رواية بنات الملا الفصل الرابع 4 بقلم رغد الموالي
.............
+
يكولون الايام كفيله بتداوي الجرح
مرت الايام وحزن عمي يكبر وي لحيته الي غزاها الشيب وبدت تبين للناظر تقدم العمر والسنين الي مرت بحلوها ومرها
+
صار يتكأ بحني الظهر على عصا مالته ويوميه يروح للگهوه بعد صلاته بالجامع
+
ترك كلشي والعطاره صارت بيد عبد المجيب
لحيته طولت وعيونه استوطن بيها الحزن والفقدان
فقدان الابن صعب جداً
عاش حزنه شعبان مثل حزن يعقوب على يوسفه
يواسي نفسه بالنهار بين الناس ويختلي بحزنه في الليل
+
في الادب الروسي انطون تشيخوف وصف الموت وألم الفقدان بالنسبة للام وهو نفسه للاب أيضا
فالام تبوح بحزنها اما الاب فهو يتكتم بحزنه
يقول انطون تشيخوف
+
لقد توفيت منذ دقيقتين ..وجدت نفسي هنا وحدي معي مجموعة من الملائكة،و آخرين لا أعرف ما هم،توسلت بهم أن يعيدونني إلى الحياة،من أجل زوجتي التي لا تزال صغيرة وولدي الذي لم يرَ النور بعد،لقد كانت زوجتي حامل في شهرها الثالث،مرت عدة دقائق اخرى ،
جاء احد الملائكة يحمل شيء يشبه شاشة التلفاز أخبرني ان التوقيت بين الدنيا والآخرة يختلف كثيرا الدقائق هنا تعادل الكثير من الايام هناك
" تستطيع ان تطمئن عليهم من هنا "
قام بتشغيل الشاشة فظهرت زوجتي مباشرةً تحمل طفلاً صغيراً !
الصورة كانت مسرعة جداً،الزمن كان يتغير كل دقيقه،كان ابني يكبر ويكبر،وكل شيء يتغير،غيرت زوجتي الأثاث،استطاعت أن تحصل على مرتبي التقاعدي،دخل ابني للمدرسة،تزوج اخوتي الواحد تلو الآخر،أصبح للجميع حياته الخاصة،مرت الكثير من الحوادث،وفي زحمة الحركة والصورة المشوشة،لاحظت شيئاً ثابتاً في الخلف،يبدو كالظل الأسود،مرت دقائق كثيرة،
ولا يزال الظل ذاته في جميع الصور،كانت تمر هنالك السنوات،كان الظل يصغر،و يخفت،ناديت على أحد الملائكة،توسلته أن يقرب لي هذا الظل حتى اراه جيدا،لقد كان ملاكا عطوفاً،لم يقم فقط بتقريب الصورة،بل عرض المشهد بذات التوقيت الأرضي،و لا ازال هنا قابعاً في مكاني،منذ خمسة عشر عام،أشاهد هذا الظل يبكي فأبكي،لم يكن هذا الظل سوى "أمي " .
+
بعد هذه الفتره من الحزن رجعت الامور لطبيعتها الولد بعد الفاتحه رجعو لشغلهم ويشوفون ارزاقهم
الا عمي الي بقه ملازم كعدة الكهاوي
يمكن يتهرب من وحشة البيت وطيف عبد الرحيم الي بكل مكان موجود وي ذكرياته
+
رجعت اعالج بدره ومستمره على علاجها لكن ماكو اي فائده
+
الحال مثل ماهو بهذه الشهور الي مرت ولدت زمرد بنتي الثالثه جانت حلوه مثل خواتها
رجعت اكمل علاجي بدره وعرفت مؤخرا أن دره مصابه بشلل الاطفال يعني عمرها كله مراح تكدر تمشي
+
بسعاد.... يعني شلون بنتي متمشي بعد عبد المجيبببب بنتي متمشييييي ( لطمت خدودي وصرت ابجي)
+
عبد المجيب.... كولي يالله يامره وخلي عينج بعين الله شنو هالحجي هذا ميصير البنيه تخاف من تشوفج هيج
+
بسعاد.... بس كلي شلون.... البنيه متمشي بعد عبد المجيب صوجي اني
اني السبب اني الي سمعت كلام الجده وكلام هاي وهذيج وكل يوم اكول باجر تمشي تالي بنتي مصابه بالشلل وماادريييييييي
اويلي ياربيييييييي راح ابقه شايله ذنبها طول عمريييييييي
+
عبد المجيب.... وانتي جنتي رايدتها يعنييييييي
صلي على النبي وكولي يالله
+
بسعاد.... عليه الصلاة والسلام بس مو بيدي اروحلك فدوه كلي شسوي وين اروح شلون ارجع عافية بنيتي
+
عبد المجيب.... هاهيه فوضنا امرنا لله عسى ان يعاين لحالنه ماالنه غير الله
+
بسعاد.... ونعم بالله رب العالمين.... رفعت ايدي بالدعاء واندعيت من رب العالمين ان يشفيلي بنتي
+
ليلتها هم مانمت مكابلتها وكاعده وهي نايمه تغط بنوم عميق
دموعي مانشفت وتأنيب الضمير ياكل بيه أكل
سمعت صوت الاذان تعوذت من الشيطان وكمت طلعت بره حتى اصلي الفجر تلكاني عمي شعبان شايل الفانوس ويمشي
+
حجي شعبان... صباح الخير بنيتي
+
بسعاد... مسحت دمعتي ورديت صباح النور
