رواية انت نصفي الفصل الثاني 2 بقلم الكاتبه ميار

رواية انت نصفي الفصل الثاني 2 بقلم الكاتبه ميار

كامل: رنا تعالي بويا

رنا سحبني عمو كامل واني بس اباوع عليه ودموعي يجرن مثل النهر

كامل عمو رنا البشر كل شي مقدر عليه اريدج تصيرين قويه وكلنا يمج واهلج

رنا عمي يحجي واني بس اريده يكمل اريد افتهم كتله عمو عوفني من الحجي اهلي ابوي امي اخوتي وينهم بيهم شيي لزمته واصرخ

عمووو فدوه ارررىريد اهلي فهمنييي وينهم ليش ما تحجون مو گلبي انمرد

كامل عمو راح اخذج للمستشفى بس رنا النااس ملتمه وتعرفينه ناس معروفه ما اريد صوتج يطلع

رنا اي اي ما اطلع حس بس احجي ويا بابا واشوفهم

كامل كومي جيبولها عبايه وتعالي وياها ام حيدر

رسميه اخت ابويا: وانه خويا طك گلبي

كامل تعالن بس جا الحجيه وين

ابتهال: خويا فاتت لغرفتها

كامل خلي ناخذها

رسميه وين تاخذها تعبانه خاف ماتتحمل

رنا طلعنه وما اعرف اصلا من اجه ويانه الطريق كله ارجف واحسه صار طويل اريده بس يخلص

وصلنا وقبل لا ندخل عمي كامل كام يحجي وياي واني عيني على باب

كامل رنا بويا لا يطلع حسج ابجي بس بدون حس

رنا هزيت راسي بس اريد ادخل اشوفهم مشينه جان اشوف الناس ملتمه المستشفى مگلوبه جيه حيدر يركض

حيدر عمي شنو هاي ليش جايبهم

كامل بويا حتى باجر عكبه ما تلومنه خليه

رنا حيدر وينهم ابويه شكال عليهم الدكتور احجي

حيدر اعاينلها شريد احجي وشكول

رنا ما تحجوون والله شلعتو لكلبي اهلي بيهم شي

شفت عمي عمي حامد واحمد وكفو يمي

احمد بويا كلنه على هذا الدرب ابوج وامج وهمام انطوج عمرهم

رنا ظليت اباوعلهم اريد افتهم هذا شديحجي اريد اركز كضبته من اديه واصيح

شلووووون شتحجي انت والكمممم ابوي ما يعوفني لا تحجي هيج ملخت روحي

بااااباااا مامااااااا لا تعوفونيي والكم همامممم مايعوفني اني ما عندي غيرهم اخخ يمه لاتعوفيني ىا تحجون هيييج

حيدر اعاين عليها فطرت گلبي وحقها شسوي ماكو هيج كسره دنيت يمها احاجيها واريد واحد منهم يحاجيها خو عمي حامد بس يصيح يسكته

حامد اشش كافي ولج حسج لا يطلع

ابتهال كومي ماما كومي هذا امر

حيدر رنا كومي بويا لخاطر حسام بعده عايش خليج قويه وحسج بويا كومي

رنا حيدر اريد اريد اشوفهم ابوس ايدك بس اشوفهم

حيدر رنا كومي بويا اشوفج اياهم بس منا الناس تحملي لخاطرهم تعرفين ابوج يرضه حسج يطلع

رنا هزيت راسي كومتني عمه ابتهال اباوع ليش عمتي رسميه جت واستني حتى بجي ما بجت بس اباوع عمي كامل عيونه حمر مشيت ويا حيدر وصلنا للرده الغرفه

جانو مددين اباوع على ابوي راسه مشدود وزراك وشفته بيضه وامي هم وجهه اصفر وكله دم جيت يمهم وكفت بالنص وهمام بسدهم

عليمن هسه ابجي عليمن اروح انه احجي بصوت وابجي

كولولي عليمن ابجييي كمت اضرب على وجهيي

بابا اني ليش ما رحت وياكم عمت عينييي مو حسيت ما تريد تعوفني لللليششش عفتنيييي المن انه ظاللله مو كلو تجي تااااخذني بابااااااا رحت على امي

