رواية يا اجمل الوحوش الفصل الرابع عشر 14 بقلم رسل فهد
يَا أجمل الوحوش
- رُسل فَهد
...
49
ياهو ياخذ حگها روحي ؟
و هيَ منهوبة من إهلها
مسألة أني بدرس ما يحويلة شاطر
يعني بَس أستاذها اليگدر يحلها
المُشكلة بالعشگ نَفسة
ماشفت بي أي عدالة
عود شنهو العاشگة تحن للـ خذلها ؟
- رُسل فَهد
...
60
محد بيهن تجرأت تتقدم تقدمت خطوات
و أني أشوف ..
الشيخ المعمم گاعد و يعقد على عالية و علي
172
و زِناد كاعد بصف علي
رجعت ليوره لا يشوفني فرحانة
و مقهورة ، فرحانة لان ما سمع الهم و ذبحها بحجة غسل عار و مقهورة على علي يعقد
عليها و يعرف گلبها مو يمة
51
اول مرة أشوف عقد بلا هلاهل
و الوجوه كلها كئيبة عبالك عرس
صاير بمگبرة
71
لمن اشرو طبن جوه و طلع الشيخ و أنتشر خبر العقد
حتى الچانوا فوگ نزلوا و من كل عشرة رافضين واحد بس
قابل
48
عمي عمار منهار بالشارع بس مايكدر يفضح نفسة اكثر
و هذا الشيخ معارفهم جان زِناد متعمد يجيبة
اول ما طلع الشيخ طب عمي مثل العاصفة السودة
لان لابس العباية سودة
149
عمار : تريد تكسرني تمشي حچايتك عليه بس هو مو صوجك لا ابد ، صوج ابني العار المگرن ولو مبين انتَ ضاحك عليه
61
زِناد : مو زعطوط ابنك حتى يكون مضحك عندي
و هذا الحل الأنسب المفروض منك تساندني
33
عمار : اساندك عليمن على الدعارة السويتهة
بيتنا صار بيت كَلچية بزودك
"كَلچية" (هي البيوت التي بلا شرف )
497
زِناد : الورقة الرابحة الي مخليتك تبعد عن الموت بشعرة
هيَ انتَ عمي و إلا اني كاتلك من زمان
66
عمار : اي صحيح ، لان اني هسة عظمة بزردومك واگف
"الزردوم" ( البلعوم )
142
زِناد : عمري كله ما غصيت و لا تجرأت عظمة توگف بزردومي
بس إذا صارت و تجرأت أمد أيدي و أطلعها
و أكسرها نصين
122
معاني وجه عمي كلها أنهارت و راد بأي طريقة يحرگ گلب
زِناد لان حس بروحة خسر النقاش
عمار: بس انتَ ما تعرف غلطت غلطة تسوه عمرك ،
يالله لك علي جيب هاي العار و تعال
31
زِناد : تـؤ ، يگعد بـ بيتي بين ما يرتب امورة
60
عمار : مو بكيفك انتَ عرفت شلون تخليها جنتي
و أنا اعرف شلون راح اغسل عارنا
54
دار وجهه بسرعة و راح بأتجاه عالية اني اكثر وحدة بيهم خايفة
باوعت لزناد بسرعة صدك شلون ما فكر هيج و هي راح تصير يمهم اكيد يذبحوها ، بس احتاريت من أباوعله مبتسم و يباوع بنظرة
فوز و راحة لمن علي صار گبال ابو و خله عالية ورا
83
لا ارادياً حتى اني أبتسمت
رقية : جا هذا حظ المعثرات و امهات الدگايك دوم ينزار
رهينة : مثل حظج ، يبعد طولي هذا طولك
17
جُمارة : جدة انتِ بأصعب الحالات و تتغزلين بزناد خبلتيني
ما تتغزلين بيه أني مو حفيدتج
رهينة : انتِ ويا واحد
305
درت وجهي عليها بعصبية لكيت ورود و حياة يضحكن و البقية
عاوجات الحلگ
جُمارة : إذا ما تطلعين انتِ عاشگته جدة أكص ايدي
149
رهينة : طبعاً هذا هيبتي جدام الوادم ، هذا حفيدي الاول
و هو جاهل هيبة و صدر ديوان
جُمارة : طبعا جدة يومية جايبلج ضبة مال فلوس اني لو واحد هلكد يطيني اگللهم أصلا هو نبي بس متواضع
ما يريد يكول
301
ضربتني جدة على ظهري
جدة : أكول الفلوس ما بيهن بركة طلعت عينج عليهن ولج مال الشغل و الودام يمكسورة الرگبة
جُمارة : جدة طبعاً تطردين عيون تخافين على الميزانية
74
رهينة : و انتِ شني تحاسبيني ، خل أزوجج اله
و اشبعي من فلوسة
جُمارة : امممم خل أفكر بالموضوع
179
