رواية سهام الحب الفصل الثاني عشر 12 بقلم ريهام اسماعيل
+
سهام الحب (ريهام اسماعيل)
+
اول ماعرف ابو جمال رجوع ابنته سارا الى منزلهم قرر ان يترك العمل قبل ميعاده المحدد ويتوجه الى المنزل ليرى ابنته الغاليه
+
سهير: ها ايه اخبارك ياشريف اوعى تكون سارا ضيقتك ولا حاجه قولى وانا اعرف شغلى معاها
+
شريف: ههههههههه لا والله سارا دى مفيش منها فى الزمن دا يا ماما حنينه اوووى وطيبه وبصراحه انا اللى بزعلها منى مش هى
+
سهير: طمنتنى يا شريف يابنى ويارب يسعدكم يارب
+
سارا:احم احم نحن هنا يا ست مامتى (وجلست بجوار والدتها)
+
سهير طبطبت عليها وقالت : ههههههههههه والله زمان يا سارا فى لمضتك العسل دى وحشتنا والله
+
هدى: ما قولتش يا استاذ شريف تشرب ايه
+
شريف: ياريت قهوه مظبوطه الله يخليكى اصلى عندى صداع اعمل ايه بقه فى ناس صحونى بدرى النهارده(وبينظر الى سارا ليغيظها )
+
سهير: كدا برضه يا سارا كنتى سبتيه ينام شويه انتم مهدودين من السفر
+
سارا بضجر: عجبك كدا يا شريف اهو قلبت عليا ماما ياماما والله احنا نمنا فى الطياره وكمان انتم كنتو وحشنى خالص وكمان احنا جاين ننام ولا نشوفكم اهو الجايات اكتر ان شاء الله هانام لحد ما نشبع
+
شريف: هههههههههه ادى حاجه جديده عليكى اول مره اعرف انك كمان رغايه اووووى
+
سارا اتحرجت وفضل تفرك فى ايدها فقالت : يا سلام ما انا عايزه اشرحلها وجهه نظرى .... وسكتت لما شافت باباها داخل من باب الفيلا ورايح عليهم
+
سارا قامت وجريت عليه وحضنته جامد وقالت : بابا وحشتنى خالص
+
شوقى بيطبطب عليها جامد ويقول : وانتي كمان يا سوسو مش عارف عدو عليا ازاى 28 يوم دول من غيرك بجد
+
سارا بهزار قالت : وكمان حسبهم يا بابا باليوم
+
شوقى قبلها فى وجنتها وقال : وبالساعات كمان يا قلب بابا اومال شريف فين جه معاكى ولا فى البيت نايم
+
شريف قام وراح ليهم وقال : لا انا هنا يا عمي شوقى , ازيك يا عمى وحشتنا
+
شوقى:حمدلله على سلامتكم يابنى وانتم اكتر والله
+
شريف: الله يسلمك واخبار الشغل معاكم
+
شوقى طبطب عليه وخده ومشى لجوه وقال : ههههههههه زى عاويك ما تغيرتش خالص شغلك هو اهم حاجه فى حياتك
+
شريف بدون قصد : اكيد يا عمى طبعا , انت عارفني ان الشغل عندي له وضع خاص عن حياتي العمليه
+
سارا لاحظت كلامه مع والدها فحزنت
+
سهير قامت وخدت سارا وقالت : طب انا هاخد سارا معايا لحد ما تخلصوا كلامكم فى الشغل تعالى يا سارا
+
هدى: ازيك يا عمى اعملك حاجه تشربها
+
]شوقى: لا ياهدى مش عايز عشان اعرف اكل عند عمك محمد انتى عارفانى مع المحشى بكون عامل ازاى
+
هدى: هههههههههههه بالهنا علي قلبك بعد اذنكم
+
شريف:ايه اخبار الشحنه يا عمى كله تمام والمستورد رد وقال حاجه عليها
+
شوقى : لسه المستورد هايستلمها بعد يومين ان شاء الله , وما تقلقش حاجاتنا لا غبار عليها
+
شريف:ممتاز جدا ها مش ان الاوان تجيب معانا احمد للشركه
+
شوقى: والله يا شريف نفسى بس اعمل ايه فى حماتك مصره انه ينهى دارسته ويسافر ال ايه يستريح شويه بره ال يعنى الواد شقيان ومهدود حيله
+
شريف: طب ما تسبلى الحكايه دى وانا اظبتها معاه
+
شوقى: ياريت يا شريف اصلى والله تعبت منه انا موافق انه يسافر شهر ولا شهرين ويجى يمسك الجزء الخاص بيه اومال دخلته ليه كليه الهندسه عشان يبقى المهندس المسئول عن الشركه
+
