رواية يا اجمل الوحوش الفصل الثالث عشر 13 بقلم رسل فهد
يا أجمل الوحوش
- رُسل فَهد
...
27
عليك افترن شچم سوگ
و ردن فارغات الايد
كالن ما لگـن مثلك
يـ حنـة بچف الحديثات فنه الما يباوعلك
شما يـمش ي العُمر تغلى
بَشر من صنف الانتيكات
نباوعلك و ما نشبع نِـرد النوب
"مرايه بـ چـف المعرسـات"
- رُسل فَهد
...
59
رهينة : عالية نِهبت يَجدة
أباوع الوجوه كلها مخطوفة و خايفة بس مو مثل ما أنخطف وجهه
و تغير كل كيانه أباوعلة حتى نفس ما سِحب طول ما هو مصدوم
جدة أول مرة أشوفها هيج خايفة ، لدرجة الايد اللازمة بيها العكازة
ترجف وما تسيطر عليها
75
عجيبة : صخام الوكع اعلة روسنة راح
نتخزة و ننفضح كدام الوادم
هو طلع سريع يمشي و طبگ باب الشارع قوي
من الخوف و الرهبة كمت أحاجي نفسي بصوت ناصي خاف ارجع
أنخرس
134
بقيت كاعدة على الدرج
و النايمين بدو يكعدون و كل واحد ينزل يشوف الوجوه كلها مو طبيعية
يبقى يسأل شكو إذا محد جاوبهم أني أكللهم عالية شردت
يلطمن على خدودهن
137
بـ لحظة فرغ البيت من الزلم و كلهم طلعوا و بقت بس النسوان وجووههن صفرة جنت أعرف التشرد ميصير و عيب
بس ما جنت أعرف هم شنو ممكن يسوون الها
137
راحن عجيبة و أم عدنان يجيبن أم عالية للبيت
و يدربهن جابن كل چناينهن وياهن صار البيت عبارة عن عبي سود
و الخوف سيد الموقف
42
ام عالية جانت طول الكاعدة تضرب على رجلها و تبجي بصوت عالي
و هن يهدن بيها و جدة تعض بأصابعها واحد وره الثاني
رهينة : ليش يمكسورة الرگبة
ليش دمرتي روحج و صخمتي روسنا
72
عجيبة : هسةةة مو اجه خطبها ابن عمها أكتلها و انطيها
و لا اخليها هيج تصخم راسي
رقية : هي من رادت تنتحر كون تعرفون هي شبيها
و من رفضت ابن عمها وضحت السالفة البت عاشگة
116
رهينة : ولج يموت عليج ابن عمج ولجن ما يتأمن الغريب
يأخذ رادته و يشمرجن شمرة الچلاب
133
جُمارة : جدة هم اجه خطبها واحد غريب
جدة انصدمت لان لسه ما سامعة صوتي ما تدري بي رجع
43
رهينة : شوكت حجيتي يجدة
جُمارة : اليوم جدة
- زِناد أخذج سودة بوجهي يجدة توك
جاي من التعب منين تتلگاها
56
ما جاوبتها بس شفت عجيبة تخرر بية اني هم خزرتها
روز و أمي من كعدن بقن جوه من شافن الوضع
امي راحت تصب چـاي الها اجيت شاورت جدة بسرعة و كلهن يباوعن
- جدة لا دكولين لامي زِناد أخذني تذبحني
49
هزت راسها اي و رحت لامي للمطبخ لكيت روز يمها
جُمارة : يمة رجع صوتي
فَزت فرحانة عافت الچاي و باستني
23
تغريد : بعد لا تبقين جوه هواي اصعدي فوك
انتِ و روز و هذا زِناد إذا شفتچ واگفة يمه لو تحچين ويا
جُمارة أذبحج والله
46
جُمارة : لا يمة والله معلية بي
32
بقينة كاعدين اني و روز مصدومين بالاحداث
روز : أحس روحي مأيسة من كل الدنيا و أسوء شي بالدنيا هو الحب يعني لو ماكو حب كلش تصير حلوة الحياة
68
درت وجهي عليها بصدمة
جُمارة : عافج ؟
روز : گتلة إذا متجي أوافق على الي متقدملي كال راح أجي
و لسة كلشي ماكو
79
جُمارة : وشلون يجي يعني يدگ بالبيبان مال العمارة
يسألهم عدكم بنية اسمها روز ؟ لو شنو ما فهمت !!
