رواية مقبرة الاحياء الفصل الثالث عشر 13 بقلم سارة جعفر
بين الفقرات عشقي 
.
.11
لگينا الدنيا ما تنحب حزن ودروب ما تنطب
درب مكتوب بي نبچي ودرب مكتوب بي نتعب..
17
-وردة: جمد الدم بوريدي من سمعت صياحهم وچن وحده من هذن الطلقات طبت بنص گلبي وأستقرت، رمشت بثگل وحچايه "حُرّ نكتل" ترن بآذني وعقلي..
26
أسمع صوت فجر منهاره تبچي من گلبها وتصرخ
-يممممة حرّ يمممة
17
تكض بيهم واحد واحد تريد واحد يبرد گلبها بحچايه ماكو والوادم مخبوصين محد يرد على أحد، بس محد يوصل لحرگة گلبها تبچي مفرفحه جرت عبايتها حطتها على راسها وطلعت من البيت ما تشوف گدامها وأنه أحس روحي مبنجه من الصدمه!
4
كلاره تبچي وترجف كلها گاعده مصدومه وأيدها تنكث چنها سعفه أحس گلبي يرجف نار وشبت بضلوعي دمعه ما نزلت من عيني رغم گلبي يبچي دم أحس الدنيا ضاگت بيَّ..
4
"دنيا خلاف حرّ ما تسوى فلسين".
57
طبت فجر خدودها يصبن دم من التخرمش وتتراجف وجها أصفر وشفايفها بيض بگوه تمشي جاسني گلبي من من شفتها، سألتها بخوف
-حُرّ وينه فجر؟
-ما اله آثر أخوي فص ملح وذاب..
37
كضت أيدي تهذي مقهوره
-ما أدري وينهم ماكو واحد من زلمنا هنا، غير الچلاب أگلهم وينه وين أخوي بلكت واحد يبرد گلبي المجمر بحچايه كلهم يگلولي مكتول أنكتل حرّ ولچ كتلو..
15
تحچي وتطگ بوجها مقهوره وأنه دموعي يصبن
-چذابين فجر چذابين
4
هزت راسها يأسه وشفايفها بيض وروحها منتهيه
-ما شفته ما اله آثر كلهم يگلولي مات يگلولي نكتل!!!
7
الهوسه تكزبر الجلد چن فاتحه صايره صريخ وبچي ونوح ومن بين الصريخ صوت خاتون من جوه متخبله على حُرّ وصوتها رايح تسأل عليه تريد بس خبر عنه، راحتلها زهراء للهول تواسيها لأن المره راح تنجلط
1
وأنه أحس حتى رجليه ثگلن حيلي كله أنهد گاعده بالگاع وهدومي تارسهن التراب مگابله فجر المفطور گلبها وتبچي مختنگه دموعي شلال على حُرّ، شلون أفگده ويروح من دنياي حُرّ مو ياهو الچان عدي..
طب مشتاق يتمخطر بمشيته ويتبوسم چن عرس أبو
-كاتلينه يگولون
40
بلقيس على جهه تريد تكض روحها من الأبتسامه ماكو بس إيناس الوحيده من بيت صمد تبچي بخنسه والبيت حالته ما تنوصف رفعت عيني لمشتاق بحقد وزمخت
-تروحله فدوه يا نذل
30
رفع حواجبه وضحك بشماته
-غير يگولون مزرفينه تزرف بالچيلات
-الزينين يرحون ويضلون الحثاله
15
-هههههههه طبه مرض ريت يجيبون تابوته
-شعره من شاربه تسواك يا سگط
32
مفرفحه وحرگة گلبي كلها طلعتها بمشتاق حسيت بس أريد أتعارك لأن نار داويه بگلبي وهذا خله النار تزيد بگلبي بس نظرة عينه وأبتسامته الشامته خلتني أموت الف موته خزرته أرجف من القهر..
طب وائل يركض مستعجل رحت وراه بگوه أمشي وصرخت عليه تعبانه
-ولك وائل حاچيني
3
التفت عليَّ يباوعلي مخبوص
-ها وردة؟
1
-وينه حُرّ وينه صدگ مكتول؟
1
-صلي على محمد وأستهدي بالرحمن خل أسولفلچ.
13
صليت على محمد أمسح بوجهي وتنهدت بتعب
-سولف وائل گلبي خلص صبره!
-حرّ ما مكتول..
24
-يمه الحمدلله ربي الحمدلله ياربي
-بس كتل.
26
بهتت صافنه وأختفت ضحكتي من وجهي وفرحتي من گلبي نطفت باوعت بعينه بصدمه ونهدمت روحي هدم
-حُرّ كتل!
1
-أي وردة ما چنت موجود بره بس سمعتهم يگولون، مو نكتل أفتهمو غلط هوَّ الكاتل "كتل واحد بـَ ١٦ طلقه"..
62
-لا لا لا ما معقوله ما يسويها حُرّ ما يسويها!!
-هسه هوَّ بالسجــن.
44
حچه الحچايه مختنگ وأخذ تلفونه من الشحن وطلع يخابر بي عن سالفة حُرّ مخبوص جريت حسره طويله محتاره بزماني أريد عقلي يستوعب السمعته، أسحل بروحي سحل للحوش بچيت عاجزه وما أدري شلون أسولف لفجر وكلارة
فجر واگفه گدامه وائل وتصيح
-ولك ما تحچي وينه حرّ وييينه، أخوي ماااات!
+
-لا ما ميت.
-شلون ما ميت كلهم يگولون نكتل گالولي نكتل!!
-طلع كاتل
-يمممه ولك شجاي تحچي أنتَ!!
-وهسه هوَّ بالسجن خذو الشرطه..
4
حچاها وطلع من البيت گعدت فجر متربعه بنص الحوش بين التراب والقهر بس دموعها ينزلن وأيدها على خدها بين خذلانها وخوفها على حُرّ گعدت بصفها صافنه على حالها وممرود گلبي على حُرّ
التفتت عليَّ تباوعلي كضت أيدي دموعها شلال
-والله ما يسويها وردة حرّ ما يسويها!