شريف: خالص سبلى انا الموضوع دا وان شاء الله هايكون تمام هو كمان
+
شوقى: على خيره الله , ها ابوك عامل ايه دلوقتى يارب يكون ارتاح شويه
+
شريف: اه الحمد لله بقى عال العال
+
*********ريهام**********
+
سهير كانت قاعده مع سارا فى حجره نومها فقالت هامسه : يعنى كله تمام يا سارا هناك
+
سارا: اه الحمد لله ياماما والله كلهم بيعملونى كأنى بنتهم بالظبط مش مرات ابنهم
+
سهير: طب الحمد لله ما تصوريش اد ايه انا فرحانه
+
سارا بتفرك بيدها وقالت وهي سرحانه فى حاجه : طب كويس ياماما انك فرحانه
+
سهير: سارا مالك حبيبتى انا حاسه انك متغيره مش عارفه ليه فيكى حاجه
+
سارا بتوتر: لا هايكون فيه ايه بس عشانكم بس وحشتونى ومش واخده اني ابعد عنكم
+
هدى جاءت ليهم وقالت : سارا جوزك بيقولك يالا
+
سارا باستغراب: دلوقتى هو انا لسه قاعدت معاكو قوليلو شويه كدا يا هدي
+
سهير: لالالا استنى يا هدى شويه ايه يا سار انتى خلاص يا حبيبتى بقيتى زوجه دلوقتى مش بنت لسه لازم تسمعى كلام جوزك يا ساار مهما كان فاهمه ياحبيبتى يالا روحى معايا وبعدين اهو شويه وهنيجي عندكم يا ستى
+
سارا بنرفزه: حاضر ياماما نازله
+
*********ريهام********
+
وفى مكان اخر كانت
+
رهف كانت مستغربه من صوت المتكلم علي هاتفها : مين بالظبط معايا؟
+
احمد: بقولك انا هو
+
رهف: حاسه اني اعرفك كويس
+
احمد بمكر: ههههههههه اكيد يا هوفه
+
رهف بزهق قالت : طب لوسمحت دا موبايلى انا عايزاه
+
احمد بخبث :طيب تعالى خوديه
+
رهف بحده عاليه : نــــــــــــــعم لا طبعا ازاى
+
احمد: ههههههههه زى الناس تعالى وهاقولك انا فين بالظبط وتيجلى
+
رهف بنرفزه وصوت عالى : على فكره انت قليل الادب ومش محترم كمان واذ كان على الموبايل انا مش عايزاه (واغلقت الخط)
+
احمد: ههههههههه بقه كده يعنى مش عايزه الموبايل طيب يا ست رهف انا واركى والزمن طويل
+
رهف متوتره جدا ومتنرفزه وقالت لنفسها : مين يا ترى الشخص دا بس انا عارفاه كويس صوته مش غريب عليا
+
وجلست تفكر لدقائق وفاجئه
+
يارا: انتى هنا واحنا بندور عليكى يا ست رهف
+
رهف: ايه يا ياار مش فى حاجه اسمها انك تستأذنى قبل ما تدخلى؟
+
يارا: فى ايه مالك , ويعني ايه استأذان يا رهف اللى بتقولى عليه وهو احنا فينا من كدا
+
رهف: طب ممكن تطلعى دلوقتى عايزه اقعد لوحدى شويه
+
يارا اقتربت منها: رهف مالك فى حاجه حصلت صح انتى اتصلتى بالموبايل بتاعك زى ما قالتك سارا
+
رهف ولسه بتفكر فى الشخص اللي كلمها فقالت بارتباك : ها اه اه اتصلت بس محدش رد
+
يارا: طيب يالا كلمى ماما عايزكى تحت
+
رهف:طب روحى وانا جايه واركى
+
يارا: طيب ماتتاخريش الناس زمنهم على وصول
+
رهف: طيب خلاص هانزل
+
*********** ريهام *********
+
شريف كان واخد باله من سارا لما نزلت ليهم تحت عند بيت اهلها وكانت مكشره حتي ركبت معاه ولسه ما فكتش التكشيره بتاعتها فقال :مالك يا سارا فى حاجه
+
سارا بنرفزه : هايكون مالى ما انا كويسه اهو
+
شريف: طيب ياستى ما تزعليش كده انا بطمئن عليكى مش اكتر
+
سارا: لا اطمن يا سيدى انا بخير والحمد لله
+
شريف ساخراً : هههههههه هو انتى هاتكتبى جواب ولا ايه يا سارا ايه بخيروالحمد لله دى
+
سارا بدون وعى ابتسمت على كلامه
+
شريف: ياخبر اصدقى كنت قربت انسى شكل ابتسامتك والله
+
سارا, باحراج قالت : طب ممكن تبص قدامك احسن
+
شريف بابتسامه : خايفه عليا ولا على نفسك
