رواية ويبقي الامل الفصل الحادي والثلاثون 31 بقلم رنا عبود والاء المنشاوي
الحلقه الواحده والثلاثون
قامت خلود لتصلي الفجـر ولـكن ازعجهـا رنين هاتفها امسكت بالهاتف وقامت بالرد علي المتصل
ايه ياعم انت في خد بيرن علي في الفجـر
ياسين::انا ياهانم عندك مانـع
خلـود::بجـد في ايه انت شكلك كويس بترن ليه دلوقتي
ياسين::عشان اقولك عمـلت ايه في ابن ال....
خـلود::اوعي تقولي عادي معقوله
ياسين::ااه هـو وكـل حاجه بقت تمـام والصور معايا
خلود::بفـرحه بجد طب احكيلي عملت ايـه
ياسين::انـتي مش كنتي مضايقه من رني انا هقفل خلاص
خلود::لالا انا اسفه قولي حصل ايه
ياسين::حـاضر يامصلحـه
انا بعد ما انتي مشيتي علي طـول رحت العنوان اللي هو ساكن فيه وراقبته هو واصحابه كـويـس وعـرفت ان فيهم واحـد كويس ومش بيحب الاذيه للناس في طبعا اخدته في صفي
وعرفـت ان اهله مش بيحبوه ومش طايقينه من القرف بتاعه ده المـهم
انـي خليت صاحبه ده صوره شويه صـور وهو معاه برشام وحشيش وبنات وكـل حاجـه وجابلـي الصور دي
وانا رحتله وعرفته اني خطيب مرام واني ظابط شرطـه وخليته اتفـرج علي كام صوره وكان فيديو وهددته بيهم وهو طلع عيال اصلا وخاف علي طول من الفضايح او الحبس واداني الفلاشه اللي عليها كـل حاجه كان بيهدد بيها البنـات مش مرام بس
خلود::ااه الحيوان الزباله منه للـه
مش عارفه اشكرك ازاي يا ياسين واللـه انت فعـلا زي عاصم بالظبط ربنـا يبارك فيكـي بس هـو اكيد مش هيتعرضله تاني
ياسين::اخوكي فضل معاه لحـد ماركب الطياره علي امريكـا ومش راجع تاني 
خلود::بضحكه فرحه ايه ده بجـد ربنـا يخليك لينـا ياسونه يـارب
ياسين::بت احترمي نفسك وبعدين انا مش بعمل كده لوجه اللـه
خلود::بخبث عارفه عارفه وهعمل اللي اقدر عليـه عشان اجمعكم مع بعض
بس الفلاشه دي عايزك تبعتلي كل االلي عليها وتمسحها وترميها
ياسين::حاضر ياخوخه هبعتهملك دلوقتي عشان تطمني مرام علي الاخـر يلا اسيبك عشان الصلاه
خلود::ماشي ياسونه سلام
خلود:: رفعت يداها للسماء الحـمدللـه يارب انك انقذت مرام يارب قدرني واخليها تحس بياسين ده بيحبها وهيسعدها انا متأكده ربنـا يصلحلهم الحال يـارب ويسعـد اسراء هي كـمان وعاصم اخويا يارب......
******
في بيتهم المملوء بالحب
خالد:حبيبتي يلا عشان منتاخرش علي بابا
اماني :انا خلصت
خرجت اماني من غرفتها
خالد منبهرا:ايه الحلاوة والجمال ده انا ممكن اغير رايي ونروح لعمو وقت تاني
اماني بابتسامه ودلال:لا لا مينفعش
خالد:مين بس ال قال مينفعش
اماني بدلال :انا يا روحي
خالد:هو ده كله كان فين
اماني:كان موجود يا روحي بس اسفه كنت مخبياه
خالد :انا بقول يلا نروح دلوقتي عشان الشيطان وحش
وصلوا الي الفيلا وفتحت لهم الخادمه
ابستمت كوثر لما راته خالد واماني سويا مبتسمين
كوثر :صباح كل حاجه حلوه
اماني وخالد سويا :صباح الخير يا مامتي يا حبيبتي
كوثر:انا هاخد محمود كل يوم ينام معايا علي كده
اماني:لا مقدرش كفايه كده
ابتسم خالد
خالد بمرح ::انا بقول يا كوكو خليها يوم ويوم
اماني:هو فين وحشني اوي
كوثر:نايم مع عاصم ربنا يخليهم لبعض
قعدوا يلعبوا طول الليل
اماني: نايمين لغايه دلوقتي الوقت اتاخر
دخل عليهم ماجد وغمز لخالد