3
هزيت راسي ساكته وأسمع الها وگلبي ما ينوصف تعبه
-حلف ما يكتل غير صالح، ما يسويها حرّ أنطاني حچايه وگال ما أطب سجن لو على نحري شفتچن بخلافي شصار بيچن كل ما تصير سالفه توگفن بعيني معقوله هسه ما وگفنا بعينه؟
5
باوعتلها بخوف دمعتي بعيني وبصوت متروس تردد
-خاف كتل صالح؟
تنهدت مسحت وجها وهزت راسها
-لا مو صالح
-ليش؟
-صالح لو يكتل روحه بأيده بس ما يحط روحه بأيد حرّ لأن يدري شمحضرله طول هاي السنين..
5
-ما يخلف بحچايته لو على نحره
-حچايته وحده هوَّ شلون ثناها شلون؟؟؟
3
-زين وين جسام خل جسام يروح وراه بلكت مو هوَّ؟
-شلون مو هوَّ ما تسمعينهم يگولون كتل وخذوه الشرطه!
4
بقمة أنهيارها تهذي بتعب ولوم أحس رجعت ١٥ سنه لوره، نفس المشهد بالضبط نعاد عليها ونفس الألم والتعب بس هسه أكبر وأعمق لأن چبيره وضيمها كبر وياها وما تحمل تعب بعد، أمسح بدموعي ويردن ينزلن أحس گلبي راح يطلع شنو أفقد حُرّ!
صرت أعزه معزه ما تنوصف، قريب لگلبي وبنصه واحد من عائلتي وزلمة حياتي الوحيد واليستاهل أتفاخر بي صارلي كلشي بوكت محتاجه صارلي فوگ السنه وياه وجاي أكبر بنص بيته وأحلى لحظات عمري عشتهن بسببه..
8
أشهگ وأناشغ ممرود گلبي بين القهر والتعب وهوسة الزلم بره، طب جسام ما يشوف گدامه من العصبيه أول ما شافته فجر فز گلبها وصاحتله
-جسام
طب وراه ضيغم وجسام ضل ما يشوف گدامه غير فجر تقرب عليها وگنبص گدامها يحاچيها
-گومي فجر
2
تلوب ودموعها ما وگفن تشهگ بين كلمه وكلمه
-حرّ يگولون كتل وطب سجن!
التفت على ضيغم ورجع التفت عليها
-صحيح طب سجن وجاي يحققون وياه، بس مو لأن كاتل..
13
-ولكم گلبي خلص والحسين گلبي خلص شكو بعد!!
-ما ندري بعدنا كلشي ما مفتهمين خبصه صايره لا الشرطه يرضون يحچون ويفهمونا ولا الموجودين بوكت الحادثه يسولفون عدل وأريد أفتهم ماكو.
1
طگت أيد بأيد عيونها مورمه وحمر
-حرّ أنتهى هاي هِيَّ ضاع، عنده سوابق ولو يكضون عده سچينه ينتهييي مو النوووب رمي وكتتتتل..
-گتلچ مو هوَّ الكاتل ليش ما جاي تفتهمين فجر شمالچ؟
-شلووون ما كتل أنه سمعت صوت الطلق تضحك عليَّ! ترى أدري تحچي هل حچي علمود تواسيني.
1
-والله العظيم لا، بس كل الفهمته حرّ بخير وسلامه وما كاتل بس ليش خذوه ما ندري خل أفتهم السالفه والله كريم وأن شاء الله ماكو غير الخير.
7
مسح وجهه ضيغم وباوعلها
-صلن على محمد خويه دشوفي وردة راح تموت
التفتت عليَّ وجرتني عليها تمسح بوجهي
-حرّ منطيني حچايه، شوفي شلون هوَّ گد حچايته
تصبر روحها بهاي الحچايات وتصبرني بس كلارة ما كفت دموعها وبعدها مستمره تبچي، وحتى أنه ما أقتنعت وأيست كلش لأن حسيت هاي هيَّ النهايه فقدنا حُرّ للأبد وما مكتوبله يعيش بسعاده ويتهنى..
التفت جسام على ضيغم يمسح بوجهه
-بس كون أفتهم ليش ما يسولفون وخبصونا خبص؟
4
-أندري ساعه واحد يگول حرّ نكتل واحد ثاني يگول لا هوَّ كاتل وبيهم يگولون الشرطه خذو حرّ وما مفتهمين شي..
1
-هسه همَّ غير ياكلون نعل و واحد منهم يسولف شكو!
-النوب يا شرطي أكضه يگلي السالفه مو يمي.
5
عيوني ورمن من البچي طبو وراهم عمامهم وكل زلمهم يسولفون بيناتهم مخبوصين وكل واحد ينطي رآيه بس حُرّ مختفي وما أدري وين أختفى أباوع بالوجوه متانيه واحد يريح گلبي بحچايه بيها خير ماكو..
كلنا واگفين بالحوش وهوسه وما مركزه بكلام واحد لأن حتى همَّ ما مفتهمين السالفه وأباوع للباب عسا ولعل يطلع كل كلامهم چذب ويرد حُرّ للبيت على طوله بس ما رجع حُرّ وضلت عيني على الباب متانيته
1
هب الهوى وتراكضينا
حسبالنا الولي سير علينا
ثاري الولي ما يدري بينا
23
طبيت لجوه مأيسه وشفت خاتون بالهول تبچي گعدت على صفحه ولميت رجليه لصدري أباوعلها عيوني مغوشات من الدموع تبچي وتدگ على رجليها
-گضه عمره بالسجون من سجن لسجن ومن ضيم لضيم لا يوم أرتاح ولا تهنى، گضه عمره وراسه راح يشيب والمگرود ما فرح يوم دولبته الدنيا من صغره..
5
چنت عايزه وكلامها زاد عليَّ النوح، چن ملح ونصب على الجرح كلامها عن حُرّ يفطر الگلب ويخليني أبچي لحد ما ينشفن دموعي لأن صدگ حُرّ گضه عمره تعب بتعب لا أرتاح ولا يوم مر الضحك على وجهه..
