رواية عروس الهور الفصل الثاني عشر 12 بقلم هيلانا
مساء الخير
1
#عروس الهـور
+
لا تنسون تصـويت وتعليق
على الفقـرات لطفأ ومتابعة للحساب
+
لـ أنستكـرام 22_mc.al
+
꧁_______________________________꧂
+
واگابل عينك الحلوة واغني
وكل اليوجعنك ،يوجعني
إذا تنجرح آني انجرح وياك
مثل ما آنه منك أنتَ مني .
5
___
:-تحـب منو...؟
5
التفنـة على مصـدر صوت أثنيـنة بسرعة..
نفلجنـة واحنا نشوفة واگف أكبالـنة بالباب
شمس جمدت وبلعت ريكهة بخوف
+
وحدة باوعت لثانيـة بقلق أحس الافكار طارت من راسي وماكو جذبة ألزك السالفة بيهه
+
ما أدري شلـون طلعت مني بس كتلـة بسرعة
"أنحبـك بابا "
28
شمس باوعتلي وعوجت حلگهة أبتسمت بورطة بس والله ما أجة أبالي شي
+
گامت راحـت لبابا حضنها وكالها:-اروح أشكر ابن عمج لو ماهو ما رجعتي النـا سالمة
6
هي ما حجت شي بس أبتسمت مجاملة وهو طلع رايح يشگر ازاد
4
التفتلي وكالت:-أوفف همزين بعد لا جفصين
+
شجن:-لا تخـافين قابل أكولة تحب علي "حجيتـهة وغمزتلها" شالت المخدة وشمرتها عليه
12
ضحكت وهي مشت نزلت جوة
+
بقيت كاعدة بالغرفة أحجيّ وي مرام وبشرتها برجعت شمس وهي دكلي خلي أحجي وي شمسيـة
+
:-أني ضايجة
+
:-لويش الضوجة منو وياج
2
:-اوف مرام حال الضيم حالنا هنا
8
:-لعد شنو ابوكم معندة نية ترجعون
+
:-لا والله قافل وبلش يبني بيتنا هنا بس يكمل ننتقل الـة
+
:-تهون لا تضوجين الا ما تنحـل بعدين انتي كاعدة عد أبوج دوم هسه تزوجين وأطفرين اشبيج أتفائلي
+
:-شزوج غير همة راح يزوجوني على مزاجهم
+
:-لا حرامات والاستاذ الحلو
4
:-راح
2
:-شلون صيدة اكلج مادام بعد متردي خابري كليلة صديقتي محتاجة شغل بلكي يشغلني يمه وأجيبـة لطريق
9
:-مرام لا تمسلتين مو وقتج
1
:-داأضحكـچ خايبة
+
:-تدرين مشتاكة لبغداد
+
:-واني مشتاقتلجن
+
:-ولي ام المصايب
+
:-اوي شدرانى راح يصير هيج وصدك وينها أختج خلا أحجي وياها بلكي أنخطف وياها مرة لخ
+
:-لا أيأسي بعد ما تنخطف راح تزوج أزاد
3
:-ماعدة أخو
3
:-أثنين مزوجـين
+
:-وابو
21
:-هههههههه امة موجودة
+
:-دهر لفج بومة
1
سديت الخط منها وهي تتمضحك.. ودخلت للحمام أخذت الملابس من الغسالة
+
كلت أشرهن على السطـح وبعدني دا أطلع بيهن
+
وشمس دخلت وجهه مخطوف وتتلفتت بالغرفة مثل الي ادور على شـي
1
مشـت للجربـاية وخـرت الدوشـك والمخـدة دورت جواهن رجعت فتحت الكنتور فردشته
+
دنكـت جوة جرباية أتـباوع أستغربت هاي شبيه
:-شمس شسوين
+
:-گلادتي ماهيـة هم شفتيه
20
:-لا والله
+
:-شلون يالله شسوي
+
:-أشبـيج هي گلادة وهسه خبصتي الغرفة على گلادة صدك تحـجين
+
مسحت على وجهه وباوعتلي بنظرة غريبـة حيل
خوفتني حجت راصـة سنـونها
:-متعرفين شنو هل گلادة
1
:-شـدعوا خاف لان بيه أسم الحب
6
:-أنجبـي
1
گمت وكفت يمه. وهي بعده أدور ضحكت وحجيت
بمرح:-أويلـي على الحب يشلع الكلب
+
رفعت راسها بعد ما جانت كاعدة على ركباتها وادور جوة الجربـاية:-كومييي دوريهه ويـاي
+
شجن:-على گيفج هسه تلگيه هنا بشيء مكان
+
ما أحس غير كامت بسرعة وعتـتني من أيدي عاطت بوجهي:-ادورررريلي گلاددتييي كوووومي ويايي أنييي اااادمررررر اذا ما البسها
15
دفعتهه عني أيدي وجعتني وهي حيل لزمتتني
:-اشببيج شمسس خبصتينة هسه هي تسواله الف وتتدمرين من دونها أنروح لنجف ومـناك أشتري كومة گلايد بيه اسماء علي أووي شدعوة هيج ميـتة
4
:-يربـي شحجي وي هل ثولة يا حب يا بطيخ
+
:-لعد شكو كتلتـي نفسج على گلادة
+
مسحت على شعرها وهي تاخذ نفس تحاول تهدي نفسها:-باااعي اني بدون هل گلادة أضيع أنتهي أرجع للمصـح أتخبل
4
:-ليش شنو بيه
+
:-هاي حـرز ميصير أنزعها
3
:-منو سوالج هل حـرز
4
:-سالفة طويلة بس هسه كومي دوريهه وياي
+
مادري ليش خفت:-زين وين جنتي أخر مره خلي ندور لان بيت جبيـر هنا زين اذا گدرنة نلگاها
+
:-نزلت لمطبخ وطلعت شوي للحديقـة ورجعت للغرفة بعد ما رحت للاي مكان
1
:-تمام لعد رايحة أدور المطبخ والحديقة
+
:-وأني راح أدور هنا يلا
+
نزلت للمطبـخ گمت أدور بي جوة الكاونتر وميز الاكـل وطاولات الموجودة بهل أثنأ
+
دخلت مرت عساف باوعتلي بشك كالت
:-شتسوين
+
:-صراحة دا ادور على كلادة شمس يمكن واگعة هنا فدوة ما شفتيه شي
+
:-لا بس ترا الخدم من صبح نظفـو المطبخ خاف شمروها بالزبالة
2
:-لا دكوليهه
+
:-كلته خلص.. زين شنو هل كلادة مهمة اذا تردن عندي هواي اكسسوارات انطيها منهن
+
