رواية شمس الجاسر الفصل الرابع عشر 14 بقلم حنين مراد
وقَعتُ مغرماً بعَينِيكِ البُنيتينِ گـ حَبةُ بُندقً عربيةَ 🤎✨(عبارة صغيرة من كتاباتي)
+
الكاتبة:- حـنـيـن
+
لتنسون التصويتت فضلاً +والتعليق بين الفقرات
+
بـسـم الله الـرحـمـن الـرحـيـم...
+
________________.♡
+
أروى: ياسررر تخونييي وي هاي
+
ياسر: بسيطة اياات وانتي كبل صدكتي جذب جاسر خطبهة
+
باوعت متفاجأة وصاحت
+
أروى: جاااسسرررر
+
كالتهة وباوعتلي من فوك ليجوا بحقد
+
ايات: هايي شبيجج وشنو الغريب بالموضوع
+
أروى: هاا لا مو ستغربت لأن عمتي قبل اول البارحة كالت اخطبلة سوسن اختي الصغيرة فدوة لله تجننن وبعدهة صغيرة
+
ايات: الصغر بالموضوع وين انتي 30 وهية 29 وخشنة جنهة جبار ابو المولد
+
حصرتني الضحكة بس كلت لاتكب علية أروى لأن تريد تاكل ايات بنضراتهة وياسر رجع ضهرة ليورا ويضحك
+
أروى: شوف منو تعيب شوفي نفسج بعدين عيبي ع اختي
+
توهة دترد ايات وقاطعهة ياسر
+
ياسر: اختي ملاك ونازل من السماا متشوفين محد بجمالهة
+
طبعاً هنا كمية الفخر الحست بي ايات فضيع راحت وحضنت ياسر وتباوع بشماتة الأروى
+
أروى: من حور اختك عاد لتزعلين مني شمس بس اختي احلا بهواي
+
شمس: لا حبيبتي عادي المهم الاخلاق
+
سكتت محجت وايات ورا ياسر خربت ضحك على شنو ما ادري على صوتنة طلعت ام ايات
+
جواهر: شكوو شسالفة صوتكمم شعلوة من صباحية الله
+
رحت سلمت عليهة وستقبلتني بكل احترام و ود
+
جواهر: ياهلا وغلا بشموسة شلونج حبيبة
+
شمس: الحمدلله خالة وانتي
+
جواهر: اني بخير يروحي بيبيتج شلونهة شخبارهة
+
شمس: الحمدلله بخير ونعمة
+
أروى: عمة
+
خزرهة ياسر كبل قبل لتحجي بس هية سوت نفسهة مشايفتهة مع انهة شافتة
+
جواهر: ها عمة
+
أروى: عمة جاسر يريد يخطب شمس
+
فد خجلت يعني موضوع مخجل تكونين كاعدة ببيت الشخص الخطبج وهمة كل شوي فتحو السالفة بتسخت وكالت
+
جواهر: ونعم منهة هم جمال وجسم وروحهة تخبل
+
أروى: عمة وسوسن
+
خزروهة تلاثتهم بس ولا عبالك واصرت تعرف ليش مخطب اختهة مع انو فشلة يحجون كبالي بامورهم العائلية اشرت الايات نكوم بس هية اشرتلي اوكفي تريد تسمع امهة شتكول
+
جواهر: يعني الة اكلج جاسر معاجبتة اختج لأن هوة يريد وحدة اصغر منة بكم سنة مو بس سنة وبعدين هوة كال احسن وحدة شمس بنت اخو ادهم وبعد حياتة ما الي دخل بيهة
+
ايات رجعت نفسهة ؏ الاريكة وضحكت كالت بهمس بدون محد يسمع
+
ايات: لو ساكتة اشرفلج امي حتهب علينة اعصار أروى
+
راحت للغرفة بعصبية وركعت الباب حيل كام وراهة بسرعه ياسر ومبين عصب
+
جواهر: ايات سالفتهم مطولة ماما سوي ريوك
+
ايات: يس مووم كومي روزة
+
كمت وياهة للمطبخ واني اسمع صوتهم ياسر يحاول ميعلي صوتة وهية صوتهة شعلوة
+
شمس: ايات يعني ليش ميكعدون ويحجون بهدوء
+
ايات: شوفي شمس بعدج مشفتي شي حياتي اني ما اكول هيج لان اخوي لا والله بس كل البنات يتمنن نفس ياسر هم شخصية وجمال وجسم وشغل وكل الميزات الي تحلم بيهة البنات عندة
