رواية سهام الحب الفصل الحادي عشر 11 بقلم ريهام اسماعيل
سهام الحب (ريهام اسماعيل)
+
على صوت اذان الفجر في المسجد اللي بجوار بيت محمد...
+
اوقف عمر السياره.. وبعد مانزلوا كلهم مسكوا في احمد عشان يدخل .. وكان محرج جدا وبعد الالحاح وافق ودخل على اساس انه هاايصلي معاهم الفجر وبعدين يوصلوه للبيت ...
+
احمد وعمر دخلوا الصالون
+
اما شريف وسارا دخلو البيت اللي كان هادي جدا
+
سارا:فين يارا ورهف ... هما مش عرفين اننا هاانوصل النهاردة
+
شريف وهو طالع بيهم السلم : مش عارف
+
سارا باحراج : هو احنا هنقعد فين
+
شريف: في اوضتي اللي هي بقت اوضتك تعالي اوريهالك ..
+
سارا: وصلاة الفجر مش هاتصليها في الجامع ..
+
شريف : لا هصليها فى الاوضه بابا هايشوفني ... غير الرجالة اللي في الجامع وهايسلموا علي وانا تعبان موووت
+
وصلوا الدور بتاعهم وكان شريف شايل شنطة واحدة وباقي الشنط في السياره ..
+
وصلوا للغرفه اللي كان بابها مغلق ... فاتفاجئوا تحت عقب الباب نور طالع من الغرفه ..
+
فتح شريف الباب .. واندهش وحك فى راسه
+
لانها كانت متغيرة تماما .. الوان اتبدلت الى البيج والزيتي حتى السجادة الزرقا شالوها وفرشوا سجاده اخرى
+
وفرش جديد حتى الموبيله جديده ... واتفاجه بوسعها وان فيها حمام
+
فقال وهو مستغرب : ههههه وكمان عملوا حمام
+
الغرفه كانت مضيئه بسبب الشموع والابجوارت اللى بجوار السرير الكبير الفخم
+
سحرت الغرفه سارا وعجبتها جدااا .. لدرجه ما كانتش تتخيلها ابدا
+
سارا: الله الاوضة جميلة جدااااا .... وريحتها تجننن..
+
والتفت تنظر له فاوجدته رافع حواجبه باستغراب ..
+
بتكلم نفسها : في ايه هو انا عملت حاجة غلط او قلت حاجة ولا الاوضة مش عجباه ..
+
سارا :مالك ياشريف
+
شريف بعد ما تنهد: ما فيش حاجة .. واضح ان اهلي تعبوا اوووي في توضيب الاوضة علشان يخلوها بالشكل ده
+
سارا: ليه هي مش عجباك
+
شريف: لا اكيد عجباني بس استغربت من التغيير دى انا مكنتش متوقع كدة ابدا ..
+
وهنا جاء صوت من الباب
+
يارا : انتوا جيتوااااااااااا
+
رهف: مش قولتلك انهم جم انا سمعت صوتهم ....
+
سارا: يارااااااااااااااا.... رهففففففف
+
دخلت يارا الغرفه قبل رهف... كانوا مرتدين لبس النوم ..
+
واضح انهم ما ناموش وكانوا منتظرين سارة وشريف ..
+
وعلى طول تاخد سارا فى حضنها ....وتضمها اووووي ..
+
سارة لما رات يارا ما قدرتش تمسك نفسها وقامت تبكى ..
+
ورهف ذهبت لاخاها تسلم عليه ....
+
رهف: حمدالله على السلامه ياغالي
+
شريف : الله يسلمك وحشتينى يا لمضه (وخدها فى حضنه) رهف استغربت منه: دا شريف اتغير اووووى ياترى عملتى ايه فى شريف يا سارا
+
شريف نظر ليارا اللي مكنتش راضيه تسيب حضن سارا : ايه يا يارا مش هاتسلمي عليا ولا هتفضلي فى حضن سارا طول الليل
+
وهي بتشد من احضان سارا قالت : : اصلها وحشانى اوووووى
+
شريف: لالالالا بقولك ايه انا ماصدقت انها تبطل شغل الدلع دا والعياط
+
يارا مسحت دموعها وقربت من اخوها وحضنته : وانت كمان وحشتني اوي يا شري
+
رهف بطفوليه: وانا يا سارا مش هاتسلمي عليا
+
سارا: هو انا اقدر برضه وذهبت وخدتها فى حضنها
+
سارا: مش مصدقة اني شوفتكم ... والله وحشتوني ..
+
يارا بعد ما سلمت على اخاها قالت ساخره : اه ما هو واضح ا ننا وحشناكي .. كل يوم ياعيني كنتي بتكلمينا ..
+
شريف: وطوا صوتك مش عايز بابا وماما يحسوا بينا ..
+
رهف: لا بابا خلاص نزل للجامع
+
سارا: غريبه يعني ما سمعش صوتنا ولا شاف الاوضة منورة ومفتوحة
+
يارا: اصل اوضتهم الجهة التانيه , واوضتكم بعيده عنهم ها ما قلتوش وايه رايكم في الاوضة ..
