رواية شمس الجاسر الفصل الحادي عشر 11 بقلم حنين مراد
و عَليمّن هالعَتب؟ اليحسبَك عَزيز يحِن .🤍
+
الـكـاتـبة:- حـنـيـن
+
فضلاً لتنسوون التصويت + التعليق بين الفقرات +المتابعة لطفاً
+
بـسـم الله الـرحـمـن الـرحـيـم
+
__________________________.♡
____________________.♡
+
__________________________.✯
+
لطمت بيبي على خدهة من شافت عمو معتز يتعارك وي واحد اجة رجال وكلش يشبه ابو غسق
+
اخذ الولد ندار عمو معتز بحاجبة دم شوي ركضت علية بيبي تمسح بحاجبة ومدري شتحجي ويا اجة عمو ادهم كبال الباب
+
ادهم: فوتن
+
زينب: عمو شصاير شبي عمو معتز
+
ادهم: ماكو شي من نرجع عود نحجي فوتن يلاا
+
فاتن البنات بقيت بس اني بالباب باوعت ؏ الولد فجأة اجت عيني بعين جاسر خازرني كبل طبيت جوة
+
شمس: هذاا بي داء الخزرة كل مشافني خزر ليكول كاتلة ابو
3
اني حجيت هيج وسمعت صوتة وراي
+
جاسر: لا يابة مكاتلة ابوي بس صيحيلي ايات
+
كبل طبيت جوة بدون ما اباوعلة والفشلة الاكلتهة ما اكدر احجي رحت صحتلهة
+
طلعت شوي وطبت طبعاً الواهس خرب بس كامت وحدة من كرايب غسق وكالت
+
حوراء: يلا يابة نخرب واهسنة لان تعاركو كومن اخوات العريس وبنات اخو يلا كومن
+
كمنة نركص وحتة بنات عم غسق وعماتهة ركصن كومناهة تركص بشلاع الكلب اني لازمة ايدهة وايات بصفي لازمة ايدي وزينب لازمة ايد غسق الثانية ونورا بصفهة وجمانة وهيج وكفنة شوي وتقربت عليهة ايات
+
ايات: ركصي وفرحي بعدين تتندمين صدكي لأن عرسج مرة وحدة مينعاد
+
رجعت ايات بصفي حاولت غسق تركص بس تستحي شوي وكالو نروح حضرنة نفسنة وسلمنة على غسق
+
طلعن كلهن ردت اطلع وصاحتلي رحت يمة كالت بهمس
غسق: شمس احجي وي عمج
+
شمس:شحجي
+
غسق: اني مالي ذنب بلي صار اعرف الزواج صار غصب عنة بس والله هم غصب عني وما كدرت احجي مجرد حجيت ضربني بابا
+
شمس: لتشيلين هم كتلج اني من ذاك اليوم كتلة البنت مالهة ذنب بس بعد صار الي صار ف لتخافين واليوم ارجع احجي ويا والله
+
غسق: ايي عليج الله
+
شمس: دلليي زوجة عمي
+
ضحكت وباوستني سلمت عليهة وطلعت رايحين بس سيارة جاسر وبيهة البنات توني صعدت ضربتني ايات
+
ايات: ليش تأخرتي
+
شم:.اخخ مرض غسق صاحتني
+
ايات: هلاااو طلعن بنات عمج وهسة غسق
+
ديار: نحن هنا
+
ايات: نجبي شوي ادري هنا
+
ضحك ياسر وجاسر على كلامهن
+
شمس: ومرضض غير البنت صاحتني
+
ايات: كلي خـ** لاتتقربين منهةة
+
شمس: ههههه دلليي
+
ياسر: حتة زوجهةة ميغار مثلج
+
باوعت علية بعدم فهم
+
شمس: ههه وهوة زوجي وينة هسة
+
باوعت علية ايات وضحكت اشرتلهة بمعنى شكو هزت اكتافهة بمعنى متدري
+
نورا: صدك حنحضر نفسنة للكتلة
+
شمس: اي والله
+
وصلنة للبيت نزلت و ودعت ايات وطبينة جوة بس فتنة اجت زينة ؏ السريع كالت
+
زينة: عمو معتز يريد شمس ونورا وجمانة وزينب
بقينة صافنات صاحت بينة
+
زينة: يلااا
+
كلنة باوعنة البيبي
+
كريمة: خاف تردن يحاسبني هم امشن شوفنة يلااا
+
رجعنة باوعنة العمو ادهم بترجي
+
ادهم: صعدن وشوي واجي
+
صعدنة وديار قبلنة اطفر جنهة قرد
+
نورا: انتي وين
+
ديار: اريد اشوفة يرزلجنن
+
شمس: مررضض
+
صعدنة فوك وصلنة بباب الغرفة دفعت نورا
+
جمانة: يلا نورا انتي جبيرتنة حبيبتي
+
نورا: لااا ديار الجبيرةة
+
ديار: نجبي اكبر بثلاث اشهر فقط بعدين اني ممشاركة وياجن
+
نورا: شمس روز روزز انتي جديدة ومسامعة رزالة من خالو طبي انتي
+
شمس: هاي بدال مترحبون بية وتكولن انتي جديدة ملازم من اول شهر تسمعين رزالة
+
ديار: همم صدك
+
جمانة ونورا وشمس: انتي نجبيي
+
ديار: مو صوجـ...
