رواية إن الاسود فرائس الغزلان كامله وحصريه بقلم جوهرة
لا اعرف كيف ابدأ ومن اي رجل اقتص في داخلي بركان متفجر وتكاد حممه تشوهني وتذيبني قبل أن تشوه هذا الماكر المتجاسر الذي في كل مرة يحاول بث رعبا وهوسا من الخوف حولي ، لكنه واهم وربما أنا من غزلت شباكي واوهمته كم اني ضعيفة ، كم اني احتاجه !!!!!!! ربما احتاجه !!!!
هذه انا ميثاء امرأة السبع والعشرين عاما قد يغضب مني البعض ، وقد يساندني الكثيرين ، هذه انا دواخلي محطمة لكني قوية وإلى أن انال ما اصبو إليه ساواجه كوارث وصعاب ، لن اخذل نفسي فجراحي لازالت رطبة العقها وانا اذوب الما
ــــــــ
في ذاكرة متعبة .....
ميثاء وبدموع تكاد تسقط الا أن عنفوانها يعز عليها ويرهبها أن سقطت تلك الدمعة / اترجاك لا تبقى اطلع هذه الليلة واني ضامة مبلغ أخذه واطلع للشمال والله يغدرونك اني اشم ريحة مؤامرة ، منذر فدوة اروحلك اسمع كلامي واطلع هالليلة
منذر بعد تفكير / طالع بس مو للشمال اروح لبغداد
ميثاء بعصبية وخوف على اخوها / لاااا شتسوي هناك بغداد قريبة من ديالى واخاف عليك
دلال زوجة منذر / شبيج سويتيها ظلمة علينا كالج يطلع لبغداد
خزرتها / انتي اسكتي لا تدخلين من احجي وية اخوية
لوت شفتها ماعجبها الكلام بس سكتت وبداخلها تحجي على ميثاء اللي تفرض هيبتها وكلامها عالكل
ــــــــــــ
ميثاء بغضب متفجر / تفوو يا حقير والله لو عندك ذرة شرف وغيرة جان كلت هذه عرضنا شلون هيج اسوي وياها !!! بس عليمن اعتب عليك لو عليها الخاينة اللي تراب اخوية بعده ما نشف واجت نامت بحظنك
عاطت وايدها على خدها اللي انطعن بأصابع جلال ابن عمها ورد بثورة غضب / والله اكص لسانج إذا سمعتج تحجين ، انتي منين جبتي هالسالفة هذه هاااا ؟!!!!!
ميثاء بعنف / وحق الله اللي حلفت بي يا وسخ لا ادفعك ثمن مدت ايدك هذه وأتذكر كلامي زين
ــــــــــــ
رغد بقلق وهي تراقب اختها / ميثاء امي لو تدري تنجلط وتموت انتي منين سمعتي ؟!!!
ميثاء وفكرها كله بضربة جلال تريد تبرد گلبها تريد تأخذ حق الضربة و تريد تثار منه لعرض اخوها اللي انداس ، ومنين من اقرب الناس ، انطعن من ابن عمهم !!!!!
ـــــــــــــــــ
جلال يحاول يتكلم بهدوء ، اخوه الجبير وميكدر يتجاوز ، هيبته وشموخه تخلي لا شيء امامه/ اللي سمعته صحيح واني ما انكر
لحظات خاطفه وحس كصته اشتعلت نار ونزل خيط دم من انضرب بموبايل اخوه اللي رد بغضب / وما لكيت غير هذه انت ليش تبقى اغم ؟!!!
ـــــــــــــــــ
كل المواساة كاذبة ، انا من خضت هذا ، انا وحدي اعرف مقدار الالم .....
