رواية الوصية الثلاثية الفصل الثالث عشر 13 بقلم سهيلة محمد
اول حاجة حابة اعتذر جدا عن التاخير والله غصب عني فعلا وحاولت اعوضكم ببارت طويل على قد ما اقدر، وبصراحة يعني تفاعل البارت الي فات مكانش افضل شئ بالنسبة لبقيت الفصول، والفصل ده طلع عيني فيه وانا بكتبه على كل موبايل شوية فأتمنى بجد اني الاقي عليه تفاعل وطبعا تقولولي رايكم لأن كل ما اجي اكتبه حد يطلب التلفون ويفصلني من المود خالص فمش عارفة طلع مظبوط معايا ولالا، حابة اقولكم أن من هنا الأحداث هتبدأ تهدى شوية كام بارت كدة وبعدين نرجع نسخن الأحداث من تاني وهستنى رايكم وكومنتاتكم القمر دي لأن بجد حاسة أن البارت ده بايظ
7
___________________________
+
كانت اسراء تجلس في حديقة هذا المنزل الكبير نعم فهي 'بوق' وقد أتت معهم إلى هنا، نظرت نحو أروى ومنة ويسرا اللاتي أتوا نحوها بابتسامة هادئة لتقول منة وهي تضع الفطور أمامها "يلا يا ستي نفطر قبل ما ننزل نروح الشركة لآسر علشان يفهمك هتعملي ايه"
6
نظرت لهم اسراء باحراج وهي تقول "والله مكسوفة من كرمكم ده بعد الموقف النص كوم الي عملته معاكم في الحجز" نظرت لها أروى بغضب وهي تقول "شوفي أنا مش طيقاكي من ساعتها بس يلا مش مهم موقف وعدى على خير"
3
ابتسمت لهم اسراء ثم بدأوا في تناول الفطور لتنظر يسرا نحو فيفي وهي تقول بملل "يا ماما بتعملي ايه بس تعالي افطري"
4
"افطر قبل ما افَطر رشيدة وبكار؟ ده انا حتى ميجليش نفس لازم نرم عضمهم علشان العيد الكبير يكون فيهم لحمة" أنهت فيفي حديثها لتبتسم اسراء بلطف لتلك السيدة ثم قالت بهدوء "طب أنا جاهزة فلو خلصتوا يلا نروح المشوار الي انتم هتودوني فيه"
3
"كلتي ده ايه بس حبيبتي انتي مكلتيش خالص" قالتها يسرا بغضب لتقول اسراء باحراج "تسلمي يا هانم والله شبعت الحمدلله"
1
وقفت منة في منتصف الحديقة ثم وضعت اصبعها داخل فمها وهي تصدر صفير من فمها ليخرج كلا من ياسر وجاسر للشرفة ليجدان منة تصيح بصوت عالي "يلا احنا جاهزين نروح الشركة"
1
اومأ لها جاسر ثم دخل للغرفة بينما ياسر نظر نحو معطف أروى بخبث ثم دخل للغرفة وهو ينوي على شئ ما
16
_______________________________
+
رحلت يسرا لداخل المنزل وهي تقوم بسند فيفي معها وهبط جاسر للاسفل وهو يبتسم بهدوء ويقول "صباح الخير، يلا جاهزين" اومأت منة بحماس وهي تقول "هشغل اغاني في العربية على زوقي ومتعترضش"
4
ابتسم جاسر وهو يقول "ياستي براحتك مش هعترض، بس بلاش مهرجانات وتلوث سمعي بالله" ابتسمت منة بهدوء وهي تقول "متخافش هشغل عمرو دياب"
2
"اهو كدة انتي اذنك موسيقية فعلا إذا كان كدة ماشي" قالها جاسر وهو يبتسم لها لتقول منة بدون شعور "والله انت جواك إنسان تاني خالص غير الي بيقعد يزعق طول الوقت ده"
1
"ايوة والله حصل بس الي يفهم بقى بيشوف الشخصية دي وانتي بتفهمي"
3
ابتسمت بخجل من حديثه ثم قاطعهما خروج ياسر وهو يقول بحماس "يلا يا شباب انا جاهز" تشنجت ملامح أروى وهي تنظر لمعطفها البنفسجي ثم نظرت لمعطفه الذي اتضح لها أنه نفس اللون والقماشة أيضًا
8
لتقترب منه بشك وهي تقول "انت لابس زيي ليه؟؟" أخفى ياسر ابتسامته وهو يقول بخبث "وانا هلبس زيك ليه يعني، انتي الي لابسة زيي بتلمحي ولا ايه"
2
"بلمح لايه؟ انت الي لابس زيي على فكرة وانت واقف في البلكونه مكنتش لابس كدة انت بتقلدني" قالتها بتذمر لينظر لها ياسر بعدم تصديق أهذا هو ما وصل لذهنها أنه يقوم بتقليدها؟؟
12
ابتسم ياسر وهو يقول "وليه متكونيش انتي الي بتقلديني ولابسة سويت شيرت زي بتاعي" وضعت يدها في خصرها وهي تقول بسخرية "وانا هعرف انت لابس ايه منين إن شاء الله ساحرة؟"
3
"وانا هعرف انتي لابسة ايه منين إن شاء الله ساحر" قالها ياسر وهو يضع يده في خصره في نفس وضعيتها لتعتدل اروى في وقفتها بتوتر ثم وضعت قبعة المعطف فوق شعرها ويدها في جيبها وهي تقول وترفع إحدى حاجبيها "تمام هنعتبر أن دي صدفه"
1
وضع ياسر قبعة المعطف فوق رأسه ثم وضع يده في جيبه وابتسم وهو يقترب منها لتبتعد للخلف وهي تقول بتحذير "اقف مكانك يا جدع انت"
5
ولكنها صدمت عندما غمز لها بعينيه وهو يقول مبتسمًا "صدفة زي القمر"
23
رمشت بعينيها عدة مرات وهي تبتلع ريقها بتوتر تشعر بضربات قلبها تزداد من فرط التوتر بينما هو يبتسم باستمتاع ولكن اغمض عينه بغضب عندما استمع لهذا الصوت "ما تيلا يا معلم ياسر على المصلحة الله يباركلك الواحد رجله نملت من الوقفه"
8
"منك لله يا اوس اوس على قطع اللحظة دي والله" قالها ياسر بغضب ثم نظر لها بينما اروى ابتعدت للخلف وهي تركض نحو شقيقتها ليقول ياسر بغضب "يلا ياختي على العربية نتنيل نروح الشركة"
1
ذهب الجميع للسيارة ليصعد ياسر في الامام بينما الثلاث فتيات في الخلف وجاسر يتولى أمر القيادة وصل الخمسة إلى الشركة ووقفت منة في منتصف الشركة وهي تقول "عمو بنداري عايزني، تعالى معايا يا جاسر"
3
اومأ لها جاسر وهو يذهب معها لتنظر أروى نحو اسراء وهي تقول "اوس اوس روحي مع كارما هتوصلك لمكتب آسر وشوفي هيقولك ايه وانا هروح اقابل صحبتي برة وهبقى اجيلكم"
1
اومأ اسراء وهي تذهب مع تلك الفتاة وكادت أروى أن ترحل ولكن وجدت ياسر يسير خلفها لتلتفت له وهي تقول بتعجب "رايح فين؟"
1
"جاي معاكي علشان معرفش حاجة في ام المخروبة دي ومش هقف لوحدي" قالها ياسر بتذمر لتبتسم أروى بعدم تصديق وهي ترحل ليسير ياسر خلفها وهو يبتسم بسعادة لأول مرة يشعر بها بتلك الطريقة
2
______________________________
+
بينما آسر كان يجلس في مكتبه وأمامه تلك العميلة الرقيقة ترتدي ملابس تبدو بالنسبة لها عادية تليق بمكانتها الاجتماعية تنظر لآسر وهي تقول برقة "تمام مستر آسر كدة اقدر اقول مبروك علينا الصفقة، طب حضرتك كنت معطلها من الاول ليه بس؟"
9
حرك آسر جسده للامام وهو يضع يده أسفل خده ويبتسم ببلاهه وهو يقول "كنت نايم، ومش قادر اصحى اقابل العميل بتاعك، بس اول ما عرفت انك بنفسك الي هتيجي تمضي معانا العقد سبحان من فوقني وخلاني اجي جري"
7
أطلقت ضحكه عالية وهي تقول "انت شانتيه خالص يا مستر آسر" ابتسم آسر ببلاهه وهو يقول "لو عايزاني ابقى كريم شانتيه كمان علشان خاطرك يحصل لأجل عيونك يا قمر"
13
"لا هو أنا الي محتجاه اني ادخل الحمام دقيقة قبل ما اروح" قالتها بهدوء واحراج ليبتسم آسر بإحراج وهو يقول "طبعا الحمام حمامك اتفضلي"
4
وقفت ثم دخلت للمرحاض ليلقي آسر القلم بملل وهو يقول "حمامات الشركة كتير حبكت حمام مكتبي يعني"
1
قاطع تفكيره دخول اسراء وهي تقول بملل "اهلا" تافف آسر بملل وهو يقول "اهلا اتفضلي، اقفلي الباب يا عسل"
1
نظرت له اسراء بتشنج وهي تقول "نعم؟ أنا وانت في المكتب لوحدينا وعايزني اقفل الباب متعرفش أن دي خلوة غير شرعية ولا ايه؟"
6
نظر لها آسر باحراج وهو يهمس بداخله "حرامية مؤمنة" جلست اسراء أمامه وهي تقول بحماس "أنا عيزاك تعرفني مداخل ومخارج المُكنه الي فيها الورق الي عايزين تسلكوه"
4
نظر لها آسر بقرف من كلماتها البذيئه ليتنهد بملل وهو يقول "بصي يا ستي الورق موجود في الخزنة الي في اوضة مكتب نبيل، والي هي اساسا في بيته والحراسة بتبقى واقفة في ال...."