علي أخذ عالية و طلع من البيت و بقى عمي عمار يرعد وحده زناد شغل سيارتة و راح بقوا يتناقشن جوه على موضوع عالية و رقية و نورس يطبخن البنات الصغار يلعبن بالمخزن و البيت امي و روز نايمات
نزلت دمعة كاشخة تطگ بالشحاطة و تخرخش بالذهب
83
تعرف الوقت اليگعد بي عدنان هي تنزل كاشخة بي لان عمي فاخر من الصبح يتريگ و هي اصلاً مو بحالة نزلت تضحك بس اباوع كل ضحكتها أختفت من عدنان صاح من فوگ
عدنان : حياااااة حضريلي الحمام
178
هدت المنخل حياة و صعدتلة تركض ، مرت يونس رؤى بشهر السابع
ما تشتغل كاعدة على القنفة يم جدة و جدة تسولف الها المره الحامل
شنو منزلتها عند رب العالمين بس هنا البنات حبابات الي هنَ چناين
عمي فاخر حياة ابد متدخل نفسها بأي شي بحكم هي مو بنت عمهم
بس أنتبهت رؤى ابد متدخل نفسها رغم المشاكل اكثرها هنا تصير وي أهلها بيت عمي عمار
59
كعدت دمعة رجل على رجل و بيدها كوب الچاي
دمعة : يالله زين من انستر عليها و خلصنا صارلنه چم يوم حتى هوى ما مشتمين عدل
رهينة : جا ما أختنكتي و خلصتينا
153
دمعة : اسم الله عليه بعدني بعز شبابي
حتى بزري ما شفته بيش طالبتني عمة
رهينة : عينج ما جاية على فطرة جاية على خبث
و هجمان بيوت من يوم الطبيتي بيتنا ما رگتنه عافية
35
دمعة: ديالله على ساس شلون بيت سلام الله عليه
ملجأ مال متشردين ياهو الضايع تجيبونه
رهينة : اي والله صحيح ما تشوفين جبناج
مهتلفة و سوينه براسج خير
275
دمعة : عشتو بجال رجلي و بفلوسة
رهينة : اي رجلج بزودة همزين ضالة الولد تشتغل و تحط بحضنه بيت واحد ما كادر عليه يروح يجيبلي عسلابة
ثانية
"عسلابة" ( شيء زائد بدون فائدة )
105
طب غسان كاشخ و يمشي مثل الشخصيات القوية
غسان : وسع وسع دخل المقنع
رهينة : هنيالي وًهنيال حظي گالولي شايفة خير
اجاج حفيد ولد
192
غسان : حفيد رهينة الأصغر مدير الأعمال
غسان فاخر سرهيد .. كام يصوفر
15
جُمارة : ها سجلت اني راح يطردوني يمكن
سجلوني و ما داومت
غسان : لا ما يطردوج فيتامين واو موجود
257
جُمارة : و اني شلون الحگ هي نص السنة راح تجيً
غسان : لا احنه المرحلة الاولى معلينه بالبقية
شوية نتأخر دوامج الساعة بيش حتى اروح وياج
16
جُمارة : مو المفروض اني اروح وياك
غسان : لا مو انتِ نفوذج اقوى مني
155
عدنان : ها سجلت
غسان : اي والله الله يخلي جدة رهينة العلم و البخت
معليج جدة كلهن أرجعهن من استلم راتب هاي إذا تعينت
46
جُمارة : جدة جا ما تشتريلي ملابس صخام كله خيرج للولد
ما تفكرين بينه احنه البنات هو منو يفيدج غيرنه
رهينة : عمامج يكولون تلبس عباية لو ما تداوم
46
انتفضت بعصبية
جُمارة : جدة شنو حاطين نفسهم بكلشي عمامي
هم من كد ما حاطين نفسهم حتى دوام ما داومت و ما يتحكمون بلبسي بس امي و امي قابلة
39
رهينة : و شبيها العباية مو هاي بناتنه كلها تلبسها
انتِ منين جاية ترى هذا اصلج و ديري بالج لا زِناد
يصير وياهم و يحرمج حتى من الكلية
41
حجيت بصوت عالي
جُمارة : و هو ما مسؤول عني و مو ولي آمري ولا حياتي بأيدة أداوم و بدون عباية و معليهم عمامي بيه
و لا زِناد و لا أي واحد
54
رهينة : نصي صوتج لا أكوم اكسر العصى على راسج
ادبسز إلا اربيج من جديد
30
نزلت امي تركض تسألني شكو
جُمارة : متربية اني جدة و هذا كلامي وصلي للكل محد يتدخل بيه يالله كافي لو تخلونا نرجع لبغداد
رهينة : والله إذا خليتج تداومين اني كلشي ما أفتهم
عدنان : انتِ شبيج تعيطين نصي صوتج
47
جُمارة : ها هسة خلصت مصلحتج وياي جدة طلعت حقيقتج عبالي ماما حاقدة و الحقد عاميها بس طلع كل كلامها صحيح
