رواية شمس الجاسر الفصل الخامس عشر 15 بقلم حنين مراد
"الأشياء التي يكشفها لك الله، إياك أن تبحث لها عن مُبررات."
+
الـكـاتـبة: حـنـيـن
+
لتنسوون التصويت فضلاً + التعليق بين الفقرات + المتابعة لطفاً
+
شفتكم ترااا مسويتي تصويت يلا يلا سوو 🌝
+
بـسـم الله الـرحـمـن الـرحـيـم
+
________________________. ♡
_______________. ♡
+
طلعت الخبيثة وعافتني ويا بقيت دايرة ؏ الباب بدون ما ادير علية شوي وكال
+
جاسر: عجبج الباب؟
+
شمس: هاا لا
+
كلتهة ودرت علية
+
جاسر: شمس لا تخافين ترا كل كلامي بعلم عمج بحسب انه منعرف بعض وكلتلهة انه رايد احجي وياهة
+
صفنت شوي واني اتذكر كلام عمو رفعت راسي متفاجأة
+
شمس: الذلك جان مصر يجيبني هنا
+
ضحك وتقرب علية
+
جاسر: شمس مصارتلنة فرصة نتعرف ولا شي كعدي هنا
+
كعدت ؏ الأريكة وهوة كعد ؏ الأريكة المقابيلي
+
جاسر: ايي احجيلي عن نفسج
+
شمس: يعني شحجي
+
جاسر: يعني مثلاً عمرج هوايتج هيج اشياء
+
شمس: مابيه شي مميز فقط عمري 23 سنة وجان حلمي ادخل تمريض وعندي ثنين اخوان بس
+
جاسر: اذا ماعندج مانع اكدر افهم ليش لؤي جان يضربج
+
خجلت احجي بس اصرارة خلاني
+
شمس: السبب جان غير معلوم لكن حسب محجة هوة لأن اني اخر شي من اهلي لذلك من توفو اعتبرني فال نحس وحملني كل مسؤلية موتهم
+
هز راسة وبقة ساكت
+
شمس: وانتة
+
جاسر.: شبيه
+
شمس: اني هم ما اعرف شي عنك
+
جاسر: عمري 30 سنة وتعرفين شغلي واخواني
+
شمس: اذا عادي ممكن اعرف ليش سوسن هيج تحبك
+
جاسر: مو حب هذا بويه
+
شمس: لعدد؟
+
جاسر: بعدين افهمج يلا روحي حضري نفسج
+
كمت توني توجهت للباب و وكفني صوتة
+
جاسر: شمس
+
شمس: هاا
+
فجأة تقدم عليه رجعت ؏ الكنتور بسرعة وهوة صار قريب علية حيل
+
جاسر: والمستجلب سمعتهة ترا لسانج شمس لا تخليني اغضب منج
+
شمس: بس تكدر تبتعد
+
جاسر: واذا مبتعدت
+
شمس: اذا جان عمو يدري بيك تحجي وياي هذا مو معنا تتقرب هيج
+
بقة يباوع بعيوني واني اباوع بحدة حاط ايدية ع الكنتور
+
صايرة بنص ايديه ومدنك راسة مبين حيل قريب فجأة نفتح الباب دفعتة بس موخر
+
باوعت سوسن وايات سوسن الي حسيتهة حتجي وتهجم علية وايات الي ابتسامتهة شاكة حلكهة بتعد جاسر عني ولزم ايدي حسيت برجفة بكل جسمي لزم ايدي وحطهة بيد ايات
+
جاسر: اخذيهة خل تبدل
+
اني فقط صافنة ما اعرف شسوي محسيت الة بايد خلعت كتفي نداريت وحسيت بشي حار نزل على خدي باوعت بصدمة السوسن بنفس اللحضة جرني علية جاسر وشاف خدي انوب باوعلهة بخزرة وعاط بيهة
+
جاسر: انتي منووو وتمدين ايديج القذرة على مرتي هاا
+
سوسن: جاسر بس اسمعني تددري بية احبك ف متحملت
+
جاسر: طلعي برا طلعييي متحملت الـ....