+
قاطع آسر سماعه لصوت رقيق ينادي عليه "آسر" نظرت له اسراء بصدمة ليقول آسر بتوتر "سمعتي حاجة؟؟"
+
"يا آسر" تكرر هذا الصوت الرقيق لتفتح اسراء عينيها بصدمة ليبتلع آسر ريقه باحراج وهو يقول "المرة دي سمعتي بقى اكيد متستعبطيش"
+
خرجت تلك الفتاة والتي تدعي قمر من المرحاض وهي تقول برقة وغنج "مفيش شاور جل عندك جوا ليه؟"
23
"شاور جل؟؟" قالتها اسراء بصدمة ليقول آسر بتوتر "معلش يا آنسة قمر المرة دي كنا عاملين حسابنا على كلور خام، يلزم اي خدمات؟"
1
ضحكت قمر بشدة ثم سحبت حقيبتها وهي تقول برقة "لا ميرسي، يلا اشوفك يوم تاني باي يا مستر آسر"
1
"مستر؟ وفي المكتب لوحديكم استغفر الله" قالتها اسراء وهي تنظر له بقرف ليقول آسر بتوتر "لالا انتي فهمتي ايه؟ ده حتى بتقولي مستر واضح يعني كنت بديها درس هندسة"
3
ابتسمت اسراء على حديثه الساذج لتقول بملل "كمل يا مستر واديني أنا درس السطو المسلح على بيت نبيل يلا" ابتسم آسر على حديثها وكاد أن يغلق الباب بحركة لا ارادية ولكن أوقفه صوت اسراء التي قالت بغضب "يا جدع ما تسيب ام الباب مفتوح ايه انت عليك طار"
3
تافف آسر وهو يترك الباب كما هو ثم عاد للجلوس بجانبها وهو يقول "بصي، الفيلا بتاعة نبيل فيها حراسة بتبقى واقفة عند الباب الخلفي والأمامي، احنا هنحاول نغفل الي في الباب الخلفي"
+
أوقفته اسراء وهي تقول بسخرية "وليه نتعب نفسينا لما ممكن ننط من فوق السور؟"
+
"ننط من فوق السور؟ هتعرفي تعملي كدة" سألها بتعجب لتبتسم بسخرية وهي تقول "اومال كنت بزوغ من المدرسة ازاي يعني؟"
2
اعتدل آسر في جلسته وهو يقول بتعجب "ليه اصلا كل ده؟ ايه الي يجبر بنوته زيك تشتغل حرامية، وبعدين بتقوليلي حرام اقفل الباب واحنا لوحدينا وفي نفس الوقت تروحي تسرقي حاجة مش بتاعتك؟"
+
أغمضت عينيها بسرعة تحاول كتم دموعها التي تكره أن تهبط أمام أحد ولكن لم تستطع لذلك قالت بضعف وحزن "أنا مش حرامية يا بشمهندس، أنا واحدة مجبورة على كل حاجة بتعملها، ولما برفض مش باخد غير قلة القيمة والذل، وبعدين حاجة متخصكش علشان تسالني فيها انت ليك الورق يرجعلك وانا اخد فلوسي وكل حي يروح لحاله"
9
اومأ آسر بهدوء وهو يقول "تمام بس خلي بالك مفيش بني آدم بيتجبر على حاجة هو مش عايزها"
1
"متهيالك، لما تتجبر على السرقة يا اما تترمي في الشارع أو تتجوز غصب من حد هيطلع عينك العمر كله، يبقى ساعتها بنتجبر على حاجات مش عايزينها"
+
أنهت اسراء حديثها وهي تنظر للأرض لينظر لها آسر بفضول وهو يقول "حكايتك غريبة يا اسراء" نظرت له بصدمة وتشنج وهي تقول "انت ابويا؟"
+
"لا"
+
"اخويا؟؟" سألته بغضب ليقول بتعجب من ملامحها الغاضبة "لا"
+
"ابن جوز امي؟؟" قالتها بحدة وهي تخبط كفيها على المكتب ليقول آسر بغضب "ايدك والمكتب يا ماما، في ايه؟"
+
"اسمعك مرة كمان بتقول اسراء دي وهتزعل" أنهت حديثها بتحذير واضح لينظر لها آسر باستخفاف وهو يقول "طيب من جمال اسمك اوي يعني يابت، نرجع لموضوعنا"
14
__________________________
+
نظر لهما بنداري بغضب وهو يقول "يا جاسر يابني انت الي هتقنع آسر يحضر اجتماع الشركة ده، الموظفين بيستهبلوا في الشغل من بعد موت رحيم ده غير أن آسر بيعاند وبدال الفلوس مش هتبقى في أيده غير لما ينفذ الوصية يبقى كمان الشركة مش في أيده وكدة هنضيع"
1
"وانا اقنعه ازاي يا عم بنداري؟" قالها جاسر بتعجب ليتافف بنداري وهو يقول "انتم التلاتة تحضروا الاجتماع ده، اه آسر هو الي عارف الشغل ماشي ازاي بس انتم كمان تتعلموا دي فلوسكم يابني وانا لو جرالي حاجة وحصلت ابوكم لازم تكونوا عارفين ازاي تحافظوا عليها"
+
"بعد عمر طويل يا عمو بنداري متقولش كدة، هرسم مين أنا وهو قاعد على المكتب متعصب من آسر؟" قالتها منة بمزاح ليبتسم بنداري لها بحنان وهو يقول "العمر مبقاش فيه باقية، وانتم ولادي وانا هنا مكان رحيم، وحقي اني اطمن عليكم لو جرالي حاجة"
4
ابتسم جاسر بهدوء وهو يقول "خلاص يا عم بنداري أنا هجيب ياسر من تحت ونقنع آسر والي فيه الخير يقدمه ربنا"
3
قاطعهم طرق أحد على الباب ليسمح له بنداري بالدخول ليدخل دسوقي وهو يقول بغضب "مستر بنداري الزفت الي اسمه نبيل تحت شوفته وهو بيركن عربيته وشكله طالع على هنا"
4
"ده ايه الاصتباحة الزفت دي وايه الي جابه هنا؟" قالتها منة بغضب ليبتسم جاسر بسخرية وهو يقول "ورقك انتي واختك معاه، طبيعي هييجي علشان يثبتلنا أنه حط أيده على الشركة"
1
خلع بنداري نظارته ثم قام بدعك عينيه بتعب وهو يقول "أنا تعبت والله العظيم من الي بيحصل ده، هتحصل زفت خناقة دلوقتي زي كل مرة قوموا نشوف الهم الي هيحصل"
+
وقف جاسر سريعًا وهو يقول "أنا رايح لآسر علشان ده همجي اكتر من ياسر وهيقلبها خناقة" رحل الجميع خلف جاسر بينما منة وقفت لا تستطيع أن ترى نبيل مرة أخرى بعد الذي فعله بها ولكنها تنهدت بقوة وهي تقول بلا شعور "عادي جاسر معايا مش هيقدر يكلمني ولا يعملي حاجة"
25