+
شريف وهو يقرص اخته من خدها: كنت متوقع كل الحاجات دي من تحت راسكم انتم ..
+
رهف: ههههههههههههه... بس مش حلوه بذمتك
+
سارا: تجنن .. شكرا يا رهف ... شكرا يا يارا ..
+
شريف راح ناحيه السرير وفرد جسمه عليه ..كان تعبان جدا حاسس انه شوية ويغمى عليه من كتر الارهاق ....
+
رهف: يااااااه شكلنا كدة عملين ازعاج يالا نخليكم
+
ترتاحوا ... تصبحوا على خير ...
+
يارا: اه صحيح تصبحوا على خير ..
+
سارا: لسة بدري انا مش تعبانة .. تعالوا عايزة اتكلم معاكم انا لسة ما شبعتش منكم .
+
يارا طبطبت عليها وقالت : انتي لسة جاية واكيد عايزة ترتاحي ..
+
شريف وهو مغمض عنيه :لو عايزة تروحي معاهم روحي ولو رجعتي ادخلي بهدوء عشان انا هااصلي وهانام على طول ...
+
هزت يارا راسها علامة الرفض يعني بتقول لسارا ما تجيش معانا وخليكي مع جوزك ..وفهمت سارا ..
+
سارا: وانا كمان هاصلي وهانام وبكرة هانقعد مع بعض ونتكلم ..
+
رهف:امال فين عمر احنا ما شوفنهوش
+
شريف: اعتقد انه الجامع هو واحمد
+
رهف: بارتباك احمد اخو سارا
+
سارا : اه اخويا
+
يارا: يلا علشان نخليكم تعرفوا ترتاحو .. وحمدالله على سلامتكم ... تصبحوا علي خير..
+
سارا: وانتى من اهله ياحبيبتى ...
+
وخرجت رهف ويارا من الغرفه ..
+
اما سارا وشريف غلبا عليهم النوم العميق بعد اداء فريضه الصلاة
+
وفى الصباح الباكر قامت من نومها بعد اذان الفجر بدقائق
+
وذهبت الى غرفه ولدها
+
صفيه: عمر قوم يالا .. عشان تجيب اخوك من المطار ...الساعة 9 الصبح عشان ماتتأخرش عليهم ..
+
عمر: يا ماما سيبني انا نايم متأخر امبارح ...
+
صفيه: واخوك مين هايجيبه وراحت ناحيه الستاير وقامت فتحاها ليعم نور الصباح الغرفه
+
عمر غطى وشه بالكوفرته : يا ماما بقى اقفلي الستاره دي
+
صفيه ترفع من عليه الغطاء : يلا بقى يا عمر علشان تجيب اخوك ومراته
+
عمر: يووووه مين اخويا دة عشان اقوم واجيبه .. عايز انام بقى
+
صفيه: ما تقولش على اخوك كدة ... يالا قوم وروح المطار ... ولا انا اروحله بتاكسي
+
عمر:اقولك حاجة يا ماما ... وتسيبني انام ... شريف دلوقتي في اوضته وصل الفجر وهو اللي كان مسهرني طول الليل
+
صفيه وضعت يدها على صدرها : انت بتقول ايه
+
عمر: ياماما عايز انام حرام عليكي .. انا نايم الساعة 6 الصبح .. حرام
+
صفيه:قولي في الاول اخوك شريف فين ... وليه جيه امبارح لحسن يكون حصله حاجة ..
+
عمر: ما فهوش حاجة بس قدم رحلته ... يا هووووو عايز انام ..
+
صفيه: وليه قدمها
+
عمر: شكلك كدة يا ماما مش عايزاني انام
+
وقام من السرير ومسح علي شعره بغيظ وقال : فرحتي دلوقتي اهو النوم طار .. مش مهم ننام عشان خاطر شريف بتاعكم ..
+
صفيه قاعدت جنب منه وقالت : اكيد ابني فيه حاجة .
+
عمر: ما فهوش حاجة والله ما فهوش حاجة ...
+
صفيه: وما قلتوليش ليه انه جية الفجر وما صحتوناش ليه اصلا
+
عمر: ما تسالنيش لاني سالته السؤال دة الف مرة روحي اساليه هو ..
+
شريف: يعني هو دلوقتي في البيت هنا
+
عمر: ماما شكلك كدة عايزة تنامي .... بقولك ايه روحي الاوضة بتاعته وشوفيه واتاكدي
+
صفيه: ومراته فين
+
عمر بسخريه : في بيت اهلها
+
ضربت صفيه يدها فى صدرها: وانا قول ليه رجع بدري . تلاقيه اتخانق معاها , هو مش هيبطل العصبيه بتاعته دي اعمل ايه بس معاه
+
عمر: هههههههههه... بضحك معاكي يا ماما ... معاه طبعا جوة
+
صفيه ضربته علي كتفه وقالت :وقعت قلبي يا ولا .. يالا انا هاروح اشوف شريف
+
عمر: بعد ايه بقى بعد ما طيرتي النوم من عيني ...
