رواية انت نصفي كامله وحصريه بقلم الكاتبه ميار
نبدأ بقصتنا نتعرف على ابطالنا
اني اسمي رنا عمري 16سنه البنت الوحيده على 2 ولد جدو عنده 6 ولد 3 بنات عمي خالد الجبير وبابا اسمع خليل وعمو كامل وعمو حامد وعمو محمد وعمو احمد
وعمه وسميه ورسميه وسعاد
البطل
اني اسمي حيدر اكبر اخواني عمري 30 سنه عندي 3اخوان، و2 خوات
عايشين بيت جدي الجبير جدي متوفه بس جديتي عايشه وباقي التفاصيل تعرفوها من خلال القصه
رنا: اليوم جان اخر امتحان اخير السنه و حتى نسيت اليوم يكون عيد ميلاد رجعت تعبانه بعد ما ودعت صديقاتي دخلت للبيت اصيح ماما بابا ماكو حس خفت كمت ادور عليهم اصيحلهم محد يرد دخلت للستقبال جانت شبه ظلمه فتحت الضوه وتفاجئة كيكه ونفاخ صاح همام اخوي كل عام وانتي بخير رناوي وماما وبابا وحسام يصفكون ضحكت وركضت حضنتهم
والله نسيت عيد ميلادي من وره الامتحانات
خليل: شلون ننسى احلا يوم عيد ميلاد ابنيتي وحيدتي
رنا حضت بابا بست ايدها ورحت على ماما وبوستها وعلا اخواني
حسام يلا رناوي كصي الكيكه تره جوعانين
رنا ههههه يلا راح اكصها غنولي
همام؛ معكم الان المطرب همام تصفيققق happy birthday رناوي
رنا كصيت الكيكه ونطيت لبابا وماما واخواني
خليل: يلا مها انطي هديتنا
مها؛ ماشي هاج ماما هاي مني ومن ابوج
رنا فتحت العلبه ونصدمت كلاده ذهب على اسمي مزخرفه شكرا بابا وماما بوستهم عيوني دمعت
حسام: وج رنا اصبري لا تبجي قبل هديتي تفضيلي يا احلا وافضل اخت
رنا شكرا حسام حبيبي فتحتها جانت اسوار بي ورد هم ذهب
همام عبالكم تغلبوني يلا والمحبس مني
رنا هداياهم تخبل فرحت كلش بيها هم دوم مدلليني
كملنا احتفالنا صعدت لغرفتي بدلت وشفت تلفوني اتصالات من سلوى وغدير بنات عمو خالد رجعت اتصلت بسلوى
سلوى وج هلا رنا كل عام وانتي بالف خير ويارب اشوفج احلا عروس ودكتوره
رنا ولي عروس ما اريد بس دكتوره اي
سلوى افتحي كامره خلي اشوف جهرتج بنت بغداد هههههههه
رنا ههههه ادللي وهم اشوفج هدايه اهلي بس خلي اضيف غدير وزهراء بنت عمي كامل
سلوى يلا ضيفي قبل لا يجي زوجي
رنا ههههه اي اي اهم شي زوجج اتصلت
غدير وج رنا كل عام وانتي بالف يا احلا فصليه لاخوي هههههههه
رنا عوذه ماكو غير فصليه لاخوج عشتو ولن مو صوجن صوجي اخابرجن
زهراء هلا بنات رنا كل عام وانتي بالف ان شاءلله دكتوره وتحقيق الاماني
رنا هلا بنت عمي التفتهم
غدير وسلوى انجبي
رنا ههههه يلا خلي اشوفج الهدايا شوفتهن تخبلن عليهن
غدير وج رنا احجزيلي اخوج الزين استنكيلي واحد مهم
سلوى وج غدير طماطه وتستنكيلج يا حيواني بعدج بكد قندرتي وتزحفين
رنا عادي ابن عمها هههههههه
زهراء اي عادي ازحفي معليج
غدير اي هو اني حاطتهم بالقائمه
رنا ظلينه نحجي لحد ما امي صاحتني نزلت تغدينه وغسلت المواعين وصعدت نمت كعدت المغرب لكيت امي تطبخ العشه
مها رنا ابوج يكول باجر نروح على بيت عمج خالد ونشوفهم كلهم
رنا تحمست اي ماما بس اريد اشتري ملابس
مها ميخالف هسه نتعشه ونطلع للسوق
رنا تحمست حتى كوه تعشيت لكمتين وكمت
حسام وج رنا اكعدي ما يفيدج غير بطنج
رنا ماجوعانه ورانه طلعه
همام هههههههه تموت على الدياحه بنتنا
خليل بابا دعوفوها متونسه
حسام هو هم هيج يابه