أنهت حديثها الذي خرج منها بدون وعي وهي تركض خلفهم للخارج
+
_____________________________
+
"بأمانة ايه رايكم في الشغل هنا" قالتها أروى وهي تتحدث مع صديقاتها لتقول احداهن "بجد يا أروى انتي انقذتينا بالشغل في الشركة معاكم هنا بجد شكرًا"
+
ابتسمت أروى وهي تقول بلطف "شكر ايه ده بس انتم اخواتي متقولوش كدة" نظرت نيرة نحو أروى بغضب وهي تقول بسخرية "بس متنسيش يا أروى أن لولا تقديرنا وقدراتنا مكناش اتثبتنا هنا في الشركة"
8
نظرت لها أروى بتافف وهي تقول "اكيد يا نيرة أنا ساعدتكم على أول خطوة والباقي عليكم انتم" نظرت صديقتها الثانية والتي تدعى دنيا نحو نيرة بغضب ثم نظرت لاروى مرة أخرى وهي تقول "بس فكك انتي من كل ده، انتي عاملة ماتشينج في اللبس مع اخو آسر؟ اشمعنى يعني؟"
2
نظرت لها أروى بتوتر وهي تقول "لا أبدًا، دي دي صدفة مش اكتر" نظرت صديقتها الثالثة والتي تدعى هبة لها وهي تقول بسخرية "صدفة؟ ده من ساعة ما قعدنا وعينه متشالتش من عليكي"
4
نظرت لها أروى بتعجب ثم نظرت للخلف نحو ياسر لتجده بالفعل ينظر نحوها وظنت أنه عندما يراها قد التفتت سينظر الناحية الأخرى باحراج، ولكن ليس ياسر بل ظل ينظر لها وعندما اصتدمت اعينهما ابتسم بهدوء وهو يلوح بكفه لها لتبتسم أروى بعدم تصديق لتصرفاته تلك ثم عادت مرة أخرى تنظر لصديقاتها وهي تقول "معرفش هو بيعاملني بطريقة غريبة شوية رغم أنه في الاول مكانش بيطيقني وعلى طول بنتخانق"
10
نظرت نيرة نحو ياسر وهي ترفع إحدى حاجبيها ثم نظرت نحو أروى مرة أخرى وهي تقول بخبث "طب خلي بالك بقى"
1
"اخلي بالي من ايه؟" قالتها أروى بتعجب لتقترب نيرة منها وهي تقول بمكر "أروى حبيبتي انتي صحبتي من ايام ثانوي وعشرة عمر، فواجب عليا اقولك خلي بالك من تصرفاته لانه اكيد بيتسلى بيكي"
32
"تصرفات ايه ويتسلى بيا ايه؟ حد قالك أن احنا فيه بينا حاجة ما تعقلي كلامك يا نيرة؟" قالتها أروى بغضب لتقول نيرة بحزن مصتنع "أروى واجب الاخت على اختها النصح والتحذير والصراحة وأننا منتكسفش من بعض، واحد روش زيه وباين عليه أنه مش سهل خالص وحويط، حتى نظراته مربكة تحسسك أنه فاهم كل واحد حواليه، فيا حبيبتي الشباب الي زي دول بيبقوا عايزين واحدة من المريخ، يعني جمال وعود وشياكة ورقة، فأكيد لحد ما يلاقي الواحدة دي هيتسلى بكل البنات الي حواليه، علشان كدة بقولك متدلوش فرصة يتسلى بيكي أنا خايفة عليكي"
11
كلماتها أحتلت عقل أروى ولكن لم يهمها غير سخريتها منها للمرة التي لا تعلم عددها لذلك قالت بغضب "بصي يا نيرة بما اننا صحاب وواجب علينا ننصح بعض فأنا هسمع نصيحتك وهنصحك نصيحة تانية، أنا أروى يونس السويسي الي من واحنا في ثانوي محدش يقدر يرميلها كلمة أو نظرة متعجبهاش، أروى الي مديتش لتفكير المراهقين أهمية وانتبهت لدراستها، ولما الحظ محلفهاش في المجموع أنها تخش جامعة عالية مسكتش وعافرت وسافرت خدت شهادتي من امريكا، أنا أروى الي معتمدتش على فلوس ابوها وجوز مامتها وقررت تكافح بمجهودها، مجهودي وقوتي الي كانت بتخلي الكل يتمنوا مني كلمة، لما واحد يبص لجمالك يا نيرة تأكدي فعلا أن انتي مجرد تسلية بالنسباله"
19
نظرت دنيا نحو نيرة بغضب وهي تقول"نيرة اقفلي الموضوع واسكتي شوية" نظرت نيرة نحو أروى بغضب وهي تقول "وأنتي قصدك ايه بحوار الدراسة ده بقى يا أروى؟ معلش يا حبيبتي اصل احنا مكانش معانا نص الفلوس الي معاكي الي تخلينا نسافر امريكا نقعد ندرس فيها اربع سنين"
1
ابتسمت أروى بسخرية وهي تغمز لها وتقول "تؤ، الحوار مش حوار فلوس، حوار اجتهاد وارادة، أنا لو مكانش معايا الفلوس مكنتش هيأس وهعمل ماجيستير ودكتوراه كمان، وبعدين يا نيرة انتي زعلتي؟؟"
5
تاففت نيرة بغضب وهي تقول "زعلت ايه انتي جاية تذلينا بفلوسك ولا ايه أنا مش فاهمة؟" ضحكت أروى بصوت عالي قليلًا جعلت ياسر ينتبه نحوها ويقترب قليلًا منها ليعلم سبب ضحكاتها ولكنه صدم عندما استمع لها وهي تقول "ومين جاب سيرة الفلوس بس يا نيرة؟ حبيبتي انتي بتربطي حاجة بحاجة تانية علشان تطلعيني غلطانة، طب بدال عايزة تطلعي انتي الصح اتكلمتي ليه من الاول؟ بصي اصل المثل يقولك متبقاش مهزق وتزعل لما تتهزق"
56
"وده مثل مين أن شاء الله؟" قالتها نيرة بسخرية لتقول أروى بسعادة أنها تغلبت عليها في تلك المشاجرة الكلامية "ياسر الخواجة"
7
"وياسر الخواجة فخور بتربيته والله" فزعت أروى من هذا الصوت لتنظر خلفها بسرعة لتجده يقف خلفها وهو يبتسم بفخر قائلًا "عيشت وشوفت أمثالي بتتقال في الخناقات، فكريني اديكي قاموس امثال ياسر الخواجة لما نروح"
18
ابتسمت أروى باحراج ثم انتبهت لرحيل صديقاتها لتقف وهي تقول بسعادة "امثالك دي بيرفكت بجد، اخيرا قدرت أحرج الي ما تتسمى دي و... نبيل؟" تلاشت ابتسامة ياسر عندما نطقت هذا الاسم لينظر خلفه ليجد نبيل يدخل بسيارته إلى الشركة ثم أوقفها جانبًا وخرج هو منها بكل برود وهو يمسك معطف بذلته يضعها خلف ظهره ويرتدي قميص اسود وسروال من نفس اللون ويضع عقب السيجارة في فمه ثم قام بإغلاق سيارته وارتداء نظارته الشمسية ثم لاحظ وجود ياسر لذلك انزل نظارته قليلاً لتظهر عينيه ليغمز باحداهما نحو ياسر كي يثير إغاظته