ماجد : اهلا يا بطل عامل ايه
خالد ..انا تمام يا بابا تمام اوي كمان
ضحكت كوثر عليهم
اماني.. هو في ايه بتضحكوا علي ايه
خالد.. موضوع كده يا قلبي انا بقول روحي صحي محمود عشان ناكل انا واقع من الجوع اماني.. لا انت عايز تمشيني موضوع ايه
ماجد..يا بنتي هو الضحك بقي حرام بنضحك عادي روحي صحي محمود عشان انا جعان انا كمان
اماني. مع اني مش مستريحه لكم
كوثر... لا يبنتي استريحي خالص مفيش حاجه تقلقي منها
اماني.. انا هروح اصحي محمود وعاصم
ذهبت اماني
ماجد... انا شايف انكم رجعتوا زي الاول واحسن
خالد.. وده بفضلك يا بابا
كوثر... انا عايشه معاه حياتي كلها ومكنتش اعرف انك كده
رفع ماجد ياقه قميصه بغرور وهو يمزح... لا انا جامد اوي واعجبكم
توجـهت أماني لتوقظ اخيها وابنـها
أمانـي::عاصم عاصم قوم
عاصم::وهو يفتح عيونه ايوه يا ااماني
اماني:اصحي يلا عشان الفطار جاهز
محمود::ايه الدوشه دي ياخالوا خلي الخدامه دي تنزل تحت
عاصم::بقهقه عاليه تصدق هو ينفع معاها الموضوع
امانـي:بقا كـده انا غلطانه اني جيت اصحيكم
نزل عاصم حاملا محمود علي ظهره
ماجد.. اخيرا صحيت كل ده نوم
اماني.. دوخوني جدا لغايه ما صحيوا
خالد.. انا ماشي هبقي اعدي عليكي يا اماني بليل.
وكاد ان يذهب
ماجد.. استني يا خالد رايح فين
عاصم.. استني يا خالد عايز اتكلم معاك شويه
خالد.. معتقدش ان في بينا كلام
كوثر..ربنا يهديكوا يا عيال يارب
ماجد..استني يا خالد شوف هو عايز يقول ايه
خالد بضيق... انا مستني اهو
عاصم.. ممكن نتكلم في المكتب لوحدنا
خالد ..ماشي
دخل خالد المكتب وخلفه عاصم
عاصم.. من الاخر كده انا اسف انا كنت غلطان انت عارفني لما اتعصب مبقدرش اتحكم في اعصابي وبالذات ان الصفقه كانت كبيره
خالد.. مش انا لوحدي ال غلطان يا عاصم انت كنت سايب امور الشركه كلها عليا وكنت بتجري تشوف خطيبتك
عاصم.. كان معاك ياسين يا خالد
خالد.. ياسين كان لسه جديد ميعرفش الشغل اوي وكان لسه بيتعلم الشغل والمفروض ان انا اعلمه واشوف الصفقه لا وكمان اخد بالي من العمال
عاصم.. خلاص مش هسيبك لوحدك تاني
خالد.. انا مقلتش ان انا راجع الشركه تاني
عاصم.. لا هترجع الشركه حالها واقف من غيرك حتي العمال بيسالوا عليك كل شوية
خالد.. انا اعمل ايه يعني انا همشي سلام
عاصم.. استني يا خالد انا لسه مخلصتش كلامي انت اخويا وصاحبي وجوز اختي كمان وابو حبيب قلبي مينفعش نزعل من بعض يا صاحبي وانا مش هنزل الشركه الا ورجلي علي رجلك وهنبقي انا وانت وياسين ايد واحده تاني واعمل حسابك هترجع الشغل انهارده الاجازه خلصت خلاص
قتل جملته الاخيره بابتسامه
فابتسم خالد وانتهت المشكله
خالد.. مشكلتي ان انا مبعرفش ازعل منك
عاصم.. يا ابني انا وانت عشرة عمر مينفعش نزال من بعض اصلا ويلا نطلع عشان ميت من الجوع اصلا
خالد.. وانا كمان والله يلا
****
ممسكه بفرشاتها ترسم علي لوحتها البيضاء
امامها مرام ولاول مره منذ فتره الابتسامه علي وجهها
اسراء ..خليكي كده يا روحي لغايه ما ارسمك
تسللت خلود من خلفهم
خلود.. طب وانا مش هترسميني
اسراء.. لا مرام بس
خلود.. انا كده ازعل وارجع تاني مع ان معايا خبرين حلوين اوي
اسراء... خبرين ايه
