رواية مقبرة الاحياء الفصل التاسع 9 بقلم سارة جعفر
بين الفقرات عشقي 
.
.13
-كلارة: الدنيا مغرب واگفه أباوع على فجر الراح تموت من الخوف لأن وردة لحد هسه ما راجعه، تفتر بالحوش وتمسح بوجها تدعي وعيونها غرگانه بدمعها وعينها ما شالتها من الباب وتفز كل ما نفتح كل ظنها وردة!
37
حالي أتعس من حالها أمسح بدموعي بالخنسه وخايفه عليها وين راحت ما تتأخر هلگد صارلها هواي ماكو أجت يمي فجر مهبوطه وبگوه تجر الحچايه
-ولچ ليش ما رجعت للبيت ليش؟؟؟
28
صفنت عليها ومسحت دموعي من وجهي همست بتردد
-خاف صار بيها شي؟
11
رفعت عينها الي ونزلت دمعتها ما گدرت بعد تسيطر على روحها غطت وجها وضلت تبچي مقهوره، وردة مو مجرد بنيه أجت تعيش ويانا صارت أخت النا وحده من عائلتنا ومتأكدين صار الها شي لأن مستحيل تتأخر لهل وكت وما بيها شي!
24
أحس نار بگلبي أباوع بحيره والدنيا بلشت تصير ليل
-وين حرّ وينه ليش بعده ما رد للبيت؟
27
ردتلي وهِيَّ تمسح بدموعها
-طلع من الصبح هوَّ والولد يشتغلون سوى خرب بالحظ حتى تلفون ما عدي أخابره..
18
فركت أيديَّ بتوتر وباوعتلها بخوف
-نگول لواحد من ولد صمد لو گاطع يروح يشوفها؟
4
خزرتني وهزت راسها بسرعه نترت
-لااا، هذوله لو گلنالهم يذلونا ويطعنون بيها وما يرحون.
28
متت من القهر والحيره أكلت عقلي وتفكيري تشوش ضلت فجر تفتر وتفرك بأيديها وكل شويه رايحه للباب تفتحه شويه تباوع للدرب بلكت ردت وردة بس ترجع تتلفت عليَّ بخيبة آمل وعيونها متروسه دموع..
11
خفت حيل خفت نفقدها لأن صارت وحده منا وصرنا أنه وياها حيل قريبات من بعض وصاحبات كلش تلفتت فجر ورفعت راسها للسما شهگت ودعت من كل گلب تردلنا وردة سالمه بس ما ردت وردة وصار الليل وهِيَّ ماكو فجر فقدت عقلها من الخوف عليها
3
رفعت عينها الي وهمست بنفاذ صبر
-أطلع أدور عليها؟
-يمممه فجر النوب يصير بيچ شي
-چا شلون راح أموت
-إذا تطلعين وين تدورين وشتسوين؟ ما تزيدين غير المصيبه مصيبتين خل نلگه طريقه نتصل على حرّ!
باوعت بحيره وقهر وهاي أول مرة أنه أنصح فجر بحياتي لأن هسه هِيَّ بقمة ضياعها وما تعرف شلون تتصرف من خوفها على وردة تريد بس تآمن عليها، طلعت بلقيس وإيناس يتمضحكن بشماته
8
بلقيس: شني ما ردت؟
14
فجر ما ردت عليها وأنه هم لبستها والتفتت على الباب طب وائل عاگد حاجبه يدردم من شافنه
1
بلقيس: ولك يمه ما دريت وردة لهسه ما راده من المدرسه!
14
التفت مخنزر وفاك عيونه
-أيا سـ***، چا أحنى شحچينا ننلام من گلناله يابه لا تطيها عين تتزومل عليك تطين راسك خل ياكلها هسه شلون يحط عينه بعيون الوادم.
62
فجر: أسكت أسكت وروح أخنس بمچان لا يسمعك حرّ يبتر لسانك ويشمره للچلاب التارسه الچول.
1
وائل: خايبه أكلي تبن يگدرلي هوَّ؟
63
فجر: ما تزامط هيچ گدامه شو بس هنا نافخ روحك!
5
وائل: شلون تخليني أكتلها!!!
24
بلقيس: عوفها يمه عوفها خطيه هسة هنَّ بمصاب شلون يحطون عيونهم بعيون الوادم زامط وكتل روحن اله يردها تسودن بس يريد يسوي براسها خير وصارلها ظهر وگفلها وبلأخير راحت شردت ويَـ صاحبها..
49
التفتت عليها فجر ما ضال عقل براسها زمخت بقهر
-وسم حتى سم أنتِ شمالچ؟ صاحبها شني صاحبها البت هسة صاير بيها شي واحد خاطفها مكتوله ركضتي على الصاحب من طيح الله حظ كبرتچ لو أنتِ ما مسويتها چا ما فكرتي بيها بهل منظر.