+
عاط بيهة وهية طفرت كل هذا واني ممستوعبة شديصير وايات الي تمسح بخدي وتغلط عليهة اندار يباوعلي اريد ابتعد عنة بس ميخليني لزم خدي بطرف اصبعة
+
جاسر: شوو يوجعج
+
شمس: لا ميوجعني والله اصلاً محسيت بي بس شوي حرورة
+
جاسر: ايات جيبي ثلج
+
ايات: رايحة
+
شمس: عليمن جاسر والله ميحتاج
+
جاسر: اشش نجبي معليج
+
بقيت ساكتة وهوة يمسح ع خدي جابت ايات الثلج وطلعت وسدت الباب بقيت مصدومة
+
شمس: جاسر اريد اطلع
+
جاسر: اوكفي هسة اطلع وياج بس حطي هذا على خدج ولا تطلعين وحدج
+
بقة حاطة على خدي وخر ايدة واني لزمت الثلج راح وطلع ملابس وطب للحمام شوي وطلع لابس قميص ابو الركبة اسود وبنطرون اسود وكوت اسود فوكاهن
+
باوعلي وبتسم
+
جاسر: يلا امشي
+
مشينة سوة فتح الباب وطلعنة البيت هدوء سنطة
+
جاسر: ايااات
+
ايات: هاا
+
جاسر: وينهنن
+
ايات: راحن
+
جاسر: وليش خليتيهن
+
ايات: مقبلت وهنة هم مقبلن
+
جاسر: أروى وين
+
ايات: تعاركت ويه ياسر وهم راحت
+
جاسر: لا هاهية يلا روحن بدلن فضني
+
رحت ؏ السريع وي ايات طبيت للغرفة باوعت لخدي وكالت
+
ايات: الله لا ينطيهة كسر كون وانتي ماشالله بس ضربتج بين وخدج صار احمر
+
باوعتلهة بترجي
+
شمس: اياات اخفي عليج الله
ايات: دبدلي وتعاي
+
طبيت بدلت وطلعت لكيتهة دتحط مكياج خفيف خلصت وكعدتني وحطت كريم ومن خلصت حطت احمر خدود حتة يتساون الحمار بين الخدين صار ممبين طلعنة لكينة جاسر بالصالة كاعد منتضرنة
+
_______________________.♡
_________________.♡
ايـات
+
طبعاً تعاركت وياهن ولعبت جولة وشردن طلعو من الغرفة فدوة جنهم عرسان جدد شمس خجلانة وهوة الواحد يباوعلة حتة ميعرف شيحس رحنة بدلنة اني وشمس وحطيت مكياج الهة وخففتة طلعنة من الغرفة وشفنة جاسرمنتضرنة باوع وكال
+
جاسر: يلا طلعن
+
طلعت شمس توني جاي اطلع ولزم ايدي
+
جاسر: شدعوة المكياج لبوجهة ليش تحط كريم ومدري شنو هذا الأحمر
+
ايات: اووف جاسر مو خفيت الحمار فـ زيدت الكريم وحطيت احمر خدود
+
جاسر: دمشي امشي
+
صعدنة و نطلقنة للمول المتفقين علية
______________________.♡
________________.♡
غـسـق
+
جنت حايرة شلون اكول لبابا ؏ الطلعة اكيدد ميقبل فجأة اجت ماما
+
ام غسق: حضري روحج حطلعين انتي وخطيبج
+
غسق: هاا
+
ام غسق: بس لو تبطلين الهاا وهاا
+
غسق*يماااا
+
ام غسق: و وجع يلا كومي حيجي ياخذج
+
غسق: ماشي
+
طلعت وكمت ؏ السريع بدلت وحطيت شوي مكياج حضرت جنطتي وحطيت بي موبايلي وفلوسي وسديتهة
+
سمعت صوت السيارة بسرعة نزلت سلمت عليهم وطلعت ااشرلي اكعد بالصدر فتحت الباب وصعدت
+
غسق: السلام عليكم
+
معتز: وعليكم السلام
+
درت وجهي على المقاعد الورا
+
غسق: وين البنات
+
معتز: هسة رايح اجيبيهن جنت بشغلة ومريت عليج
+
غسق: ماشي
+
تقريباً نص ساعة او اكثر وصلنة لان بيتي شوي بعيد عنهم وصلنة وكال
+
معتز: تنزلين
+
غسق: وين
+
معتز: سلمي على امي
+
غسق: بس استحي
+
معتز: ههه بس امي نزلي يلا
+
نزل ونزلت ويا بيتنة شكد جبير بيتهم بعد اكبر فتنة للحوش وحديقة تجنننن فتنة للمطبخ
+