:-لا حبيبتي شكرا بس هي تحب هاي الكلادة شوي خاصة
+
:-ها لعد مادري.. خلا اسألج الخدم اذا شايفيها
1
:-اي بلكي
+
عفتـه وطلعت للحديقة دورت بيها بس ماكو
هي غير ناعمة وين نلگاهة
+
صعـدت للغـرفة.. شمس ماهيه بس الغرفة كالبتهـا كلاب سمعت صوت ماي بالحمام
+
جان الباب مفتوح ع نص كلت خاف تسبح ما فتت دكيتـة على كيف وصحت:- شمس انتي جوة
+
مردت عليه رجعت صحت عليها هم ما ردت دفعت الباب وفتتت
+
لگيتهه كاعدة على بانيـو وأيدهة على خدهة
وتباوع للمراية
9
الي ماخذ جزء من الحايط صافنه عليها بتـركيز
وفاتحه عيونه على وسعهن بطريقة تخوف
9
تقربت منه حطيت ايدي على گتفهه فـزت وطفرت من مكانهه مرعوبة:-شمس شبيج حبيبتي
+
شمس:-مادري.. ماما وين
+
شجن؛-جوة تردين أصيحهه
+
شمس:-اييي بسرعة
+
اجيت أمشي لزمت بيدي باوعتله عيونهه مدمعه كالت وهي وتفرك بوجهه:-اخذيني وياج لا تعوفيني وحدي هو أجة
9
:-شـ.. شـمسس منو الي اجة
+
:-هو.. هو اكيد راح يكتلنـي هل مره
+
:-شتحجين منو هوو
+
:-اني خايفة...
+
حضنت جفوف اديهه وهي بلشت تنهار وعيونهه تتلفت بكل الاتجاهات:-أشبيج اهدي
ماكو احد ومحد يگدر يوصلج تمام تعالي ننزل لماما
+
أخذتهه ونزلنة للغرفة ماما جانت دا تقرا قران من شافتنه دخلنة عليه طبگته وكامت بسرعة
+
نبهت لونهـا وهي تشوف شمس وضعها غريب
اخذتهـا من ايدي وكالت بخوف:-اشبيج ماما شموسة
+
ردت وهي تبجي:-خايفة
3
التفتلي وحجت:-اشبيه شمس هااا شكووو
+
شجن:-مادري ماما لگيتها هيج مساع
+
أخذتهه كعدتهه على جرباية وهي كعدت يمهه
وشمس عيونهه طايرة مو يمنه أبد
+
كنما أكو غيرنة هنا او كنما تنتظر شـي يصيـر
حضنت ماما وجهه بين اديهه وهي تحاجيه
:-ماما شموسة شكو احجي يروحي
2
ردت بنفس جملة بصوت مرتجف:-اخاف أموت
3
نهال:-أسم الله مامـة شنو هل كلام
1
خلت راسها على صدر ماما
وهي تمسح على شعرها
+
كعدت بصف ماما وهمست بصوت خافت
:-ماما أعتقد رجعتله حالته القديمة
+
هـزت راسها على ساكت وكالت:-أنزلي سوي جواعـة لشمس اكيد جوعانة حبيبتي
+
ردت هية:-لا ماريد
+
نهال:-أني هم جوعانة ناكل سوة يلا شجن
+
نزلت جوة حضرتلهن اكـل وصعدتـة بس هي ماقبلت تاكل وماما شگد توسلت بيها ولا حطت لگمة بحلگهة
+
****
+
العصـر كلش أزاد جمع العائلة وكال لبابا علمود عقد قرانة هو وشمس وطبعا بابا ما عارض
8
والغريب شمس جانت كاعدة بس أبد ما حجت جان رايحة بغير عالم صافنة
+
وازاد أفتهم من سكوتها هي موافقـة
2
فتفقـوا على باجـر يسون هو عقد هو حفلـة
وباجر هم أخوالـي يجـون على أساس
2
باللـيل
+
جنت فـوك رتبـت الغـرفة وكلبـي يسولف أول مرة أخاف بس هي وضعه يخوف
+
كلت أكمل وأروح أشوفهه لان ماما كالت تبقى يمي
+
كملت وطلعت الاضويـة طافيـة نزلت وصلت أخر بايـة وسمعت صوت بجـي
+
الصوت ديجي من المطبـخ.. خفت هذا صوت شمس هي مو بغـرفة أهلـي
1
فتحت الباب جان مردود وظلمة فتحت الضوءة جانت گاعدة على قنفـة ولازمة
+
السچينة بيدهـة وتبجـي تشهك... نرعبت رحتلهـا بسرعة وهيه ابد مو يمي
+
لزمته اريد أسحب السچينه من أيدهة بس هي كلش قوية قوة مو طبيعية بحيث كوة اخذته
من ايدهه
+
:-شسووووين هناااا شمس
+
:-راح أموت ديگلي أكتلي نفسج
32
رجف جسمي وباوعت بالمطبخ فارغ
:-هـ.. و مـ.. نـو
+
:-هو.... هو ... شووووفي ديباوعلي
5
التفتت وين ما دا تأشر على جهه الباب الخلفي للمطبخ مفتـوح
+
:-ماكو شي ماكو احد هنا
+
:-لا هنا شوفي
+
غمضت عيونهه وصرخت بطريقة هستيريه
صرخة نابعه من وجعها الي ماكدرنة نفهمـة
+
صرخة كفيلة تفززز اهل البيت وهي تگطع بشعرها
:-راااح مووووت راح يكتلني كاااااالي جاي علمودج
11
لزمت ايدهة احاول أهديه وحضنهة وهي تملخ بنفسها بطريقة تكزبر الجلد ترعب
+
على صوتها اجة بابا وماما والبقيـة حتى الخدم كـعدو
+
اخذهـا من حضني بابا وهي تصرخ وماما من جهه يحاولون يهدوهـا بس هي شبـه فقدت
1
ازاد جان جامد يباوعلها مصدوم والكل صافنين عليها
+
سالم:-شممس... شمسسس.. بابا اشبببيج
+
:-راح اموت راح اموت بابا فدوة ساعدني لا تعوفني
1
سالم:-لااااا لاااا ماعوفج بس ااهدي گطعتي شعرج
+
:-ماااااريدة مااااريدة اكره كصة مااااريد شعررري، فدوة بابا جبولي مكص اريد اكصة
1
ركضت ماما للغرفة تركض جابت القران سحبت شمس للحديقة وهي شبهه متخبلة وبابا لازمهه
3
كامت تشهك وتدعي وهي مخلية القران على راس شمس:-يااااالله لا تفجعني بنتـي يالله اريد بنتي منك اااني ماصدكت ترجع لا تفجعني بيـ..