1
صارت الدنيا ليل ومر الوكت وجاي أفقد الأمل شويه شويه، فزيت من مكاني على هوسه چبيره صارت بره وأسمع صوته بيناتهم أحس روحي بحلم رحت بسرعه فتحت الباب وصفنت على الحوش شهگت من شفته واگف على طوله بنصهم فكيت عيني مصدومه وعيني صارت بعينه
أباوعله بخوف أريد أشوف متصاوب لو مكلبچ لو جاي أحلم وهوَّ ما موجود لو شنو جاي يصير أمسح بدموعي وأسمعهم يسألونه وأنه واگفه على صفحه وهوَّ يسولف وياهم ويرجع يلتفت عليَّ يباوعلي بتركيز
14
جسام: يمعود سولفلنا شكو شصاير؟
قادر: وحگ هوَّ علي حيلي كله راح عليك رجليَّ بادن..
ضيغم: گلوبنا راحت ماكو كلب أبن كلب يفهمنا السالفه
فقار: عبالنا صار بيك شي ولك
صمد: شو رديت على حيلك ما چنك چنت بنص الموت!
19
حُرّ: يمعودين أنتم ما فاهمين السالفه لا من ساسها ولا من راسها سوالفكم كلها مو يم الصار.
2
جسام: خبلونا كل واحد يحچي شكل!
حُرّ: المغربيه طلعت من البيت بالديره أتمشى وچان أكو لمه مال شياب گاعدين يسولفون وأنه واگف أسولف وياهم أعرفهم خوش وأدم ملهتين نسولف وطبگت سياره گدامنا نزلو منها أربعه ملثمين وكل واحد بأيده أسلاح عيونهم تفتر بيناتنا گال واحد منهم منو بيكم حجي فاضل وواحد من الشياب الموجودين گالهم أنه حجي فاضل حياكم الله شمحتاجين؟
2
بدون تفاهم حطو بي ١٦ چيله زرفو الزلمه تزرف طاح چدامنا يخر دم من كل أصفاحه أحنى تبنجنا ما متوقعين شجاي يصير واحد منهم التفت علينا يگول اليجيب طارينا الحگه بفاضل وركبو سيارتهم وراحو لا بيدي سلاح ولا قنادر..
صارت هوسه وحجي فاضل مات بساعته لأن زرفوه تزرف بالچيلات وحتى بگلبه حطو چيله، والشرطه صحيح حققو وياي وأخذونا كلنا الچنه موجودين ورادونا شهود على الجريمه ورادو ياخذون معلومات عن الچاتلينه.
گاطع: وأنتَ بس لا شهدت عليهم!
1
حُرّ: شي أكيد أنطيتهم كلشي أعرفه بالحرف الواحد.
1
مشتاق: تجيب المشاكل لروحك گوه
2
حُرّ: الزلمه مات چدامنا مچتول شنهي أسكت على باطل؟
3
صمد: أحسن ما تنكتل
حُرّ: فكونا يرحم أبهاتكم
جسام: زين حرّ ليش كتلوه؟
حُرّ: خايب غير بحوشت بسالفتهم وطلع حجي فاضل عنده أبن عم چاتل من هذوله الأربعه وهذوله أجو على حجي فاضل چتلوه عود دم بدم چا المگرود الشايب هذا شعليه ونچتل وذاك أبنه عمه يسرح ويمرح!
5
جسام: هضيمه بعلي
ضيغم: خطية زلمه چبير!
قادر: زين حرّ أنتَ ما عليك خطر من الحكومه؟
حُرّ: لا يابه أنه شلي غرض، بس يمكن الأخوان يردون نتفاهم ليش شهدت عليهم بالمركز.
1
قادر: تتفاهمون گتلي مو!
1
ضحك ودگ على چتف قادر يحچي بأريحيه ولا چن صارت جريمه تفجع الگلب وبيها خطوره عليه ولا چن هسه حياته بخطر من ذوله الكتلو حجي فاضل ولا چن بيتنا مخبوص خبص عليه!!!
تقرب عليَّ مبتسم نزل حواجبه يباوعلي
-الغزالة عيونها معميه عليَّ؟
-عبالي صدگ صار بيك شي
-لا وين هاي أجيتچ على طولي
-خفت عليك من السجن
أحچي وأمسح بوجهي من الدموع وهوَّ طيف أبتسامه على وجهه وعيونه تتأملني بكل هدوء
-لا تخافي.
9
رفعتله عيني وصاحتله خاتون طب لجوه يحچي وياها وأنه أحس ما مصدگه اليوم شلون مر علينا والله الدنيا ضاگت عليَّ بس عشت شعور فقدانه چا إذا أفقده شيصير بيَّ، حمدت رب العالمين هواي لأن ما تفرفح گلبي عليه وردلنا سالم..
مر الوكت وأجه يوم غيره وأحنى بقلق لأن حياة حُرّ خطره بسبب عدوان حجي فاضل وأجه الليل ونزل حُرّ من غرفته يريد يطلع من البيت، عطره يفوح وحيل أحب ريحته دائمًا نفس هاي الريحه أشتمها تفوح منه لابس دشداشه سوده تلمع من النظافه وبأيده سبحه سوده لافها على أصابعه وشماغه لافه على راسه بترتيب والمشلح لابسه على ظهره لونه اسود يخلون بي المسدس.
3
قبل لا يطلع أستوقفه صوت جسام
-يمعود بعد وكت شعدك طالع تعال يمنا شويه.
التفت عليه حُرّ، وغمزله ضيغم وبنبرة تلاعب گال
-بويييه الكشخه تسطر المن هاي؟؟؟
أبتسم حُرّ وائل يشرب چاي ويباوعله
-لحبيبته ما تشوف شلون كشخه فول..
خاتون طگت وائل بالسبحه
-شوكت لحگ تصير عده صخيمه مگرود يمه مگرود
باوعلها حُرّ وهز راسه متأثر
-شوفي جده يذبون عليَّ مصايب عبني فقير.
1
ضحكت خاتون بصوت وأجه هوَّ گعد وياهم، كلنا ملتمين وره العشى سوالف وچاي وضحك وأكيد شويه سم بالگعده، حط جگاره بحلگه وبأيد قرب الجداحه عليها والأيد الثانيه مغطيها علمود الهوى ما يروح النار
-والله الطلعه ما تتأجل شويه وأروح.