معتز: كريمووو
+
اجانة صوتهة من جوة
+
كريمة: طاح حظ تربيتك 32 سنة تعبانة واربي تالي تطلع سگط
+
معتز: ههههه وينج جبت جنتج
+
لزم ايدي وفتنة للصالة واني خجلانةة كلش والي زاد خجلي بس شافتنة امة هلهلت
+
كريمة: يا هلا بجنتي
+
غسق: شونج خالة
+
رحت باوستهة وباوست البنات كعدت وباوعت النورا
+
غسق: وين شمس
+
نورا: ببيت ايات كالتلي شوي ويجن
+
غسق: همم ماشي
+
معتز: كريموو شتسوون عشة
+
كريمة: صدك راح اكوملك بالمس على راسك
+
معتز: هاي كل مرة تاالي تضلين بس تأدب وضاعت تربيتي وياحسافة وماكو شي
+
كريمة: دصبرلي
+
كامت توهة دتروح تجيب المس وطفر فوك بسرعة ضحكت ورجعت كعدت
+
ديار: غسق كومي نواريج البيت الي حتعيشين بي لازم تندلين كل شبرر بي
+
غسق: هاا
+
زينب: كومي كومي
+
مدري شيهمسن البعض ونورا تضحك كامن وكومني طلعنة بالحوش وديار كالت
+
ديار: شوفي هاي الحديقة مالتنة
+
زينب: عفواً منين اجت مالتج
+
ديار: نجبي اذا شايلة من هل بيت مو معنا مالي شي بي
+
زينب: قابل جذب
+
جمانة: يبووو نجبن تعاي غسق نواريج الحديقة الخلفية
+
اخذني ورا البيت الحديقة تجنننن متروسة ورد وفقط الشبابيك مال الغرف مبينة
+
غسق: هاي تجننن
+
زينب: ايي طبعاً تجننن عمو معتز معتني بيهة شوفي
+
راحت وشغلت مدري شنو وشتغلن نافورات بالحديقة صغار يرشن ماي ؏ الزرع
+
غسق: هههه تجننننن
+
زينب: يلا امشي نوراريج البيت بعد
+
وارني البيت كلة بقة بس الطابق الفوك صعدنة بي اكو تقريباً اربع غرف
+
جمانة: تعاي شوفي هاي غرفة حيدر اخو زينب
+
طبينة للغرفة تركيه لونهة ابيض ونيلي حلوة
+
زينب: تعالي اواريج غرفتي
+
رحت وياهة غرفتهة هم تركيه ولونهة ابيض وجوزي فاتح حلوة
+
غسق: حبيتت تجننن
+
زينب: كدامج دادة
+
غسق: تسلمين
+
طبينة لغرفة ابيض ورصاصي
+
نورا: هاي غرفة عمو ادهم
+
غسق: شمس كالتلي ع اساس معتز ميعيش هنا وشمس ويا
+
اسراء: ايي صح بس يجي مرات ف هنا بيبي سوت غرفة الة
+
زينب: تعاي هسة نواريج غرفتج عمو صادف توة جايب غرفة جديدة الة بس كال اذا شافت غرفة حلوة او كذا ابدلهة
+
غسق: لاا عيب اروح
+
جمانة: لا تتعايرين ع شنو العيب
+
توني دا ارد وجرتني زينب طبينة لغرفة معتز تجنن بيضة وبيهة خطوط ذهبي والتاج مال السرير لونه ككوي وبي لمعة خفيفة والقطع الباقيات ابيض وبيهن ذهبي خفيف يعني احلا غرفة بيهن
+
زينب: شرايج
+
غسق: تجنن
+
زينب: اذا معجبتج تكدرين تكولين عادي نبدلهة
+
غسق: لالا والله حلوة وبعدهة كلش جديدة
+
زينب: جنهة بيبي تصيحلي هسة اجي
+
ونورا وجمانة بنفس اللحظة دك موبابلاتهن وطلعن واسراء كالت نسيت عندي شغلة وكلهن طلعن بقت بس ديار
+
ديار: اهووو شوف شلون نسيت
+
غسق: شنوو
+
ديار: نسيت اصب غدة لعمو قاسم عود كلي يلا اروح اصب واجي ابقي هنا
+
غسق: د ديارر وين رايحات
+
طلعن كلهن وعافني حرت شسوي توجهت للباب ردت اطلع وصار بوجهي معتز رفعت راسي علية
+
معتز: غسق
+
غسق: اا البنات وارني البيت واجينة هنا وكلهن ختفن ت توني دا انزل
+
معتز: هسة انتي شبيج متوترة
+
غسق.: ها لا ممتوترة
+
معتز: غسق