16
ولكنه صدم عندما وجد ياسر يبتسم بسخرية وهو يلقي له قبله في الهواء ثم يضع قبعة معطفه فوق رأسه وهو يتركه ويرحل لتبتسم أروى على برود ياسر وهي تذهب خلفه بينما نبيل نظر نحوه بلا مبالاة ثم قام بالدخول للشركة وهو يشعر بانتصار كبير بالنسبة له
5
كان آسر ما يزال يجلس أمام اسراء وهو يقول "فهمتي كدة هنعمل ايه؟" ابتسمت اسراء بحماس وهي تقول "اعتبر الورق ده عندك خلال يومين"
+
"واحنا هنبقى معاكي كدة كدة، وباذن الله نقدر نرجع حقنا من الكلب ده" أنهى آسر حديثه ليجد فجأة جاسر يندفع أمامه وهو يقول "الحق الكلب برة"
1
"طب هشوه" قالها آسر بتعجب ليقول جاسر بملل "فوق معايا يا آسر قصدي نبيل"
13
"هشوه بردو في مبيد حشري خاص بالشركة رشوا بيه نبيل وهاتوه معانا البيت علشان فيه ناموس كتير وفيفي مخبية البايرسول" قالها آسر ببرود ليجد ياسر يدخل وهو يجلس على الأريكة بملل قائلاً "نبيل نتانة واقف برة، الواد عليه سيجارة نفسي اطفيها في قفاه"
13
نظرت منة نحوهم بغضب وهي تقول "شكله داخل على هنا" أنهت حديثها لتجده بالفعل يقف خلفها وهو يقول ببرود "للدرجاتي قلبك بيحس بيا يا منون؟"
2
ارتجفت أوصالها باشمئزاز من صوته وعندما تذكرت ما يفعله بها هبطت دمعة من عينيها وكادت أن تبتعد لتجده يقول بحزن مصتنع ويمد يده نحوها كي يصافحها "ايه يا منون مش هتسلمي على ابن عمك ده انتي حتى وحشتيني"
1
نظرت له منة باحتقار ولكن فجأة انعدمت الرؤية أمامها عندما وجدت جاسر يقف أمامها لتصبح خلف ظهره وهو يواجه نبيل وهو يقول ببرود ويصافحه بدلًا من منة "معلش اصل منة متوضية"
24
ابتسم نبيل بسخرية وهو يسحب يده ثم نظر نحو آسر وهو يقول "بص أنا شخص متواضع جدا، فهديك مكتب استاذ رحيم تقعد فيه وهقعد أنا في مكتبك"
2
نظر له آسر بسخرية وهو يقول "اخلاقك العالية دي أحرجت قلة ادبي يا شيخ والله، ومين قالك انك ليك مكان هنا اصلا يا نبيل؟"
2
جلس نبيل على المقعد وهو يضع قدم فوق الأخرى ثم اخرج عقب السيجارة من جيبه وهو يشعلها بالقداحة ثم اخرج الدخان من أنفه وهو يقول بسخرية "هو أنا مقولتلكش؟ مش عمي الله يرحمه ويبشبش الطوبة الي تحت راسه، قالي يا واد يا نبيل انت الواصي على فلوس بنات عمك لحد ما كل واحدة فيهم تتم ستة وعشرين سنة، وزي ما انت شايف بنات عمي لسة كتاكيت موصلوش للستة وعشرين، يعني الكرسي الي انت قاعد عليه ده المفروض أنا الي اقعد عليه، وانت وابوك وأخواتك ملكومش مكان هنا اصلا لأن كل الهلومه دي في الأصل فلوس عمي يونس، الي مدام يسرا لهفتها منه بعد ما مات واديتها لرحيم"
7
نظرت له أروى بغضب وهي تقول بسخرية "مامتي الي سرقت فلوس جوزها؟ الي هي حقها هي وبناته ولحقتهم من ايدك أنت وابوك؟ بس ما شاء الله انت مش بتيأس زي عمي وحالف لتوصل لحاجة مش حقك ولا بتاعتك اصلا يا نبيل"
+
"سمعت أن في اجتماع مع الموظفين في الشركة انهاردة، طبعا هحضره علشان بردو يتعرفوا على رئيس مجلس الإدارة الجديد" قالها نبيل ببرود لتتشنج أوردة آسر وكاد أن يقترب منه ولكن امسكه ياسر بسرعة وهو يوقفه ثم تركه وجلس فوق المقعد الأساسي للمكتب ورفع قدميه فوق المكتب وهو يقول ببرود يماثل برود نبيل "بص يا نبيل يا اخويا؟ احنا ولاد اصل وكرمه اوي، احنا هنا في تلت مكاتب أساسية مكتب ابويا، وده هاخده أنا وجاسر وهنقسمه أنا هاخد النص الي فيه كنبة علشان بحب افرد ضهري، وهو ياخد الكرسي ده علشان هو ليه في الورق والدح وكدة"
+
أنهى حديثه ثم ابتسم ببرود وهو يحرك الكرسي الذي يجلس عليه بهدوء ويسند رأسه للخلف قائلا "المكتب التاني بتاع آسر، وده هنسبهوله كله علشان آسر بيحب يقيل (قيلولة) شوية ويحب يقعد براحته، والمكتب التالت بقى بتاع عم بنداري وده اصل الشركة هنا مش هينفع نطلعه منها"
+
ابتسم جاسر وهو يسحب منة ليجعلها تقف بعيدًا عن نبيل ثم سحب هو مقعد وضعه بجانب ياسر ثم جلس عليه وهو يضم ذراعية لصدره ويقول "احنا ممكن نكرمك، ونخليك تاخد كرسي ومكتب صغير من بتوع الاطفال دول جنب مكتب دسوقي"
4
سحب آسر مقعد اخر ثم وضعه بجانب إخوته وجلس عليه وهو يضع قدم فوق الأخرى ويقول ببرود "لا دسوقي بيحب يقعد براحته في المكتب لانه بيكلم خطيبته كتير واكيد بينهم اسرار مينفعش تسمعها يا نبيل، فاحنا ممكن نعملك مكتب على القد كدة في الكافتيريا تحت جنب عم عصام"
4
نظر ياسر لشقيقه وهو يقول "لا يا راجل الواد صاحب مكان بردو، طب بص يا نبيل انت ممكن تسيب السي في بتاعك ولما نفضيلك مكان هنبقى نكلمك" ابتسم جاسر وهو يقول بحسرة "شوفت يا اخويا بردو ملكش مكان هنا رغم أن معاك ما يثبت، بس معلش مش كل الورق بينصف صاحبه"
4
"طب احنا ممكن نعمله قاعدة في الجنينة تحت بحيث يبقى هواها بحري على الباشا وميشعرش بالملل" نظر الجميع بتشنج نحو اسراء التي نظرت لهم باحراج وهي تقول "أنا بس حبيت اشارك في حل المشكلة"
