رواية شمس الجاسر الفصل العاشر 10 بقلم حنين مراد
ْ لحظةُ صبرٍ في لحظةِ غضبٍ تمنعُ ألفَ لحظةٍ من النَّدمْ
+
الـكـاتـبة:- حـنـيـن
+
فضلاً لتنسوون التصويت + التعليق بين الفقرات +المتابعة لطفاً
+
بـسـم الله الـرحـمـن الـرحـيـم
+
__________________________.♡
____________________.♡
+
شـمـس
+
طلعت شفتة كااشخ ؏ اخر حباية تخوصرت وحجيت
+
شمس: ترا عيب عليك تتحارش بگلب صديقتي
+
ادهم: ههههه شوكت متحارش
+
شمس: هسة بس نروح وتشوفك تضل تردم بالبيبان
+
ادهم: هههه دمشي يلا
+
صعدنة بالسيارة وتوجهنة لابات لان اقرب علينة دك هورن كم مرة وطلعت و وراهة جاسر
+
ايات: السلام عليك
+
ادهم: وعليكم السلام
+
شمس: وعليكم السلام
+
جاسر: السلام عليكم
+
ادهم: وعليكم السلام
+
شمس: وعليكم السلام
+
صعدت ايات وعمو حجة وي جاسر
+
ادهم: جاسر روح لبيت اهلي حننجمع كلنة هناك اصلاً
+
جاسر: ماشي يلا الله وياكم
+
نطلقنة لبيت جدو اخدنة البنات هم والسيارة صارت حشك نمع انهة جبيرة بس احنة هواي
+
شمس: اووف خل ثنين يصعدن يم عمو
+
نورا: اني
+
اسراء: واني
+
نزلن صعدن واحنة بقينة ورا ع الاقل شوي رتاحينة مرت نص ساعة ساعة وصلنة لمول نزلنة ودخلنة للمول كبل توجهنة لقسم الملابس بقن يدورن يدورن لكينة كلنة بس ايات حايرة ميعجبهة شي
+
شمس: ايات شسالفة شوفي كومة ملابس حلوة
+
ايات: والله ماكو شي حلو مااكو
+
جمانة: شوفي ذاك الفستان الاصفر حلو
+
ايات: اي وطلع جني ليمونة
+
نورا: هههههههه
+
بقت ادور واني واكفة يمهة سمعت عمو يصيحلي رحت وكفت يمة مدلي علاكة شوي جبيرة
+
ادهم: هاج
+
شمس: شنوو
+
ادهم: نطيهن الهة
+
شمس: اهااا والله عمي زين من هسة تصرف عليهة
+
ادهم: هههه دمشي نطيهن الهة
+
رحت يمهة وندزتهة ندارت علية وشوي وتبجي ممديت العلاكة الهة تباوع باستغراب
+
شمس: اخذي
+
ايات: شنو
+
شمس: اخذي وشوفي
+
اخذت العلاكة وكعدت فتحتهة طلعت فستان ماروني بسيط بس حلو
+
نورا: اوووووو هاي شنو
+
جمانة: نجبن لتخجلنهة
+
بقت مدنكة راسهة خجلانة حتة شال وحذاء جايب رجعتهن و وكفت وراي المشكلة هيةاطول حتلو وكفت وراي تبين وعمو يباوع ويضحك وهية شوي وتكتل نفسهة
+
جمانة: عموووو
+
ادهم: ها
+
جمانة: جوعانين
+
ادهم: دمشن فوك اكو مطعم
+
صعدنة فوك وميتات تعب بالساعتين نفتر كعدنة وطلبنة اكل وكالعادة عمو يدفع
+
ايات: شمس مشوفتني خطيبة معت
+
شمس: ولو باجر تشوفيهة بس تعاي اواريج
+
فتحت الجهاز و واريتهة
+
ايات: وااو تجنننن
+
شمس: اي كلش حلوة ونويعمة
+
ادهم: اذا خلصتن كومن
+
نورا: اي خلصنة يلا كومن
+
كمنة وطلعنة بالسيارة توجهنة كبل لبيت جدو صفينة السيارة ونزلنة طبينة لكينة الكل بالحوش عمامي وزوجاتهم وبيبي وجدو وحتة جاسر والحلو لان علاقتهم بجاسر قوية ف عادي نسوان تكعد وياهم مو عيب سلهنة وكعدنة
+
معتز: وين جنت
+
زينب: بالمول
+
معتز: شسوون
+
شمس: نشتري ملابس الخطبتك
+
باوعلي بخزرة واني اضحك عمو ادهم دار وجه عمو معتز للجهوة الثانية
+
ادهم: لاتخزرهة
+
معتز: دلل محامي الست شمس
+
ادهم: نجب
+
كعدت يم عمو ادهم واغور بعمو معتز والبنات
+
جمانة: شوفووو تغور بينة ترا عمنة
+
شمس: بس اني اقرب وحدة الة
+
نورا: نننن عادي يابة واذا عدنة عمو معتز
+
هية كالت هيج وزينب ركضت كبل لعمو معتز وهوة يضحك
+
معت: وعلي حلوة حياة الشهرة
+
جاسر: خاب ما تنجب هنة بنات اخوك مكبرات راسك
+
ادهم: هههههه حللل
+
كلب وجهة عمو وكال
+
معتز: ديلا عاد تغارون والله
+
زينب: ننننن وعلي التوصلة اكسر رجلهة
+
جمانة: ديلا عاد ميتين علية هوة بعد شهر هيج تجي مرتة و...