48
روز : ما أدري هو گال راح أجي بس أبد ما سألني على شيء
جُمارة : ترى مبين چذاب و گتلج شوكت تستوعبين
فهميني
58
بقت ساكتة دارت وجهه عني و ايدها على خدها و سارحة بغير عالم
جفن عينها اسود و حالتها يُرثى لها هاي كلة من الحُب
معقولة الحب هيج يسوي بالإنسان ؟
چنت ألوم روز ما أدري راح يصير بيه أسوء منها
451
حسيتها أختنگت عافتني و صعدت للغُرفة
رهينة : ما عرف شريك يكسر راسها من فشلتهم گبال الشيخ اليعقد و رفضت بس إذا هو الآخو عاشگ و طاير عقلة
بحال أختة
63
ام عالية : كتلها والله و بعدين گام يبچي عليها
يگول إذا ما تريد شسويلها أذبحها يعني
عجيبة : چا هاي المصيبة أحسن ذولة ما ينامون لليلهم
إذا ما يجيبوها
31
جُمارة : جدة زين عوفوها يجوز تحبة
جدة شمرت علية الكوشة بعصبية
46
رهينة : حبتها حية ام سبع روس و خلصتنه منها
و من عارها ولج هو اخوج واحد و بس انتِ شو مدللج دلال
هيج تنزلين راسة ولج ليش
21
دمعة : يعني يذبحوها يمه شلون يكدر اخوها يذبحها
عجيبة : لا يذبحها و يطبها مرض على هالمصيبة
امها نهارت و كامت تخرمش بخدودها
84
رهينة : ما يذبحوها إذا ما يجربون بيج السچينة
انتِ هم أخس و أنگس
دمعة : شني ناهبة ، ساطين علية
لو مطلعة الرفجان من غرفتي و ما ادري
80
جدة كامت الها و بالگوة كعدنها عجيبة سحبت ثوبها من جهة الصدر
عجيبة : يمه تف تف تف الحمدلله ما اطاني بنية
كش من البنات و كش من ضيمهن
420
شوية و أنفتح الباب مال المطبخ فات آمجد يمشي بسرعة
أجة عيونه كلها شر يدور على مرته هي ختلت وره عمتها
عجيبة : شكو شبيك تريد حور أنا جبتها وياي و ما گتلك شني ما تأمن بيها وياي
41
باوع لامي و باوعلي مسح وجهه بأثنين أديه
آمجد : لا أريدن غير دشداشة ما ادري وين خالتهن
حور : معلگات بالكنتور كلهن
83
- تعاي
عجيبة : روحي لرجلج يمة خاف يريد شي صايرين نار
طلعت و هي ترجف ما أدري ليش الفضول مسيطر علية أتجاه علاقتهم
طلعوا بالساحة و هن ملتهيات يسولفن رحت للمطبخ
ختلت وره بردة شباك السنك أباوع من الفتحات البيها
34
اول ما شاف روحة أبتعد جرها من شعرها قوي من وره الربطة
ويحجي من بين أسنانة و هي تبچي وتحاول تبررله
راد يضربها رفع أيدة .. هي حضنته قوي و تبچي و تبرر
140
شوية و أبتعدت هو لزمها من فكها و عضها من خدها قوي وهي
تدفع بي بس ميعوفها إلا هو ابتعد وحدة و طلع من البيت
بقت واكفة تمسح بخدها و دموعها و تعدل بربطتها
315
أجت للمطبخ سويت روحي أغسل بالگلاص باوعتلي ابتسمت بحزن
و مدت ايدها للبوري غسلت وجهها أباوع لخدها اثر العضة احمر
و طبع واحد من الأسنان طالع دم منه بقيت مصدومة شلون يگدر يأذيها
41
و هي بالمي تمسح
جُمارة : خدج بي دم
تدنت أكثر و كامت تمسح وجها كله و دموعها أنخلطت وي الدم
- تحبي ؟
24
وهي تغسل و تبچي هزت راسها قوي بـلا
جُمارة : ليش تزوجتي چـا ؟
أبتسمت بوجهي و نشفت وجهها و راحت للهول
62
ورود من الخوف نزلت لحد الظهر محد اجه منهم و البيت شكله مُخيف
و كئيب لان الأحاديث مالتهن كلها ما تبشر بخير
طَب شراع بالزي مال المُحاماة يمشي سريع ما يباوع حتى منا و منا
گال السلام عليكم و صعد
32
لحد الليل و البيت نفس الوضعية أجوي ولاء و أمجد أخذو أمهم و نسوانهم بس بيت عمي عمار محد اجة منهم و عمي فاخر و ولدة هم أجوي گبل صعدو لغرفهم بدون لا اكل و لا شرب و نسوانهم صعدت وراهم
19