+
غسق: هاا
+
معتز: الـ هاا مالتج ليش هل كد فاهية
+
غسق: ما ادري
+
معتز: هههه
+
غسق: اريد انزل
+
معتز: ومتنزلين
+
غسق: انتة واكف بالباب
+
معتز: اااءء تفضلي
+
وخر وطلعت ؏ السريع لكيت البنات بالباب
+
زينب: هههه شوفن الوجه احمرر
+
ديار: عزاا بس لا باسج
+
نورا: باسج لو لا
+
غسق: لالااا هوب وين رحتن
+
زينب: هههههه
+
ديار: هههههه امشن ننزل جوة على بين ميسبح عمو
+
نزلنة جوة شوي ونزل لابس مناضر بيض
+
غسق: زينب معتز نضرة قليل
+
زينب: ههه لا بس يحب يلبسهن لأن يطلع حلو بيها
+
غسق: اها زين شوكت تجي شمس
+
زينب: بالمول نتلاكة يجيبهن اخو ايات
+
غسق: ماشي
+
معتز: يلاا كومن
+
كمنة اني وجمانة وديار ونورا وزينب اما الباقيات ميردن يطلعن صعدنة بالسيارة وتوجهنة للمول
+
________________________.♡
_________________.♡
شـمـس
+
وصلنة للمول ونتضرنة شوي واجو سلمنة عليهم وبقيت واكفة يم غسق وخربانة ضحك على ايات تريد تذبحني وكل شوي تجرني يمهة والكل منتبهلهة
+
معتز: شوفن انتن بنات احنة راح نكعد هنا تشترن كل الي تردنة وتصلن نجيجن ماشي
+
: اوك
+
صعدنة لقسم المكياج واشترينة حتة الي منستخدمهن
+
شمس: بنات عمو ادهم وين
+
ديار: بالشغل كال مكدر اجي
+
شمس: اشتاقيتلة
+
كلتهة وبوزت
+
زينب: اهوو هوة يوم مشفتي
+
ايات: تتعايرر بعدين صدك اني متانيتجن على يوم تجن كلجن تباتن يمي لأن اني بتت يمجن وحتة انتي غسق
+
غسق: هههه ماشي
+
زينب: ايي بس شوكت
+
ايات: اممم خلنهة الثلاثاء قبل خطبة جاسر
من كالت خطبة جاسر رفعت راسي اباوعلها
+
شمس: اعتقدد بعدني مموافقة وانتو حددتو كبل
كلت هيج والانضار صارت علية تندمت حجيت حياكلن راسي
+
غسق: اخوهةةة خطبججج
+
زينب: ومكلتييي
+
جمانة: وهسةةة كلتيلنةة
+
ننورا: لوو كايلتلنة بيوم الخطبة احسن
+
ديار: زين وحماج الصاك متزوج
+
كلنة باوعنة الديار الي خجلت وضحكت
+
ديار: اشاقة اشاقةة
+
ايات: مع الاسف ديار امنيتي اخواني يتزوجون منكم بس ياسر متزوج
+
ديار: اشاقة يابة
+
كلهن ضحكن بس حسيت ديار فعلاً ضاجت حتة انهة بعد محجت وبس تصفن خلصنة ونزلنا الهم
+
معتز: خلصتن
+
شمس: ايي
+
جاسر: ديلا نحاسب
+
طبعاً عمو دفع الحساب مالتنة كلنة ومخلة جاسر يدفع مال ايات وساعةة يتعاركون
+
ايات: هسة غير يفضوني و واحد يدفع اداخذ غراضي
+
كلنة ضحكنة عليهة والله عدهة سوالف صعدنة بالسيارات بعد مسلمنة على ايات ورحنة لبيت جدو وعمو وصل غسق
+
طبينة للبيت وكعدنة شوي واخابر على عمو وماكو صار الليل وهوة ماكو
+
شمس: اووف شسالفة عمو جهازة مغلق
+
كريمة: يااا نسيت يبيبي كلي كولي الشمس تبات يمكم لأن عندة شغل وسافر اسبوع يبقة
+
شمس: هاا
+
كريمة: والله
+
شوي والبنات راحن كلهن بقت بس زينب ردت ابجي فعلاً اني ممتعودة ببيت جدو ابقة ومشتاقة لعمو صارلي يوم مشايفتة وهسة ح ابقة سبوعع مشايفتة صعدنة نمنة نمت يم زينب وحضنتهة لان اخاف وخطية متحجي تبقة حاضنتنني ونايمة انوب اتصل علية مغلق خلاني اقلق صارت الساعة بثنتين توني ردت انام واجاني اشعار كلت خل اشوفة وانام فتحت الموبايل وشفتهة رسالة من عمو فزيت ع السريع وفتحتهة
