رواية مقبرة الاحياء الفصل العاشر 10 بقلم سارة جعفر
مقبرة الأحياء
بين الفقرات عشقي 
..
..11
غريب أنتچي على البيبان محد يدري برسومي
أنا المنسي أنا التعبان أنا الملتم سواد الدنيا بهدومي..
30
-كلارة: شهگت من باوعت للتلفون ويَـ حرّ وشفت صوره لوردة طايحه بمكان ما أنتبهت اله بگد ما أنتبهت لملامحها، وجها مورم وكله كدمات وجروح يخوفن عيونها ثنينهن مورمات بشكل مو طبيعي وجفنها صاير أزرگ وعلى خدها طبع أحمر چنه چويه ما أدري شبي خدها، هدومها متشگگه عليها ومتروسات بدمها وقميصها الأبيض صاير أحمر من كثر نزف دمها!!
87
ماكو جزء بيها خالي من التعذيب حالتها ما تنوصف ولا تنشرح مخيفه لدرجه أول ما شفت الصوره ما عرفتها هاي وردة متشوها ومتغير وجها وملامحها كلهن وآثار تعذيب بكل وجها وجسمها وشعرها متگطع وصاير كفشه كل جزء بالصوره يصدم..
36
جرن دموعي مصدومه والولد تقربو بسرعه يردون يباوعون للتلفون لأن جفلو والوجوه صوفرت من شافو حالة حرّ وحالتي شلون تغيرنا، بس حرّ بسرعه نزل التلفون وقفله علمود محد يشوفها لأن شعرها كله طالع وجسمها مبين نصه لأن هدومها متشگگه عليها.
52
ديرتنا مو ديرة گبل ضلت حديقه بلا ورد..
78
گعد بالگاع بمكانه ما گدر يتحرك خطوه وحده، وجهه مصوفر وشاحب وعيونه أنترسن حزن جامد بمكانه ما مستوعب الشافته عيونه راحتله فجر تبچي وگعدت بصفه تحاچيه وكلهم يسولفون وياه بس يردونه ينطق حرف واحد ماكو، حرّ أبو لسان نبلع لسانه وسكت گاعد بمكانه حيله مهدور ومصدوم!
42
التمو عليَّ كلهم رياگهم يبست بس يردون واحد من عدنا ينطق، وانه أبچي وبنص شهگاتي وخوفي نطقت
-وردة .. وردة
5
أشهگ وآشرلهم على تلفون حرّ بهتت وجوهم وفجر تريد تسيطر على دموعها ماكو تبچي مقهوره وأنه أحچي حرف حرف وأشهگ بالنفس وبواچيي
-معذبينها وردة معذبينها، ميته!!!
41
الصدمه أحتلت وجوه الكل اليحبها واليكرها، كلهم جمدو ما متوقعين، فجر ضلت تبچي مفرفحه عليها وانه دموعي يصبن وأرجف ومنظرها ما يروح من بالي گعدنا بصف حرّ اللي ما يگدر يگوم بعد والولد أنخبصو بيناتهم بس يردون حرّ ينطق ويعرفون ياهو سوى بيها هيچ أو شلون وصلتله كلهم يحچون سوى..
4
قادر: يردون فديه؟ ننطيهم مالنا وحلالنا وكلشي عدنا.
فقار: لا لا ما أظن فديه، خاف واحد يكره حرّ ويريد يضره بيها!
20
جسام: خل نسوي حل چا شني نضل گاعدين!
11
كل واحد يحچي بجهه ومحد مفتهم شي، هوسه وخبصه كلشي ما مفتهمه وما مركزه ويَـ واحد غير حرّ صافن بالفراغ ساكت وهادئ بس عيونه تسولف حزنه الولد بالهول كلهم وأحنى گاعدين على جهه والبقيه كلهم مخبوصين ويسولفون سوى يردون يلگون حل وچانت ويَـ الصوره أكو رساله بس ما أعرف أقرأ أنه وحرّ ما سولفها لأحد ولا جاب طاريها بس هوَّ شافها..
32
جدتي خاتون ما تگدر تگوم من غرفتها مره چبيره وروحها فرفحت تسمع لكلامنا وما بيها تگوم وتخبلت على حرّ طگت فخذها تصيح
-ولك يمه حرّ يمه تعالي ولك ليش تفرفح گلبي عليك!
14
ما رد ضل ساكت مدنگ وما منتبه لشي وهِيَّ تصيح
-يمه يبعد أهلي تعال حرّ يمه..
13
فجر مسحت دموعها بحزم وجرته من أيده
-گوم حرّ لا يصير بيها شي من خوفها عليك!
وجدتي من صوتها مبينه جاي تبچي وگلبها مجمر
-ولك راح تطگك جلطه يمه تعال حاچيني
17
باوعتله فجر تبچي ميته قهر تريده يگوم بس هوَّ ما چان مركز هِيَّ صايحته أصلاً، گام من مكانه بالگوه لأن حيله مهدود مشى يجر بروحه جر لغرفة جدتي خاتون رجليه غاديه خيوط ومدنگ راسه والحزن تارس ملامحه رحنا أنه وفجر وراه للغرفه أول ما طبيت شفت جدتي خاتون تبچي وحاطه شيلتها على حلگها وحرّ گاعد بصفها وصافن باله مو ويانا
8
گعدت فجر بصفه وأنه رحت يمها باوعتله وگالت
-حرّ شني الحل؟ شيريد هذا
ما رد حرّ بقمة ضايعه هسه، فجر صفنت عليه بخوف
-حرّ أحاچيك؟
8
رمشت وباوعتله بتركيز وخوف وهمست بتردد
-تعرف ياهو السوه بيها هيچ؟
2
باوع عليها ونزل عينه مدنگ يجر حسرات
-ياريت ما أعرفه..
44
كلنا سألناه بخوف عن الشخص الخاطف وردة وجدتي لازمته تتوسل بي علمود يهدي روحه لأن راح ينجلط وهوَّ ساكت وصافن حرف ما نطق بس مبين يفكر وباله مشوش صورة وردة ما جاي تفارگ بالي كل ما أتذكر شكلها وشلون مدمرينها أموت قهر.
4
فجر لزمته من أيده تحاچيه بخوف
-حرّ شمالك فدوه أروحلك سولف!!
