رواية مقبرة الاحياء الفصل الحادي عشر 11 بقلم سارة جعفر
البارت الحادي عشر 
11
11مقبرة الأحياء
بين الفقرات عشقي 
.
.8
أعاين للضوه الملموم حدر الباب، هلبت ظلك يكسره!
46
-وردة: شهگت بخوف من صارت عيني على السلاح وجمد گلبي بين ضلوعي، عصرت تلبيستي بچف أيدي الما مكسوره وثگل نفسي أحس الهوى شح بريتي من جسمه حجب الضوه الوراه والسلاح كاضه بأيد..
54
صفنت بأستغراب وخوف كل ظني هذا صالح لحد ما طب وتقرب بخطوات بطيئه وهادئه بس خلن گلبي يرفرف وروحي تبتهج أنه أعرفه وحافظته هذا هوَّ مو غيره أستنشقت الهوى من شميت ريحته الطيبه ريحة عزيز هاي
183
فزيت من مكاني وگمت ما أدري منين أجتني الطاقه والحيل بس حسيت حيل الدنيا كله صار برجليه شهگت بقهر وبصوت يرجف متروس غصه وقهر گلت
-حُرّ!
231
نكتمت شهگتي وصوتي بأيد ضخمه صارت على حلگي وگف گدامي وقريب حيل عليَّ بچيت مصدومه
-چنت متأكده ما تخذلني..
81
صوته قريب من أذني يحچي بصوت ناصي
-آشششش
37
عگدت حاجبي ودموعي شلال على وجهي صافنه بخوف وگلبي يدگ بقوه، صوت نفسه قريب من آذني يهمسلي
-صوتچ وردة صوتچ
71
ذبلن عيوني بقهر من سمعت صوته وأحس الدنيا كلها مو بفرحتي هسه، بدون ما أنتبه وبلا وعي وخوف حضنته من كل گلبي تشبثت بي حضنته بلهفه، الآمان الوحيد بدنياي كلها حُرّ..
227
لمني بثنين أيديه لصدره وهوَّ يگول بصوت حنين
-أجيتچ غزالة
386
يحچي وهوَّ حاضني، بچيت مقهوره ودفنت راسي بصدره أشهگ وأختنگت بنفسي ممرود گلبي، حُرّ الزلمه الوحيد الفعلاً أحسه يمتلك رجوله بحياتي يمسح على شعري بأيده ويهمسلي بصوت ناصي
-يمچ أنه لا تخافي..
143
مو بس صوتي يرجف جسمي وأيديه وحتى گلبي يرجفن ما أدري إذا من الفرحه لو من الخوف، حضنته أكثر أريد أحس بالأمان الفاقدته كل عمري حضنته بخوف صوتي يتگطع يله تطلع الكلمه من حلگي
-عذبوني هواي بغيابك عذبوني..
93
سحبني من حضنه وگفني گدامه لزم وجهي بثنين أيديه وجهه گدام وجهي بس ما أشوف ملامحه عدل أحس بنفسه قريب مني يسولف وياي بصوت متروس غضب
-وستر زينب أوذره صالح وذر وأطره طر..
109
أسمع صوت دگة أيده بخفه على سلاحه
-شاجور أفرغه براسه وأشخله تشخل.
ما أردله بس أبچي مفرفحه بالبچي ومچلبه بأيده بخوف صوتي يرجف وأباوع للباب
-راح أموت أنه حُرّ لا تخليني هنا فدوة طلعني!
14
مسح على شعري وجرني من أيدي يقربني عليه أكثر
-حريمــة تخافي وردة وأنه يمچ
147
شهگت مقهوره وتشبثت بأيده بأيد وحده لأن الثانيه حتى ما أگدر أرفعها جرني من أيدي يريد يطلعني شهگت مغمضه عيوني ميته وجع من كض أيدي المكسوره صرخت مفرفحه
-حُرّ أيدييي
23
فك الباب على النص بس ما شافني عدل ولا طب ضوه هواي أحتار شلون يقربني للباب خايف هم أصرخ وأتعور لزمت أيده أمشي خطوه خطوه برجلين يرجفن وهوَّ أول ما صارت عينه على أيدي فك عينه مصدوم وجمد بمكانه ضل صافن عليها دايخ من شافها شلون مورمه وصايره شعلاتها وتخوف حيل!!
73
ضغطت على أيده حيل بأيدي الما مكسوره من حسيت بحروره نزلت على رجليه دنگت عيني وأنه أشوف الدم ماخذني، أتذكرت أول ما طب حُرّ وشهگت خايفه كل ظني أجاني صالح يكتلني، خفت وتلعثمت بخوف من حالي كضني مخترع بخوف بدون ما ينتبه للدم
-شمالچ غزالة حاچيني؟؟
232
ما رديت عليه مغمضه عيوني وأتمنى بهاي اللحظه أختفي من الوجود، الفشله والخوف بنفس الوكت طغن عليَّ نخمش گلبي لأن الوجع والنزف مو مال شهريه، فسرت السالفه من الخرعه صار عندي نزيف!
144
لزمني من أيدي يتلفت بالمكان والتفت عليَّ
-يله أمشي خل أطلعچ
-ما أگدر أمشي رجليه غاديات خيوط..
46
-ليش؟
-يرجفن رجيف ما أگدر أوگف عليهن والله
42
ما منتبه لحالي ولا للنزيف رغم ملابسي أنتلفن بدمي وحالتي وجهي وهيئتي لحد هاي اللحظه هوَّ ما شايفني بعمق مجرد واگف يمي ويسولف وياي وعينه على الباب ما يريد صالح يحس هوَّ موجود
12
باوع على شعري طالع وحالي متبهذل، جر الچفيه من راسه نكثها وفتحها على كبرها وحطها على راسي وأچتافي وغطاني بيها عدل ورفعني من الگاع بين أيديه وطلع بيَّ من المكان بهدوء..
