رواية اصفاد الود الفصل الثاني 2 بقلم زهرة الرمان

رواية اصفاد الود الفصل الثاني 2 بقلم زهرة الرمان 

اسعد الله أوقاتكم

شارع تجار وانملا بشر والكل تتفرج واحنه اولهم خليف لزم الرجال المدمئ ووراه اربع زلم بيدهم. سجاجين ويريدون ياخذونه بس خليف بعد كلمه اني دخيل عدك صار بوجهم

_خليف الي يقدم جدمه يحسب امه ما جابته

- ابو نجله اطلع منهه اخير لو تعرف شسوه ما ادخله عدك

_خليف حت لو چتال دخل بثوبي

_شفايتلك لو چتال هذا ناهب بت منشد

__خليف التفتت عليه افا انت ولك الشردت بالبت بيوم خطبتها

__ءء اي

_خسا والله چفات دخله بالمخزن

__شني يدخله احنه نريد نكتله

__خليف مو هيج الحجي ناهب منكم بت بس اله اهل عشيره مو كلمن بكيفه هذا دخيل عدي شوكت ما طلع عتبتي اكتلو طشو يلا كلمن لرزقه يلا اليريد ياخذه يشك بطني ويدخل ياخذ دخيلي

__جواد مابين استغراب وبين انعجبت بشخصيه خليف واثق وما اهتز وهم اربعه وكأن كصاصيب

بقيت واكف لحد ما سمعته صاح تعال هنا

دخلت

__خليف چفات هد البيدك جيب الولد

جواد. چفات جاب الولد كبال خليف بس وجهه كلشي ما مبين منه

_خليف شسمك

_عون

_خليف.. ابن منو

_ابن ال طريف

__الندافين؟؟؟؟

__ليش بويه سويت هاي العمله

__جواد رفع راسه وكله يرجف وچفات جاب ولد من بره غير دشداشته وشافو منين الدم ومسحو من وجهه خشمه وحلكه مضروب مجروح بيده وعلئ مكان دك بيده حرف اخضر لونه اباوعله

وخليف يسأله وهو يجاوب من سأله ليش سويت هيج

فز

_عون حجي والله خطبوهه هلي مرتين وثلاث وما اطوها

خليف وتنهب

عون شششسوي لا ليلي ليل ولا نهاري نهار اهيس تندهني من عز نومي وتكلي تعال ليه اخذني منهم

عشكتها هذني اذاني ما كمت اهيس الناس بيهن بس صوتها وعيوني ذني كمت اشوفنها بكل مجان كلي حجي ابو نجله الجسم المالك عليه ملك شسوي بيه هو يمشيني موش انه امشيه

خليف والعكل يعون شلون الجسد لو يضل بلا عقل كلشي يسوي

عون اعرف وحك من رفع هلسمه اعرف بس انه عكلي هم راح لان كلت العده فلس يسوه فلس ما وزنوني أهلها واطوني وزنوا ابن البنه العده فلوس

وابن النداف ماله مره لأن ماعده فلوس

جواد مترقب لكل حركه من عون

چفات حجي هذا يجيب بلاوي النه هده يطلع

خليف بيا وكت الدخيل ينعاف كوم كوم روح لهلك اعرف تأخرت واخذ جواد وياك

للخان مالتنه خله يرتاح لباجر نخله يرد لولايته

چفات

وانت حجي

خليف خلني يم عون روحوا انتم هدونه لوحادنه

جواد چفات شايل شكل مكروه ويخنگ اول ما طلعنه التفت باوع بوجهي

چفات شكد كرمك الحجي

جواد شنو

چفات أكلك شكثر اطاك الحجي فلوس

جواد

انه مرسال ما اطاني

چفات والله چنك ملوح (يعني لوتي)

جواد كرهي لشكله بمحله حتى كلامه مستفز وصلت للخان خاص لبو نجله دخلني شويه ودخل رجال جابلي اكل وموجود فراش نمت بس مثل ما وصاني ابوي لاتنام نومه كامله ومرتاحه اذا انت بفرش غيرك واذا بولاية غريبه فاتفزز سمعت صوت خفيف

