رواية الوصية الثلاثية الفصل الحادي عشر11 بقلم سهيلة محمد
___________________________
+
كانت تنظر له بخوف وهي تقول "لا ياسر مش هعرف اطلع السلم رفيع اوي هقع" نظر لها ياسر من فوق بسخرية وهو يقول "يا أروى امسكي في الحديدة كويس واطلعي متشيلناش الله يباركلك"
1
تاففت أروى بغضب ثم حاولت أن تتمسك في السلم وتصعده حتى واخيرًا وصلت لفتحة السطوح ولكن جسدها لم يصعد بالكامل فظلت تنظر حولها ثم استندت على الحديده أكثر وهي تصعد بالكامل الى السطوح، وقفت وهي تنظر حولها بتعجب وهي تقول "انا قولت هطلع الاقي السطوح مليان تراب وفيران! بس ايه ده ده ولا كأنها شقة"
+
فكان السطح كالتالي كبير للغاية ويوجد مثل تندة تغطي الشمس ويوجد أريكة وكراسي عديدة وكان منظم للغاية
6
اقترب منها ياسر وهو يبتسم قائلًا "السطوح ده بيتي التاني كنت بطلع ابات فيه على طول في الصيف، بس انا مطلعك اوريكي الغِية بتاعة الحمام دي"
5
نظرت أروى حيث يشير لتجد غِية وهو بيت الحمام، كان من اللون الاخضر وعالي للغاية بل له سلم أيضًا ابتسمت بانبهار وهي تقول "عمري ما شوفت الحاجات دي" سحبها ياسر بحماس وهو يقول "تعالي نطلع وانا اوريكي كل الحاجات دي"
5
صعدت معه للأعلى بحماس لترى ياسر يقترب من إحدى الاقفاص وهو يخرج بعض الحمامات ويقول "اعرفك عليهم بقى، روئه، وسعدية وساندي"
9
"ساندي؟" قالتها أروى وهي تضحك بعدم تصديق ليضحك ياسر معها وهو يخرج حمامة أخرى بيضاء اللون كان شكلها رائع يمتع الأنظار، لتنظر لها أروى بحماس وهي تقول "دي جميلة اوي"
+
"اهي دي بقى اقرب حمامة ليا في كل التشكيلة دي" قالها ياسر وهو يربت على رأسها بحنان لتقول أروى بترجي "ممكن امسكها؟"
2
أومأ ياسر وهو يبتسم ويضعها على يدها بهدوء لتنظر لها أروى بحماس ثم تسأله "دي بقى اسمها ايه؟؟"
3
"تصدقي لسة ملقتلهاش اسم من يوم ما جيبتها، من كتر ماهي مميزة عندي عايز اختارلها اسم مميز بردو، فانهاردة بقى لقيت الاسم وقررت اسميها"
13
"وهيبقى اسمها ايه؟"
3
انتظرت ايجابته وهي تبتسم بهدوء ولكن تلاشت بسمتها وحل محلها الصدمة عندما قال وهو يغمز لها بابتسامة مشاغبة "أروى" كانت تمسك بالحمامة بين يديها وتنظر له بصدمة بينما هو يبتسم لها بخبث ويقول "مالك تنحتي كدة ليه؟"
7
"اسم أروى عندك مميز ليه؟" سألته بفضول وخجل ليجيبها ببرود وهو يذهب لداخل الغِية مرة أخرى يأتي بباقي الحمام "اصلي كان ليا واحدة صحبتي في أولى ابتدائي اسمها أروى كانت قمر اوي زي الحمامة دي كدة"
5
نظرت في أثره وهي تبتسم وترفع إحدى حاجبيها بتعجب ثم هزت راسها بيأس وهي تنظر للحمامة مرة أخرى وتقول "هو عبيط صح؟"
6
"الله يسامحك" نظرت خلفها بفزع لتجده يقف وهو يمسك بعلم احمر اللون ثم اقترب منها وهو ياخذ الحمامة من بين يديها ثم قام بالقائها للهواء لتفرد جناحيها وهي تطير بحرية، ثم وضع إصبعه في فمه وهو يطلق صفير عالي لترى أروى باقي الحمام يطلق لاجنحته العنان وهو يطير في السماء بطريقة منظمة وكأنهم يعلمون وجهتهم بالتحديد
11
اخرجت أروى هاتفها وهي تقوم بتصوير ما يحدث بحماس وسعادة ثم وجهت الكاميرا نحو ياسر عندما وجدته يقف أعلى السور وهو يجعل هذا العلم الاحمر يرفرف في السماء لتقول بفضول "هو ايه العلم ده بتعمل بيه ايه؟"
1
نظر لها ياسر ليراها تقوم بتصويره ليبتسم بهدوء وهو يقول "علشان الحمام يشوفوا العلم ويعرفوا أني لو صفرتلهم يرجعوا عند العلم ده" ابتسمت أروى وهي تقول "طب انا عايزة اعمل زيك"
9
ابتسم ياسر وهو يهبط من على السور ثم يذهب نحوها وهو يعطيها العلم لتمسكه بحماس ثم تعطيه الهاتف وهي تقول "صورني"
1
ساعدها في الصعود أعلى السور ثم قام بامساك الهاتف وهو يبتسم ويقوم بتصويرها، بينما هي كانت تطلق صفير من فمها وهي ترفرف العلم بحماس لترى الحمام يقترب منها بطريقة منظمة ثم يعود للتحليق للناحية الأخرى
3
"مبسوطة؟؟" قالها ياسر وهو يبتسم ويقوم بتصويرها بينما هي نظرت له وهي تقول بسعادة وشعرها يتطاير اثر الهواء "جدا، بجد شكرا على التجربة الجميلة دي يا ياسر"
11
اغلق ياسر الهاتف ثم وقف بجانبها ويسالها بتعجب "افتكرتك لما تقفي فوق السور هتصوتي بقى وتخافي علشان المكان عالي" حاولت أروى عدم النظر للاسفل حتى لا تخاف ثم قالت وهي تنظر نحو الحمام "طبيعي هخاف لو بصيت لتحت الي هو الخوف العادي بتاع أي بني آدم طبيعي، بس السور عريض وانا مش هبص تحت فالحوار very fantastic"
12
ابتسم ياسر وهو يقول "طب ارفعي العلم جامد بقى" فعلت أروى ما أخبرها به بينما هو قام بإطلاق صفير عالي ليعود الحمام مرة أخرى لبيته الا تلك الحمامة التي تدعى أروى كما أطلق عليها، عادت بين يديه هو كأنها معتادة على هذا ليمسكها ياسر بحماس وهو يقبلها بحنان ثم نظر بطرف عينيه لأروى التي كانت تنظر للسماء وهي تقوم بتصويرها ليقول بخبث "شكلك هتخطفي قلبي قريب يا أروى"
31
نظرت له بصدمة وهي تقول "انت قولت ايه؟؟" نظر لها ياسر ببراءه وهو يقول "في ايه مالك بكلم الحمامة"
9