فرغ البيت و ما بقى غير ام عالية و جدة كاعدات يونن وحدة مگابلة الثانية امي صعدت و أني كعدت يم جدة ورود لكيتها تسوي اكل
و تدردم بدون ما أسأل عرفته لشراع مديت راسي للمضيف
لگيت شحاطتين بالباب يعني اكو آحد
13
ردت اصعد أنام أنتبهت لعابتي ما هي اليوم تذكرت الصبح
بقت بسيارته ، رحت لجدة اركض هي اخترعت
جُمارة : جدة اني البارحة الصبح من طبيت بيدي لعابة
لو لا
59
عضت إصبعها و عاطت بوجهي
رهينة : جُمارة اذا ما تولين من وجهي اكسرج تكسر
ولي عنييي خطفتي گلبي
113
بقيت بالهول افتر و بعدها رحت للمطبخ كل شوية امد راسي
خاف يطلع ما اكدر انام بدونها همزين تذكرتها وهو موجود
ورود : شمالج جمارة تسودنتي ولج حتى دخت
جُمارة : سوي اكل لرجلج و معليج بيه
122
طلعت للساحة لان نعست گلت اخلي ينطيها الي و يرجع
لا تنزل امي و دكلي امشي صعدي و تلكة لعابتي عندة
رحت بأتجاه باب المضيف بعدني ما واصلة و صوتهم مسموع
4
زِناد : خايف من شريك أنا
علي : ردتها و ألف مرة حاچيتها أني گلت الها أنا شاريچ
أنا يا بت عمي والله رايدچ
جانت دوم تعوفني و تروح گلت اول مرة تستحي و الثانية هم لحد ما تأكدت هي ما تريدني
194
زِناد : أنا لحد هاي اللحظة ما مستوعب اخخخخ إذا لزمتها
علي : من شفتها أنتحرت گلت أخذها حتى لو متريدني
تتعود عليه أني أعرف شلون أخليها تحبني
تااااالي هيچ تسوييي تشرررد تشرررد
أنعل ابو گلبي اليفكر بيها بعد
126
زِناد : من تطلع منا كللهم إذا لزموها لحد يمد أيدة عليها
خل يجيبوها لبيتي گبل و يخابروني
حطيت أيدي على گلبي بخوف ، يذبحها !!
18
علي : خاف يصير موضوع يخصها لا تجيبون أسمي
أنا اصلاً بس نلگاها أسافر يم أخوي
280
زِناد : هو أخوك راجع وين تولي انتَ
357
علي : چا اشووووفها هيج احسسن خلصت عمررري كله كله
و أنا ما أتخيلها غير مرتي كسرت بچلمة أبوي لعمي فاخر
و عفت ورود كله علمودهااااا ما ردت أظلم البت الاخذها
لان تفكيري كله بيها بس هيَ
46
زِناد : چا هسة شسويلك هم أجيبها و أغصبها اطلع مو خوش أدمي وتخلص عمرها تنوح و تدعي عليه
بابا أفتهمني هذااا زواج مو لعب
16
علي : چا هسة أحسن
زِناد : ليش تخليني وجهك أفلشة أنا مو ما عارضت عمي عمار أبوك المحترم من وگف هنا يهوبز گلت خل ياخذها
حتى لو بالغصب لان عگب ما انتحرت أنا گلبي لعب منها
12
علي : اي و كالت للشيخ ما اقبل گلت بعد هاي هيَ
تروح تشوف نصيبها بس موووو تنهب
10
زِناد : أنا ثاني يوم سافرت الصبح من وره اخوك السگط
هناك يالله خابرتوني يعني كومة زلم كومة انتو ما گدر واحد ياخذها على صفحة يحاچيها هاااااا
26
علي : قبل سنة أنا گتلك أخطبها الي أخطبها و أنا أعرف شلون أعودها عليه والله ايدي ما أمدها عليها هي أعوفها
وحدها لحد ما تتقبلني
21
زِناد : بابا حرااااااااام الزواج إذا البت ما راضية بية
حاله حال الزنااااا هاي عشرة عمر بالله ما حبتك شلون
هاااا لو هيج الموضوع سهل أجيبها يمي و اخليها تحبني
جان من زمان شفتني متزوووج
101
علي : لا تطيها مجال اخذهاااا اخذهااااااا
لا تنكسر مثلي ما أريدك تمر بالجاي أشوفة و امرررر بي
48
زِناد : تـؤ ، أنا هاي حافظ كل تحركاتها ما عدها هيج
سوالف لا هسة و لا بعدين
104
صار صوت مال چلاب بره خفت و رحت گبل للديوان دگيت الباب الخشب الچبير هم أنتبهوا عليه واحد باوع للثاني
جُمارة : شيخ أكلك شي
34
عمار سلم و طلع و هو ينفت كل قهر و حزن الدنيا واضح على عيونه
و زِناد أجه بأتجاهي يمشي أعتيادي مو سريع مثل علي