4
"انتي تخرسي خالص متدخليش" قالها آسر بغضب لتقول اسراء بوعيد "ماشي هخرس، عقبالك ما اخرسك انت كمان"
3
"والله وولاد الدَعْلوب بقالهم حس على ابن السويسي" قالها نبيل بسخرية ليقول جاسر باستخفاف "مش بالاسم على فكرة، بالكرامة وانت ما شاء الله عندك معدومة"
11
"معذور متعرفش مين هو نبيل السويسي ويقدر يعمل ايه" قالها نبيل بسخرية ليقول آسر بعدم تصديق "بتقولها بقالك خمس سنين يا نبيل ومشوفناش منك حاجة؟ قناة السويس اتحفرت مرتين ومراكب رايحة ومراكب جاية وبقت فخر لمصر، وابن السويسي لسة معملش حاجة"
2
"ايه علاقة ده بده؟" همس بها جاسر بتشنج لشقيقه ليقول آسر باحراج "معرفش حسيتها قصف جبهه بحيث سويس وسويسي وكدة"
11
"اسكت خالص وسيب قصف الجبهات لياسر، اشتم من غير ما تتفذلك" قالها جاسر بغضب لينظر له آسر بتذمر
1
نظر ياسر لنبيل وهو يقول ببرود "طب يا نبيل لسة قاعد ليه ومفيش مكان ليك؟ تحب اجيبلك كوباية ماية سقعانة تطفي نارك شوية؟؟"
2
"النار دي هتمسك فيكم انتم التلاتة وانا الي هبقى بولعها" قالها نبيل وهو يقف يرتدي معطف بذلته ليقول جاسر بغضب "الله الوكيل احطك جوا النار تتشوي زي حتة الستيك قبل ما تفكر تيجي جنب حد مننا"
24
"هنشوف مين الي هيضحك في الآخر" قالها نبيل وكاد أن يرحل ولكن استمع لصوت الثلاثة يقولون بسخرية "ده احنا كدة هنموت من الضحك يا نبيل، اصل لو قلبك مات متجيش على تلاتة اخوات"
23
"وانا قلبي مات واتدفن واتقرأ عليه الفاتحة كمان، يعني مش باقي على حاجة" أنهى حديثه وهو يرحل ليقول ياسر بقرف "ابو تقل دم امك عيل اومليت"
4
ابتسمت أروى بحماس وهي تقول "بجد كان شكلكم قمر" ابتسم ياسر وهو يهمس بصوت غير مسموع "ونبي ما فيه غيرك الي قمر"
4
قاطع كل هذا دخول بنداري وهو يقول بغضب "المنيل ده مشي ولا لا؟" وقف آسر وهو يقترب من بنداري بمرح قائلًا "مشي يا حبيبي ما كان ولا عاش الي يضيق خلقك يا روحي، احنا عندنا كام عم بنداري يعني؟"
1
ابتسم بنداري بحنان وهو يقول "مادام بقى معندكوش غير عم بنداري واحد، يلا راضوا قلبه وانزلوا اجتماع الموظفين" ابتسم آسر باستفزاز وهو يقول "أنا بكدب على فكرة، لو روحنا السجل المدني هنلاقي مليون عم بنداري عادي"
8
وقف جاسر واقترب من آسر وهو يقول "يلا يا آسر ده هي نص ساعة وهنطلع خليك جدع" وقف ياسر أيضًا ثم وقف امام المرآة وهو يعدل من وضع شعره قائلًا "يلا وانا جاي معاكم"
2
وقف كل من أروى ومنة لتذهبان معهم أيضًا لتنظر لهم اسراء باحراج وهي تقول "طب أنا هقعد هنا لحد ما تيجوا" رفضت أروى وهي تسحبها خلفها وتقول "لالا هتيجي معانا مش هنسيبك لوحدك يلا"
1
نظرت إسراء نحو الثلاثة تنتظر رفضهم ولكن وجدت على وجوههم رضا بحديث أروى لتتنهد بهدوء وهي تذهب معهم
2
وبعد دقائق كان الثلاثة يجلسون أمام الموظفين وبجانبهم بنداري يبتسم بهدوء وهو يقترب من مكبر الصوت قائلًا "أن شاء الله يكون اجتماع صغير وخفيف نديكم فيه التعليمات الجديدة لأن الفترة دي حصل إهمال كبير في الشغل، وكل ده هيوضحه رؤساء مجلس الإدارة آسر وجاسر وياسر رحيم شاندويلي الدعلوب"
+
اقترب آسر من المكبر بملل ثم نظر نحو بنداري وهو يقول "اعمل ايه؟؟" صفع بنداري خديه بغضب وهو يقول "الطم ولا اجيب لطامة"
3
"متزعقليش قدام الموظفين بتحرج، اعمل ايه بجد أنا مش حافظ" قالها آسر بتذمر ليستمع لضحكات إسراء وهي تهمس بصوت خافض لم يصل لمسامعه وكانت تقول "فالح بعمل عليا أنا بس دكر"
1
"بتبرطمي بايه يا انثى التوك توك انتي" قالها آسر بغضب وكادت إسراء أن تقف ولكن اوقفتها منة وهي تقول "حقك عليا أنا معلش بس اسكتي علشان الموظفين"
+
صمتت اسراء بغضب بينما بنداري اقترب من آسر وهو يعطيه ورقه كبيرة ويقول "اقرا الكلمة دي يلا" اومأ آسر ثم نظر إلى الورقة ليفتح عينه بصدمة من حجمها ليصرخ بغضب "كل دي وتقولي كلمة اومال لو كلمات كنت اديتني دفتر تحضير ولا ايه؟"
1
"يا عم اقرا وانت ساكت" قالها جاسر ليتافف آسر بغضب ثم اقترب من مكبر الصوت وفتح فمه ثم اغلفه مرة أخرى بملل وحك شعره بيده ثم قال"السلام عليكم، و.....وعليكم السلام اعملوا الي انتم عايزين في الشركة يا ولاد تبًا لكم جميعًا أنا رايح انام"
32
ابتسم آسر في اخر حديثه وهو يلقي للموظفين قبله ثم أخذ معطف بذلته وهو يتركهم ويرحل ليتافف بنداري بغضب وهو يقول "تعالى انت يا ياسر يا حبيبي قول الكلمة دي"
5
ابتسم ياسر باحراج وهو ياخذ الورقة ويتحمحم بثقة ثم نظر للورقة بصدمة فكانت الكلمات باللغة العربية الفصحى ليتنهد بهدوء ثم اقترب من مكبر الصوت وهو يقول "سلام عليكم، بصفتي رئيس الهلومه دي كلها فعايزين ندردش بكلمتين ويا دار ما دخل الشر، مش عايزين دلع وعوق في الشركة وشوية نروح نفطر ونروح استراحة لا انتم مش جايين نادي بالصلاة على النبي دي شركة وشغل وليلة سودة على دماغنا كلنا، اكل العيش مفهوش دلع علشان العيش ميخليناش نزور و...."
