رواية بنات الملا الفصل الخامس 5 بقلم رغد الموالي
••بنات الملا•••
رغد الموالي....
+
بسعاد... صافنه وايدي على خدي اباوع للجهال كلها تلعب وفرحانه الا دره تحاول تنهض بروحها هي وكاعده حتى توصل لمستواهم وتلعب مثلهم
لكن ماتكدر صحيح جانت تضحك وياهم طفله بعدها وماتعرف الي داتمر بي شنو او يمكن جانت تواسيها حبو الجهال الي بعمرها جهال عبد الودود وعبد اللطيف
حسره اجرها واتحسف وروحي تحترك حرك بس شيفيد حبيبتي دره يروح امج ادريج هسه تتمنين تكدرين تمشين على رجليج وتلعبين وتركضين وياهم وماتكدرين اووووووف شسوي يربي
جنت اباوعلها وعيوني تصب دموع والي جان يطمني من كل هالخوف هذا عليها لهفة جواهر على دره رغم صغيره جواهر والي بعمرها متعرف شنو مسؤوليه لكن هي جانت من دون الجهال ماتروح تركض بعيد عن اختها دره تبقه يمها تلعب لو تخليها بسلة الخوص وتسحبها ودره تضحك بصوت قهقه عالي مليان براءه وعفويه وجواهر على ضحكة اختها تضحك...
الحمد لله ان رب العالمين اكرمني بهيج بنات وبزوج صالح عبد المجيب جان داىما يخفف عني بكلامه...
+
عبد المجيب... بسبوسه لاتبقين شايله همها وضايجه عليها صحيح هي بعد متكدر تمشي بس احنه نصير عكازتها
+
بسعاد... خايفه عبد المجيب خايفه من تكبر وتبقه هاي كعدتها واحنه نموت منو الها
+
عبد المجيب... كولي ياالله رب العالمين مايترك عبده حاشى لله
هذا كلامج معناها يأس واليأس من الشيطان مايصير
+
بسعاد... افهمني عبد المجيب اني خوفي عليها بنيتي هاي وكل ام هيج تخاف على بنتها
+
عبد المجيب... خلي ايمانج برب العالمين قوي وخليها على الله
+
رجعت من ذاكرتي وهمست ونعم بالله
+
اجت يمي جميله تربعت وكعدت جانت تاكل كوجه وملح
1
جميله... اويلي شلون حامضه وتخبل اكلي اكلي بسبس
+
مارديتلها...
+
ركلتني بعكس ايدها بسبس احجي وياج اكلي
+
جاوبتها بلامبالاة... مااريد اكلي انتي بالعافيه
+
جميله.. همست... شبيج بسبس باوعيلي
+
باوعتلها...
+
جميله... شبيج ضايجه... ومبين باجيه شكو شصاير
+
بسعاد... ماكو شي هيج شويت شغلات تذكرتها
+
جميله... ابقي نكدي على روحج دكلي كوجه وملح والابو حتى القهر سمعي دكلج نروح بعرس عبد الودود
+
بسعاد... عزه بعينج جميله شوجهنه من نعيمه
+
جميله... ولج هي ساعه زمان نشوف العروس
+
بسعاد... تجي ونشوفها
+
جميله... عبد الودود اخذ غرفته لعروسته الجديده وغرفة عبد الرحيم لنعيمه وجهالها
+
بسعاد... والله هذا جاب الهم وشلاع الگلب لروحه شله بهل الطلايب
+
جميله... لج عيني هي متنجرع ليل نهار الحوش كالبته جحيم وغرفتها معفنه ووسخه
+
بسعاد... لاتشيلين غيبتها حرام عليج
+
جميله... قابل دااكذب هاي حقيقه
+
