رواية مقبرة الاحياء الفصل الثامن 8 بقلم سارة جعفر
مقبرة الأحياء. البارت الثامن 8
.
.15
بين الفقرات عشقي 
..
..16
ما أتوبن منك وسوي شتريد
من چنت جاهل ولا ينفع چوي
أحترك بالنار ويچويني أبوي
وأذني كلساع من أعاند تنلوي
من چنت جاهل ضعيف ومالي حيل
تريد أعوف عنادي من أني قوي
خاب هستوني شفت وجه اللّٰه عود
وكمت أرتب روحي وأنه الفوضوي
شفت نعمة ربي لمن يمي أجيت
صرت اسولف وأطلع وما أنطوي
بعيني صارت هسة وردية الحياة
وأنه اليسموني ربعي السودوي
والله ما أتوبن وأظل أركض وراك
من چنت جاهل ولا ينفع چوي
233
ما كملنا كلامنا رغم السالفه طويله وإذا نفتحت ما تنسد ومتروسه حچي وقهر، بس من شافني مخنوگه وحيل نقهرت من الموضوع ما كمل بس ما گدر يخفي نظرات الكره الـ بعيونه الي وفتح باب الحديقه وطلع!
60
أبوي طاهر وأمي هجران مو أهلي اللي من لحمي ودمي همَّ مربيني بس مو أهلي الحقيقيين، بس هم چانو ونعم الأهل الي عيشوني أميره بجالهم وخلوني ما أحس روحي غريبه عليهم ومو بتهم..
238
من صالح أخوي كتل أم حُرّ أهل حُرّ دگو بيت أهلي وأهلي أخذو مالهم وحلالهم وشردو وما عافو وراهم غير طفله صغيره، ليش عافوني ما أدري صاير شي أنه ما أدري بي أو همَّ عافوني بكامل رضاتهم بس بوكتها وقبل سنين من چنت طفله بقيت وحدي بذاك البيت
123
أنه أهلي نفسهم أهل صالح، بس ضليت بذاك البيت وحدي وشافني "طاهر" عم حُرّ هوَّ وزوجته هجران كبار بالعمر كلش وما عدهم خلفه عقيمين وبنفسهم ريحه الطفل حن گلبهم عليَّ وما گدرو يعوفوني وحيده بهاي الدنيا وقررو يربوني..
103
بس قامت القيامه هنا وگلبو الدنيا عليهم شلون تربون بت عدونا، ما هامهم حُرّ ولا ثاره ولا حتى علموده لأن أصلاً همَّ ما يحبونه بس شلون تربون للغربه وشلون تكبرونها وتسوون براسها خير وهِيَّ مو من دمنا ولحمنا، كل كرهم اللي شلون أنه غريبه مو بيتهم من لحمهم ودمهم.
43
من چنت صغيره لهذا العمر بنفسي أشوف أهلي الحقيقيين وأسألهم ليش عافوني، لأن ما أدري شنو سبب تركهم الي بحيث حتى أهلي اللي ربوني من أسئلهم يگولون ما ندري شنو السبب بس لگيناچ وحدچ باقيه..
لا عشت ويَـ أهلي الحقيقيين، ولا عشت ويَـ اللي ربوني ضليت وحيده بين الوادم تنهش بيَّ وتريد تاكلني وحسره بگلبي الضحكه والسعاده بس "صالح" أكرهه كره بس الله يعلم بي لدرجه أموت من طاري أسمه حياتي كلها تدمرت بسببه
70
أبچي وأستذكر بحياتي السابقه والحسره تارسه گلبي عيوني ورمن گد ما بچيت، وشهگتي شگت صدري بس مو شي جديد عيوني تعودن على الدموع رجعت للغرفه حاولت أشگد أنام بس النوم هجر عيوني مثل ما هجروني الأحبهم، ضليت للفجر مفرفحه لحد ما توضيت وصليت يله گدرت أنام وغفيت..
39
گعدت ثاني يوم مالي خلگ وروحي بخشمي حيل ضايجة ومقهوره كلارة أنتبهت الي ضايجه أشگد حاولت تضحكني وتغير مزاجي وتبدل الجو بس ضليت مطنگره
15
طگيتها على چتفها بميانه ونترت
-دنچبي
8
فكت عيونها على وسعهن وطگت صدرها
-يممممه تغلطيييين عليَّ!!
-أي أغلط چا شني أخافن منچ؟
-ولچ تغلطين عليَّ وأنه بگد أمچ!
49
عگدت حاجبي ما مفتهمه ونترت
-شني بگد أمي غير أنه وياچ نفس العمر لو لاله!
18
ضحكت وطگتني
-لاله شني هاي النوب!
-مدري فطره بيَّ ما أگول لا أگول لاله..
-ياااا وأنه أگول حرّ شماله ضل ما يگول لا طلع سامعها منچ.
114
ضحكت وگعدت مندمجمه وياها بالكلام
-هسه ما گلتيلي شني أكبر مني غير أنه وياچ نفس العمر!
8
عگدت حاجبها متخوصره
-ياهو گلچ هل كلام حبوبه؟
-أنه گلت..
6
-وعلي ضحكتيني وأنتِ تقيسين العمر على الطول!
-أي والله شفتچ نفس طولي گلت أنه وياها نفس العمر
14
-أنتِ أشگد عمرچ؟
-عمري ١٥.
64
-يا صدگ طلعتي فرخه ياهل على گولة أخوي
-نچبي ولچ وعلي ترا أكتلچ علساس أنتِ مره!
كفختني تضحك وترجع تخوزر بيَّ
-خاب دنچبي غير أنه بگد أمچ
-هلو هلو بگد أمي النوب!
-وفوگاها چنت أحفظچ ويَـ عمتي هجران..
-دكافي مو هواي حميتي؟
25
-ههههههههههههه لا أشاقه أشاقه
-ترى والله مبينه نفس عمري شلچ بهل سوالف بعد!
-صحيح مو أكبر منچ بهواي بس غلط مو نفس عمرچ
-يااا أنتِ من الفئة اليبين عليهم وجهم أصغر من عمرهم
-يبووو صخام الصخمني يعني هسه أنه چني زعطوطه
15
كفختها حيل متعصبه وخزرتها
-دنچبي شني چا أنه زعطوطه!
-أييي چا أنتِ فرخه ياهل مثل ما گال حرّ، صدگ مو أگلچ أنه مره ما تشوفين حرّ ما يگلي فرخه ياهل بس يگلچ، لأن أنتِ صدگ زعطوطه..
18
عفت ضيمي وحزني وگعدت أضحك وأتعارك وياها فد تغير مزاجي وتخليني غصب أندمج وياها وخصوصًا من ذكرت حرّ يگلي فرخه ياهل گعدت أتعارك وياها وأغلط عليها وعلى أخوها
8
-ترى أخوچ ما يستحي
-لا تحچين على أخوي لا أطيح حظچ
-أنه تطيحين حطي يا حقيره علمود أخوچ
-چا شني يمه گليل، أخوي هذا عندي العشره مثلاً!
