رواية دموع عذراء الفصل الخامس 5 بقلم سلمي سمير
الفصل الخامس__________________________
وتستمر الايام وينهمك حسن في الاستعدادات لافتتاح المستشفي
ومني في دراستها
ويتقربو من بعض كأصدقاء
كانت تواظب علي واجباتها المنزليه من رعايتها ل
وكل تفاصيل الاعمال المنزليه الاخري
وفي الليل لا يخلي من الحديث في نواحي المجالات ليكتشف حسن توافقهم في مجالات كثر
وفي عشاء احدي الايام دخل حسن المنزل
وكانت منى تقوم بتحضير طعام العشاء
مني :: حمدلله بالسلامه
خد شور علي ما اخلص تجهيز العشا
حسن : الله يسلمك
حاضر دقايق واكون جاهز بعد قليل
وتجهز منى السفره وتنتظر حسن علشان يتعشو سو
ويدخل حسن وشعره مبلول ويقعد امامها
منى:: تبص ليه كم انت وسيم
حسن:: بتقولي حاجه
منى:: لا ابدا
حسن:: الطعام ريحته ذكيه وياكل وهو بيبص ليها باعجاب واضح
___________ بعد العشا
حسن :: انا محتار ليكي جدا يا منى
منى:: ليه حصل مني حاجه
حسن:: بالعكس
منى:: اومال ليه محتاح
حسن:: هقولك زوقك رقيق جدا
غيرتي تصميم المنزل لتضفي عليها لمست جمال
وطباخه ممتازه ووست بيت شاطره
والاهم طالبه مجتهده وممتازه وناجحه
ازاي عندك للوقت لكل ده وناحجه فيه بامتياز
مني بابتسامه ساحره : اولا لان بابا كان بيحب ياكل من ايدي وكنت بساعد ماما في كل الواجبات والاعمال المنزليه
لان ماما كانت دايما تقولي شطارة البنت في بيته
وتعليمها يزيدها شطارة علشان تنفع بيتها وجوزها واولادها
وكمان ده واجب اي بنت تجاه جياتها الزوجيه
حسن:: حتي لو ثرية وتقدر تجيب اللي يخدمها
مني:: حتي لو ثريه
الرجل بيحب يحس راحته في بيته
وجمال الاسرة في دور الزوجه اللي بترعاه مش المال
حسن :: اتجوزتيني ليه يا مني مدام المال مش هدفك
مني:: كلمة بابا لعمي ووصيه جدي الله يرحمهم كانت كفايه
وانا حافظت علي وعد بابا
حسن ::: ده يخليكي تتجوزي انسان ممكن مش يقدر يقدرك او يصونك ويعرف قيمتك
مني:: كل واحد بياخد نصيبه وقسمته
واديني كسبت بزوجي منك احسن صديق واخ بالدنيا
حسن :: وافرضي كنت طلباتك بحقوقي الزوجيه
مني :: كنت هرضي بنصيبي زي دلوقتي
وهحاول اكسبك واساعد نفسي اني احبك وتحبني علشان نأسس اسرة سعيدة زي اسرتنا
حسن ::: لو جه يوم وطلبت تكملي معايا وتكوني زوجتي الفعليه هتوافقي
مني؛؛ لا
حسن باستغراب:: يعني ايه انا جوزك شرعا
مني:: ايوه جوزي
لكنك متزوج وبتحب زوجتك انت قولتلي كده يوم زفافنا وانت اتجوزتني علشان تحقق طموحك
وتاسس مستقبل
يعني كنت ليك وسيله تحقق بيه كل امنياتك
علشان كده مش ينفع اكون اكتر من صديقه واخت
حسن:: في انسان في حياتك تتمني تكوني عذراءعلشانه
مني :: انا هقوم انام تصبح علي خير
حسن:: اتهربتي من السؤال
لكن هروبك بيثبت ان في حد بحياتك
مني :: في اوضتها مش تقلق يا حسن
لا انت ولا غيرك بعد ما كنت السبب في موت بابا انا مش عايزه اخسر حد تاني
ولو كنت اتمني حد هيكون اتت
ونامت ودموعها علي خدها
__________في شقة المهندس
وبعد رجوع طارق وسناء من شهر الغسل