+
قبل لا تكمل...دفعتهـا شمس وهي تصرخ:-وخررررو عني مااااريدة ووخررروووو لا تأذوني
+
جانت ماما تحاول تلزمهه وهي تدفعهـا عنهـا وتحاول تفلت نفسها منهم تخبلت كلش
+
وماما فرفحت متعرف شسويلهـا لحد ما جرها ازاد من حضن بابا للحضنه شوي جان قوي كددر،يسيطر عليه وهو يكلهه:-شمس.. شمس..ماكو شي والله ماكو شي كوووولي ياللله سمي باسم الله
31
بس هي وبدون وعي حجت بصوت مرعوب
:-اريددد علي فدوة علي خلا يجي علي راح أموت
خلي علي يجينـي
80
هل أسم جان كفيل يخلي بابا ينصدم هو وماما بعد واحد باوع بوجهه الثاني
+
وجان مثل الشىرارة نزلت على ازاد..تخبل كبل ضربهه راشدي فوك ماهي منهارة هو ضربه
7
ازاد:-أتوقعتتتت بيها شي طلعت تبجي على هل نعال اعلمج شمس بسيطة بحضني وتذكرينه يااااا بـ***
35
عاد هنا گبت العيـطة بين بابا وأزاد شلون يضرب شمس وماما من نص الهوسة سحبت شمس
+
وصعدتنـة للغرفة... نومتها وغطتهـا وهي ترجف
رجعت تقࢪا ايات على رأسهـا
+
والصوت جوة يرن يربي شلون أيام مرة
+
شوية وأجة بابا بعدة ما دخل الغـرفة ركضت عليه ماما كالتلـة
:-ها سالم هنتـة لـ ازاد طيحت حظـة
+
كاله:-نعلت سلفـة سلفاااا
12
نهال:-الادبسزز يمد أيدة على شمس تسوة راسة وانوب مريضة... التفت على بابا وكملت بلـوم
+
:-كلة منك والله كله من جوة راسك بهذلتنة وبهذلت بناتك شوف حالنا شوفها للشمس شلون مدمرة شوف وجهه سالم باوع بعيونها هذا شكل أبنية عمرها 22
شوف حالها شلونه والله أني خايفة خايفة بتي تروح من أيدي وأنفجع بيها
+
سالم:-كافي نهال كافي لا سممميني شنهي أنتي تخافين على بناتي أكثر مني مثلا وكتلج أزاد طيحتة للحظة بعد مايشيل أيدة على شمس ومحمد اذا خدشها خدش أخذها منة أشوف منو ينطـي مراة
1
لطمت ماما صدرها بصدمة:- بعد هاي سوايتا عدك نية تنطي مراة
+
سالم:-تعرفين شني الوضع لا تغشمين نفسج وبعدين أني نطيت كلمة ميصير أتراجع بيها كتلة رجعها وراح أزوجها الك
7
نهال:-ابن اخوك مينعاش ويا واحد همجي ويغار وعصبي ميسيطر على نفسه شلون أنامن على شمس عندة
3
سالم:-هو يحبها وصدكيني المرأة الصنعة هي تكسب رجلها ويصير وياها أنعم من الدخن اذا عرفت. تصرف
8
نهال:-والله مادري بيك وبسوالفك.. بس شوف اكلك والله العظيم اذا صار على بتي شيء او ازاد أذئها معرف غيرك أنت ورطتنه وي أهلك
+
ما رد بابا خلة ومشة كعد يم شمس يمسح على راسها وهي نايمة
+
****
+
الصبـح نزلت أجيب الهـا ريوك
+
نزلت للمطبـخ وأني أفكر هنا خنگة بيت عمو أنوب مشاكل والله لو مكعدينـة بيت جدو أحسن النـة
+
قبـل لا أفوت سمعت صوت مسـرة وصوت مراة صادق يسولفن
+
مسرة جانت مرتگية على سلك وبيدها صينية ماش تلگط بي وذيج متربعة بالكاع تنظف بالخضرة
+
كالتله:-لج مسرة شفتيها شسوت شمس يمه تبجي ودكل لبوها اريد علي يمة ماشفت هيج بنات صلفة والعياذ بالله أنوب شگد دايحة ما أستحت من ابوها وأعمامه ولا أبن عمه اسم الله استر علينا ربي
12
مسرة:-عمي والله عشنة وشفنه بنات تاالي وكت
+
:-اي والله.. أكلج أني بلشت أخاف على رجلي بلا هاي شمس ازاد مجلب بيها وهم هي يمكن مسودنة عقله مو براسها ما أعتقد أحد من لولد يباوعلها بس شجن خايفة منها جنها دجاجة تخنب
6
مسرة؛-شگلج حتى أني ولا مرتاحتلها اريد العرس يخلص حتى ينگلعون هي واهلها البارحة سمعت ازاد يگلهم ان شاءلله شهر ويكمل البيت
+
:-أنوب حلوة وأصغيرة اوفف وصادق عينه زايغة
4
مسرة:-يمعودة أحمدي ربج صادق بس يباوع أنتي شايفة رجلي الشفيـة شلون كاتل نفسة عليها كل شوي الگاهم بمكان كاعدين والبارحة لگيتهم بصالون سوة
3
:-وما سويتـي شيء
+
:-لا لان حسيت هي ماله علاقة بي بس، هو چلب شو عيونة مزرزرة وراها بس تدرين شنو ذني متربيات بـ بغداد وين يقتنعن بيهم دشوفي شمس شلون متخبلة من ازاد متريدة ذني متحررات يردن واحد يخليهن براحتهن على كد أيدهن ويسيطرن شلون أمهن مسيطرة على أبوهن
