رواية الوصية الثلاثية الفصل الخامس عشر 15 بقلم سهيلة محمد
____________________________
+
نظر الاثنان نحو هذا الشئ الذي يوجد أمامهما لتقول اسراء وهي على وشك البكاء من كثرة ما تشعر به من رعب "آسر، ده أسد"
8
"اومال قطة ما انا متنيل عارف أنه اسد" قالها آسر وهو يبتعد للخلف حتى لُصق ظهره في الحائط وكم تمنى لو كان يستطيع الدخول في الحائط افضل له مما يراه أمامه الآن
+
فكان الأسد يجلس بهدوء وهو ينظر لهما وما أن انتبه لرجوعهما للخلف حتى بدأ في الوقوف وهو يحرك رأسه يمينًا ويسارًا وأثناء تحرك رأسه صفعت اسراء بكلتا يديها على خديها وهي تقول "يا ليلة سودة ده في كاميرا متعلقة في رقبته"
6
نظر آسر نحو تلك الكاميرا الصغيرة المعلقة في رقبة هذا الأسد ليرى اسلاك موصلة بالسقف تمتد حتى الخزنة ليصل لذهنه أنه عندما لمس الخزنة اشتعل الضوء واستيقظ الأسد ليطلق صفيرًا من فمه وهو يقول بانبهار "يا بن اللعيبة يا نبيل، سوسة الواد ده"
19
"وده وقت انبهارك بنبيل، انا مش عايزة اموت مأكوله يا آسر ابوس ايدك خرجني من هنا رجعوني لعمي حسن ورضا ووفاء تاني ونبي" صاحت بها اسراء وهي تبكي برعب لينتبه آسر لاقتراب الأسد منهما ببطئ وكأنه متدرب على هذا
4
"عملتها على نفسي عملتها على نفسي" قالها آسر وهو يصفع خديه بكفيه لتقول إسراء برعب "اتصل بيهم تحت ينقذونا"
7
"هما تحت اصلا تلاقيهم محتاجين الي ينقذهم" قالها آسر وهو يحاول الالتصاق في الحائط أكثر ويفكر في حال إخوته في الاسفل
2
وفي الاسفل كان جاسر ينظر حوله بانبهار وهو يقول "الديكور راقي جدا" نظر ياسر نحو المطبخ ليركض للداخل وخلفه الباقي ليرى العديد من الأواني والصحون المرتصة فوق المطبخ ليقترب منهم ويقوم بفتحهم ليقول بانبهار "هو نبيل يياكل كل ده لوحده؟ حمام ورقاق ومحشي وطواجن، وبصراحة كدة انا جعان"
13
نظر له جاسر بغضب وهو يقول "جعان ده ايه احنا مش لسة متغديين" نظر له ياسر بتشنج وهو يقول "وانت مسمي البطاطس المعجنة بتاعة منة والبانية الني بتاع اوس اوس والعيش المحروق بتاع أروى ده اكل؟ اوعى يا عم ناكل لقمه"
1
اقترب ياسر من تلك الأطباق وهو يبدأ في فتحها ووضعها على الطاولة ثم قام بتشمير اكمامه وهو يشرع في تناول الطعام لتنظر له أروى بتذمر وهي تقول "ما بصراحة أنا كمان جعانة"
+
"تعالي كلي، بضاعة ببلاش وصاحبها راجل مغفل" قالها ياسر بحماس وهو يتناول الطعام بتلذذ لتجلس أروى وتتبعها منة التي جلست بحماس لينظر لهم جاسر بتشنج وهو يقول "انا كمان هاكل، بس نغسل المواعين قبل ما تمشي"
22
أومأت منة وهي تقول "أيوة علشان نبيل مياخدش باله أن كان في حد هنا" نفى جاسر وهو يبدأ في تناول الطعام معهم "لا، علشان منتعبش الي بيغسلوا المواعين والأكل مش لينا اصلا"
6
"محترم" قالها ياسر وهو ينظر له بتشنج ثم نظر نحوهم وهو يقول "تفتكروا اسراء وآسر وصلوا لحاجة؟؟" ضحكت منة بخبث وهي تقول "ده تلاقي آسر قاعد يرخم عليها فوق ولما صدق هو وبنت لوحدهم، اخويا وعرفاه تلاقيه هاااايص"
37
ابتسم ياسر وهو يذهب نحو الثلاجة يبحث عما بداخلها وهو يقول "الله يسهله، خدو لقيت كانز هنا، تحبوا شويبس ولا كولا؟"
3
"انا عايزة شويبس خوخ" قالتها أروى بحماس ليبتسم ياسر وهو ينظر لها ليهمس بداخله بسعادة "عارفة اني بحب شويبس الخوخ، اخراشي على التلميحات المفقوسة دي"
20
كان جاسر يتناول الطعام وهو يقول بتذمر "والله عيب الي بنعمله ده وناكل في اكل الناس كدة، ياسر الصينية الي قدام دي كيكة شوكولاته صح؟"
17
أومأ ياسر بحماس وهو يأتي بهذا الصحن ويقول بسعادة "مفيش احلى من الكيكة الشقية ساعة الفجرية دي بتبقى حوار، القاعدة ناقصها الواد آسر والله"
+
ابتسمت أروى بسخرية وهي تقول "طب والله على رأي منة فعلا زمانه قاعد يرزل على اسراء، هو بيحب يرخم على اي بنت تعدي قدامه، صحابي مسلموش من رخامته"
1
________________________________
+
"اطلعي فوق النيش بسرعة" قالها آسر وهو يحثها على الركض أمامه لتبكي إسراء برعب وهي تقول "اعدي من قدام الأسد ازاي بس" نظر آسر نحو الأسد بتركيز وهو يقول "الأسد ده مش جعان، لو كان جعان مكانش زمانا واقفين بنتكلم اصلا، بس اسمعي كلامي يلا واطلعي فوق الكرسي ده واتشعلقي فوق النيش"
2
نظرت له اسراء بحنق وهي تصرخ به "اتشعلق ايه يا جدع انت، انت فاكرني جاية من جبلاية قرود؟!" نظر لها آسر بغضب وهو يقول "وقته لماضة هو؟ الباشا شايفنا اتنين كيلوا كباب مشوي على الفحم وبدأ يريل وانتي واقفة معترضة على الشعلقة فوق النيش"
9
بكت إسراء برعب ثم نظرت نحو تلك المكتبة وهذا المقعد لتقف فوقه وتحاول الامساك بطرف المكتبة لتصعد فوقها بنجاح بعد معاناة ثم نظرت للاسفل نحو آسر الذي كان ينظر نحو الأسد برعب ثم بدأ هو الآخر في الصعود بجانبها حتى نجح لينظر نحو اسراء بتشنج وهو يقول "مدلدلة رجلك كدة ليه انتي قاعدة على ترعة؟"
2
نظرت له اسراء بغضب وهي تقول "ملكش دعوة انا حابة كدة" ولكن انطلقت صراخاتها بفزع عندما وجدت الأسد يرفع جسده نحوها ويحاول الوصول بيده لقدمها لترفع اسراء قدميها برعب لتستمع لضحكات آسر وهو يقول "ما قولنا ارفعي رجلك من الاول"
+
نظرت له اسراء بتذمر لتقول بخوف "طب وبعدين هنعمل ايه؟" رفع آسر كتفيه علامة على عدم معرفته ثم نظر لها بفضول وهو يقول "شكلنا مطولين، اسراء كلميني عن نفسك شوية"
21
"اكلمك عن نفسي ليه يعني؟" قالتها اسراء وهي تنظر له بتشنج ليقول آسر بملل "اصل احنا هنقعد نبص للأسد بس يعني؟ كلميني عنك يعني ليه مثلا مش موافقة على جوازك من ابن عمك حسب ما سمعت يعني؟"
+
تنهدت اسراء بحزن وهي تتحدث بدون شعور "يمكن علشان اصغر مني بتلت سنين، انا خمسة وعشرين وهو اتنين وعشرين سنة" عاد آسر برأسه للخلف ليستند على الحائط وينظر لها بتعجب وهو يقول "ممكن تكوني مش حابة الموضوع، بس هو عادي يعني مش حرام ولا عيب انك تتجوزي واحد اصغر منك خصوصا الفرق بينكم تلت سنين مش حاجة جامدة اوي يعني، ليه مدتوش فرصة يمكن تحبيه زي ما هو بيحبك؟"
2
تحدثت اسراء وهي تبتسم بسخرية وهبطت دمعة من عينيها على ما عانته في حياتها "علشان هو مش بيحبني يا استاذ آسر..."