+
قربت على زينب وكال بهمس
+
جمانة: وتنام حتة بحضنة
+
زينب شوي وتضربهة لان نرفزتهة
+
زينب: عمو سكتهة والعباس اكوم اكتلهة
+
رادت تكوم وعمو مجلب بيهة ويضحك
+
معتز: اش كافي ولج كافي جذب تريد تستفزج اني اعلمج جمينة
+
جمانة: ههههههه عااا
+
صرخت لمن اجتهة ركعة من زينب على ضهرهة كلنة ضحكنة عليهن بقينة كاعدين شوي وبيبي كالت
+
كريمة: زينب وجمانة ونورا وشمس وشذى واسراء ورواء وزينة كلجن كومن صبن عشة عماتجن مسويات الاكل بس صبن وجيبن السفرة هنا بالحوش نصب
+
شمس: دلليي بيبي
+
ديار: ما اجة اسمي بالنداء يعني ما اكوم
+
كريمة: لا حبيبتي كومي كلت كلجن
+
ديار: اووف
+
كمنة وكومت ايات ادري بيهة تستحي تبقة كاعدة فتنة من يم حيدر صافن على جمانة غمزتلة وكلت
شمس: ها حويدر لاتباوع على بناتنة ولك عيب
+
حيدر: ههههه دنجبي هاي زوجتي
+
شمس: خاب شحلاتك لا عقد سيد ولا محكمة
+
حيدر: غير تقبللل واتزوجهة من الصبح الكح.. احم الحلوة
+
تجة ايدة على كتفي واحنة نمشي طبينة للمطبخ صبينة عشة وكامو عمامي وحيدر نقلو الاكل كعدنة كلنة وكالعادة الثلاثي ادهم ومعتز وجاسر كاعدين صفة
+
وبعدين عمو قاسم وجدو وعماتي وبيبي واحنة البنات صفة ناكل والولد يسولفون واني ممهتمة بس اكل
+
حيدر: بس على كيفجن باجر الخطبة لاتسمنن
+
جمانة: رشيقات لاتخاف
+
حيدر: شوي وتصيرن بسمن جيرانة ام عباس وتكولن رشيقات
+
تخبلن البنات واني كالاطرش بالزفة ما اعرف مني ام عباس والولد يضحكون
+
جمانة: وانتة جنكك ابو عباس هوة وكرشة من يكعد بالباب
+
كش وجه حيدر وكال
+
حيدر: ترحيلي فدوة انتي وابو عباس
+
نورا: صدك ام عباس تكول خل حيدر ياخذ بنتي شحلاتهة فخرية شحلاتهة تجننن
+
كريمة: ايي البنية مابيهة شي
+
باوعلهة حيدر بصدمة وعاط
+
حيدر: لو تموتوننن بس اني اخذ فخرية كرشهة واصل لخشمهة
+
جمانة: شبيهة البنية المهم الاخلاق
+
كالتهة وباوعتلة بابتسامة وهوة شوي ويشيل الكلاص ويركعهة
+
كريمة: صحح
+
متنة ضحك على تعابير حيدر وهوة يريد يركعنة بالكاسات كل شوي ورفعهة خلصنة ونطلنة الالكك وسوينة جاي وكعدنة نشرب خلصو هم وبقو شوي وجاسر كال
+
جاسر: يلا يابة نستأذن منكم
+
جبار: ها يابة بعد وكت
+
جاسر: لا يابة والله عدي شغل ومن ورا هل سكط لازم اجي من وكت يلا ايات
+
كريمة: لالاا مترحون والله
+
جاسر: هههه. لا يمة ما اكدر والله
+
كريمة: والله اليوم تبقون غير باجر خطوبة معتز
+
جاسر: لا والله وامي وزوجة ياسر وحدهن بالبيت
+
كريمة: لعد خل ايات تبقة وي البنات
+
بقة ساكت شوي وكال
