رواية يا اجمل الوحوش الفصل الثاني عشر 12 بقلم رسل فهد
يا أجمل الوحوش
- رُسل فَهد
...
22
گبر الـ جثة الـ نذبحت
بغسل العار گلبي نعاف
بعد ما اضن بشر يتعنه و يزورة
خشبة أنا و طحت بچفوف حطابين
من كل صوب محفورة
- رُسل فَهد
...
47
- شيوجعج يَابة
حتى عيني ما اگدر ارفعها و اخليها بعينه من الصدمة و المستحىٰ
لحد ما فزيت برعب و خوف من صوت أمي و هي تلطم على صدرها
بفزع النوب لطمت على خدها و أتجهت عليه
87
تغريد : شعندكككك لازم بنتي
خله ايده على حلگها يسكتها لان الزلم بالباب و أمي تصارعة
وهو يحاول يهديها بس شيهديها أمي نفط و شمروا عليه كاغد نار
94
من شفتهم يتصارعون نسيت المرض و ركضت فوگ طبيت لغرفة ورود وقفلت الباب عليه اجر النفس السريع من الخوف شلون راح افهم أمي
و اني واثقة مستحيل راح تصدگني
42
بقيت كاعدة بالگاع يم الباب و أسمع الأصوات و خايفة على أي لحظة يندگ باب الغرفة قوي و تطلع امي أحس بدموعي تنزل على خدي
حارة ، مسحت وجهي بشالي و الزلم راسي بأثنين ايدي
27
جُمارة : كله من وراك كله ، الله ينتقم منك
شراااااح يخلصني من أمي
45
مديت إيدي على خدودي گرصتهن بقوة
جُمارة : ليششش ما وخرتي أديه هاااا ليش
66
أحچي وي نفسي أحس روحي أنجنيت من صدگ
سحبت نفسي للچرباية مال ورود تغطيت لان احس روحي بردانة
و معدتي من الجوع تطلع أصوات
20
شوية و أندگ الباب ما گلت منو لحد ما اجة صوت
ورود : فتحي الباب ولج اني وريدة
فتحته الها و جريتها أسألها شكو
24
ورود : بوية ولج هاي امج ما تنصرع يمه بالگوة
لزمها و طببها للغرفة
69
جُمارة : هم سألت عليه ؟ يمه لا تصعد
ورود : ليش هو شصار أنا بس الشيخ گالي صعدي فوگ
شوفي جُمارة شردت خافت من امها
عرفت راح تروحين لغرفتي
19
جُمارة : ما صار بس لا دكولين لامي هنا
ورود : طاح حظج شنو فتانة أنا
21
بعدها تحجي و طبت أمي مثل العاصفة كمت اباوع للحيطان منين أتجه و وين اروح ورود لزمتها تهدأها و اني من بيناتهن طلعت لزمتني امي من الدشداشة بس جانت ركضتي اقوى و فلتت ايدها حتى حجابي بقى بالغرفة و نزلت اركض أنلوت رجلي بأول درجة
103
جان درجهم جبير حتى المسافة بين البايات چبيرة لزمت المحجر بس أختل كل توازني و أحس ضغطي هُبط و جانت آخر لحظات تمر على بالي هيَ شكلي و أني أتدحرج من الدرج بشكل سريع
157
جنت أنتظر أوگع و يخلص الدرج حتى أگوم بس
شوو ما صِحيت !!!
....