اني لازمة طرف ثوبي الأسود بخوف لان ما طلعت من بالي
حچايته و هو يگول جيبوها لبيتي
30
زِناد : خير جُمارة
بلعت ريگ و حچيت بصوت ناصي
جُمارة : اللعابة مالتي بالسيارة مالتك بقت
19
زِناد : هسة هو وكت لعابة برأيج ؟
جُمارة : ترى اللعابة مالها دخل مو هي شردت عالية
153
باوعلي بقلة صبر رفعتله حواجبي أثنينهن
و أيديه خليتها ليوره ، بمعنى كلامي صحيح
55
هز راسه و مَد ايده لجيبه طلع السويچ و طلع بره
و أني امشي ورا بقيت واگفة وره الباب لحد ما مدلي ايدة
حتى اخذها لان يريد يروح ، اخذتها و درت وجهي مشيت حتى أطب جوه
4
خطوتين و درت وجهي بسرعة لگيته يباوع عليه و اني حاضنه اللعابة
جُمارة : إذا لگيتوها ، لا تذبحها
180
حچيتها و طبيت اركض بدون ما التفت صعدت گبل للغرفة
نمت بسرعة لان تعبانة و عقلي شايل هواي أفكار بس قبل لا أنام زعجتني فكرةّ كل يوم يمر جاي أبتعد عن حلمي أكثر و أنسى موضوع
الكلية لان حتى حياتي مرتبطة بمشاكل هذا البيت
و أمي ابد ما شايله هم الموضوع بالعكس هي اصلاً ما تريدني
أداوم هنا ، عندها امل نرجع لبغداد
15
كعدت الصبح على صوت جوه اني الوحيدة نومي خفيف عكس امي و روز إذا نامن صاروخ ما يگعدهن إلا يشبعن نوم من ذاتهن يالله
نزلت و هم لگيتهن كلهن ملتمات و جايات للبيت بس اليوم حتى مرت عمي عمار و چناينها و بِتها جايات
32
يحچن و يلطمن على خدودهن ام عالية تخربطت و بالگوة صحت
جدة تفتر و ساندة نفسها بعكازتها
3
(زوجة عمار)
ام سلام : ولجن ليش هيج تسووون برواحچن ليش
أجيناها والله و طلبناها هي ما ردنه غيرها يا ابن قنادر لعب بعقلها
77
ام عدنان : تلگيهم هسة من يجون و كليلهم أنا استر عليها
لا يكتلوها و هم تنسجن ويلادنه
12
ام سلام : لا عيني الما رادتنه و هي باكر ما نأخذها و هي ملثوگة شني ابني ما رايدته أجيبلة الناهبة الما رداته
75
حياة : سويها لله يجوز البت مابيها شيء
ام سلام : ياااااع شو تحچنها صدگ والله يذبحوها و أبچي اعله فاتحتها و ما أخذها لابني
احنه حصتنا من راس الجدر ما ناخذ الفضالة
101
رهينة : كاااافي صمن حلوگجن يالله أشكال شفنا و ستَرينه
و طمينا سوالف لسه الزلم ما تدري بيها
18
عجيبة : بس حگها ام سلام محد يلومها
رهينة : اول و تالي زِناد ما يذبحله بِت غصباً أعليجن واحد منهم ياخذها و يستر عليها وهو يصگرها و يربيها
27
عجيبة : والله خل ياخذها هوَ مو يطبق قوانينه علينه
رهينة : هسة البيها خير خل تتنفس و هو موجود و حَگ هوَ علي أخلي يعوف سالفة عالية و يحطوچن انتن بالمضيف
34
بقيت ساكته و أكول هذّني يمكن ما عدهن علم بـ الگاله البارحة
و ما يدرن راح ياخذها لبيته ما يجيبوها للمضيف اصلاً
معقولة يعني يگدر اي واحد منهم يخلي عليها السچينة و يذبحها
بس هُم شلون لگوها هذا السؤال الاصعب
45
فتحت البوري خليت مي بالگلاص ما أشرب من الثلاجة لان الجو بارد
اول ما دخل المي الحلگي جانت عيني على الشباك يم السنك واكفة
طلع المي من حلگي و خشمي من شفت باب الشارع انفتح بقوة
و طَبوا مثل الإعصار هم و غترهم ملثمين بيها
59
من گد ما چانوا هواي و سادين العين ما لمحت الها اثر
جدة و هي ترجف اول مرة اشوفها بهذا المنظر جرت نفس و طلعت الهم
و ام عالية طلعت وراها تركض و هن مدن روسهن من الباب طببوا
حتى أمها ولاء و سلام و عاطوا بيهن
طبگو باب المطبخ قوي
11
من باب المخزن إذا تطلع وره البيت و تكمل البيت كله