+
جاسر: وملابس شلون
شمس: شترت اليوم
باوعلي وكال
جاسر: لعد هاهية اذا الحجية هيج تريد تأمر
+
حجاهة ووجه انضارة الي بعدينالتهة وي بيبي
+
جاسر: يلا يابة نستودعكم
+
كامو عمامي وجدو ويا وهوة راح وايات حاضنتني ومكيفة طبت بيبي وكعدت يمنة
+
كريمة: اخخ بس بعد تجي زوجة معتز ونكتمل ونزوج ادهم وهاهية
+
حجتهة وباوعت لايات الخجلت ودنكت راسهة
+
كريمة: حجيت وي امهاتجن حتة تباتن هم نضفن البيت ترا باجر نكعد من الصبح والمتكعد اجيهة بالعوجية على ضهرهة
+
شمس: دللليي بيبي يلا كومن
+
كمنة ننضف ونحب نضف لان نضل بس نضحك رفعنة دشاديشنة ونزعنة شالاتنة بعد مصعد حيدر وعمامي لغرفهم رفعنة شعرنة وبقينة نغسل بالبيت شوي واجت زينب تركض وجمانة وراهة
+
زينب: هههههههه كافي حزلك
+
جمانة: اموتج والعباس
+
جانن يركضن ومحسينة الة زينب عثرت و وكعت واجت طب فوكاهة جمانة متنة ضحكك عليهن
+
شمس: ههههههههههههه الله
+
ايات: ههههههه تستاهلن من عركجن
+
نورا: ههههههه. حل حل
+
جمانة: اخخ يمة جسمي تكسر
+
زينب: دوخري يالهايشة ضهري نكسر
+
جمانة: كلي خر* يا خر*
+
بنفس اللحضة نزل عمو ادهم حمحم بصوت حتة نسمع ايات بسرعة لبست شالهة ونزلت الدشداشة
+
شمس: فوت عمو
+
ادهم: راح اروح لدكان تردن شي
+
نورا: ايي خالو جيبلنة حلويات
+
ادهم: دللن
+
وجه انضاروة علي ايات الي خجلانة و واكفة وراي بتسم وراح باوعنالها كلنة
+
ايات: ها ومرض
+
ديار: شفتي شلون يباوعلج
+
ايات: لا
+
شمس: لتجذبين غير خجلتي و وكفتي وراي
+
ايات: نجبييي
+
بقينة كل شوي نضايقهة مر وكت شوي وطب عمو لصالة وايات ختلت وراي بسرعة لأن ملابسة شال وهوة حار يروح لو يرجع استوعب ورجع للمطبخ بسرعة لبست شالهة وفات نطاني العلاكة وصعد بسرعة
+
جمانة: هههههههه اول مرة اشوف خالو متوتر هيج
+
ايات: نجبي
+
شمس: ههههه يلا اني راح افوت للحمام لان عفنت
+
فتت سبحت وطلعت وطبن وراي فرشنة بالصالة الفوك وجبنة الحلويات اكلنة ونمنة
+
ـــــــــــــــــــــــــــــــــــــــــــــــــــ♡•
+
غسق: السلام عليكم اكيد الكل يعرفني اسمي غسق عمري 21 مرحلة ثانية ادارة واقتصاد
+
حياتي كلش مملة عايشة بيت اخت وام واب والكل يكرهني الله يخليهم ويدورون بس الزلة علية
+
عندي اخت الي هية حياة سمرة وعيونهة سود عكسي كلياً بحيث اني بيضة وعيوني زرق وشعري حتة بي شقار خفيف
+
جانت معاملة اهلي زينة من بعد الحادث الي خلاني اعيد النضر بانهم يحبوني بس هل كلام والاحساس كلة راح بذاك اليوم تحديداً قبل لتجي ام معتز بيومين جنت كاعدة بالصالة ويمي حياة وماما