5
:-حجيچ صح بس هم خلي بالج منها ولا تنطي عساف فرصة ينفرد بيها ترا شيطان شاطر
+
:-لا يمعودة والله أموتهم شنهي لعب
+
كبـر لفجـن على هل تفكيـر.. تحممتت وفتتت من شافني سكتن ومسرة أبتسمت كالت
+
:-شلون صارت أختج حبيبتي
8
:-زينة الحمدلله
+
:-اكلـج هي شني دوم تجيها هاي الحالـة
+
ردت مراة صادق بستفهام:-ما تاخذوه للسيـد يطلع هذا منها اسم الله
+
شجن:-مابيها شي هي مجرد نفسيتها تعبانة
+
مسرة:-يا نفسيـة خية تضحكين على نفسج غير أجت تگتـل نفسها
+
:-اي والله ياريت تشوفلها حل لان عدنة جهال بالبيت يخافون والله جهالي البارحة ولا ناموا من الخـوف
كوة نومتهم
+
شجن:-مابيه شي أختي تمام وأحنا ما باقيـن هنا بس عمو ابو ازاد هو أصر نبقى ولان حياتنا بخطـر وبابا مهدد والا اكيد ما عاجبنـة نكعد بيت غريب وان شاءلله بس يگمل بيتنا ننتقـل ما نبقى هنا
1
أجت مسرة يمي خلت أيدهة على جتفي وخرتها وبعدت رحت لثلاجة طلعت مي أشرب كالت
+
:-لا زعلين حبيبتي مو قصدنة نحجي على شمس او شي بس خايفين عليها حالنا من حالكم لا اكثر
3
شجن:-ماكو داعي شكرا
+
رجعت فوك والدنيا طالعة من عيني يربي شيخلص هل أيام
+
هسه أحنا يجوز أيام ونخلص بس شمس شلون راح أتصير جنة بهل بيت وتعيش وي هل حياية
+
صراحة هي هم حيـة مثلهن ولسـان بس هي مريضة ومادام مريضة ضعيفـة مو مال تعيش وي هيج عالم
وهذا أزاد هم طگة ونص كل شوي أخبالة گايم عليها
17
والبارحة ضربها وهي مريضة الحقـير تنگسـر أيدة كون مرض
4
شفتها كاعدة وعيونها على الشباك وبابا وماما ماكو طالعيـن أجيت يمها ماحست بيه
1
حضنت أديها فزت بسرعة بخوف
:-اسم الله هاي أني
+
لمت حلگهه ودموعهه نزلت حجت بدموع:-شجن أني راح أموت
+
شجن:-لا يعمري اسم الله عليج الموت للي يكرهنا مو النا
3
شمس:-بس أني حاسة راح أموت
+
شجن:-لا تحجيـن هيج والله كلشي هسه يصير تمام أنتي مابيج شي بس شوي تعبانة.. وبابا خابر دكتورج راح يجيب الج منه علاج وترجعين مثل الورد
+
شدت على أدية وكالت بتوسل:-اريد علـي فدوة شجن ساعدينـي أنتي مو أختي فدوة جيبلي علي أني محتاجة علي محد يحمينـي غيرة أني ما أحس بالأمان الا ويا شوفي شوفي شصار بيه
44
شجن:-شمس فدوة لعينج كافي تحجين بأسم هذا الولد شفتي ازاد شسوة البارحة وصدگيني لو ما مريضة جان حتى بابا ممكن يزعل منج ويتصرف غير تصرف وياج بس هو ما أخذ على كلامج لان مريضة
+
تجاهلت كل كلامي ورجعت تحجي مرعوبة وهي تمسح على وجهه:-أتصلي بي او شوفيلج طريقة كليلة شمس مريضة جاي تموت اكيد راح يجي والله أني متاكدة يجي
2
شجن:-لج شمس أصحي عاد من وين أجيب رقم الولد أني حتى ما أعرفه وين الگا هسه وبعدين تدرين اذا اجة شنو يصير والله يتگاتل هو وووالد عمج وازاد ما يتفاهم مو ناقصنة مشاكل وسممعه زفرة انتي ما شايفة شنو كاعد يحجـون علينا وصخوا سمعتنا بالاراضي.. فكري بـ ماما وبابا خطيىةشنو ذنبهم متحملين هل كلام والحجي بسببنا هااا يروحي أنسي هذا الولد ميفيدج والله وتعالجي وركزي على حياتج وي ازاد هو صح عصبي بس يحبج و يموت عليج ورجال يتقشمر بكلمة أنتي صيري حبابة ويا حتى يغير تعاملة وياج لان هو ديحس أنتي متردي ومتخبل وكل تصرفاته هاي بداعي الغيرة صدكي
25
طبعا ضربت كلامي كله عرض الحايط وحگت راسها وگامت من الفراش
فتحت المجر وطلعت المگص
+
:-شسوين
+
:-اريد أكص شعـري
1
:-شمس أشبيج عوفي المگص
+
گمت حتى أخذة منها بس ما أنطتـة الـي.. كتله واني أحاول أهديهه:-زين انطينا واني أكصة الج لا تخربي أنتي
+
شمس:-لا اريد أكصـة وحدي
+
شجن:-شمس
+
عاطت بيه وهي تأشر بالمگص:-كتلـج عوفيني معليج أطلعي برااااا يلاا اطلعيييييي