+
من كشكولي ويضحك ورومنسي ويسوي اجواء حلوة اني اتمنة واحد مثلة مثل حنيتة وطيبة كلبي بس أروى رافسة هل نعمة ومتحاولل تكسبة تصدكين صارلهم خمس سنين وهية لهسة مداخلة لگلبة
+
شمس: عود صدك
+
ايات: والله يعني شوفي خمس سنين وماكو اطفال راحو مرة للدكتورة وحللو والاثنين مابيهم شي بحيث الدكتورة صفنت كالت كلششي مبيهم لاكن بيد الله بس ع ههل اشياء مو لازم تراجع دكتورة باستمرار
+
شمس: ايي طبعاً لازم هية صح شي بيد الله لكن الدكتورة هم ضرورية يعني
+
ايات: ايي ومحجة شي كال يمكن السبب بية خليني ما اضلمهة وهم راحح للدكتور وكلة مابيك شي رجع كللهة امشي للدكتورة ؏ الاقل تنطيج ادوية شي
+
هية كامت تصيح وخبصتوني بالدكتورة وشهل دكتورة تااليتك تطلع عقيم وتضحك علية يمكن ضربهة بذاك الوكت وجاسر حمااهة مع انهة تستاهل و وصلت للطلاق بس امي حلفتة بروح بابا ميطلكهة ف مطلكو
+
شمس: والله ما اعرف ع منو انقهر هسة
+
ايات: ههههه
+
شمس: زين شنو سالفة اختهة سوسن
+
ايات: يبووو منهن جانن لازكات الاخواني ومو بس الهم لا الولد العشيرة كلهم وهنا من ذني الي بتنغوصن كلش كلش
+
بحيث يحجن يفهاوة يفتن كلبي فت يلا تطلع الكلمة وأروى جانت هيج لحد محجة ياسر ورزلهة كللهة حتة الناس تضحك عليج وبطلت و كتلج اخواتهة لازكات لزك لاخواني عاد من تحقق حلمهن وساعة السودة الي تزوج اخوي أروى
+
رجعن يرسمن خطط على جاسر حتة مرة سامعهن باذنة ومتخبل منهن ومرة سوسن فاتت لغرفتة وهوة توة طالع من الحمام وتتنغوص طايح بييهة وطاردهة
+
شمس: عزااا زين اني من فتت الغرفتة اكيدد اخذ فكرة محلوة عني وعبالة قصد
+
ايات: هههههه لا لا تخافين يدري ذني سوالفي ورزلني من رحتي بس اني ماعندي كرامة
+
شمس: ايي كملي
+
ايات: ايي حب هنة حتة شال ميلبسن كدامهم
شمس: كولي والله
+
ايات: هههه والله يلا يلا خلصنة خل نحطهن بصينية
+
حطيناهن بصينية ورحنة بصالة بس خالة وياسر كاعدين اني استحي اكل وحس علية ياسر اكل شوي وكام لغرفتة، وأروى ابد مطلعت خلصنة وغسلنة المواعين، رجعنة للغرفة وكبل نمنة
+
حسيت ضرب على خدي فزيت بسرعة ايات تضرب بية وهية نايمة دفرتهة طاحت من السرير فزت وكامت
+
ايات: اخخخ راسي مرضض بطنج
+
شمس: تستاهلين تضربيني وانتي نايمة
+
ايات: تفففف حقيرة
+
كعدت يمي وتفرك براسهة
+
جاسر: أروى تعاااي
+
سمعت صوتة وفزيت باوعت للساعة بالثنتين
+
ايات: ااا اليوم جاسر جاي من وكت طبعاً غير خطيبتة هنا
+
شمس: نجبييي لاتكولين خطيبتة
+
ايات: خطيبتة غصبب ونص على راسج
+
شمس: نجبييي
+
كمت غسلت بالحمام الي بغرفتهة وطلعت وطبت هية حطيت مرطبات شوي على وجهي وعدلت شالي وايات طلعت لفت شعرهة كبة وطلعنة شفناهمم كاعدين كلهم بس امهم ماكوو
+
ايات: وين ماما
+
ياسر: كالعادة
+
جاسر: يم اختهة
+
ايات: شوكت راحتتت؟
+
جاسر: نص ساعه تقريباً
+
كعدت ايات وكعدت بصفهة لزك تتقربت وشاورتني
+
ايات: ولو مكانج بحضن جاسر بس. يلا نتحملج هل فترة ونشمرج