236
"ورود "
1
لزمت عمة تغريد بأثنين ايدي حتى تعوف جمارة خطية هواي صايرة تضربها من طلعت من الغرفة حسيت بالأمان وكفت كبال الباب أهدي بيها بس هي صايرة اعصاب كلش جنها جدة من جانت بيها حيل
21
نزلت ايدي من الباب و التفتت بسرعة عمة تغريد صرخت و صار صياح من جوة ركضنا اني وياها للدرج نشوف شكو بس عمة جانت اسرع مني حتى لطمت بأثنين أديها من شافت جُمارة بالگاع واگعة
و الدم مدمر المكان
116
كلهن ملتمات فوگاها جان غسان موجود
طلع بسرعة يصيح واحد من بره و عمة تغريد كامت تلطم و تضرب على رجليها و تعض بـ أصابيعها روز تبچي
46
رهينة : برداً و سلاماً برداً وسلاماً
247
دخل آمجد يشوف شكو هو و غسان هذا غسان
عافها كلها و صاح لأمجد غدي ، من شاف حالها هم أنصدم
آمجد : يالله لبسوها عباية كومي كومي
64
حارت عمة تغريد شلون تضمها و تلفها اجه امجد يشيلها
رهينة : لا تشيلها اوكف روحوا صيحو زِناد
169
عاطت بيها عمة تغريد و هو شالها وطلع بيها و جدة كعدت تغلط عليه
دمعة : البت راح تموت و انتِ شايلة هم حفيدج
رهينة : صمي حلگج لا أصمة بنعال
156
بقينه أنا و روز نلوب نفتر بالهول النوب صارت هوسة الغده
و ألتهينا نسوي نسوي الزلاطة و نرتب بصحون الفواكه
حطو عبي على الباب و الشبابيك حتى نسوي چـاي و ما نبين
غسان : مطبخ لو موكب شني هاي السوادة
100
و جدة صاحته
رهينة : شصار ولك من طلعتوه شافكم زِناد
غسان : شني شافنه جدة طبعا ما شافنه هو بالديوان
يم الشيوخ
34
صبو النه و كعدنا ناكل و طب شراع شوية و أجت زهرة شاورتني
دكول شراع يگول أنقذيني بـ آكل
أكلت بسرعة و رحت للمطبخ أسويلة يعني واحد يعوف خيرات الله هاي كلها و ما ياكل والله شنو وسواس
59
سويتلة اكل على السريع و مبين عليه الجوع كلش هو اجة
كعد يم جدة منتظر جبتله الاكل و جدة كامت تدلل بي براسي
رهينة : جيبيلة ماعون فواكه و بطل لبن خل يشبع
29
رحت جبتهن و أنا ادردم على جدة خليتهن على القنفة بصفة
و همزين الشيخ خلاهم يغسلون الصحون و الجدورة و خلصنا
رحت اغسل الاستكاين و هم صاحتلي جدةً
رهينة : چـاي صبيلة يجدة
33
عضيت شفتي بنفاذ صبر رغم أنا محضرة كوبة بس ما احبن
واحد يگلي سويها
115
صبيتله و وديته آخذة مني
رهينة : جا اليجيب چـاي غير ويا كلاص ماي لو هم هاي ينراد الها تعلوم
78
ورود : جدة شمالچ عايشة دور العمة براسي
ذيج الثلاجة العطشان يگوم يشرب ماي منها
خلينا نشوف درينا
92
جدة غطت وجهها بطرف شيلتها مصدومة و هو دنگ مبتسم
عفتهم و رحت أكمل المطبخ
...
36
"جُمارة"
3
فتحت عيني بالمستشفى و أمي يمي المُغذي معلگ و الكانولة بيدي
وعلى الكرسي كاعد آمجد مجرد ما شفته خفت و تذكرت البارحة
حركاتة وي مرته
63
مدت امي ايدها على ايدي الثانية
تغريد : ها حبيبتي
جانت تحجي وتباوع لراسي مديت ايدي على راسي لگيته ملفوف
و آلم براسي قوي رجعت غمضت عيوني
24
تغريد : جُمارة يمة تسمعيني
هزيت الها راسي بمعنى نعم
8
شوية و أجة الدكتور گال لامي لا تطلعون إلا شويه تستقر حالتها
لان الضربة قوية بس آمجد ما قبل گاله احنه قريبين إذا شفنه شي
مو تمام نرجعها ، ما قبل الدكتور
22
اني ردت اطلع أحس اريد انام بمكاني الاضوية تزعج عيوني
اشرتلهم اروح اريد أطلع امجد حتى ما سمع لامي گبل صاح
للمرضة شالتها و طلعنه
11
تغريد : يعني تحسين بروحج زينه زينه لو بس تردين تطلعين
اشرتلها عوفيني عيوني ترمش هواي مدري شبيه