طارق يعود لشركته
وسناء لدراستها
طارق يعود من الخارج من عمله
طارق:: مساء الخير يا ماما ويوطي يبوس ايدها
هدى:: تسلم ليا يا حبيبي من كل شر
طارق:: اومال فين سناء
هدي:: بتذاكر ياابني انت عارف امتحاناتها قربت
قوم غير انت وانا هجهز العشا ليكم
يدخل اوضتهم وسناء بتذاكر تشوفه
سناء؛؛ طروووق حمدلله بالسلامه اتاخرت ليه حبيبي
طارق :: طمنيني عليكي عامله ايه بالمذاكره الاول
محتاجه مساعده
سناء ::: ايوه اتفضل جمبي وجودك بيشجعني
طارق ::: اه انتي بتدلعي بقي وشغلي يا مدام
ولا انا فاضيلك يعني
يلا قومي ساعدي ماما في تجهيز العشا
وعلي فكره اخر الشهر بعد امتحانات الترم هنسافر البلد نزور اهلك وهقول لمني يمكن تحب تيجي معانا
سناء بفرحه ::بجد انت احلي طررووق في الدنيا
ربنا يرحمك يا عمو انك طلبتتي لطرووق العسوله ده
امووواه بوسه علي الهواء لحد بعد العشا
يجري عليها يحضنه
طارق :: هواء ايه مش ينفع مفيش عشا غير لما احلي الاولي
سناء:: لا وتضحك وتجري منه تستخبي ورا هدي
وهو يقولها بعني بتتحامي فيها طيب لينا اوضه اشوف هتتحامي في مين
هدي::: تضحك و تدعيلهم ربنا بسعدكم كمان وكمان
سناء:: تخرج من ورا هدي وتقوله هتحامي فيك انت
هو انا ليا غيرك وترتمي في حضنه يبوسها علي شعرها ويقولها يلي بطلي دلع عايز اتعشي
ويروح يكلو والكل بيضحك
_____________ووبعد العشا
طارق:: ماما عايزاك في موضوع
هدى :: خير يا ابني
طارق: قومي انت يا سناء خلصي مذاكراتك
وانا هكلم ماما واجيلك
هدي :: تعالي اوضتي نتكلم براحتنا
وهي حسا ان الموضوع اللي هيكلمها فيه تعرفه
طارق:: ماما انت كنتي تعرفي ان بابا كان علي وشك الافلاس وان سمعة الشركة كانت في الارض
لكن تسليم مشروع الحكومه في الميعاد انقذ الشركة من الانهيار
هدى:: تبص علي صورة زاهر وتبكي ايوه عارفه
طارق :: ازاي ده حصل وليه مش قولتيلي ليه تحسسوني اني مكنتش قد المسئوليه
هدى:: ابوكم كان بيخاف عليكم من الفقر اللي عشنا فيه سنين بعد ما جدك غضب علي ابوك
وحكت ليه كل اللي حصل
لحد عرض جده وازاي عمه سلم باباه شيك بمليون جنيه علشان يقدر يرجع الشركة وينقذ المشروع
طارق:: يعني بابا وافق علي الجواز علشان ينقذ الشركة
هدى:: لا ابوك وافق علي جوازكم ارضاء لجدك وكان انقاذ الشركه مش المشكله كانت موافقتكم الاول اهم
لكن بسبب رغبة جدك
وموافقة ابوكم علي جوازكم كان سبب ان جدكم يسلم ابوك شيك المليون جنيه و ينقذ الشركه
طارق:: وانا كنت مستغرب طب ليه مش قولتيلي مكنش جراله حاجه بابا مات لانه حس انه بيظلمنا
وبالذات بعد ما انهارت منى صعب عليه نفسه انه اجبارنا علي الجواز وبالذات منى لانها كانت نور عينه
كنتي لازم تعرفيني علي الاقل يا ماما
كنا لازم نقدر ونعرف الظروف
علشان نقف جمب بابا اتخيلي لو كنا رفضنا
اكيد عمي كان هيطلب الشيك
علشان كده كان مصر يكلم منى
قبل ما يحسابني زي ما قال
ياه انتو اتحملتو كتير اووووي
ومنى لازم تعرف بابا مات لانه مش اتحمل انه يجبره لانها كانت زعلانه لما اصر علي جوازها