+
حجي شعبان.... حصلي هنا بالاستقبال تجسن بنيتي
+
بسعاد... جايتك حجي بس اتوضه
+
حجي شعبان.... دهاج الفانوس ضلمه كلشي ماينشاف روحي توضي بس قبلها خل افرش سجادتي واكعد
+
وصلته للاستقبال وفرش سجادة الصلاه واخذت الفانوس ورحت خليته على الطباخ ووكفت اجدد وبالي سارح شلون شحسوي
+
كملت الوضوء واجيت اخذت الفانوس بعدين انتبهت هو على الطباخ
بيني وبين نفسي.... هاي شداسوي يعني هسه لو النار مشتغله واني خليت القوري بدون ماانتبه جان احتركنه
اوووووو يااربي بالي ليل نهار مو وياي واني تعبت كلش
+
تمشيت حدما وصلت بالاستقبال يم الحجي وكفت على سجادتي اصلي
جنت وي كل سجده على احس همومي تنرمي للارض
كملت الصلاة وسلمت ودعيت لربي لشفاء بنتي دره
صرت ادعي حدما بجيت
+
حجي شعبان... شبيج بنتي ليش تبجين
+
بسعاد.... دره عمي.... دره
+
حجي شعبان.... عفيه بنتي ادعيلها ماالنه الا الدعاء
+
بسعاد .... الليل مداانامه من وجع روحي اني شلت ذنبها اني هملتها
+
حجي شعبان.... لا يابنتي لاتحجين هيج انتي ماجنتي تدرين ولاتعرفين
+
بسعاد.... والله لو ادري دقيقه مااكعد بيها اروحلها على احسن دكتور واعالجها بس شبديه كل وحده دكلي شكل ومشيت وره كلام النسوان الكبار كلت خبره ويعرفن
+
حجي شعبان.... جر نفس بحسره وهز راسه بتحسف كال.... دره شلنه ذنبها كلنه والوحيد الي جان يذكرنه وينبهنا عنها عبد الرحيم
جنت اكول هالوليد هذا عليمن طالع غيرررر
ابو الكتب والمثقف بس كلشي طلع يعرف ويفتهم نبهنه ومااهتمينه
+
بسعاد.... اي والله شكثر جان يكلي بسعاد شوفي دره ليش مامشت بسعاد لاتعوفيها واني هملتها ماافتهم هملتهاحجييييي
صرت ابجي اكثر واكثر
قبلني من راسي عمي الحجي وتكلم
كومي بنتي كومي نامي شويه قرب الصبح وانتي مانايمه وراج بيت وجهال وتفترين من الصبح لليل هم الله مايرضاها
+
بسعاد.... مسحت دمعي وكمت رحت لغرفتي مددت يمهم ونمت
+
الصبح حسيت بتثاقل بجسمي تعب مفرط وجواهر ودره يكعدون بيه وزمرد تبجي
كمت رغم تعبي اسويلهم الريوك هاي تبجي وهذيج تجر بثوبي وتكمز وتبجي
وااني احس بس جسد يتحرك وروحي وعقلي ماكو
مجربين احساس لما تداهمك الالام واوجاع وتصير تحس روحك تخلت عنك وجسمك كوه يتحرك
+
فار الحليب وكع على الطباخ وثنينهم يبجون
اسرعت دااطفي النار وكعت صينية الريوك على اثرها صرخت بيهم ثنينهم
اجت نعيمه وجميله هاااا شكو شصايرررر شبيج بسعاد
+
بسعاد.... عفتهم وطلعت وعفت البنات يمهم رحت لغرفتي وكعدت ابجي واسكت بزمرد
شويه واجت جميله.... شبيج بسعاد ليش هيج صارلج كم يوم مو بسعاد الي نعرفها وبس تبجين شصاير وياج
+
بسعاد.... يعني ماتدرين الي بيه
+
جميله... لاتفقدين الامل حبيبه خلي عينج بعين الله
+
بسعاد.... ونعم بالله بس مو بيدي بنيتي هاي
+
جميله.... حقج وماالومج بس لازم تصيريلها انتي سندها
+
بسعاد.... شلون واني لنفسي مدااصيرلها سند
+
جميله... لازم بسعاد لازززم انتي أو ابوها
لازم تكونون الها سند وتصيرون رجلها الي تمشي عليها انتو خطواتها انتو سعادتها لازم تصيرون
+
بسعاد.... ولمن تكبر وتشوف البنات الي بعمرها تزوجو وهي لا؟! شلون حكدر اخليها تكون سعيده
+
جميله... وليش تزرعون براسها الزواج؟ ليش كل انجازها لازم من تكبر تتزوج يابسعاد سعادة الانسان مو شرط تكتمل بشخص ثاني
صيري مصدر قوتها سعادتها خطواتها علميها شجعيها خليها لما تكبر تفتخر بنفسها تفتخر وهي على كرسي كدرت تصنع شي عجز الي يمشي يسوي
كوني انتي الطاقه الايجابيه الها
لازم
( خلت ايدها على كتفي بمواساة وباوعتلي بتأكيد)
لازم انتو مصدر قوتها تكونون والا هي مراح تسامحكم من تكبر لان حتباوع على المقعدسن الي مثلها وتسمع او تشوف انجازاتهم وتكللكم ليش ماخليتوني اكون مثلهم
عيونها يابسعاد مراح تركز على الناس السليمه بكد الناس المقعده
تعايشي وي وضعج الجديد ولازم تكونين قويه حتى بنتج تقوى!