رنا طلعنا اشتريت ملابس وهدايه للبنات وحسام هم اخذ لحيدر يموت عليه اني ما احسه محبوب كلش رجال غامض وما يكعد ويانه رجعنه صعدت ارتب جنطتي وغراضي ورحت على حسام وهم ساعدته وعلى همام الي گالب الغرفه كملت ترتب غرفته وجنطته وطلعت رجعت ذبيتي نفسي على السرير ونمت من التعب
كعدت على صوت حسام يصحلي
حسام يلا رنا كومي ورانا طريق
رنا اي كعدت ابدل واجي شفت الساعه ب5 الفجر كمت سبحت ومشطت ورتبت نفسي خليت واقي شمس ومرطب شفه بي لون خفيف ومسكاره واخذت جنطتي وعبايتي ونزلت صبااااحكم عسل
الكل صباح الورد
بوست بابا وماما وكعدت بين اخوتي يلا وكلوني
همام خاب طيري يلا الحك اوكل نفسي
حسام تعالي ابنيتي حبيبتي اني اوكلج
يعرف قيمة نفسه جيدا
لن يضره كلام الناس عنه
ف هناك شيء اسمه الثقه بالنفس
فكلام الناس اراء وليس حقيقه
سحبني ويسويلي لفات طبعاً حسام كلش حنون بس ما يظهر عليه لان شخصيه قويه وجديه بس وياي غير جان معيشني اميره وحتى همام بس لان نداهر كلش ونتشاقه
كملنا ريوك ماما رفضت اغسل المواعين هي غسلتهن وصعدت رتبت نفسها ونزلو وطلعنه لبيت جدو
بعد تقريبا 3الى4 ساعات يلا وصلنا من دخلنا منطقتهم ريحة الاشجار والزرع ترد الروح فتح همام الشباك الانتعاش الهوى يرد الروح
وصلنا بيت عمي الي هو بيت حدو بيت الجبير جان عمي الجبير خالد ولده علي وتقي واكفين وعمي كامل اباوع الفرحه بعيونهم
نزلنا سلمنا عليهم ودخلنا كل استقبلتنا جتي مرت عمي خالد ابتهال ام حيدر سلمت على امي وعليه وسلمت من بعيد على بابا والولد طبينه للاستقبال شفنه جده كاعده سلمنا عليها وعلى غدير وكعدنه كلها تسولف وفرحانه ضيفونا مثل كل بيت عراقي المي وره الجاي
شويه ودخل حيدر
حيدر السلام عليكم
الكل وعليكم السلام
حيدر شلونك عمي
خليل الحمدلله بخير انت شلونك اخبارك
حيدر بخير بشوفتكم شلون الشباب الكاطعه منه
حسام والله لو ما الشغل ما يبعدنه عنكم شي
خالد ابو حيدر جا خويه شوكت تطلع تقاعد
خليل ان شاءلله بس هلشهرين واطلع انه هم تعبت
خالد اي زين تسوي الله يساعدك خويه وارجع اهنا اكعد
تقي والله خوش فكره هو اخونه بناه فسك لا يريد يتزوج ولا اباله بس افلوس زايده
حيدر ولك هاي عليمن اني ابني فسك مو اكوملك وبعدين عينك ولك راح انطك بعين من وراك
تقي لا تخاف ركبتك قوي تتحمل
رنا كلنا نضحك على تقي وسوالفه تقي حباب كلش
اني كمت يم غدير وظلو همه يتشاقون
اكولج غدور ماتجي سلوى
غدير وج هي اهنا بس صعدت ابنها تنومه وتبدل وتجي
رنا وج خاف هي نامت جاي نحجي ودخلت
سلوى لا ما نمت خايبه تعالي ابوسج هلا بنت عمي البغداديه الحلوه الترفه
رنا ههههه هلا بنت عمي الغالية تباوسنا وكالت اسلم واجي
ظلينه نسولف ودرنه الغده وكلها تسولف حتى ويا الكل وره ما كملنا صبت الجاي سلوى واني وغدير نضفنا المطبخ وصعدنا لغرفتها وراها صعدت سلوى وظلينا نسولف ونحش للعصر ونزلنا كعدنه ويا جده وانوب سوينه عشا وكالو عمامي وعوايلهم يجون يتعللون
كملنا عشه ونظفنا وكلها كامت تجي الزلم بالديوان والنسوان بالبيت تونسنه حيل رغم اعرف مو كلها من بنات عمي ترغبني
ظلينه يمهم يومين وجان حسام كال
حسام؛ يابه لازم نرجع اتصلو بيه كالو لازم ارجع عدنه شغل هواي انتو بكيفكم اذا حابين تظلون
