رواية مقبرة الاحياء الفصل السابع 7 بقلم سارة جعفر
البارت السابع 7 
.
.مقبرة الأحياء
بين الفقرات عشقي 
..
..حزينة عيونچ شتعودلچ ذي قار!
حُرّ: جاي يريد ياخذها الباع عرضه عليَّ بفلوس!
21
فك الباب وطلع عاگد حاجبه أول ما لمح غالب غضبت ملامحه بعصبيه
-مالك شي يمنا شرايد ولك؟
14
غالب واگف يم سيارته أجه على حُرّ يحچي معلگ
-ألي يمك هواي، الي يمك بت أريدها..
36
رفع حاجبه حُرّ يباوعله وقابض على سلاحه
-عدي چيله تريدها؟ أحطها بنص گصتك
40
-أجيت أخذ بتي وأروح بدون طلايب..
18
-شني بوية أنتَ جوعان چتل؟
18
نتر غالب محتقن وجهه
-يابه بتي طالبني بطلابه!
-هسه عرفت بتك؟ وأنتَ البعت عرضك بفلوس!
17
خزره غالب محتقن وجهه من الأهانه وزمخ
-ما بعتهههها أنه بتي أنه ما بعتههها أنتم ضحكتو عليَّ!!
28
جراه حرّ من ياخة قميصه يصيح بوجهه
-خاااااايب وستر زينب أچتلك وأسحگ على دمك، أكل خرا ولي منا من ربيتها وكبرتها أنه تريدها هسه؟ ذيچ السنين كلها ما ردتها، هسه حسبت روحك أبو لو جايينك عليها شرآيه وتريد تجار بيها؟
39
نكتم وجه غالب وصار أحمر خزر حرّ بعصبيه
-بتي أخذها منكم وغصبًا عليكم أنه وياكم والقانون وأشوفكم شلون ما تنطونها، شلون بله يابه بتي أريدها!
20
-أكل خرا لك قشمر وستر زينب لو تجي مره ثانيه أچتلك وأسحگ على دمك أختي ما تلمح ظلها سافل..
جرو الولد عن غالب لأن أختنگ كلش بگوه وخروه عنه كاضه من رگبته خانگه، وغالب وگف لازم رگبته يكح بتعب ويجر النفس بگوه ضليت الطم هذا شجابه ويريدها هسه شذكره بعد ما باعها الخسيس وساوم عليها بفلوس!
12
حرّ أأشر على سلاحه ورفع أصبعه يأشر ويهدد بصوت عالي
-أچتلك وستر زينب أچتلك لو عتبت باب بيتي مرة ثانيه.
14
رفع أيده غالب يأشر محروگ گلبه
-مو بكيفييييك! بتي عمي طالبيني بطلابه خذتوها مني بالحيله وأريد أردها!!
26
حرّ فك عينه شايط من القهر
-ولك شني بالحيله شني مخدرينك؟ ساحرينك؟ ولك وبالحيله، غير أنتَ بلسانك النگس گتلي أنطيني فلوس وما أريدها بعد أخذوها لا تسودني لا وستر زينب أطرك طر!!
19
جسام كاض حرّ علمود ما يهد على غالب وزمخ
-يااااابه شو ولي، لو تحب الأهاين أنتَ؟ البت من زمان حرّ مربيها لا تريدكم ولا تجي وياك لا تعتب بابنا مره ثانيه لو على جثثنا ما تاخذها.
6
تخبل غالب روحه مفرفحه وصوته عالي
-ما خذين الوادم خاوه أنتم؟ والله العظيم أشتكي عليكم إذا ما خيستكم بالسجون أطلع كلشي ما أفتهم..
23
حرّ جر روحه منهم سلاحه بأيد وباوعله لعبانه روحه يباوعله باستنقاص
-على أساس تفتهم وأنتَ بعتها علمود الفلوس!
5
هز راسه غالب وهوَّ يروح لسيارته
-سهله سهله..
20
صعد سيارته وحرّ رفع أصبعه يأشرله
-إذا أجيت مره ثانيه يعني ما رايد روحك!
4
شخط السياره غالب وطلع من دربنا، أمسح بدموعي التچوي خدي والتفتت لگيتها واگفه يمي تتسنط ودموعها تصب بسكته أول مره بحياتي أشوفها هادئه هيچ وجهه مصوفر خايفه..
16
كضت أيدي مقهوره وهمست وعيونها تجري بدموعها
-لا تخلونه ياخذني فدوه أنه ما أريد غيركم!
جريتها لحضني حضنتها ودموعي شلال على وجهي
-عمت عيني لو ياخذچ على جثتي والله..
5
جريتها على جهه أمسح بدموعها بس هِيَّ خايفه وضايجه كلش من اليتسمى أبوها ياخذها، مسحت دموعها بس دموعي شيمسحها تيزاب على خدودي ينزلن ميته من القهر شعندي أنه عشره ويردون يفرهدونهم مني شو حرّ وهسه يله شفته وشادين وياه يردون يردونه للسجن وكلارة أبوها يريد ياخذها!
