رواية لا اعرف الطريق كامله وحصريه بقلم جمانه السعيدي
القصه هلمره تختلف عن البنات الي تاخذ نصيحه من الكروبات وتمشي عليه
يااختي مو كل وحده تنصحج فاهمه وضعج
مو كل وحده تنصحج تحبج وتريدلج الخير
مو كل وحده تنصحج انسانه طبيعيه احتمال عدها مرض نفسي او عايشه حرمان او مرت باازمه
او انسانه ماتحب الخير للناس
ترا اكو هواي من هاي النماذج تلكينه ماتحب الخير للناس
بدون سبب يعني انتي ماامذيته
ولا تعرفيه ولا تعرفج بس ماتحب تشوفج ناجحه بحياتي
هيج بدون سبب
هي فاشله وتحب الناس كله تكون فاشله مثله
صاحبت القصه اسمه ايمان
ايمان بنيه وصلت عمر ٣٠ بدون زواج
انسانه عاديه ماعدها موهلات جمال تجذب العرسان
ولا دارسه تاركه المدرسه صف ثاني متوسط
ولا عدها اهل يحفزونه للنجاح
امه امراه ريفيه بسيطه ماتعرف عن الحياة غير البنيه
اهم شي تزوج
مومهم الدراسه والتعليم
مو مهم يكون عدها هدف وتريد تحققه
اهم شي تزوج
اي شخص المهم تزوج وبس
والأب رجال على كد الحال يطلع للشغل ويرجع بيده علاكة المسواك وبس
يرجع تعبان يريد بس ينام ويرتاح وثاني يوم يطلع للشغل
هيج بيئه مستحيل البنيه تطلع ذكيه وفاهمه الحياة صح
اي واحد يحجي كدامه تصدك كلامه
لان ماعدها تجارب سابقه
اخوات ايمان وخوانه كلهم ازوجو وصار كل واحد منهم عندا اسره ومشغول بحياته
اله ايمان ماعدها بلدنيا غير يمته تزوج
حاله حال كل البنات
لان الي بعمرها ازوجن من زمان وصار عدهم اطفال
بس هي ماتعرف ليش متعطله قسمته
وبعد وصلوله الهيج عمر جمانه السعيدي جانت شبه فاقده الامل
والمشكله مو هنا
ام ايمان كانت من الصبح لليل تحجي على ايمان ليش ماتزوجين
كل البنات ازوجن وانتي باقيه على كلبي
انتي حظج من دون حظ البنات
هذا الحجي كان يدمر ايمان دمار كامل
وكان الدنيا ماتمشي وراح يتعطل الكون اذا ايمان ماازوجت
محد كان يراعي مشاعرها لو يقدر وضعها
كانت تتعب من كلام امه و ترد عليه بعصبيه
ايمان...شلون يعني اطلع بلشارع واصيح اريد رجل
هي بكيفي
شسوي بنفسي حتى ترتاحين
لكن هذا الكلام مايزيد الام اله اصرار بدون متراعي مشاعر بته ترجع تعيد الكلام بليوم الف مره
والأب طبعا طابك وياا الام
وايمان ماتعرف شنو الحل
نفسيته متحطمه ومدمره دمار
إلى أن يوم اجا واحد عمرا بلخمسين تقدم الايمان
ويريدها زوجه ثانيه
واحد حالته الماديه ميسوره ومحتاج زوجه ثانيه
اهل ايمان بدون تفكير اصلا ماكنو مصدكين
اخيرا ايمان راح تزوج
تزوج حاله حال كل البنات
ابد مافكرو شلون بتهم راح تكون زوجه ثانيه
الي شاغل بالهم شلون يستغلون هاي الفرصه
وهذا العريس مايروح من ايدهم
الشخص الي تقدم الايمان كان اسمه جواد وعمرا خمسين
عندا اولاد وبنات شباب
بس عندا فلوس حب يدلع نفسه بزوجه ثانيه
لمن شاف ردت فعل اهل ايمان
وفرحتهم بلخطبه
كان عندا شرط هاي الزواجه تكون بلسر محد يعرف بيه
ابد
هذا الشرط ابد ما غير رائي اهل ايمان
كان عادي عدهم واذا زوجه ثانيه واذا الزواج بلسر
اهم شي ايمان تزوج وماتبقى بدون زواج
كمية التسهيلات الي قدموها اهل ايمان
شجعت جواد على تكميل باقي شروطه
جواد..اني انسان عندي مشاغل وعندي مسؤليات