نايم وهمس كلام فتحت عيوني لكيت خليف يم رجال الخان يسأله عليه شافني

خليف

هااا كاعد

جواد

لا غافي بس اهيس الصوت

خليف

تعال تعال

__جواد طلع صره قماش بيضه كال هاي الك

حجي هذن فلوس هواي ماريدهن

_ خليف متريدهن شلون هاي لزوم نگله جدمك والدرب يرادله وانته جبت الامانه كامله وضيفي انته

_لفيت الصره وبقئ منظر عون ببالي سألت عنه

حجي وهذا الولد شسويت بيه

_خليف هذا سالفته مشربكه يرادلها سوالف هواي روح ارتاح ونام وباجر الصبح حتى تتوكل لأهلك

_جواد الصبح لكيت صانع صاحب الخان بيده اكل خلاه يمي اكلت ورجعت لمحل حجي خليف

وصلت معزل المحل بقيت اتلفت وين اروح اريد اتشكر منه حتى اصعد وارد بقيت كاعد والناس رايحه وجايه لاشغالها شفت ناس وكفوا بباب محل حجي خليف ركضت

هاا عم شتريد

__انت منووو وتسال

جواد جاي انشدك شبيك وجهك يعارك

_ولي من شوفي

جواد كال ولي من شوفي وحجه وي اليمه

بقيت شويه لبعيد اتسمع ماكدر ارد لان خناجر بحزامهم شفت وهم كبر واضخم مني بقيت اترصد الهم واسمع

_ولك هو خليف مخلف بس نثايه ونخاف منه شمالك هم كديش

_شوف هذا ما يفتح اليوم ا مشونه لبيته الا اخلي كرشه گباله وناخذ ابن النداف

_جواد اول ما سمعت يردون يرحون لبيت خليف ركضت للخان الصانع سألته وين بيت خليف

_ورانه بكم طوفه

جواد اخذني بسررعه

ركضت واني اشوفهم بعد عن المحل يمشون يردون يرحون بس بعدهم بنقاش بينهم ركضت لبيت خليف وصلت الباب بقيت اددك قوي اجاني صوت

منهوو

جواد انه انه اريد حجي خليف بسرعه

موش هنا

جواد

اكو احد عدكم بالدار صوت مره

شنهو انت عليمن تنشد

جواد ياطلايه الكشره بقيت ورا طوفه طين يم البيت بس لازم الكا شي ادافع بيه عن روحي وهمه اذا دخلو لبيت خليف عرفت عنده بس بنات كلت شلون ورطه دورت لكيت حديده مزنجره

وصلو واني اعاينلهم كلت بس يدفعون الباب اتولاهم صاح واحد منهم خليف وينك وينك ابو نجله ما كو رد تقرب صعد الدم لراسي بالحديده وضربت واحد حيل كلت خل ع جثتي يعبرون

واسمع صياح من وراي بيهم عشرين زلمه وياهم خليف صارت هوسه بس كلام

_احنه موش گطاعين الدروب حتى ندخل بيوت ولا هجامه وشقاوات حتى ندوس عتبتك بس هذا واحد من صبيانك حسباله ندخل وهجم وضرب اخونه بوشه بهاي الحديده

جواد سحبني خليف وراه

التفت عليه نزل وحجه بهدوء

خليف

عليش طكيته

جواد

لأن اجه لبيتك صاح عليك كلت رايحين يدشون وبيتك بيه بس حريمك كلت لو كاتل لو مكتول

خليف لا أمن جواد العده طلابه محرم عليه الحريم والبيوت بس همه جايين على سالفه الهم وحكهم محروكه كلوبهم

جواد

مافهمت ليش محروكه دمهم..