6
ممرود گلبها مرد وعيونها حمر من البچي رفعت وجها مقهوره تسولف
-هوَّ مو عافني وأنه صغيره، عافني وأنه بحاجه اله وهسه يريد ياخذني ليش، يعني من صغيره خرب حياتي ومن كبرت هم يريد يخربها ليش يفتح جرح ملچوم!
9
حرّ: خايفة ولچ خايفة وانه على گص نحري ما أعوفنچ!
17
التفتتله تمسح بدموعها وجها أحمر خجل وقهر
-أنه أثق بيك والله أصلاً ما أثق بزلمه غيرك بس مقهوره مقهوره حيييل ليش أبوي يسوي هيچ وياي؟
2
جر حسره طويله يباوعلها ممروده روحه
-شتسوي بعد، آمر الله هذا يا بويه..
1
أبتسمت گوه على روحها وجرت حسره
-مو مهم، أشگد ما الله يرزقنا بناس مو زينيين بنفس الوقت يرزقنا بناس نعمه مثلك أنتَ وفجر..
7
جريتها لحضني أبوسها، كلارة أعتبرها بتي أنه ربيتها ومحافظه عليها من ذاك الوكت لهذا الوكت دوم حاميتها بظهري، أشگد عانيت طول هاي السنين والنوب يجي غالب يريد ياخذها مني لو أگلب الدنيا ما أنطيها طب حرّ لجوه وأنه أخذتها خليتها تغسل وطبينا لجوه..
8
رحت لحرّ لغرفته گاعد يدخن وصافن وحده وگفت بالباب وعگدت حاجبي مقهوره
-هذا غالب شعده جاي؟
2
جر نفس قوي من الجگاره وصافن لگدام
-جلده يحكه يريد ينچتل..
12
-لا تعارك وياه ولا تسوي شي خل يولي شيگدر يسوي مثلاً يطب ياخذها من بيناتنا؟
شتحچي أنتِ؟ أچتله وأسحگ على دمه وستر زينب ما ياخذها على جثتي هضيمه لو خذاها وهذا شاربي أزينه لو واحد تعدى عليچن چا أنه المن بهل دينا غير أحميچن وأوگفلچن وأنعل ساس اليحاچيچن!
26
كلارة: گعدت على السطح وحدي أبچي ما أريد أخواني يشوفوني وينقهرون بس صدگ انه مقهوره وخايفه حيل غمضت عيني وأنتچيت لوره ممرود گلبي وأتذكر ذاك اليوم التغيرت كل حياتي بي بالتفاصيل..
1
چانت غروب بعد وفاة أمي بأيام أبوي محتار بيَّ ما يريدني ولا راضي بجودي بحياته وحتى بَـ بيته، رغم أكو غيري سبع أخوان وكلهم يحبهم أبوي ويريدهم وأمي چانت الثانيه لأن أخوانها غصبوها غصب على أبوي غالب وصغيره من القهر ماتت ما تحملت الضيم
9
وعافتني وحيده أجارع المُر، وحتى أخوالي ما يردوني وما متقبليني بحياتهم وچنت أنه ضايعه ومتخبطه بين كل الناس الما يردوني وما يحبوني، خاتون وحرّ الصارو أنقاذ لحياتي وصارو همَّ مصدر العوض لأن أستقتلو علمود ياخذوني بوكت اللي الكل ما يردوني
9
حرّ أبن خالي، وجدتي خاتون أم أمي بس أحن من أبوي عليَّ صارت هواي مشاكل وعركات بيناتهم وحرّ أجه ياخذني جبر من أبوي اللي حيرهم لا يريد ينطيني الهم ولا يريد يبقيني عنده لحد ما نطق بلسانه أنُ يريد ينطونه فلوس يله ياخذوني وهوَّ يتبرى مني!!
49
مكيف لأن ما راح أضل يمه بس بنفس الوكت طمع وراد يستفاد براسي لأن حرّ غني وعنده أملاك من أبوه، فـ أنطو الفلوس وأخذوني بس مكسوره گلب وخاطر وأنه أشوف أبوي يتاجر بيَّ ويبيعني علمود الفلوس..
6
غمضت عيوني حيل علمود ما ينزلن دموعي بس نزلن رفعت أيدي أمسح بوجهي وأرزل بروحي لأن بچيت وأسمع صوت بصفي
-هيو كلارة!
10
رفعت عيني لضيغم واگف باب غرفته عاگد حاجبه يباوع عليَّ صافن مستغرب
-شمالچ تبچين!
13
درت عيني عنه لغير مكان مرتبكه لأن شافني أبچي وگمت أريد أنزل والتفتت على صوته
-تعاي أوگفي
-شتريد!
1
-شعدچ صافنه، الصافن لو عاشگ لو مطي؟
-شنو هل ميانه الزفره!
14
تچتف وأنتچه على الحايط بصف باب غرفته
-ضايجه من غالب الخنيث؟
رفعت وجهي مقهوره ومحتقنه
-ما عليك..
2
-لا تضوجين ترى حرّ ما يرضى عليچ خنگه وكتله وحلف وتعرفينه ما يخلف بحچايه إذا رد غالب يكتله وعده أستعداد يدخل سجن مره ثانيه بس ما يطيچ اله!
