رواية اصفاد الود الفصل الثالث 3 بقلم زهرة الرمان

رواية اصفاد الود الفصل الثالث 3 بقلم زهرة الرمان 

جواد وصل اخر نفس من خنكتي وهدو الجيس وحلو ركبتي بقيت شويه اريد اتصنت صارت صنطه مامش حس حركت أيدي وخرت الجيس من راسي مامش احد وحدي

يويه جا شنهي جنى وربعه جانو بقيت واهومش منا ومنا اشوفن وينهم مامش بره احد ضلمه هندس

رديت وتعوذت من ابليس

گلت الصبح اكل السعدون ما ابقئ هنا بس صارت ضوه كعدت لكيت الناس تروش اكبلت على محلات سعدون شفت صانع عدهم جاني كال يريدك سعدون رحتله

ردت اسولفله على ليله الفاتت هو نجدني من كال

سعدون

المخزن ميرادله بس نفر رايح اخليك بمكان اخر

جواد خنست كلت اجت منه

بقيت أكثر من عشر ايام يوميه بمجان ويوميه هبطه تاليها خلاني يم شنشل الگبنچي

هذا على أحمله التتن ويوزن وينطي للعالم ياخذ منهم الفلوس. بقيت فتره جان رجال خير قليل الكلام اني احمل واخلي بالگبان وياخذون الشرايا

النه وكت للأكل يروح شنشل اجي ع العلوه اليكعد عليها لكيت ضبه فلوس بس العمال يروشون كلت رايح تنشال مبينه هسه ناسيها من اطوه الشتروا غطيتها بسمل الاخليها على ضهري حتى من يجي شنشل اكله

كملت لكمتي وضليت بكعدتي كالو تعال اكل يمنه مارضيت كلت لاينباكن صله شنشل واجه يريد يكعد رحتله

هايه فلوس ناسيهن ما ضميتهن وضليت هنا جويعد متانيك ضمهن انه خليت عليهن السمل حتى اضيعن لبين جيتك

شنشل هاا اي اضني نسيتهنن

سعدون.. ها شنشل

شنشل كاملات مابين نگص ابد

سعدون خوش من تغرب الدنيا ويكفون خله يجي يمي

جواد

شغلي يم سعدون متعب كلش بس اكول الاجره زينه تساعد اهلي بلكي يكدر ابوي ينجرنه غرفه كلنه بغرفه وحده

المغرب كلهم حلو اجاني واحد من العمال كال يريدك عمي سعدون بالمغازه (بالمغازه يعني المحل الكبير الي بيه البيع المواد)

ها عمي كول

سعدون

جواد انت مرتاح بشغلك عدنه يامجان تريد تبقئ بيه يم الگبان لو نبدله

جواد ما تفرق عدي وين ماتريد انه اشتغل كلشي

سعدون هاي اول هيل (اول هيل يعني اول مره)

ذني مجازاه لكيت الفلوس لان شنشل هم كبر وتعب حتى تروح لأهلك اخذهن اطيهن لأهلك أخذلك ثلث ليال وتعال خوش

جواد فرحت وشكرته ورحت لأهلي صرت اعرف صاحب ابوي السايق شوكت يروح وشوكت برد ضليت كاعد لحد ما عرفت طلعته كبل لا يطر الفجر يروح رحت وصلت لأهلي كلش وي فشكه الشمس ماريد احد يشوفني من بيت اهل فريح على وصيه ابوي

لكيت امي تحوس تريد تخمر وضحكت

_ هله وهلاوين يا سباح گلبي

_جواد هله يمه ودمعت على لهفتهاعليه

ابوي كعد واخوتي التموا عليه.. بعدها سألت عن فريح وبيت إدريس عرفنه خال نجمه جاي ومخلص طلاكها وراحت كال ابوي اذا تريد رد

بويه خلني سعدون خوش ازلمه ومرتاح بشغلي بس اول ايام تعذبت سَولفت لأبوي

ابو جواد اضن هالزلمه محيوف هواي هاليشخل العده يشتغل

جواد لا بويه هو تاجر بويه وبيته بكبر كاعنه وكاع عداي

ابو جواد خل بالك جا لان كل الحوله يجوز حايفين حلاله عينك على روحك لاتخالط ولا تطي سر ا حد واسمع واسكت اشتري لاتبيع الحجي