"اه بحسب" قالتها وهي تبتسم ثم تنظر نحو السماء مرة أخرى بتوتر وخجل وكعادتها تضع يدها على فمها تحاول اخفاء بسمتها ليقول ياسر بهدوء وهو يقفز من فوق السور "سيبيها تطلع بتبقى حلوة"
5
"هي ايه دي؟" قالتها أروى وهي تنظر له بتعجب ليغمز لها بهدوء قبل أن يرحل قائلا "ضحكتك"
15
حاولت استيعاب كلماته لتشهق بخجل ثم قفزت من فوق السور بغضب وما أن خرج حتى قالت بتذمر "انت ليه بتقعد تقول الكلام الغريب ده؟؟"
6
"علشان انا قليل الادب" قالها وهو يبتسم لها لاستفزاز ثم يذهب نحو الأريكة وهو يجلس عليها لتقول أروى بهمس "فعلا والله ومتربيتش كمان"
4
نظرت له بتذمر لتذهب نحوه وهي تجلس على المقعد ثم نظرت حولها لتقول "ياسر انا سقعانة" نظر لها ياسر بنية غير صافية وهو يقول "ما تحترمي نفسك بقى"
42
نظرت له بصدمة وهي تقول "ايه احترم نفسي دي انا قولت حاجة انا فعلا سقعانة وعايزة انزل الشقة تحت" ضحك ياسر على تفكيره وهو يقول "أن بعض الظن اثم، كان نفسي يبقى قصدك حاجة تانية"
17
"حاجة تانية ازاي يعني؟؟" قالتها أروى بعدم فهم لينظر لها بلا اهتمام وهو يقول "متاخديش في بالك تعالي يلا ننزل"
10
_______________________________
+
كان آسر يختبأ خلف بنداري وهو يقول بغضب "يا عم أهدى بقى والله ده هو فنوس الي اتكسر اعملهولك عند اي سمكري مش حوار" بينما جاسر كان يحاول الاقتراب من شقيقه ولكن يمنعه بنداري عن هذا وهو يقول "يابني خلاص بقى فداه العربية"
2
"فداه ايه؟ ده المفروض يفدي العربية بروحه مش يروح يبوظها، منك لله يا آسر الكلب قال وعاملي فيها جاي وانا ماشي على الشوك برجليا وشايل هم الدنيا قولت يا واد خليك حنين واديله العربية في الاخر تجيلي بفانوسها متكسر"
2
"والله ما انا يا جاسر دي اوس اوس هي السبب وربنا" قالها آسر بغضب ليقول جاسر بتعجب "بتتكلم بصيغة المؤنث ليه؟، ومتضيعش الموضوع يا آسر وربنا لاجيبك"
2
كاد أن يقترب من ليبتعد آسر برعب وهو يحتمي في بنداري ولكن فجأة استمع الجميع لنعمة التي خرجت من المطبخ وهي تقول "يلا اتفضلوا الغداء جاهز"
1
ترك بنداري آسر وهو يبتسم ببلاهه ويذهب نحو نعمة ليأخذ منها الإناء الذي يحتوي على الطعام الساخن ليقول وهو يبتسم "معقول جايبة الاكل بنفسك يا آنسة، ما البنات قاعدين"
8
ابتسمت نعمة وهي تاخذ منه الإناء مرة أخرى وتقول "عنك يا استاذ بنداري، وبعدين عيب ده انتم ضيوفي" بينما آسر كان ينظر لهما بتشنج وهو يقول بغضب "بتبيعني علشان تمسك طاجن البامية يا بنداري؟؟"
3
بينما جاسر نظر لآسر بغضب وهو يقول "انا هسيبك بمزاجي، بس وربنا ايدك دي ما هتلمس عربيتي تاني يا آسر الكلب" نظر له آسر بسخرية وهو يقول "بس ياض انا سايبك بمزاجي على فكرة"
3
خرجت منة من المطبخ وهي تحمل الطعام مع والدتها ومع نعمة، وانتبه الجميع لدخول أروى وياسر ليجتمع الجميع على طاولة الطعام ويبدأو في تناوله، لتنظر لهم نعمة وهي تبتسم بحنان وتقول "اول مرة تأكلوا من ايدي بقى بالهنا والشفا"
2
"ومش آخر مرة أن شاء الله" قالها بنداري وهو يبتسم ببلاهه ولكنه شعر بالفزع عندما ألقى ياسر أمامه قطعة دجاج وهو يقول "ركز في الاكل يا عم سنجاري الله يباركلك"
9
أومأ بنداري بخوف وهو يكمل طعامه بينما نعمة ابتسمت بهدوء وهي تقول "ناكل وننزل كلنا نشرب شاي على القهوة تكون اوس اوس جات"
1
"ايه ده هي أوس أوس دي بنت؟" قالها جاسر بصدمة لتومأ نعمة وهي تقول "بنت اه، بس اشطر حرامية في المنطقة اشطر من مليون حرامي بشنب"
1
"ما يجيبها الا ستاتها صحيح" قالتها فيفي وهي تبتسم بخفة لتقول يسرا بصدمة "وايه الي يخلي بنوته تشتغل الشغلانة دي؟"
1
"ده حوار طويل ملناش دعوة بيه" قالتها نعمة وهي تقطع قطعة من الدجاج وتضعها أمام منة وأروى وهي تقول بحنان "كله يا بنات البيت بيتكم، انتم إن شاء الله بايتين معايا انهاردة، ياسر تاخد اخواتك وعم بنداري وتطلعوا على السطوح فوق البت شيماء نضفته الصبح، والستات هيقعدوا معايا هنا"
3
كان آسر يتناول طعامه وهو يشرد بعيدًا عنهم في لقاءه مع تلك التي تسمى أوس أوس تذكر عندما كان ينظر لها بصدمة وهو يقول "أوس أوس الحرامي بنت؟؟"
21
"اقلع بس يا ظريف الكمامة دي وانت بتكلمني كدة" قالتها أوس أوس وهي تنظر له بسخرية ليخلع آسر تلك الكمامة الطبية من وجهه حيث كان يرتديها سوداء اللون لأنها تناسب قميصه وسرواله لتقول أوس أوس بسعادة "ينهار بقسماط، معلم ياسر، لمؤاخذه يا معلم الي ما يعرفك يجهلك ساعتك يا باشا"
12
"بس انا مش ياسر" أنهى آسر جملته لتنظر له اوس اوس بتشنج وهي تقول "هو مش المعلمة نعمة حذرتك مليون مرة يا معلم ياسر متسهرش مع الواد سيد في السايبر بتاعه علشان فاتحه يبيع فيه المخدرات على العيال بتاعة الحارة، تروح تقعد معاه وتشرب كمان يا معلم احنا خايفين عليك والله الصنف بتاعه مش نضيف"
3
نظر لها آسر قليلًا ثم ابتسم وهو يقول "بس انا فعلا مش ياسر انا اخوه آسر" نظرت له اوس اوس تحاول استيعاب حديثه حتى ابتسمت وهي تقول "عرفت انتم بقى عيلته الي ساب الحارة وراحلهم، طب يا خفيف هات الساعة بقى"
4
