزت راسها
-شنو؟
-ضيغم عده تلفونين واحد ياخذه وياه من يطلع واحد ضامه بغرفته، خل نروح نخابر حرّ من عنده؟
-أي يله تعاي طلعيه.
8
رحنا لغرفة ضيغم دورت لمن مليت ما لگيته، متت قهر لأن متأكده وشايفته أكثر من مره حاط التلفون بالجراره بس ماكو حتى كنتوره دورته لحد ما طاحت أيديَّ يله لگيته التفتت عليها ضحكت فرحانه وأخذته من أيدي
2
بسرعة أتصلت على رقم حرّ حافظين رقمه أتصلت هواي بس ماكو جواب عگدت حاجبها بخوف ومسحت وجها
-ما يرد!
1
أرتبكت أفتر بالغرفه وأحچي وياها
-دگي على جسام، على قادر كلهم جماعته وياه هناك.
هزت راسها مستذكره لازمه التلفون وتدوس عليه بأصابع يرجفن وبالگوه متماسكه أتصلت على جسام لأن الوحيدين الحافظه أرقامهم هوَّ وحرّ
-الو
1
حطت التلفون على آذنها وأنه لطشت راسي يم راسها أسمع صوت جسام رد گال
-الو، ياهوَّ كاض التلفون؟؟
4
أستغرب جسام لأن كلهم يعرفون هذا تلفون ضيغم الثاني وضيغم وياهم ونسمع صوت ضيغم بصفه يگله
-خايب لا تسودني أنه هنا تلفوني ياهو كاضه جني؟
11
همست فجر بصوت مخنوگ من البچي
-أنه فجر
فز جسام وبسرعه صاح
-فجر!!!! شمالچ ولچ حسچ فرهد گلبي شصاير وياچ؟
بلعت ريگ وأختنگت دموعها تنزل وأسمع ضيغم يسولف وياه وأشگد سأله قلق بس جسام فصل يسولف ويَـ فجر خايف ونبرة صوته تشرح حجم خوفه عليها
-فجر سولفيلي شمالچ، شصاير وياچ ليش تبچين؟
-أريد حرّ محتاجته.
+
رد عليها بسرعه ولهفه
-يا حرّ خايبه أحچي راح أموت؟
1
من شافته شلون صار أعصاب جرت نفس طويل، هدئت روحها ومسحت دموعها من وجها وتحمحمت
-طب صمد للبيت يجر بَـ وردة من وره البيت چانت يم المخزن ذاك المعزول وره بيتنا، يگول لگيناها واگفه ويَـ زلمه ويگولون تتمعشگ من وره ظهر حرّ كضاها صمد وطلع يسحل بيها سحل ومن الكتل ثوبها نرفع، لحد ما أخذها للشط علمود هناك يغرگها، وردة من خوفها جرت خشبه متروسه بسامير ورگعتها براس صمد وهسه هوَّ بالعمليات و وردة مختفيه مالها آثر..
4
جسام أحتار شلون يفشر ويغلط على صمد، هوَّ حيل عصبي وهل سالفه خبلته نسمع صوته يصبح ويغلط بسرعه گالت فجر بخوف
1
-لا تصيح جسام فدوه حاچيلي حرّ إذا أنتَ تتعصب وهوَّ يتعصب شلون نلگه وردة؟
2
-يشنقهم الله وكيلچ محمد كفيلچ.
17
بچت عاجزه وگعدت على جرباية ضيغم لأن ما تگدر توگف على حيلها بعد حطت أيدها على راسها
-جسام راح أتخبل فدوه أروحلك أسمع مني
-سولفي
2
-لا تتعصب وسولف السالفه للولد كلهم، وأحچوله بس لا تخلون بأيده سلاح وضلو يمه سولفوله السالفه كلها وفهمه هسه وردة مو بخير.
-هاي هِيَّ خوش.
-جسام ما أوصيك بعد فدوه لعينك
1
-أنه أفهمه لا يضل بالچ
-كل ما جاي نتأخر أخاف عليها أكثر..
چا هِيَّ المن شردت؟
-ركضو وراها مشتاق ولؤي رادو يكتلونها وخافت وشردت بين البساتين بس ما رجعت وردة مختفيه وما الها آثر.
-هاي هِيَّ جاين..
+
سدت الأتصال وقبل لا نفتح الباب تكسر علينا وأجانا صوت بلقيس تصيح بكل علو صوتها مفرفحه
-ولچ البااااايره أفتحي الباب
30
بسرعه رحت ضميت التلفون، والتفتت على فجر فتحت الباب وگفت گدام بلقيس بهدوء وبلقيس تصيح
-خايبه لو مو حرّ يجي صمد يگصبچن گصب.
