رواية مقبرة الاحياء الفصل الثاني عشر 12 بقلم سارة جعفر
البارت الثاني عشر 
.12
.12بين الفقرات عشقي 
.
.8
إينما يتواجد الجنوبيون يتواجد الحـزن..
30
-كلارة: كتمت شهگتي، فاتحه عيوني على كبرهن صحيح هاي مو أول مره همَّ هيچ يخططون ولا أول مره أكتشف قذارتهم بس بكل مره أتعجب شلون شايلين هيچ گلوب!!
31
أعرف زين شنو يردون وشنو غايتهم، ما هامتهم أنه لأن لا صارفين عليَّ ولا عايشه بجالهم ولا حتى مهتمين لو أعيش مية سنه بهل بيت لأن حتى البيت مو بيتهم ولا تعبانين عليَّ بس مبتغاهم يقهرون حرّ ويشتتونه يفرحون من يقهرونه ويحرگون گلبه..
19
يردون يخلونه يتسودن رسميًا، هسه نفتحت سالفة صالح من جديد ويدور عليه بخبال لا ليله ليل ولا نهاره نهار بس يريد يوصل لصالح وياخذ ثاره منه، وملتهي بوردة ومكسور ظهره عليها وساكن المستشفيات علمودها والنوب أنه وما يلمحلي آثر وبمكن يردونه يسوي جريمه علمود يرد للسجن لأن دائمًا همَّ يتمنون حرّ يرد للسجن..
14
مسحت وجهي من شفتهم يردون يطبون وطبيت قبلهم علمود ما يدرون سمعتهم همَّ طبو لجوه وأنه ضاگت بيَّ الدنيا طلعت للحوش گعدت وحدي وأيدي على راسي أبچي من كل گلبي دموعي شلال وحايره بزماني يا حلال يحل سالفتي وأنه أهلي كلهم ماهم!
10
الحزن ينهش بروحي نهش غربان..
38
صدگ بهل لحظه حسيت بعازتهم وحسيت بخطورة الدنيا بلياهم، أسمع خطوات جايه من الباب مسحت وجهي من الدموع ودنگت عيني العب بصابعي
1
رفعت راسي على صوت مو غريب عليَّ
-كلارة
11
أول ما صارت عيني بعين ضيغم نزلن دموعي مقهوره بهت وجهه وگنبص گدامي، تلفونه وباكيته وجداحته بأيده وبصوت متروس قلق گال
-ها ولچ شمالچ شو الدموع يصبن؟
31
فريت راسي للجهه الثانيه وبالگوه نطقت بصوت مخنوگ
-ما بيه شي..
10
-ليش تبچين؟
-ما جاي أبچي، خدودي محترات وجاي أبردهن.
-الدمعه حاره شلچ بيها هاي!
23
سكتت ما رديت عليه رجع هوَّ گال بجزع
-كلارة
-هاا ضيغم؟
-تضحكين عليَّ شمالچ دموعچ يصبن عليمن؟
13
-گتلك ما بيه شي هيچ وحدي
-محد يبچي وحده لابد أكو سبب؟
-هيچ مشتاقه لـ فجر وبچيت..
سكت شويه وما أدري إذا صدگ كلامي لو لا، جر حسره وأسمع صوت الجداحه مالته
-أدري مو هذا السبب، سولفيلي واحد مضوجچ هنا؟
-لا..
14
ما حچيت اله لأن متوتره، ضيغم مو مسؤول عليَّ وأستحي أطلب منه يحميني لو يتعارك علمودي، يمكن ما يگدر لهاي المسؤوليه وبنفس الوكت ما أعرف شلون أنقذ نفسي من هذا الموقف
10
دخن جگارته صافن لگدام ومنتظرني أسولفله
-ضيغم إذا أطلب منك شي تسويه؟
-حسب الطلب
-يعني مو كلشي تگدرله؟
-أكيد چا شني أنه مصباح علاء الدين!
29
-چا ما أحچي
-لا أشاقه وياچ سولفي أسويلچ حتى الما أگدرله..
21
-لا لا ما أريد
-عمي يا حچايه ردي لمچانچ أشاقه شني النوب ما نتشاقه؟
4
-أخذني للمستشفى يم فجر
-لا هاي أعذريني ما أگدرلها
-چا مو چنت تزامط؟؟
10
-لا خل نحچي صدگ، بدون شقه ما يصير ترحين
-ليش ما يصير؟
3
-لأن هناك فجر وحدها وملتهيه بوردة مريضه فد مره وما تلحگ تحك راسها مو النوب أنتِ ويباتون هناك وهوسه وما يصير ترحين.
7
بچيت بالزايد حطيت أيدي على عيوني عاجزه
-كلارة بس أوگفي شتردين بس فهميني؟؟
-أريد فجر..
-ولچ البت ملتهيه
-زين خابر على حرّ!
-شتردين منه أنه أسويلچ
-لا أريد أحچي ويَـ حرّ
-گبل لا أجي حرّ طلع من المستشفى
5
-صخام الصخمني وين راح؟؟؟
-ما أدري أجاه أتصال وطلع مستعجل.
-أهووو شني هل حظ المصخم هذا!!
-شمالچ ترى خلستيني
ما رديت عليه لزمت راسي بثنين أيديَّ محتاره بزماني شلون وشسوي إذا لا فجر ولا حرّ، التفتت على ضيغم محتار بيَّ وطاحت وذره من لسانه يريدني أسولفله بس لساني نربط أحس ما أدري حتى شلون أسولف!!
+
ندگ الباب وهوَّ التفت يباوع للباب
-هسه أجيچ خل أشوف ياهو هذا
2
بچيت بالزايد وغطيت وجهي مفرفحه من البچي لأن أدري هذا غالب اليتسمى أبوي، ومن ضيغم فتح الباب تأكدت زمخ بصوت متنرفز
-لا هلا ولا مرحبا بهل خلقه الزفره..
17
طبگ الباب بوجهه وطب يرعد
-معقوله أكو هيچ بشر تحب الأهاين؟؟
متنرفز حيل منه والتفت عليَّ شافني أبچي
-ها هيچ طلعت السالفه خفتي أبوچ ياخذچ؟
-گلبي راح يوگف من الخوف والله..
-منين تدرين بي جاي؟
-سمعت صمد وگاطع يسولفون.