43
وائل وإيناس تخبلو يردون يهدون على فجر وهِيَّ ما مهتمه الهم تباوعلهم بطرف عينها مستصغرتهم وبلقيس ما ترضى ولدها يمسون فجر مو خوف عليها خوف من حرّ..
كلارة: أخذي جراوتچ وردو لجوه چنكم چلاب هادين حبالهم علينا
33
بلقيس: أنتِ بس يطيچ عين تسوين أخس من ذيچ..
4
كلارة: خايبه دولي
وائل: وعلي أگطعچ وذر بس ترفعين حسچ على أمي
17
كلارة: خاب أكل خرا
82
جرتني فجر وگفنا على صفحه بالحوش وحدنا وهمَّ بعدهم يسولفون ويدردمون، وفجر ملتهيه بقلقها على وردة وعينها على الباب منتظرينها بلكت ترد النا سالمه بس مر وكت طويل وما تحملت رجعت تبچي وأنه أبچي وياها
1
طبت بلقيس وولدها لجوه، نفتح الباب وطب حُرّ وجسام والولد كلهم طبو سوى يضحكون ويتشاقون سوى هدومهم كلها تراب لأن چانو يشتغلون سوى أول ما صارت عين حرّ علينا أختفت ضحكته وبهت وجهه طبو الولد للبيت وخلوه وحده ويانا بالحوش عبالهم شي بيناتنا
6
أجه ملهوف يباوعلنا بخوف
-ها شمالچن ليش متانياتني هنا شكو شصاير؟
16
فجر تمسح بدموعها والغصه تارسه صدرها
-وين چنت مو گلبي غادي نار!
6
عگد حاجبه ونتر بعصبيه
-شمالچن عليمن هل بچي غير يحچن؟
3
لزم فجر من چتفها مركز وياها حيل
-شمالچ ما تسولفي؟
-وردة
3
بهت وجهه ونزل أيده من چتفها همس بهدوء
-شبيها!
-لهسه ما راده من المدرسه..
12
فك عينه مصدوم وجامد بمكانه وجهه كلة تغير وملامحه غضبت رجع كرر بصدمه
-ما ردت لهسه!
-جزه وكت دوامها ومتانينها ماكو..
11
وخر لوره صافن وأيده على وجهه فركه بتعب وجر حسره بقهر وروحه ممروده مرد همست فجر
-خابر أبو الخط خابره خل نشوف وين راحت!
4
يريد يطلع تلفونه من جيبه ماكو، أيده قريبه من جيبه بس حيله مات مسح وجهه مرة ثانيه وجر التلفون أتصل عليه وضل يفتر لحد ما ذاك ردله بسرعة زمخ
-اليوم رحت للمدرسه .. لا والله؟ .. چا وإذا نطمرت تضل منلصم وساكت غير تنطينه خبر .. شني نسيت بويه نسيت شني بناتنا چا شلون يردن؟
تخبل بالفشاير والغلط على أبو الخط لأن گاله چنت نايم وما رحتلهن نسيت، غلط عليه وفشر وسبه وحلف يمين عليه إذا يلزمه يگطع وذر لأن ما راح لـ وردة وهسه بخطر من وره أهماله بحيث ذاك بسرعه غلق الأتصال
8
خطيه الأهالي مآمنين بناتهم عنده والمدارس ممنوع بيها تلفونات وشلون ينطن خبر لأهاليتهن وأحنى ريف أغلبية الوكت الأماكن عدنا فارغه وچم بت هسه خطر عليها من وره أهماله خصوصًا وردة..
9
طلع حُرّ من البيت مفرفح وما يندل دربه محتار وين يدور وين يروح، طلع جسام من جوه بسرعه على صوت حرّ عاگد حاجبه وأجه على فجر
-ها شكو ويامن تعارك؟
3
جرت حسره تمسح بوجها
-وردة ما ردت من المدرسه لحد هسه، وأبو الخط ما رايح الها لأن ماخذته النومه وحرّ تعارك وياه وضل يغلط عليه وطلع يدور عليها..
2
غلط على أبو الخط وطلع من البيت وره حرّ وتبعو ولدنا كلهم طلعو وراهم متعصبين وضايجين فجر رجليها صارت خيوط من الوگفة جرت طابوگه وگعدت أيدها على خدها ودموعها تنزل
والبيت نخبص جوه صارت هوسه قويه وكلهم يسولفون ويغلطون على وردة ومتشمتين بَـ حرّ شلون فشلته وطينت راسه وهوَّ عاداهم كلهم علمودها وأصواتهم توصل لبره لأن عاليه
13
صمد: چا أحنى مو گلنا لا تطيها عين لا تنطيها ماكو تسودن عليها اله يسوي براسها خير مو المره إذا سويت براسها خير تطگك چلاق وتدير وجهه وتعوفك.
81
لؤي: عوفه بويه عوفه أشگد حچينا وياه ولا فاد خل هسه يرتاح من تفشل شلون يگابل الوادم بعد يا بويه..
