رواية يا اجمل الوحوش الفصل الحادي عشر 11 بقلم رسل فهد
يا أجمل الوحوش
- رُسل فَهد
...
25
بعد إن كتبت قصيدة كاملة عن التخطي ختمتها بهذهِ الأبيات :
و المأذينه سـولفنـا
المُهم ما نگدر بلياك
توجع بَعدك الايام
( حامل و بـ بطنها تدوس )
تَعال النا الاعذار هواي
طگنـا العوز و انت َ فلوس
- رُسل فَهد
...
57
"جُمارة"
17
بَس!!!
انرسمت الابتسامة على وجهي و غمرتني الفرحة و نسيت
الألم و الجوع و كل شعور مو حلو مر عليه من البارحة و اليوم
لمن شفتنه رجعنة وكفنه بـ باب الكُلية لان البارحة حسيت هذا آخر
يوم راح أشوفها بي و مستحيل أجيها بعد
120
باوعتله مصدومة و فرحانة هو هَم إبتسمت رغم كل ملامحة
و عصبيتة توثق ماكو مجال للابتسامة حَتى ..
زِناد : يالله متنزلين
58
جُمارة : صدمتني
زِناد : أعيش و أصدمج
116
جُمارة : آمين يا رب
جان يمشي و اني امشي ورا دار وجهه عليه يضحك
حتى أسنانة بَينت حقي لازم أنصدم بيهن لان هلال العيد
يطلع اكثر منهن
106
جان لازم بأيدة ظرفين ورق اسمر من بعيد يبين بداخلهن فلوس
امشي و الفراشات تطلع من حلگي احسها
35
رجعنة طبينه لنفس الغرفة مال البارحة بس الموظفة الي كالت اله ماكو
تسجيل تباوعله بدهشة عكس نظرتها البارحة جانت عادية
سَلم و دِخل حتى العميد مدري شبي مخبوص و يرَحب
106
- اني ما اعرف تعرف هاي الشخصية چان كتلي البارحة تدللون
دلال هذا الشخص صاحب هواي أفضال عليه ولازم أردهن
زِناد : أني أتصلت بي يسهلي الموضوع
بس طلع يعرفك حق المعرفة
69
- اكيد اكيد ، هسة خلي الطالبة تملي الاستمارة
حتى توقع الها
1
كام العميد يسأل وهو يجاوبة حرف واحد ما نطقت اني
ملىء استمارتي كلها ، حافظ حياتي اكثر مني
- ما شاء الله شنو هالسرعة البديهية
زِناد : ههههه ، تعرف ولد عم و كلنه نفس البيت
واحد حافظ حياة الثاني
237
شال الظرفين و خلاهن على الميز هو و العميد گاموا واحد يتعارك وي الثاني وهم اثنينهم بداخلهم يردون يأخذوهن ، عركة مال زناگيل
204
اني كاعدة على الكرسي
و اكيد فاز بمالعركة زِناد لان العميد إذا ما يأخذ هسة يرسبني
حتى يرجع يأخذهن فززني صوته
زِناد : يالله يابة
19
- مو باجر الاحد تبلش دوام اني راح أحاجي كل الاساتذة يتساهلون وياها و يرجعون يعيدون الها المحاظرات حتى لو نضطر تداوم ساعة إضافية باليوم
زِناد : مو مشكلة انتَ رتبها من يمك و ممنون الك اني
16
- انتو تتدللون و أفضالكم ما تنسي و ان شاء الموفقية للدكتورة
زِناد : دكتورة شيبتنه يالله صارت دكتورة
- هههههه يالله المهم صارت
خزرتة
59
طلعنه و اني لسه احس روحي ما مصدكة و كل ما اتذكر آمير احس بالخيانة هو ميت و اني أداوم مشاعر مخربطة عقلي يشبه عقل المجانين
فتحت باب السيارة و صعدت و طبگتة قوي
زِناد : على كيفج منو يتكفل الخساير تغريد لو بتها
65
جُمارة : شيبتك يالله صرت دكتورة خطية مو انت جنت تدفع فلوس المعهد لو تقره بمكاني
زِناد : هههه ، اني سجلتج بَس انتِ بعدج ما شايفة من يجيبون الجثة و يشرحوها گبالج
115
جُمارة : إيع ، صدگ ؟
زِناد : اي دكتورة جُمارة
19
جُمارة : خاف تموع روحي و ما تحمل شلون
زِناد : ابطلج غير
20
جُمارة : و الفلوس امي كالت ادفعلج من فصل امير
زِناد : تدورن فصول
60
باوعتلة بالمرايا لگيته يباوعلي خزرتة
زِناد : والله الي يوم أقلعهن
جُمارة : ما راح أجاوبك لان خجلتني بكرمك
81
ما اكدر أشوف ردة فعل ملامحة لان اني كاعدة ورا مباشرتاً
بس سكت ثواني و بعدها أردف
زِناد : أحنه للغربة نعزب شحال إذا يحتاجنه
المنه و بينه
84
بقيت ساكتة و هو صار بطيء عكس الروحة جان سريع
و احس معدتني كطعتني من الجوع اني احب الاكل ابد ما أتحمل بدونه بس على كولة امي ياريته مبين
36
جُمارة : يالله شوكت نوصل ترى كلش جوعانة
زِناد : ما حچيتي بحلگج عظم ، يالله وصلنه
52
شوية وصدك وصلنه وكف السيارة بالباب فتحته و نزلت هو نزل الجامة ردت أطب درت وجهي لكيته يباوعلي
جُمارة : يالله روح
زِناد : دفوتي للبيت يالله
14
عدلت ربطتي و رحت بأتجاهه هو يباوعلي
جُمارة : شكراً اني تعبتك
زِناد : هذا واجبي
37
مد ايدة و انطاني ورقة القبول اخذتها و طبيت اركض للبيت فرحانة
بس من وصلت لباب الغرفة تذكرت اني ما احجي وي امي
