رواية يا اجمل الوحوش الفصل الخامس عشر 15 بقلم رسل فهد
التصويت + التعليق بين الفقرات لُطفاً
يا أجمل الوحوش
- رُسل فَهد
...
27
شو وحدي بالمعركة ؟
عاد انتَ أخذلك سَيف !!
حاربت لأجلك هَلي
و مخوصَر انتَ الي
يا وسَفة والله وحيف
- رُسل فَهد
...
49
"جُمارة"
36
زنَاد : جُمارة !!
درت وجهي ما كلت ها لان شايلة خشمي عليه
باوعلي من فوگ ليجوه بطرف عينه
زِناد : تمشون أطلعكم بالسيارة شوية
89
اشرتله بأصبعي على نفسي
- بس أني ؟؟؟؟
زِناد : شوفي خالتج و أمج و انتِ جدة هم گومي
رهينة : يبعد اسم جدتك و عمرها خاف نعسان
69
عفتهم يتناقشون و صعدت اركض للغرفة و لو كلي يقين امي
راح ترفض ما دام تعرف الطلعة وي زِناد فتحت باب الغرفة لكيت امي
كاعدة تبجي و تمسح بدموعها أستحيت من نفسي احجي بهيج
موضوع عفت الباب مفتوح شوية و طبيت
21
كعدت يم روز شاردة بغير عالم تقربت أشاورها
جُمارة : زِناد عود كال شوفي خالتج و امج و تعالوا أطلعكم وي جدة بس أمي تبجي وهي منا شلون تحب زِناد
60
روز : اني والله مخنوكة اريد امشي بسيارة و الشباك مفتوح و السيارة تمشي سريع و الهوى يصير على وجهي
جُمارة : كلنه مخنوگين من اجينه لهنا ما شفنه باب الشارع
بعد
52
روز : ديالله ع أساس چنه شايفينة شو
بالسنة حسنة نروح للكاظم
جُمارة : هسة حتى الكاظم بعد ما نوصله
37
تغريد : شبيجن تسبسن شكو
روز : لا ماكو شي بس رهينة راح تطلع وي زِناد و كالت لجمارة تعالن وياي تونسن
16
تغريد : وي زنااااد ؟
بلعت ريك و لزمت ايد روز
جُمارة : لا يمة وي جدة هو بس يسوق
129
وكفت بعصبية و راحت للباب رگعته قوي و قفلته و ضمت المفتاح
تغريد : والله التتنفس بهيج موضوع بعد اذبحها
اني عود اريد اروح استلم الرواتب مال امي و اطلعجن
يالله نااااامن
137
تدنيت انام و روز تغطت احنه ثلاثتنا ننام على الچرباية اني بالوسط
و هن على الجوانب بس مخلين فراش بالگاع للزعلانة احتياط لان احنه
بين يوم ويوم وحدة منه مكتولة من امي و تزعل و تنام بالكاع
246
ردت أغمض و تذكرت اللعابة بقت جوة حجيت بخوف
جُمارة : يمة
تغريد : هاااا
- يمة لعابتي بقت جوة
باوعتلي بخزرة لو ما تدري ما اكدر انام بدونها ما تضطر تفتح الباب
44
جريت الشال حتى انزل هي هم جرت الربطة نزلت وراي نزلت الدرج
لكيتهم بعدهم گاعدين هو بسرعة باوعلي و أني أنزل لحد ما اجيت اخذت اللعابة هو من عيونة مبين يعرف امي ما قبلت اكيد من طبگت الباب ، أبتسم بوجهي و هز راسة بمعنى عَادي
61
درت وجهي اريد اصعد
رهينة : ها يجدة ما خلتـچ مو
امي واگفة گبالي على الدرج منتظرتني اخذ اللعابة و اصعد
جُمارة : لا جدة أني نعست
48
صعدت و أني مقهورة لحد مَا نِمت كعدت الصبح متأخر
بس أحس روحي تعبانة صداع قوي براسي نزلت أغسل
كلهم كاعدين و يتناقشون بخطوبة ورود ضجت أكثر
وكفت گبال المرايا أغسل احس وجهي حار و حَباية فوگ شفتي
مال صخونة هاي شبسرعة طلعت
76
غسلت وجهي و لميت شعري بسرعة و خليت الشال
رحت كعدت يم جدة حتى هي ضايجة من خطوبة وردة لابن عمي عمار