32
أوقفه بنداري بسرعة بينما الجميع في الاسفل ينظرون نحوه ببلاهه ليقول بنداري بغضب "انت عامل اجتماع في حارة بطن البقرة، دي ناس من التجمع الخامس يابني هتجلطني"
1
"بقولك ايه لغة عنترة ابن شداد الي في الورقة دي مليش فيها معلش، أنا ماشي" قال اخر كلماته وهو يضع قبعة معطفه فوق رأسه ويرحل لينظر بنداري لجاسر وهو يبتسم ويقول "انا من الاول قولت مليش غير دكتورنا هو الي يقوم يقول الكلمة يلا يا جاسر يا حبيبي تعالى اقرا الورقة"
2
ابتسم جاسر باحراج وهو يقف أمام المكبر ثم أمسك الورقة وبدأ في إلقاء الكلمة "بسم الله الرحمن الرحيم اولًا، والصلاة والسلام على رسولنا ثانيًا"
6
ابتسم بنداري بفخر ليكمل جاسر "لكي نرتفع بعملنا للأعلى يجب أن نعمل بكل جهدنا و..." أوقف حديثه وهو ينظر لبنداري ويقول "عمو بنداري دي همزة وصل مش همزة قطع"
26
نظر له بنداري ببلاهه ليكمل جاسر "الوقت كالسيف إن لم تقطعه قطعك لذلك يجب عدم إهدار الوقت و...." توقف مرة أخرى وهو يلتفت لبنداري قائلا "عمو بنداري الهمزة هنا على واو مش على نبرة"
9
نظر له بنداري بتشنج ليكمل جاسر "اولًا يجب الانتظام في مواعيد الحضور ومن يهمل مواعيده سيتم خصم عشرة في المئة من مرتبه و......" توقف وهو ينظر لبنداري ويقول "عمو بنداري الياء الي بتتنطق في الآخر بيبقى تحتها نقطتين الي من غير نقط دي الف لينه"
7
"يابني في ايه انت بتصحح امتحان؟" قالها بنداري بغضب ليخلع جاسر نظارته بغضب وهو يقف ويقول "مش هقدر اكمل، كمية أخطاء املائية بشعة مش معقول ايه الي بيكتب ده خارج بشهادة ابتدائية ولا ايه؟ ابعتلي الورقة فوق اصححها وبعدين نعمل الاجتماع"
8
"يا وكستك يا رحيم في عيالك الحيلة، موت انت وسيبتني أنا اتشل" أنهى بنداري حديثه وهو ينظر في أثر جاسر بتشنج ليستمع لضحكات الثلاث فتيات ليقول بغضب "ربنا ابتلاني بيهم وانتم بتضحكوا، حسبي الله ونعم الوكيل في دي عيلة هبلة، الاجتماع انتهى كل واحد على شغله"
7
____________________________
+
كانت فيفي تجلس فوق الأريكة أمام التلفاز وهي تضع غطاء ثقيل فوق جسدها يحميها من بروده الجو؛ ثم انتبهت لدخول الستة من باب المنزل وكل منهم يتافف بملل لتبتسم بسخرية وهي تقول "شايلين الطاجن بتاعي ليه؟"
11
نظر لها الستة بعدم فهم بتضحك فيفي وهي تقول "مش أنا ستكم؟ شايلين طاجن ستكم ليه بقى؟" ابتسموا بهدوء ليقول جاسر بتعب "يوم ممل ومرهق يا فيفي والله"
5
ابتسمت فيفي وهي تجلس في منتصف الأريكة ثم نظرت لهم وهي تقول "طب تعالوا اقعدوا جنبي هنا" ركض آسر اولًا ليجلس بين أحضانها فهو معتاد على هذا منها بينما ياسر وجاسر اقتربان باحراج ليجلسان بجانب آسر لتضمهم فيفي بحنان ثم قالت بسخرية "جرا ايه يابت انتي وهي أنا مش بقول تعالوا اقعدوا جنبي"
1
ركضت منة إلى أحضانها من الناحية الأخرى وهي تقول "خايفين يا فيفي للكنبة تبوظ والمراتب غالية" ركضت أروى أيضًا لتجلس بجانب شقيقتها لتضمهم فيفي وهي تقول "مش مهم اي حاجة طالما انتم في حضني كدة"
17
نظر لها ياسر بعدم تصديق وهو يقول "لا يا فيفي شكلك رايقة لدرجة أنك بتبذري في الفلوس واحنا قاعدين كدة" ضحكت فيفي بشدة ثم انتبهت لاسراء التي قالت بهدوء "طب أنا هطلع انام تصبحوا على خير"
+
"رايحة فين تعالي هنا جنب منة وأروى" قالتها فيفي بغضب لتقول اسراء باحراج حاولت أظهاره على أنه مرح "لا معلش مش عايزة ابوظ الجو الأسري ده"
4
"مش انتي دخلتي البيت هنا وقعدتي معانا حتى لو لمدة كام يوم، يبقى بقيتي من الأسرة خلاص تعالي" قالتها فيفي بحدة مصتنعه لتزيح أروى الغطاء وهي تفسح مكان لاسراء وتقول بحماس "تعالي يا اوس اوس يلا"
+
ابتسمت اسراء باحراج وهي تقترب منهم ثم جلست بجانبهم وهي تضع الغطاء فوق قدمها لتحاول فيفي ضمهم جميعًا وهي تقول "هاتلنا يا جاسر اي فيلم او مسلسل حلو كدة نتفرج عليه"
4
اوما جاسر وهو يبتسم بحنان لهذا الدفئ الذي لم يشعر به منذ زمن، ثم انتبهوا لدخول يسرا وهي تحمل في يدها صحن ملئ بالكعك وتقول "الكيكة استوت اهي يا ماما، ايه ده جيتوا امتى"
+
"لسة داخلين" قالها آسر وهو يضع رأسه فوق كتف فيفي لتقول يسرا بحنان "طب اداخر كدة يا جاسر خدوني جنبكم" فبالفعل كانت الأريكة كبيرة تضمهم جميعًا بينما منة قالت بتذمر "المفروض تيجي جنبنا احنا الي بناتك"
7
ضمت يسرا جاسر بحنان ثم ربتت على كتف ياسر وهي تقول "انتم معايا بقالكم عمر، اما ياسر وجاسر لا، وخش معاهم يا آسر انت كمان"
1
"اصلا عادي يا منة خلي الثلاثي المرح ده ينفعها" قالتها أروى بتذمر مصتنع لتضحك يسرا بهدوء بينما إسراء كانت تنظر لهم بحزن كانت تتمنى لو ظل والديها معها وظلت هي داخل احضانهما هكذا، تخشى أن تعتاد حنانهم وعندما تنتهي من مهمتها تعود لجحيم عمها وزوجته
2
نظر آسر نحو إسراء التي كانت تنظر نحوهم وهي تبتسم ليراها تزيح دمعة هبطت من عينيها ليتنهد بحزن من أجلها ليقول بمرح "تعرفي يا اوس اوس فيفي مش بتاخد اي حد في حضنها كدة، ايه سر انت تاخدي اوس اوس في حضنك بقى يا فيفي؟"
9
ابتسمت فيفي وهي تنظر نحوها وتقول بحنان "حبيتها، بت جدعة بصراحة وتتحب كدة" ابتسمت اسراء بخجل وهي تقول "تسلمي يا مدام والله، ربنا يديكي طولة العمر ويخليكي ليهم"
+
"قوليلي فيفي، وانتم هاتوا الكيكة دي" قالتها فيفي ليمد ياسر يده سريعًا يجلب صحن الكعك ليأكل منه الجميع وهم يتحدثون بمرح ويشاهدون التلفاز بسعادة لتقول فيفي بحزن "تعرفوا القاعدة دي ناقصها مين؟"
+
