رواية دموع عذراء الفصل السادس 6 بقلم سلمي سمير
الفصل السادس_______________________________
تشرق شمس الصباح
وتصحي منى وقلبها مكسور
وتخرج من اوضتها تلاقي حسن
حسن:: اخيرا قومتي يلا خلصي اتوضي وصلي وتعالي
افطري معايا جهزتلك فطار انجليزي عشت عليه ٨ سنين
منى:: بارهاق واضح تعبت نفسك ليه كنت صحيتني اجهزلك الفطار
حسن:: اهو مره بقي تجربي تأليفي هو مش حاجه جمب فطارك بس اهو تغير يعني
منى؛: ماشي اديني عشر دقايق اخلص واجيلك
حسن:: اعملي حسابك بعد الفطار خارجين يا حبى
منى:: بتقول ايه
حسن:: بقولك هنخرج خلصي بس وتعالي
______
منى :: علي الفطار هنخرج فين
حسن:: هتيجي معايا المستشفي عايز تختاري ليا الالون بتاعة المستشفي
ولا مفيش منك اي مساعده
ولا هتبقي مهندسة ديكور من منازلهم
منى:: ياه ياريت يا حسن نفسي احس اني بساعدك غير طلباتك المنزليه بجد هبقي سعيده اووي
حسن:: يعني موافقه طيب يلا علشان مش نتاخر لسه كمان هننزل نشتري المكتب بتاعي وطلبات العياده كمان
منى::: انت ناسي عندي بعد بكره امتحان التيرم
حسن:: ما انا هوفر عليكي شغل البيت وهنتغدا ونتعشي بره
كده كويس يعنى نرجع تذكري اتفقنا
منى؛؛ ماشي هروح البس بقي بس اشيل بس الفطار
حسن:: سعيد انه قدر يخرجها من حالة الاكتئاب والضحكه رجعت لعيونها اللي بيعشقها
منى :: في اوضتها بتلبس ياه يا حسن بجد يا بختها بيك لما علشاني بتعمل كده علشان تخرجني من حالتي اومال حبيبتك هتعملها ايه يا بختك بيه يا ليزا ياريتتي مراته وحبيبته
وللحظه تفتكر هو قالي يا حبي ولا انا بيتهيألي
مش مهم المهم اني هقضي اليوم معاه يوم هشاركه كل حاجه فيه بجد هيكون اسعد يوم بحياتي
وفعلا كان يوم كله سعاده وهي بتختار ليه الالون وعجبته وعجبت المهندس المسئول وطلب انها تشتغل معاه بعد التخرج
وراحو العياده واشتروا الاثاث وكان زوقها مع تنسيق الالوان مع الاثاث تحفه
وحسن :؛؛ كان كل همه يسعدها لحد ما رجعوا البيت مجهدين لكن دخلت تذاكر
_____ باب اوضتها يخبط ايوه
حسن:: ممكن ادخل
منى:: اتفضل
حسن:: يدخل ممكن تقبلي مني الهديه دي
منى:: ليه الهديه ايه المناسبه
حسن:: علي كل حاجه حلوه عملتيها معايا النهارده
وكمان علي احلي يوم قضيته معاكي
بجد يوم عمري ما هنساه
منى:: بخجل مش عا رفه اقولك ايه
لكن هو فعلا كان اسعد يوم ليا انا كمان
شكرا علي الهديه وتمد تاخدها يمسك ايديها ويقربها من شفايفه ويقبله بكل حنان الدنيا
حسن:: يبص لعيونها
تصبحي علي خير
منى:: وانت من اهله
وتفتح الهديه علشان تلقيها فستان جميل وشيك جدا
ومعاه عقد يكمله
وورقه مكتوب فيها اختارته جميل زي جمال عيونك وروحك الحلوه
ياريت تلبسيه لما نخرج مع بعض المره الجايه
تحضن مني الهديه وتنام وهي سعيده
________وتشرق شمس يوم جديد
وبعد نزول حسن يرن تليفونه
طارق :: عامله ايه يا منى
منى:: الحمد لله مش تتصور حسن فضل جمبي طول الليل وامبارح علشان يفرج همي قضينا اليوم كله بره