و هي البارحة حيل قست وياي و هانتني كدامهم رجعت للمطبخ
صبيت ماعون اكل من الغده جان مستوي و رجعت للغرفة
19
خليت ورقة القبول يم مخدتها و نزعت الصاية و الربطة
هي رفعتها قرتها و رجعتها
روز : مبروك بس اغسلي الصاية لا اذبحج
جُمارة : منو يذبحني انتِ ؟ ولج دهددي بشيء اكدر اصدكة
35
خليتهن على الميز لان ادري امي من تغسل هدوم راح تغسلهن
همزين محد لام فراشي لسه رجعت نمت و للعصر يالله كعدت
14
طلعت بره لكيت الأجواء مشحونه و كلها ضايجة تقربت على ورود كرصتها اشرتلهة شكو دارت وجهه على الجدر تسوي حلاوة حليب
ورود : عالية بت عمي جعفر رايدة تحرك روحها و شريك بالعسكرية راح الصبح ورا ما كتله الشيخ و اجت امها هنا تركض للشيخ كتلها وجابها هسة هنَ بالديوان
160
جُمارة : هم كتلها ليش بس يكتل
ورود : جا طبها مرض ولج لو منتحرة صدك
جان شحصلت و هم وين يطون وجوههم من العالم
29
جُمارة : و هسة شنو
ورود : ما ادري بس لا يجي عمي عمار هسة و مالنه خلگ
درت وجهي على باب الشارع شفته طب هو و ولدة
جُمارة : هم ابن حلال هاي جدة رهينة صدك شريفة
75
جدة من سمعت بعمار اجه راحت للمضيف و عمي فاخر و ولدة راحو وياها لان جان زِناد كايللهم لحد يجي للمضيف يريد يحجي وياها
هي و امها وحدة
2
و كلهن راحن وراهم حتى ورود طفت جدر الحلاوة و راحت للمضيف
اني صبيت حلاوة اكل بيها و اسمع العياط صار بفلس
خلصت آخر لكمة بالماعون يالله رحت وياهم عدلت حجابي و طبيت للمضيف
82
اباوعلها بنيه حلوة شگرة كلش شعرها اشكر مبين من العباية لان لابسة عباية بدون حجاب بس وجها بي آثر جفوف حمر مال راشديات
اني خاتلة وره ورود اباوع
97
عمار : صارن هواي يا ابن حليمة هواي بنات استهترت فد نوب و تمادت طبعاً لان ما لكن واحد يردهن
10
زِناد : و شني انتَ جاي تحاسبني على عمايل غيري
خاف انا منطيها البانزين و كايللها انتحري
26
عمار : لا بس تطبب ابن عمك سجن لخاطر حرمة و تسكت اعله سالفة ورود الما ينسكت عنها و ناس تاخذهم للكليات حتى يتطاولن وي الزلم احنه من يا زمن هاي نسوانه و هسة
الختامية أخت شريك تريد تنتحر
98
ليش بوية خاف انتِ هم عاشكة و هله ما يرضون ينطوه
حالج حال اخوج ..
45
زناد : تريد تخليني
احجي حَچي يأذيك وأنا ما اريد لان ولدك واكفين و زحمة
9
عمار : لا ، لا تعال طگني يالله و حط عگالي بركبتي و اسحلني يالله حتى ترتاح
56
زِناد : ياريت محد يجبرني اسوي هاي العمايل بي
3
عمار : حتى اكص إيدك و أخليك عبرة لمن اعتبر
زِناد : ياريت ما تخليني هسة اسوي حركة و أتندم عليها
لان وراها الأجيال كلها دكوم ما تحترم عمامها و أنا هذا
الشي ما اريدة
54
جدة رهينة راحت يمه تبوس بذراعة لان ما تلوح چتفة
و تمسح بأيدة
رهينة : على كيفك يبعد امك
85
عمار : اي هدي هدي حتى ما يجي يضرب ابنج
عمي فاخر واكف يسكت بعمي عمار و حتى ولده يسكتوه
وهو دفعهم
16
عمار : لا أنا اليوم اريد اعرف هذا ما اله رداد بس اريد أفتهم
قاسم : شجاك يخوية هدي زِناد خوش زِناد
جا هو شله غرض بالتنتحر شو انتَ هم مدري شلونك
101
عمار : ما تبقى بنية بـ بيت أهلها كلهن يتزوجن
ولد عمهن و يكعدن يم رجولتهن عينهم عليهن و هذا الحجي يشمل الجميع بت يعقوب و بت جعفر و بت فاخر
111
زِناد : ليش ما تعوف بت يعقوب انتَ شتريد بالضبط
عمار : تريدها يالله اخذها و فضنه شمنتظر و لا تخاف ما اخذها لولدي امها و ام عدنان ما يتوالمن
32
زِناد : والله عيب عليك و چثير جاي تصغر بعيني
رهينة : مالك غرض بجمارة شلك دخل بيها ها جم مرة كايلة الكم عوفوها جم مررررره
56
عمار : بس ما تداوم كلية أنا بناتي اثنينهن بطلتهن وًهن شاطرات ليش ما خليتوهن يداومن كلية
رهينة : و انت ياهو متدخل ببناتك شو انت ما خليتلك بنية ما بطلتهة و هسة جاي تصفط براسي
55
عمار : ورود و عالية يتزوجن ما يضلن
رهينة : لا ما يضلن احنه هم لعبت ارواحنا ورود متقدم الها شراع ابن اختي و ماكو احسن منه
41
عمار : يعني ابن اختج احسن من ولدي احسن من احفادج ولك فاخر ما تنطيني بتك وعلي اخليهم يذبحوها
82
حجاها و نكث عباته و طلع ورود طبت جوة و كلهن بدن يطلعن و هو متخوصر و يفتر بالديوان يحجي وي جدة و هي تهدي بي و عالية و امها واكفات على جهة
