رواية لا اعرف الطريق الفصل الثاني 2 بقلم جمانه السعيدي
البارت الثاني
جمانه السعيدي
ايمان..من كد الفراغ الي عايشته ماعندي شي غير النت
اطلع من كروب ادخل بكروب
الحد مالكيت كروب ينزل مشاكل نسائيه
الكروب الوحده
اسمها شيخة النسوان
هذا كان اسم صفحته
هاي تبين بلكروب بس هي وبس واي وحده تنزل مشكله
كبل تكله تعاي الحل عندي
وعدها كم وحده يروجلها داخل الكروب
يعني مجرد ماتنزل المشكله راسا يردن عليه مالج غير
شيخه النسوان
هي تعرف تحل مشكلتج وماتقصر
وجاي تحل مشاكل البنات
واكو كم وحده تنزل اني نشرت مشكلتي وشيخة حلته اليه
طبعا ذني مجموعه تابعه اله
حتى يروجله وتضحك على البنات تخرب حياتهن
يمكن تكولون ليش تخرب حياة البنات ايجوز تساعدهن
هاي وحده عايشه طفوله تعيسه بسبب انفصال امه وابوها
كل شهر بيت منا لمن كبرت
اخذت من كل بيت تعيش بي اطباعهم الموزينه
ومزوجه ٣ مرات ومنفصله
انسانه تحب المشاكل
وماتحب تشوف وحده سعيده ابد
لازم كل البنات تنفصل ماتحب تسمع وحده مزوجه وسعيده بحياته تحرضه على المشاكل منا لمن تنفصل
ومسويه نفسه هي وبس
هيا الي تفهم والكل لازم ياخذ الافكار منه وبس
هاي كانت أول غلطه غلطته بحياتي
حتى زواجي من جواد مااعتبره غلطه بلنسبه المعرفتي بيه
حرفيا خرابت بيوت
تدخل للبنات من باب النصيحه جمانه السعيدي وتبين هي خايفه عليج وعلى مصلحتج منا لمن تخرب بيتج يله ترتاح
اني قليلة خبره ولا ذكيه ولا شاطره ولا اعرف الناس
قبل محبوسه بيت اهلي
وهسه محبوسه بيتي
كلشي اشوفه اصدكه ماعندي اي خلفيه عن اطباع البشر
المهم كلما تنزل مشكله وشيخه تكتب الحل
اني كبل اعلقله
كنت معجبه بيه بشكل مو معقول
كلما تنزل منشور على المراه وكيف تتعامل وياا الرجال
اني اعلقله
كلما تنزل نصيحه انعجب بيه وباافكارها
فعلا كنت معجبه بيه احس هي الوحيده الي فاهمه الدنيا
على حقيقته
واتمنى اصير مثله
يعني اعرف ارد مثله واعرف الناس اعرف احجي
اصير شاطره
من كثر مااني اعلق على منشوراته انتبهتلي
وكنت أسهل صيده بلنسبه اله
وحده مثلي خام كلشي ماتعرف
اكيد تتمنى تكون مثل شيخه
المهم دخلتلي خاص
شيخه...شلونج
اني كلش فرحت معقوله عدها وقت تحجي وياي
ايمان...الحمد لله انتي شلونج حبيبيتي عيوني
اني كلش معجبه بيج
شيخه...جاي اشوف التفاعل بلكروب سعيده لتواجدج ويانه
ايمان..اني الاسعد
شيخه...نصير صديقات
ايمان...تحجين صدك
شيخه...اتشرف بيج
ايمان...ياحبيبتي اليه الشرف
شيخه...انت مزوجه طالبه موضفه
ايمان...اني تاركه المدرسه وحاليا مزوجه
شيخه...مزوجه شكد صارلج
ايمان.. ست اشهر
شيخه...هااا عروسه جديده
ايمان...اي عروسه جديده
استعجلت بلكلام وياها وحجيتله كلشي يخص حياتي ونسيت وصيت جواد لمن كال لا تحجين كلشي عن حياتنا الخاصه ومااريد صديقاتج يدخلن بحياتنه
اني كنت حاسه بملل واريد اي احد احجي ويااا
شيخه...زوجج كرايبج
ايمان...لا غريب
شيخه...زواجكم عن حب
ايمان...اي حب يمعوده صار ست اشهر مزوجه يمكن شايفته عشر مرات
شيخه.. ليش وين يروح
ايمان...الزوجته الثانيه
شيخه...يااا عزززه مزوج عليج
ايمان...لا اني الزوجه الثانيه
شيخه...وشجابرج ياعيوني ليش هيج تسوين بنفسج
ايمان... بعد عبرت ٣٠ وتعرفين حجي الناس مايرحم
شيخه.. زوجته تعرف
ايمان...لا اصلا منبه عليه مااحجي وياا اي احد خاف زوجته تعرف زواجنا