تريدها لابن اختها من شافتني ضربت على رجلها
رهينة : يا يجدة مصخنة شو گربي شجاج آمس جنج ورد
جُمارة : من عيون حفيدج جدة
112
ضحكت و ضربتني على ايدي
رهينة : چا إذا من عيونة حتى الحسد هلا بي
باوعتلها صفح لان ما يفيد وياها الحجي قافلة على زِناد
77
رهينة : دگومي سويلج لفة لا يخلصون الگيمر
حتى اطيج دوة
جُمارة : حظرتج صيدلانية جدة
47
كمت اسوي لفة و هن مخبوصات يسون غده و يعجنن خليت عليها عسل ورحت يم جدة لكيتها تدور بعلاكتها الشهيرة على دوه
رهينة : ولج هاي العلاگة بيها كل العافية ذولة آحفادي
ولج من يتمرضون ما يرحون لطبيب يجون گبل الي بحباية
وحدة يطيبون
135
جُمارة : بركاتج علوية رهينة ، والله طيب هذا الگيمر
رهينة : رجلج جابة انقهر عليج البارحة
ضحكت و اني آكل
138
جُمارة : جدة تعجبني تخيلاتج الواسعة بس لا تكثرين
لان خاف تتخبلين و نديح وراج
صعدت جبت لعابتي و فَوخت گلبي بـ شراع لان ما شفت مثل برودة
لحد ما صَبوا غده اني كاعدة يم جدة امي دزت غسان من اجه من الدوام يجيبلي عصارة أخليها على الحباية لان أنگس شعور
لمن تحكني
50
فرشوا السفرة و بدن البنات الصغار ينگلن و يتعاركن وحدة دكول للثانية الماعون مو عدل ما تعرفين ترتبين انتِ و حياة تجي تعدلهن امي ما كدرت تصعد استحت فـ كعدنه وياهم اني يم جدة كالعادة
و جدة إذا يجي زِناد لو ما يجي مكانه محد يكعد بي تخلي بمكانة مخدة لحد ما يجي و يكعد لان هذا الملك مالتهة ميصير يكعد بالكاع
169
تاكل و عينها على الباب و كل شوية تكول الهم دگوا عليه
بنُص الاكل و طَب سَلم هي أبتسمت و عدلت المخدة
زِناد : والله بنُص الگعدة أكلت لگمتين و گمت گتلهم
شيخلصني من جدتي اليوم
62
رهينة : يبعد جدتك و عمرها والله الاكل ما يصير طيب
إلا انتَ موجود
مسح شواربة و ضحك ، ردت اكوللها جدة شنو
هو الملح بس اخاف امي موجودة
زِناد : البركة بيج جَدة
75
كل ما ارفع راسي اسمع حديثهم الگا صافن على الحباية
الطالعة بشفتي
265
رهينة : والله ضايجة أنا على وريدة من زمان جثير گلبها ملچوم من بيت عمار بس شنسوي لعمك المسودن
رقية : جا شبي عمة خالد خوش رجال احسن الصار بينه
وي عالية و الفضيحة
29
عدنان : لا تجيبين طاري اختي بهيج سوالف افتهمتي لو لا
ام عدنان : خلو البنية تروح بفالها يالله سدو موضوعها
30
زِناد : جُمارة خابرني العميد باجر داومي تأخرتي هواي
رفعت راسي بفرحة و هزيت راسي بـ نعم
و تخيلت باچر صدگ أداوم و أشوف اجواء الكلية و اقره المواد
الخلصت عمري أنوح عليهن
37
أحس الفراشات گامت تطلع من حلگي و أختفت فجأة كل المشاعر
الحلوة والفراشات تحولت خفاشات من سِمعت
تغريد : ما تداوم جُمارة لان اصلاً بعد ما تلحگ و أني
السنة الجاية أخذها أسجلها
152
التفتت عليها بهضمة وهي تحجي بكل صلابة
زِناد : سجلتها و أندرج إسمها وي الطلاب و دفعت فلوس الموازي ليش تأجليها ترى خمس سنين تدرس شيخلصهن
48
تغريد : هذا كلامي الأخير وفلوسك أخذهن بنتي و أني اقرر تداوم لو متداوم محد يتدخل بيها.