+
صفيه:انت مش مكسوف من نفسك حتى الشغل ما رحتهوش .. ابوك عذرك عشان قلت رايح للمطار ..
+
عمر: اومال انا كنت بعمل ايه الفجر ماانا كنت في المطار ولا كنت بلعب
+
صفيه: يالا انا ضيعت وقت كتير معاك ...
+
وخرجت من غرفه ابنها عمر ....
+
وعمر ضحك على امه وهو ذاهب الحمام ....
+
ياعيني عليكي يا ماما طيبة وطيبتها ساعات بتكون نقطة ضعفها
+
***********ريهام********
+
ايقظتها اشعة الشمس المتسللة عبر نافذتها نهضت عن السرير ونظرت بجانبها راته نائم مرهق فاقتربت منه
+
سارا: شريف يالا قووم الساعة 9
+
شريف: خلينى انام....
+
سارا: قوم يا شريف خلينا ننزل ونسلم على اهلك ..
+
شريف: انزلى انتى
+
سارا: اتكسف لوحدي .. يالا قوم
+
شريف فتح عين وقالها : وبتتكسفي من ايه مش هما أهلك دلوقتي ..
+
سارا:عارفة بس ازاي انزل لوحدي من اول يوم ... يالا قوم
+
شريف: اووووف حاضر
+
سارا: وعايزة اروح لاهلي ..
+
شريف نظر للساعة ..
+
شريف: مصحياني الساعة 8 ونص وتقوليلي الساعة 9
+
سارا: عشان تقوم ... مش كفاية نوم يالا عشان تجهز وتلبس
+
شريف: انتى روحى الحمام وبعد ما تخلصي صحيني
+
ذهبت سارا للحمام وخدت شاور سريع ..خرجت ولحظت شريف ذهب تانى للنوم.. مسكين لسة تعبان ...
+
بعد ما ارتدتت ملابسها ذهبت .. فتحت الدولاب وجدت ملابس شريف موجودة .. فتحت الدرفه الاخرى وجدت ملابسها موجوده ومترتبه ... والله يارا ورهف ما قاصروش
+
جلست تختار طقم حلو عشان تعجب اهل زوجها ..
+
بعد ما ارتدتت ملابسها ذهبت له... ذهبت على السرير ومدت يدها ولمست شعره
+
اتنفس عبير يدها وقال : امممممممممم... ايه الريحة الحلوة دي
+
احمر وجه سارا وفتح شريف عنيه وابتسم لها : ايه العسل دا
+
سارا: احم ميرسى
+
شريف مد يده ولمس وجهها الجميل: لسه بتتكسفى منى يا سوسو
+
سارا هيمانه وسرحانه معه: ها طيب قوم بقه
+
شريف:هههههه .. طيب انا هاقوم اهوه
+
سارا: هانروح عند اهلي مش كدة
+
شريف: اكيد ياقمرى نسلم على اهلي ونقعد معاهم وبعدين اوديكي ..
+
وقام شريف ودخل الحمام .. وترك سارا في حيرتها ...
+
شريف متغير لا ما تغيرش هو كدة من اخر يوم واحنا في لندن وطول ما احنا في فرنسا .. وهو على الطبع دى ..بس ايه معناه المكالمة اللي انا سمعتها وهو بيكلم اخوه عمر ..
+
مش قادرة افهمك يا شريف ساعة اقول انك بتحبني ..وساعة بقول انك بتكرهني ..هانشوف الايام اللي جاية هاتوضح الامور .. بينا اوووي ..
+
انهي حمامه وخرج وهو بيمسح شعره بالمنشفه فلقى سارا بتبص عليه ومبتسمه , فراح لها وقال : اللي واخد عقلك يا سوسو
+
سارا باحراج لانها كانت سرحانه معاه هو فقالت : احم لا ابدا عادى بقولك هاتلبس انهى طقم
+
شريف قرب منها اكثر : اللى تختاريه هالبسه
+
سارا واختارت قميص وبنطلون شيك: ايه رايك فى دول
+
شريف قرب منها اكثر وبدا يقبلها وهى هيمانه فى بحر العسل جاءت الافكار فى ذهنها من جديد من غير وعى وادارك بعدت عنه
+
شريف: مالك يا سارا
+
سارا ابتعلت ريقها بصعوبه: مافيش كدا هانتأخر عليهم
+
شريف استغربها وبشده: طيب هاغير هدومى بسرعه
+
وسارا كانت الافكار مازالت فى عقلها .. ياترى بيحبنى ولا عطف منه وتقضيه واجب زى ما قال للعمر اخوه بس برضه انا زعلانه منه ازاى يقول لاخوه حاجه زى دى حتى لو ما بيحبينش المفروض ما يقولش
+
شريف: هايى سرحتى تانى
+
سارا: ها
+
شريف وقف قدامها بعد ما اكمل لبس وقال :ها ايه بس ايه رايك فيا انفع
+
سارا باحراج: طبعا اكيد الطقم يجنن عليك
+
شريف: ههههههههههه.. بقينا نعرف نغازل اهو تطورنا
+
اتكسف سارا منه .