خليل لا يابه انه هم عندي شغل واكمل خلي اكمل تقاعد ونرجع
رنا ضجت حيل بعدني ما متونسه وامي راحت على اهلها بالليل تصلت بيها
مها ها ماما رنا
رنا ماما كالج بابا باجر نرجع
مها اي والله خابرني
رنا ماما خليني والله بعدني ما متونسه ارجع وحدي والله ضوجه
مها لا ماما وين تظلين عيب وبعدين هم نرجع
رنا ماما فدوه حبابه خلي اسبوع يجي حسام عليه فدوه
مها رنا لا تلحين كولي لابوج واخوانج
رنا ماشي
غدير وج كولي لابوج ظلي يمنه بعدنه ما لحكنه نتونس
رنا خلي اشوفهم خابرتهم حسام كال تعالي للحديقه
طلعت لكيتهم كاعدين وحيدر وياهم
حسام شبيج اميرتي
رنا حسام والله بعد ما لحكت اتونس ارجع اهناك وحدي ضوجه خلوني اهنا يم بيت عمي كمل شغلك وتعال اخذني
خليل بويا شنو نخليج اهنا تعالي ويانه ونرجع بعدين
حيدر عمي خليها عود اذا فد مره اني الحجيه اريد اراجعه يم الدكتور الي كتلك عليه ونجبيها ويانه
خليل يلا بكيفها ولا اني عيني ما تغمض بدون اميرتنا بس اهم شي ونستها شكم رنا عندي تعالي ابوسج بنيتي اشبع منج
رنا رحت على بابا فرحانه يحضن بيه ويوبس شابكني عبالك اريد اطير ورجع حسام هم يحضن ويكول شلون نفاركج
حيدر ولك بويا اكلتوها وين ظاله هي غير بيت عمها ولا تخاف يومين ثلاث ارجع الكم
همام هاا هاا منو يريد ترجعه
حسام مو رناوي تريد اتظل
همام لااااا وج منو ينظف غرفتي لا ما اقبل
رنا هاي شبيكم خوفتوني ليش ما تردون اظل
همام سحبتها لا تخافين اميرتنا بس غير ما نتحمل فركاج يلا مادام سيادة للضابط حيدر بشحمه ولحمه
تقي وفلوسه
همام اهم شي فلوسه يجيبج فحيدر لديكم لا خوفه عليكم
رنا ضحكت على سوالفهم رحت فرحانه تمددنه نسولف ظلينه لل12 ونامت غدير شو كلبي ما مرتاح كولت لا ارجع وياهم شو عندي قلق ما اكدر انام ظليت افتر واحوس رحت توضيت وصليت ركعتين وللصبح ما نمت كعدو الكل سويت ريوك ويا عمه ابتهال
جت ماما تريكنا وكامو يردون يروحون شو احس توترت مدري خفت كولت لابوي بابا
خليل هاا بابا كولي
رنا بابا اروح وياكم
غدير لا رنا ظلي والله نتونس
خالد عمي ظلي وحيدر اذا ضجتي يومين ويرجعج
خليل ظلي بابا ما عليج منا اني اكمل شغلي وارجعلج
رنا ماشي
سلمت عليهم وصلتهم لباب وعيني عليهم وحيدر يباوعلي راحو واحس روحي راحت وياهم مدري لان ما مفاركتهم
حيدر اباوع على رنا عيونها مدمعه مدري احس قبضت افادي رنا شبيج كولي ياالله وين رايحين هو لبيتكم وانه شوكت ما تضوحين ارجع
رنا هزيت راسي ودخلت وساعدت غدير بالتنظيف والغده امها سوته وكل شويه اكول لو راجعه وياهم
غدير خابيه والله راح ادفرج خلينه نتونس
رنا خليني اخابرهم
اتصلت مره مرتين ماما ما تجاوب اتصلت عليهم كلهم شويه وحسام جاوب
حسام وينك اتصل ماكو
حسام رنا ا حن ه سون حاد ث
رنا صرخت شنووووو حسام شتحجي كمت املخ بروحي وحسام انكطع حسه على صوتي دخل حيدر
حيدر وج شبيج
رنا ركضت عليه حيدر حيدر اهلي اهلي
شبيهم شبيهم على كيفج فهميني
حسام حسام سوو حادث الحكهم اهلي واملخ بي
هو صافن صاح امه ديري بالج عليها وطلع يركض
واني ملخت روحي ساعتين وما حد يجي ولا احد يحاوبنه شويه ودخل عمي كامل ركضت عليه
ها عمو بشر فدوه جان يكول