24
گاطع: يطبه حمس چا أحنى من شوكت عدنا بنات تخلص دراسه؟ خل ياكلها خبصنا كلمن يعرف تربيته وكلمن يعرف شمربي هاي تربيته راحت شردت ويَـ صاحبها وخلته مفشل
49
محاسن: هِيَّ البت ولا رتاحيتلها مبينه مو راحه!
بلقيس: ذيچ هِيَّ من عيونها مبينه ملعبه وتكها ماكو..
31
إيناس: والله ولا تستاهل سوى براسها خير وزين وياها شمالها هيچ جازته شحلات طبعه وياها..
25
أنه وفجر روحنا محترگه ونسمعهم يحچون على وردة وحرّ بأقبح الكلام متنا قهر، نخرسو كلهم وسكنت الأصوات من طب حرّ الأبره إذا تطيح ينسمع صوتها طب فاير روحه بخشمه وبس يريد يتعارك
6
الولد وياه بسرعه فجر تلگت جسام بلهفه
-هاا جسام وين وردة!
عبس ملامحه بقهر ودنگ راسه مستحي
-ما لگيناها
7
طگت خدها بحرگه وانه شهگت وصرخت
-شلوووون يعني ما لگيتوها؟؟؟
-أول شي سويناه رحنا للمدرسه دورنا بيها زاويه زاويه مكان مكان ماكو البت مختفيه فص ملح وذاب دورنا بصف المدرسه نخلنا الشوارع نخل ماكو، حرّ رجليه صارن خيوط وهوَّ يروح ويرد بشارع المدرسه بلكت يلگاها ومن طبينا للمدرسه دورانها حتى بصوت عالي صاحها خاف ما تشوفه بس تسمع صوته البت ماكو..
17
-زين هوَّ وين چان شو متخربطه أوضاعه؟
-من جزع ما لگاها راح لأبو الخط كتله كتله طلع حرگة گلبه بي
73
-يبووو حرّ يمشي ويكثر بعدوانه
-يستاهل المطي سوايه هاي!
2
دمعن عيونها بقهر وطبت لجوه وطب وراها جسام بقيت بالحوش أفتر مخنوگه أحس بروحي مغادره جسمي شلون بيها هسه الدنيا ليل وينها هسه طبيت لجوه على صوت حرّ العالي يغلط على أبو الخط يابو بيتنا يابو الدنيا خبط الكره الأرضيه كلها
5
وبيتنا هادئين ولا واحد فك حلگه عبالك أصنام ساكتين التفتت على فجر وحچيت بهدوء وحرّ بالغرفه
-شوفي شلون ساكتين مساع لسنتهم تلعلع بظهره
-يدرون هسه واحدهم لو فك حلگه يكتله موت والله
وعلي هسه يتمنى واحد يحاچيه علمود يطلع حرگة گلبه بيهم قبل شويه شبعهم غلط لأن ما راحو يدورون عليها مسبه وغلط وفشاير أتمنى بس واحد يجاوبه علمود يحط طلقه بي..
2
التفتنا على مهامس بلال أخو جسام من أبو، يسولف ويَـ وائل بصوت ناصي
-شايف هسه لو واحد يحاچيه ما ياكله أكل يبلعه بلع..
48
فجر فكت باب غرفة حُرّ وطبت وأنه وراها منتچي على الحايط وصافن بأيده الجگاره يدخن بحسره وقهر تقربت فجر گعدت بصفه وانه واگفه على جهه أحس من القهر ما يعرف شيسوي بس حالته توصف تعبه فجر تباوعله بقهر وتسولف وياه
3
-ها ما لگيت الها آثر!
-لا والله ماكو، منتظر أتصال من صاحبي على مكان يدزه إذا ماكو أطلع أدور عليها..
2
-واحد حتى ما يعرف وين يدور!
-ولچ وستر زينب رجليه غدن خيوط أدور عليها بكل مچان ما الها آثر ماكو راح أتسودن!
10
-ما بلغت الشرطه؟
-ما يصير يله تعبر ٢٤ ساعه على اختفائها..
14
مسحت وجهه وهوَّ يطحن بالجگاير جگاره وره جگاره عيونه تعبانه
-ماتن رجليه ما أگدر أوگف عليهن.
65
تقربت فجر على رجليه اللي مددهن وضلت تعصر برجله تقربت گعدت گدامها أعصر برجله الثانيه وخر أيده الحاطها على وجهه وطگ الحايط بقهر
-راحت غزالة..
102
مسحت وجهي من دموعي بقهر وهوَّ گام طلع يخابر وخله وطلع يدور عليها صارت الدنيا فجر و وردة ماكو فجر داخت ولزمت بالحايط بسرعه جريتها
-شبيچ؟
3
وگفت تفتح بعيونها بلكت تركز عدل تقرب عليها جسام وگف گدامها وهمس
-تعاي أگعدي راح تطيحين تعاي!