جواد

اطيت الفلوس لأبوي وامي فرحو بيهن

ورحت لگاطع

گاطع شنهي حلت بعيك ديرتهم ولك يمصيوب انه هنا عيوني ع الينزلون بلجن ترد

جواد حضنته وكعدنه وليلتلها بقيت يمه

واشوفه يصفن

خاب شمالك حتى سوالفك باهته

گاطع ارد أكلك شي

جواد احج

گاطع

انه الصدك اضن عشكت ولك

جواد تمرغلت بالتراب واضحك حيل ولازم بطني شني شني عااااهههههههه عااششك

ماسمعتله اي رد سكتت باوعت اشوفه وين لكيته يمشي ركضت وراه اها كويطع تعال تعال ليه سحبته لوشي اندار مني

شني تحجي صدك لو تتكشمرحسبتك تتكشمر

گاطع حكك تضحك عليي اني شنهي من البشر انه النهار كله ريحه العلف تارسه هدمي وبيتنه بعدها صهوه وباريات

ونصي وصخ انه وهذا العشك شنهي

جواد تعال گاطع لاتيه اديه أكلك تعال شبيك شنهي هذا الحجي

گاطع هدني اروح انام توجعني چلاي

جواد موش گصدي گويطع تعال احجيلي

گاطع مامش بعد حجي روح جويد عني

جواد ضجت عليه اختاظ عليه وما رضه احاجيه رديت مغموم للبيت امي عرفت وشي نشدتني ضيعت بتعبان ارد انام للفجر فزيت لان تعلمت اعرف وكت شغل گاطع الا اروح واتسامح منه واعرف علته

وصلت لكيت ابوه واكف وهو على السياره يحمل شافني واندار انه بيدي خبزتي وياها مغليه روبه اخذتها من امي وفص تمر كلت نتريك انه وياه

گاطططع هييي گاطع

سمعني وبقه ايوه هم يصيح عليه سوه بيده لا روحوا يعني مانزل ايو گاطع مثل الاستحه مني

ابو گاطع لا تختاظ عمي هاي صارله بشهر هيج لا يحجي ولا ياكل سموحه

جواد لا عمي انه وگاطع روح وحده ما له لزوم تتسامح صعدت للسياره اساعده ماحجه عصرني گلبي لان غلطان بحكه وهو ملچوم دمعت وحضنته شافني دمعت ماحس الا ضربني لاتبجي أغيم شنهي تتبكبك مثل الثنايا امش انزل يلا

كعدنه

گاطع شنهي انت ما مطوحل (يعني ماماكل)

جواد لا كلت انه وياك نفك رياكنه

اخذ شويه كال اكل بيده الخبزه يلف بيها ويباوع ع الناس يريدني اكل حتى ما انحرم من الاكل اذا ما اكل

وكلما اريد اتعذر يكلي تزوهرر لاتحج منا ابوي بعدين

. اخذ شويه وانطا لعامل وياهم. راح اخر شي ينظف المكان ويمي ابوه

ابو گاطع. جويد بويه شوف هذا الطرن شماله صاله مده حاله مكلوب

جواد ان شاء الله عمي لاتخاف عليه كويطع زلمه الزين

ابو گاطع اعرف بس احسه مدوهن والزاد مايكربه جان ياخذ حكاك الكاع

جواد

كملو شغل واني بقيت يمه

مشينه باتجاه الشط

اكعدنه بله گويطع شبلاك احج وروح جدي بعد ماتكشمر ولا اتكنا عليك (اتكنا يعني استهزا)

گاطع تعرف نويضم ابو الدبخانه

جواد منهو مايعرفه شبيه

گاطع

بته زهيه تجي يم بت محيسن أخذت گلبي وبعد ما رد

جواد شنهي مره وحده وعشكتها

گاطع لاله ولك تكاونت وي عنبر الشقاوه تعرضولهن وانه هطرته بالكاع بعده بيومين رادني صابط اصير وياه الشقاوات ع الجاي خانه بس مارضيت وكتلهم التشوفه عيني جريب اخلي دمه بطوله بس وراها شفت زهيه ينفرك كلبي من اشوفها اجت تشكرت مني لو ذاهت روحي ولك جويد بس لاتتمضحك عليه

جواد ضام حلكي ببرجليه خاف يختاض يحجي وعيونه تلمع

لا شنهي اضحك احج من سلمت عليك بعد هم شفتها

گاطع اي شفتها وصارت كلما تمر مغطيه وشها بس شلون انه اشوفنها مدري اهيس من تمر اعرفها من تمر كل نساوين الديره تبسملي وتروح لمن ذاك اليوم بعد ماتراوت ماتدري هي من تمر تطيني حيل وعافيه

من يومها لا عافيه ولا راحه عدي انه مثل جلمود هاك شوفني لا جهامه ولا شوفه ولا فلس ولا عانه ولا ابوي بالديوان انه حمال وهي مثل برحيه