106
رهينة : طبعا هو انتِ ياهو الطيح حظج غير حقد امج
تغريد : خير رهينة النوب خلص العرك حولتوا على جُمارة
رهينة : و ياهو بحالج انتِ و قندارة بس هسة يجي
زِناد و أنا اعرف شلون أحاجي
129
من كد ما انهاريت دموعي تجري على خدي و امسح بيهن باوعت امي للباب و جرت ايدي تصعدني
تغريد : دمشي هسة عليمن تبجين
جُمارة : و ما تخوفيني بزناد و كليله يأخذ الفلوس
الدفعهن جُمارة ما تداوم بعد و حسبي الله بيكم
95
درت وجهي و أني أمسح بدموعي على آثر الصوت
زِناد : خيـر ؟
74
عفت حتى أمي و صعدت فوگ طبيت للغرفة و طبگت الباب قوي
فزت روز مخروعة و اني كعدت على الچرباية أمسح بدموعي
طبت امي تغلط عليهم وهم جوه صوت صياحهم عالي
14
تغريد : ها شفتي عبالج امج تجذب عليج ومتريدج ترتاحين كتلج هنا ما يخلوج تداومين و حتى لو خلوج يكسرون أنفاسج كتلجن نرجع لبغداد و هناك تداومين و اني من فلوس امير اسجلج هناك بس انتِ منو يعاندج
24
ما جاوبتها بقيت بس أبچي و روز تباوع النه بحيرة بقت الأفكار تأكل
بعقلي و اباوعلهم كلهم بنظرة حقد كلهم ما يفهموني حتى هوَ ..
بس سجلني و نساني يمكن راد يبين بس هو زين بيهم
بس ماًكدر يمثل اكثر من هيج
36
شوية و دكت الباب ورود طبت كعدت على الكومدي بصفي
تريد تحجي بس تخاف من امي تالي شاورتني
ورود : جُمارة الشيخ يريدج
جُمارة : ما أجي و ولا واحد يدز عليه
18
تغريد : شكو منو يريدها
ورود : لا محد
حجتها و طلعت بسرعة ورود تخاف من امي اكثر مني
70
روز نزلت تتريك و صعدت
روز : تغريد ما تخلين واحد يسويلنا هذا التلفزيون والله كتلتنا الكآبةُ هسة لا تليفون لا تلفزيون لا طلعة
شنو هي حياة لو سجن
18
بقت ساكته امي ما جاوبتها و هي تدنت يمي
روز : جان واكف بـ باب المطبخ منتظرج ورود كالتله
ما ترضى تنزل هز راسة و راح
جُمارة : اي ما أنزل هو حاله حالهم
40
لحد الليل ما نزلت و حتى جدة دزت عليه و ما نزلت
امي صعدتلي عشه بس ضل بالي على ورود خاف صدك يجون يعقدون عليها عمي فاخر تخربط و مأخذي ولده للطبيب
الحمدلله حتى يتأجل العقد
24
ثاني يوم الصبح ما تحملت من خنگة الغرفة نزلت من سمعت باب غرفة ورود انطبگ يعني نزلت طلعت من الغرفة امي نايمة ، بقيت يم ورود
بالمطبخ ساعدتها و هي ضايجة و راح غسان يجيب صمون و هو كاشخ
يريد يروح للدوام مدري شبية احس روحي غِرت منه
55
جاب صمون و سوتله لفة و راح بدو يكعدون بس اني ما طلعت من المطبخ صوت جدة تسولف وي ام عدنان و عمي فاخر
نزلو عمامي البقية قاسم و هاشم هم و نسوانهم و جدة صاحت لورود
14
ورود تطگ بالبيض من يمها و گالت ها جدة
رهينة : ولج صدگ جُمارة ما نزلت يمه يومية شحلاتها تفتر بالبيت والله لو تعيني رجلي جا صعدتلها زعلانه مني
139
هاشم : و انتِ تصعدين لجمارة تنزلج و غصباً عليها
هي ربتها تغريد اكيد تطلع صلفة مثلها
رهينة : ولك لا تحجي عليهن شمسويات هن ياهي من نسوانكم مو صلفة شو بزراتكم بعدهن بطول نعل و كل وحدة لسانها هاطولة
48
هاشم : ذني زعاطيط مو مثل حظرة جناب الدكتورة
ولو منو طلع عينها غير حفيدج
قاسم : و شله غرض زِناد ترى مصختوها
101
رهينة : عوفهم يمه عوفهم هي العين ما تحب الحاجب
هاشم : دكول عمامي ما يتدخلون بيه بت تغريد مو والله
إذا اخليها براسي اكرهها حياتها
93
فاخر: يابة زعطوطة و فقيرة أنا مو هنا و اعاين دومها وي البنات الصغار تلعب و ما طالع الها حس
