رواية أقرب من الصدفة كامله وحصريه بقلم Theodora Ray
-ما تاخد بالك يا بني ادم انت اي الغباء دا
*غباء! انتي اللي خبتطيني وبتقولي اخد بالي وغباء
* انتي اي البرود اللي انتي فيه دا ي بنتي انتي اللي ماشيه ماسكه الفون ومش شايفه قدامك
=اي يا باشا مالك بيها معلي صوتك كدا ليه
*اي يا نجم اي اللي دخلك انت مالك بالحوار
=مالي اي اتكل علي الله كدا بس بدل ما اوريك وش مش هيعجبك
فضلوا يتخانقوا مع بعض حبه وانا واقفه بفكر انا شوفت الشكل دا فين قبل كدا
خلصوا خناق والشخص اللي خبطني مشي وبعدين لقت الشخص اللي مألوف نسبياً بالنسبالي بيبصلي
-بجد شك..
=اي اللي مخليكي تاخدي وتدي معاه في الكلام سيبيه يكلم نفسه وامشي بدل الوقفه دي
هو بيزعقلي كدا ليه! وانا اللي لسه هشكره
-أي دا انت بتحاسبني ولا اي !لا مش عشان انقذتني من الكائن دا فتعلي صوتك عليا براحتك مسمحلكش علي فكره
=تسمحيلي اي بس دا انتي لسه الواد كان بيهزق فيكي
-وانت مالك اصلا انا كنت هتصرف مع نفسي مطلبتش منك المساعده
بصلي بتعجب ولبس نضارته وقالي وهو بيمشي
= اتكلي علي الله طيب شوفي كنتي رايحه فين
وسابني ومشي وانا في زهول من طريقته
كملت يومي وخلصت محاضراتي وروحت السكن وانا كل تفكيري عاوزه افتكر مين دا
-الو يا ماما عاملين ايه
*بخير يا حبيبتي انتي طمنيني عليكي عامله ايه
- بخير يا ماما بس كان يوم مُرهق جدا
*ربنا معاكي يا حبيبتي ويقويكي خدي مرات اخوكي عاوزه تسلم عليكي
مرات اخويا ! ايوا هو، ينهار ابيض هو اللي شوفته النهارده اخو أمنيه
*الو يا تمارا عامله ايه
فوقت من شرودي ورديت عليها
-بخير يا أمنيه الحمد لله انتي اخبارك ايه
*بخير ي حبيبتي، ها قولي لي بقي هتيجي امتي عشان تساعديني في عزومة يوم الجمعه
-هخلص محاضرات وهاجي يوم الخميس بإذن الله
*علي خير يا حبيبتي ،يلا اسيبك عشان تذاكري بقي في رعاية الله
-رعاية الله يا حبيبتي
قعت افكر أنا ازاي مفتكرتوش لما شوفته مع إن لما بيجي عشان يزور أخته بشوفه وهو طالع بحكم إن اخواتي متجوزين وقاعدين معانا في نفس البيت فوقت من شرودي وقولت لنفسي
-ولا يهمك يا بت انتي مش غلطانه هو اللي متكبر وأسلوبه بايخ
كملت الاسبوع في دوشه الكليه والمذاكره واخيرا جاء الخميس روحت ولقيتهم بيجهزوا لعزومة بكرا عشان أهل امنيه جايين يسلموا علي اخويا عشان لسه راجع من السفر
-هلاااا العوده من بعد غياب ،صعبتوا عليا قولت ارجع انور ليكم البيت
*يلا يا اختي غيري وروحي ساعدي مرات اخوكي
-أي يا ماما لدرجه دي كنت وحشاكي
*يلا يا بت خلينا نشوف اللي ورانا وبعدين نقول وحشتني والكلام الفاضي دا
الكلام الفاضي دا! بتموت فيا ماما بتحبني مووت ،
دخلت اساعدها
*خدي بقي يا تمارا ورق العنب دا جهزيه ايدي مش فاضيه
-اااه يا ضهري ليه ورق عنب بجد
*مينفعش زين اخويا يجي عندي ومعملوش ورق العنب اللي بيحبه يلا بطلي دلع ي بت
خت الصدمه أنا بقي ! ليه زين يجي؟ لازم يعني دلوقتي فوقتني من شرودي وهي بتقول
*ايه يا بت سرحتي في ايه
-ها لا مافيش فين عنب الورق دا ااء ورق العنب
*عنب الورق لا انتي تقعدي كدا وتقولي لي مالك
قررت احكي ليها عشان لو هو اللي حكي هيبقي شكلي مش الطف حاجه
*بتهزري! انتي ازاي معرفتيهوش يا مفتقدة الذاكره انتي
-معرفش بقي الدنيا كانت حر والشمس في وشي والواد البارد دا عصبني وكنت متوتره مش شايفه قدامي
فضلت تضحك وتستفزني لحد ما عصبتني
-بقولك ايه والله اسيبك تلفي ورق العنب دا لوحدك متعصبنيش
*خلاص خلاص يا ستي احنا آسفين
كملنا التجهيزات وقبل ما يوصلوا كنت نزلت شقتنا وقررت مش هطلع برا اوضتي لحد ما يمشي ايوا انا مش ناقصه تريقه بقي
*تمارا يلا ماما بتقولك قومي سلمي علي الناس
-وانا مالي اعرفهم منين انا عشان اسلم عليهم قولي لها بتذاكر
*بتقولك حماة اخوكي عاوزه تسلم عليكي
-هي تعرفني منين يا ستي سيبوني في حالي
فضلنا بنتخانق انا واختي حبه لحد ما ماما جت وهزقتني عشان اطلع
طلعت بكامل ثباتي وهدوءي لدرجه كنت هقع في السجاده !