خليت راسي على الجامة
53
تغريد : بسببه كل دمار يصير بينه بس يحاول يأخذ دور المظلوم و المسكين
100
آمجد : ام امير انتِ شتحجين أنا لو ما أبوي والله أسحلة سحل هو أكبر مني بشكد بيوم واحد ترى و أبوي چان مقرر الشيخة الي بس هو حيال و خبيث چان
236
و أنا گلت لابوي انطيها للزعاطيط أنا شيخ على روحي
و إلا هو شيخ بس بالاسم
81
تغريد : الله ينتقم منه ما يعوفنه بحالنا يركض وره بتي شعنده شيريد منها لو يموت ما اخلي يحصل أظفرها
120
آمجد : ما اهيس تكدرين هو من زمان يكول اخذها غصبا
حتى عليها و على امها
72
تغريد : بسيطة اني اله إذا ما خزيته ما اطلع تغريد
حتى لو حليمة ربته بس راسة بي رهينة هواي
47
آمجد : يمعودة كلهم نفس الطينة والله أنا اول ما اجيتوا
صدگ جنت محمل بسبب جدتي و حچيها بس من مات امير و توضحت الأمور گبالي گلت اني سند الهم
349
تغريد : مشكور الله يسلمك
آمجد : راح أحاول ويا أرجعكم لبغداد ترتاحون
تغريد : غصباً ماااا عليه أني هسة رايحتله
95
و أحنه طبينه للبيت هو چان هستوه طالع من المضيف و الساحة
كلها نظيفة و مرتبة باوع علينه بأستغراب
عفتهم و طبيت أمشي گوة لان اريد أنام و أمي مبينه تريد تتعارك
بقت عينه عليه شمرت العبايه بالمطبخ و طبيت للغرفة
9
شوية و بدت اصواتهم تعلى بالصالة روز ركضت عدلت لي المخدة
اشرتلها على الضوة ركضت طفته بقيت متمددة و أسمع صراعاتهم المستمرة
6
زِناد: هاي ضربتيها موووو ، وين ورود
تغريد : أضربها أحركها اذبحها لك انتَ شعليك بيها شعليككك
76
زِناد : لج بابا الطفلة راح تموت من ضربج كافي عاااد
تغريد : كل مرة أضربها بسببك اي بسببك انت
عوف بتي عمي عوفها
48
ورود : ها شيخ آمر
زِناد : شبيها جُمارة شلون طاحت
7
تغريد : أي أنا صعدت أضربها و خافت مني و نزلت تركض و وكعت و هذا كله بخطيتك و بركبتك هجمان بيتي
143
زِناد : يعني شحجي وياج بعد ما يفيد
تغريد : لا تحجي و يا ريت تجفينه شرك و شركم جميع اني اريد اخذ بناتي و ارجع لبغداد أنا هنا ما مرتاحة
24
زِناد : ماكو رجعة و هاي خليها ترچية بأذانج تردين تطلعين وحدج أطلعي حتى روز ما تطلع وياج ما عندي بنات زايدة أنا و أفرط بيها يمج
129
تغريد : شنوووو انتَ احرص منهن عليه منو انتَ
زِناد : تعرفين أنا منو اكثر وحدة تعرفين
36
تغريد : زناااااد و السماك زنااااد إذا الك نية و طمعان بـ بتي نجوم السما اقربلك لو انتَ آخر واحد بالكون ما أنطيها الك
48
زِناد : و أنا لو أريدها توگفين بوجهي انتِ ،
محد يوگف بوجهي غيرها
73
تغريد : و بتي ما تريدكم و حتى لو رادت أحطها بتنور الطين و أخبزها و ما اخليها الك تصير هااا اهااا
99
رهينة : و عليمن يابة ناهب ورث الخلفوج ابن عمها
هيبة و صدر ديوان ياهو الأحسن منه يأخذ بتج
76
تغريد : انتِ مالج دخل و آخر من يتدخل انتِ خليني ساكته عنج
39
رهينة : لا تعاي احجي حتى اردج بـ بطن اختي تعاي
82
آمجد : يالله گولو يا الله
114
تغريد : الله بريء من هاي الشكول و اني راح انتظر بتي تطيب اليتنفس ويكول ما ترحين لبغداد يعرف شيجراله
22
زِناد : و ما ترجعين و تأخذين البنات و تصعدين فوك
خلي يأخذن راحتهن شوية و كافي تعامليهن مثل الزعاطيط ترى نسوان صارن
67
تغريد : يابةةةة شعليك انت شعليككك ترى شيخ عليهم
مو علينا
74
زِناد : عليج و على كل واحد مَرجعة الي أجيت وياج بكل الطرق بس الظاهر انتِ ما تشوفيني غير جتال امير