چلبو بي ولحو عليه لأن الگعده حلوه حيل وتونس ويستفقدونه بيناتهم، راح جسام شويه ورجع بأيده دله وبالأيد الثانيه فناجين ثنين وطبعًا هاي العاده أنتبهت الها بيت حُرّ من أجيت الهم لازم وره الچاي يشربون گهوه واليعرف يضبطها عدل جسام
1
صب للزلم بالفنجان بس النسوان ولا وحده شربت، لأن كلش مره ومو حلوه فـ هنا ما نحبها بس الزلم يحبونها، حُرّ صفن على الگهوه بوسط فنجان بأيده ورفع عينه باوعلي ما أفتهمت نظرته ولا فهمت قصده بهل حركه گلت يمكن تكون نظره عابره..
13
بين السوالف والشقه تحمحم قادر ونطق بموضوت غير الحديث كله
-ما دامكم كلكم ملتمين هل لمه الحلوه وما أشوف أنسب من هل وكت أسولفلكم وأنتم أهلي وناسي وردت أشوركم وآنطيكم علم ما دام هاي الوجوه الطيبه كلها گاعده
ضيغم يتلفت يدور الوجوه الطيبه وينها
8
صمد: سولف بويه شني سالفتك؟
قادر: ناوي أخطب..
خاتون: أييي على الخير هاي الأخبار الحلوه
حُرّ: أكو حرمه براسك تريد تخطبها لو على الأهل؟
قادر: أي والله خويه، براسي بت آلـ طالب
1
وائل: ها لك طلعت مو هين هم تتمعشگ
قادر: لا الله شاهد حچايه ماكو بيناتنا بس سمعتهم سابقتهم وخوش ناس أعرفهم أنه، والبنيه شفتها مره وعجبتني أخلاقها وردت أتوكل على الله..
ضيغم: ها قادر بس لا صرت مثل هايشة گرايبنا!
1
أول ما نطق الحچايه ضيغم جسام بز الگهوه من حلگه خربان ضحك وقادر صافن عليهم بدون ما يرمش!
فقار: يا هايشة على هل طلعه
ضيغم: شمالك خايب نسيتها الهايسه الرادت تزوج
جسام: هههههههههههههه قادر وعلي چنك هِيَّ
قادر: شني يا هايشه؟
حُرّ: شنهي السالفه؟
1
ثنينهم فحطانين من الضحك ضيغم يمسح بوجهه وجسام أخس منه، بلش يسولف ضيغم
ضيغم: هاي گرايبنا عدهم هايشه بليله من الليالي چنه عدهم وهاي الهايشه طگت راسها بالحديد حيل وصار صوت مزعج فد مره وراسها جاي تعوره وتصرخ يمعوده عدلي بدلي عوفي الطنگوره الدنيا ليل ماكو ما تتفاهم تصرخ چنها ميتلها واحد أحتارينا وياها شمالها لطشت علينا بنص الليل ماكو شي ما سويناه الها جبنالها أكل ماكو ما ترضى تاكل عبالنا جوعانه عبالنا مريضه، لحد ما أيسنه وما ضل عدنا حل طببنا الها ثور يله خنست وسكتت طلعت طالبه تزواج وأحنى ما ندري
متنا من المستحى صافنين عليهم كاتمه ضحكتي من الأحراج وهمَّ ممهتمين ميتين ضحك، عمامهم ضلو يرزلون بيهم وما هامهم أشگد غلطو عليهم خو قادر صار وجهه أحمر كلش أستحه لأن هوَّ مؤدب وخجول ونحط بموقف ما ينحسد عليه
4
صمد: الله يطيح حظكم يا سرسريه
گاطع: عبالنا سالفه بيها خير كل حچيكم فساد بَـ فساد..
جسام: الله أكبر الهايشه طالبه تزواج أحنى شلنا غرض؟
فقار: چا فرحانين بيها سالفه تتسولف هاي!
جسام: أنتم ما جاي تضحكون لأن بوكتها ما أنشلعت گلوبكم مثلنا ماكو شي ما جبناه الها وما رضت فحطتنا..
حُرّ: عود صدگ لو سالفه منكم هاي؟
ضيغم: والحسين الشهيد چا دوم نسولفها أنه وجسام..
قادر: الله يطيح حظكم.
حُرّ يضحك بأستغراب وصدمه، فجر وجها صار أحمر من المستحه وكلارة فاتحه حلگها تضحك بفهاوه وتاكل بأظفرها وأنه تمنيت روحي أختفي من المستحى وجسام وضيغم بعدهم مقتنعين بسالفتهم ما بيهم شي
1
صمد: ولكم نسوان وفروخ منا ما تسحتون أنتم الله يطيح حظكم يا سرسريه، خو هذا جسام فد واحد فويسد.
جسام: رجع على لطمان عمي شلي غرض أبتليت أنه الهايشه مو مؤدبه چا مو تحكمون علينا كلنا!
1
قادر تمنى بهل لحظه يمكن يتبخر وجهه مگلوب أحمر وبس يمسح بالعرگ من گصته من الفشله تحمحم فقار بسرعه غير السالفه علمود ما تصير مشكله..
1
فقار: والله زين ما ختاريت زلم ونسوان بيت طالب ينحطون على الراس مؤدبين وسمعتهم سابقتهم عندي واحد من ولد طالب صاحبي راقي بمعنى الكلمه.
صمد: خوش وادم بيت طالب أخذ الهدوم العليهم.
+
بلقيس: لا شالقضيه بت طالب مو حلوه أنه أخطبلك على ذوقي
جسام: شلچ غرض أنتِ خالة ولد عمة بنيه؟
محاسن: لا قادر أنه أعرف بيكم أخطبلك بت أختي شلون بت تخبل كل اليشوفها يفهه بوجها من الجمال مرايه تحطها وتباوع عليها.
1
جسام: هذني شمالهن؟ ترى خاف هوَّ ما يردلكم لأن يستحي منكم أنه لا أستحي ولا أحترم قادر يريد يخطب بت طالب يعني تخطبون بت طالب بعد فلانه ولطمانه وعلانه شكو تختارن بكيفچن أنتن تعرسن لو هوَّ؟
1
محاسن: شمالك لسانك متبري منك غير أريدله الزين!