1
قاطعها آسر بتشنج وهو يقول "ايه استاذ دي انا بديكي كان واخواتها؟ قولي آسر بس عادي" نظرت له اسراء بخجل وتوتر ليبتسم آسر وهو يقول "اعتبريني زي اخوكي يا ستي وقولي آسر بس"
19
فضلت اسراء اكمال حديثها وهي تتغاضى عن قوله "هو مش بيحبني، انا بالنسباله زي اي بنت عرفها، وعلى فكرة هو مُصر على جوازه مني ومضايقتي علشان غروره مش قادر يوصله ازاي انا ارفضه، يعني ده لو اتجوزته هيخوني كل يومين مع واحدة أو لما يزهق مني هيطلقني ويرميني، وحتى لو بيحبني انا مش هدي فرصة لواحد بيشرب وينصب ويسرق"
3
صمتت قليلًا وهي تبتسم بسخرية اندمج بها الألم وهي تنظر له وتقول "طبعا هتقولي ما انتي زيه بس الفرق أن هو بيعمل كل ده بإرادته ومزاجه وانا بعمله غ...." قاطعها آسر وهو يبتسم بهدوء "مكنتش هقول كدة على فكرة، زي ما قولتلك انا فعلا كنت بهزر معاكي بس انا مش قادر اشوفك غير انك واحدة بنت حلال ومتستاهليش الي انتي عيشاه ده"
+
ابتسمت اسراء بحزن ليسالها هو بفضول "طب انتي خريجة ايه مثلا وليه مشتغلتيش بشهادتك" نظرت له اسراء قليلا وفي ثواني كانت تضحك بشدة لينظر لضحكاتها بتعجب عندما وجد دموعها تهبط بشدة وسط ضحكاتها وهي تهز راسها بياس وتقول "يعني حكيتلك على كل الي بيحصلي ده وفي الاخر تقول معاكي شهادة ايه؟ وهو انت عايز وفاء تدخل اسراء بنت اخو جوزها كلية وتتساوى بمرام بنتها ست بنات الحارة!"
+
بكت أكثر وحاولت إزاحة دموعها وبين كل هذا الاندماج كان الأسد يجلس في الاسفل ينظر لهما بتأثر واهتمام شديد لما يتحدثان فيه وكأنه يفهمهما مثلا؟
44
بينما اسراء نظرت لآسر الذي كان ينظر لها نظرة طويلة حملت التعجب والشفقة والحزن لتكمل حديثها "وفاء خرجتني بعد الإعدادية وقالت كفاية اوي عليا كدة، حلو اوي اني بعرف اقرا واكتب، لكن مرام بنتها هي تنزل وتتعلم وتلبس زي البنات، لكن انا انا مين؟ انا اوس اوس اسراء دي ادفنت خلاص، انتي هتلبسي زي الرجالة غصب عنك، رغم أن انا مش عايزة اتشبه بالرجال، بس معلش ده الي عندهم هيبقى زيك زي الرجالة، ولا انتي عايزة تتزوقي وتبقي حلوة علشان تخطفي الانظار من بنتنا؟"
1
نظرت له اسراء بألم وهي تشعر أن أخيرًا أحدهم ضغط على الوتر المضغوط بداخلها لتنفجر بكل ما قامت بحبسه لسنين "على فكرة أنا مكنتش عايزة اخطف الأنظار، انا كنت عايزة اعيش زي اي بنت في سني، بس بعد سنة ربنا كرمني أن عم عوض جيه وقالي أنه هيقدملي في مدرسة ثانوي بعيد عن الحارة خالص علشان محدش يعرفني هناك، وكنت بحط كتبي عنده في المحل وانزل اذاكر عنده، ومروحش المدرسة غير على ايام الامتحانات بس بفهمهم اني نازلة سبوبة بدري بس انا كنت بروح امتحن وارجع، وطلعت من الثانوية العامة بخمسة وسبعين في المئة بفضل عم عوض بعد ربنا، وبس مدخلتش جامعة"
1
تحدث آسر وهو ينظر لها بحزن "انتي قابلتي كل ده لوحدك؟" ابتسمت اسراء بسخرية وهي تقول "لقد واجهت امواج كثيرة بداخلي ولم أطلب من أحد عوامة بطة حتى يا استاذ آسر، أنا إنسانة تشعر بالخذلان من الجميع وكاني مخذولة في خذالة توشيبا، يلا الحمدلله على كل حال"
32
نظر آسر لجديتها في الحديث ليضحك على جملها الغريبة تلك وهو يقول"ياستي فكيها بقى، ما احنا كلنا عايشين في بحر الغدر المهم نحاول منعديش البراميل"
+
"براميل ايه؟" قالتها اسراء بتعجب ليقول آسر ببلاهه "البراميل بتاعة بحر الغدر الي بعدها الغريق" نظرت له اسراء قليلًا قبل أن تضحك بشدة وهي تقول "متهزرش تاني"
+
نظر آسر لضحكاتها العالية التي تصدر منها بلا إرادة ليبتسم بلا شعور وهو يقول "طب ما انتي ضحكتك حلوة اهيه اومال مصدرة العياط ليه؟؟" توقفت اسراء عن الضحك وهي تنظر له بصدمة وخجل من جرأته وفي ثواني كانت تنظر له بحدة وهي تقول "ياريت يبقى في حدود بينا في الكلام انا مش بنت خالتك انا"
5
نظر لها آسر باحراج وهو يقول "بهزر معاكي بما اننا ممكن نموت حالا وكدة" ابتسمت اسراء بسخرية وهي تقول "هنعمل ايه دلوقتي في الي احنا فيه ده، الأسد قاعد باصصلنا بطريقة ترعب"
+
وعندما انهت حديثها صرخت برعب عندما وجدت الأسد يحاول القفز للأعلى ولكن آسر قبل أن يصعد قام بأبعاد المقعد كي لا يساعد الأسد على الصعود
1
كانت تنظر للأسد وهي تبكي وتصفع وجنتيها بكفيها "يالهوي يالهوي يعني يوم ما اموت اموت متاكله؟؟"
+
"اسكتي بقى لما اتصل بالبهايم الي تحت دول يلحقونا" قالها آسر بغضب وهو يحاول التقاط إشارة كي يستطع التواصل مع ياسر أو حتى جاسر بينما اسراء كانت تنظر نحو الأسد ونظراته لهما برعب وهي تقول "اكيد مش هفضل متعلقة هنا مستنية سكار الي تحت ده يطلع يرمينا من فوق النيش زي ما رمى موفاسا من فوق الجبل"
11
"يبنتي اتهدي بقى خنقتيني" صرخ بها آسر ثم نظر للهاتف بغضب وهو يقول "هما مش بيردو ليه؟ معقول يكون اتقفشوا هما كمان استر يارب عليهم دول غلابة"
10
بينما في الاسفل كان الأربعة يقفون في المطبخ يحملون صحون الطعام اللذي قاموا بتناوله وكلا منهم غير مبالي لما يحدث في الأعلى وكان ياسر يحمل صحن يضعه أسفل المياه وهو يغني ببلاهه "مبيزهقشي"