هدى:: لا يا طارق مفيش داعي اختك نفذت كلمة ابوك
وكفايه احساسه بالذنب وهي مش عملت حاجه لو عرفت ان ابوك مات بسبب كده هتحس بالذنب اكثىر
طارق::: قبل ايد امه وقالها لازم تعرف
هي ظنت بابا فضل الفلوس عليها لكن الوضع كان العكس هو عمل كده علشانا
ومش تخافي منى لازم تتاكد انها لحد موت بابا كانت نور عينه وراحتها كانت كل همه في الدنيا
هدى:: طيب طمني وضع الشركة ايه دلوقتي
طارق:: الشركة حاليا الاولي في السوق
تعرفي اني المسؤل عن المستشفي بتاعة حسن
وكمان الفلوس اللي ورثتها خليتني كبرت الشركة
وبقيت اخد مناقصات اكبر
مش تقلقي حلم بابا وتعب السنين هحافظ عليه بروحي وكمان كفاية انه كان سبب اني اتجوز ملاكي الجميل سناء
هدى:: ربنا يسعدكم وافرح بولادكم
طارق:: ان شاء الله يا ماما
مش عايز ازيد عليها بس دلوقتي
تلخص دراسته وانا هملي ليك البيت عيال
هدى:::يارب يا ابني انت ومنى افرح بولادكم
طارق:: سهرتك يا ست الكل يلا تصبحي علي خير
هدى:::وانت من اهل الخير
____________ يخرج من عند امه ويبص لصورة ابوه ويقبلها ويقولها الله يرحمك يا احن اب بالوجود
ويدخل الاوضه علي سناء
طارق :: سناء خلصتي
سناء :: ايوه حبيبي
مش محتاجه اي مساعده
سناء:: تسلميلي حبيبي انت وجودك في حياتي كفايه
طارق:: سناء انا بحبك اوووي مش مصدق نفسي
ان لولا اللي حصل كان ممكن مش نتجوز
سناء :: هو حصل ايه
طارق:: مش مهم اي حاجه اللي حصل كان نصيب وانتي بقبتي نصيبي وقسمتي
عمر ما اقدر اتخيل حياتي من غيرك
انتي اجمل و احلي ما في دنيتي
سناء:: عارف لما بابا قالي عمك خطبك لابنه
قلبي كان مرتاح ولما شفتك قلت هو ده اللي تمنيته انت قدري يا طارق وانا بموووت فيك
طارق:: بقولك ايه نامي علشان عندك امتحان بكره بدل ما اتهور
ويبقي مفيش نوم لا ليا ولا ليكي ولا شغل ولا امتحان
سناء::: هههه ماشي بس بردك بحبك بجنون
طارق :: يا بت اتلمي خلي ليلتك تعدي
قبلها علي شعرها وخدها بحضنه
وقالها اصبح علي اجمل بنت في عيوني وينامو في حضن بعض ليبداءو يوم جديد ___
___________ بعدها بكام يوم ومني بتجهز العشا وبانتظار حسن
حسن:: السلام عليكم
منى:: وعليكم السلام جيت في وقت
يلا الحمام جاهز خد شور وتعالي اتغدى
واحكيلي المستشفي وصلت لفين
حسن::: الاول غمضي عينك عاملك مفاجأة
منى::: بطل رخامه ايه هي
طارق ::: انا ينفع
منى ::: تجري تترمي بحضنه طارق وحشتني موووت فين سناء ولا جاي لوحدك
طارق::: سناء بتذاكر انتي عارفه امتحانات التيرم
و ماما مريحها خالص ومش بشوفها
غير ساعة النوم عايزه تطلع الاولي علي الدفعه كالعاده
حسن ::: بيضحك طبعا طالعه لاخوها
اختك بقي مش بترحم نفسها شغل في البيت ومذاكره زي ما انت شايف
منى:: كلها حاجات بسيطه بس انت ايه فكرك بينا
طارق:: كنت معا جوزك بالمستشفي
وعزمني علي العشا كلمت ماما وقلت ليه هتعشي معاكم وجيت اشوف اختي حبيبتي
منى::: يا حبيبي يا طارق ربنا ما يحرمني منك
طارق ؛؛؛ بعد العشا عايزاك في موضوع
مدام جيت بقي