طارق :: انا اسف يا منى ياريت تسامحيني
منى:: مش تقول كده يا طارق كنت لازم اعرف ولو حد غلط يبقي انا ربنا يرحمك يا بابا
طارق:: طيب انا مسافر بكره بالليل هزور بابا تحبي تجي معايا تزوريه وتطلبي منه السماح
مني:: ياريت انا هخلص بكرا امتحانات التيرم و هستاذن حسن لما يرجع بالليل وابقي عدي عليا
طارق :: طيب خدي سناء عايزاكي
سناء:: حبيبتي يا مني ما تجيبي ابيه وتيجي تتغدوا معانا بكره انا خلصت امتحانات النهارده
والاكل هعمله بايدي بعد ما تعبت ماما معايا ايام الامتحانات
منى:: ياه هاكل من ايد مرات اخويا لا طبعا انا جايه
سناء خلاص :: يبقي تتغدا وتباتي معانا بالمره ونسافر مع بعض الفجر
مني:: هقول لحسن وارد عليكي ماشي
سناء سلميلي علي ماما
يلا سلام يا حبي
وتقفل التليفون وتقوم تجهز العشا علشان تلحق تذاكر وتجهز نفسها للسفر _________
_________________________في المساء
مني :: هو حسن اتاخر كده ليه عايزه انام وعندي كليه وامتحان اتصل بيه ولا هنتظر كمان نص ساعه
حسن يدخل من الباب قبل النص ساعة ما تخلص
حسن:: السلام عليكم
مني::وعليكم السلام اتاخرت ليه
حسن: كان في مشاكل باستلام الاجهزه
واضطريت اسافر اخلصها بنفسي علشان تلحق تتركب
انتي عارفه اول الشهر هنفتتح المستشفي
مني:: طيب مبروك مقدما
حسن:: انتي مش عندك امتحان بكره
ايه مسهرك لدلوقتي
مني:: مكنش ينفع انام غير لما اطمن عليك
وكمان اجهزلك العشا وعايزه اقولك علي موضوع
حسن:: لا مش هقدر اكل محتاج انام
وموضوع ايه اللي عايزاني فيه
مني:: انا هخلص امتحان التيرم بكره
وعايزه اروح لماما علشان هسافر معاها هي وطارق وسناء للبلد بعد اذنك طبعا
حسن :: ليه حصل حاجه
مني :: لا بس اخر يوم امتحانات ليا بكره وعايزه ازور بابا لاول مره ممكن
حسن:: وهو لازم تباتي عند مامتك ما يجو ياخدوكي من هنا
مني:: مش هينفع علشان هنسافر الفجر بالعربيه انت عارف المشوار طويل هو في مشكله في اني ابات عند ماما
حسن ::لا
تلفونه يرن وتقلق مني
مني::: مين بيتصل بيك في وقت متاخر كده خير في حاجه
حسن :: يشوف المتصل لا دي ليزا مش تقلقي
منى:: طيب تحب اعملك سندوتش وكوباية حليب حاجه خفيفه كده بدل ما تنام من غير عشا
حسن:: طيب علي ما اخلص المكالمه ويدخل اوضته
منى :: يعني هي مش بتعرف تعدي يوم من غير ما تكلمها
ايه خايفه لاكون اكلته ولازم تكلمه بالبيت قليلة الزوق وتدخل تعمل السندوتشات والحليب
حسن يدخل اوضته و وبيغير ثيابه ويرد علي الفون
حسن:: ايوه يا ليزا
ليزا :: يعني كذا يوم ومش بترد عليا في ايه يا حسن مش وحشتك
حسن :: طبعا وحشتيني بس انت عارفه المستشفي لازم اشرف علي كل حاجه بنفسي
ده غير العياده وخلاص كلها كام يوم
ونفتحها استحمليني
ليزا :: حسن كلها كام شهر وانزل وحساك بتبعد عني اوعي تكون مبسوط مع مراتك
حسن بغضب:: تاني نفس الكلام ده اللي مش بيخليني ارد عليكي اقسملك ما لمستها وكل اللي بينا اخوه وصداقه صدقي بقي علشان تعبت يلا انا هقفل عايز انام