+
سارا: نسيت اجابه ثالثه علينا احنا الاتنين
+
شريف: ياساتر يا شيخه عليكى بجد خوافه
+
سارا:طب برضه بص قدامك
+
وبعد مرور ساعه
+
كانت رهف تلهو كاطفله بريئه فى الحديقه مع الصغار وكان نازل من سيارته الفارهه فاوجدها تلهو مثل طفله صغيره مثلهم وجلس يراقبها بعيونه وفاجئه
+
رهف مغمضه عيونها وتلعب القطه العمياء: ههههههههه انا هامسكك يا نوده انت بذات
+
مهند ابن هدى وجمال: ههههههه طب انا هنا تعالى امسكينى
+
رهف: هههههههههه طيب هاوريك يا سى مهند باشا ملك انتى فين انتى كمان
+
ملك بتجرى منها : انا هنا يا انطى رهف تعالى
+
رهف: هههههههه كله تعالى تعالى اوكيه انا بقه هاجيلكم بجد (وهنا مسكت فى احد شعرت بدقات قلبها سريعه)وزالت القناع لتذعر وابتعدت عنه
+
رهف بصوت عالي : انت ازاى تيجى هنا
+
احمد اقترب منها : هههههه انا معزوم عندكم انتى نسيتى ولا ايه
+
رهف: اظن انتى اللى نسيت ان باب البيت من الناحيه التانيه مش دى
+
احمد بمكر : لا والله طب كويس انك قولتيلى عشان انا مااعرفش ... وقرب بالاكتر وبص فى عيونها وقال : بس اصدقى اول مره اعرف ان لون عيونك عسلى هادى
+
رهف اتحرجت : على فكره انت قليل الادب
+
احمد بعصبيه مسك دارعها: انا سمحتلك تقوليهالي المره الاولى عشان كنتى ماتعرفنيش اما ولوقتى مش هاسمحلك انتى فاهمه
+
رهف: طب سيب دارعى وجعنى
+
احمد بدون وعى وخوف عليها ترك يدها: اهو سبتها
+
رهف وهي ماسكه يدها بتألم قالت : انت ايه مش خايف انى ممكن اقول لاخواتى عليك
+
احمد: لا والله طب اتفضلى وارينى هاتقولى ايه بالظبط عليا لاخواتك اتفضلى روحى
+
رهف انتظرت دقيقه وفكرت فى بعض كلامه فى الاول انها قالتله قليل الادب مرتين
+
فقالت بكل ثقه وعصبيه : ااااااااااه يبقى انت اللى لقيت الموبايل بتاعى وكلمته مش كده
+
احمد بابتسامه ماكره: طب كويس انك عرفتينى اهو بس فيه حاجه مش صح انا مش لقيته انتى اللى وقع منك عندى فى الاوضه بتاعتى لما كنتى بتقراى الكتاب وماسكه البرفن بتاعى يا برنسيس هوفه
+
رهف اتحرجت واتكسفت كتير وماقدرتش تقف اكتر من ذلك وتحركت باقصى سرعه للداخل
+
احمد كان واقف بيضحك على شكلها المحمر وبيقول فى عقله
+
ياترى انا ليه مشدود بالطريقه دى ليها هى فعى غير البنات اللى عرفتهم قبل كدا هى فيها حاجه غريبه بتشدنى ليها شكلى فعلا حبتها وبجد المردى وانطلق هو الاخر الى الداخل
+
صفيه: يارا روحى شوفى بابا وعمك شوقى يحبوا يشربو حاجه قبل الاكل
+
يارا بتحضر السلطه: ياماما ماانتى شايفه ايدى مش فاضيه اهو
+
صفيه: طب اومال فين رهف مش باينه
+
يارا بسخريه : اكيد بتلعب مع العيال بره اصلها فاكره نفسها عيله مش بنت كبيره
+
صفيه: طب بطلى غلبه وخلصى السلطه
+
سهير: صفيه انا قفلت على الفراخ اللى فى الفرن ها تحبى اعملك حاجه تانى
+
صفيه: اه خدى قلبى لسان العصفور دا شويه لحد ما اشوف المحشى استوى ولا ايه بس اوعى يتحرق منك
+
يارا: ههههههههه كمان بتتأمرى عليها ياماما اول مره اعرف الضيوف بيساعدو اللى رايحين ياكلوا عندهم
+
صفيه: يارا بطلى غلبه احسنلك انا وسهير حبايب ياختى
+
سهير بتضع الشوربه على اللسان عصفور : ومين قالك يا يار انى ضيفه انا صاحبه بيت يا عسل
+
يارا: ااااااااه ياعنى اطلع انا منها اوك اتفضلى ياماما اهو خلصت السلطه ممكن بقه اطلع ارتاح شويه فوق
+
صفيه: اخوكى شريفهو وسارا فين بره
+