اكو باب حديد ينفتح على الساحة بصف الديوان ردت أتهور و أطلع
بس ما خفت منهم خفت لا امي تكعد و ما تلگاني
15
كلهن واكفات يم باب المطبخ و اصواتهم واصلة يمنه حتى و البيبان والشبابيك مسدودة رحت للاستقبال الي يصير اقرب مكان قريب على المضيف من البيت و ما ينفتح إلا بالتصدف آخر مره شفته بعرس
يونس ابن عمي فاخر ، الخطوة الي دمرت حياتنه
45
مديت ايدي اريد افتح الباب مقفول باوعت لسويج البنكة
فوگا مفتاح اخذته بسرعة فتحته انفتح طبگت الباب وطبت وراي ورود
جُمارة : يمه حتى هنا لحگتيني
ورود : ولج بس لا يكتلوها يمه شو لا شريك و لا زِناد
و لا علي
33
جُمارة : طلع علي يحبها
ورود : اي ابوي گال لامي البارحة حتى متخربط
بساعتها
- خطية
حچيتها و اني افتح البردة
8
ورود : ولج لا تبين من الجام
نزلنا روسنا و ختلنه وره البردات صوت عمي عمار و آمجد اكثر صوتين يلعلعن و هي حتى صوت ما الها فتحت عيوني بصدمةً من سمعت جُملة
- ها ولج كسر عينج و شِرد اخذ الذهب مو
152
لطمت ورود على خدها و صار صوتها وهي تنضرب واضح
ورود بقت مدنگة اني ما تحملت وگفت اباوع على جهة الساحة فارغة
هاي كلهم بالديوان يمه ، تذكرت من تگابلوا عليه بسبب رقة الحقيرة
25
بقيت مغمضة عيوني بقوة و اني اسمع بالأصوات
نزيت و فتحت عيوني بقوة من أنرگع باب الاستقبال بچف ايدة
وهو كل لمحة اطمئنان ماكو بملامحة أشرلي بعينه فوتي
ورود طلعت من جوه البردة
تزحف و جرت ايدي طلعتني بسرعة و قفلت الباب
89
ورود : مو كتلج ننشاف ننشاف الشبابيج مفضوحة
جُمارة :يمة شو وجهه ما يطمن بخير
ورود : يا خير هذا بعد راح نگوم نسمع بي ما نشوفة
21
احنه بالصالة واكفين أنفتح باب المطبخ و هن طبن يركضن للصالة
آمجد : طبن جوووووووووووا
134
رمشت أكثر من مرة و رجعت ليورة ، ورود هدت أيدي
لمن طَب وهيَ بأيده يسحلها و امها تلطم على وجهه
خشمها نازف دم و آثار الضرب تارسة وجهه و بعد ما ندري
بجسمها لان مستور
21
بلعت ريگي و أني أباوعله شلون ما ينكسر گلبه عليها
چان يباوعلي و أني نظرات الخوف منه واضحة بيه
فاتت جدة ورا تبوس بـ ايدة
رهينة : انتَ احسن منهم يجدة لا ، لا
25
صرخ بوجهه
زِناد : عوووووفيني جَدةةةة
112
شمرها بغرفة جَدة و طَب وراها ، و شريك بره بالگوة لازمي
عفت كلشي و ركضت للغرفة خليت ايدي على يدة الباب
و هو جان يريد يسدة
7
هزيت راسي بـ لا
زِناد : أمشي صعدي فوگ
جُمارة : بروح إمك عوفها
27
- أحطچ وياها والله
198
هديت اليده بخوف لان ملامح وجهه مخيفة وتحچي صدگ
رجعت خطوة ليوره محاولة أقناع باتت بالفشل
جرتني ورود يمها و هي دگول أركدي ، ثواني و طلع من الغرفة
بعصبية و قفل الغرفة ، و اخذ المفتاح و طلع
37
بقيت كاعدة على الدرج ما بية حيل اكوم بعد و اسمع صياح شريك
هرج الدنيا طلعت اله امه و جدة يهدن بي و زِناد لازمه بس
هو ما يهدأ
10
طبت عجيبة تلطم على خدودها
- يمة يمة المصخمة ضاحك عليها حتى ذهبها ماخذة و عايفها
118
طب شريك يركض و زِناد ورا و هم كلهم طبو هو و زِناد يتلاوون اخذ من عندة السلاح و شريك يگلة جيبة لا تخبلني
زِناد : هسة افرررررغة برأسك والله
8
شريك : لجججج عالية اني هيج تسوين بية
لجججج اليوم اذبحج والله اليوم
77
عمي عمار شال عگالة وشماغة و شمرهن بالگاع
عمار : هاااا هم ما تريد تذبحها و تغسل عارنه
حچينه گبل و ما سمعتنا وهاي النتيجة يا شيخ
55
زِناد : أي ما تنذبح واحد يجي يعقد عليها يالله