بسعاد... تكدرين تكليلها بوجهها انتي وسخه ؟
+
جميله... لا شيخلصني من لسانها
+
بسعاد... لعد سكتي هذه غيبه
+
جميله... لج دخل نروح
+
بسعاد... عبد الرحيم مصار شي من طلعت سنويته وعمي مايقبل نسوي شي بالحوش هي عروس وبيت اهلها تسوي الي يعجبها احنه لا سكتي ولاتزعلين عمي الحجي
+
جميله... ياترى تتوقعين شدكول هسه نعيمه
+
بسعاد... اكيد تنقهر منو تقبل رجلها يتزوج عليها
+
جميله... عزه خاف يتعلمون رياجيلنه ويتزوجون صخام لصخمج جميله
+
بسعاد... لا فدوه لعينه ابو جواهر يموت عليه مايسويها
+
جميله... عبد اللطيف يخوف يؤوح يسويها
+
بسعاد... كولي يالله وسكتي ولاتحجين شي خل تعدي على خير
+
بيوم الخميس جانت زفة عبد الودود جان فرحان وعبالك اول مره يتزوج مبدل وكاشخ
وكاعد على اعصابه يعد اللحضات الي يمر بيها الوكت ويروح يجيب حليمه
+
اي مرته الجديده بعد اسمها حليمه
+
قبل الغروب بساعه راح بسياره هو واخوته يجيبون العروس
جانو قبل موسيقى بالزفه لكن بحكم موتة عبد الرحيم ماسوو شي وي المغرب جاب العروس وجا هوسناله شويه بالحوش واخذ عروسته وراحو لغرفتهم
+
واني وجميله حضرنه العشاء شويه وودكينه الباب ونطيناهم الصينيه
+
جانت تساؤلاتنه ياترى هسه شنو حال نعيمه عرفت لا؟!
شراح دكول لمن تدري ومنا دكوم تسمع حجي من الرايحه والجايه والنسوان يعايرونها على رجلج تزوج عليج ومن هالكلام نقهرت عليها جان المفروض رجلها يعلمها ينصحها واذا بيها عله على كولة عمي شعبان يداويها مو كبل يتزوج...
+
مرت الايام وجانت حليمه تفرق كلش هواي عن نعيمه حبابه وتشتغل عكس نعيمه بكلشي
+
عمي الحجي حجه وي عبد الودود... وليدي روح رجع مريتك هاهيه بعد شتريد انت
+
عبد الودود... اي والله ياب هم داافكر شتاقيت لجهالي هم
+
حجي شعبان... هاهيه لعد روح وجيبها وتعال
+
اني وجميله وحده تباوع للثانيه نعرف حتصير مشكله من تجي
+
للمغرب جنه فارشين الحصيره وكاعدين بالحوش ماشفنه الا عبد الودود فتح الباب وكال يالله يله فوتي
فاتت نعيمه وبيدها بقچة الملابس وياها جهالها خمستهم فاتت وسلمت على الكل لما وصلت لحليمه سألت منو هذه؟
+
عبد الودود... هذه مرتي الثانيه حليمه
+
باوعتله بوسعة عينها وهمست... شنوووو
+
عبد الودود... مثل مسمعتي هذه مرتي وحالها حالج هنا
+
نعيمه... عله صوتها وصاحت... شنوووو عيني شنووووو كل عقلك انت تخبلت عبد الودود
+
عبد الودود... رد عليها بكف وراد يضربها مره ثانيه دخلت بينهم واستوقفته عليك الله لا عليك الله عوفها وهو عله صوته يصيح ولج عليه تصيحين وتغلطييييين اليوم انعل اهلج والي يطلع وراج
تهجم عليها دايضربها واني صرت بنصهم احاجز كامت تصرخ نعيمه وعبد الودود يغلط عليها ويصيح بهل الاثناء سمعت صيحة عبد المجيب من الباب الحوش