-شلون شلة عفطيه
41
طلعو صمد وگاطع للحوش عگد حاجبه صمد وآشر على الباب
-بويه روح أفتح الباب لأبو كلارة الرجال أجه يريد ياخذ بته.
-لا صدگ، يعني من كل عقلكم؟
7
گاطع: نچب ولك ولا تعلي صوتك
6
ضيغم: شلكككككم غرض شلون تتصرفون بداله؟؟؟
5
صمد: أكل خرا چا تعلمنا أنتَ ساقط
6
ضيغم: عمي تحچي صدگ أنتَ وحگ هوَّ علي حرّ لو يدري يطلع حرگة گلبه كلها بيكم..
3
گاطع: نچب نچب أفتح الباب وأسكت
صمد: ولي البسي عبايتچ أبوچ متانيچ..
9
مسح وجهه ضيغم متنرفز وأنه عيوني بينهم وبينه
-بدون عرك وطلايب كلارة ما تروح لأبوها لا هسه أرفع تلفون على حرّ أخليه يسوي طشاركم ماله والي.
2
طگ أصبع يباوعلي وآشر على غرفتي
-لغرفتچ كلارة.
18
بدون لا أهتم للبقيه طبيت للغرفه وطبگت الباب وراي ونصدمت بكلامه وياهم وشلون يهدد بيهم يخابر على حرّ وحلف ما أطلع من هل بيت وما أعتب الباب وتعارك وياهم وأنه گاعده بالغرفه أكل بأظافري بخوف..
أسمعلهم صارت مذبحه بيناتهم، هوَّ لعب لعب يصيح ويزمخ وصمد وگاطع تخبلو حتى أسمعهم يطگونه ويغلطون عليه وشبعو عارات لأن هوَّ أبوه متوفي وهمَّ مربينه "عود" وهمَّ أكبر چذابين ملتهين بس يعيرون بالوادم وضالين بس حچي
19
ما أهتم ولا أهتز بكلامهم وكل كلامه وياهم عليَّ وما رضى أبد رغم هواي تأذى، ضليت أبچي مقهوره لأن سببتله مشكله حيل چبيره وياهم كلهم تعارك وما أنطه بيَّ مسحت دموعي وأحس راسي ثگل وجفني ثگيل وبين الصاحيه وبين الفاقده..
1
هدئت الأصوات من طلع تلفونه يريد يخابر حرّ، ما قبلو وصمد يگلهم
-خل يولي أبوها هوَّ أجه يريد ياخذها قابل أحنى منطينها اله لو مودين عليه، خل يضل واگف لحد ما يمل ويولي..
31
لزمت راسي بثنين أيديَّ أحس راح أطيح گعدت على فراشي وتمددت ما أدري شمالني جسمي ثگل وحيل تعبانه لحد ما ضليت أغفي مو نعاس لا أحس روحي جاي تطلع روحي نهبطت ما أدري لأن ما ماكله لو لأن مقهوره وخايفه، أنه اليوم شبعت بس قهر وبچي..
ندگ الباب بخفه وأسمع صوته يصيحني
-كلارة
ما رديت أحس لساني ثگيل حيل وما أگدر أحچي
-كلارة .. كلارة أحاچيچ؟
2
تحول صوته للقلق وضل يدگ على الباب حيل
-كلارة خاب هيو جاي أحاچيچ!!
8
ما رديت أريد بس أگله ها ماكو، أحس روحي مهبوطه نفتح الباب بقوه وطب ضيغم ما يشوف گدامه من الخوف يتلفت لحد ما صارت عينه عليَّ فك عينه وتقرب عليَّ مصدوم
-شمالچ ولچ؟
5
ضل واگف گدامي مصدوم ومستغرب
-خايبه شمالچ روحچ رايحه؟
1
ما أگدر أرد عليه ولا أحچي أرتبك وصفن عليَّ يمسح على شعره من وره أكو دولكة ماي أخذها يصب بچف أيده ماي ومسح وجهي يحچايني
-يمعوده شجاچ؟؟؟
5
شبعني راجديات يطگني على خدي علمود أصحصح بس راح أودع مو أصحصح، خدي ضل يوجعني من الراجديات بالگوه دفعت أيده عني
-وخر..
24
-ها شمالچ؟
-تعبانه أحس راح أموت
-لا أسم الله شني هل حچي
7
سكتت أتلوى بمكاني مسح وجهي
-أخذچ للمستشفى؟
1
هزيت راسي لا وأبچي من التعب ما أدري شنو يوجعني بس أحس راح أموت طلع شويه ورجع بأيده حبايه شربنياها وشربني وراها ماي
-ما صرتي أحسن؟
جريت روحي من الفراش وأنتچيت على الحايط طبت أم ضيغم وأجت عليَّ خايفه جرتني لحضنها تحچي وياي بقلق
-ها يمه شجاچ ضيغم گالي تعبانه؟
14
-ما أدري عمه جسمي كله يوجعني أحس روحي مسحونه سحن!
-يا يا يمه شجاچ، عمت عيني خاف لأن ما ماكله؟؟
تعصر بأيديَّ والتفتت على ضيغم تحاچي
-يمه ضل هنا يمها خل أجيبلها أكل وأجي گاضيه البت.
11
هز راسه أي وهِيَّ طلعت التفت عليَّ خازرني
-ليش ما تاكلين؟ شمالچ شالقضيه لمن طحتي!
-ما أشتهي
-خلق زفره أكيد ما تشتهين..
10
-روح أنتَ ما بيه شي
-يا ما بيچ هاي راح تموتين!
سكت شويه والتفت عليَّ
-مو تموتين عود
47
باوعتله بطرف عيني ساكته، شويه وهوَّ تقرب يعصر برجليَّ صفنت عليه مقهوره أحس ضيغم حيل حنين وحباب وفقير، أباوع للجروح التارسه وجهه لأن طگوه وحيل معورينه..
19
ضيغم أبوه متوفي وما عنده أخوان غير فقار، وثنينهم مؤدبين وحيل فقيرين أصلاً مالهم بالطلايب والمشاكل لأن تربية أمهم الگلبها حيل طيب وحبابه وحنينه وتحبنا أنه وفجر وحتى وردة.
31
همَّ حتى مثل شمره أمهم، وماشين بتربيتها حيل مربيتهم على الأدب والهدوء وعدها بعد ثنين بنات متزوجات وفقار متزوج زهراء تخبل مو بنيه فد حبابه ومؤدبه وهم تشبهم حيل، فـ ضيغم تعارك علمودي بينما هوَّ أبد ما عنده مشاكل ونطگ وكرهو من وراي..