يارا كانت بتغسل ايدها وقالت : لا فوق فى اوضتهم بيجيبو الهدايا ها امشى انا بقه
+
صفيه: ماشى بس قبل ما تطلعى شوفى اللى بره يمكن عايزين يشربوا حاجه
+
هدى دخلت عليهم وقالت : لا قالولى من شويه مش عايزين
+
يارا راحت عندها وقبلتها فى وجنتها وقالت : هههههههه احبك يا هدهد والله
+
سلام (وذهبت مسرعا )
+
صفيه: ياما نفسى والله افرح بيارا كمان
+
سهير: يارب يرزقها بابن الحلال لو الواد احمد ابنى كبيره شويه كنت والله خدتها ليه بس هانعمل ايه كل شى قسمه ونصيب
+
هدى: ياسلام محنا برضه فيها ما موجوه رهف اهى ناخدها لاحمد
+
ولسه هاترد سهير فاوجدو رهف دا خله اليهم خجوله
+
هدى بهزار : هههههههه لو كنت قولت عايزه 100 جنيه مش كان احسن
+
صفيه: ايه يارهف كنتى فين دا كله
+
رهف: ها لا اصلى كنت واقفه بره بلعب مع مهند وملك
+
هدى: اومال يوسف فين
+
رهف: ما ابيه جمال بره فى الصاله
+
سهير: ياترى احمد جه ولا لسه
+
هدى: ههههههههه تلاقيه مع بنت من البنات اللى بيعرفهم يا خالتى
+
رهف متعصبه : طب بعد اذنكم هاطلع فوق
+
صفيه: طب روحى الاول شوفيهم بره ليكونوا عايزين حاجه يشربوها
+
رهف بتوتر : ها لا خلى يارا تروح احسن
+
صفيه: فى ايه انا عايزه اعرف اقول ليارا تقولى لا اقول ليكى تقوليلى خلى يارا
+
هدى: خلاص يا طنط خليها هى تطلع ترتاح وانا هاروح اشوفهم تاني
+
صفيه بعلو صوتها بسيط :هدى استنى انتى .. بت يا رهف روحى اطلعى ليهم بره
+
رهف بنرفزه وتدب فى الارض : هو مافيش غير رهف فى البيت دا كله
+
وخرجت رهف وهى فى قمه الاحراج من شخص ما جالس فى الهول مع اخواتها راحت لعند باباها وقالت : بابا ماما بتقولك لو تحبوا تشربو حاجه قبل الاكل
+
محمد كان هو وشوقى بيلعبوا شطرنج : هههههههههه كش ملك يا شوقى راحت عليك ياحلو
+
شوقى: ههههههه ما تفرحش اوى كده ياخويا اصلك قاعد فى البيت ومرتاح وانا شغال نهار وليل
+
محمد: ياسلام ياخويا طب ما انا طول عمرى بكسبك برضه وبكون تعبان وشقيان زيك
+
احمد ذهب اليهم بعد ما راى رهف وافقه معاهم مبتسمه
+
احمد راح ناحيه باباه وقاله : بابا قومى حضرتك وسبهولى انا هاكبسهولك يعنى هاكبسهولك
+
محمد: هههههههه ال يعنى هاتكسب طب اتفضل يا شوقى قوم وادى لابنك مكانك ولما نشوف يا ابو حميد هاتكسبنى ولا هاتطلع بق بس على الفاضى زى ناس (وبينظر لرهف ابنته)
+
رهف طبطبت علي كتف باباها وقالت بوش احمر من الخجل : هههه جرى ايه يابابا انا برضه بنت ومش قدك يا سيدى
+
محمد لوح علي احمد وقال بضحك : ههههههههه وشكله دا كمان هايطلع خيبه زيك انتي واختك
+
رهف نظرت لاحمد لقيته بيبص عليها ويغمز بعينه فدارت وشها الناحيه التانيه من الغيظ
+
احمد ينظر اليها وبيكلم عمه محمد : طب جربني الاول يا عمي وبعدين ابقى احكم , مش جايز اعجبك هاا
+
رهف ابتسمت وشعرت ما يقصده: طيب انا هجيب ايه دلوقتى عشان تشربوه
+
محمد: هههههههه شوفى عمك شوقى هايشرب ايه عشان يهديه من الخساره
+
شوقى: بقه كده طب انا مش عايز اشرب حاجه جر ايه احنا جاين نشرب ولا ناكل
+
رهف:هههههههه لا والله ياعمى هاتاكل بس الاكل لسه على النار
+
نظر احمد الى رهف فوجدها بتضحك من قلبها بطريقه جميله وكان فى غايه السعاده
+
محمد: العب يا احمد باشا بقه
+
احمد: ها طيب اهو
+
شوقى: اومال الولاد راحو فين جمال وعمر
+
رهف: فى المكتب اروح اندهم لحضرتك
+