ماما ليش ليش عفتينييي اني المن احجي المن اسولف الي بگلبييي منو ادارينيييي ليشش ما اخذتييي مو انتي ما تقبلييين ليشششش وافقتي اظل لييششش

همام كوم كوم اخذني لبيتناا لا تعوفنييي المن مخليييني هنااا ومنو يدافعلييي منو يونسي اذا ضحت منووو يدللني ولكمممم بيمن اسند ظهررري عافووونييي اخ يمههه

والكممم انكسررر ظهررري ما ظليي احدد

كمت اضرب على وجهيي

ليش وج ليش رنااا ظليتي ما رحتي وياهم

اخخ

ابتهال وج يمه موهيج مو زين عليج عليهم جاي تعذبيهم استغفر الله هذا امر الله كلنه نموت

رنا عمه والله گلبي انفطر ظليت بلا اهل بلا سند

حيدر رنا اسمعيني بعد حسام عايش خليج قويه اذا انتي ضعفتي منو يقوي هو بحاجتج هسه

رنا وينه حسام حيدر هو هو يحبك والله يحبك يكول اني حيدر بغلاة همام لا تعوفه ساعده

حيدر ماكدرت اتحمل حجيها مردته لگلبي عفته وكمت

كسرتها صعبه وحسام حالته حرجه ربي احفظه الها ولا تنكسر بي هو املها الوحيد

رنا اخذو اهلي وراحوو اني احس بعد اتحمل صار عندي انهيار اخذوني وجت ممرضه انطتني ابره مهدء وبعد ما اعرف شكد وكعدت جتني سلوى

سلوى سوده عليه وج رنا حبيبة قلبي

رنا: سلوى وينهم اهلي

سلوى رنا حبيبه خليج قويه

رنا دفنوهم بدون ما اودددعهمم

سلوى لالا بعدهم هسه هسه اكوللهم يدونج تودعيهم

رنا كمت اشهك واحس كل شهكه تشك صدري شك

كسره قويه شكد ما احجي ما يوصف شعوري بهاي اللحظه ظلي امل بس واحد بس حسام كمت سحبت الكانولا وامشي

سلوى وج رنا وين تقي تعال

تقي كولي يالله رنا وين رايحه خويا وضعج تعبان

رنا امشي مثل الجثه كل شي ميت بداخلي حتى دموعي ما احس بيهن من ينزلن حجت اريد اشوف حسام

تقي خويا هو بالعنايه ما يخلونه ندخل

رنا اررريد اشووفه ما ظلي احد غيره اريد اشووفه

تقي امشي اخذج

مشيت وسلوى لازمتني وصلنا للغرفة النعاش واحس كلبي يوجعني وصوته بذاني يرن

كوه دخلوني ودخل تقي وياي

رنا شفت حسام بس وجهه مو مال يعيش ملفلف راسه والاجهزه محاوطته وصوت جهاز القلب يرن براسي جيت يمه لزمت ايده واحاجي

حسام لا تكسرني تحمل لو بس اتظل نفسك بالدنيا اني راضيه اشتغل واعيشنه بس لا تعوفني

تقي رنا كومي خويا والله موزين عليه ادعيله كومي نرجع للبيت كومي

اخذوني للبيت لبسني دشداشه سوده والبيت عباره عن سواد كعدت بالحوش ما بيه حيل بس اضرب على رجليه اريد ارتاح من وجع روحي وج گلبي بس. هيهات تهدء روحي شظل عندي اني اباوع دخلو زلم وصوت جديتي الي رج البيت رج باوعتلها وابجي على بجيها

واباوع صفو ثلث توابيت شحجي عن هذا الموقف الي الله لا يشوفه لعبد مسلم شحجي قلبي الم فضيع كسره قويه بلحظه خسرت اعز ناسي عامود بيتي سندي اماني ملجئي ام واب واخ واخوي الثاني الي ما حسيت بي امل يعيش عيطت وملخت روحي احير على منو اروح واحظن ابوي ولا امي ولا اخوي نمت على ابوي واصرخخ