نظر لها آسر بتعجب ليجدها تسحب الساعة من يده مرة أخرى ثم تخفي وجهها بهذا الشال وتقول قبل أن تخرج من السيارة "بص يا خفيف الظل الي حصل ده لو طلع لمخلوق هزعلك، مش علشان تبع المعلم ياسر هسمي عليك لا اوس اوس مش بيفرق معاه لا حسب ولا نسب امين يابا؟؟"
5
أومأ آسر وهو مازال في صدمته بأنها فتاة ليجدها تغلق باب السيارة بحدة ثم تتركه وتذهب
1
انتبه آسر لصوت جاسر شقيقه ليخرج من ذكرياته وهو ينظر لاخوته وهو يقول "ايه بتقولوا ايه؟؟" ابتسم ياسر وهو يقول "ايه يا عم الي واخد عقلك، سرحان ومش بتاكل ليه؟"
4
وضع آسر الطعام في فمه وهو ينفي برأسه قائلًا "لا مفيش حاجة"
1
______________________________
+
"مهو انا لازم اعرف انت عايزني اعمل كدة ليه؟؟" انهت آمنة حديثها ليبتسم هو قائلًا "وانتي مالك؟ انتي مش هتقبضي على الي هتعمليه ده يبقى خلاص تخرسي خالص"
22
"لا يا حبيبي، ما انت متحطنيش في القفص وتقفله وبعدين ترميلي المفتاح، قول انك بتعمل كدة علشان البت رفضاك وبتتقل عليك" انهت آمنة حديثها ليبتسم وهو يقول "الله ينور عليكي بعمل كدة علشان هي رفضاني، ونبيل السويسي ميترفضش"
8
ابتسمت آمنة بخبث وهي تقول "طب ما تفكك من منة، في بنات كتير يتمنوا منك نظرة واحدة بس، مش زيها هبلة" نظر وهو يبتسم بمكر ويقول "بنات زيك مثلا؟"
3
"مثلا" قالتها آمنة وهي تضحك بصوت عالي ليبتسم نبيل بسخرية وهو يبعد يدها عنه ويقول "بس للاسف يا آمنة مش انتي النوع الي في دماغي وعايزة، اتكلي على الله ولو في جديد بلغيني"
5
نظرت له آمنة بغضب وهي تقف وتسحب حقيبتها وتقول بحنق "ماشي يا نبيل بعد اذنك" نظر نبيل في أثرها بسخرية وهو يقول "اذنك معاكي يا حبي"
2
وما أن رحلت آمنة حتى دخلت بثينة وهي تقول بغضب "قفشوني وكرشوني يا نبيل" نظر لها نبيل وهو يقول "مش مهم الورق بقى معايا وخلاص"
2
"والله؟ وبعد الورق؟ ورث فريدة مخدتوش" قالتها بثينة بغضب ليقول نبيل بملل "انتي مش خدتي ربع مليون عايزة ايه تاني؟؟"
1
شهقت بثينة شهقة شعبية وهي تقول "ربع مليون ده ايه يا عنيا، ده انا بكسبهم في أربع ليالي، فين باقي حقي؟؟" ابتسم نبيل ببرود وهو يقول "بقيت حقك ابقي خديه في الآخره بقى يا بوسي"
1
"اخرة ده ايه، ما انت هتبقى في جهنم" قالتها بثينة بغضب ليبتسم ببرود وهو يقول "اه ومتخافيش هقابلك هناك، ساعتها ابقي خدي حقك بقى"
4
"لا بقولك ايه ده انت مجنونة يا نبيل، انا مش باقية على حاجة ووعهد الله لو ما خدت بقيت حقي لاحبسك" صرخت بها بثينة لينظر نبيل خلفها وهو يقول بخبث "سيمبا حبيبي انت جعان؟ اجيبلك لحمة من الفريزر؟"
4
ثم نظر لها وهو يغمز لها بخبث "ولا تحب تاكل لحمة طازة" نظرت بثينة خلفها لهذا الأسد برعب لتقول بغضب "ماشي يا نبيل، انا همشي بس انا وانت والزمن طويل يا ابن السويسي"
5
"اتفلقي يا روحي" قالها ببرود وهو يضع عقب سيجارة في فمه ويشعله بالقداحة لتنظر له بغضب وهي تتركه وتذهب لينظر في أثرها وهو يخرج دخان من أنفه وفمه قائلًا بملل "الستات دول كائنات مستفزة"
40
_________________________________
+
كانوا يجلسون على ذلك المقهى لتقول منة بتعجب "هو مش المفروض القهوة الي في الحتت الشعبية دي بتبقى للرجالة بس يا طنط نعمة؟؟"
1
"اه يا روحي طنط، بس انتم حاجة تانية انتم تبع المعلمة نعمة والمعلم ياسر، يعني تقومي اي حد من هنا وتقعدي انتي اعتبري بطن البقرة بتاعتك" أنهت نعمة حديثها ثم صاحت بصوت عالي "واد يا بندق رص الحجر يلا"
2
ابتسم بنداري ببلاهه وهو يقول "ما شاء الله bad girl" انتبه آسر لحديث بنداري ليضحك بهدوء وهو يهمس له "تتكل على الله يا بنداري ونطلب ايديها من ياسر؟"
4
"هصلي استخارة الاول" قالها بنداري وهو يبتسم ببلاهه ثم أدرك ما قاله لينظر لآسر بحدة وهو يقول "ولد احترم نفسك مفيش حاجة من الي في دماغك دي"
9
كانت فيفي تنظر حولها ثم نظرت لنعمة وهي تسألها بفضول "الا يابنتي الفرخة البلدي هنا بكام؟" نظرت لها نعمة وهي تقول "الكيلو باتنين وخمسين يا حاجة"
15
ابتسمت فيفي بحماس وهي تقول "اهو شايفين، مش عندنا في التجمع الفرخة بسبعين، اهو انا بحب الحارات الشعبية علشان كدة فيها توفير عالي" كانت أروى تنظر لكل الذي يوجد حولها بقرف وعندما أتى لها الصبي الذي يعمل في المقهى نظرت له بفزع وهي تقول "انت مش شغال في الكافية ده؟ مش لابس ال inform بتاعك ليه؟؟"
8
نظر لها الصبي وهو يفتح فمه ببلاهه ليقول ياسر بسخرية "أروى فوقي انتي في حارة بطن البقرة مش كافيه انتخه الي في مدينة نصر" تاففت أروى بتذمر من الأجواء ثم قالت "عايزة كابتشينو ويكون في كوباية بلاستيك مش ازاز الكل بيشرب منها"
4
نظر لها الصبي ببلاهه ثم قال بغضب "جرا ايه يا معلم ياسر انت جايبها من طيارة امريكا على هنا ليه؟؟" نظر ياسر للصبي بملل وهو يقول "اعملها كيس كوفي ميكس من ابو اتنين جنيه"
13
نظر الصبي لجاسر الذي قال بهدوء "عايز كوباية يانسون" أومأ الصبي ثم نظر لآسر الذي ابتسم ببلاهه وهو يقول "عايز شيشة زي طنط نعمة"
7
نظرت يسرا لآسر بغضب وهي تقول "شيشة ايه يا آسر صدرك يا حبيبي انت كنت بتموت من دخان الكبريت" تأفف آسر بملل وهو يقول "هات شاي وحط عودين نعناع فريش"