أدري بي أخوي ماكو أحسن منه زلمه
-چا عليمن تعوين بعد؟
-تعوين شنو قصدك أنه چلبه؟ يا چلب
-مو جاي أواسي بيچ
-السربوت الخبيث مسوي روحك حباب
35
عفته ومشيت، حاولت أتناسى الموضوع بس لهسه بگلبي خوفه وحرّ وفجر يحاولون بأي طريقه ينسوني ويخلوني أضحك وأتونس...
جسام: واگف حرّ بشموخ گدام "خمس گبــور" لامه عزازه يباوع عليهن بصفنه طويله وقصته تنقري من عيونه، السواد طاغي على لبسه وگلبه، صافن بتركيز أسم يم أسم وگبر بصف گبر كل گبر شايل عزيز من عزازه تدنى لگبر بيهن وحط راسه عليه ويجر حسرات..
23
رجف فكه وغيمت عيونه بالحزن وگال
-كلش غميـچ صـواب گلبي.
45
أحس الشعر عگبچ ماله داعي
مو مالت شعر مالت نواعي..
22
من أتذكر همومه ومصايبه يوگف شعر راسي شلون بعده واگف على طوله وعايش ما أدري، سبع وحگ علي لو أنه تلفني جلطه وأموت بگاعي عمري كله ما سامع ولا شايف ولا عيني شهدت مصيبه مثل مصيبته!
13
التفت على رجال يبيع ماي ورد أشترى منه وغسل الگبور خمستهن بهدوء ويتمعن النظر بيهن، گبر وره گبر وكل گبر قصته تكزبر الجلد وگف عد أكثر كبر كاسر ظهره نفسه الحط راسه عليه وصفن على الگبر وأيديه لوره واگف بثبات اليشوفه يگول هنيال گلبه ما مهتم بس من داخله مكسور طلعنا سوى من المگبره بس مكسوره ظهورتنا
8
السباع ما تلويهم الدنيا غير بعزازهم..
35
-وردة: طلعت من باب الهول للحوش وصفنت من شفت طير ما يشبه الطيور العاديه طير غريب وهيئته مريبه عگدت حاجبي مستغربه وأنتبهت لـ حُرّ رفع أيده وأجه الطير حط على أيده!
8
تقرب عليَّ مبتسم وعيوني تعلگت بالطير
-ها غزالة شمالچ
-هذا طير لو لاله!
-لاله
-چا شني
-صگر "الحرّ"
50
رفعت عيوني اله وضحكت
-الله أشگد حلو
-حبيتيه؟
-حيل، شكله فخم وحلو
-هذا حري، أنه مربيه
6
أبتسمت اله وعيوني نسحرن بالصگر شكله حيل حلو خصوصًا عيونه حادات ورسمتهن غريبه وما فارگ حُرّ، ما أدري أنه چنت ما منتبهه لوجوده لو چان مخلي بغير مكان!
1
بعدنا ما مكملين كلامنا وطب ضيغم يتلفت يشوف أكو واحد بالمكان لو لا، أول ما شافني صاح
-طبي طبي
بسرعه مشيت أريد أطب وحُرّ التفت عليه
-ها شكو؟
-زلمه يريد يطب للمرافق
63
التفت عليَّ حُرّ يشوفني طبيت لو بعدني طبيت وأباوعلهم من الشباك وحُرّ ملتهي ويَـ صگر الحُرّ اللي على أيده والرجال طب ويَـ ضيغم..
ضيغم آشرله بأيده وگال
-تفضل خويه تفضل
16
وگف الزلمه والتفت على ضيغم عاگد حاجبه
-شني تفضل؟
30
بهت وجه ضيغم ما مفتهم قصده
-ها چا شگلك، غير جاي أرحب بيك!
8
التفت عليه الزلمة ضايج وحُرّ يباوعلهم من بعيد
-وين جاي ترحب بيَّ تفضل على شنو بعد أخوك مطببني لديوان غير مطبيني لمرافق!
72
طب وضيغم ضل صافن واگف بمكانه التفت على حُرّ
-چا شبيها حچايتي؟
-شهل چفصه طايح الحظ!
-مو صوجه صوچي وعلي
-غير أنتَ تگله تفضل شنهي عازمه على أم عراوي؟
52
ضحكت على موقف ضيغم وطبيت لجوه يم البنات مر الوكت وگعدنا الصبح بيتنا مخبوص وهوسه خلتني أتوتر خصوصًا من گالو راح تجي خاتون ضليت بحيره من أمري راح تكون مو زينه وياي حالها حال بقيه النسوان هنا لو تكون زينه مثل فجر وكلارة أنه عندي خوفه من العجايز بسبب الچانت تسويه بيَّ جدتي بُشرى..
18
باوعت لـ فجر مستغربه
-چا وين چانت كل هل وكت؟
-عد أختها مريضه و واصله الموت وچانت يمها..
2
أجت خاتون للبيت ورحبو بيها ترحيب يبين أشگد هِيَّ مهمه بهاي العائله الكل هنا يحترمونها، وأولهم حُرّ وأخواته أنتبهت يموتون عليها عبالك أمهم راجعه لبيتها مو جدتهم وضليت بحيره من آمري لحد ما عرفت هِيَّ مربيتهم!