رفع عينه لعينها يسولف بهدوء أول مره أشوفه عد حرّ
-خذاها صالح..
42
جمدت بمكانها صافنه عليه شهگت جدتي
-يااااع يمه شجابه الملطوم هذا!!!
11
التفت عليها وحچه بتعب
-يدري بيَّ أنه چتاله راد يچتلني وأنه بالسجن بس ما گدر لأن يدري نهايته على أيدي وهسه يحوم الخنيث يريد يلوي ذراعي بوردة..
20
مسح وجهه مهدود حيله
-خذاها يريد يلوع گلبي عليها.
54
عگدت حاجبها فجر بأستغراب وخوف
-شرجعه مو چان شارد؟
7
-نار تسعر بگلبي نار شبت بضلوعي، الخنيث يريد يلوي ذراعي بيها والله لو چاتلني ولا طاخها..
36
كضته جدتي من أيده بخوف
-ولك يمه دير بالك على روحك، صالح نگس يريد طيحتك.
6
-جده يا روح فهميني يا روح تردي أدير بالي عليها، البت من وراي صار بيها الصار لو ما أنه چا ما متگرب الها ولا طاخها، محد يوصللها بس كله مني، ياهو يطب حياتي لازم تنهدم دنيته فوگ راسه..
39
ضلينا وحده تباوع بوجه الثانيه وهوَّ أحس گلبه نهدم وروحه طفت، جدتي مسحت وجهه بچف أيدها المتروسه تجاعيد وبصوت حنين تسولف وياه
-جده چا أنتِ بأيدك؟ غير صالح نگس وكل خير ما بي
17
رفع عينه الها يباوعلها عيونه حمر
-ياريت جايلي زلمه لـ زلمه مو لاوي ذراعي بناسي..
31
عفتهم يسولفون وطلعت مختنگه دموعي ما ترضى تكف، وهوَّ مقهور وروحه ممرده مرد وأول مره أشوفه هيچ منهار بعد ما طلع من السجن چان طول الوكت وبكل المواقف والظروف جبل ثابت ما يهزه ريح بس اليوم أحسه ضاع خلاف وردة.
11
ولا بعدك شفت راحه
عشت جندي بحــرب ومضيع سلاحه..
مسحت وجهي وجريت حسره أباوع بيتنا مگلوب گلاب نسوان وزلم كلهم واگفين بدون أكل ولا نوم وماكو على كل لسان غير أسم وردة محتارين بالصار وياها ومفجوعين وگفت على صفحه روحي خاويه وعيوني ذبلانه وأسمع مهامس نسوان بالمطبخ رحت مستغربه لأن قبل شويه فجر چانت هناك كل ظني تعاركن وياها شهگت من شفتها طايحه ومغمى عليها!
17
جسام لازمها أيد لامها من الگاع وأيده الثانيه يطگ على خدها يصيح
-فجر.. فجر
13
رحتلها بخوف گعدت يم رجليها وعيوني يهملن بدموعي عليها وعلى حالتها ومنظرها الشگ گلبي، طايحه بس لامتها أيد جسام رفع راسه شافني صاح يستعجلني
-ماي ماي كلارة جيبي ماي
2
بسرعه جبتله ماي وهوَّ أخذ بچف أيده ومسح وجها وهِيَّ حالها ما يتفسر الوجه شاحب ولونه يحير العين وشفايفها بيض والتعب مبين بوجها مسح وجها بچف أيده والقلق يحوم عليه وعيونه تباوعلها بخوف
6
النسوان نصهن هنا ويتهامسن بيناتهن على فجر ويتهمنها أتهام مو حلو لأن جسام حاضنها وهوَّ ما منتبه لروحه وأول مره هيچ يصير قريب منها بس لأن فاقد ومن خوفه عليها يريد يطببها لگلبه..
19
فتحت عينها ببطئ جفنها ثگيل وبالگوه ترمش باوعت لجسام وهمست
-حرّ راح لصالح؟
13
رحت بسرعه جبتلها گلاص ماي وهِيَّ عدلت روحها وبالگوه گعدت وهوَّ ساعدها قدمت الها الگلاص وشربته بأيد ترجف بحيث حتى الماي تبدى عليها گلت بخوف
-أسم الله شبيچ؟
وهِيَّ بعدها تباوع لجسام رجعت التفتت عليَّ بقلق
-كلارة حرّ وينه!
2
مسحت على چتفها بأيدي واحچي وياها بصوت ناصي
-لا تخافين بعده موجود بالبيت، شبيچ طحتي؟
8
سكتت مدنگه عينها أنه من خوفي عليها سألتها بس كلش زين أدري ليش هيچ تدهورت حالتها رغم هِيَّ الدوم بينا متماسكه، فجر نهارت من عرفت بصالح ماخذ وردة لأن تكره صالح كره بس الله يعلم بيَّ..
27
فجر أكثر وحده تأذت من صالح بعد حرّ، وكل ما تسمع بأسمه تتدهور حالتها وترجع ذاكرتها لذكريات مؤلمه لحد هسه ما متخطيتهن كزبر جلدي ودمعت عيني من تذكرت فجر شلون تأذت من صالح الطاغيه وبياه طريقه
64
ميفيد إذا أستغفرت لو بخرت ثوبك
شطيـن كوثر عذب ما تغسل ذنوبك.
31
التفتت على صوت جسام المتروس خوف وقلق
-شمالچ فجر راح تموتين؟
هزت راسها مدنگه والغصه خانگتها تعصر بأيديها
-ما بيه شي..
ما صدگ بيها جسام لأن يدري كلش زين شنو صاير بيها من وره صالح عيونه تگطر محنه عليها
-لا تخوفيني عليچ أروحلچ فدوه
19
-لا تخاف ما بيه شي والله
-طيحتچ مو مال ما بيچ شي أريد أطلع وبالي يمچ!
-روح جسام والله ما بيه شي، بس فدوه حرّ شراح يسوي؟
-ما أدري والله أنتِ خليتني أندل دربي، نلچم گلبي بطيحتچ
30
يسولف وياها بس ما منتبه للعيون المركزه بالحرف اليطلع من حلگه، مسح التراب من هدومها لأن متلفات يمكن من طايحه، وبصوت ناصي بينه وبينها گال
-لا يضل بالچ يم حرّ، أنه أصير ظله بس ديري بالچ على روحچ راح تموتين فجر!