حسن :: نتعشا الاول وبعدين اتكلمو زي ما انتو عايزين
وانا اللي هعملكم الشاي
منى::: لا كتير يا راجل هنتعبك كده معانا
وينطلقو في موجة ضحك ______
___________بعد العشا
حسن اتفضلو في مكتبي
وانا هجهزلكم الشاي ولا تحب قهوه
طارق ؛؛؛ خليها شاي تعالي يا منى
منى::: خير يا طارق قلقتني
طارق::الاول انتي عامله ايه معا حسن
منى:: الحمد لله مفيش احسن من كده
طارق:: يعني حسيتي قد ايه بابا اختارلك صح
وعلشان كده كان مصر علي جوازك من حسن
مني:: بابا ليه حق في كل حاجه انا بس اللى اتسرعت ياريت كان عايش كنت فضلت اراضيه واطلب السماح منه
طارق:: لو قولتلك ان بابا مات بسبب حزنه عليكي
وانه اجبرك علي الجواز كان غصب عنه
منى::: مش فاهمه
طارق؛:: بابا وافق علي الجواز علشانا مش علشان الفلوس فاكره لما سافر علشان الشركة كانت فيها مشاكل
بابا كان هيبيع كل ما نملك علشان يقدر ينقذ الشركة من الانهيار وجه عرض جدك والجواز والميراث
انقاذ ليه ولينا
علشان نعيش مرتاحين مش نرجع فقراء
منى :: بانهيار يعني بابا كان بيفكر فينا احنا
وانا حرقت دمه وتصوت وتبكي بحرقه ليه مش قال لينا ياريته عرفنا سامحني يا بابا ليه ليه ليه
وتلطم علي خدها وتبكي وتصرخ وطارق يحاول يمنعها
انا السبب انا السبب
يارب خدني يارب خدني ياريتني عرفت كان زمانه بينا انا كلبه حقيره استاهل الموت وتخبط راسها في الحيط ليمنعها حسن وياخدها علي صدره وتجهش بالبكاء
حسن:: اهدي يا منى اللي بتعمليه ده مش هيرجعه
طارق :: ماما حذريتتي ياريتني ما قولتلك انا اسف يا منى زودت من عذابك
منى:: لا يا طارق بالعكس كنت لازم اعرف
علشان كنت ظالمه بابا لكني اتاكدت اني كنت عنده اغلي من نفسه وانا اللي كنت انانيه
وفي سرها ياريتني انا اقدر اقولك ازاي كنت بشعه وحقيره وانانيه ومغروره انا مش استاهل اعيش لحظه وفكرت بنفسي وكنت السبب في موته هو بيدور علي راحتي و انا اقتله واطعنه في حبه ليا
ليه ليه حبيتني اوووي كده يا بابا انا
والله ما استاهل حبك ليا وتضحيتك بكل غالي
وتسكت وتكلم نفسها لكن لو عرفت يا طارق انت وماما لو عرفتوا علي اللي قلته لبابا هتكرهوني
وخلاص ومبقاش ليا غيرك انت وماما
سامحني يا طارق سامحني يا بابا سامحيني يا ماما
وتجهش بالبكاء
حسن""" يخدها بحضنه ويضمها اوووي وقلبها بيتقطع عليها وعلي اللي عملته في نفسها
حسن:: روح دلوقتي يا طارق وانا هطمنك عليها
طارق:: خلي بالك منها
حسن :: دي في عيوني وياخدها يغسلها وشها وبدخل ببها اوضتها لاول مره من يوم زواجهم ويحضنها لكتها تستكين بين احضانه كانها غرقانه تبحث عن من ينقذها
وتبكي وهو يطبطب عليها
وتغفو بحضنه من الارهاق والتعب ليضع راسها علي المخده ويفضل بالاوضه لحد ما تنتظم انفاسها واطمن انها نايمه رغم دموعها اللي مش اتوقفت
حسن:: حزنك وجع قلبي اووي يا منى اه اه ياريتني اقدر اخد المك ووجعك
واديلك سعادة الدنيا كلها بس ايه سبب كل ده
ويدخل وينام وقلبه بببكي علي حزن منى
وينتهي يوم حزين من دموع عذراء
يتبع.......