+
عبد المجيب... ولك عبد الودووووود
+
باوعله عبد الودود وتركنه وتكلم وياه.... لك هاي طايحة الحظ الي تكلولي لاتطلكها ولاتتزوج عليها هااااااااااي
+
نعيمه.... تقبلها تقبلها يتزوج عليه
وصاحت... وانتو قبلتوووووووو كلكمممممم
+
عبد المجيب... رد بهدوء... على كيفج يابه رجال ماغلط زوج والله حلل 4
+
نعيمه.... مجان انت تزوجت على بسعاد ام البنات اشو تخلفلك بنات وانت ميت عليها وهاي اني 4 ولد وراح تزوججج الي ماتقبله عليك لاتقبله على غيرك عبد المجيب
+
عبد المجيب... انتي وياه هاي مشاكلكم رجال بزع
+
نعيمه... والله لو اني لو هي ماابقه على ذمته دقيقه
+
عبد الودود.. اني رايح لاابوج وكايله اشوف اهلج يقبلون بهل الحجي هذا
التفت على عمي شعبان وتكلم... شفت يابه ششفتتتت
+
حجي شعبان... استهدي بالرحمن وليدي وانتي نعيمه تعالي بنتي
+
نعيمه.... بصياح ماااجيييي انت لاتبقه صايرلي المؤمن هنااااا وتخوفنه بقراءتك للقران ودينك
+
صرخ بيها عبد الودود وهد عليها دايضربها استوقفه عمي الحجي بيده وتكلم لا ياعبد الودود عوفها
. باوعلها بتركيز عمي الحجي من جوه حاجبه واطال النظر هي ردت نفس النظره وجانت ملامح غضب عليها واضحه الكل متفاجىء من جراءة نعيمه
تقدم عمي الحجي وبخطوه وحده مسك راسها بيده الاثنين وصار يقرأ
+
اعيذكِ بالله من كل شيطان وجن مارد
أعيذكِ بالله الواحد
أخرج من جسدها يامن دخلت بلا اذن
ونصى صوته وصار يقرأ
وطول ماهو يقرأ هي تقاومه وتصرخ ولزمها عبد الودود
لحد ما اغمى عليها همس بتعب عمي الحجي وتكلم
+
شيلها لمريتك عبد شيلهاااااااا
وراح يمشي ويتكلم اعوذ بالله
اعوذ بالله
استغفرالله العظيم
لاحول ولا قوة الا بالله العلي العظيم
+
ماوضح اي شي ولاتكلم بأي شي قبل لايدخل للغرفه صاح لعبد المجيب وراح يمه
+
رحت لغرفة نعيمه اباوعها مدده على سريرها مغمي عليها سألت عبد الودود... شنو شبيها
+
عبد الودود... ممسوسه نعيمه
+
بسعاد... اعوذ بالله من الشيطان الرجيم
وشلون؟
+
عبد الودود.... حلها يم الله ويم ابوي
+
بسعاد.... ونعم بالله الله ينطي صحه وعافيه لعمي ويكدر يعالجها
+
مرت تقريبا ساعه طلع عبد. المجيب شايل بيده قلم
اجه عليه وتكلم
+
عبد المجيب... هذا قلم الزعفران خلي يمج من اكل عليه تنطي لاتضيعي
+
بسعاد... صار... بس اكدر اسال
+
عبد المجيب... ممسوسه بمس ابد مو صالح شيطان لعين ولازم نعالجها هسه كتبتلها كتبه وراح تشيلها منا لما ابوي يعالجها
+
بسعاد... خطيه نعيمه
+
عبد المجيب... الله كريم زين عرفنه علتها
+