10
گعدت لازمه راسها راح جاب الها گلاص ماي بارد وقدمه الها
-هاچ أشربي وصلي على محمد
صلت على محمد وأخذته من أيده شربت ماي ومن وخرته أخذه هوَّ حتى ما خلاها تگوم ترده ورجع رد يمها گعد وهِيَّ التفتت عليه يسولف بهدوء
5
-والعباس روحي ممروده مرد عليها حتى تفكيري وگف وين راحت شصار وياها وكل ثانيه تمر مية حسبه تجي بالي وردة مو هينه عليَّ راح أتسودن وأكل بأصابعي لو ما طالعين أمس لو أخذها أنه وأجيبها حسبة أختي بت ينمرد الگلب عليها تعلعت بصغرها..
30
التفت عليها تمسح بدموعها وجها أصفر شاحب وشفايفها بيض وعيونها مغورگه بدموعها جر حسره وكمل
-بس أنتِ هم ديري بالچ على روحچ منتبه الچ من مساع كل شويه تردين تطيحين وبالگوه واگفه لا تهلكين روحچ أكليلچ لگمه واگعدي أرتاحي سلمي آمرچ لربچ خل نفتهم دربنا لخاطر الله كلشي ما مفتهم لأن بالي وياچ!!
28
دنگت عينها مقهوره وتعض بشفتها تكتم غصتها
-مو هينه أختي صارت وردة العشره بيناتنا مو هينه عليَّ گضت عمرها من طلابه لطلابه ثانيه ما يوم أرتاحت قبل چم يوم تسولف وياي فرحانه لأن حياتها بلشت تستقر وتصير هادئه ليش ما مكتبولها الفرح والراحه!
11
-كلشي بي حكمه أكو وادم معجونه بحزن
-الحزن لاحگها من كل صوب..
27
-كافي لا تحچين وتقهرين بروحچ ترى مو زين عليچ والله!
1
حچاها يباوع لدموعها بقهر طفه الجگاره وباوعلها يهمس بهدوء
-أريد أطلع بس گلبي ما ينطيني أعوفچ وحدچ
-لا روح شعليك بيَّ
-لا تقهرين بروحچ بعون الله تردلچ سالمه
-أن شاء الله
طب لغرفته شويه وأجه بأيده حبايه
-كاضه راسچ يوجعچ أخذي هل حبايه
-مشكور
20
طلع من البيت وره حرّ يدورون عليها وكلهم مخبوصين أحس راسي نسطر وين راحت ليش ما جاي يلگونها دورو الديره شبر شبر ما لگولها آثر عبالك الگاع نشگت وبلعتها..
4
رجع حرّ هوَّ والولد وحرفيًا حرّ عقل ما ضل براسه جاي يمر الوكت ويفقد أعصابه والتلفون ما طاح من أيده والولد كلهم مخبوصين وياه ويدورون ويخابرون وهوسه تخوف فجر تفرك بأيديها وتدعي تردلنا ورده سالمه وأنه صافنه وأيدي على خدي
4
أجه صوت أشعار على تلفون حرّ بسرعه طلع التلفون من جيبه وفتحه وجمد بمكانه ملامحه كلها تغيرت من شاف...
41
-وردة: أگلب عيوني بالمكان بأستغرب گاعده داخل غرفه مسحت وجهي أعصر بذاكرتي بلكت أتذكر شنو آخر شي شفته وأتذكرت صالح وعينه بعيني من گال أنه صالح فزيت أدوره ماكو!
16
رفعت رجليه لصدري خايفه وگلبي يرجف وأنه أشوف روحي وحدي وما جاي أتذكر شلون جابني لهنا بس أحس بوجع بجسمي وراسي فضيع لزمت راسي بتعب وعيوني دمعن من أدركت بياه مشكله هسه أنه وأدري وره هاي المشكله راح تجي ألف مشكله..
5
حُرّ حاول يبعدني عن هذا الثار والمشاكل الچبيره وركني على صفحه وأجه صالح رجع ردني بالنص، هذا الثار ما راح يخلص لحد ما يخلص عمري.
4
سياج بنص حرب كتالتي الصوبين..
56
فز گلبي من نفتح الباب وطب صالح وراه مره چبيره بالعمر
أبتسملي والمره حطت گدامي صينية أكل
-تفضلي يمه أكلي
18
تحچي بقهر مدنگه عينها مره چبيره بالعمر صفنت عليها مضيگه عيني بخوف وهِيَّ باوعتلي بچت وگالت
-مشتاگتلچ يا يمه..
84
صفنت عليها بأستغراب وگلبي دگ جرتني لحضنها تبچي
-تعاي يمه تعاي أشم ريحتچ يالحرموني منچ
46
جمدت بمكاني وجسمي تشنج بقهر وخوف، أحس عقلي قفل يتقبل الـ هسه أنه بحضنها أمي الحقيقيه بلعت ريگ وسكنت هادئه وهِيَّ تسولف بحرگة گلب
5
-نحرمت منچ هل سنين هاي كلها يا يمممه نحرمت منچ وعلعلو گلبي عليچ، وحيدتي أنتِ وحرموني منچ وخلو راسي يشيب عليچ..