+
جانن متوترات كلش بس مسئلتهن لان ادري محيحجن شوي وطب بابا كعد
+
ابو غسق: غسق عندي موصوع وياج
+
غسق: تفضل بابا
+
ابو غسق: انطيتج لبيت ابو قاسم
+
غسق: عفواً منو همة وشنو انطيتني شنو هدية اني لو سلعة وتشيلني وتنطيني
+
ابو غسق: اهل الولد الي دعموج نطيتج للولد الدعمج
+
وكفت ع السريع وحسيت بصدمة ضليت اصيح عليهم وهمة ميحجون
+
غسق: شنو شنووو شنوو تنطيني شنو تنطيني لولد انس لا اعرفة ولا شايفتة بحياتي وفوك هذاا هوة الدعم بنتك كيف تفكر هيج تفكير بدال متوكف وياي وتساندني تجي تكلي نطيتج الة
+
ابو غسق: قسمة ونصيب بعد
+
غسق: لا قسمة ولا بطيخ ما الك اي حق تتحكم بحياتي
+
محسيت الةة براشدي طبع علي خدي من حركة كلبي شلت كل التمثالات الي بالصالة وكسرتهن والصور وكلشي ومحد حجة
+
ابو غسق: بابا سممعي الولد زين حتة ضا...
غسق: ميهمني زين موزين اني حتة ما اعرفة شنو تزوجني الة وهوة حتة ميعرفني
+
ابو غسق: بعد يومين تجي امة اذا سويتي شي والله اموتج
+
رحت لغرفتي كبل وقفلت الباب واني ابجي فرفحت روحي نمت ودموعي علي خدي ورا يومين طبت ماما وجايبة فستان باوعتلهة بحقد
+
ام غسق: لبسي هذا وحطي شي علي وجهج تخلسين صايرة
+
حطت الفستان وطلعت
+
غسق: والله لاندمكم
+
كمت دفرت الفستان وطلعت تراك ولبستة وضفرت كصيبة وقطرة مكياج محطيت بس مرطب
+
سمعت اجو اخذت العصير ورحت سلمت حسيت ام معتز حيل فرحانة والبنات كذالك شوي وشمس كالت تريد تروح للحمام بس اني ادري تريد تحجي وياي
+
اخذتهة ورا البيت وبقت تحجي وياي ؏ الاقل خففت الخوف الي بكلبي و وارتني صورة معتز ليش اجذب هوة كُلش حلو وطويل حيل يعني نطلع رقم عشرة سوة
+
اخذت صورة وياي وطبينة جوة تفاجأن من حجت زوجة عمو كلهن تفاجأن الة اني لان اعرف سوالفهن عشقهن المواضيع الجنسية
+
جنت خايفة لايجفصن بشي كدامهم ويفشلنة والصراحة صليت ومدري ليش رتاحيت من ناحية هل زواج كلت بلكت عيالي زينين واحسن من اهلي راحو وتفاجأت من كالو الخطبة باجر
+
غسق: هه وين اكو عروس متجهز روحها
+
بقيت للاربعة الصبح يلا نمت كعدت الصبح شفت بدلة يمي والبنات كلهن
+
حياة: يلا يلا كومي
+
غسق: بس خمس دقايق
+
حياة: اي مو حتشبعين نوم بيهن كومي
غسق: ادساعة بيش
+
حياة: بالتسعة
+
غسق: حييييلللل بعد وقت
+
حوراء: ولج كومي لازم ترحين للصالون
+
غسق: اوف كمت
+
طبيت سبحت وشسورت شعري ورحنة للصالون وكلهن يركصن ع الاقل محد غثتني الحمدلله
شمس
+
حسيت بشي علي كصتي وخرتة وكلت