+
طبطبت على كتفي وكفت وتكلمت
ربي يريح بالج ويهدي سرج
+
جرت نفس بحسره وراحت صفنت لكلامها
جان كلامها جدا مؤثر اول مره احس بالطاقه الايجابيه الي هي ذكرتها
اول مره يكون عندي حافز ودافع معنوي للتعايش وي وضعي واتقبل الي سمعته
ماكدرت اغلطها بكلمه
جان راحه نفسيه مو كلام
صفنت وي روحي اني ليش كل هالحزن والكأبه فعلا مثل ماهي كالت اكون الها مو عليها لازم اكون سند لبنتي
+
كمت من مكاني ورحت لجميله قبلتها بلهفه وفرحه باوعتلي مستغربه ومندهشه تعابير وجهها تتسائل بمعنى ها شبيج جاوبتها.....
+
اني اشكرج مااعرف شلون اجازيج على كلامج حبيبه صدك ريحتي كلبي بهذني جلماتج
اني اوعدج راح اكون الها سند ورجليها الي ماتمشي عليها
جانت يمها دره كاعده تقربت الها وحاجيتها
يروح الماما انتي وقبلتها من رجلها
هذني رجليج لو خذلتج اني مراح اخذلج
راح اكون السند الج راح اصير رجليج الي تمشين بيها عمري انتي درتي
+
اكلتي يعمري اسويلج اكل؟
+
نعيمه.... اكلت عيني اكلت
+
باوعتلها جانت تباوعلي بعدم رضا جميله من يمها اشرتلي ان مااهتم الها
+
اخذت دره وكمت من يمها
مو ناقصني طلايب نعيمه ابد....
+
الايام تمرر والحال مثل الحال صارت تتولد براسي افكار ان ممكن زمرد تكون دره ثانيه وبقت براسي لحد ماسمعني احجي بهذا الموضوع
+
حجي شعبان.... كولي يالله بنيتي شنو هالحجي هذا.
+
بسعاد... والله ياعمي مو بيدي خايفه
+
حجي شعبان... لاتخافين دشوفيهن شحلاتهن
كولي يالله بنيتي كولي يالله ولاتحجين هيج
+
البيت يوم عن يوم يكثرون بي الاطفال
هوسه وليل نهار افتر اني وجميله نعيمه موكلش لان طلايبها طلايب وتخلق مشاكل فنتركها ونشتري راحة بالنه
يوم عن يوم جانت تزيد لدرجة ليل نهار بغرفتها ونايمه وجهالها مخليتهم وي جهالنه
+
بيوم علت اصواتهم هي وعبد الودود بالغرفه هو يحجي وهي ترد
+
عبد الودود... ( بصياح) ليل نهار بغرفتج جايبج للنوم انيييي كومي على بيتج على جهالج لج ريحة الغرفه متنجرع لاهوى يطبها لاضوه مدااطيق ساعه وحده اكعد بيها مدكليلي انتي شنو من بشررررر شلون متحمله هالوسخ هذااااا
+
نعيمه... مكلولك خدامه بيت ابوك انييييييييي افتهمت هذا اني وهذه عيشتييييي تريدني اخدم اهلك عيني شيخ
+
عبد الودود .... هاي اهلج ربوج هيج تحترمين الرجال يابنت الاصووووول
+
نعيمه... بنت اصول غصبا عليك وعلى كلمن يحجي عليه افتهمت لو لاااااااا
+
عبد الودود....( بعصبيه) لمييييي غراضج ولبيت اهلجج دقيقه متبقين بيتي من اليوم لاانتي مرتي ولا الج طبه بيتي بعد انتي... توه ينطقها وصرخ عمي شعبان من بره
+
عبدددد الودووووود..... سكتتت اصواتهم وطلع عبد الودود من غرفته ضايج ويستغفر
+
حجي شعبان... اصواتكم طالعه بره مو عيب من الجيران
+
عبد الودود.... يابه اروحلك فدوه لخاطر امي هي وبترابها هالمره مااريدها من عين باجر تشوفلي مره
+
حجي شعبان... شنو هالحجي هذااااا اسكت اكو بيت متصير بي مشاكل
طلعت بهل الاثناء نعيمه وتحجي يلااااااا اذا انت رجال روح تزوجج اصلا اني بعد مااصيرلك مره لو تبقه اخر رجال بالدنيااااااا امشي وديني لهليييييييي
+
عبد الودود... رفع ايده عليها مكورها يريد يضربها وصاح عمي الحجي عليه ورد صاح على عبد اللطيف يابه عبد اللطيف امشي وصلها لمرت اخوك خليها تروح لبيت اهلها ترتاح شويه وتطفى النار الي بينهم
+
تمشى متكأ على عصاه ويحجي... اعوذ بالله من الشيطان الرجيم
شيطان دخل بينهم حركهم بناره
اعوذ بالله من الشيطان الرجيم
+
فات لغرفته وسد الباب عرفناه راح يصلي ويسبح ويدعي...