فـ شحجي وياج ضايع
30
تغريد : اي كلكم الكم ايد و انتَ الايد الجبيرة
كتلت ابني و تريد تأخذ مني بنتي و ناهي عليها
و هي طفلة يا مغرور يا أناني يا مريض يا وحش
131
زِناد : و أجدد النهوة عليها و گبالج
جُمارة حصتي يمچ و من يخطر على بالي أجي أخذها
195
تغريد : اي من تجووووع تجي تأخذها بنتي صيدة مخليها
احتياط هسة شبعان حقك بس والله لاخليك تتحسر عليها
والله
55
رهينة : كافي صدعتي روسنه ولج انتِ شيغزر بعينج
عاده عمامة و ولد عمة لخاطرج انتِ و بتج تالي هيج واگفتله مخوصرة شني ساطي عليها
35
تغريد : اي ساطي هذا شيخج المكيفة بي لو ما
اتحلاحگ چان أكلها هذا الما يستحي
82
زِناد : والله عيب عليج
صار هدوء شوية و النوب صار الصوت يم الباب روز وكفت من الخوف
التلفزيون جانت طالعة اخبار ركضت طفته
أندگ الباب و أمي مستمرة تصيح
13
تغريد : عمي عوفنه شنو هالمشكلة هاي
رفعت راسي اباوع للباب توجعت طَب هو و أمي و آمجد واكف بالباب
و طبت جدة
22
نزع عبايته و ثِنه نفسه وگعد صار گبالي اني أباوعلهم واحد واحد
زِناد : گومي نامي على الچرباية ليش بالگاع
و بالليل صعدي بغرفة أبوج
23
ما جاوبتهم بس اريد أهدأ عيوني من گد ما ترمش
رهينة : شلون صرتي يجدة الحمدلله على السلامة
كومي تعاي إعله چربايتي
12
سندتني أمي حتى تگومني و اني احس روحي بغير عالم
وهم ملتمين فوگاي رفعت عيني باوعتله بقهر لان صدگ كلام
أمي كله بسببه هو تماده وياي شلون هيج يلزمني
59
زِناد : جُمارة شلون صرتي
باوعتله و باوعت لامي ورا خازرتني نزلت راسي
6
رهينة : شمالج وي البت شمالج مسوية بيها رعب
زِناد : إذا أحتاچيتي شي كولي لجدة توصلي
8
همست أمي
- بس چفينه شرك
48
دار وجهه على أمي و خله عباته جوه ايدة
زِناد : أنصحچ ما تخلين شري يلوحچ
60
جدة اخذته تطلع بي و روز تسكت بي من وصل للباب خله عباتة بيد
جدة و تحك عليه سريع لزم فكي
زِناد : جُمارة شو أحچي
61
بلعت ريگي من گد ما هو قريب علية حتى إذا الحروف أحس نسيتهن
زِناد : أحچي بالله
16
حاولت ويَـ نفسي شو صدك ما أكدر أحجي
هو قبل لا أشرلة ما أكدر عُرف عصر چف ايده قوي
زِناد : جدة منا لليل شوفيها تگدر تحچي
لو شنو الموضوع
23
طلع بس بقيت خايفة أتذكر الي رادت تخلي إبرة بحلگي
نمت من الخوف و كعدت بالليل على صوت امي جايبتلي اكل و علاج
آكلت و صعدتنا فوگ هي و روز يحاولن وياي حتى احجي
عبالهن الموضوع بكيفي
12
اشرتلهن بأثنين ايدي كافي راح أتخبل لفيت راسي و تغطيت بس دموعي تجري على خدي احس حياتي متاهه بدون نهاية
الصبح نزلت لان اني ما ارتاح بغرفة أبوية ابقى اتذكرة
و أبچي هواي
14
نزلت، امي و روز بعدهن نايمات كعدت يم جدة
رهينة : حطيلج شي اعله راسج يجدة راح يجي
شيخلصج منه
درت وجهي عنها
13
بقيت كاعدة و ورود جابت النه الريوگ نزلوا عمي فاخر و دمعة
و عمي قاسم و نورس مرته راحت تسويله ريوگ يومية مشتهي طبق
دمعة اليوم من الصبح كاشخة و گامت هي تسوي لعمي فاخر ريوگ
اجتي ورود تاكل ويانة ، رفعت راسي من گال
زِناد : السلام عليكم
19
كعد بصف جدة و مد ايدة ياكل ويانة ورود راحت تجيبلة چـاي
من أجت جابت الچاي گاللها جيبيلها شال
جابته من غرفة جدة و حطته على راسي
48
زِناد : ما حچيتي ؟
هزيت راسي بـ لا
3
رهينة : خل يطيب راسها و ينلم جرحها و نرجعها
لطب العرب چـا شنسوي
باوعتلها بعصبية و اشرت لا
9
زِناد : لا ، عوفيها جدة هيَ سباعية تحچي وحدها