62
هسه يله أنتبهت أنه وين حاطيني، بمكان يختلف عن الغرفه الأولى الحطوني بيها أول مره هذا مكان ضيگ وبعيد عن البيت ساحه چبيره يله النوب البيت مغمضه عيوني بتعب ما أگدر أفتحهن، مورمات حيل وبگوه أشوف بيهن أيدي تروح وترد وحدها ما أگدر أسيطر عليها چنها مو أيدي
24
وهوَّ محتضني بكل قوته لصدره وأنه ما منتبهه لا للدرب ولا للمكان كلشي ما منتبهه غير لوجع گلبي وتعبي بدون ما أباوعله لاحظت حزنه بحسراته ما أدري وين ماخذني ولشنو ولوين بس مغمضه عيوني ومأمنه بي حيل..
وهوَّ يمشي وبكلمات حنينه وصوت دافي يگول
-ما ضل شي وردة ما ضل شي
22
سمعت صوت زلمه غريب عليَّ وما سامعته من گبل
-ها حرّ جبت المره؟
97
فكيت عيني بأستغراب أكو شخص ثاني غير حُرّ، حطني بالسياره بالمقاعد الخلفيه وأنه دموعي ما گطعن
-شويه وأرجعلچ تانيني هنا.
9
تشبثت بأيده أهز براسي
-لا لا لا وين رايح؟؟
-راد الصالح..
40
أشهگ وأبچي لازمه أيده بكل قوتي خايفه وأرجف
-لا تعوفني حُرّ فدوه لا تعوفني
-وردة ثاري هذا شلون تردي أعوفه؟!
-راح أموت من الوجع والله..
16
أحچي وبطني تگطعني من ألألم والنزف بعده مستمر والوجع من كل أصفاحي يوجعني عينه مشت على كل جزء بيَّ بهدوء وتتسع كل ما يشوف شي بيَّ، كاض أيدي بچف أيده رخت أيده بصدمه
32
أنتبه لعيوني المورمات بشكل يخوف وأيدي المبين مكسوره وحيل متأذيه لهدومي المشگگه والدم الماخذني أيدي على بطني أشهگ رجف صوته
-شنهي حالچ هذا!!
52
نخبص بيَّ من شاف الدم لازمني من أچتافي صوته يرجف
-وردة تنوعيلي
19
باوعت لعينه أبچي بقهر
-لا تعوفني فدوه راح أموت والله!
31
لا تخافين أني يمچ ما أروح
يا حبيبة روحي يا تالي العمر
وأظفر بشعرج گصايب ما أنام
وأبقى الوليلچ وأظل حد الفجر
أني ماتو كل أخوتي وما بچيت
ولو شفت دمعات عينچ أنكسر
وأنتِ تدرين بيه گلبي مات
وأخاف أموتن بعد ما بيه أنتظر
أنتِ روحي شلون أعيش بلايه روح
وأنتِ بيتي شلون من دونه أستقر
249
طب للسياره گعد بصفي وسد الباب وراه، نزل الچفيه على عيوني ووجهي وغطاني، سحبني لحضنه لمني لصدره بثنين أيديه حاضني حيل وصاح
-يله مُهيب.
286
نفتح الباب وصعد نفس الشخص الگاله جبت المره وأسمع صوته يگله
-ها حُرّ لعد ما ترجع لصالح؟
ردله بصوت مخنوگ بالگوه يحچي
-لا
-ترى صالح بالبيت بعد ما طافر!
-توكل مُهيب.
48
سكت الأسمه مُهيب وساق السياره وتحرك بينا، وأنه بعدني بين أيديه لحظات آمان بالنسبه الي لأن حُرّ الوحيد ما يوم خذلني وبكل مره ينتشلني عضيت شفتي بآلم ومغمضه عيوني أبچي وصوته بآذني
-لا تخافي ما ضل شي ونوصل للمستشفى.
49
مُهيب: ليش ما رديت لصالح شعجب؟
21
حُرّ: وأعوفها تموت؟ يا حريـــمه
85
أتلوى بمكاني بس أيديه مقيدتني وبعده حاضني لصدره ويهمس بآذني
-أحاچيچ تنوعيلي، هاي المستشفى هنا بس تحملي شويه..
29
رفعت الچفيه من عيوني أضغط على روحي وأباوع مُهيب بس عيونه الخضر مبينات بالمرايه، وعيني على حُرّ شرار الدنيا بعيونه صوته محتقن وضايج من شافهم شردو وطلعو بسياراتهم، عينه ضلت لوره ضل باله يم صالح يريد يردله
124
مُهيب: حُرّ لا تضوج ولا تنقهر، خيرها بغيرها أن شاء الله الوكت طويل ومثل ما لگيناه أول مره نلگاه مية مره أهم شي المره بخير وردتلك سالمه.
38
حُرّ: أهم شي عدي سلامتها، الباقي ما يسوى نعالها.
135
سكتو وأنه أضغط على روحي ما أصيح الوب روحي مفرفحه وما أحس غير بطبع أظافري تارسه أيد حُرّ وهوَّ ساكت وأحس روحي بعد ما أتحمل وجع النزف موتني وجع أيدي خبلني وهوَّ يطمني بكلمات حنينه وصوته الدافي ما فارگني صرت ما أحس بشي غير بثقب اسود يبتلعني..