7
هزت راسها وهوَّ گام طلع من المطبخ صفنت مضيگه عيني معقوله صدگ جسام يحب أختي، لأن وضعه وتصرفاته وحتى نظراته فاضحته ضليت بحاله أستغراب وگعدت أفسر حركاته وتصرفاته وكل مواقفه السابقه والله يحبها صدگ شو ما منتبها أنه!
55
ضليت گاعده يم فجر ما فارگتها لحظه من خوفي عليها وهِيَّ بس تبچي بهدوء بدون صوت مسحت على أيدها
-أنه متأكده حرّ ما يرد للبيت إذا مو وردة وياه..
3
رفعتلي عيونها حمر وشرايين البيهن مبينات
-كلارة جاي تستوعبين أحنى بياه مصيبه؟ المصيبه هاي محد راح يطلع منها سالم وردة وحرّ وحتى صالح محد بيهم يطلع سالم نسيتي حرّ صارله أشگد منتظر هاي اللحظه ١٥ سنه، ١٥ سنه كلارة، سنه تجر سنه هوَّ ماكو على باله غير ثاره واليوم رايح علمود ياخذه..
16
بلعت ريگ وصفنت بالفراغ بخوف
-يمه يعني شنو راح نخسره مره ثانيه؟
-گلوبنا تنفجع بي..
5
-بس هوَّ باله هسه ويَـ وردة
-يمكن وردة يردها سالمه النا بس هوَّ مو سالم.
لا تفكرين هيچ بلكي عسى ولعل
-خاف چان عندي آمل هسه نگطع، صالح شوغ حرّ بأعزاز گلبه وهاي مو أول مره، حرّ ما راح يتصرف بعقلانيه من خوفه يخسر وردة مثل ما خسر ناسه القديمه گبلها..
34
متت من القهر عيوني تصب بدموعي أمسحهن ويردن ينزلن خبصة بيتنا كلها فصل عنها عقلي من يتردد كلام فجر براسي أصعب يوم چنه خايفين يجي وأجه نفجعو من سمعو صالح الماخذها وتخبلو زلمنا، حرّ طب لغرفته ظهره مكسور ورجليه ميتات وبالگوه يمشي عليهن..
5
أباوعله من باب غرفته شد چفيته على ظهره متحزم بيها، وهاي عاده حيل متوارثه عدنا الزلمه من ينهد حيلهم وتنكسر ظهورتهم بحيث ما يگدرون يمشون گد ما ينحني ظهرهم يشدونه بچفيه لو بحزام لو بشي ثاني يسندون طولهم ويقوون روحهم بي..
22
طلع وسلاحه بأيده وصارت هوسه غريبه بره، وزلمنا كلهم طبو لجوه كل واحد طلع سلاح ما أدري إذا عرفو مكانها لو شنو الوضع والهوسه بره صارت فضيعه!
جسام سلاحه بأيده يريد يطلع راحتله فجر
-جسام أوگف
التفت عليها عاگد حاجبه
-ها فجر
وگفت گدامه تعصر بأيديها
-دير بالك على حرّ فدوه هسه هوَّ فاقد خصوصًا السالفه بيها صالح عقل ما يضل براسه دوم خليك يمه وبلكت تلگون وردة دورو عليها بكل مچان أروحلك فدوه.
1
-صار بعيني.
-ودير بالك على روحك..
42
أبتسم هز راسه وطلع رغم الوضع شلون متعب وهوَّ ميت من التعب والعصبيه بس حچايتها فرحت گلبه وشلون خايفه عليه چن ملك الدنيا واگفه أنه على جهه أعصر بأيديه بخوف على حرّ و وردة الثنينهم حياتهم بخطر كلهم طلعو ما عدى ولد صمد لؤي ومشتاق، وبلال أبن گاطع ضلو بالبيت ولا تحركو ولا طلعو ويَـ الزلم بس وائل أخذ سلاحه وأجه يطلع ويَـ زلمنا الباقين!
25
بلقيس تخبلت عقل ما ضل براسها
-وائل يمممه تعاااال وين رايييح؟؟
6
التفت عليها والسلاح بأيده
-ويَـ حرّ.
21
جرت السلاح من أيده خازرته
-نچب وأگعد هنا، المن رايح وياه علمود يكتلك صالح؟؟
تنرفز وأخذ السلاح منها
-يمه شني السالفه هسه وكت طلايب ما تشوفين الوضع!
3
عگدت حاجبها وخزرته تزمخ بعصبيه
-وائل لا تسودنني شمالك ولك شو گلبت شني ما رايد روحك لو ما تدري بصالح؟ خريج السجون المسودن ما گادرله أنتِ تگدرله!
6
خزرها ضايج محتقن وهز راسه
-يمه شما يصير گعدتي مو حلوه هنا لازم أهد وياه..
24
جرت السلاح من أيده مره ثانيه تصيح
-نچبببب حسك ما أريد أسمعه وطلعه ما تطلع
10
فرك وجهه بعصبيه، يگدر يجر السلاح منها بسهوله وياخذه بس ما راد ياخذه منها بالگوه أو تتعور من يجره منها باوعلها ورفع أيده يأشر
-أنطيني السلاح يمه
6
طگت گصتها بكل قوتها
-ولكككك شماااالك شجاااك، المن رايح لصخام وجهي خليها تولي نعلى على والديها يابو صالح وياها شني أنه ما أريدك وأطيك للگاع؟
11
-ما يصير شي يمه صلي على محمد وانطيني السلاح
-ما أنطي لو على موتي تطلع منا، صفيت ويااه هااا يَـ وائل ولك مساع تغلط عليها!!
6
حتى أنه ضليت بحالة صدمه شماله هذا منين أجته المحبه لحرّ ووردة
-صحيح أنه ما چنت أوگف وياهم بس أنه لا أريد مضرتهم ولا أريد منفعتهم ومن غلطت عليها كل ظني رايحه برضاتها ما عبالي مخطوفه من صالح، ولا متعذبه هيچ بلأخير تضل عرضنا وغاليه علينا وحده من حرمنا..