خليف شوفولكم واحد اكابله ينوب عنكم كلكم محروكه كلوبكم مانكدر نحجي هيج

_مهاود بياهي تريد نحجي خليت عون عدك دخيل

وهسه نريده مانلكاه عدك شلون رايك

خليف. هودوا شويه وخلونه نحجي براضه عون صارت ردته عليه بس اصبطوا(معناها اسكتوا) شويه عطوه اليوم وباجر تنحل طشو

جواد راحو عرفت عون شارد من خليف صار عندي فضول شلون

سألت

خليف. مايريدون يكولون بتهم هم شارده منهم وعون أخذها يكولون انطينه عون وبس يلزمونه بلا عطوه من عشيرته يكتلونهم ثنينهم

انت وراك درب شويه وتجي سياره روح لأهلك مالك لازم بهاي الطلايب

جواد وكت الضحئ.. وخليف وصئ چفات من يجي علون صاحب سياره يروح لمحافضتنه ياخذني وياه واجت سياره لديرتنه سلمت على خليف وشكرني وصعدت اروح لأهلي

وبالعبريه صعدوا عوائل ليوره من كعدت اكو طفل بيده دبس وسحب راسي التفتت شفت زلم كاعدين ورا يمهم جهال وكفت.. رحت للسايق علون عمي

نسيت شي هناك هسه اردونزلت من السياره بعدها ما كامله عبريته كتله انتضرني لاتروح انطيته فلوس حتى يبقئ كبل لخليف جانو الناس بعدهم وهوسه شافني عافهم واجاني

مهاود لو هسه تطينه عون لو يصير عليك الفصل وما يكفينه فصل بناتك صدك

خليف اريد احجي وياي أبن عمي ودخل جواد

-جواد كولو امانه الله ورسوله تحضر عشيره عون انه اطيكمياه

مهاود. كول يخليف مدسترها وي صبيانك يضمونه

خليف. جواد روح بويه

جواد تعال حجي

أول ما اجاني

حجي تره عون بالسياره الرايحه لأهلي يم علون هسه الحكه

أشر لولد شاورهم وبقئ هو يلهيهم طلعو رحت وراهم للسياره لكيت عمال خليف التموا على السياره واني من بعيد اعاين نزلوهَ بس زلمه لازم ايده ما رضه يهده

طلعوا خليف والزلم

وعون لازم زلمه ملثمين ثنينهم

مهاود بقئ يصيح يريد يروح ياخذه واجو اهل عون وخليف فتح ايده وضهره لعون

مهاود

شرد منك راحت دخلته عدك هده

خليف

أن جان هو كسر الوعد انه ما اعرف اخلف

جواد. الملثم اليم عون يرجف بس عيونه تنشاف بس اديه لازم عون ترجف اجو اهل عون ومهاود اخو البنيه الاخذها عون يتحلف يذبحه لازم خنجره هد الزلمه الازمه عون وكع

خليف يمهم سحب لثامه طلعت بنيه رأسا غطاها َكال زلمه عدنه تخربط

صارت بس العياط زلم كبار سحبوا الشباب من. الطرفين وخليف يهدي بيهم ودخلهم يمه بمحله

خليف... چفات فرگ العالم كلمن يروح بحال سبيله وبس اهل عون. وبيت الطوالبه يجون بيت الطَوالبه اهل البنيه

وانت جواد اليوم ضل تعال سويلم روح لعلون كله ارشد بدربك ضل عدي وياك حجي جواد

خليف... مهاود هاي اختك بس انه كلت زلمه ماردت الولايه حتى غرب بيهم يعرفون بت الطَوالبه ناهبه

تردون وجوهكم تنكسر لو تسمعون الأكبر منكم عمي صايره بكل الوادم ماعشكتو ما اخذتو تهدوا شواي

جواد

خليف حب يهدا صوابهم لان حسوا انكسر اختهم رايحه وي زلمه غريب

بدو عمام عون يحجون وي الطَوالبه بس قافلين الطَوالبه الا يكتلون اختهم ويكتلون عون

البنيه بأمر خليف خفاها چفات أخذها والصياح هداوا الكبار بقوا بنقاش لحد الضهر صاح واحد چيمت التنانير معناها صار الضهر