+
شريف هو الاخر التساولات شتت تفكيره ... مالها سارا متغيره ليه معايا بالشكل دا مره تكون كويسه معايا وتجنن ومره تكون متنرفزه ومكشره
+
وهنا قطع تفكير صوت خبط على الباب ... ذهب شريف وفتح الباب فاوجد ولدته ... وقرب منها وخدها فى حضنه وبشده
+
صفيه: كده يا شريف تيجي منغير ماتقول لامك
+
شريف: ماكنتش عايزكم تقلقوا عشانى يا ماما
+
ما قدرتش صفيه تمسك نفسها اكثر وضمته لقلبها ..
+
كان طويل اوووي على امه فخدها فى حضنه كانها ابنته الصغيره ... حس براحة مستحيل الانسان يلاقيها الا في حضن امه وبس ..
+
الله يا ماما كنت عارف اني مشتاق ليكي اوووي ..مسكته جامد كانها خايفه انه يروح منها.. كانت تكلمة بنفس الطريقة لما كان صغير .. مهما طول وعرض هو في نظر امه لسة صغير .. دة ابني شريف مهما كبر عمرة ما يكبر في عيني .. هايفضل طول عمرة طفلي الصغير .
+
شريف: أن شاء الله المرة الجاية مش هاعملها تاني .... ولا تزعلي يا ست الكل ووطى وباس اديها ..
+
سارا كانت واقفة خلف شريف ..بجد اتأثرت من موقف ولدته
+
والدموع في عنيها .. كأنها ما صدقت انها شاهدت ابنها ..
+
شكلها كان صعبان على سارا ..
+
صفيه: ربنا يخليك ليا اوعى بقه كدا عشان اسلم على القمره دى
+
سارا قربت منها وقالت : ازيك يا ماما
+
صفيه تركت حضن شريف : وذهبت الى سارا
+
صفيه: اهلا بيكي يا بنتي .. تعالي فى حضنى
+
ذهبت لها سارا ....وقبلت راسها
+
صفيه :ايه الجمال دة كله .. والله مرات ابني زي القمر ربنا يحميكى يا بنتي ..
+
سارا: ربنا يخليكي لينا يا امي ..
+
صفيه: يارب ما يكونش زعلك شريف او ضايقك قوليلي بس
+
رفعت سارا راسها ونظرت لشريف ..على طول افتكرت المكالمة اللي دارت بينه وبين اخوه
+
لاحظ شريف تغير وجهها. ..ايه اللي جيه في بالك وبتفكري فيه يا سارة ..ايه اللي مضايقك مني ياترى .. ياريت تقوليلي وتفضفض كل اللي جواكي ..
+
سارا: لا ... شريف مش مقصر معايا خالص ..
+
صفيه:ربنا يخليكم لبعض يا اولادي .. يالا تعالوا انزلوا وحشتوني اوووي ويالا عشان نفطر مع بعض كلنا ..
+
شريف: حاضر ياماما انتي انزلى واحنا هاننزل وراكي ..
+
وبعد دقائق نزلوا لتحت .. وجالسوا يتناولوا الفطار..
+
وهما على السفره
+
شريف: ها ايه اخر اخبار الشغل يا عمر
+
والده: ايه يابنى مالك داخل حامى كدا على الشغل
+
شريف من غير تفكير قال : اصله والله وحشنى خالص
+
صفيه: وحشك ايه الكلام اللى انت بتقوله دا ياشريف كدا سارا ممكن تزعل منك
+
سارا محرجه من كلامه : احم ابدا ياماما وانا هازعل من ايه عادى دا برضه شغله ومستقبله
+
شريف: شوفتى ياماما اهى سارا بنفسها قالتلك
+
ها قولى بقه ايه اخبار الشحنه تمام وصلت بالميعاد
+
عمر: اه الحمد لله وصلت ودخلت المخازن من 3 ايام
+
شريف: انا كنت قلقان من انها تتاخر او يحصل لا قدر الله حاجه
+
عمر: عيب تقول كدا مدام اخوك موجود اطمن خالص
+
محمد الاب: طب يله بقه يا سى عمر اتفضل روح شغلك ولا هانفضل نتكلم طول اليوم على الشغل
+
عمر: ههههههههه يعنى ماتجوش الى على الغلبان عجبك كدا يا سى شريف لا كده بقه انا اللى هازعل حضرتك لازم تنزل الشغل بعد بكره تمام يا عم
+
شريف: هههههه لا مش تمام يا سيدى
+
عمر: ههههه لا ليه بقه ولا عايز تاخد الاذن من العروسه
+
وهنا سارا اتحرجت اووووى من كلام عمر وما قدرتش تنظر له حتى
+
صفيه بعتاب : يالهوى عليك يا عمر كدا برضه تكسف مرات اخوك
+
سارا اتحرجت وكملت صفيه كلامها وقالت : ما تزعليش منه يا حبيبتي هو كده دبش بس قلبه ابيض مع المعاشره هتعرفيه كويس
+
عمر بدون قصد لما شاف احراج سارا فقال : هههههههه صح كلامك ياشريف بقه لينا اخت ثالثه
+
شريف لاحظ ونظر لعمر بانه يوقف كلامه
+
وسارا زاد خجلها اكثر وقالت فى نفسها
+