82
ننصبت فاتحه عد بلفيس شخطت تدگ وتلطم ما راضيه شلون أبنها وگف بصف حرّ، زلغت خدودها
-گلبووووك ولك يمه گلبووك بيمن تفيدك؟
يمه رحمه لأبوچ أنطيني السلاح الزلم راح يرحون!
-ويروحون للگبور شلي غرض روحه ماكو، خل تولي طبها مرض هِيَّ وأخوها.
6
-مو زعطوط أنه كااافي يمه كااافي تحچين صدگ أنتِ؟ حرّ شامخ كل عمره وزلمه باد حيله وما گدرت تعينه رجليه وظهره نحنى من شاف حالها ووضعها يمه ما يصير شما نتعارك ما توصل بيَّ أتمنى أذيتها!!
59
ما أدري شنو التغير بي بس حيل أستغربت منه ضليت بس صافنه عليه وبلقيس گطعت روحها وزلغت وجها ولطمت ودگت وأخذت السلاح علمود ما يطلع ولا يروح بس هوَّ قفل وما أهتم وراد يطلع..
14
التفتت على صوت صمد يصيح
-عوفيه خل يهد ويَـ أبن عمه
-راضييي راضي على سوايته؟
-سبع خل يروح.
25
صمد مو جديده عليه دوم يحب يتباها وهسه من رضى على وائل يروح، علمود شوفوني أبني سبع بس الحيرني وائل وتغيره غريب وبلقيس ماتت ولؤي ومشتاق بصفها يغلطون على وائل ما راضين
14
مشتاق: ولك رايح وياه تهد ويَـ عدو أخوك!
13
لؤي: المن صاف وياهم؟ شمالك وائل تخبلت
1
ما رد عليهم أخذ سلاحه وطلع ويَـ زلمنا وطبت زهراء بأيدها أبنها شايلته وجون يمشي بصفها لازمته بأيد والأيد الثانيه مغطيه وجها بالعبايه لأن الزلم بره ملحمه صايرين طبت مفرفحه أجت عليَّ
-ولچ صدگ السمعته؟؟؟
25
هزيت راسي وهِيَّ طگت خدها چانت عد أهلها ومن سمعت بالسالفه ردت، طبت لجوه لفجر تسولف وياها وبيتنا مخبوصين خبص وشويه وسمعت أصوات زلم بره صارت هواي وأصوات مو زلمنا وسيارت وهوسه بسرعه صعدت لفوگ علمود أگدر أشوف شكو
1
صعدت لغرفة ضيغم طفيت الضوه وأباوع من الشباك لأن صاير مقابيل بابنا كلش واشوف براحتي وكل مره نريد نشوف نجي لغرفته ديرتنا أنترست سيارات سياره سافطه وره سياره الشارع كله متروس سيارات وزلم هواي ما أعرفهم!
4
عگدت حاجبي ومن شفت حرّ راحلهم وتسالمو عرفتهم أصدقائه بس نصدمت دوم چنت كل ظني أخوي وحيد لا أخو عده ولا صاحب يهد وياه طلع عنده أصدقاء قيامه سدو الشارع بسياراتهم وكل واحد سلاحه بأيده وأسمع هوستهم وسوالفهم لأن أصواتهم كلهم عاليه..
وزلمنا كلهم وياهم ومسلحين، وأنتبهت لواحد يحچي ويَـ حرّ واگف بصفه قريب منه ما شايفته من گبل عيونه خضر وشعره كيرلي مدگدگ مثل حرّ
-أزلام أحنى عد عيناك للموت ودينا.
123
بالفزعه خوش أزلام حطنه على يمناك
وما نسأل على الصار حگ باطل وياك
43
التفتت على باب غرفة ضيغم من أجاني جون فحطان
-عمتي فجر تگول تعاي أنزلي
7
هزيت راسي أي وهوَّ ضل يلعب بالغرفه يمي ردت أنزل بس منظرهم حيل شدني وضليت واگفه أباوعلهم مستغربه لأن أول مره أشوفهم هوسه وسوالف وزلم هواي وأبو عيون الخضر واگف بصف حرّ مقرب روحه يشاور حرّ!
22
التفتت على صوت باب الغرفه جمدت بمكاني من شفته ضيغم عاگد حاجبه وسلاحه بأيده حطاه على الچربايه والتفت عليَّ يباوعلي بضوجه
-ها كلارة شتسوين هنا؟
-ما أسوي شي.
-تباوعين للزلم من الشباك شني ما تسوين شي؟
-وأنتَ شعليك عسما أركض بالشارع
17
-خاب أحمدي ربچ هسه السالفه گابه چا حطيتچ وكتلچ وعلي.
4
-خوش
-عود شني ماخذتني على گد عقلي؟
-لا
2
-ترى جاي أحچي صدگ عيب تباوعين للزلم!
-خوش
2
-ما تستحين بله شافچ واحد!
-ترى ما مبين مني شي الضوه طافي
-المن تبصبصين على الزلم؟
-ردت أشوف طلابة حرّ وين وصلت
-چا اله تباوعين للزلم؟
20
-خايب أنتَ والله بطران أنه شاب راسي من وره السالفه ومحترگه بس أريد أشوف وين تاليها وأنتِ بالك وين!
-بويييه شفت أستهتار بس مثلچ ما شفت..
20
جون عين عليَّ وعين على ضيغم من أحچي أنه يباوعلي ومن يحچي ضيغم يباوعله وضال صافن علينا لحد ما صرخ بعصبيه
-أهوووو شبيكم!!
كفخه ضيغم على راسه وزمخ
-زلمه چيس حب، چا راضي ولك عرضك تباوع من الشباك؟
-گلتلها عمتي فجر تگول أنزلي ما رضت
-مستهتره.
3
فريت أيدي وغميت جون ردت أطلع التفتت على صوته
-تعاي تعاي بله أنتِ شعدچ يوميه بغرفتي؟؟؟
9
-مو ميته عليها كاتله روحي غير غرفه الملك
-اللسان بطول النعال
3
-يعني جاي أشوف منها شمسويه!
-تطبيلها أكثر ما أطبلها أنه أربعه وعشرين ساعه بيها
6
-ما خذتلي وصله من الگاع شهل بخل!
-مو بخل بس أنتِ سويتها بلايه ملح
1
-هسه على حورها هِيَّ غير تلعب سبع أرواح كاتلها الوصخ.