+
ادهم: نايمة كاعدة
+
شمس: كاعدة
+
اتصل رديت وطلعت بالصالة
+
ادهم: ياهلا بشمسي شلونج
+
شمس: الحمدلله بخير وانت
+
ادهم: الحمدلله زين
+
شمس: ليشش تروح ومتكلي
+
حجيتهة وبجيت حسيت شي كاعد على گلبي
+
ادهم: هسة على شنو تبجين بابا صار عندي ضرف وضطريت اسافر بسرعة
+
شمس: ما احبك
+
ادهم: ههههه ادري العكس صحيح
+
شمس: لا والله
+
ادهم: وداعت عيونج
+
شمس: شتسوي كاعد هسة انتة تنام من وقت
+
ادهم: ولج بابا الساعة بثمانية يمي
+
شمس: والله
+
ادهم: والله انتي شتسوين كاعدة
+
شمس: ما كدرت انام
+
ادهم: بابا نامي موزين السهر عليج
+
شمس: ماشي بعدين ليش موباسلك مغلق
+
ادهم: نزلت من الطيارة ولتهيت بالشغل ونسيت اشغلة
شمس: همم ماشي وانتة نام خاف تعبان
+
ادهم: ماشي يلا تصبحين على خير
+
شمس: وانتة من اهل الخير
+
غلقتة منة وردت افوت للغرفة و
+
معتز: هشش شمس هشش
+
توجهت لغرفتة ودخلت
+
شمس: عمو بزونة اني وتكلي هشش
+
معتز: نجبي وتعاي شوفي
+
شمس: شنوو
+
معتز: ياهنة احلا
+
وارني كلادتين بجهازة
+
شمس: ثنينهن حلوات بس احس هذا البسيط احلا من الضخم بهواي شوف بسيط اما هذا كلش هوسة
+
معتز: ماشي شكراً
+
شمس: دلل زين كلي هذا الغسق موو هم همم
حجيتهةة واضرب كتفة بكتفي
+
معتز: ما تنجبين يا غسق هذا الزينب
+
شمس: زينب ليش
+
معتز: عيد ميلادهة بعد ايام ولعلمج يصادف عيد ميلاد ادهم ورا عيد ميلادهة بتلاث ايام
+
شمس: وشوكت عيد ميلاد زينب
+
معتز: بعد اسبوع
+
شمس: يعني عيد ميلاد عمو بعد سبوع وتلاث ايام
+
معتز: همم
+
شمس: شجيبلة هدية
+
معتز: هممم
+
بقة حاط ايدة ع خدة ويفكر
+
معتز: هممم
+
شمس: هممم
+
معتز: همم
+
شمس: يبوو عمو شسالفه
+
معتز: و وجع جاي افكر
+
شمس: اووف ماشي
+
معتز: لكيتهة
+
فززني من طفر بوجهي
+
شمس: ايي شنو
+
معتز: اكو ساعة هية غالية ومن ماركة عالمية راد يشتريهة بس صارت الاحداث ذني ونسة
+
شمس: عندك صووة الهة
معتز: ايي
+
طلعهة صدك حلوة بعد مشفت سعرهة رفعت راسي متفاجأة
+
شمس: غالية
+
معتز: ايي شوي لان تعتبر تليفون وحتة تكدرين تتصلين بيهة ويتصلون عليج
+
شمس: ذكرني اشتري منهة لعد
+
معتز: شتريلي وياج
+
شمس: هلااوو عيني وراتبك انتة مدري شكد
+
معتز: وجعع لاحكتني ع الراتب هية ساعة
+
شمس: لا شبيك كلتهة لمصلحتك يعني لان انتة حتطلب العمو
+
اني كلت هيج وهوة فز ورجع ؏ السرير بسرعة
+
معتز: شحلاتجج خوش فكرة
+
شمس: ادري دادة
+
معتز: نجبي وروحي نامي يلا نخمدي باي
+
شمس: والله معلي تدفع يعني تدفعع
+
معتز: نجبي
+
شمس: يعني تدفع
+
معتز: ادنام نعست
+
شمس: عمووو ميصير هيج منيلي فلوس
1
معتز: استغفرلله دمشي ولي عود اني ادفع
+
شمس: اووي فدوة
+
معتز: نجبي
+
ضحكت وطلعت برا توجهت للغرفة ونمت
+
__________________________.♡
____________________. ♡
+
كُل عام وانتو بالف خير وينعاد عليكم بالصحة والعافية يارب والي خاطب يتزوج والي مخاطب يخطب والي ديدرس يكمل والي متزوج يطلك😂😂
+
ولو متأخرة بالمعايدة بس يلا 😂🤎
+