47
-فجر: گاعده على السجاده أصلي وأدعي من كل گلبي لـ وردة وحُرّ هذا اليوم صعب عليهم ثنينهم، حياتهم بخطر وعمرهم مهدور من وره الما يتسمى اللي بكل فرض صلاه وكل ما يأذن الآذان أتحسب عليه
17
لميت سجادة الصلاه ونزعت المحرم، ضمتهن وأفكر بَـ وردة البنيه كلش تكسر الخاطر حياتها مؤلمه حيل وما الها بشر بهل دنيا اليكرهونها هواي وماكو واحد يحبها رغم تنحط على الجرح يطيب..
27
وردة أسم على مسمى، حبابه ومؤدبه وحيل مؤمنه وشخصيتها مميزه رغم كلشي صار وياها بس روحها حلوه، طلعت من الغرفه مهمومه وبالي سارح شفت جسام تقرب عليَّ بحيره ودنگ عينه يسولف وياي
-فجر لبسي عبايتچ وتعاي وياي.
عگدت حاجبي باوعتله بخوف
-وين؟
-للمستشفى.
3
لطمت خدي وصرخت
-يممه شكووو!!
-ها ها يمعوده لا تخافين، حرّ لگه وردة وأخذها للمستشفى
-حرّ؟ وردة؟ لگاها؟ شكو شمالك
29
-البسي عبايتچ وبالسياره أسولفلچ
-أي أي تانيني ما أبطي عليك
-أستعجلي فدوه لعينچ
29
طبيت لجوه بسرعه ما أندل دربي، وكلارة تمشي وراي فرحانه طبينا للغرفه طلعت عبايتي البس بيها وأوصيها
-كلشي لا تحچين ولا تتعاركين، لا تخلين بالي يمچ
-خوش بس فدوة بالي يم وردة طمنيني عليها
-أن شاء الله.
9
طلعت من الغرفه مستعجله وكلهن يسألني وين رايحه ولا رديت على وحده طلعت لبره جسام متانيني يم سيارته صعدت والتفتت عليه نفسي مگطوع والخوف تارس عيوني..
22
-ها جسام سولف؟
-يمعوده حرّ لگه مكان وردة، لگه البت جثه بالگوه لحگ بيها للمستشفى وهسه محتاجه مره وياها خابرني أجيبچ يمها للمستشفى.
22
-دخيلك يا علي، ليش جثه شمسويلها النذل؟؟
-معذبها الحيوان كلش..
-الله ينتقم منه
13
سكت ضايج ومقهور وأنه رجعت گتله بخوف
-وين صالح من حرّ لگاها؟
-كلهم چانو بنفس البيت.
-عليك الله
-أي والله
20
-وحرّ عافه ما كتله!
-أي..
9
-شعجب؟
-علمود وردة لأن إذا عافها بهاي الحاله يخسرها
-معقوله عافه وهوَّ يدور عليه ١٥ سنه؟؟؟
-حتى أنه مصدوم وعلي..
92
-يمكن ضميره يأنبه على وردة وخاف يخسرها
-يمكن خاف ما يلحگ بيها مثل عمتي "رحيل" الله يرحمها.
-الله يرحمها..
صفنت مستغربه وما مستوعبه، معقوله حرّ لگه صالح وهيچ قريب منه وما أخذ ثاره الفضله على حياته وعمره وكلشي بحياته، أعصر بأيديه بخوف وتوتر وأهز برجلي طول الوكت لحد ما وصلنا للمستشفى
7
أنتبهت من ردنا نطب گدام المستشفى على جهه زلم هواي يسولفون بيناتهن، من أنتبهتلهم عدل هذوله أصدقاء حرّ ولأن هواي زلم جسام غير طريقه وصار من جهتي الموجودين بيها همَّ..
22
طبينا أنه وجسام سوى وهوَّ يندل المكان وأنه أمشي وياه أگلب عيوني بالمكان أدور حرّ لحد ما طبينا للطوارى شفت حرّ ورجليَّ غدن خيوط صفنت عليه أرمش حاله كفيل يشرحلي شنو حالة وردة!
9
شعره مخربط وجهه ذابل وحزين واگف ومنتچي على الحايط صافن هدومه وأيديه ملطخات دم رفع أيده النظيفه مسح وجهه التعبان بچف أيده الترجف وجر حسره طويله..
23
بصفه رجال جسمه مدگدگ وشوم ولابس بنطرون اسود وقميص اسود عيونه خضر وشعره كيرلي، الولد هذا مو من عدنا ما شايفته من گبل عگدت حاجبي مستغربه من شفته بصف حرّ من أول ما طبينا يعني صاحبه المقرب؟
240
ولدنا البقيه كلهم واگفين قادر وفقار وضيغم وحتى وائل وهواي بعد من زلمنا وما شاء الله هواي أحنى ومخبوصه المستشفى بينا وأنه گلبي يدگ بخبال أريد أشوف حال وردة لأن من نظرة عين حرّ مبينه حالتها خطره أول مره أشوفه بهذا الأنكسار بعد طلعته من السجن!
9
أول ما أنتبه عليَّ حرّ وعلى وجودي أجاني ملهوف وگف گدامي يسولف وياي بصوت ناصي ونظرة ضياع
-فجر وردة!
-على كيفك خويه فدوة أروحلك..
20
صاحبه ضل واگف بنفس المكان الچانو واگفين بي هوَّ وحرّ، وعينه ضلت وره حرّ مبين حيل خايف عليه وباله يمه، جسام راح وگف گدامه يسولف وياه
13
-من طبيت لوردة كل ظني بس طاگها!
-دخيلك ربي چا شمسويلها بعد؟
5
-لگيتها غارگه بدمها چن مغتـ.
204
ما گدر يكمل حچايته غص بيها وسكت وأنه نصدمت وكزبر جلدي
-شنو؟ حرّ شسالفه ما معقوله؟
-چا شنهي هذا الدم منين راح أتسودن!