17
رهينة : هنا انتِ يجدة تعاي اخذيني للغرفة اشرب دواي سكري صعد من بلاويهن
6
باوعلي و اني اجيت اخذ جدة دار وجهه على عالية
زِناد : هاي امج خزيتيها كدام الوادم و اخوج بالعسكريه رايح بنص الموت حتى يجيبلج زقنبوت تنتحرين ليششش هااااااا
34
هي ساكته بس تبجي دار وجهه عليه بعصبية
- جيبلي ماي بساع
214
من الخوف ركضت للمطبخ حطيتله مي بالكلاص و رحت للديوان اول ما طبيت لكيته لازم وجهه بقوة يحاجيها و يحرك ايدة
و مو بس وجهه حتى جسمها ينهز من ايدة تتحرك من شافني هدها
بسرعة احس بطني من الخوف كامت توجعني
89
بالكوة وصلت يمهم ايدي ترجف اول ما اريد أنطي الكلاص
طاح من ايدي لان طول المسافة شايلته بإيدة وحدة و ايدي ترجف
شهكت من وگع و باوعتله خايفة
رهينة : انكسر الشر انكسر الشر
51
تقرب عليه بقيت واكفة متصنمة بمكاني و اباوع لجدة من صار كبالي رجعت ليورة سحب ايدي فتحت عيوني من الصدمة و الخوف و المستحه فتح اللفاف الي عليها و اني گلبي يدك سريع
32
زِناد : يالله اخذي جدة و حطيلها العصارات
عفت حتى جدة و طلعت وحدي اركض ما درت وجهي عليهم
جانت امي كاعده بالغرفة تكف بالصاية مالتي صدك لان جانت طويلة و كلها تربان من جوة
6
جبت العصارتين فتحتهن خليت شوية من هاي و شوية من هاي بس تحرگني من اخليها غمضت عيوني و امشي اصابيعي على مكان الحرگ كمت اطفر من الوجع كامت امي جابت كارتون من علاج جدة
و دارت من كل عصارة شوية وخلطتهن
30
سحبت ايدي و كامت تخلي و اني كلساع اجر بيدي و هي ترجع تجرها بالكوة يالله خلصت بقينة كاعدين بالغرفة و اني سولفت لروز على العركة الصارت دك تليفون امي كالت الها هلا ام علاوي
باوعتلي بسرعة روز بعصبية
8
تغريد : اي اي عيني اتذكر ، صحيح كلامج و احنه ما نلكة احسن منكم .. اي هي الكم ما تصير لغيركم ان شاء الله
... هاي الفترة بلكي احجي وياهم حتى ارجع لبيتي بـ بغداد مشتاقتلة
74
ضلت تسولف و روز صارت كبريت بس تباوع و عيونها كلها عصبية
اول ما سدته امي راحت وكفت كبالها
روز : مو بكيفج توافقين و أنا كتلج ما أتزوج لو تموتين
تغريد : وافقي لخاطري حتى نرجع لبغداد اني ما اريد اكعد وي ذولة و الولد خوش ولد والله الدنيا كلها تحلف بي
44
روز : لا ما اقبل اني ما مستعدة اضحي بروحي بس حتى انتو ترتاحون شنو هاي الأنانية و منو يخليج ترجعين ترى جُمارة سجلوها هنا حتى ما تتنفسين و دكولين ارجع
16
تغريد : أبطلها و اكسر خشومهم و اني السنة الجاية
اسجلها ببغداد و نعيش بعيد عنهم
روز : منين تخلصين من زِناد الناهي على بتج لو من رهينة و عمار الي لو بيدة حتى انتِ يزوجج
44
تغريد : انعل أبوهم كلهم ما يهموني
روز : و اني هم ما يهمني غير گلبي
19
كامت الها امي و قفلت الباب ضربتها
تغريد : شنو اني گو** هنا شو عينك عينك تتمعشكين كبالي وياريت لو بحالج ضالة مثل الجلبة تدورين ختلات حتى تخابري
10
روز : معليج بية معليج ترى ما يدك يخاف علية منج لان يدري بيج شنو و شكد تضربين عبالك احنه زعاطيط عندج
تغريد : يابة و علي وروح امير لو تموتين ما تأخذينه
حتى لو يجي ويبوس قنادر ما اخلي ياخذج هاي ترجية خليها بأذنج
71
روز : زين احجي ويا انتِ والله راح تغيرين نظرتج
ضربتها راشدي
تغريد : ولج شنو اني أگ** عليجن تردين اكلة يالله شوكت تجي تأخذها ولج وين عايشين احنه يمكسورة الركبة
16
أفاكك بيهن بأيد وحدة و امي إذا قفلت على وحدة ما تعوفها إلا تفوخ كلبها كطعتها و روز مو مثلي اني أرادد كلش روز بس تبجي
طلعت امي من الغرفة و قفلت الباب علينه حتى تغسل وتجي
28
اني اسكت بروز ما تسكت تفرفح
جُمارة : اسكتي اني حتى تعودت من كد تضرب بيه
حتى البجي عادة قديمة
روز : عوفيني بحالي عوفيني
9
راحت لفراشها و اني هم اجيت لفراشي تغطينه
و كلمن صافنه و صفنتها شكل شوي و طبت امي اني طلعت
لان احب اشوف اجواء البيت لكيت جدة تحاجي بورود
و ورود منزلة راسها
4
طبت ام عدنان وياها رؤى مرت يونس ام عدنان كامت تهلهل
ام عدنان : ولد الف الحمدلله و الشكر
جُمارة : جا شنو لو بنية تطبين تلطمين
62
ام عدنان : خايبة انجبي البت اجيبها و تروح لحضن الرجل عاد الولد يبقى يمي هو و ويلادة