رهينة : ان شاء الله بعد احسن
14
شبعت و تدنيت على جهة باوعت لردانه بس آثر دم بقيت أباوعلة
هو حس و سحب ايدي يباوع شاف الدم أستغفر و راح حتى
يغسل نزلوا البقية و من نزل عدنان دمعة عدلت گعدتها
مبينة اليوم ناويتها مو خوش
40
طلعت بره أباوع للساحة تلمع بس متروسة گواني طحين
الي عرفته هم يشتغلون بيهن
وكفت احسب بيهن و فزيت من انفتح الباب دخل امجد
الظاهر متصالحين هو و زِناد لان من يتعاركون ميفوت لهذا البيت
و هالايام جياته كثرانه
25
رغم وجهه كله شر بس ابتسم بوجهي و طب جوه
رجعت احسبهن من جديد و أني مرجعة ايدي ليوره
و اباوع لعد شكد يربحون اكول جدة تمشي و توزع بتوت
50
- وين وصلتي
درت وجهي باوعتله بنرفزة لان هم خربطت هوَ أبتسم
16
زِناد : أذا سمعتي نقاشي آمس ويَـ أمج أنا بساعتها چنت عصبي و لتتوقعين بيوم من الأيام أغصبچ لو أجبرج عليه لو على أي شي ثاني
55
ميگول أجبرج علية لو على اي احد ثاني يكول شي ثاني
حتى هنا ميريد يخلي احد ويا
74
اشرتلة على تليفونة طلعة من جيبة و أنطانيا ، كتبت
- أعرف و اني مطمئنة لان أنتَ متزوج
و مو هذا تفكيرك
94
من شافها مسح شواربة و أبتسم و ضم التليفون
هَز راسة بـ نعم
25
تركته و طبيت وي ما اريد اصعد طب عمي عمار و ولدة كلهم ورا
جدة باوعتلها معاني وجهه دكول لا هلا و لا مرحبا
و حتى ولدة اني متأكدة ما طايقين تصرفاته
15
عمار : وينها عالية وينها ورود يعني لو أنا اجي انهي الأمور لو محد اكو
98
رهينة : و انتَ ياهو الداز عليك ولك خبلتنا شجاك هاي من تالي هيج تسودنت
34
عمار : لا تدخلين يمة بسوالف الزلم خليج بسوالف الحريم
رهينة : ولك يا زلم هاي جبيركم جان يترها على فراشي
هسة صرتوا زلم على أمكم
157
عمار : عاليةةةة ، يالله أنا خابرت شريك
هسة جاي بالطريق
زِناد : امشي بالمضيف عمي مو هيج
10
عمار : آخر من يتكلم انتَ أنطيتك مهلة يومين عبالي
الگاك حالها بس الظاهر جبيرة عليك
8
زِناد : لا صغيرة مو مستواي خليتها عليك
118
عمار : احترررم نفسك لا اترس حلگك بارود
كام يضحك و هَز ايدة
18
راحت جدة تحاچي عالية
2
عمار : و انت فاخر ابن فتنة حاجاك بعد لو أمة ما خلته
خلوا لنفسكم كرامة شوية كبرنه و احنه نسمع ابوي يكول انتو أولى من الغريب بـ بنات عمكم هن اثنينهن و أستقتلنه
و أخذناهم ، عيييب عليكم
32
اباوع لعمي فاخر ما رد بقى يمسح بلحيته
راح وكف يم باب المطبخ
فاخر : وردة أنا أنطيتج لعمج عمار ماكو احسن من ولده
53
ورود : يابة
فاخر : اي ياية إذا الي يمج معزة تنفذين الاكولة أنا تعبت
و خلصت طاقتي
27
عدنان : يابة انتَ صدك تحجي
فاخر : اي صدك و اي واحد ما عاجبة كلامي يالله يااااااخذ
مرتة و يطلع من البيت
12
يونس : لا ما تتزوج
ام عدنان : كاااافي عوفوا اختكم تشوف حياتها المن ضاميها اول و تالي تتزوج هي هاي سنة الحياة كافي مشاكل مو متنه
54
راح عمي عدنان للمضيف و عالية كامت تصرخ ما تقبل
و جدة و امها يحجن عليها
رحت يم الغرفة حتى أشوف شكو
13
عالية : ما أتزوج واحد منهم لو يموتون
امها شاورت جدة ضربتها جدة بالعكازة
10
رهينة : تردن تصخمن وجوهنا يمصخمات البين و علي شريك يحط طلقة براسج و يكتلج خلاص خليها ببالج
19
عالية : ماله دخل بية كلمن عليه بحياته
ضربتها امها
ام عالية : و علي اخلي زِناد يذبحج على القبلة
عالية : ما تخوفيني و ما اقبل اذبحوني و ما اقبل
12