8
مفيش صاحب بيتصاحب
مفيش راجل بقى راجل
هنتعامل ويتعامل
طلع سلاحك متكامل
هتعورني اعورك
هنبوظلك منظرك
34
صدحت تلك الكلمات بموسيقى صاخبة وسماعات تصدر ذبذبات قوية جعلت الجميع ينتفض بفزع ولم يكن سوا توك توك صغير اقترب منهم بتلك الأغنية توقف التوك توك لتهبط منه اوس اوس
5
نظر الجميع لاوس اوس بصدمة ماعادا ياسر ونعمة، وآسر الذي للتو تعرف بها
2
بينما الباقي نظروا لهيأتها بصدمة فكانت ترتدي سروال واسع قليلًا ومعطف جينسي وتضع شال فوق راسها يغطي شعرها ورقبتها بالكامل فكانت تشبه الصبية من يراها يشك أنها فتاة
3
اقتربت اوس اوس بمرح من ياسر ولكنها توقفت فجأة وهي تقول "مين فيكم المعلم؟؟" كاد آسر أن يتحدث لتقاطعه اوس اوس "اكتم انت ياض وربنا ما هديك الساعة"
7
ثم نظرت مرة أخرى لجاسر وياسر لتشير نحو ياسر وهي تقول بمرح "اكيد انت يا معلمي باين من الهيبة" ابتسم جاسر باحراج وهو يقول "ربنا يكرمك"
11
بينما ياسر ابتسم برتحيب وهو يقول "اخبارك يا اوس اوس" سحبت اوس اوس إحدى المقاعد وهي تجلس وتقول "مضلمين من بعد يا معلمي والله، ما انت عارف الي فيها بقى انت الي كنت واقفلي"
1
"واد يا بندق كوباية شاي مظبوطة ياض" صاحت بها اوس اوس ثم ابتسمت وهي تشير للفتيات "مين الكتاكيت؟؟"
1
"طنط يسرا مرات ابويا يا اوس اوس وفيفي جدتي ام ابويا، واروى ومنة ولاد طنط يسرا" قالها ياسر لتبتسم اوس اوس وهي تقول "منورين المنطقة وربنا"
3
ثم نظرت نحو بنداري وهي تقول بانبهار من أناقته وبدلته "ومين الباشا؟ المحافظ ده يا معلم؟" ضحك الجميع بهدوء ليقول ياسر "لا يا اوس اوس ده عم سنجاري صاحب ابويا الروح بالروح"
2
نظرت له اوس اوس بتعجب وهي تقول "ايه السنجاري ده يا معلم، اخر مرة سمعت عنه كان مع الرينجا في شم النسيم" نظر لها ياسر بقرف وهو يقول "متهزريش تاني يا اوس اوس مش لايق عليكي وربنا"
5
"يا معلمي احنا بنحاول نفك الأجواء علشان منتخنقش كلنا" قالتها وهي تضحك بهدوء ثم نظرت نحو نعمة وهي تمسك بكوب الشاي بعدما أحضره الصبي وهي ترتوي منه وتقول "اؤمريني يا معلمة خدامتك"
1
ابتسمت نعمة وهي تقول "بصي يا اسراء..." قاطعتها بغضب وهي تقول "وليه الاسم الي يسد النفس ده بس يا معلمة ما انتي عارفة مبحبوش"
46
بينما آسر ابتسم بتعجب من تلك الفتاة الغريبة، شخصيتها ملابسها طريقتها وحتى اسمها، اسمها جعله يقول بدون شعور "اسراء وآسر"
50
انتبه جاسر لشرود آسر ليلكزه بهدوء وهو يقول "فوق ياعم مالك" انتبه له آسر وهو يقول "لا مفيش مستغرب شخصيتها بس"
5
"كلنا مش انت لوحدك" همست له منة لتقترب منهم أروى وهي تقول "البنت غريبة جدا بس بصراحة اسمها حلو احلى من اوس اوس ده"
6
أومأ آسر ثم انتبه لياسر الذي ختم حديثه وهو يقول "بس يا اوس اوس، احنا بقى عايزينك تجيبلنا الورق ده من خزنة بيته واحنا هنبقى معاكي"
1
نظرت له اسراء بتفكير ظل لثواني ثم ابتسمت وقالت "امرك يا معلم ياسر، بص الطالعة دي هاخد فيها عشرة بلبل" اومأت أروى وهي تقول "ماشي دول يعملوا كام بالمصري؟؟"
4
"استني انتي بس يا أروى دلوقتي، عشر الاف ليه يا اوس اوس انتي هتسرقي مدير بنك، ده نبيل نتانه" قالها ياسر بغضب لتقول اسراء بملل "يا معلم انت عارفني لو عليا اعملكم الطالعة دي ببلاش وفوقيها بوسة، بس دي مش حسبتي وانت عارف، وبعدين دي مش سرقة محل ولا عربية، دي سرقة خزنة في فيلا يعني المفروض بخمستاشر بلبل بس انا الي موَجبة معاك"
6
أومأ آسر وهو يقول "خلاص يا آنسة اسراء هنديكي ال" قاطعته اسراء وهي تقول بغضب "ياض ده انا مخليتش المعلمة تقولها هتقولها انت، اسمي اوس اوس يا خفيف الظل"
5
"بس اسراء احلى على فكرة" قالها آسر وهو يبتسم لها باستفزاز لتنظر له اسراء بتشنج وهي تقول "ما تشوف الي تبعك يا معلم ياسر"
2
همس ياسر لآسر سريعًا "قولها يا اوس اوس علشان هي مش بتحب اسمها فعلا" نظر له آسر بتذمر وهو يقول "بس اسراء احلى"
5
"يا عم وانت هتناسبها ما تقول اوس اوس وانت ساكت" قالها ياسر بغضب ليصمت آسر بلا مبالاة بينما اسراء وقفت وهي تقول "معلش يا معلم ياسر نتفق على التفاصيل بليل علشان الواحد فاصل كنت في شغل مطلع عيني"
3
"الله يكون في العون فعلا انا شاهد على الشغل الي تعبها ده، دي كانت بتجري جري" قالها آسر بسخرية لتنظر له اسراء بقرف وكادت أن ترحل ولكن أوقفها صوت آسر الذي قال "بقولك يا اوس اوس انتي هتاخد تسع آلاف وخمسمائة جنيه"
+
"والخمسماية التانيين راحوا فين يا خفيف الظل" قالتها أوس أوس بغضب ليغمز لها آسر وهو يقول "هنخصمهم نصلح بيهم فانوس عربية جاسر الي انتي كسرتيه"
1
نظر له الجميع بتعجب بينما اسراء ابتسمت بغضب وهي تقول "انا مش هرد عليك لأجل المعلمين الي قاعدين دول، يلا مساءكم بقسماط يا معلمة نعمة"
2
نظر الجميع في أثرها لتقول يسرا بصدمة "دي بنت؟؟" ابتسمت فيفي وهي تقول بسخرية "هي تقريبًا فاهمة مثل بنت بمئة راجل غلط"
1