اني اجيها اذا افرغ وماا عرف افرغ يمته
كل شروطه اهل ايمان وافقو عليهن جمانه السعيدي حتى هاي الزواجه تكمل وايمان محد يسميها بايره
تم الزواج بعقد شيخ وبس انطاها مهر معقول اشترت ملابس وذهب ومكياج وكلشي بنفسه
زوفوها على شقه بعماره كان جواد مستأجر هاي الشقه حتى يزوج بيه
هاي اليله كانت ليله خوف بلنسبه الايمان
لان مالحكت تتعرف علي لو تكعد تحجي ويااا
اجا مره شافه واتفق وياا اهله على كل ااتفاصيل
والمره الثانيه يوم الزواج
كانت مستسلمه وتريد كلشي يخلص وبس
بدون اي مشاعر او كلام حب بينهم
هو كان مسيطر عليه بلتمام لان هاي تجربة الزواج الثانيه
بلنسبه اله
وهي انسانه بسيطه وماعدها اي تجارب سابقه
ثاني يوم الصبح كعدها حتى تحضر الريوك
جواد...اكعدي حضري الريوك بسرعه علما اسبح اريد اطلع للشغل
ايمان...صار
حضرت الريوك وكعدو يتريكون ثنينهم
جواد...اني طالع للشغل مااعرف يمته افرغ وأمر عليج
اريدج أسمعين كلامي زين
اولا...ممنوع اطلعين من الشقه
ثانيا ...ممنوع تفتحين الباب الاي احد بس امج وابوج
ثالثا...مااريد تاخذين وتنطين بلكلام وياا اي وحده
انتي منو زوجج منووو بيت منووو
ممنوع الكلام
اني مااريد زوجتي تعرف اني مزوج فهمتي لو لا
اذا عرفت زوجتي راح اطلكج فورا بدون اي كلام
لا تتصلين عليه كل شويه اذا تحتاجين شي ضروري يله تتصلين
ممنوع كل شويه الووو يمته تجي
اني عندي شغل وماعندي وقت وعندي بيت ثاني
اني احاول افرغ نفسي وأمر عليج
هسه فهمتي لو اعيد
ايمان...اي فهمت صار
كمل اكل وطلع وبقت ايمان بين اربع حيطان
ماتعرف شلون تخلص وقته
وشنو مصير هاي الزواجه
هذا اليوم خلصته بلشقه الوحدها تتفرج تلفزبزن
واتصلت على امه وخواته
ثاني يوم اجن خواته وامه يباركله على زواجه
ام ايمان...اي ولج ايمان وين لاكيته لا عجوز ولا شايب
هذا البيت بس اللج
بعد شتردين
ايمان...يمه ضايجه صار يومين كاعده وحدي بلبيت
بين أربع حيطان
ام ايمان...احمدي ربج واشكري
لا عيال لا شغل تاكلين وتنامين
حتى اخوات ايمان كانن حاسداته على وضعها
لان عايشه وحدها وماعدها اي مسوليه
فات اسبوع كامل يله اجاها جواد وجايبله مسواك
بات يمه ليله والصبح طلع
حتى مواعيدا ماتعرف يمته يجي ويمته يروح
كاعده ومنتضره طلته البهيه عليه
كانت تخلص كل وقته على النت تدخل بكروب وتطلع من كروب
اما اهله ابد مايجونه بس اله يوم واحد كل شهر تروح تشوف اهله ابوها يجي ياخذها
وبليل يرجعها للشقه
ممنوع تستقبل ضيوف اغراب
ولا يكون عدها صديقات
تشغل وقته بلنت طول النهار جمانه السعيدي وماتعرف شنو تاليت هذا الزواج
فات اربع اشهر وهي على نفس الوضع
بلاسبوع يجيه جواد ليله وحده والصبح يطلع
وتبقى تنتضر اسبوع كامل يله يجيه ليله
من يجي حتى ماتعرف شنو تحجي وياا
لان ماكاعدين وقت طويل سوا
من يجيه تعبان تعاي فرجيلي ينام وياها والصبح يطلع
وهاي هي
المن تشتكي والمن تحجي
اهله حاسدينه على عيشته ومايقبلون تشكي لو تحجي
ماكان على السانهم غير بيتج وحدج والمسوك يجيج للبيت
بعد شتريدين
الحياة عدهم اكل وشرب وسكن وبس
وهي ماكان عدها اي طموح بالحياة مستسلمه وعايشه وبس