رهينة : هو انتَ هاشم مو صوجك صوج الضالة تنقلك حجي
و تحشيك اعله بت اخوك بس دير بالك وراها زِناد
يگلب الدنيا كلاب عليها
42
هاشم : محد شيخة غيرج و خلا ما يحترم لا عم و لا احد
رهينة: يحترم والله بس انتو موًمال عيني و اغاتي
1
ودتلهم ورود الريوگ و تدردم على رقية و نورس حتى لرجولتهن اليوم ما سون سوتلي لفة خليتها على الكاونتر و أباوع لاظافيري لان طوال
بس طولهن ما متناسق وي بعض و گلبي ما ينطيني أكص منهم
و اعدلهن ابقى انتظر القصيرات يطولن
86
رفعت رأسه على آثر صوته يحجي بالتليفون باوعلي و طَب جوه
درت وجهي آكل باللفة و الچاي ما أحبة عكسهم هنا يتنفسون چـاي
ورود يمي كاعدة تاكل
62
جُمارة : يالله لا تضوجين الزلم ما تسوه تضوجين عليهم بيت عمي عمار بي اكشن اكثر بس انتِ ما تفتهمين شنو بيت
شراع هو الولد الوحيد و البنات يتزوجن ايع ويامن تتعاركين
لا اكو وحدة تغار منج و لا اكو حية زواج جيس حب
75
ورود : جُمارة سدي حلگج أنا شنو رايحة اتزوج لو أعارك و بعد رضيت بالكاتبة الله الي هلا بي
جُمارة : هاي احنه كلنه نگول هيج و من تصير السالفة نگول ليش يربي شمسويتلك اني شو صايمة و مصلية
82
أبتسمت و طَب شراع سَلم هم بس اني رديت كامت هي تصبلة عبالي راح تصير عنده كرامة و ما يقبل يتريگ بقى واكف ينتظر و يباوع للكرسي بلكي احس على نفسي و أكوم لان ورود جانت كاعدة بالكاع
78
ورود أشرتلي گومي و هي تطگلة البيت رفعتلها حواجبي بمعنى ما
جان بيدة سجل و أوراق و لابت توب و الكاونتر هوسة خلاهن بأيد ورود
وهو وگف ياكل و ورود ورا تأشرلي كومي عيب سويت روحي ما اشوفها
35
شفته و شافني تليفونه ما يسكت من المكالمات النوب خلى بيد ورود على الغراض و ورود كلساع تباوع للجهاز اكل و راح يغسل ايدة و رجع يشرب چـاي حِچة بصوت ناصي قريب عليه
شراع : شنو ماكو أحساس
210
جُمارة : لا ماكو و إذا صار عندك دلينا منين أشتريت
كام يضحك و آخذ الغراض من ورود
94
شراع : شونك شيخ
زِناد : هَلا
17
درت وجهي بسرعة لگيته واكف بلعت ريگ و سويت نفسي ما مهتمة
رجعت العب بأظافيري فزيت من شفته واگف يمي رفعت راسي اله
زِناد : گومي
1
نظراته تخوفني هواي اباوع لاصابيعي يرجفن و اني بداخلي أكول
گبر شكد جبانة ولج اهدي ليش خايفة حجيت بصوت ناصي
- ما أكوم
26
زِناد : جُماااارة
حجاها من بين أسنانه و مَد ايدة يريد يگومني وكفت بسرعة و طلعت بره باوعتله بمعنى أحچي اشرلي بـ أصبعة على المضيف
مشيت بعصبية و اني داخلي يرجف و هو يمشي وراي
30
و من طبيت للمضيف أشرلي على نهايته
- استغفر الله
حچيتها و مشيت و اني أعض بشفتي حتى أهدي روحي و ما أبين گبالـه ضعيفة و أني أصلا ما احجي ويا يعني لازم يعرف مزاعلته
1
وگفت يم التخم و شهگت بخوف من مد ايده
على فكي بقوة و وجهة صار قريب على وجهي اريد
احجي بس ما اكدر لان ضاغط بأيدة قوي
زِناد : إذا شفتچ مرة ثانية تتشاقين ويَ اي واحد
هذا لسانچ أگصـة ، جُمارة
452
من هدني وكعت على التخم بقيت كاعدة افرك بمكان القبضة مالته بعصبية و هو بعدة واكف ، گلبي يدگ سريع
وكفت بوجهه و رفعت أصبعي السبابة
10
جُمارة : متتحكم بية انتَ و معليك بيه وإذا تلزمني بعد ماكووووو ...
اريد اكمل هز راسي اي بمعنى كملي
35
جُمارة : شحجي وياك هو انتَ حتى الحلال و الحرام متعرفة يا شيخ زناااااد
أبتسم
73
و مَد ايدة على حجابي دفعته ما تأثر و عيني على الباب خايفة ضربته علي ايدة قوي و اني عصبية و هو بارد قبل ثواني
جنت عصبي شبردك !!
