رواية ويبقي الامل الفصل الثالث عشر 13 بقلم رنا عبود والاء المنشاوي
الحلقه الثالثه عشر
في المستشفي
بغرفه اسراء
جميله:يا اسراء ردي عليا انا مامتك يا حبيبتي
مرام:احنا خايفين عليكي في ايه وايه الحصل وصلك لكده
واسراء صامته
الدموع تنهمر من عينيها
ذهبت اليها جميله واحتضنتها واخذت تربت عليها
جميله:والله لو اسامه هو ال عمل فيكي كده ليكون اخر يوم في عمره
مرام بصوت عال :انتي لسه يا ماما بتقولي لو هو ال عمل كده انتي مش شايفه حالتها عامله ازاي هو مفيش غيره اسامه
اسمه وقع عليها كصخره كبيرة انتفضت لاثرها ابعدت امها عنها
انهمار دموعها ازداد
جميله بقلق :مرام نادي الدكتور
هرولت مرام تنادي الطبيب
اغمضت اسراء عينيها ونامت بدون ان تنطق كلمه واحده
جاء الطبيب قصت عليه جميله ما حدث
الدكتور:طب انا بقول خلوها ترتاح بكره نشوفها بس هي هتحتاج دكتور نفسي
بداات جميله النواح
:يا عيني عليكي يا بنتي
مرام بتعصب:ممكن تهدي يا ماما
******
في صباح اليوم التالي
في فيلا المنشاوي
)فتاه طويله رفيعه بيضاء ذات شعر احمر بالتاكيد تلك صبغه(
تتسلل علي اطراف اصابع قدمها تخشي استيقاظه خطتها ستفشل ان فعل
مازال الوقت باكرا جدا بالكاد اشرقت الشمس
وزنها الخفيف ورشاقتها تساعدها
والتسلل لغرفه عاصم مباح
تفتح باب الغرفه ببطئ
وكالعاده هو نائم بدون قميص
بصوت منخفض"زي ما هو لسه متغيرش"مع ابتسامة
تسللت حتي وقفت قباله سريره
وبصوت عالي مره واحده"عاصم"
انتفض عاصم مره واحده وامسك وسادته والقاها عليها
وقف عاصم:مين مين
امسكت الوساده
وبابتسامه عريضه كشفت عن وجهها
-انا
عاصم بذهول :بتهزري لا بجد بسنت شكلي لسه نايم وبحلم
اقتربت منه بسنت ولكمته لكمه خفيفه علي ظهره
بسنت:لا انت صاحي
اقتربت منه
بسنت:مفيش حضن ولا ايه
احتضنها عاصم وقبلها علي وجنتيها
عاصم:وبوسه كمان
ابتعدت بسنت عنه ونظرت اليه
بسنت:مش ناوي تغير عادتك دي يا ابني روح البس حاجه وانا مستنياك هنا
وجلست علي السرير
عاصم:وانتي مبتكبريش ابدا يا بوسي لسه زي ما انتي وحشتيني اوي وحشني اللعب معاكي
رفعت راسها اليه
بسنت بنبره ثقه:ولا هكبر ابدا انجز انت ونلعب سوا عادي
ذهب عاصم وارتدي قميصه
عاصم بمكر:عمتو قولتي لحد انك جايه
بسنت:عمتو في عينك ،هو انا صحيح عمتك بس اكبر منك بسنتين ها انت قاصد تضايقني صح
عاصم:الصراحه اه قاصد اضايقك
بسنت: طب يلا ننزل بقي عشان نصحيهم ونفطر
نظر عاصم الي الساعه
عاصم:حرام عليكي يا شيخه لسه الساعه 6
بسنت:بطل كسل ويلا ننزل
عاصم وهو يتثاءب:لا انا تعبان وعايز انام شويه كمان ورايا شغل وحاجات كتير لما اصحي واخوكي سايبلي الشغل كله وبنزل اتعامل مع موظفين حاجه كده استغفر الله العظيم
بسنت:لسه عصبي مع الموظفين يا عصوم
عاصم:انا عصبي ازاي
بسنت:وانت هتقولي انت مش عصبي خالص
وارتفعت صوت ضحكاتها
عاصم:يخربيت ضحكتك يا شيخه كوثر وماجد هيفكروني جايب بنات معايا البيت
بسنت:طب يلا ننزل يا اخويا انا جعانه
نظر لها عاصم ثم قال:ولا بيبان عليكي
نزلوا الي الاسفل
واتجهوا الي المطبخ
بسنت:بتعرف تحضر فطار
عاصم:ودي محتاجه حاجه يعني
بسنت:طب حضرلي
عاصم:حضري لنفسك يا عمتو
وضغط علي حروف اخر كلمه