14
طگوه صمد وگاطع وما رد ألهم مو خوف بس أحترام لأن همَّ عمامه وأكبر منه، وضيغم أصغر ولد عمامي من الشباب، أكو عدنا بعد ولد أصغر منه مراهقين بس بالشباب الكبار هوَّ أصغرهم.
6
أباوعله يعصر برجليَّ وأنه حيل تعبانه وجهه متروس جروح لأن تعارك وياهم علمودي، طبت أمه بأيديها صينيه شكبرها حطتها گدامي وراحت سدت الباب ورجعت تسولف وياي
5
-ولچ ليش ما تاكلين ليش؟ رتاحيتي لمن طحتي، إذا ما أجت فجر وسولفلتها عليچ وخليتها تكتلچ بسيطه، فجر ما هِيَّ أنتِ شمالچ ما تاكلين وما تحطين لگمه بحلگچ؟
ما أشتهي
-ولچ يمه شمالچ ياهو يفيدچ؟؟
3
خطيه ساعه تنقهر عليَّ وتعصر بأيديَّ وتسويلي لفات وساعه تطيح حظي بالرزايل محتاره شتسوي لأن حرگت گلبها وأنه ساكته وأكل وضيغم گاعد يمنا وصافن عليَّ ساكت
4
التفتت على أبنها بعيون حزينه تمسح بوجهه
-وأنتَ شمالك تعاركت ويـَ عمامك؟
-يمه ما ينجرعون
-ما خابرت حرّ وهوَّ يجي يتصرف تگدرلهم أنتَ!
-أجيت أخابره ما خلوني تخبلو..
-يعرفون رواحتهم غلطانين بلعوها وسكتو.
-لا والله هذوله لا يعرفون غلط ولا صح بس يخافون يطلعلهم السبعه وسبعين، بس هل مره مو بس السبعه وسبعين يگطعه عليهم حتى القندره يگطعها على روسهم شاخط فد نوب.
10
-عيب يمه عيب شني هل حچي؟؟
-لا مو عيب همَّ ما حطو لرواحتهم أحترام.
-شما يصير لا تحچي على الوادم
-دخل يولون قنادريش هذوله
3
كملت أكل وهمَّ بعدهم يسولفون بيناتهم، أجيت أخذ الصينيه بس خطيه أم ضيغم ما خلتني أگوم وهِيَّ خذتها
-رتاحي أنتِ يمه سوده بوجهي هسه طالعه من هبطه..
5
التفتت على صوت ضيغم وهوَّ يگول
-أنه ما راح أحچي لـ حرّ عن السالفه وأنتِ هم لا تحچيله ما دام سيطرت على الموضوع بلا ما ندوخه ما عايز هوَّ مشكله جديده، وإذا دره بعملتهم هاي يطلع حرگة گلبه بيهم..
4
-حيل تعبان هاي الفتره حرّ وصاير فد مره أعصاب
-فد نوب، چا هينه حياته ما بيها ذرة راحه، الوكت كله مشاكل وشغل وسوالف تسد النفس.
سكتت أمسح بوجهي وضيغم گام يريد يطلع
-ها محتاجه شي بعد؟
-لا مشكور ما قصرت أنتَ وأمك..
-أكلي أنتِ مو زعطوطه وما تعرفين مره چبيره
-دخيلك ربي شوكت صرت مره والنوب چبيره
-خاب أنتِ بعيره مو بس چبيره
26
سكتت ما رديتله وهوَّ طلع شويه ورجع بأيده شريط حبوب ودولكة ماي
-هاچ هذا الحبوب زين، وهاي صلاحية ماي ولا تطلعين من غرفتچ بعد البيت هوسه لا يضوجونچ.
-خوش
19
طلع وأنه ضليت گاعده بغرفتي وصافنه على حيطان لحد ما أجه الليل أحس بعدني تعبانه أخذت حبايه شربت الماي بارد حيل وتمددت أريد أنام وأتأفأف مقهوره ومخنوگه وحدي بالغرفه محد منهم وياي..
حيل شتاقيت الهن، وبنفس الوكت أحس حتى تمرضت وحدي باقيه الغرفه شكبرها وبس أنه هنا يوميه متعوده عليهم وطالت غيبتهن مسحت وجهي مقهوره أباوع لمكان فراشاتهن والله وحشه حياتي بلياهن
4
ندگ الباب بالسويج عگدت حاجبي مستغربه
-منو؟
1
گمت من مكاني للباب أجاني صوته يگول
-أنه حرّ.
14
فز گلبي وبسرعه فتحتله الباب مبتسمه
-هلا خويه
1
فتحتله الباب طب للغرفه مبتسم، باوع للساعه عابره الـ ١٢ تعبان حيل ومبين النعاس بعيونه
-هلا بيچ، شنهي بس لا چنتي نايمه وگعدتچ؟
1
-لا والله وين جايني النوم
-ها خيرچ
-مشتاقه للبنات..
-إذا ما طلعن باچر أخذچ الهن
-صدگ؟
-أي والله أخذچ تشوفي صاحبتچ
2
الأبتسامه شگت حلگي هزيت راسي فرحانه
-أن شاء الله، لله يكتبلك فرحه تفرفح گلبك من الفرح
4
أبتسم أبتسامه جانبي يگلي
-تدللي
1
-أسويلك عشى بعد روحي؟
-أي والله جوعان من الريوگ بعد ما حطيت لگمه بحلگي
-عمت عيني خويه
أبتسم ساكت يمسح بوجهه
-أنتِ شلونچ؟
-الحمدلله بخير
-واحد مضوجچ هنا زعلانه من شي؟
-لا أصلاً ما أحجي وياهم دوم بالغرفه
-شو عيونچ حمر شمالچ باچيه؟
-ههههه لا وين ما باچيه
-لا تچذبي مره ثانيه
7
كمل كلامه وطلع من الغرفه، بلعت ضحكتي وطلعت وراه التفت عليَّ
-راح أسبح بينما تكملي العشى
-خوش..