ردت اكللها همزين انتِ مستقتلة حتى تزوجين بنتج بس خفت لا تكتلني
61
نزلت من فوگ حياة مبتسمة بس كل معاني الحسرة و الحرمان واضحة بملامحها احس گلبي انفلع نصين راحت للمطبخ رحت يمها
جُمارة : ان شاء الله يوم الالج متأكدة يجي يوم تتعوضين
حضنتني و كامت تبجي و اني بچيت وياها
35
طب زِناد للمطبخ و دگ الباب مسحت دموعها
حياة : آمر شيخ
زِناد : ما يأمر عليج أحد ، باجر عزيمة عندي الظهر
تكدرن تخبزن كمية جبيرة لان امس أنا بعده عند رفيجي
الاكل كله طيب بس الخبز لاستيك لان من المعمل
و الجايين شيوخ كبار مو مال تبين عدنه ناقصة
52
حياة : يا صدك تحجي ودكول تدلل دلال
باجر من غبشة نخبز بس جيب النه تنور بيت ابو عدنان
حتى نخبز بـ 3 تنانير نخلص بساع
44
زناد : ممنون و خبريهن ينظفن المضيف و النواعم عليجن اريد نطلع بالوجه الأبيض
14
حياة : صار لا يضل بالك دوم وجهك ابيض ان شاء الله
ابتسم و طلع هي طلعت غراض تسوي كيكة و راحت كالت الهن
انخبصن خبص رقية و دمعة ما راضيات
23
جُمارة : عمي و العباس اني لو ابن عم رجلي يجي يتأمر براسي أحطهم هو و رجلي و اذبحهم بنفس السجينة
95
حياة : لا زِناد خوش زلمة و شيخ من صدك شيخ ما يتأمر
شفتي شلون يحترمنه من يحجي الله لا يراويج عمي الله يرحمة ابو زِناد حتى الطبخ چانت النسوان تطبخة
تجي مرته و عمتي و وكلهن يلتمن و ما يلحگن هسة زِناد يجيب طباخ و الولد يتكفلون الطبخ احنه هسة مدللين
18
جُمارة : يا دلال و الماعين يمه جاي أتخيل
حياة : يا ماعين ولج مناسف ههههههه مو سوة مرات احنه ننظفهن و مرات هم برة بالصوندات يكربهم ينظفون
16
جُمارة : جاي يكبر بعيني ما شاء الله
حياة : ههههه ، وين تحصلين مثله
32
جُمارة : خاف ملك جمال العالم و أنا مادري همزين جدة تخطبلة و محد ترضى بي
18
حياة : جدة رهينة ؟ ، هاي ياهو ضاحك عليج هو الدنيا تتوسل بي يتزوج و ما يرضى
جُمارة : جا و مرتة مو هذيج المره صاحته و اخذها
يجوز يحبها و إلا ليش ميتزوج
9
حياة : ترى هاي مرته بس على الورق بنية معوقة وينها و وين الزواج بس لو ما هيَ ما يصير شيخ
- شلون ؟
40
جنت كاعدة على الكرسي و بأظافيري ادك بالكاونتر
حياة : هاي جانت بِت صديق عمي ابو زِناد روح وحدة يموت على هاي بِته من تمرض ابوها اخوها اخذ كل الأملاك و سافر بقت بس هي و ابوها
4
ابوها قبل لا يموت وصى عليها عمي ابو زِناد يخليها يمه
عمي ما يكدر يعقد عليها اصغر من بناته وجانت الدنيا طالعة من عينه لمن مات صديقة گال لاخوته كلهم واحد منكم يعقد عليها و اني أتكفل كل مصاريفها محد قبل
6
جُمارة : أي ؟
حياة : عاد زِناد من شاف ابو يتوسل بيهم محد يقبل كاله أنا أتكفلها تالي عقد عليها و تكفلها و من ساعتها عمي شَيّخة و كام ياخذة بكل الطلايب و يمشي ويصيح هذا بمكاني رغم ما قبل جان ما يأخذ غير امجد من وره تحشي عجيبة بس يدري امجد لا يهش و لا ينش
25
جُمارة : صدمتيني عبالي مرته و يعني يحبها باقي وياها
حياة : لا بس هي تموت عليه و تخاف عليه عبالك ابنها
گبل يومية جانن يتعاركن هي و عجيبة عليه
عجيبة كامت تصيح الله خلصني من حليمة و أجتني الاضرب منها
52
دمعة : يالله انتِ ست شو بس كاعدة امشي ويانه ننظف المضيف أنا وياج و وردة
22
جُمارة : والله أنا هنا لا چنة و لا عمة اعتبريني غريبة بعدين شيء ثاني ايدي تأذيني
27
دمعة : انتِ ما تشتغلين أنا ما اشتغل
- طبج مرض
عفتها و رحت يم جدة من شفتها راحت ويَ ورود رجعت يم حياة عالية و امها طبن لغرفة جدة هي كالت الهن
24
و اني بقيت يم حياة تسوي بالكيكة أجتي عجيبة جايبة وياها
التنور كعدت شوية يم جدة و بعدين راحت صعدت فوك يم رقية
نزل غسان يركض
- جدة باجر عزيمة
- اي يالمعزب
13
غسان : يعني الهبيط الزين
رهينة : خطية مو انتو بعيمة الاكل و تتحسرون
بس عبنكم مو بزر خير
69
غسان : ما يلگالج زِناد واحد من هاي الشيوخ و ننطيج اله هديه ما تصير طلابة و ندزج فصلية شحلاتها جدة
جدة : انعل ابوك لابو جدتك
خل يجي خل يطب إذا ما خليته يذبحك
210
غسان : جدة هو انتِ حاطة زِناد سلاح تقوصين بي
هسة زِناد يطگ المرة ويعرس تالي سلاحج هو يرميج
48
اباوع لجدة انهارت
رهينة : تأكل نعل و تصم خلگك هذا رباة ايدي ما تغيرة مرة
يكلي جدة بروحي افديج