+
باوعتلهة وخزرتهة وهية تضحك
ايات: شنووو الغدة
+
اروئ: الولد شوو دجاج باالسطح فووك وبرياني
ايات: عاا شمس كومي
+
شمس: وين
+
ايات: فوك اواريج السطح
+
ياسر: زين بس سؤال هوة سطح حالة حال سطحهم شتوارينهة بلة شلون شوفي هذا الباب خاف ماعدكم ممنة وهذا التنور الي من طين وشووفي هاي الدندوس عليهة كاع
+
باوعتلة اياات ببرود وأروى وجاسر ضحكو
+
ايات: فعلاً ااني شجاي احجي المهم كومي اواريج
+
جاسر: لا وبعدهة على قرارهة
+
ياسر: مخبلة معذورة اخذيها اخذيها
+
ايات: اوووف لاتخلوني اعصب
+
جاسر: لا ست ايو على كيفج ويانة كلشي ولا زعلج وعصبيتج
+
كالهة باستهزاء ياسر ضحك جرت ايدي وصعدنة فوك السطح كلش جبير وبي تنور جبير من طين ووحبلين مال ملابس بعيدات شوي صايرات بنهاية السطح
+
ايات: هايي كاع على كولة ياسر
+
شمس: هههه
+
شفت تراب بالكاع جان اكو بطل مي يمة درت شوي وسويتة طين وهية تباوع تريد تفهم شداسويي شلتة وباوعتلهة
+
شمس: ايات تدرين هذا شنسوي بي وشنى فايدتة
+
ايات: شنسويي بي
+
ع السريع لزكتة بخدودهة وضحكت
+
شمس: يمنع ضهور التجلهعيد ويعطيك اسبوعين لزيادة العمر ويمنع تكبر السن وتبيض البشرة واعطاء نضارة للوجه وشد الوجنات للاعلا للحصول على هذا المنتج ارسل ايات الغبية او حلم
+
متت ضحك واني احجي بس خلصت شالت بيدهة ودمرت وجهي وثنينة نضحك
+
شمس: طاااح حضج
+
ايات: تستاهلين كبدي
+
شمس: اني اعلمج
+
شلت تراب فوك الطين وخليتة على خذهة وهية نتقمت ضلت تركض وراي واني اروح هيج واجي هيج حتة متلزمني بالاخير نركعت بشي ضخم خلا خشمي ينكسر
+
شمس: خشمييي
+
اياات: حللل
+
رفعت راسي واشوفة كدامي عاكد حواجبة باوعت القميصة
شمس: عزا بعيني ادمرر
+
توني كلت هيج واندفعت الحضنة لزمني بسرعة وخزر اياتت وهية تضحك بتعدت ؏ السريع ما اعرف شسوي بس اريد الزم ايات واملخها
+
جاسر: هاي شصاير بوجهجن زعاطيط انتن
+
ايات: والله شمس والعباس والكائنات الحية والرضا شمس و...
+
بقيت صافنة ع حلفاننهة لحد مصاح جاسر بيهة
+
جاسر: هوووووب نزلتيهم كلهم شكو
+
ايات: هاا مو خاف متصدكني
+
جاسر: نزلن غسلن وجهجن يلااااا
+
عاط بينة درت وجهي ردت انزل وجرت ايدي
+
ايات: ثول دوكفي واني اكلة شمس السان والسان جنج بزونة حاصرههة العتوي
+
شمس: نجبيي
+
بقينة واكفات واحنة نشوفة راح يحرك الدجاج وشال صلصة مدري شنو ودهنهة توة خلة الصلصة ورفع راسة باوعلنة ببرود ماعرفت شسوي نداريت اروح نركعت بأيات ونزلت بسرعه جوة نزلنة وصار بوجهنة ياسر
+
ياسر: بسم الله قل اعوذ برب الفلق من شر ما خلق
ايات: ها هااا
+
ياسر: ها هاي اننتن
+
بعدنة ع الدرج وجاسر نزل المشكلة هوة وراي وايات قبلي ادفع بيهة تنزل ماكو ملتهية تتعارك وي يااسر لحد محسيتة صار بضهري مد ايدة وندس ايات كبل وخرت ايدة وكالت
+
ايات: اوكفي شمس اشثبرتينيي
+
كالتهة ورجعت تتعارك ويه ياسر الي خربان ضحك وينرفزهة بالاخير جرني جاسر وصار ورا ضهرهة دفعهة على ياسر ونزل بقت صافنه باوعت وكالت