ـــــــــــــــــــــــــــــــــ
رجعت للبيت وما اوصفلكم مقدار الخذلان والألم اللي ملى روحي وگلبي ، وينك منذر تعال شوف اختك شنو صار بيها تعال شوف اين عمك حزام ظهرك شلون طعنك ، الحقير هو ورى سالفة المداهمات يريد يبرئ نفسه ويطلع بالوجه الابيض وقدم اخوية قربان ، ايا نذل حسبي الله عليكم انت واخوتك واحد واحد ،
قبل ما ادخل للبيت حذرت رفيدة / اسمعي ولج ممنوع تحجين شي من الصار كدام امي
رفيدة خزرتني / ليش ، خل امي تعرف ليش نضم عليها
ميثاء / ولج شتعرف متكليلي تريديها تعرف شلون ابن عمي ضربني وطردني والله هسة تنجلط إذا عرفت بالصار ، هاج شوفي حلكي مليان دم
جنت لابسة شال اسود كتمت حلكي ومسحت الدم ودخلنا للبيت امي جانت كاعدة تنتظرنا هي ورغد ، وزوجة منذر بغرفتها هي وابنها
حجيت بس مو كولشي فهمت امي أن تغلب ورى سالفة المداهمات
ام منذر بقهر / مع الاسف والله هيج تغلب يطلع واني الي ربيته على ايدي
ميثاء / لو مربية چلب ولا مربيته جان ذبيتي على امه اللي جانت حايرة بروحها من مرض لمرض على أساس سويتي خير وياه شوفي شلون عضج
سكتت امي وهي تنود وتردد اسم منذر ، والله مرن يومين والثالث وما نشوف الا منذر بالبيت جان وكت ظهر وقت صيف كعدنا بالهول وسولفنا وياه وعلمناه عالصار كال بعد ما اكدر ابقى أطلع من ديالى وهذا تغلب اني اعرف شلون اتصرف وياه ، امي ماقبلت كالتله لا تتهور وتوكع بمصيبة خل يولي ، الله ينتقم منه إذا هو سبب بالصار بيك ، منذر ما عجبه كلام امي واضح من ملامح وجهه مقهور اكيد بداخله شي وبداخله كلام بس ما كال وبعدين عرفنا شنو اللي سوا بتغلب ، وفعلا ورى يومين مستفرد بتغلب ومصوبه بجتفه ، وهذا التصرف دفعنا ثمنه بعدين
،،،،
ميثاء وبدموع تكاد تسقط الا أن عنفوانها يعز عليها ويرهبها أن سقطت تلك الدمعة / اترجاك لا تبقى اطلع هذه الليلة واني ضامة مبلغ أخذه واطلع للشمال والله يغدرونك اني اشم ريحة مؤامرة ، منذر فدوة اروحلك اسمع كلامي واطلع هالليلة
منذر بعد تفكير / طالع بس مو للشمال اروح لبغداد
ميثاء بعصبية وخوف على اخوها / لاااا شتسوي هناك بغداد قريبة من ديالى واخاف عليك
دلال زوجة منذر / شبيج سويتيها ظلمة علينا كالج يطلع لبغداد
خزرتها / انتي اسكتي لا تدخلين من احجي وية اخوية
لوت شفتها ماعجبها الكلام بس سكتت وبداخلها تحجي على ميثاء اللي تفرض هيبتها وكلامها عالكل
منذر / بسسس ماريد ملاسن بيناتجن ، ميثاء بغداد افضل عندي هناك صديق اتصلت بي كال تعال اجرتلك بيت صغير ، قريب عليه
دلال / الله نروح لبغداد اقلها نخلص من المشاكل هنا وارتاح اقل شي ونسة هناك
ميثاء / شدعوة عيني مو اجيتي من موناكو ( إمارة تقع عالبحر الابيض المتوسط ضمن القارة الأوربية) الله يرحم القرية وسنينها وهسة كمتي تستنكفين من عدنا
سكتت دلال ما ردت تخاف من منذر يكفخها ، منذر استغفر وهو يوصي / خلاص ميثاء لخاطر الله ترى البية مكفيني