رهينة: امشي جُمارة صيحي زِناد كليلة جدة تريدك
عالية : لا لا لا تصيحي
10
طلعت منهن لكيت دمعة تحشي بـ ام عدنان و صايرات صدايق
برة الصياح ما يسكت طلعت اشوف لگيت خالد و عدنان
يتماطلون ورود ماكو و كلها بچفة و من فات شريك بيدة السلاح
بچفة صار گبالة زِناد رغم هم ما يتحاجون
18
زِناد : أثبتتتتتت خل أفهمك
شريك : عالية عالية وين تريد تنتحررر
74
زِناد : شني تنتحر هاي ياهو كلك شبيك اكو واحد يندفع على أخته و ترى مريضة أختك أنا جبتهن هي و امك يمنه
3
شريك : وينها و ينها اريد اشوفنها هي ما تجذب عليه
زِناد : شمالك انتَ اكلك والله مابيها شي بعدين عمي عمار يريد ياخذها لعلي شنو شورك انتَ
11
- خل أشوفنها و أحجي وياها
- روح بغرفة جدة
4
طب يركض و زِناد مبين كل هذا الوضع ما عاجبة و اني و راسي الملفوف افتر وراهم ما اريد لقطة تفوتني طب للغرفة عصبي بس من شافها تبجي و شبگته تبوس بي خايفة هدأ بسرعة
79
ام عالية : أخيتك يمة خطية
شريك : هسة أنا ما مفتهم شيء كلمن يحجي شكل
رهينة : ماكو شي يجدة ما تدري بعمك عمار مسودن
و يموت اعله الطلايب
8
عالية : شريك ما اريد أتزوج هسة ما اريد
شريك : بس علي خوش علي و أنا أعرفة كلش زين
44
ام عالية : لا بس هي ما تقبل هنا دكول أريدهم يجون
يخطبوني من بيت أبوي
شريك : هسة إذا على هاي سهلة تدللين
باسها و طلع راح للمضيف
25
عمار : أنا خابرت الشيخ عاد خل يعقد
اعله ورود فشلة ارجعة فارغ
زِناد : بس احنه هاي بس احنه نعقد من صباح الله
65
عمار : خير البر عاجلاً
رهينة : لا لا خليها العصرية احلى خلينه نرتب البيت
خل نشوف دربنا
39
عمار : هسة العصر سهلة العصر مو مشكلة
حچاها و اخذ ولدة و طلع شريك هم اخذ امه و اخته و راح
6
حياة : جا هو هيج العقد غير نتحضر نكشخ
عمي عمار دومة مستعجل
رهينة : غدي منه حتى غدي ما ادري شلون مرته خلفت منه هاكثر و جرعته و إلا هو ما ينجرع
68
رؤى : لا جدة والله گلبة طيب و ينطيج الهدم اللابسة بس هو دوم عصبي و العصبية مخربة كلشي عليه
رهينة : هسة أنا ابني ما أعرفة جان يأخذ هدوم اخوته و يشمرهن بالشط بالعيد حتى بس هو يكشخ و اخوتة لا
257
زِناد : رايح أنا جدة اليوم عندي مشيتين إذا گدرت اجي العصر أجي و إذا لا عذروني تمموها بيناتكم مبروك
مقدماً
15
رهينة : يااااع انتَ ما موجود شعدهم مالچين
زِناد : جدة قابل ملچتي انتِ الخير و البركة
12
رهينة : ملچتك اخافن يخلص عمري يجدة و اموتن بحسرتها
زِناد : عمرج طويل جدة
13
جدة تحجي وتباوعلي تموت على الدرامة
العصر محد اجة ورود تبچي ما تقبل توافق ثاني يوم اجة عمي عمار و اخذ جدة و راحو لبيت عمي جعفر ابو شريك حتى يخطبون عالية
تالي گايلة للشيخ ما موافقة و الشيخ ما قابل يكمل كبل طالع
184
مرن يومين و البيت أوضاعة مشحونة بس أني هم ما نطقت و كل ما يزيد يوم خوفي يزيد أكثر حتى زِناد ما اجانه
7
العصرية طلعت بالحديقة الوره بس خليت باب المخزن مفتوح
أجن بطات يركضن مبين اكو واحد جان يركض وراهن اكو بيهن
كبار و صغار كلهن لون ابيض يخبلن
15
وحدة بيهن رجلها تجري دم كلهن يركضن قوي بس هي تعرج طلعت من بين الزرع بنية ريفية تخبل داگة بحنچها و حلگها برتقالي ، عيونها صفر و بيدها عودة لابسة دشداشة برتقالية و فوكاها شادة العباية
97
من شافت البيت و التنانير انصدمت بس اني جنت مبتسمه الها
ضحكت بوجهي
- أشردت البطات بسببي دوم أنا أحبن اركض وراهن
ابتسمت الها
