رواية دموع عذراء الفصل السابع 7 بقلم سلمي سمير
دموع عذراء 
الفصل السابع______________________________________
في منزل الحاج عبد المجيد المنفلوطي
الحاجه فاطمه : يا مراحب نورتونا والله
نورتي يا مرات ابني
ادخلو ازيك يا ام طارق شرفتي يا اختي
وانتي بت يا سناء احلويتي علي الجواز يا مضروبه
طارق: ده نورك يا مرات عمي
ومين اللي مضروبه دي سناء دي عسل
وبلسم ربنا ما يحرمني منها
مني:: تسلمي ليا يا مرات عمي
انا فرحانه بوجودي معاكم
هدي:: تسلميلي يا ام حسن ده نورك ونور اهل البيت
سناء:: تحضن امها وتقولها وحشتيني يا ست الكل
رغم ان ماما هدي بصراحه بتعوضني غيابك لكن انت ليكي وحشه من القلب يا مزتي انتي يا بطوط
وانا حلوه من يومي ولا ايه يا طروقتي
طارق؛؛ انتي جميله بروحك يا قلب طروقتك
الحاجه فاطمة:: يا على
تعالي سلم علي مرات اخوك واختك وجوزها
ومرات عمك وصحي احمد اخوك وتعالوا
علي :: حمدلله علي السلامه
اوبس هي سناء هنا وانا بقول الدنيا ضلمت ليه
لكن منى نورتها بجد هي ومرات عمي
طارق:: اتعدل يا ولا سناء دي مزتي
وكمان فين سلام الرجاله وياخده بالحضن
فاطمه ؛؛ لسانك عايز قطعه
كده قدام جوز اختك يا موكوس
يلا خد شنط مرات اخوك طلعهم اوضة حسن
وانتي يا سناء نادي شلبيه
وخليها تطلعلك الشنط انتي وجوزك
اما انتي بقي يا ام طارق تيجي معايا هتنامي باوضتي
اطلعو غيروا علي من نجهز الفطار ويكون الحاج عبده رجع من الارض
هدى؛؛ ليه كده هبات مع منى
اهي جوزها مش هنا
بدل ما الحاج يزعل علشان جيت فرقت بينكم
الحاجه فاطمة::تفرقي مين ده الحاج بيقعد بالايام
مش بيجي الدار ويفضل بالمصنع او الارض بالاسبوع
تعالي بس دا احنا هنسهر للصبح
منى:: دي اوضة حسن
علىى:: ايوه ممنوع حد يدخلها لكن انت مراته يلا اجهزي علي ما اصحي احمد وننزل نفطر
منى:: حاضر خمس دقايق وهنزل وراك
طارق :: اوضتك حلوه اوعي يكون في شباك
سناء: لا بتسال ليه
طارق:: يضحك ويحضنها ويضمها لصدره علشان محدش يسمع اللي هعمله فيكي او تهربي مني
سناء:: تضحك
لما نشوفوالكل ينزل علشان الفطار
__________________________
____بعد شويه الكل متجمعين علي السفره
الحاج عبد المجيد:: والله نورتي البيت يا ام طارق
وانت يا بت يا سناء وحشتي الكل بروحك الحلوه اللي اتحرمنا منها
وانت يا مرات ابني مجبتيش حسن معاكي ليه
ولا في الشغل اللي واكل نفوخه
مني:: والله انت عارف يا عمي
المستشفي خلاص قربت تتفتح
وهو مش عايز حاجه ناقصه يوم الافتتاح
وبيشرف علي كل حاجه بنفسه ربنا يعينه
سناء :: والله يا بابا انت كمان وحشتني اوووي
ووحشني احمد وعلي وغلاسته معايا كللكم علي بعض
الحاج عبد المجيد :: اظن بقي يا حلوين الاجازه بدات وتفكروا بقي في الاولاد ولا مش عايزين تفرحوني بزاهر الصغير ولا ايه يا مني انتي وسناء
مني:: كله بوقته يا عمي بس حسن يفوق من المستشفي
وان شاء الله كله يتظبط
سناء:: والله يابابا طارق نفسه النهارده قبل بكره
بس قالي خليها لما اخلص السنادي
يعني بعد التيرم الجاي ويبقي فاضل سنه
ومش هيبقي في مشاكل وربنا يخليلي ماما هدى
طارق ::ما انتي اللي ملخومه في الدراسه خلصي بس
واديني حقي وهي تسع شهور و اديلكم بدل الواحد اتنين
سناء :: بس بس اهو كلام وخلاص
طارق :: سامع يا عمي طيب انا بقي هستاذن
عبد المجيد؛؛ وسناء علي فين
هستفرض بيكي واوريكي كلام ولا لاء