1
-إذا نباگ مني شي أذبها براسچ دوم بيها أنتِ
-خاب لا تبليني بسوالف ماصخه!
-تگعدين بيها أكثر مني منو يگول ما تبوگيني؟
-شبوگ خشبات جربايتك لو كنتورك
-شمدريچ ما عدي فلوس هنا
5
-وينهن؟
-ها شني ناويه تسطين عليهن!
11
-هسه عوفك من غرفتك
-شتردين؟
-هذا الواگف يم حرّ ياهو؟
-هواي واگفين يمه تقصدين ياهو؟
-شعره أندومي وعيونه خضر
49
-وسم ومرض چا أنتِ واگفه تباوعين للزلم لو للسالفه!
-هسه شحچينا زلمه نريد نعرفه شيقرب لأخوي
7
-نچبي خرب عينچ شلون ركزتي بعيونه خضر قناص
-هسه غير تحچي ياهو هذا
-وعلي فلا أگلچ.
لا تگول أسأل غيرك
-وهيچ مهم تعرفينه ياهو؟
-خايب أنتَ بطران وعلي بطران ويني وين هاي السوالف عمي أحنى وادم عدنا مصاب نلطم على روسنا..
21
عفته وجريت جون ونزلت لجوه أمشي وأدردم عليه وهوَّ ضل صافن وراي مستغرب عليمن لعلعت صوتي عليه وأسمعه وراي يغلط عليَّ محروگ گلبه بس ضل بالي هذا الزلمه ياهوَّ معقوله صاحب حرّ المقرب يبو همزين والله فرحت چا چنت ميته قهر عبالي وحيد طلعت أنه الوحيده عمي.
20
الدنيا كلها مصاحبه أخوي الشارع كض بالزلم، أخفف عن روحي بالحچي أطب وأطلع أتعارك وأسوي أي شي بس أريد الوكت يگضي لأن كل ما أفكر بالموضوع أنرعب أكثر لحد هسه أنه ما مستوعبه وردة ماهِيَّ بيناتنا ولا حرّ يدور على صالح وعبالك قربت نهايتنا گعدت بصف فجر ساكته وسارحه بمكان ثاني..
2
-وردة: أسمع دگات گلبي بآذني أحس حتى عقلي تشوش من شفته جر الحزام وعيني جمدت على أيده أطرافي يرتعشن وحيلي كله أنهدر شهگت بخوف وتوسعت عيني برعب وهوَّ يرفع الحزام ويطگني بكل قوته صرخت متعوره وبأيدي الطگاني بيها أنكثها بوجع وروحي فرفحت من القهر..
27
أبچي ودموعي ينزلن شلال على وجهي وأنكث بأيدي ويرد يطگني بغير مكان بجسمي وأتلوى من الوجع أكثر وأصرخ بوجع وقهر رفعت أيديَّ گدام وجهي أحمي روحي وتشوغ روحي بكل طگه يطگنياها
-يا **** موت أموتچ اليوم.
23
دمعه وره دمعه تنزل من عيني گلبي مفطور مثل الحياطين القديمه، ما أدري شلون مرن عليَّ لحظات الضرب هاي بس حسيتهن سنين مو دقايق شرايين رگبته تريد تنفجر ويصرخ بكل علو صوته
-سووووولفي سولفييييلي تسوويين الگلته لوو لاااا؟
7
يحچي ويأشر بحرگه ومن ما يسمع من عدي رد يرجع يطگني وأنه ملتهيه بوجعي متعوره، يرفع أيده البيها حزام لفوگ حيل ويجلدني بي ما أدري شافني گدامه حرّ لو شنو وضعه لأن طريقه طگه الي مرعبه ومخيفه بحيث ما أدري الدم منين يصب أحتاريت بياه وجع أحتار وشلون أخلص روحي منه!
1
-خاف ظنچ متسبعه بي؟
-كاااافي الله لا يطيك راح أموووت
-خايبه وذر أگطعچ وردة ما تطلعين منا سالمه..
13
يطگني طگة ظالم ويغلط ويفشر على حُرّ وأهله وأمه مفرفح يغلط ويسب حتى بيَّ، صرخت متعوره بوجع لأن الحزام أجه على رگبتي من كل گلبي صيحت متعوره وأبچي وصوت بواچيي يفزز الميتين بس ما فزز محنة أهلي الواگفين بره يتسنطون لتعذيبه الي.
بچيت مقهوره وهوَّ جرني يهز بيَّ
-منين جايبه هاي الصلاااافه أنتِ منين گليلي؟؟؟
3
ما رديت محتاره بوجعي وأبچي متعوره
-عوفني صالح عوفني والله ما أنطي بَـ حُرّ لو تنحرني..
39
جرني من شعري لفوگ يطگ بوجهي راجديات شوغت روحي
-أگضيچ گضياااان والخلقچ
6
الشهگه مچلبه بلعومي وعيوني يجرن بدموعي
-كااافي هدني يا ظااالم
هز راسه يتوعد وفحطان گد ما كتلني هدني يصيح
-أنتِ مو مال عيني وأغاتي مال بالنعال تمشين عدل
8
وجهي متروس دم وكدمات، كله مورم وما أگدر أجيسه والوجع يسعر بگلبي خشمي ينزف وخدي بي طبع راجدياته وعيوني يهملن بدموعي بگوه مسيطره على روحي ومتماسكه ميته من الآلم راح للباب يريد يطلع
رجع التفت عليَّ رفع أيده بتهديد يأشر
-راجعچ أنه راجعلچ خاف عبالچ لهنا وأنتهينا بعدنا هسه بدينا.
4
طلع وطبگ الباب وراه بقوه، فزيت بخوف على آثر الصوت وأسمع قفل الباب مسحت وجهي من الدم صرخت متعوره بسبب الوجع من جست وجهي، بچيت بقهر وانه أباوع لحالي، العبايه بجهه والنقاب بجهه وأنه بجهه متكومه بالگاع لامه روحي ومتمدده بدمي وحزني أشهگ
هدوم المدرسه متشگگه عليَّ والدم ملطخ قميصي الأبيض كله متروس دم، كحيت بتعب وراسي على الگاع ما أگدر أگوم حتى، نفتح الباب وخفت كل ظني صالح رد، التفتت على الباب واحد من اليتسمون أخواني فتح الباب
يباوعلي بنظره غريبه متروسه حقد عبالك گدامهم حُرّ مو أختهم
-يستاهل تتحملين كل هذا علموده؟
19
من شافني ما رديت عليه أكح بتعب وأمسح بدمي محتاره بروحي ومطنشته غلط عليَّ وسبني طلع وقفل وراه الباب لأن ما يخلونه مفتوح، الكلام وياهم عقيم ليش أتعب روحي وهمَّ هاي طينتهم!