الدموع خانتني و نزلت عفت الاكل و گمت بسرعة اغسل حتى اصعد
91
رهينة : شلج على البت راح تموتيها بهذا حكمج و طاغوتج
ترى هاي وحيدتج البت مريضة منج و من قهرج
67
تغريد : بنتي و اني حُرة أكتلها اذبحها أزوّجها
محد اله شي يمي مو اجيتوا من تالي و تردون تتحكمون
بيها ببدالي
163
زِناد : منو متحكم بيج و بـ بنتج شو انتِ هواي مصختيها
الي يوم وياج يا إم آمير أوخر التقدير هذا على صفحة
53
تغريد : شتسوي بالله ابن حليمة تضربني
لو شتسوي بالله
زِناد : إذا جَاي تحاربيني بـ جُمارة خليها
ببالج هاي بتج ترى و إذا خسرتيها ما يبقالج شي
23
تغريد : اخسرها و لا اخليها الك افتهمت لو لا
و انتَ ما الك دخل بـ بنتي لا تحاول تقربها الك لان اني موجودة
139
رهينة : ولج شنو هذا الحقد العام عليج شو محد وگف وياج غيرة و طلعلج حقج و حق بتج شكو هيج حقدتي عليه بين لليلة و يوم عيب عليج أستحي
37
تغريد : لان عرفته طمعان بـ بنتي و هذا كله يسوي
حتى اخلي ياخذها بس هذا حلمك
35
زِناد : و اني شنو تصعب عليه بتج والله أسهل شي علية
بس اني ما أريد هسة يعني الموضوع راجعلي أني
50
أنصدمت من شفت امي راحتله منهارة و رفعت أصبعها گبال وجهه
تغريد : والله لأنگس خلق الله أنطيها و ما أنطيها الك
130
مد ايدة على أيدها و نَزلها بعصبية
زِناد : أني الايد التنرفع گبالي أكسرها و أني أحترمج
ما اريد أتعامل وياج مثل البقية فـ لا تخربيني
34
رهينة : اكعد اكل يجدة دكعد هاي سوالف
النسوان ما تخلص
رحت لامي جريت ايدها اصعدها لان ادري شراح يصير إذا تبقى
عتت ايدي و مستمرة تتعارك
8
روز واكفة على اول درجة خايفة و حاطة ايدها على خدها
تغريد : أنصحك تروح تتزوج و تكون حياتك بدال هذا الانتظار الما منه كل فايدة
30
زِناد : و انتِ ليش مخبوصة شنو جاي خاطب
منج لو رايد منج مرة
80
بقت ساكته امي خازرته و صعدناها بالكوة كعدت بالغرفة بالگاع وراسي لازمته بأثنين أديه ما اعرف امي ليش تتصرف هيج و تخليني ابتعقد و أنقهر منها هي المفروض امي و اكثر وحدة تعرف شكد عانيت و تعبت ليش من صارت صدك وكفت ضدي
48
نزلت العصر و هم يتجهزون لخطوبة ورود و احس روحي اني المغصوبة مو هي من كد القهر صعدت ادك الباب كالت شوية و انزل اكيد جاي تبجي حقها اني لو منها اكوم الطم طبيت للغرفة امي جانت كاعدة صافنة ، باوعتلي
13
تغريد : انتِ مو كلتي ما أريد أداوم و خل يأخذ فلوسة
هااا ليش كمتي تبجين كدامهم
جُمارة : اني انقهرت لان كالولي نلبسج عباية و اني ما أعرفلها
16
تغريد : اي وهسة عرفتيلها ؟
جُمارة : لا ، بس هو گال معليج بيهم أني الي أكولة بس يتنفذ و هو ما كال على عباية
15
خزرتني بعصبية و كامت
تغريد : تحجين ويا جماااارة
جُمارة : لا يمة شبيج بس هو كايل لجدة و من تصالحنه كالتلي
21
تغريد : لااااا هاي هو كايلج لان لو هيج صدك كايللها جان ما تعاركت وياج ولج اني شكتلج مو كتلج عوفي
جُمارة : يمة والله وداعتج ما عندي شي ويا
ترى اني من جنت مراهقة ما سويت هيج سوالف تردين هسة اسوي
24
باوعتلي و باوعت لروز
تغريد : والله ثم والله انتِ و ألا انتِ اي وحدة منجن
تحاول تطلع من شوري أحطلها سم الفارّ و أكتلها
148
روز : ياريت تسوين فضل و تخلصينا
تغريد : ها ست روز ما عاجبج الوضع لازم
35
روز : هو شنو من وضع تغريد ترى احنه جاي نموت على البطيء شوفي نفسج شلون جاي تعاملينه جنتي قاسية و صرتي أقسى حارمتنه من كلشي لو أمير مأخذنا ويا
و مخلصنه هواي احسن
56
تغريد : شتردن افتحلجن المجال حتى ترضن عليه لو
اطيج تليفوني اكلج احجي ويا و سولفي ليش ضايجة
هااااا لو اطلع افتر بيجن بالبيوت و الشوارع
27
روز : ما راح ننوكل ترى إذا طلعتينا هاي العالم كلها تطلع
تغريد : لا تنوكلن اني خلي اضمجن من الكاعدة وياهم
و النوب اطلعجن
15
جُمارة : يمة شدعوة و منو بحالنة ترى انتِ معظمة الأمور