+
خفت تذبحني بالمگص أني كلش گمت أخاف منها أحسها ابد مو بوعيهة طردتني من الغرفة وقفلت الباب
13
رحت بسرعة لغرفة ماما وبابا بس مالگيتهم نزلت جوة شفتهم همه وازاد
+
بابا يسولف وي ازاد وماما تخوزر بي وكل شوي تعدد اله بصابعهـا يمكن عرگة بس على الساكت
2
رحتلهم ركض التفتولي من شافوني وجهي مخطوف
:-بابا الحك شمس قفلت الباب على نفسها
+
ازاد:-شنـو.... شنووووو
8
ركض ازاد قبلنة وأحنا لحگنا دك الباب بقوة وهو يگلها أفتحي شمس بس ماكو رد وماما تتتوسل بيها تفتح بس ابد ولا جاوبت
+
عاد هو كالي روحي جيبي الجاگوك من المطبخ نزلت على سريع أخذتة من المجـر وصعدت انطيته اله
+
كسر بي قغل الغرفة دخلنا شفناها كاعدة أكبـال المراية وگاصة شعرها كله باقي شي قليل ومتگرفص
22
ركضت عليه ماما وهي تلزمة اديهه:-ليش هيج يااامامة ليش دسـوين بنفسـچ هيج
+
حجت بكسـرة:-ما أحبـة مأذينـي
+
التفتت شفت صادق ومرتة وعساف ومرت عمي دخلـوا وهذا صادق گبل كال
+
:-عمـي اخذوها للدكتـور شي اكيد البنية مسودنـة
+
ما صار حجـة هل حجايـة وشمس جنت
جان يمها
شتلـة مال ورد زينـة شيلها وهفي صادق بيها
60
وكعت يم الباب ما لاحتـة وماما لزمتها گامت تصرخ
+
:-مو مسودنة اااااني مااااابيه شيء والله أصحى منك انت مسودن اطلعووووو برااااا يلااااا طلعوووااا
+
طلعـهم بابا من الغـرفة... وبقى بس هو وماما يمها حتى أني طلعـوني
+
كعدت بالصالة أدية ترجف واذاني توش
ملتمين ودايحجون عليها كدامي بس أني كلبي وعقلي يم أختي أحسها دا أضيع من أيدنـة
+
أنوب ورة العشة جاب بابا دكتور وأطاهة حبوب مهدئة وتخليها تنـام
+
****"
+
ورهـا بأسبـوع صارت زينـة بسببب العلاجات الي تاخذها بس هي هواي تنام
+
هي من اخذت الحبـوب نوعا ما هدت وشوي رجعت تصرف طبيعي بس موو كلش
+
تحسها ابد مو يمنه
+
اليوم ثلاثاء موعد عقدهم هي وأزاد لان من تمرضت
أتاجل وتحدد اليـوم
+
وازاد كلش مستعجل بحيث قنع أهلي وكالهم بس نزوج أخذها أعالجهـة برة
10
فـ راح من الصبح جاب أم صالون للبيت رتبتها وسوتلها شعراها وجابلها فستان
4
جان أبيض وكلوش كلش حلو ونازك طلعت جنها أميرة بس شنو شعرها متگصف ومگصوص گوة رتبتـة الهـا
+
أني وياها جنـة بالغرفة ما نازلين وأني منهزمة من خالتي
+
أجت هي وابنها عمر...
+
شفتـة من الشباك العصر هو حلو بس مو كلش أحس ما يناسبني ومحد شاغل بالي غير أستاذ بيرس
12
فزيت من صفنتي على صوتها كالت:-جيبلي ماي
شجن
4
:-ثـواني يروحي
+
خليت شاال على راسـي ونزلت جان البيت يعچ بالناس والاقارب كله جاية
5
شفت ماما وخالتي وأكفات يم الكوشة يسولفن
رحت كبل للمطبخ اخذت ماي من البرد وصعدت
+
لگيتها ماهيه بالغرفة صحت شمس ماكو... خليت الكاسة على ميز ومشيت خطوات للحمام دفعت الباب
+
واحس دنيا وكفت بعينـي نسيت أشلون أتنفس
الحمام عبارة عن دم... شمس غركانة بدمها، وبدلتها البيضة صارت حمره، عيونها مغمضة
45
رجلية ماتت... المسافة اللي بيني وبينها جانت مسافة خطوات، بس صارت عبالك دهر.
+
بقيت متجمدة بمكاني... ما كدريت أتحرك، ما كدرت أساعد أختي الوحيدة، ما كدرت أنقذها. عيوني شاخصة عليها، تذكرت صوتها البارحة لما كلت:
4
:-راح أموت... راح يگتلني...
+
بس محد صدكها... محد.
+
وجهها متخرمش عيونها مغوركات شعرها مگصوص... هذا مو شكل عروس! هذا مو شكل أختي
4
الباب انفتح وصوت خطوات ثگيلة ركضت، نظراتي بعدها معلگة بيها... شفت أزاد وكف بمكانه للحظة، عيونة على شمس مصـدوم وجهه صار أصفر، عرگه ينزل من جبينة همس بصدمة:- "شمس!!"
14
جفل من شاف حالته انحنى وهو يحاول يشوف شلون يشد الجرح أي يد يلـزم أي مكان يحاول يسد النزيف من عنده!
+
رفع راسـة عاط بيه:-"جيبلي شاااال ولج شال!!" صوته مبحوح. متكسر يتخبط مثل عقلي.