جُمارة : حچاية التنگال جدة خو ما صدك يفدي روحي
149
شالت العكازة و شمرتها علينة
رهينة : والله إذا ما تتأدبين اخلي يبطلج و انت لو تموت فلس احمر ما تشوف لا مني و لا منه
6
غسان : اخ يابة بعدج ما اطيتيني و تعيرين بيه صخام وجهي صدك العوز جتال صاحبة
رهينة : لا مو العوز بس ابوك جلف و حيل لان محد يستاهل
19
غسان : باجر علي راح يعقد على عالية و زِناد خابر اخوها ياخذ اجازة و أنا شوكت تزوجوني
رهينة : جنك دجاجة مهلسة ياهي الترضى بخلقتك
اكعد ادرس و انجب
257
راح غسان نزلت نورس مرت عمي قاسم
وراحت للمطبخ جدة صاحت الها
رهينة : نورس وين بتوتج
نورس : ها عمة فوك مو اريد اعجن العشه
- لبسيهن يالله بسااع
40
صعدت فوك تركض باوعتلي جدة
رهينة : شوكت يجي اليوم الالبسج مثلهن
جُمارة : هذن منج ؟
22
رهينة : كل التتزوج من ولدي و أحفادي أهديها سِت بتوت
اريد دوم چنايني و حفيداتي يخرخشن بالذهب
196
جُمارة : شنو هاي اول مرة ادري
رهينة : لان امج حاقدة تسولفلج بس المو زينات
و بتوتها هي ١٢ لان جانت بت اختي اتنومس بيها على النسوان تالي ذنيج فوك يسمعن حسج بغرفة ابوج
حتى ما أخذتهن وياها
45
جُمارة : هي تحب أبوي بشكل ما ينوصف و انتِ تردين تزوجيها لأخو طبعا تكرهج
رهينة : اي ردتها تبقى يمي ما تروح ردتج انتِ تكبرين بحضني و ادللج جا شنو حرمتني منج 15 سنة
بالسنة اشوفج مرة
12
جُمارة : هيج تحبيني جدة
رهينة : ولج انتِ ملوعة گلبي و گلب عزيزي نذر يوم الازفج أخلي الوادم كلها تسولف و دكول رهينة صدك تسودنت
109
جُمارة : جدة شجاج كل ما نسولف جبتي
طاري الزواج غدي
رهينة : ولج شني غدي ياهي الگدرت تنام إعله ذراعة
من أنولد لليوم حلمهن هو محد حصلته
140
جُمارة : يبوووو المبالغة الاتمنى واحد يبالغها علمودي جدة ندري تحبي شنو السالفة ذراع لو مخدة مال ريش كلها تتمناها
103
رهينة : هسة تجرّبيها و تكليلي كلامج صدك يجدة
جُمارة : ها شنو جدة خاف مجربتها
حجيتها و غمزت
110
كامت تضحك و طلعت جكارة و ورثتها
جُمارة : لا الموضوع بي تدخين صدك السالفة تخوف اني كلت هذا حبج اله مو لله
197
جدة تضحك حتى اختنكت ضربتني بالكوشة
رهينة : انهجم بيتج كون اعله هاي السوالف و الله يساعدة كون النوب يشيل هم الطلايب و الشيوخ لو يشيل همج
16
جُمارة : لا و النوب واثقة
رهينة : و عاب و خفت هاي الخلقة كون
وين تحصلين منه بعد
12
جُمارة : أفكر على حسب عدد البتوت التجيبيهن حتى انخطب و اخذ البتوت و أبيعهن و أسافر و هناك اطلكة غيابي
58
رهينة : هو إذا كضج وين يهدج بعد أنا خايفة لا حتى الشيخة يعوفها
جُمارة : افاااااا جا مو دكولين يفديج بروحة
50
خلت ايدها على رجلي و هي تضحك
رهينة: بيوم زفتج هاي اديج المعصعصة اخليهن ما ينشافن
من البتوت و الملاوي
79
كعدت عدل كبالها
جُمارة : جدة من أين لكِ هذا خاف انتِ و حفيدج سلابة
شو سركم سر
121
رهينة : عاب هالحلگ الما تطلع منه حجاية حلوة
ولج هذا اليعدل المايله يحفر الگاع و يطلع فلوس
22
جُمارة : شنو رجال لو كرك شنو يحفر الكاع
عضت ايدها رادت تگوملي رحت اركض لكيت حياة تقطع بالكيكة
أخذت قطعة
- تموووووت
60
حياة : بالعافية هاي علمود فرحة رؤى خطية
جُمارة : عمي انتِ وين اكو منج وعلي كلهن يرحن فدوه الج
- بعد عمري
56
وزعت للبيت كله و اخذت ماعون راحت للمضيف تنطي لورود و دمعة
جُمارة : لا تنطين لدمعة هاي الحية تأكل سم
حياة : هههه الحية سمها عليها ان شاء الله
13
صدك المضيف صار يلمع ولو هو دوم نضيف بس نزلن البردات
و حطن شكل جديد كعدن يستراحن أخذن كيك من حياة
دمعة : تعب لا مذكور و لا مأجور
حياة : كون الشيخ مثل ذيج العزيمة يطگنه كل وحدة حَمرة
الأمور توب عمي عادي نشتغل
35
ورود : اي والله شكد حلو أنا بوكتها جان عندي خمسة و سبعين من اجت و سوتهن مية فرحة ما تنوصف
17
دمعة : جا إذا باجر ما أنطه إلا أجيب وصخ و اترس الديوان حتى ما احس روحي مطروحة زوج
41
ورود : انجبي هو يمتى أنا مخلية بي وصخ دوم يلمع بس هاي التراب فوك الصورة اي جا لازم
بعدنا نحجي و انفتح باب الشارع طبو يفوتون بگواني المسواگ
و أكثر واحد مخبوص هو زِناد
8
طبخن عشه و جدة كالت لعجيبة روحي
جيبي البنات خل يجن
.....