تغريد : اشششش يالله انجبن مو انتن تعلمني شلون أتصرف يالله كعدن هنا
73
كعدت يم روز و احنه نظراتنا تسولف لان هي كاعدة تباوع النه منو تحجي حتى تكوم الها لحد ما دارت وجهه
روز : شوكت أتزوج و أخلص
جُمارة : اقبلي بالضابط
33
روز : بَعد أريد آيس منه اكثر حتى بعدين ما أتندم
جُمارة : دخلي يويلي أصلا انتٍ أنطيتي اكبر من حجمة بابا
هو من زمان مبينه سالفتة يريد يضيع وكت براسج
و انتِ مضحك على گد ايدة
34
روز : لا والله من جان تليفوني عندي معيشني عالم ثاني
لج عمرة كله ما گلي اجي اشوفج و لا فكر بشكلي و لا جاب موضوعة حتى جانت كل سوالفة من يتزوجني شلون راح يغير حياتي
81
جُمارة : امشي خل ننزل و نسولف لا تسمعنا امي
طلعنه نتخنس مدري شعجب ما كالت طبن جوة
لكينه الجو مخبوص انصدمت من عرفت شراع جايب عمامة و جَاي
دقايق بَس !!! و طَب عمي عمار وجهه كله شر
59
جدة طلعت بالساحة و العكازة بيدها خايفة من عمي عمار
ولد عمي عمار كلهم واكفين بالباب مال المضيف
بالبداية الكلام عادي و بعدين صار النقاش حاد بسبب
عمي عمار و عمي فاخر هو و عدنان هستوهم أجَو
9
عمار : جيتكم على العين و الرأس بس الظاهر انتو
ما تعرفون ابني ناهي عليها و هو ابن عمها
20
- الله يسلمك لا والله ما نعرف بس احنه نسلكم الطيب جابنه
زِناد : الله يسلمكم لا ما عدنا موضوع نهوة هو صار بساعة عصبية و تعرفون هو مكروه شرعاً و ما يجوز
88
- و النعم منك شيخ
رقية : يعلم على الصلاة و هو ما يصلي
رهينة : صمي هذا الحلگ الباذر
152
زِناد : الأمر كلها راجع للبنية و أن شاء الله إذا الكم نصيب يمنه ما نلگة احسن منكم
بقو يسولفون و الشيوخ الجايين ما طولوا الحديث من عرفوا
السالفة نهوة أترخصوا و رَاحوا و هُم المفروض يقرون الفاتحة
22
ام ورود من عرفت شراع جاي و عمامة گلبت ١٨٠ درجة على بيت عمار
و ما قبلت على تصرف عمي عمار
دمعة : جا انتِ مو من صباح الله تحظرين لابن عمار
ام عدنان : شراع خطبها قبل لا يخطبوها بيت عمار وهسة
جاب الدنيا كلها و اجه منو ما تريد تتكشخ بنسيبها
33
رؤى : ليش عمة شبي أخوية خالد
ام عدنان : والله ما بي يعمة هم خوش وليد هو كلشي قسمة و نصيب البنية ما تاخذ غير نصيبها
15
عمار : شنووووو متفقين عليه أنتووو اني مو من الصبح اجيت و كلت هذولة شجابهم اليوم
رهينة : محد متفق و لا تضل تصيح كلنه حالنا حالك ترى من اجو وابن خالتك ترى من زمان خاطبها
12
عمار : و ما ياخذها غير خالد
زِناد : جدة حباية مال وجع راس ، اليوم لا تنتظريني
عندي مشية
اخذ الحباية و عافهم و طلع عمي عمار من شافة راح هو هم راح
بس من هو هنا يسوون مشاكل ما ادري شيردون بالضبط
14
صعدت يم ورود و روز وياي اسحل بيها
جُمارة : طلع خوش ولد ضلمنا خطية
ورود : عمي عمار راح يخبلني
روز : ايع شكد اكرها الله يساعدج ورود إذا صار عمج
53
جُمارة : لااا الله لايگولها ورود ما تلوگ لغير شراع
ورود هستوة صارت عنده صحوة ضمير
جُمارة : تصل متأخراً خيراً من ان لا تصل
44
هن كل وحدة منهن صافنة بمكان عفتهن و نزلت للخلفي
طبيت ما بين الزرع اريد اشوف النهاية وين لكيتها على ساگية جبيرة
و سياج و زرع مثل زرعنا بس واكفين يم السياج اثنين مسلحين و من جهة اكو بيوت بعيدة و الجهة الثانية شارع عام تمشي السيارت عليه
سريع
19
طبيت بسرعة بس رجلي تكسرت لحد ما وصلت النهاية
الزرع كله صغار بعده بس المنظر يخبل حرامات غرفتنه شباكها مابي هيج منظر ..
15
ثاني يوم من وكت الصبح نزلت و الدنيا طالعة من عيني
الحباية لسه ما راحت و غسان كاشخ و كاعد منتظر ورود
تسويلة لفة كعدت يم جدة ضايجة و هي تباوعلي
رهينة : امس من العصر عفتي جدتج يومية يمي لنص الليل لو هاي لان دريتي زِناد ما يجي
27
جُمارة : جدة قنعي امي تخليني
أداوم والله راح اموت من القهر.