خليف كال لو يلطوالبه تزوجون البت للولد لان بعد تلثكت زياككم لو تكولولن لا يصير دم بركابكم

عم عون بويه ودو ع مله رغيف هوه يحلها ترضون بحكم الملا لا ويانه ولا وياكم شيحكم على إبنه نرضه

خليف اطشرو هسه للصلاه ونلتم بالجامع يم ملا رغيف

جواد

راحوا الكل صاحني خليف

تقربت يمه بقئ يباوعلي ووجهه عليها بسمه خفيفه

خليف

تعال يلواشي شلون عرفت عون وهو ملثم وشلون ما شافك وعرفك

جواد كمل الكلمه وضهرت ضحكته

لا حجي انه ما خليته يشوفني وهو مبين مدوهن ومخردل يعرف روحه مخطر موضوعه وانه شلون عرفته من دگ البيده شفته وعرفته وخفت لاتصير براسك تهيمه وانت راعي حريم

خليف

انت خوش ازلمه كفو من ثدي الرضعك وبطن النگلتك وضهر الطلعت عليه

شوف جواد إدريس يحب الفلوس كلش صحبتي وياه من جنه بعدنه جهال وفركتنه الدنيا هذا الشيب علمني كلشي بالدنيا وادريس كذلك بس إدريس ابن خير وانه ابن عوز هو ابن فلوس بس ضل يحب الفلوس وانه لا الفلوس عندي امشي بيها دنياي مو هي تمشيني اصرف على روحي وعلئ عيالي مسخر الفلوس لراحتي

إدريس لم وجم وتالي هسه اطاهن لبته ومرته ونسيبه

انه لا كلما يوجعني شي اركض لحكاكيم يطببوني بس رفجه إدريس لان شجاع وعقله يوزن سند وهند تعلمت منه وهو تعلم مني

هذا كبرك وتعلمت انه منك شوف جواد تروح لهلك بسلامه واذا تريد رد اشغلك يمي هنا حالك حال الوليدات العدي وان شاء الله ما أكصر عليك

جواد

حبيت كلامه يحسس خليف الإنسان بعمره اليحجي وياه بس رايي مو بيدي الا ابوي يعرف الصار

صعديت ورحت وخليت وراي موضوع عون والبت ببالي شلون تنحل جان كبل رجعتي نص ساعة يلا تحرك سيارتنه رحت أخذت كم حاجه افرح اخوتي بيهن لان خليف اطاني هواي فلوس

أول نزلتي تصير ع الكيعان كبل البيوت نزلت لأبوي

شفته بيده المسحاه ويسوي المروز وعركان رحتله اول سلامي اله حضني

ابو جواد

ولك يامنعول الوالدين الك فجه شكبرها ماجنهن هالليلتين تعال للفياي تعال

جواد

اخذني لحضنه واطاني مي ويعاينلي بشوك

ابو جواد

روح لأمك ما كلت زاد من رحت خلها تهود من تشوفك

جواد

مشيت شويه اشوف ابوي حيل تعبان بالكاع واحجي وي روحي شلون اكله ارد واشتغل يم خليف. وصلت لهلي اخواتي وامي جن مفاركهم سنه فرحو بيه بس ارتاحيت شويه رحت لگطان اول ما وصلت الهم لكيته لام الجلاب جل القارئ

يوكل بيهن

گطان اضن شليلك ظكل يلمركوع الزبون (بمعنى. جايب وياك فلوس هواي)

جواد بيت الذيب مايخله من العظام وحضنته

گطان ما مستاحش عدي هلجلاب اناغيهن بغيابك وركضت

جواد

ياحفر يضمك يگطان اليوم بضحكه

كعدنه ع الجرف بعد ما تخالصنه ضرب عرك مماطل بالتراب نتكشمر سولفتله وهو مبحلك عيونه كلساع ويفز بويه بويه وكتلوهم على عون والبت

لا خليتهم واجيت وهسه اريد اروح لبيت إدريس اشوف مرته وبته واكللها وصلت الامانه واخافن يعتازون شي شياتين