47
دنگت عيني صافنه ما مفتهمه من كلامها شي بچت تمسح دموعها بشيلتها وتحضن بيَّ
-يا بتي يا يمه يا ضناي
رفعت راسي الها وهِيَّ حاضتنتي صفنت بوجها وصالح ساكت ومدنگ عينه كأنما متأثر بكلام هاي الحجيه سحبت روحي من حضنها مكزبر جلدي مسحت وجهي ورفعت وجهي الها
-رجعوني لـ حُرّ!
27
بهت وجها، ورفع راسه صالح مخنزر بوجهي
-يا قندره؟
55
نعصر گلبي من حچه عليه غمضت عيني ودرت وجهي لغير جهه رجع زمخ
-لا تجيبين أسمه مره ثانيه على لسانچ أحسلچ!
20
الحجيه مسحت وجها من الدموع وتهدئه
-على كيفك يمه صلي على محمد تلگاه ضاحك على عقلها.
28
ما أدري منين جمعت قوتي التفتت عليه ورفعت حاجبي
-هسه صارت بيك نخوه وغيره، وين چانت گبل ١٥ سنه من عفتني وشردت علمود روحك وعفتني طعم لأغلاطك!!!
26
فك عينه مصدوم وحتى ما رد عليَّ من الصدمه يمكن چان ما متوقع كلامي ولا ردي والحجيه وگفت أيدها من مسح وجها من الصدمه وعگدت حاجبها بأستغراب نتر بصدمه
-شني هل لسان لچ، زعطوطه بعدچ وهيچ لسانچ؟
32
دنگت عيني ساكته، بس عقلي رد أني كبرتني المواقف وكبرتني السنين والتعب هد حيلي وخلاني عجوز بعمر ١٥ سنه مسح وجهه وسكت ضاغط على روحه وطبو هواي زلم وياهم رجال چبير بالعمر التفت عليَّ صالح وهمس
-سلمي على أهلچ.
18
فكيت عيني بصدمه أباوعلهم، وأول شي فكرت بيَّ إذا هلگد زلم عدي شمالهم ولا واحد بيهم بي خير وهنا أدركت چا أشگد حُرّ زلمه أشگد عدي بحياتي زلم ولا واحد بي خير مثله كلهم بس أسم و وكت الرجوله محد يضل غير حُرّ..
30
أبتسمولي كلهم بعيون تقطر حنيه، بس ولا واحد صدگته بيهم وإذا فعلاً صحيح كلامهم ونيتهم صافيه فـ ما أريدهم هسه، چان دورهم لازم يبدي من عمري يوم مو من أستقرت حياتي وهدئت المشاكل وترتبت هسه يجون يخربونها!
17
مسحت على وجهي الحجيه وهمست بهدوء
-يمه لا تشلعين گلوبنا أحنى نحبچ ونريدچ بس همَّ أخذوچ منا وحرگو گلوبنا عليچ فرفحوني..
23
-لا مو همَّ أخذوني أنتم عفتوني لأن من عشت يمهم لهاي اللحظه ولا واحد بيهم يريدني، كلهم يتمنون أذيتي وموتي اليوم گبل باچر شيسوون بيَّ ماخذيني؟
يحرگوووون گلوبناااا يا يمممه يفرفحونه عليچ!
6
ما تقبلت كلامها ومو بس هِيَّ كلهم ضلو يسولفون وياي ويوصفون ويشرحون وتعبانين وهمَّ يسولفون شلون تعبو ونهلكو على فراگي وحُرّ وأهله همَّ اللي مو زينين وأخذوني من عدهم وگعدو يحچون كلام عليهم مو حلو واحد يسكت يكمل الثاني
10
واني ما متقبله حرف أضغط على روحي وساكته نار مشتعله بگلبي عاصره عبايتي بأيدي ومدنگه الدمعه تلالي بعيني وسوالفهم كلها ولا حرف آثر بيَّ أشگد حاولو وأنتبهت يسلطون كلامهم أكثر شي على حُرّ طلعو بأبشع الطرق بعيني بس ما تغيرت نظرتي عنه..
33
گمت من مكاني منهاره ومقهوره
-كااااافي
6
سكتو كلهم يباوعون عليَّ ضغطت على راسي أبچي
-كاااافي تعبت كااافي عوفوني عوفوني أردلهم!!
6
أول ما كملت كلامي ما أنتظرت أشوف ردة فعلهم ركضت على الباب أريد أفتحه علمود أطلع لأن أختنگت وما تقبلت ولا واحد بيهم أشهگ وعيوني تصب بدموعي ومنهاره وأعصابي تالفه..