37
زِناد : أدز عليج و متجين مو
جُمارة : و ما أجي و ما اخاف منك و لو كلها تخاف منك اني ما اخاف لا عبالك و شتريد تسوي بيه سوي
66
زِناد : أسوي ، بس مو هسة بعدين
جُمارة : و إلا أكول لامي عليك لان بس هي دواك
116
حچيتها و درت وجهي حتى أطلع جَر ايدي انهاريت
جُمارة : وخر عني شتريدددد
زِناد : صوتچ لا أخفيّ
60
باوعتله بعصبية أريدة يحجي شيريد
ضلت عينه تتنقل بكل جزء من وجهي الخوف مسيطر عليه
احس عيوني بدت تدمع و هذا الما اريدة يشوفة
12
زِناد : مو گايلج أني كلامي وياج هو اليتطبق ليش تشيلين هم حچيهم و تدرين بي ما يصرف عندي
مديت ايدي على عيوني امسحها
33
جُمارة : لا ، اني من ذاتي ما اريد أداوم بعد كرهت كلشي
زِناد : شتردين بالضبط غير افهم
15
جُمارة : ما اريد هذا البيت يخنگني ما احبه
زِناد : أخذج لبيتي ؟
حجاها و أبتسم
100
جُمارة : أطلع من حياتي معليك
زِناد : ليش أني طبيت
- اي كلكم من طبيتوا لحياتنا هجمتوها اني ما جانت هيج عايشة جنت احب الحياة لان ببالي أحلام و اريد احققهن و تعبت هواي و خسرت سنوات هواي يالله كدرت احصل شي قريب لحلمي
تالي اجيتوا انتو
22
كتلتوا أخوية و هجولتونا من بيتنه و حبستونه بغرفة
و حرمتوني من الجامعة و كرهتوني بأحلامي و بالدنيا كلها
26
زِناد : أنا ما هجولتكم أنا خايف عليجن العالم ما تنحزر
ذيابة و أنتن بعيونهم فريسة و الولد ما اكدر اقيدهم اكثر
هم عدهم اهل و هم يردون يشوفون حياتهم
و الوادم نظرتهم تختلف ع البيت الما بي زلم و أنا من الهوى اخاف و أغار عليجن
81
جُمارة : صعبة من تاخذ إنسان من نص الهدوء و تخلي
بنص الهوسة شلون راح يكدر يعيش
21
زِناد : الحياة فترات كلنه أنجبرنه بفترة من الفترات نعيش حياة ما نحبها بس مجبورين عليها و بعدين أحنه سعينه
و تعبنه حتى نسوي حياة تليق بينا و تشبهنا
17
جُمارة : هاي الحياة تشبهك ؟
زِناد : هاي مو حياتي هاي مسؤولية حالها حال العمل
انتِ يجوز حياتج تختصر المكان انا مو المكان أنا حياتي هي المكانة الانوضع بيها السلطة الي تصير بيدي المال اليگدر يكفيني اني هاي العوامل هي الحياة بالنسبة الي
32
جُمارة : اني ما اريد المكانة و السلطة بس الفلوس و بيت
صغير نعيش اني و امي و روز مرتاحين بي
33
زِناد : تردون ابيع بيتكم الي بالكاظمية و أبنيلكم بيت تردون تاخذون حصة عمي و أبنيلكم ، بكيفكم
تذكرت شلون لزمني و وجعني و أني كاعدة أتناقش ويا
12
جُمارة : لا ، كلشي ما اريد منك و لازم تعرف اني زعلانة
يعني ما اريد احجي وياك لا انتَ و لا جدة رهينة
فـ ياريت محد منكم يجيني
107
زِناد: أفاااااا
179
درت وجهي و مشيت و أني أكول والله ما تنلام أمي من كالت لا تتقربين اله لان بس هي تعرفك زين ، طلعت من المضيف طبيت للمطبخ الحمدلله امي نايمه ردت اصعد الدرج
رهينة : هاي جُمارة هنا تعاي ولج ما يلوك النه الزعل
جُمارة : لا خلي يلوگ
86
وصلت لنص الدرج و فزيت على صوت وحدة طبت تعيط
درت وجهي لكيتها مرت عمي عمار لابسة بس العباية بدون حجاب و جاية حافية و وجهه احمر من اللطم
10
ام سلام : هاي هيج عمة تسوون بينه ليش شمسويلكم احنه ترى عمار ابنج مو عدوج أنا المتخربطة و ما ادري محد گالي تزوجين الناهبة لابني يرهينة ليش مو هذا حفيدج شلج عليه
46
رهينة : الله وصى بالستر يا ام سلام و هم عندج بنية
و بعدين احنه ما غصبنا ابنج هو اجه و كال أريدها
ام سلام : لا ابني صحيح يحبها بس من شردت كرهها
لو ما هذا حفيدج يضحك عليه عساها بحضة و بخته
52
رَهينة: بحظج انتِ شني ماخذة للموت هذاك ابنج روحيلة ما يريدها خل يطلگها شكو جاية تهوبزين براسي
ام سلام : وينة هذا الوحش الما بگلبة رحمة وينه
شيريد مني اخذ ابني و زته بالسجن نجدي شوفته جداوة
و هسة كسر رگبتي بالثاني ليش شلة علينه
45
زِناد : ام سلام خير
ام سلام : يا خير يبن حليمة يا خير و انتَ موجود