+
اخذها عبد اللطيف لنعيمه لبيت اهلها وعبد الودود ضرب على رجليه بحركه وكعد متوتر وعصبي وضايج وصار يشكيلنه
+
عبالكم اني مامنتبه لسوالفها صارلي هواي منتبه وساكت اكول باجر تنعدل وراها تصير زينه
اليوم يمكن تغير
يمكن تمل من الكعده بس ماكووووو
مليييييت يااخي مليت
اطب للغرفه متنجرع ريحتها
ابني اجي اريد اشيله ابوسه مااكدر
ريحته متنجرع
بنتها صار بيها قمل لو ماابويه يروح يجيبلها خمره من العطاره مالتنه ويعالجها جان كلنه نعدينه هي ميهمها
+
جميله.... اي والله حتى كتلها طلعي فراشكم على الشمس خل يتعقم يشتم هوى
وكتلها غسلي فراشكم وبمي حار هم حتى كتلها اني اساعدج احميلج ماي حار ونغسله سويه هي ماتقبل
+
باوعتلها لجميله واشرتلها تسكت مو وكت نخلي على النار نفط لازم نذكره بزينها مايصير
+
بسعاد... دكول يالله ياعبد الودود وعلى كيفك هي هم صاحبة جهال وانتو هم ماشاء الله فوك فوك تخلفون متنطون لنفسكم مجال على كيفكم شويه
+
عبد الودود.... غير مفروض تنعدل وتصير ادميه اشو هياتجن انتي وجميله مو عدكم جهال اشو غرفجن ريحتها ترد الروح ونظيفه الفراش ريحته تردها للروح
ملابس جهالجن اباوعها مشروره على الحبل تضوي من النضافه ليش مرتي كل اسبوع داتغسل هدوم
تغسلها والريحه من كثر ما مرت عليها ايام وهي بوسخها ماتطلع ريحتها مو طيبه حتى لو مغسوله
ميصير اني هم حكي اجي الكه فراشي مكاني نضيف
+
سكتنه ثنينه منعرف شنحجي وشمايكول حقه جنه منتبهين وساكتين مانحجي
+
طلع عمي شعبان من غرفته واجه يمنه تكلم
بنيتي بسعاد انتي ومرت حماج فوتو لغرفة عبد الودود نضفوها زين تعرفين شنو زين يعني ومن تلكون بيها اوراق شي غريب جيبي الي
واخبطي خل وملح اغسلو بيها الغرفه ياب
+
جميله.... ليش عمي
+
حجي شعبان... علمود هذا النحس يروح منهم هواي اكو نحس بينهم اعوذ بالله
وانت عبد الودود روح اسبح وتعال لغرفتي
+
عبد الودود... ليش يابه
+
... وليدي خل ارقيك انت حيل تعبان ونفسيتك متدمره الله يعينك شلون داتمشي على طولك
+
نضراتنه اني وجميله وحده للثانيه تتسائل شنو صاير وياهم وليش هيج عمي شعبان خايف عليهم
+
فتنه للغرفه ونضفناها وغسلناها بخل وملح خشن
عمي شعبان كال خلو الباب مفتوحه والشبابيك
للمغرب كعد يقرأ القرآن بغرفتهم
+
حضرنه العشاء وفرشنه الحصيره بالطرمه وفرشنه السفرة والتمو الولد كلهم على السفره صحت لعمي شعبان يجي ويانه على العشاء
+
بسعاد... تعال عمي تعشه ويانه
+
حجي شعبان.... صدق الله العظيم... بنيتي ام جواهر اريدج تساعديني اريد هاي الغرفه كل يوم تنضفيها وتغسليها بخل وملح لمدة تلاث ايام
+
يسعاد.. ولو تدخل مني عمي بس ليش
+
حجي شعبان... بنيتي نعيمه مو بكيفها الي بي
عدها جن عاشق ووهسه واصله مرحله خجيره هي ماحاجيه لااحد
+
بسعاد.... وانت شلون عرفت عمي
+
حجي شعبان... عرفت بنتي عرفت راح اسوي الي عليه والباقي على الله
+
بسعاد.... هسه تعال تعشى عمي وبعيوني شتريد اني حاضره
+
حجي شعبان... ريتج سالمه بنيتي
+
كعد الحجي على السفره وجانو الكل ينتظروه
+
حجي شعبان... الله يقويكم ياولد
+
... اشكرك يابه
+
بدينه نتعشى باثناء العشاء تكلم عمي شعبان
+
حجي شعبان... عبد اللطيف شخبار شهاب
+
عبد اللطيف... رجع ويه اهله بس مايحاجيهم
+
حجي شعبان... فتره ويتعود وينسه
+