جويد چلاي تگطعت شنهي العمله كلي

جواد بقيت بساعتها بحيره صدك اكو بشر يحب بت هيج شلون وانه من اشَوفن مره اذا تلاكيت وياها نوبت الثانيه ماعرفها

شوف گويطع لاتنكص من روحك شعايزك طول بعرض وشاغول

گاطع خاب شمالك انت انه ارطن وين وانت وين أكلك انه فكر وهي ابوها يلبس الهبري والزبون وابوي ما لابس برجله گيوه

جواد بقيت اواسي مع اني اعرف كل حجيه صحيح وما الومه احنه الطبقه التحت الفقر

بقيت اسولفله على شغلي وشكد ينظيني سعدون بس اعرف ما أكدر اواسي لان يعشك زهيه

خلصن ايام والليله ارد شغلي لكيت كاطع كاعد يم بابنه

شنهي ما نايم وراك شغل

گاطع ابشرك ما اضوك النوم

جواد وصلني ووصيته ع نفسه وصلت لمكاني

لكيت سعدون موجود بدخلتي لكيت على جنكال معلكين واحد من العمال من رجليه

والولد يصيح مو انه مو انه سألت واحد أشر اشش اخنس

خنست يضربه بوجع والولد يضغب مووش انه صرت كبريت بس ماكدر احجي

اخر ضربه جانت كلش موجعه صاح ااييي انه انه

صاح سعدون

هذا جزات التنده نفسه ع ايد التوكله تعوز كلي اطيك لا تعلم ايدك على البوك نزلوه شوف كبل لا تسلم الشمس صره الفلوس يمي ما ينكصن واذا نكصن ينكصن عمرك كله

جواد رجعت لشغلي ايام تمشي تعلمت ع الشغل واتعب ما انطق اوو اتململ وعرفت حجي إدريس من كال الحلال ما يجي الا بتعب صرت اعرف قيمه الفلس واضمهن يم شنشل الگبنجي يخاف الله ويحبني

وبعد ما رجعت هالمره صرت ابات بالمغازه كلها مواد غذائية وتتن وهواي أشياء كال سعدون نومتك هنا مكان تعلمت عليه وصرت انام واكو حارس بره على كل المغازات اليوم دونا عن الايام هواي صار شغل وكلش تعبت حت الاكل ماكدر اكل ومن اتعب كلش بصعوبهانام

شميت عطاب كلت يجوز الحارس يمه ا حد يتعللون وجكاير

زادت الريحه بقيت بمدتي لان رجليه يوجعني متململ اكوم بس شويه واشوف النار ضوت بالمغازه ودخان كلها شلايف طعام

ركضت النار اعلئ مني اصيح ع الحارس ماكو واهومش يهلوادم الحكوو ركضت للبطانيه النايم عليه الم تراب واذب والنار تخوف الها صوت تكول تريد تلهمني واني ماهمتني روحي بالمغازه كلها فلوس وشغل سعدون

وبقيت اصرخ طاح العمود مال الوسط اكلته النار كلت اجتني المنيه انسد باب عليه وانه اطفي بيها ماطلعت سمعت اطلع لاتموت والناس التمت تذب ماي وتراب وانه بالبطانية واهومش لحد ما اختنكت ما حسيت بعد

قد تهرب بعيداً مما تخاف لتجد عوض الله ممن كنت تخافه بقلمي

ام جواد

يمهه وكف بزردومي الزاد يمه جويد جويعان لو جاسك برد

ابو جواد

اذكري الله ابنج حوك مو راكد

سعدون

اجاني صبي عدنه الحك عمي المغازه احتركت

ركضنا واحشم والناس كلها فزعت ويصيحون على جواد اطلع ما قبل يريد بطفي النار طفوها الوادم دخلت لكيت جواد مختنك ركضنه بيه الخستاخانه (مستشفى بس مثل للمركز الصحي لان اقضيه مو المركز)

فحصه الحكيم ووعاه انطانه اله دوه

وردينا بس روحه رايحه واول جلمه المغازه طفت لولا

أخذته لبيتي وياي

جواد

اخذني سعدون لبيته بيت كلما امر عليه واشوفه اتعجب بيه شبابيجه ملونه مزروعه الممرات بيه دخلني بالمكعاد (مثل صاله وسط البيت)

جاب روبه كال أكلها اشربها واني احس مجلبشات اديه اعاين كلي صخام من الحريجه وهدمي تمزك

عافني وراح جاب دشداشه كال امش غسل هاي صاسه ويدر (جدر واكو مثل يده تنرفع وتنزل ينزل ماي وصايونه واغسلت ارتاحيت