22
-هههههه يجي حرّ ونشوف تضلين هيچ تزامطين بَـ صمد وأسباعچ لو حرّ يوذرهم الچ توذير.
1
-فرحانات أنتن وأخوچن وردة تتمعشگ؟
-ربي بناتچ بالبدايه النوب ديري على بنات الوادم.
6
-ضيغم: أباوع لجسام شمر التلفون بالگاع عيونه خاطبه حمر وگصته تكت عرگ روحه محترگه وصاير أعصاب كلشي ما مفتهم شجاي يصير صفنت عليه وزمخت
-شلون بله تسولف لو شني اليوم؟
-خايب تسودنت والله
-أفتهمت فجر خابرتك، صايره سالفه بيتنا شنيه؟
سولفلي السالفه بالمختصر وأحس النار صعدت لراسي
-نعلى على صمد النگس شني من بشر هذا!
-ولك البت مختفيه من وره چلابه.
-وين حرّ خل نسولفله نرد ندور عليها؟
-أوگف لا تدوره ضيغم
-ها شني بس لا ما نگله؟
-لا شلون أكيد نسولفله بس أسمع مني حرّ يضل ما يشوف چدام عينه خل نسولفله عدل ونگله وردة ما هِيَّ علمود هسه نلتهي بالبت والنوب نشوف حل الهم.

هزيت راسي وهوَّ گعد على الكرسي مدنگ وأيديه فوگ راسه يفكر، طلعت أدور قادر وفقار لگيتهم يسولفون بره صحتهم وطبيت لجوه علمود يسولفلهم جسام ونحچي لحرّ طبو خايفين ويسألونه إذا صاير شي
+
راحو على جسام الصاير نار، وضلو يسألون بي خايفين خصوصًا من شافو وضعه تدهورت أحوالهم وعرفو أكو شي چبير صار، سولفلهم مثل ما سولفلي بالمختصر..
قادر: وينه حرّ خل نسولفله؟
1
جسام: هسه شويه ويجي قبل لا تصير السالفه خابرته.
2
ضيغم: خاف يكتل صمد لو واحد منهم ويطب سجن؟
جسام: هِيَّ خربانه خربانه خل ينعل سلفه سلفاهم..
7
فقار: لا ما يسويها هسه، يمكن وره ما يلگه وردة بس هسه كل فكره راح يضل ويَـ وردة.
حُرّ: شبيها وردة؟
29
فزينا على صوته واگف بالباب ولازم يدته هسه جاي من الشغل وعينه فاكها بصدمه طب ورجع كرر كلامه
-وردة شبيها وردة؟
14
فقار أشرلي بعيونه على الباب علمود أسده سديته والتفتت على حرّ يرعد بعصبيته يريدهم يسولفون بس صعبه علينا كلنا، شلون نسولف السالفه اله وهِيَّ تمس شرف وردة بحيث كلنا مستحين شلون ننطقها وخايفين عليه تحمحم جسام وبلش يسولفله
2
تحول حاله من الهدوء للعاصفه، بعدنا ما مكملين طلع من البيت متسودن ركض للسياره صعدها وشخطها وحالته ما تنوصف يتراجف من العصبيه وأحنى بسرعه ركبنا سيارتنا الثانيه وطلعنا وراه يمشي بكل سرعته بس يريد يوصل للناصريه..
13
شفتها تلوگلي ولايگ عليها من أول نظره صارت روحي بيها، من أول نظره بين كلشي مضموم شريفه ولمس ما ملموسه أديها وطلعلي الما يخاف الله بلا شوف أشكال الحچي طلع عليها.
66
-كلارة: هدئ وضع بيتنا من سمعو صمد طلع من العمليه بس حيل متأذي، راسي داخ وصار عدي صداع من كمية المشاكل والهوسه الصارت فزيت على صوت حرّ يرعد عليهم بعصبيته..
22
طلعنا أنا وفجر من الغرفه نشوفه حالته ما تتفسر وعصبيته صارت تخوف يرجف بقهر ويتلفت طلعت الكلمه بغصه من حلگه
-وينها؟
بلعت ريگ بخوف أباوعله وأرجع أباوع على لؤي المتمدد بالگاع يتلوى ولازم خشمه الينزف دم ويصرخ مبين خشمه مكسور ومشتاق جره من الگاع يريد ياخذه للمستشفى وبلقيس تصيح
-كتتتتتل أبنيي يممممه أبنييي..
39
التفت عليها جسام خزرها وصاح
-چا أبنچ ما ياكل تبن وينلصم تردينه يضحكله من يطعن بشرف حرّ؟ يروحلها سبع فدوات النگس.