22
- شسمج والله انتِ مچكنمة بس لا متزوجة
هزيتلها راسي لا
17
- جا ما تحچين يعيني جنچ أخرسة
ضحكت و اشرتلها على راسي
4
- يا سوده بوجهي عادي هسة امي تسويلج عشبة
تشربيها و تحجين
خفت ما اكدر أإمن اشرتلها لا
11
- حبيتج يوميه اطلعي هيج وكت بلكن الكاج تحجين
طبيت لان من يوم ورود بية خوفة من هذا المكان
17
طبيت ولگيت دمعة بوجهي
دمعة : هاي شنو دوم راح تبقين خرسة ،
عبرتها رجعت حِچت
- تدرين الشيخ وين ؟ مأخذ فضة للعمرة
100
اشرتلها شعلية و صعدت فوگ ، شفت امي هي وأمجد يسولفون بالمطبخ لكيت روز هم نايمه ايام كئيبة رحت وي أمي و أمجد شالولي الخياطات و بعدني ما اكدر أحجي محد شايل هم صوتي حتى جدة حايرة بروحها
36
صرت حتى ما انزل و لا احد سألني على دوام الكلية طول الوكت لازمة لعابة أبوية و أبجي يكولولي ما دام صارت بيج قبل و حجيتي يعني هم تكدرين تحجين بس محد يحس باللي اني امر بي
18
نزلت الصبح و بيدي اللعابة بس قهر الدنيا كله أحسه على راسي
دموعي كل شوية تنزل و أمسحها ورود هم متنزل جدة كامت تتأخر بالنوم لحد ما يگعدنها يسون الها ريوك ما تحب تبقى تنتظر
5
جنت گاعدة على دچة باب المطبخ الجو بارد بس يجنن كعد غسان راح يجيب صمون يبلس بالنعال و يدردم
غسان : أمراء ما يأكلون إلا صمون حار هو انتو خبر زايد هواي عليكم
40
باوعتله مبتسمة
غسان : عمي أرجعي أحچي شنو عاجبج دور الخرسة
خزرته
35
اول ما فتح الباب طلع يسلم و يگول مشتاقين عمي
بقيت كاعدة بمكاني اباوع للغيوم هواي يعني اكيد اليوم تمطر
راح عيني على الباب الي أنفتح و دِخل هو بكامل أناقته
الدشداشة من گد ما بيضة من بعيد تبين جديدة
18
دخل يضحك و طبگ الباب بعدها التفت بسرعة من شافني كاعدة بالباب باوعلي بأستغراب و اجه بأتجاهي بيدة السبحة
وگف گبالي و اني ما رفعت راسي و لا باوعتله
3
زِناد : لسـه ؟
هزيت راسي بـ أي و اني منزلة راسي
11
زِناد : دگومي شو گومي
وكفت گبالـه عدلت حجابي و لزمت اللعابة قوي
مد أيدة رفع وجهي و أني دموعي صرت ما أسيطر عليها
27
بدون ما يگول شبيج طلعني بره و صعدت بالسيارة من صعدت تذكرت امي لا تكعد مديت ايدي اريد. افتح الباب قفلها و ساق بسرعة ضربته على ايده و ما اعرف شلون اشرحلة اخاف من امي
16
زِناد : ما نتأخر ، اششش كافي
14
جنت متأكدة لأي مكان راح يأخذني بس بنفس الوقت خايفة و اريد أحجي لمن وصلنه لبابهم لزمت ردان دشداشته و آشرت لا
ما سمعني فتح باب السيارة و نزلني كلت بلكي نايمين و نرجع
بس أسمع صوت صياح مره فضحت الدنيا
13
طلع رجال كام يرحب بي و يسولفون بس هو لازم ايدي قوي
زِناد : هاي شني عمّي المرة جاي تشرحوها صوتها يفطر الگلب
- لا سالفة ستر ستر
131
باوعلي يطمني بس صوتها يخلي اليهودي يلين كلبة
- هاي البنية مو جبتها انت و الحجية مرة
- صحيح و هسة هم رجعت متحجي
5
مرت نص ساعة يالله طلعو المره و وياها وحدة جبيرة ملفلتها
مغطيات وجوههن و راحن مشي كاللهن زِناد أوصلكم
بس المرة ما قبلت
17
طلعت هاي العجوز ام الابرة تغسل أديها بصوندة مي برة
عصرت ايدة قوي بقت هي ترحب و تسولف ويا كاللها مستعجل
- هم هاي الوكحة جا وين جدتها
زِناد : عروس نايمة
56
- ههههه يلوگلها يالله تعاي عيني
اشرتلها براسي لا ، يحاول يهديني طب وياي شوية تطمنت
- لا عيني اطلع بره
3
زِناد : لا ما أعوفها تموت
- چـا تحمل
8
نفس المرة القديمة حطت الابرة على النار حضرت وصلة