8
"ورود"
5
صعدت فوگ لغرفتي اول ما فتحت بابها أنفتح باب غرفة شراع
باوعلي و أشرلي بأيدة على چـاي درت وجهي عليه بعصبية
ورود : مو خدامة اني عندك أفتهمت لو لا
29
خله إيديه بجيبوبة و مبتسم
شراع : ضيافة عمي مو خدمة
ورود : سدينه المضيف نعتذر
35
شراع : ما ينفتح علمودي
ورود : لا و منو انتَ حتى ينفتح علمودك هااااا !!!
29
سوه حركة بخشمة و طب سد باب الغرفة
طبيت لغرفتي ضايجة ما نزل وًكال اريد چـاي شنو إلا من اصعد يريد يعيش اللحظة براسي
39
بالكوة نمت من التفكير كعدت على صوت الديج يم شباك غرفتي
لحد ما سطرني سطر نزلت حتى اسويلهم ريوگ صوت طگطگة بغرفتة طبعاً يتجهز للمحاميات
99
نزلت اسويلهم و رتبت صينيته خليتها على صفحة بين ما ينزل
اجتي نورس تسوي باگلة بالدهن لرجلها
نزلت هو يمشي سريع بكامل أناقته طگيتله البيض
جر الكرسي و كعد صبيتلة الچاي قبل لا اخلي البيض
3
شراع : اليوم دايخة منو ماخذ بالج
باوعتلة بنظرة ما عاجبني كلامك
خليت البيض و هو يخابر يأكل و يخابر
7
ورود : سده و احترم النعمة شلون واحد يأكل و يحچي
سدة وهو مبتسم كعد عدل و كام يأكل بأثنين أديه خلص الچاي بسرعة و من اجيت لگيته يصب مرة ثانية
14
تليفونه احترگ اتصالات و هو ما يجاوب جنت واكفة ارتب بالثلاجة
شراع : ترى هاي دشداشتج خفيفة تدرين لو لا
337
احس روحي من الخجل تبخرت بقيت اعاينله مصدومة
هو شرب آخر شوية بالچاي و طلع بقيت واكفة بمكاني ما مستوعبة
ركضت غيرت دشداشتي و أعاين حتى دموعي تجري من المستحة
36
كلت انظف الفوك لان هن ينظفن الجوه
بديت بغرفتي و النوب رحت لغرفتة هي تلمع بس شنسوي
للمرضى النفسيين نظفتها و اجاني فضول افتح الكنتور
لكيت كل ملابسه مرتبة على ادق تفصيل
31
و العلاكة البيها الفستان الي ما قبلت اخذة ، مشمورة جوه
و على الكنتور باقة مال ورد طبيعي بس يابس هاي اول مرة أشوفها
36
نزلت جوه و امي ما تهيد من موضوع الزواج
حتى بالماعون كمت احس يطلعلي رجل و لازم حلقة
الظهر ما اجة كالت جدة رايح لامة
81
و العصر أبوي صاحلي طبيت للغرفة لكيت امي كاعدة يمه
و مسوية روحها ما تدري شكو اصلاً
فاخر : يابة عمج اكل راسي يريدج چنة يمه و أنا حتى كمت استحي من هذا الموضوع
14
ورود : يابة أنا ما اخذ من بيت عمي عمار نفسي ما تتقبل ولا واحد بيهم والله
1
فاخر : البنية يأبه من تجيها قسمة هي هاي سنة الحياة وهي لو ما خوش بنية و سمعتها حلوة العالم ما تجي تتعنى حتى تأخذها جثير من الغربة أجو و احنه نكول ولد عمها يردوها لان شمهما يكون ابن العم احسن من الغريب من بتك تروح يمه انتَ تطمئن لان راحت يم أهلها
87
واكفة و أطگ بأصابيع أيدي و الخجل مغرگني
ورود : يابة أنا استحي والله لا تحجي وياي هيج ادري هاي امي و حجيها لا تخليها تغيرك
2
ام عدنان : وأنا شلي غرض ولج
ورود : اي وأنا ما أخذ من بيت عمي عمار لو اموت
3
فاخر : چا و شراع ابن خالتي هم ماتردي
ورود : يابة شبيك شبيك
حجيتها و طلعت اركض الله مسلط علينة عمي عمار يومية جاي هاجم البيت و طالع ما تزوج بنتك و تخلصنه
37
طلعت من الغرفة صاحتني جدة كعدت يمها
رهينة : هم عود ما تردين شراع يمه شو مطرگة الگصة
8
ورود : اي جدة ما اريدة لا هو و لا ولد عمي عمار لو يجيني زبال غريب اقبل
25
رهينة : ولج هو انتن شنو انتن مال اسرحجن بالهوش و تعجنن سرجين انتن عيشة الشيوخ ما توالمجن
58
ورود : جدة جا هي بقت على الهوش جيبوهن نحلبهن
مو زين متحملين العيشة هنا
4
رهينة : ولج طلعلج لسان انتِ هم هاي كله من بت تغريد
الصلفة اني اعلمجن إذا ما خليتهم ياخذوجن و يصگروجن أنا ما اكعد بين اثنين
62
ورود : ما اريد خاف نسيتي اختج من كامت ما تجيبهم و من وراهم بطلت من المدرسة والله ما اخذة شنو ماعندي كرامة