+
ايات: هاي جاسر جان وراي
+
ياسر: ايي
+
ايات: ياخبيث ومتكلي
+
ياسر: تستاهلييينن
+
بقت تركض ورا وكل متلزمة تضربة اجة جاسر من المطبخ وكال
+
جاسر: غسلن وجهجنن يلاا
+
ايات: اوك
+
ياسر: شبي قميصك مدمر
+
ايات: هذا دمار الحب معليك
+
ياسر: اهااااا
+
خزرتهة وهية تضحك باوع جاسر القميصة وتوجه لغرفتة
طلعنة اني وايات نغسل
+
ايات: ثول خليتي الولد يبدل
+
شمس: شعلي اني امي هوة لابس ابيض كايلتلة البس ابيض
+
ايات: يوهه يعني فوك غلطج متعترفين
+
شمس: ممسوية غلط اني
+
ايات: هههههه كون يسمعج ويجي يكطع السانج بس كون يكطعة بطريقة رومانسية اووويي
+
ضربتهة على ضهرهة وخزرتهة
+
شمس: لسانجج يرادلة كص يا كلبة
+
ايات: ههههههههه شكايلة قابل
+
شمس: نننن ولي خل اغسل
+
ايات: غسلي غسلي جعلج تغسلين دوم ببيتنة
+
باوعتلهة ببردو شردت وهية تضحك ضحكت عليهة وغسلت طبيت بالمطبخ شفت اروئ كاعدة ع ميز الطعام وتسوي طرشي توني ردت افوت وكالت
+
أروى: شمس
+
شمس: نعم
+
أروى: بس حابة اكلج شي
+
شمس: تفضلي
+
أروى: خاف مفكرة تصيرين جنة بهل بيت ترا هل سالفة انسيهة لان مستحيل غير اختي محد تصير جنة لأن اكرهة بعيشتهة واندمهة بالساعة الي قبلت بي هل زواج
+
نصدمت من كلامهة حتة عيب هيج تكلي واني خطار جاية تجيت ايدية ؏ ميز الطعامم وجاوبتهة بأبتسامة خفيفه
+
شمس: منو كلج اريد اصير جنة بهل بيت وحتلو ردت محد يكدر يمنعني لا انتي ولا غيرج كبدي من تردين تحجين شي احجي بأحترام
+
أروى: ومنو انتي حتة تعلميني الاحترام
+
شمس: اني شمس والايام جاية ونشوف
+
عفتهة تخبلت وبيت ادري ملازم احجي وياهة هيج عيب بس نرفزتني باوعت الـ ايات الي استغربتت نضراتي
+
ايات: شبيج ضايجة
+
شمس: مابية شي راح اخابر عمو يجيني
+
ايات: شنو يجيج خبلة انتي احنة متفقين منا جاسر يودينة
+
شمس: لاا ايات اريد اروح
+
حجيتهة وردت ابجي فعلاً لأن اني ممسويتلهة شي حتة هيج تحجي وياي عفت ايات وتوجهت لغرفتهة اخذت الصاية وفتحت السحاب حتة البسهة جرتهة مني
+
ايات: شمس نجبي اشو متعوفين تحجين شنو ترحين والولد همة سوو الغدة علمودج
+
بقيت مدنكة راسي مجاوبتهة
+
ايات: شوو باوعيلي أروى سمعتي كلمة أروى أروى اكيد كالتلج شي
+
شمس: لاا شدخل أروى
+
ايات: لعدد
+
شمس: لا والله بس ضجت وتعرفين اصار من ورا لؤي
+
ايات: تنجبين ومترحين ترا حتة الولد معتبريج اختهم ويشاقون وياج
+
رفعت راسي اباوعلهة وهية صفنت
+
ايات: لا دقيقة ياسر معتبرج اخته مو جاسر
+
شمس: اصلاً ياسر الي يشاقة مو جاسر
+
ايات: لاتهتمين هذا هوة جاسر نتعجب اني وياسر اذا اشاقة وستمر يشاقة
+
شمس: هههه
+
شمرت الصاية ؏ السرير وسحبت ايدي
+
ايات: نجبي اكسر راسج اذا فكرتي تطلعين من هل بيت فهمتي
+
شمس: ماشي ماشي ريلاگس بليز
+
ايات: ايي جري عدل
+
طبعاً مجانت عصبية بس جنت اجاريهة واضحك عليهة عدلت شالي وطلعنة صار بوجهنة جاسر نزل من فوك وجايب الدجاجيتين وداهن للمطبخ سحبتني ايات باتجاه المطبخ وكفتهة ع السريع وكلت