ابتسمت نعمة وهي تقول "سيبكم انتم من كل ده، منورين الحارة والله، بقولك يا منة مش انتي يا حبيبتي بتحبي ترسمي؟" ابتسمت منة بحماس فهي قد أخبرتها عندما كانوا يقفون في المطبخ بهوايتها للرسم لتقول نعمة بحنان "طب شايفة حيطة القهوة البيضة دي قومي سلي نفسك وارسمي فيها الي انتي عايزاه اعتبريها قهوتك"
2
وقفت منة بحماس وهي تذهب نحو نعمة تقبلها من وجنتها وهي تقول بسعادة "انتي عسل يا طنط نعمة بجد" نظر جاسر لنعمة بتشنج وهو يقول "تخش تقف وترسم في القهوة ازاي يعني وسط الرجالة دي كلها يا طنط؟؟"
16
ابتسمت نعمة وهي تقول "بس كدة؟ ولا يهمك يا حبيب طنط، واد يا بندق" اقترب الصبي من نعمة سريعًا لتقول هي وهي تبتسم "خمس دقايق القهوة دي تبقى فاضية حتى انت متقعدش فيها لحد ما الآنسة تخلص الي هتعمله جوا"
10
ابتسمت منة بحماس وهي تقول "جاسر تعالى معايا" وقف آسر وهو يقول باحراج "اكيد قصدك آسر بس غلطتي في النطق صح؟"
11
"اترزع انت انا قولت جاسر" قالتها منة بغضب ليعدل جاسر من وضع نظارته باحراج ليقول آسر بتشنج "وليه جاسر إن شاء الله مش انا اخوكي ولا ايه؟؟"
10
"يا سيدي عايزة أوري جاسر رسمي علشان هو انبهر بيه الصبح واهو بيديني طاقة إيجابية مش زيكم اول ما اوريكم اي رسمة تقولولي شاطرة ويلا امشي من هنا" قالتها منة بغضب ليقول جاسر باحراج "تمام هاجي معاكي"
2
ابتسمت منة وهي تسحب أروى أيضًا وتقول "تعالي انتي كمان معايا" ذهب جاسر وأروى مع منة للداخل بينما نعمة ابتسمت وهي تقول "تعالوا احنا ندردش شوية لحد ما تخلص"
4
_________________________________
+
كادت اسراء أن تصعد لعمارتها ولكنها توقفت فجأة وهي تستدير للخلف تركض نحو رجل كبير في السن يجلس جانب محل عطارة يستند على عكازة وعندما وجدها تقترب منه ابتسم بحنان وهو يجدها تقبل يده ليقول "انا بردو استغربت أن اوس اوس تطلع بيتها كدة من غير ما تعدي عليا الاول"
1
"وانا اقدر بردو ولا يجيلي نوم كدة من غير ما اعدي على ابويا الي مربيني" قالتها اسراء وهي تسحب مقعد لتجلس بجانبه بينما هو ابتسم بحنان وهو يقول "انا قولت بردو اني مربي تربية عالية مش هتسيبني كدة"
16
ابتسمت اسراء وهي تخرج زجاجة مشروب غازي وتقوم بفتحها وهي تقول "اخبارك يا عم عوض واحشني والله بقالي سبع ساعات مشوفتكش" ابتسم عوض بحنان وهو يقول "بقيت كويس اول ما شوفتك كويسة يا اسراء يابنتي"
1
ابتسمت اسراء بحنان وهي تقول "تصدق وتؤمن بالله، انت الوحيد في العالم ده الي لما بيقولي اسراء بحبها منه، بالك انت لو حد تاني قالهالي اشقه اه والنعمة زي ما بقولك"
12
ابتسم عوض ثم حاول الوقوف لتساعده اسراء سريعًا ثم تجده يدخل للمحل وهو يفتح الثلاجة التي توجد بداخله ويقول "انا بقى يا اسراء قعدت مستنيكي من الصبح مش راضي اكل غير لما تيجي، عاملك بطاطس مسلوقة بشوية بهارات هندي هتمزجك"
4
ابتسمت اسراء بحنان لهذا الرجل الذي احتل مكان كبير في قلبها وكأنه والدها لتقف سريعًا وهي تمسك من الطعام وتضعه على تلك الطاولة الصغيرة ثم تجلس الخبز وهي تقول "شوف انا شبعانة، بس هاكل علشان الاكل من ايدك انت"
1
"أيوة شجعيني كدة، ده انتي الي بقيالي من بعد ما عيالي رموني ولا سألوا فيا" ختم كلماته تزامنًا مع هبوط دمعة من عينه دون أن يشعر لتنظر له اسراء بحزن وهي تربت على يده بحنان "مالك بس يا عم عوض فرفش كدة، عيال مين هو انت عندك عيال غيري وانا معرفش لا كدة اغير خلي بالك"
4
"انا فعلا اكتشفت اني معنديش عيال غيرك يا بنتي، كلي كلي وقولي ايه رأيك في البطاطس" أنهى عوض حديثه لتقطع اسراء قطعة من الخبز وهي تغمسها في البطاطس ثم تاكلها لتقول بتذمر مرح "ليه عملتها بايدك انت بس يا عم عوض اهي طلعت مسكرة بسبب أن ايدك اتحطت فيها"
9
ضحك عوض بخفة ومرت دقائق بينهما في الحديث المرح ومشاغبة اسراء له ثم انهت طعامها وهي تقف تنفض يديها وتقول "يلا استاذنك انا بقى يا عم عوض علشان اتاخرت"
1
"اذنك معاكي يابنتي ربنا يبارك فيكي ويجعلك في كل خطوة بركة وسلامة ويرزقك بابن الحلال" ابتسمت اسراء وهي تقول "ما بلاش ابن الحلال الي في الآخر دي يا عم عوض خلينا كدة حلوين لا عايزين ابن حلال ولا ابن حرام"
5
"بشوقك، بكرة يدخل واحد حياتك يخليكي انتي الي تدعي يكون هو ابن الحلال" أنهى عوض حديثه لتبتسم اسراء بياس على حديثه ثم تركض نحو بيتها
24
وقفت اسراء أمام باب منزلها لتحاول أن تهدأ من روعها وهي تاخذ شهيق وزفير عالي ثم وضعت المفتاح داخل الباب وهي تفتحه بهدوء ثم دخلت للمنزل وهي تلقي المفتاح على الأريكة وتخلع حذائها وما كادت تدخل حتى استمعت لأكثر صوت تبغضه "ما لسة بدري يا ست اوس اوس"
2
تاففت اسراء بغضب وهي تقول "جرا ايه يا مرات عمي مش انتم الي طلعتوني الطالعة السودة دي، اديني كنت هتكشف" اقتربت منها زوجة عمها والتي تدعى وفاء لتقول بغضب "لا يا حبيبتي واحنا معندناش بنات ترجع الساعة ستة المغرب، مش معنى ان شكلك ميقربش للبنات ببصلة يبقى تدوري على حل شعرك لحد ما الشمس تغرب"
22