عبد اللطيف... والله يايابه حيل اتأذه هسه لو تشوفه يخوف بالضعف ذبلان وين هذاك شهاب الطول بعرض كوه يعدي الباب هسه منتهي
+
حجي شعبان.... العشگ ياوليدي وعمايله
طول ما انه مربيكم اخاف عليكم لايجيس گليبگم عشگ عبن العشگ لون ماوالم الگلب يصير جتال صويحبه يعبد اللطيف
تصدك عاد أني حيل قهرني هالشهاب هذا ورجعني بسالفته لسنيييييييييين وره
+
عبد الرحمن.... غمز وضحك هايابه وين رجعك
+
حجي شعبان... ولك بس امك داست هالگلب اني ماحبيت ولاعشكت غيرها
بس جان عندي صاحبي زمان الله يرحمه
+
قبل جنه كلنه مانعرف الا الفلح والبساتين مانعرف غيرها وهاي نرعى الحلال
+
يوميه هاي وي صيحة الديج نكعد بحيث امي شنو ب7 الصبح جدرها مستوي واذا بالصيف قبل السبعه مستوي جدرها نطلع من وكت
+
جميله... عمو جنتو عالنار تطبخون مو؟
+
حجي شعبان... اي يابويه على النار عدنه موگد هذا مخصص نطبخ نسوي جاي مثل الطباخ بس حانو الي حالتهم زينه شويه يستخدم جوله ويطبخ عليها
المهم جنه نطلع نسوان زلم هاي الكل لبساتينها
+
جانت البساتين قبل جبيره واسعه كلش مثل هسه واكبر بعد وخيرها هواي
جانت بستان بيت حجي نعمان بسد بستان بيت الاطرش جانو قبل يسموهم بيت الاطرش
+
احمد ابن حجي نعمان حب بنت الاطرش مات عليها
+
بسعاد... شلون شافها وحبها
+
حجي شعبان... جان صاعد على النخله جانت اكو نخله هيج قريبه على بستان الاطرش وهو صاعد على النخله وشافها تحصد بالبستان ويمها خواتها الصغار يلمون وياها
بقه هو طول الوكت عينه عليها ماشال عينه منها
+
جان قبل مايصير حتى خطيبتك تشوفها تخطب منا تتزوجها منا وبيوم الزفه يله تشوفها هاهيه انت وحضك
هذا جان مايقبل يتزوج هيج كال الا احب يله اتزوج
+
صدك وحبها للبنيه وبقه ولهان عليها من مره وحده شافها مرت الايام وره فتره مو طويله هواي راد يشوفها نوب فشسوه راح لبستانهم
+
.. دك باب البستان وصاح... يهل الكاع وينهممم
+
.. ابوها اطرش مايسمع فردتله هي كول داد تفضل شرايد
+
... انه اجيت حتى اكلككم ان تاخذون حذركم يكولون اكو مرض صايب العنب وكلت انطيكم علم خاف ماتدرون لان ادري باابوج رجال فقير وماعنده احتكاك جبير بالناس
+
... مشكور رحم الله والديك
+
.. هو انتي بنته
+
.. بخجل وباوعت للكاع.. اي
+
... ماشي سلميلنه على الوالد ان شاء على الجايات نجي نشرب جاي بيتكم
+
عبد اللطيف.. شلون هيج كبل كلها يابه
+
حجي شعبان... اكله يحبها قبل جانت البنيه الي تحجي وي ولد يكتلوها اهلها هذا عار وليدي
+
عبد الرحمن... وحتى هسه شنو قابل شتغير
+
حجي شعبان... مااتغير شي عيب وقلة تربيه الي تحجي وي رجال غريب عليها وتتسامر وياه بالختله
الا يكولون بالروايات لااخر الزمان يوصل الامر عادي هالشي بنيه تحجي وي ولد يطبون يطلعون سويه تصير عادي
1
عبد المجيب... الله يبعدنه شنو من زمان هذا
+
حجي شعبان.. اي هاي اكو واحد بالگهوه يكعد يوميه ويقره يعرف يقره يعني ابوه تعبان عليه ومدرسه ورايح حتى بعثه لندن بأيام الملك غازي مادري فيصل يكمل دراسه وكلش مثقف ويفتهم
وعنده كتب مكتوبه بالانكليزيه وسبحان الله هو يعرف يقراها كلشي يعرف يقره ويحجي مرات حجي مامفهوم ابقه صافن اكله شتحجي انت
+
بسعاد.... صدك عمي اي احجيلنه شنو يحجيلكم هذا الرجال
+
حجي شعبان... يكللنه يجي زمان بسموه اخر الزمان الناس تكثر فساد ويصير هواي امور محرمه عادي