+
شمس: اوووف عمو بعد وقت والله
+
حسيت بشي مرة ثانية علي بطني
+
شمس: اووووف
+
فتحت عيوني وطفرت بيبي واكفة وتوجه العوجية علينة
+
جمانة: استغفرلله عبالي ملك الموت
+
كريمة: ملك الموت ياخدج كون كومن
+
ايات: صباح الخير خالة
+
كريمة: صباح النور يابعد خالتج صيرن مثلهة
+
باوعتلهة اسراء بابتسامة وكالت
+
اسراء: صباح الخير كرومة
+
كريمة: كرومة بعينج كومننن
+
من صاحت كلنة وكفنة
+
كريمة: هاي ليش شعرجن مبلل
+
زينة: مو من خلصنة تنضيف سبحنة
+
كريمة: همم ديلا نزلن جوة تريكن
+
نزلنة جوة غسلنة وتريكنة شوي وكالت بيبي
+
كريمة: جمان روحي لغرفة حيدر كعدي وشمس لغرفة معتز ونورا لغرفة ادهم تحركن تأخر الوكت
صعدنة توجهت جمانة لغرفة حيدر واني لغرفة عمو معتز ونورا لغرفة عمو ادهم رحت لغرفة عمو معتز
+
ضلمة وباردة تسوي واهس للواحد يرجع ينام واحنة مشابعانات نوم شغلت الضوة وشفتة نايم علي بطنة
+
شمس: ملابس قميص الميستحي
+
طفرت ؏ السرير وهوة فز
+
شمس: عمو عمو يلاااا اكعد
+
معتز: ومرض هااا
+
شمس: اكعد اليوم خطبتك
+
معتز: وشلون خطبة عاد
+
شمس: دكوم يلا لاتخليني خطيبتك تنتضر
+
معتز: راح اركعج بهذا الجهاز
+
شمس: شبيك عمو اليوم مقابل ياجر تنام بحضنك
+
كلتهة وغمزت ضحك وكاال
+
معتز: لا اله الا الله نكلعي خل ابدل
+
شمس: دللل عمو يلا كوم
+
راد يشمر علية المخدة وطلعت اركض سمعت ضحكات عالية من غرفة حيدر فتحت الباب علبهم شفتة نايم وتجرجر بي تريدة يكعد
+
جمانة
+
طبيت لغرفة حيدر شفتة نايم علي ضهرة توجهت يمة وكعدت
+
جمانة: حيدر حيدرر كوم
+
حيدر: اممم
+
جمانة: كوم حبيبي بيبي تصيحلك
+
من كلت هيج بتسم شوي ضحكت علية مدري يتحلم
+
حيدر: ايي حبيبتي اسراء بس شوي
+
من كال هيج حسيت مي حار وكع علي كلبي رفعت رجلي ردت ادفرة ومحسيت الة جرني وكعت فوكا
+
جمانة: وخررر خاين
+
حيدر: هههههه نجبي يعني مثلاً ما اعرف صوتج لو شنو
+
جمانة: لا يابة كلش تعرفة وخررر يلا اريد اكوم
+
حيدر: ترا انتي فوكاي
+
باوعت النفسي صح اني فوكا ردت اكوم بسرعة كلبني صار فوكاي باوعتلة بصدمة
+
جمانة: وخرر
+
حيدر: همم عود هسة
+
بقة يبوس بخدي فجأة نتفتح الباب دفعتة ؏ السريع جان علي حافة السرير بس وخرتة وكع من السرير كعدت ؏ السريع وباوعت شمس ونورا يضحكن حسيت بفشلة مو طبيعية
+
حيدر: جان نتضرتن خمس دقايق ؏ الاقل
+
درت علية وخزرتة
+
شمس: ماحبيت اقاطعكك والله بس هاي العوبة فتحت الباب
+
حيدر: والعباس ماعلية اني ورا خطبة عمو اخطب
+
جمانة: حيد...