جسام: الزين خليه لولدچ وعوفي أخوي.
بلقيس: خايب أنتَ شايف بت طالب تلعب الروح
قادر: عمه أنه مقتنع بالبنيه وأريدها.
صمد: غير تريد الزين لأخوك شمالك ما تستحي!
جسام: يابه الزين كله خلوه الكم تطولونها وهِيَّ گصيره عليمن گال أريد بت طالب هاي السوالف بعد عليمن؟!
قادر ساكت وجسام يسولف عنه لسانه شطوله سكتهم كلهم بس فعلاً أنتبهت قادر يحترمهم وخلوق بينما جسام هوَّ يسولف عنه ويرفض ويدافع لأخوه ويسولف بكل أريحيه بينما قادر حيل خجول..
خاتون: بعد گلبي جده من عين باچر أروح أخطبها الك صدگ چذب يوم عيد عدي أشوفك عريس.
تشكر منها هواي وباسها براسها، وحُرّ طلع من البيت والزلم البقيه واحد وره واحد ضلو يطلعون من البيت والنسوان رادن يغسلن البيت وينظفنه وفجر گالتلنا نطلع لبره علمود ما يضلن يتأمرن علينا طلعنا أنه وكلارة للحديقه فرشنا فراش وگعدنا
+
متربعين على الفراش نسولف بأندماج وقاطعت كلامها صوت شهگتي فزت بخوف تباوع وين أباوع صرخت
-ولچ ذااااك جريذي!!!
التفتت فاتحه عيونها نباوعله يركض بكل سرعته بين الشجرات ويتختل وضيغم واگف بالحوش يريد يطلع من البيت صاحته كلارة
-ولك ضييييغم تعاااال
تقرب وگف باب الحديقه عاگد حاجبه
-ها شتردين؟
-هذا جريذي يركض بالحديقه لا يعضنا تعال أكتله
-خل أجيب سيف وأجي أكتله.
-شعدنا حرب الحبشه
3
ضحكت بصوت عالي وكلارة عگدت حاجبها مستغربه
-منيلنا سيف؟
-چا تردن أكتله هيچ ششفتني!
-ترى جريذي مو مصارع
-لا عمي أنه زلمه أخاف على شبابي..
همَّ يسولفون وأنه مركزه على الجريذي وين يروح ويختل النوب سريع
-يبووو ولكم شوفوه وين ختل هذا الجريذي والله يخوف
ضيغم فر أيده والتفت يباوعله
-هذا چن البيت بيته صارله أشگد هنا ولا واحد سبع كضاه دوم يفلت النغل.
سكتنا وهوَّ رجع گال
-مره بالليل عضني برجلي وخلاني يومين مريض
-شالقضيه شمالك خواف!
-والعباس مو قصة خوف بس الجريذي نگس والمكان اليعضه أو اليمشي عليه الجسم تصير بي حكه وأحمرار وحتى يصير المكان كلش يضوج چا نگس وشكو مكان خايس طاب بي.
1
-چا ما تگضه أحسن ما يعض ضحيه جديده
-هسه أكضه وأنعل والديه
راح لمكانه ويلتفت عليها يطلب منهل تدلي بالمكان مضبوط وهِيَّ تشرحله وخايفه وأنه مچلبه بيها نباوع على الجريذي شلون خانس بمكان وخاتل وضيغم بسرعه كمشه بأيده كاضه وبدل لا يطلع أجه علينا
+
شهگت كلارة وصرخت كاضتني
-يمممممه
دفعتها گدامي وصرت وراها أصرخ خايفه
-لا تشمرررره عليَّ
التفتت عليَّ خازرتني وتصيح
-چا أنه شني ذنبي تحتمين بيَّ؟؟؟
التفتت على ضيغم خزرته وزمخت وهوَّ يتقرب ويضحك
-والله العظيم أشهرك وأخزيك
-أرگعچ بكله أفتح راسچ نصين
يتقرب عليها ورافع الجريذي بأيده وهذا يكشش الروح بحيث جلدي كزبر من اللعبان الروح التفتت على الصفحه الثانيه مشمئزه وكلارة طنگرت تنتر
-ترى هذا يسمونه شقه ماصخ!!!
1
ضحك ورجع لوره طلع من الحديقه يسولف
-وعلي حرف واحد أشمره عليچن.
طلع من البيت وياه الجريذي، زفرت نفس براحه
-شماله هذا؟
-خبل..
رجعنا للغرفه نباوع مسلسلات، وثاني يوم گاعدين الظهر ملتمين كل بيتنا وخاتون گالت
-العصر نروح نخطب لقادر، حضرن روحچ أم فقار وفجر.
فجر حطت گلاص الچاي بالگاع وهزت راسها
-صار جده
بلقيس ضلت تباوع لخاتون منتظرتها تگلها وأنتِ هم
-ها حجية چا وأنه؟
عگدت حاجبها جدتي تباوعلها
-أنتِ شني شعدي كيه
1
بلقيس: غير چنتچ الچبير وأروح وياچ
خاتون: لا عليمن ترحين أنتِ تخربينها وتردين
محاسن: ويعني فجر الها أحترامها أكثر منه؟
خاتون: أكو أعمارهم صغار بس عقولهم توزن بلد وأكو كبار وعقولهم عقول زعاطيط.
3
محاسن: مشكوره حجيه مشكوره
بلقيس: ما مرجيه منچ هاي ترى عيب تستصغرين بينا وتكبرين بت بگد خلفتنا چا أحنى مو نسوان وعلينا العتب بس أنتِ طول عمرچ تفرقين وتميلين لفجر
خاتون: أي أميل الها لأن مؤدبه أنه حرمه أميل للحگ لو ويَـ عدوي مو النوب الـ فجر.
+
أبتسمت فجر مدنگه عينها على الگاع وتسمع لكلامهم بهدوء، كل واحد راح لمكان بس ضلت جمره تسرع بگلوب محاسن وبلقيس شلون خاتون أستصغرت منهن هيچ وخلت قيمتهن جوه الرجلين حيل فرحت لأن خاتون دواهن وبنفس الوكت لأن متأكده لو راحت وحده منهن تخرب العرس كله وخطيه قادر مبين حيل يتمنى يتزوج بت طالب وبنفس الوكت ما يستاهل تخرب فرحته..