5
ما تحركت... جسمي مجمد... ما أعرف شسـوي
خفت أقرب منه وتطلع ميته
+
خافت المسها وتطلع باردة خفت الزمهه وما أحس بنفاسها خفت أنفجع بأأختي الوحيدة
+
بحركة كلبة وبحركة سريعة جر الخاولي من تعلاكة لفه بديهه وجان يحاول يحاول يوكف النزيف ... وبسرعة شالها بحضنه.
+
جانت مسلمة نفسها إله... بلا مقاومة بلا صوت...
+
:-شمس..." شهگت بصوت ضعيف. صوتي كوة طلع، حسيت الدنيا تدور... شمس راح تموت.
+
نزل بيها وأني نزلت وراهـم اركض مشدوها فارغة ما أعرف أفكر عقلي فارغ... كلشي فارغ.
+
المعازيب والناس الموجودة كله توجهة الانظار على شمس وهي بحضن ازاد
+
ماما الجانت لازمه بيدها طقم الذهب وتضحك يم الكوشة نفلجت من شافتها
4
ركضت عليها مفرفحة وهي دكلة:-اشبببيهااااا بتتييييي شبيهااااا شمس
2
جزاها وعبـر روحة طايرة على شمس وبابا وماما لحگوو
+
شفتهم ركبوا بالسيارة ماما وبابا عمو وياهم
وازاد فتح الباب الخلفي خلوها بحضن ماما
+
وهي تضغط على أديها وتصرخ عبالك تريد تاخذها من حلگ الموت
+
... وأني وأني.. بقيت مفرفحة
+
اجيت أروح وياهم بس ما أنتظروني بقيت مفرفحة مثل المحترك ومحد مطفي
+
إيد قوية لزمتني من وراي مرت عساف تحاول تهديني تحاول تحاچيني وهي تهمسلي:-"لا تخافين... مابيه شي... أكيد مابيه شي..."
8
فلت نفسي منهه ورحت ركض لباب السياج الرئسي اريد أطلع
+
لاكوني الحراس وهو يكول:-يا مدام وين
+
دفعته:-وخرررر اررريد اااطلللع اختي راح تموتتت وخرررر
+
:-ممنوع اومر استاذ ازاد ميصير احد يطلع
4
:-لكك وخررررر عني اكلك اااختي راح تموت وخرر
+
بهل أثناء انفتح الباب ودخلت سيارة عساف شفته ركضتله مثل المخبلة
+
وهو نزل من سيارة مشتغلة واجاني بلهفة لزم اديـة مشدود:-شجن
10
اريد الكلمة تطلع ماكو جنت كوة واكفة على طولي:-فددووة عسااااف اخذني اختي راح تموت خلي اااشوفهه
+
:-شننوووو. شمس شبيه
+
:-انتحرت... انتحرت اختي انتحرت عساااف ماتتت شمس ماتتت
3
فگ عيونة بريبـة ممصدك:-شنو أنتحرت مو صارت زينة
+
:-مادري فدوة اخذني خلي نلحگهم
+
صعدني بسارتة وتحركنة كالي:-وين للاي مستشفى اخذوها
+
:-ماادري
+
تحرك بسرعة كلبي يدگ قوي
طلع موبايله وهو يسوق. خابر أزاد بس مرد علية
+
ضرب الستيرن بعصبية:-أزاد! رد! رد يمعود
2
سحب نفس عميق، رجع باوعلي وهو يلزم إيدي بإيد دافية، صوته هادي بس مليان قلق
:-لا تخافين شجونة... إن شاء الله مابيه شي..."
30
شهگت، دموعي تنزل مثل الشلال:-"ماتت عساف... شفتها بعيني تموت... متعيش والله متعيش
+
عساف:-شجن لا تفكرين هيچ إن شاء الله مابيه شي، بس خلي نوصل
+
الدنيا صارت ضباب الأضوية تتخبط بعيوني الأصوات بعيدة ما أسمع إلا شهگاتي ونبضات گلبي اللي تدگ بأذاني.
+
عساف يسوق بأسرع ما يگدر، إيدي متشنجات على الستيرن و يباوعلي كل شويه بعيون قلقانة.
+
نظرتي معلگة على الطريق شفافي ترتجف
إذا متت شمس... شسوي؟
1
التفتلي مد أيدة على إيدي، ضغط عليها
:-ما تموت... اسمعيني هي قوية ان شاءلله تعيش
10
هزيت راسي بلا وعي دموعي نزلت أكثر، رجعت بذاكرتي لمشهدها وهي تغرگ بدمها... جانت ساكتة، عيونها نص مفتوحة
+
هيچ بسرعة... كلشي ... كلشي صار
+
سحب نفس عميق و زاد السرعة وكأنو يريد يطير لمستشفى
+
مسافة الطـريق... خابر أزاد وسالة عليها كالة بالطورئ وصلنا للمستشفى.
+
نزلت قبل لا يوكف السيارة. ركضت... حسيت الأرض تفلت من جوة رجلية الهواء ثكيل. أنفاسي تنگطع.
2
دخلت بلا تفكير.
+
صالة الطوارئ مليانة ناس. بس نظراتي ما تشوف شي غير أختي أدور عليها بهلع ...
+
وشفتهم.
+
ماما كاعد على الارضية تبچي وبابا واكف يمها، عمو رافع إيده على راسه
+
وأزاد... أزاد واكف بالزاوية منزل راسة وقميصه مليان دم.
8
وكفت بمكاني صدري ينزل ويصعد بسرعة خفت اقرب وأسالهم عنها
+
ماما رفعت راسها شافتني، شهگت، مدت إيدها:-شجن ماما"
+
مشيت إلها مترنحة، كعدت بصفها لزمت إيدها وگلبي يدگ مثل الطبول.
1
:-"مـ.. امـ.. ا... شمس عايشة؟
+
ما جاوبتني.