نعيمه من اول مادخلت للبيت هي تتصرف بعنفوانيه لكن جانت احسن من هسه بالفتره الاخيره زادت عن حدها وصارت تتصرف بعصبيه وعلى طول منعزله تحب الضلمه والعزله والهدوء على طول اولادها بره ماتسأل عنهم ولايمهم ياكلون يشربون يلبسون هاي وي جهالنه
صلاتها من اول مااجت هي ماتصلي كان عبد الودود يخليها تصلي وياه لمن هو يصلي ويوم الي مايجي للبيت او يصلي ويطلع لشغله هي ماتصلي يعني جانت بس حتى تسكته تصلي وبالفتره الاخيره كطعت الصلاة نهاىيا
+
كعدت بعد مامر وقت قصير جانت اهدأ من ماكانت
كعدت يمها وتكلمت وياها
+
بسعاد.... شلونج نعيمه انتي زينه؟
+
نعيمه.... ليش خليتو يتزوج
+
بسعاد... نعيمه محد قبل حتى عمي حجه وياه بس هو عاند الا يتزوج
+
نعيمه... ليش هيج سوه اني شناقصني
+
بسعاد.... نعيمه انتي مره مابيج اي نقص والكمال لله وحده لكن انتي بالفتره الاخيره تصرفاتج صارت مو طبيعيه صرتي على طول نايمه وغرفتج ماتنضفيها الا ماندر والي يحجي وياج تحجين وتعصبين
نعيمه كم مره اني كعدت وحجيت وياج وكتلج انتبهي لبيتج لرجلج تره دايضوج ودايقارن واكثر من مره حجالنه وشكى وكان عمي يصبره ويطلعلج اعذار بس انتي يانعيمه ماغيرتي شي
+
نعيمه... يكوم يتزوج؟
+
بسعاد... شمنتظره مثلا؟
+
نعيمه... سكتت ودنكت اختنكت حد لمعة دمعه بعينها كالت بصوت مخنوك
اني هم يعجبني اغير بس ماادري يوميه اكول باجر يوميه اوعد نفسي وماكو تغيير
+
بسعاد... ليش شنو الي مخليج هيج
+
نعيمه... اختكت اكثر وبينت بتعابير وجهها تكلمت
بهمس وخنكه... ماادري... احس مربطه
+
بسعاد.... احجيلي نعيمه افتحيلي گلبج وسولفي شبيج ليش هيج
+
نعيمه... ماادري اني نفسي مااافهم هالشي
+
بهل الاثناء اجه عمي شعبان وتكلم بأريحيه وكعد
+
ها شلونهم البنات شلون صرتي بويه نعيمه
+
نعيمه... هزت براسها بمعنى زينه وماتكلمت
+
ثبت كعدته عمي شعبان متكأ على عصاه بيده الاثنين وتكلم باريحيه اكثر وجديه... حسألج كم. سؤال بنيتي واني ابوج لاتستحين مني جاوبي وفتحي گلبج
+
نعيمه... باوعتله من دون كلام وكمل كلامه عمي شعبان
+
بنيتي ليش مداتصلين؟
+
نعيمه... لا عمو دااصلي وال
+
حجي شعبان... قبل لاتحلفين بالله اكلج شغله
رب العالمين ميستحق نحلف بي كذب علمود اي سبب كان وله مو داترضيني تحلفين كذب تغضبين ربج
جاوبيني ليش مداتصلين
+
نعيمه... مرات انساه لوقت الصلاة ويفوتني الوقت ولمن اتذكر بوقت الصلاة واصلي اتعب لو تفكيري يصير يودي ويجيب واضوج وابطل
+
حجي شعبان.... تنسين مو مشكله يجي يوم وتتعودين يشرد بالج هم وياج ركزي بالكلام الي داتكولي بالصلاة مراح يشرد بالج
بس رغم كل الي ذكرتي انتي متعمده متصلين
مراح اكلج ليش لان اني اعرف ليش
+
تنهد وجر نفس تكلم... احجيلي عن احلامج
+
نعيمه... باارتباك.. شبيها؟!