جرني صالح من أيدي حيل وردني لوره وگف گدامي ولازم زندي بأيده حسيت أصابعه حفرن زندي سچاچين حسيتهن شهگت بقهر والغصه تارسه صدري عيني بعينه وهوَّ نگلب شيطان بلعت ريگ بخوف
-وييييين مولييييه؟؟؟
17
الرجفه كتلتني أيديه ثنينهن يتراجفن وحتى رجليه بحيث خفت أطيح من الرجفه ما أسيطر على روحي أوگف وعيوني تجري بدموعي وهوَّ متخبل رفع أيده يأشر مفرفح ويخنزر بوجهي
1
-وييين موليه وييين؟ لكتاال أخوووچ؟؟ دمچ نگس توگفين ضد أهلچ علمود واحد كاتل وطب سجن ليششش طب ما سألتي روحچ ما گلتي ليششش حبسو بالسجن هاي السنين كلهههها؟؟
34
صفنت بعينه بخوف وهوَّ متخبل طگ الحايط البصفه بچف أيده رديت لوره مخترعه وهوَّ بعده مفرفح ويتقدم ويحچي بحرگة گلب
-حرّ التدافعييين عنه كاتل أخوچ، إذا مكيفه بيَّ تذكري أخوچ مااااتتت على أيده..
59
ما رديت والشهگه خبلتني أريد بس أسكت ماكو أختنگت والدموع مستمره تنزل، عيني بعينه وهوَّ يصيح بأنفعال بحيث كلهم نخرسو يباوعون عليه فاقد
-حرّ التدافعين عليه مو مظلوووم حرررر ظااالم.
عيونه تنگط حقد وغضب ملامحه كلها تغيرت ونگلبت عبالك شيطان گدامي مو زلمه، عيونه خبطت وصارن حمر وصوته يلعلع عالي كلش
+
-حرّ كتتتل أخونا المن لحمچ ودمچ، گبل ١٥ سنه طب للسجن لأن كتله بنص بيتنا الجديد بعدنا ما دايرين بيَّ وحرّ شد حبل بچنگاااال المروحه وشنق أخوووچ وطلعت روحه گدامه ماااات أخوچ من وره حررررر ماااات..
99
صفنت بعيونه وأنه أدري بهاي الحادثه أول ما فتحت عيني للدنيا سولفوها الي شهگت بقهر وما رديت عليه من يشوفني ساكته يتعصب بالزايد لزمني من زنودي وهزني حيل يزمخ بوجهي
2
-وماااا راضيييييه أكتتتتل أمه؟؟
-مو مبرر أمه شعليهههها!
-شعليههها مو شعليههها؟؟ چانت الـ**** تريد تطلعه من السجن ما راضيه أبنها ينسجن ****..
35
ضل يفشر على أم حُرّ فشاير تكزبر الجلد بحيث حتى الدمعه نشفت بعيني وضليت صافنه عليه بصدمه شلون عنده گلب يفشر على شرف مره ميته حطيت أيدي على گلبي راح يوگف گد ما دگاته قويه
4
-هاااا بعدچ تدااااافعين لذاك القندره!!
-لا لا تغلط عـ..
2
بعدني ما مكمله كلامي وجر وجهي براجدي فرني فر شهگت ولزمت وجهي بخوف أحس نار أشتعلت بخدي ودموعي صبن ورمش ما رمشت مصدومه من الطگه القويه الشوهت خدي بأيده الضخمه!
25
ضلو يصيحون عليه يهدى، دفعني لوره طگني بالحايط شهگت مقهوره ومتعوره أحس بآلم فضيع بكلشي خصوصًا بگلبي أحس نار مشتعله بگلبي نزلت الگاع گعدت أبچي
2
رفع أصبع يأشر بعصييه
-أنه هذااا كله سويييته علموده علمود أخوي الشنقه حرّ بس أنتِ دمچ نگسسس ومو طااااهر أريييييد أعرف حرّ شمنطيچ وهيچ مسلمتها تراب؟ خاف ضحك على عقلچ وحتى روحچ سلمتيها اله؟
38
شهگت وفكيت عيني بصدمه أرجف
-لا تطعن بشرفي، إذا أنتَ عدك مو عزيز أنه أموت لأجله..

وگف يفرك بوجهه بعصييه وغضب ورد يباوعلي ويأشر
-أنه وگفت بوجه حرّ وصار بيناتنا ثار وعرضت روحي للخطر بس علمود أخذ ثار أخونا وأنتِ عدي أستعداد أسويلچ أكثر أنتم أخواني وأضحي بروحي علمودكم!