5
أجت وانه واگفه من بعيد أول ما گعدو خليت وطبيت للغرفه بدون ما أضل وياهم بالمكان لأن أتسمم دوم إذا صار تجمع يقهروني بالكلام لحد الليل البنات راحن لغرفة جدتهن خاتون وبعد ما ردن..
أجت فجر للغرفه فتحت الباب
-أعذريني بطيت عليچ بس جدتي تسولف وياي
1
-يا خيه چا ضلي يمها أنه راح أنام
-لا شلون تعاي يمنا هناك ملتمين بغرفة جدتي خاتون
-لا ما أريد تسلمين
-والله ماكو غريب بس أحنى
-مو عن شي بس أنه نعسانه وأريد أنام..
جدتي مغتاضه عليَّ ما ترضى أعوفنها وهسه توها راده صارلها هواي غايبه عنا، تعاي نامي يمنا فدوه وردة!
+
-والله العظيم أريد أنام خيه كلش نعسانه وأستحي منها
-چا شلون ينطيني گلبي أعوفنچ وحدچ!
-أصلاً أغفي ميته نعاس هسه راح أنام
-مو تزعلين مني
-يا عليمن خيه روحي يمها خطيه ما يصير تظل وحدها..
5
راحت بس مقهوره وأحس فرحتها مكسوره، تريد تبقى يمي وتريدني أروح وياها أي طريقه تريد بس نظل سوى لأن تدري أنه شگد وحيده وأكره الوحده ضليت گاعده أتگلب لأن چذابه عيني ما تاخذ نوم وأصلاً ما نعسانه بس شسوي أستحي أبين للوادم أنه وحيده وخطيه..
4
أسمع صوت دگه على الباب
-غزالة
10
بسرعه گعدت وجريت الشال على راسي
-تفضل
فتح الباب على النص بس شافني عگد حاجبه
-ليش ما رحتي لغرفة خاتون؟
-شسوي!
-هنَّ هناك ملتمات روحي يمهن..
-لا ما أريد تسلم
1
-ليش؟
-نعسانه أريد أنام
-ليش تچذبي يَـ مهبوله عيونچ مو مال نعسانه!
11
عگدت حاجبي وگمت وگفت وهوَّ بعده بالباب
-شلون عيوني مو نعسانه شمدريك!
-عيونچ ما تصير هيچ من تنعسي، يذبلن إذا نعستي
-أيي شويه وأريد أنام..
17
هز راسه وجر الباب سداه وراح، وكل ظني بعد ما يرجع رجعت تمددت العب بخصلات شعري المتوسد المخده وأتگلب ضايجه ومتملمه يوميه كلارة نسولف لمن أنام هسه مگابله الحيطان وگاعده
رجع ندگ الباب وأسمع صوته يصيحني، گمت من مكاني فتحت الباب وعگدت حاجبي مستغربه
-ها
رفع علاگه سوده حطها بأيدي
-يوميه چا؟ مشكور شبعانه والله
-يابه روتين هذا تعودي عليه
15
أبتسمت مستحيه وضليت واگفه متانيته يروح
-ليش ما تفوتي؟
-غير متانيتك تروح واسد الباب
-لا سدي وطبي وانه أروح
-ليش
-هيچ، ولا تطلعي وحدچ إذا ردتي تطلعي تعاليلي
-خوش
سديت الباب وطبيت لجوه وطبعًا العلاگه السوده يوميه حُرّ يجيبها الي وتعودت عليها، يوميه بالليل يجيب علاگتين سود متروسات حلويات وأكل ترس الي وحده ولكلارة وحده ولأن فجر ما تحب هاي السوالف فـ روتين الي ولكلارة وبكل مره يخليلي فلوس مصروف بالعلاگه أشگد تصرفه ينحفر بگلبي ما يريد يحرجني وينطينياه هوَّ أو فجر، يخلي ويَـ الحلويات
5
شبعانه ما أكلت، ما أدري مغثوثه والحلويات هواي ويوميه يجيبهن فـ دائمًا يظلن هواي وأقسمهن ويَـ جون أبن زهراء وفقار صغير، اللي صار صديقي حيل وحباب ودائمًا صاير مثل ظلي مرات حُرّ يودي العلاگه بأيده أجه الصبح ومر اليوم هادئ وعادي وخاتون من سوالفها ويَـ الوادم أحسها مره طيبه ومسالمه بس ما حچينا سوى أبد ولا دار بيناتنا أي حديث..
2
مرت الأيام وانه متشنجه على وجودها بعدين أنتبهت الها أبد ما ضرتني بحچايه فـ أطمئنيت، واليوم گعدنا من الصبح كاتلني النعاس لأن البارحه بالليل أنه وكلارة سهرنا وتابعنا مسلسل على التلفزيون وضحكنا وتونسنا حيل تغير جوي لأن العرك و المشاكل الجاي تصير وياي بفلس بس تنتهي بكلمة "الله كريم"..