*ايه يا تمارا يا بنتي مش عاوزه تسلمي علينا ولا ايه
- لا يا طنط والله بس كنت بذاكر
*ربنا معاكي يا حبيبتي
فضلت قاعده بتأمل في السجاده وسط نظارات أمنيه اللي هقوم اقتلها دلوقتي وهو طبعا رمقني نظره استهزاء خلتني عاوزه اقوم اقتل أمنيه برضو حالا
*قولي يا زين كنت بتعمل ايه في الجامعه يوم الاتنين ايه وحشتك ايام الدراسه
لا دا انا أقوم اجهز لها سكينه من المطبخ بقي
= لا طبعا حد يوحشه ايام الذل دي ،أنا كنت رايح اقابل ناس صحابي معيدين في الجامعه
بصلي بنص عين وقالها
=بس انتي عرفتي منين إني كنت في الجامعه
بصت لي وهي كاتمه الضحكه
*العصفوره قالتلي
=العصفوره اه
اخويا بعدم فهم
*متفهمونا يا جماعه في ايه
أمنيه وهي بتبصلي وبتضحك
*اصل تمارا شافت زين في الجامعه وكانت بتشبه عليه ، بصوا أنا هحكي ليكم
ياربي هقول اقتلها والله ،بدأت تحكي وانا ببص له بنظرات عصبيه وهو بيبص لي بنظرات سخريه كإني طفله صغيره
خلصلت حكي وكلهم قعدي يضحكوا عليا ولقيت ماما بتقول
*هي تمارا كدا اي حد يكلمها تتغابي عليه علي طول معندهاش تفاهم
فضلوا يضحكوا وانا باصه لنبع الحنان و عاوزه اقولها ليه بجد ؟!!
لقيت اخويا بيبص لي بجديه ويقول
*لا بس زين عنده حق مكنش لازم تقفي تتخانقي كنتي سبتيه ومشيتي
=قولت كدا معجبهاش الكلام
-والله أنا اللي معجبنيش الكلام ولا انت اللي عليت صوتك و طريقتك كانت بايخه
=طريقتي كانت بايخه اي انتي اللي معندكيش تفاهم
-معنديش تفاهم اي انا كنت لحقت كلمتك اصلا يا بني ادم انت
لسه هيرد لقيت اخويا علي صوته وقال
*خلاص في أي يا تمارا احنا هنتخانق ولا اي
-مش بتخانق بس هو..
*خلاص لسه هتكملي برضو
-أسفه
لما لاقاني اتحرجت اتكلم عشان يلطف الجو
= يعم محصلش حاجه هي بتتكلم بس عشان الموقع ضايقها ،حصل خير
أمنيه اتكلمت وهي بتضحك
*خلاص يا جماعه متحسسونيش إن أنا السبب
ضحكوا كلهم وانا فضلت ببص له بعصبيه
خلصت العزومه ومشيوا نضفت الشقه مع أمنيه بعصبيه وتجاهل لكلامها عقابا ليها ونزلت
*مقولتليش يعني إنك شوفتي زين في الجامعه
-عادي يا ماما ملحقتش
*طيب يا اختي حاولي تبطلي اسلوبك دا الراجل كان قاصد يساعدك
-يساعدني ايه دا كان بيزعق فيا زي ما يكون انقذني من الموت ،وانا كنت هتصرف يعني مكنتش هحتاجه
*طب يلا يا اختي بطلي لسانك دا وروحي نامي
مشيت وانا بدبدب في الأرض وبدعي عليه وعلي اخته
~~~~~~~~~~~~~~
-مش عارفه ماما هتوافق ولا لا
*حاولي معاها عشان مريم متنزعلش مش كفايه محضرناش كتب الكتاب كمان مش هنحضر الفرح
-هحاول معاها والله يا رزان وبإذن الله توافق
*تمام اسيبك بقي عشان ماما بتنظه يلا في رعاية الله
-في رعاية الله يا حبيبتي
-ماما هنروح انا والبنات فرح مريم صحبتنا
بصت لي بطرف عينها ورجعت بصت للفون تاني
-يا ماما والله مش هنتأخر بجد هتزعل لو محضرتش الفرح كمان وهكون مع البنات مش لوحدي مااماا ماما يامامااا
*خلاص بتطلي زن ويارب يا تمارا تتأخري
-يخليكي ليا يا قمر انتي متخافيش والله مش هتأخر
جه يوم الفرح ولبست درس بسيط لونه نبيتي غامق وطرحه اوڤ وايت واول مره اجرب الهيلز في حياتي وربنا يستر
*بس اي القمر اللي هل علينا دا
كانت رزان صحبتي بتتعزل فيا
-قمر اي يا فنانه انا اجي جمبك اي
دخلنا الفرح بعد ما خلصنا مجاملات و سلمنا علي باقي أصحابنا واتجمعنا كلنا ع ترابيزه واحده وبجد كان وقت ولا اروع
-رزان فوني بيرن هطلع ارد برا عشان الدوشه
*تمام
-ايه دا مش تحاسب!
خبط في حد بسبب عدم توازني عشان الهيلز ،وفجأه بعدل دماغي وابص عليه
-"إنت؟"
ولا حد فيهم قال حاجة بعدها.
لأن الحكاية لسه… ما ابتدتش فعلًا.