"وايه لزمته الكلام ده يا مرات عمي؟ وبعدين ما مرام بنت بترجع تسعة بليل ومحدش بيتكلم" قالتها اسراء بغضب لتشهق وفاء بحركة شعبية وهي تقول "مرام بنتي يا حبيبتي ست البنات ترجع متأخر براحتها حبيبتي ربنا يعينها في كليتها اخر سنة وتتخرج، مش زي ناس"
11
قالت آخر كلماتها وهي تنظر لها بسخرية لتقول اسراء بغضب "ما بلاش التلقيح الي ملوش لازمة ده يا ام رضا، الناس دول انتي الي بنفسك زنيتو على ودان عمها علشان يقعدها بشهادة إعدادية ولا ناسية؟؟"
3
"لا يا حبيبتي مش ناسية، وانتي فاكرة أننا هنفضل نصرف عليكي لحد الكلية كمان؟ ده كتر خيرنا يا حبيبتي أننا خلاناكي تاخدي الإعدادية مش الابتدائيه، ولا انتي فاكرة نفسك هتيجي حاجة جنب ظفر مرام بنتي" أنهت وفاء حديثها لتغمض اسراء عينيها بغضب ثم تركتها وهي تقول بصراخ "اتمسي يا مرات عمي علشان مش ناقصة"
7
دخلت اسراء لغرفتها وهي تغلق الباب خلفها بقوة ليصدر صوتًا عاليًا جعل وفاء تصيح صوت عالي "ارزعي ياختي ارزعي رزعوا في وشك باب الرحمة"
11
كانت اسراء تغمض عينيها بألم وهي تستمع لكلمات زوجة عمها المؤلمة التي تطعن قلبها، للتنهد بحزن وهي تنظر حولها لتلك الغرفة الكبير التي تحتوي على فراش كبير ملك مرام ابنة عمها، بينما هذا الفراش الصغير الذي يكاد يكون مُحَطم أرجله ملكها هي، رغم أن هذا بيت والدها من الأساس وليس عمها ولكن كيف يتركون لها حقها
8
تنهدت بحزن وهي تذهب نحو المرآه تقف أمامها وهي تخلع هذا الشال عن رأسها تخلع ربطة شعرها وهي تترك له العنان لتبتسم بهدوء وهي تاخذ محرمة مبلله تخص مرام لتمسح بها وجهها جيدًا، ثم أمسكت بعلبة كِريم مرطب للبشرة لتضعه على وجهها وهي تبتسم بهدوء، ثم أمسكت بمرطب الشفاه وهي تضعه على شفتيها وكان من اللون الوردي فاعطاها مظهر جميل وهادئ، وضعته أيضًا على وجنتيها وهي تقوم بتوزيعه على وجنتيها لتصبح محمرة بشكل خفيف وجميل وكأنه طبيعي وليس صناعي
10
ابتسمت وهي تنظر لهذا الثوب المعلق والذي يكون ملك مرام، كان ثوب من اللون الاسود طويل يناسب المحجبات لتبتسم اسراء وهي تأخذه لترتديه
4
ثم قامت بأخذ فرشاة وهي تقوم بتمشيط شعرها ولكن فجأة توقفت عندما علق المشط في منتصف شعرها لتحاول اخراجه ولا تستطيع لذلك صرخت بغضب "ده مش شعر ده سلك مواعين وربنا، انا مني لله مش بسرحه اول باول واستاهل"
29
اخذت حوالي ربع ساعة حتى انتهت من تمشيط شعرها لتفرده بهدوء وهي تقول "ماهو ناعم وحلو اهو، ما احنا لو نسلكه كل يوم ونهتم زي البنات"
5
ولكنها توقفت فجأة وهي تنظر لنفسها ولمظهرها بعدها انتهت لتهبط دمعة بدون شعور من عينيها وهي تقول "وهو احنا بنات يا اوس اوس؟ والله قربت انسى الأنوثة من كتر ما بيدفنوها"
9
تنهدت بألم ثم نظرت حولها بخوف وهي تذهب نحو فراشها لتهبط أسفل الفراش وتخرج علبة خشبية صغيرة لتفتحها وتبتسم بحنان عندما تجد اسورتان من الذهب ملك والدتها، ثم أخرجت صورة والدتها وهي تبتسم بحنان وتقول "وحشتيني يا هدى، من بعد يا ماما وانا مقتوله بالحيا"
9
نظرت لصورة والدها لتبتسم بحنان ولم تشعر بدموعها التي هبطت بحزن وهي تقول "سيبتني لاخوك يابابا علشان يحافظ عليا ويربيني مع بنته؟ اهو رباني يابابا، رباني على السرقة والنصب، دفن اسراء بنتك الرقيقة، وخلى مراته تطلع شخصية تانية اسمها اوس اوس علشان متبقاش ظاهرة ولا احسن من بنتهم، اديتني لاخوك وكنت فاكر أن هو الامان بس طلع هو الشر والنار الي كنت بتحاول تحميني منها، روحتوا وسيبتوني لوحدي لدنيا قاسية، بس تعرف اوس اوس احسن بكتير، عارف من غير اوس اوس دي كان زماني مقتولة من الدنيا دي ، الدنيا الي مش بترحم اي بنت لوحدها ملهاش ضهر، وانا من بعدك ضهري اتكسر"
7
انهت حديثها وهي تمسح دموعها بألم ثم تضع الصورة مرة أخرى وتخرج هذا الهاتف الحديث الذي اشترته باموالها الخاصة بعدما حصلت على عمل شريف في إحدى المطاعم كنادلة بعيدًا عن تلك الأموال التي تجلبها من السرقة وتعطيها لعمها، ولكن ليس بإرادتها حتى هذا العمل الذي كان يجعلها تحصل على أموال حلال، عندما علم عمها به جعلها تتركه
11
وقفت بحزن ثم ذهبت نحو المرآة وهي تفتح الكاميرا وتقوم بتصوير نفسها، كم هي تشبه الفتيات الرقيقة، كم هي جميلة رقيقة الملامح
3
انتهت من التصوير ثم قامت بخلع تلك الثياب وارتدت ثيابها، ثياب اوس اوس
5
انتفض جسدها بفزع وهي تلقي الهاتف عندما شعرت بأحد يفتح الباب لتشهق بخضة عندما تجده ابن عمها لذلك جلبت خمار سريعًا وهي ترتديه تخفي شعرها وتصرخ "جرا ايه ياض مش فيه باب تخبط عليه قبل ما تدخل؟؟"
5
ابتسم رضا ابن عمها والذي يصغرها بثلاث سنوات وهو يقول "عرفت انك جيتي انهاردة قولت اجي اشوفك، وحشتيني" نظرت له اسراء بغضب وهي تقول "وحشتك عقربة يا بعيد ولدعتك بسِمها غور من هنا"
5
اقترب منها رضا وهو يغلق الباب خلفه ويبتسم قائلًا "في ايه يا اوس اوس مش ناوية تحني عليا يعني؟" نظرت له اسراء بعدم تصديق وهي تدفعه للخلف وتصرخ به "يابني فوق بقى ده انا اكبر منك، امشي من هنا يا رضا بدل ما وربنا ما هيحصل كويس في ام الليلة دي"
3