+
شمس: شسالفة خل نكعد هنا
+
ايات: نجبي احب من يحطوهة بالصينية والصلصة عليهة وحامضة يمييي امشي
+
منطتني مجال احجي كبل سحبتني شفنا ديحط الدجاجات بالصينية ولابس قميص اسود ضيق ونص ردن فهيت ع عضلاتة نتبهت ايات تباوعلي وتضحك كرصتهة وعاطت فزيت من يمي
+
جاسر: شكوو
+
خزرتهة متحجي لا انفضح
+
شمس: شكو ايات خو ما بيج شي
+
ايات: هه لا بس عبالي فأرة
+
شمس: ااا حتة فززتينة عبالنة بيج شي
+
بالكوة مسكت ضحكتي ع وجه ايات شلون صار وهية متفأجأة مني
+
جاسر: طاح حضج ايات
+
باوعتلهة وحطيت ايدي على چـتفهة وهية شاطت تريد تضربني بس متكدر
+
أروى: اووف كون عرس يصير عدنة
+
جاسر: عرس معتز بعد شهر اقل الشهر عود اركصن
+
أروى: ياا حتة ما اعرفهم واروح اهبد بنصهم
ضحكو جاسر وايات بس اني مادة البوز
+
ايات: عم روز عادي
+
أروى: زين هسة هوة اكبر منج بهواي وعم صديقتي بس اخو خطبج زين شتكولين الاخوانة عمو لو بأسمائهم
+
ايات: باسمائهم اكيد بالنهاية همة حمويني
+
كالتهة وحطت ايدهة على حلكهة وباوعت الجاسر عود خجلت لو ما جاسر جان وكعت بالكاع من الضحك باوعلهة بطرف عينة وضحكتة بالكوة حابسهة
+
شمس: سمع سمع
+
ايات: اخخ يا الساني الة يجيب العيد
+
شمس: هههه عادي يابة
+
ايات: عادي مو بالنهاية انتي واكفة يم زوجج وهوة بعدة مصاير زوجج
+
شمس: انتي تلفين تلفين وترجعين علية
+
ايات: ههههه زوجة اخي
+
باوعتلهة ووضحكت ساعدنة اروئ بنقل المواعين وجاسر اهتم بالغدة كلة وكل شوي ايات نادستني وكالت. شوفي شوفي يهتم بيج طبعاً زوجتة بعد هاي قبل الزوااج بعد الزواج شللوون وكل شوي يا خازرتهة يا ضاربتهة ومتبطل خلصنة وكعدنة ع السفرة وايات تجيب وتخلي كبالي انوب استحي بالزايد بس همة منطلقين يسولفون ويضحكون
ياسر: تعرفون الشرع حلل اربعة
+
ضحكو وأروى باوعتلة بقهرر
+
جاسر: الشرع حلل اربعة حقة الرجال
+
أروى: جاسرر حتة انتة وياا
+
جاسر: ههههه جذب يابه شحدة
+
ياسر: لاا والله نشوف مرتك بعدين تمل منهة لو لاا
+
كل الانضار صارت علية دنكت راسي بسرعه وجاسر ملتهي ياكل ممهتمم قاطعتهم أروى
+
أروى: ياسرر قصدك مليت مني
+
باوعلة جاسر وضحك ياسر عض السانة وكال
+
ياسر: لااا يعني قصدي نشوفة اذا يملل منهة او لا
+
أروى: ايي اي صح
+
ضحكو على زلة لسان ياسر واني اضحكك وياهم خلصنة اكل وشلنة المواعين وي اروئ عزلناهن و وكفتهة ايات
+
ايات: روحي احنة نكمل
+
أروى:هاا
+
ايات: والله
+
أروى: فديتجن
+
كالتهة وركضت غسلنة المواعين تونة خلصناهن وطبت مرة واربع بنات وياهة بهت وجه ايات بس سلمت عليهن
+
المرا: هاي منو الفرخة
+
ايات: صديقتي
+
بنت: ومو اكو ولد بالبيت حتة عيب
+
ايات: اعرفجن زوجة جاسر المستقبلية
+
كلنة نصدمنة وباوعنة الـ ايات
+
بنت: شنوو شنووو وجاسر شوكت خطب
+
ايات: بعدهة الخطبهةبس طلبهة من اهلهة تفضلن تفضلن
+
فاتن وايات غمتهن
+
شمس: شكوو منو ذني