+
بعدهة ممكملة وسمعنة صوتة
+
معتز: فووتن
+
باوعنة البعض وفتحت الباب فتنة داير وجهة ؏ البلكونة واحنة وكفنة وحدة بصف الثانية ومنزلين روسنة مثل المنتضرين اعدامهم
+
بس ديار تفتر بالغرفة جنهة قرد فاتت زينب ؏ السريع و وكفت بصفنة وحاصرتهة الضحكة
+
خزرناهة بس هية بالكوة لازمتهة دار علينة ومشة داير مداير علينة
+
معتز: ايي بلةة حفيدات ال جبار اشرحن فكرتمن
كلنة باوعنة الزينب الي خنست باوعلهة مصدوم
+
معتز: زينبب
+
زينب: هاا
+
معتز: فكرتج
+
زينب: شوف عمو يعني هوة حتة تتفاجأة ونسويلك سبرااايز مو بنات
+
ديار: جنج عكستيهة هية مو المفروض نسويلك سبرايز وتتفاجأة تتفاجأة
+
جمانة: شبيج من الخوف
+
ضحكنة عليهن بس باوعلنة بخزرة سدينة حلكنة كعد ؏ الاريكة الكبالة وحط رجل على رجل وجان لابس تيشيرت اسود وبنطرون اسود
+
زينب: الله عليجن مو طالع هيبة جنة ذول المافيا الي بالمسليلات الكورية
4
ديار: اي والله
+
معتز: احجننن
+
عاط بينة خنسنة رفعت نورا راسهة وكالت بتمسكن
+
نورا: شنحجيي
+
معتز: ليش هيج سويتن
+
زينب: مو كلنالك حبينة نسويلك سبرايز
+
معتز: راح اسبج واسب السبرايز
+
شمس: عمو ترا عمو ادهم وبيبي يدرون هم مو بس احنة تحاسبنة
+
ادهم: بعتيني باقل من خمس دقايق طاح حضج خوش مربيج
+
عضيت الساني وباوعتلة تقرب و وكف يمنة وايدية بجيوبة
+
معتز: يعني جنت تدري
+
ادهم: ايي عندك مانع
+
معتز: لعد شكد *** و***
+
ادهم: اااا كااافيي
+
جرني علية اني وجمانة وسد اذانينة
+
ادهم: انتن هم سدن اذانجن
+
سون البنات مثل مكال وحجو هوة وعمو معتز بس نسمع كلامهم
+
ادهم: انيي كم مرة منبهكم كلان خرا لتاكلون يم البنات
+
معتز: والله ما ارتاحيت انتة واحد ************
+
حطيت ايدي على حلكي من كال كلامة اجة عمو وسد اذاني زين بعد مسمعت شكلة عمو ادهم كام عمو معتز وجر ديار علية وكال الزينب
+
معتز: ختفيدجن غسق وزينب بعد لا قريبة مني ولا هاي هل ديار اخذت مكانج
+
باوعتلة زينب متفاجأة نملن عيونهة دموع وطلعت بسرعه
+
ادهم: طاح حضك مو هيـچ
+
معتز: حتة تبطل سوالفهة
+
ديار: صدك عمو اني ابدالهة
+
دفع ديار وكال
+
معتز: نجبي لاتصدكين كلت حتة احرك كلبهة
+
ديار: اووي ميتة عليك عاد وين عمو ادم اروح اخابرة افضل
+
راد يضربهة شردت عالسريع ضحكت عليهم بس نقهرت على زينب شلون رادت تبجي وطلعت بسرعه
+
معتز: الي تكلهة جذب بس ردت احرك كلبهة والعباس احطهة واكتلهة
+
رحت لغرفتهة دكيت الباب مردت فتحتة مطفية حتة الضوة بس صوت بجيهة مسموع رحت شغلت التبلام وكعدت يمهة
+
شمس: زنو باوعيلي
+
رفعت راسهة باوعتلي وعيونهة صايرات حمر
+
زينب: هاا
+
شم: لتهتمين اقصى حد بليل يجي يراضيج
+
زينب: والله حتلو يجي ما احجي ويا بعد
+
شمس: علينةةة ست زينب
+
زينب: والله زعلت منة لو ما عمي جان كلت دطيرر