شوقى: لا انا اللي هروح لهم (وقام من على كرسيه اللى بجوار احمد ومشى)
+
محمد: رهف اقعدى واقفه ليه
+
رهف: لا انا هطلع فوق
+
محمد: لا خليكى وشك عليا حلو لما جيتى خلصت على عمك شوقى ودلوقتى هاخلص على ابنه اللي عامل فيها سبع الليل
+
رهف: هههههه حاضر يابابا (وذهبت لتحضر كرسى وتضعه بجوار والدها)
+
محمد: العب يا سى احمد
+
احمد كان فى مكان تاني مع رهف سرحان فيها وفى رقتها اللي سلبت عقله ففاق لما لقى محمد طبطب علي ايده فقال : احم يلا يا عمي ابدا
+
وبدا محمد بتحريك القلعه لانها وجد في زوايا الرقعة في بداية اللعبة، وتوجد لدى كلّ لاعب قلعتان
+
فقام احمد بتحريك الحصان بشكل سلسل
+
***************
+
اما بالمكتب جوه فكان جمال قاعد بيتكلم مع عمر فى موضوع الجواز للمره التانيه , بعد ما قاله ان مامته مصممه انها تشوفله عروسه
+
جمال : والله يا عمر وما تزعلش مني , الحاجه امك عندها حق , بنتك لازملها ام تراعيها وتخلي بالها منها , اخواتك ومسيرهم هيتجوزو وكل واحده هتكون لها حياتها الخاصه , ووالدتك لو هتعيش انهارده مش هتعيش بكره وربنا يعطيها طول العمر
+
عمر : بس انا مش هقدر يا جمال , بقولك مش هيفع اتجوز غير فاطمه , انت متعرفش كانت عندي ايه
+
جمال : وهي فين ام ملك دلوقتي هاا , والمثل بيقولك الحي ابقى من الميت , وانت بنفسك قلتلي ان وقت تعبها فى الحمل هي اللي طلبت منك تتجوز واديك قافل علي نفسك من وقتها لحد دلوقتي
+
بص عليه عمر وسكت فكمل جمال وقال : بذمتك انت بتلحق تقعد مع بنتك وبتشوف طلباتها , طبعا لا مهو ما نضحكش علي بعض انا يللي متجوز وعندي بيت ما بلحقش اصلا اقعد مع مراتي وبشوف عيالي فين وفين , وانت اكيد نفس الوضع
+
فاسمع كلامك امك واتجوز وهات لبنتك حد يتكلم معاها ويونسها فى وحدتها
+
كان هيتكلم لكنه سكت لما شاف شوقى بيخبط ودخل عليهم وقال : ايه يا ولاد كنتوا بتتكلمو فى حاجه , اطلع بره
+
عمر راح له وقال : لا تعالي يا عمي شوقى , احنا كنا بنتكلم فى الشغل
+
وبره فى الصاله كان احمد بيلعب بمهاره غير عاديه مع محمد وكان هدفه الاساسى هي رهف اللي كانت قاعده جنب والدها ومركزه فى طريقه اللعب وما نكرتش انها اكتسبت خدع كتير من احمد هتعملها بعدين علشان تموت الملك
+
محمد كان متوتر ومركز فى اللعب فقال : شكلك غير ابوك يا احمد فى اللعب طريقتك مختلفه
+
احمد: ههههههههه احنا جيل القرن ال20 يا عمي .. فقام بتهديده باللعب وقال : كش ملك يا عمي محمد
+
محمد باحراج من خسارته قدام احمد قال : احم , هروح اصلي العصر وراجعلك من تاني .. اياك تمشى راجعلك
+
ومشى فعلا محمد وراح ناحيه المكتب
+
احمد ضحك وقال له : هههههههههههه حضرتك الى بتهرب اهو ياعمى
+
محمد دخل المكتب ورهف قامت من على الكرسى وبتحركه لترجعه مكان ما كان فأتفاجئت باحمد وقف بطريقها وقال :جبتى الفستان اللى قلتلك عليه
+
رهف باحراج :على فكره انت جرىء اوى
+
احمد بنظره حب جديده ينظر لها بيها : عشان حبيتك بقيت جرىء
+
رهف شهقت بصوت وقالت : ايه
+
وكان هيرد عليها لكن موبايله رن بنفس نغمتها فقالت برجاء : دى رنه موبايلى ممكن بقه تدهونى
+
احمد: بس ده مش موبايلك دا موبايلى انا بنفس الرنه عشان تعرفى احنا متافقين على كل شى مع بعض
+
واخرج هاتفه وكانت المتصله لمى فاغلق الخط
+
رهف بعصبيه قالت : انا هامشى عشان تعرف ترد براحتك
+
وبالفعل تحركت رهف وصعدت الى غرفتها
+