يعني الي يريد يتفاخر بالثراء يقصد النوادي الي بيها حفلات وبنات الغجر وكلها تحبه وتحترمه
ناس تكثر باأعمال الشيطان السحر يصير عدهم شي بسيط واي واحد يكدر يقصد ساحر يسويله سحر
+
الناس تصير تأمن بالفاجر الفاسد وتشكك بالمؤمن المتقي ويخاف الله
تصير تشجع على التعري والتبرج ويسموها تقدم وعصر غير
3
يكثر الموت والشباب تموت اكثر من الشياب
+
يحكمون حكام فاسدين بالدول وتستقوى دوله على دوله
+
ينتشر الفقر والمرض والطمع لدرجة يكوم الغني مينطي من امواله ويرضي ضميره بأنه هذا يدعي الفقر
+
بسعاد... يعني الشبعان ميحس بالجوعان قصدك مو هيج
+
حجي شعبان... اي.... الدنيا تتغير حيل تتغير
الرياء تلكي بكل مكان
+
تلكي بالجامع.... وبيت الله....
+
تلكي يقصد الجامع كل يوم ويصلي كل الفرائض
حتى الناس تشوفه بس هو تلكي ممكن يأذي عائلته
ممكن ماكل حق الناس ممكن يشتغل بالحرام
+
تلكي يحج بيت الله وهو مابار امه او ابوه وممكن ماتو وهم ماراضين عليه
وتلكي يحج بيت الله وهو ماكل حق اخوانه او اخواته
واخر شي الناس تصير لهوتها الشيطان يكولون الشيطان يدخل لكل بيت ولكل شخص يكون شيطان خاص بي
وهذا الشيطان هو يساعده بكلشي لدرجة انو يخلي يشوف الحرام عادي وسهل
+
عبد اللطيف... بعد كل هذا الي يصير شنو وراه يعني ممكن نموت وينتهي العالم
+
حجي شعبان.... الله لما خلق الارض خله خليفه بالارض صحيح كان خاتم الانبياء محمد ص... لكن اكو اولياء والاوصياء وهم الائمه الاثنا عشر المعصومين من ذرية ادم
3
يكون اخر الاوصياء محمد ابن الحسن ابن علي الهادي... المهدي المنتظر.... بروايات الشيعه اكو منقذ ينقذ دين محمد من الفساد من الجور والظلم
+
عبد الرحمن.... وشنو الدليل يابه على هذا كلامك؟ ان فعلا موجود وعايش....
+
حجي شعبان...
وَلَقَدْ كَتَبْنَا فِي الزَّبُورِ مِن بَعْدِ الذِّكْرِ أَنَّ الْأَرْضَ يَرِثُهَا عِبَادِيَ الصَّالِحُونَ
انا ماافسر ياأبني لكن الروايات تشير الى ان هم الي يورثوها المقصود بيها ان الامام المهدي المنتظر ناصر دين محمد ص... من بعد جده الحسين
2
مسألة ان هو عايش هواي روايات سمعناها ان هو غاب بعد وفاة ابوه والغيبه هذه لحد عصرنا هذا والله اعلم شوكت يظهر
+
ممكن يكون غايب موجود وعايش مثل الرجل الصالح الي ذكر في القرآن والي اسمه الخضر
+
عبد اللطيف.... ومنو هذا يابه
+
حجي شعبان... كنت طفل صغير وكت ماابويه الله يرحمه حجالنه عليه جنه نسمع القران بالراديو
بالجوامع مانعرف نقره
عرفنه قصص الانبياء من القران
فمره من المرات
جنه نستمع لسورة الكهف لساتني اتذكرها بوكتها حيل حبيت قصتهم اهل الكهف غريبه وعجيبه ياسبحان الله
+
جميله... منو اهل الكهف شنو قصتهم
+
حجي شعبان.... لاتطلعونه من سالفه تودونه بالثانيه هسه نسولفلكم على الخضر ومره ثانيه ذكروني بأهل الكهف احجيلكم سالفتهم
+
جانو يقرون القرآن وبوكتها جانت تحجي بالقصه الي بين النبي موسى والخضر لكن بالقران اسمه الرجل الصالح
+
موسى عليه السلام... كان يخطب بالناس في بني اسرائيل فسألو من هو اعلم أهل الارض فجاوبهم وكاللهم أن هو اعلم اهل الارض
فعاتبه الله عز وجل لانه مارجع الفضل لله
يعني ماكال اني اعرف كلشي والفضل لله
فبلغه الله عز وجل عن الاعلم منه في الارض في مجمع البحرين فسأله موسى شلون يكدر يلتقي بالرجل الصالح هذا
الله عز وجل بلغه أن يروح وياخذ وياه حوت وبمكان مايفقد. الحوت راح يلكاه للرجل الصالح