خلود.. الخبر الاول لقتلك شغل يا اسراء لا وكمان رسم كل ال هنعمل هاخدك وناخد كام رسمه حلوين من بتوعك ونروح للمكان حتي هو جنب شركه عاصم
اسراء.. ايه دا بجد لا متهزريش
خلود.. لا طبعا مبهزرش
اسراء.. انتي بجد اختي التانيه
خلود.. هو انا مكنتش اختك ولا ايه يلا مش مشكله هعديها الخبر التاني بقي انا موضوع مرام خلاص طار
ققزت مرام من مكانها
مرام ..بجد ولا بتهزري
خلود.. انا عمري هزرت معاكي في موضوع زي ده طار خلاص الموضوع وصاحب الموضوع كمان يعني هترجعي مرام القديمه تاني
مرام.. لا بجد مش مصدقه
خلود.. لا صدقي يا روحي الفلاشه دي فيها كل حاجه ابقي امسحيهم بقي براحتك وهنرجع ننزل الكليه من تاني بكرة حسام هيولع فينا
لم تستطع مرام السيطره علي دموعها
خلود.. بتعيطي ليه دلوقتي
مرام.. مكنتش مصدقه ان الكابوس ده هيخلص
اسراء.. هو الموضوع خلص ازاي
خلود.. ده بقي للاسف سر مش هينفع اقوله انا بقول قوموا جهزوا نفسكم يلا هننزل نتفسح سوا كلنا وتقابلي المدير بتاع الشغل
احتضنت مرام خلود بشده
مرام..ربنا يخليكي ليا يا احلي اخت وصاحبه ممكن اشوفها في حياتي
خلود.. خليكي عارفه اني هفضل جنبك علطول
******
في فيلا ماجد
بسنت.. ماجد اسامه زمانه جاي دلوقتي
ماجد.. جاي يعمل ايه
بسنت بضيق.. هو ايه ال جاي يعمل ايه جاي يطلب ايدي زي ما انت عايز ابقي قابله حلو كده كده انا قررت معاد الفرح اصلا
ماجد.. لما انتي قررتي كل حاجه خلاص عايزاني اعمل ايه معاه بقي ويا تري معزومين علي الفرح ولا لا
دخلت الخادمه عليهم
الخادمه.. مستر ماجد في واحد اسمه اسامه مستي حضرتك بره
ماجد.. هو لحق
بسنت.. ايوه عادي
خرجت بسنت لتقابل اسامه وخرج معها ماجد
بسنت.. ماجد ده اسامه خطيبي
ماجد. لما هو بقي خطيبك خلاص جاي يخطبك مني ليه
اسامه بلباقه.. انا ال قلتلها يا عمي لازم نمشي الموضوع حسب العادات والتقاليد وكله برضا حضرتك
اعجبت لباقه اسامه ماجد
ماجد.. اتفضل اقعد يا اسامه
اسامه.. انا جاي اطلب ايد بسنت ليا احنا كنا محددين الفرح اول الشهر الجاي بس طبعا ال حضرتك هتقوله هو ال هيمشي
تعجبت بسنت من اسلوب اسامه لاول مره تراه بهذه اللباقه والتحضر ولكنها فضلت الصمت
ماج.. خلاص بما انكم حددتوا مظنش انه لازم موافقتي
اسامه.. لا طبعا موافقتك ضروريه
ماجد بضيق انا موافق
قام ماجد وذهب لم يتحمل اكثر من هذا
بسنت.. يخربيتك يا اسامه معرفتكش
اسامه.. ايه يا بوسي عجبتك
بسنت.. عجبتني جدا يعني
اسامه.. طب مش يلا نخرج ولا ايه
بسنت.. هنروح فين
اسامه.. مكان جديد مش ببهرك كل مره اكيد هبهرك المره دي كمان
****
******
امام التيفزيون يجلس ماجد وكوثـر
ماجـد::كـوثر بقولك ايه
كوثـر::ايوه ياماجد
ماجد:البت خلـود كانت بتقول ان مرام تعبانه بقالها يجي شهرين واحـنت محدش سأل فيها
كوثـر::تصدق فعلا ياماجد احـنا المفروض كـنا سألنا دول مالهمش حد ابدااا
ازاي نسينا نروحلـهم
ماجد::خـلاص شوفي خـلود تأخـد منـهم معاد ونروحلهم زياره كده
انا البت مرام دي زيها زي خـلود يعلم ربنـا
كوثر::عارفه ياماجد انا كمـان وااللـه بحبهـا بس احـنا انشغلنا بعاصم شويه واماني شويه
ان شاء االـلـه هقـول لخلود ونروحلهم
ماجد::ربنـا يبارم فيكي يا ام عاصم
كوثر::بضحكه ويبارم فيك يا ابو عاصم.....