اقترب منها رضا أكثر وهو يقول "وليه نمشيها ليلة قاسية لما ممكن نمشيها ليلة هادية وقمر كدة" وكادت يده أن تلمس وجهها ولكن أمسكت هي يده قبل أن تصل لوجنتها وهي تقول "اطلع برة يا رضا بدل ما احسر امك عليك انهاردة"
1
"تحسري مين يابت انتي عبيطة" قالها رضا بغضب وهو يدفعها للخلف لتنظر له اسراء بغضب ووعيد
9
_________________________________
+
كانت منة تقوم بالرسم والألوان قد لطخت قميصها بالكامل بينما أروى تجلس بجانبها بملل وهي تقرأ في روايتها وتقول "اخلصي يا منة بقالنا ساعة"
2
نظرت لها منة بتذمر ثم نظرت نحو جاسر وهي تقول "ما تيجي ترسم معايا؟" نظر لها جاسر بتعجب وهو يبتسم بهدوء ويقول "بس انا مبعرفش ارسم"
1
"مش مهم تعالى اعمل اي حاجة حط بصمتك معايا كدة" أنهت حديثها لينظر لها بصدمة من حديثها ليبتسم بعدم تصديق وهو يقول "وده اشمعنى يعني؟"
3
"علشان انت اكتر حد حسسني اني برسم حلو، وبصراحة اكتر حد بآمنله وبحكيله مصايبي من غير ما ابقى قلقانة منه رغم أن بقالنا مع بعض شهر بس تقريبًا بس اقولك، بقيت my best friend"
18
أنها حديثها بحماس طفل حصل على صديقه للتو، هكذا شعر جاسر ليبتسم بإحراج وهو يقف ويذهب ليقف بجانبها وهو يفك ازرار اكمام قميصه ثم يقوم بازاحتها للخلف وهو يقول "ها عيزاني اعمل معاكي ايه؟؟"
4
ابتعدت منة للخلف قليلًا ثم نظرت للحائط الذي قامت برسم وجه عشوائي فوقه وكان هذا الوجه لشخص طبيعي ولكن بداخله يوجد افكار كثيرة شوشت عقله، لذلك جعلت العقل وكأنه يتحول لهيئة شريط ثم يخرج من هذا الشريط موسيقى، وكانت تضع الوان عشوائية فكان المظهر رائع جعل جاسر يبتسم بانبهار وهو يقول "الفكرة والتعبير عنها تحفة، بجد برافو عليكي كل مرة بتبهريني اكتر"
2
ابتسمت منة بسعادة وهي تقول "بجد حلوة؟؟ حلوة يا أروى؟" نظرت أروى للرسمة لتبتسم بهدوء وهي تقول "جميلة يا حبيبتي، انا هطلع اشوف ماما"
3
خرجت أروى لتنظر منة في أثرها بغضب وهي تقول "اهو ده الي باخده، الي يقولي حلوة والي يقولي جميلة تسلم ايدك وبس، مفيش اي تعبير عن الانبهار بشغلي"
8
"انا هعبرلك، بجد برافو عليكي انتي شاطرة جدا ولو اشتغلتي على نفسك هتبقي حاجة كبيرة اوي" قالها جاسر وهو يبتسم بهدوء لتتسع بسمة منة أكثر وهي تقول "طب يلا حط بصمتك معايا في الرسمة مليش دعوة"
3
"طب اعمل ايه؟" قالها جاسر بجهل لتفكر منة قليلًا ثم ابتسمت بحماس وهي تمس بلوح خشبي تمزج بداخله بعض الألوان الكثيرة وهي تقول "الحمدلله اني كل ما بنزل بجيب شنطة الضهر بتاعتي فيها الواني وكل حاجة خاصة بيا"
3
انهت حديثه ليجدها جاسر تمسك بكف يده لينظر لها بتعجب تحول لصدمة عندما وضعت يده على الألوان لينظر لها بعدم تصديق وهو يقول "ايدي باظت!!'
5
اومأت منة بحماس وهي تضع يدها هي الأخرى ثم سحبته نحو الحائط وأسفل الرسمة وضعت كف يدها على الحائط ثم نظرت له ليفعل المثل ليبتسم بياس على أفكارها تلك وهو يضع يده بجانب يدها ثواني ونزع كلا منهما يده لتترك يديهما بصمة بالالوان العشوائية على الحائط لتبتسم منة بحماس وهي تقول "شوفت بس كدة حطيت بصمتك معايا"
6
ابتسم جاسر وهو يعدل نظارته ويقول "انا ايدي باظت وهاخد وقت وانا بشيل الالوان دي، بس مادام اتبسطي خلاص فداكي" ابتسمت منة بدون شعور وهي تقول "شكرا يا جاسر"
5
"على ايه؟" سألها بحيرة لتبتسم بخجل وهي تقول "شكرا انك من يوم ما دخلت حياتنا وانت جنبي بدون مقابل، حتى أول مقابلة بينا ساعدتني فيها حتى لو كانت مساعدة تافهه انك تطلعني من المرسم، بس كانك حد الواحد كان مفتقده في حياته وجيه فجأة، الواحد كان مفتقد حد يشجعه على اي حاجة بسيطة يعملها، كان مفتقد حد يحكيله كل حاجة بدون قلق أنه في اي وقت يروح يحكي لامه أو اخوه، حد متاكده وانا بحكيله هينصحني ولو في مشكلة هيقف جنبي وبدون مقابل، انت عملت كل ده وبدون مقابل وبدون ما تعرفني يعني معرفتنا لا زالت مش اوي، انت بالنسبالي الصاحب الجدع الي كنت بدور عليه"
15
انهت حديثها الذي جعله يفتح عينيه بصدمة وهو يحاول إقناع أذنيه أنهما استمعان لهذا الحديث، يحاول إقناع احباله الصوتية الا تتوتر الآن وتخرج اي صوت ينهي هذا الصمت
7
ولكن لم تستطع أحباله الصوتية ارضائه بالكامل حيث قال وهو يبتسم باحراج "العفو"
15
نظرت له منة بتشنج من هذا الرد البسيط الغريب من وجهه نظرها، ولكن قاطع كل هذا استماعهم لصوت صراخ عالي ثم انتبهوا لركض ياسر ونعمة وخلفهم باقي العائلة ليركضان للخارج خلفهما
1
ركض ياسر حيث تلك المشاجرة ليقول بملل "كالعادة اوس اوس ورضا"
3
كانت اسراء تقف في منتصف الشارع وهي تصرخ بغضب "بقى انا يا قصر الديل يا ازعر تحاول تتهجم عليا، ده انا بص هديك بوكس يتففك صف سنانك" كان رضا يقف أمامها ويوجد جرح في عينيه ليطلق آسر صفير عالي بانبهار وهو ينظر نحو اسراء بصدمة
1
بينما وفاء صرخت في نصف الشارع بتمثيل متقن "الحقونا يا ناس، بتستقوى على ابني الي كان غرضه شريف وعايز يتجوزها ويسترها ويداري فضيحتها وهي بترجعلنا كل يوم في انصاص الليالي والله اعلم بتروح فين وعند مين"
13