+
شمس: لا يابة ابد مكلتي
+
زينب: ههه
+
ضحكت ع الاقل
+
شمس: دكومي ننزل
+
زينب: لا ما اريد
+
شمس: كومي شبيج
+
زينب...والله مالي خلك
+
شمس: راح اركعج صدكي
+
زينب: هههه اوك ماما كمت
+
بتسمت ولزمت ايدهة كمنة، مسحت دموعة ونزلنة كلهم كاعدين جوة كعدت وزينب بصفي، كل شوي تباوع العمـو وهوة مطنشهة
+
الخنكة واكفة بالكوة متحملت وكعت دمعة من عينهة نزلت راسهة ؏ السريع ومسحتهة بس شافها عمو بالبداية حسيت مبالغة بس من سولفلي البنات تأثرت
+
توفت امهة بالولادة فـ كان الاقرب الهة ابوهة وعمو معتز فـ صار عمو بمثابة عمهة واخوهة الجبير
+
باوعت العمو معتز بغضب وهوة يشاقة وي ديار وديار مصدكت كعدت تغور بزينب حتة تضوجهة صار الليل وزينب صعدت الغرفتهة شوي وصعد عمو معتز صعد ورا عمو ادهم
+
شمس: هاي شبيهم
+
صعدت وراهم شفت عمو معتز وعمو ادهم واكفين كبال بعض
+
ادهم: رووح صالحهة
+
معتز: باجر اصالحهة
+
ادهم: والنبي راح اجيبك براشدي امشي فوت يلاا بس خليتهة تبجي هاي اسمع صوتهة شلون تبجي
+
معتز: اي ايي رايح
+
فات للغرفة بدون ميسد الباب نتجة عمو ادهم ؏ الباب يباوعلهم رحت و وكفت يمة شافني حط ايدة على كتفي وبتسم باوعت على زينب التبجي جوة الغطة راح وكعد يمهة
+
معتز: هيي باوعي
+
عكدت حاجبي ؏ طريقتة يريد يراضيهة بس يستحي مد ايدة وحضنهة رفعت ايدهة ودفعتة رجع حضنهة اقوة
+
معتز: خليني احجي ولج
+
زينب: وخرر مني يلا
+
معتز: هااا اني اوخر
+
زينب: ايي
+
معتز: ماشي
+
راد يكوم وسحبتة حتة يكعد بصفهة
+
زينب: لاا لتروح
+
معتز: ههههههه
+
زينب: لتضحك ترا بعدني ضايجة منك
+
معتز: ترا المفروض اني ازعل منج
+
زينب: لا والله ليش
+
معتز: يعني تكللي مو حلوة في حين هية تج...
راد يحجي وسكت
+
شمس: في حين هية تجننن كولهة عمو لتستحي
معتز: نجبي ومشو طلعو برة يلا
+
ادهم: اي مو غرفة الخلفوك
+
معتز: زينب طرديهم هية مو غرفتج
+
زينب: لاا وليش اطردهم عيب
+
معتز: ايا حقيرة اني اعلمج
+
زينب: ههههههه
+
ادهم: المهم ميتينن ؏ بيتكم ذاك بيتنة يلاا روزتي امشي
+
طلعت الساني العمو معتز توة كام وشردت لاكيت عمو ادهم واني اضحك
+
سلمت عليهم وطلعنة صعدنة بالسيارة وتوجه لبيتنة وصلنة رحت للغرفة لبست تراك وردي ورفعت شعري ومسحت المكياج توني جاي انام وسمعت عمو يصيحلي طلعت ركض من الغرفة شفتة كاعد بالصالة وديشرب جاي
+
شمس: ها عمو
+
ادهم: تعاي كعدي عندي موضوع وياج
+
كعدت كبالة وكل شوي يريد يحجي ويتراجع
+
_____________________________.♡
ايــات
+
وصلنة للبيت وطبينة توة جاسر ديفوت وكال
+
جاسر: تعالو لغرفتي
+
ستغربنة جاسر يريدنة بغرفتة لان هوة ميستدعينة ابد كلة احنة نسوي مداهمة على غرفتة
+
ياسر: هية السالفة مبين بيهة رزالة
+