-لحظه فهمني عدل هِيَّ شبيها بالضبط؟
-جاي أگلچ طبيت على البت جثه وسابحه بدمها..
23
صفنت بأستغراب على الگاع أفسر الموضوع بالي، صالح أدري بي نگس وكلشي قذر يطلع منه، رفعت عيني اله وهوَّ أحواله متخربطه مسحت وجهه بچف أيدي عرگان
لا يضل بالك حرّ ما معقوله يسويها؟
-كلشي يطلع منه..
6
-لا ما أعتقد مهما يكون ما يسوي هيچ شي بالنهايه هِيَّ أخته، وين دكتورتها خل أسولف وياها!
6
التفت أيديه يتراجفن أحسه راح يوگف گلبه من القهر ومتأكده تأنيب الضمير موته، حرّ عمره كله لا حاب ولا متزوج ولا يعرف أي شي عن النسوان حتى أحنى أخواته من طب للسجن چنا صغار فـ حيل أخترع من شاف حالة وردة بس أنه لحد هسه عندي آمل..
12
أخذني لدكتورتها وهوَّ وگف على جهه
-دكتوره البنيه الأسمها وردة تصير أختي، فدوه لگلبچ طمنينا عليها گلوبنا راح توگف من الخوف عليها هِيَّ چانت مخطوفه وبالنا يمها أختي معتدين عليها؟
5
-لا لا ماما أبدًا مو هيچ.
-الحمدلله والشكر ربي الحمدلله، زين ليش هيچ حالتها؟
-صاير عدها نزف قوي وخطير، خسرت هوايه دم..
49
مسحت وجهي أحمد رب العالمين بگلبي سولفلتي أكثر عن حالة وردة بعمق ومردت گلبي، تشكرت منها ورجعت لحرّ المنتظر الحچايه من حلگي بلهفه
2
-ها فجر!
-لا تخاف مو مثل ما توقعنا الحمدلله
-الف حمد وشكر، چا شبيها؟
-صار عدها نزف..
23
هز راسه ساكت بس هوَّ كلشي ما مفتهم، بس أطمئن عليها حالته تحسنت شويه رجعنا للطوارئ لوردة أباوع عليها وممرود گلبي ملتمات عليها الممرضات يعقمن بجروحها وأكو جروح عدها تحتاج خياط وحيره حالتها حيره شلون تنوصف مالها شرح جثه متمدده على السديه..
14
على شعرها وأچتافها چفيه حرّ وفاقده، عيونها الحلوات متغيرات من التعب والتعذيب مورمات حيل وجفنها مرتفع من الورم كلش بحيث أشك عيونها ما تگدر تفتحهن ورمهن يخوف والجفن صاير أحمر دم
27
وجها الحلو متعوب ومتشوه من الكدمات والجروح بحيث خدودها صايرات عباره عن قطع حمر عبالك مچويه مبين هواي طاگها، أيديها متعورات وبكل جزء بيها أثر مرعب مو غريبه على صالح وما أستغربت هذا الفعل منه..
37
مسحت وجهي مقهوره واگفه بصف سديتها وصافنه عليها والدكتورة تحچي ويَـ حرّ عنها وتسولفله شلون راح يباشرون بالعلاج وحرفيًا جاي يعالجون كلشي بيها لأن صالح دمرها دمار كامل وما مخلي بيها جزء صاحي، لا أكل ولا شرب وبس تعنيف!
التفتت على هوسه بالمكان الشرطه أجو وأستفسرو عن الموضوع وحرّ ما يحچي وياهم ساكت وهادئ أصلاً يرجف رجيف من القهر وما بي حيل ينطق حرف وهمَّ لحو لأن حالتها واضح وضوح الشمس متعنفه، وفتحو قضيه بالموضوع..
1
جسام: يابه ترى أحنى نريد نشتكي الحرمه چانت مخطوفه، وتلاحگها زلمتها لهنا ضاله بس جثه وحالتها خطره!
111
عرفت صديق حرّ أسمه مُهيب، من شاف حالة حرّ هيچ والشرطه لحو بالتحقيق وشلون ومنين وسولفو، وحرّ ما عنده طاقه يسولف خصوصًا راحلهم وحده ومُهيب وياه وبقية ولدنا ما يعرفون التفاصيل البقيه عن الموضوع كلهم حچو وياهم بس الشرطه رادو حرّ يسولف الهم كلشي بالتفصيل..
2
مُهيب: الله بالخير يابه، أني چنت ويَـ صديقي حرّ حالته گدام عينكم حيله مهدود مو مال أسئله شتردون تسألون أنه حاضر وبالخدمه.
121
حچو وياه وضلو يستفسرون عن الموضوع كامل وجسام التفت عليَّ أجه وگف بصفي لأن المستشفى نترس زلم وشرطة وخبصه، أعصر بأيديَّ وأباوعلهم مُهيب يسولفلهم بهدوء ولباقه، تناقش وياهم وسألو وحققو وياه هواي، أنطاهم عنوان البيت الچانو بي صالح وأخوانه وكلشي يردون سولفلهم بالتفصيل وزلمنا كلهم تعاونو وياهم عسا ولعل يلگون صالح..
5
باوعت لحرّ صافن على وردة وهادئ تقربت عليه من طلعو الشرطه وخفو الزلم
-حرّ شمالك؟
2
رفع عينه الي بنظره ضياع وصوت تعبان
-شفت صالح چدام عيني چتال أمي يمشي على طوله چدامي وما چتلته..
52
فجر: أحسن شي سويته والله العظيم أحسن شي سويته أحسن ما نخسر وردتنا حرّ الحمدلله وردة هسه بخير هذا أهم شي!
10
حُرّ: أهم شي وردة.