5
راح لغرفته يطلع هدومه، وأنه رحت للمطبخ تصرفنت فرحانه وبلشت أسويله عشى طيب يشد ضلعه بي، وسويتله صينيه شكبرها متروسه أكل طيب وحار طبعًا أنه يم روحي مالي خلگ بس لحرّ أصير مره معدله
13
أحب أسويله أي شي يريده وأتمنى أشوفه فرحان ومرتاح وصارت حسره بگلبي أشوفه يضحك صدگ أحسه دوم حزين ومهموم وأنقهر وأحاول أضحكه أو أونسه بالكلام أو أسويله شي، أحس روحي مقصره وياه هوَّ اللي حياته مو حلوه بس علمود يسوي حياتنا حلوه..
3
طلعت من المطبخ بأيدي صينية الأكل وهوَّ طلع من الحمام الخاولي على أچتافه وشعره يگطر ماي لابس بس بجامه وصدره عاري
-خليه بغرفة خاتون.
4
هزيت راسي وأخذته لغرفة خاتون وقبل لا أطب شفت ضيغم نزل من غرفته، شفت جدتي خاتون گاعده تسبح وعلى فراشها متربعه ومتانيه حرّ حطيت الأكل على جهه ثانيه وطلعت رحت للمطبخ
لگيت ضيغم فاتح الثلاجه وصافن
-ها شتريد؟
-جوعان جاي أدور شي أكله
-هسه طبخت لـ حرّ عشى تريد أصبلك؟
2
التفت عليَّ وسد الثلاجه يضحك مصدوم
-شني هاي شو صايره نادره ومعدله؟
-غير حرّ جوعان چا ياهو الچان
-أيباااه
6
التفت على الطباخ يفتح بالجدوره
-مشكوره هسه أنه أصب
-الأكل حار وحيل طيب تريد شي بعد؟
-لا عمي مشكوره دللتينا هواي
3
طلعت من المطبخ لغرفة خاتون گعدت يمهم جاي يسولفون
-ساكن المستشفيات أبن رحيل
7
التفتت عليه مضيگه عيونها تهز راسها وهوَّ مدنگ ياكل
-چا شلون مو الفرخه الياهل صار بيها هذا من وراي
أهتزت أچتاف جدتي من الضحك والتفتت عليه
-فرخه ياهل مو؟
23
عگدت حاجبي وحطيت أيدي جوه خدي صافنه عليهم رفع راسه الها صافن عليها
-ها جده خيرچ شو گلبتي عليَّ!
-ولك أطلع كلشي ما أفتهم لو صدگ تعتبرها فرخه ياهل..
-جده شمالچ؟؟؟
37
تضحك وتباوعله وهوَّ مسوي روحه ملتهي بالأكل بس شو من نجاب طاري وردة ركز حيل گالتله جدتي بتحايل
-تگول فرخه ياهل علمود ما تحلى بعينك، لو بعين غيرك أعرفك زين.
24
سكت حتى من الأكل ورفع عينه الها يضحك
-لا جده شنهي السالفه مو هيچ!
-وأزود بعد، أطلع كلشي ما أفتهم لو ما طلعت طايح چفي..
54
-خاتون ليش تذبي عليَّ طلايب؟
-ولك غير أنه ربيتك وأعرفك زين..
1
-الفرخه كاسره خاطري ومحترگ من القهر عليها
-غير أنتَ نكسر ظهرك على فرگاها
5
-شلون بخاتون وطلايبها
-هاعرض أچتافك من راحت عنك ذبلت..
6
ضحك ساكت وأنه مضيگه عيوني وأباوعلهم واحد واحد من يسولفون وأركز بكلامهم بس شو ما جاي أفتهم عدل مشكلتي أنه أستيعابي بطيئ حيل بحيث سالفه من تصير أفتهمها وره فتره.
12
يعني جسام كلها درت بي يحب فجر، وكضينا العمر عايشين سوى هسه يله عرفت أنه وأنتبهت وهسه متت من الفضول أريد أفتهم كلامهم شجاي يسولفون هذوله وشنو يقصدون وأفسر وماكو كلشي ما أفتهمت..
4
خلص حرّ أكل وگاعد يسولف ويَـ جدتي، لابس بس بجامه وباقي بدون فانيله ضيگت عيوني مركزه على الوشوم العلى صدره ورگبته ركزت بيهن وشم وشم جسمه متروس وشوم بحيث حتى رگبته موشمه
1
رفعت راسي على صوته
-وسم حتى سم عليمن تصفني؟
-على الوشوم حرّ وشومك يخبلن
6
سكت ما رد عليَّ وأنه رجعت گتله بحماس
-والله حلوات خل أنه هم أوشم؟
-شتسوي بالوشم؟
أوشم جسمي كله علمود ما البس هدوم بعد الوشم يصيرلي هدوم.
71
فك عينه مصدوم وجدتي طگتني بالسبحه وغمتني
-أمداچ
-شبيچ جده فكره حلوه!
6
التفتت على حرّ يأشرلي على الباب
-ولي من خلقتي
-والله العظيم الفكره حلوه!!!
8
دنگ يدور على شي يطگني بي طلعت من الغرفه شارده وعفتهم بالغرفه گاعدين رحت للمطبخ سويتله جاي وجبته للغرفه وره شويه علمود ينسى حطيته گدامه وهوَّ خاط الچاي
-جده خوما متعبتچ كلارة؟
2
كلارة: وينها جدتي وكتها كله نايمه
1
خاتون: ها يمه چا شتردين مني تكربين عليَّ
1
كلارة: جده عبالك حاطيلچ منوم بالأكل بس نايمه
2
حُرّ: شتردي منها خليها نايمه!
1
كلارة: بس مو هيچ أربعه وعشرين ساعه نايمه
خاتون: گضيت عمري أسرح بيچ خل أرتاح هسه منچ من صرتي بعيره.
5
كلارة: شنييي جده أحترمي روحچ قصدچ أنه طليييه؟
4
خاتون: طليه ومطيه.
4
حُرّ: صلن على محمد يمعودات لا تتعاركن ما تسوى.
5
يضحك وجدتي تضحك وأنه أخزر بيها عود عصبيه بس أحنى بيناتنا ميانه وخطيه جدتي متحمله سوالفي طلعت من الغرفه وعفتهم يسولفون بيناتهم لأن طفيت كلش ميته نعاس رحت للغرفه نمت..