شريك : زنااااااااد شتحجي انتَ شتحجي لك هاااااي
نزلت راسي
81
زِناد : أذبحها و ياهو أنا حتى اذبحها لو أخليكم تذبحوها
والله ما تنذبح شعندي بعران و كلها حادة سچاچينها
152
كلهم أنتفضوا ضدة و كاموا يصيحون چان بهذا القرار وحدة
محد مأيدة ويا حتى أخوها صاير وياهم
گلبي إطمئن براحة لان هذا قرارة
19
شريك تخبل كام يأذي حتى روحة يركع راسة بالحايط
عمار : زنااااد وحق السماك زناااد سكتنالك هواي
هاي المره أنا حاط عقلي وياك
زِناد : لا مو جديدة انتَ دوم مخلي عقلك
54
عمار : إذا ما تنذبح عالية أدوس إعله وصية يوسف
و تعوووف الشيخة مو الك و تهد عگال أبوك بالديوان
و تمشي كاااااافي احنه مو زعاطيط عدك
35
زِناد : ياهو انتَ و تدوس إعله وصية أبوي
سافرت چم يوم ما گدرتوا تحلولكم سالفة تردون اسلم هاي
النسوان كلها بيدكم
26
عمار : و انتَ شسويت حافظت عليهن شني
زِناد : أنا الجوه عيني كلهن أعرفهن شنو و حافظهن أكثر من أرواحهن هسة اخوها بالعسكرية واحد منكم يفكر بيهن
لو ما فهمت بالضبط انتو تطبخولها من زمان
16
هاشم : أذبحوها و اغسلوا عارها خلي شريك يذبحها
و أنهوا هاي السالفة بأرضها و تصير عبرة لغيرها
93
زِناد : ماكو غيرها ورود راح تتزوج و بت عمي عمار هي جوه عينه وبت عمي يعقوب هاي لحد يسولف بيها
عمار : ليش وحد ، مو بت عمك يعگوب جابت النه اهل الفايز و هي هاطولها
120
زِناد: انتَ الحقيقة گبالك و تزيفها لان هدفك الاول و الأخير
أنا و تسقيطي أنا بس حچاية وحدة أكولها الك
الما يرهم عليك لا تحاول ترهمة
45
و الشيخة ، شمرة مو تعلوم
167
رهينة : كاااافي شمالكم ولكم من شوكت احنه نذبح بناتنا
خلي أخوها يكتلها يكسرها خلي يأدبوها محد يفك حلكة ويكول ليش بس عوفوا الچتل امشي عليكم آخو زينب
55
عمار : مو اجيتج و كتلج خل اعقددددد مو اجيتج الصبح
بس انتِ و حفيدج أساس خرااااااب العوائل هاي و دمارها
20
رهينة : طلعوووا براااا يالله طلعوا لا خير لمة الشر هاي
محد منهن تحرك و زِناد حاضن شريك يهدي و يحاچي بصوت ناصي
وشريك آخر شي حضنه قوي و دار وجهة يمكن گام يبچي و ماراد
احد يشوفة
116
فتح باب الغرفة زِناد و طب شريك و هم كلهم رادوا يطبون دفع أثنين
منهم بقوة و وگعوا على البقية
عمار : تف امدة هذا البيت الـ تحول من بيت شيوخ لبيت
دعارة بجال ابن يوسف
حجاها و دار وجهه حتى يطلع و صاح بولدة
79
رهينة : هذا البيت الكبرك و سواك زلمة هذا بيت البخت
ان شاء الله يعثر كلمن يجيب طارية بالموزين
و زنااااد تاج روسكم والله تاجهاااا
100
ما جاوبها طلع بسرعة يهز بيدة و ولدة طلعوا ويا عبالنه راحوا بس كعدوا بالمضيف و البقية راحوا وياهم للمضيف
عجيبة : حقهم عمي ما صايرة مسوين كيان للناهبة
51
سكتت بسرعة من صار الصوت بالغرفة يعلى و هي
تتوسل بيهم وجانت جملتها الواضحة
عالية : شريك والله والله ما خليته يتقربلي اخذ الذهب و عافني والله وداعت ابوي ما اجذب لا تذبحني بداعت ابوي
81
زِناد : شلووووووون هيج تسوين
3
عالية : أبوس إيدك أبوسها لا تذبحوني غلطت والله
بس أنا شريفة
22
زِناد : چا هوووو الشرف بهاي السالفة
هي التخون أهلها و تنزل سمعتهم بالكاع ما تنحسب
من الشريفات
65
اسمع صوت ضربها سديت اذاني شلون لسه عايشة
و تكدر تصيح جدة راحت دگت الباب و محد فتحلها الباب
صار هدوء فترة و أنفتح الباب طلع شريك يصرفن برداناته
و قميصة كله دم
89
قبل الكل ركضت للغرفة أشوفها صار هوَ گبالي