2
هوسه وزلم تطب زلم تطلع، طبخ وخبصه غسل وترتيب ومحد گاعد بمكانه وأنه صافنه عليهم وأيدي جوه خدي ما أدري على شنو هاي العزيمه بس حيل مُهمه وراح يجون بيها ناس قيامه
1
جرتني كلارة من أيدي متحمسه
-تعاي خل نطلع للحوش كلهم بره طبخ ولمه
1
هزيت راسي ومشيت وراها لحد ما وصلنا للحوش وگفنا على جهه نباوعلهم الزلم محزمين ويشتغلون ولأن عزيمه حيل چبيره فـ الطبخ حيل هواي جايبين خرفان هواي وطبخ ونار فكيت عيني من شفت اللحم تارس الجدوره ويغسلون بي وريحه الدم تكفخ الخشم
1
اللحم والشحم يختض، والگيعان متروسه دم وماي بحيث أحس ريحة الزفره صعدت لراسي حيل لعبت روحي وجريت كلارة من أيدها
-طيح الله حظچ المن ضالين هنا!
4
التفتت عليَّ تضحك مستغربه
-ها شكو!
-ما تشوفين اللعبان النفس
-شنوه
-الدم وريحه الزفر ترست خشمي
2
-چا ما تاكلين اللحم؟
-أكل، بس أول مره بحياتي أشوفه ني ولعبت روحي
-تعاي خل نطب لجوه شمالنا متوزاين
-أي عفيه حيل لعبت روحي
1
طبينا لجوه بس بعده المنظر بعيني، اللحم شلون ني ومتروس دم وشحم ومو يشيلونه من مكان لمكان فـ يختض وريحه زفر ودم كريهه وراسي صدع من الهوسه بحيث كلهم يحچون ويشتغلون طبيت للمطبخ علمود أشرب ماي وشهگت من شفت روس خرفان تارسه الگاع..
فكيت عيني مصدومه حاطين الروس على صفحه مقابيل الباب ورگاب الخرفان صايره گدامي صدت بعيني بحيث شفت شنو داخل رگبتهن وتخبلت أحس الحراره صارت تطلع من عيوني ركضت للحمام أتقيئ
9
وكلارة شهگت من شافتني وراحت تركض لفجر
-فجر الحگي الحگي وردة تتقيئ بالحمام وتبچي
1
أمسح بدموعي وأريد أگوم يجي المنظر براسي وأرد أتقيئ من جديد وروحي تلوب وتلعب، بحيث عيوني يدمعن من وحدهن وما أحس غير مغرگات وجهي
أسمع شهگه فجر ودگة صدرها
-يمه وردة شمالچ ولچ!
3
رفعت راسي الها أريد أحچي ماكو
-راح أموت من اللعبان النفس..
تقربت عليَّ تشيل ماي بچف أيدها وتمسح على وجهي وأنه روحي ذابله وبگوه أجر النفس
-شمالچ ولچ شجاچ!!
وأسمع صوت حُرّ واگف باب الحمام
-ها فجر شمالها؟
2
مسحت وجهي بشالها من الماي وطلعت تسولف وياه
-ما أدري طبيت عليها تبچي وتتقيئ
فتح الباب بأيده وباوعلي عاگد حاجبه
-شمالچ ولچ؟
1
مسحت وجهي وجريت روحي جر طلعت من الحمام
-شفت روس مذبحه
14
أزدادت عگدة حاجبه وفجر فكت عيونها
-يمه!
التفتت عليها وهمست
-روس خرفان
تبدلت عگدة حاجب حُرّ لأبتسامه
-وليش لعبانه روحها الغزالة
-چا غير شفت رگابهن مذبحه وشفت روسهن من جوه!
-منظر صعب مو؟
23
هزيت راسي أبتسم وجر شالي على ركبتي لأن طالعه رگبتي وما منتبها لروحي
-أنتبهي لروحچ..
21
عافنا ومشى وأنه بگوه على ورحي واگفه جرتني فجر للمطبخ طلعتلي عصير من الثلاج وكلارة گاعده يمي تعصر برجليه لأن يرجفن گد ما معدتي گلبت وتقيئت وشربتني گلاص ماي يله شويه روحي ردت
1
كلارة: كسرت خاطري شلون گاعده بالمطبخ روحها منتهيه وجها صار أصفر طب ضيغم عاگد حاجبه ومتصرفن يشيل الغراض صارت عينه عليها
-ها شني شمالها!
التفتت عليه فجر وهِيَّ فاتحه الثلاجه ولازمه بابها
-شافت روس الخرفان ولعبت روحها
-أيباااه چا الأخت ما تاكل اللحم!
-لا تاكل، بس ما شايفته ني ولعبت روحها
-هااا هيچ الحچي تلعب روحها مو؟
التفتت عليه ورفعت حاجبي أكبر خبيث شافته عيني هوَّ ضيغم طلع من المطبخ والتهه يشتغل مسحت وجهي وطلعت وره فجر شويه وطبيت للمطبخ أشوف وردة لأن بالي يمها الطبخ مو بالمطبخ بره لأن ما يكفي
1
حُرّ واگف بالمطبخ وعاگد حاجبه
-شمالچ ولچ روحچ ذابله
-چا شبيدي لعبت روحي بعد
-ذبلانه عيونچ يمعوده ما يلوگلچ والله
11
أبتسمت ودنگت ساكته وطب ضيغم بأيده صينية أكل كلها لحم ودسم مطبوخه وكامله گعد بالمطبخ متربع
-تعالو تاكلون وياي؟
9
التفت عليه حرّ يباوعله بطرف عينه
-شنهي الخباثة هاي!