طلعت لكيته واكفلي كال نام ومن نصبح نحجي

لأن ردت افسرله ع الحريجه

الصبح اهيس شعري ينلف وينسلت فزيت حيل شفت وليد زغير صرخ من فزيت بوشي عليه وشه جنه رمانه ضحكت صحتله تعال هاك راسي شعري ثخين ومكعكل (يعني كيرلي)

من كتله هاك راسي فرح رد يملش براسي وانه اضحك والاعبه وهو يضحك سمعت صوت

تعال غالب وينك

خنست وما صديت المجان الصوت لان انه بدارهم عيب دنجت وغالب يعت براسي ويصيح ما يجي يريده يجي بيده ههه اضحك والعب وياه بس صدري بعده مخنوك

شوي واجه سعدون

سعدون

هاا غالب شسوي ولك ها جواد شلع افادك هذا وانت ماهو طيب

جواد لا خله ما يوجعن اديه

سعدون

هسه اريدن اسمعك وتسمعني

أول هيل شخلاك اضل بالمغازه وانت شفتها علت النار عليك

جواد

مجان الأكلت منه خبزه ونايم بيه غير الحكه لو انه لو النار جا شنهي عذري اشرد واهد النار تلهم بحلالك

سعدون

انت موش حارس الحارس هو العليه الصوج

جواد

خفت لايعاقب الحارس وانه شفته من يقسي باليغلط صحت لالالا عمي دخليك لاتاذي

سعدون شلون وهو مامنينه على المغازه

مو طريف ماجان حتى بالمغازه رايح لأهله مرته طالكه وجايبله الجده

لوما محشم انت والتمت الوادم سامع من اليركضون مغازه سعدون وجت واجه انه خليته حارس لان بيته جريب بس مو يهد مجانه

جواد

زين الحرك شنهي أسبابه

سعدون نشوف نشوف هسه اكل وهم اسمعك حجي ماتدري عنه انت

جواد كملت اكل وغالب بس هو يلعب يمنه بيته هدؤ رغم سمعت صوت بنيه بس كلت يجوز مرت سعدون

سعدون

من وداك خليف وراها من مجان خليف عرفنه انت واشي والواشي الفتان بالسوك مكروه بس خليف ماكدر اردله طلب

وهو رادني اشغلك

خلني اصدك وياك ضليت اسوي تجارب عليك اول مره جربتك تحمل تشتغل أكثر من ربعك تشكه عليهم

نوب وديت ثنين يسوون رواحتهم يحوفون انت ما اطيت بمجانك

حد الخنك وما سكتلهم

وانوب خليتك يم شنشل وما دنت نفسك على فلوس واعرف معتاز واعرف اهلك اخذو كاعهم وبهلفلوس تكدر ترد كاع ابوك بس ماخذت وما اخفي عليك من اول مره خليت سمل عليهن كلت راح ياخذهن

وكلت اعلكك ههه

وهم ما أخذت آمنت

مو كل تنشاع عليه بوصف يتصدك بيه

لمن عيونك تشوف

واذنك تسمع هم لاصدك من مره ومرتين علمني السوك بالعشره ويطلع بيها دغش

أمن لمن تغربل

جواد مدري افرح مدري اتكدر على السواه بيه

بيومها سكتت وطبعه ما يحجي هواي شافني سكتت طلعنه للمغازه وبدينه أنظف ونطلع بالغراض ثلث ايام هيج ضلينه لمن صفيناه وجاب حارس ثاني وي الأول

ومشت ايام واطاني اجرتي واطاني هالمره اسبوع كال ضل يم اهلك

رجعت فرحان ومرتاح لان صار سعدون كلشي يريد يصيحني ويامنلي

وصلت لأهلي فرحو يشوفني وسولفتلي امي وتنشد شني ماتاكل ماتنام شبيك

عرفت بالها يمي وسَولفتلهم على الحريجه بس ابوي كال تحذر أكثر من كربك اله لان هيج اهل الفلوس بساعه يكلبون

جواد لابويه انه ماعدي شي

بليل رحت لگاطع طلعلي ابوه

وين كاطع

ذاك ممدود

گاطع مريض كلش بس عيونه يعاينلي دكيت على كصتي امش امش عدي فلوس اخذك الحكيم امش

ابو گاطع لا جويته برأسه وأمه طحنتله حوايج الصبح يهود

جواد عمي خلنه ناخذه هذا الجان أفاده أفاد أخرس غادي خشبه مورثه بويه الحگني ولك خويه گويطع كوم

دمتم بخير

زهره الرمان

الرابع من هنا

تعديل المقال