9
تدگ وتلطم بلقيس وإيناس خايفه تباوع على حرّ بخوف، وائل واگف وأيده على راسه مصدوم ووجهه أصفر مبين القهر بعيونه لأن هوَّ چان ما موجود هسه رجع وشاف الوضع هذا كله نصدم..
11
حرّ تقرب على فجر وگف گدامها
-من يا كتر راحت؟
-شفتها راحت من ذاك الصوب الـ بجهة الشط.
-بس خل الگاها ما أغطه بالشط أغطه بالخيسه.
14
-خل يولون هسه، خايفه عليها
-راح أتسودن ولچ شوداها للبساتين؟؟
1
-كله منهم لا تصدگهم حرّ
-حريمه رباي هاي ما تسويها..
58
طلع من البيت وجسام ما فارگه صاير مثل ظله والولد كلهم طلعو وراه يدورون عليها وحرّ راح الجهه الوصفتها اله فجر، وبلقيس گاعده تبچي وتلطم مقهوره وإيناس تباوع على الباب وتگلها
-يمه أسكتي لا هسه يسمعچ وهمَّ يكتلچ.
16
-ولچ يمه تفرهدو أزلامي گدام عيني!
44
فجر واگفه گدامها تباوع عليها بشماته
-وينهم السباع الخبصتينا بيهم؟
24
ما رد حرّ هاي الليله وضل بره البيت، الليل كله فجر تفتر بساحة البيت وأنه گاعده على طابوگه وأيدي جوه خدي صافنه عليها بين الغافيه وبين القلق كاتلي وهِيَّ ما گعدت بگاع وتلف بشيلتها عگده وتدعي ترد وردة
3
بس ما ردت وردة، ردو الولد للبيت وجوهم مسومره وعيونهم ذبلانه من السهر ورايحه رواحتهم من التعب طبو كلهم بس ما طبت وياها وردة وما طب حرّ حسيت جسمي صار نار الحرگه كتلتني فجر صبت دموعها وعرفنا بهل ليله فقدنا وردة..
17
في مكان آخـــر..
2
إيناس: يمه أنتِ والله لوتيه!
بلقيس: أنه فطنه وما أنغلب، وردة كل ظنها بعرس قادر هِيَّ تسنطت علينا ولگفتنا ندبرلها مصيبه ما تدري كل الحچيته بذاك المكان متعمده أريدها تسمعه.
7
إيناس: هِيَّ تثق بَـ حرّ ومن تسنطت علينا وچنه نسولف راح نخلي حرّ يكتلها ضلت تضحك وما أهتمت للسالفه لأن تدري ما ينطي بيها حرّ بس لو سامعتنا حاچين غير مصيبه ما تسكت تفضحنا وتشهرنا وتلعب بينا لعب..
5
بلقيس: ما چنها جاهله، صلفه وكحه ما ينگدرلها ومشيطنه لو سامعه مصيبتنه الحقيقيه چا شهرتنا بين الديره كلها ما تفوتها فايته هاي، محد يگدر الها لو أدري منين شايله هاي الصلافه كلها؟؟
6
إيناس: أنتبهت الها ما تعبر عليها سالفه بس يمه أنتِ هم فد لوتيه، خليتيها تسمع أحنى نريد حرّ يكتلها لأن تدرين ما راح تصدگ ومن سابع المستحيلات تصدگ حرّ يخذلها!
1
بلقيس: ولچ يمه هذا حرّ حتى السحر ما يمض بي، واگف شص بلعوم كلمن يعاديها ما ينطي بيها ولا يوگف ضدها لو يضل يوم بعمره وعاده الناس كلها علمودها، حتى لو وردة تغلط يوگف بظهرها چدام الوادم وبوحدهم ينصحها ويعاتبها..
7
إيناس: ما ينطي بيها بكل الأحوال لو يشوفها گدام عينه.
بلقيس: لهذا السبب ما صدگت من گلتلها أغيره عليچ.
اس: ما تدري بالمصيبه الچنتي ضامتها الها.
41
-وردة: روحي رايحه من التعب، عيوني مغورگات بدموعي أمسح بيهن ويرجعن يجرن أحس روحي أبچي مو دموع أبچي دم، گضيت حياتي مشرده والدنيا ما ضاحكتلي واليوم أنه ما أدري شنو مصيري وشنو المنتظرني بحياتي الجايه بس خايفه من كل لحظه تمر..