خفت رجعت ليورة سحب ايدي و وخرني من الباب
وسدة قوي
زِناد : يالله كلمن لبيتها ، شعدجن هنا شماتة لو شماتة
70
عجيبة : رحمة الله والديك هم كالوا
خير لا تسوي شر ما يجيك
زناد : ديالله لبيوتجن كلمن تاخذ سربها و تروح
باوع النه اني و ورود واكفات
26
زِناد : يالله و انتن فوگ وحگ ابن البدوية إذا لمحت ظل وحدة
منچن جوة ، بعده ممكمل ورود سحلتني و صعدتني
105
بدقايق البيت كله فرغ و من الهوسة تحول هدوء
امي و روز العرايس ستوهن كعدن سولفت الهن انصدمن
نزلت وي امي حتى إذا شافني ما يحاجيني امي كعدت يم جدة و جدة تون بصوت عالي
41
تغريد : شلون هيج تسوي بروحها هاي البنات هيج ما تفكر بأهلها كله من وره التليفونات
تحجي و تباوع لروز
168
جدة تحجي و تضرب على رجليها
رهينة : ولج خطوبة ما اجة خطبها ولج الما يدك باب اهلي و يعترف بية اصخم رأسهم و اشرد ويا يمن كونج بالمرض
52
تغريد : شلون لگوها
رهينة : والله شلون ما ندري بس المگموعة ماخذة حتى ذهبها و بتوت أمها وياها بايگ الذهب و شامرها بعد تگول ما جاسني ما ندري الصدك من الجذب
14
تغريد : لا أذا واصلة للذبح ما تجذب جا بعد شتخسر أكثر من الخسرته أنا ما توقعت يلگوها
4
رهينة : ولج ياهي نهبت و ما نلزمت مو بخت الأهل يعثر
و ينلزمن لو يختلن جوه الگاع
73
تغريد : الله يستر علينا و على بناتنا والله هاي الدنيا كامت ما تتأمـن
رهينة : اي وانتِ هنا واكفة تعاركين بزناد لان دوم خايف عليج و على بناتج ما تردين تناسبي لأن زين وياج
55
تغريد : اسكتي بالله و سدي هذا الموضوع
و ما اريد اسمع اسم زِناد
رهينة : ليش شني كاسر عينج
33
نزل غسان من فوك ضايج
غسان : ها جدة ارتاحيتي سدو التسجيل كله علمود الفلوس وسخ دنيا ترى باجر أتعين و تحتاجوني أدير مشاريعكم
بس إلا اسد بابي بوجهكم
112
رهينة : هو انتَ كاعد بـ بيتنا يا باب التسده هذا
غسان : والله عيب عليكم جدة جُمارة تحولوها من الصيدلة
لطب عام و تخابرون مدراء و روس كبار و أنا مثل الجلب محد كال تعال أسجلك
90
رهينة : جا جُمارة شني تروح تسجل نفسها طبعاً غير احنه نأخذها و بعدين لا تصيت عليها مو جثيرات فلوسها
غسان : لا بس چم مليون اخ هسة القوارير بختهن ينزار
و احنه محد بحالنا
81
جُمارة : اي انتَ روح سجل و تعال كللهم أنطوني فلوس شنو تريدة حار و مگسب و رخيص و اكول منو حاط عينه عليه حتى دوام لسه ما مداومة من وراك
22
غسان : هسة خل اطلع أكلة جا انتَ مو متكفل بينة
جُمارة : هسة ما أنصحك لان يمكن يذبحك بتهمة غسل عار
رهينة : وعلي يطلع حركة كلبة بيك روح سجل و أنا أنطيك نصهن و بعدين من ترجع امورنا زينه هو يطيك الباقي
52
رحت للمطبخ بحجة اشرب المي بس اني اريد اشوف كل الأحداث
لكيت زِناد واكف لازم ايد علي و يحاچي بهدوء و علي يهز براسة لا
35
صبن غده بس مو كلها أكلت لحد الليل ومحد فتح الباب عليها
و لا أنطوها گلاص مي عمي عمار لحد الليل ما طلع من المضيف
آخر شي وكف بالكراج و اشر على زِناد
عمار : اسمع مني زين باچر الصبح چايك أنا
تسلمنا عالية و ما تدخل بيها و بالليل اجي اعقد على ورود
و اليتنفس اترس حلگة بارود
137
زِناد : ورود أي ، بس عالية شيلها من بالك
عمار : لك أنا وياك و الزمن طويل يا زِناد
زِناد : چثير الهـلا
حچاها و آشر على الباب
59
خزرة عمي عمار دقيقة كاملة بقى واكف و طلع بعصبية
بآخر الليل اني كاعدة يم جدة و طب باوعلنه
زِناد : هم جوه يعني هم جوه !!!