ابتسم ياسر وهو يقول بخبث "اكيد جدو، المرحوم واحشك مش كدة؟" نظرت له فيفي بتشنج وهي تقول "يا اخويا الله يجحمه مطرح ما راح، أنا قصدي رحيم وفريدة، نفسي قلبي يطمن على فريدة زي ما اطمن عليكم كدة، البت الرقاصة دي اول ما دخلت علينا أنا حتى مخديتهاش في حضني، مكنتش حاسة ابدا أن دي فريدة الي شيلتها بين ايديا وهي حتة لحمة حمراء"
9
نظر آسر نحو إخوته وهو يقول بتعجب "هو مش بابا راح الملجأ يجيب ياسر ولقى حد اتبناه؟ طب ليه مجابش فريدة رغم أن الست بتاعة الملجأ قالت إنها فضلت فيه لحد ما بقى عندها ست سنين؟ يعني اكيد كانت موجودة ساعتها"
6
نظر الجميع نحو آسر بانتباه ليقول جاسر بتعجب "تصدق صح ازاي مفكرناش في ده؟" نظرت فيفي نحوهم وهي تقول "لا ابوكم راح وسأل على الإتنين والاتنين مكانوش موجودين، في ست اتبنت ياسر، وفي ست وجوزها اتبنوا فريدة بس معرفش يوصلهم"
2
"يبقى اكيد الست بتاعة الملجأ كانت تبع نبيل وبتضحك علينا هي كمان" قالها ياسر بشك لتقول أروى بعدم تصديق "يبقى كدة ممكن يكون الي اتبنت فريدة واحدة غير زينات الاسيوطي اصلا"
+
اغمض آسر عينه بغضب وهو يقول "يالهوي على دي لفة الله يسامحك يا ماما على الي عملتيه فينا ده" نظرت لهم إسراء بفضول وهي تقول "هي مين فريدة دي لمؤاخذه؟"
+
"توأمهم الرابع" قالتها منة لتقول اسراء بصدمة "ما شاء الله انتم كنتم أربعة في بطن واحدة؟ طب وهي فين؟"
+
"دي حكايه كبيرة والله لاحكيهالك" قالتها فيفي ثم بدأت في قص القصة من جديد منذ زفاف رحيم والهام
1
أنهت حديثها لتنظر نحو يسرا وهي تقول "مالك يا يسرا" نظرت لهم يسرا بتذمر وهي تقول "بصراحة كدة لما بسمع سيرة الهام دي بغير على رحيم"
6
ضحك الجميع بعدم تصديق لتقول اسراء بصدمة "في ام تعمل في عيالها كدة؟" اومات فيفي وهي تقول بغضب "ده أنا يومها مسكتها اديتها علقة، لحد ما شعرها طلع في ايدي، كانت بت حرباية وقادرة"
+
أوقفها آسر وهو يهمس لها "طب بس علشان جاسر شكله اضايق" نظرت فيفي نحو جاسر وهي تقول بتعجب "اشمعنى يعني ياسر و آسر مزعلوش يا واد"
+
نظر لها ياسر بتشنج وهو يقول "يمكن علشان جاسر الي عاش معاها عمره كله وانا وآسر عمرنا ما شوفناها؟"
2
ابتسم جاسر بحزن وهو يقول "أنا اتصدمت بعد ما عرفت أن امي عملت فيا كدة وحرمتني من اهلي، على فكرة مفيش بني آدم بيفضل وحش، يا اما الإنسان يكون وحش وبعدين يبقى كويس ويتحسن يا اما يكون كويس وبعدين يبقى وحش، أنا امي كل يوم كنت بشوفها بتعيط بليل بقهره ولما كنت اسالها مالك تقولي حاجات غريبة افتكرت ابويا افتكرت امي، بس بعد ما عرفت كل حاجة عرفت ليه امي كل يوم كانت بتفضل تعيط لحد ما عينيها دبلت، اكيد ندمت متنسوش أنها لما خلفتنا كانت واحد وعشرين سنة عيلة مهما كان وباصة للدنيا ومتاعها بس، لكن أنا متأكد أن امي لما كبرت ندمت ندم كبير اوي، ماما طول عمرها تركاني وعلى طول مع صحابها وفي شغلها، بس مع ذلك ليها فضل كبير عليا كفاية أنها امي الي اكلتني وربيتني وكبرتني، وهي الي عرفتني يعني ايه مذاكرة واجتهاد ومكانة عالية علشان ابقى دكتور جاسر الي عامل بحث مخلي اكبر ناس في البلد عايزين يقتلوه وياخدوا البحث ده، ربنا يرحمها ويغفرلها الي عملته"
+
آمن الجميع على حديثه لتقول يسرا بحزن "مشكلتها انها مقدرتش تحب رحيم، رغم أن رحيم ده احن حد دخل حياتي، لو كانت أدت لنفسها فرصة تشوف حنيته وحبه مكانش كل ده حصل"
+
نفت اسراء برأسها وهي تقول "لا يا مدام يسرا كل ده مقدر ومكتوب، هي لو كانت حبت عمو رحيم مكانش هو شافك ولا حبك، ولا انقذك انتي وبناتك من عمهم زي ما حكتولي، ولا كان ما شاء الله عملتوا كل الفلوس دي مع بعض، الي حصل دي تراتيب ربنا والي رغم صعوبتها إلى أنها هتبقى النصيب الحلو الي في الآخر"
5
اوما ياسر وهو يقول "جدعة يا اوس اوس، لو مكانش ده حصل مكنتش شوفتها" نظر آسر نحو ياسر وهي يقول بمكر "هي مين يا حبيبي؟"
7
انتبه ياسر لحديثه ليقول باحراج "يسرا، كان زماني مشوفتش مرات ابويا وجمالها ده كله" ضحكت يسرا على حديثه بينما آسر نظر نحو شقيقه بخبث وهو يقول "بركاتك يا يسرا والله"
5
ابتسم جاسر وهو يقول "تصدقوا كان نفسي اجرب احساس اني اشوف جدي زي ما شوفت جدتي" لوت فيفي فمها وهي تقول "يا اخويا بركة انك مشوفتوش، شافه الهم ولا شوفناه"
3
نظر لها جاسر بتعجب وهو يقول "بلاش تدعي عليه يا فيفي حتى لو بهزار حرام" ابتسمت فيفي بسخرية وهي تقول "ومين قال إني بدعي عليه بهزار؟ أنا بدعي عليه من قلبي، الوحيد الي موته مر عليا زي الهواء ولا حسيت بيه أنا شوفت اسود ايام حياتي معاه"
3
نظرت لها أروى بفضول وهي تقول "ليه يا فيفي عملك ايه بس؟" هبطت دموع فيفي التي ولاول مرة يروها لينظروا لها بفزع ليقول آسر بمرح "ايه يا فوفه مالك مش كدة امسحي دموعك واحكيلنا كأنها قصة" ابتسم ياسر وهو يقبل يدها بحنان ويقول "ما عاش الي يزعلك يا فوفة واحنا جنبك"
+
ابتسمت فيفي بحنان وهي تمسح دموعها وتقول "أنا كنت معجبة بطارق اوي و..." أوقفها جاسر وهو يقول بتشنج "ايه هو مش اسمه شاندويلي؟؟"
+
نظرت له فيفي بتشنج وهي تقول "شاندويلي ايه يا عبيط انت؟ شاندويلي الدعلوب ده اسم العيلة، انتم اسمك جاسر رحيم طارق فتحي شاندويلي الدعلوب"
5
نظر لها ياسر بسعادة وهو يقول "حلو ده لو حد سالنا اسمائنا ايه نقوله ياسر رحيم طارق فتحي وبس" ابتسم آسر بسخرية وهو يقول "اتنيل كل ما اقولها ابويا كان يهزقني ويقولي رجال الأعمال لازم يبقالهم لقب عائلة، مش فاهم أنا فين اللقب الي افتخر بيه ده"
1