ما اخذتها انتَ ها ما سترت عليها إذا هيج مستقتل ليش كربستها برأس ابني المكرود بدال ما آزفة و افرح بي
لأحسن بنية تاخذلة وحدة عار
19
زِناد : اجيت والله أنا أعقد عليها و أخليها وي البنات
بس أبنج يحبها شسويلة
باوعتلة بسرعة و هو هَم أنطاني نظرة خطف بقيت مصدومة
223
ام سلام : ابني تربيتك هذا مو ابني انتَ من اليوم الطببته غرفتك غرفة التأديب طلع موش ابني ، حالة حال شيخة
عاشگ المعثرات
45
زِناد : والله ماكو معَثرة غيرچ
حچاها و دار وجهه و طلع هي ضربت صدرها قوي
49
ام سلام : ولك أنا معثرة و بلاية اصل و شرف أنا اعلمك
رهينة : طبج الف طوووب جا كبال عينه و تطعنين مرته
64
ام سلام : مرررته مرررته نصي صوتج لا تسمع الحيطان و تصدگ شلون عاد معترفة بيكم تغريد شايب صار و بعدة يتمعشگ محد بحالكم ترى روحي شوفيلة مرة خل تخلفلة و يستر على روحة
71
رهينة : من عاب هاللسان و خفت هاي الشوفة امشي طلعي بره لا هلا بهذا الوجه
ام سلام : كونك ما تشوف الخلفة بجاه هاي الصبحية
و تخلص الوادم منك و من شرك ما نريدك تتكاثر انتَ واحد و ما جارعتك الديرة كلها
87
رهينة : يكطع انفاسج ان شاء الله و لا ما تشوفين الضوة
و ان شاءالله هو وبزرة يترسون الديرة و يكسرون روسكم
42
طلعت و هي تدعي و فاتحة صدرها
لحد الليل زِناد بعد ما اجه و كل ما انزل جدة تحجي وياي
و اني استحي اطنشها و احس خسرت هيبة الزعل و اضوج
10
اجه عدنان من الشغل سلم و كعد يم جدة من المطبخ طبت دمعة كعدت گبالة و بيدها صم مال حب تكرز بي و تطلع صوت وهو ملتهي يسولف وي جدة نزلت حياة تضحك وجهه يضحك بكل الحالات
8
حياة : هلا شوكت أجيت
عدنان : ما صار هواي
حجاها و شال علاگة بصفة چانت
- هاي مو وصيتيني عليها
ابتسمت بوجهه و اجت كعدت يمه شاورته و باوعلها رافع حاجب واحد
هي لزمت زندة تضحك
حياة : جذب جذب عمي ما اريد
183
عدنان : ههههه يالله ميخالف فد شوية
دمعة كامت تنفت من دارت وجهه و شافتني كبالها خزرتني
ضحكت و رفعت الها حاجب دفعتني خفيف و صعدت
21
رهينة : تعاي ولج يمي
جُمارة : جدة ما احجي وياج
16
- دتعاي اكلج شغلة تفيدج
اجيت يمها و اني گالبة خلقتي مدت ايدها ايدها لجيبها طلعت
خمسة و عشرين جرت ايدي خلتهن بأيدي وباستني
61
رهينة : احنه حبايب ما نتخارب
جُمارة : لا اصلاً زعل الحبايب چذاب
ضحكت بصوت عالي و ضربتني على رجلي
166
طب زِناد
زِناد : بعد بعد علي صوتج جدة واصل لباب الشارع
رهينة : هلا يجدة هلا يحبيبي
27
عوجت حلگي و هزيت ايدي
رهينة : تعال اكعد اليوم ليش ما اجيت لا بغده و لا بعشه
زِناد : معزوم جدة الظهر مشية صلح و بالليل خطوبة
15
رهينة : اكو وادم تغار ما ترضى اتغزل بيك
جُمارة : هو شنو أغار جدة عليمن بس انتِ تبالغين عبالك مو رجال يعني فد شي خيالي
71
رهينة : و انتِ ليش ضايجة اريد اعرف
كعد هو يضحك لابس بس دشداشه
زِناد : شوكت تصالحتن مو البارحة مكافش
35
جُمارة : اطتني خمسة و عشرين و كامت تبجي يالله صالحتها
رهينة : يا و غدي أنا ابجي ما عاش الينزل دموعي
جُمارة : و زِناد موجود ادري رجال لو كلينس جدة
199
ضربتني بالكوشة و هم يضحكون تقرب عليها حِچة بصوت ناصي
و هي كالتله صار ، راحت للغرفة بقيت كاعدة بمكاني أهز برجلي
و أضرب التخم و يطلع صوت ، هو كاعد يدخن و منزل راسة بس كل شوية يرفعة يباوعلي و يرجع يدخن
54
اجتي جدة بيدها علاگة سودة خلتها بصفة فتحها وبده يطلع الفلوس يحسبهن ويحسب سريع اني لو ينطوني خمسين الف خمسان هم آتيه بيهن كمل و رجعهن
- عاشت ايدج
38
رهينة : شلونهم يجدة علي و عالية
فتحلها ايده بمعنى ما اعرف
- الله يهدي سرهم
11
جُمارة : جدة باجر خل يجيبون گيمر عرب
شنو صار شكد ما جايبين
رهينة : صار تأمرين امر
92
درت وجهي اريد اصعد و رجعت باوعتلها
جُمارة : عفية جدة ضلي هيج حتى أرضى عليج
هو يضحك و جدة كالت شوفي إذا خليتهم يجيبون
59
زِناد : جُمارة
درت وجهي ما كلت ها لان شايلة خشمي عليه
.....