+
حيدر: نجبي لا حيدر ولا بطيخ بااعباس متتت هاي شني
+
ضحكن البنات علية واني اخزر اريدة يسكت ماكو
+
شمس: ههههههه دبدل يلا وانزل بيبي تريد تسوي اجتماع
+
حيدر: يبووو يا اجتماعات كريمة
+
نورا: لاتسمعك تجيك بالعوجية
+
حيدر: اي والله طلعنن يلا خل ابدل جمانةة تكدرين تبقين بعدين تشوفين كلشي اصلاً
+
فتحت عيوني ؏ وسعهن والعوبات شردن من كال هيج نزلت ع السريع وطلعت من الغرفة
+
جمانة: طاح حضك حيدر
+
شمس
+
متنة ضحك علي حيدر واكفين بالصالة وطلع عمو معتز وعمو ادهم
+
معتز: شبيجن
+
نورا: ههه لا ماكو شي
+
ادهم: واليوووم خطبة الضابط معتز خطية بعد البنات ميتغزلن بيك راح تخطب والحلقة تصير بايدك
+
معتز: عادي يابة عود من تفوت بنية انزع الحلقة
+
ادهم: ههههه طاح حضك زوجتك متستاهل تنزع الحلقة وتباوع الغيرهة
+
معتز: ليش لازم شگرة وعيونهة زرك
+
ادهم: هههههه لااا
+
باوعنة البعض وضحكنة هز ايدة عمو ونزل نزلنة وبيبي شحتتنة كبل كالت روحن بدلن صعدنة بدلنة ونزلنة
+
مشغلين الديجي عمامي ويركصون بالحوش هاي احلا شي ركصهم عمو معتز مع انة ميريد هل خطوبة بس نسة السالفة من سحبو يركص بقينة نباوع عليهم
+
شوي وطب جاسر وعلو الديجي كل علوة وضلو يركصون بالحوش واحنة نركص بالمطبخ اجن البنات سوينة دائرة وحدة كبال الثانية ونركص اجوائهم تخبل اجة حيدر وعمو منتضر سحبو بيبي وجدو بالحوش واحنة طلعنة وياهم ضلو يركصون وطبن عماتي ضلن يهلهلن
+
بيداء: اخونة خوش اخو يستاهل الهوسة
+
كلهم هوسو وياهة وفاتو عماتهم و ولد عمهم واخوات بيبي وصار حرب الكولات بيناتهم
ام علاوي اخت بيبي وام علاء اخت جدو وحدة تذب كولة ؏ الثانية
+
ام علاوي: سوي درب لام الولد خلوهة تلعب جولة سوو درب لام الولد خلوهة تلعب جولة
+
ام علاء: مبارك عرسك يالهيبة
+
ام علاوي: زوجنا وخلصنة منة وهسة دور الاصغر منة
+
ام علاء: عمامة هواي والشارع يسدونة
+
ام علاوي: علي عناد عماتة لعبن لعب خالاتة
+
بقينة نضحك علبهن لحد مكالت بيبي
+
كريمة: خاي كافي شني هية مسابقة
+
معتز: يلااا اجت السيارات الكل يصعد
+
ادهم: البنات تعالن كلجن شوفن راح يصعدون وياي ولد و وي معتز عماتي والسيارات الباقية الكل يصعد بيهة بس انتن صعدن وي جاسر ايات وشمس وديار ونورا وبسيارة حيدر جمانة واسرائ وروائ وشذي وزينة
+
طلع وطلعنة ويا ودانة لسيارة جاسر صعدت اني وايات وديار ونورا وبسيارةحيدر الباقيات صعد جاسر وبصفة صعد ياسر دار علينة ياسر وسلم
+
ياسر: السلام عليكم
+
: وعليكم البنات
+
ياسر: شوفن اني اخو هذا خاف متعرفني
+
جاسر: هذا بعينك اسمي جاسر
+
كالهة ورفع عيوونة بالمراية اجت عيني بعينة كلبي نبض قوي نزلت عيني بسرعة نتبهت اللياسر يباوع ويضحك خجلت منة حيل هسة شيكول تباوع علي اخوي
+
ايات: ياسر شوكت اجيت
+
ياسر: ها الخبلة مالتي اجيت الصبح ورحت لغرفتج اول شي ملكيتج كلت بغرفة جاسر رحت كال باتت ببيت جد روز
+
نورا: منو روز
+
ديار: ماعدنة وحدة اسمهة روز
+
ايات: شبيجن نسيتن شمس جنتو تكولون روز دوم وخالة الله يرحمها هية طلعت هل لقب
+
ديار: ناسينةة والله هسة تذكرنا
+
من كالت هيج دار ياسر وبقة يباوع على ديار هية خجلت وحتة جاسر لاحظ كبل حمححم وخزرة دار وجهة ياسر وسمعتة يستغفر