2
"وما بيخلصشي" قالتها أروى وهي تحمل بكوب تضعه أسفل الماء أيضًا تقوم بغسله لتقترب منهما منة وهي تغني بحماس "وميجرحشي"
2
"ساتش من اول تاتش" قالها جاسر وهو يغسل يديه بهذا المسحوق ليقترب ياسر من شقيقه وفي يده الكثير من رغاوي هذا المسحوق ويغني معه ببلاهه "مع الجراثيم مفيش معلش وأيدي نعمة متتاثرش"
26
"ساتش من اول تاتش" قالها الأربعة ببلاهه ليتوقف ياسر وهو يضحك بشدة ويقول "حرفيا أكلة تشبع الواحد تلاتين سنة قدام، الجلاش كان اوووه"
+
ابتسم جاسر وهو يقول "لالا، بجد طاجن البامية ده لا يعلى عليه الهام الله يرحمها مكانتش تعرف تعمله، ما تيجوا نعيش هنا مع نبيل الواد عايش في عز اللهم صلي على النبي مش عارف باصص في فلوسنا ليه؟"
5
تناولت منة إحدى المقبلات الموضوعة أمامها وهي تقول بملل"ياكش يزور باللقمة الي بياكلها، هما كل ده فوق بيجيبوا الورق؟؟؟" قاطعهم اقتراب أروى وهي تقول برعب وعلامات التوتر تظهر على وجهها "ياسر انا سمعت صوت اسد"
+
"في تلفزيون هنا مشغلين قناة ناشيونال جيوغرافيك؟" قالها ياسر بتعجب لتقول أروى بغضب وخوف "بقولك سمعت صوت صوات الأسد"
3
فتحت منة عينيها بصدمة وهي تقول "صحيح هو فين الاسد بتاع نبيل؟؟" نظر لها جاسر بتشنج وهو يقول "نعم ياختي؟؟ اسد ايه ده الي بتاع نبيل"
+
نظرت أروى لجاسر وهي تقول بتوتر "مهو نبيل عنده اسد مربية من ايام ما كان شبل، الأسد ده ملوش قفص طايح كدة في الأجواء" نظر الأربعة لبعضهم برعب وفي ثواني كان كلا من جاسر وياسر يركضان للخارج وهما يقولان في نفس الوقت "يا ليلة ملهاش ملامح الواد آسر"
15
ركض الجميع للخارج برعب ولكن توقفوا فجأة على الدرج وهم يستمعون لزئير اسد عالي وصراخ فتاة قد علموا بسهولة أنها إسراء لينظروا لبعضهم بسرعة ويتحدث ياسر برعب على شقيقه ومن تجاوره في الاعلى "هنعمل ايه؟"
+
نظر الجميع حوله بتوتر حتى لفت نظر جاسر شئ ما معلق على الحائط ليركض نحوه بلهفه حتى وصل له وجلبه من أعلى الحائط ونظر نحو شقيقه بحماس وهو يقول "ده المسدس الي بيبقى فيه طلقات مخدرة، بس انا مش بعرف انشن"
+
اخذه ياسر من بين يديه بسرعة وهو يركض للأعلى لينظروا نحو الغرفة المغلقة وهم يستمعون لزئير الأسد العالي والمرعب ليقول بتوتر "انشن عليه ازاي اصلا؟"
+
نظرت أروى حولها ثم قالت بسرعة "الشباك الي في المكتب جنب البلكونه دي وقدام الشباك سور اقف عليه وحاول تتصرف" نظر لها ياسر قليلًا ثم ركضوا جميعًا نحو تلك الشرفة لينظر جاسر نحو النافذة بخوف وهو يقول "لالا يا ياسر بلاش السور قصير ممكن تقع"
+
"اقع من الدور الأول اتكسر ولا اخويا يتاكل ويموت جوا؟" نظر جاسر نحو ياسر بخوف ثم تذكر آسر وما يحدث له في الداخل ليزداد خوفه ليقول بإصرار "هات المسدس ده انا الي هخدر الاسد"
+
سحبه ياسر منه وهو يقول بغضب "لا يا جاسر انا الي هخدر الأسد" حاول جاسر سحبه مرة أخرى وهو يقول بغضب "الله الوكيل ما حد مخدر الأسد ده غيري"
16
صمت الاثنان عندما استمعوا لصراخ آسر الذي كان ينتبه لما يحدث "انا هتاكل هنا وانتم بتلعبوا؟!، بطلي صويت انتي كمان انتي لما صدقتي جنازة وتشبعي فيها لطم؟" قال اخر حديثه وهو ينظر نحو اسراء بغضب
+
بينما جاسر قام بسحب هذا السلاح من بين يدي ياسر ثم قفز فوق السور وهو يتسحب بهدوء نحو النافذة حتى نظر نحو الأسد بصدمة ثم نظر نحو شقيقه واسراء اللذان كانا يجلسان فوق تلك المكتبة ليحاول التركيز نحو الأسد ثم ضغط على الزناد لتخرج طلقة منه ولكن لم تصب الأسد ليستمع لصراخ آسر وهو يقول "أعمى وربنا اعمى"
3
"اخرس بقى لحد ما احاول اجيبها فيه" صرخ بها جاسر ثم عدل من وضع نظارته وهو يضع كامل تركيزه نحو الأسد وفي ثواني كان يسمي الله في داخله ويضغط على الزناد لتخرج الطلقة وتستقر في ذراع الأسد الذي توقف بصدمة ومرت ثواني حتى شعر الأسد بتخدر جسده وفي ثواني كان يقع على الارض يذهب في نوم عميق
+
"ينصر دينك يا دكتورنا يا مشرفنا" قالها آسر بسعادة وهو يقفز من فوق تلك المكتبة بينما جاسر عاد بهدوء نحو الشرفة مرة أخرى ثم ركض الجميع نحو مكتب نبيل
+
اقتحموا المكتب لتضم منة أروى برعب من مظهر الأسد بينما آسر نظر لاسراء وهو يقول بتعجب "هتفضلي متشعلقة فوق كتير؟؟ ما تنزلي يا بنتي"
+
نظرت إسراء نحو الأسد برعب وهي تنفي برأسها وتقول "خايفة يكون بيغفلنا وصاحي" نظر ياسر نحو الأسد بتوتر وهو يقول "نطي يا اوس اوس متخافيش احنا معاكي اهو"
3
"بلا خيبة يعني وجودكم هينقذني من ملك الغابة" قالتها إسراء برعب ليصرخ بها آسر "ما تخلصي يا إسراء قبل ما يصحى ونتاكل كلنا"
+
تنهدت إسراء بخوف ثم بدأت في الهبوط من اعلى تلك المكتبة ليتحدث جاسر وهو يسحب شقيقه للخارج "يلا أجروا بسرعة قبل ما يصحى"
+