+
:-"ماما... "ماما احچي شمس عايشة؟
+
قبـل لا تحجـي أجة الدكتور بعدة ما حاجي
+
وبابا وماما أستلمو كل واحد من جهه ما أنطوا مجال يحجي
+
هو ظل يباوع بوجوهنا سحب نفس عميق
قبل لا ينطق
+
تشبثت بوجهه ملامحه محايدة بس نظراته بيها شي... شي ما افتهمته ولا گلبي گدر يترجم خوفه.
+
عاط بي بابا:-دكتور... احچي
صوتة طلع مبحوح مو مال انتظار مال يأس.
+
رفع إيده وكأنو يريد يهدينا:-النزيف چان قوي بس كدرنا نسيطر عليه.
+
ازاد:-"يعني؟"
+
ابتسم ابتسامة خفيفة، چان يطالعنا واحد واحد
:-"يعني گدرنة نلحگ و البنية عايشة."
25
ما استوعبت... للحظة حسيت الدنيا صارت سگتة وكأنو كلشي وكف.
+
"عايشة" شهگت رجعت خطوة دموعي نزلت بدون إذن شمس عايشة أني من شفتها كلت مستحيل أتعيش
+
الدكتور هز راسه بإيجاب:-إي، بس حالتها حرجة لازم تبقى جوة المراقبة."
+
نهـال:-عايشة... شمس عايشة
+
صرخت ماما وهي تمسح بدموعها مو مصدكة.. حسيت روحي ترجع لجسمي ركضت على ماما، حضنتها بقوة، وهي شهكت وياي، بابا ارتگة على الحايط وهو يحمد الله بصوت يرتجف.
2
أزاد... أزاد ظل بمكانه منـزل راسـة بس من قربت عليه شفت إيديه ترجف وجهه چان شاحب وعيونه مليانة خوف نظراته تحچي ألف قصة... ألف شعور.
35
هو يحبهـا وهل شي وأضح من خوفة عليها بس ميعرف شلون يكسبـها
+
عساف چان واگف يمنا يباوعلي بملامح بيها راحة
9
الدكتور رجع كال
:-بعد شوية راح ننقلها بس من هسه أگلكم حالتها حساسة، وراح تبقى هنا كم يوم
3
سالم:-أي شي أي شي بس تبقى عايشة بتي ومقصرت دكتور
+
الدكتور ابتسم بابتسامة طيبة:-واجبنا هذا سلامتها
بعدهة مشـة
+
بقيت واگفة بمكاني بعدها دموعي تنزل بعدة گلبي يرجف بعدها أنفاسي محبوسة بصدري
+
حسيت چني واكفة على خيط رفيع بين الحياة والموت... بين الأمل واليأس.
+
الوقت صار بطيء، المستشفى صارت عالم غريب وجوه الممرضين صوت الأجهزة، خطوات الأطباء، كلشي صار ضباب...
+
ضلينا ننتظر... ساعة، ساعتين يمكن أكثر.
+
أني حسيت بجسمي كله يتعب، روحي ثكيلة، بس ما گدريت أكعد، ما گدرت أتحرك عن مكاني مكابلة الباب حسيت إذا تحركت لو غمضت عيوني لو بعدت شويه، راح أخسرها.
2
يا ربي... يا ربي لا تاخذها مني
4
جانت دعوة، بس هم چانت شهگة، چانت أنفاسي اللي كاعده تطلع بصعوبة.
+
بقيـنة لـ صنعش بالليل وأجة دكتور شافها شوي وطلع تلگاا بابا بخوف كالة:-شلون صارت دكتور طمنئي
+
رد عليه:-حالتها مستقرة بس بعدها غايبة عن الوعي
+
سالم:-"نگدر نشوفها "
+
:-واحد منكم بس خمس دقايق مو أكثر
+
أنداريت وكفت ورة جامة أباوعلهة وماما دخلت عليه هي وبابا عود. دكتور كال شخص واحد همة دخلو سوة
3
بقيت بس أني لثاني يوم الصبح وكلت لبابا اريد اشوفهه فكال لدكتور وخلاني أفوت
+
... دخلت.
+
الغرفة جانت باردة، ريحة الأدوية قوية، الإضاءة خافتة، وصوت الأجهزة ينبض ويا نبض گلبي.
5
وشمس على السرير الأبيض...
+
ما چنت متخيلة أشوفها بهالحالة بحياتـي
وجهها شاحب شفايفها ناشفة عيونها مغمضة وإيدها بيها إبرة مغروزة بيها.
+
مشيت ببطء، چنت خايفة، خايفة ألمسها وأحس بجسمها بارد خايفة أنحني عليها وما أسمع نفسها.
12
بس لا...
+
شفت صدرها يصعد وينزل بهدوء، شفت أهدابها ترتجف شويه، شفت أصابعها تتحرك حركة خفيفة...
+
حسيت بروحي تنهار كعدت يمها لزمت إيدها دفنت وجهي بحضن جفها ودموعي غرگتها.
شمس، حبيبة روحي گومي يروحي ما تلوكلچ هل النومة
+
****
+
بعـد مرور أسبـوع
+
طلعناها من المستشفى ورغم تعبانة بس ازاد رجع يلح بالسالفة الخطوبة
30
بس هل مرة بابا طردة وكالة لحد. ما أتصيـر زينة اريد أخذها لبغداد يجوز اشوف دكتور مويد
+
اذا كلي ارجعها للمصح او اطلعها لخارج اتتعالج
فهو من شاف بابا حاد أسنونة سكت
+
بس مبين ما راضي..