رهينة : صار أنا اليوم اخذها وياي لبيت عجيبة عدها قراية و بالطريق اسولف وياها ولو امج راس يابس
16
مديت ايدي مسحت دموعي
جُمارة : جدة والله تعبت يالله خلصت من السادس
تالي هيج يصير بيه
درت وجهي على الدرج امسح وجهي
من سمعت صوت زِناد طَب للصالة
15
ردت اكوم اروح للمطبخ صار گبالي وخرت حتى أفوت مد ايده
سَد الطريق ، نرفزني
جُمارة : لا ينزل إحد
زِناد : شبيچ تبچين
90
جُمارة : ما باچية هي عيوني مدري شبيها
نزل ايدة و رحت للمطبخ بقيت كاعدة على الكرسي كارهة الدنيا كلها
و هم بالصالة يضحكون ، هنيالهم شوكت أوصل مرحلة بحياتي ما يتحكم بيه احد
33
لو بابا موجود جان كل هذا ما صار اكيد
درت وجهي أحضر الاستكاين وي ورود لان خطية وحدها
فزيت من شفت چَف ايدة اخذ خاشوگة من استكان جنت مخلية بي خاشوگتين درت وجهي ادور ورود ما لگيتها
38
زِناد : امشي بدلي خل اخذج للكلية
جُمارة : لا شنو ما اريد روحي حتى امي تذبحني
- ما تذبحج شنو تايهتلها
26
جُمارة : لا بس هاي امي ما اكدر اكسر كلامها
و اني اخاف منها حيل
زِناد : قبل هم جانت هيج
- لا شوية اشوه يعني هي هم تضرب بس مو على كلشي تعصب كلش بس من مات أمير لا صارت تضرب يعني ع أشياء تافهه حتى و ضربها قاسي بس يعني اني عاذرتها
15
زِناد : تعبتني أمج
جُمارة : انتو كتلتوا ابنها وحيدها
16
زِناد : لا تصيرين غبية شنو نكتل ابنها شگالولج
كاتلين احد قبل
جُمارة : يجوز تطلعون مجرمين ما ندري اني شاكه بأمر فلوسكم
67
ضحك بصوت عالي و اني أبتسمت
زِناد : هسة مُجرمين و لا حرامية
تخوصرت و باوعت عليه و اني عاقدة حواجبي
جُمارة : ليش يمة شبايگين منك
167
بقى صافن عليه حسيت عيونة تريد تبلعني خِفت و نزلت ايدي
من خصري و عدلت حجابي حتى هو حَس على نفسة
زِناد : اخذي دوه مو تنسين
حچاها و راح يم جدة
71
طبت ورود بعصبية
ورود : هسة وكتك يا شيخ الوادم كتلها الجوع
جُمارة : و انتِ شكو تشردين من يطب هاااا
ورود : ما اشرد هو يأشرلي اطلعي
- عزه شكد صلف
...
233
"عالية "
74
بعدني ما حاچية أريد أنطق و زِناد طلع برة دفعني علي
على الچرباية اجه يريد يوخر البطانية يشوفني شضامة
لزمت البطانية بقوة وهو أنهار كلش عيونه تشع نار لساني
حتى نسى الأحرف شلون تنجمع و تصير كلمات
بس دموعي تجري
17
عالية : علي علي دخيلك بَس أسمعني
و لا سمعني بقى فاتح عيونة بصدمة من عَت ايدي و فتح الغطى
راح بسرعة سد الباب و اجاني شكلة ما يتفسر و اني اتمنى
الگاع تنشگ و تبلعني من الفشلة
77
علي : وين هدومج لچ
النَشغة ماخذتني وي البچي اجي و كلمة تنفهم و عشرة لا
16
علي : عااااااالية
حجاها و مد أيدة جر شعري قوي
30
عالية :بس بس أسمعني والله والله وداعت امي دشداشتي تنگعت و ماكدرت ابقى بيها هاي شوفها على الشباك والله جنت نايمة و قفلت الباب استحي منك
22
بقى يباوعلي و يباوع للدشداشة هَد شعري قوي
انرگعت بحديدة الچرباية
علي : مني تستحين و من غيري لا ، مو
116
بقيت ساكتة و الفلف بنفسي تمددت و تغطيت النوب بقى بالغرفة غير يطلع حتى البسها ماكو ، للصبح بقيت كاعدة و حتى هو كاعد
آخر شيء طلع دقايق و صعد و كام يسوي بالقفل مال الباب
كمله و جاب فراش و مخدة و شمرهن بالكاع و تمدد
علي : متنطمرين
18
عالية : عادي تطلع شوية بس ابدل
علي : لا ما اشتغل عندج اني يالله بدلي و انطمري
78
كعدت اريد افتح الشباك و أسحب الدشداشة عاط بية
علي : لازم هيج كاعدة كبال الشباك من نزعتيها
عالية : ها لا والله لا
كام و دفعني مد ايدة للشباك و شمر عليه الدشداشة
تلمستها من كد البرد و انجماد الجو متنگعة اكثر بس لبستها
لان ما بيدي حيله هو داير وجهه على الحايط
17