ميثاء / منذر احنا خايفين عليك ونريدك الساعة هذه تطلع منا والخاتون تريد تطلع وياك عبالها رايح تتونس
منذر / اني فكرت بهذا الشي تبقى هنا
ام منذر / يمه الله يسهل دربك اني اريدك تنفذ بالروح العزيزة والا هذه وابنك شكو عليهم باقين عندي وانت الله يحفظك
ميثاء وصوتها يهتز مقهورة / شلون هيج يصير بيك شلون تبقى تتختل وانت الهيبة شلون وانت صاحب فضل عليهم ليش ينسون وينكرون فضلك واولهم ابن عمك
منذر تنهد بحسرة وكال / يا ميثة مثلما يكولون هناك رحيل نوده ورحيل نجبر عليه ، واخوج مجبر والا جان بقيت واللي حجيتي عليهم الله حسيبهم
وفعلا بالليل طلع متخفي بعدما تواعد وية صديقه من بغداد اجى أخذه وثاني يوم خابرما وطمنا عليه ، وبقت زوجته تنك وتلغي الادبسزز موتت روحها شلون منذر يعيش هناك ابغداد وعايفني اني وابنه ، امي تكللها هو رايح بطر وونسه غير من الضيم هاي بدل ما تدعيله الله يحفظه والله يسهل أمره ، حايرة بس بروحج شكو عليج شو مدلله هنا بالبيت انتي وابنج تبين سكتت ماحجت بس مامطمنة أحسها مجرد ترضي امي حتى لا تحجي عليها ، وراها بكم يوم اتصل منذر وكال خل امي اجيب دلال وابني ، ماحجينا هو اعرف وادرى وفعلا اخذتها امي وصلهم ابن خالة امي عنده تكسي ومامنين بي كولش ودلال اخذت جنطة ملابس الها ولحيدوري اللي بقيت ابوس بي مقهورة لأن حيل احبه اصلا مدلل البيت عمره ثلاث سنوات ، بعد أبوه طلبه راحوا وامي بقت هناك اربع ايام ورجعت كالت الحمدلله مستقر وصاحبه مدبرله سيارة أجرة يشتغل بيها ويسترزق ، وحجت على دلال لأن منذر كايللها خبصتني بس تتصل وتتوسل تريد تجي وتكول ابنك بس يبج عليك
ميثاء / حيالة وامي اكول شلون منذر يوصي عليها وهو كال خلها هنا
+
رفيدة / يمعودة خل تروح احنا شمستفادين منها شو اكل ونوم حتى حيدوري ذابته على امي
ام منذر / لا تبقن تسولفن الله يستر عليهم ويحفظ اخيجن واسمعن ممنوع تطلع سالفة اللي يسال كولن راحت لأهلها
تستمر القصة أدناه
ردت رغد / لعد أهلها إذا سالو عليها شنكول
ميثاء / على أساس ما حجت لأهلها يمعودة هي تضم سالفة هذه بس كولي الله يستر
،،،
مرت فترة وتقريبا مرت سنة وامي خلال هالفترة راحت لبغداد مرتين أكثر شي باقين عالاتصال احنا ومنذر اللي مستقر واموره تقريبا لا بأس احنا منا نجمع من الراتب واني ضامة جم فلس من نصيبي بتقاعد أبوية الله يرحمه اني جنت بذيج الفترة بعدني ممتوظفة بشهادتي خريجة لغة عربية ورفيدة تشتغل بمختبر تحليلات متخرجة من معهد طبي ونوصله وية ابن خالة امي ابو نور
هو حلقة الوصل ، منذر يطكطك بالسيارة بس الاجار غالي ويحتاج مساعدة ، بيوم ابو نور مر علينا وحجى لأمي كاللها ما اكدر بعد اروح لبغداد احتمال مراقبيني خل الوضع يهدأ هالفترة ، امي هم كالت لعد خوما اريدلك الاذية انت هم ماقصرت ويانه ،
وبيوم ما نسمع الا الباب تندك طلعت رغد عالباب وشوي نشوف دلال وحيدوري يدخلون شكد فرحنا بيهم وخاصة حيدوري ،بس فرحتنا بقلق لأن منريدها تجي شعدها هنا ابقي يم زوجج