نظرت لهم منة بتذمر وهي تقول "فكنا من اسم العيلة، وكملي يا فيفي" ابتسمت فيفي بحزن وهي تقول "اعجبت بيه وهو اعجب بيا وارتبطنا فترة وجيه واتجوزني، وانا قولت بقى أنا هعيش اجمل حياة مع الإنسان الي قلبي اختاره، سنة عدت وخلفت رحيم، وبعدها بدأ يظهر على حقيقته، بخل ونكد ومنطق غبي، كلام زي السم ولا فيه كلمة حلوة، شوفت اسود ايام حياتي، وساعة الخناق يمد أيده ويشتمني أنا وعيلتي، عمل كل حاجة تصدمني فيه وانا ساكته ومستحمله علشان خاطر رحيم، مبيصرفش وانا الي بصرف على الواد والبيت وعلى نفسي، كنت بالنسباله زوجة ليها الاكل والبيت وغسيل وبس، وكل الحب الي كان بيبينهولي ايام ما كنا مع بعض في الجامعة طلع ولا حاجة"
2
ابتسمت بسخرية بينما الجميع ينظر لها بحزن لتكمل "ولما كنت في الشغل ووقعت وقعة قوية، أدت لنقل عمود من ضهري وكان لازم عملية، وكان فيه احتمال كبير اني اتشل، كنت مستنياه يقف جنبي في المستشفى ويقويني اني هخف وارجع احسن من الاول، بس كان حلم، طارق خالف كل توقعاتي وراح اتجوز عليا علشان خلاص هتشل وممكن يجرالي حاجة ومبقيتش لزماه"
11
نظر لها الجميع بصدمة ليقول ياسر بدون وعي "اه يا ابن ال..." أوقفه جاسر سريعًا وهو يقول "اسكت يا حيوان ده جدك يا عديم التربية"
3
ابتسمت فيفي من بين دموعها وهي تقول "ولما أقوله ليه تعمل كدة وحسبي الله ونعم الوكيل يقوم قايلي ملعون ابو الي ميحبليش الخير، راح ربنا لاعنه يابني اكمنه مكانش سالك من جواه، وخلى البت الي اتجوزها تنصب عليه، فضلت على ذمته مستحملة الهم ده علشان رحيم والله، تعرف احيانًا كنت بحس أو اتاكدت، اني لما ارتبطت بيه في الحرام من ورا اهلي ومع ذلك اتجوزني وقولت اهو الارتباط بينجح وبنتجوز ومفيش كلام الراجل الي يرتبط بيكي من ورا اهلك هيسيبك وكل ده، طلعت مغفلة وأنه يسيبني كان ارحم من أنه يتجوزني وجوازي منه يبقى عقاب ليا عمر كله اني كنت معاه في الضلمة في الاول، هنا بس افتكرت ربنا لما قال (ولا مُتخِذات اخْدَان) ولما قال (ولا توَاعِدَهُن سِرًا) يلا الحمدلله على كل شئ كان نصيبي وخدته، بس عمري ما اسامحه على الي عمله فيا"
23
اقترب الجميع منها أكثر ليقبلوها لتضحك فيفي بحنان بينما منة قالت بمرح "لا عاش ولا كان الي يزعلك يا فوفة، احنا جنبك يا قمر نعوضك عن ده كله" ضمتهم فيفي بحنان وهي تقول "تعرفوا ايه اكتر حاجة بتمناها دلوقتي؟"
+
"ايه؟" قالها الجميع بفضول ولكن صدموا عندما صرخت فيفي وهي تقول "انكم تتنيلوا تقفلوا النجفة اخر فاتورة جات بالفين جنيه يا ولاد المبذرة، تحية تعالي ولعي تلت لمبات بس قولت مليون مرة ست لمبات لا"
13
نظر لها الجميع ببلاهه ولكن في ثواني كانت ضحكاتهم ترن صداها في المكان لتضحك معهم فيفي بشدة ثم قالت "لا والله انا بتمنى انكم تفضلوا جنبي كدة لحد ما اقابل وجه كريم"
+
نظر آسر نحو إخوته وهو يبتسم ويقول "على فكرة أنا ابان اكتر واحد فيكم كان مرتاح وعايش وسط عيلته وربنا عوضه باخوات تانية غير الي اتحرم منهم، بس بامانه أنا محسيتش بالسعادة بجد غير لما حسيت يعني ايه يكونلي اخوات من دمي ونسخة مني وفي ضهري، أنا من اول يوم بيتنا فيه مع بعض في بيت واحد وانا بقيت ادعي ربنا اننا لما ناخد ورثنا وننفذ الوصية متبعدوش عني تاني وكل واحد يرجع لحياته"
+
ابتسم جاسر بحنان وهو يقول "أنا كنت مخطط اني اروح اسبانيا بعد ما اخد ورثي لاني من زمان نفسي اروح هناك، بس أنا بعد ما قعدت معاكم ورغم اني مش بطيق ياسر وأسلوبه، الا اني اكتشفت اني خلاص مش هقدر اعيش لوحدي تاني من غيركم، أنا عرفت يعني ايه حنان ودفا وعيلة بيكم انتم الاتنين، أو بأمانة بيكم كلكم"
4
ابتسم ياسر أيضًا ولأنه كان في يجلس في المنتصف ضم إخوته بمرح وهو يقول "أنا كنت بقول لو عرضوا عليا مال قارون مش هسيب حارتي، بس أنا دلوقتي رغم اني شوفت العز والفلوس، ومع ذلك نفسي ارجع حارتي بردو بس بيكم أو مرجعش واجيب نعمة وابقى جنبكم، أنا كنت طول عمري وحيد مش بحب اصاحب ولا يبقالي معارف، أنا بقيت من غيركم ولا حاجة سواء فيفي أو آسر أو جاسر أو أروى"
27
توقف على ذلك لتنظر له أروى بصدمة بينما آسر قال وهو يضحك "قولت ايه يا حبيبي" تحمحم ياسر باحراج وهو يقول "يا عم سيبني اكمل، أروى أو منة أو طنط يسرا، خلاص مبقيتش قادر اقعد من غيركم تاني"
8
ابتسمت يسرا وهي تنظر نحو ياسر وتفهمه جيدًا لتقول وهي تربت على كتفه "وده العشم بردو يا حبيبي، انك تعتبرنا اهلك وتصون الامانه"
+
فهم ياسر مقصدها ليغمز لها بمرح وهو يقول "ده كدا كدا يا مرات ابويا عيب عليكي" نظرت أروى نحوه باحراج وهي تبتسم بخجل لتقول إسراء بسرعة وصوت افزعهم "مسرحية العيال كبرت شغالة" نظر لها الجميع بفزع لتقول باحراج "صرعتكم؟ لمؤاخذه والله بس مكتوب على الفيس أن مسرحية العيال كبرت شغالة فبما اننا سهرانين يعني هاتوها"
2
ابتسم آسر وهو يسحب الروموت من يد شقيقه ليبحث عن القناة التي يوجد عليها تلك المسرحية بينما يسرا قالت بصوت عالي "تحية معلش هاتي الفاكهه الي عندك في التلاجة ولو فيه لب أو سوداني هاتيه"
3
"يا مشهيصانا" قالها ياسر بمرح لتضحك يسرا وهي تأتي بغطاء اخر تضعه فوقهم لينظر الجميع نحو التلفاز وتستمر الليلة ما بين ضحكاتهم ومشاهدتهم للتلفاز ومرح الستة مع فيفي ويسرا ودعاء فيفي من قلبها أن تظل تلك اللمة إلى الابد ويزداد عليها وجود فريدة بينهم
44
___________________________
+
وما اجمل العائلة ودفئها ومرحهم معًا، والاجمل من هذا أن تكون وسط تلك العائلة من اختاره قلبك ليزيد الدفئ أضعاف
+
انتِ بجانبي وقلوبنا متصلة ويدك في يدي وكفا من الدنيا معروف
+
وفي النهاية دعوني أخبركم
"أن المغامرة من هنا لم تبدأ بعد"🤍🫀
+