گطان امشنه

جواد

وصلت قريب المحل وكلبي عصرني مسدود

رحت لبيت إدريس موش بعيد وياي گطان

__منهووو

__ انه جواد

طلعت بت إدريس جبيره أكبر منه سلمت عليها

انه وصلت امانه لخليف وهسه شنهو تعتازون انه يمكم

_نجمه هسه اكلل لأمي ومن نعوز شي أ وين الكاك

_جواد شوفيني بس تفتحين الباب هنا انه

گطان رايح ظل مرابط هنا

_جواد.. اي هايه امانه كال الله يرحمه عينك على اهلي شتريد اسوي اضل

للمغرب راح گطان عده شغل وانه ضليت شفت الباب انفتح رحت هااا

نجمه روح لهلك مانريد شي وعدنه خالتي وابنها دليته على بيتكم من كون اعتاز شي اوده الكم

-جواد رديت لهلي جنت احس مانايم ابد نمت وما كعدت الا شميت ريحه الكصب امي تسوي خبز سياح

كعدت ابوي يريد ياخذ اخوي للملا وبقئ ينشدني على روحتي سولفتلهم وكلشوي امي ادك على رجلها شلون ولك هيج تسوي بروحك

ابوي مبتسم وهسه انته شنهي تريد ترد تشتغل يم خليف

شكولك انت بويه

ا بو جواد انه ما اكلك لاتروح بس الديار الغرب خوانه لان مالك صاحب ولا عرف بيها

جواد شفت امي واخوتي ما يكدرون يفاركوني واني هم شفت نفسي حياتي يم اهلي

ابوي كال لاكيلك شغل يم الحداد بس اني كتله هسه ما اريد اشتغل ابقئ يم بيت إدريس لمن تتزوج بته هذا وعدي لادريس

بقيت ايام اروح يجي كطان يمي ابقئ بالساعات يم بابهم من يريدون شي يجي ولد صغير َاروح اني انكللهم ماي لو يجي خطار الهم اروح لزفافره (الزفافره همه الأشخاص اليصيدون سمج)

لأن بعده جان توه ميت إدريس يجون ناس عليهم

لحد شهر هيج باقي اني لحد ما شفت خطيب نجمه دخللهم بس وراها سمعت صوت عالي نجمه وامها وخطيب نجمه على شنو ماعرفت اول مره كلت عيال بيت ماعليه شويه وطلع هذا فريح مشئ سريع وطلعت راسها نجمه لابسه عليها هدم تريد تمشي وراه أجيت عليها

ها نجمه خيرج وين رايحه تمشي سريع ما تجاوب بس تسب وتغلط بصوت همس وفريح يمشي كدامها بعيد مايدري لحكناه نمشي قريب محل إدريس راد يفتحه وعاطت نجمه هد المفتاح فريح

التفت شافها وشافني اني باوعت بعيون نجمه وكأن تكلي امنعه لايفتح المحل ركضت سحبت المفتاح حيل وركضت انطيته لنجمه تخبل ركض عليه هو راد يضربني واحسه انشال من الكاع التفت اشوف گطان لازمه ونجمه تصيح لا اطكه بس خله يهدنه

بقئ فريح يغلط ويهادد ونجمه ما حجت تظم بوجها من الناس محل إدريس يم الكهوه وناس التمت عليه واني غلطت عليه وگطان خبزه براشدي فره فر لان بالبدايه بس سحبه بس من بقئ يغلط على نجمه ضربه لفت وجها نجمه وراحت واني وراها اسألها وهي تشهك وتبجي صرخت هوووو مو مالج عليج شبببيه وياج

التفتت وعيونه حمر هي اصلا عيونها مثل لون العسل

نجمه اي مالج عليه َابن خالتي بس مو كفو طلع نيابه علينه

وبعده كبر ابوي اخضر ابوي كال نشيل لل.....