+
حجي شعبان... احجيلي شتشوفين بالحلم؟
+
نعيمه... يعني شنو ششوف غير حالي ماحال الناس الي تحلم يعني شي عادي طبيعي
+
حجي شعبان... لا مو طبيعي احجيلي نعيمه لاتستحين اني هم ابوج
+
نعيمه... صفنت وكأنه تستذكر تكلمت وعلى نفس صفنتها بعيون دامعه... من اني وصغيره جنت دوم احلم ابقار تمشي وراي واني اركض خايفه منها
كان شكل الابقار مخيف لونها اسود وعيونها فاتحتها عليه بشكل مرعب
+
جنت اكعد من النوم احجيلها لاامي يمه هيج احلم يمه دااخاف تكلي يمه اقري سورة الحمدو ونامي
تكررت الاحلام وتعودت على هاي الاحلام
بيوم جنت طالعه من الحمام وفززتني اختي جانت تمزح وياي لكن خفت كلش بوكتها
+
بليلتها حلمت شخص اجاني كان يتوودد الي بالكلام
بعدها كأنو اني زوجته صرت
+
كعدت من النوم مستغربه من هالحلم
استحيت احجيلها هالحلم لاامي بقيت على هالحال لسنين بين الفتره والثانيه احلم وكل مره شخص شكل وصلت مرحله اشوفهم اشخاص اعرفهم
جنت اكره نفسي من هاي الاحلام واستحي احجي ومااعرف شنو ليش هيج احلم
+
تزوجت واني على هذا الحال اني هسه اشوفه حقيقه!
+
حجي شعبان... شتشوفين حقيقه
+
نعيمه... هو الي جان يجيني بالحلم كلشي يكلي حتى زواج عبد الودود اعرف بي ولما كلت لااهلي اهلي كذبوني لحد ماتأكد اخويه مناف بنفسه وطلع كلامي صح
+
حجي شعبان... لمن انتي جنتي من قبل هيج شلون تزوجتي لعد؟ الي مثل حالتج متكدر تتزوج ترفض الزواج
+
نعيمه... اني رفضت وجنت ارفض اي واحد يخطبني بس اهلي ضغطو عليه وقبلت اتزوج بعدين جانت هي بس احلام وخفيفه مو مثل هسه
+
حجي شعبان.... وان كان الي عدها جن عاشق ماتقبل تتزوج يخليها ترفض اي شخص عبد الودود شلون ماتأذه
عقد حاجبه بااستغراب همس... شنو الموضوع
+
تنهد وجر نفس همس ارتاحي بنتي ارتاحي
وكام متكأ على عصاه وطلع
+
جانت ملامح وجهه توضح الحيره الي احتارها
+
ثار استغرابي معقوله هالشي موجود وفعلا يبلغها ويكللها بكلشي قبل جنت اسمع بس مااصدك
+
استغفرت ربي ورحت لبناتي جانت دره جوعانه كعدت اوكلها
والحسبات تتوالى براسي كل يوم تزيد شغله عليه
+
ترجع بيه الذكريات لسنين وره ايام ماكنت عند. اهلي
+
جانت عدنه مطاحنة الحنطه هالمطحانه مانستخدمها الا ماندر وبيوم الي نستخدمها هذاك اليوم مستحيل يعدي اذا مايصير شي ابسط شي مشكله جبيره بالبيت لسبب تافه
ابد جنه مامنتبهين لهذا الشي ولا بالحسبان
لكن اخوي كم مره كال انو دايشوف شغلات تخوفه بالبيت ابوي ماصدكه وامي صدكته وبقت وره كلامه لحد ما بيوم صرخ وهو بغرفته وطلع يركض
+
ام بسعاد... شبيك وليدي ليش صرخت شصاير
+
سعد... يوم.... يوم.... مريه يوم مريه بالغرفه
+
ام بسعاد... يامره وليدي منو جاي عدنه
فاتت للغرفه وباوعت مالكت احد باوعتله وكالت
+
هي هاي الي كل مره تخوفك نفسها؟
+
سعد... بخوف وذعر.... اي يمه اي
+
طبطبت على كتفه وضمته من دواعي لااطمئنان لسعد اخوي الصغير