بعد اذنك يا عمي وانت يا ماما ومرات عمي واحمد وعلي اختكم عايزه علقه هأدبها واجيلكم
والكل بيضحك وسناء تقول متقدرش هههه
طارق:: ليه في حد هيمنعي ولا ايه يا عمي
عبد المجيد:: لا انا مسامح مراتك انت حر فيها
طارق :: ابوكي شال ايده واخواتك مأيديني
ياويلك مني يا سناء
سناء::: تضحك بردك متقدرش
طارق؛؛ ليه بقي
سناء::: بكل دلع علشان انا مش اهون عليك يا طروقتي وترشه بالميه وتطلع تجري
طارق:: يا مجنونه بعد اذنكم يا جماعه هأدبها واجي
الحاجه فاطمه وعبد المجيد في نفس واحد :: اتفضل خد راحتك و الكل يضحك
ومضي اليوم في ضحك وسعاده من لمة العيله السعيده
___________في شقه حسن
يرجع والبيت فاضي ويحس بالوحده ويرن تلفونه كالعاده
ليزا :: اول مره ترد بسرعه معقول
حسن :: معلش عامله ايه
ليزا ::كويسه اخبار المستشفي ايه
حسن:: خلاص تعب ٦شهور هيخلص بعد كام يوم
وهبدأ انفذ ابحاثي وطموحاتي
ليزا ::بالنجاح بس انا شريكتك بالنص اوعي تنسي زي ما اتفقنا
حسن :: ان شاء الله يلا انا مرهق تصبحي علي خير ليزا
ويبص علي اوضة مني
ويقوم يفتحها ويشم عبيرها فيها
حسن :: وحشتيني يا مني
فين كلامك معايا بعد العشا
ووشك الحلو وعيونك الزرقه اللي بتوه فيهم
خلاص مبقتش اقدر اتخيل حياتي من غيرك
بعد نتيجتك ونجاحك باذن الله
لازم نبدأ من جديد انا مش هتنازل عنك يا مني
ويتذكر حلمه وهي بين احضانه
ويمني نفسه بيوم تكون مراته وبين احضانه كل يوم
وينام وهو بيحلم باليوم ده --
_________________________ مني تصحي قبل الجميع لتذهب للمقابر وتقابل احمد علي السلم
احمد:: علي فين يا مرات اخويا كده علي الصبح
مني :: كويس اني قابلتك ممكن توديني المقابر
عايزه ازور بابا
احمد:: ما تستني نفطر كلنا ونروح مع بعض
مني :: عايزه اكون مع بابا شويه لوحدي ممكن
احمد :: من عيني يا مرات الغالي ثواني ابلغ ماما
ولما يصحوا يحصلونا
احمد:: انا فرحان انك بنت عمي ومرات اخويا بجد كنا مفتقدين الاهل
واخوكي طارق ما شاء الله ناجح جدا في عمله
مني:: انا اسعد والله علي الاقل انتم عرفتوا بوجودنا
لولا جدي محدش منا كان هيعرف ان ليه اهل وولاد عم زي العسل كده
احمد؛؛ وصلنا هدخل اقرأ ليهم الفاتحه
وهسيبك لوحدك شويه
منى:: مش تبعد خليك قريب
احمد؛؛؛ حاضر لما تخلصي نادي عليا
مني امام قبر والدها واحمد تركها وانتظارها بالخارج بعد ما قرأ الفاتحه لجده وعمه
منى::بابا وحشتني انا عارفه انك ميت زعلان مني
بس انا حاولت اصلح كل حاجه كانت سبب في اللي حصلك
ومش هنسي اني كنت ليك نور عينك
انا اتجوزت حسن ومش هنكر سعيده جدا معاه
وكنت بتمني تكون عايش علشان سعادتي تزيد
صحيح هو مش جوزي رسمي ومتجوز غيري لكن يا بابا انا بحبه وبقيت اخاف قربه وبخاف بعده
لاني بتمني اكون مراته ولولليله واحده
علشان اعرفه قد ايه بحبه بابا سامحني
واوعدك اني احافظ علي وعدي ليك واحافظ علي كلمتك حتي لو فضلت عذراء طول عمري وياريت ترضي عليا وتجهش بالبكاء
لتحضر امها وهي بتبكي بحرقه وتاخدها في حضنها
وتواسيها ويقرأو القران هي وطارق وسناء
يخرجوا من المقابر يلاقوا احمد بانتظارهم
طارق:: صباح الهير يا احمد يلا بينا نروح
احمد :: لا يا طارق عايز اكلم مني ممكن كلمه
مني:: ماشي يا احمد اتفضل
احمد عايز رايك في موضوع ممكن تروحوا انتي يا مرات عمي انتي وطارق وانا هرجع منى
مني:: خير يا احمد