5
أركض بنص بستان چبير كل ظني هذا بستانا بس ما چنت أدري بروحي ركضت من بستان لبستان ثاني، چنت أسمع وراي خطوات ركض وأدري بيهم مشتاق ولؤي أبچي مرعوبه وأتلفت بالمكان المتروس نخل عالي وخضار حالتي متبهذله وروحي ترجف
2
أتعثر وعيوني تفتر بالمكان بهلع لحد ما صارت عيني على غرفه صغيره حيل ومتهالكه ركضتلها عبالك صارت اللي المنقذ وحبل النجاة سديت الباب وگعدت وراه الهث بتعب وأكت عرگ وريگي يابس
10
حطيت أيدي على گلبي مغمضه ودگاته تخوف فتحت عيوني أجر نفس أحاول أهدي روحي لحد ما أستقرن دگات گلبي گمت من مكاني خايفه ومتوتره أفتر متلعثمه خاف يعرفوني طبيت لهنا ويجون عليَّ؟
لحد ما مرت فتره وتأكدت ضيعوني مسحت وجهي مرتاحه
-الحمدلله، الحمدلله ربي على كل حال..
ضليت گاعده وره الباب ولميت رجليَّ صافنه وأفكر معقوله حُرّ والبنات راح يصدگون التهمه الباطله التلفقت عليَّ لو لاله؟
3
تمنيت هسه أشوف فجر وأسولفلها أشگد تعبت وأشگد تعذبت وعانيت تعبت من هاي الدنيا كلها وجزعت ما أظن فد يوم أعيش مرتاحه..
5
تعبانه وصارلي فتره طويله بين الركض والخوف والتعب والجوع والنعاس، گضيتها تعب بتعب نمت وأنه گاعده بدون ما أحس على روحي، فتحت عيوني أفرك بيهن على آثر أصوات زلم!!
3
أصوات خشنه تسولف بصفي وأنه بين النايمه والصاحيه أريد أفتح عيوني ماكو فتحت تك عين بصعوبه ونعاس وفزيت من مكاني متخاوفه گمت على حيلي من شفت ثنين زلم بالغرفه يباوعون عليَّ ويسولفون بيناتهم عليَّ؟؟
4
فكيت عيني مصدومه أتراجف خايفه ومتلعثمه
-ياهم أنتم؟
نتر واحد منهم بزمخه
-أنتِ بگاعنا، موش أحنى جايينچ.
7
رد الثاني صافن عليَّ بأستغراب
-من يا عمام أنتِ؟
دنگت صافنه على الگاع وما رديت رد صرخ
-ما تسولفييييين؟
2
رفعت عيني اله وخزرته وأنه بقمة خوفي
-وخر عن طريقي خل أطلع!
-سولفي خل نفتهم منين أنتِ؟
چنت مضيعه وبالغلط طبيت لهذا المكان، أفتحولي الطريق خل أطلع..
1
يباوعون عليَّ بشك ما مصدگين كلامي، رفع أصبعه واحد منهم وأشر على حلگه
-أششش ردي لمچانچ خل نفتهم سالفتچ.
2
صفنت عليهم بحيره وگلبي يدگ بخوف
-وخرو عن دربي خل أطلع!!
-تسولفين لو أنه أدور وأنبش أصلچ؟
-شعليك بَـ أصلي؟ گتلك مضيعه وطبيت لهنا بالغلط!
-ما يعبرن علينا هل دروب
-وعساهن ما عبرن، خليني أفوت وخر من دربي.
دفعني من چتفي ردني لوره فتحت عيني خازرته أرجف
-أشششش ما أريد أسمع صوت.
-وخر عني ولا تكضنييي!
-أطلع وخليني وياها..
صفنت بخوف وصدمه همست بضياع
-حُرّ
-يا حرّ!
-حُرّ يصير گرايبي هوَّ يصير المسؤول عني هنا مكانه مو بعيد خلوني أرجع لأهلي..
التفت على صاحبه مستغرب
-تعرف زلمه بهذا الأسم؟
-أعرف واحد أسمه حرّ بس ما أدري تقصده لو غيره
تقصدين حرّ خريج السجــون؟
6
هزيت راسي بسرعه ولهفه من سمعت أسمه
-أي أي أنه هوَّ أنه گرايبه هسه بس يسمع أنه هنا يجي بسرعه بس گلوله وهوَّ يجي.
چن ذكرت أسم شيطان مو أسم حُرّ ثنينهم فكو عيونهم مصدومين من سمعو أسمه حتى تعابير وجوهم تغيرت من الأستغراب للغضب والعصبيه طلعو من الغرفه بسرعه مستعجلين وقبل لا أركض أفتح الباب علمود أطلع قفلو عليَّ!!