لسه راجع من بره هاخد شاور
وانام سلام تصبحي علي خير
وقفل السكه وليزا مصدومه وتأنب نفسها لانه حذرها من الكلام في الموضوع ده
مني من المطبخ:: مخرجش ليه مش قال هياخد شاور
علشان اديله السندوتشات
ولا لسه مخلصش المكالمه اكيد وحشاه
وانا مالي ما ياكلو بعض وتنادي حسن يا حسن
حسن حسن ولا مجيب تخبط علي الباب لا مجيب
النور لسه مولع تفتح الباب بشويش
وهي تلوم نفسها وتفتكر اخر مره دخلت اوضته
وحصل اللي حصل لتفؤجئ بيه نصه علي السرير ورجله علي الارض
وصدره عريان والفون بايده
تقرب منه علشان تفوقه
ويصعب عليها الارهاق البادئ علي محياه
تنزل تفكله الجزمه وترفعه علي السرير وتحاول ان تعدل جسمه وتشم عبير عطره
وتنظر ليه كامراءه تتمناه اول مره تراه كرجل
تتخيل لو هي مراته فعلا وبتنام بحضنه
توطي وتضع قبله علي صدره وحين همت برفع راسها يضع حسن ذراعها حول راسه
ويقربها من شفايفه ويقبلها قبله مجنونه مفعمه بالرغبه والاحتياج
ويقولها بصوت نعسان بحبك بجنون
ليسقط التليفون وتسقط ذراعه
تفيق مني من هول المفاجاة
يلا لغبائي لتاني مره لكنه نايم فعلا
وتضع التليفون علي المكتب
وتطفي النور بعد انا عدلت جسده وتغطيه
وتخرج مسرعه علي اوضيتها
وتسال نفسي انا عملت كده ليه
وليه حسا بطعم قبلته ما زالت علي شفايفي
ثم هو كان بيكلم ليزا اكيد كان بيقولها بحبك
فوقي يا مني كلها كام شهر وتفترقوا
وهو هيكون مع مراته وانتي ملكيش غير ذكريات اليمه لاحساسك من احضانه وقبلات قام بيها معاكي
بدون وعي وحاولت تنام علشان تصحي لكنه تمنت لو كانت كلمة بحبك ليها هي
وهي المقصوده بقبلته اه انا حبيتك ولا ايه
وليه لاء انسان مثقف ومتعلم ووسيم جدا وناجح وطموح وهادي ورزين وحلو المعشر
اكيد لازم يتحب لكن انا مش مراته
لازم افكر نفسي بكده كلها كام شهر
وكل واحد هيروح لحاله وتنام وهي تتمني لو كان حسن جوزها لو ليوم واحد
لتتذوق عذب احضانه وتنتهل من قبلاته ما تشاء
قبل يوم الفراق
____تشرق شمس الصباح
علي صوت المنبه بجوار حسن
ليستفيق
حسن:: الساعه ٨ انا نمت بهدومي ولا ايه
مين فك الجزمه اكيد مني
اه فعلا كانت بتعملي السندوتشات
انا حلمت بيه وهي بحضني وبقبلها
هقوم اكيد صاحيه علشان تروح الكليه لازم اشوفها هرجع مش هلاقيها
حسن بالصاله والسكوت والهدوء يعم المكان
هي فين معقول نايمه
يخبط علي اوضتها محدش بيرد يفتحها بشويش
محدش جوا معقول خرجت باين كده
وظل دقايق حاسس بحزن لانها خرجت بدون ما تكلمه
لكنها تركت ورقه علي الثلاجه
اسفه نزلت بدري علشان الحق تاكس الفطار علي السفرة صباح الخير امضاء مني
________________
مني بالكليه وصديقتها هناء مالك يا منمون شارده مش حليتي كويس ولا ايه
مني:: لا ابدا بس مش نمت كويس امبارح
هناء:: اه ياعم الدكتور كان مسهر الجميل مفيش اخبار عن منمون الصغير ولا ايه