-وردة: طلعت من المستشفى للبيت تعبانه وبعدني أحس مريضه بس حيل أختنگت من المستشفى وأجوائها وتبهذلت، وكلهم أشوفهم متبهذلين وياي فـ أصريت أرجع للبيت عاد هناك شويه شويه أرجع على حيلي وتتشافى جروحي..
2
رجعت لغرفتنا وللبيت وكلارة طايره بيَّ وكلشي هِيَّ تسويلي وفجر ما عافتني أهتمن بيَّ حيل لأن مو كلش متشافيه حتى خياطاتي بعدهن ما فاتحتهن وأيدي مچبسه وحرّ يوميه يسأل على علاجي وعليَّ تعبتهم هواي وياي عبالك صارلهم سنين وياي حنيتهم عليَّ تخليني أدمع..
بس هل أيام حرّ حيل مشغول ومخبوص بشغله، ودائمًا أعصاب وحيل ضايج أول ما طب للبيت چان صوت بلقيس يلعلع تسولف وتتعارك أول ما شافته التفتت عليه تگله
+
-وين چنت؟
-چنت الطم على گصتچ.
13
صفنت عليه مصدومه وهوَّ عافها وطب لغرفته التفتت على كلارة ميته ضحك على كلامه وتگلها
-شلچ غرض تسألينه؟ هههههههههه
خزرتها ضايجه ومحتقنه وإيناس تباوع لأمها
-يمه هوَّ شويه عصبي أكيد ما يقصد يضوجچ..
8
خزرتها بلقيس محتقنه وهاي إيناس فلا مرتاحه الها مرت الأيام عليَّ ثگيله وصعبه حيل بسبب الوجع والتبهذل وكلارة فرشت بالحديقه بين العصريه والمغربيه وگاعدين أنه وياها نسولف وطب حرّ
2
رفعت راسها كلارة تأشرله
-تعال شويه حرّ
التفت على الحديقه وتقرب يباوعلنا
-هاا شنهي تريدي؟
-فدوه ما دام أجيت خل أطلب منك طلب؟
-سولفي
-أريد تلفزيون بالغرفه أتابع عليه مسلسلات
هز راسه ودخن جگارته البين أصابعه
-بالليل أجيب وياي
-أي فدوه، دوم لاطشين بالهول كلهم وأنه أريد أتابع براحتي.
-دللي
1
أبتسمت اله فرحانه وهوَّ التفت عليَّ
-شلونچ شلون صرتي؟
-الحمدلله أحسن
باوع على كلارة
-ما تسويلي چاي؟
-صار..
4
گامت بسرعه للمطبخ تسويله چاي وهوَّ ضل واگف بصف الفرشه وأنه صافنه على الخضار باوعتله بتردد لگيته يباوعلي أول ما باوعتله دار عينه
-حُرّ
7
-ها
-هم بعدك تتحلم بيَّ؟
1
أبتسم يباوعلي بتركيز
-ليش تسألي غزالة؟
2
-هيچ سؤال ضل بالي
-أي، گتلچ ما تفارگي بالي.
3
-شتتحلم بيَّ؟
-ليش
-البارحه ما گدرت أنام الليل كله أفكر
-بشنهي تفكري؟
1
-بيك، أگول شيتحلم بيَّ يعني من أجي لأحلامه شسوي؟

صفن على الفراغ سارح باله
-سوالفچ چثيره يغزالة.
4
عگدت حاجبي ورافعه عيني أباوعله
-يعني مثلاً بالحلم شسوي؟
-بكل مره أحلم بيچ حلم، بس أكو حلم دوم يتكرر عليَّ..
-شنوه؟
2
أبتسم على ملحتي عليه وگال مشاقيني
-ملعون صاير ملعون.
14
طبت كلارة بأيدها گلاص چاي
-تفضل خويه
-مشكوره
أخذه من أيدها يشرب الچاي والجگاره بين أصابعه وأنه أفكر شيتحلم بيَّ وشلون أجي بالحلم شسوي، إذا أنه يوميه ما مفارگه أحلامه وكل ما يغمض عينه يحلم بيَّ شنو ممكن تكون الأحلام ياريت أعرف..
4
كمل چايه وطب لجوه، بليل أسمع حُرّ يسولف هوَّ وجسام وطب ضيغم حط أيده على باب الهول ساندها يضحك ويباوع لحُرّ
-تدايني خمسه وسبعين
-ألف لو نعال؟
2
-ألف
-ما عدي
-ونعال
-تدلل
3
جسام: شتسوي بخمسه وسبعين نعال؟
ضيغم: أبيعهن هم بيهن فايده..
1
حُرّ: تعال أخذ.
ضحك ضيغم بصوت عالي
-ما أريد
-ليش؟
-چنت أختبرك
-وشلوني بالأختبار؟
-فشلت، شلون تريدني أنجحك وأنتَ أنطيتني نعل.
2
ضحكو بيناتهم وهوَّ فعلاً ما أخذ منه سواله أختبار، كلهم گاعدين وره العشى وملتمين لمه عائليه بالهول وفجر جابت الچاي لأن القوري چبير وأنه أخذت وراها الستكاين أنطيناهن لـ محاسن تصبلهم چاي ومندمجين بالسوالف كلهم، ضيغم باوع لـ حُرّ مستذكر
ضيغم: صدگ نسيت أگلك أم رشا تسلم عليك.:
جسام: ياهي هاي؟
ضيغم: شمالك نسيتها المره العدها محل بديرتنا؟
جسام: ها ها عرفتها شعدها ويـَ حرّ؟
ضيغم: شمدريني كل ما شافتني تگلي وين حرّ ليش ما راد للبيت اليوم شو هذا يغط وين راح؟
فتحت عيوني مصدومه والأنظار كلها تحولت على حرّ التفت يباوعلي ساكت رفعتله حاجبي مستغربه ما أدري ليش ضجت وهوَّ ضحك
-مره چبيره شمالكم!
14
قادر: چا المره الچبيره شعدها وياك؟
2
فقار: أندري!
ضيغم: مو أم رشا تحب الزلم الجريئين وحرّ جريئ فـ يمكن حبته!
14
جسام: هههههههه حرّ صدگ عود!
حُرّ: هِيَّ هاي أنه صمت صمت وفطرت على أم قندره
10
ضيغم: چا أحنى شلنا غرض غير هِيَّ تحبك
حُرّ: شمالكم تحچون صدگ المره بگد أمي بتها بگدي
جسام: وين تعرف بتها بگدك؟
2
وائل: العب أسمها رشا وبگدك خوش حافظها
حُرّ: لا تضلون تاكلون نعل شمالكم!