37
ليش من ذكرت أسمه هيچ تخبلو؟
لزمت راسي بثنين أيديَّ راح أتخبل عيوني يجرن بدموعي أمسحهن ويرجعن ينزلن غيرهن أشهگ وأفتر بالمكان أحس شعره وأفقد عقلي أريد أطلع مناه شيردون مني هذوله؟
شني من حظ عندي أطلع من مصيبه أطب بغيرها، حبست أنفاسي وگصتي تكت عرگ تقربت بخطوات بطيئه على الباب أتسنط بخوف من سمعت صوت خطوات سريعه تمشي بأتجاه المكان المحبوسه بي صوت زلمه چبير وخشن متروس حقد ترس المكان..
أنه عريبي يدوسون على سمعتي ويعتدون على عرضي وأسكتلهم، ثاري أخذه منهم بتهم..
72
گعدت بالگاع مصدومه وأيدي على راسي أريد أستوعب أنه عد آل عريبي اللي مشتاق مغتصب وحده من بناتهم، شالي ما أدري وين طاح أتلفتت متلعثمه وما أشوف من الدموع المغوشه عيوني لگيته بالگاع مديت أيدي الترجف أريد أرفعه من الگاع وأخليه على راسي ماكو أيديَّ ثنينهن ينكثن بخوف
8
مر الوكت عليَّ سم، أفكر بطريقه أشرد بيها منا ماكو غرفه تخنگ وبيها باب وقافلينه عليَّ أحتاريت شسوي أختنگت أشهگ بالنفس وأبچي خايفه الدنيا وين جابتني وين حطتني أحنى گيعانا قريبه على گيعان آل عريبي..
3
ضوه قوي صار بوجهي رفعت راسي بسرعه وغمضت عيوني على النص لأن عيوني نعمن، نجريت من أيدي لحد ما صرت بره الغرفه بنص البستان والنخل والزلم داير ما دايري بلعت ريگ بخوف عيوني تتنقل بيناتهم
4
جمدت بمكاني ساكنه بخوف، مجموعة زلم واگفين يتوسطهم زلمه چبير كلش عرفته عريبي چبيرهم منتچي على عوچيه خشبيه خنزر بوجهي بعصبيه وحقد وهوسه كلش هوسه يسولفون بيناتهم أذبح وأنحر وأگصب وكل هذا الحچي عليَّ..
2
صفن بعيني ونتر بصوت عالي
-أغط روس أهلچ بالخيسه، الطينو راسي بعد ما يحطون عيونهم بعيون الوادم.
6
أريد تطلع الحچايه من حلگي وأسولف ما جاي أگدر، نظرات الحقد والكره ونظرات مو مريحه أختنگت وخفت من كثر الزلم المحاوطتني
-وحاضر الشدات مو أهلي، أنه حُرّ من أهلي..
-تغشمين روحچ، صمد عمچ ومشتاق أبن عمچ.
-لا لا مو گرايبي وحُرّ ما رضى على مشتاق، كتله هواي جلده بالسوط وخله كل جلده يتشگگ وراد يجيبه الكم بنص الليل يشمره عليكم گال گال الهم حق يكتلونه لأن الشرف مو هين ما رضى على السواه والله خلوني أروح أمشي عليكم بغلاة عرضكم!
3
أحچي وأغص بالحچايه التطلع من حلگي وأدور عيوني بيناتهم بلكت بيهم شريف يساعدني، بس كلهم ولا واحد بيهم شكله رحماني وجووهم وجوه شيطاين ونظرات عيونهم تأكد الي الخطر الترس حياتي..
وردة: مثل ما هوَّ أحترگت روحه على عرضكم وآخذ حگ بتكم لا تمسون عرضه.
5
واحد منهم تهادد عليَّ راد يطگني بس ما خلوه صارت هوسه هذا يحچي وهذا يصيح، وكلشي ما مفتهمه حتى مكان أشرد منه ماكو مخليني بنصهم مسحت وجهي تعبانه وعرگانه وبكل العيون أدور حُرّ..
عريبي التفت على واحد من الموجودين وعوچيته بأيده
-تعال أخذها بويه، النوب نشوف مصيرها.
4
فتحت عيوني المتروسات دموع وأجه عليَّ ولد شاب من بيناتهم جرني من زندي يعت بيَّ عت ونتر
-أمشي.
نترت أيدي منه وزمخت بوجهه أرجف
-حيوان ان وخررر لا تكضني
5
طگاني على راسي بكل حقاره، وجرني من أيدي غصب يسحل بيَّ وأنه أحاول أتملص من أيديه ماكو فايده چن حديد مو أيدين عنده، أتلفت وأسمعهم يحچون وراي فرحانين يگولون دارت الدنيا وصار عرض الـ صمد عدهم أنه شذنبي ليش الوادم يغلطون وأنه أتحاسب ببدالهم مو والله روحي طلعت شنو هذا الظلم كل اليذنب أنه أتعاقب ببداله؟؟؟
4
لحد ما وصلنا لمكان ما گدرت أركز بي دفعني لجوه بقوه طحت بالگاع وأسمع الباب ينقفل التفتت أباوع للباب بقهر ولميت رجليَّ لصدري ورجعت ظهري على الباب خايفه ومتوتره عيوني تتگلب بالمكان، شامريني بحضيرة حيوانات!