- ثبتها على رجليك و الزملي أديها
زِناد : أنا ؟؟؟؟
112
- اي انتَ چـا هاي التساعدني لسه ما جاية لو تطلع و تعوفني أربطها و أشوف شغلي
22
لزمته قوي
و أحسة محتار منين يلزمني شدت عيوني و هو ثبّتني على الكرسي و لزم ايدي ما سوهً مثل ما هي دگول
صار هدوء و هي فتحت حلگي كنت أتخيل اللقطة و بكل قوة عندي اريد أصرخ بس ما أكدر كمت ارفس برجلي هي كعدت على رجلي
9
زِناد : لا تنكسر رجلها الطفلة
- شني قصدك أنا سمينه جا ما ثبّتتها بحضنك
133
زِناد : لا عمي شني ما رايد روحي
- لسانج لسانج طلعي شو
24
كمت احرك راسي قوي حتى تعوف حلگي راح أتعجب هو شلون يخليها هيج تسوي بيه حسيت حرارة الابرة صارت قريبة على لساني أنهاريت اكثر و اني إصيح ولككككك زناااااد خل تعوفني
بس شنو الفايدة بدون صوت
9
-إذا ما نجحت الابرة أحمي السچينة
من سمعت هيج أنهاريت بالزايد رغم هي لسه ما لسعتني الابرة
زِناد : كافي عوفيها راح تموت خيولي صوتها
35
هي حچاية گالها وحسيت الابرة لسعت لساني أنهارت صدگ
و هم مقيديني جان بس صوتي اكدر اطلع الحرگة الي بداخلي منه
وهم غدرني تخيلت منضرها و هي تجيب السجينه متت
حسيت راح أفقد الوعي لسعتني مرة ثانية وصررررخت بقوة
- لكككككك زناااااد
135
هي صرخة و أنهدت ايدي و انشال الحمل عن رجلي
حسيته صدك غدرني و يستمتع بعذابي عدل حجابي
- الحمدلله
7
ضربته قوي بصدرة أكثر من مره و هو مبتسم
ما مهتم طلع محفظته يحاسبها
جُمارة : متشوووفها متشوووف شسوت بيه
18
- ولج شو انتِ عرمة تعاي أجويج تعاي بس إذا أنخرست خلوها خرسة ما ينجرع هذا الصوت
زِناد : بُلبل
147
بعصبية عفتهم و طلعت فتحت باب السيارة مقفول
أجه هو داس السويچ و فتح الباب صعدت و طبگتة كل قوتي
سلم عليهم و صعد
زِناد : چا أشوفچ تبجين علمود صوتج أحسن
2
جُمارة : اي أحسن و لا هذا العذاب ما نقهرت عليه و اني جاية بأمانتك هيج تسوي بيه
زِناد : چا غير أرجع صوتج
4
جُمارة : عوفني خرسة احسسسن
زِناد : اي والله أحسن أني صوچي
24
جُمارة : كله صار من وراك مديت أيدك عليه و اني خفت من أمي تالي تشرد و تروح للعمرة على الأقل جان كلت لامي اخذيها انتِ و جده
17
زِناد : يا عمرة هاي سلام الله عليها أبن عمي مسافر و راد ينسجن علمود أوراق و رحتله يعني السفرة كلش ضرورية
59
جُمارة : كلشي خسرتة بسببك ثقة امي و صوتي و الكلية
زِناد : كلهن سهلات
7
جُمارة : لساني يحرگني
زِناد : هواي لو شوية ؟
جتفت أيدي و حجيت بعصبية
جُمارة : لا شوية
19
زِناد : أي عود شربي أشياء باردة
جُمارة : و أمي شلون إذا درت ؟
1
زِناد : متدري كلليها كعدت الصبح لكيت روحي أحجي
جُمارة : هسة من تشوفك دگول شمعنى من أجة يالله حچيتي
48
كام يضحك بصوت عالي
زِناد : بعد لازم ترضى بالأمر الواقع
جُمارة : ها خير شو صدگت
32
زِناد : اليوم عمي عمار معرس عليه من الصبح
اليوم إذا ما يملچ لولدة ما ينام بالليل
30
جُمارة : أني أضوج منه
دار وجهه عليه و عَاض شفته
زِناد : عيب يابة
76
درت وجهي ساكتة لحد ما وصلنه نزلت سريع و أخاف لا أمي كاعدة اليوم على حضي من طبيت للكراج و لكيتهم هوسة
كمت اباوع بالوجوه أدور أمي من ما شفتها جريت نفس
لمن طب زِناد وراي كلهم گاموا يباوعون
5
ركضت جدة رهينة عليه و هي معاني وجهه ما تتفسر
رهينة : عالية نِهبت يجدة
...
2.1K
يـ واليني وليةّ ناهبة و لزموها ولد العَم
171
- رُسل فَهد 🤎
43