نظرت لها اسراء بصدمة وهي تصرخ "اخرسي قطع لسانك، الحارة كلها عارفة مين هي اوس اوس، الي مفيش دكر يقدر يرمي عليها السلام بطريقة متعجبهاش، ولا بلوتكم هتبلوها بينا"
7
نظر لها رضا بغضب وهو يقول "يبت اقصري الشر بدل ما هخلي فيكي حتة سليمة" ابتسمت اسراء بسخرية وهي تقول "لو دكر وريني اخرك"
1
كاد رضا أن يقترب منها بغضب قد اعماه ولكن فجأة وجد من يمسكه ليقول بصراخ "سيبني يا معلم ياسر بنت عمي وبربيها" نظر له ياسر بغضب وهو يقول "تربيها دي لما تبقى اختك ولا بنتك، لكن دي متقربلكش علشان تمد ايدك عليها، وبعدين مفيش راجل يمد أيده على ست"
11
وعندما تحرك ياسر لليسار قليلاً استغل رضا هذا واقترب من اسراء مرة أخرى وهو يسحبها من شعرها ليجد مرة أخرى من يمسك به ويقول بغضب "هو مش قالك مفيش راجل يمد أيده على ست، ولا البعيد عارف ومتأكد أنه مش راجل"
14
نظر رضا ليد آسر ثم نظر لياسر ثم نظر لجاسر بصدمة ولكنه لم يبالي وهو يدفع آسر للخلف بغضب وما كاد يقترب من اسراء حتى وجد لكمة قوية تصدم وجهه كانت بواسطة آسر الذي قال بغضب "لا ده البعيد مش راجل ومبيفهمش كمان"
9
صرخت وفاء بغضب وهي تقول "جرا ايه يا معلم ياسر انت جايب جماعتك وجايين تتلموا علينا يا اخويا؟ وبعدين دي مشاكل عائلية ابني وبيربي بنت عمه" وقفت اسراء خلف نعمة وهي تقول بغضب "والعيلة دي انا متبرية منها يا مرات عمي وانا في حمى المعلمة نعمة والمعلم ياسر والي هيقرب مني وعهد الله لارتكب فيه جناية"
2
نظر رضا لآسر بغضب وهو يحاول لكمه ليمسك آسر يده بمهارة ثم يصدم جبهته بجبهه رضا ويقوم بلوي ذارعه للخلف، لتصرخ وفاء بشكل مزعج
4
بينما رضا عندما لكم آسر بغضب صرخ به ياسر وهو يخلع معطفه ليكون عاري الصدر ثم يمسك رضا وهو يقول بغضب "لما شيطانك يوزك تضرب اخوات ياسر الخواجة يبقى اتجننت يا رضا"
24
أنهى حديثه وهو يلكمه بغضب ليخلع جاسر نظارته وهو يقترب من رضا ثم قام بلكمه وهو يشعر بالغضب عندما وجده يلكم شقيقه أمامه بينما آسر ابتسم بحماس وهو يقول "الزاوية الخارجة الي تقرب من مثلث متساوي الاضلاع، تستحمل القسمة المطولة"
61
أنهى حديثه وهو يضربه مرة أخرى بينما توقف الجميع فجأة عندما استمعوا لهذا الصوت "البس تيشيرتك لتستهوى يا سي ياسر"
36
نظرت أروى نحو ياسر بتشنج وهي تقول بسخرية "لا البس تيشيرتك علشان كدة قلة ادب ياسي ياسر في ستات واقفة" كان ياسر ينظر نحو شيماء بقرف ولكن عندما استمع لصوت أروى نظر لها بابتسامة بلهاء
16
وقاطع كل هذا عندما عادت الأجواء مرة أخرى واقتراب رجل كبير يدعى حسن ولم يكن سوا والد رضا وعم اسراء، اقترب ليسجل ابنه سريعًا وهو يقول بخوف "حقك عليا انا يا معلم ياسر، عيل ومش فاهم معلش"
2
ارتدى ياسر معطفه بهدوء وهو يقول "ابنك يبقى تربيه ياعم حسن، اوس اوس واخد حقها بهدوء وقاعدة صفا، لكن اخواتي ويبقى فيها دم ولا يهمني حد"
7
مسح رضا الدماء من جانب فمه وتغلب شيطانه عليه ليقترب من اسراء مرة أخرى وهو يسحبها من شعرها ويقول "وحياة امي ما هسيبها"
10
وتلك المرة من اقترب منه عوض الذي لكمه بعكازه بغضب وهو يقول "ارحمها من شرك يا عديم الاخلاق والدين" نظر له رضا بغضب وهو يدفعه بحدة حتى وقع عوض ارضًا تزامنًا لصراخه به "ملكش دعوة يا راجل يا خرفان انت"
5
وما كاد ياسر أن يقترب منه بغضب حتى استمع الجميع لصراخ اسراء التي قالت "لحد ابويا ولا يا ابن ال...." انهت حديثها وهي تكسر زجاجة كاملة فوق راس رضا لتنزف الدماء بغزاره وهو يصرخ ويمسك رأسه بألم لتصرخ والدته برعب
13
بينما آسر نظر نحو اسراء وهو يقول بصدمة "دي فتحت دماغه؟"
33
______________________________
+
"تحب مين فيهم" قالها وهو يجلس ويبتسم بهدوء ليبتسم هيثم بحقد وهو يقول "عايز واحد بس، جاسر"
8
"والي يخليك تطلع روحه بسهولة؟" أنهى حديثه وهو يستند بذراعيه على المكتب ليبتسم هيثم وهو يقول "اديله اي فلوس يطلبها"
15
"تؤ، الفلوس كدة كدة هاخدها، انا عايز حاجة تانية" نظر له هيثم بفضول وهو يقول "وايه هي الحاجة التانية؟"
2
"الحماية، الجماعة الي انت شغال تبعهم، ابقى في حمايتهم، تضمنلي ده رقبة جاسر تبقى عندك في الوقت الي تحدده" غمز له في آخر حديثه وكأنه يخبره أن عرضه هذا مغري ولا يحتاج لاي مجهود
3
بينما هيثم نظر له بتعجب وهو يقول "وهتستفاد ايه لما تبقى في حمايتهم؟ هو مين الي معاديك علشان تحتاج حد يحميك"
2
"مش بتاعتك، انا مش بس بدور على الفلوس، الي قبل الفلوس السلطة، وبما أن السلطة مبتجيش غير بالفلوس فنتكلم عن الفلوس شوية، ناوي على كام"
3
"الي تطلبه، مادام فيها رقبة جاسر بعد ما البحث يبقى في أيدي يبقى الي تطلبه هيبقى في ايدك"
8
"حلو، يبقى كدة نودع اول ضلع من المثلث" أنهى جملته وهو ينظر للسلاح الذي يوجد أمامه ويبتسم بسمة لم يخرج منها إلا الطمع للسلطة
21
___________________________
+
فهمسة اللقاء تترك القلب يئن لوعة لرؤياك، وعندما رآك لم يقل اضطراب القلب بل زاد شوقًا، فكيف السبيل للنجاة وقد غرقت سفينة قلبي بين امواج عينيك
3
وفي النهاية دعوني أخبركم
"أن المغامرة لم تنتهي بعد.."🤍🫀
3