اه خلاص كله بان ليه كدا يا شريف تقول لاخوك ووصلت انك تشبهنى باختك هو انا برضه اختك بالنسبه ليك ماشى يا شريف
+
وهنا اتحرج عمر ولاحظ نظرات شريف وسكوت واحراج سارا فاحب يغير الموضوع
+
عمر: طيب انا ماشى بقه يا جماعه محدش عايز منى حاجه
+
والده: بقولك ما تنساش تجيب معاك الاوراق الخاصه بالشحنه عشان اشوفها
+
عمر: ماشى يابابا هاجيبها النهارده ان شاء الله ماما مش هاوصيكى على ملك لما تصحى من النوم خلى بالك عليها
+
صفيه: كدا برضه ياعمر هاتوصينى على حفيدتى طب بالعند فيك مش هاخلى بالى منها ايه رايك بقه
+
وهنا واخيرا اتكلمت سارا وشال منها الاحراج :
+
هى نايمه فوق ياماما فى انهى اوضه
+
صفيه: جمب اوضه يارا ورهف
+
سارا: طيب هاروح اشوفها وبالمره اشوف يارا ورهف صاحيوا ولا لسه
+
عمر: طب سلام انا بقه (واقترب من والدته وقبل يدها هى والده)
+
شريف: بابا هو انت مابتروحش الشغل ولا ايه
+
محمد: اه يابنى اصل الدكتور قالى اريح شويه من الشغل
+
شريف: طب كويس ان المردى سمعت كلامه بجد وقاعدت ترتاح شويه
+
صفيه: قولوا يا شريف دا غلبنى يابنى خالص معاه
+
محمد: ههههههه طيب انا هاقوم اروح المكتب اقرا الجريده
+
ام عمر خلى سعاد تجبلى القهوه
+
سارا قبل ما تتحرك قالت : بس القهوه مضره لحضرتك
+
محمد: لا ما انا اخد على كده يا سارا اعمل ايه بقه تعود
+
شريف: قولها يابابا اصلها قالتلى كدا هناك برضه
+
صفيه: وياترى بطلت العاده دى ولا ايه يا شريف يارب تكون بطلتها
+
شريف: يعنى ياماما شويه بشويه
+
سارا ما علقتش على كلام شريف ومنتظره رد عمها محمد
+
ها ياعمى ممكن اعملك انا مشروب دافى وصحى واكيد هايفيدك اكتر من القهوه
+
محمد: طيب ياست سارا وراينا المشروب دا ولو عجبنى استحملى بقه هادوشك كل شويه بانك تعمليه ليا على طول
+
سارا: هههههههه دا حضرتك تؤمر وانا عليا السمع والطاعه يا عمو (وذهبت ليه وطبعت علي راسه قبله )
+
شريف: ايوه ياعم ماشيه معاك وهاتلاقى حد بيدلعك مع ماما افرح بقه
+
صفيه: ههههههههه لا انا كدا اللى هاغير يا سارا
+
سارا: هههههههه وانا برضه اقدر استغنى عن ماما وحضرتك كمان اعملك معاه المشروب ثوانى ويكونوا جاهزين
+
(وتحركت سارا نحو المطبخ)
+
محمد وهو داخل غرفه المكتب نظر لشريف وقال له
+
والله البنت خساره فيك يا شريف البنت شكلها مدلعاك وانت ولا هنا
+
شريف: يابابا ماانت عارف انى مابحبش الدلع والحاجات دى
+
صفيه: ايه يابنى حد يلاقى الدلع وما يدلعش دا حتى يبقى حرام عليه البنت طيبه اووى وحنيه .... حبها يا شريف دا مش كتير عليها بالعكس يابنى هايبقى قليل مهما عملت
+
شريف: فى ايه ياماما الكلام دا لزمته ايه دلوقتى
+
صفيه: لانى حاسه بيك يا ابن بطنى وحاست كمان ان سارا حبتك وبالقوى كمان وانت حبتها بس مكابر وكمان طريقه كلامك مع اخوك ماعجبتنيش وما حبتش اعلق ساعتها عشان مش تتحرج مننا
+
شريف: هو انا عملت ايه بس دا انا كنت هناك ايد ايدى العشره شمع عشان تكون مبسوطه وسعيده
+
صفيه: اهو انت اهو قلت كنت ولازم كمان تكون هنا زى ما كنت هناك وبالاكثر كمان لاحسن تروح منك
+
شريف: تروح منى ازاى ياماما ياعنى سارا مراتى
+
صفيه: ما انا عارفه انها مراتك قصدى تلاقى الحنيه والحب فى عيون حد تانى اى حدا حتى لو كان اخوها انا عايزها تلاقى الحب والحنيه فى عيونك انت وبس فاهمنى يا شريف
+
وهنا جاءت سارا بالمشروبات الساخنه فانظر لها شريف بنظره تانيه ومشى وذهب لاوضته
+
سارا: اتفضلى ياماما
+
صفيه: وهى عيونها على ولدها شريف وبتتناهد / شكر ياحبيبتى ربنا يسعدك يا سارا
+
********ريهام *******
+
في بيت شوقي
+
ام جمال وهدى جالسين في الصالة يتنالوا المشروب الدافى
+
هدى: خالتى احنا معزومين النهاردة على العشا في بيت عمي محمد ؟؟
+
سهير: ايوة .. انا اللي كنت عايزة اعمل العزومة بس لما عزمتني ما قدرتش اقولها حاجة ...