1
ضحك ضيغم وحط لگمه بحلگه
-چا شلون بله النوب نبطل ناكل غير شغله هاي
1
وردة لامه رجليها لصدرها وجها أصفر وظهرها على الحايط باوعتله بطرف عينها وفرت راسها عنه لغير جهه وهوَّ ضحك يباوعلها
-تاكلين بعد أخوچ؟
5
ما ردت عليه ولا باوعتله ملتفته عنه وطب جسام مشغول يسولف ويَـ واحد من ولدنا باوعله ضيغم
-جسام تعال بعد أخوك تعال أكل وياي
-أي والله ميت من الجوع
-عمت عيني تعال خويه تعال شد ضلعك وراك هوسات بعد شوي الوادم كلها تريدك تهوس..
2
جر دشداشته جسام وتربع ياكل ويَـ ضيغم ما يدري بالخباثه الجاي يسويها وعلى نياته ياكل بينما يقابله ضيغم ويضحك يگله
-موششش طعم اللحم ذايب يخبل
5
ويباوع لورده بطرف عينه بينما جسام مدنگ ياكل
-أي والله يخبل
-چا غير طبخ فقار بعد يگطع
-أي طبخه طيب فقار
4
حُرّ حط الجگاره بحلگه ودنگ كفخ ضيغم على راسه
-بسك نچب
1
ضحك حيل وسوى بأيده لگمه قدمها لجسام
-أكل بعد أخوك أكل يبعد العافيه أنتَ..
خزرته ضايجه وحرّ يباوع لوردة ويدخن وضيغم يسولف
-أول شي ذبحناها المسكينه، النوب غسلناها لأن متروسه دم وزفر والنوب فقار هرسها بالطبخ شوف لحمها ذايب يخبل
رفع راسه جسام يباوعله مستغرب
-شمالك!
-ما بيه شي جاي أتزقنب مستمتع بطعم اللحم
+
حُرّ: أن شاء الله تاكل زقوم منه ما تگوم.
15
ضحكنا وضيغم دگ العظم بالصينيه يباوع لـ وردة بطرف عينه مبتسم
-والله شبعت دسومه غير تجين تاكلين يا وردة
4
جسام رفع راسه طگاه بعكس أيده
-شمالك هيو!
حُرّ يدخن ومضيگ عيونه يباوع لضيغم
-جوعان چتل
2
ضحك جسام مستغرب وأنه باوعتله متنرفزه
-وردة لعبانه روحها من اللحم جابه وأجه ياكل يمها
غم ضيغم حيل على گصته طگاه وضيغم يضحك گامو غسلو وأول ما طلع وردة غمته ضحكت حيل وهوَّ التفت
-ها سبيتيني؟
6
ما ردت عليه وحُرّ دفعه يصيح عليه
-دمشي أمشي عايف الوادم وحاط عگلك ويَـ الفرخه الياهل هاي
12
ضحك ضيغم وطلعو سوى و وردة شبعته غلط وتغم بالباب وره آثره مر الوكت وبين الطبخ والتحضير والأكل عشو المعازيم وأنه وفجر تعشينا وطاحت وذره من لسانها نتوسل بورده تاكل بس ما ترضى بعدها معدتها توجعها گد ما تقيئت وره العشى قدمو الچاي وأسمع الأصوات مال لمه الزلم يعني راح يهوسون..
-وردة: جرتني كلارة من أيدي فرحانه وعيونها تلمع بحب وهمست
-تعااااي وياي
التفتت عليها مستغربه
-وين؟
-نروح نصعد لفوگ نباوعلهم
-ليش
-راح يهوسون
-تحبين الهوسات
-يمممة روحي من الدنيا أموت عليهن
4
ضحكت وصعدنا أنه وياها بسرعه للسطح ورحنا لغرفة ضيغم لأن من جوه ما نگدر نشوفهم بره البيت همَّ طفينا الضوه علمود الغرفه ما تجذب نظر إذا بيها ضوه كلهم ينتبهون وفتحنا شباك علمود يطبلنا الصوت ومن غير جهه مطلعين بس عيونه نباوع وشباك الغرفه صاير كلش گدام البيت ونشوفهم بوضوح
مالك محط رجل المكان أشگد چبير بس متروس ترس بالزلم كلهم زلم كبار وشباب وأعمارهم وسط وهوسه قويه بالمكان بس كل هاي الزلم الواگفه محد جذب نظري غير حُرّ ما أدري ليش عيوني تدوره بيناتهم!!
21
صارت عيني عليه وبسرعه شفته، واگف ويَـ الزلم لابس دشداشه سوده تلمع من النظافة وچفيه لافها بترتيب وعگال اسود مزين چفيته ولابس مشلح جوزي بظهره وشاربه الاسود الكثيف اللي ضايفله لمسه فخامه وترتيبه يخبل ويجذب العين وساعه فضيه مبين نص منها والنص الثاني جوه ردن الدشداشه وأيديه المدگدگه لازمه السلاح..