وهو يريد يبقئ ياخذ المحل ويشغله امي ماتريد المحل ينفتح ولا نبقئ امي مريضه البيت مرضها اريدها تضل هنا وصيه ابوي نرد يم عمامي وفريح معاند

جواد يعني هاي خالتج امه العدكم

نجمه اي هيه وعمامي متانين نروح يمهم عدنه هناك دار ابوي مخليه

گطان وانتي مالكيتي غير هذا المنعول الساس تاخذينه

جواد هسه شنهو تريدين اخلي ابوي يجي ويحاجي

نجمه لا أريدك تروح لخالي بطرف الولايه عده كاع بس لازم تروح بالربل (الربلات هي عربه بحصان)

جواد شكله اروح غبشه بليل اروحله

نجمه

تكله يجي يطلكني من هذا حتى اخذ امي واروح انه وامي يم عمامي

جواد رجعت سَولفت لأبوي ماقبل ادخل لان الضاهر يعرف فريح وأهله

ابو جواد

هذا متعافي هو وأهله لا تتشابج وياه وكول لگاطع هم لا يكربله شوداكم عليه عوايل بينهم هي ورجلها انتم صرتو اهل غيره شعليكم

جواد بويه هي نجمه كالت اخذ المفتاح جا اضل اعاين عليه وهو مستقوي على نجمه

وهم گاطع بس وخره مني بس من غلط وسب نجمه يلا هطره بعجل

ابو جواد كود الله ويتراضون ونخلص بعد لاتروح لبيت إدريس كلمن عگله برأسه ويعرف خلاصه

جواد ماقتنعت او مجنت واعي لعدوانيه فريح وأهله يومين مرن صنطه وحتى باب بيت إدريس ما فتحته لانجمه ولا امها

بقيت اروح بالنهار يم بيتهم وبليل اروح لگطان رغم ابوي سألني كون وصلت يم بيت إدريس خفت منه كتله لا بس احس مسؤوليتي عليهم

قبل الفجر وكعدنه اني وگطان هسه مخلص شغل وما شفت بعد غير انسدت عيوني بقيت اصيح ماكو صوت وانلزم حلكي هم

گطان رادو يغطون وشي ماكدروا تكاونت وياهم ومخلتهم تملخ ثنين همه بس انه باوعت واحد سحل جويد ركضتله التموا علينه شافو الناس شردوا

خايب كون تعورت

جواد لا بس انكطع نفسي منهو ذوله

گاطع معقوله خضر لو زيدان دافعين علينه ذوله

جواد ذكرت كلام ابوي لا گاطع اضن الدافعهم ابن خاله نجمه نسيب إدريس

گاطع اي ولك اضن صدك شنهي انت بعدك تروح يم دار إدريس

جواد اي بالنهار اروحلهم ذني بس نسوان وهذا خسيس

گاطع جا ومن يسونه فطيس يلمعتبر

جواد والعمل شلون

گاطع كول لابوك وانه اعرف اكللمن والله كريم

جواد اسبوع بعد الصار بليل واحس بابنه احد يصيح ابو جواد

فز ابوي بيده بطل نار يشوف منو

ابو جواد

منهووو

ام نجمه

انه انه

ايو جواد خيرر منهي انتِ

ام نجمه

انه مرت إدريس

ابو جواد خير خويه

أمري

ام نجمه خويه انه رايحه اشرد بليله مابيها كمر بعت المحل والبيت بايعه إدريس وعدي فلوسي بس الله يرضه عليك بوكالتك وكاله عيسى طلكو بتي من فريح عمام نجمه يريدونها ودو مكاتيب يردون بتهم وانه اروح وياهه وفريح شراني ويشتري الطلايب

ابو جواد الله يرحمه شلون أمن ببيت نبهان واطاهم وحيدته

ام نجمه

جان مثل البساط وما عده سو هسه تبين مثل اخوته انه كله مني ردتها لاختي انه اتحمل كل الصار