جانت مو دشداشة منگعة انتقام يعني بجو الشتاء البارد الواحد يلبس شي ثخين و منگع بقيت كل شوية مكلوبة لجهة و ما جاي أتخطى اللقطة لمن وخر البطانية عني
28
علي : شوكت تركددددين
عالية : الدشداشة بعدها منكعة و ما اكدر انام بيها
- طبججج مرض
126
غمضت عيوني بقوة و إتذكر الأيام الجآن يعترفلي بيها علي
و اني إصده لان گلبي مرتبط وي شخص ثاني و ما يقتنع بغيرة طلع هذا الشخص هو دمار حياتي و كل عمري ما راح اسامحة على الشيء الي سوا بية و لا راح أسامح نفسي على المذلة الوصلتها الها
48
هو نام و غُفة و اني بعدني الضوه ترس الغرفة لان ماكو بردات
و هو مخلي ايدة على عيونة تحركت من مكاني حتى اروح افتح الباب لكيته مقفول و المفتاح ماكو بقيت كاعدة على الجرباية
5
بلعت ريگي ناشف كمت أكح هو رفع راسي و دار وجهة
لزمتني الكحة قوية شمر المفتاح عليه و كام
علي : كومي خل ننطمر
31
وخرت من الجرباية وهو نام بمكاني طلعت من الغرفة البيت يخوف من الهدوء و سعف النخل بالحديقة يتحرك شربت مي و بقيت كاعدة بالصالة تذكرت كلامة و الأحلام الي جنت عايشتها ويا
تالي يطلع حرامي يأخذ الذهب و يعوفني شلون گلبة گدر ينطي
27
جنت أحبة اكثر من روحي من هذاك اليوم الي رحت بي وي امي للسوك و بقى يمشي وراي و تنعاد الحالة بكل مره نروح بيها
كامت تجي ايام اخلي امي تأخذني للسوك بس علمودة
و علمود اشوفة لحد ما كام يخلي أوراق بعلاليك المسواك و يشرحلي هو شكد يحبني
30
ويكتب رقمة بنهاية الرسالة بس ما جنت اكدر اتجرأ اخابرة
لحد ما كمت اروح و هو ماكو اكثر من مرة و ما اله اي اثر
تجرأت و خابرته من رقم امي و من هذاك اليوم ما كدرت أعيش بدونة بعد جنت كل ما افتح موضوع الخطوبة يكول خلي اكمل أموري
34
و بقيت انتظر و انتظر و من شفت الموضوع صعب و حتى لو اجه يخطب ينطرد و مايحصل شي قررت اشرد ويا و بعدين امي تسامحني و تلين گلب شريك عليه لان ما جنت اهتمّ لعمامي و لا ولدهم
و اخذت ذهبي و ذهب امي كلت حتى اساعدة
تالي أخذهن و شرد
52
فززني صوته
علي : ها لازم تذكرتي
عالية : ها لا بس مشتاقة لامي
- سويلنه سم
هزيت راسي و كمت اسوي اكل و طلع كال هسة اجي جسمي مفصخ
لكيت البردة بعدها رطبة بس علكتها و فتحت البنكة رتبت الغرفة و سديت الباب صوبة ماكو فتحت الطباخ و وكفت اتدفة يمه
سويت الغدة ما دامني واكفة حتى اخلص لان رجلي
آلمها يزيد مينقص
27
كعدت بالهول بالكاع و مددت رجلي الوجع يذبح و كارهة نفسي
عيوني تبجي اكثر من ما تشوف نمت و اني بمكاني فزيت على صوته وهو يكعدني كعدت بسرعة عدلت روحي و رگبتي رايحة صرخت من ألم رجلي لان وكفت سريع و نسيته
12
كعدت على القنفة بسرعة باوعلي و مِشه خطوتين و دار وجهه
علي : شبيها رجلج
عالية : آمجد دفرني عليها و كل شوية وجعها يصير اكثر
35
- شو بالله اشوف
رفعت الدشداشة مكانها صاير ازرگ و بي حمار قليل
باوعلي بطرف عينه و هز راسة ، راح للمطبخ يشوف شمسوية
علي : صعدي فوك بدلي جبتلج هدوم
52
عبالك كال جبتلج الماس مو هدوم مشيت اعرج اول درجتين و ما كدرت اكمل بقيت كاعدة و ايدي على گصتي مهضومة حسيتة عبر من يمي خله بحضني دشداشة اخذتها و رحت للحمام قبل لا أفوت ،
علي : دشداشتج من تغسليها شريها بالغرفة مو بالكراج
50
طبيت اسبح و انصدمت من فتحت الدشداشة و لكيت بنصها باقي الملابس لطمت على خدي و عضيت إصبعي بدلت و طلعت هو كاعد بالهول يخابر مبينه امه من طلعت هو طلع بالحديقة يحاچيها
صبيتله الاكل و خليته على القنفة درت وجهي حتى اصعد
علي : يالله اكلي و صعدي
87
لان ادري النقاش ضايع كعدت أكلت شوية بس بقيت كاعدة لان رجلي
كل دقيقة تزيد اكثر وجع شال الصينية وداها للمطبخ و رجع كعد بمكانة
علي : شو رجلج بالله
رجعت رفعت الدشداشة حتى يشوفها ، ضرب مكان الصينية
- خليها هنا
30