16
رهينة : و هو شله غرض اخواته جانن وكحات و هسة بالكلية و بعد جم سنة يتزوجن و البيت كله الج
13
ورود : لا ما اريد اكعد وي اختج فتنة هي تموت من امي
7
رهينة : ترحين فدوة لأختي ولج و انتِ شلج غرض بيها عليج برجلج جا احسن اكعدي يم عمار و اخذي واحد من ولدة تصيرن عشر چناين بـ بيت
11
كمت منها و اني كارهة حتى روحي شجاهم كلهم
لازكين بنفس الموضوع ، و أنا اغسل ماعين العشه طب للمطبخ فتح الجدر
1
شراع : حتى طبخ امي صاير ما يعجبني عمي اريدج تسويلي بتيته و طماطة ماريد غير شي
ورود : عدنه لحم ترى
شراع : لا والله ما اريد بس بتيتة و طماطة
63
صعد و نزل يم جدة يسولف كملتهن و وديتهن اله
رهينة : امك ما تجي شنو راسها جبير
شراع : جا غير انتِ طگيتيها كدام الوادم خالة شلون تجي
18
رهينة : وإذا طگيتها أنا اختها الجبيرة و اكسر راسها
هو يأكل و يضحك سويتلة جاي و عفتهم و ردت اصعد
11
رهينة : جا غير چـاي تصبيلة
ورود : سويتلة هو بس يصبه
4
رهينة : شني يصبة هو شمعرفة روحي صبيلة
اخ من جدة اكول جدي ما طول الله يكون بعونة
شلون جان عايش
99
صبيتلة الچاي لكيته مخلص و جدة دكول خلي اخليها تسويلك بعد
خليت و صعدت ركض زهرة بعدها ما صاعدة
طلعت من الغرفة صحت الها من فوك الدرج
و رجعت للغرفة
8
بقيت انتظرها هم طلعت أصيحها صار هو بوجهي
شراع : ما تسمعج بره بالساحة
+
ردت انزل صاحني
شراع : لا صعدي أنا أصيحها واجي
- لا عادي
- دصعدي عاد
16
رجعت للغرفة طبت هي جنها مهتلفة من التهمرع و الوكاحة
كبل شمرت روحها فوك الجرباية و غفت
الله يساعدها من تكعد لحد ما تنام تهوجم و تلعب و أبوية مدلعها
حتى غسان يخاف منها
39
دنكت اباوع لغرفتة من الباب
زهرة : ها شجاي تباوعين ترى طب
لغرفتة من اول ما صعدت
...
150
" روز "
10
خلصت الليل كله ابجي من وره ضرب تغريد و اسلوبها
شوكت أتزوجة و الله بعد حتى ما أجيها لو شيصير
ضمت التليفون عني تدري راح أخابر
14
انتظرتها تغفة و مديت ايدي جوه مخدتها من اول جهة ما لكيته
من ثاني جهة يالله لكيته بس كلبي يدك سريع اخاف لا تكعد هسة تذبحني
9
فتحت باب الغرفة على كيف و طلع من سديته بقيت ثواني واكفة إذا انفتح يعني كعدت و إذا لا يعني غافية
اخذت التليفون و رحت للحمام دكيت بسرعة ما جاوبني
كمت امسح دموعي احس روحي مهضومة
6
دكيت مرة ثانية هم ما حصلته مسحت دموعي و ردت اطلع هو دك
بسرعة جاوبته و حاطة ايدي على حلگي لا يسمعني احد
اجة صوته مال جان نايم و هستوة كعد
- ها حبيبي
23
روز : تغريد كتلتنـي
40
- لك هاي تغريد شنو من بشر ليش ضربتك
روز : خابرتها المره الخطبتني و كالت الها اي موافقين
42
- خاف هي تريد الضابط
روز : هسة مو هذا كلامي اني عندي كلام ثاني وياك
26
- كول حبيبي اني البس التفصلة انتَ
روز : إذا متجي و تسوي حل لتغريد اني راح أوافق بالضابط حتى اخلص منها و منك لان اني مو ضحية الكم
19
- أنعل والديج غير
77
روز : هذا الحجي بعد ما يفيد اني گتلك العندي
و انتَ بعد بكيفك
1
- باعي روز اني على اي لحظة تلگيني يمج
بس إذا ما فشلت سنونج على هذا حچيج اني مو
93
روز : اي انتَ مو منو ابنمن وين عايش وين اهلك
احجي اني هذّني كلهن ما ادري بيهن
48
- يابة تغريد إذا ما بچيتها بسيطة
روز : معليك بأختي ويالله إذا تريدني تعال
20
- جايج جايج الا أخليج دكولين ياريتك ما اجيت
107
روز : لا ما اكول تعال وخلصني حتى من اختار الضابط ما تلومني
2
- راح اجي افرك حلگج و امردة والله
83
روز : يالله باي لا تكعد تغريد روح
- انعل ابوج لابو تغريد
107
سديتة و رجعت للغرفة خليت التليفون و تمددت ما ادري
مرات اكول صدك اني صاحية لو بية شيء مصدگة هيج إنسان
معقولة الناس كلهم غلط بس هو صح ؟،
اكيد بس هو صح
....