نظرت إسراء نحو الخزنة وهي تقول بإصرار "انا مش همشي من هنا قبل ما اجيبلكم الورق" نظرت لها منة وهي تقول برفض "في داهية الورق دلوقتي انتي مش شايفة الأسد والكاميرا الي في رقبته"
+
اقتربت إسراء من الخزنة وهي تقول بغضب "بقولكم ايه كدة كدة انا والاستاذ اتصورنا والي حصل حصل، فنجيب الورق ونخلص بقى"
3
اقترب آسر منها وهو يعطيها المنشار الكهربائي ويشجعها على ما تفعله لتاخذه منه وتبدأ في فتح الخزنة حتى واخيرًا استطاعت لينظر الجميع نحو الخزنة بلهفه ولكن حل محلها الصدمة عندما قالت أروى بانبهار "ده الماظ؟؟"
+
اقترب آسر من الخزنة ليجد الكثير من الأموال والعديد من الورق ويجد مكان صغير يوجد به العديد من حُبيبات الالماظ ليقول بصدمة "نبيل عنده الالماظ والدولارات دي كلها منين؟ شركته عمرها ما تجيب الحاجات دي كلها لأن اصلا شركة أبوه مش بالحجم الي يكسب الفلوس دي كلها"
+
سحبه ياسر وهو يقول بغضب "يا عم واحنا مالنا شوف الورق الي يخص اخواتك وخده ويلا نهبأ (نمشي) من هنا" أومأ آسر سريعًا وهو يبحث عن الورق الذي يخص إخوته حتى واخيرًا وجده ليبتسم بحماس وهو يأخذه ويقول "لقيته"
4
انتبه الجميع نحو الأسد الذي حرك يده لينتفض آسر وهو يهمس لهم "يلا..نفلق" أنهى حديثه تزامنًا مع ركضهم جميعهم للخارج ليوقف جاسر سيارة أجرة بسرعة لينظر لهم السائق بتعجب وهو يقول "على فين يا افاندينا بالعدد ده كله وفي الساعة دي؟"
+
نظر سداستهم لبعضهم كيف سيصعدون للسيارة لينظر لهم جاسر ببرود وهو يصعد للمقعد الذي يوجد بجانب السائق ويغلق الباب بكل هدوء وهو يلقي لهم قبلة صغيرة تزامنًا مع حديثه "مع نفسكم بقى"
10
دخلت أروى للسيارة ثم نظرت نحو منة وهي تقول "تعالي يا منة على حجري" نظر لهما السائق بصدمة عندما ركضت منة بكل حماس لتجلس على قدم شقيقتها
+
بينما إسراء دخلت للسيارة لتجلس بجانب الفتيات لينظر ياسر نحو آسر وهو يقول "انا الي هقعد المرة دي على حجرك، انت قعدت المرة الي فاتت"
+
"متبقاش عيل بقى يا ياسر انا بتخنق بسرعة خليك جدع وقعدني على حجرك" أنهى آسر حديثه ليضرب السائق كفيه ببعضهما وهو يقول بغضب "لا اله الا الله، ده بدل ما تروحوا على اي جامع تصلوا الفجر حاضر؟"
6
وقف ياسر بإصرار وهو يضم كلتا يديه لصدره ينتظر دخول آسر الذي تأفف بغضب وقام بالدخول للسيارة ليبتسم ياسر بحماس وهو يدخل هو الآخر ليجلس على قدمه ليتاوه آسر بألم وهو يصرخ "براحة يا عم دبشة واقعة في ترعة"
3
"اكتم ياض" قالها ياسر ببرود وهو يغلق باب السيارة ليقول آسر وهو ينظر نحو السائق "ودينا لحد ......"
+
نظر جاسر لشقيقه بتعجب ليقول آسر "انا كلمت دسوقي يبعت حد يصلحلنا العربية وزمانها اتصلحت" تحركت السيارة والجميع ينظرون لبعضهم بقلق لتقول إسراء بخوف "الكاميرا الي في رقبة الأسد صورتنا"
+
عاد آسر برأسه للخلف ليتنهد بتعب وهو يقول "مش عارف اعمل ايه" ربت ياسر على كتف شقيقه وهو يقول "اجمد ياض ومتفكرش في حاجة سيبها على ربنا، احنا رجعنا حقنا ربنا عمره ما ينصر الظالم يا آسر"
1
نظرت كلا من منة وأروى نحو شقيقهما لتقول أروى بحزن "I'm sorry آسر كل ده حصل بسببنا" نظر لهما آسر بغضب وهو يقول "بس يا أروى مش ناقص هبل من كلامك ده"
+
تحدث جاسر وهو ينظر لشقيقه في الخلف "متخافش يا آسر أن شاء الله مش هيحصل حاجة، نبيل مش هيستفاد حاجة باذيتنا اكيد"
+
بينما السائق كان ينظر لجاسر ببلاهه وهو يقول "شوفت اخر ماتش الاهلي وريال مدريد؟؟" نظر له جاسر بتعجب وهو يقول "نعم؟"
10
"ميسي قطع محد صلاح والشناوي" أنهى السائق حديثه ليقول ياسر بتشنج "ايه الي جاب محمد صلاح للأهلي وايه الي جاب ميسي للشناوي؟ وايه الي جاب الشناوي لريال مدريد؟"
11
"اصل جورجينا مرات ميسي...." هنا قاطعه آسر الذي صرخ بغضب والغيرة تشتعل في جسده "اخرس جورجينا مش مرات ميسي"
13
"أيوة مرات كرستيانو" قالتها أروى وهي تشارك في هذا الحديث ليقول ياسر بسخرية "ولا مرات كريستيانو"
6
اومأ آسر بتأكيد وهو يقول "أيوة دي مراتي انا، انا مخلف منها كرم وعلاء" انتبه الجميع لضحكات إسراء العالية لتكمم منة فمها سريعًا وهي تقول "ضحكتك فضيحة اسكتي"
2
لم تستطع اسراء كتم ضحكاتها وهي تنظر نحو آسر الذي كان ينظر لها بتذمر من سخريتها بينما جاسر كان ينظر للسائق بملل وهو يقول "اصل يا باشا الواد بايرن كان جامد في ضربات الجزاء"
3
تأفف جاسر وهو يقول "حضرتك بايرن ده نادي مش شخص" أومأ السائق وهو يقول "سمعت أن اتحاد الكورة عاملين حملة بسبب ارتفاع الأسعار"
16
نظر ياسر نحو جاسر وهو يقول بتعجب "هو بيقول ايه؟" أشار له جاسر بعدم فهم لما يقوله ليكمل السائق ببلاهه "علي معلول بقى هيسافر مع منتخب مصر في كأس العالم؟"
9
فتح آسر عينه بصدمه وهو يقول "يا عم معلول تونسي اساسا هيسافر منتخب مصر ازاي؟" ابتسم السائق ببلاهه وهو يقول "هيسافر مع منتخب مصر جدعنة منه، انا قريت كدة في ال magazine (المجلة)"
+
"يعم مجازين امك بقى متجنناش" صرخ به ياسر ليقول السائق بغضب "انا بس كنت بخفف من حدة الأجواء وقولت ندردش شوية"