+
ايات: شمس باوعي
+
شمس: هاا
+
ايات: هاي الاجت ام أروى والي كالت جاسر شوكت خطب هاي سوسن والي كالت عيب الولد هنا هاي سوزان والناعمة رقية والوسطانية هاي هاجر وبعد اكبرهن بس متزوجة
+
شمس: ايي وشسوي هسة اني
+
اني كلت هيج وايات غمت كصتهة حيل
+
ايات: ولج انتي شسويي بيج اني عمج الي بس حجو بخطبتنة غرت غلية من كرايب غسق لأن كل شوي يباوعلة وشوف انتي يحضي اكتل روحي شوفي ترحين وتلزكين بجاسرر
+
شمس: على اي اساس الزك بجاسرر حتة معاقدين حرام وعيب
+
ايات: وضعكم خطيرر لازم تعقدون امشي امشي مضطرة اعلمج كلشي
+
طبينة للصالة الكل كاعدين ويضحكون بس مبين الولد متحملين على اعصابهم لابسات تراكات بس سون دشداشة مخصرة
+
والشعر رافعتة وحلكهة مكبرتة بالحمرة حرفياً حسيتهن مدري شنو بس رقية الطبيعية بيناتهن وبسيطة يعني عمرهة حوالي 17سنة حرامات هل ذنوب كلهة لبسن مستور وخلاص قاطع تفكيري صوت سوسن
+
سوسن: فـ كلت الماما خل تروح لبيت عمي الله يرحمة
+
جنت كاعدة وايات بصفي وياسر بصفهة كلش سمعتة كال
+
ياسر: حتة الرحمة ميتقبلهة منج
+
سوسن: فـ بطلاع روحي يلا قبلت
+
طبعاً كل هل حجي واحنة صافنين نريدهة تكمل خو روحي جرتهة جرة من يمي اجيت اشيل النعال واركعهة وكضتهة فه وفه
+
سوسن: فـ اجينة وشفنا هل بنت هنا صدُك شسمج
+
شمس: شمس
+
سوسن: اها حلو الاسم
+
كالتهة وحسيتهة تريد تضربني واعتقد مو بس اني انتبهت
+
ايات: عبالك تريد تهجم عليج
+
ياسر: عبالي بس اني حسيت
+
شمس: شمسويتلهة حتة تهجم
+
ياسر: سبحان الله غبية على معتز
+
ايات: انتي غبية لو تستغبين بابا
+
جاسر: الاحسن تسكتون تلاثتكم
+
باوعتلة من حجة جان هوة بصف ياسر حتة مجنت ادري يسمع وكف وكال
+
جاسر: من رخصتكم رايح لغرفتي
+
ام أروى: مرخوص خالة
+
وصل لباب غرفتة ولتفت علينة
+
جاسر: اياات غضب احم شمس تعالن
3
كمنة ورا والتوتر كلشش صعد عندي طبينة لغرفتة وايات سدت الباب جان متكتف ودابر وجهة من طبينة دار علينة استغفرلله عضلاتة تجبرني اباوع عليهن
+
جاسرر: هسة شنو
+
ايات: شنو
+
جاسر: ترحن
+
ايات: ايي
+
جاسر: وهنة
+
ايات: اني شعلي اجن على بتهن
+
جاسر: يعني بعدجن تردن ترحن
+
ايات: ايي
+
دارت علية وكالت بعصبية
+
ايات: خرب يومج احجي ويا شي
+
شمس: شحجيي يعني
+
ايات: اووف غبية
+
دارت علية وهوة صافن بالكاع
+
جاسر: ماشي حضرن روحجن لعد
+
بتسمت ايات وردنة نطلع قاطعنة صوتة
+
جاسر: شمس
+
ندارينة علية ثنينة
+
شمس: هاا
+
جاسر: ابقي اريد احجي وياج
+
ندااريت كبل على ايات بمعنى ابقي وياي اشرتلي بمعنى دولي وطلعت ؏ السريع وسدت الباب بقيت دايرة ع الباب
+
جاسر: حلوو الباب موو
_____________________________________♡
3
نتهاا البارت طبعاً اسفة والله 🙂 لأن اعرف تأخرت هواااي بس تعرفون توتر الامتحانات والنتائج مرتاحيت الة ستلمتهاا والحمد لله نتيجة ترضي تعبي بس إن شاء الله استمرر بالبارتات
+
𝙸 𝚕𝚘𝚟𝚎 𝚢𝚘𝚞 𝚊𝚕𝚕 ♡
دمتم في أمان الله
+