ميثاء / طمنتينا عليكم وعلى اخبار منذر ، هسة اريد اسالج انتي شلون اجيتي وشلون قبل منذر تطلعين بوحدج !؟
دلال / عادي شكو بيها اجيت بالسيارات صعدت من الكراج و لبيت اهلي و اجيتكم
ميثاء / لعد منذر من اتصلت عليه البارحه ماكال شي
دلال / لا اليوم اجيت من بغداد وكلت ابات عدهم
ام منذر / يمه جان بقيتي عد رجلج هسة عليش اجيتي والعين عليج
دلال / اوي عمة لعد اخنك روحي اريد اتنفس شوية اريد اشوف اهلي وانتم هم تشوفون حيدوري
ام منذر / ماكلنا شي يمه بس اخاف عليكم
ميثاء بنترة / مو انتي اللي موتي روحج حتى ترحين وية منذر لبغداد شو هسة اختلف الوضع وصارت بغداد خنكة
دلال مدت بوزها / شسوي لعد إذا اخوج حابسني بالبيت هاكدوتة وما اطلع حتى حيدوري من يضوج يطلعه شوية ويرجعه
ميثاء / الرجال شارد بالروح العزيزة وانتي تردين طلعات وونسات والله خوش نسوان سند لرجالهن
دلال / انتي مايعجبج العجب ودومج مناحرتني
ميثاء وعلى نفس وتيرة الغضب / انتي متهميني افتهمتي لو لا اني اهم شي عندي اخوية وهذا ابنه
دلال بزعل / عمة شوفيها لبنتج ترى بس تناكر بية مدري شعدها وياية
ام منذر / يمة ترى گلبي خلصان ارحمن حالي
،،
سكتنا لخاطر امي سكتت بس گلبي يغلي عليها ، شلون هيج تتصرف بلا وعي ولا اهتمام والله لو زوجي هيج حالة ووضعه ابقى ساندته وخايفة عليه مو ما اهتم وكولشي عادي مثلها وانوب ملابسها وكشختها عبالك جاية لحفلة هذا منذر شلون عافها هيج تطلع ، لفيت راسي بسرعة عليها وسألتها / منذر موجود من طلعتي ؟!!!!!!
دلال بضوجة / طلع للشغل وكلتله اطبخلك الغدا واطلع ماحجى كال بس ديري بالج على حيدر
ميثاء بخزرة / مو اكول معقولة منذر يعوفج هالشكل تجين
دلال / وشبي شكلي شنو ما أعجب
رفيدة باستهزاء / والله االي يشوفج من دخلتي علينا يكول جاية لحفلة المكياج والجبة حاصرة جسمج فستان مو جبة هه
صاحت ام منذر بيهن / انجبن ما اسمع صوتجن بعد بس مال مناكر اعوذ بالله
ـــــــــــــــــــ
بيت شيخ تغلب ..
يتمشى حول البيت والأرض اللي محاوطته ومليان اشجار ومزروعات نبه واحد من الحرس / اريد عينك عالبيت مو تلتهي بالسوالف وية الرايح والجاي
الحرس / صاير شي
تغلب وعينه تحومي حوالين البيت / وصلتنا معلومات وضروري الحرص
التفت تغلب لأخوه اللي وصل وألقى السلام
جلال / سمعت مرة منذر موجودة
ضيك حاجبه / وشعليك بسوالف النسوان
جلال غمزله / وشلون طالعه كشخة فوول
تغلب بخزرة / سمعت مو ؟! لو مراقبها وشفتها
جلال بضحكة / ما يخفى عليك شي هههههه
تغلب / ولا تنصلح ، اني وين وانت وين تفكيرك خرب غيرتك
التفتوا لصوت غياث ابن الأربع سنوات يركض ويصيح أبوه اللي نزل لمستوى ابنه فاتح ذراعه وحظنه بحب / هلا بغياث ، ليش تصيح
غياث دفن رأسه بصدر أبوه ماحجى ، تغلب مسح على شعر ابنه الناعم / يلا للبيت لاتبقى برا
جلال / عوف الولد يلعب كلما شفته برا حجيت عليه
تغلب تمشى وايده حاظنه ايد ابنه / خوفا عليه والله وانت تدري الوضع والتهديدات اللي توصلني