ثاني يوم اخذته امي وراحت لمره تكشف وتسوي حجابات وحجتلها بلي دايصير بالبيت
فالمره تكلمت وكالت.... عدكم حاجه بالبيت قديمه كلش وهالحاجه كلما تستخدموها تصيرلكم مشاكل
+
ام بسعاد... بتلكأ... وشنو هاي الحاجه؟ وليش؟
+
...هالحاجه مسكونه مو زينه بالبيت عليها العلامات الماسونيه مخفيه طلعوها بره بيتكم
+
امي بين الي صدكت وبين الي كذبت شنو غرض قديم ممكن ينسكن؟
+
معقوله المره خانها التعبير وماعرفت شلون تعبر عن هالكلام؟
+
رجعت امي للبيت ودورت بالبيت ولكت اقدم شي عدنه هو مطحانة الحنطه باوعتلها كالت ماكو اقدم منها عدنه هي ارث ومن وحده لوحده صارت
+
بس شلون اتأكد ان هي نفسها الي تقصدها المره
+
اخذت مطحانة الحنطه رغم جانت ثكيله وماتنشال الا اخذتها وشوفتها الها وبمجرد ما دخلت لبيت المره
المره من الباب طلعت علينه تركض
+
... بذعر ... يمه.... يمه حموت شجايبين وياكم طلعووووه
طلعوووووووه بره البيت
+
أم بسعاد... هاي مطحانه واقدم شي عدنه باوعتلها ورجعت لوره بخوف كالت اي هي طلعوها ارموها بمي جاري لاتخلوها بأي مكان تدوسه رجل بشر
+
اخذتها امي وذبتها بالنهر ومن هذاك اليوم لحد ماتوفى ابويه وكل مايسألها ابويه عن المطحانه تكله مبيوكه وماكو
+
لكن من يومها فرق ببتنه كلش هواي وقلت مشاكله
+
رجعت بذاكرتي لنعيمه واتعوذت بالله وهمست معقوله هيج تسوي مشاكل هالامور؟
+
ممكن تدمر حياة بشر؟
+
فززني صوت عبد المجيب وهو يتكلم
+
عبدالمجيب...تعالي بويه ماتشوفيلي يشماغ مالتي
+
بسعاد... اي اي صار
+
كمت ونفضت ثوبي ورحت اشوفله اليشماغ
طول مااني ادوره تدور بالي فضول حول هذا الموضوع....
+
مرت الايام وجان كل مره يسويلها جلسات علاجيه عمي شعبان كل مااسألهم مايحبون يدخلوني بهذه التفاصيل كانو يكتفون هو او عبد المجيب ب ان شاء الله تصير زينه
+
الايام تحولت بعدها لشهور ونعيمه كلش زينه صارت من ناحية سلوكها دخلت بشهري التاسع وحانت وقت ولادتي بصعوبه مفرطه ولدت بنتي ياقوت جانت مثل خواتها حلوه كلش بس بوقتها نقهرت تمنيت اجيبله الولد ويفرح بي بس هي زرق من الله عز وجل صرت ام لااربع بنات
بالعاده كانو الاجداد يضوجون والاب يضوج خصوصا بهذيج السنين لكن عمي شعبان وعبد المجيب غير وكانو يحمدون الله عز وجل ان رزقهم
+
حجي شعبان... وشبيها خلفة البنات الحمد لله على كل حال لا بالبنيه ولا بالولد
بالتربيه الصالحه ياابني عبد
انت اذا ربيتهم تربيه صالحه راح تدخل الجنه من وراهم
+
عبد المجيب... الحمد لله رب رب العالمين
+
مرت الايام البيت صار عباره عن اولاد وهوستهم وعركاتهم جانت نعيمه تدخل روحها بمشاكل الاطفال وترد عليها جميله
+
جميله... كافي عاد كل مره تلزمين جهالي وتضربيهم واسكتلج احترمي نفسج عاد
+
نعيمه... شنووووو عينيييييي شنووووو مسمعتتتت
وله اكلج سمعت وكمت اخاف
+
جميله... نعيمه ضبي لسانج احسن الج
+