3
آنيت بآلم معصور گلبي راسي على الگاع سابحه بدمي وعيني على السگف صفنت على حالي أستحقرت الدنيا كلها دنيا شكبرها ما تركض عليَّ غير بالضيم والمصايب ما يوم فرحتني حاولت أگوم ما أگدر متكسره تكسر من الوجع بچيت عاجزه أريد أرفع أيدي ما أگدر مو النوب أگوم أدورلي مكان أشرد منه..
هدئ صوتي وسكنت بمكاني أسمع أصوات قريبه من الغرفه البيها أنه حچايه أسمعها وعشره لا بالگوه أركز وأصفن علمود أفتهم كلامهم واضح صوت صالح متنرفز يحچي وياهم عليَّ وشبعني غلط ومسبه
رد عليه واحد من الزلم "اليتسمون أخواني"
-چا أنتَ تريدها هسه تگلب عليهم شمالك خويه ما عدك صبر ما تسمعها تگلك شاعللها العشره شموع حقها ما تطي بي، لو خالها أسبوع نروضها أسبوعين نضحك على عقلها ونعيشها عيشه حلوه وينضحك عليها شمالك!!
13
صالح: ما تشوفها أنتَ؟ لسانها بطول القندره ما چنها بطول زري لا ينضحك على عقلها بحچايه ولا بشيب أبوها ما تشوفها مركزه وياي بالحرف وتلاسن خبلتني بلسانها عبالك تحقق وياي بت الكلب، كاتله روحها عليه لو أدري شمسويلها أرتاح..
2
ما أثر كلامهم ذره بيَّ، ولا نصدمت منهم لأن چان حاسني گلبي والشخص الما أرتاحله يطلع صدگ بالنهايه مو راحه وهمَّ حتى ما تأثرت بكلامهم وچنت مُدركه يردوني طعم يغدرون حُرّ بي من خلالي
بس الصدمني وخلاني أجمد بمكاني صوت الحجيه
-ساعة السوده الخلفتها بيها، خلفت شيطانه مو بت حچيت ردت ولا حچايه آثرت على دماغها شني من شيطانه هاي، جازه روحي منها وبالگوه متحملتها من شوكت أنه أحبها بس غير علمودك.
63
تبنج عقلي وما ضليت أسمع حرف من كلامهم بعد حتى الأصوات اللي موجوده بهذا البيت صرت ما أسمعهن ما نصدمت بيها بگد ما أنصدمت بحقارتها بتها أنه من لحمها ودمها شلون ينطيها گلبها!!!
7
چانت يمي شي ويمهم شي ثاني، عبالك چانو لابسين أقنعه وهسه ذبوهن شياطين مو بشر تحچي وياي بكل برائه وفطاريه وحنية أمهات ويمهم شيطانه تذم بيَّ وتغلط عليَّ ما مستوعبه شلون مره بهيچ عمر تگدر تچذب هيچ وهِيَّ على حافة الموت شنو من صفات شيطانيه تمتلك؟؟؟
4
غمضت عيني وما أدري إذا نمت لو أغمى عليَّ بس الدم تارسني والدوخه ساطرتني لحد ما گعدت على رفسات بطني ودفرات گلبت معدتي تلويت بمكاني بوجع وحاولت أعين روحي وأگعد وأشوفه صالح گدامي ما أدري أشگد مر وكت بس رجع..
1
طگني بأيده على راسي بحقد
-باوعي قندره
12
ونيت بآلم وأفر راسي مناه ومناه عيوني ما أگدر أفتحهن من الوجع أحس كل جزء بيَّ يصرخ من الوجع
-وردة جاي أحاچيچ ترى أنه مو صاحب طويله باچر ترحين وياي وتسوين الأريده مفهوم؟؟؟
1
رفعت راسي باوعتله وصفنت بعينه بخوف
-لا تطگني وخليني أسولف!
+
رفع حاجبه يباوعلي منتظر كلامي وأنه حتى الحچايه جر أجرها من الوجع وأكح وآجر نفس يله أحچي غيرها تعبانه حيل طگة الظالم توجع
-أنه ما عليَّ ليش تردون تطببوني بالسالفه!
1
-شلون ما عليچ چا مو أخوچ المكتول؟
2
-چا أنتم كل واحد شاربه تارس وجهه ومحد بيكم يگدر ياخذ ثاره بس وردة الجاهله تگدر تاخذ ثاره؟
35
خزرني محتقن وجهه بعصبيه، وطگاني على راسي
-عبالي عدچ حچايه بيها خير
7
-أنه ما مسويتلك شي لا تطگني
-ما أطگچ وما أريد منچ شي بس خابريه، أتصال واحد
-لا ما أخابره، ما أريد يموت من وراي
-بس أخوچ عادي مات؟
2
-كاااافي يااااخي كااافي ليش تحاول تاخذ الموضوع من جانب عاطفي علمود تخليني أتأثر واسوي التريده؟ هوَّ كتل أخوك والله أعلم شنو چان قبلها بيناتكم وخل نگول صدگ هوَّ كاتل أخوك..
12
صفن بوجهي مصدوم
-يعني ما مصدگه هوَّ كاتل أخونا؟
-لا ما مصدگه ولا أصدگ بيوم حرّ كاتل.
-وليش ما تصدگين؟
4
-واحد بهيچ رجوله وهيچ أخلاق وأفعال ما يسوي بعمره باطل.
19
حچيتها بحقد أباوع بعينه وأخزره ما أدري منين أجتني هاي القوه بس أحس لو أموت وأندفن وأنه عايشه ما أنطي بَـ حُرّ ولا أغدره ما أعض أيد أنمدتلي بعز عازتي..
13
مسح وجهه ونتر متنرفز
-دكااافي كافي ترحين باچر ورجلچ فوگ راسچ
-ما كفاك السويته بي، عوفه وخليه يعيش سنين عمره الحرمته لذتهن من الصغر..