بلعت ريگي و رجعت ليوره رفعت رجلي اليسره يالله اكدر ارفع اليمنه
احس بروحي صخنت و اجر النفس سريع رفع الدشداشة هواي
و اني انزل بيها خزرني ، هديتها
46
ضغط على مكان توجعت شوية و ضغط
على الثاني صرخت و نزلت رجلي شاغت روحي من الوجع
عضيت إصبعي و مسحت دموعي
علي : نامي هنا هسة عود العصر اشوف
31
تمددت وهو كاعد على الكرويته الثانية يلعب بالتليفون
نمت لان ماكو غير ملجأ اروحله و يخلصني من الواقع فزيت العصر هو ماكو و اني فوگاي غطه
21
انفتح باب الحمام و طلع هو ينشف بشعره
- عباتج وين يالله خل يشوفون رجلج اني بعد ابتليت ابتليت
- بالكنتور الفوك
55
شوية راح جابها و اجه لبستها بس اني ما عندي شال
علي : عود هاي هيج تطلعين
- ما عندي شال منين اجيب
16
عاط بوجهي رجعت ليورة
- كعدي يالله كعدي ، ادبسززز مستهترة
عافني و طلع بقيت صافنة هذا شبي ضليت كاعدة انتظ شوية و طب هو و كال رجعي لبسي عباتج لبستها و صاح
- تفضل عمي تفضل
69
طب رجال جبير بيدة جنطة كعدت و مددت رجلي
و هو رفع العباية والدشداشة و الرجال كل شوية يكله عمو ارفع بعد
هي مثل بنتي من ضغط عليها صرخت دار وجهه عليه عاض اصبعة
- هذا فصخ بابا لازم تاخذ علاج يخف الورم و متمشي ابد
إذا صارت زينه الحمدلله و إذا الفصخ قوي لازم نجبره
بس اول ما يخف الورم خلي تبدي تمسد المنطقة
37
كتبله العلاج وطلع ويا شوية و اجه جايبة ويا خلى بصفي
بالليل اجة زِناد و علي ما موجود اني من اشوف زِناد اتمنى اختفي من الوجود لان يخزرني كل خزرة تشلعني من الكاع صعدت كوه بنهاية الدرج نسيت اني ما صعدت دشداشتي
رجعت نزلت سمعته يخابر كاعد بالهول
15
زِناد : و علي و حگ أبن البدوية ايدها اكسرها إذا تمدها عليها بعد اني حذرتها و إذا سوتها بعنادي تغريددد وحق علي أفنيها من الوجود
56
بابا أكلج تضربهاااااااا بعناااااادي تغررريد تريدددد
گلبي تحرررررگة
46
أنااا لو أكدر أجيبها يمي تغريد تكدر تلمحها بعد والله لأخليها حسرة عليها تلمحها
18
اي أني أولى بيها من أمها كافي سدي الموضوع
56
بقيت واكفة يم الدرج أتصنت و أباوعله و اضم راسي شمر التليفون
و فتح المحفظة بَاس شيء موجود بيها و بقى فاتحها
- جُمارة يا جُمارة
331
سويت صوت على الدرجة و رحت للحمام اخذ الدشداشة حتى ما يكول جانت تتصنت اخذتها وًصعدت منزلة راسي طفيت البنكة الغرفة انجمااااد صايرة لكيت علاليگ بالكاع فتحتهن بعد جايبلي هدوم
رتبتهن بالكنتور و طلعت العلاليگ اذبهن صعد عَلي جايب ويا بطانية ثانية شمرها على الفراش و نام على الچرباية
7
تمددت بالكاع و تقيدت وين ما انام ألكه فوگاي عكس من اني على الجرباية ما يشوفني إلا يكعد هستوني اريد اغمض عيوني احس انجريت من شعري و هو كاعد على الچرباية و لازم شعري شهگت
علي : شلون ما جاسج بهذيج الليلة شنو مضحك احنه عندج ؟
206
لزمت شعري لان أحسه راح يوكع كله بأيده
عالية : والله والله ما جاسني و روح أبوي
أخذني للدكتورة إذا تريد
15
علي : ميحتاج ،
حجاها و شُمر نفسة بصفي ايدة صارت تحتل أماكن بجسمي
و أني مدري شصار بية انهاريت لان هذاك هم راد يتقربلي
بس ضربتة قوي بخوف ضربني و اخذ جنطة الذهب و راح
90
دفعته قوي اقاومة ما كدرت احس روحي أختنگت من ثُگلة دموعي تجري و اشهك بصوت عالي صرخت بصوت عالي
عالية : لتصيرررر مثله لتصيررررر
...
381
" ورود "
27
صارت حياتي مثل المتاهة ما ادري لأي اتجاه أفوت و ما ادري يا طريق
يوديني للباب الصحيح بعد ما عمي عمار رفضهم شراع بعد ما اجة لبيتنه يومين اهلي كلهم يردون شراع بس أبوية يستحي من عمي عمار
13
أني خايفة من شيء واحد اتجاه خالد أتزوجة و اني كل مشاعري صارفتها لشراع و تالي أعيش حياة جامدة ما بيها غير المسؤولية
و الجهال و ماكو شيء ثاني.