ايات: اي والله فوت ياسر انتة الجبير
+
ياسر: هسة احترمتيني
+
فتنة للغرفة كعدنة ؏ الاريكة باوعلنة بنضرة مكدرت افسرهة لزكت بياسر تحسسبن الاي شي
+
وجاسر عدل كعدتة وباوعلنة
+
جاسر: ياسرر
+
ياسر: هاا
+
جاسر: انتة مو متزوج
+
ياسر: ايي
+
جاسر: تبااااوععع على بنت اخوو ادهم ليشش
+
ياسر: شدراااني يعني درت وجهي وصارت كبالي
+
جاسر: هااا وتصفن بعيونهة
+
ياسر: اني صفنت بعيونهة بس حلوات والله
+
ضحكت علية وجاسر شال الصورة اليمة راد يركع ياسر بيهة ستغفر ورجعهة رجع باوعلي حسيت الدم نشفف بجسمي يبستت
+
جاسر: اياات
+
ايات: هاا
+
جاسر: انتي موافقة ع ادهم لو لا
+
حرت شجاوبة ياسر باوعلي بجدية وكال
+
ياسر: ترا الصراحة ادهم ميتفوت ابد
+
جاسر: الج يومين ورديلي خبر ما مضطرة تجاوبيني كبل فكري بالموضوع
+
ايات: ماشي
+
طلعت ؏ السريع من الغرفة وركضت لغرفتي حسيت صارلي ساعة مماخذة نفس
+
شوي وسمعت صوتهم بالصالة بدلت لبست تراك احمر وضفرت شعري وطلعت شفتهم كاعدين كلنة
+
اروئ: اجت عروستنة
+
بتسمتلي مجاملة رديت الابستامة الهة ادري تريد تخلص مني بس الة اجيب شمس واروح وشمس اوكح مني
+
جواهر: يما بنتي كبرت وصارت عروس
بتسمت ورحت كعدت يمهة ضلت تبجت باوعلي جاسر بابتسامة بمعنى هاي امج قابل منعرفهة لأن كل مناسبة تبجي وتذكر بابا
+
جواهر: يوم الازوج جاسر هم واشوف احفادة
+
شال باكيت الجكاير ؏ السريع وراد يفلت صاحت علية ماما بسرعة
+
جواهر: اكعددد
+
جاسر: هااا
+
جواهر: لو ادور ع مرة لو اني اخطبلك
+
جاسر: لا رحمة لهلج شفنة ذوقج
+
عضيت شفايفي ع القصف النزل ع راس اروئ باوعتلة وكالت
+
أروى؟ لا والله شقصدكك
+
جاسر: الي فهمتي
+
أروى: هه ياسرر
+
ياسر: معلي اني انتي ويا
+
ضحكت عليهم وهية شوي وتحطهم وتخنكهم
+
شوي والكل راح للغرف فاتو ياسر واروئ وجاسر لغرفتة وماما لغرفتهة توجهت لغرفتي وباوعت لغرفة جاسر فتت كبل بدون ما ادك الباب
+
جاسر: هوووب احم دستور صخمي وجهج
+
ايات: اخوان مابينة رسمية
+
جاسر: لا بربج
+
ايات: اكلككك
+
جاسر: يا ستااار كولي حبيبتي
+
ايات: شوففف اعيد واكرر شرايك بروز
+
جاسر: خوش بنية شبيهة
+
ايات: هاااا ولك صار بيهة خوش بنية
+
اول مرة نحجي بشمس وجاسر مبتسم عطت وخليتة يفز
+
جاسر: و وجععع شكوو
+
ايات: بتسمتتت
+
جاسر: وشنووو
+
ايات: يعني حتخطبهة
+
جاسر: افضل ترحين وتنامين احسن
+
ايات: اوووف
+
كمت و وصلت يم الباب وكال
+
جاس: خطبتهة
+
باوعتلة بصدمة وركضتلة
+
_____________________.✰
+
شمس: شنووووو
+
ادهم: على كيفج
+
شمس: شنو زواج وجاسر عموو شدتحجي فهمني
+
ادهم: شمس بس نطيني صبرر
+
_______________________.✰
+
طبعاً البارت قصير بس نزلتة لعيون اول متابعة للرواية مالتي 😔✨ إن شاء الله انزل البارتات بأسرع وقتت
+
𝒍𝒐𝒗𝒆 𝒚𝒐𝒖 𝒂𝒍𝒍.. 🤍✨
+