16
"يا عم شكرا لجدعنتك على جنب بقى الله يكرمك" قالها جاسر بغضب ليقف السائق ليحاسبه جاسر ويهبط الجميع وهم يركضون نحو سيارة جاسر مثلما أتوا الفتيات في الخلف وياسر في الامام ويجلس فوق قدمه آسر الذي نظر نحو منة وهو يقول "وينها الزمزمية بتاعتي"
+
"زمزمية؟" قالتها إسراء لتنطلق ضحكاتها العالية مرة أخرى لتكمم فمها منة كعادتها بينما أروى نظرت نحو آسر ببراءه وهي تقول "قصدك الbottle الي كان فيها سوبيا الرحماني؟ شربتها"
3
امسك آسر قلبه بألم وهو يقول "شربتي سوبيتي يا أروى الكلب؟ ولما بقطع رواياتك بتزعلي وانتي مقطعة قلبي على السوبيا الي مخدتش منها بوق" بينما جاسر كان ينظر لهم بغضب وهو يصرخ بهم "فوق يا آسر من زمزميتك وركز في المصيبة الي احنا فيها، لو نبيل عرف ايه الي هيحصل"
+
_______________________________
+
هبط من سيارته بكل ثقة وهو يمسك بمعطف بذلته يضعه خلف ظهره وخلفه صديقه يمسك ببعض الحقائب يسير خلفه ليقف نبيل أمام مخزن كبير ليلقي سيجارته يدعسها أسفل قدمه بكل برود ثم قام بفتح المخزن ليتضح أنه ليس مخزن مهجور بل شئ شبيه للغرفة حوله اضواء غريبة وتلك الاضواء تدعى (ليزر) أن قومت بلمسها سيفتح قفص يوجد بداخله نمر وسيهجم عليك بكل شراهه هذا بجانب عدد الكلاب الشرسة التي تحاوط المكان
24
ابتسم نبيل بهدوء وهو يضع إصبعه أعلى جهاز صغير معلق في الحائط وما أن تعرف الجهاز على بصمة إصبعه حتى خفيت الاضواء التي كانت تحاوط المكان ليدخل نبيل بكل برود وهو يقول "حط شنط الفلوس هنا يا عمرو، وصناديق السلاح خليها هنا بردو لحد ما نسلمهم"
+
"طب وشنطة المخدرات؟" قالها عمرو وهو ينظر لصديقة بتردد وما كاد نبيل يتحدث حتى استمع لزئير الأسد الذي افزعه وهو يقول "سيمبا صاحي لحد دلوقتي ليه؟"
5
نظر له عمرو بتشنج وهو يقول "ايه يا عم انت عامله جدول مواعيد للنوم، عادي يعني" خرج نبيل من المخزن وهو ينظر نحو الأعلى ليقول بصدمة "نور المكتب مفتوح، عمرو اقفل المخزن وتعالى ورايا"
+
فعل عمرو ما أمره به ثم ركض خلفه ليجد نبيل يقف بصدمة أمام بوابة منزله وهو يرى حراسه واقعين ارضًا ليقول عمرو بفزع "ايه الي بيحصل هنا؟" ركض نبيل للأعلى حتى وصل لمكتبه ليجده مفتوح والخزنة أيضًا غير مغلقه ولكن كل ما يهمه هو الأسد الخاص به
1
فكان الأسد بالفعل استيقظ وكان صوت زئيره مرعب لذلك لم يقترب نبيل منه بل قام بفتح الثلاجة وهو يجلب العديد من اللحوم ويلقيها نحو الأسد الذي هجم عليهم بشراسة ليركض نبيل وعمرو نحو الخزنة ليقول عمرو بتعجب "الفلوس والالماظ زي ما هما؟ اصل لو الي في بالي وفي بالك هو الي جيه هنا كان هييجي علشان الالماظ"
+
عض نبيل شفتيه السفلية بغضب وفي ثواني كان يصرخ بعمرو "انت عملت نسخ من ورق بنات عمي زي ما قولتلك؟" نظر له عمرو بخوف وتوتر وهو يهز رأسه بالنفي ليتمكن الغضب من جسد نبيل وفي ثواني كان يحطم زجاجة أمامه لتصدر صوتًا عاليًا ليقول عمرو بغضب "مجاش في بالي يا نبيل أنه ممكن يتسرق أو حد يقدر يقرب من المكتب والاسد موجود"
+
نظر نبيل نحو الأسد ليجده بدأ يهدأ عندما اكل ليقترب منه نبيل بهدوء ليسحب الطلقة من بين يديه ويقول بغضب "سيمبا اتخدر" أنهى حديثه ليقترب من الأسد يربت على شعره بهدوء بينما الأسد ياكل ولا يشغل باله بما يحدث وكان الدم انعدم من شرايينه لا يشعر بغضب صديقه كي يهون عليه
14
بينما نبيل اقترب من الأسد بهدوء وهو يخلع الكاميرا من حول رقبته وفي ثواني كان يركض نحو حاسوبة يقوم بتوصيله بالكاميرا ليرى آخر التسجيلات ليشاهد أمامه جميع ما حدث بداية مع دخول آسر للمكتب ومعه تلك الفتاة التي سبق ورآها في الشركة مرة واحدة
+
نظر عمرو لصديقه ليقول بتوتر "هتعمل ايه؟ دول اتجرأوا وبدأوا يلعبوا معاك على كبير يا نبيل" ابتسم نبيل بخبث وهو يقول "تؤ، الي بيحصل ده لعب عيال، دول ميعرفوش ايه هو حجم اللعب مع نبيل السويسي، بس ماشي هنلعب احنا كمان"
5
"تهكر منة تاني، أو الافضل تهكر منة وأروى مع بعض وتضغط على الاتنين" أنهى عمرو حديثه لينظر له نبيل ببرود وهو يقول "وبعد ما اهكر منة هعمل ايه لو موافقوش زي اول مرة طلبت منها الجواز؟"
+
نظر له عمرو بسخرية وهو يقول ببساطة "تنزل صورها وتفضحها متنساش أن آمنه ممكن ترجع تلعب عليها من تاني وتخليها تنزل بدل الفيديو الي مسحته عشرة" صمت قليلا وهو يقول بتعجب "ولا انت خايف عليها؟"
+
ضحك نبيل بسخرية وهو يقول "غبي، هخاف على منة ليه؟ لتكون فاكر اني بحبها بجد؟ كل كلمة حب قولتها لمنة كنت بحب اوي تعبيرات وشها الي تبان أنها مضايقة لكن في الحقيقة كانت بتبقى ملامح رعب وانا بعشق الشعور ده، بس الي انت مش فاهمه أن انا مش عايز من بنات عمي غير فلوسهم وبس مش عايز افضحهم"
13
"ومتفضحهمش ليه؟ خايف على عرضك؟" قالها عمرو بتعجب ليتحدث نبيل وهو ينظر نحو الحاسوب ويبتسم "لا خايف على اسمي، متنساش أن كل واحدة فيهم اسمها على اسم عيلة السويسي، يعني لو اسمهم اتلوث هيتلوث اسمي معاهم والصحافة مبترحمش، وانا مش غبي علشان افضح نفسي بايدي"