108
كلامه ما لامس گلبي ولا آثر بهلطول بيَّ لأن كله چذب صالح لو صدگ خايف عليَّ چا أجاني وأنه عد أمي وأبوي طاهر وهجران بهذاك الوكت أخذني، وحتى ببيت رياض چنت أجارع الموت محد وصلني ليش من طلع حُرّ من السجن يله نحبيت وصارو يردوني؟؟؟
27
بس عدهم غايه يردوني وسيله علمود يوصلون لحُرّ، لأن صالح من يگلي چنت أدور عليچ ما صدگته كل ظنهم يضحكون عليَّ بهل حچي بس لو واحد يصفن بيها چا ينتبه صالح الشرد من بيتنا وأختفى آثره هوَّ وأهلي وبيت حُرّ ما تغير چا ليش يدور وهوَّ يعرفه!
51
بچيت بقهر مدنگه عيني وساكنه بمكاني عيوني يغوشن بدموعي ويطيحن على خدودي ويرجعن يترسن عيوني دموع، معلمه على البچي والنوح مو جديده عليَّ..
لساني غير الآه ماچلمه حاچي
وعيوني مو للشوف بس للبواچي
37
رفعت عيني اله مسح وجهه وهمس بهدوء
-أدري أنفتح عقلچ وأدري چانو يضحكون عليچ، هسه صيري حبابه وتأدبي ومالچ غير أهلچ أكلي هسه وبعد شوي عدي حچي وياچ.
22
هزيت راسي بنفي ما أريد أكل ولا حتى أبقى لحظه هنا بس ما گدرت أحچي صوتي أنخرس وروحي ممروده طلع من الغرفه وطبگ وراه الباب حيل بحيث حسيت راح ينكسر والزلم البقيه كلهم طلعو وراه ما عده الحجيه والرجال الچبير
صفن عليَّ بهدوء وگال
-ليش كاتله روحچ على هذاك الزلمه؟
17
سكتت عنه بس هوَّ ضل يباوعلي منتظر ردي مسحت وجهي من الدموع وأحس طبع أيد صالح بعده بخدي والوجع كارثه بس كابرت وحچيت عيني بعينه
-ماكو نار بلايه دخان، حُرّ الوحيد وگفلي بعد أمي هجران وأبوي طاهر حارب كل أهله علمودي ورغم صالح كتل أمه وهوَّ كلهم مأييدينه يكتلني بس ما سواها بالعكس عيشني برفاهيه عيشه أحلم بيها، صار شص ببلعوم كلمن معاديني ويريد أذيتي.
13
هذا أقل شي أسويه ما أنطي بي، حُرّ لو أنطيه ماي عيني ما أجازيه بوكت شدتي كلكم عفتوني هوَّ ما عافني وگفلي وصارلي سند وحايط أحتمي بي وچان يصارع روحه علمود يحميني وما يخلي ثاركم يضرني بوكت الأنتم ما مهتمين غير لرواحتكم..
26
صفنت بعينه أشهگ مقهوره معقوله هذا أبوي گلبه ما رف عليَّ وعمري كله ما شايفني ماكو لهفه بگلبه ولا بوجهه ولا حتى بسلامه المفروض هسه هوَّ يبچي دم لأن ضاع من أيده ضناه صفن عليَّ بحقد وهمس
-الله يطيح حظچ يا قندره على هاي الصلافه!
54
بعدني ما راده عليه وأصلاً حتى ما أگدر الخوف مسيطر عليَّ والشعور مرعب گاعده بين هواي ناس ما أعرفهم صحيح همَّ أهلي بس كلشي ما أعرف عنهم وما مرتاحه وياهم گام وگف ودنگ عليَّ تفل بوجهي وطلع يغلط عليَّ وعلى تربيتي ما راضي!!
19
چا هيچ الأهل عثره
الأهل على الگلب راحة بال
صاروا على الگلب حسره
ومن شافونا مكسورين
ما جبرو كسرنا ولا حچوا كلمه
ملح فوگ الجرح
واجو فوگ الكسر كسرة
الما مرتاح يم أهله ما يرتاح كل عمره..
93
مسحت وجهي ودنگت عيني ساكته أصبري وردة أصبري تعودتي على الصبر، باوعتلي الحجيه بعتب
-ليش تلاسنين يمه ليش؟ ترى صالح ما ينگحم بس تعاندينه يحط طلقه براسچ!
21
-خل يردني الهم راح أتخبل خل يردني أريد حُرّ..
14
-والله لو سمع هل حچايه منچ يموتچ طلقه وحده طلقه براسچ ويكتلچ وما يرفله جفن، لا تعاندينه شيگلچ گليله صار وتدلل لا تناقشينه ترى يكتلچ!
22
رجف گلبي من تذكرت المسدس البخاصرته قدمت الحجيه الأكل گدامي
-أكلي يمه
-ما أريد
شالت الأكل من الگاع وطلعت وأسمع صوت قفل الباب ينقفل حطيت راسي بين رجليه ودموعي ينزلن وحدهن صافنه وخايفه وين جابتني دنيتي وشلون راح أعيش شمنتظرني بعد الأفكار موتتني وشوشت عقلي..