ابو جواد.. خويه شلون نطلكهه وانت تعرفين بيت نبهان

ام نجمه ماعدي غيركم هنا واختي طبكت وي أهل رجلها بتي اريد احويها من هذا

ابو جواد

راحت واني بقيت اضرب اخماس باسداس

ام جواد شراح تسوي

ابو جواد شسوي اروح لجبير المنطقه وهو يحلها واحنه شهود

جوويد وينك من صباح الله تروح تصعد الربلات وتروح لخليف اشتغل يمه فريح شرايين آخوته وخلوني اروح لابو كاطع بلجن يرضه تاخذه وياك جم وكت تهدي الدنيه وردو

جواد بويه خل نامن راحت نجمه وامها يلا

ابو جواد اكله جوخ يكلي جبن ولك هجت المره بليله ضلمه لان تعرف ولد اختها سيبنديه

يلا امشنه

ابو گاطع سمع كل السالفه

انه ابني ما خله يبات بغير مجان واليطلبنه خله يجي الا اكصكصله رجليه احنه فكور عانه بس موش فكور عكل وعضل

ابنك جان يشتغل وي إدريس حكك توده وخله يشتغل بس ابني هو شاغولي هنا يمي

ابو جواد. متردد بس اخاف ع ابني واني عشيرتي مو كثار صعدته لاتلفت جويد وصير ذيب ابوي ابوي

جواد احتصرت روحي شلون افارك اهلي واخاف ع ابوي وع صاحبي بقيت حاضن گاطع

ولك اريد ارد والكاك لا تشعب كلبي عليك

ابو جواد ابو الربلات صاحب الي وصيته وهم هو يصير مرسال اليه

جواد مشيت بدرب ماعرف شوكت ارجع وبالي يم هلي وصاحبي

وصلت بليل للخان كلت لحارس الخان دخلني وكال من أصبح أفلح يجي خليف واشوف

من اول خيط ضوه للدنيا غبشت لمحل خليف يتواجدون بس الحماميل بهذا الوكت والرحاله

بقيت من بعيد شفت چفات اجه

چفات

شلفاك علينه

جواد جاي لحجي خليف

چفات الحجي موش هنا راح يجيب طعام لأهل الكيعان

جواد وشوكت يرد

چفات مامعلوم شتريد

جواد هو كال تعال اشتغل يمي

چفات

خوش تعال دش ضل يمي هنا لحد ما يرد الحجي

جواد

بقيت بالمحل شغلني أنظف اول مره حسيته متعمد يأمر عليه كدام التجار نظف شيل حط لمن ينهد حيلي يفوت وكت الاكل يتأخر مايجيبلي اكل بس اني تعلمت ما احجي انتظر خليف

فاتو جماعه شافوني كله هذا جديد

جفات شنو نسيته هذا الوشه بعون

-هذا الفتان ومنهاي خلاه يشتغل عده خليف لان نگال حجوه وشمار اذن خل بالك منه

چفات متاني صاحب الحال والمال وهو يكول شنسوي ماكدر اكله مالك خبزه الا يجي الحجي

جواد تعمدت اسكت لان اني بينهم غريب وياكلوني انتظر حجي خليف

بقيت عهلحطه اسبوع شفت صاحب الربلات الاخذني ركضت عليه انشده على اهلي كال ابوك يسلم عليك يكول تطمن مامش شي بس لاتردبعدهم مبيتين خونه

بقيت انطر خليف بليل سمعت حارس الخان وياه ثنين يسولفون عرفت خليف جاي فرحت كلت اجه الفرج سألتهم

واحد رد

خويه جا هو موش طارش هو بالسجن

شنوو بالسجن شسوه

مالي لازم لاتنشد

خليتهم يطشون من تعلولتهم وطلعت لبيت خليف دكيت الباب مرتين وانفتح الباب خليف بس كانو صار سنه مريض متغير

هااا حجي

خليف هاا جواد شجابك

جواد

كتلي من هلك يردون تشتغل تعال اليه واجيت

خليف تعال تعال دش اليوم وصلت

جواد

لا حجي صارلي اسبوع

خليف ارتاح هسه وسَولفلي

جواد بليلتها خليف ماله خلك يحجي كال الصبح تحجيلي كلشي

والصبح صاح كعدت تعال يمي رحت لكيته كاعد صبحت عليه كال جيب اليدام وخلنه نفك رياگنه