شيخه...كل شكد يجيج
ايمان....كل أسبوع مره ومرات عشر ايام مره
شيخه..وين تخلصين نهارج ترحين الاهلج
ايمان...لا كل شهر مره محبوسه بلبيت مااطلع
شيخه...اوي شلون تخلصين النهار
ايمان... انام اكل اكلب بلنت انضف
شيخه...يامسكينه شني هاي الضليمه على شنو متحمله
وساكته
ايمان...وين اروح اهلي مايقبلون اروح عليهم اصلا
كيفو واحد تقدملي ماصدكووو
( انتبهو بنات جاي تحجي كل أسرار حياته بدون ماتنتبه، )
شيخه...خلاص اني راح اكون صديقتج منا وهيج
اني راح اعلمج شلون تملين وقتج
وشلون تتصرفين
مسكينه انتي هذا زوجج يضحك عليج
ايمان...شلون يضحك عليه فهميني
شيخه ...شنو زوجه بلسر شنو كل عشر ايام يجيج يوم
انتي زوجته وحالج من حال زوجته الاولى
اذا هو موكد الزواج ليش يزوج
اذا بخاف من زوجته مابقه عليه
انتي شكد ثوله ليش قابله بهذا الوضع وساكته
ايمان...وين اروح قابل ماعندي مكان اروحله اهلي مايردوني
شيخه...اني راح احولج انسانه ثانيه بس امشي وراي
واني اخلي يركض وراج
بله شلون يعاملج
ايمان ...عادي زين اني هم ماعندي خبره بلزلم
شيخه..انتي ثوله موماعندج خبره بلزلم بس
ايمان...شسوي علميني اني مااعرف
واي شي تكولين علي اسوي انت تفتهمين احسن مني
شيخه...تمام اول شي زوجج شيشتغل
ايمان...تاجر عندا محلات أدوات ماي وهيج شغلات
شيخه...يعني حالته الماديه زينه
ايمان... اي عندا فلوس
شيخه...شكد ينطيج مصرف
ابمان...ماينطيني وحدا اله اني احتاج شغله واكله عليه
يعني اريد اروح احف ينطيني فلوس الحفافه
اريد اخيط ينطيني فلوس الخياط
اريد شغله ينطيني كد فلوسه
اني شسوي بلفلوس جمانه السعيدي هو يجيب مسواك خير من الله
ويدفع الايجار
بعد اني شسوي بلفلوس بعد
شيخه...لا ياغبيه لا ياثوله وين لكاج انتي الي مثلج انقرضن من زمان
شني من نمونه انتي هنياله عليج
ايمان...يااا ليش تكولين هيج
شيخه...ولج وين اكو وحده زوجه تاجر ماتقطه بلروحه والجيه شغلي مخج لا اجلطيني
لا انتي مو مال مكالمه وحده وخلاص
ينراد يوميه اتصل عليج حتى تاخذين دروس من خبرتي
اذا مااخلي يزحف وراج
اذا مااخلي يكابلج ويكعد
اذا مااخليج تلعبين بلفلوس لعب
اذا مااخلي النسوان تحسدك على عيشتج
اني مو شيخه بس اهم شي ماتخالفين اوامري
وشكول تنفذين بدون تعليق
ايمان...اي ولله اني محتاجه وحده مثلج تعلمني اني صدك ثوله وكلشي مااعرف
شيخه...اني راح احولج انسانه ثانيه
ايمان...رحمله والديج انتي وين جنتي من زمان
لو متعرفه عليج من قبل ماصار هذا حالي
شيخه...اني راح اخصصلج كل يوم من وقتي ولو اني مشغوله حيل
وعندي الف وحده لازم احل مشكلته
بس انتي وضعج ماينسكت عنه ابد
ايمان....فدوه الحلكج اني محتاجه صديقه مثلج تعلمني
شيخه...تدلين اني بخدمتج
ايمان...انت اجيتيني انقاذ اني جنت ضايعه
شيخه...يمعوده انتي مسكينه الف وحده مثلج ضحية
الاهل لو ضحية الزوج
الزوج يريد زوجته بس الملذاته
والخدمه
وهو عايش حياته بلطول والعرض ومرته اخر اهتمامته
ايمان...اي ولله حجيج ذهب
شيخه...مع سلامه باجر احجي وياج
ايمان مانمت من الفرح معقوله شيخه صارت صديقتي اني
وراح تساعدني
همزين تعرفت عليه
شراح اتكول انفذ حتى اصير مثله
الله اصير مثل شيخه
همزين بعد حتلو مايجي جواد ميخالف عندي صديقه
احجي وياها