2
صمد: ولك هم طلع بيك بلا أنه عبالي فقير!!
3
حُرّ: محد فقير بهل دنيا حچي.
2
وائل: يعني بلسانك أعترفت؟
حُرّ: شنهي عبالك راح أخاف منك؟
1
جسام: يعني هسه راح تصير نسيب أم رشا!!!
1
حُرّ: هم رجعلي على أم قندره
1
قادر: المره يمكن تحبه لأن راح يصير نسيبها..
فقار: خوش حچي
كلارة: شالقضيه خويه عود صدگ تحب رشا؟؟
1
ضيغم: ها شو ما عاجبتچ رشا!
همَّ يسولفون بيناتهم وأنه أباوع على حُرّ متنرفزه ما أدري ليش هيچ ضجت فرت أيدها كلارة وحچت بصوت بينها وبيني
-هذا هم حظ أخوي يتزوج رشا لو إيناس
التفتت عليها عاگده حاجبي وأنتبهت اله يباوعلي ويرجع يسولف وياهم بس هوَّ يحچيلهم ما عنده شي لا ويَـ رشا ولا ويَـ أم رشا..
1
بليل ندگ باب الغرفه وأنه وكلارة گاعدات نسولف، أجانا صوته يگول
-غزالة
4
التفتت على صوت حُرّ من وره الباب، وفجر فتحته اله
-تعال خويه تفضل
-أريد غزالة أحاچيها.
1
گمت اله وگفت باب الغرفه أسولف وياه
-ها حُرّ؟
-شلونچ شخبارچ؟
-بخير الحمدلله أنتَ شلونك؟
-ما دامچ أنتِ بخير خليني أولي.
9
صفنت بعينه وهوَّ على شفايفه طيف أبتسامه
-شنهي عاجباتچ الخياطات والتچبيس؟
-ميته منهن بس ما أدري شوكت أخلص منهن..
-باچر نروح وتخلصي منهن فد نوب.
-أي والله كلش تعبت ولعبت روحي
-أهم شي راحتچ باچر نروح للحبوبي
-المن رايحين للحبوبي بعيد، نروح للمستشفى القريبه هنا.
10
-وشنهي أنتِ هينه علمود نمشيها كلاوات، أريد صحتچ ترجع توب كون بعد سنتين ما تتمرضي.
-شني تاخذ بيَّ ضمان سخان أنه لو سبلت؟
5
ضيگ عيونه وهز راسه
-يا يابه أنتِ أشگد عرمه ولسان!
-هههههه منيلي فقيره..
-فد نوب بحيث لسانچ مترين.
-أني كلش حابه أشوف الحبوبي أحب أشوف المدينه وحابه أشوف شلون عيشتهم ونمط حياتهم..
-بيچ خير وتدللي باچر أفرچ الحبوبي كله.
-ههههههه مشكور أبو شوراب
-أهم شي ترضى العرمه
التفتنا على صوت فجر بالغرفه گاعده وتسولف ويانا
-تردون أروح وياكم؟
رفعلها حاجبه بخزره مغلفه بأبتسامه
-شنهي شفتيني فرخ ياهل وما أعرف وترحي وياي؟ بله هاي فرخه ياهل صدگ أنه شنهي؟
5
باوعتله بطرف عيني ما قابله
-عقلي يوزن بلـد
-بلد مال جهال
7
فكيت عيني خازرته وكلارة ماتت ضحك تمددت على الفراش تضحك عليَّ وتتشمت بيَّ
-أنه أعلمچ كلارة الچلبه
-ههههههههههه وعلي خطيه
-دنچبي لا أجي أطيح حظج
التفتنا ثنينا ساكتين على صوت حُرّ
-ها ها ريه وسكينة كافي لا أرگع راس براس.
2
أتمنى بس يروح علمود أكضها أگطعها تگطع التفت عليَّ
-باچر حضري روحچ العصر نروح.
-خوش..
1
حچيتها من وره خشمي أباوعله بطرف عيني وطبيت وهوَّ يباوع وراي فر أيده وفجر تضحك أول ما طلع كضيت كلارة كتلتها وهِيَّ ضلت تصرخ طلعت حرگة گلبي كلها بيها وأصيح بيها
-أتمنى أعضچ بگلبچ
-شعليييه أنه أخوي يگلچ فرخه ياهل
-حتى أخوچ أتمنى أعضه بگلبه
5
ضلن يضحكن عليَّ وأنه نمت فرحانه باچر راح أطلع حتى لو للأطباء بس هم تحتسب طلعه لأن أختنگت وأحس أريد أطلع شويه لأي مكان نمت وثاني يوم العصر بدلت ومثل كل من أطلع بعبايه ونقاب..
3
أكو ناس كلش تحب لبسي وأكو ناس ما تحبه وتستنقص منه، وما يهمني أحد أهم شي راحتي بالشي الأسوي أنه الناس على كلشي يحچون ومستحيل نسلم من لسان بني آدم وهِيَّ حياتي أنه فـ أعيشها لروحي العمر مره وحده ما عدي عشر أعمار علمود كل عمر أعيشه علمود نرضي شخص.
4
فتحت باب الحوش وطلعت حُرّ واگف بصف سياره متانيني أيده على شاربه يمسح عليه، لابس بنطرون اسود وبدي نص ردن اسود وحزام مزين بنطرونه هم اسود ولبسته حيل حلوه ومرتبه على جسمه وأيديه ورگبته مبينات الوشوم والدگ مالتهن..
2
رحتله مبتسمه وطلعنا من ديرتنا للحبوبي وطول الطريق ما سولفنا ثنينا ساكتين وإذا نحچي فـ كلمتين ونسكت وهوَّ طول الدرب تلفونه ما سكت، يصعد أتصال وينزل من أتصال الدرب گضاه يحچي أتصالات ومن ركزت كلشي ما أفتهمت من كلامه وياهم يمكن يحچون عن شغل بس حسيته اليوم حيل مشغول بس متأكده آجل كلشي علمود ياخذني
حُرّ ركن السياره ونزلنا نتمشى وأكو شارع عام لازم نعبره أختنگت لأن أنه عندي خوفه حيل چبيره من الشارع العام وبي سيارات، خصوصًا هذا الشارع السيارات حيل سريعات ويتخاطفن وماكو شرطي مرور ينضم السير ويوگف السيارات علمود نعبر لا لازم نعبر ولو بالهدف لو بالنجف
أزدحام وهوسه حُرّ عبر والتفت شافني بعدني واگفه خزرني ورجع عليَّ
-ما تعبري؟؟؟
-أخاف..