مني:: اختشي يا هناء لا طبعا مش وقته خالص
هناء:: طيب زعلانه ليه
يابختك يا عم الدكتور مز بصراحه
وليه حق يسهرك ويسهر اللي خلفوكي
مني بعصبيه وغيره وااضحه :: هناء عيب كده
هناء:: تضحك اوبس مني بتغير
خلاص كده عادل مات في قلبك
ليكي حق هو حد يبقي معاه الدكتور حسن ويبص لعادل اهوه جه علي السيره
مني ::ارجوكي عادل مش عايزه اشوفه انا همشي بسرعه
هناء:: عادل مين بصي وراكي
المز وصل اكيد جاي يطمن عليكي عملتي ايه في الامتحان هيييح يعني علي الحب
مني:: بصدمه حسن
حسن:: يتقدم السلام عليكم
هناء ::وعليكم السلام
ازيك يا دكتور استاذن انا علشان اخويا جه
وهروح معاه سلام عليكم
حسن:: ايه مش بتردي ليه عارفه انك غلطانه صح
مني :: تتذكر انها هي اللي قبلته يبقي مكنش نايم
وحس بيها نهار اسود اقوله ايه دلوقتي
حسن:: ايه بكلمك ما تردي
مني :: غلطانه في ايه
انا مقصدتش والله هي جت كده
حسن:: يعني مكنش عندك دقيقه تسلمي عليا قبل ما تنزلي
او حتي تفطري معايا زي كل يوم
مني بارتياح :: وتكذب اصلا اتاخرت اخر مره ملقتش تاكس قلت انزل بدري
حسن: وليه تاكس كنت هوصلك كده كده بنزل اروح المستشفي
ولا انت مش عايزه اوصلك واحملك جمايل
مني تضحك: جمايل ايه بس هو في كده بين الاخوات
حسن بغيظ:: اه اخوات طيب عملتي ايه في الامتحان
مني ::الحمد لله
طيب اركبي نتغدا بره وبعدها اوديكي لمرات عمي لو كنتي خلصتي
مني؛؛ لا هتغدا عند ماما سناء اللي مجهزه الاكل
وموصياني اتغدا معاهم تعالي اتغدا معايا
حسن:: ماشي انا اصلا مش فطرت
علشان الهانم نزلت من غير ما تفطر معايا
في العربيه :: انا جهزت ليك الفطار ليه مفطرتش
حسن:: مكنش ليا نفس وانتي مكنتيش موجوده تفتحي نفس
مني:: باستغراب يعني ايه
حسن::: ولا حاجه وصلنا اسبقينا علي ما اركن العربيه
____________ في شقة طارق
ترحيب سناء وهدي بمنى نساها كلام حسن
وطلع حسن ووراه طارق
اول مره يتجمعوا وقضوا وقت سعيد
حتي مني سالت حسن انت مش هتروح المستشفي
بص في ساعته وقال فعلا الوقت اتاخر هروح المستشفي وبعدها علي العياده
المهم اول ما توصلو تتصلي بيا تطمنوني
سناء:: ما تيجي معانا يا ابيه
حسن :: ياريت بس معنديش وقت دا انا ضيعت النهارده معاكم يلا سلام عليكم
______بعد العشا
طارق:: ياه وحشنا وجودك بالبيت يا منمونتي
منى:: انا اللي وحشني وجودي معاكم
سناء:: ايه ده وابيه مكانه فين في اللي بيوحشوكي
منى:: حسن هنا في قلبي وسكتت ((( نطقت الكلمه من غير ما تحس قلبها نطقها قبل لسانه فعلا حسن سكن قلبها))))
سناء:: يا سيدي سيدي يا بختك بقلبها يا ابيه
طارق:: طيب وانا مليش بخت معاكي
سناء::: انت ساكن كياني كلها وروحي وعيوني وقلبي
منى::: وتضحك وتتصنع الكسوف انا بتكسف كده
يلا يا ماما ننام شكلنا بنقطع عليها
والكل يضحك
ويمضي الوقت سريعا في سعاده
وبعد قليل
دخلو يناموا بدري استعداد للسفر
______________________________________________
يتبع......