-أكبر چلبه..
25
-ترى أجرچ من ضفيرتچ أمسح البيت بيچ
-خوش مره أنتِ، خايبه غير أگطع شعرچ تگطع
-هنَّ شعرايتين إذا تگطعينهن أصير صلعه
41
عگدت حاجبي وطلعتلي ضفيرتها تشوفنياها، ضحكت مصدومه وضلينا نضحك أنه وياها شعرها حرفيًا شعر طفل نفاس حيل حيل صغير مو مال بت أبد ضحكت من كل گلبي وهِيَّ ميته ضحك جاي أزامط أگطعهن وأگطعهن والمسكينه ما عدها شعر
نفتح الباب وطبت فجر بأيدها السچينه چانت بالمطبخ
-عليمن هل ضحك خايبات صوتچن شعلاته، سوو فلك أسكتن
17
التفتنا عليها وهزينا روسنا وكلارة بعدها تضحك تگلها
-يله هسه نضم الضفيره وما نضحك بعد.
7
طلعت تكمل طبخها وأنه التفتت على كلارة مستغربه
-ليش هيچ شعرچ ضفيرتچ كلش صغيره!
-خيه قصة شعري قصة..
-يا يمه يا يمه لا تكسرين گلبي
-خايبه وين تگطع الگلب والله
13
عگدت حاجبي وتربعنا گدام بعض مندمجين نسولف
-خيه أنه چنت ها متن الضفيره مالتي ينضرب المثل بيها
-يااا چا شلون صار هيچ!
-هسه زين والله مكيفه بي، قبل چانن أكو آماكن براسي بيهن صلع يعني ما بيه شعر أبد بقع چبيره..
23
-يبووو ليش هيچ!!
-خايبه گتلچ شعري يخبل والله ينضرب المثل بي لو جابو طاري الشعر، بس مره من المرات چان عدنا عرس وأنه أنفح بالنص أرگص الغسل غسلني النوب ما أدري وين وگعدت أحك برجلي وشعري غطاني كلي بحيث غطى چتافي وصار عليَّ كلي فـ شهگت بيَّ بلقيس شهگه شعلاتها ومن ذاك اليوم ولهذا اليوم ما رد، شعري يطيح خصل خصل بحيث صار مثل الخيوط وفجر نجبرت تگصه لأن حتى ما ينضفر بعد وصار عندي بقع صلع تخوف..
154
صفنت بعينها مصدومه وأيدي على خدي صافنه
-معقوله العين هيچ تسوي!
-أي والله وأكثر بعد، العين والحسد مذكورات بالقرآن وصوچي أنه ما چنت أحصن روحي هسه ذكر رب العالمين ما يطيح من لساني ودوم أحصن روحي من العين والحسد تموت العين تموت خصوصًا عين بلقيس فضاعه فضاعه!
عزه بعينها العين الخبيثه والنگسه بالمكان
-أييي چا هِيَّ شني أكبر چلبه، مو تفتحين شعرچ گدامها الا إذا تردين حلاقه طبيعيه أفتحي شعرچ گدامها يا بويه يا يابه غير ما تضل شعره وحده براسچ..
26
-لا أنه دوم أقرأ المعوذات وأحصن روحي بس مصدومه أكو هيچ بشر شهل لعبان النفس يعني شوفي شصار بيچ من وراها يعني شيصير عليها لو گالت ما شاء الله؟
17
-خايبه شتحچين أنتِ ترى هِيَّ تكيف من تشوف واحد يفقد شي زين وحلو، تموت تموت تتخبل من تشوف فد شغله عد واحد غيرها غيوره بشكل فضيع وارثه غيرتها هاي البناتها يلعبن سبع أرواح..
6
-خل يولن شني هذني وناخذ غيبتهن هسه ناخذ ذنوبهن
-علمود عدل وگبل الجهنم دگ ذنوب عدهن
-يبووو صخام الصخمنا
11
ضلينا نسولف وغيرنا الموضوع وحرفيًا من أحچي ويَـ كلاره لغير عالم أروح أحبها وأحب سوالفها، بس حچيت وياها أروح أساعد فجر خطيه تشتغل وحدها وهِيَّ راحت تباوع مسلسل بالهول يم حُرّ گاعد يشرب چاي ويحچي أتصال ويَـ زلمه بالتلفون..
8
عبرته بدون ما أباوعله، لأن حيل مقهوره منه وحاز بگلبي تصرفه باوعتله بطرف عيني وأنه أمشي عينه عليَّ لحد ما طبيت للمطبخ الجهاز على آذنه وساكت أشگد أتمنى أتعارك وياه وأگله ليش جرحتني بس أخاف منه
21
گاعده أسوي زلاطه وفجر تطبخ أقطع بالسچينه وصافنه بالي بغير مكان مقهوره وضايجه، سمعت صوتها تحاچيني
-شبيچ وردة؟
8
التفتت عليها وهِيَّ دايره وجها تباوعلي
-ما بيه شي..
4
نصت النار وتقربت گعدت يمي
-لا بيچ شي سولفيلي مبين عليچ ترى مهمومه ومهضومه!
-شوفي فجر خل أسولفلچ وأنتِ أحكمي..

خير يا ستار سولفي!
-حُرّ حيل حيل صاير يخوفني..
-ليش؟
15
تباوعلي بتركيز وخوف
-شوفي فجر، البارحه بالليل ما نمت من التفكير والله حيل خفت من سولف وياي يگلي أنه كل ما أحط راسي على المخده أحلم بيچ وبشكل مستمر وصراحه الموضوع حيل غريب ويخوف!
6
-صحيح سولفلي
-ومو بس هيچ، يعني چان يتحلم بيَّ قبل لا يشوفني!!
-أي صدگ من هوَّ چان بالسجن أنتِ ما مفارگه أحلامه..
14
-بربچ مو شي يخوف؟
-أي والله أنه هم صفنت بس لا يضل بالچ.
13
-والله حيل أستغربت وخفت شلون يتحلم بيَّ قبل لا يشوفني، وفوگاها قهرني حيل من يتذمر لأن أجي بأحلامه يگلي أطلعي من راسي يعني تخيلي شلون هوَّ بازع وضايج، نقهرت حيل حتى يكلي صرت ما أحب أباوعلچ..
20
-لا وردة فهمتيه غلط، هوَّ ترى ما يكرهچ لو يكره يباوعلچ بس خل نكون واقعيين وردة كلنا لو حلمنا بشخص مره وحده راح نستغرب ونضل نفكر ليش حلمنا بي وياهو هذا وشلون، فـ كيف أنتِ سنين ما مفارگه أحلامه هوَّ مو كارهچ بس مستغرب وكتله التفكير ليش تجي بأحلامي دوم وما مفارگه بالي يعني مستغرب حيل من الموضوع وهوَّ ما ينام غير قليل وبشلاع الگلب يموت ألف موته قبل لا تغفى عينه لأن عنده أرق كل چم يوم يله ينام..