120
"جُمارة "
8
شوية و طبن البنات هنَ مرت ولاء و مرت أمجد
و فضة وبنات صغار اثنين يصيرن بنات ولاء
مرت امجد اول مرة اشوفها كلش ناعمة و حلوة والله جدة تختار
ذوقها بالنسوان فضيع
97
راحن يساعدن البقية بالمطبخ و يسولفن و يضحكن و فضة كاعدة يم جدة رهينة بالكرسي المتحرك يسولفن
ورود : جدة نفرش سفرة جبيرة هنا والله محد يكعد بالمضيف تونه خلصنا أنا و دمعة
10
رهينة : افرشن السفرة بالعرض اكو احلى من هيج لمة
زهرة و بنات نورس و رقية يتعاركن على فرش السفرة تالي شگنها بالنص و تعاركن جنهن عجايز
6
زهرة : كون صخونة لهاي الوجوه امهات الكمل
55
سرى : ولج ياهي ام الكمل امس ورود حطت نفط لراسج و دكول اريد اشعل الصوبة هو الشتا لسه ما جاي
67
زهرة : امهات الكمل و السلابيح الوصخات
تردن تصيرن امهات بيوت براسي هي ورود كالتلي انتِ فرشيها نبصتن روحجن شكو
41
رفل : و بتيفنة و انتِ مالج شعُل مو بيتج هو و بيت ابوج
58
زهرة : لا بيت أبوي أبوي هو الجبير و يكسر روس أبهاتجن
تأدبن لا اخلي يطردكم من البيت
31
طب امجد على اصواتهن ضربهن كل وحدة راشدي و صعدن فوك يركضن بس شكد خبيث الراشدي يوجع اليسمع شحال هنَ
تالي فرشناها اني و ورود و بدن يرتبن السفرة
68
كامت جدة صاحت لامي و روز كعدن بالسفرة و ام عالية
وأنا كعدت يم امي و جدة صاحتني يمها الاكل يشهي
و فضة حطولها طبلة و عليها الصينية بس كاعدة وره زِناد ، شاورته
هو دار وجهه عليها و ثبت التايرات مال الكرسي
111
دار وجهه عليه دنكت بسرعة اكل هسة يكول حاطة عينها علية و غارت
يدينه ناكل و جدة كالت
رهينة : لا تخابر شريك يمة هو اليوم راح زعلان لا يجي على صخام أختة و النوب ينجلط شو شيصير بي
زِناد : ما خابرته بس ردت اخوفها
11
ام عالية : رحمة الله والديك يمة اي والله يموت
زِناد : تدللين حجية
+
امجد : وينهن ذني المستهترات إلا أملص رگابهن
زِناد : شبيهن منو
8
امجد : بنات عمامي الدگدگ صوت صياح عركتهن واصل للشارع ضربتهن كل وحدة راشدي
زِناد : جهال خليهن
17
امجد : لا يتمولسن
باوع لمرته بعصبية
امجد : عدلي حجابج
158
اباوع للبنية حتى باللگمة غصت و ورود شربتها مي
أمة ضربته على متنه كالتله على كيفك بس البنية كل شوية رافعة راسها ومعدلة حجابها ، يمة معيشها رعب
48
طول ما اني اكل الگا يباوع لأيدي و فضة ما شالت عيونها عني رغم اني استحي اباوع الها اكول خاف تحسب نظرتي استعطاف و تنقهر
58
رهينة : جُمارة ما تأكلين اليوم جدة بالج وين
خزرتها و مديت ايدي اكل
47
ام عدنان : شيخ ولو ضوجناك بس غسان يستحي يحاجيك
و غسان يعض بأيدة لامة يكللها مو هسة
21
ضحك هوَ و مد ايدة يأكل
زِناد : اليريد شي هو يجي يگولة ما عندي واسطات
11
غسان : شيخ و إذا ندخل الواسطة الجبيرة
كلهم گامو يضحكون
178
زِناد : لا هنا تدلل أكيد
كلها تضحك بس اني و امي و روز و مرت امجد ما مفتهمين مدري مرت امجد مفتهمة بس تخاف تضحك منه
92
صارت هوسة كلها كامت و ناس تلم بالسفرة و ناس تغسل رحت
للمغسلة بقيت واكفة بعيد لگيته يغسل لفضة أيديها و من خلص
دار وجهك بأحكام ثواني بس و شمر الكفوف بالسلة
ويعدل الجديدات بأيدة سد البوري
73
دار وجهه شافني ابتسمت بوجههم و هو سحب الكرسي
قبل لا يطلع
زِناد: لا تنگعين ايدج بالمي
همست و اني دايرة وجهي
- معليك
68
إحس الدنيا بلحظة طلعت من عيني هاي شبية
مرت امجد لازمتله الخاولي ينشف ايده يم باب المخزن
مد ايدة على اذانها من وره الشال و لواها
امجد : مو هنا حسابج بالبيت
130
خلت ايدها على ايدة وباست ايدة
- والله ما تنعاد
97
هدها و لزم ركبتها من وره قوي و قرب خدها وعضة هي صرخت و حطت ايدها على حلگها تباوعله مبتسمة بس خايفة و كل ملامحها توحي أنها متوجعة
264
بهذيج الليل بالگوة نمت و اني ادعي على جدة الي رسخت هاي الأفكار براسي گعدت الصبح مصخنة و امي تخليلي كمادات
جدة تنطيني علاج من علاگتها و تضحك
39
من طلعت امي كالت
رهينة : هاي حرورة الغيرة يجدة مو من مرض
211
كمت بسرعة و اني عصبية اخذت ملابسي و رحت سبحت بمي بارد رغم الجو كلش صاير بارد و احس كل عظامي توجعني بس ما
اريد أبين حتى افكار جدة ما تكون صحيحة
9
طلعت يمهن بالمخزن يخبزن و ريحة الخبز تجنن و بعدها رحت للمطبخ لكيت الجدورة منصوبة بالكراج و ريحة الاكل تعط
23
بس جان باب المطبخ مسدود و محد بي و اني واكفة اباوع من الشباك رجعت ليورة من شفته جاي سريع فتح الباب بسرعة
و طَب عصبي لزمني من أيدي قوي
42
جُمارة : عوفني والله مريضة
47
بسرعة رحت ايده و لزم وجهي بأثنين أديه بقيت مصدومة
و متصَنمة مو ايدي ، حتى حلگي ما يكدر ينطق
71
زِنـاد : شيوجعج يابة
....
1K
و إذا انتَ مَرض ، لتهدني خليك
أنا أول بشر ميريد يصحى ..
136
- رُسل فَهد 🤎
36