ما يريحني بدنياي غير كتله؟
2
سندت أيدي على الگاع علمود أگعد بس ما گدرت الوجع من كل صوب تارسني أتلوى بمكاني بوجع حطيت راسي على الحايط الوراي وأنتچيت باوعلي خازرني
-ثار أخوي أخذه من حرّ لو شما يصير.
3
-خاف أنتَ كتال أخوك وذبيت جريمتك براس حرّ؟
46
باوعلي بأستغراب وصفنه طويله بوجهي ونظرات غريبه ما تتفسر من خوفي منه تمنيت أختفي بهاي اللحظه لأن أدري شنو منتظرني وره هاي الكلمات بس ما أدري شلون حچيت هذا الحچي حتى أنه تعجبت على روحي حسيت الحچي طلع من گلبي مو لساني!!!
14
مو مجرد حچايات هذني فتحن عليَّ أبواب تعنيف مخيفه تخبل عبالك فقد عقله يصرخ عليَّ بكل علو صوته ويطگني ويملخ بشعري تملخ بين أيديه خصل شعري تارسات چفوفه يطگني بكل قوته محروگ گلبه
-بتتتت المطييي أنه أكتتتل أخووووي!!!
47
أرفع أيديَّ بس أريد أحمي روحي ماكو خاف أول مره ضل عظم صاحي بيَّ هسه خلاني جثه مرميه، ملخني تملخ بالكتل والطگ يلزم راسي بثنين أيديه يفلشه بالحايط وأنه فقدت من الوجع دمي ترس الحايط
-أكتتتتتلچ وأكتتتتله أكتلكم والله
18
جثه بين أيديه ياخذني منا ويردني منا يطگني بدون ما يهتم ومن گد ما شبعت كتل طبو يتراكضون يردون يجرونه مني ماكو فاقد وكل ما يجرونه يرد يهد عليَّ يطگني طگته مسمومه متروسه حقد وكره
-أنه أعلمممچ سههههله بعيني تتطاولين عليَّ ولچ؟؟؟
8
جروه مني جر لوره يبعدونه عني ويسولفون وياه
-شمالك تسودنت
-بت الكلب أكتلها اليوم
-كافي صالح خليها تولي
1
-سهله وردة سهله أكتلچ وربچ موتچ يصير على أيدي ما دامچ حچيتي هل حچايه هاي.
6
أمه تباوعله بخوف
-يمه أستهدي بالرحمن خلها تولي لا تحرگ گلبك..
3
رفعت عيني باوعتلها بدون ما أحرك راسي لأن ما أگدر
-تعال يمه تعال أطلع خليها تولي
1
بگوه طلعوه من الغرفه وكل شويه يفلت روحه منهم ويرد عليَّ يطگني وأنه ما أحمل طگه بعد لزمت راسي بثنين أيديَّ أبچي وميته وجع ضليت بس نفس..
وأسمع صوت الحچيه طگت أيديها سوى وغمتني
-من كون كرفچ الگبر وخلصني منچ
39
بالگوه طلعو صالح وبعده يدردم ويغلط عليَّ بره ويسولفلهم على صلافتي وهمَّ يكملون وياه الغلط عليَّ طلعت وراهم الحجيه وعدهم ولد شاب قفل الباب وأنه أتلوى ودموعي يچون خدودي أتلوى بالگاع بقهر
-يمممه الوجع كتلني يمه..
15
أون وأهلوس وماكو على حلگي غير حچاية يمه، أجر بروحي جر أريد بس أعين روحي وبلكت أشرد منا بس ماكو مهرب أيدي ما أگدر أرفعها من الآلم وشهگة بچيتي تارسه الغرفه أنام ما أدري يغمى عليَّ من الآلم أفز متعوره وأضل أتلوى لحد ما أرد أنام مره ثانيه
كل شويه أفز وتعب وقهر وعيوني مورمه وما أگدر أوگف على حيلي ما أدري الليل من النهار لگمه ما طابه لحلگي ودمي يابس على وجهي والگاع والحايط كلهن متروسات بدمي..
وهوَّ يدفر بيَّ جرني من شعري يسحل بيَّ لبره سحل وأنه ما أگدر أگوم لحد ما طلعني للحوش والتفت عليَّ
-تسوين الأريده لو أكمل البديته؟
7
رجفن شفايفي بخوف وعيوني متروسات بدموعي
-لاله
13
هز راسه يتوعد ويتحلف وجرني كتمت شهگتي بگلبي وبلعت ريگ من شفته أخذني لحوض متروس ماي ترس صفنت عليه مرعوبه وهوَّ بدون لا يخليني أستوعب غط راسي بالماي!!
9
أختنگت متت شفت الموت، رجع طلع راسي من الماي وجهي متروس ماي ويقطر وأنه أشهگ بالنفس وهوَّ يصيح يم راسي
-هاااااا؟
10
ما رديت عليه مختنگه وأشهگ بالنفس، أحترگ من القهر رجع غط راسي بالماي وأنه أشوف الموت أختنگت متت من الماي ترس حلگي وخشمي ونفس ما أگدر أتنفس كاضني من شعري ويغط راسي بالماي فتره يخليني أختنگ وبيني وبين الموت شعره
1
ما أدري إذا هذا غباء لو شنو، ما أدري بهاي اللحظه شنو اللي خلاني أتمسك بكلمه "لا" وشنو هذا التعلق المخيف بـَ حُرّ لدرجه فضلته على حياتي ما أدري من الخوف ما أدري أنه ما أگدر أغدر بي بس الموضوع حيرني..
19
أريد أدفعه ماكو حيلي بايد لازمني حيل من شعري ويغط براسي بالماي من يشوفني راح أموت يطلع راسي ويصرخ
-وردددددة راح أكتتتتتلچ ورددددة
5
ما أرد عليه أغمض عيوني بثگل والنفس بصعوبه أجره وجهي متروس ماي ودم وعيني تغمض وأحس أستسلمت للموت وراح أموت رجع غط راسي بس هل مره حسيت راح أموت وهاي هِيَّ لحظاتي الأخيره..
طلع راسي من الماي شهگت بالماي وصرخت متعوره ضليت أبچي هد شعري طحت بالگاع أجر النفس بصعوبه وعيني تغمض وهوَّ يدفر بيَّ
-بتتتت الكللللب شاربي أزينه إذا ما وديتچ اله جنازه.