67
رهينة : توها نزلت يجدة افتحلي الغرفة اريد أنامن
هالكة من التعب
هز راسة و راح للغرفة فتح القفل و طَب باوعلها و عاف
الباب مفتوح
3
بقيت منتظرته يطلع حتى اروح أشوفها كامت جدة وامها
للغرفة و اني سويت نفسي اريد اصعد ضل واكف يم الدرج مخوصر
منتظرني أصعد بسرعة طبيت للغرفة و سديت الباب
46
الليل كله أفكر بـ اشكالهم و هم لزموها و هو بالاخص شلون طببها
يسحل بيها معقولة كلامهم صحيح و هو فعلاً هيج قاسي
بس ليش مرات يصير حباب !!
55
نمت الفجر ثاني يوم عبالي كلام عمي عمار مثل كل مرة تهديد
لكيته كاعد بالصالة و صوته عالي زِناد ما موجود وهو طايحلة دگ حجي و جدة تتعارك ويا
5
جُمارة : ورود عود عمي صدگ يحچي
ورود : اي ولج اليوم يگول لو أذبحها لو أجتلهم كلهم
جُمارة : و صدك راح توافقين ؟
7
ورود : ليش اكدر ارفض چان عندي آمل بهذا الخسيس
يخلصني منهم بس بين على حقيقته ابن فتنه ما ينظف
64
جُمارة : ولج ترى هو ما سوالج شي يعني حتى من گلتيله
احبك و انتِ صغيرة ما فشلج غير اخته حية
ورود : و مدرستي الـ بسببهم عفتها
ما عرف يجي بعدين يحاجي ابوي اخوتي يكلهم اختي جذابةً
19
جُمارة : ترى جان طفل يعني اكيد يخاف من امه
ورود : لا بس يجوز هسة لگاله خوش خدامة و غير رأية اني صوجي دوم اتعب نفسي و أهلكها للما يستاهل
8
بقيت ساكته وهي تصب چـاي و تمسح بدموعها
و بكل صلافة طب للمطبخ سَلم اني رديت عليه دار وجه على ورود مستغرب لان تبچي ، حتى يجيس نَبض گال الها
ورود عادي چـاي
21
مسحت دموعها وباوعتله
ورود : مو خدامة عندك اني هذا كوبك و صب لروحك
ابتسم و طلع بسرعة حتى اني الما الي دخل نرفزني
49
بعدهم يشربون چـاي و طب زِناد سلم على جدة و باوع لحياة
زِناد : لبسيها عباية و جيبيها للمضيف
كام عمي عمار يباوع بشموخ و جدة انخطف لونها
ام عالية لطمت على خدها
27
طلعتها عالية تسحل بيها كوه تمشي وهي مأيسة من الدنيا كلها
اخذها عمي عمار من حياة و توجه بيها للمضيف
بلعت ريكي و كلهن يمشن وره عمي چانو الزلم مو كلهم هنا
جدة كامت تبجي ودگول ليش يجدة لعبوا بعقلك
14
جُمارة : يعني صدگ طلع وحش
ضربتني ورود على ايدي
27
بقينة واكفين على جهة و أنصدمنه من صرخة عمي عمار
و هو يغلط بصوت عالي و طلع بالساحة يلوب لازم راسة ما مصدگ
محد بيهن تجرأت تتقدم تقدمت خطوات
و أني أشوف ..
...
1.3K
إذا مو گلبك يجيبك ،
عَلية مكسَراتك هنَ جَابنك
150
- رُسل فَهد 🤎
35