37
التفت باوع عليَّ وهز راسه بتهديد
-بعد سوايته وياها ثاري صار ثارين وياه.
28
-حگ وردة مو؟
-هذا شاربي أزينه إذا ما خذيت حگها منه.
20
قادر: يابه ربعك ما عافوك لحظه متانينك بالباب أطلع طمنهم سولف وياهم ما فارگو باب المستشفى متانينك وما يصير يطبون عددهم هواي وأحنى هنا هواي وتنخبص المستشفى..
فقار: أي والله خطيه مخبوصين بيك روحلهم.
22
ما رد عليهم ضل ساكت محتقن وما مركز بواحد الدنيا هسه كلها مو بعين حرّ وما يشوف غير صالح باله..
3
مُهيب: أنه أطلع أحچي وياهم لا يضل بالكم..
113
طلع مُهيب من المستشفى يسولف وياهم لأن همَّ كلهم أصدقاء وواحد يعرف الثاني، ضيغم مسح وجهه والتفت على جسام
2
ضيغم: أگلك هسه صالح أبو شرده هم شرد!
37
جسام: غير كل ما يريد يصيده يشرد المخنث.
3
ضيغم: مُهيب يگول طفرو كلهم ضل بس ترابهم وراهم..
10
جسام: هِيَّ هاي المخانيث.
4
حرّ جابلي كرسي لأن حيل تعبت بالوگفه وگعدت بصف سدية وردة أباوعلها عالجو جروحها خيطو جرح راسها المشگوك من گد الضرب، وكل جروح جسمها وأيدها داووهن وعالجوهن وجبسو أيدها المكسوره الله يكسرله عظمه عظمه بجسمه..
26
خسرت دم بشكل يخوف وبعدها مستمره تخسر، وضعها حيل مو زين وبعد يحتاجون الها دم منتهيه وردة، حچيت ويـَ دكتورة وردة النسائيه وسولفتلي شنو المفروض أسوي لوردة وشلون أهتم بيها
2
رحت لحُرّ وحچيت وياه بصوت ناصي
-حرّ أنطيني فلوس
1
التفت عليَّ مستغرب وطلع من محفظته فلوس وأنطاني
-محتاجه شي؟
1
دنگت أعصر بأيديَّ وبيني وبينه گلت
-أريد أشتري لوردة
42
-شمحتاجه وردة أنه أروح أجيبلها
-لا لا أجيبلها من الصيدليه القريبه منا
-شنهي شكو؟ علاج يردون هسه أنه أجيب
-يمعود مو علاج أحتياجات نسائيه
-ها ها خوش..
137
سكت وضم محفظته وراد يگوم يروح وياي أنتبهلنا جسام
-ها خيركم
1
حُرّ: للصيدليه
1
جسام: وين تگدر تمشي أنتَ ما تشوف حالك ضغطك هابط خل يقيسونه الك وأنه أروح وياها..
حُرّ: لا ما بيه شي
1
فجر: وين تگدر أنتَ شوف أيديك شلون يرجفن!
2
حُرّ: يابه ما بيه شي عرج ما يطگني..
5
التفت جسام على الممرضه
-بلا زحمه عليچ خويه ما تقيسين ضغطه!
13
هزت راسها مبتسمه وأجت على حرّ طلبت منه يگعد على الكرسي وهوَّ حتى ما بي حيل يناقش الأول مره هيچ أشوفه منكسر لهاي الدرجه ما بي حيل للكلمه گعد على الكرسي مدنگ راسه وأيده فوگ عيونه وبأيده الثانيه الممرضه تقيس ضغطه..
12
طلعت من المستشفى وياي جسام هسه هذا منين طلعلي بله شلون أسولفله أريد أروح وحدي التفتت على صوته يمشي بصفي ويسولف
-ليش طلعتي چا گايلتلي أنه أجيب الها شتحتاج؟
27
-لا شكرًا
-فجر أرجعي يم حرّ وأنه أجيبهن!
-لا يمعود مشكور..
-شبيچ چا المن متعبه روحچ؟
-أنه أريد أطلع شويه أختنگت من المستشفى
-على راحتچ.
34
وصلنا للصيدليه التفتت عليه أعصر الفلوس بأيدي
-ضل هنا أنتَ وأنه أطب أجيبهن بسرعه وأجي.
3
-لا يمعوده شلون!
-بسرعه أرجع بس أجيب العلاج وأجي
-هسه خل أطب وياچ شمالچ بس تردين تطرديني!!
-لا لا مو هيچ..
-والحسين حسيت روحي لزگه
-مو هيج قصدي والله
86
هوَّ ما يدري شنو الموضوع ولا أنتبه لأحراجي على نيته يريد يساعدني بأي طريقه، طبيت للصيدليه وطلبت كل العلاج وضلت الأحتياجات النسائيه صفنت ساكته وبالگوه نطقت وطلبت وجسام صفن يستوعب ليش چنت ما رايده يجي وياي أخذت العلاگه وطلعنا من الصيدليه ثنينا ساكتين وأنه ميته من الأحراج والفشله وحتى هوَّ سكت لحد ما وصلنا ثنينا مستحين..
244
متمدده وردة على سدية المستشفى ولحد هسه شماغ حرّ على راسها مغطي شعرها وفاقده وحرّ ما فارگها گاعد على طرف السديه صافن عليها وأنتبه لضفيرتها على المخده لزمها بچف أيده وجر حسره يباوعلها حطها جوه الشماغ وضماها عدل.

صفن على عيونها المورمات ودنگ عليها جر حسره يمسح بأبهام أصبعه على عيونها وبصوت ناصي متروس حزن يغنيلها
-وردة .. وردة
نگطعت من غصنها
وضيعت كل حسنها
336
جر حسره طويله يباوع لعيونها وكمل كلمات الأغنيه التنطبق حيل على وردة وحالتها چن مكتوبه الها..