راحن خاتون وفجر وأم ضيغم يخطبن لقادر من بيت طالب اللي بنفس ديرتنا، ومن رجعن أجن وياهن بشاره الموافقه وما فكرو أيام لأن يعرفونه كلش زين وحيل فرحو لأن قادر راح يناسبهم ومدحو هواي بي وبأخلاقه وفعلاً قادر زلمه شهم وحباب
أيام أتفقو بيناتهم على كلشي، وتشاوفو البنيه وقادر وهاي الروتينات وأتفقو على كلشي بس چان شرطهم الوحيد يسوون الخطبه بسيطه حيل لأن قبل فتره توفه شخص من أقاربهم والفتره مو قصيره بس يستحون يفرحون وأقاربهم عدهم وگالو العرس راح يصير عدكم وسوو اليعجبكم والطرفين أحترمو رغبة بعض..
وأجه اليوم اللي صار بي عقد قادر وزوجته، وچان عقد حيل بسيط ومعازيم قليله بحيث أنه وكلارة ما رحنا وأصلاً مو كل بيتنا راحو ورجعو للبيت بعد العقد وطبن النسوان والزلم بقو بره
طب قادر للبيت بفرحته المزينه وجهه والحلقه بأيده مشاعر الفرح بعيونه تخبل، وأول ما طب تلگته فجر ملگه حلو بأيدها الجگليت تطش عليه وتهلهل بهلاهل تخبل وهوَّ يضحك فرحان ومستحي
طبو وراه الزلم كلهم وضيغم يدگ على الباب وفجر تهلهل وزلم ونسوان واگفين صايره هوسه ولمة عرس يردون يعوضونه الخطبه وسووله حفله بسيطه تبين فرحتهم بزواجه وهوَّ حيل فرح ووجهه صار طماطه وگولات تخبل ويهوسوله وتصفگ ودگ وهلاهل أجواء عرس عراقي
ضحكت زهراء من اليحچن گولات رفعت صوتها تگول
-وكل أحنى أخوته ولا تگولون وحيد
هوسات وكلها تصيح بالگوله يعيدونها بأصوات مخلوطه سوى والفرحه تارسه المكان والأصوات وحتى الوجوه هلاهل فجر ودگ ضيغم يخبل
حُرّ واگف بصف فجر ضحك يباوعلها
-حسچ وصل لذاك الصوب
-هههههههه چا غير فرحانين
فجر بيها طبع يجنن وين تحطها ترهم، تطب لفاتحه تعرف تلطم وتصيح وتنعى وتسوي كلشي وإذا عدها عرس هلاهل ومعزبه ومعدله وهلهولتها فضاعه عاليه حيل وتخبل وبأيدها جيس جگيلت تطشه شكبره يوكله ديره بعد ما هدئت الأصوات على صوتها برزانه وهدوء
فجر: مو بس حچايه وگوله، أحنى حسبة أخواتك صحيح أنتَ ما عدك أخوات بس أحنى هنا كلنا أخواتك وعرسك ما يضل خالي أحنى نشيله الك وأخليك بين عيوني أتعبلك تعب بعرسك أم ما تعبه لأبنها مو ياهو الچان معرس زلمة من أزلامنا المعدلين.
+
هِيَّ تسولف والكل ساكتين يسمعون لكلامها حُرّ يباوعلها مبتسم ويتآمل أخته وبنفس الوكت أكو عاشگ يتآملها بهدوء بس عيونه فاضحته مبتسم ومركز وياها بكل حرف وحتى أنه أحس روحي أباوعلها بحب گد ما شخصيتها حلوه ورزنه وتخليك تحترمها
أبتسم قادر مستحي وحط أيده على صدره
-بعد گلبي هنيالي والله، أخيتي أنتِ وحچايتچ هاي وحدها كافيه تفرحني ربي يحفظچ ويخليچ مواقفچ تشهدلچ أرجعها الچ بالأفراح أن شاء الله..
فرح من كل گلبه بكلامها وشلون تلگته وصدگ وگفتله وگفه معدله بحيث سوتله خوش أستقبال وخلت الوادم كلها تهوسله وهوَّ خطيه حيل كاسر خاطري أمه ما موجوده بأهم يوم بحياته ولا حتى عده تواصل ويـَ خواله كلهم ولا عده أخوات من أمه ويوگفله
بينما أخواته من محاسن حيل مو زينات لا وياه ولا ويـَ أخوه جسام، بس هنا طنگرن وصارن تنانين لأن زهراء وفجر يگولن ما عنده أخوات وأحنى أخواته أعتبرنهن عدم وضاجن شلون هيچ نلبسن، وهنَّ صدگ بالمواقف ولا يوم وگفلهم بس هسه گدام الوادم يسون رواحتهن زينات ما أدري شني
مر هذا اليوم من أحلى الأيام عدنا حيل فرحت على فرحة قادر بهذا الأستقبال وشلون كلنا واگفيله ومهتمين بعرسه، وبالليل أجه ولد من ولدنا لحُرّ
عمي
-ها بعد عمك
-صاحبك بالباب يريدك
-ياهو منهم شلون صاير؟
-عيونه خضر
-مُهيب هذا
-گالي صيحلياه بشغله ضروريه
1
هز راسه حُرّ وطلع لبره گاعدين أنه وكلارة التفتت عليَّ
-أشگد حلو هذا صاحب حرّ!
ضيگت عيوني وطگيتها
-وين تعرفينه؟
ضحكت والتفتت تباوعلي
-چنت فوگ أباوع للهوسه من خذاچ صالح، وشفته واگف بصف حرّ صاحبه المقرب.
أي هم من أجاني حرّ هوَّ وياه
-والله حلو..
طگيتها على چتفها فاتحه عيوني أضحك
-ها ولچ تحبين على الشكل؟
هزت راسها تضحك وفجر واگفه بالباب متخوصره تباوعلها وأنه أتعمد أحچيها علمود فجر تسمع وتكتلها وأحنى بينا طبع منو تكتلها فجر الثانيه تتشمت بيها وما نستنكف عادي عدنا فجر چبيرتنا..