احمد :: في بنت بحبها جدا ومش هتجوز غيرها وعايزك تساعديني وتقنعي بابا
مني::: انا ليه
احمد :: لان بابا بيعزك جدا متعرفيش انتي بالنسباله ايه
علي فكره كان عارف غلاوتك عند باباكي
وهو بنفس الحب بيحبك وسعيد انك مرات ابنه
واكيد لو كلمتيه هيوافق
مني:: وهو هيرفض ليه
احمد:: لانها بنت مزارع غلبان
ومش نفس مستوانا الاجتماعي
وبنظره هي مش تناسبني مع انها متعلمه
خلصت ثانويه عامه
لكن ابوها مش عنده مقدره يعلمها اكتر من كده
وانا لو اتجوزتها هساعدها تكمل تعليمها
وهتبقي زيي تعليم عالي استني
ونادي لبنت من اللي شغالين بالارض وهما ماشين
احمد :: ورده يا ورده
وتجي بنت فيها جميل الريف بروحها الطيبه وعفوتها الجميله وطلتها الحلوه بدون اي رتوش
ورده:؛ ايوه يا سي احمد
احمد ؛؛ اعرفك دي مرات اخويا حسن وبنت عمي الباشا مهندس زاهر الله يرحمه
ورده:: يا اهلا يا اهلا نورتي البلد يا ست مني
منى:: ايه ست منى دي اسمي منى بس فاهمه
مني:::اوعي تكون هي ده لا مش ممكن بجد
دي انا هخلي عمي يجي يخطبك النهارده قبل بكره
هو في جمال كده او براءه بالشكل ده
ورده:: تتكسف وخدودها تحمر خجلا وتطلع تجري
احمد ::انتي بتتكلمي بجد يا مني
يعني هتكلمي بابا
انتي لو نفذتي كلامك دا انا هعملك اي حاجه تأمريني بيها بدون اعتراض
مني:: سيب الموضوع ده عليا وعيب احنا اخوات
____________ تصل الدار وهما لسه بيفطروا
مني :: صباح الخير جميعا ايه اتأخرنا عليكم كويس
لحقناكم علي الفطار
سناء:: انا دايخه اووي مش هقدر اكل حاجه شكلي
اخدت ضربة شمس هقوم اغسل وشي واجيلكم
لتقع علي الارضمغمي عليها
والكل بخضه بالغه سناء سناء
طارق:: يحملها للغرفه بانتظار الدكتوره تطمنهم
الدكتوره :: مبروك يا حاج عبد المجيد سناء حامل
لتعم الفرحه المنزل
ويضرب احمد وعلي نار ابتهاج بالخبر السعيد
منى:: تحضن طارق مبروك يا حبيبي الف مبروك يا ماما
طارق :: شوفتي لما ادبتك بعدها بيوم بس
علشان تحرمي تقوليلي متقدرش
ها قدرت ولا لاء تضحك سناء وتتكسف
عبد المجيد :: يلا اتشطري عايزين زاهر الصغير ينور الدنيا
طارق :: انا قلت بعد ٩ شهور لكن سناء مستعجله
خلتهم ٧ بس هو في كده
ويبوسها علي جبينها مبروك يا ام زاهر
سناء :: يارب يا طروقتي ويكون شبهك
هدى:: مبروك وربنا يتملك علي خير
والله الفرحه مش سيعاني
الحاجه فاطمه::: يابركه يا حبيبتي مبروك يا ضى عيني خلي بالك من نفسك وبطلي جري وتنطيط
هدى:: مش تقلقي انا هحطها في عيني
دي شايله زاهر الصغنن
احمد:::اشطات هبقي انا وانت خالو يا علوه
والكل سعيد بالخبر كانه بدايه لفرح لا ينتهي
__________بعد شويه
مني ::عمي عايزاك في موضوع
عبد المجيد:: خير ايه حامل انتي كمان وهتفرحيني
مني:: لا بس ليا طلب ممكن توافق عليه
عبد المجيد :: موافق من غير ما تطلبي ها ااؤمري
مني:: احمد عايز يخطب ورده بنت حسين المزارع
عبد المجيد:: يعني انتي شيفاها تناسبه دي مش متعلمه زيه ولا مناسبه ليه خالص يعني لا مستوي ولا تعليم
منى :: لو علي انها فقيره شوف ماما ربيتنا احسن تربيه وكانت زي ورده كده بتتعلم في بيت بابا
عبد المجيد
بعد فترة صمت :: لو حد غيرك كنت هرفض لانهم مش مناسبين لينالكن كلامك صح مش بالمال
وعلشان انا وعدتك ان طلبك مجاب اناموافق
البت حلوه وهاديه انا شوفتها
يلا خلي الفرحه فرحتين ها في حاجه تانيه