-وردة سگيتها من دمع العيون
صارت بالحسن فتنه للعيون
نگطعت من غصنها
وضيعت كل حسنها
143
ضل گاعد يمها وصافن على ملامحها بحزن ومر الوكت، ضليت طول الوكت وياها وأنه أرتب كلشي تحتاجه وأبد ما فارگتها وهِيَّ من أول ما وصلت للمستشفى لهاي اللحظه فاقده ولأن نزفت حيل دمها صار نسبته ٤ ونخبصو بيها يردولها دم ولأن زمرت دمها نادره ما لگو بالمستشفى..
35
نخبصنا نريد بس نلگه الها دم والمشكله ينراد الها دم هواي وماكو ولا بطل طلع حرّ يدور الها وراح لغير مستشفيات وأشتره بطلين دم بس ما يكفن لأن نسبة دمها قليله حيل يحتاجلها أكثر من بطلين نهد حيل حرّ يدورلها دم وزلمنا كلهم وياه يدورون وماكو!
10
جسام: يابه أحنى عشيره شالقصيه ماكو واحد نفس دمها خل نشوف بيتنا ياهو بينا عده نفس زمرت دمها؟
4
حُرّ: عمي لو واحدهم يبيعه عليَّ بيع أشتريه لو بمليون.
27
قادر: لا يابه شالقضيه أحنى أهل هسه أرتبلكم الوضع..
4
طلع قادر ورتب الوضع مجموعه مجموعه يحللون وماكو نفس زمرت دمها وحرّ محترگ حرگ لحد ما وأخيرً وائل طلع نفس زمرت دمها وأخذو لغير غرفه علمود يسحبون منه دم لـ وردة.
134
-ضيغم: وائل بالغرفه يسحبوله دم وأحنى واگفين نسولف ومندمجين بالحچي وهوَّ على السديه يسحبون من أيده دم والممرضه تباوع علينا بأستغراب ما أدري بخوف كسرت خاطري يمكن خافت لأن هواي زلم أحنى بالغرفه ملتمين و وائل يباوع عليها أشگد أبو نسوان!
85
حرّ طگاه راجدي والتفت على الممرضه
-بعد أخوچ ما توديلنا ممرض وأنتِ أخذي راحتچ.
59
هزت راسها فرحانه وجسام واگف بالباب وگف على صفحه علمود تطلع طلعت وحرّ التفت على وائل خازره
-قندره ليش تباوعلها؟
13
وائل يضحك ويحك بلحيته من الراجدي
-هسه شمسويلها گاص وذره منها!
أكل نعل طايح الحظ
-يابه شلك غرض حتى الغريبه تدافعلها؟
-چا المن تباوع على البت؟
21
ضحك وائل وسكت وحرّ مغثوث من وائل من طلعت زمرت دمه وراح ياخذون من دمه لوردة متنرفز يفر بأيده
-والله لو چلب نفس دمها يتبرعلها ولا أنتَ.
74
وائل: يمعود غير لو ما أنه بعدك ما لاگي
2
حُرّ: شلون راح أچتله
1
وائل: هاي فوگاها چا غير راح أنطيك دم ما يغزر يا يابه!
44
حُرّ التفت عليه طگاه ولأن وائل أصغر منه ما يستنكف يضحك وأجه ممرض يسحب منه دم ضحكنا على عركهم
5
فقار: ولك حُرّ لا يتعور جاي يسحبون منه دم
2
حُرّ: فد قندره خل يتعور!
1
قادر: شمالك شاد وياه
1
حُرّ: أنغث منه يا بويه بس أشوفه جالي يصير بمعدتي
20
وائل: هاي فوگاها وأنه راح أطيك دم!
46
حُرّ: هسه شمنطيني سبيكة ذهب أبن القندره
17
جسام: عوفك منه سولفلنا ليش رحت لصالح وحدك؟
1
قادر: صدگ ولا حسينا بيك والله لوتي
5
حُرّ: يمعودين من چنت يمكم مُهيب جابلي العنوان وطلعت وحدي ومُهيب يراقبلي الدرب لأن إذا رحنا كلنا يصير خطأ لو فد شي وصالح ينتبه ويروح لأول والتالي أنه چنت محسب أخلي مُهيب يجيبلكم المره وأنه أرد لصالح ويا بويه شمحضرله بس المره حالتها خطره نسيت حتى صالح بالگوه لحگت بيها للمستشفى.
جسام: خنيث عمره گضاه شارد
1
مُهيب: لا تهتم يخوي مثل ما لگينا مره نلگاه عشره.
3
جسام: صدگ أنتَ شلون لگيت عنوانه؟
1
مُهيب: ما تعرفني زين..
23
جسام: أعرفك خريج سجون
46
مُهيب: ههههههه خوفك من خريجين السجون..
45
ضيغم: صدگ مُهيب، أنتَ من وين شو ما چنك منه؟
1
مُهيب: أي صحيح أني مو منا.
3
ضيغم: مو منا شني يعني جاينا من أوربا!
30
مُهيب: لا مو هيچ القصد، مقصد كلامي مو من ديرتكم
1
ضيغم: هااا مبين مبين من عيونك الخضر
34
قادر: لا عدنا هواي عيونهم خضر ماله شغله المكان
1
ضيغم: بس مو حلوه العيون الخضر للزلم!
209
مُهيب: هاي هِيَّ هسه أصبغهن الك.
29
فقار: شبيك ضيغم شو سوالفك صايره غريبه!!
10
ضيغم: ما مرتاح لهذا أبو عيون الخضر
108
حُرّ: نچب لك لا تحچي عليه
13
ضيغم: ها شني عيني محامي دفاع لحضرته؟
1
حُرّ: أي چا شلون غير هذا رفيچ الروح.