4
"طب هتعمل ايه؟" سأله بتعجب ليغمز له نبيل وهو يمسك بهاتفه ويقول "هنلعب"
8
_______________________________
+
وبعد ساعة كان جاسر يسوق بسرعة فائقة ليلكزه ياسر في كتفه بغضب وهو يقول "يا عم براحة احنا في سباق" بينما آسر كان يضم ياسر بخوف وهو يقول "اشهد ان لا اله الا الله وان محمد رسول الله، صلي على رسول الله"
5
تأفف جاسر بغضب من حديثهم لينتبه لصراخ منة وهي تقول "ما براحة يا جاسر هنتقلب" نظر لها جاسر عبر المرآة وهو يقول بغضب "لما تبقي تموتي ابقي اتكلمي"
9
"اه لا إذا كان كدة تمام" قالتها منة بسخرية بينما أروى كانت تنظر لاسراء وهي تقول "بس واول ما نعمل المشروع ونلاقي فريدة واخد ورثي هطلع بقى على امريكا واحقق حلمي ايه رايك يا اوس اوس؟"
+
نظرت لها اسراء بسخرية من تلك الأحلام لتتحدث بمنطق وجدية مزيفة "بصي يا غالية في حكمة سمعتها قبل كدة تقولك ايه" اندفع جسد إسراء للامام بسبب سرعة جاسر ولكنها أكملت "إذا أردت لأحلامك أن تتحقق فإن أول شيء عليك فعله هو أن تستيقظ"
1
عبس وجه أروى بتذمر من حكمتها البليغة تلك من وجهه نظرها، بينما جاسر توقف فجأة بالسيارة ليندفع جسدهم للامام بفزع تزامنًا مع صراخه "غوروا على البيت كتكم الهم"
6
هبط الجميع بسرعة وهم يركضون نحو المنزل ليقول ياسر بتشتت "نعمل ايه في حوار نبيل ده نكلم عم بنداري" قاطع حديثهم وقوفهم عند باب المنزل وهم يستمعون لصوته يقول "عم بنداري جيه لحد عندكم علشان يلحقكم من المصيبة الي عملتوها"
+
نظر الجميع لبنداري بصدمة بينما فيفي كانت تنظر لهم بغضب وهي تقول "ما تتنيلوا تطفوا النور ده، خلاص الساعة خمسة الفجر كلها ساعة والصبح يطلع ونور ربنا يشقشق"
+
بينما يسرا كانت تنظر لهم بغضب وهي تقول "ايه المصيبة الي عملتوها تخلينا نصحالكم خمسة الفجر؟" اقترب منها آسر بحماس وهو يقول "جيبت ورق الوصية بتاعة عمو يونس يا ماما"
+
ابتسمت يسرا بسعادة وهي تنظر لبنداري وتقول "طب الحمدلله اهو اومال مصيبة ايه يا بنداري؟" نظر بنداري لسداستهم بغضب وهو يصرخ بهم "انتم مش قولتوا أنكم عطلتوا كل الكاميرات الي في بيت الزفت ده؟"
+
نظر له آسر بملل وهو يقول "اعمل ايه يعني يا بنداري مكنتش اعرف انه معلق كاميرا في رقبة الأسد ولا كنت أعرف أن عنده اسد اصلا"
+
نظرت له يسرا بصدمة وهي تقول "ازاي يعني أروى ومنة ماقلولكش مهم عارفين أنه عنده اسد" التفت آسر بسرعة البرق نحو أروى ومنة اللتان كانتا تقفان بجانب بعضهما وهما تبتسمان ببلاهه وتلوحان بكفيهما لآسر الذي خلع حذاءه وهو يحاول الاقتراب منهما ويصرخ بهما "ده انا هخليكم مش نافعين في حاجة"
3
ركض الاثنان برعب وهما تصرخان ليمسك جاسر بشقيقه سريعًا ليصرخ آسر بغضب "سيبني يا جاسر انا مستحمل الغباء ده بقالي عشرين سنة وبتالم" صرخت منة بغضب وهي تصرخ به وتفرد ذراعيها بطريقة شعبية بذيئه "جرا ايه يا اخويا مالك متزربن كدة ليه هو انت كنت سالتنا ومجاوبناشي؟"
+
"أسألك عنده اسد ولالا يا غبية يا بنت ال...." توقف عن إكمال حديثه كي لا يسبها ولكنه صرخ بغضب "سيبني يا جاسر بقولك هربيهم بس مش هعمل حاجة"
1
دفعه جاسر للخلف وهو يصرخ به "بس ياض اتلم وملكش دعوة بيها، عادي يعني البني آدم خطاء بس منة مبتغلطش" ابتسمت له منة بحماس وهي تقول "ينصرك ربنا زي ما بتنصرني دايمًا"
20
نظرت أروى نحو ياسر بغضب وهي تقول "قوم دافع عني مع اخوك" نظر لها ياسر بثقة وهو يقول "متخافيش ميقدرش يقرب منك وانا موجود"
1
أنهى حديثه تزامنًا مع اصتدام حذاء آسر في وجهه أروى التي صرخت بألم وهي تقول "الامان جنبك يا ياسر ده غريب جدا والله"
22
كاد آسر أن يركض نحو أروى التي ركضت لتقف خلف ظهر ياسر الذي نظر لشقيقه ببرود وهو يقول "لو دكر قرب منها، ملكش دعوة بأروى كلامك معايا انا راجل لراجل مدخلش الحريم يا آسر"
9
نظر آسر لجاسر وياسر بغضب وهو يعض شفتيه السفلية ويقول "خلاص كل واحد حاميلي واحدة؟ هي فين المصيبة التانية الي صممت ناخد الورق"
+
نظرت إسراء بفزع نحو آسر لتركض برعب وهي تقول "الله وانا مالي يا جدع انت، انت مش عارف تتشطر على اخواتك هتطلع عفاريتك عليا انا؟"
4
صمت الجميع وهم يستمعون لصراخ فيفي "اخرسوا شوية بقى وفهمونا الي بيحصل، أن شاء الله هتكون مصيبة خفيفة مش محتاجة مصاريف"
1
نظر الجميع نحو بنداري الذي كان ينظر لهم ببرود وهو يقول "خلصتوا؟ نبيل كلمني من نص ساعة وهو باعتلي فيديو ليكم وانتم بتسرقوا الورق من مكتبه وحالف ليسجنكم"
5
صمت الجميع بصدمة ورعب وهم ينظرون لبعضهم بتوتر ولكن اثار دهشتهم سمعاهم لصوت اغاني تأتي من الاسفل ليركضوا نحو الشرفة ليفتحوا أعينهم بصدمة عندما وجدوا سيارة نبيل في الاسفل وهو يجلس فوقها ويربع قدميه وهو يهز رأسه باندماج مع الموسيقى التي تصدح من سيارته ويضع عقب سيجارة في فمه
28