فاخذ الحوت النبي يونس وراح هو وابنه
فوصلو لمكان قريب على البحر كعدو يم صخره فغلبهم النعاس ونامو واثناء مانامو جانت الصخره بيها ماي يسموه ماي الحياة لما صار على الحوت ماي رجعت الروح للحوت ورجع للحياة مره ثانيه فنهزم
الحوت للبحر لما كعدو من نومهم نسو الحوت ومشو وبعدها جاعو لما قال موسى لابنه يوشع ان يطلع غداهم علمود ياكلون فكله يوشع نسيت الاكل يم الصخره فهنا عرف النبي موسى ان هناك راح يلتقي بالرجل الصالح
لما التقى بالرجل الصالح وطلب ان يعلمه مما اعطاه رب العالمين من حكمه گاله انت متكدر تصبر وياي لكن النبي موسى أصر على ان يروح مع الرجل الصالح فانطلقو سويه
لما شاف الرجل الصالح سفينه ثقبها تفاجىء النبي موسى وسأله ليش تخرقها (تثقبها) جاوبه الرجل الصالح وكاله انت مراح تكدر تصبر وياي فتذكر النبي موسى وسكت ومشو سويا شاف طفل فقتله تعجب النبي موسى كاله انت شلون تقتل نفس مالها ذنب بشي فكاله الرجل اني كتلك انت متكدر تصبر وياي فتذكر النبي الوعد الي قطعه وسكت للمره الثانيه وكاله ان سألتك على شي بعدها لاتصاحبني ومشو فمرو على قريه وطلب من اهل القريه ان يضيفوهم لكن مااستقبلوهم فلكه جدار اوشك على ان يسقط فأعاد بناءه فكاله النبي موسى جان اخذت عليه اجر اهل هالقريه ماقبلو يضيفونه وانت تبني حايط بقريتهم
فكاله الرجل الصالح هذا فراق بيني وبينك بس راح أفسرلك كل عمل اني سويته
3
السفينه الي ثقبتها جانت لناس فقراء بالمدينه وحاكم هذه المدينه ياخذ السفن غصب والفقراء مايكدرون لن يسدون قوتهم فلما ثقبتها الحاكم حيشوفها معيوبه مايخذها فالفقراء يصلحوها ويستعملوها
+
والطفل الي قتلته هذا راح يعذب اهله ويخليهم يوصلون لمرحلة الكفر فإرادة الله عز وجل ان بعطيهم طفل احسن منه
+
واما الجدار الي اعدت بناءه فكان تحت الجدار كنز لطفلين يتيمين وكان ابوهم رجل صالح فأراد الله عز وجل ان يكبرون هالطفلين ويلكون كنزهم وياخذون حقهم
+
تعجب موسى عليه السلام وعرف ان الحكمه والمعرفه كلها من فضل الله الرجل الصالح ماكان بعرف اي شي من الي سواه لو ماكان بتبليغ إلهي
اتاه الحكمه والموعضه فالانسان لما يكون بلغ مرحله من الحكمه والثراء واحترام الناس والنجاح وو....الخ
لازم يعرف إن هذا بفضل رب العالمين
+
بسعاد.... كانت ليله جميله مرت علينه بلمتنه وحجايات عمي الحجي الي كان محتضن اولاد اولاده يمهم وهو يحجيلهم حجاياته
عمي الحجي تغير هواي بعد وفاة عبد الرحيم صار هواي يلتهي بالاطفال وعلى طول يلمهم ويحجيلهم حجايات ولما يحب يطلع يروح للگهوه
يمكن كان يتهرب من الواقع او يتناسى بأحتكاكه بالناس
+
مرت الايام ونعيمه مامن وراها خبر وعبد الودود قافل ومايريد يرجعها عمي الحجي راح بنفسه لبيت نعيمه وراد يرجعها لكن نعيمه شرطت الا هو يجي
+
نعيمه.... تريدني ارجع ومو هو الي يجي ياخذني اني هذا قدري عدكم عميييييي
+
حجي شعبان... بنيتي تجفي الشررر رجلج تره ناويها على الموزينه وانتي بنيه مستوره وبنت عائله ليش تخلين الناس تجيبج بالحجي
+
نعيمه.... والله خل اشوف منو الي يحجي عليه ويجيبني بالطاري لااعرف شسوي شنو تايهه اني انت الضاهر خرفيت وصرت متعرف تحجي
+
حجي شعبان.... اني خرفيت رحم الله والديج عم
جر نفس بقهره ورجع للبيت وكان مبين عليه الحزن والقهر ولما سألناه
شبيك عمي
+