نزلت دمعه من عيني بسرعه مسحتها أحچي بصوت عالي ويَـ روحي
-أنه قويه تحملت كلشي وبعدني قويه، مؤمنه بكلشي جاي يصيرلي أختبار رباني غزالة لا تخافين أنتِ قويه..
12
بچيت بقهر من تذكرته وتذكرت شنو يصيحلي، جريت نفس ورفعت أيدي گدام وجهي أهفي، تمددت بالگاع ولميت روحي بوجع على نفسي ما أدري شلون غفت عيني بهل مكان يمكن حتى ما نمت يمكن أغمى عليَّ لأن فجأه غمضت عيني وبعد ما فتحتها
فزيت بخوف أفرك بعيوني رفعت راسي من الگاع عاگده حاجبي على صوت خطوات ولمن ركزت شفتها مره بأيدها سطل حديد طبت وسدت الباب وراها لميت رجليَّ أباوع عليها وهِيَّ عينها لگدام عبالك ما جاي تشوف گدام عينها بت محبوسه راحت على الهايشه تحلب بيها بكل هدوء!
2
طالت صفنتي عليها تحمحمت بتوتر
-أگلچ خاله؟
ما ردت عليَّ ولا حتى التفتت رجعت أحچي بأصرار
-جاي أسولف وياچ ليش ما تردين؟
فرت راسها عليَّ خازرتني ونترت
-وسم ومرض نلصمي لا أحط السطل براسچ.
صفنت عليها مصدومه وقبل لا تسمع جوابي رجعت تحلب وتدردم
-عفيه عيون گويه، فوگ ما نهشتو عرضنا وحطيتو روسنا بالگاع وطينتو سمعتنا ما راضين.
+
-چا ما حچيتو هذا الحچي لـ صمد وأبنه ليش أخذتو الفلوس وسكتو، شني هسه حسيتو على دمكم؟
8
-شوفي شراح يسوون بيچ زلمنا يخلون زلمكم يدگون روسهم من الخزي.
گمت من مكاني أرجف وأصيح فاقده
-مره شكبرچ رجليچ بالگبر وفرحانه راح يدمرون بت ولچ وين ترحين من الله، شنو من بشر أنتم أنه شلي غرض ما رحتو خذتو حقكم منه يمشي على طوله بالديره صار أشگد ولا واحد فك حلگه وياه!!!
4
التفتت عليَّ تتنفس بغضب وتصرخ
-أسكتيييي ما أسمعلچ حس لا وحگ علي أخنگچ وأگطع نفسچ چا عرض بتنا رخيص وعرضكم غاااالي؟
5
-محد شرفه رخيص كل بشر شرفه غالي عليه، بس أنه مو ذنبي أنه بت حالي حال بتكم لا حول ولا قوه شلي غرض بمشتاق وصمد أني ربات حُرّ هوَّ مسؤول عني ومربيني ماكو زلمه غيره بحياتي.
التفتت تكمل شغلها وتضحك على حرگة گلبي متشمته وفرحانه هاي لا ينفع وياها صريخ ولا توسل، مسحت وجهي يكت عرگ زفرت نفس بتعب وباوعتلها بآخر آمل حچيت بنبره لينه
-خاله ساعديني وحاضر الشدات أنه مالي غرض، شلون تنامين ليلچ وزلمكم ظالميني؟ والله العظيم مو ذنبي شلي غرض أنه ساعديني أشرد منا أروحلچ فدوه..
تقربت بخطوات سريعه وگفت گدامي وعيونها تنگط حقد والسطل بأيدها
-أنه لو بيدي أكتلچ بأيديَّ، وأكتل نسلكم كله..
2
تتقرب بخطواتها عليَّ وتحچي طگتني بأيدها حيل على وجهي دفعتها أصرخ بوجها ميته من الوجع
-خايبه تخسون بأحلامكم تدنسون شرفي والله لو يدري زلمتي يسوي طشاركم ماله والي.
33
فكت عيونها تطگ بيَّ وتصرخ
-ياهوووو هذااااا التزامطييين بي ياهوو؟؟؟
1
دفعتها مني بقوه وصرخت محترگ گلبي
-حُرّ، شعره من شاربه تسوى ديرتكم بكبرها.