+
هدى: واخيرا سارا هاتيجى والله اشتقت لها اووووي
+
سهير: اه والله ما كنتش عارفة اني هاشتقالها للدرجادى مكانها لسة في قلبي
+
هدى: وامتى هاتوصل الطيارة
+
سهير: معرفش بالظبط يا هدي
+
هدى: ومين هايستقبلها في المطار
+
سهير:عمر اخوه .. حاولت مع عمك شوقى اروح معاه بس قالي مالهاش لزمة مروحنا للمطار .
+
هدى: وعمي هايروح ..
+
سهير: لا بيقول ما ينفعش اسيب الشركة بس احمد هايروح قالى امبارح الصبح بكده
+
احمد كان نازل علي السلم فقال علشان مرات اخوه تعدل حجابها : يا جماعة ياللي تحت انا نازل ..
+
هدى بانجاز وضعت الحجاب على راسها..
+
سهير: تعالي يا ميدو
+
احمد: صباح الخيرات جعان على الاخر
+
سهير: ياحبيب ماما (ونادت على ام هنادى )
+
ام هنادى: ايوه ياست سهير
+
سهير: اعملى احلى فطار لاحلى راجل فيكى يا مصر بسرعه
+
هدى: ههههههههههه اللى يسمعك دولوقتى مايسمعكيش من شويه وانتى بتتكلمى على سارا
+
احمد يضع قدمه علي الاخرى ويعبث فى موبايله وقال : مالها سارا
+
هدى: وحشه خالتى خالص وانا كمان وحشانى
+
سهير: هدى اسكتى ايه لوك لوك على طول
+
هدى: حاضر ياخالتى هاسكت خالص
+
سهير: احمد ايه اللى مصاحيك بدرى كده
+
احمد: ابدا عادى ماجليش نوم فاقولت اصحى
+
سهير:وايه يا حبيبي اللى قلقك ومش مخليك تنام
+
احمد: مافيش حاجه معينه يا ماما
+
هدى: احمد علينا برضه اكيد فى حب جديد صح
+
احمد: ههههههه يالهوى عليكوا هو لكده عاجب ولا كده عاجب انا تعبت منكو والله
+
هدى: ههههه طب عينك فى عينى كدا يا ابن خالتى
+
احمد: ههههههه عينى وجعانى
+
هدى: طب والله فيه حب جديد ومستعده احلف كمان
+
احمد: ههههههه والله مش فاهمني في البيت كله الا انتي يابنت خالتى
+
هدى: ههههههههههه عيب دانا برضه خبره
+
صفيه: بقولكم ايه انتو الجوز ياتفهمونى فى ايه ياما اقوم من هنا واطلع فوق
+
احمد: مافيش يا ست الكل اصلى انا صحيت وقلت اقوم اكمل المسرحيه تحت
+
صفيه: مسرحيه مسرحيه ايه يا ميدو ؟
+
احمد: مسرحيه شريف وسارا هى صح ابتدت ولا لسه
+
صفيه وضعت يدها على راسه : مااهو انت مش سخن ولا حاجه اهو
+
هدى باستغراب : صح يااحمد مسرحيه ايه وايه اللى مدخل شريف وسارا فيها
+
احمد:ههههههههه هاتعرفوا بعدين مش دولوقتى لما العرض يبدأ
+
صفيه قامت وضربته ضربه خفيفه على كتفه: تعرف لو ماقلتش دولوقتى هاعمل فيك ايه
+
احمد:هههههههههههه خلاص خلاص هافطر الاول وبعدين اجيلكم اوك اصلى جعان خالص
+
(وقام دخل غرفه السفره ليتناول الافطار)
+
********ريهام********
+
دخل شريف غرفته بيفكر فى كلام والدته
+
طب انا اعمل ايه اكتر من كدا وكل دا مش عاجب حد حتى هى مش عاجبها ومكشره انا ايه بس اللى خلانى اتجوز بس ما انا كنت كويس
+
*************
+
وفى غرفه يارا ورهف
+
رهف: يخربيت عقلك انتى اتطورتى خالص ماكنتيش كدا خالص قبل الجواز يا سارا ياترى عمل فيكى ايه شريف وانتى كمان عملتى فى ايه
+
سارا: ابدا انا عادى خالص اهو سارا بتاعت زمان هى هى بس فيه حاجه جديده عليا انى معاكوا هنا
+
يارا: بصراحه دى اجمل حاجه عملناها اننا جوزناكى لشريف
+
سارا بتفكير: اه صح اجمل حاجه
+
وهنا سمعو خبط على باب الغرفه واتفتح
+
صفيه: ايه يابنات كل دا نوم يلا بقه عشان تحضروا نفسكم
+
رهف بهزرا: ليه ياماما هو فى عرسان ولا ايه
+
صفيه: يسمع من بقك ربنا يا رهف يارب
+
يارا بتنظر لرهف بحده: ايه ياماما ياحبيبتى نجهز ليه