بويا منو يحضنيي منو يكولي اميرتي ومنو بعد ما يقبل احد يحاجيني ضربت راسي على التابوت واملخ بروحي وجديتي لا تقل عن حالتي وكلها تباوع شيريدون يحجون بشنو يواسوني

حسيت انسحبت من التابوب اباوع عمو خالد

خالد كومي بابا مايصير هيج حرام عليج جاي تأذيهم سحبني لحضنه واني احس بصدره بس بعبرته سحبني وحيدر شال شديتي دخلوني جوه واني اشوفهم شلون شالوهم لو اخذو روحي من جسمي كمت الملخ اريد بس يعوفوني

واصيح لاااااا لالا رجعوهم لا تاخذوهم راحو وراحت روحي وياهم

ما اعرف شكد ظليت بلا اكل ولا مي وبس الطم دخل علينا عمي حامد وجهه اصفر جيه يمي كال بويا رنا انتي انسانه مؤمنه خليج صبوره

اباوع عليه وعلى عماتي عمتي سميه تكوله لا خويا مو وكتها ما تتحمل

اريد افتهم جان يكوليي

حسام انطاج عمره

اني بهاي اللحظه ما اعرف شحجي اريد استوعب هذا شيحجي لا صرخت ودعته

لاااااااااا لااااا تحجي هيج حسسسااااااااام مايعوفني ولك ليشششش لا تحجوون حسااام ماات ما مات على صوتي ودخل علي وتقي وجوهم مرعوبه من صوتي

علي اعاين على عمي لو بيدي املخه يعني جيت يمه ورنا منهار تصرخ لك عمي ماكدرت تصبر احد عاتب عليك والك ارحم حالها

حامد اول وتالي تدري عليمن ضامين عليها

علي عفته وشحجي وياه ولا كأن اخوي العصر دافنينه

اعين عليمن اروح على رنا الي صريخها يملخ الگلب لو لا جديتي الي موتت نفسها وتلمخ بوجهه وعلى ارجع على حيدر الي انهار على صديقه وابن عمه

رنا راح اخر امل الي راح سندي اخر واحد من اهلي صفيت بلا عائله بلا اهلي بلا بيت يلمني بلا حضن يدفيني بلا حياة خلص انتهى كلشي بلحظه خسرت كلشي انهدم عواميد بيتي واهلي كلهم راحووو لو ابجي دهر ما يفرغ بير حزني تهت مات كل شي بيه المن اعيش اباوع بالوجوه احس غريبه بينهم حتى حسام عافني ظليت ادك والطم واصرخ اريد تبرد نار كلبي بس وين اشتعلت نار ما تطفي راح صوتي من الصريخ ولما اعرف بيش الساعه وكمت وكفت بالباب اتنظرهم وجسمي يرجف وشوي جت السيارات ونزلو تابوت ودخلو للبيت واني املخ بروحي

ولكم حسااااام عفتني بلا سند ليششش مو كتلك لا تعوفنييي ولكم بعدني ما فرحانه بيكممم والله بعددهم ازغار على مووووت

جيه عمي احمد سحبني واخذوو

وجديتي تحضنيي وتجبي

انهارت احس نفسي ضاق وارجف واصرخ

صار عندي انهيار عصبي قوي اخذوني

ما حسيت بس لا جكت الابره شويه واستسلمت للنوم.....

ذهبوو وتركوني طير مكسر جناحينه

لا اعرف ماذا اقول وهل توفي الحروف جروحي

رنا انهدمت حياتي في لحظه تغيرت

بقيت رنا بين الم الفقد وماذا وبقيه تصارع الحياة بلا سند كيف ستكون حياة رنا ومن يبني الجزء المهدوم ومن يكون السند والحضن الدافئ

نلتقيكم ان شاءلله في بارت قادم

نستودعكم الله

اختكم الكاتبه mayar

الثالث من هنا

تعديل المقال