13
جسام باوعلهم بطرف عينه وأنه مغثوث من هذا مُهيب وحرّ ما يرضى عليه، التفتنا على صوت وائل
20
وائل: يا بويه خلص دمي، ما دام هلكثر جاي أنطيك دم دللني عمي حتى دخت جيبلي زقنبوت خل أتزقنب!
حُرّ: سم أن شاء الله هسه أجيبلك
9
وائل: وجيبلي وياك عصير
10
جسام: أشگد تتشرط لخاطر ربك!
1
وائل: چا مو منطيكم دم؟
56
مُهيب: ذليتهم بدمك يمعود
5
وائل: چا هين الدم؟ لو صدگ عادي چا واحد منكم أنطه دمه
4
مُهيب: روحي أنطيها لحُرّ مو بس دمي، بس مو نفس الزمره للأسف.
42
ضحك وسوالف ووائل يتشاقه ويغث بَـ حُرّ، غمض عيونه وحط أيده فوگهن
3
وائل: چؤ چؤ والله دوخه
18
ضيغم: ترى ذليتنا عمي راح أرفس ببطنك!
4
حُرّ: تعال ضيغم هاك هاي الفلوس جيبله زقنبوت خل ياكل بلكت شويه ينسد حلگه.
3
هوَّ يضحك مكيف شلون جاي ينرزفنا وبين السوالف والضحك كمل الدم وجبناله أكل گعد ياكل لأن داخ من گد ما أخذو منه دم..
10
-وردة: فتحت عيني بألم، بس أخف من قبل لا يغمى عليَّ أحس بوجع بكل جزء بجسمي بس حالتي أفضل بهواي أنتبهت لجروحي كلهن مضمدات وراسي مخيط وملفوف بشاش وأيدي مچبسه وحالتي أفضل بهواي خصوصًا على المسكنات..
13
أول ما صارت عيني على حُرّ ذبلن عيوني بقهر ونزلن دموعي أبچي مقهوره واگف گدامي محتار شلون يسكتني وأنه دموعي ما وگفن
-ولچ غزالة عليمن البچي؟
21
رفعت عيني اله بقهر وشفايفي يرجفن ودموعي ينزلن
-تعبت هواي تعبت..
29
جر حسره طويله ومسح وجهه
-أغديلچ فدوه أمسحي دموعچ!
38
أشگد حاولت أهدي روحي وما أبچي بس ما گدرت دموعي وحدهن ينزلن أحس نفجرت بالبچي وكلشي كتمته بگلبي طلع بهل لحظه من شفته گدامي رفعت عيني على صوته
2
حُرّ: يوردة لا تذبلين تخضر الگاع بضحكتچ لا تذبلين..
85
رفعت أيدي الثانيه أمسح بدموعي وعيني بعينه
-كل ظني بعد ما أشوفك والله خفت هواي!
-دوهنتيني يغزاله..
سكتت أمسح بدموعي وهوَّ يباوعلي مبتسم
-العيون حتى وهنَّ مورمات فتنه.
82
بچيت بالزايد بهت وجهه صافن عليَّ بحيره، أبچي مختنگه ومقهوره أحس هم الدنيا كله على ظهري ما أدري شبيه رغم كلامه حنين ويحاول بكل الطرق يغير من نفسيتي ويخفف عني بس أنه ما متخطيه شصار وياي بغيابه..
7
أهذي بهواي كلام طالع من نص گلبي مو من لساني
-خوفوني خفت هواي چان يگلي أوديچ اله جنازه، وچان متحلف يموتني ويخلي طلقه براسي لأن جزع مني والله حيل خفت أخسركم أنتَ الوحيد آمان الي ما يوم خذلتني ولا أذيتني عبالي بعد ما أشوفكم أنه أعتبرتكم عائلتي والله!!
13
أبتسم ساكت وصافن عليَّ يسمعلي بهدوء
-أنه ما أعوفچ.
20
-حُرّ تعبت حيل تعبت منهم صالح عذبني هواي، كسر أيدي وغرگني غط راسي بالماي خانگني وطگاني بالحزام وبأيده وبكلشي يخطر على بالك چان يطگني بدون رحمه طگة ظالم تعور..
11
صفن عليَّ محتقن وبنبره هادئه نطق
-شنهي راد منچ وما قبلتي تسويه؟
8
صفنت عليه بأستغراب شلون عرف وأنه ما حاچيتله عگدت حاجبي مهمومه وبديت أسردله كلشي صار بدون توقف بتعب وفضفضه وحزن تارس گلبي
3
-مو بس هوَّ چان بذاك البيت كلهم چانو هناك أخوانه البقيه وأمه وأبو قنعوني هواي علمود أرجع الهم وهمَّ ما غلطانين ونحرمو مني مو بأيدهم وكلام هواي سولفو وياي طاحت وذره من لسانهم گد ما سولفو وبالنهايه طلع كل كلامهم چذب يردون يضحكون على عقلي علمود أغدر بيك..
1
سكتت مقهوره وهمست بعيون متروسه دموع
-محد الي
-أنه الچ ديره وأهل.
فرحت لأن أحسه هوَّ واحد من عائلتي بس حيل أستحي منه، كلامه وأفعاله دائمًا چانت وما زالت مرهم لگلبي وكل جروحي حاولت أگعد وأساعد روحي بس ما گدرت دنگ عليَّ ورفعني من الفراش جر المخده حطها على الحايط وحط أيده على المخده وراسي على أيده خاف أتعور لحد ما خلاني على المخده بهدوء والنوب وخر أيده وأبتعد لوره گعد گدامي يباوعلي بتركيز..