6
تخبلت عليَّ من حچيت هيچ فقدت عقلها، لزمت السطل وذبا الحليب منه بالگاع ورگعته براسي بحرگة گلب، صرخت لازمه راسي بثنين أيديَّ والدم يطلع من بين أصابعي أتراجف والدم ينزل على گصتي
2
طحت بالگاع دايخه وهِيَّ شمرت روحها فوگاي تكتل بيَّ وتغلط وتفشر عليَّ وعلى حُرّ وكل گرايبي، گطعت شعري بأيدها أريد أفلت روحي منها ماكو مره چبيره وحيل مبينه أم مشاكل ولسانها زفر، خصل من شعري ضلت بأيدها گد ما گطعته!!!
4
جريت روحي منها ودفعتها حيل شايطه وهِيَّ ترد عليَّ تطگ بيَّ وتغلط، أحاول أفرغ روحي منها ماكو وترد عليَّ بحيث أطگها مره ترجع تطگني عليها عشره مرات نفتح الباب وطبو زلم ثنين ما شفتهم غير جروها يطلعون بيها وهِيَّ مفرفحه تريد بس تلزمني، واحد منهم طگاني حيل على راسي رفعت راسي وباوعت بوجهه تفلت بنص خلقته تخبل عليَّ رجع يطگني شايطه روحه
5
بالگوه طلعو من المكان وضليت وحدي هنا بچيت لحد ما غفيت ودمي بعده تارس راسي شعري المستعزه بي مگطع بأيديها وروحي متبنجه من الوجع وما أعرف شسوي حيره أكلت راسي..
من الصريخ الحايط تفطر هوسه براسي صارت بعد ما أگدر لا ظلت ملامح لا عيون تشوف يخوف شكلي والنوب الوجه أصفر.
3
ضليت هنا ما أدري أشگد بس فتره، لازمه راسي وآون يشمرولي أكل مثل ما يشمرون للحيوانات بس أسد جوعتي ودموعي تصب..
1
-كلارة: فجر وحرّ على أعصابهم عايشين يردون يموتون من القهر وأنه حالي من حالهم لا ليلنا ليل ولا نهارنا نهار الأيام ما نحس بيها طعم بغيابها أحوالنا تدهورت على وردة
عجز حرّ يلگه وردة رغم دور وبحوش وفترة غيابها كلها هوَّ ما طاب للبيت بس يدور عليها الشارع صار بيته بغيابها ومستمر يدور عليها، طب للبيت مهدود حيل گعد بالحوش أنتچه لوره وصافن مدد رجليه وحالته ما تنوصف متعوب ومسومر على فراگها
گعدت گدامه فجر وجرت حسره طويله
-ما لگيتها مو؟
+
هز راسه ودنگ عينه صوته متروس غصه
-ما لگيتها، ليش دوم مقسوم عليَّ أفراگها وفگدها؟
8
طبطبت على چتفه بأيدها وحالها أتعس من حاله
-أختبار هذا وأنتَ گده.
مسح وجهه وأيديه متروسات تراب ودم كضت أيده خايفه ورفعت عينها اله
-تعاركت؟
-يا عرك يا دنيا خلافها..
2
عدله وعليــچ اليوم دم صبت العيــن
گليلي حالي شلون يوم التروحين.
12
صار بيناتنا هدوء كلنا ساكتين بس دموعنا تعبر عنه أنه وفجر عيونه ما جفت من الدموع، وحُرّ تنهيداته وحسراته ونظرات عيونه المتروسات حزن تشرح حالته وتعبه بفراگلها مسحت دموعها فجر
-دومها ذابله وردة، معلعله ومتعوبه..
جر حسره طويله يباوع على البيت
-الها وحشه..
6
ضغطت شفايفي ببعض أكتم شهگاتي وهوَّ كمل بتنهيده
-گلبي غادي نار عليها.
4
أول مره أحس حُرّ يطلع المضموم بگلبه چان حيل كتوم أحس ما يحمل بعد الصار وياه هواي مو مال يفگد محبوبته مسح وجهه وداره للجهه الثانيه فچه يرجف بعبره وغصه
-ماكو مچان ما دورته ليل ونهار أنه بالبساتين بلكت الگاها، نهاري كله أگضيه أدور عليها وردة فص ملح وذاب مالها آثر..
فجر: ما توقعت توصل لهيچ مواصيل، چانت بواحد من بساتينا ليش تغربت بهل دنيا؟
حُرّ: أخذيها حچايه مني ما دام وردة ما لگيتها لحد هسه معناها حالتها الله اليعلم بيها.
فجر: شتقصد؟
حُرّ: أظن صالـح لو واحد ثاني ماخذها..