-لا شبيچ بس أنطيت رآيي بشكله
-حبيتي شكله؟
-أحس شكله مميز والله يعني كـ رآي
-أي أي كملي
-أي يعني ملامحه حلوه حبيتهن
كتمت ضحكتي أباوع وراها وهِيَّ بالها سارح أنتبهت الي وشافتني أباوع لوره وجها ضل ينطي ألوان وبسرعه التفتت شافت فجر وراها متچتفه تباوعلها
-كلارة منو هذا الحلو؟
-لا هيچ ماكو شي
-طايحة الحظ ما منطيتچ تربيه أدب سزز!!
ضحكت كلارة بخنسه تخاف من فجر، تقربت عليها گرصتها تنتر بعصبيه
-تتمعشگين طايحة الحظ!!
-لا لا بس گلت حلو والله
-نچبي كلارة والله لو أسمعچ تحچينها مره ثانيه
وأنه أهز راسي متأثره
-عيب كلارة عيب شني هل سوالف
-يا حقيره
فجر تكتل بيها وأنه واگفه شامته
-شمالچ فجر أكتليها بالسبعه وسبعين سوط حُرّ
-لا روحي جيبيلي النعال
ضحكت فرحانه وكلارة تخنزر بيَّ وتصيح
-أشگد حقيره أنتِ تحچيني النوب تگلبين عليَّ؟؟؟
طگتها فجر على راسها
-أنه سمعتچ تمدحين بي يا مستهتره
+
ضحكت عليها وفجر ما قبلت كلارة تعيدها بعد طلعت من الغرفه وكلارة تحك بمكان الكتله خزرتها وطلعت من الغرفه وأنه أتشمت بكلارة لأن دوم تتشمت بيَّ، لحد الليل أنه ما أگدر أنام البنات نامن قبلي والبيت أصلاً كله نايم وبيهم طبع ينامون من وكت كلش ويگعدون من الفجريه
طلعت للحديقه گعدت على جهه أيدي جوه خدي أباوع بملل نفتح باب الحديقه رفعت عيني گدامي حُرّ لازم الباب يباوعلي بأستغراب
-شعدچ هنا بهل ليل
درت وجهي لجهه ثانيه وزفرت نفس بضوجه
-من الملل گاعده هنا
-ليش ملل چا ما تنامي ليل والوكت متأخر؟
+
-گول هل حچي لروحك
-أنه بشلاع الگلب تغفى عيني
-صارلك أشگد ما نايم
-الليله ثالثه والله
-أوف أشگد الموضوع يقهر أنه من أنام شويه أضوج مو ما أنام وشغل وهاي الهوسه!
-تعبان چثير تعبان
-شوف أحس إذا أريد أنصحك، تمدد على فراشك وغمض عيونك وطفي الضوه لو تضل ساعات على هل وضعيه ضل وشويه شويه ياخذك النعاس وتغفى عينك..
-ما أگدر غزالة أنه الهي روحي عبن ما أريد أفكر.
-ليش حُرّ؟
-من أفكر چثير أتسودن أفكر بشغلات تخنگني مثل صالح، وچتل أمي، وذيچ الليله، وكلشي مو حلو صار وياي بسرعه يجي بالي و أموت وصارلي ١٥ سنه أنه بس تفكير وبين أربع حيطان تسودنت بس أريد أسوي أي شي تعبت من التفكير والگعده..
-الله يكون بعونك
-بس لخاطرچ أجرب هاي الطريقه.
-والله أنه دائمًا أجربها علمود أنام
-زين ليش ما جربتيها هسه؟
-ما أريد أنام لعبت روحي گد ما أنام
-أنه ما جايها نوم عيني تجي وياي؟
-وين؟
-نلعب دومنه.
بلعت ريگ وفهيت بوجهه بخوف تذكرت من لعب ويـَ الولد وفاز عليه ضيغم وسحب أقسام وركض وراه بالسلاح يريد يرميه رفع حاجبه
-ها
لا ما أريد شكرًا..
-ليش؟
+
-خاف النوب تركض وراي بالسلاح لأن أفوز عليك!
-هههههه لا لا تخافي تعاي
أبتسمت ورحت وراه وبالي سارح أفكر
-شلون عرفتني بالحديقه گاعده؟
التفت عليَّ مبتسم وبهدوء نطق
-شفتچ وأنه طالع
-مو كل مره أگعد بالحديقه تعرفني هناك
-أي چثير أشوفچ تطبي للحديقه
هزيت راسي وهوَّ طب شويه ورجع للمطبخ بأيده علبة الدومنه تربع بنص المطبخ أبتسمت وگعدت گدامه بتردد خربطهن گدامنا والنوب حط گدامي سبعه وسبعه بأيده الثانيه اله، والباقي حطهن على صفحه
-يله
رفعتهن تلاثه بهاي الأيد وأربعه بهاي ضيگت عيوني مبتسمه وبلشت أنه لأن الصاي الأول عندي أبتسم ورفع حاجبه
-أخسرچ غزالة
-أنه أخسرك أبو شوارب
-نشوف
ضحكت ودنگت أباوع على الصاي أشوف شنو المناسب ولحد ما صار قطار شطوله وحماسيه ومن كل عقلي أريد أفوز عليه وضايجه عبالك صدگ فوز وخساره ما چنها لعبه وهوَّ يدخن جگارته ومضيگ عيونه يباوع للصايات هز راسه
-عدچ حظ أنتِ
-ضيغم يغش، وردة عدها حظ گول أنتَ ما تعرف تلعب وفضها.
-تخسي لچ
حط الصاي ضايج وأنه أرفعله بحواجبي مبتسمه
-چؤ چؤ راح حُرّ خسر من وردة..
طگ الصاي بالگاع صاي الفوز وزمخ
-نچبي لچ سگططط
فزيت وهوَّ ضحك من شاف روحه تحمس
-ترى أنه چنت مسيطره هذا شبي؟
-غير ما تعرفي تلعبي وبس تمسلتي
-رحم الله والديك
-أنه تتشمتي بيَّ ولچ وردة أنه تگليلي ما تعرف تلعب؟
-دروح عمي دروح ولا العب وياك بعد..