قاطعتها مستغربه ومتخاوفه
-صدگ هوَّ ليش هيچ تصرفاته!
-شبيهن؟
-تصرفاته حيييل غريبه عبالك واحد سكران!
-لا وردة هذا أبد مو درب حرّ.
17
-چا شماله والله حيرتني حالته ليش هيچ تجيه نوبات فقدان غريبه، يوم يحسسني ملاك ويوم يحسسني شيطان يوم ماكو حچايه حلوه ما يسمعنياها ويوم يتخبل عليَّ لو شافني مو خبلني والله!
10
أباوع عليها جرت حسره طويله وأنترسن عيونها دموع عبالك فتحت جروحها همست مخنوگه ومقهوره
-خيه حرّ سالفته سالفه، من گبل لا ينسجن چان مؤدب وخلوق وحيل حيل عاقل بس من طب للسجن سودنو وطيرو عقله بالسووه بي خلوه يكره روحه وما يحس روحه بشر حاله حال الوادم كرهو بالعيشه العايشها وطلعو الدنيا كلها من عينه..
48
-يمه حتى بالسجن ما رحموه!
-سوو بي الكوارث، هناك ضل سنين تخيلي حتى النوم من يغفى حرمو عيونه الحلوات من النوم عمت عيني چان من ينام يطببون عليه زلمه علمود يكتله..
26
-ياهوَّ يطبب عليه عمامكم لو أخوي صالح!
-أسكتي لا يسمعچ تگولين أخوي صالح ويتسودن
-ترى أنه ما أحبه والله بس يعني أريد أفهمچ
1
-لا مو عمامي صحيح يتمنون موته اليوم گبل باچر بس مو همَّ چان صالح يطبب عليه كل فتره زلمه علمود يكتله لأن چان عنده واسطات قويه وواحد من ولد عمامه ما أدري شيعودله بس گرايبه يشتغل بالسلك العسكري وهمَّ بيناتهم مرهمينها وكل فتره مطببين عليه زلمه علمود يكتله وهوَّ نايم لأن السباع يموتون بس بالغدر وكل مره يردون يغدرونه..

نقهرت عليه والله!
-عاش بالضيم حرّ النوم چفه عينه، أتذكر جسام سولفلي حتى اليتعاركون وياه بالسجن يغدرونه وهوَّ نايم فـ عقله ضل يرفض النوم..
19
-عزه بعيني حتى النومه الطبيعيه حرموه منها، زين هوَّ بالسجن سولفلچ شنو چانو يسوون بي هناك؟
1
-لا لا أبد، محد يدري حرّ شنو صار وياه هناك بس كل الأعرفه من چان بالسجن وولدنا يرحوله يگولون مطببينه إنفرادي يعاقبونه..
5
-أحس صار مو طبيعي أو مرات أعصاب مرات بارد أو يتصرف تصرفات غريبه ومو طبيعيه لناس عاديه بسبب الصار وياه بالسجن هناك!
8
-وفوگ هذا حرّ سمع بأمي أنكتلت وهوَّ بالسجن يعني تخيلي بين أربع حيطان ومحكوم سنين ومستحيل يطلع لباب السجن وسمع خبر وفاة أمه، وما ماتت موت طبيعي "كتلها عدوه"..
48
-الله يساعد گلبه الموضوع مو هين ويقهر حيل
-أنه أي شي صار يسويه ولا أستغرب منه، وردة چان بمستنقع سنين وهناك سودنوه صالح وذاك أبو الواسطات وغير الأشياء البقيه الصارت وياه كوارث صارت ويَـ حرّ خلته يكره حتى الدنيا فقد كلشي گدام عينه ومن طلع بعد ما نهدر عمره وراح كلشي من أيده ما لگه من عائلته غيري أنه وكلارة..
28
سكتنا ثنينا والحسره تارسه گلوبنا تبدل من الغضب گلبي للقهر ليش هوَّ هيچ عاش محد يستاهل يموت وهوَّ على قيد الحياة، صالح من أقذر الناس اللي عرفتهم بحياتي بحيث بس أسمع بأسمه أنقرف لأن مو عادل وإنسان قذر عداوه بينه وبين حُرّ أمه شعليها!
أسمع صوت حُرّ وهوَّ گاعد بالهول ويدندن بكلمات أغنيته المفضلة اللي ما تطيح من لسانه
-البارحه بالحلم چني لهلي رديت
وما بين ناسي گعدت، چن سولفت وبچيت
ريت الحلم ما گضه، وريت أنه ما فزيت
ضاع العمر غربه، كلمن مشى بدربه..
105
صوته مزيج بين الحزن وهوَّ يحچي كلمات الأغنيه ويستذكر حالته شلون تنطبق عليه، وبين الفخامه صوته حيل حيل حلو أحلى صوت رجال سمعته بحياتي أحس صوته من يغني حيل يشبه صوت المطربين الأصواتهم حلوه ومميزه وفخمه..
15
التفتت على فجر الوگفت تكمل طبخها
-ليش دوم يغني هاي الأغنيه وما تفارگه، شنو يقصد بيها؟
-ما أدري والله، بس على حسب الكلمات مثلاً "بين هلي گعدت چن سولفت وبچيت" يتمنى ويتحسر يگعد بين أهلنا لأن من طب للسجن ما شابع منهم وضل بحسرتهم السنين هاي كلها مفارگهم ومن طلع من السجن ما لگه من عائلتنا كلها غيري أنه وكلارة..
16
طلعت للحوش ضايجه، أول ما طلعت أنتبهت لـ حُرّ موجود بره گاعد وحده يدخن على جهه الساحه چبيره وهوَّ بمكان بعيد عني أول ما شفته ردت أطب بس گلت لا شو ليش أشرد خل أروح للحديقه أگعد عليمن كل ما شفته أنقهر ما أدري إذا الموضوع صدگ يضوج لو أنه أبالغ بس حزت بخاطري لأن يگلي صرت ما أحب أباوعلچ وباوعلي بحقد
5
مشيت للحديقه رحت علمود أگعد وباوعتله بطرف عيني لگيته يباوعلي شمرت شالي على چتفي ونترت
-عابت هل عيون
109
رفع حاجبه وگام وگف
-عليمن تگلبي بعيونچ يَـ مهبوله؟
21
التفتت عليه باوعتله أگلب بنظراتي
-ياهو يمك؟
13
أبتسم أبتسامه جانبيه وهمس بهدوء
-عيونچ يعيلن.
29
باوعتله بطرف عيني وطبيت للحديقه وأسمع صوته وراي
-مهبوله
7
وأسمع خطواته تقترب گعدت على جهه أيدي جوه خدي
-شعدچ هنا حارس للبيت دوم گاعده بالحوش لو بالحديقه
ما رديت عليه درت وجهي منه ما أتدلل عليه بس صدگ أنه مهضومه وزعلانه من كلامه تقرب يمي هوَّ واگف وانه گاعده يباوعلي وأنه دايره وجهي عنه
-عود شنهي زعلانه الملعونه؟
26
رفعتله عيوني وأيدي جوه خدي
-شتريد تفتر وراي؟
-أيبااااه أفتر وراها
-رجاءً ما بيناتنا كلام
-صدقه.