ناكل وحجيتله كلشي صار وياي عدل كعدته من سألته ليش بالحبس

خليف

بعد ما رحت انت الملا بالجامع كال فرضي البت اذا ما جايسها عون ترد لأهلها وعون وأهله يشيلون من الولايه لان هاي خونه

بالفعل الولد أكد ما جايس البت واخذوها بس عكدو عكده العباس ويمين ما يكتلون البت يخلونها عايشه

وعون اطوهم عطوه ثلث ليال يشيل

والناس شالت

حملوا

بيومين وثالث لكو عون ميت وره مخزني وتهموني اهله انه كتاله وانت هسه مخطر تضل شلون چفات خلاك بالمحل

والناس تروش البارحه عرفنه مهاود كاتله خايفين على البت خاف هم كتلوها بس اهل عون يكولون صبي خليف هو الوشه بابنه

هسه رايح اركبك تروح لصاحب عدي تشتغل عده وأمن موش بعيد ابد بس لان مامون المجان

جواد جا چفات راد يلزموني

خليف

حسابه عدي بس خف جدمك كون احد يدري بيك جاي عليه من ربعنه هنا

جواد لا

خليف خوش

جواد صعدني بسياره متروسه دبن وفضلات بس تحملت لفلفت وجهي ورحت بعد ما كتبلي ورقه اوديها للرجال الرحتله كتبله كلشي

وصلت لديره احسن من البيها خليف بيوتهم مالت خشب زين وكبار على العنوان وصلت

_منو تريد ابني

_اريد سعدون القلمچي

_ادخل لذاك المحل هو محل سعدون القلمچي

تاجر تتن يعني جكاير مخازنه أكبر وعمال هواي وصلت رجال لابس عمامه على راسه مال شيوخ وهيبه قرأ الورقه

_سعدون حياك واعتبر هاي ولايتك بس أجيت بوكتك عدنه اليوم نكال تكدر وياهم

جواد جاوبت بلا تفكير لازم ابيض وجه خليف

أكثر النكل شمر عليه ماشفت سعدون بعد الكل يشتغلون اكو ثنين همه الكاللهم سعدون نكلو جواد يخلولي حمل ازيد من الباقين ويباوعلي احجي

ما رديت كلت على كد تعبي أكمل وصدك ما توانيت بقيت لآخر عود كلها ريحت وكعدوهم وانه ما كلي اكعد لو كف بقيت لما حسيت خدرن اديه واضن جعت بس هم ماحجيت لحد اخر شي طلع ماعرف منين سعدون كال شلونهم الولد وياك

جواد كلهم خير وخوان

سعدون

اكلت

جواد اكمل واكل

سعدون

تعبت

لا كل شغل بيه تعب مامش راحه

سعدون

تعال وراي

جواد فتت لمكان أكبر بس فارغ كال هذا مخزن فارغ ورايحه تجيني حموله جبيرة تكدر تبيت هنا تنطرها

جواد

ابشر

سعدون يلا اطوه اكل وخلو يرتاح

جواد التفت عليه تحتاج اخلي عوان

لا استادي

سعدون

كلي عمي

جواد لا عمي اذا بس يفرغون انه حارسهم ماعدي شي

طلعو وخلوني ما اجذب اذا اكول ماخفت مكان جبير والضوه مال السمه اليوم ضغيف وبس مشعل ببدايه المخزن كعدت اكلت لكمه ولكيت فراش مددت شلون غفيت مادري سمعت همس صوت ناصي كلت اجت الحموله كلت يالله توكلت على الله

وصلت لكيتهم ملثمين كلت من جهه خليف ولكحوني طلعت السجين الي من جنت يم اهلي اطانياها گاطع كال لا تهاب اليهجم عليك من تضرب أوجع وكفت مستعد اضرب بس يوصلون كلت لو حراميه لو جايين طالبيني

غطوني بجلال مثل الختنكت ورادو يچتفوني

دمتم بخير

الثالث من هنا

تعديل المقال