3
-كلشي صار بوكتها ولحظه وحده ما فكرت بيچ رايحه بأرادتچ ولا مسويه شي غلط، ثاق بيچ ذيبة أنتِ.
17
-بوكتها صالح طلب مني أخابرك علمود تجيني ويغدر بيك ويكتلك چان يطلب مني أغدر بيك!
3
-وأنتِ شنهي سويتي؟
-ما رضيت أغدرك..
19
-ليش؟
-ما تستاهل.
26
سكت وسكن بمكانه صافن عليَّ وأنه مستحيه دنگت عيني بأبهام أيدي العب بأصابعي
-هذا كله صار بيچ لأن ما غدرتيني؟
39
-أي، أنه ما أعض الأيد النمدلتي ولا أوگف ويَـ الباطل.
69
نرسمت أبتسامه واضحه على وجهه متروسه سعاده وعيونه تباوعلي بتركيز مصدوم وضحك
-مو أگلچ أنتَ فرخه ياهل يغزر بيچ.
111
سكتت مبتسمه ومدنگه راسي
-شنهي سولفلچ عليَّ بعد
-هواي كلام بس كله غلط متأكده..
1
-ليش هيچ ثاقه
-لأن شفت بعيني
1
-شنهي شفتي؟
-الفرق الشاسع البيناتكم..
1
-شلون؟
-الجواب واضح
-أريد أسمعه منچ
17
-صارلي تقريبًا سنه عايشه وياكم، صرت أعتبركم عائلتي أنتَ حيل زين وإنسان حقاني وما يوم وگفت ويَـ باطل وتفزع للغريبه، وأنه أخت عدوك وچتال أمك وما ضريتني بهلطول رغم أشگد من أقاربك يگولون لو أنه چا ذبحتها وما يبرد گلبي، بينما أنتَ بعدتني عن هذا الثار كله لأن مالي غرض بينما صالح دخل أمك بالموضوع..
أنتَ ساعدتني وتكفلت بكلشي يخصني، وتعاركت ويَـ كلمن يريد مضرتي وأذيتي بينما أهلي المن لحمي ودمي محد وگفلي وكلهم ما يردوني أنتَ گصتك تعرگ على الغريبه وتموت من القهر إذا شفت گدامك مره تتعذب لو شخص ماله ذنب يتأذى بينما صالح طعن بعرضه اللي هِيَّ أنه وشكك بشرفي وطعن بشرف هواي بنات.
20
ساكت وهادئ يباوعلي بتركيز ومركز بكل حرف يطلع من حلگي، گتله طعن بالبنات لأن خفت أكله طعن بأمك وأخواتك سكتت لحظات وكملت وهوَّ مركز وياي
1
-هيچ شخص باطل ومو زين؟ فرق السما عن الگاع بينك وبين صالح مستحيل أصدگ حرف منه..
8
أبتسم ساكت وأحسه حيل فرح بكلامي
-يا بعد طوايف هلي.
343
دنگت عيني ساكته، حيل أستحي من حُرّ ردت أغير الموضوع..
-چان يسولفلي هواي حتى گالولي حُرّ كاتل أخوچ!
1
-صدگتي؟
-لا، حتى گتله خاف أنتَ كاتله وذاب جريمتك براس حُرّ؟
26
صفن بعيني بغرابه يستوعب حجم كلامي، حطيت عيني بعينه وكملت كلامي
-ممكن هوَّ أنتحر، أو صالح كاتله بس مو أنتَ.
سكت ما رد عليَّ وصفن بالفراغ..
149
-كلارة: حياتنا مخربطه حيل وما بيها شي مرتب حرّ ما يرجع للبيت غير بأوقات حيل قليله مجرد يجي يسبح ويرجع حتى ما ينام بالبيت وحيل شتاقيتله وأستفقدت وجوده ببيتنا وفجر نفس الشي..
10
فجر ما تجي غير تاخذ اليحتاجونه وتنام شويه تطمن عليَّ وترجع للمستشفى ويوم يجر يوم، وردة شتاقيت الها حيل ويوميه أبچي عليها لأن متعوده على وجودها كلش وصارت قريبه من روحي وكل ما يسولفون عنها أموت قهر لأن ياهو يجي من المستشفى مصدوم بحالتها!
2
بس الحمدلله أهم شي هسه هِيَّ يم حُرّ بآمان وخير، وأيامي تمر بصعوبه وسم حياتي صارت، هنا كلهم يعاملوني بطريقه مو حلوه ومسمميني بعيشتي لأن لا حُرّ هنا ويخافون منه ولا فجر وتدافعلي ولا وردة وتلعب لعب وتشهرهن وتخزيهن لو حچن عليَّ..
12
وحتى من أتعارك ويَـ وحده يديرون عليَّ البقيه همَّ عشيره وأنه وحده، وحتى عمامي والبيت صغار وكبار نسوان وزلم مو زينين وأكلوني أكل وطول الوكت أنه بس أبچي مقهوره لأن كلهم يعيرون بيَّ ويحچون عليَّ لأن مو بتهم ولا منهم وعايشه بنصهم.
19
حتى ضعفت من القهر، اليوم كله لگمه ما حاطه بحلگي من القهر ما أشتهي شي كلامهم سم يكسر الخاطر أول ما طلعت أنتبهت صمد وگاطع يحچون بسكته بالحوش بيناتهم لچمني گلبي خفت ومن بعيد أتسنط الهم..
1
گاطع: بس خاف يجي وما يلگاها، ويعرف أحنى منطينها اله؟
46
صمد: أبوها على جيه النا راح يجي ياخذها منا ويطلع بيها لبغداد، وين يلگاها حرّ بعد؟ ومن يسألنا نگله هِيَّ رادت تروح وياه