109
خزرته ضايجه وهوَّ يضحك ويدخن
-مهبوله
-أنه مو مهبوله
-ملعونه
-أنه مو ملعونه
-مزيونه
56
أبتسمت لأن هاي ثالث كلمه من نفس وزن كلماته الغريبه والمميزه ضحك
-ها تحبي بس الحچايات الحلوه
-أكيييد چا شني أحب من تغلط عليَّ!
-لا هذني مو غلطات
-لا بله
11
تقرب گعد بصفي بس بيناتنا مسافه ثنينا نباوع لگدام بس كل ما التفت أشوفه يدخن وينفخ الدخان بحسره
-ضايجه مني مو؟
10
ما رديت عليه بقيت أباوعله التفت عليَّ وهمس
-ها شنهي شمالچ؟
-عشتو ما تدري فاقد الذاكرة
-ولچ أنتِ لسانچ شطوله چنچ عجيز
-چا المن بعد تگلي فرخه ياهل!
43
ما رد عليَّ أبتسم أبتسامه جانبيه
-لا تزعلي ولا تنقهري بوكتها يمكن فهمتي كلامي غلط.
-لا مو غلط واضح ومبين
-زعلانه لأن گتلچ ما أحب أباوعلچ؟
19
باوعت لگدام وأيديه فوگ بعض حچيت بغصه
-لا أكيد ما أتمنى تباوعلي، بس مو حلو شخص يعتبرك من عائلته لأن أنتَ صدگ صرت واحد من عائلتي، فجر وكلارة وحتى أنتَ حسستوني بشعور العائله أنتم كلكم عائله وتحبون بعض ومن دخلتوني بينكم حسيت روحي وحده منكم وفرحت صارو عندي ناس حبابين وياي وصرت أحس بشعور العائله اللي فقدته مرتين..
ما گدرت أكمل ضليت مخنوگه وكملت وره ما شهگتي شگت صدري مسحت وجهي وكملت
-صرت أحب أشوف روحي وحده منكم وبالتلي أنتَ تنسبني لصالح وتباوعلي بحقد وفوگاها ما تطيق تباوعلي نقهرت!
38
دنگت عيني ساكته وصار هدوء أرتبكت أراجع كلامي
-حچاياتچ مو هينه عليَّ تچوي گلبي بهل حچي، أنه ما چنت أريدچ تفتهمي هيچ بس مو هين عليَّ أشوف شي من ريحه چاتل أمي وبوكتها ماگدرت أسيطر على كلامي لا تزعلي مني!
22
ضليت ساكته وما أباوعله التفتت على صوته يگلي
-أضحكيلنا خل تضحكلنا الدنيا
75
أبتسمت وهوَّ دخن جگارته
-غزالة عيونچ للفرح مو للبواچي.
48
الليله أسعد ليله بحياتي ليله خلت النوم يهجر عيني ما جاي أگدر أصبر يجي الصبح لأن باچر أداوم، أوزع أبتسامات وأتگلب بفراشي بحيث خفت أروح بدون نوم لحد ما غفيت من وحدي وگعدت على صوت فجر الحنين والدافي والشمس الشارقه والريوگ مكملته..
17
گعدت كلارة لأن حلفتها البارحه وتتوسل بيها علمود تگعدها وتشوفني شلون أروح للمدرسه، هنَّ يمكن فرحانات أكثر مني لدرجه أكثر يوم البارحه فرحانين بي بس متخاوفين حيل خفت الصبح من شفتهم كلهم گاعدين يتريگون وأتخيلت هسه أطلع گدامهم للمدرسه وهمَّ ما عدهم علم اليوم أداوم!
13
نشفت وجهي من الماي وگعدنا نتريگ تلاثتنا وكلنا بعيونه خوف لا تصير مشكله چبيره الها أول ما الها تالي بسبب المدرسه، بدلت ملابسي لملابس المدرسه ولبست فوگهن عبايه ونقاب وفجر وصتني أبقى لمن تجيني هِيَّ والتوتر كتلني وكلارة متوتره وياي..
9
لحد ما أجت فجر وأخيرًا راح أوجه هذا الخوف والمشكله الراح تصير من الصباحيات من وراي طلعت من الغرفه وبأيدي جنطه المدرسه بيها بس دفاتر وأقلام لأن بعدني أول يوم وما مستلمه كتب
3
صمد مندمج بالسوالف ويَـ گاطع يسولف وياه وأول ما أنتبه الي عگد حاجبه
-ها ولچ وين موليه من الصباحيات!!
24
ما رديت عليه ورفعت عيوني لـ حُرّ الهادئ وساكت وهاي أول مره أشوفه هيچ قالب ثلج وجگارته الما تفارگه بين أصابعه عبالك ريوگ من الصباحيات وگفت بخوف بچف أيدي أعصر بعبايتي
3
نزل عينه صمد من وجهي لجنطة المدرسه بأيدي فك عينه مصدوم وطفر من مكانه
-شني هاي حرّ!!
التفت عليه حرّ يباوعله بأستناقص وبرود رد باوعله وآشر عليَّ بصدمه
-ترى مبطلينها!
6
-أنه رديتها
-وبدون علمنا كملت وراح تداوم وأحنى رجلينا بالشمس!
-شلكم غرض الحرمه حرمتي والرآي رايي.
119
گاطع يخنزر بوجه حرّ بعصبيه
-شني موده جديده هاي؟ من شوكت بناتنا يطرن الديره ويعبرن لذاك الصوب وأنتَ تدري المدرسه بعيده شتگول الوادم علينا تريدنا نصير علج بحلوگ الوادم!!
29
كلهم يباوعون عليَّ بين المصدومين وما مستوعبين وبين اللي يباوعولي بحقد وكره ويردون يشربون من دمي وأغلبيتهم هاي نظراتهم متت بدمي تمنيت أتبخر نقهرت حيل كل مكان أطبله تصير بي مية مشكله..
2
لزمت جنطتي حيل بخوف واگفه بصفه وهوَّ گدامي يسمع لحچيهم بهدوء مخليهم يكملون كلامهم طفر وائل يباوعلي بحقد ينفض من عيونه
-وشني إذا الحرمه حرمتك أنتَ ما تستحي حرمتك تطلع چدام الوادم؟
23
حُرّ: كملتو لو بعدكم؟
14
صمد: أحنى علمودك يا عمي شحاطين بجيوبنا ما تگلي
14
گاطع: والله حسبة ولدي أنتَ، ما يصير تربي لصالح أنتَ مربيها عدك ومعيشها جوه ذراعك وتسوي براسها خير وهوَّ چتل أمك!
14
وائل: متعجب عليك كون أنه چا ذبحتها..
20
بلال: وعلي عدك صبر وفوگاها تسوي براسها حظ غير گلبك طيب لو أنه چا علگت راسها باب بيتي!