عدد چبير من الزلم لا ينحسب ولا ينحفظ، واگفين على شكل دائره والمهوسچين بنصهم والعرفته بيناتهم جسام الواگف بيناتهم وكلهم يستمعون لهوسته ورباطه اللي خله رجلين الزلم ترج الگيعان بالهوسات
+
طلع من الميدان وكمل وراه مهوسچي ثاني أكبر من جسام تقرب على حُرّ يسولف وياه ويمسح بوجهه من العرگ ويضحكون سوى ما أنتبهت لهوسات البقيه وضل بالي وياهم يسولفون ويضحكون صاحوه علمود يرد يهوس وهوَّ ما أدري شنو گال لحُرّ لأن من يسولفون بيناتهم ما نسمع بس من يهوسون صوتهم نسمعه بوضوح لأن كلهم يحچونها الهوسه الزلم وكلها تضل تردد بيها ويصير صوت جهوري فخم
من حچه كلماته الحُرّ اللي ضحك وجسام طب بالنص وأجانه صوته العالي والترس مسامعنا برباط
-مالك هيبه .. مالك هيبه
11
وهمَّ يردوون وراه بنفس الكلمه وبحماس شعل الجو بيناتهم "مالك هيبة" والبقيه وهوَّ يگول بهاي الكلمه أصواتهم تعلى بالمكان بشكل فخم حيل بين اليگول "شيل شيل" "هييي هييي" "ايي اييي" يجرون الحچايه جر بهدوء ممزوجة بفخامة طغت على المكان
2
وصوته ترس المكان ترس وهوَّ يگول الرباط بحماس
-مالك هيييييبة يالماااالك شررر
31
وصوت دبچ رجليهم على الگيعان، وبين الرافع عكازته لفوگ ويهوس وبين الحاط أيده على عگالة ويهوس وبين اللي لازم عباته ويهوس وعيني رجعت دارت على حُر ويَـ ما جسام گال الرباط ما هوس وياهم واگف سلاحه كاضه بأيد ضل يرمي بالجو..
7
هوَّ وياه بعد چم شخص، هاي من العادات علمود ينطون للرباط والهوسه فخامه أكثر وكلها تصيح بصوت عالي ومسموع وحيل حلو مدموجه أصواتهم سوى بصوت جهوري يرددون برباط جسام
التفتت أضحك على كلارة تهوس وياهم وصرخت متحمسه
-يممممه فلك طر الزلم أشگد حلوه هوساتهم
11
والنوب التفتت عليَّ بحزن وقهر
-حرامات والله أجينا بآخر الهوسات صارلهم إشگد يهوسون وأنه صارلي أشگد متانيه هاي المناسبه لأن هوساتهم تخبل تخبل وأنتظرهن..
1
أبتسمت أني أول مره أشوف الهوسات بعيوني سامعتهن مرات ومن بعيد وكلشي ما مفتهمه بس صوت بعيد بس هسه صدگ حبيتهن حلوات فخمات وهيبه رهيبه بيهن خصوصًا الرباط والنوب شلون يهوسون..
3
لحد ما خلصت العزيمه وبلش الشغل روحاتنا نهلكت هلاك رجليه أحسهن ماتن كملنا شغل أنه وفجر ونمنا لحد ما شبعنا نوم لأن الشغل كسر ظهورتنا ومر الوكت علينا وحُرّ أيام مختفي وما اله آثر وفجر روحها تلوب عليه وخايفات خطيه هِيَّ وكلارة بس هوَّ طال أختفائه!وأجه الليل وعيني ما أخذت نوم ما أدري شمالني أحس گلبي معصور عصر طلعت من الغرفه أريد أروح أشرب ماي وبلكت يتغير عليَّ الهوى وأول ما شفت حُرّ طب للبيت ضليت أباوعله من الشباك مستغربه من هيئته الغريبه عاف الباب وراه مفتوح ما منتبهله أصلاً
2
ضيگت عيوني أباوع على أيديه متروسات دم وبأيده جگارة رفعها بين أصابعه متلفه دم من أيده ويمشي ويغني بهدوء
-شالوه .. شالوه
8
هيئته تخلس شماله هذا منين الدم، من الخوف أجيت گبل أروح للغرفه لأن حيل خفت منه وفجر دائمًا تگول ومو بس هِيَّ كلهم يگولون حُرّ عنده نوبات بس الله يستر منها..
6
جمدت بمكاني على صوته يگول
-أوگفي
التفتت عليه وأول ما صارت عيني بعينه رفع أيده يسب
-أنعل أبوچ لأبو صالح
25
عگدت حاجبي مرتابه من وضعه الغريب
-شمالك!
1
تقرب عليَّ يمشي بگوه بلعت ريگ واول شي سويته شميت ريحته من تقرب ما بي ريحه والله راح أتخبل چا شماله تصرفاته تصرفان سكاره!!
5
وگف صافن عليَّ وزمخ بصوت فززني
-أطلعععععي من راااااااسي
54
باوعتله بخوف وأستغراب ورديت لوره
-شكو شبيك!!