فجر: صالح؟ مستحيييل تلگاه طفر خايف ما يجازف!
رّ: چا واحد ثاني.
+
فجر: ليش هيچ متأكد؟؟؟
حُرّ: لو ضايعه چا لگيتها بس السالفه أكبر!
صفنت عليه فجر عيونها مغورگات بدموعها بخوف
-حرّ عندك عداوات؟
آشر بأصبعه على شعره ونتر بعصبيه
-بگد شعر راسي.
10
سكتت فجر وأنه ملتزمه السكوت، وروحي ساكنه بس تحوم على وردة ريت عندي جناحات وأدورها مسح وجهه وبصوت مخنوگ گال
-ما تدوم جمعتنا چن الدنيا محاربتنا.
2
عيونه ذبلانه وحيله مهدود گال بخيبــه
-الگمر ليش يغيب مو ظلمه الدرب من دونه..
8
دموعنا شلال أعز صاحبه عدي، وروحي أحس غايبه وياها أيامي ما تسوى بلياها گام من مكانه يمشي بصعوبه وطب لجوه صاحت وراه فجر
-وين؟
ما رد عبالك جثه وما بيها روح طب لغرفته منهلك من التعب جر مخده وتمدد بالگاع وما حچه حرف ويَـ واحد من البيت رغم كثرة أسألتهم عليه ما رد بالگوه يمشي على رجليه عبالك مشلول وهسه گام، فراگها هدم حيله ولا چن حرّ الجلمود الگضه عمره بعد السجن جاف وجامد مشاعره تبين بس عليها..
جر حسره طويله بتنهيده متروسه تعب وحط أيده على عيونه تقربت فجر فتحت الباب تباوع عليه وهوَّ ما تحرك من مكانه مرت فتره وأحنى نباوع عليه لأن الغريب بالموضوع هوَّ ما نايم وحتى ما يگدر ينام ليش هسه متمدد وغاصب روحه على النوم؟
10
قبل چان يتخبل من الفراش والنوم ويضوج ويتعصب من يهجر عينه النوم، لهذا السبب يحاول يشغل روحه لأن ما تغفى عينه بس اليوم يحاول يجبر روحه ينام جر حسره بقهر و وخر أيده من عيونه بعصبيه
2
عگدت حاجبها فجر تباوعله بعدم فهم
-ليش تريد تنام؟
-صارلي چثير ما نايم.
-بالأيام البقيه أنتَ ما تغصب روحك على النوم هيچ!
1
رفع عينه علينا ساكت تنهد ورجع تمدد يباوع للسگف
-هسه أريد أنام..
ليش؟
-بلكت أحلم بيها مثل كل مره.
14
التفتت أباوع على فجر بصدمه وهوَّ طلع جگاره يدخن بين دخان الجگاير وحسراته وعيونه الذبلانه نتر
-ليششش ما تغفى عيني ليش؟؟؟
1
خلصت الجگاره بسرعه لأن يأخذ منها نفس طويل غمض عيونه يحاول ينام بس ما جاي يگدر لحد ما بالگوه غفى وغمضت عينه طلعنا وعفناه ويَـ أحلامه الما تفارگها وردة..
سمعنا دگة الباب شهگت خايفه من الباب يندگ بخبال تكسر بثنين أيدين يدگ وصوت رجال چبير يصيح
-حرررر بويييييه حرّ الحگ لـ عرضضضك..
13
ما گدرت أشوف ملامح حرّ بهل لحظه لأن تخشبت بمكاني جر سلاحه الراكنه بصفه وركض للباب فتحه وطلع يتراجف تفلش بابنا وصوت صياح الزلمه ترس المكان وفزز الوادم كلهم طلعنا للباب نباوع من عنده وبيتنا كلهم گعدو وأجو زلم ونسوان يتراكضون من غرفهم وطلعو الزلم والنسوان بالحوش..
الرجال مدنگ ظهره ومستند بأيديه على ركبات رجليه يشهگ بالنفس وجهه أحمر يصيح
-بويييه حرّ بويه
-سولف حجي يرحم والديك سولف؟؟؟
3
-عمي وعلي أجيتك من ذاك الصوب لهذا الصوب ركض بس أنه مريض وما أحمل تعب گلبي راح يوگف..
-عمرك طويل حجي.
3
بعد ما هدئ الزلمه جر نفس مدنگ عينه خجلان
-عمي أنتَ مو عدك حرمه ضايعه؟
سكت شويه، وكمل كلامه بَـ عاصفه مو جمله
-چنت بصوب آل عريبي وشفت زلم كاضين حرمتك يجرون بيها لبيت هيكل يردون
يتابع ،،