23
حُرّ: أكلـــو خرا
164
حچاها بهدوء كلمه الكل سمعها وأشرلي بأيده على الباب
-أمشي
2
طلعت بسرعه وهوَّ طلع وراي بس أنه ميته خوف وفرحت لأن خلصت من المشكله وبنفس الوكت أرتاحيت من حسيت حرّ مو عربانه لأن همَّ ما يتعاركون وياه بگد ما يترسون براسه يردون يضحكون عليه بالكلام ويخلونه يسوي اليردونه بس هوَّ بكل مره يطگهم بعرض الحايط وما يسوي غير الـ براسه..
فك باب سيارته وآشر
-أصعدي
3
وگفت بتردد شابكه أصابعي
-خل نمشي مشي!
1
عگد حاجبه وگف يباوعلي بأستغراب
-ليش؟
1
دنگت عيني مستحيه ومتوتره
-مخنوگه من البيت وأحس گلبي يوجعني وصدري ضايگ أريد نمشي علمود شويه أغير جو إذا تحب طبعًا وما يسببلك أزعاج؟
-لا عليمن، أنه علمودچ الرجلين رجليچ..
4
سد الباب وتقرب عليَّ يمشي بصفي هوَّ لابس دشاشه سوده وچفيه وبأيده السبحه خرزها سود وجگارته الما تفارگه وأنه لابسه عبايه ونقاب مغطيه الجزء السفلي من وجهي.
42
عيني على الطريق وأسمع صوته يحاچيني
-مو تخافي، كلشي يصير وياچ هناك سولفيلي.
3
هزيت راسي وهمست
-أن شاء الله خير
-أن شاء الله، وتجي تبشريني بشهادتچ
-الله يسمع من حلگك
-شدي حيلچ ما أريد ٩٩.
28
-هههههههه ويني وين هل أرقام!
-آه ليش چا أنتِ مو شاطره؟
4
-يعني زينة..
-لا وين چا أنه چنت ملك زماني
12
التفتت عليه بفضول
-چا أنتَ چنت شاطر!
-الأول على مدرستي أشطر واحد بالمدرسه
-تحب الدراسه لو شنو الدافع الخلاك هيچ تصير شاطر؟
5
-لا أنه ما أحب الدراسه، چنت أجبر روحي علمود أطلع هيچ معدلات وكل ظني أكمل وأخذلي وظيفه براسها حظ وأصرف على عيالي لأن چان الفگر داگنا من كل أصفاحنا..
13
-وما كملت؟
-لا وين أكمل بالسجن!
4
-قهر والله حيل الموضوع قهر ما ترد هسه؟
-وين أرد بعد فات العمر..
والله قهرتني
-انه ضليت گاعد سنين عمري أباوعلهن شلون يمشن گدام عيني..
40
دمعت عيوني مقهوره وساكته ضلينا فتره طويله ساكتين لأن متت قهر على كلامه واضح أشگد مقهور ومتحسر على سنين عمره الضاعن بس بنص قهري تذكرت والتفتت عليه مستغربه
2
-أتذكر الوادم كلها تحچي بغناك لأن أبوك چان حيل حيل غني ما شاء الله وحتى البيت الگاعدين بي عمامك كلهم هسه بيتك، شلون چا چنت فقير؟
2
التفت عليَّ مبتسم وساكت
-بعد..
5
حسيته ما يريد يتعمق بالجواب ولا راد يسولفلي ليش چان فقير رغم غناه، بس ضل الموضوع ببالي شلون هوَّ هيچ الوادم حاسدينه بس هوَّ ما عاش بَـ ولا شي اله!
1
التفتت عليه وهوَّ ساكت وهادئ
-أنه راح أدرس وأتعب وأجهتد علمود أصير دكتوره علمودي وعلمودك وعلمود فجر وكلارة.
28
باوعلي مبتسم وگال بضحكه
-يا يابه
24
أبتسمت على أبتسامته وهوَّ التفتلي مبتسم من كل گلبه
-خوش فرخه ياهل يغزر بيچ.
18
ضحكت ونگطمت ضحكتي وباوعتله بطرف عيني
-فرخه ياهل شني!
-غندبت
15
-أنه بت مو فرخه ياهل
-لا شنهي بت، فرخه ياهل أنتِ
-ليش تحب تزعططني!
-أحسلچ..
17
ومن وره كلمته الحچاها بضحك تحول وجهه للجديه وصوته وحتى كلامه
-مو تاخذي بحچيهم، لا يحلون ولا يربطون هذوله الشور بأيدي لا تخافي ولا تديريلهم بال..
4
-بس أنتَ مو دوم بالبيت!
-چا شنهي ما أرد، أردلهم لو غبت سنين
-بس همَّ مبينين كلش حادين سنونهم عليَّ
-أيدچ الچ ذيبة أنتِ ما ينخاف عليچ
-أريد أدافع عن روحي
-أخذي حگچ ومن أرد أرجع أنه أخذه مره ثانيه
هزيت راسي مبتسمه لحد ما وصلنا للمدرسه التفتتله
-ما عدي كتب، وأخاف أطب وحدي أول مره
-أنه أطب وياچ وأحاچي المديره
5
عيوني تلمع بفرح لأن راح يدخل وياي، حُرّ حچه وياه الحارس والحارس باوع لحُرّ ورفع چتافه متأسف
-أعذرني خويه ما أگدر أطببك اله ولي آمرها
-أنه ولي آمرها
-لازم أبوها لو أخوها لو زوجها
-خويه قندره أخو ما عدها وأبوها ميت أجيبه من المگبره؟
52
ضحك الرجال مستلطف حُرّ وبنفس الوكت ما يگدر
-چا خل أمها تجي وياها
-أمها هم ميته ماعدها أحد غيري
-چا ما يصير وعلي خويه أنه عبد مأمور
-بعد گلبي خويه چا شلون بله ما تداوم البت؟
-شبيدي
4
حُرّ يسولف بهدوء أستغربت حيييل هادئ ومؤدب
-خويه شني هل قوانين رحمه لأهلك أنه ولي آمرها
-بلكت تجيب مره وياها
-بيتنا بعيد عن المدرسه وجايين بلايه سياره
1
طلعت مره چبيره بالعمر تريد تحچي ويَـ الحارس وشافت حرّ فزت بترحيب
-هلا هلا بَـ حرّ هلا ومية هلا
14
أبتسم الها ودلها السلام وأنه ضاله أصفن
-ها خير شعدك هنا؟
-والله جبت الحرمه تداوم بس الحارس ما يرضى أطب وياها وهِيَّ تخاف أول يوم دوام الها وما مستلمه كتب وكلشي ما تعرف أجيت احچي ويَـ مديرتها.
6
-يبعد گلبي أحطها بنص عيوني الك، صدگ چذب روح أنتَ ليش متعب روحك وخلي كلشي عليَّ ما يكون خاطرك اله طيب.
-الله يخليچ، تسلمين..