11
على أساس نتعاون أني وماما نسهر وياها
جانت هي نايمـة
+
وماما كلش تعبانه صارلها أيام تسهـر وياها من طلعت من المستشفى لحد هسه
فكتلها.. نامي واني ابقى وياها خطية ما قبلت
+
وهي ماتنام الا الصبح كل يوم
+
بس اليوم قنعتهـا
+
فنامت واني بقيت كاعدة وايدي على خدي أباوعلها
نايمة وجهه ضعفان وعيونها مغوركة وصاير حواليها سواد
+
صارت بالوحدة واحس النعاس غلب عليه كمت للحمام غلست وجهي حتى تروح النعسـة
+
ورجعت بس هم ما راحت النعسة... ماعرف شلون بس غفيت ومادري شكد مر وقت و فزيت
+
طاحت عيني على جرباية فارغة.. شـ.. مـ.. س وين
گمت بسرعة للحمام شفتـة بس فارغ
18
ما أجة ابالي غير المطبخ يالله بس لا سوت بنفسها شي طلعت من الغرفة ونزلت اركض
+
أطفر بايتين بايتيـن وبوجهي للمطبخ.. واجيت ملهوفة أدفع الباب الجان مردود على نص
+
بس جمدت بمكاني وأني أشوفها بحضن رجال غريب وجهه ماجان مبين بالظلمة
113
بس هي مبينة واكفين بسد الثلاجة وهو حاضنها وهي تبجي وترجف بحضنه
34
رفعت أديها الملفوفة تشهك وتشگيلة مثل الطفلة
كالتلة بشهكة:-شـ.. شـووف علي شـ.. وف ادية جنت راح أموت
60
لزم أديه بين ادي وهو يهمس بصوت خافت
:-أشـش شمس أنة يمج لا تبجين كافـي
10
شمس:-يگلولي مخبلـة يردون يرجعوني للمصح أهلي مدا يصدكوني
+
علي:-يروحلج فدوة همه مخابيل أنتي أعقل منهم
59
مسحت على وجهه وهي بعد تناشق:-وهذا هذا
صادق يگلي مسودنة ويگل لبابا خلي شمس بالمصح
5
رد عليه بلهفة وهو يلمهـة بحضنه:-ياگل خرا شني بگيفـة
50
:-بس همة ما دا يصدگوني
+
:-أنة مصـدگچ
20
:-أخـذني يمك لا تبقيني هنا ماأريدهم لان همه يردون يرجعوني على المصـح ودينطونـي علاجات مال مخابيـل أني سمعت يحجـون عنها حسبالهم نايمة بس جنت وأعيـة وسمعتـهم وهمـات أزاد ديجبـرني على الزواج وأني ماريدة هو يضربنـي
22
:-منـو ضربـچ ازاد..؟
16
هـز راسها وهي تأشرلة على خدها:-أكثر من مرة ضربـني راشـدي
+
مـرر أصابعـة على وجهه وكالهة:-والله الـة أكسـر ادي أبن الـززفرة هالكـواد
48
:-راح تاخذني يمك
5
:-جاا شلون بس مو هسه
2
:-شوكت
+
:- هل يومين أصبريلي
12
:-ليش
+
:-مو ما أريد أخذج بهل شگل أنتي بس أصبريلي والج الصافي
19
جـانت ما مسيطرة على رچفة أديها وهو لازم أديها ويضغط عليهن حيـل:-شسمة... شسمة أني.. أني
2
:-اي.. اي أحججي لا تعليـن كلبي
36
باوعتلـة بعيـون مكسـورة:-اخاف اخاف اموت أنت ماشايف شنو يصيـر بيه من يجـي اللـيل
4
:-گتلـچ لا تخافيـن أنة وياج .... نزع خاتم جان بيدة خلا بصبعـها الوسط وهمس بصوت خافت:-ديريالج تنزعي... بعدين أنتي وين گلادتج
16
:-ضيعتهـا
1
:- شلون ضيعتي كلادتج
4
:-مادري وين والله مادري وين وكعت مني
1
:-صار خيـر هسه ارجعي نامي أنة صار الازم أروح
4
:-علي
13
:-عيونة
47
:-دخيلـك لا تعوفنـي أني مو قوية وراح أنهـار وأگتـل نفسي بيـدي
3
:-ما أعوفـچ شلـون أعوفـچ غزالتـي
59
ضحكـت وهي تمسح بدموعها:-ضلت غـزالة شوفني صايرة موميا أخوف حتى أني أخاف من نفسي گمت ما أباوع بالمرايـة
5
علي:-بعـدچ تخبليـن وأحلى بنيـة أشوفها
21
:-زين.. هذا ابقى يمي ليلة
1
:-صار بس انتي وين غرفتج تنامين وحدج
3
:-لا يمي ماما وأختي
1
:-جا يا عيني شلون أبقى يمج
4
:-مادري بس أبقى حباب أني والله جاي أنام على المهدئات الي أخذهة
1
كرص خدهة وتنهد:-ماشي دليني غرفتج
10
رجعت على كيف وصعدت الدرج للغرفة بسرعة دخلت تغطيت وغطيت حتى راسي وطلعت عيوني من جوة الحاف اشوف شنو راح يصير
20
هو هذا علي الخابصتنه بي شمس وتبجي عليه
ايـي بس حقـه شلون خايف عليها
24
وشلون يسايرها ويحجـي وياها عبالك طفلـة وخايف عليها لعد حقه متـريد أزاد المخبـل
41
خمدت وگعطت حتى نفس من حسيت بيها دخلت
جانت تمشي على روس أصابعهه حتى ما تفززنة عود
والغرفة ظلمة فتحت الشباك على كيف
1
وهو فات.. مشت قبلة تمدددت على فراشها وتغطت وهو كعد يمه على جرباية من جهه الكنتور
10
بقيت كاعدة منمت وأباوعلهـم ختل.. لحد ما نأمت هي ما طولت بسرعة نامت لان هي تعبانة
+
بس الخوف والـهلع العايشة بـي مطير النوم من عيونها
+
وهو مجرد ما حس بيها نامت تحـرك على كيفة للشباك طلع
15
كمت وراة مديت راسي من شبـاك شفته راح يركض بتجاه السياج واكو شخص ثاني صاعد على سياج
2
منتظرة ذبلة درج هذا الصغير صعد عليه وانطأ ايدة سحبه وطفـرو أثنينهم
29
هذا شلون كدر يدخل ومحد يحس يخـوف يربـي
168
_______نهـاية البـارت
269