تقرب وگف گدامي يصيح
-تخابرينه وردة تخابرينه غصبًا عليچ
2
بلعت ريگ بصعوبه ولحد هسه أحس روحي ما أگدر أتنفس عيوني يغمضن وحدهن وهوَّ يطگني
-لا تنطمررررين سولفي جاي أگلچ تخابرررررينه
2
أيدي رافعتها ترجف أريد أحطها على وجهي ملخها وجرها بأيده دنگت عيني على أيده بخوف مرعوبه..
وهوَّ نرسمت أبتسامه خبيثه على ملامحه الشيطانيه
-أيدچ أعدمها، والله أعوقچ وأكسر أيدچ
2
بلعت ريگ بخوف وهمست بتعب
-لا فدوه لا لا لا لا
1
أصرخ مرعوبه وأرجف ميته من الخوف وأرجع لوره وهوَّ مبتسم عبالك أنتصر وتحقق مبتغاه شهگت أصيح
-شترييييد بعد شتريييد مني ما كفاك السوييييته!!!
2
-أسوي بيچ أكثر والله لو ما سويتي الأريده
-شلووووون يموووت من ورااااي شلون!!
-مو من وراچ خابريه وما عليچ بالباقي..
1
دنگت عيني محتاره، صرت بين نارين وتهديد صالح الي خرعني وما خلاني أفكر شهگت مقهوره
-حرام عليك والله راح أموت فدوه أروحلك كافي، أبوس أيدك عوفني ولا تسوي بيَّ هيچ والله أموت أنجلط لو كسرت أيدي، أنه أختك ولك شلون طاوعك گلبك تسوي بيَّ هيچ شلوووون!!!
4
رفع حواجبه محذر وگال بتهديد
-تخابرينه؟
أشهگ وأحس كل قوتي أنهارت وكل التحملته هد حيلي وما أگدر أتحمل الراح يجي بعد، وتهديد صالح شنو يريد يسوي بيَّ ما خلالي خيار بچيت مقهوره وأنه أتخيل حُرّ راح يموت من وراي..
1
-راح أموت
-تعيشين تعيشين وما أطگچ بعد بس تخابرينه؟
-تريد أغدر بَـ حُرّ
-بس خابري ومالچ غرض بالباقي..
1
باوعتله بخوف وتردد نزلت عيني لأيدي البين چفه الضخم وهوَّ يضغط على أيدي شويه شويه الوجع يزداد بطريقه ترهيب وعلمود يخوفني شهگت بالنفس
-أكتلني والله قابله حط طلقه براسي وموتني بس لا تعذبني والله راح أتخبل من الوجع..
2
جمد بمكانه صافن عليَّ بحيره
-ما تخابرينه؟
هزيت راسي والشهگه مچلبه بلعومي
-ما أخابره، بس لا تعذبني تعذيبك موتني أكتلني ولا تعذبني هيچ، يله مو تريد توديني لحُرّ جنازه حط طلقه براسي وخلصني من هل دنيا الزفره شعدي بهاي الدنيا وأستعز بيها خل أخلص منكم خل أروح يم رب العالمين العادل..
7
كل ظنه هاي النهايه وراح أقبل حتى أبتسم متأكد مستحيل أتحمل بعد ضرب علمود حُرّ، تخبل بالزايد من ما خابرته ولوه أيدي صرخت من الآلم القوي الصار بأيدي وأسمع طگة عظمي وهوَّ ينكسر!!!
44
ضليت أصرخ وأبچي متخبله ومنهاره وأحس روحي جاي تطلع راح أموت من الوجع أتلوى بالگاع وأبچي وصوتي راح وأختفى گد ما صرخت وبچيت حتى ما أگدر الزمها راح أموت من الوجع أحس شرايين رگبتي راح ينفجرن من الصريخ ووجع أيدي صعد حتى لراسي
4
وأحس روحي تنور گد ما حرارتي أرتفعت، أتلوى وأصرخ
-اااخ يمههه
5
أبچي وأصرخ بس محد أجاني ومحد وگف وياي أيدي متخبله منها الوجع حتى ما خلاني أفكر وهوَّ يصرخ ويسألني يريد يسمع جواب مني وأنه ضليت حتى ما أرد عليه وأبچي تعبانه وفحطانه لحد ما حسيت بتعب شويه شويه هدئت وضل بس صوت بواچيي وشهگاتي التارسه المكان وضلن عيوني شويه شويه يغمضن لحد ما حسيت بشي بعد..
فتحت عيني كل ظني بين البنات بس للأسف بعدني بجحيم صالح، أتلفت بعيوني بالمكان بغرابه أباوع ظلمه وريحه مو طيبه بالمكان ومكان يخنگ حسيت روحي بگبر المكان غريب حيل أحاول أستوعب وأفتهم بس الوجع ما جاي يخليني أفكر
1
أيدي ما أگدر أحركها آون وأبچي بخوف وقهر، حاولت آجر روحي جر ما أگدر أتحرك بس دموعي ينزلن وأسمع أصواتهم عاليه جوه يسولفون
صالح يصيح متنرفز ويغلط عليَّ وعلى حُرّ وزمخ
-لكككك والله أكتلهههها
-شبييك تكتلها شني چا شلون نجيبه؟
-ما تفيد هاي طلقه براسها وأخلص منها
-يمكن تفيدك خليها چم يوم
-ما تفيدني.
غفيت على هاي الكلمه وبيني وبين الموت شعره رهبه صابت گلبي وكزبر جلدي بخوف، مرعب شعور تعرف وقت موتك صالح يتوعد يكتلني لأن شاف روحه يضيع وكته بتعذيبه الي وأيس أغدر بَـ حُرّ أو أكون سبب موته
+
بين الغافيه والصاحيه بين الوجع والآلم أغمض عيني وأفتحها بنص الظلمه والتعب هاد حيلي أسمع يدة الباب تحركت رمشت وثگل جفني صفنت على الباب نفتح ببطئ..
بالگوه فاتحه عيوني أباوع للباب نفتح وطب شخص ما گدرت أشوف ملامح شكله بسبب الظلمه شهگت بخوف من باوعت للسلاح البيده..
366
يتبـــ