3
ردتله وأخذتني لجوه التفتت عليَّ مبتسمه وهوَّ يباوعلي لحد ما طبيت لجوه ومر اليوم عليَّ حيل حلو وممتع فرح وحماس البدايات وهاي المرت صدگ ما قصرت جابتلي كتب جديده تلمع هذا العده أهل يدارونه، أستغربت منين تعرفه طلعت جيرانه وحيل تحبه وتحترمه بحيث راحت وصت المدرسات اليدرسني عليَّ..

مر اليوم بحماس وشغف لحد ما طلعت من المدرسه أدوره بعيوني لأن گال أنه أجيچ اليوم وهل چم يوم ياخذني ويردني لأن بعده ما لاگي خط، أتلفت أدوره شقته بسيارته والجامه منزلها نصها أبتسملي وأشرلي أروحله لأن السياره حيل قريبه رحتله وصعدت مبتسمه
1
-ها شلونها المعنويات؟
-تخبل أحلى يوم بحياتي متحمسه يجي باچر هم علمود أداوم
-ههههههههههه عفيه بالذيبه.
23
مر اليوم هذا ومرت الأيام أنه أداوم وهوَّ ياخذني يوميه وطبعًا سمموني بالبيت وخبلوني كلهم ماعدهم موضوع غيري وحيل ضاجو حيل لأن حُرّ جاي يسوي براسي خير على گولتهم بس ما يگدرون يسوون شي لأن حُرّ المسؤول عني وخصم السالفه وياهم..
1
-كلارة: طلعت من غرفتي روحي مسحونه من الجوع رحت للمطبخ وشفت فجر واگفه لزمت الحايط وصحت
-فجر أنه يوعانه
14
التفت عليَّ تضحك من سمعت كلمتي
-شتردين أسويلچ؟
-ما أدري والله بس يوعانه
-أحميلچ من الغده
-أي مساع أنه ما تغديت
4
هزت راسها وأنه طلعت للهول نسوان بيتنا كلهن ملتمات يسولفن باوعتلي محاسن بطرف عينها
-يمممه فلك هايشه أنتِ ما تشبعين!
12
ما رديت عليها وجريت الريموت وگعدت أگلب بالقنوات وبتها كوثر تدردم
-خايبه عيب أربعه وعشرين ساعه تاكلين شني ما تشبعين صرتي چنچ هايشه من الأكل!
6
أم ضيغم بأيدها سبحه وتسبح بهدوء
-لا عمه ليش تحچين عليها هيچ شماكله المگروده!
43
أنه بطبعي إذا واحد حچه على أخوي حرّ لو فجر أموت قهر ولازم أدافعلهم وحتى لوردة، يحترگ دمي وأضل أتعارك بس إذا واحد حچه عليَّ لو يموت ما أردله من أطنشهم يموتون قهر يضلون ياكلون برواحتهم
1
التفتت على وردة متخوصره
-وسم ومرض يمرض ضلوعچ يَـ كوثر شلچ غرض بيها؟ ماكله من خير أبوچ لو الخلفوچ صارفين عليها؟
59
فكت عينها كوثر وبلقيس هزت شفايفها
-طلع سمها طلع چانت خوينسه!!
-أنه مو خوينسه بس ما الغي مثلچ وأتهادد والعباس لو كوثر عدتيها وحچيتي على كلارة مره ثانيه أشگ حلگچ واحچي لـ حُرّ أخله يأدبكم لأن كل تربيه ماعدكم بله نشوف يرضى تحچون على أخته لو لاله!
محاسن تخوزر بيها ونترت
-فلك فلكچ على هذا اللسان يمه يمه شوف چنها دلاله بس منين طالبتها إذا أنتِ بت شوارع لسانچ زفر!
5
-بس لسان بتچ حلو؟ التفتي على خلفتچ وأنطيهم تربيه النوب أحچي على الوادم.
14
ماتن من القهر ودلهن ياكلنها نظراتهن سم وحقد ضحكت ودزيتلها بوسه بالهوى أبتسمتلي وراحت للغرفه تكمل قرآيه بس واضح سمعتهن وما گدرت ما تجي تفزعلي والله صاحبة فزعه وردة، طبيت للمطبخ أخذت الأكل من فجر مسويتلي ومكملته
1
وطلعت للهول أريد أطلع مسلسل وأكل، بس شو ماكو ولا وحده هنا بالهول وقبل لا أطب للمطبخ كلهن چانن هنا ليش كلهن أختفن حطيت الأكل على جهه وردت أجيب ماي التفتت على الباب شاهگه
2
ضيغم طب وطب وراه زلمه وهوَّ يگله
-تفضل خويه تفضل
27
ضاع بيَّ المشراد المطبخ بعيد عليَّ وماكو غرفه قريبه واگفه بنص الهول روحي نسحنت من الخرعه وأسمع أصواتهم جريت الزوليه من الگاع گعدت وحطيتها على راسي غطيت روحي بيها ما أنشاف بس گاعده ولامه رجليه والزوليه مرتفعه من الگاع على راسي وگاعده بالنص والزوليه مرفوعه..
42
وأسمع خطواتهم بالهول وصوت ضيغم يگله
-لفوگ حبيبي
2
أبتعدت خطوات الزلمه، ونجرت الزوليه من راسي بنتر وأشوف ضيغم واگف ولازم الزوليه وعاگد حاجبه
-ومرض حتى مرض أكو واحد يسوي هل سوايه؟
7
عدلت شالي ووگفت أتلفت ماهوَّ الرجال وضيغم واگف گدامي مسحت وجهي بهدوء
-چا أخترعت الزلمه طب وأنه وأگفه بالنص!
-والعباس بيچ رفسه ولچ گاعده بالنص والزوليه مرفوعه المطي راح يعرف أكو جوه وحده مطيه!!
30
-لا تضل تغلط لو بيك خير چا ما طببت الزلمه لجوه غير تنطي خبر؟
-چا مو أنطيت كلهن هنا گاعدات وأنطيت خبر چا شسوي بعد أصيح بسماعه!
3
الچلبات محد گلتلي، گتله بقهر
-دروح للزلمه لا ينزل علينا النوب وين أختل
-راح وياه جسام
شيسوي جاي؟
-عطل بالسبلت فوگ راح يصلحه.
1
-الله لا يوفقكم متت من القهر على هل موقف المحرج
-تمنيت الگاع تبلعني من الزلمه صافن على العلوه الجوه الزوليه أمداچ غير تتمددين؟
52
-بله صعد عليَّ شلون بله
-چا أحسن من هاي الفشله..
-دروح أتمدد جوه الزوليه شايفني جريذي!
11
رحت على صينية الأكل مالتي وأسمع صوته وراي
-تعاي خل أكل وياچ
-ياااا بله روح صب لروحك ما أكل وياك أنه.
3
-شمالني!
-كسرت خاطري يله تعال أكل بس تصغر لگمتك؟
11
ضحك حطيت الصينيه بالگاع وگعدنا ناكل
-ضيغم صغر لگمتك
-الله أكبر شني هل مذله
-والله لگمتك چبيره
19
أنه أحب أتشاقه وأسولف بس صدگ لگمته چبيره أريده يصغرها
-يمعود راح يخلص الأكل لگمتك صغرها
-أهووو أم نفس الدنيه جوعان شلون بله!