نعيمه... وان ماضبيته... شوفي لج احترمي نفسج وربي جهالج احسن مااخليج بالي اطيح حظج
+
جميله... تحجين بزودج لو بزود الجني مالتج هههيههي
+
نعيمه... ياحقيره يلماتستحين يجي عبد الودود واني اخلي يعرف شلون يتصرف وياج
+
جميله... والله والج عين تتحزمين برجلج اشو شمرج وراح تزوج راد يكسر خشمج ويخليج تبطليها لهذا الاستهتار تاليها زودتيها نوب
+
نعيمه... مو اني اليينكسر خشمي انتي الي لازم ينكسرخشمج وينكص لسانج وهجمت عليها جرتها من شعرها ونزلت عليها ضرب وهذيج تصرخ وتحاول تفك ايدها من شعرها
دخل عبد اللطيف للبيت شافهم يتعاركون اجه يركض حتى يفاككهم
+
عبد اللطيف... ها ها ها هاي شكو يمعودات
+
وثنينهم يصرخون ويصيحون حاول يفتهم منهم ثنينهم يحجون وصياحات لحد ماصرخ بصوت قوي سكتو ثنينهم وافتهم منهم
+
نعيمه.. جهالك كل مره لازمين جهالي ويضربون بيهم
اول ماحجيت وياهم مرتك ماخلت ياامج ياابوج وسب وغلط تقبلها؟
+
جميله... ياكذابه... التفتت لعبد الودود وتكلمت تكذب والله هي كل مره تحجي عليهم وتضربهم واسكت ومااكلك ماريد تصير مشاكل بس هي الضاهر مداتستحييييي
+
نعيمه... انتي الي ماتستحين مو اني
+
صرخ بيهم عبد اللطيف.... كاااافيييييييي
استحو شويه اصواتكم للشارع فضحتونه كااافييييي
+
باوع ل ميله ونتر بيها اخذي جهالج وفوتي لغرفتج
+
اخذت جهالها وفاتت لغرفتها وباوعلها لنعيمه بتحلف تكلم... وانتي يجي رجلج ويصير خير
+
للمغرب بقه عبد اللطيف بالطرمه ينتظر جيت عبد الودود واجه عبد الودود وحجاله بلي صار
+
عبد الودود... اي زين سوت لعد شنو جهالك يبقون يضربون جهالي ويسكتولهم
+
عبد اللطيف... هاي بدال ماتحجي وي مرتك وتكللها لاتحطين روحج بسوالف الجهال
+
عبد الودود... وليش احجي وياهاااا هاااا زين سوت حتى يتربون جهالك
+
عبد اللطيف... تقرب عليه وخله وجهه بوجه اخوه وصاح لاتخبلني عبد الودود لاتخبلنيييي جهاااااال هذوله جهااااااال
+
دفعه عبد الودود وتكلم ويتربون الجهال الي مامتربييييين
+
رد عليه بنفس الحركه عبد اللطيف وتقرب لوجهه بعصبيه تكلم لا اني جهالي متربين روح حاسب جهالك الي ماربتهم مرتك وماعرفتهم اصلاااااا
+
عبد الودود... بصياح... سد حلكك وللللك توه يضربه وصرخ بيهم عبد الرحمن وراه حجي شعبان
+
وتقدم عمي الحجي بيده الي ترجف وهو متكأ على عصاه وتكلم
تاليتهم ولدي يتعاركون واحد واكف بوجه الثاني
علمود شنو هااااي عركاتكمممم
+
عبد الودود... يحجي الاخ ومحروك دمه لان مرتي ضربت جهاله الي ضاربين جهالي
+
حجي شعبان... سوالف جهال شدخل الكبار بيهاااااا
+
عبد اللطيف... كله يابه كله
+
حجي شعبان... وانت شلون هيج تحجي وي اخوك الأكبر منك هاااااا؟
+
عبد الودود... شاف مشاكلي هالايام وي مرتي كال خل اصير على جهاله هم
+
رغم تعب عمي شعبان وتقدمه بالعمر هو الي خلاه يتعب ويتكأ على عكازته لكن لما شاف ابنه يتهم اخوه باطل هنا نهض كل قوته ورد على عبد الودود بكف خلت كل الاصوات تهدأ والكل باوع واتفاجأ من الي صار