********ريهام *******
+
وفى غرفه ثانيه فيها الحياه كانت فيها حياه روتنيه , وكانهم مش عرسان لسه راجعين من شهر عسلهم
+
شريف اخرج لعبه من الحقيبه وقال : خدى دى كمان هديه مهند حطيها مع الحاجات بتاعتهم
+
سارا:طيب هات كمان دى بتاعه هدى
+
شريف: اتفضلى
+
سارا: مش دى هديه ملك برضه
+
شريف: اه هى هاروح اديهلها وراجعلك
+
سارا: هو ممكن انا ادهالها
+
شريف: اكيد اتفضلى بس ماتتأخريش علشان نخلص الكلام ده
+
سارا: اوك
+
وسارا خرجت من غرفتها وذهبت الى غرفه ملك وكانت بداخلها بتبكى
+
سارا راحت ليها وخدتها فى حضنها وقالت : ملك مالك حبيبتى
+
ملك :ما بطلتش عياط
+
مسحت لها عيونها وقالت : فى حاجه حصلت حد زعلك
+
ملك بصوت باكى: لا مش حد زعلنى
+
سارا : اومال ليه بتعيطى
+
ملك: عشان بابا سايبنى وقاعد فى المكتب بيشتغل
+
سارا ضمتها ليها وقالت : يا قلبى عنده شغل مهم واكيد هايخلصه ويطلع ليكى
+
ملك: لا هو زعقلى وقالى روحى العبى مع مهند ويوسف
+
سارا حضنتها بقوه وقالت : طيب ماتزعليش يا كوكى شوفى انا وعمو شريف جبنه ليكى ايه
+
ملك مسكتها وبطلت عياط
+
سارا قبلتها فى خدها وقالت : ها ايه رايك يا كوكى حلوين
+
ملك: اه حلوين اووووى هو برضه انتى جبتى لمهند كده
+
سارا مسحت باقى دموعها وقالت : لا يا حبيبتي عشان هو ولد جبتله حاجات ولاد وانتى حاجات بنات
+
ملك قبلتها فى خدها وقالت : انا بحبك اوووووى يا انطى سارا علشان انتي مش نستيني
+
سارا احتضنتها وقالت : وانا كمان بحبك اووووى يا كوكى
+
وهنا دخل عليهم عمر وكان مندهش من وجود زوجه اخوه فى غرفه بنته
+
عمر: احم السلام عليكم
+
سارا قامت من السرير وباحراج قالت وهي بتعدل طرحتها : احم وعليكم السلام ورحمه الله وبركاته
+
عمر: انا اسف ماكنتش اعرف ان فيه حد مع ملك
+
سارا: احم لا ابدا مفيش حاجه
+
ملك جريت علي باباها وقالت بفرحه : بابا شوفت انطى سارا جبتلى ايه
+
عمر طبطب علي شعر بنته وقال : شكرا ماكنش فى داعى تتعبوا نفسكم
+
سارا : احم مفيش تعب ولا حاجه ملك برضه زى بنتى بعد اذنك
+
ملك : رايحه فين يا انطى سارا اقعدى العبى معايا شويه
+
سارا: هاروح اشوف اونكل شريف واجيلك تانى ماشى
+
ملك:طيب مش تتأخرى
+
سارا مبتسمه: حاضر يا كوكى مش هااتأخر
+
عمر فكر فى كلام امه وكلام جمال ان لازم يكون مع بنته حد تاني ياخد باله منها ويحسسها بالحب ويرعاها
+
عمر: يلا عشان نروح ناكل تحت
+
ملك: تؤ هستنى انطى سارا جايه وانزل معاها
+
عمر: حبيبتى هى هاتنزل مع عمك شريف
+
ملك بتحرك كتفها بنفسى وقالت : تؤ هى قالتلى انها هاتنزل معايا
+
عمر اتناهد: يعنى مش هاتيجى معايا
+
ملك: لا روح انت انزل تحت
+
وفعلا خرج وسابها لوحدها وقال بينه وبين نفسه لازم يشوف حل علشان خاطر بنته ما تتعقدش بعدين من عدم الرعايه والاهتمام
+
كان ماشى فلمح اخوه ومراته طالعين من غرفتهم بيضحكوا
+
شريف ولسه ابتسامته علي وشه : عمر ايه يابنى كنت فين
+
عمر بينظر لشريف بدهشه : انا موجود انت اللى فين
+
شريف يرفع له الاكياس بيده وقال : كنا بنجيب الهدايا ليكم
+
عمر: طب انا هانزل
+
شريف: استنى طيب ننزل مع بعض
+
سارا وجهت كلامها لعمر وقالت : هى ملك فين
+
عمر التفت لها بنظراته القويه وقال : جوه فى الاوضه منتظراكى تنزل معاكي
+
سارا: طيب انزل انت ياشريف مع عمر وانا هاجيب ملك واحصلكم
+
شريف غمزها بعني لكن بعيد عن عيون اخوه : طب ما تتأخروش ماشى