+
صفيه: انتو ناسين ان ماما وبابا سارا معزومين النهارده هنا
+
سارا: بجد ياماما حضرتك عزماهم
+
صفيه: ايوه يا سارا مامتك بصراحه هى اللى اقترحت فى الاول اننا نكون هناك عندهم بس انتى عارفه ظروف عمك محمد مايقدرش يرهق نفسه او يجهد نفسه فاطلبت منها انهم يجيوا هنا عندنا
+
يارا: طب شى كويس اووووى يعنى الواد مهند ويوسف جاين
+
صفيه: هههههههه وانتى فرحانه اوى كدا ليه يا ست يارا دول عيال ياحبيبتى مش عرسان كبار
+
وكل هذا ورهف سرحانه ومتوتره من لحظه ما قالت به والدتها
+
صفيه: وانتى ياست رهف مش عايزه تقولى حاجه انتى كمان
+
رهف:ـــــــــــــــــــــــــــــــــــ
+
صفيه: رهف رهف ايه روحتى فين يا مقروضه
+
رهف: ها لا ما انا معاكى اهو ياماما كنت بفكر فى الموبايل بتاعى مش اكتر
+
سارا: موبايل موبايل ايه
+
يارا: اسكتى مش موبايل رهف اتسرق منها امبارح
+
سارا: ايه دا بجد يا رهف
+
رهف: امممممممممم مش عارفه راح فين قلبت عليه البيت
+
مش لقايه
+
سارا: بس دا عليه صور كتير ليكى وليا وليارا يالهوى لو فعلا ضاع الواحد يقلق بجد
+
رهف: اوف بقه مش تفكرينى انا خايفه من كدا فعلا
+
صفيه: بقولكم ايه بطلو دلع بقه وكل واحده تشوف هاتعمل ايه وانتى يا سارا تعالى عايزكى
+
يارا: ايوه ياعم ايه الدلع دا كله احم احم نحنو هنا برضه يا ست صفصف
+
سارا خرجت وراحت مشيت مع صفيه : خير ياماما
+
صفيه : دلوقتى انتى هنا تبقى مرات ابنى وبنتى الهاديه فاعايزكى تسمعى كلامى ماشى
+
سارا: طبعا ياماما اكيد
+
صفيه: طب يلا بقه روحى لجوزك جوه فى اوضتكم .. شوفيه يمكن محتاج لحاجه , انا كمان عرفت منه انكم رايحين عند مامتك روحي اجهزو
+
سارا: اه بس ملوش لوزم دلوقتى مدام ماما جايه
+
صفيه: ازاى بقه لا مايصحش يا سارا المفروض تروحى ليها زى ما جيتى هنا بالظبط وتسلمى عليهم
+
سارا: ماشى ياماما هاروح اشوف شريف
+
صفيه: طيب خلى بالك من شريف ومنك طبعا فهمانى اكيد
+
سارا: اكيد ياماما اطمنى
+
صفيه: ربنا يهدى سركم يا بنتى يارب
+
وهنا دخلت سارا الى غرفتها ووجدت شريف واقف سرحان فى الشرفه فاذهبت له
+
سارا: ايه يا شريف مش قاعد ليه تحت مع عمى محمد
+
شريف ينظر لها بعمق: عايز اقعد لوحدى شويه
+
سارا: يعنى انا ضايقتك امشى انا وهنا قبل ما تتحرك مسك يدها وقربها منه
+
شريف: ممكن اعرف مالك متغيره ليه من ناحيتى
+
سارا بتبعد عينها منه : ابدا مافيش تغير ولا اى حاجه
+
شريف: طب تعالى ندخل جوه احسن
+
مسك يدها وبقوه شديده وجلسها وجلس على السرير
+
وجالسوا دقائق يتاملوا عيون بعض وانفاس بعض بدون كلام
+
كانت هتتكلم لكن حط شريف ايده علي شفايفها وقال : مش عايز اعرف دلوقتى خليها لما نرجع من عند اهلك اتفقنا
+
هزت راسها بقبول كلامه
+
وبالفعل وصلوا الى بيت والد سارا وهناك
+
سهير: برضه مش هاتقول يا احمد فى ايه
+
احمد: مش دلوقتى يامامتى عشان المسرحيه هاتبوخ لو حرقتها
+
سهير: والله ما انا فاهمه حاجه منك خالص
+
احمد: ههههههههههه احسن برضه
+
سهير: بقه كده يا احمد تقولى احسن ماشى يابن بطنى
+
وهنا دق جرس باب منزلهم وذهبت ام هنادى تفتح
+
سارا: ام هنادى وحشتينى
+
ام هنادى: سارا ازيك يابنتى انتى اللى وحشانى خالص
+
سهير بفرحه : ايه دا سارا جت حبيبتى (وقامت ذهبت ليها )
+
سارا: وحشتينى يا ماما (واترمت فى حضنها)
+
وشريف كان واقف بالخلف بيشاهد اللقاء العاطفى
+