حجي شعبان... عبد الودود وين؟
+
بسعاد... طلع عمي
+
حجي شعبان... من يجي كلبله عمي رايدك
+
فات للغرفه متكأ على العصا مالته كان مبين عليه مقهور كلش
مر الوقت واجه عبد الودود وبلغته بلي كاله الي عمي
راح لغرفته ولحكتهم جميله تتسمع وره الباب
+
بسعاد... ولج جميله تعالي شعليج انتي
+
جميله.... شششش سكتي خليني اسمع
+
بسعاد... ولج تعالي لايسمعوج
+
جميله... نترت... سكتي عاد
+
بقت واكفه لدقايق وراها اجت تركض همست ولزمتني من زندي
تعالي..... تعالي..... بسعاد عندي خبر الج
+
بسعاد... ولج شكو
+
جميله... سمعت عمي يحجيله لعبد الودود عن نعيمه
رايح لبيتهم وهي متجاوزه عليه كدام اهلها
+
بسعاد... تحجين صدك شنو هالوقاحه هاي
+
نعيمه.... وعبد الودود كاله الا لااتزوج عليها ومن باجر تشوفلي مره
+
بسعاد... وشكاله عمي
+
نعيمه... كاله لا ابني انت عندك كوم جهال وميصير هالحجي
بس عبد الودود قافل
+
بهذه الاثناء ماشفنه الا طلع عبد الودود واجه وكف يمنه وتكلم....
+
عبد الودود... خويه بسعاد اني اريدج تشوفيلي مره من عين باجر
+
بسعاد... لا والله اني مااكدر اعتذر منك
+
عبد الودود... وانتي جميله
+
جميله.... ا ا ني شعليه عفيه اني مو كد دعوات نعيمه مرتك
+
عبد الودود... هز براسه بقهر وتكلم... ماشي اني اعرف منو يخطبلي دار وجه وطلع
+
جان عندي احساس ان طلعت نعيمه من بيتها مراح تعدي على خير والي قلقني اكثر خوف عمي الحجي عليهم وكلامه عنها
مرت الايام واجه عبد الودود فرحان
عبد الودود.... بشاره يابه بشاره
+
حجي شعبان... يالله بشارة ايش
+
عبد الودود... وكف بملىء الصدر بفخر وهو يعدل باليلك ويتكلم.... باركلي.... ابن السبع خطب
+
حجي شعبان.... كام وكف على حيله... شنو خطبت
+
عبد الودود... اي خطبت
+
حجي شعبان.... شلون هيج تسوي ومنو هاي الي خطبتها
+
عبد الودود... بنت باسم الخياط
+
حجي شعبان.... كتلك مرتك ملبوسه ولهل السبب هي هيج شلون تروح تصخم براسك وتتزوج
+
عبد الودود... جنيش هذا يابه كفيلك الله حتى الجني يخاف من نعيمه تحجي صدك يابه
+
حجي شعبان... روح جيب مريتك عبد الودود وتعوذ من الشيطان
+
عبد الودود... الخميس الجاي زفتنه يابه عود وراها ارجعها لنعيمه
+
عافنه وراح لغرفته وعم الحجي كعد ويستغفر الله ومتحسف
+
بهل الاثناء اجت جميله وفرحانه وتصيح على الجهال
+
تعالو تعالووووو تعالووووو
+
شايله صينيه كيكه حطتها بالكاع والتمو الجهال يمها رفعتها بفخر كالت عمي شوف شلون كيكه سويت اول مره اسويها وتطلع طيبه شوفوووو
+
بسعاد... تعجبت اول مره تنجح عدنه الكيكه سألتها مندهشه
+
شلون سويتيها
+
جميله... سكتي وخليها متت تعبت الا صارت
الله يوفقها لرمانه علمتني عليها امها عدها كتاب يعلم على الاكل شنو من كتااااب يخبل يخبل
ولج بسعاد كلشي تتعلمين بي اكلات حتى مال الاجانب وجان طلعت الكيكه شلون يسووها وسويتها وشويتها بالتنور وصارت
هاج ضوكيها
وقدمت قطعه لعمي شعبان بفرح كالت ضوكها عمي شوفها شلون سويت كيكه
+
باوعلها وااتبسم وتكلم... عاشت ايدج بنتي
جانت زهيه هيج تحب هالسوالف
+
بسعاد... الله يرحمها ياعمي
+
مرت الايام وخلال هذه الايام عبد الودود يحضر بالغرفه ويرتب للعرس لحد مااجه يوم العرس....
+
نتخذ القرارات الخطيره في الوقت الذي نكون نحن فيه غير اعتياديين
1
كنت معكم انا رغد الموالي في امان الله ♥
+