1
أهل السيارات من يعبرون يباوعولنا واليمشون عينهم علينا كل ظنهم حُرّ غاصبني أو خاطفني ما أدري شنو فكرو بس الوادم نظراتهم كلها علينا لأن يجر بأيدي يريد يعبرني وأنه ما أرضه ميته خوف
2
تخبل عيونه خبطت حمر من العصبيه يخزر بيَّ
-وردة شمالچ؟
-أخاف وحاضر الشدات
-چا شلون بله شسويلچ؟
-ما أريد أعبر شجابني أنه لهنا لو أدري ما جايه
-أستغفر الله يا الله
2
أختلس النظر اله خايفه كل ما تصد عيني عليه وأشوفه شلون متعصب أخاف
-أمشي وردة
-ما أريد لو أضل گاعده هنا على الرصيف ما أعبر
-وأفتحي شليلچ وجدي
12
-چا شلون أعبر أخاف!
-بسرعه أعبري يوگفون من يشوفونچ
-أنتَ شكبرك يشوفونك أنه بعدني صغيره خاف ما أنشاف؟
-أمشي وياي أنه أعبرچ
-بله دمعني واحد ومردني سواني لحم مثروم
-الله يرحمچ شنهي أسويلچ أرجعچ للحياة؟
6
-يبووو أخاف فلا أعبر
-آخر مره أحچيها أمشي
من شفته متعصب حيل خفت وتوترت كلش أحسه بعد ما يتحمل يسايرني عيونه خبطن حمر لأن الوادم يباوعون علينا وأحنى واگفين گدام شارع عام وأنه خايفه وما أرضى أعبر تقرب للشارع ومد أيده الي
-كضي بأيدي خل أعبرنچ.
2
حطيت أيدي بأيده كض چف أيدي بچف أيده وعصرها حيل عبالك ما يريد يهدها، مشينا الشارع وأنه مغمضه لأن أخاف من السيارات يمكن من أباوع للسياره وأنه بنص الشارع أتخربط لحد ما عبرنا
-أفتحي عيونچ يعرمه..
4
فتحت عيوني وزفرت نفس براحه أحس هم ونزاح عن گلبي من عبرني حُرّ وأخيرًا عبرت، نمشي وبعدها أيدي بأيده ما هدني رغم خلص الشارع بس يمكن نسى أيدي بأيده نمشي سوى التفتلي يگلي
-أنتِ تكچ ماكو
2
-والله أخاف صدگ
-منين تخافي أنتِ السياره تخاف منچ
-عندي خوفه من الشارع المتروس سيارات
-عرمه عرمه ما تخافي.
شلون ما أخاف أجيت أموت والله
-شعجب تخافي؟
+
-شمالك طلعتني فد مره
-چا بويه أنتِ ما ينگدرلچ
-أنه أخاف من عبرة الشارع المتروس سيارات ومـن..
التفت عليَّ رفع حاجبه يريد أكمل بس سكتت، أخاف من عبرة الشارع المتروس سيارات ومن عنده..
-أيدك بارده
-بس گلبي نار
11
سكتت من سمعت حسرته وحچايته ممزوجه بحزن وقهر أگلب نظري بشارع الأطباء متروس لافتات لأسماء الدكاتره أقرأ بيهن أسم أسم لحد ما وصلنا لأسم الدكتوره الحاجزين عدها طبينا للعياده وحُرّ راح على الگاعده باب العياده وطلع بعد أسمين والنوب أحنى گعدت وهوَّ بصفي
-حُرّ شدعوه بسرعه تتعصب؟
-تعلي گلبي..
2
-همزين ماكو منك هواي چا تخبلنا
-طلعت هيچ جازعه مني الغزالة
-لا أشاقه وياك والله
1
طيف أبتسامه نرسم على وجهه وحاول يخفيها
-صدگ بس أنتَ ولد عد أمك؟
-لا عدها بعد تلاثه حاطتهم بالأمانات.
6
التفتت عليه عاگده حاجبي
-شبيك؟
-بربچ مقتنعه بهذا سؤالچ!
وصل السره النا ودخلنا لعيادة الدكتوره ومن تسألني التفت أباوع على حُرّ علمود يجاوب عني، ضل يسولف وياها على أيدي وهِيَّ طلعت الكوسره ما أدري شنو هاي تريد تفتح بيها تچبيس أيدي بس شكلها وصوتها بالضبط نفس الكوسره
2
خفت وضليت صافنه بوجها أنطيتها أيدي وگلبي يدگ بخوف، وجهي وجسمي كله التفتت للجهه الثانيه أسمع صوت ضحكته وتقرب عليَّ وگف گدامي وأنه گاعده رفعت عيني اله
-لا تخافي ما تتعور أيدچ
-چنها كوسره
أبتسم وصار گدامي يحاچيني علمود يلهيني وأنه مغمضه عين ومفتحه عين لحد ما خلصت زفرت نفس مرتاحه وحركت أيدي فرحانه ومنظر أيدي غريب چنها تايخه وبيضه شحم صايره، طلعنا من العياده بعد ما فتحت الخياطات
وأحنى جاي نتمشى گالي
-جوعانه أشتريلچ شي تاكلينه؟
-أي جوعانه
-تدلل الغزالة
-من الصبح ما ماكله شي ما أدري ليش من عندي طلعه ما أكل
-مهبوله
كمل كلمته مبتسم والتفت عليَّ
-شتردين أجيبلچ؟
-أريد لفه
-وبعد
-ببسي
-لا مو زين، أجيبلچ عصير.