19
مرات الانسان خطأ واحد يغير كل مجرى حياته
من بين كل هذيج المعزة يطلع بدون اي مُحب
و من بين كل هذاك الاحترام يطلع هاين نَفسة
و من بين كل هذاك الدلال يطلع مُجرد من كلشي
143
اباوع لنفسي مُجرد وحدة رخيصة سترو عليها حتى متنكتل
أهلها عايشين بس خسرتهم عروس بالتوسل بدون كلشي
كله بسبب خطأ أرتكبته بوقت طيش
47
كاعدة بغرفة فارغة ما بيها غير جرباية نفر و ميز بي مراية
مسحت دموعي لان وجهي يحرگني من آثار الضرب
نزيت و رجعت ليوره من طب علي
3
علي : إذا خلصتي بچي كومي نظفي الغرفة
و سويلنا شي نتسممه
عالية : ها هسة هسة
- يالله بسااااع
157
نزلت افتح بالبيبان ترست معجنة بيها مي واخذت الزاهي وياي
هو كاعد بالصاله صعدتهن و نزلت ادور على فرشة و الماسحة
لكيت بس ماسحة و مكناسة بديت اجلف بالغرفة مبين جانت مقفولة لان حتى الباب من وره كله تراب و الشبابيك
8
البردات قديمات. و كلهن تراب نزلتهن و جلفت الغرفة كلها واني اسحل بروحي سحل لان و وحدة من رجليه ما اكدر اضغط عليها هاي ضربني عليها امجد النذل دفرني بيها قوي
54
اتذكر من جنت انظف البيت لامي هسة عفتها وحدها حرمتها حتى من سالفة تفرح بية و تزفني حالها حال الأمهات وهي جانت شكد تنتظر هذا اليوم من اول ما صرت شابة تشتريلي غراض و تضمهن تكول هاي لعرسج إلا اخلي الوادم دكول ماشفنه هيج جهاز عروس بالديرة
71
و شريك الـ جنت أتحمس اطبخ حتى يضوگة و يبقى يمدحني
كسرتك اني و نزلت رأسك ان شاء الله تاخذ شمعة و تنسيك مصيبتي شوية التنظيف الجنت اخلصة بنص ساعة هسة صار اكثر من ساعة و اني بعدني لان حركتي بطيئة
37
واني امسح زلگت بالگاع على وجهي و صحت أخ
گمت و كملت شلون ما بية لكيت اكو حمام فوك بس ما بي مي
و اظلم يخوف نزلت البردة بيدي و المعجنة اسحل بروحي
فتحت المي على البردة لان ماكو غسالة و ثوبي ناگع و الجو بارد
5
غسلت وجهي و رحت للمطبخ لگيت علاليك مسواگ فتحتهن
حتى اشوف شأطبخ بقيت محتارة المطبخ مفتوح على الصالة
هو متمدد كبالي يگلب بالتلفزيون ، حجيت بصوت ناصي
عالية : شنو تريد اسوي
11
علي : شوفي شنو موجود و سوي
خليت الطاوة و فتحت الطباخ لان الثوب منگع و تلوحه حرارة و الدنيا شتاء يصيبني شعور مو حلو أنكس من المشاعر الباقية
سويتله الصينيه و خليتها على القنفة لان ماكو طبلات
19
وخر الكوشة و كعد قرب الصينية درت وجهي حتى اصعد صاح بية
علي : تعاي أكلي
عالية : لا ما أشتهي
- تعااااااي لج
207
بلعت ريگي و رحت يمه ابعد بثوبي منا و منا لا يلزگ على جسمي
و يلچمني البرد كعدت على الكرويته بس ما اكدر اتجرأ امد ايدي
رغم كل شوية اريد اطيح من الهبوط
4
علي : فضيها عاد
مديت ايدي للخبزة و تذكرت امي كامت دموعي تطيح على الخبزة
مديت ايدي امسح عيوني و أكلت شويه خبز كمل آكل و كام غسل
و صعد أكلت و غسلت الماعين و غسلت البردة و شريتها و طبيت
10
بقيت جوه تمددت على القنفة لان ادري بي صعد بالغرفة
شوية و حسيته واكف فوك راسي
علي : صعدي فوگ هذا بيت زِناد و على اي ساعة يجي
ما تنزلين جوه بس من انا هنا
29