رد عليه عمي شعبان وتكلم... ياحسافة التربيه الي ربيتك اياها تالي تحجي هيج بحق اخوك كدام خلفتك لك ماتستحي
+
باوعله عبد الودود وعيونه حمرت من القهر وعلامات الغضب بينت على وجهه رد عليه بقهر... تضربني يابه تضربنييييييي
+
حجي شعبان... لسانك بعد ماينطق بالغلط على اخوك حيوان اخوه انتوووووو اخووووه
+
عبد الودود...ولمن اخوه جان قدر هالشي جان كال هذا اخووووي وهذول جهاله
+
حجي شعبان... كافييي وحلكك متفتحه بعد وتنطق بكلمه
ضرب على الكاع بعصاته وراح متكأ عليها ويحاول يمشي بسرعته البطيئه متوجه للغرفه بقو الولد واحد يباوع للثاني واحد يريد ياكل الثاني بنضراته
مشت الايام والولد بيناتهم مايتحاجون وحجي شعبان اعتزلهم كلهم اكله وحد شربه وحد وعلى طول يابغرفته يابلكهوه
+
البيت يوم عن يوم يكبر وكل مايكبر بأهله تكبر وياه المشاكل بعد زواج عبد الودود وضرة نعيمه كبال عينها ليل نهار بنفس البيت ولد حروب مو بس مشاكل
+
حليمه جانت دوم تحاول تكايد نعيمه بلبسها بذهبها
ونعيمه تحرك بدمها حرك
+
جانت نعيمه تكضيها مشاكل وي زوجها حتى بعد ما تزوج عليها
نعيمه.... انت تكطع اللكمه من حلك جهالك داتلبس الخانم مالتك ذهب تكعد تخرخش بيها كدامنه
ياويلك من الله ياضالم
+
عبد الودود... اااااااش سدي حلكج منين تجيبين هالحجي هذا مالتج
+
نعيمه.... بصوووت عالي.... بعد وبعد شيخ ودود وبعد كل هذا علمود البيكه مالتك رحت وتزوجتها عليييييييه هاي بدتل ما تفتحلنه بيت اني وجهالك نستقر بي ونرتاح من مشاكل ولد اخوتك وسم نسوانهمممممم
+
عبد الودود... والله ما ام المشاكل والسماويه غيرج كافي عاد كافي واستحي جهالج بطولج صاروووو
+
نعيمه... متكللها لنفسك يالشيييييييخ ماتكللها لروحكككككك
+
عبد الودود... ضرب على رجله وتأفف كال وهو ينظر لباب.. استغفر الله هاي شلون تريدني ابتلي بيهااااااااا
اكووووووم اطلع احسن اليييييي
+
صرنه لمن نشوفها بهذه مشاكلها وتحجي علينه نبتعد ومانتدخل ابد الايام تمر وعبد الودود نشوفه يرتاح بم زوجته الثانيه اكثر من الاولى وحقه نعيمه ليل نهار ماتطفي الله يساعد لسانها وطاقتها
+
بيوم اجه عبد اللطيف وهو حالته حاله باجي ودشداشته مشكوكه من الطول للطول يتوجه بالحايط محني الضهر كوه ساند روحه اجينه بخرعه كلنه نركض
+
... شببك شنو هذا حالك شصايرررر
+
.. همس كوه يحجي صوته رايح من الصراخ اخوتي وين؟
+
... م م م م مندري..... شكوووو.... احجي عبد اللطيف شصايرررر لاتخبلني الله عليييييييك
+
... يتكلم يحاول يرفع صوته ويرجع يخفضه همس
ش ش ش شهاب
+
ورجع يبجي جانت كسرة گلبه وخاطره مبينه عليه واضحه من نبرة صوته وملامحه
+
جميله.... شبي شهاااااب
+
عبد اللطيف... شهاب نكتل .(قتل).!!
1
الدم قد سال والفتنة ابتدأت فماذا ينتظر الملا واولاده؟
كنت معكم انا رغد الموالي في امان الله ♥
+