ثم نظر للأعلى نحوهم وهو يبتسم بخبث ويهز رأسه مع الأغنية ويغني معها "اه ياما اه واه يابا، دي عيلة واطية ونصابة، اه ياما اه واه يابا دي عيلة واطية ونصابة"
96
ثم نظر نحو منة وأروى ويسرا وهو يغمز لهم ويغني بمرح "والليلة جينا نهنيكوا، هاتوا الفلوس الي عليكوا، هاتوا الفلوس الي عليكوا"
23
قفز نبيل من على سيارته ثم صعد لها وهو يقوم برفع الصوت أكثر ويخرج بالسيارة من المنزل بينما الجميع نظر نحو ياسر وآسر اللذان كانا يرقصان ببلاهه وهما يغنيان "انا لا مسطول ولا بطوح انا جاي أجامل ومروح"
21
اوقفهما بنداري وهو يصرخ "اتفضلوا، هتعملوا ايه في المصيبة دي بقى" نظر له آسر وهو يضحك ببلاهه ويضع يده فوق رأسه "بنداري انا لسة بحاول استوعب لحد دلوقتي أن نبيل ماسك علينا حاجة يسجنا بيها"
13
بينما اسراء كادت انا تبكي وهي تقول برعب "اعمل ايه انا مش هخش السجن تاني كفاية المرة الاولانية طلعت منها بستر ربنا" نظر لها آسر وهو يقول بوعد "متخافيش يا إسراء احنا كلنا في الهواء سوا، يعني زي ما هننقذ نفسنا هننقذك بردو معانا ومش هنبيعك"
5
نظرت لهم فيفي بحسرة وهي تقول "ده لو عرفتوا تنقذوا نفسكم الاول يا اخويا انت وهو" نظر لهم ياسر بتعجب وهو يقول "واحنا عملنا ايه يعني ده حقنا وجيبناه وهو الي سرق الاول"
+
نظر جاسر لشقيقه وهو يقول "القانون لا يحمي المغفلين يا ياسر، الورق ده حقه اصلا ولولا أنه واطي واحنا عارفين نواياه مكناش خبيناه منه" نظر آسر نحو بنداري بقلق وهو يقول "بنداري انت لازم تتصرف، الحوار ده لو وصل للصحافة سمعة الشركة والمصانع ضاعت"
+
نظر لهم بنداري قليلًا ثم دخل وذهب نحو بهو المنزل وجلس فوق الأريكة ليتبعه الجميع وهم ينظرون له بقلق ليتنهد بنداري قبل أن يقول "انتم تاخدوا بعضكم ومعاكم مدام فيفي ومدام يسرا وتطلعوا على شرم الشيخ إقامة شهر ولا حاجة وسيبوني انا هنا هتصرف مع نبيل وهسيطر على الصحافة بس انتم تختفوا عن الأنظار شوية"
22
"طب وانا؟" قالتها اسراء بتوتر ليقول آسر بغضب "ما قولنا مش هنتنيل نسيبك بقى رجلك على رجلينا متقرفناش" نظر بنداري لهم ليقف ويغلق زر معطف بذلته قائلًا قبل أن يرحل "هحجزلكم اول طيارة لشرم قوموا اجهزوا"
+
رحل بنداري لينظرون لبعضهم البعض بحيرة ليقول جاسر بحماس "انا عندي فكرة" انتبه له الجميع بتركيز ليقول جاسر بتفكير عميق "احنا ممكن نستغل سفرنا في شرم ونعمل مشروع هناك مع بعض ونستغل السياح الي هناك، وبكدة نكون نفذنا اول وصية لحد ما عم بنداري يتصرف في الباقي"
9
نظر له الجميع بحماس ليقول ياسر بفخر "والله يا جاسر على قد ما انت معقد ورخم ومتفذلك على الفاضي بس..." أوقفه جاسر بسخرية وهو يقول "خلاص متكملش، لو هتمدح بعد كل ده فشكرا مش عايزة مدح"
2
أمسكت إسراء رأسها بألم وهبطت دموعها لتقف سريعًا وهي تقول "انا هطلع انام" وقفت منة وهي تقول "يلا كلنا نطلع ننام وبكرة الظهر نبقى نروح على المطار"
2
وافق الجميع على حديثها ليذهب الجميع للنوم
+
_____________________________
+
"أيوة هنا على جنب شكرًا" قالتها أروى لسائق سيارة الأجرة في صباح اليوم التالي ثم هبطت من السيارة سريعًا وهي تركض لتلك العمارة بحماس حتى وصلت للبيت المقصود قامت بطرق الباب وهي تنتظر بحماس
+
حتى واخيرًا ارضى حماسها وهو يفتح لها ويبتسم باشتياق قائلًا "وحشتيني يا أروى، I miss قعدتنا جدا" دلفت أروى للبيت وهي تنظر له بسعادة وتقول "وانت اكتر بجد، مبسوطة انك نزلت مصر علشاني"
31
"وحشتني قعدتك ياستي فقولت والله لانزل مصر مخصوص علشانك، ها طمنيني عليكي" أنهى حديثه لتجلس أروى فوق الأريكة وتنظر له بحزن وهي تقول "انا هسافر شرم الشيخ كمان كام ساعة، بسبب مشكلة كدة في العيلة جيت اقولك لاني مش هلحق اقعد معاك انهاردة، هو انت ممكن تجيلي شرم ولو يومين انا مشوفتكش بقالي شهور من ساعة ما نزلت من امريكا"
+
نظر لها بحزن لرحيلها السريع ليفكر قليلًا وهو يقول "انا كنت نازل مصر فترة كدة لاني لسة مخلصتش إقامتي في امريكا، بس يعني ممكن اسافر شرم كدة اسبوع علشان خاطرك ومنه بردو اغير جو"
7
عادت البسمة والسعادة لوجهها وهي تقول "بجد؟ تعرف اني مكنتش عارفة اقعد هنا بسبب عدم وجودك ومش عارفة اجيبها لماما ازاي لاني لو قولتلها على موضوعنا هترفض مليون في المئة، مش هتفهمني للاسف علشان كدة فرحت انك نزلت مصر والموضوع يفضل بينا لحد ما ربنا يسهل واقولها"
70
ربت على شعرها وهو يبتسم ويقول "مش مستاهلة تتعبي نفسك في التفكير دلوقتي" ثم نظر في ساعته سريعًا ليقول "ها فاضية نقعد مع بعض شوية؟"
6
"للاسف لا لان الطيارة كمان ساعة بالظبط انا بس جيت اشوفك بسرعة واقولك على موضوع سفري ده، هبقى اكلمك وهستناك ها" أنهت أروى حديثها وهي تاخذ حقيبتها لتخرج ليبتسم لها قبل أن ترحل قائلًا "هجيلك متخافيش"
67
______________________________
+