لحد ما مرت فتره ورجع الباب ينفتح أسمع صوت المفتاح مسحت دموعي وجريت نفس طويل أريد أقوي روحي وأصير سباعيه طب صالح وطبو وراه ثنين ولد والحجيه والرجال بالبدايه كلهم حچو وياي بس ما رديت ولا حتى رضيت بعقليتهم
2
رفعت عيني بخوف على صالح وهمست
-رجعوني يم البنات!
1
فشر فشاير على البنات وغلط عليهن غلط كزبر جلدي منه نقهرت حيل ودموعي تصب شلون يحچي عليهم شلون هوَّ يغلط ومشاهدهن الحلوه تمر على بالي شلون چانن زينات وياي وهذا يوصفهن بأبشع الأوصاف
7
رفعني من الگاع شهگت بخوف وجرني گعدني على كرسي گدامه بقيت مصدومه أني بت شكبرني جرني مثل ما يجر الورقه بأيد وحده!
30
وگف گدامي ودنگ أيده على الكرسي
-حچايتين عدي وياچ غيرهن ماكو
1
ما رديت ضلت بس عيوني تفتر وراه بخوف
-غير كلمة صار ما أريد أسمع
10
ملتزمه السكوت هادئه وساكنه بمكاني بخوف
-سمعتيني؟
التفت على صوت الحجيه تگله
-على كيفك يمه
رفع أيده وهمس
-أششش ما أريد صوت
8
رجع حچه رجال ثاني يصير شويه أصغر منه
-لا تخوفها صالح مبينين ضاحكين عليها أحنى نفهمها.
12
صاح صالح بصوت عالي فززنا كلنا
-گلتتتتتت ما أريييييد صوووووت
30
سكتو كلهم والأبره إذا تنشمر ينسمع صوتها طگ أصبع وأشر على الباب
-بره.
12
بدون ما يناقشونه ولا يجاوبونه كلهم طلعو وعافوني وحدي وياه كلهم ولا واحد التفت وخاف عليَّ، يمشيهم بكيفه ويحچيهم بكيفه عبالك هوَّ أبوهم مو هوَّ أبنهم التفت عليه بعد ما نسد الباب وباوعلي
-ها نسولف؟
2
همست حرف حرف من القهر والغصه الحابستها بصدري
-شنسولف!
احچي وعيني على المسدس اللي بخاصرته لابس رسمي والمسدس مبين بحزامه، هز راسه وهمس بهدوء
-حلو، ركزي وياي كلامي وياچ بسيط وبسرعه أريد تفتهمينه نروح أنه وياچ لمنطقة **** ترفعين أتصال على حرّ يابه تعالي أنه بفلان مكان، والبقيه عليَّ.
59
سكتت هادئه وأعض بشفتي أدور وسيله ثانيه رفعت عيني اله بهدوء
-وليش متأكد راح يجي يمكن ما يجي؟
-لا راح يجي وركض هم.
1
بگلبي گلت چا إذا تعرفه هيچ سبع عليمن مستغرب ليش أدفعله إذا يخاطر بروحه ويجي علمودي ويريد ما أدافعله، رفع حاجبه
-ها
4
بلعت ريگ وهمست بخوف
-ترى هوَّ يدور عليك أول ما طلع من السجن يدور عليك ويريد يلگاك وعده أستعداد يكتلك ويموت ماكو مشكله ليش ما تخابره أنتَ لو تگله تعال الجهنم يجيك المن أخابره أنه وهوَّ منتظرك من زمان؟
11
-لا ما أريد يجي علمودي.
-ليش تريدني أخابره يجي أنتَ مو كتلت أمه ودمرت عائلته وهدرت سنين عمره شمتاني بعد؟
2
-ثاري ما خلص منه..
-ليش تريدني أخابره من تجيبه للمكان شتريد منه!
-بيناتنا حسابات أريد أصفيهن.
7
سكتت فتره صافنه وأعصر بأيديه
-ها
-أنه أخاف ما أريد أطب بهاي السالفه
-لا وردة لا مو بكيفچ أنتِ تسوي الأحچيه أنه!
-أنه ما أغدر بَـ حُرّ!
17
فك عينه مصدوم ودنگ عليَّ يباوعلي بنظرة خبث
-شلون شگتلي؟
-حرّ ما أغدر بي..
-يعني تكسرين كلامي؟
-هوَّ ساعدني ما يصير أعض الأيد النمدتلي
-طلقه وحده أخسرها عليچ
18
گلبي يدگ بخوف وعيني على المسدس متشنجه أحس أقل حركه يموتني هسه، هز راسه يتحلف ويتوعد ونظرة غضب بعينه
-بعيني سهله سهله
4
جمدت أباوعله والرجفه ما عافتني كتمت شهگتي من شفته جر الحزام من بنطرونه وطبگه ثنين نكثه بالهوى أصدر صوت يخوف وهو بگول
-راح تسوين الأريده