هزيت راسي و صعدت بالغرفة لكيته مخلي بطانية همزين
تمددت على الچرباية و تغطيت قوي ادفّي روحي
تأخر هواي و ما صعد قفلت باب الغرفة و نزعت الدشداشة و لفيت نفسي بالبطانية فتحت واحد من الشبابيك علگتها بي و رجعت سديته حتى يلوحها الهوى من برة و تنشف
57
بقيت لافة نفسي و نمت على الچرباية و دموعي تجري
نمت بسرعة لان اريد اشرد من الواقع و تأنيب الضمير
فزيت على صوت الباب يندگ قوي قوي بشكل مو طبيعي
ويَ ما گمت افتحة و اني امشي بطيء لان رجلي ماكدر
اندفر الباب و أنفتح أباوعلهم زِناد و علي
149
طبو ثنينهم يصيحون ما ادري شبيهم أخاف من زِناد
لزمت قميص علي بخوف لان خفت لا يضربوني و تطيح البطانية
عالية : والله والله ما سويت شي جنت نايمة
31
لان متلفلفة بالبطانية صاير شكلي سمين يجيب
الشك باوعلي زناد بأستغراب
زِناد : شضامة جواج انتِ و ليش الباب قافلته
هذا كلههه الدگ و انتِ نايمة
73
بلعت ريگ و ايدي ترجف احس حتى البطانية راح تطيح
علي : أحچي لج
عالية : والله كلشي ما ضامة حجيت بصوت ناصي
خل يطلع زِناد عليك النبي
12
علي : شكو لج
دموعي كامت تجري الهضمة ما جاي تروح مني
علي : لجججج عالية
بعدني ما حاچية أريد أنطق و زِناد طلع برة دفعني علي
على الچرباية اجه يريد يوخر البطانية يشوفني شضامة
.....
654
"ورود"
17
كل لليلة تمُر بدون ما يجيبون طاري اسمي جنت مو انام بيها براحة بس عكس الحزن جنت انام بيها بقلق خايفة من باجر
لان عملة عالية خلتنة نخاف حتى نرفض بعد
46
كعدت الصبح هدوء اليوم شعجب جُمارة ما گاعدة من وكت
من الصبح اجانه عمي عمار بس ما سوة اي هوسة
كعد يم جدة و أنا احظرلهم ريوگ من جبت الصينية خليتها
كبالة فزيت من گال عاشت ايدج چنتي
61
باوعت لجدة حتى هي ما راضية
طب الشيخ بيدة صينية گيمر خلاها على الكاونتر من سمع صوت
عمي عمار ما طب راح للمضيف
وديتله الريوگ هناك
72
غمضت عيوني بخوف و أنا اسمعة يكول لجدة
عمار : اليوم بالليل نسير عليكم ما بقى شي لمحرم
حتى نملج ورود لخالد
58
رهينة : ان شاء الله خير
صعدت فوگ طبيت للغرفة أفرفح اليوم جمعة شراع يتريگ و يروح لاهله
وكفت يم الباب اباوع من شفته طلع من غرفته كاشخ راد ينزل
و لاگته جُمارة و هي تصعد
4
جُمارة : اليوم ورود ما تگدر تسويلك ريوگ
شراع : لا ؟ ليش منو وياها
26
جُمارة : لا محد وياها بس تتجهز اليوم خطوبتها هسة اجه عمي عمار كال بالليل يجون يملچوها لابنه خالد
شراع : بالليل ؟
85
جُمارة : اي
شراع : يالله تمام حتى أجي
عافها و نزل و هي غمته و اجتي لغرفتي
164
نزلت العصر و أمي تلگتني بيدها ثوب ابيض وهن يرتبن بالبيت
و هن كلهن كاشخات
دمعة : بالخير و البركة يا عروس
11
اباوع للأجواء غير المفروض اني هم افرح ؟ شو لا
كلهم فرحانين اكثر مني و متجهزين كعدت يم جدة الدمعة
بطرف عيني درت وجهي على صوت الشيخ بالمطبخ
9
زِناد : يونس غسان وينكم ، الو عدنان وين انتَ
تعال للبيت شراع و عمامة و الدنيا كلها هنا
....
3K
شيوخ الدنيا طَبت كلها للديوان
لخُطبةّ " وردة البُستان "
651
- رُسل فَهد 🤎