وبعد نصف ساعة تقريبًا كانوا يقفون في المطار ينتظرونها حتى واخيرًا أتت وهي تقول بإحراج "اخرتكم انا آسفه والله كان عندي مشوار ضروري اعمله" نظر لها ياسر بفضول وهو ينظر لحماسها وفرحتها تلك ليسالها "مشوار ايه الي مخليكي منشكحه كدة"
10
نظرت له أروى بتوتر ولم تعلم ما الذي يجب قوله لذلك ابتسمت بتوتر وهي تقول اول ما خطر في بالها "كنت بتفق مع صحابي على يوم ييجوا فيه هنا نغير جو مع بعض"
5
ابتسم ياسر بسخرية وهو يهمس في نفسه "حياة الأغنياء دي غريبة جدا، يعني انا اسيب بنتي ولا اختي تروح لصحابها شرم تغير جو، روحتي فين يا رجولة"
18
كان جاسر ينظر لمنة بتشنج عندما وجدها تجلس على ركبتيها في الأرض تضع حقيبتها أمامها وهي تقول بتوتر "الواني، فرشتي، سكيتشي، قلمي، و .. ياربي نسيت السنادة الي بحط عليها اللوحة" خفض جاسر جسده ليجلس بجانبها يضع ما ألقته في الأرض داخل حقيبتها وهو يقول بغضب "وده وقته رسم يا منة واحنا في المصيبة دي؟"
+
هبطت دموع منة بلا شعور لينظر لها جاسر بصدمة عندما وجدها على وشك البكاء وهي تقول بتذمر "انت مش فاهم يعني ايه تقعد شهر كامل من غير ما ترسم كل ده هيأثر عليا وكمان انا ايدي تتشل لو شوفت منظر حلو ومرسمتوش وانا بدرب على كل حاجة علشان مشروع التخرج"
+
لم يستطع جاسر كتم ضحكاته على تذمرها الغريب هذا لتنظر له بتذمر من سخريته بينما هو أعطاها حقيبتها واعتدل في وقفته وهي كذلك ليهدأها بقوله "متزعليش خلاص اول ما نوصل هشتريلك الي انتي عايزاه" ابتسمت له منة بحماس وهي تشعر بأنها هدأت كثيرًا لتبتعد عنه قليلًا وهي تذهب لتقف بجانب شقيقتها
8
بينما إسراء كانت تقف بجانب آسر وهي تقول برعب "وحياة امك يا شيخ تركبنا عربية زي باقي الخلق مش عايزة اركب طيارة انا" تأفف آسر بملل ليحاول التحدث بهدوء "يا إسراء الطيارة مش بتخوف والله مش هتقع بينا متخافيش"
1
تاففت إسراء بغضب وخوف وهي تقول "طب طب، طب بص وقفلي عربية توديني لحد شرم الشيخ وابقوا استنوني هناك" نفذ صبر آسر ليصرخ بها مما افزعها من مظهره "ما خلاص بقى انتي الافلام ماثرة على دماغك ما قولنا هنتنيل نركب الطيارة ونوصل في ظرف ساعتين اخرسي بقى"
17
نظرت له إسراء بغضب لتصرخ به هي الأخرى "انت بتزعقلي كدة ليه يا جدع انت، انا محدش زعقلي كدة قبل كدة" تاففت يسرا بغضب وهي تقول "بس بقى يا آسر متزعقش كدة الناس اتفرجت علينا، متخافيش يا اوس اوس يا حبيبتي كلنا جنبك"
+
وفي عالم موازي قليلًا كانت فيفي تجلس على إحدى المقاعد بمظهر مضحك تفرغ حقيبتها وهي تطمأن على الأشياء التي توجد بداخلها "مايوه اربع قطع، sunblock، شبشب بفراشة من قدام علشان الحر، شامبوا سباركيل، زيت فاتيكا زيتون للشعر لو الشعر مقصف ماشي، عوامتين بطة ونضارة بحر"
45
نظر لها ياسر بتشنج وهو يقول "بحر ايه يا فيفي احنا في شهر عشرة داخلين على الشتاء كمان شهرين" نظرت له فيفي بغضب وهي تقول "انا منزلتش بحر من ايام المرحوم لما صدقت بقى"
2
نظر لهم آسر وهو يسحب حقيبته ويقول "يلا الطيارة وصلت" ذهبوا جميعًا لموقع الطائرة لتصعد اولًا يسرا وهي تخلع نظارة الشمس الخاصة بها تضعها فوق شعرها وتصعد بكل هيبة تمتلكها، ليتبعها آسر الذي كان يضع معطف بذلته خلف ظهره ويفتح اول ازرار قميصه ويرتدي نظارته الشمسية
10
تبعه جاسر الذي كان يرتدي قميص ابيض اللون وفوقه معطف ثقيل يسمى (بلوفر) يعدل من وضع نظارته الطبية ويصعد للطائرة، تبعه ياسر الذي كان يرتدي معطف اخر يدعى (سويت شيرت) من اللون الاصفر ليخلع قبعة المعطف ويعدل من تسريحة شعره بهدوء وهو يصعد للطائرة خلف أخيه
17
بينما أروى ومنة كانتا تسحبان إسراء التي كانت تبكي وهي تتمسك بمقعدها وتقول "لالا ونبي مش عايزة اطلع طيارة والله انا بخاف من المرتفعات والله قلبي مقبوض قلبي مقبوض، يا معلم ياسر الحقني يا معلم" تاففت أروى بملل وهي تحاول سحبها "اوس اوس يلا بقى متبقيش جبانة"
+
هزت إسراء رأسها برعب وهي تقول "لالا مش هطلع واتقلب بالطيارة واتوه في جزيرة اللا لا لاند رجعوني لعم عوض" نظرت لها منة بغضب وهي تصرخ بها وتحاول سحبها "جزيرة ايه يابنتي احنا ساعة ونكون وصلنا احنا مش هنسافر برة مصر يعني"
7
حاولن معها مجددًا بينما هي كانت تتمسك بالمقعد ترفض الوقوف والذهاب نحو تلك الطائرة وظلوا دقائق حتى واخيرًا اقنعوها بالصعود وصعد الثلاثة للطائرة
+
لتتبعهم فيفي وهي ترتدي فستان يصل لقدميها ملئ بالزهور وتضع أعلى رأسها قبعه كبيرة للغاية تغطي رأسها وتمسك بيدها عوامة على هيئة بطة لتصعد خلفهم ويصعد بعض الناس لينتهي العدد ويغلق باب الطائرة وتبدأ الطائرة في الإقلاع
6
________________________________
+
بدأت مغامرة ورحلة جديدة، وفي طريقهم لتنفيذ اول وصية
1
من الممكن أن يخسروا في العمل، ولكن تأكدوا أنهم سيربحوا بالحب ولكن لن يأتيهم بكل سهولة عزيزي، فلأجل الفوز بالحب يجب أن يمروا بحرب ويستطيعوا حذف الراء
12
يرهقني الألم وانت مُسَكني فاقترب
+
وفي النهاية دعوني أخبركم
"إن المغامرة لم تنتهي بعد.."🤍🫀
+