جر أيدي ملخها حيل وحط أيده على عقله يأشر
-هناااا أنتِ هناااا مچودره خرب بأهلچ
44
حاولت أجر أيدي منه بخوف وعيوني أنترسن بدموعي
-عوف أيدي عفيه شمالك
عيونه ذبلانه وشعره مخربط نفسه عالي وعيونه مبين بيهن الشرآين الحمر بلع ريگ وكمل كلامه بهدوء
-ليش دوم ما تفارگي أحلامي؟
24
تلاكينا بحلم
واجمل حلم چان
شفت كل العمر بشكم دقيقهة
اللقاء البـ الحلم
صدكوني مرات
أجمل من لقائات الحقيقة..
23
عگدت حاجبي مستغربه وهمست
-ما فهمت؟
2
جر حسره طويله ونتر بقهر
-كل ما أنام أحلم بيچ ما تفارگي أحلامي..
10
صفنت بعيونه وعيوني متروسه دمع
-شسوي بأحلامك؟ وأنه بواقعك ما موجوده!
5
دنگ عينه صافن
-مو حلم وحلمين حلمت بيچ!
-چا شكثر!
-چثير، گبل لا أشوفچ أنه أحلم بيچ..بهتت وصفنت بوجهه بخوف بلعت ريگ أستوعب
-شنو؟ ما فهمت شلون تحلم بيَّ گبل لا تشوفني!
+
-جايچ لهذا السبب أريد منچ تفسير، ليش ما فارگتي أحلامي والنوب أجيتي لواقعي ولحد هسه ما تفارگينهن كل ما أغمض عيني تجي بالي وما أفز من نومي غير بحلم بيچ..
9
-ما أدري والله ولا مره حلمت بيك
-عيني ما تغفى إذا مو أنتِ جايتني بحلم؟
2
سكتت صافنه عليه بأستغراب وخوف وهوَّ متعصب ومتنرفز لزم راسه بقوه مغمض
-دوهنتيني
3
مسحت الدموع من عيني مقهوره وهمست
-تعبان مني؟
3
رفع عينه لعيني يتنفس سريع وبتعب همس
-أنه من صغري معلعل..
4
نلچم گلبي بحچايته وصوته اليغص بالحرف
-تعبان چثير تعبان أنه وردة!
10
باوعتله بخوف وجريت أيدي من أيده ضلت عينه وره أيدي بقهر همس
-أمنيتي أعرف ليش دوم ما تفارگي أحلامي!
1
صفنت عليه بأستغراب وأباوع على أيدي التلطخت دم من أيده جريت نفس ورفعتله راسي
-ما أدري أحلامك غريبه شعدي بيهن!
8
عفته وطبيت للغرفه محتاره ودايخه ليش هلكثر يحلم بيَّ ما لگيت جواب بس ما گدرت أنام الليل، مر الوكت وهالأيام ماكو سيرة شخص بهل بيت غير سيرة حُرّ وهوَّ يغط ويرد يرجع للبيت ومحد يعرف شبي ومن شنو جاي يعاني بس من هيئته واضح منهلك من التعب والقهر..
2
مسحت وجهي وطلعت للحديقه أگعد مخنوگه وتعبانه وحدي هنا، طشو وره العشى كل واحد لغرفته وأنه أيدي على خدي وصافنه أحس بحزن تارس گلبي وقهر خصوصًا من أشوف حالته يجيني تأنيب ضمير فضيع وانه مالي غرض بكلشي بس حالته تقهر وتكسر الخاطر!
نفتح باب الحوش وفز گلبي محد طالع بهل وكت غيره رجع نفتح باب كل ظني باب الهول راد يطب لجوه، بس سمعت صوت باب الحديقه نفتح طب وصارت عينه بعيني لابس قميص اسود ومنفتح اول دگمتين وجهه مسومر أكثر وعيونه ذبلانه
1
بلعت ريگ بتعب وعيوني تتنقل على ملامح وجهه بأستغراب وحيره وضعه أبد مو زين
-شبيك حُرّ!
1
مسح وجهه بتعب وبايده الجگاره جمرتها وصلت لأصبعه چوته وهوَّ ما حاس بيها التفت لغير جهه مخنوگ
-صرت ما أحب أتنوعلچ..
18
عگدت حاجبي بأستغراب وهمست بتلعثم
-ليش!
1
مال راسه يباوع بعيوني بنظرات حاقده
-كل ما أباوع عليچ أتذكر أخوچ صالح..
97
فكيت عيني بصدمه وچن ملح ونصب على الجرح جرت دمعتي على خدي
-أنه مو مثله والله مو مثله!
-أدري بيچ أدري..
3
مسح وجهه بتعب وصفن ساكت ورد گال شي صدمني، ركن كلشي بينه وبين صالح على جهه والبيناتهم مو قليل فواجع ومصايب تشيب الراس وتگزبر الجلد وذكر شي واحد لچم گلبه أكثر من كلشي وبنره حزن گال
-وستر زينب صالح لو يضل يوم بعمري أچتله وأترس الگاع بدمه مثل ما چتل أمي
يتابع