-ولك ترى هذا ضال من الغده وماكو بعد ما بيه حيل أتاني العشى
2
-هاي لگمتي شلون أصغرها بالله أجيبلها منحف؟
-چا فوگ ما خليتك تاكل من غداي!
-چا تذليني
-يله أكل شويه شويه بيك وما صغرت لگمتك
11
كملنا غده وأنه طبيت سولفت لوردة وهِيَّ ميته ضحك عليَّ وكل شويه ترجع تصفن وتتخيلني شلون خاتله جوه الزوليه وتموت ضحك لحد ما صارت الدنيا غروب رحنا لبره أنه ووردة بالحوش فرشنا فراش وگعدنا نسولف ونتشاقه الجو حلو ولطيف وهِيَّ بصفها كتابها تگلب بالصفحات
1
شهگت وبهتت الضحكه من وجهي من شفت جربوع واگف على چتفها
-جربووووووع
81
حچيت الكلمه وطفرت ما التفتت بعد ركضت خايفه لحد ما التفتت على صريخ وردة تملخ بشعرها وتدور حول نفسها شهگت وصرخت
-يممممه طب بشعرچ!
التفتت عليَّ تبچي وتصرخ أتريد توخره عن شعرها لحد ما طفر هوَّ على الگاع وصعد على الحايط وهِيَّ گعدت تبچي فحطانه عيونها تمطر بدموعها وروحها مفرفحه طلعت فجر مهبوطه وجها أصفر
-عليمن تصرخن شكو؟
3
التفتت على وردة تبچي وفحطانه وجها نصبغ أحمر دم وبعدها تملخ بروحها وتعض بأصبعها
-يمه دخل بنص شعري ومشى عليههه
4
التفتت عليَّ فجر جرتني من أيدي گلبها رايح
-ولچ ياهو مشى على شعرها عليتن گلبي!!
-الجربوع
-يااا شجابه على شعرها؟
-چان على چتفها وطب بشعرها خطيه
-يبووو على حظچ وردة
27
التفتت على وردة مقهوره وهِيَّ مفرفحه من البچي راحت عليها تمسح بدموعها وتحط شالها على راسها
-كافي وردة خيه كافي گومي أغسل شعرچ
-شتغسليييين فجر شتغسلين مشى على كل شعري!
-چا شتسوين تضلين تبچين؟
-عوفيني طبني مرض
5
-تعاي طبي للغرفه أحسن ما تضلين هنا
-يمهه لو أحرگ شعري هسه ما يبرد گلبي
-نچبي ولا تعيدين هل حچي شني نهاية الدنيا وإذا جربوع هسه أغسل شعرچ لأن نگس وفضت راحت..
5
جرتها من أيدها گومتها وجبرتها تطب وياها رحت وراهن أكل بأظفري وبلقيس ومحاسن وبناتهن گاعدات بالهول يباوعن علينا باوعتلي بلقيس عاگده حاجبها
-شمالها هاي شهرتنا؟
-شلچ غرض
-وسم ومرض
8
ما رديت عليها طبيت للغرفه وراهن وسديت الباب وأباوعلها گاعده وشعرها مفتوح وهِيَّ بعدها تبچي بحيث عيونها صارن دم ورمن من البچي فجر مسحت وجها وأستغفرت
-وردة كافي
2
التفتت عليها وردة مقهوره
-يعني تشوفيني أبالغ؟ وحاضر الشدات أخاف منه أجت تطگني جلطه من شفته عليَّ ما أدري شلون ما وگف گلبي!
12
مسحت دموع وردة بهدوء تسولف وياها
-أدري وحقچ منو يلومچ، بس تضلين هيچ مارده عيونچ
-چا شسوي من حرگه گلبي
-ما يصير وردة ما يصير
طلعت من الغرفه على أصوات بنات محاسن وبنات بلقيس جاي يتعاركن ساعه حبايب ساعه عرك وأنه وأگفه أضحك عليهن لحد ما ضل بالي يم وردة ورديت طبيت للغرفه علمود أشوفها بلكت نست
1
شهگت من سمعتها تگول
-فجر فدوة لا تلحين عليَّ گتلچ أگصه.
12
خزرتها فجر ما راضيه ونترت بيها بعصبيه
-ولچ تسودنتي أكو واحد يگص هيچ شعر!
1
جرت شعرها بأيدها تأشر عليه وتبچي
-طب بين شعري، شلون أخلي شعري وهوَّ نگس؟
4
فجر جرت شعرها من أيدها ورجعته بهدوء على ظهرها
-أغسليه وأقري عليه، وإذا كلش لعبانه روحچ منه لا تغسلينه أنه أطب وياچ وأغسل شعرچ كلش زين بس عليچ الله لا تگصينه حرامات!
2
تقربت عليهن بعصبيه وزمخت
-بكيفها تگصه والعباس أبو فاضل أشگ حلگها
4
قدمت شفايفها بزعل وقهر وعيونها تلمع بالدموع
-كرهته وروحي جزت منه..
2
مسحت عليه فجر وهمست بهدوء تباوعله
-لأن ما مقدره النعمه العدچ، ولچ هيچ شعر ينكره! أگابل المرايه وأگعد أتنوعله نازل من ظهرچ وثخين وناعم ولونه حلو أشگر عسلي شمالچ بعد!
16
خزرتها حيل محروگ گلبي وهِيَّ مقهوره وبعده المگص بأيدها والفكره ما مطلعتها من راسها تريد تگص شعرها رفعتلها ضفيرتي بعصبيه
-ولچ أنه بس هاي ومستعزه بيها تلث شعرات براسي وكاتله روحي عليهن عزيزات گلبي هذني ما أفرط بيهن وأنتِ عدچ هيچ شعر وتردين تگصينه من أمدچ أي والله..
14
ضلت گاعده ومحتاره أشگد فجر حاولت وياها بس ماكو قافله صحت بيها
-ترى هسه أروح أصيح عليچ حرّ أخلي يجي يگطعچ تگطع بالسبعه وسبعين تأدبي وكافيچ.
فكت عينها وهزت راسها
-لا ولچ عيب
2
ما سمعت منها رغم حتى فجر نترت بيَّ ما أروح وزمخت عليَّ بس وين أنه طلعت أركض چني حصان ورحت لـ حرّ بسرعة شفته گاعد يدخن ويشرب چاي
-حرّ حرّ الحگ
15
أنتبهلي بسرعه وعگد حاجبه
-شكو؟
2
وگفت فحطانه وهمست بتعب
-وردة الحگ الها
-شمالها ما تسولفي!