-طيري لچ چا غير كسرت عينچ
-عليمن كسرت عيني شني عدوان أحنى
ضحك بصوت وخربطهن ورفع عينه الي
-تعيدي؟
+
-لا ما أريد
-چا من أگلچ فرخه ياهل تزعلي.
-ليش؟
-ضجتي لأن فزت عليچ هاي الفروخ اليهال شبيدنا..
يحچي بأريحيه وأبتسامه على وجهه حسيته من صدگ مستمتع باللعب والسوالف التفتت أباوع للساعه
-عزه شوف الساعه بيش وأحنى ما منتبهين!
التفت وضيگ عيونه يباوع للساعه بتركيز
-چؤ چؤ راح يصبح الصبح
رتبت الدومنه بعلبتهن وهوَّ يسولف وياي بابتسامه
-شويه وأطلع للشغل أنه
-بدون نوم؟
-أي
-براحتك
-طبي لغرفتچ نامي
هزيت راسي وأنطيته العلبه وگمت من مكاني طلعت أطگطگ بأصبعي ومنعسه فد مره أريد أروح للغرفه وأنتبهت لإيناس واگفه بصف غرفتها تباوعلي بحقد رفعت حاجبي بأستغراب بس لأن نعسانه ما ركزت وردت أصعد لفوگ أنام
-مسويه روحها شريفه الدايحه
1
التفتت عاگده حاجبي بأستغراب على كلامها
-شهل تمسلت؟
فرت أيدها ضايجه وتهز بشفايفها
-سوي روحچ شريفه ما أوصيچ
-وحاضر الشدات لو عدتي هاي الحچايه أگص لسانچ
-باع الصلافه يعني فوگ ما صارلچ ساعه گاعده تتمضحكين وياه وتلعبين ودگ سوالف والنوب تبيعين شريفات بروسنا دروحي عمي روحي غير بعد چم يوم نطلع نلگاچ نايمه بحضنه..
1
-وأنتِ شلچ غرض؟
-غير خابصتنا تسوين روحچ شريفه بروسنا
-أنه أسوي روحي شريفه؟
-ما مچذبه
زفرت نفس أهدي روحي وأشگد حاولت أنصي صوتي بس ضل عالي
-هل مره أسكت عنچ مو لخاطر خلقتچ الزفره بس مالي خلگ مشاكل وحاضر الشدات إذا عدتي هاي الحچايه يا إيناس أخليهم يحتارون بياه مستشفى يعالجونچ.
كملت كلامي وصعدت بدون لا أهتم لرآيها أشگد سزز وطايحة حظ، يعني تطعن بشرف بت بهل سهوله يعني أنه حُرّ واحد من عائلتي أعتبره والله هوَّ وأخواته صارو عائلتي طول عمري أحس روحي محتاجه العائله وعوضوني همَّ وحتى بدون ما تجيها أذيه مني أجت تطعن بيَّ بدون سبب!
ما حچيت للبنات السالفه لأن حسيتها ما تسوى أضوجهن عليها، دائمًا أصلاً أسمع كلام مو حلو من بلقيس وبناتها ومحاسن وبناتها فـ هذا الشي صار عادي عدي وما أهتمله..
گاعده بالغرفه وكلارة تباوع مسلسلات وفجر تگول لـ حُرّ
-ما تجي يمنا؟
-شتردن؟
-نريد شوفتك، لا تجي يمنا لا تشوفنا ما شابعين من سوالفك تعال أگعد يمنه مشتاقيلك..
ولا مره هوَّ طاب للغرفه گامت كلارة طفت التلفزيون وفرحانه بجية حُرّ طبو هوَّ وفجر للغرفه يحاچيها
-خفت تتقيدن
هزت راسها ما راضيه
-بالعكس نفرح
أبتسم وصارت عينه على كلارة
-ها عجبتچ البلازمه لو لاله؟
-تخبل حيل حلوه شكرًا بعد روحي
-تدللي
گعد هوَّ وفجر وكلارة يسولفون وبين السوالف كلارة مسحت على أيدها متعوره
-حرّ ترضاها فجر كتلتني!
طنشها وغلس ضل يدخن ويباوع بتلفونه
-هااا شو غلست ليش؟؟؟
رفع راسه الها وجر نفس من الجگاره
-لو ما مسويه شي غلط ما تطگچ أحمدي ربچ ما مسولفتلي چا كلتي چتله ثانيه مني، فجر ما تطگچ إذا مو غلطانه.
1
ضحكت بخوف وجها ضل ينطني ألوان
-لا چا أحنى أخوات بيناتنا، هيَّ من تطگني ترى المصلحتي!
1
-عفيه عليچ عفيه
-أمشي وره المبچيك ولا تمشي وره المضحكك..
ضحك بصوت عالي وفجر جابت لحُرّ الچاي تخزرها بسرعه كلارة غيرت الموضوع علمود ما يفتحونه بعد ومر الوكت حُرّ سوالفه تضحك من يسولف بشقه ويانا أبد ما يتعصب لو يفشل وحده بينا وأحس شخصيته تختلف جذريًا وياهم..
مر الوكت وأجولنا خطار وهوسه كلش چبيره بالبيت لأن خطارهم يصير أقارب خاتون وحيل هواي زلم ونسوان وهوسه بناتهم يم فجر وزهراء وبقية البنات بيتنا كلهن ملتمات بغرفتنا يسولفن وأنه هدومي أتلفن ماي أخذت دشداشه وطلعت أشوفلي غرفه فارغه علمود أبدل لأن غرفتنا گاعدات بيها البنات
+
طبيت لغرفة خاتون من شفتها فارغه وباقي البيت مخبوص والثوب طبع على جسمي والماي بارد كلش بس أريد أنزعه والبس الثوب الثاني أنتبهت غراض حُرّ على جهه بغرفة خاتون أبتسمت وشلتهن ضميتهن بالبوفيه طبعًا حُرّ دوم گاعد يم خاتون يگعد بغرفتها أكثر من غرفته ودوم غراضه عدها
جريت الثوب نزعته وشهگت بخوف من نفتح الباب وصارت عيني بعين حُرّ