+
هزيت راسي وهوَّ راح للمحل وأنه وگفت على صفحه أنتظره أشتره لفتين گص وعصير، المكان بي هواي محلات أكل أشتره حلويات برمه وبقلاوه وهواي أنواع بعد لأخواته وأجه شايل العلاليگ بأيده وبالأيد الثانيه مد أيده علمود يلزم أيدي لأن وصلنا للشارع العام حطيت أيدي بأيده وهم عبرني
2
لحد ما وصلنا للسياره شغلها يسوق والتفت عليَّ
-يله أكلي
قدمتله وحده
-أكل وياي
-لا ما أريد
-ليش
-ما أشتهي
أستحيت الح عليه وأكلت أباوع للطريق لأن كل ظني هم راح يخلصها أتصالات بس أنتبهت يحاول يفتح وياي مواضيع أو يسأل فد سؤال هوَّ يعرف جوابه، تحمحمت وهمست
-تعبتك وياي اليوم هواي
-حريمه والله تعبچ راحه أنتِ وردة
-لا أنه مو وردة
-چا شني
1
-أنه شوكه
-أنتِ وردة راويه
-لا أنه شوكه وصارت بگلبك
-جعلها ما نشالت
34
التفتت عليَّ رافعه حاجبي بأبتسامة أستغراب وهوَّ ملتهي يسوق بس الحچايه الأخيره طلعت من نص گلبه كملت أكل وشبعت حيل ومرتاحه لأن أحس روحي أخف من شلت الخياطات والتچبيس
باوع عليَّ وأنه أضحك
-حلوه ضحكتچ دوم أضحكي.
-أحس مدري أنه مزاجيه ما أدري الدنيا عوجه بس مرات أحس روحي حيل سعيده ومرات أحس روحي حيل حزينه..
-هِيَّ هاي الدنيا بعد يوم وياك وعشره عليك.
أباوع على الطريق والأزدحامات والغروبيه وكلش راح تضلم الدنيا
-أحب فهمك الي بسرعه تفتهمني.
-ثنين يفهمونك شخص مر بحالتك والثاني يحبك حيل.
-وأنتَ؟
-ما مار بحالتچ من گبل..
صفنت وبهتت الأبتسامه من وجهي بقيت أركز بكلامه لأن أحسه واضح سكتنا لأن وصلنا وطبينا للبيت منهلكين أنطاني العلاليگ علمود أخذهن وياي للغرفه وأول ما طبينا لگيناهم ملتمين على العشى سلمنا وسألوني على جروحي وسولفلتهم وفتت للغرفه حطيت العلاليگ وركض ركضت جريت هدوم من الكنتور وطلعت أريد أسبح
+
زهراء: وردة وطلعت راح تنام وهِيَّ واگفه
2
ضيغم: اليشوفها شلون منهلكه عباله چانت بمكه
وردة: بس أريد الزم المخده ميته تعب ونعاس..
صمد: شو أحنى نوصل الموت محد يگلنا الحمدلله على السلامه وهِيَّ حچايه لا فلوس ولا وذره منهم والزعاطيط حاطينهم على گلوبهم.
2
گاطع: أندري يا خويه والله مصيبه..
حُرّ مغلس عليهم وهمَّ مكملين بسامير وحچي وأبد ما رد التفت عليَّ يسولف وياي وأنه حچيت بصوت ناصي
-هاي گبل شويه نگول يوم وياك وعشره عليك.
1
ضحك بصوت عالي يسمع لسوالفي بتركيز وصمد يگول
-من يگعد يمنا وجهه يطرد النعمه لو يصبولي وياه أكل ما اشتهي أتزقنب وجهه يسد النفس، ويَـ هاي الزعطوطه يگعد أبهاتنا من الضحك ويمنه مخنفس..
2
فكيت عيني مصدومه على كلامهم وأخذت هدومي وبسرعه رحت سبحت لأن حتى تفكير ما أعرف أفكر بس أريد أنام ميته نعاس وتعب طبيت للغرفه تمددت بفراشي وطبن البنات يضحكن عليَّ لأن راح أنام من وكت كلش
فجر: عمي التعب يربي، يوميه للصبح سهرانه
كلارة: صارت چنها بزون مسممه
وردة: وعلي ميته تعب
كلارة: صمد مات من الحرگه كل ما حچه وگال يضحك ويـَ الزعطوطه وصوت ضحكته يفزز أهاليتنا من گبورهم، ويانا ما يتحاجه شايل الدنيا ويفتر بيها.
ضحكت وفجر تفر أيدها وتحچي عليهم، نمت نومه طويله وگعدت ثاني يوم شبعانه نوم فجر ملتهيه وتشتغل أنطتني گلاص چاي
-فدوه خيه أخذي لچاي الحرّ
هزيت راسي وأخذت الچاي لغرفة حُرّ، وبيناتنا ميانه چبره وحده تأمر على الثانيه وحيل مرتاحه وياهن وحتى حُرّ عادي أخذله غراضه أو جاي أو أروح أحاچيه..
قبل لا أدگ الباب سمعت صوته يدندن بأغنيه
-وردة سگيتها من دمع العيون، صارت بالحسن فتنه للعيون.
13
يدندن بالأغنيه وحيل مندمج، الچاي برد بأيدي وأنه أسمع لصوته وشلون يغني بالأغنيه تجنن وحيل متطابقه ويـَ أسمي وحتى حياتي دگيت الباب بتردد وبسرعه أنطيته الچاي وطلعت خجلانه وخدودي مشتعلات نار عبالك مغنيها الي..
3
مر الوكت والأيام عليَّ وچانت ليلة مغربيه الآذان صوته تارس المكان أجواء بيت عراقي بين الواگف باب البيت وبين الگاعدين بالحوش وبين الجاي يشتغلن بالمطبخ وبين الواگفين يم المغسله يردون يغسلون ويتوضون وأنه من ضمنهن التفتت على صوت فجر تگول لحُرّ
-خويه وين رايح؟
التفت عليها حُرّ واگف بصف باب الحوش
-هنا بالديره ما أبطي
1
هزت راسها تصرفن برداناتها تريد تتوضى وحُرّ طلع، ريحة الطبخ تفوح وصوت الأذان المريح للسمع والغروب وأنه مبتسمه وأباوع لكل هاي الأجواء بهدوء لحد ما تبدل هذا الهدوء العاصفه هزت بيتنا هز..
1
صوت رمي قوي حيل يطرش الآذن عبالك الرمي صار بيتنا طلقه وره طلقه وزلمنا كلهم طلعو يتراكضون لأن حيل قريب من بيتنا، وهوسه وخوف فجر شهگت وطگت خدها تصيح خايفه على حُرّ، وصار الصياح والصوت عالي كلهم يتصايحون مذعورين وخايفين من الشي الشافوه، صاحو يفزعون