+
سارا مبتسمه وكانها نسيت اللى فات : حاضر مش هتأخر
+
وتحت على السفره كانوا الرجال فى الهول الكبير على مائده السفره والحريم فى الغرفه المجاوره على مائده اخرى
+
صفيه: يارا خدى الطباق دي وديها عندهم
+
يارا امتعاض: نفسى اعرف احنا جايبين سعاد ويسريه ليه
+
رهف اجابت بسخريه : ههههههه عشان يشربوا شاء وقهوه يا يارا
+
صفيه: ياسلام عليكم انتم الاتنين بت انتى وهى يلا روحوا وزعو الاطباق
+
بعد ما وضعوا الاكل على المائده
+
يارا : رهف روحى قوليلهم السفره جاهزه
+
رهف: يا فاقيقه ما تروحى انتى ياختى
+
يارا: لا انا هاتتم على الاكل هنا
+
رهف وهى ذاهبه اليهم فقالت بصوت عالي : يووووه اصل مافيش فى البيت اللى رهف
+
خبطت فى احمد بدون قصد وقال : احلى رهف فى الدنيا دى كلها
+
رهف اتحرجت منه وكملت مشى ليهم وقالت : بابا عمو اتفضلوا السفره جاهزه
+
شوقى: ههههههه اخيرا هاناكل
+
محمد: اصل الهوانم بتوعنا قاعدين يرغوا وسايبنا
+
احمد بينظر الى رهف بحب ويقول : لا شكل السفره جنان ... ويمك يداه وياخدصابع ورق عنب وقال بلذه : ولا الاكل ايه حلوه اووووووى
+
رهف ابتسمت بخجل ومشيت
+
يارا: ها يابابا امشى انا بقه اروح اكل ولا عايزين حاجه تاني
+
محمد بينظر الى السفره وبحزن قال : ايه دا هو انا هاكل شوربه بس اومال فين طبق المحشى بتاعى
+
عمر: ما ينفعش يابابا عشان معدتك تعبانه كفايه عليك شوربه الخضار
+
محمد: ومين قالكم انى معدتي تعبانه دى تعبانه من المسلوق اللى باكل فيه ليل ونهار
+
شريف : خلاص يا يارا هاتيلو طبق وفيه صوبعين بس
+
محمد: صبعين بس ليه يا شريف هو انا عامل رجيم
+
وهنا كلهم ضحكوا والجلسه كانت مليئه بالضحك والحب
+
ومر حوالى ساعتين
+
شوقى: بصراحه كان اليوم حلو اوووى
+
محمد:اه والله شرفتوا بجد
+
احمد يرفع شنطه هداياه ويقول : لا والاحلى الهدايا يا بوب جامده اخر حاجه
+
محمد يلكزه بشويش : هو انت كده على طول همك على الهدايا
+
احمد وعينه على رهف من تحت لتحت: اعمل ايه بحبها ياعمى هو حد يكره الهدايا اللي من نوع اخر دي
+
رهف خدت بالها من كلامه بس ما نظرتش ليه وكانت بتكتفى بسامعه وبس
+
سارا: طب خليكم شويه ياماما
+
سهير: سارا ايه انتى عقلتى بقه واتجوزتى بلاش شغل العيال دا وكمان عشان جوزك مايزعلش منك
+
سارا: حاضر
+
يارا: ايه دا هو مهند نام
+
هدى: اه اسكتى يا شيخه نوم الظالم عباده اصله مطلع عينى مدلع بقه هانقول ايه
+
يارا: هههههههههه زى ملك برضه مدلعنها زياده عن اللزوم
+
رهف: طب هاتى عنك يوسف انايمه فى عربيتكم
+
هدى: لا خليكى جمال هايشيله
+
رهف: هههههههههه ياعينى على ابيه هيشيل الهدايا ولا هيشيل يوسف هاتيه بس
+
وهنا شالته ومشيت بيه على السياره ووقفها جمال
+
جمال: هههههههههه ايه اخد الواد وريحه بيه على فين
+
رهف: ههههههههه ما تاخفش انا مش هاخطفه يا ابيه
+
جمال : ولا تخطفيه اتفضلى مايغلاش عليكى
+
رهف: ههههههههه يالهوى لدرجه دى طيب لما يكبر ان شاء الله هاقوله
+
جمال بهزار: هتكونى اتجوزتى وجوزك هينسيكي اسمك اساسا
+
كان احمد واقف بيغلي بالقرب منهم وحاسس بنار قايده جوه منه لوقوف رهف مع اخوه وبيهزرو سوا فقال بعصبيه : طيب اصبحوا على خير بقه
+
شريف: ايه يابنى على فين مسربع كده
+
احمد : اصلى واريا مشوار مهم
+
شريف: دولوقتى انت عارف الساعه كام
+