15
اني فوك و اجتني زهرة تركض
زهرة : تعاي ولج الشوكة الشيخ يريدج
ورود : شوكة بعينج
46
حجيتها و اني اعدل حجابي نزلت اركض ما لكيته بالهول يعني بالمضيف لكيته هو و ابوي و عدنان كاعدين طبيت و أنا كلبي من الخوف يريد يطلع شعدهم ملتمين سوة
4
ورود : رايدني شيخ
زِناد : اي كعدي يم ابوج
13
كعدت و اباوعلهم و انزل راسي
زِناد : ورود أنا ما أغصبلي بِت و تدرين و خالد اقرب اليه من شراع بس انتِ اقرب من خالد فـ أنا عندي راحتج
اهم شي
19
- مشكور شيخ والله اني ما أشوفك غير واحد من اخواني
زِناد : و هاي الحقيقة ، باعي ورود لا تهمج المشاكل و لا عمي عمار و لا اي بشر اني موجود و ابوج كاعد انتِ شوفي منو الأنسب الج ترحين لجدة دكليلها حتى ارد خبر للوادم
منا لباجر
27
ورود : أنا التشوفوه انتو مناسب اختاروه
ما اطلع من شور ابوي
زِناد : و ابوج يريد راحتج و الباقي مو مهم
16
طلعت من المضيف و أنا النتيجة بگلبي محسومة بس عقلي
باقي يذبلي سم يشوش افكاري ثاني يوم الصبح صاحتني جدة
قبل لا ينزلون كالت شصفيتي
ورود : جدة ، شِراع
232
و المغرب طبت علينه فِتنة و بناتها بس من عيونها جاية غصب
بقيت حايرة معقولة كل هاي السنين ما لان شوية گلبها
و شِراع هو و عمامة بالمضيف لبست الفستان الجابته الي أمي
الأبيض و خليت شال ابيض على راسي
دخلوهم للاستقبال و فتحوا الباب شوية كعدت على الكرسي و السيد
يقرأ إلى أن وصلت للموافقة و أني أكول نَعم أتخيل شكل عمي عمار
هسة يفوت علينه
22
بـ كل نعم تنگال صوت الهلاهل يعلى و أكثر وحدة فرحانة هي جُمارة
هن يهلهلن و هي تصفگ بكل حماس
91
من خلص العقد و صارت مُباركات أجتي باستني عمة فتنة و خلت بيدي فلوس هي شوية بيها مجال بس أخواته ابد من يردون يرحون راحت جدة رهينة صاحتله و اني كاعدة انصدمت من طَب و هو هم مستحي
42
رهينة : شني تريد تطلع و ما تلبس حفيدتي الحلقة ولك أنا رجلي بذاك الزمن و اجاني بالختله نزعني الحلقة و رجع لبسها الي لان ما خلوه يفوت يلبسنياها
130
راحت امي للغرفة جابت الحلقة مالته و هو يخزر بخواته
لزم أيدي يلبسني الحلقة وأنا كل شوية اريد اسحب ايدي وهو بعدة ممخلي الحلقة عدل و يعت ايدي يثبتها
22
اني لبسته الحلقة بسرعة حتى ما لزمت ايده نزل راسة يشاورني
شراع : هاي أيدج و ما ترضين چـا الباقي شلون
...
816
" جُمارة
9
ضربت خدها و عضت إصبعها
ورود : ولج عيب شون دكولين عليه هيج
جُمارة : عادي كبر لفج نزيت عبالي هو وراي
دمعة : اليوم ماكو گيمر عرب
23
جُمارة : لا من تشتهين كليلي لان يجيبون حسب طلباتي
دمعة : لو اريد رجلي يركض يجيبلي بس مال البلوشي
حلو
45
ورود راحت و دمعة تقربت يمي
دمعة : لج اني ترى رايدة رجل حياة مو رجلج
ما اريد اخليج براسي
جُمارة : و وتستحين تأخذين واحد من مرته بس اكيد
لا انتِ مسويتها اصلاً
57
دمعة : لا ، و ديري بالج يجوز بنص الطريق يعجبني الشيخ
جُمارة : ما يگلبچ حبيبتي جربي و أرجعيلي
71
دمعة : جا انتِ شكو تأخذين واحد من مرته
جُمارة : كل عقلج ؟ آخر اهتماماتي الزواج ايع
23
عفتها و طلعت العصر امي راحت وي جدة و ام عدنان و كلهن المتزوجات راحن للقراية مال عجيبة ام امجد
روز : يا ستار بعدة ما بده محرم
ورود : لا ولج هاي نذر هي مسويته كل سنة
15
طلعت للساحة فارغة حتى المضيف فارغ رحت لباب الشارع
مديت راسي بعدني ما مباوعة زين و إسمعة
- تعاي تعاي
...
1.7K
ضُم روحك يخَايب مِني ، مو من نَاس
يجي يوم الصبر يتبخر من الراس
158
- رُسل فَهد
64