******
داخـل مكـتب عاصم في الشركــه
كان يجلس عاصم و خالد و ياسين
عاصم::انـتـو دلوقتي هتروحـوا علي الفيلا بتـاعت ريم وتفضلوا هنـاك لحد ما اجـي
خالد::ليـه
ياسين::هبقا اقولك في الطريق
خالد::بضحكـه بلهاء ايه هو فيها اكل ولا ايه
عاصم::اكـل هو ده همك اامشوا يلا م وشـي
ياسين::مابراحه ياعمو ماشيين اهو بس ماتتأخـرش علينـا
عاصم::ماشـي يلا
قام عاصم بالاتصـال علـي ريـم بعـد ان خرج خالد وياسين وانتظر ردها....
عاصم::ريمو حبيبتي عامله ايه الـنهارده
ريـم::بصوت ناعس الحـمدللـه ياعاصـم
عاصم::ايه ده انـتي لسه نايمه لحد دلوقتـي
ريم::انا مرهقه شويه ونـمت من غير ما احس
عاصم::سلامتك ياروحــي طب فوقي كده وانا سـاعه وهعدي عليكي ااخدك
ريم::بخضه تعدي فين لالا اقصد انا هجهز وهستناك في المطعم بتاعنـا
عاصم::بأبتسامه خبيثـه ماشي ياروحـي ساعه وهعدي عليكي عايزك زي القمـر النـهارده
ريم:حاضر ياحبيبي ساعه وهتلاقني مستنياك
باااي
عاصم::باااي حبيبـك ماشي يابت ال....
******
وصـل عاصـم ل مطعم....ليـاجد ريـم جالسـه تحتسـي القهـوه
نظره لها بغضب شديد وتوجه اليها
عاصم::وهو يجلس حبيبتي أتأخـرت عليكـي
ريم::لا ياحبيبي انا لسه واصله من ربع ساعه
عاصم::طب يلا بينـا ولا ايه
ريم::احـنا رايحين فيـن
عاصم::بغمــزه مفأجـاه بس يـارب تعجبـك
ريـم::اكيد مش انت اللي محضرها
عاصم::بخبث اكيد ياروحي يلا بينـا
دفع عاصم الفاتوره وخرجوا وركبوا سيارته وانطلقـوا
ريـم::طب احـنا رايحين فيـن كده
عاصم::شكـلك مش قادره تستني علي المفأجاه طب انا هقولم علي نصها ماشـي
ريم:بضحكه ماشي قول
عاصم::انا اشتريت فيـلا لينـا عشان نتجوز فيهـا
ريم::بخضه وخوف واحاسيس كثيـره
عاصم::بخبث ايه ياروحي رحتــي فين
ريم::ها مفيش ياحبيبي انا مـعاك اااهــو
عاصــم::لا انتـي مش معايا خالص لدرجه انـك ماخدتيش بالك اننا وصلنا الفيلا
نظرت ريم للفيلا وللشارع بأندهاش وبهلع
قبض عاصم علي معصمها ودخل بها الفيلا
ريم::عاصم انت جايبني هنـا ليـه
عاصم::ايه ريمو بس اصل انا خدت مـعاد مع ابوكي اني اقابله
ريم::بخوف وهي لا تعي مايحدث حولها ازاي ده امـتا انت كـذاب
وقف عاصم امام الباب وقام برميها علي الارض
انا اللــي كداب يازبالـه ده انتي حشـره يابت ادوس عليكي برجلي
ريم::بأنهيار واللـه انا معرفكش وكـنت عايزه اقولك الحقيقه بس هـو هددني
امسكها عاصم مش شعرها
مين الكـلب ده
ريم::ببكـاء وصوت متقطع اسا اسامه هو اللي خلاني عملت كده وكل حاجه كل حاجـه هو االلي نفذها انا معرفش حاجه واللـه ترك عاصـم شعرها وقام بصفعها لقع ارضا مـرة ثانيه
انـا عمـري ايدي ما اتمـدت علي واحـده سـت بس انتـي اللي خلتيني عمـلت كده
عاصم:خالد ياسين
دلفوا خالد وياسين خارج الغرفه بعد ان خلص عاصم من تأديب ريـم
ياسين::نـعم ياعاصم
عاصم::سـاعه زمن بت ال.... دي تقولكم علي الزفت اسامه ده يبقـا ميـن وترموها ف اي داهيـه واياكي اشوف وشـك تاني في اي حـته لان المـره الجايه فيها موتـك
ذهـب عاصـم بعد ان تـرك خالد وياسين مع ريم ليعرفوا من هـو أسـامــه........