احمد: شريف بقولك مش هاتبقى انت وابويا وجمال اهدى شويه عليا
+
شريف: ماشى ياسيدى هاهدى خالص لحد ما تهدى انت
+
احمد اتحرك مسرعا ليتحدث مع رهف امام عربيه اخوه
+
ورهف بعد ما نيمت يوسف على الكرسى اتفاجات بااحمد
+
احمد بنظره حب: عقبال ما تيجى معايا على بيتنا قولي امين
+
رهف اتحرجت وقالت : على فكره انت جرىء اوى
+
احمد: بس بحبك يارهف
+
نظرت له وما ردتش عليه
+
احمد بنبره صادقه قال : بحبك وبغير عليكى من الهوا اللى بيحرك طرحتك وبيلمسك وانا لا
+
رهف فى اشد الخجل: لالالا انت مش طبيعى على فكره ولسه هاتتحرك ... مسك يدها
+
احمد: ما تضحكيش مع اى حد تانى زى ما ضحكتي مع جمال اخويا ماشى
+
رهف : طب ممكن موبايلى
+
احمد: تؤ تؤ تؤ مش قبل ما تقوليلى عمله الرنه لمين
+
رهف: طب هات الموبايل عشان بجد محتاجاه
+
احمد: ما قولتلك عايزيه قوليلى وردى عليا
+
رهف بصوت هادى بخجل: على ايه
+
احمد: بقولك ايه بلاش معايا انا بذات الدلع دا انا مش حمله
+
رهف: هههههه طب هاته بقه
+
ولسه هايرد فجاء ابوه وامه من وراه
+
احمد بصوت هادى قرب منها وكأنه بيفتح باب العربيه اللي قدام لابوه : اتصلى بيا بالليل اوك
+
وقبل ما يسمع ردها مشى علي عربيته وركبها وانطلق بها بسرعه
+
رهف فى عقلها الواد دا ايه بالظبط طبيعى ولا مجنون ولا ايه وياترى بيلعب بمشاعرى زى البنات التنين ولا ايه
+
هدى جت من وراها وقالت : رهف انتى سرحانه فى ايه
+
رهف: ها لا ابدا اصبحوا على خير
+
هدى: لو عوزتى حاجه منى بكره عشان الحفله رنى عليا
+
رهف: اوك يا هدهد ميرسى ليكى
+
وفى الفيلا
+
يارا رمت نفسها علي كرسى وقالت : يا انا خلاص مش قادره جبت اخرى
+
سارا: طب اطلعى نامى
+
يارا: مش قبل ما تيجى الست رهف هانم
+
سارا: هههههه اهى جت بتيجى على السيره
+
يارا : وانتى مش هاتطلعى تنامى
+
سارا: نفسى والله انتى عارفه انى ما نمتش كويس عشان السفر والطياره
+
يارا: طب يلا مستنيا ايه
+
سارا: على رايك يلا
+
رهف: انتم رايحين فين وسيبنى
+
سارا: هانطلع ننام هاتيجى
+
رهف: اكيد انا نعسانه على الاخر
+
سارا:طب يلا
+
شريف وهو داخل لقى مراته طالعه مع اخواته البنات علي السلم فقال بسخريه : ياسلام مراتى طالعه تنام مع اخواتى وكأنى مش موجوده
+
سارا التفتت له وقالت : بحسبك مش عايز تنام او ممكن تسهر عشان الشغل
+
شريف بهزار : شغل لا والله ... طيب انا هاطلع انام بالعند فيكى
+
اصبحوا على خير ياجماعه
+
كلهم : وانت من اهله
+
عمر كان جالس مستمع لحديث شريف مع سارا ومن داخله بيتقطع ليه ما يعرفش
+
صفيه طبطبت عليه وقالت : عقبال ياحبيبى لما تتجوز وتطلع تنام مع مراتك
+
عمر بحده : ماما ياريت تقفلى على الموضوع دا
+
عشان انا تعبان ولا اقولك انا هاطلع انام وانيم ملك
+
محمد: يعنى لازم تحرجيه تانى
+
صفيه: يا ابو عمر نفسى افرح بيه انت مش شايف كان بيبص ازاى على اخوه ومراته
+
انا حاسه بابنى ياناس اومال ليه خليت شريف يقعد هو وعروسته فى اوضته عشان مايكنش جمب عمر اخوه
+
محمد: انتى بتتكلمى وكأن الواد ما اتجوزش
+
ابنك اتجوز وحده كان بيحبها وخلف منها كمان فياريت تسكتى خالص بقه ويلا احنا كمان ننام
+
صفيه: والله بكره هيندم علي الوقت ده كله
+
ياترى ايه اللى هايحصل ومال عمر
+
وياترى رهف هاتكلم احمد ولا ايه
+
وسارا هاتتكلم مع شريف فى اللى مضايقها ولا ايه
+
كل هذا هانعرفه فى الحلقات القادمه بامر الله تعالى
+