-تريد تگص شعرها تعال أكتلها بالسبعه وسبعين
-وأنه شلي غرض؟
27
-لا مو أحنى ما راضين عليها گلتلها أصيح عليچ حرّ يگطعچ بالسبعه وسبعين ولك شعرها يموت يموت يسحر العين والله لونه أشگر عسلي بالضبط بالضبط نفس لون عيونها وطويل وناعم وتريد تگصه مو حرمات والله العظيم حرامات، يله تعال أكتلها بالسبعه وسبعين خوفها عود تريد تكتلها.
51
أبتسم أبتسامه جانبيه سارح يفكر..
54
حلوه ويلوگلها الغزل
من رحت فدوه لطولها
من تحچي نسوان السلف
توگف سره يصفگولها
يبنيه يا حلوه أم شعر
يلماخذه أوصاف الگمر
شيخــة عرب صيحولها
48
-وليش تريد تگصه المهبوله
-متعافيه، تگول طب الجربوع بين شعري وكشت روحي
-صدگ متعافيه
-طب خوفها وأخلسها خل تتأدب
-شلي غرض أنه!
8
-هسه تكتلها لو لا، راحت گصت شعرها هسه حرامات
-أخذي السبعه وسبعين أنتِ وأچتليها بي
-صدگ والله؟
-أي روحي أخذيه وره الباب تلگينه
-يا يمه ما أصدگ
8
-وگليلها تأدبي شويه صايره مستهتره
-صار.
توكلي يله روحي أچتليها
-يبعد گلبي تأمر آمر..
15
رحت لغرفته بسرعه جريت السوط ورحت لغرفتهن طبيت وردة شهگت وفجر فكت عينها بصدمه وأنه واگفه مبتسمه والگاع ما شايلتني وبأيدي الشايله السوط أطگ على أيدي الثانيه بخفه وأفتر على وردة وهِيَّ تباوعلي بخوف
19
فجر زمخت عليَّ بعصبيه
-شمالچ ولچ؟
-أجيت أكتل وردة بالسبعه وسبعين..
2
وردة تباوعلي مخترعه وأنه عشت الدور كلش
-حرّ گال أكتليها شلون تگص شعرها
2
التفتت النا وردة عاگده حاجبها وصافنه
-أنتم شلكم غرض؟ أنتم التلاثة شعليكم عود!
4
ضحكت فجر
-چا غير حلو وعلمودچ نحچي أحنى، باچر عگبه تتندمين والله
1
سكتت هِيَّ بس ما أعتقد تنازلت بهل سهوله عن الفكره بس أكيد خافت من كلام حرّ حرامات ما گدرت أجرب السبعه وسبعين رديت رجعته بخيبه آمل وفجر ترزل بيَّ، ووردة ضايجه شنو نتدخل بيها وهوَّ شعرها بس ما تدري صار شعرنا كلنا لأن حبينا ونخاف عليه..
3
التفتت على فجر مستغربه
-ليش تسمون سوط حرّ الـ سبعه وسبعين؟
-حرّ من يريد يعاقب واحد غلطان يجلده بهذا السوط ومو حي الله غلط لازم من هذا الغلط اليستاهل الجلد فـ من گد ما جلدهم بي السوط نفتح بالنص وصار سبعتين وشكله صار مثل رقم السبعه وسبعين فـ تعودنا على أسم السبعه وسبعين.
20
هزت راسها صافنه وبدت شويه شويه تهدئ وتنسى سالفه الجربوع ومر الوكت لليل من رادت تنام التفتت علينا تضحك متمدده على فراشها
-همزين ما خليتني أگص شعري
20
ضحكت فجر تعدل بفراشها
-مو گتلچ تتندمين
-أي والله أصلاً أنه أموت على شعري ومهتمه بي حيل بس من حرگة گلبي مساع وقهري لعبت روحي من منظر الجربوع على شعري ردت أگصه يبوو همزين ما گصيته چا شبعت قهر..
-وردة: گاعده برحلتي منتظره الجرس يدگ علمود أرد للبيت مرت على دراستي أشهر والحمدلله ميسره وسلسه وحيل توفقت وفرحانه حيل لأن مرت عليَّ بدون مشاكل چبيره ولا ضغوطات وقهر صحيح هواي مواقف صارت وياي بالبيت بس أهون الحمدلله.
3
أول أسبوع چان حُرّ هوَّ ياخذني ويجيبني بدون ملل رغم الضغوطات العليه وشغله والهوسه الـ بحياته بس چان يركن كلشي على جهه وياخذني للمدرسه يوصلني ويرجع يجيبني لحد ما لگه خط ويَـ بنات ديرتنا وضل هوَّ يصرف على الخط والملابس ومصروف يومي بالمدرسه وكلشي ما خلاني أحتاج هلطول..
4
لميت كتبي ووگفت أعدل بعبايتي والنقاب عدل وطلعت من المدرسه ويَـ البنات فرحانه خلص الدوام وراح أرجع يم البنات وأكيد الگه فجر محضرتلي الغده كامل ونگعد ناكل أنه وكلارة لأن ما تاكل وتنتظرني علمود ناكل سوى وحيل حيل صرنا قريبات لبعض روحي صارت
5
طلعت من المدرسه وگفت على جهه مثل كل مره أنتظر الخط يجيني، بس هل مره ما أجه والبنات كلهن راحن من المدرسه ضلن حيل قليلات ينعدن على الأصابع أستغربت ليش ما أجه أبو الخط وهوَّ إذا ما يجي ينطي خبر لحُرّ ويجيني هوَّ!!
6
ضليت منتظرته أباوع للدرب بلكت يجي، بس ماكو حُرّ ولا حتى واحد من ولد عمامي الباقين خفت حيل وأرتبكت من فرغت المدرسه وضليت بس أنه وحدي بالشارع والدنيا غربت ومحد هنا لأن غروب ووكت آذان وكل الوادم ببيوتهم ومكان المدرسه فارغ..
6
بلعت ريگ بخوف وقررت أمشي بلكت أوصل لبيتنا أو بلكت الأگيهم لأن خفت أضل وحدي جاي تظلم الدنيا وأحنى عدنا بالليل الدنيا تصير تخوف الودام من وكت يگعدون ببيوتهم وبعد محد يطلع الأماكن تصير فارغه
2
أحس بسياره تمشي وراي نشف الدم بوريدي، سرعت مشيتي وكل ظني هذا حُرّ لأن هوَّ دائمًا يجيني بسيارته بس خفت حيل لأن لو حُرّ چا حچه وياي وسمعت صوته والتفتت بس هذا بس يمشي وراي سرعت مشيتي أكثر والسياره بعدها وراي!!
6
لحد ما سمعت باب السياره نفتح ونسد، كتمت خوفي بگلبي ومشيت بسرعه شُبه أركض أستعجلت حيل بمشيتي علمود أبتعد لأن المكان فارغ يخوف بس أنه وهذا الرجال الغريب
1
شهگت من نجريت حيل من أيدي وأيد ضخمه مردت أيدي بقوه زمخت
-لك قندره لا تكضني!!
5
بلعت ريگ بخوف ورديت لوره عيني بعينه ضحك بصوت عالي وهمس بنبره هادئه دبت الرعب بگلبي