بسنت:انت مُصر تضايقني بقي
عاصم بمرح وهو يشاور بيده :حاجه شبه كده يا بسبوسه
بسنت:ايوه كده ارجع
دخلت خلود عليهم المطبخ
خلود وهي تفرك في عينيها :ايه الدوشه ال انت عاملها علي الصبح دي يا عاصم متروح تنام
وكادت ان تذهب
بسنت:مفيش صباح الخير يا بسبوسه طب اي حاجه طيب
التفت اليها خلود:بتهزروا لاااا مش مصدقه بوسي
جرت خلود عليها واحتضنتها
خلود:وحشتيني اوي يا بوسي والله وامريكا عامله ايه
بسنت:وانتي كمان وحشتيني اوي وامريكا تمام زي ما هي ،بس انا بقول دلوقتي نفطر عشان هموت من الجوع
نظرت لها خلود
خلود:بس ايه ال انتي لبساه ده يا بوسي
بسنت:ماله لبسي بقي يا خلود
خلود:ملوش خالص
ونظرت الي عاصم
بسنت:مالكم يا عيال في ايه
عاصم:هو لبسك حلو وكل حاجه بس مش في مصر
بسنت:شوف بقي الكلام المتخلف
عاصم:انا متخلف طب حضري الفطار لنفسك بقي يا بسنت
بسنت:هو انا اقدر بردو انا رايحه اصحي ماجد وحشني اوي
استيقظ الجميع وهم علي مائده واحده
كوثر:ايه اللبس الجايه بيه ده جيه بهوت شورت طب يا شيخه عيب علي سنك
رفعت بسنت حاجبها
:والله ال مش عجبه لبسي ميقعدش قدامي
واكملت طعامها في كبرياء وغرور
كوثر تغلي وماجد يحاول ان يهدئها قليلا
خلود:بقولك ايه يا عصومي
عاصم:فيها عصومي يبقي فيها طلب انجزي
خلود بتذمر:شوفي يا ماما بيعاملني ازاي
كوثر بتعصب :هو انتو عيال صغيرة ولا ايه
عاصم:هدي نفسك يا كوكو انا هشوف البت المجنونه عايزه ايه
التفت اليها ثم اكمل:عايزه ايه
خلود بابتسامه مصطنعه :عايزاكي توديني المستشفي
بسنت:ليه يا روحي مالك
خلود:مفيش حاجه يا بسبس عايزه بس ازور اخت صاحبتي
عاصم:معلش شوفيلك شوفير غيري هي عربيتك قولتيلي هتيجي امتي
خلود:اخر الشهر
عاصم:وانا هفضل شوفير حضرتك كده لتخر الشهر
خلود بمرح :ايوه يلا يا شوفير عشان منتاخرش
عاصم بذهول:نعم يا قلبي لا شوفيلك حد غيري انا اصلا ورايا شغل كتير
ماجد:انا هنزل الشغل انهارده روح مع اختك زياره المريض واجب بردو يا ابني
اصطنع عاصم الحزن :اتفقتوا عليا كلكم يعني
ضحكت بسنت بصوت مرتفع
نظر اليها الجميع
خلود :بسبوس عايزينها تضحك ازاي يعني
بسنت:بس يا بت انا عايزه اجي معاكم
خلود:ماشي علي الاقل تتعرفي علي مرام ده انا هبلتها من كتر ما بتكلم عنك
بسنت:انا بقيت مشهور اوي كده 
خلود:ايوه طبعا
عاصم:طب يلا يا طنط منك ليها عشان اخلص من المشوار ده
بسنت وخلود في صوت واحد:طنط في عينك
ذهبوا الي المستشفي
عاصم :اطلعوا انتو وانا شويه وهطلع
خلود:ماشي تمام
جاء ياسين وخالد
عاصم :ايه ال جابكم
خالد:بدل ما تقول صباح النور صباح الخير
عاصم:خلي اماني تقولهالك
خالد ونبرت الحزن اكتسحته:اه حاضر
عاصم:عرفتوا مكاني منين
ياسين:ابدا يا سيدي روحنا على الفيلا وقالولنا انك هنا ثم اكمل بلهفه :يلا نطلع فوق نشوفهم
رن هاتف عاصم واضاء اسم ريم
خالد وياسين بمكر :مين ريم دي يا عصوم
عاصم:بعدين بعدين
جاء عاصم بعد ان انهي مكالمته مع ريم
ياسين:هي يا بوص وانا ال فكرك مؤدب طلعت مش سهل ابدا
ملامح الجديه اكتسحت عاصم:احترم نفسك انت وهو انا هروح اخطبها
اعتدل خالد في وقفته
:حبتها؟؟
عاصم:ايوه حبتها، واقفلوا علي السيره دي وتعالوا نطلع نشوفهم يلا