مني :: اه زي ما قولت نخلي الفرحه فرحتين نخطبهاله النهارده ونفرح ونفرحه ونحدد ميعاد الزفاف
عبد المجيد :: كمان حاضر ابعتيلي علي
خليه ينادي عمك حسين يلا بسرعه
خلينا نلحق نجهز نفسنا
مني:: بفرحه ربنا يخليك ليا يا عمي
عبد المجيد::فرحتي الكبيره لما اشيل ابنك انتي وحسن روحي فرحي احمد ده عرف يوسط اللي تكسب له القاضيه
مني::تخرج وتقابل احمد بسعاده مبروك يا احمد عمى
وافق ومش كده وبس هنخطبلك النهارده كمان
وطلب مني ابعت علي ينادي ابوها يلا خلينا نفرح
احمد؛؛ ربنا يباركلي فيكي يا مرات اخويا
ااؤمريني اعملك ايه علشان ارد جميلك
مني :: عيب يا احمد فرحتك فرحتي
وتنزل فاطمه وتسمع الخبر
ولتاني مره الزغاريد تعلي في بيت المنفلوطي
وجه حسين وطلب منه عبد المجيد
انه يجي يطلب بنته ورده لابنه احمد
ووافق حسين واتفقوا انهم يحضروا بعد صلاة العشاء
لقراءة الفاتحه والاتفاق
والكل ذهب لطلب العروس وحددوا ميعاد الخطوبه للغد والزفاف بعد خمس شهور
وضرب النار والزغاريد تصدح في سماء البلد ليعلم القريب والبعيد بفرحه العيله الكبيره
_______حسن في طريقه للبيت بعد يوم عمل شاق وهو بيعد الوقت يجري علشان يشوف مني بعد ما قضي يوم من غيرها ليدخل البيت يلقيه ضلمه ولا حياة فيه
معقول مش رجعوا ليتصل ولا مجيب ابوه واخته واخيه وزوجته
معقول كده يا منى تقلقيني عليكي ياتري انتوا فين
ويعاود الاتصال علي الجميع مره واتنين ليدب القلق في قلبه
علي حبيبته واهله
ليقرر السفر حتي يطمئن قلبه ويري حبيبته التي اشتاق لها
_____________وبعد ساعات السفر المرهقه
يصل حسن والشوق اخذ منه ماخذه
٠_______________ في منزل الحاج عبد المجيد
حسن :: يدخل البيت وينادي علي الجميع
شلبيه :: ازيك يا دكتور حسن حمدلله بالسلامه
حسن :: الله يسلمك فين اهل البيت
شلبيه :: كلهم خرجوا يخطبو لسيدي احمد بيه مبروك يا سيدي
احمد::: ازاي يعني ومحدش يبلغني
________وبعد قليل يدخل الحاج عبد المجيد والجميع وراءه
عبد المجيد :: حمدلله بالسلامه يا حسن جيت في وقتك
بكره خطوبة اخوك
حسن :: ينظر لمنى بغضب طيب محدش يبلغني وتسيبوني قلقان عليكم كده
منى :: : اسفه والله بس الموضوع حصل بسرعه وكمان تعب سناء الصبح سرع الاحداث
حسن ؛؛؛ الف مبروك يا احمد ويحتضنه ومالها سناء
تجري عليه سناء بفرحه وتحتضنه هخليك خال يا ابيه
حسن :: بفرحه بجد مبروك يا حبيبتي مبروك يا طارق
وتعم الفرحه زياده بحضور حسن
ولم شمل الاسرتين
ويجتمع الجميع علي السفر ليتعشوا
وحسن يختلس النظر لمنى من كثرة شوقه
نفسه ياخدها بحضنه ويقولها وحشتيني اووي اووي
وبحبك مووووت وليه لاء بعد غياب يوم عنها مش قادر يتحمل وهي مراته ايه المانع
يخلي زواجهم حقيقه وتكون الليله
وكل الليله بين احضانه _______
ليستعد الجميع الي الذهاب لنوم
وترتبك مني وهي طالعه السلم وتقف فجاءه
حسن:: مالك تعبانه ولا ايه
منى:: هتنام فين
حسن:: في اوضتي
منى::وانا هنام فين
حسن::: في اوضتي
منى ::؛: لا طبعا خلاص هروح انام مع طارق وسناء
حسن::: يشدها من ايدها بغضب: انتي عايزه تفضحيني
منى::: في ايه مقدرش انام معاك في اوضه واحدة ازاي
حسن:: ويدخل الاوضه وهو بيشدها وهي بتحاول تخلص نفسها من ايده التي اطبقت علي ايدها تخنقها
لتزيد غضبه يرميها علي السرير
ويقلع جاكت البدله ويرميه بعصبيه
ويوطي عليها ويقولها مكانك هنا في سريري
__________
_______يتبع .