هدى راحت ليها وقالت بفرحه : سارا حبيبتى وحشتينى وبالقبلات الحاره
+
سهير: يالهوى معلش ياشريف الفرحه ناستنى خالص
+
شريف: لا ولا يهمك يا ماما حضرتك عامله ايه
+
سهير: لما شوفت سارا بقيت احسن
+
احمد من بعيد قال : بقه كدا يا هير وانا روحت فين
+
سهير: واد يااحمد مش هاتيجى تسلم على اختك وجوزها
+
احمد بهزار: ماليش نفس اسلم على حد
+
سهير ذهبت له وسارا وشريف خلفها دخلين البيت : عيب كدا يااحمد قوم سلم عليهم
+
هدى: والله انا مش مطمئنه ليك مش عارفه ليه وحاسه بانك كنت عارف انهم جم
+
احمد: ههههههههه ياواد ياجامد
+
احمد وهدى وشريف وسارا بيضحكوا
+
سهير: ممكن اعرف بقه انتم بتضحكوا على ايه
+
سارا: مفيش ياماما اصلنا جينا الفجر واحمد جبنا من المطار وقولنا ليه انه مايقولش اننا جينا عشان تبقى مفاجاه
+
سهير: هههههه واحلى مفاحاه يا حبيبتى وانت حسابك معايا بعدين
+
احمد: هههههههه وانا بقول امشى احسن لاحسن الحساب يكتر
+
شريف: رايح فين انت ناسى انكم معزومين النهارده معانا
+
احمد:ها لا مش ناسى هاروح مشورا وبعدين هابقه اجاى على طول عندكم ان شاء الله
+
شريف بمكر : بس اوعي ما تيجش لاحسن هاخلى عمى شوقى يصرف نظر عن السفر
+
احمد بينظر لسارا: هههههههههه حالا ياختى قولتليو على السفر وبابا مش راضى
+
سارا: والله انا مظلمومه انت ناسى انك انت اللى قولت امبارح لما كنا فى العربيه
+
احمد: اه تصدقى يبقى براءه يا سارا طيب على العموم مش هاتأخر
+
هدى: وانتى عامله ايه يا سارا وحشانى موت
+
سارا: وانتى اكتر يا هدهد والله صح قبل ما انسى امبارح ما شفتيش موبايل رهف واقع هنا
+
هدى: موبايلها لا ليه
+
سارا: اصلها مش لاقيه وكمان قلتلى انها كانت هنا امبارح فابقول يمكن وقع منها هنا وحد شافه
+
هدى: لا والله ماشفتش حاجه هابقه اخلى ام هنادى تدورعليه
+
وهنا كان واقف وسامع كلامهم وعرف انه فعلا موبايل رهف مش اختها وجاءت لعقله فكره جنان
+
احمد بمكر: ابقى خليها تتصل بيه يمكن يكون قريب منها ومش شيفاه
+
سارا: اتصدق صح ازاى ماجتش فى بالنا الفكره ,,, بس يارب تلاقيه دا عليه صور لينا والواحد قلقان وخايف
+
احمد: لا ماتخافيش اطمنى يلا سلام يا شريف
+
شريف: سلام يااحمد وماتنساش الغدا
+
احمد: لا مش هانسى
+
وكان شريف وولده سارا جالسين فى الهول بيتحدثو فى امور اخرى بعيدا عنهم
+
وخرج احمد من المنزل سعيد جدا
+
وقبل ما يركب سيارته سحب شى من جيبه وقام بفتحه
+
وثوانى قليلا دق قلبه مع احلى اغنيه الى قلبه اغنيه الهضبه
+
ووجد واتفاجه بان موبايله مغلق واتفاجه بموبايلها بنفس الرنه
+
وليه أنا دا يبقي حالي
+
وليه أنت دايماً ف بالي
+
ليالي وراها ليالي
+
وهو دا حالي بحبك و هاعمل إيه
+
ايه ليه يوم ما قابلتلك قولت أنا ليه ..
+
اتغيرت بقيت كدا ليه ..
+
إحساس عمري ما حاسيت بيه .
+
.إحساس قلبي بحبك ..ليه
+
مين بيحب بيعرف ليه ..
+
ليه ياحبيبى بحبك ..ليه ..
+
فقال وهو بيبص للموبايل : وياترى هى عملاها لمين طب انا عملها ليها وبتفكرنى بيها
+
فامقدرش يتمالك قلبه من دقات اكثر فتح الاتصال وانتظر دقائق
+
رهف بصوت رقيق وخجول: احم السلام عليكم
+
احمد بحب : الو يا رهف
+
رهف باستغراب: مين معايا الصوت دا مش غريب عليا
+
احمد ابتسم وبخبث قال : اه هو انا وحشتينى
+
شهقت رهف بذعر
+
ياترى رهف عرفت من يكون
+
وياترى ايه اللى هايحصل فى موعد الغذاء ما بينهم
+
ده هنعرفه بعدين
+