+
ايات: حفيدات جبار ناويات علي اخواني
+
شمس: هههههههه نجبي شمسوين
+
ايات: ابددد بس ذاك اليوم راد يبوسج وهذا يباوع علي بنت عمج
+
من كالت يبوسج ضربتهة وهية تضحك
+
جاسر: وصلنة
+
نزلنة وردنة نروح ؏ السريع حتة نشوف رد فعل عمو من يشوف غسق بس صاح بينة جاسر كبل وكفتني ايات واني لزمت نورا ونورا لزمت ديار باوعنالة ملامحة عصبية
+
جاسر: يعني متشووففنن ولد كدامجن تفوتتنن بنصهمم
+
ردت احجي بس ذني يكرصن بية يردني اسكت اشرلنة نمشي ورا وكل ميوكف ولد يوكفنة يخلي يوخر ويمشينة فتنة ؏ السريع همزين عمو بعدة باوعناالهة طالعة تجنننن
+
ام علاوي: افصوص روبة يا كفاهة منين دورهة ولكاهة
+
ام علاء: الحاكم كال هذا العرس منين
+
بقن يهوسن شوي وشغلو الديجي ركصنة شوي وكالو طفو حيدخل العريس
+
فات عمو بدون ميباوع لبسناهة البركع او العبا مال البدلة لان السيد طب ويا عقدو وطلع السيد وخر منهة البركع وهية منزلة راسهة ولا هوة رفع راسهة وباوعلهة
+
يباوع بس علينة جابت بيبي الذهب حتة يلبسهة توة ديلبسهة الكلادة تقرب عليهة وهية مدنكة رفع راسة شافهة وتجمدت ايدة
+
بقت بس ايدة قريبة على ركبتهة هية رفعت راسهة باوعتلة ؏ السريع ونزلت عيونهة من شافتة صافن بيهة
+
كريمة: ههههه يمة لبسهة يلا
+
تقرب اكقر ولبسهة الكلادة والحلقة وبتعد وثنينهم متوترين بس عمو ميبين هل شي باوعلنة واشرلنة بمعني بسيطة
+
شمس: ههههه حضرن نفسجن للكتلة
+
نورا: يبووو اليوم ننذبح
+
وكلو بعض كيك وعصير
+
بيداء: بخور هنود ياعرس البهادل
+
كريمة: عين الحارة الحمزة يطفيها وعين الباردة كل الهلا بيها
+
بيداء: وخونة خوش اخو يستاهل الهوسة
+
كريمة: بوسهة ولاتخاف من امهة
+
كلنة صحنة بصوت واحد بوسهةة
+
توترت هية بالزايد وهوة تقرب وباسهة براسهة
+
نورا: ذبو القوط يهل القوط عمنة لبس قاطة
+
كريمة: اسمر ويخبل كل القوط تلوك علية اسمر ويخبل
+
رحت وكفت يمة اني والبنات دنكت علية وهمستلهة بس هو وهية يسمعوني
+
شمس: عمو ارجع بوسهة هههههه
+
معتز: انتي بسيطة خل نرجع للبيت انتي وبنات بليس اني اعلمجن يمة كافي خل اطلعع
+
كريمة: اي دقيقة سوو طريق للعريس خل يطلع
+
قبل ليطلع دار علينة وكال
+
معتز: كلولهن لحد تصورهة
+
ديار: ادلل يابة
+
طلع وشغلنة الديجي وكمنة نركص توجهت لغسق اني وايات
+
شمس: يلا غسق كومي
+
غسق: وين
+
ايات: تركصين لازكة بهل كرسي ستمتعي ترا ميتكرر كل يوم
+
غسق: لا عفية استحي
+
ايات: كومي كومي لاتستحين ولا بطيخ ويانة
+
شمس: شو انتي متستحين كبر
+
ايات: هههههههه خل نكول متعودوة عليكم
+
شمس: صدك غسق هاي زوجة عمو ادهم المستقبلية
+
باوعن البعض وبتسمن
+
غسق: يعني زوجة حماي
+
شمس: ههههه ايي بس شوفي انتي اخذتي الجبير وهية اخذت الاصغر منة بس هية اكبر منج
+
غسق: شكد عمرج
+
ايات: 24
+
باوعتلهة متفاجأة
+
غسق: ممبين عليج
+
توهة دتجاوبهة ايات وسمعنة صوت عرك برا طلعنة كلنة نركض شفنة ولد وعمو معتز واحد كاض الثاني وجاسر وعمو ادهم و ولد يفاككونهم
+
ـــــــــــــــــــــــــــــــــــــــــــــــــــ ♡•
+
كل عام وانتو بالف خير ولو متأخرة 🤍
+
